Ngb-pt-0421-vol-05-text
Front[edit]
Body[edit]
རྒྱ་གར་སྐད་དུ། བཛྲ་ས་ཏྭ་མ་ཧྭ་ཨ་ཀ་ཤ་པུ་སྒྱི་ན་མ། ཡོ་གི་ནི་ཏནྟྲ། བོད་སྐད་དུ། རྡོ་རྗེ་སེམས་དཔའ་ནམ་མཁའ་ཆེ་རྒྱས་པ་ཞེས་བྱ་བ་རྣལ་འབྱོར་པའི་རྒྱུད། བཅོམ་ལྡན་འདས་དཔལ་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་བཤད་པའི་དུས་ནི། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད། སྐུ་གསུང་ཐུགས་ཀྱི་རང་བཞིན། བདེ་བའི་མཆོག །བཙུན་མོ་དམ་པ་བདེ་བ་མཆོག་གི་པདྨ་ལ་དམ་པར་བཞུགས་སོ། །དེའི་བྱིན་གྱི་རླབས་ལས་བྱུང་བའི་ལོངས་སྤྱོད་པར་མཛད་པའི་ལོངས་སྤྱོད་ཆེན་པོ། བཙུན་མོ་དམ་པའི་པརློ་གཞལ་ཡས་ཁང་བརྩེགས་པ། དབྱིབས་དང་ཚད་དཔག་ཏུ་མེད་པ་ན། །རྡོ་རྗེ་རྣམ་པར་སྣང་མཛད་དང་། རྡོ་རྗེ་མི་བསྐྱོད་པ་དང་། རྡོ་རྗེ་དཀོན་མཆོག་དཔལ་དང་། རྡོ་རྗེ་ཚེ་མཐའ་ཡས་པ་དང་། །རྡོ་རྗེ་གྲུབ་པ་གདོན་མི་ཟ་བ་དང་། བཙུན་མོ་དམ་པ་ཡངས་པའི་སྤྱན་དང་། །མི་བསྐྱོད་མ་དང་།རིན་ཆེན་མ་དང་། ཚེ་དཔག་མེད་པ་དང་། གྲུབ་པ་གདོན་མི་ཟ་བ་དང་། གཞན་ཡང་བྱང་ཆུབ་སེམས་དཔའ་སའི་སྙིང་པོ་དང་། ཕྱག་ན་རྡོ་རྗེ་དང་། ནམ་མཁའི་སྙིང་པོ་དང་། འཇིག་རྟེན་དབང་ཕྱུག་དང་། བྱམས་པ་དང་། འཇམ་པའི་དབྱངས་དང་། སྒྲིབ་པ་རྣམ་པར་སེལ་བ་དང་། ཀུན་ཏུ་བཟང་པོ་དང་། བཙུན་མོ་དམ་པ་སྒེག་མོ་དང་།ཕྲེང་བ་མ་དང་། དབྱངས་མ་དང་། །གར་བྱེད་མ་དང་། བདུག་སྤོས་མ་དང་། མེ་ཏོག་མ་དང་།མར་མེ་མ་དང་། དྲི་ཆབ་མ་དང་། དམ་པའི་སྒོ་སྲུང་གཤིན་རྗེ་གཤེད་པོ་དང་། རྣམ་པར་རྒྱལ་བ་དང་། པདྨ་མཐར་བྱེད་དང་། བདུད་རྩི་ཐབ་སྦྱོར་དང་། བཙུན་མོ་དམ་པ་གཤིན་རྗེ་གཤེད་མོ་དང་། རྣམ་པར་རྒྱལ་མ་དང་། པདྨ་མཐར་བྱེད་མ་དང་། བདུད་རྩི་ཐབ་སྦྱོར་མ་དང་། དེ་དག་ལ་སོགས་པ་འཁོར་རྣམས་དང་གཉིས་སུ་མེད་པར་བཞུགས་སོ། །དེ་ཡང་དཔེར་ན་ཏིལ་འབྲུ་བཞིན་དུ་གང་ནས་ཁྱབ་པར་བཞུགས་པ་སྟེ། དེ་དག་གི་འོད་ཀྱིས་འཇིག་རྟེན་གྱི་ཁམས་སྣང་བར་བྱས། གང་བར་བྱས། ཁྱབ་པར་བྱས་ནས་ལྷན་ནེ་ལྷང་ངེ་བ་ཇི་ལྟ་བ་བཞིན་དུ་གནས་པར་གྱུར་ཏོ། །དེ་ནས་ལོངས་སྤྱོད་པར་མཛད་པའི་ལོངས་སྤྱོད་ཆེན་པོའི་བྱིན་གྱི་རླབས་ལས། ཐུབ་པ་ཆེན་པོ་རྣམས་སྟོང་གསུམ་གྱི་སྟོང་ཆེན་པོ་རྣམས་སུ་བྱུང་བར་གྱུར་ཏེ། དེ་དག་གི་མཐུས་འཇིག་རྟེན་གྱི་ཁམས་ཐམས་ཅད་གཡོས། རབ་ཏུ་གཡོས། ཀུན་ཏུ་གཡོས་སོ། ཤེག་ཤིག །རབ་ཏུ་ཤིག་ཤིག །ཀུན་ཏུ་ཤིག་ཤིག་གོ །ཆེམ་ཆེམ། རབ་ཏུ་ཆེམ་ཆེམ། འུར་འུར་རབ་ཏུ་འུར་འུར། ཀུན་ཏུ་འུར་འུར་རོ། །དེ་ནས་མཐའ་དང་དབུས་མཉམ་པར་གྱུར་ནས། སེམས་ཅན་རྣམས་འདུལ་བར་མཛད་དོ། །དེ་ཡང་སྨོན་ལམ་གྱི་དབང་གིས་སྐུ་སྣ་ཚོགས་པ་དང་། གསུང་སྣ་ཚོགས་པ་དང་། ཐུགས་སྣ་ཚོགས་པས་འདུལ་བར་མཛད་དེ། སྐུས་འདུལ་བ་ལ་མིའི་ཆ་བྱད་དུ་བྱུང་ནས། བལྟམས་པ་དང་། རབ་ཏུ་བྱུང་བ་དང་། དཀའ་ཐུབ་མཛད་པ་དང་། ཆོས་ཀྱི་འཁོར་ལོ་བསྐོར་བ་ལ་སོགས་པ་དང་། གཞན་ཡང་སེང་གེའི་ཆ་བྱད་དང་། གླང་པོ་ཆེའི་ཆ་བྱད་ལ་སོགས་པས་འདུལ་བར་མཛད་དོ། །གསུང་གིས་འདུལ་བ་ནི། ལྷ་ལ་ལྷའི་སྐད་དང་། ཀླུ་ལ་ཀླུའི་སྐད་དུ་འདུལ་བར་མཛད་དོ། །ཐུགས་ཀྱིས་འདུལ་བ་ནི། ཏིང་ངེ་འཛིན་གྱི་འོད་ཟེར་དང་། རྫུ་འབྲུལ་གྱི་ཆོ་གས་འདུལ་བར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་བ་རྒྱས་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ལོངས་སྤྱོད་པར་མཛད་པའི་ལོངས་སྤྱོད་ཆེན་པོ་དེ། རྒྱལ་པོ་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་གྱི་ནང་དུ་ཞལ་འཛུམ་པ་མཛད་དེ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་མགྲིན་གཅིག་ཏུ་འདི་སྐད་གསོལ་ཏོ། །ཨེ་མ་ཧོ་སངས་རྒྱས་ཐམས་ཅད་ཀྱི། སྐུ་གསུང་ཐུགས་ཀྱི་བདག་པོ་མཆོག །ཐབས་མཁས་ཐུགས་རྗེས་གཟུང་སླད་དུ། །སྐུ་ཡི་དབྱིག་ཏུ་བདག་སྦྱོར་ཅིག །དེ་ནས་བཅོམ་ལྡན་འདསདེབཞིནགཤེགསཔཐམས་ཅད་ཀྱི་བདག་པོ་དེ། ཀུན་ཏུ་བཟང་པོའི་གཟུགས་སུ་བྱུང་ནས། ཞལ་གསུམ་ཕྱག་དྲུག་པརདེབཞིནགཤེགསཔཐམས་ཅད་ཀྱིས་གཟིགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཀུན་ཏུ་བཟང་པོ་ལ། དེ་བཞིན་གཤེགས་པ་རྣམ་པར་སྣང་མཛད་ལ་སོགས་པས་ཕྱི་ནང་གསང་བའི་མཆོད་པས་ཡང་དག་པར་མཆོད་དེ། ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། བདག་ཅག་རྣམས་གསང་བའི་དཀྱིལ་འཁོར་དུ་དབང་བསྐུར་བར་མཛད་དེ། མཚན་མ་མེད་པའི་ཆོས་ཀྱི་འཁོར་ལོ་བསྐོར་དུ་གསོལ་ཞེས་བརྗོད་པས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཡོངས་སུ་མཉེས་པས་ཁྱབ་པར་གྱུར་ཏེ། དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །ཨེ་མ་ཧོ་རྒྱུད་འདི་རྟོགས་དཀའ་བས། །དེ་དག་ཐམས་ཅད་ཞུ་འདོད་པ། །ལེགས་སོ་ལེགས་སོ་བྱང་ཆུབ་ཆེ། །ལེགས་སོ་ལེགས་སོ་གུས་པས་ཉོན། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རབ་ཏུ་དགའ་བའི་སྤྱན་རྒྱས་པས་ཡང་ནས་ཡང་དུ་ཕྱག་འཚལ་ནས་འདི་སྐད་ཅེས་གསོལ་ཏོ། །ཨེ་མ་ཧོ། སངས་རྒྱས་ཀྱི་སངས་རྒྱས། །ཨེ་མ་ཧོ། །སངས་རྒྱས་གསུངས་པ་ལེགས། །ཨེ་མ་ཧོ། །བྱང་ཆུབ་ཆེན་པོའི་མཆོག །བཅོམ་ལྡན་འདས་ཀྱིས་བཤད་དུ་གསོལ། །ཨེ་མ་ཧོ་སེམས་ཅན་ཐམས་ཅད་ནི། །བྱང་ཆུབ་ཏུ་ནི་སྒྲུབ་པའི་ཐབས། ཁྲེན་ཏུ་སྦྱོར་བའི་ཏིང་འཛིན་མཆོག །གཟུབོཆེནཔོསབཤདདུ་གསོལ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །སེམས་ཅན་བྱང་ཆུབ་བསྒྲུབ་པའི་ཐབས། །ཡང་དག་ཤིན་ཏུ་རྣལ་འབྱོར་འདི། །མྱུར་དུ་བླ་མེད་འདོད་པའི་ཕྱིར། །ཉོན་ཅིག་ང་ཡིས་བཤད་པར་བྱ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། ཟིལ་གྱིས་གནོད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།འཁོར་རྣམས་གསང་བའི་དཀྱིལ་འཁོར་དུ་བཅུག་ནས། དབང་བསྐུར་བར་མཛད་དོ། །དེ་ནས་གདོད་ཆོས་འཆད་དོ། །ཀུན་གྱི་རང་བཞིན་དེ་བཞིན་ཉིད། །ཀུན་གྱིས་བསྒྲུབ་པར་བྱ་བ་དེ། །ཐབས་སུ་ཡེ་ཤེས་བསྐྱེད་པ་ལས། །ཕྱོགས་སུ་བལྟས་པས་མཐོང་བ་མེད། །དེ་བཞིན་ཉིད་ཀྱི་རང་བཞིན་ནི། །སུས་ཀྱང་མཐོང་བར་མི་ནུས་ཏེ། །སངས་རྒྱས་ཀྱིས་ཀྱང་མི་གཟིགས་པས། །རང་བྱུང་ཡེ་ཤེས་གནས་མེད་སྣང་། །དེ་ཉིད་ཕྱིར་ན་རང་བཞིན་མེད། །མེད་པས་མེད་པའི་འབྲས་བུ་འབྱུང་། །ཡོད་དང་མེད་པ་གཉིས་མེད་པས། །རྟོག་མེད་དབུ་མ་ཞེས་བྱའོ། །རང་བཞིན་དེ་ཉིད་ཁོ་ན་ལ། །བརྗོད་པའི་རང་བཞིན་ཅི་ཡང་མེད། །དབང་པོའི་ཡུལ་དུ་གང་གྱུར་པ། །དེ་དག་ཚད་མ་མ་ཡིན་ནོ། །ཆོས་རྣམས་ཀུན་གྱི་ཆོས་ཉིད་ནི། །སྐྱེ་བ་མེད་ཅིང་འགག་པ་མེད། །རྟག་དང་ཆད་པའང་ཡོད་མིན་ཏེ། །ཐ་དད་མཡིནདོནགཅིགམིན། །འོང་བ་མེད་ཅིང་འགྲོ་མེད་པ། །སྤྲོས་པ་ཉེ་བར་ཞི་བའོ། །དམ་པའི་དོན་ལ་དངོས་མེད་དེ། །མིག་དང་རྣ་བ་སྣ་དང་ལྕེ། །ལུས་དང་ཡིད་ལ་སོགས་པ་ཡི། །དབང་པོ་རྣམས་ཀྱིས་མཐོང་མིན་ཏེ། །མཐོང་བ་བློ་ཡིས་བསླད་པ་ཡིན། །ཡང་དག་མ་རྟོགས་འཁོར་བ་དང་། །མྱ་ངན་འདས་ལ་རློམ་སེམས་བྱེད། །ཡང་དག་རྟོགས་ན་འཁོར་བ་དང་། །མྱ་ངན་འདས་ལ་རློམ་སེམས་མེད། །དེ་བཞིན་ཉིད་ལ་གནས་བཅས་ན། །གཡོ་དང་མི་གཡོ་རྣམ་པར་དག །གཟུང་དང་འཛིན་པ་རྣམ་དག་ནས། །ཕྲ་རྒྱས་འགག་ཅིང་སྐྱེ་བ་མེད། །བརྗོད་མེད་རྣམ་པར་མི་རྟོག་པ། །ཡི་གེ་མེད་པའི་གསུང་མཆོག་སྟེ། །སྒྲ་ཡིག་རྣམ་པར་སྤངས་ནས་ནི། །སེམས་ཀྱི་རྒྱུ་བའང་བཀག་པའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། གླེང་བསླང་པའི་ལེའུ་སྟེ་གཉིས་པའོ།། །།རང་བཞིན་གནས་པའི་ངོ་བོ་ལས། ཁྱད་པར་འགའ་ཡང་ཡོད་པ་མིན། །དེ་བཞིན་ཉིད་ནི་ཆགས་མེད་དེ། །མ་སྐྱེས་མི་གནས་མི་དམིགས་ཤིང་། །མི་རྟོག་བདེ་དང་ལྡན་པའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། ཆོས་ཉིད་མི་འགྱུར་བ་བསྟན་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་ལྡན་འདསདེབཞིན གཤེགསཔཐམས་ཅད་ཀྱི་བདག་པོ་དགྱེས་པ་ཆེན་པོས། ཉིད་ཀྱི་ཆེ་བ་དབྱུང་བར་བཞེང་ནས། སྐུ་དང་ཡེ་ཤེས་ཀྱི་བདག་ཉིད་འདི་ལྟ་བུ་གསུངས་སོ། །ཀུན་ལ་ཁྱབ་པའི་རང་བཞིན་ནི། །སངས་རྒྱས་ཀྱིས་ཀྱང་མ་གཟིགས་ཏེ། །མངོན་སུམ་མི་གནས་ཀུན་ཏུ་ཁྱབ། །ཀུན་ཏུ་འོད་དོ་འདུས་མ་བྱས། །རྟག་པ་དེ་ཉིད་རྡོ་རྗེའི་སྐུ། །ཀྭ་ཡ་དག་པའི་རྒྱལ་མཆོག་སྟེ། །ཆོས་ཉིད་སྐུ་ཞེས་བཤད་པ་ཡིན། །དེ་རྟོགས་གསལ་བར་བྱེད་པ་ནི། །རང་བྱུང་ཡེ་ཤེས་ཆེན་པོ་སྟེ། །ཀུན་གཞི་ལ་སོགས་གྱུར་པ་ནི། །ཐབས་ཀྱི་རིམ་པས་འབྱུང་བ་སྟེ། །པདྨ་སྤྱན་ཏེ་འདུས་བྱས་སོ། །མི་རྟག་མངོན་བྱང་ཆུབ་པའི་སྐུ། །པ་ཏྲ་བསགས་པའི་སྐུ་མཆོག་སྟེ། །སྟོང་པ་ཉིད་ཀྱི་ཡེ་ཤེས་པས། །སྐད་ཅིག་གཅིག་མངོན་རྫོགས་བྱང་ཆུབ། །གཉིས་སུ་མེད་མེད་པ་ཆོས་ཀྱི་སྐུའོ། །བྱིན་གྱིས་རླབས་ལས་བྱུང་བ་ཡི། །རང་བཞིན་དཀྱིལ་འཁོར་ཆེན་པོ་ན། །ཀུན་རྫོབ་དོན་དུ་སེམས་བསྐྱེད་ནས། །སྣང་བ་མི་འགོག་པ་ཡི་ཐབས། །སྔགས་དང་ཕྱག་རྒྱས་རབ་བརྟན་པས། །རྡོ་རྗེ་དབྱིངས་ཀྱི་དཀྱིལ་འཁོར་ཤར། །ལོངས་སྤྱོད་སྐུ་དེས་རྟེན་འབྲེལ་མཆོག །ཡི་གེ་འཁོར་ལོ་ཚོགས་ཆེན་ཏེ། །མཚན་དང་དཔེ་བྱད་ལྡན་པར་གནས། །རྒྱུན་གྱིས་རྟག་པ་བསོད་ནམས་སྐུ། །ཡེ་ཤེས་རྣམས་དང་ཡང་དག་ལྡན། །མགོན་པོ་བདག་ཉིད་ཆེན་པོས་ནི། །རྡོ་རྗེ་འཁོར་ལོ་བསྐོར་བ་ན། །ལྗགས་ཀྱི་དབང་པོ་བཀྲམ་ནས་ནི། །ཆོས་ཀྱི་འཁོར་ལོ་སྐོར་བར་བྱེད། །རིག་པའི་སྐྱེས་བུ་ཆེན་པོ་ལས། །སྨོན་ལམ་ལས་ནི་རྟེན་འབྲེལ་བས། །འཇིག་རྟེན་ཁམས་ནི་ཐམས་ཅད་འཁོར་ཐམས་ཅད་ཡང་མི་སྣང་བར་གྱུར་ཏེ། དེ་ནས་ཡང་གསུང་གི་དཀྱིལ་འཁོར་འདི་དག་གསུངས་སོ། །བརྗོད་དུ་མེད་པའི་བདག་ཉིད་ལས། །འདུལ་བའི་དབང་གི་ཇི་སྙེད་པ། །རྟོག་འདུལ་སྒྲ་སྐད་དེ་སྙེད་འཕྲོ། །ཐེག་གཅིག་ཐིག་གཉིས་ཐེག་དང་གསུམ། །ཐེག་པ་ལྔ་དང་བསམ་མི་ཁྱབ། །ཐེག་པ་མཐའ་དག་ངས་བསྟན་ཏེ། །དབུས་མཐའ་རྣམ་པར་བཀག་པའོ། །གསུང་གཅིག་དཀྱིལ་འཁོར་ཡང་དག་ནི། །བསམ་གྱིས་མི་ཁྱབ་ཀུན་ཏུ་འཕྲོ། །ཐམས་ཅད་གསུང་གི་དཀྱིལ་འཁོར་མཆོག །བརྒྱད་ཁྲི་བཞི་སྟོང་མཐའ་ཡས་པ། །གསང་བའི་དབྱིངས་སུ་ཐིམ་མཛད་དོ། །ཞེས་བརྗོད་པས། གསུང་གི་དཀྱིལ་འཁོར་དེ་དག་ཐམས་ཅད། ཆོས་ཀྱི་དབྱིངས་སུ་ཐིམ་ནས་མི་གསལ་བར་གྱུར་ཏོ། །དེ་ནས་ཐུགས་ཀྱི་དཀྱིལ་འཁོར་ཆེན་པོ་འདི་གསུངས་སོ། །དེ་བཞིན་ཉིད་ཀྱི་ཕྱག་རྒྱ་ལས། །ཕྱག་རྒྱ་ཆེན་པོ་རྣམ་འཕྲོས་ཏེ། །དེ་བཞིན་རིགས་དང་རྡོ་རྗེའི་རིགས། །རིན་ཆེན་རིགས་ལ་སོགས་པ་ཡི། །ཕྱག་རྒྱ་ཆེན་པོ་འོད་དུ་འབར། །ཨུ་དུམ་བཱ་རའི་མེ་ཏོག་བཞིན། །བརྒྱ་ལམ་ན་ནི་རེ་འགའ་འོ། །སྒྱུ་མའི་དཀྱིལ་འཁོར་ཐམས་ཅད་ཀྱང་། །རང་སྣང་བ་ཡི་རིག་པ་སྟེ། །གཞན་ན་ཡོད་པ་མ་ཡིན་ནོ། །ཞེས་བརྗོད་པས། ཐུགས་ཀྱི་དཀྱིལ་འཁོར་ཐམས་ཅད་མི་དམིགས་པར་གྱུར་ཏོ། །དེབཞིནགཤེགསཔཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པ་ཞེས་བྱ་བའི་རྒྱུད་ལས།སྐུ་དང་། གསུང་དང་། ཐུགས་ཀྱི་དཀྱིལ་འཁོར་མི་རྟོག་པར་བསྟན་པའི་ལེའུ་སྟེ་ལྔ་པའོ།། །།དེ་ནས་དེ་བཞིན་གཤེགས་པ་ཐམས་ཅད་བཙུན་མོའི་ཚོགས་དང་བཅས་པས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་ལན་གསུམ་དུ་བསྐོར་བ་བྱས་ཏེ། ཕྱག་བཙལ་ནས། འདུན་པས་མགྲིན་གཅིག་ཏུ། འདི་སྐད་ཅེས་གསོལ་ཏོ། །སྐུ་གསུང་ཐུགས་ཀྱི་བདག་པོ་མཆོག །མ་འོངས་རྣམས་ཀྱི་དོན་སླད་དུ། །ཐབས་ཀྱི་མཆོག་ཏུ་གང་གྱུར་པ། །གཟུ་བོ་ཆེན་པོས་བཤད་དུ་གསོལ། །དེ་ནས་བཅོམ་ལྡན་འདས་དགྱེས་པ་ཆེན་པོས་ཞལ་འཛུམ་པ་མཛད་དེ། ཤིན་ཏུ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ལ་གསང་བ་དམ་པ་འདི་ལྟ་བུ་གསུངས་སོ། །གང་ཞིག་བསྒྲུབ་པར་འདོད་པ་ནི། །ཐོས་བསམ་བསྒོམ་ལ་རབ་གནས་ཤིང་། ཁྲེས་རབ་ཅན་དུ་གང་གྱུར་པ། །སྙིང་རྗེའི་མཐུ་ལས་བྱུང་བ་ལ། །བྱང་ཆུབ་སེམས་དང་ཡང་དག་ལྡན། །གཏོང་དང་ཚུལ་ཁྲིམས་ལ་སོགས་པ། །སྤྱོད་པ་རྒྱ་མཚོའི་གཞིར་གྱུར་ཏེ། །དབང་སྐུར་ཆོ་ག་ཕུན་སུམ་ལྡན། །རྣལ་འབྱོར་རྒྱུད་ནི་ཐམས་ཅད་ལས། །ཐབས་ཀྱི་རིམ་པར་གང་གྱུར་པ། །རིན་ཆེན་རིགས་སུ་གང་ལྡན་པས། །བླ་མའི་ཁ་ནས་རྟོགས་པར་བྱ། །ཡང་དག་བསྒྲུབ་པར་འདོད་པ་ལ། །ཇི་སྐད་གསུངས་པའི་ཡོན་ཏན་ལྡན། །མང་དུ་ཐོས་ཤིང་ཤེས་རབ་ལྡན། །འཁོར་གྱི་འཇིགས་བྲལ་སྐྱོ་བ་མེད། །སེང་གེ་ཐུགས་རྗེ་རབ་ལྡན་པས། །དམ་པའི་དོན་ཉིད་མ་ནོར་བསླབ། །དེ་བཞིན་གཤེགས་པ་ཐམས་ཅད་ཀྱི། །ཐེག་པའི་མཆོག་སྟེ་བླ་ན་མེད། །མཆོག་ཏུ་གྱུར་པ་བསྒྲུབ་པར་བྱ། །ཡང་དག་མཐོང་བས་རྟོགས་འགྱུར་ན། །རང་བཞིན་མེད་པར་ཅིར་ཡང་སྣང་། །རང་བཞིན་མེད་པའི་དོན་དེ་ནི། །བླུན་པོ་རྟོག་གེའི་སྤྱོད་ཡུལ་མིན། །རང་བཞིན་རང་བཞིན་མ་མཐོང་ན། །སྒྲིབ་པ་ཀུན་ལས་ངེས་གྲོལ་ཏེ། །ཏིང་ངེ་འཛིན་གྱི་བདེ་བ་ལས། །རང་བྱུང་ཀུན་ངམ་ལྷུན་གྱིས་གྲུབ། །དངོས་པོའི་དབང་གིས་འདི་ཞེས་ནི། །རྡོ་རྗེ་སེམས་པས་མ་གསུངས་ཏེ། །སེམས་ཅན་བསམ་པའི་དབང་གིས་ན། །གསང་བ་རྣམ་པ་དུ་མ་གསུངས། །གསང་བ་དབྱིངས་ཀྱི་དབུས་དག་ཏུ། །ཉི་ཟླ་པདྨར་བཅས་པའི་གདན། བསྐྱེད་དང་རྫོགས་པ་གང་ལྡན་པས། །དཀྱིལ་འཁོར་ཐམས་ཅད་བསྒོམ་པར་བྱ། །མཚོན་ཆ་རྣམས་ཀྱིས་དྲངས་ནས་ནི། །ས་ཆུང་འཁྲིལ་བའི་བདེ་བར་གནས། །རིམ་པ་རིམ་པ་མ་ཡིན་པའི། །རིན་ཆེན་སྟེང་དང་འོག་གི་སྒོ། །རབ་ཏུ་བརྟན་པའི་ཨ་དཀར་ཏེ། །ཏིལ་འབྲུ་ཙམ་དུ་བསྒོམ་པར་བྱ། །ཡང་དུ་ཉུང་དཀར་ཚད་དུ་སྟེ། །མཁས་པས་ཆོ་ག་ཇི་བཞིན་བསྒོམ། །ཡང་དག་ཉིད་དེ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །ཡང་དག་མ་མཐོང་འཇིག་རྟེན་སེམས། །མི་ཤེས་བླུན་པས་བྱིས་པ་འདྲ། །བྱིས་པ་རྣམས་ལ་བརྗོད་པར་བཤད། །རྣལ་འབྱོར་པ་ལ་གདམས་ངག་གོ ཁྲེས་རབ་ཐབས་ལ་བརྟེན་ནས་ནི། །དཀྱིལ་འཁོར་ཐམས་ཅད་འགྲུབ་པ་ཡིན། །གསང་བ་དག་ལ་འཇུག་པ་ན། །འདོད་པའི་དགའ་བ་མ་ཡིན་ཏེ། །ཏིང་ངེ་འཛིན་ལས་སྐྱེས་པ་ཡི། །དགའ་བ་དང་ནི་བླང་བར་བྱ། །འདི་ནི་དགའ་བ་ཆེན་པོ་སྟེ། །ཡང་དག་བདེ་བ་ཆེན་པོ་ཡིན། །ཆེ་བའི་ཡེ་ཤེས་རྙེད་དཀའ་བ། ཁྲེས་རབ་ཐབས་ལ་བརྟེན་ལས་འགྲུབ། ཁེས་རབ་ཐབས་ཀྱི་ཕྱག་རྒྱ་ལས། །བདེ་བའི་རོལ་མོ་རྣམ་འཕྲོ་བས། །འོད་ཟེར་ལྕགས་ཀྱུས་དྲངས་པ་རྣམས། །རིམ་པ་རིམ་པ་མ་ཡིན་པས། །སྙིང་གི་པདྨར་ཡང་དག་གཞུག །ཡང་དག་མུ༷་ནི་དྲི་མེད་དཀར། །ཙ་ན་ཀ་ཡི་འབྲུ་ཙམ་ལ། །འོད་ཟེར་སྤྲོ་བསྡུའི་སྦྱོར་བ་ཡིས། །དབང་པོ་ལ་སོགས་གཡོ་བ་ཀུན། །དྲི་མེད་ཉིད་དུ་ངེས་སྦྱར་ན། །ཐུགས་ཀྱི་ཡེ་ཤེས་ལྔ་བལྟ་ཞིང་། །ཡང་དག་དྲི་མ་མེད་མཐོང་ན། །དེ་བཞིན་ཉིད་པས་དེ་བཞིན་གཤེགས། །དེ་བཞིན་གཤེགས་པ་ཐམས་ཅད་ལ། །དྲི་མེད་འདི་ལས་གཞན་མི་མངའ། །འདས་དང་ད་ལྟར་བྱུང་བ་ཀུན། །འདི་ཡིས་ལྷུན་གྱིས་གྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི། །སྔགས་ཀྱི་སྙིང་པོ་ཀུན་བསྡུས་པ། །ཨོ་ཧཱུཾ༷་གྲྭ་ཨ༷་ཧྭ་སྟེ། །གནས་ལྔ་དག་ཏུ་རྣམ་བཀོད་ནས། །འོད་ཟེར་ལྕགས་ཀྱུས་དྲངས་ནས་སུ། །ཡེ་ཤེས་རྣམས་ཀྱིས་གཟུགས་སུ་བསྒྱུར། །དཀྱིལ་འཁོར་ལ་ནི་དཀྱིལ་འཁོར་ཐིམ། །ཐམས་ཅད་རྫོགས་པའི་དཀྱིལ་འཁོར་ལ། །ཏིང་ངེ་འཛིན་གྱི་མཆོད་པ་འབུལ། །མཉེས་ནས་གྲུབ་པའི་ཚུལ་འཆང་བ། །ཡོན་ཏན་མི་ཟད་གཏེར་གྱུར་ཏེ། །ཚེ་རིང་བདེ་བ་ཕུན་སུམ་ཚོགས། །ལོངས་སྤྱོད་འབྱུང་ཞིང་ངན་སོང་སྦྱོང་། །དེ་བཞིན་གཤེགས་པ་ཐམས་ཅད་ཀྱི། །སྐུ་དང་ཡེ་ཤེས་ཐོབ་པར་འགྱུར། ཁྲེས་རབ་གསུམ་ལ་སྦྱངས་པ་ཡིས། །ཡེ་ཤེས་མྱུ་གུ་སྐྱེད་པར་བྱེད། །ས་ཐོབ་འཇིགས་པ་ལྔ་དང་བྲལ། །འཁོར་བ་ལས་ནི་མྱ་ངན་འདས། །སྒྲིབ་པ་མཐའ་དག་གཅོད་བྱེད་པ། །དྲི་མ་མེད་པའི་ཡེ་ཤེས་ཀྱིས། །ད་ལྟ་ཉིད་དུ་སངས་རྒྱས་འགྱུར། །ཡེ་ནས་གནས་པའི་དེ་བཞིན་ནི། །རྒྱལ་བས་མཛད་པ་མ་ཡིན་ལ། །འགྲོ་བས་བྱས་པ་མ་ཡིན་ཏེ། །ཡེ་ནས་སངས་རྒྱས་ཆེན་པོའོ། །དེ་བཞིན་ཉིད་དེ་འདུས་མ་བྱས། །རང་བྱུང་ཡིན་ཏེ་ཀུན་ངོ་བོ། །མེད་པ་མ་ཡིན་མེད་པ་ཡོད། །ཡོད་པ་མིན་ཏེ་དངོས་ཡོད་མིན། །བྱ་མེད་བྱ་དང་རྣམ་པར་བྲལ། །ལྷུན་གྲུབ་བདེ་བའི་ངང་དུ་གནས། །དེ་བཞིན་པ་ཞེས་མི་རྟོག་ཀྱང་། །གཞག་ཏུ་མེད་པའི་ངང་ལ་བཞག །དེ་ཡང་རྣལ་འབྱོར་རྒྱུད་རྣམས་དང་། །བླ་མའི་ཁ་ནས་ཤེས་པར་བྱ། །བླ་མ་སངས་རྒྱས་ཀུན་དང་མཉམ། །དམ་པ་འདི་ཉིད་གང་བསྒྲུབ་པས། །བླ་མ་མཉེས་ན་གྲུབ་པའི་མཆོག །ཐོག་མར་བླ་མ་མཉེས་བྱས་ཏེ། །དབང་བསྐུར་བ་ཡང་ཐོབ་བྱས་ཏེ། །སྐུ་གསུང་ཐུགས་ཀྱི་གསང་བ་རྣམས། །ལྡན་པར་བྱས་ཏེ་སྔགས་བསྒྲུབ་པའོ། ཁེན་ཏུ་དབེན་མེད་དབུས་སུ་བལྟ། ཁེན་ཏུ་ཕྲ་བའི་དམ་ཚིག་སྟེ། །མི་གསལ་གསལ་བའི་བདག་ཉིད་ཅན། །དཀྱིལ་འཁོར་ཀུན་གྱི་བདག་ཉིད་ཡིན། །ཡོན་ཏན་ཀུན་གྱི་གཏེར་འགྱུར་ཏེ། །མཆོག་ཏུ་གྱུར་པ་འགྲུབ་པར་བྱེད། །གསང་བ་དབྱིངས་ཀྱི་དབུས་དག་ཏུ། །བསྐྱེད་པའམ་རྫོགས་པར་གང་འདོད་པས། །རང་གི་དཀྱིལ་འཁོར་རྣམ་བསྒོམས་ཏེ། །ཐུགས་ཀའི་གསུང་གི་ཕྱག་རྒྱ་ལས། །རྡོ་རྗེ་ཁྲོ་བ་མང་འཕྲོས་ཏེ། །ཡེ་ཤེས་འཁོར་ལོ་རབ་བསྐུལ་ནས། །མཆོད་རྟེན་རྩེ་མོར་གསུང་དུ་གྱུར། །རྡོ་རྗེའི་ལམ་བྱུང་ཡུམ་གྱི་མཁར། །ཆོས་སྐུ་བྱང་ཆུབ་སེམས་སུ་གནས། །དེ་ཉིད་བཟུང་བས་བཟུང་བ་ནི། །རིན་ཆེན་འཛིན་པ་ཞེས་བྱའོ། །གཟུང་བ་རྡོ་རྗེ་འཛིན་པ་སྟེ། །དེ་ལ་རྟོག་དང་དཔྱོད་པ་དང་། །དགའ་དང་དེ་བཞིན་བདེ་བ་དང་། །རྩེ་གཅིག་པ་ནི་རྣམ་ལྡན་པའོ། །རིན་ཆེན་རྒྱུན་གྱི་ཤེས་པ་ནི། །མི་རྟོག་པ་ཡི་ཤེས་རབ་སྟེ། །མོས་ལས་བྱུང་བའི་མི་དམིགས་པའོ། ཁྲེས་རབ་དབང་དང་རྣམ་ལྡན་པས། ཁྲེས་རབ་གྱུར་པ་ཡེ་ཤེས་སོ། །དོན་དམ་མཐོང་བར་འདོད་པ་ནི། །འདི་མ་མཐོང་བར་དེ་མི་མཐོང་། །འདི་ཡིས་ཡེ་ཤེས་བསྐྱེད་པ་སྟེ། །དེ་ཡིས་དོན་དམ་རྣམ་པར་མཐོང་། །དེ་ནས་བཅོམ་ལྡན་འདསདེབཞིནགཤེགསཔཐམས་ཅད་ཀྱི་བདག་པོསདེབཞིནགཤེགསཔཐམས་ཅད་ལ་ཡང་ཐབས་ཟབ་མོ་འདི་ལྟ་བུ་གསུངས་སོ། །ནམ་མཁའི་དབྱིངས་ནས་འབྱུང་བ་ཡི། །རིན་ཆེན་ཁ་དོག་སྣ་ལྔ་པ། །ཡུངས་ཀར་ཕྲ་མོའི་འབྲུ་ཙམ་སྟེ། །ཕྱི་ནང་གསུམ་གྱི་སྣ་རྩེར་ནི། །རྣལ་འབྱོར་ཅན་གྱིས་རྟག་ཏུ་བསྒོམ། །རང་སྣང་བ་ཡི་ཏིང་འཛིན་ཏེ། །གཟུགས་བརྙན་སྒྱུ་མ་སྒྲ་བརྙན་དང་། །སྨིག་རྒྱུ་ལ་སོགས་རྣམ་པ་ཅན། །སྣང་དང་མི་སྣང་དབྱེར་མེད་དེ། །ཡོད་དང་མེད་པའང་དབྱེར་མེད་པའོ། །སྣང་དུ་འདྲ་ཡང་ཐ་དད་དོ། །དོན་དང་རྟགས་ལ་སོགས་པ་རྣམས། །སྣང་བ་ཐ་དད་གཉིས་སུ་སྣང་། །ཡང་དག་ཡང་དག་མ་ཡིན་པས། །བསམ་པའི་དབང་གིས་དེར་འགྱུར་ཏོ། །དེ་ནི་དེ་བཞིན་གཤེགས་པ་ཡི། །བརྡའ་ཞེས་རྣམ་པར་བསྟན་པ་ཡིན། །གང་ཞིག་རྩེ་གཅིག་མ་གྱུར་པས། །མཐའ་རུ་མ་སྐྱེས་ཏིང་འཛིན་བསྒོམ། །དངོས་པོ་འདི་རྣམས་མ་སྐྱེས་པས། །ཆོས་དང་ཆོས་ཉིད་མེད་པ་སྟེ། །ནམ་མཁའ་ལྟ་བུར་བདག་མེད་པས། །ཡེ་ནས་སྟོང་པའི་རང་བཞིན་ནོ། །སྟོང་པའི་རང་བཞིན་མཚན་མ་མེད། །དེ་བས་སྨོན་པ་དེས་བྲལ་ལོ། །རྣམ་པར་ཐར་པ་གསུམ་དང་ལྡན། །ཆགས་མེད་བཞི་ཡི་ལམ་གནས་འཇུག །སྟོང་པ་ཉིད་དུ་རྣམ་རིག་ནས། །རང་བྱུང་ཡེ་ཤེས་ངང་གིས་འཆར། །འབྲས་བུ་ཀུན་ཏུ་འོད་ས་ཐོབ། །ཡོན་ཏན་ནམ་མཁའི་མཐའ་དང་མཉམ། །ཆེ་བས་ཆེ་བའི་ཟབ་མོ་ལ། །ཡོན་ཏན་ཅིར་ཡང་བསྔག་པ་མེད། །ཡོནཏནཆེནཔོའིབསམགཏན་ནི། །བསམ་གཏན་ཉིད་པས་བསམ་དུ་མེད། །མ་བསམས་མ་སྦྱངས་ཆོས་ཉིད་ལས། །རང་དོན་ཆེན་པོ་ནམ་མཁའ་འབྱུང་། །ཀུན་ཏུ་འོད་ཀྱི་ས་ཐོབ་ནས། །ཞིང་ཁམས་བརྒྱ་དང་བྲལ་བ་ཡི། །དཀྱིལ་འཁོར་ཐམས་ཅད་འབར་བར་སྣང་། །དཀྱིལ་འཁོར་དེ་དག་ཐམས་ཅད་ཀྱང་། །རེག་ཅིང་གཟུང་དུ་མེད་པ་ལ། །འཇའ་ཚོན་ལྟ་བུར་ཀུན་ཏུ་སྣང་། །སྣ་ཚོགས་ཡོན་ཏན་བརྗོད་མི་ལང་། །མི་ཟད་རྒྱན་གྱི་འཁོར་ལོ་ཡིན། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། ཐིག་ལེའི་རྣལ་འབྱོར་བསྟན་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་ཤིན་ཏུ་རྣལ་འབྱོར་འདི་ལྟ་བུ་གསུངས་སོ། །ཡེ་ཤེས་རྣམ་པར་གྲོལ་བའི་ལམ། །ལྷུན་གྱིས་གནས་པའི་བདེ་ཆེན་ཏེ། །དགེ་དང་སྡིག་ལས་རྣམ་པར་གྲོལ། །སངས་རྒྱས་བྱང་ཆུབ་སྙིང་པོ་འདི། །ལྷག་མ་མེད་པས་ཡོངས་སུ་རྫོགས། །འགྱུར་བ་མི་ཡིན་དྲང་པོར་གནས། །དཔག་ཅིང་མཚོན་དུ་མེད་པའི་ཕྱིར། །བྱང་ཆུབ་ཉིད་ལ་བྱང་ཆུབ་མེད། །གང་ལ་བསོད་ནམས་སྡིག་མེད་ན། །དེ་ལ་བྱང་ཆུབ་རབ་ཏུ་གསུངས། །ཨེ་མ་ཧོ་ཤིན་ཏུ་ངོ་མཚར་ཆེ། །གཟུགས་མེད་གཟུགས་སྐུ་འབྱུང་བ་རྨད། །འདི་མ་མཐོང་བར་གཞན་མི་མཐོང་། །སྙིང་པོ་འདི་ལ་མ་ལུས་རྫོགས། །དེ་ཕྱིར་རྫོགས་ཆེན་ཞེས་བྱ་སྟེ། །རང་བྱུང་ཡེ་ཤེས་བཙལ་མེད་པས། །གྲོལ་ནས་གྲོལ་པའི་ལམ་ཡང་སྟོན། །ཉོན་མོངས་པ་འདི་བྱང་ཆུབ་ལམ། །ཅིར་ཡང་མི་དམིགས་གཏི་མུག་སྟེ། །མ་རིག་པ་ཉིད་ཡེ་ཤེས་གསལ། །རིག་པའི་ཡེ་ཤེས་གང་ལྡན་པས། །ཡི་གེ་མེད་པའི་དོན་ལ་བལྟ། །སྣང་མེད་དོན་ལ་དཔག་མི་ལང་། །སྣང་མེད་སྙིང་པོ་མཆོག་གི་སྐུ། །འབྲས་བུ་ཀུན་གྱི་ལམ་གྱུར་པ། །སྟོན་པ་རྡོ་རྗེ་ཀུན་གྱི་ཐུགས། །མཚོན་དུ་མེད་པས་རྒྱལ་བའི་ལམ། །བྱར་མེད་སྒྲོས་སྤངས་ཐིག་ལེ་ལ། །མི་རྟོག་བཏང་སྙོམས་གཞག་པར་གཞག །སྣང་བ་མེད་པའི་ཆོས་ཉིད་ལ། །མ་བཙལ་བཞག་ན་བསྒོམ་པ་ཡིན། །གཞན་ལ་བསྟན་དུ་མེད་པའི་ཕྱིར། །རང་རིག་རང་བྱུང་རང་ཞིར་བཞག །མི་ཆགས་མི་རྟོག་མི་གནས་པས། །ཏིང་འཛིན་རོ་ལ་ཆགས་མི་བྱ། །དངོས་མེད་མིང་ཡང་མེད་པས་ན། །ཡི་གེས་བསྟན་ཅིག་མཚོན་དུ་མེད། །སྟོང་ཉིད་བསྒོམ་མེད་ཞི་གནས་ལ། །འདུ་ཤེས་མེད་པས་མཉམ་གཞག་པ། །ཞི་གནས་ལྷག་མཐོང་འབྲེལ་པའོ། །མོས་པས་སྤྱོད་པའི་ས་ལ་གནས། །མི་རྟོག་པ་ཡི་ཤེས་རབ་སྟེ། །བསླབ་པ་གསུམ་དང་རྣམ་ལྡན་པའོ། །ཟག་པ་མེད་པའི་ཕུང་པོར་ལྡན། །ཆོས་ཀྱི་དབྱིངས་ཀྱི་རང་བཞིན་ནི། །མཚོན་ཅིང་དཔག་ཏུ་དཀའ་བ་སྟེ། །གསང་བ་དམ་པ་འདི་ལྟ་བུས། །མཉམ་པར་བཞག་སྟེ་བསྒྲུབ་པར་བྱ། །རང་བཞིན་ཉིད་ནི་ནམ་མཁའ་སྟེ། །ཀུན་གྱི་རྗེས་སུ་སོང་བའོ། །དེ་ནི་རྡོ་རྗེའིསྐུམཆོགསྟེ། །སེམས་དཔའ་ཉིད་ཀྱང་ནམ་མཁའ་འོ། །ནམ་མཁའ་ནམ་མཁའ་ལས་བྱུང་བ། །ནམ་མཁའི་རྟོག་པ་སྐྱེ་མེད་ཅིང་། །ནམ་མཁའ་ལ་ནི་ནམ་མཁའ་བསྒོམ། །སྤྱི་དང་འཇིག་རྟེན་ནམ་མཁའ་དང་། །ནང་དང་ཕྱི་ཡི་ནམ་མཁའ་དང་། །ལུས་དང་ཤེས་པའི་ནམ་མཁའ་འོ། །ནམ་མཁའ་ཉིད་ལ་ནམ་མཁའ་བསྒོམ། །འབྲས་བུ་ནམ་མཁའ་ཆེན་པོ་འབྱུང་། །རྡོ་རྗེ་སེམས་དཔའ་ནམ་མཁའ་ཆེ། །ཀུན་བཟང་ཡངས་པ་ཆོས་ཀྱི་དབྱིངས། །རྣམ་དག་ལམ་ཆེན་ཀུན་སྒྲོལ་ཕྱིར། །མི་སྐྱེ་མི་འགག་ཅིར་མི་དགོངས། །དེ་བཞིན་གཤེགས་པ་ཐམས་ཅད་ལ། །དམ་པ་འདི་ལས་གཞན་མི་མངའ། །འདས་དང་ད་ལྟར་འབྱུང་བ་ཀུན། །འདི་ཉིད་མཉེས་ནས་ལྷུན་གྱིས་གྲུབ། །ཐབས་དང་རྣམ་པར་བྲལ་བ་ནི། །ནན་གྱི་མཁའ་ལ་མདུད་པ་འདོར། །ཞེས་བརྗོད་དོ། །དེ་ནས་ཡང་བཅོམ་ལྡན་འདས་དགྱེས་པ་ཆེན་པོ་དེ། མི་རྟོག་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཡང་ཐབས་ཟབ་མོ་འདི་ལྟ་བུ་གསུངས་སོ། །དངོས་པོ་མེད་པར་བསྒོམ་བྱ་བ། །དེ་བཞིན་གཤེགས་པ་ཀུན་གྱི་ཐུགས། །ངོ་བོ་སེམས་ཀྱི་རང་བཞིན་ཏེ། །དངོས་པོ་གང་ཡང་ཡོད་མ་ཡིན། །སེམས་དང་སེམས་ལས་བྱུང་བ་རྣམས། །ནམ་མཁའ་ཉིད་དེ་རང་བཞིན་མེད། །ཀུན་ལ་ཁྱབ་པས་ཀུན་དུ་འོད། །སེམས་ལ་སེམས་ཀྱིས་ཡོངས་སུ་བསྒོམ། །བལྟས་པས་མཐོང་བ་མེད་པ་ནི། །དེ་ཉིད་མཐོང་བ་ཆེན་པོ་སྟེ། ཁྲེས་བྱེད་དམ་པར་གྱུར་པའོ། །སེམས་ཉིད་རྫོགས་པའི་སངས་རྒྱས་ཏེ། །སངས་རྒྱས་གཞན་དུ་མ་ཚོལ་ཅིག །སངས་རྒྱས་གཞན་ནས་ཚོལ་བ་ནི། །མར་འདོད་ཆུ་ཉིད་བསྲུབས་པ་འདྲ། །དེ་བཞིན་གཤེགས་པ་ཐམས་ཅད་ལ། །གསང་བ་དམ་པ་འདི་མེད་པས། །གང་ཞིག་ལམ་གཞན་འཇུག་པ་དེ། །བསྐལ་པ་དག་ནི་སྟོང་དུ་ཡང་། །སྔགས་ཀྱི་འབྲས་བུ་མི་འཐོབ་བོ། །དབང་དང་དམ་ཚིག་ལྡན་པ་ལ། །ཐབས་མཁས་སྙིང་རྗེར་རབ་ལྡན་པས། །ཡིད་གཉིས་ཐེ་ཚོམ་མེད་པ་ན། །ངེས་པར་ལེགས་པའི་དགོངས་པ་འགྲུབ། །འདི་ལ་མི་བྱ་ཅི་ཡང་མེད། །མི་བཟའ་བ་ནི་ཡོངས་མེད་དེ། །སྨྲ་བར་མི་བྱ་ཅུང་ཟད་མེད། །བདུད་རྩི་ལྔ་དང་ཤ་ལྔ་དང་། །བཟའ་བཏུང་ཐམས་ཅད་རིས་མེད་བྱ། །དབང་པོ་གཡོ་བ་ནང་དུ་སྦྱར། །མཉམ་པར་བཞག་པས་བཏུལ་ནས་སུ། །ལུས་སེམས་ཁོག་སློད་གྱི་ནར་བཞག །ལུས་སེམས་ཚད་མར་གང་འཇོག་པ། །དེ་ལ་འཛིན་པའི་ཕུར་པ་དམ། །དངོས་གྲུབ་མཆོག་ཏུ་གྱུར་པའོ། །དེ་ནས་བཅོམ་ལྡན་དགྱེས་པ་ཆེན་པོའི་དེས། ཉིད་ལ་ཉིད་དུ་བརྗོད་པ་འདི་ཆེད་དུ་བརྗོད་དོ། །དངོས་པོའི་རང་བཞིན་སྐྱེ་མེད་ཅིང་། །སྟོང་པ་ཉིད་ཀྱི་རང་བཞིན་ལས། །གཞི་རྩ་མེད་དབྱིངས་སྐད་ཅིག་མ། །འཁོར་བ་ལ་སོགས་འབྲས་བུ་རྣམས། །སྐད་ཅིག་མས་ནི་བྱེད་འགྱུར་ཏེ། །རྟེན་ཅིང་འབྲེལ་བར་འབྱུང་བའོ། །སྐད་ཅིག་རྒྱུ་འབྲས་མེད་པར་དབྱིངས། །དེར་མྱོས་རྒྱུན་དེ་འཆད་མི་བྱ། །བབས་ན་དེ་བཞིན་ཉིད་མིན་གཞག །གལ་ཏེ་དེ་བཞིན་དེ་ལ་སྒྲིབ། །དེ་ཡི་སྙིང་པོ་དེ་བས་ན། །དེ་ལས་དེ་འབྱུང་ངོ་མཚར་ཆེ། །འཁོར་བ་དང་ནི་མྱ་ངན་འདས། །སྐད་ཅིག་མ་ལ་བརྟེན་འགྱུར་ཏེ། །ནུས་པ་བསྐྱེད་པ་གདོན་མི་ཟ། །རྟོག་པའི་རྒྱུ་ནི་ཇི་སྙེད་པས། །སྐད་ཅིག་མས་ནི་བྱེད་འགྱུར་ཏེ། །རྒྱུ་འབྲས་རྣམ་པར་ཞི་བ་ནི། །ངེས་སྒོམ་ཡིན་ཏེ་མཆོག་གི་ས། །སྔ་མའི་རྒྱུན་ནི་འགག་པ་ལས། །ཕྱི་མའི་སྟོབས་ནི་ཆུང་བྱེད་པ། །སྐད་ཅིག་མ་ལ་བརྟག་པར་བྱ། །འདི་ནི་རྒྱལ་བ་ཐམས་ཅད་ཀྱི། །ཐབས་ཀྱི་མཆོག་ཏུ་གསུངས་པ་དེ། །བསྒོམ་ལམ་བྱུང་བའི་ཤེས་པར་ལྡན། །རྣལ་འབྱོར་ཅན་གྱིས་རྟག་ཏུ་བསྒོམ། །དེ་དང་དེ་ཡི་ཁྱད་པར་ལས། །ནམ་མཁའི་དངོས་གྲུབ་ཆེན་པོ་འཐོབ། །སྐུ་དང་གསུང་དང་ཐུགས་ཀྱི་མཆོག །ཡོན་ཏན་མི་ཟད་ཐོབ་པར་བྱེད། །དེ་ཉིད་སངས་རྒྱས་ཀུན་དང་མཉམ། །སངས་རྒྱས་བྱང་ཆུབ་སེམས་དཔའ་ཡིས། །སྲས་དང་སྤུན་དུ་དགོངས་པ་འགྱུར། །ཞིང་ཁམས་དཀྱིལ་འཁོར་ཐམས་ཅད་ཀྱི། །ཟད་མི་ཤེས་པའི་གཏེར་དུ་འགྱུར། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། ཤིན་ཏུ་རྣལ་འབྱོར་གྱི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དགྱེས་པ་ཆེན་པོདེ། སེང་གེ་རྣམ་པར་བསྤྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཤིན་ཏུ་རྣལ་འབྱོར་གྱི་ཐབས་འདི་གསུངས་སོ། །དངོས་པོ་མེད་པ་དངོས་པོར་གྲགས། །དངོས་རྣམས་ཉིད་ན་དངོས་མེད་པའོ། །ཨེ་མ་ཧོ་ཀུན་ཏུ་བཟང་པོ་ཡི། །རྡོ་རྗེ་སྐུ་དང་གསུང་དང་ཐུགས། །སྐྱེ་བ་མེད་པའི་ཚུལ་གྱིས་སུ། །སྐྱེ་བ་འདི་ནི་རབ་ཏུ་བསྒྲགས། །ཨཱོཾ༷་མ་ཧྭ་ཤཱ་རྒྱ་ཏྭ་ཙྭ་ན་བཛྲ་སུ་བྷ་ཝ་ཨུཏྣ་ཀོ྅་ཧ༷། ༷ཕུང་པོ་ཁམས་དང་སྐྱེ་མཆེད་དང་། །གང་ཞིག་གཡོ་དང་མི་གཡོ་བ། །དཀྱིལ་འཁོར་ཀུན་ཏུ་བཟང་པོའི་ཞིང་། །མི་ཟད་རྒྱན་གྱི་འཁོར་ལོ་ལྡན། །ཟད་པར་བྱ་བའི་དོན་དུ་ནི། །གསང་སྔགས་འདི་ནི་བརྗོད་པར་བྱ། །ཨཱོཾ་དྷརྨ་དྷ་ཏུ་སྭ་བྷ་ཝ་ཨུཏྣ་ཀོ྅་ཧ༷། ཁུ་བཞི་པ་ལ་སྒོ་བཞི་པ། །ལྟེ་བ་རྩིབས་སུ་བཅས་པ་ལ། །དཀྱིལ་འཁོར་འབར་བ་བསྒོམ་པར་བྱ། །རྒྱན་དུ་དཀྱིལ་འཁོར་མ་ལུ༷ས་བསྒོམ། །སྐུ་གསུང་ཐུགས་ལྡན་གཟུགས་ཀྱང་དགོད།༷ །ཡན་ལག་བཞི་དང་རབ་ལྡན་པས། །གསང་བའི་པདྨར་མེ་ཏོག་བརླན། །བྱང་ཆུབ་སེམས་ནི་འབྱུང་བའི་ཚེ། །མཁས་པས་སྔགས་ནི་ཕཊ་ཅེས་བརྗོད། །ཨཱོཾ་ཨ་ཀྭ་རོ་མུ་ཁ༷་སརྦ་དྷརྨུ་ནཱ༷་ཨུབྱ་ནུ་ཏཱསྣོ་ཏྭ་ད། ཨོ་ཨུ༷༷ཧཱུཾ་གྲྭ་ཧྭ།སྔགས་དེ་རྣམས་ནི་གསུངས་མ་ཐག །སྣང་བའི་དངོས་པོ་ཀུན་འགགས་ནས། །ཐ་མར་ཉམས་སུ་མྱོང་བར་བྱེད། །ཆོས་རྣམས་གང་ཡང་མཐོང་བར་བྱེད། །བཙལ་བ་མེད་པར་བྱང་ཆུབ་ཆེ། །དེ་ཉིད་དངོས་གྲུབ་མཆོག་གི་ས། །ཐམས་ཅད་ལྟ་བས་རྒྱས་བཏབ་ནས། །སྤྱོད་པས་ཅི་ལ་ཆགས་མེད་པའོ། །ལྟ་བ་དང་ནི་སྤྱོད་པ་དང་། །གཉིས་སུ་མེད་པར་བྱས་ཏེ་བསྒྲུབ། །ཐམས་ཅད་ཟིལ་གྱིས་གནོན་པ་ཡི། །ངོ་བོ་ཉིད་ཀྱི་རང་བཞིན་གྱིས། །ཐམས་ཅད་མ་ལུས་ཕྱག་རྒྱས་བཏབ། །ངོ་བོ་ཉིད་ཀྱི་རང་བཞིན་ལ། །དམིགས་སུ་རྡུལ་ཕྲ་མེད་པས་ན། །དེ་དམིགས་ཤེས་པའང་ཡོད་མི་རུང་། །རང་བཞིན་རང་བཞིན་མེད་པ་ལ། །རང་བཞིན་མེད་པ་ཡོངས་སུ་བསྒོམ། །རང་བཞིན་མེད་པའི་རྒྱུ་ཉིད་ལས། །འབྲས་བུ་རང་བཞིན་མེད་པ་འབྱུང་། །སྤྲོས་པ་ཉེ་བར་ཞི་བ་དེ། །གསང་བ་དམ་པ་འདི་ཡིས་བསྒྲུབ། །དེ་མ་ཐག་ཏུ་ཡེ་ཤེས་འགྱུར། །དབྱིངས་དང་ཡེ་ཤེས་གཉིས་མེད་ན། །ཆོས་སྐུ་བདེ་བ་ཆེན་པོར་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྱེས་པ་ཆེན་པོ་དེས། དམ་པའི་དོན་བསྒྲུབ་པའི་ཐབས་གསང་བ་ཆེན་པོ་འདི་གསུངས་སོ། །ཀུན་ལ་ཁྱབ་པའི་རང་བཞིན་ནི། །ཐ་དད་དུ་མ་མེད་པ་སྟེ། །ཅིར་ཡང་དམིགས་སུ་མེད་པའོ། ཁྲེས་རབ་ཐབས་ཀྱིས་ཕྱག་རྒྱ་ལྡན། །བདག་གི་དེ་ཉིད་རིམ་གྱིས་ནི། །རླུད་གི་རིམ་པ་ཡང་དག་འཇུག །སྦྱོར་བའི་ཡན་ལག་བཞི་དང་ལྡན། །མཚམས་ཀྱི་འོད་ཟེར་ལྕགས་ཀྱུ་ཡིས། །རྒྱལ་བའི་ཚོགས་དྲངས་ཀྱུ༷་དུ་གྱུར། །ཆོས་ཀྱི་དབྱིངས་སུ་ཞུ་མཛད་དོ། །ཞུ་བ་མྱོས་ནས་མི་རྟོག་བདེ། །འཁོར་བ་མྱ་ངན་འདས་པ་ཡི། །མཐའ་ནི་གང་ལ་ཡང་མི་གནས་པའོ། ཁྲེས་རབ་ཡེ་ཤེས་དབང་ཆེན་དེ། ཁྲེས་རབ་ཅེས་པར་མྱ་ངན་འདས། །ཡེ་ཤེས་ཞེས་པ་འཁོར་བར་གསུངས། །དགའ་དང་གཞན་དགའ་དཔའ་བོའི་དགའ། །དགའ་བ་འདུས་པའི་བདག་ཉིད་ཅན། །དགའ་བ་ཡང་དག་ལས་བྱུང་བའི། །མི་རྟོག་བདེ་དང་ལྡན་པའོ། །སྟོང་པ་ཤིན་ཏུ་སྟོང་པ་སྟེ། །དངོས་མེད་སྟོང་པ་ཆེན་པོ་ལ། །དངོས་དང་དངོས་མེད་གཉིས་ཀ་མེད། །ཐམས་ཅད་སྟོང་པ་ཞེས་བྱའོ། །སྟོང་པའི་རང་བཞིན་མཚན་མ་མེད། །དེ་ཡི་ཕྱིར་ན་སྟོང་པ་མིན། །མི་སྟོང་པ་ཡང་མ་ཡིན་ཏེ། །མཐའ་དབུས་གང་ཡང་མ་ཡིན་པའོ། །མཚན་ཉིད་མེད་པའི་ཕྱག་རྒྱ་དང་། ལྡན་པས་ཡོན་ཏན་སྐྱེད་པར་བྱེད། །གསང་བའི་པདྨ་ལས་བྱུང་བ། །མེ་ཏོག་ཉི་ཟླར་བཅས་པ་ལས། །དབྱིབས་དང་ཁ་དོག་ལྡན་པ་ཡི། །ཕྱག་རྒྱ་ཆེན་པོ་རྫོགས་པའོ། །ལྷུན་གྲུབ་བདེ་བའི་ངང་གནས་ན། །ཅི་ལ་ཡང་ཐོགས་པ་མེད་པར་སྤྱད། །རང་བཞིན་གྲུབ་པ་མེད་པས་ན། །ཆོས་རྣམས་གང་ཡང་གྲུབ་པར་བྱེད། །ཀུན་ཏུ་བཟང་མོའི་བྷ་ག་ལ། །ཀུན་ཏུ་བཟང་པོ་རོལ་པ་ཡིས། །སྒྱུ་མ་ལྷུན་གྲུབ་ཡུལ་ལས་རོལ། །བླུན་པོ་རྟོག་གེའི་ཤེས་པ་ནི། །ཡོད་དང་མེད་པའི་ཆོས་ལ་སྤྱོད། །དེ་ཡིས་རྣམ་པར་མི་འགྲོལ་ཏེ། །འདོད་པ་དངོས་སུ་སྤྱོད་པ་ཡིན། དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། དེ་བཞིན་ཉིད་དང་ཤིན་ཏུ་རྣལ་འབྱོར་དམ་པ་བསྟན་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདསདེབཞིན གཤེགསཔ ཐམས་ཅད་ཀྱི་བདག་པོ་དགྱེས་པ་ཆེན་པོ་དེས། རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། གསང་བའི་དོན་འདི་ལྟ་བུ་རྡོ་རྗེའི་ཚིག་ཏུ་གསུངས་སོ། །བརྗོད་དུ་མེད་པའི་བདག་ཉིད་ཆོས། །ཡི་གེའི་ཐ་སྙད་རྣམ་པར་དག །མིང་དང་ཚིག་ལས་འདས་པ་ཡི། །དེ་ཁོ་ན་ཉིད་ཤེས་པར་བྱའོ། །དེ་ཁོ་ན་ཉིད་བསྒྲུབ་པའི་ཐབས ཐོས་བསམ་སྒོམ་ལ་རབ་སྦྱངས་པས། །མཉམ་པའི་དོན་ལ་དམིགས་པར་བྱ། །ཡང་དག་མཐོང་ནས་རྣམ་པར་གྲོལ། །ཀུན་རྫོབ་སེམས་བསྐྱེད་ཚད་མེད་བཞི། །རྣམ་འབྱོར་པ་ཡིས་བསྒོམ་པར་བྱ། །ཉན་ཐོས་བྱང་ཆུབ་སེམས་དཔའ་དང་། །བླ་ན་མེད་པའི་ཐེག་པ་ཡིས། །ཚད་མེད་བཞི་པོ་ཐ་དད་འགྱུར། །བླ་མེད་ཐེག་པའི་ཚད་མེད་དག །དོན་ལ་དམིགས་པ་ཞེས་བྱ་སྟེ། །བཏང་སྙོམས་ཆེན་པོར་བསྒོམ་པར་བྱ། །ཡོད་དང་མེད་པ་དབྱེར་མེད་ཅིང་། །ཆགས་སྡང་གཉིས་དང་བྲལ་བ་ཡི། །དབུ་མ་ཆེན་པོ་བསྒོམ་པར་བྱ། །བླ་མེད་དོན་ལ་གནས་བཅས་ལ། །ཉོན་མོངས་ལས་རྣམས་ཀུན་སྤྱད་ཀྱང་། །བྱས་ལ་མི་སོག་ཚོགས་འགྱུར་ཏེ། །ཕྱི་ནང་སྣོད་བབ་རྣམ་པར་དག །གང་ལའང་ཆགས་དང་མ་ཆགས་མེད། །བཏང་སྙོམས་ཆེན་པོའི་ངང་གནས་ན། །ཡུལ་གྱིས་མྱོས་སྦག་མི་འབྱུང་ཞིང་། །མཉམ་ཉིད་མི་འཕྲོག་བྱ་དང་བྲལ། །བསྒོམ་པ་མ་རྙེད་འགྲུབ་མི་འཀྱུར། །དེ་ཕྱིར་གསང་བ་འདི་བསྒོམ་མོ། །རྣམ་ཐར་གསུམ་པོའང་བདུད་ཀྱི་ལས། །འཁོར་བ་ཉིད་ཀྱི་རང་བཞིན་ལས། །དོན་དམ་བཙལ་བས་རྙེད་མི་འགྱུར། །དྲུག་གིས་ཡང་དག་དོན་མི་མཐོང་། ཁྲེས་རབ་ཐབས་སུ་གང་འབྲེལ་པས། །ཡོད་མེད་དབུ་མ་མི་དམིགས་ཤིང་། །མཉམ་བཞག་བཏང་སྙོམས་ཆེན་པོར་བསྒོམ། །ཞེས་བརྗོང་པས། །དངོས་པོ་ཐམས་ཅད་སྒྱུ་མ་དང་འདྲ་བར་གཟིགས་ཏེ། གཟུགས་སྟོང་པའོ། །སྟོང་པ་ཉིད་ཀྱང་གཟུགས་སོ། །གཟུགས་ལས་སྟོང་པ་ཉིད་གཞན་མ་ཡིན་ནོ། །སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ། །དེ་བཞིན་དུ་ཕུང་པོ་དང། ཁམས་དང་། སྐྱེ་མཆེད་ལ་སོགས་པ་རྣམས་དང་། རང་བཞིན་གྱིས་སྟོང་པའོ། །ཐ་མི་དད་པའོ། །དབྱེར་མེད་པའོ། །བདེན་པའོ། །ཞི་བའོ། །སྤྲོས་པ་དང་བྲལ་བའོ། །དེ་ལྟ་བས་ན་ཆོས་ཐམས་ཅད་ནི་སེམས་ལ་གནས་སོ། །སེམས་ནི་ནམ་མཁའ་ལ་གནས་སོ། །ནམ་མཁའ་ནི་ཅི་ལའང་མི་གནས་སོ། །ཞེས་གསུངས་སོ། །སྤྲོས་པ་ཉེ་བར་ཞི་བ་ཡི། །ཆོས་ཀྱི་དབྱིངས་ཀྱིས་ཀུན་ཏུ་ཁྱབ། །ཐ་དད་དུ་མ་མེད་པས་ན། །ཀུན་ཏུ་ཁྱབ་ང་འི་སྤྱི་ཉིད་སྟེ། །སེམས་ཉིད་ཡེ་ཤེས་གཟུགས་བསྒྱུར་བ། །ཐབས་ཀྱི་རིམ་པས་འབྱུང་བའོ། །ཐབས་ལས་ཐབས་བྱུང་ཐབས་བསམ་ཡས། །འབྲེལ་པ་བདུན་གྱི་རིམ་པ་ཡིས། །སྐུ་དང་ཡེ་ཤེས་རྫོ་ས་་པ་ར་འགྱུར། །ཐབས་དང་བརྟེན་པའི་ཏིང་ངེ་འཛིན། །དེ་ལྟ་བུ་ཡི་ངང་དུ་འབྱུང་། །དོན་དམ་བླ་མེད་བསྒྲུབ་པའི་ཐབས། །སྲོག་དང་རྩོལ་བ་ཞེས་བྱ་སྟེ། །དབུགསདགག་སྟོང་པ་ཞེས་སུ་བཤད། །དགག་པ་དང་ནི་སྟོང་པ་དང་། །གཉི་ག་གཉི་ག་མ་ཡིན་པ། །བརྟག་པ་རྣམ་པ་གསུམ་ཞེས་བྱ། །ཕྱི་རོལ་རྩོལ་བའི་དུས་སུ་ནི། །ཕྱི་མའི་ནམ་མཁར་ཐིམ་པ་སྟེ། །སྲོག་གི་ནང་གི་དུས་སུ་ནི། །གཞི་རླུ་་ཉིད་ལ་ཐིམ་པར་བྱ། །གཞི་རླུད་དེ་ཉིད་ནམ་མཁའ་ཡི། །དབྱིངས་ཀྱི་དབང་ཕྱུག་ཅེས་བྱ་སྟེ། །རྣམ་པ་བཅུ་པའི་རྒྱུད་ཡིན་ནོ། །དེ་ནི་དབང་ཕྱུག་ལྔ་གཉིས་ཏེ། །ཕྱི་རོལ་གཡོ་བའི་རྣམ་པ་ཀུན། །དབུགས་ཉིད་ལས་ནི་དེས་སྦྱར་ཏེ། །རྟེན་དང་བརྟེན་པའི་བདག་ཉིད་པས། །རྩ་དང་རྒྱལ་པོའི་ཚུལ་དུ་གནས། །ཐམས་ཅད་གཡོ་བ་རླུད་དུ་སྦྱར། །རླུད་ཉིད་ཕྱི་ནང་མཁའ་ལ་བསྟིམ། །དེ་ཉིད་རྡོ་རྗེ་སེམས་དཔའ་སྟེ། །ནམ་མཁའ་ལ་ནི་ནམ་མཁའ་བསྒོམ། །ནམ་མཁའ་ཉིད་ལ་ཉིད་སྤྱོད་དེ། །གཞན་དུ་བྱ་བ་ཅི་ཡང་མེད། །མཁའ་ལས་རླུད་བྱུང་ན་བུན་ཚུལ། །བྱུང་ཡང་ནམ་མཁའ་ལས་བྱུང་སྟེ། །མཐར་ཡང་ནམ་མཁའ་ཉིད་ལ་ཐིམ། །གཉིས་དང་དྲུག་ལ་སོགས་པ་ཡི། །རྣམ་པ་ཐ་དད་དུ་མ་ཡང་། །སྲོག་དང་རྩོལ་བ་ཉིད་དུ་འདུ། །རླུད་གི་རྒྱུ་འདུལ་རླུང་གཞི་ཉིད་ལ་བསྟིམ། །ལངས་ནས་མཁའ་རླུ་་ཉིད་ལ་བརྟག །བརྟགས་པས་དངོས་པོ་མེད་མཐོང་བ། །དེ་ཉིད་ཡང་དག་མཐོང་བ་ཡིན། །དེ་ནས་སྟོན་པ་ཀུན་མཁྱེན་གྱིས། །རྡོ་རྗེའི་གསུང་དུ་བཀའ་སྩལ་པ། །དོན་གྱི་རང་གི་ངོ་བོ་ཉིད། །དངོས་པོའི་དབང་གི་ཆོས་དབྱིངས་ཏེ། །སེམས་ཅན་བསམ་པའི་དབང་གིས་ན། །ཆོས་ཀྱི་དབྱིངས་དང་ཞི་གནས་དང་། །ཡེ་ཤེས་ཤེས་རབ་རྣམ་བཞིར་སྣང་། །དངོས་པོའི་དབང་གིས་ཀུན་ཏུ་འོད། །བསམ་པས་ཐ་དད་དུ་མར་སྣང་། །རྣམ་གྲངས་དོན་དམ་ཞེས་བྱ་སྟེ། །རིམ་པ་རིམ་པས་འཇུག་པའོ། ཁོན་ཏུ་རྣལ་འབྱོར་འདི་ཉིད་ནི། །གཞན་ལ་བརྟེན་པ་མ་ཡིན་ཏེ། །ལམ་གྱི་ནང་ནས་ཉེ་ལམ་སྟེ། །ཐབས་ཀྱི་མཆོག་ཏུ་གྱུར་པས་ན། །ཅིག་ཆར་འཇུག་པ་ཞེས་བྱའོ། །ཡེ་ནས་གནས་པའི་དེ་བཞིན་ཉིད། །ཡེ་སངས་རྒྱས་པ་ཞེས་བྱ་སྟེ། །ཆོས་རྣམས་མ་ལུས་དབྱིངས་སུ་རྫོགས། །ཐམས་ཅད་ཀུན་འདུས་རྣམ་པར་དག །ཡོད་མེད་དབུ་མ་མི་དམིགས་ཤིང་། །མི་འགྱུར་མི་ཤིགས་རྡོ་རྗེ་སྟེ། །ཡངས་ལ་རྒྱ་ཆེ་ཀུན་ཏུ་བཟང་། །འགྱུར་བ་མ་ཡིན་དྲང་པོར་གནས། །རྣལ་འབྱོར་ལྟ་བ་དེ་ཞེས་བྱ། །བར་དུ་སྒོམ་པའི་ཐབས་གསུངས་པ། །ཏིང་ངེ་འཛིན་དང་སྤྱོད་པའོ། །ཏིང་ངེ་འཛིན་ཅེས་བྱ་བ་ནི། །གསང་བའི་དོན་ལ་འཇུག་པ་སྟེ། །སྤྱོད་པ་དངོས་སུ་གསུངས་པ་ནི། །མ་དང་བུ་མོ་སྲིང་མོ་སོགས། །རྟག་ཏུ་སེམས་ནི་སྦྱར་བར་བྱ། །གླང་ཆེན་ཤ་དང་ཤ་ཆེན་དང་། །རྟ་ཤ་ཁྱི་ཤ་བ་གླང་ཤ །བྱང་ཆུབ་སེམས་ལ་སོགས་པ་རྣམས། །བཟའ་ཞིང་སྤྱད་པར་བྱ་བ་སྟེ། །དེ་ལ་མི་བྱ་ཅི་ཡང་མེད། །མི་བཟའ་བ་ཡང་ཅི་ཡང་མེད། །ཐམས་ཅད་ལྟ་བས་གཉིས་མེད་ཅིང་། །ཏིང་ངེ་འཛིན་ལ་གནས་གྱུར་ན། །མི་སྤྱད་པ་ནི་གང་ཡང་མེད། །ཐབས་དང་བརྟན་པར་གྱུར་པ་དང་། །མ་མར་སེམས་ནི་བཅོས་དགོས་སོ། །དེབཞིནགཤེགསཔཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། ཟབ་མོའི་ཐབས་བསྟན་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དགྱེས་པ་ཆེན་པོ་དེས། མ་འོངས་པ་ཡི་རྣལ་འབྱོར་པ། ཤེས་རབ་ཀྱི་རྒྱགས་པ་རྣམས་དང་། ཚུལ་བཞིན་དུ་དབང་བསྐུར་བའི་སྒྲུབ་པ་པོ་རྣམས་ཀྱི་དོན་དུ། གསང་བ་དང་གསང་ཆེན་དང་། ཡེ་ཤེས་སྙིང་པོ་གསུམ་རྫོགས་པར་བྱ་སྟེ། །ཐབས་ཟབ་མོ་འདི་གསུངས་སོ། །རང་བཞིན་གནས་པའི་དེ་བཞིན་ཉིད། །ཡེ་ནས་གནས་པའི་ཆོས་ཉིད་དེ། །ས་ལ་མི་བགྲོད་སྦྱང་དུ་མེད། །ལྷུན་རྫོགས་རང་བྱུང་གཅིག་པུར་གནས། །དཔའ་བོ་དངོས་པོ་ཐམས་ཅད་ཟ། །སྟོང་པ་ཉིད་ཀྱི་རང་བཞིན་ལས། །ཏིང་ངེ་འཛིན་དུ་མཉམ་གཞག་པ། །ལུས་ཀྱི་ཆོས་ཀྱི་རང་བཞིན་ལ། །ཀླད་པ་དང་ནི་ཀླད་རྒྱས་དང་། །སྐྲ་དང་སྤུ་དང་སེན་མོ་དང་། ཁྲ་དང་ལྤགས་པ་ཚིལ་བུ་དང་། ཁུ་མ་གཉེ་མ་ལ་སོགས་པ། །མི་དམིགས་གཙང་བའི་རང་བཞིན་ཅན། །བལྟས་པས་དངོས་པོ་མཐོང་མེད་སྟེ། །སྒྱུ་མ་མིག་ཡོར་ཚུལ་ཤེས་ཤིང་། །བདེན་པ་གཉིས་སུ་མ་མཐོང་སྟེ། །དེ་ཉིད་ཡང་དག་མཐོང་བ་ཡིན། །མི་རྟོག་ཤེས་རབ་གང་སྐྱེས་པ། །གསང་བའི་དོན་ལ་ཞུགས་པ་ཡིན། །ངག་གི་ཆོས་སུ་སྣང་བ་ཀུན། །ཇི་སྙེད་སྒྲ་དང་ཐ་སྙད་དང་། །ཡི་གེའི་སྐད་དང་བརྡའ་ལ་སོགས། །གདགས་བྱ་དང་ནི་འདོགས་བྱེད་དང་། །གདགས་པའི་ཚིག་ལ་སོགས་པ་ཡི། །དངོས་པོ་གང་ཡང་མ་རྙེད་དེ། །འགའ་ཡང་མཐོང་བ་མེད་པ་ནི། །དེ་ཉིད་མཐོང་བ་ཆེན་པོ་ཡིན། །ཚིག་ལས་མི་རྟོག་ཤེས་རབ་བསྐྱེད། །དངོས་པོ་མེད་པར་གྲགས་པ་ཡིན། །སེམས་ཀྱི་ཆོས་སུ་གང་གསུངས་པ། །སེམས་དང་སེམས་ལས་བྱུང་བ་ཡི། །དྲན་དང་རྟོག་པ་ལ་སོགས་པའི། །བརྟགས་པས་དངོས་པོ་མེད་མཐོང་བ། །ཟག་པ་མེད་པའི་ཤེས་རབ་སྟེ། །ཡེ་ཤེས་མྱུ་གུ་བསྐྱེད་པའོ། །ལམ་ལྔ་རྫོགས་པའི་རིམ་པ་ལ། །སྟོང་ཉིད་ཡེ་ཤེས་ཆེན་པོ་སྟེ། །པདྨའི་སྤྱན་དུ་རྣམ་པར་གྲགས། ཁེན་ཏུ་སྦྱོར་བ་དེས་མཐོང་བས། །ཆོས་སྐུ་བདེ་བ་ཆེན་པོ་འཐོབ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་འདི་སྐད་གསུངས་སོ། །ཕྱོགས་བཅུ་ན་བཞུགས་ཤིང་། དུས་གསུམ་དུ་གཤེགས་པའི། རྒྱལ་བ་ཐུགས་རྗེ་རོ་གཅིག་པ་རྣམས་ཀྱང་། ཟབ་མོའི་ཐབས་འདི་ལྟ་བར་འཚལ་ལོ། །འདས་པའི་སངས་རྒྱས་དང་། ད་ལྟར་དང་མ་འོངས་པའི་སངས་རྒྱས་རྣམས་ཀྱང་། ཐབས་ཟབ་མོ་འདིས་མངོན་པར་རྫོགས་པ་འཚང་རྒྱའོ། །རིགས་ཀྱི་བུ་རྣམས་ཀྱིས་ཀྱང་ཚུལ་བཞིན་དུ་ཡིད་ལ་བྱའོ། །ལྟ་བ་ངན་པས་ཀྱང་དམན་པའི་འདུ་ཤེས་མ་སྐྱེད་ཅིག ཁྲེས་རབ་འཆལ་བ་ལ་སོགས་པར་གྱུར་ཏ་རེ། དེ་ཅིའི་ཕྱིར་ཞེ་ན། དེབཞིནགཤེགསཔའིདགོངས་པ་ནི་ནམ་མཁའ་དང་མཉམ་པའོ། །ཟླ་མེད་པའོ། །གཞན་གྱིས་མི་དཔོགས་པའོ། །མི་མཉམ་པ་དང་མཉམ་པའོ། །ཆོས་ཉིད་དང་འདྲ་བའོ། །དེ་བས་ན་ནམ་མཁའ་ནི་ཐམས་ཅད་ཀྱི་རྗེས་སུ་སོང་བའོ། །དེ་བཞིན་དུ་ཆོས་རྣམས་ཀྱི་ཆོས་ཉིད་ཀྱང་ཐམས་ཅད་ཀྱི་རྗེས་སུ་སོང་བ་སྟེ། ཀུན་ལ་ཁྱབ་པའོ། །སངས་རྒྱས་ཀྱི་བདག་ཉིད་དོ། །དེ་བཞིན་ཉིད་དོ་མཐོང་བ་ནི་སངས་རྒྱས་སོ། །ང་འོ། །ང་དང་འདྲ་བ་ཉིད་དོ། །གྱ་ནོམ་པའོ། །བླ་ན་མེད་པའོ། །དེ་ནས་སངས་རྒྱས་པ་བདག་ཉིད་ཆེན་པོ་སྒྲུབ་པ་འདི་གསུངས་སོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལ། རྫོགས་པ་ཆེན་པོ་སློབ་པར་འདོད་པས། ཤིན་ཏུ་རྣལ་འབྱོར་གྱི་དོན་འདི་བསྒོམ་པར་བྱའོ། །དེ་བས་ན་ཆོས་ཐམས་ཅད་ནི་རང་གིས་རང་མི་ཤེས་ཏེ། གཟུགས་ཀྱིས་གཟུགས་མི་ཤེས་སོ། །སྒྲ་ཡིས་སྒྲ་མི་ཤེས་སོ། །དེ་བཞིན་དུ་ཕུང་པོ་དང་ཁམས་དང་སྐྱེ་མཆེད་ལ་སོགས་པ་ཐམས་ཅད་རང་རང་གི་ངོ་བོ་ལ་བལྟ་བར་བྱའོ། །དེ་ཉིད་མཐོང་བ་ནི་མ་རིག་པའི་སྒྲིབ་པ་བྲལ་ཏེ། བཏགས་པའི་ཚིག་མི་སྐྱེ་བའོ། །བདེན་པ་མཐོང་བའོ། །བྱང་ཆུབ་སེམས་དཔའི་ས་ལ་གནས་པའོ། །དེ་ཉིད་མ་མཐོང་བའི་ཚུལ་གྱིས་མཐོང་བ་ན། སངས་རྒྱས་ཀྱི་ས་ལ་གནས་པའོ། །བདེ་བར་གཤེགས་པའོ། །མི་གནས་པའི་མྱ་ངན་ལས་འདས་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགའ་བའི་སྤྱན་རྒྱས་པར་གཟིགས་མོས་མཉེས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། དེ་སྟེ། །ཏིང་ངེ་འཛིན་གྱི་རིམ་པ་ཡིན། །ཏིང་ངེ་འཛིན་གྱི་ཁྱད་པར་ལས། །ས་ནས་ས་འཕར་མངོན་བྱང་ཆུབ། །དེ་དང་དེ་ཡི་རིམ་པ་ཡིས། །ཀུན་ཏུ་བཏགས་པའི་མ་རིག་དང་། །ལྷན་ཅིག་སྐྱེས་པའི་མ་རིག་པ། །སྒྲིབ་པ་གཉིས་ནི་ཞེས་བྱ་སྟེ། །བྱང་ནས་ཚོགས་གཉིས་རྫོགས་པ་ཡི། །སྐུ་ལྔ་ཡེ་ཤེས་རྣམ་ལྡན་པ། །ད་ལྟ་ཉིད་དུ་ཐོབ་པར་འགྱུར། །ཡོན་ཏན་རྣམ་པར་པྱེ་བ་ཡིན། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། ཟབ་མོའི་མན་ངག་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། དེ་བཞིན་གཤེགས་པ་ཐམས་ཅད་ཀྱིས་འདི་སྐད་ཅེས་གསོལ་ཏོ། །ཨེ་མ་ཧོ་སངས་རྒྱས་ཐམས་ཅད་ཀྱི། །བྱང་ཆུབ་སེམས་ནི་གང་ཡིན་པ། །དོན་དམ་ཅི་ཡང་མེད་པ་ལས། །ཀུན་རྫོབ་དག་ཏུ་བཤད་པ་མཛོད། །ཅེས་བརྗོད་པས། དེ་བཞིན་ཉིད་ཀྱི་དོན་ལ་རོལ་ཅིང་དགྱེས་ཏེ། དེ་བཞིན་གཤེགས་པ་ཐམས་ཅད་ཀྱི་བདག་པོས། དེ་བཞིན་གཤེགས་པ་རྣམས་ལ་འདི་སྐད་ཅེས་བཀའ་སྩལ་ཏོ། ཁ་ཅིག་ཀུན་གྱི་རང་བཞིན་ཞི་བ་ལ། །ཕྱོགས་སུ་བལྟས་པས་གྲུབ་མེད་དེ། །རང་བཞིན་གྱིས་ནི་རྟོགས་པ་དང་། །གཉེན་པོ་འམ་ཡང་ན་གཏན་ཚིགས་ཀྱིས། ཁེན་ཏུ་ཞིབ་པར་བརྟག་བྱའོ། །དེ་ནསདེབཞིནགཤེགསཔའིབདག་པོས། གཏན་ཚིགས་ཀྱི་སྒོ་ནས་བསྒྲུབ་པའི་དབུ་མའི་བརྟགས་པ་འདི་གསུངས་སོ། ཁ་ཅིག་གཡོ་དང་མི་གཡོ་ཀུན། །དམ་པ་ཉིད་དུ་རང་བཞིན་མེད། །རང་བཞིན་མེད་ལས་ཅིར་ཡང་སྣང་། །བདག་དང་གཞན་དང་གཉི་ག་དང་། ཁུ་མེད་པ་ལས་རྐྱེན་བྲལ་ཕྱིར། །ནམ་མཁའི་མེ་ཏོག་ཇི་བཞིན་དུ། །ནམ་ཡང་སྐྱེ་བར་མི་འགྱུར་རོ། །གང་ཞིག་རྫོགས་ཆེན་འདོད་པ་ཡིས། །ཏིང་ངེ་འཛིན་དུ་མཉམ་གཞག་ན། །སྤྱོད་པ་མ་རབས་ལྡན་པ་ལ། །གསང་བའི་དོན་ཉིད་བསྒོམ་པར་བྱ། །ལངས་ནས་ཕྱི་རོལ་ཡུལ་རྣམས་ལ། །འཁོར་ལོ་ཉིད་དུ་ཤེས་པར་བྱ། །དོན་དམ་ཀུན་རྫོབ་སེམས་བསྐྱེད་ནས། །མཚན་མེད་མཚན་མ་རྣམས་བསྒོམས་པས། །ཆོས་ཀྱི་སྐུ་དང་གཟུགས་སྐུ་འགྲུབ། །ཞིང་དང་ཐུགས་རྗེས་འབྲེལ་བའོ། །ཡང་ན་གཅིག་དང་དུ་མ་ཡི། །རང་བཞིན་མེད་དེ་གཟུགས་བརྙན་བཞིན། །དངོས་པོ་གང་དང་གང་ལ་ཡང་། །མཚན་མ་ཡོད་པ་མ་ཡིན་ནོ། །རང་བཞིན་རང་བཞིན་མེད་མཐོང་བ ངོ་བོ་ཉིད་དུ་གནས་པ་ཡིན། །མུ་བཞི་སྐྱེ་བ་རྣམ་བྲལ་ཕྱིར། །རང་བཞིན་མེད་དེ་སྐྱེ་མེད་བལྟ། །དྲང་པོར་འདུག་ལ་ཡང་དག་ལྟོས། །ཡང་དག་མཐོང་ན་རྣམ་པར་གྲོལ། །རྟེན་ཅིང་འབྲེལ་བར་གང་བྱུང་བ། །རང་བཞིན་མེད་པས་གཟུགས་བརྙན་འདྲ། །སྔོན་དང་ཕྱི་མའི་མཐའ་སྤངས་ཏེ། །འགྲོ་བསྒྱུམབཞིནདུསྣང། །ངོ་བོ་ཉིད་ཀྱིས་མ་སྐྱེས་པས། །སྐྱེ་དང་འགག་པར་མི་འགྱུར་ཏེ། །མཐོང་བས་ཆོས་ཉིདདེབཞིནགཤེགས། །རྟེན་ཅིང་འབྲེལ་འབྱུང་ཟབ་མོའི་དོན། །དམ་པའི་དོན་དུ་བསྒོམ་པར་བྱ། །སྲིད་གསུམ་རང་བཞིན་མེད་མཐོང་ན། ཁམས་གསུམ་འགྲོ་རྣམས་སྔོན་དུ་འགྱུར། །གསང་བ་ཟབ་མོའི་དོན་ཉིད་ལ། །འཛིན་པ་མེད་པ་མེད་པ་ཡིས། །ཡོད་པ་མེད་པར་ཤེས་འདུག་ན། །ད་ལྟ་ཉིད་དུ་ས་གསུམ་རྫོགས། །བྱ་མེད་བྱ་དང་རྣམ་པར་བྲལ། ཁམས་གསུམ་ལས་འདས་རིན་པོ་ཆེ། །ཡོན་ཏན་ཐམས་ཅད་འབྱུང་བའི་གནས། །ཟད་མི་ཤེས་པའི་གཏེར་དུ་འགྱུར། །མི་རྟོག་གསང་བར་ཀུན་འདུས་ཕྱིར། །རྟོག་པ་ཐམས་ཅད་དག་པ་ཡིན། །གཟུང་དང་འཛིན་པ་ལས་བྱུང་སྟེ། །ཕྲ་རྒྱས་ཐམས་ཅད་གང་ཡིན་པ། །ལྷུན་གྱིས་གནས་པས་བཀག་པ་ཡིན། །འདི་ནི་ཨ་དང་མཛེས་པའི་ཏ། །ཏ་ལས་ཡན་ལག་སྤྲོས་པ་བཞིན། །འཇིག་རྟེན་ཡོངས་ཀྱི་སྤྱོད་ཡུལ་ལས། །སངས་རྒྱས་གསུང་གི་ཟབ་མོ་འབྱུང་། །སྲོག་དང་རྩོལ་བ་ལས་བྱུང་བའི། །སྤྲོ་དང་བསྡུ་བ་དེ་བཞིན་ཏེ། །དབུགས་ནི་ཕྲ་མོ་ཉིད་དུ་བྱ། །དེ་ནས་མ་སྐྱེས་ཏིང་འཛིན་བསྒོམ། །ཀུན་གྱིས་བགྲོད་པའི་ལམ་རྒན་ཕྱིན། །ཅིག་ཆར་འཇུག་པའི་དོན་ཉིད་ལས། །གཞན་དུ་འཇུག་པར་མི་བྱའོ། །དེ་ནས་བྱང་ཆུབ་སེམས་དཔའ་ལ་སོགས་པ་ཐེག་པ་གཞན་རྣམས་ངོ་མཚར་དུ་གྱུར་རྨད་དུ་གྱུར། འདུས་པ་རབ་ཏུ་འདུས་སོ། །དེ་ནས་བཅོམ་ལྡན་འདསདེབཞིནགཤེགསཔཐམས་ཅད་ཀྱི་བདག་པོས། བྱང་ཆུབ་སེམས་དཔའ་ལ་སོགས་པ་དེ་དག་ཐམས་ཅདལའདིསྐདཅེས་བཀའ་སྩལཏོ། ཁྲེན་ཏུརྣལའབྱོར་གྱི་དོན་འདི་ནིནམ་མཁའདངམཉམ་པ་སྟེ། སངས་རྒྱས་ཀྱི་སྤྱོད་ཡུལ། ཉན་ཐོས་ལ་སོགསཔདང་ཐུན་མོངམ་ལགས་པ། མཆོག་ཏུགསང་བཉིད་ལས། ཁྱེད་རྣམས་ཀྱང་མ་སྐྲག་དངངས་པར་མ་བྱེད་ཅིག །སྤྱོད་ཡུལའདི་ལས་འདའབར་དཀའོ། །དེ་བཞིན་ཉིད་དང་ཀུན་ལ་གནས་སུ་ཟིན་ཀྱང་། ཤེས་རབདངསྙིངརྗེར་མི་ལྡནཞིང་། སྐལ་བ་མེད་པ་རྣམས་འཇུག་པར་མ་བྱེད་ཅིག །དེ་ནི་ཉམསཔརགྱུར་ཏེ། ཟབམོའིདོན་མིརྟོགས་གནས་མེད་པ་ཡིན་ཏེ། དཔེརན་དེ་ཕི་པུ་ཏྲ་བཞིནནོ། །དེ་བསན་རིགས་གངཡིནཔ་མཚན་མ་ལས་ཡོངས་སུ་གཟུང་བཞེས་བརྗོད་པས། ཐམས་ཅད་རང་རང་གིགནསག་ལ་བར་འཁོད་པར་གྱུརཏོ། །དེནས་བཅོམ་ལྡན་འདས་དེ་བཞིན་གཤེགསཔ་ཐམས་ཅད་ཀྱིབདག་པོས། ཤིན་ཏུ་རྣལ་འབྱོར་གྱི་དོན་དུ། རྩོལ་པདང་བྲལབའི་ཐབས་འདི་གསུངསསོ། །ཐམས་ཅདལྟ་བས་བཀག་ནས་སུ། སྙིང་རྗེའིམཐུ་ལས་བྱུང་བ་ཡི། །བྱང་ཆུབ་སེམས་ལྡན་གསངསྔགས་པས། །སྣང་བ་དགག་པམ་ཡིན་ཏེ། །དབང་པོ་ཡུལ་ལ་ཡིན་པརབཞག །བལྟས་པས་མ་མཐོང་ཅི་ཡང་མེད། །དངོས་ཀུན་སྒྱུམ་འདྲར་ཤེས་ན། །མ་མཐོངམཐོངབའི་རྣམ་པ་ཅན། །བྱ་བྲལལྷུན་གྲུབཇིབཞིནགནས། །རངབྱུང་ཀུན་ངམ་ལྷུནགྱིསགྲུབ། །ཇིབཞིནཔཞེསམིརྟོགཀྱང། །རྣམ་པརསྣང་མཛད་ཀུན་ཏུ་བཟང་། །རྣམ་པར་མི་རྟོག་ཀུན་འདུས་ཕྱིར། །ཚོར་བ་བསྒོམ་ན་ཅི་ཞིག་བྱ། །ཟིན་པས་རྩོལ་བའི་ནད་སྤངས་ཏེ། །ལྷུན་གྱིས་གནས་པས་བཞག་པ་ཡིན། །བསྒོམས་པས་རྩོལ་བའི་ནད་ཡིན་ཏེ། །རྩོལ་སེམས་བདེ་བར་རང་ལས་འབྱུང་། །སྣང་བ་མེད་པའི་ཆོས་ཉིད་ནི། །བཙལ་བ་མེད་པའི་བཙལ་བས་འགྲུབ། །ཕྱི་ནང་གཡོ་དང་མི་གཡོ་ཀུན། །བྱང་ཆུབ་སྙིང་པོ་ཉིད་ཡིན་པས། །རྩོལ་བའི་བསམ་པས་དབྱིངས་མི་བསྐྱོད། །མ་བཙལ་བཞག་ན་བསྒོམ་པ་ཡིན། །དེ་དང་དེ་རུ་རྣམ་བཙལ་ན། །དེ་ལས་དེ་བཞིན་དེ་མི་འབྱུང་། །དེ་ནི་སྙིང་པོ་དེ་བས་ན། །དེ་བས་དེ་འབྱུང་ངོ་མཚར་ཆེ། །ཕུང་པོ་ལྔ་ཉིད་སངས་རྒྱས་གཙོ། །འབྱུང་བ་ལྔ་ཉིད་རིགས་ཀྱི་ཡུམ། །དབང་པོ་ཡུལ་དུས་རིག་པ་རྣམས། །བྱང་ཆུབ་སེམས་དང་ཁྲོ་བོའི་ཚོགས། །ཉོན་མོངས་ལྔ་པོ་བྱང་ཆུབ་ལམ། །ཐམས་ཅད་ཀུན་ཏུ་བཟང་པོའི་ཞིང་། །སངས་རྒྱས་ཉིད་ལས་གཞན་མ་ཡིན། །དམ་པ་ཉིད་དུ་བཙལ་མེད་སྟེ། །ཀུན་རྫོབ་ཏུ་ཡང་བཙལ་མ་ཡིན། །དམ་པའི་དོན་ལ་གང་འཇུག་པས། །གསང་བ་ཨ་ཡི་དོན་ཉིད་ལ། །གསང་བ་ཨོ་ཉིད་དམིགས་པ་ན། །གདམས་ངག་ངེས་པ་ཟབ་མོ་ཡིས བཙལ་བ་མེད་པའི་བཙལ་བ་དང་། །མི་བསྒོམ་པ་ཡི་བསྒོམ་པ་དང་། །མི་གནས་པ་ཡི་ཚུལ་དུ་གནས། །མཉམ་གཞག་མེད་པའི་ཚུལ་གྱིས་ནི། །རྟག་པ་ཉིད་དུ་རྣམ་པར་གཞག །དགེ་དང་མི་དགེ་གཉིས་མེད་དེ། །བྱང་ཆུབ་ནམ་མཁའི་མཚན་ཉིད་དོ། །བྱང་ཆུབ་བཙལ་པས་རྙེད་མིན་ཏེ། །བྱང་ཆུབ་འདོད་ལ་བྱང་ཆུབ་མེད། །ཡང་དག་དོན་གྱི་སྙིང་པོ་འདི། །བསྒོམས་པས་རྙེད་པར་མི་འགྱུར་ཏེ། །མ་བསྒོམས་པས་ཀྱང་རྙེད་མི་འགྱུར། །བཙལ་བ་མེད་པའི་བསྒོམ་པ་ཡིས། །ཉལ་བའི་འཁོར་ལོ་ཉིད་དུ་བྱ། །ཆོས་རྣམས་མ་ལུས་སེམས་ཀྱི་ངང་། །སེམས་དེ་རང་བཞིན་བཞག་ནས་བསྒོམ། །དངོས་མེད་བྱང་ཆུབ་སེམས་ཀྱི་ངང་། །འདུས་མ་བྱས་པས་བདེ་བའི་ཀློང་། །སེམས་ཉིད་བསམ་མེད་བརྗོད་ལས་འདས། །ཡེ་སངས་རྒྱས་པས་བསྒོམ་དུ་མེད། །དྲང་སྲོང་མཁས་པའི་རིག་པ་ཡིས། །དེ་ལ་མ་བཙལ་ཕབ་ན་བསྒོམ། །རིག་པ་དབྱིངས་ལ་ཡན་པ་ནི། །བཙལ་བའི་ནད་བྲལ་བསྒོམ་པ་ཡིན། །དེ་བས་གསང་བ་དྲི་མ་མེད། །ཡང་དག་འོད་གསལ་བསྒོམ་པར་བྱ། །འོད་གསལ་ཟུང་འཇུག་གནས་གྱུར་ན། །མཚན་མ་སྣ་ཚོགས་བག་ལ་སད། །ཨུ་ལི་ཀྭ་ལིའི་ཕྱག་རྒྱ་ཡིས། །ཀུན་ཏུ་བཟང་པོའི་རོལ་པ་འགྲུབ། །དངོས་མེད་དངོས་ལ་མི་གནས་ཤིང་། །དབུ་མ་མི་དམིགས་མིང་ཡང་མེད། །སེམས་ཀྱི་རྒྱུ་བ་མེད་པས་ན། །ཐམས་ཅད་ཐམས་ཅད་སྟོང་པའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། ཟབ་མོའི་མན་ངག་རྩོལ་བ་དང་བྲལ་བས། བསྒོམ་པའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་༄༅ པ་ཐམས་ཅད་ཀྱི་བདག་པོས། བདེན་པ་གཉིས་སོ་སོར་བསྟན་པའི་ཆེད་དུ། དེ་བཞིན་གཤེགས་པ་ཐམས་ཅད་ལ་བོས་ནས་འདི་སྐད་ཅེས་བཀའ་སྩལ་ཏོ། །དོན་དམ་པ་ཡི་ངོ་བོ་ཉིད། །ཐ་དད་དུ་མ་མ་ཡིན་ཏེ། །སེམས་ཅན་བསམ་པའི་དབང་གིས་ན། །ཐབས་ཀྱི་རིམ་པ་དུ་མར་འགྱུར། །ལོག་པར་རྟོག་པའི་བདག་ཉིད་ཅན། །བྱེད་པ་པོ་ལ་སོགས་པ་ཡི། ཁུར་འདོད་མཐའ་རུ་འཛིན་པ་དང་། །ལྟ་བ་དྲུག་ཅུ་རྩ་གཉིས་ལྡན། །ཀུན་རྫོབ་ཡིན་ཏེ་དོན་དམ་མིན། །ཚིག་ཏུ་སྤྲོས་བྲལ་ཞེས་བྱའོ། །ཕྱི་རོལ་དོན་དུ་ལྟ་བ་གཉིས། །བདག་ཏུ་འཛིན་པ་ལ་སོགས་པ། །ཀུན་རྫོབ་ཡིན་ཏེ་དོན་དམ་མིན། །ཕུང་པོ་ཁམས་དང་སྐྱེ་མཆེད་དང་། །རྟེན་ཅིང་འབྲེལ་བ་ལ་སོགས་པ། །ཡང་དག་རྫས་སུ་འདོད་པ་སྟེ། །རྡུལ་ལས་གྲུབ་པའི་བདག་ཉིད་དོ། །དེ་ལས་དེ་བྱུང་ཆོས་བདག་ཉིད། །དོན་དམ་པ་ཡི་རང་བཞིན་ནོ། །གཟུང་དང་འཛིན་པ་རྣམ་སྤངས་ནས། ཁྲེས་བྱ་ནང་གིར་འདོད་པ་དག །རྡུལ་ཉིད་ཕྱོགས་ཆས་མི་འགྲུབ་ཅིང་། །གཅིག་མིན་དུ་མ་མ་ཡིན་ནོ། །ཀུན་ཏུ་བརྟགས་པའི་བདག་ཉིད་ནི། །ཡང་དག་མིན་ཏེ་ཀུན་རྫོབ་ཡིན། །གཞན་གྱི་དབང་གི་ངོ་བོ་ཉིད། །ཡོངས་སུ་གྲུབ་པ་ཞེས་བྱ་བ་། །དོན་དམ་བདེན་པ་ཞེས་བྱ་བའོ། །སྟོངཔཆེནཔོའིརངབཞིནནི། །ཆོསབདག་མེད་པ་མཉམ་ཉིད་པས། །རང་སེམས་གཟོད་ནས་མ་སྐྱེས་པ། །རངབཞིནཅནནིཀུནརྫོབ་༄༅ ཡིས བཙལ་བ་མེད་པའི་རྡོ་རྗེ་བསྒོམ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། བདེན་པ་གཉིས་སོ་སོར་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། ཤིན་ཏུ་རྣལ་འབྱོར་གྱི་དོན་གསང་བ་བསྡུས་པ་འདི་གསུངས་སོ། །དངོས་པོའི་རང་བཞིན་ཐམས་ཅད་ནི། །ཆོས་ཀྱི་དབྱིངས་ཀྱི་ཐིག་ལེ་སྟེ། །དེ་ཉིད་བསྒྲུབ་པའི་ཐབས་སུ་ནི། །མེ་ཤེལ་གཟུགས་བརྙན་ལ་སོགས་བརྟག །བརྟགས་པས་དངོས་པོ་མེད་མཐོང་སྟེ། །ཡང་དག་མཐོང་ནས་རྣམ་པར་གྲོལ། །གཟུགས་དང་སྒྲ་ལ་སོགས་པ་རྣམས། །ཡང་དག་མ་ཡིན་ཀུན་རྟོག་ཡིན། ཤེལ་རབ་ཐབས་ལས་ཐམས་ཅད་འབྱུང་། །གང་ཞིག་དངོས་མེད་ཤེས་རབ་སྟེ། །རང་གི་མཚན་ཉིད་ཐབས་ཡིན་ནོ། །ཐབས་དང་ཤེས་རབ་སྙོམས་འཇུག་པ། །བདེ་བའི་བསམ་གཏན་ཆེན་པོ་ཡིན། །སྒྱུ་མའི་རོ་ལ་མ་ཆགས་ན། །དེ་ནི་ཆགས་པ་ཆེན་པོ་ཡིན། །སྲོག་དང་མ་བྱིན་ལེན་པ་དང་། །རྫུན་དང་རྩུབ་པའི་ངག་ལ་སོགས། །ཐམས་ཅད་མ་ལུས་སྤྱད་པ་སྟེ། །སྤྱད་ན་ཡེ་ཤེས་ཐོབ་པར་འགྱུར། །སྐུ་གསུང་ཐུགས་སུ་གང་བསྒྲུབས་པས། །ཕྲ་མོའི་ཐིག་ལེ་རྫོགས་པར་བསྒོམ། །དེ་ནས་གྲུབ་པ་མཐོང་མ་ཐག །མ་སྐྱེས་པ་ཡི་ཏིང་འཛིན་བསྒོམ། །དེ་ཡངརངབཞིན མཚན མམེད། །གཉིས་མེད་༄༅ བ། །ཐམས་ཅད་ཐུགས་ཁྱོད་ཕྱག་འཚལ་ལོ། །ཞེས་བརྗོད་པས། དེ་བཞིན་གཤེགས་པ་ཉིད་མཉེས་པར་གྱུར་ཏེ། གསང་བའི་བདག་པོ་ཕྱག་ན་རྡོ་རྗེ་ལ་བོས་ནས། ཁྱོད་ཀྱིས་ཤིན་ཏུ་རྣལ་འབྱོར་གྱི་དོན་འདི། བྱང་ཆུབ་སེམས་དཔའི་རིགས་ཅན་གྱི་འགྲོ་བ་རྣམས་ལ་ཆོས་ཀྱི་འཁོར་ལོ་སྐོར་ཅིག་ཅེས་གསུངས་པས། ཕྱག་ན་རྡོ་རྗེ་བཅོམ་ལྡན་འདས་ཀྱིས་གསུངས་པ་བཞིན་དུ་བགྱིའོ། །ཞེས་བརྗོད་དོ། །དེ་ནས་ཆོས་ཀྱི་རྒྱལ་ཚབ་ཆེན་པོར་དབང་བསྐུར་རོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་འཁོར་དང་བཅས་པ་ཐམས་ཅད་ཤིན་ཏུ་རྣལ་འབྱོར་གྱི་དོན་ལ་ཞུགས་ཏེ་མི་སྣང་བར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། བདག་པོ་མཉེས་པ་དང་ཡོངས་སུ་གཟུང་བའི་ལེའུ་སྟེ་བཅོ་ལྔ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པ་ཞེས་བྱ་བ་སྟེ། མན་ངག་གི་སྙིང་པོ་ཞེས་བྱ་བ་རྣལ་འབྱོར་མའི་རྒྱུད་ལས། རྫོགས་པའི་ཡང་རྫོགས་པ། ཟབ་མོའི་ཡང་ཟབ་མོ། ཤིན་ཏུ་རྣལ་འབྱོར་གྱི་དོན་མཐར་ཐུག་པ་རྫོགས་སོ།། །།རྒྱ་གར་གྱི་མཁན་པོ་ཙྭ་ན་གར་བྷ་དང་། བོད་ཀྱི་དགེ་སློང་བི་རོ་ཙ་ནས་བསྒྱུར་ཅིང་གཏན་ལ་ཕབ་པ། ཕྱིས་སྐད་གསར་བཅད་ཀྱིས་བཅོས་པའོ