Ngb-pt-0418-vol-05-text
Front[edit]
Body[edit]
རྒྱ་གར་སྐད་དུ། སརྦ་དྷརྨུ་ཙིཏ་ཙྭ་ན་སིརྙི་བྷཀྟ་ཡང་ཙ་ར་ཨ་སྟི་ཁེ྅་ཨ་ཏྲ༷་ཏྲ། བོད་སྐད་དུ། ཆོས་ཐམས་ཅད་སེམས་ཉིད་ཡེ་ཤེས་རྒྱལ་པོ་ཞེས་དངོས་གྲུབ་རང་བྱུང་དབང་བསྐུར་བའི་རྒྱུད། རིག་པའི་རྒྱལ་པོ་ཀུན་གསལ་བའི། །དྲན་པ་ཐམས་ཅད་ཏིང་འཛིན་མཆོག །བྱ་བྱེད་ཡེ་ཤེས་སྐུར་གསལ་བའི། །མ་ལུས་འགྲོ་དོན་རྡོ་རྗེར་སྒྲུབ། །འདོད་པ་ནོར་བུ་གཙུག་གི་རྒྱན། །རིག་པའི་གཏེར་ཆེན་མུ་ཁའི་གདོང་། །ཚད་ལས་འདས་པ་སྐུ་གསུང་ཐུགས། །ཐབས་ཀྱི་རྒྱལ་པོ་དབང་བསྐུར་བ། །བསྟན་པ་བཅུད་དུ་རྫོགས་བྱེད་པའི། །སེམས་དཔའ་རྡོ་རྗེ་ཡིད་ཀྱི་བདག །འགྲོ་བ་ཐུགས་སུ་སྨིན་བྱེད་དེ། །ཐ་མའི་སྙིགས་མ་ལ་དགོངས་པ། །གསང་བའི་རྡོ་རྗེ་འཆང་ལ་མོས། །བསྟན་པ་གསུམ་གཉིས་མཐའ་ཅན་གྱི། །དུས་སུ་རྒྱུད་དྲག་མོས་ཆུང་བས། །ཚིག་གཅིག་དོན་ཀུན་རྫོགས་པའི་བདག །ལུང་གསུམ་གཅིག་འདུས་རྒྱུད་པ་ཡི། །དགུ་རུམ་སྦས་བའི་མན་ངག་སྦྱིན། །རེ་དོགས་བྲལ་བའི་སེམས་ལ་བསྟན། །འབྱུང་འཇུག་མེད་པའི་སེམས་ལ་ཐིམ། །དྲན་པ་སེམས་ཀྱི་མན་ངག་སྦྱིན། །རྟོག་པ་རླུ་་གི་དྲན་སྐྱོད་ཅིང་། །མཚན་མའི་སྤྲོས་པས་འཚོལ་བ་ལས། །བདེ་བ་ཐིག་ལེའི་མན་ངག་སྦྱིན། །སེམས་ཀྱི་རྣམ་གྲངས་གང་དང་གང་། །དེ་དང་དེ་ཡི་རྗེས་མཐུན་པར། །རྡོ་རྗེ་ཟམ་པ་མ་ཆད་པར། །བླ་མ་རིན་ཆེན་སྲོག་འགྱུར་དེས། །དེ་དེའི་སྒོ་ནས་གཏེར་ཁ་དབྱེ། །དེ་ཉིད་སྒོ་ཀུན་པྱེ་བ་ཡིན། དབྱིག་གི་རྫས་དང་ཕྲད་པ་ཡིན། །དཔེར་ན་ལྷ་ཡི་ནོར་བུ་ལ། །མཎྜལ་རྩེགས་པའི་སྒོ་བཞི་ཡོད། །གང་ནས་ཕྱེ་ཡང་དེ་ཉིད་ཐོབ་པར་འགྱུར། །འདི་ནི་ཐབས་རྒྱལ་རིན་ཆེན་ཏེ། །རྩལ་དང་བྲལ་བའི་དངོས་གྲུབ་ཡིན། །རྒྱུ་འབྲས་མེད་པའི་མཐར་ཕྱིན་ཡིན། །སྔགས་ཚིག་བྲལ་བའི་ནུས་མཐུ་ཡིན། །ཐ་སྙད་བྲལ་བའི་དོན་མཚོན་ཡིན། །ལས་གཞི་བྲལ་བའི་དོན་གྲུབ་ཡིན། །འཆིང་བྲལ་སྟོན་པས་ལྟ་བ་ཡིན། །འདའ་བ་མེད་པས་དམ་ཚིག་ཡིན། །རྟོག་འཛིན་སྤངས་པས་སངས་རྒྱས་ཡིན། །ཐམས་ཅད་རོལ་པས་འཁོར་བའང་སྟེ། །ཐེག་པའི་རིམ་པ་མ་ལུས་དང་། །རྒྱལ་བའི་ཐུགས་བཅ་དངོས་ཀྱང་ཡིན། །ཐམས་ཅད་གཅིག་དངོས་ཀུན་གྱི་བདག །འདི་ནི་རྒྱལ་བ་ཐམས་ཅད་ཀྱི། །ཐུགས་ཀྱིས་རྣག་པའི་དམ་པའི་ཐབས། །གཅིག་ཏུ་འདུས་པའིབདེཆེནཡིན། །འདི་ལངོས་བཟུང་ཡང་དག་མེད། །ཏིང་འཛིན་སེམས་ཀྱི་རིམ་རྩལ་མེད། །ལུས་དང་ངག་གི་བྱ་བཙལ་མེད། །གང་ལ་དམིགས་ཀྱང་རྣམ་འབྲེལ་མེད། །གཞན་དུ་སྣང་ཡང་གཉིས་སྣང་བྲལ། །སྐྱེ་འཇིག་འབྱུང་ཡང་འགག་བྲལ་མེད། །གནས་དང་བྲལ་ཡང་རྟེན་པ་མེད། །ཡུལ་དུ་སྣང་ཡང་འགག་པ་མེད། །ལོངས་སྤྱོད་ལྡན་ཡང་ཆགས་པ་མེད། །བྲལ་བར་འདོད་པ་མཆོག་དང་ལྡན། །འདི་ནི་རྡོ་རྗེ་ལམ་མཆོག་སྟེ། །སྐལ་ལྡན་འབད་པ་མེད་པར་གྲོལ། །རྒྱལ་ཐབས་སེམས་ཀྱི་རིན་ཆེན་དབང་། །སྒྱི་བླུགས་ཚངས་པའི་དབང་ཞེས་བྱ། །སེམས་ཉིད་རིན་ཆེན་དབང་གཅིག་གིས། །བསྐུར་མེད་རྫོགས་པར་སྦྱིན་བྱས་པས། །བྱེ་བ་ཕྲག་རྒྱའི་དབང་ཐོབ་སྟེ། །ཞིང་ཁམས་གཉིས་པ་བདེ་ལོངས་སྤྱོད། །བརྐམ་ཆགས་ལྔ་ཡི་སྦྱོར་བ་ཡི། །འདོད་པ་མོས་པའི་དངོས་གྲུབ་སྩོལ། །སྤང་ལེན་བཅས་པའི་ཏིང་འཛིན་གྱིས། །རེ་དོགས་འབྲས་བུ་དངོས་དང་བཅས། །འཐོབ་པ་རང་ལས་མ་ཡིན་ན། །གྲོལ་བ་རང་བྱུང་གཞན་ལས་མིན། །འདོད་ལ་མོས་པ་རྒྱུ་རྟེན་ཅན། །བཀའ་རྟགས་ཚིག་གི་དབང་བསྐུར་ནི། །ང་རྒྱལ་འཛིན་པའི་དབང་ཐོབ་སྟེ། །དགྲ་བཅོམ་ས་ལ་འཇུག་པར་ནུས། །འཛིན་དྲུག་བྲལ་བའི་ཡེ་ཤེས་ལ། །བདེན་གཞི་གསལ་བའི་དབང་བྱིན་ཞིང་། །རྟེན་པ་ལས་ཀྱི་རླུ་་བཟུང་སྟེ། །ཆུ་གཟར་འབབ་པའི་ཐིག་པའམ། །རླུ་་གིས་བསྐྱོད་པའི་སྨིག་རྒྱུའམ། །རྒྱ་མཚོ་ཆུ་ལ་ཆུའི་ཚས། །བསྐུས་ཤིང་ཏིལ་མར་སྦྱར་བ་ལ། །ཞག་དྲུག་གཉིས་གྱུར་སུམ་འགྱུར་གྱི། །བདེན་པ་གཏན་ལ་ཕེབས་འགྱུར་ཏེ། །བདེན་པ་བཞི་ལ་རིམ་གྱིས་སྦྱར། །ཡུན་དང་བཅས་པ་དེ་བཞིན་བྱ། །སྡུག་བསྔལ་ན་བའི་རྒྱུན་ལ་བྱ། །ཡིད་བརྟན་འཛིན་པ་བཟློག་པ་ཡིན། །སྟོང་པའི་དངོས་པོ་དེ་ཉིད་ཡིན། །བདག་མེད་དམིགས་དང་བྲལ་བས་སོ། །རིམ་གྱི་ཁ་ཟས་བྲལ་བྱས་ཏེ། །ཟླ་བ་གསུམ་འགྱུར་ཚུན་ཆད་དོ། །ཟག་པ་ཟད་ནས་དབུགས་ཀྱི་དགང་། །དབུགས་དང་ལྟེ་བ་སེམས་སུ་བཅས། །ལོ་གཅིག་བར་གྱི་འདྲེས་པར་དགང་། །དབུགས་ཀྱི་འགྱུ་བའང་དེ་ནས་ཟད། །སེམས་ཀྱི་འཛིན་པ་དེ་ནས་ཉམས། །དུས་དང་འབྲེལ་ནས་རྐྱེན་དབང་བསྐུར། །བྱང་ཆུབ་སེམས་དཔའ་བློ་ཅན་གྱིས། །འདུལ་བའི་སྡོམ་པ་དམ་མནོས་ཏེ། །བདེན་གཉིས་རྟོགས་པས་ལམ་བསྟན་ཏེ། །སེམས་ཅན་རྒྱུད་ཀྱི་མཚན་རྟོགས་ནས། །ཞི་གནས་འབྲེལ་བའི་གནས་དྲུག་སྦྱར། །ལྷག་མཐོང་གསལ་བའི་སྐབས་གསུམ་བགྲོད། །ཞི་གནས་བརྟན་པའི་གནས་རྙེད་ནས། །ཏིང་འཛིན་རྣམ་གཉིས་ཟུང་དུ་སྦྲེལ། །སྟོང་པའི་ནམ་མཁའ་དེ་ཉིད་བྱ། །ཟླ་བ་གཅིག་གི་རྟེན་འགྱུར་ནས། །དེ་ཉིད་སྟོང་པར་རྟག་པར་བྱ། །དེ་ཉིད་སྟོང་པའི་རླུད་ཆེན་ལ། །ཕལ་ཆེར་དབུགས་ཆེན་འབྱིན་པ་སྟེ། །བསྐལ་པ་དུ་མའང་གནས་པ་སྲིད། །སྨོན་ལམ་སྟོབས་དྲག་མྱུར་དུ་འགྲུབ། །སྐུ་བྱིན་ལྡན་པའི་ཕྱག་བརྐྱང་ནས། །ཕྱག་གི་གདུགས་ཀྱིས་བཀབ་ནས་ནི། །ཞི་གནས་རྟེན་པའི་དབྱིངས་ལས་ཡིས། །ལག་མཐིལ་གཙང་མའི་དྲིས་བྱུགས་ནས། །རིགས་གསུམ་སྟོབས་ཀྱི་དཀྱིལ་འཁོར་བྲིས། །དམ་པ་གསུམ་ལ་དག་པར་བསྟན། །འཕྲུལ་གྱི་མེ་ལོང་དགུ་བཀྲམ་སྟེ། །དམིགས་པས་དངོས་པོའི་རྟོག་པ་སྤང་། །ལྷ་ཡི་མངོན་རྟགས་ལག་ཏུ་གཏད། །གང་བའི་ས་ལ་ངེས་བཀོད་དེ། །དེ་ཡང་བཅོས་མའི་སྦྱོར་བ་ཡིན། །རིན་ཆེན་ལྷུན་གྲུབ་བརྩེགས་པའི་ཁང་། །རི་བོ་འབར་བའི་རྩེ་མོ་ལ། །དཔལ་འབྱུང་ལག་ན་རྡོ་རྗེ་ཡིས། །རྡོ་རྗེ་དབྱིངས་ཀྱི་དཀྱིལ་འཁོར་འབར། །རང་བཞིན་དཀྱིལ་འཁོར་སྔོན་དུ་བྱུང་། །དམ་པ་ལྔ་ལ་སྔོན་དུ་བསྟན། །ལྷ་བྲག་རྡོ་རྗེའི་རྫོང་ཕུག་ཏུ། །གཙང་མའི་རིག་འཛིན་གྲལ་ལ་འཁོད། །དེ་ཡང་བཅོས་མའི་དཀྱིལ་འཁོར་ཡིན། །ཏིང་འཛིན་སྨོན་པའི་སྦྱོར་བ་སྟེ། །དབང་རྟགས་སྦྱོར་བས་ང་རྒྱལ་སྨིན། །མཉམ་ཉིད་ལྟ་བའི་ཚིག་འཛིན་ཅིང་། །སྤྱོད་པ་སྙམ་པའི་ཚིག་ལས་འདས། །དམ་ཚིག་ལྡན་པའི་ལམ་གཞི་ཅན། །ལྟ་དང་དགོད་དང་འཁྱུད་པ་ཡིས། །སྦྱོར་བའི་དམ་ཚིག་བསྟན་པ་ཡིན། །ཞིང་བཅས་བསྒྲལ་བའི་གནས་རྣམས་ནི། །ལྷ་རུ་སྒྱུར་དང་གཙོ་བོས་བསྒྲལ། །བདག་གི་ཏིང་འཛིན་སྦྱོར་བ་ཡིས། །བསྒྲལ་བས་སྤྱོད་པའི་དམ་པར་འདོད། །ཕྱི་བའི་རྣལ་འབྱོར་ཏིང་འཛིན་རྣམས། །རིམ་པ་ཇི་བཞིན་མངོན་འདོད་དེ། །ལྷ་དང་བཅས་པའི་ཡན་ལག་རྣམས། །ཏིང་འཛིན་སེམས་ཀྱི་སྨོན་པ་སྟེ། །བཅོས་མའི་དཀྱིལ་འཁོར་ལ་བརྟེན་ནས། །ཕྱི་གུས་བསྟོད་ཞུས། །དེ་ནས་དབང་པོ་ཁྲི་ལ་འཛེགས། །ཚུལ་དང་མཐུན་པའི་མོས་པ་སྐྱེད། །གསང་བའི་མེ་ཏོག་འཐོར་འཐུང་མཆོད། །གསང་བའི་གཟུགས་བརྙན་དཀྱིལ་འཁོར་དུ། །མཚོན་པའི་གཟུགས་བརྙན་དེར་བཞག་སྟེ། །གསང་བ་ནང་གི་རིག་འཛིན་དུ། །ངེས་པར་ལུང་བསྟན་མིང་ཕོག་སྟེ། །བདུད་རྩིའི་སྤྱོད་པ་ཐམས་ཅད་བྱས། །མདོག་འགྱུར་ནུས་པའི་སྟོབས་རྙེད་ནས། །རྡོ་རྗེའི་ཁྲི་ཆེན་ཐོག་ཏུ་བསྐྱོན། །ལྷ་མོ་འབར་བའི་ཁ་ལ་བཞག །རོལ་པ་རྩེ་དགུ་སྐྱོད་པ་བསྟན། ཁ་ན་མ་ཐོའི་ལས་རྣམས་ལམ། །བག་མེད་སེམས་ཉིད་རོལ་པར་བྱ། །བདེ་བ་མྱུ་གུའི་རིག་འཛིན་ཏེ། །དོན་དམ་བདེན་པ་རྟོགས་པ་ཡིན། །སྟོང་ཉིད་བདེ་བའི་མན་ངག་སྤྱིན། །རོལ་པའི་ཀ་ར་བཅུ་གཉིས་བསྟན། །སྒྱུར་བའི་མན་ངག་རྣམ་གསུམ་བསྟན། །བཀུག་དང་མཉེ་དང་བསྡམས་པ་དང་། །གཟུང་དང་སྤྲད་དང་བཅིང་བ་དང་། །སྤྲད་དང་གར་གྱི་ཕྱག་རྒྱ་དང་། །གཉིས་བཞི་ལྡན་པའི་ཐབས་ཆེན་ཀྱི། །དམ་པའི་བདེན་པ་མངོན་དུ་བསྟན། །སྟོང་པ་དེ་ཉིད་ཚུལ་ལ་གནས། །སྔགས་ཀྱི་སྤྱོད་པར་བྱིན་གྱིས་རློབས། །ཚེ་ཡི་རིག་འཛིན་དབང་ཐོབ་སྟེ། །འཆི་བ་མེད་པའི་ཚེ་དང་སྦྱོར། །སྲས་ཀྱི་ཐུ་བོ་ཉེར་བཞག་ལྔ། །བུམ་པའི་ཁང་ཐོག་རྩིབས་བརྒྱད་འབར། །སུམ་ཅུ་རྩ་གསུམ་གནས་ཆེན་པོ། །སྤྲུལ་པ་བརྒྱ་བྱིན་གནས་སྒྱུར་ཏེ། །བརྒྱ་བྱིན་བུ་མོ་གྲགས་ཆེན་པོ། །ལྷ་རྒྱལ་ཀུན་གྱི་གཟུངས་ཆེན་ཏེ། །བདེ་བར་མཆོད་ནས་ཉེ་བར་བཞག །གཟུགས་བརྙན་གསང་བའི་དཀྱིལ་འཁོར་དེ། །ཆགས་པ་བདེ་བའི་ས་བོན་ཞིང་། །འདོད་པའི་ཡུལ་དུ་གདབ་པར་བྱ། །གཉིས་མེད་ཡེ་ཤེས་ཀློང་དུ་འཆར། །འདོད་ཆགས་སྲེག་པའི་མེ་ཡིན་ཏེ། །རྡོ་རྗེ་རླུད་གི་སྙིང་པོ་བསྐུལ། །དབྱིངས་ཕྱུག་འཁོར་ལོ་མེ་ཡི་བསྲོ། །ཐིག་ལེ་རྫོགས་པ་ཕྱེད་ནས་བསྐུལ། །རྩ་མདུད་དངས་མེས་རྒྱས་འགྱུར་ན། །ཇི་ལྟར་འདོད་པ་བདེ་བ་འབྱུང་། །ཡེ་ཤེས་འདྲེས་པའི་ཐིག་ལེ་ཅན། །དབུགས་རྔུབ་བསྡུ་བའི་མན་ངག་སྦྱིན། །རྡོ་རྗེ་འཛིན་པའི་རིག་འཛིན་ཡིན། །ཏིང་འཛིན་འབར་བའི་དཀྱིལ་འཁོར་དུ། །སེམས་དཔའི་བསྟན་པ་ལུང་ཕོག་སྟེ། །གནས་མེད་དཀྱིལ་འཁོར་དམ་པར་བཞུགས། །དེ་ཉིད་དཀྱིལ་འཁོར་དེར་ཞུགས་ནས། །རང་བཞིན་དཀྱིལ་འཁོར་ལ་གསལ་དུ། །དོན་གྲུབ་ལས་ཀྱི་དབང་བསྐུར་ཏེ། །རྒྱལ་ཚབ་སྐྱེས་བུའི་སར་བཞག་ནས། །འབུམ་ཕྲག་གསུམ་གྱི་བསྟན་པ་བསྒྲགས། །ཆོས་ཀྱི་འཁོར་ལོ་གསུམ་གསུངས་ཏེ། །བཅོས་མའི་སྦྱོར་བ་འདི་ཡིས་ནི། །རྣལ་མའི་དངོས་གྲུབ་རྙེད་མ་ཡིན། །བརྟུལ་ཤུགས་སྤོང་ལེན་བྱེད་པའི་དབང་། །འདི་ཡིས་དེ་ཉིད་མི་ཐོབ་སྟེ། །དཔེར་ན་སྤྲེའུ་རྒྱལ་པོ་བཞིན། །སྦྱོར་བ་གཞན་གྱི་དངོས་མི་འགྱུར། །འདི་དག་བཅོས་མའི་སྦྱོར་བ་སྟེ །སྨིན་ཀྱང་འབྲས་བུ་མི་འགྲུབ་སྟེ། །བིམ་པ་ར་ཡི་འབྲས་བུ་བཞིན། །བཅོས་མའི་སྦྱོར་བས་དངོས་མི་འགྱུ། །བཱ་ར་ཎ་སིའི་ཀློང་ཕུག་ཏུ། ཁྲ་རི་བུ་ཡི་སྟོན་པའི་ས། །བ་ཏའི་བུ་གསུམ་དབང་བསྐུར་ཏེ། །ཚེ་སྟོད་དགྲ་བཅོམ་ཟག་པ་ཟད། །ཚེ་སྨད་ངན་སོང་གསུམ་དུ་ལྷུང་། །བྱ་རྒོད་ཕུང་པོའི་འགྲམ་ལོགས་འདབ། །དགོན་ཕུག་བྱེ་མའི་འདབས་སྣ་མྲ །དངོས་པོར་ལྟ་བའི་རིགས་ཅན་ཏེ། །བྲམ་ཟེ་ས་ལ་རྒན་མོའི་བུ། །དགེ་སློང་ས་རི་བྱ་བ་དེ། །ང་ནི་སྡུག་བསྔལ་ཟག་པ་ཟད། །རྒྱལ་ཚབ་སྐྱེས་བུའི་ས་འཛིན་ཟེར། །དགྲ་བཅོམ་ལྔ་བརྒྱ་སྟོང་གཅིག་འདུས། །སྐྱེས་བུ་ཆེན་པོར་དབང་བསྐུར་བས། །འཁོར་བའི་གནས་རབ་དགུ་རུ་རྒྱུད། །བརྟེན་པའི་ཚིག་གི་དབང་འདི་ནི། །འདོད་ལ་མོས་པའི་བརྐམ་ཆགས་ཅན། །རྒྱལ་ཚབ་མ་ཡི་བདེ་འཐོབ་པའོ། །གང་གྭའི་རྒྱ་མཚོ་མདོ་ལེ་ལ། །དེད་དཔོན་བློན་གྱི་བུ་ཐུ་བོ། །བྲམ་ཟེ་ནོར་གྱི་རྒྱལ་མཚན་འཛིན། །ཕྱི་ཡི་རྡོ་རྗེ་རྟགས་འཛིན་པ། །བཀའ་རྟགས་ཚིག་གི་དབང་བསྐུར་ཏེ། །བདེན་པ་ཚིག་གིས་ནུས་པ་བཞག །འཁོར་བའི་རྒྱ་མཚོ་རྒལ་མ་ནུས། །བསྐུར་བས་ཐོབ་པའི་དབང་རྣམས་ནི། །ཟག་བཅས་ནུས་མཐུས་འཁོར་བའི་ཆོས། ཁྲར་ཕྱོགས་ཨིན་ཏྲེརེ་ལུང་པ་ན། །རྒྱ་ལུང་རྡོ་རྗེ་བརྩེགས་པ་སྲ །རིགས་ཅན་ཨིནྟྲ་བོ་དྷི་དང་། །ས་ག་རྒྱལ་པོའི་བུ་ཐུ་བོ། །ཀླུ་ཡི་བུ་མོ་རྒྱ་མཚོ་དང་། །སིང་ཧ་ཨུ་པ་ར་དང་ནི། །ལྷ་ཡི་བུ་ནི་དགེ་བ་ཅན། །དྲི་མ་མེད་པའི་འོད་ལ་སོགས། །ཚོམ་བུ་ལྔ་བཅུ་སྟོང་དང་བཅས། །ཕྱག་ན་རྡོ་རྗེ་མངོན་བསྒྲུབས་ཏེ། །སྤང་ལེན་བརྟུལ་ཤུགས་སྤྱོད་པའི་དབང་། །དགེ་བར་བསྐུར་ནས་སྡིག་པ་མེད། །གནང་བ་སྒྲུབ་ཅིང་ལུང་ལ་བརྟེན། །དེ་ཡང་སྤྱོད་ལོག་དངོས་གྲོལ་ཏེ། །མཚན་མ་གཡོན་གྱི་ལམ་ལ་ཞུགས། །བརྐམ་ཆགས་རང་ག་སྲེད་པ་སྤངས། །ཆགས་པ་གཡོན་གྱི་ལམ་གྱི་ཁྲིད། །བདེ་ཆེན་ལམ་དང་དེ་བྲལ་ལོ། །རྒྱ་ཕུག་འཁོར་ལོ་བརྩེགས་པའི་ཁང་། །འདའ་ན་ཀོ་ཤ་གླིང་ཕུག་ཏུ། །གསེར་གྱི་བྲག་ཕུག་ཡུ་བ་ཅན། །དེ་ནང་རྡོ་རྗེ་གདན་སྟེང་སྟེ། །རིན་ཆེན་འབར་བ་གསལ་བྱེད་ཀྱི། །ཕྱོགས་མཚམས་རྒྱས་པའི་གུར་ཕུག་སྟེ། །ཡི་གེ་མེད་པའི་འབྲུ་གསུམ་སྟིམ། །རྣ་བརྒྱུད་ལུང་གི་གཏེར་ཆེན་བཀྲོལ། །ཕྱོགས་མཚམས་བཅས་པའི་འཁོར་ལོ་བཅས། །རིན་ཆེན་འཔྲུལ་གྱི་མེ་ལོང་བསྟན། ཁུ་བ་མེད་པའི་རིག་པ་སྐྱེད། །རང་བཞིན་གསལ་བའི་འོད་ལ་ཞུགས། །ལོངས་སྤྱོད་རྫོགས་པའི་རྒྱན་དང་ལྡན། །སྤྱི་བླུགས་ཚངས་པའི་དབང་བསྐུར་ཏེ། །བདེ་ཆེན་ས་ལ་བཀོད་པའོ། །བཅོས་མའི་སྦྱོར་བ་ལ་བརྟེན་ནས། །རྣལ་མའི་སྦྱོར་བ་རྟོགས་པར་བྱ། །འདྲ་འབག་ལྷའི་ལུས་བཞིན་དུ། །རྟགས་ཀྱི་དེ་ཉིད་དོན་མཚོན་བྱ། །བཅོས་མའི་དབང་བསྐུར་རྟགས་ཀྱི་བརྡའ། །མཚོན་ནས་རྟགས་ནི་སྤང་བར་བྱ། །རྣལ་མའི་དབངབསྐུརཆེནཔོའདི། །བྲལབའི་རྣལ་འབྱོར་གང་དག་ནི། །གང་ཞིག་མིག་དང་བྲལ་བ་ཡིན། །འདི་ཉམས་རྣལ་འབྱོར་ལམ་འཚོལ་བ། །རྒྱ་མཚོ་འཇིང་ལ་སྟེགས་བཅས་ནས། །ནམ་མཁའི་དངོས་པོར་སྙེག་པ་འདྲ། །བདེ་བ་ཆེན་པོའི་མན་ངག་འདི། །དམུས་ལོང་མདུན་ནས་གཟུགས་སྣང་ཞིང་། །སྐལ་ངན་ལས་ཀྱིས་བསྒྲིབས་པ་ལ། །སྲོག་ལུས་བྲལ་ཡང་ཁར་དབྱུང་མིན། །བློ་ངན་དད་པ་ཆུང་བ་དང་། །ངང་གི་བློ་འཕངས་དམའ་བ་དང་། །ཐོས་པ་ཆུང་བའི་བློ་སྦྲམ་དང་། །ཐེག་པ་དམན་ལ་ཞུགས་པ་དང་། །རང་རྐྱེན་ངན་པས་དྲེགས་པ་དང་། །ངར་འཛིན་དྲེགས་པས་གཙོར་འཆེལ་དང་། །འཇིག་རྟེན་བྱ་བའི་རྒྱུར་སྒྲུབ་དང་། །ཐབས་ཀྱི་བབ་ཆེན་འཛག་པ་དང་། །བརྐམ་ཆགས་ངན་པས་འཛིན་པ་དང་། །སྣོད་ཀྱི་དྲི་མ་མ་དག་པས། །བསྒྲུབ་བྱ་དམ་པར་མི་སེམས་དང་། །བླ་མ་སྲོག་ཏུ་མི་འཛིན་དང་། །ཐ་མའི་སྤྱོད་པ་ཉམས་པ་རྣམས། །གྲིབ་བཞིན་བྱུང་འཁོར་སྤང་བར་བྱ། །སྲོག་ལུས་བྲལ་ཡང་ལས་ཀྱིས་བྲལ། །མཚོ་ཆེན་གསེར་གྱི་འོག་གཞི་ལྟར། །མི་འགྱུར་བརྟན་པའི་སེམས་ཀྱིས་བཟུང་། །གལ་ཏེ་བཅས་པའི་རྒྱ་རལ་ན། །ན་རག་རྡོ་རྗེའི་གདན་བཞི་སྟེ། །ཆད་པའི་རིགས་སུ་ངེས་པ་ཡིན། །རྣམ་སྨིན་འཇིག་རྟེན་འདི་ལས་བྱུང་། །དམ་ཅན་རྡོ་རྗེ་མཁའ་འགྲོའི་ཚོགས། །བོས་པ་བཞིན་དུ་འདུས་གྱུར་ནས། ཁྲ་ཁྲག་ལ་སོགས་དངོས་སུ་ཟ། །དམ་ཤོད་གླིང་གི་དུར་ཁྲོད་བཞིན། །མཁའ་འགྲོ་རྣ་ཉན་ཀུན་གྱིས་སྡུད། །དེས་ན་ཐབས་ཆེན་མན་ངག་འདི། །རྗེས་སུ་མཐུན་པའི་དམ་བཅས་བཟུང་། །རིན་ཆེན་གཏེར་གྱི་སྙིང་པོ་འདི། །ཀུན་བཟང་རྒྱལ་བ་ཐམས་ཅད་ཀྱིས། །གསང་བའི་བདག་པོ་བཀའ་བསྒོ་བ། །གསང་འཛིན་རྡོ་རྗེ་སེམས་དཔའ་ནི། །སུམ་ཅུ་རྩ་གསུམ་བུམ་ཐོགས་ཏེ། །སྲོག་ཤིང་རྡོ་རྗེ་རྩེ་དགུ་འབར། །གསེར་གྱི་འཁོར་ལོ་འབར་ལ་བཞག །གསང་བའི་ཏིང་འཛིན་བདག་པོར་བསྒྲགས། །དགའ་རབ་རྡོ་རྗེ་བདག་ཉིད་ཀྱང་། །དེ་བ་བཟང་སྐྱོང་བུ་ཐུ་བོ། །ཀུན་དགའ་སྙིང་པོ་བྱ་བ་ཡིན། །ལག་ན་རྡོ་རྗེ་གསང་བདག་གིས། །འཁོར་ལོ་འབར་བའི་ལྟེ་བར་བཞག །ནམ་མཁའི་མཐའ་དང་མཉམ་པའི་རྒྱུད། །ཀློང་དགུ་བམ་པོ་ཉི་ཁྲི་གསུངས། །སྤྱི་བླུགས་ཚངས་པའི་དབང་བསྐུར་ནས། །དུས་མཐའ་ཉིད་ཀྱི་ས་ལ་བཀོད། །འཛམ་གླིང་འཇིང་དུ་རྒྱལ་ཐེབས་བྱས། །སེམས་རྒྱུད་རིག་པའི་ཐོར་ཅོག་ཅན། །རྒྱལ་གྱི་རིགས་ཅན་དྲ་མའི་ཡུལ། །རྒྱ་ཕུག་ད་ན་ཀོ་ཤའི་གླིང་། །ཕྱག་ཏུ་གསང་བའི་གནས་རབ་བཅས། །ལུང་གསུམ་རྒྱུད་པའི་རྩ་བའི་དོན། །དགུ་གསུམ་སྦས་པའི་མན་ངག་འདི། །སེམས་ལ་གླེན་ཞི་བདེ་ལ་འགོད། །ཡིད་ལ་བཅངས་ཤིང་ལུས་ལ་བཅངས། །བཀའ་ཡི་བདེ་ཆེན་མ་མཐོང་བ། །ཕྱི་ནང་རྒྱུད་པའི་ལུང་ལ་བརྟེན། །ལུས་ངག་སེམས་ཀྱི་བྱ་བཙལ་གྱིས། །བརྐམ་ཆགས་འདོད་པའི་ཆུ་བོ་སྐྱེད། །བདེ་ཆེན་སྲོགས་དང་བྲལ་མཐོང་ནས། །གསལ་བར་གནས་སུ་དབུགས་ཆེན་ཕྱུང་། །འཕྲུལ་མིག་རྡོ་རྗེ་ཟམ་པ་འདི། །བཀའ་ཡི་ཐུགས་ཀྱི་ཉིང་ཁུ་འདི། །ངང་པས་འོ་མ་བསྡུས་༄༅ པའམ། །འཇོག་པོས་རིན་ཆེན་ཕྱུང་བ་སྟེ། །རྒྱ་མཚོ་གླིང་གི་ཁ་བྱབ་བཞིན། །བཀའ་ཡི་བདུད་རྩི་བསྡུས་པ་ཡིན། །སྤྱི་བླུགས་ཚངས་པའི་དབང་ཆེན་ནི། །ཐབས་ཀྱིས་རྒྱལ་བའི་རིམ་པར་བསྟན། །རྗེས་སུ་མཐུན་པའི་བཞི་དང་བཅས། །འཇུག་པ་རྒྱུ་ཡི་རིམ་པ་དང་། །སྨན་པའི་ཆད་པར་ཀུན་སྤངས་པའི། །ཀུན་རྫོགས་ཚངས་པའི་དབང་བསྟན་དང་། །བརྡ་དོན་འགྲོལ་བའི་རིམ་པ་ཡིན། །ཐུགས་བརྟོལ་རྣ་བརྒྱུད་མན་ངག་སྤྱིན། །འཕྲུལ་གྱི་མེ་ལོང་དགུ་བསྐོར་བཞིན། །རྒྱལ་བས་དངོས་གྲུབ་མན་ངག་སྤྱིན། །གསལ་བྱེད་རིན་ཆེན་རབ་འབར་བསྟན། །མི་འགྱུར་བསྟན་པའི་དབང་བསྐུར་ལ། །དྲན་པ་རྐྱེན་གྱི་མན་ངག་སྦྱིན། །དྲན་རྟོག་རླུད་གིས་སྐྱེད་བྱེད་པས། །གཡོ་འཛིན་རླུད་གི་མན་ངག་སྤྱིན། །སེམས་ཉིད་མི་བསྟན་སྤྲོས་འཚལ་བས། །བདེ་བ་ཐིག་ལེའི་མན་ངག་སྦྱིན། །བདེ་ཆེན་རང་བྱུང་བྱིན་རླབས་པས། །མི་འགྱུར་བརྟན་པའི་སྤྱོད་པ་བརྟན། །བརྟན་ནས་མི་འགྱུར་ལྷུན་གྱིས་ཚེ། །བདེ་ཆེན་རིག་པས་བསྒྲུབ་པར་བྱ། །དང་པོའི་ཡན་ལག་བརྟན་བྱས་པ། །གནས་དང་སློབ་དཔོན་དཀྱིལ་འཁོར་དང་། །སློབ་མ་དག་དང་འཇུག་རྣམས་དང་། །དུས་དང་འཇུག་པའི་ཡོན་ཏན་ནོ། །གནས་ནི་རྣམ་པ་གཉིས་གསུངས་ཏེ། །གཞི་ཡི་གནས་དང་རྟེན་པའི་གནས། །ཐམས་ཅད་རང་རིག་སེམས་ཉིད་དེ། །རྒྱུ་གཉིས་བྲལ་བའི་དངོས་གཞི་ཉིད། །བདེགཤེགསརྒྱལབ་མ་ཡིན། །བདག་ཉིད་རྫོགས་པའི་དཀྱིལ་འཁོར་ནི། །ཀུན་གཞི་ཆོས་སྐུ་ཆེན་པོ་ཡིན། །ལོངས་སྦྱོད་རྫོགས་པ་མ་འདྲེས་ཡིད། །ཚོགས་དྲུག་སྤྲུལ་པ་རྒྱ་ཆེན་པོ། །བརྐམ་ཆགས་ལྔ་ཉིད་རིགས་ལྔ་ཡིན། །རྣམ་ཤེས་གཅིག་བདག་རིགས་གཅིག་ཉིད། ་ས་པའི་བྱེ་བྲག་རྣམས་མཐའ་ཡས། །རྒྱལ་བ་རྡུལ་སྙེད་འཇིག་རྟེན་སྒྲོལ། །ཙིསྟ་རིན་ཆེན་དཀྱིལ་འཁོར་ནི། །འོག་མིན་གནས་ཆེན་མུ་མཐའ་ཡས། །སྒྲ་སྐད་མ་ལུས་རྣམས་མང་ཡང་། །མི་བཟད་རྒྱན་གྱི་འཁོར་ལོའི་གསུང་། །གཟུང་མཆོག་སྐུ་ཡི་དཀྱིལ་འཁོར་རྫོགས། །དྲན་རྟོག་སེམས་ཀྱི་རྒྱུ་བ་ཀུན། །མི་ཟད་རྒྱན་གྱི་འཁོར་ལོ་ཐུགས། །སྣོད་བཅུད་ཡེ་ཤེས་དཀྱིལ་འཁོར་ཡིན། །སེམས་ཉིད་རབ་འབྱམས་དཀྱིལ་འཁོར་ཡིན། །དུས་གསུམ་ཁམས་གསུམ་བདག་ཉིད་ཅན། །བརྐམ་ཆགས་དྲུག་གི་མཚན་ཉིད་ནི། །རྒྱུ་དྲུག་གནས་པའི་སེམས་ཅན་ཡིན། །རྩ་དྲུག་ས་བོན་བདག་ཉིད་ཅན། །ཙིསྟ་འཁོར་ལོ་རིན་པོ་ཆེ། །ཟག་པ་ཟད་པའི་མཚན་ཉིད་དེ། །རྩ་གསུམ་འདུས་པའི་ཐིག་ལེ་གཅིག །རྩ་བཞི་ཐིག་ལེར་བཅས་པ་ནི། །ཡེ་ཤེས་ལྔ་ཡི་བདག་ཉིད་སེམས། །རྩ་བརྒྱད་ཐིག་ལེའི་རང་བཞིན་ནི། ཁྱད་པར་དབང་པོའི་ལམ་དང་འབྲེལ། །རྩལ་རྣམས་བདེ་བའི་ཐིག་ལེ་ལས། །དྭངས་མ་ཕྱི་ནང་མཚན་ཉིད་ཅན། །ནམ་མཁའི་ཁམས་ཀྱི་ཕྱོགས་ཆ་ན། །ཡེ་ཤེས་གཉིས་མེད་ཐིག་ལེའི་ངང་། །དབུས་ཀྱིཐིགལེཆེནཔོའོ། །ཕྱོགས་མཚམས་བརྒྱད་ཀྱི་མདུན་སྒོ་ན། །ས་བོན་དྲུག་དང་སྒོ་དང་སོ། །ཐིག་ལེ་སོ་སོའི་ནུས་པ་ཅན། །དབུས་ཀྱི་ཐིག་ཐུང་ཨ་ཡི་རང་བཞིན། །དེ་དང་འབྲེལ་བའི་ཐིག་ལེ་བརྒྱད། །རང་འབྱུང་ཡེ་ཤེས་བདེ་བ་བཅུད། །ཐིག་ལེ་འཁྱིལ་པའི་ཚུལ་དུ་གནས། །རྩ་བརྒྱད་འཁོར་བའི་རྩེ་འཁོར་ལོ། །གཉེ་མོ་འཁྲིལ་བའི་ཚུལ་བཞིན་ཏེ། །དབང་པོ་དྭངས་མའི་བཅུད་དང་འབྲེལ། །བདེ་གཤེགས་དཀྱིལ་འཁོར་བརྗོད་ལས་འདས། །མཚན་དང་དཔེ་བྱད་རང་བཞིན་རྫོགས། །སྤྲུལ་པའི་འཁོར་ལོ་གཟུགས་ཁམས་ཏེ། །དབུས་ཀྱི་ཐིག་ལེ་སྒྲོན་མའི་ཁ། །སྤྱི་བོ་གཏད་ནས་འཁྱིལ་པའི་གཟུགས། །ཐིག་ལེ་བཞི་དང་ཡང་དག་འབྲེལ། །སྤྲོས་འཛིན་བདེ་བའི་སྒྱུ་མས་གང་། །མཁས་པས་བདེ་བ་སྤྱད་པར་བྱ། །རྩ་བཞི་འབྲེལ་བའི་ཐིག་ལེ་བརྒྱད། །བསམ་གཏན་བཞི་ཡི་སྡེ་པ་ཅན། །ཕྱི་རོལ་འཁོར་ལོ་འདབ་བརྒྱད་ཅན། །ཐིག་ལེ་བཅུ་དྲུག་དེ་དང་འབྲེལ། །དང་པོ་ཉིད་ནི་འདྲེན་མ་ཡིས། །བཞི་དང་བཅུ་ནི་འདོད་པ་ཡི། །ཐུན་མོང་བདེ་བ་ཉིད་ཡིན་ནོ། །གཉིས་ནི་རིག་པའི་རྫིང་གི་འགྲམ། །འདུས་པའི་མདུད་འཆད་མེ་ཡི་འགྲམ། །ཐིག་ལེ་གཉིས་ནི་སྒོ་མེད་ཡིན། །རྒྱུད་རྣམས་ཀུན་གྱི་ཐུན་མོང་གི །བདེ་བ་མྱོང་བར་བྱ་བ་ཡིན། །གཡས་གཡོན་འདུས་པའི་ཐིག་ལེ་མཆོག །ལོངས་སྤྱོད་འདུད་པའི་རྩི་ཡིས་ཟིན། །ཆོས་ཀྱི་ཐིག་ལེ་དང་པོའི་བཅུད། །གཉིས་སུ་འཁྱིལ་ཞིང་འཛག་པའི་རྩི། །ཐིག་ལེ་འཁྱིལ་བ་བཞི་གནས་ཏེ། །བདེ་བ་ཆེན་པོས་འགེངས་དང་འཛག །འཁོར་ལོ་བཟློག་དང་རྩ་གསུམ་རྒྱས། །རང་བྱུང་བདེ་བ་རྒྱས་པར་བསྲེ། །རླུད་དང་ཡེ་ཤེས་དྭངས་མའི་བཅ། །འདྲེས་པ་རྡོ་རྗེ་ཉི་མའི་ཚུལ། །འཁྱིལ་ནས་བདེ་བའི་རོས་གང་ན། ཁམས་གསུམ་ཡེ་ཤེས་ཆེན་པོ་སྟེ། །ཇི་བཞིན་རླུང་བུས་ཕེབས་པ་ཡིན། །བར་གཅོད་རྐྱེན་དང་བྲལ་བ་ཡིན། །ལོངས་སྤྱོད་འཁོར་ལོ་འདོད་པའི་ཁམས། །བདེ་བ་ཆེན་པོའི་གཟུགས་མེད་པ། །དངོས་པོ་མེད་པའི་སྙིང་པོ་ཅན། །བདེ་བ་འབྱུང་བ་གུ་ལི་ཚོགས། །ལོངས་སྤྱོད་བདེ་བའི་ཐིག་ལེ་ཅན། །རྣམ་དག་ཆོས་སྐུའི་རང་བཞིན་ཡིན། །རང་རིག་བདེ་བ་ཆེན་པོ་ལ། ཁུ་དྲུག་ལོངས་སྤྱོད་གནས་ལ་སོགས། །མྱ་ངན་འདས་པའི་སྐུ་གསུང་ཐུགས། །མ་ལུས་རྫོགས་པའི་དཀྱིལ་འཁོར་ཏེ། །རང་གི་སྦྱོར་བའི་ཏིང་འཛིན་ལ། །སྤྱན་དྲངས་མོས་པའི་ཡིད་སྨོན་ཡིན། །བློ་ཡི་སྦྱོར་བ་རྟག་པ་སྟེ། །བཅོས་མའི་ཐབས་ཀྱིས་སྦྱོར་བ་ཡིས། །ཇི་བཞིན་དངོས་ལ་མི་འཇུག་པར། །བཅོས་མའི་བརྙན་མ་མངོན་བྱེད་ན། །དོན་དུ་དམིགས་ནས་འཇུག་བྱེད་ཀྱང་། །དཔེར་ན་སྤྲེའུ་དང་སྤྲེ་འབག་བཞིན། །དེ་ཡིས་དེ་ཡི་དོན་མི་འགྲུབ། །བཅོས་མའི་དཀྱིལ་འཁོར་སྤང་བར་བྱ། །དེས་ན་རང་འབྱུང་དཀྱིལ་འཁོར་འདི། །ཇི་བཞིན་མངོན་སུམ་ཁོ་ན་བས། །འདི་ལ་དེ་བཞིན་ནན་ཏན་བྱ། །བཀྲ་གསལ་གཟུགས་དང་བརྗོད་བྲལ་སྒྲ། །དངོས་བྲལ་རང་བཞིན་མེད་པའི་དྲི། །མུ་ཁ་ཐིག་ལེ་དབྱིངས་ཀྱི་ངང་། །སྣ་ཚོགས་དབྱིངས་ཉིད་བྷ་གའི་ཀློང་། །ཀུན་འདུས་བདེ་ཆེན་དཀྱིལ་འཁོར་དྲུག །བདེ་བ་ཆེན་པོ་གཅིག་གི་ངང་། །ཡེ་ཤེས་མུ་མཐའ་མེད་པར་འཇུག །འདི་ནི་རང་བཞིན་དཀྱིལ་འཁོར་ཡིན། འདི་ལ་སློབ་དཔོན་རྣམ་གཉིས་ཏེ། །བརྡ་དོན་སྒྲོལ་བའི་སློབ་དཔོན་ཡིན། ཁྲེས་རབ་མཆོག་ལྡན་ཏིང་ངེ་འཛིན་ཐོབ་པ། །དམན་པའི་བློ་སྤངས་ཁྱད་པར་ཀུན་ཤེས་ཅན། །བསྟན་པའི་བཅུད་ཕྱུང་ཐེག་པའི་ཡ་ཐོག་ལ། །བདེ་གཤེགས་སྲས་དང་སྨན་པའི་སངས་རྒྱས་དང་། །རེ་ཐག་ལས་ཤིང་མི་རྟོག་ཐུགས་རྗེ་བ། །ནང་གི་དྲི་མ་སྦྱངས་པས་འཇིག་རྟེན་ཆོས་བརྒྱད་སྤངས། །སྨོན་ལམ་མ་ནོར་དག་པས་བཀའ་ཡི་མངའ་བདག་ཅན། ཁྲེས་རབ་དང་ལྡན་བརྩོན་འགྲུས་ཁྱད་པར་འཕགས། །མ་ནོར་དོན་རྟོགས་གདུང་རྒྱུད་མ་ཆད་པ། །སྣོད་བཅུད་རྟོག་ཅིང་གཞན་གྱི་སེམས་ཤེས་པ། །སྣོད་ལྡན་མཆོག་ཏུ་སྨིན་བྱེད་ཐུགས་རྗེའི་བདག །འདི་འདྲའི་བླ་མ་རྗེས་སུ་བཟུང་བྱས་ཏེ། །སྲོག་ལུས་བྲལ་ཡང་བླ་མ་ཡིད་ཀྱིས་བཟུང་། །རྒྱལ་བའི་སྲས་ཆེན་ཆོས་ཀྱི་རྒྱལ་ཚབ་ཡིན། །མ་ནོར་དོན་གྱི་བླ་མ་ནི། །རང་སེམས་སློབ་དཔོན་ཀུན་གྱི་བདག །ཐམས་ཅད་རང་རིག་རྒྱལ་པོ་བས། །སེམས་ཉིད་སངས་རྒྱས་ཀུན་གྱི་དངོས། །རྡོ་རྗེ་སློབ་དཔོནརིནཆེནབདག །རྒྱལ་བ་ཀུན་གྱི་བླ་མ་ནི། །རང་རིགཡེཤེསཆེནཔོཡིན། །འདི་ནི་སངས་རྒྱས་ཐམས་ཅད་ཀྱི། །མཆོག་ཏུ་བཀུར་ཞིང་རྗེས་སུ་གཟུང་། །རང་རིག་ཡེ་ཤེས་རྒྱལ་པོ་འདི། །གསང་སྔགས་གཏེར་གྱི་མཛོད་འཛིན་ཅིང་། །བསྟན་པ་རྒྱ་མཚོ་སྒྲོགས་པའི་བདག །མན་ངག་རིན་ཆེན་གཏེར་གྱི་ཀློང་། །ཡེ་ཤེས་སྒྲོན་མ་ལྷམ་མེ་བ། །འཇིག་རྟེན་ཀུན་གྱི་སྟོན་པའོ། །བླ་མ་སངས་རྒྱས་རིན་ཆེན་སེམས། །མ་བཅོས་དེ་ཉིད་ལམ་སྟོན་པའི། །བླ་མ་སངས་རྒྱས་ཀུན་གྱི་དངོས། །རྡོ་རྗེ་སློབ་དཔོན་དམ་པ་ཡིན། །སློབ་མ་རིན་ཆེན་སེམས་རང་བཞིན། །ཀུན་གྱི་རང་བཞིན་དངོས་དེ་ཉིད། །དེ་ཉིད་དེ་ཡི་ཕྱག་རྒྱ་ཅན། །དེ་ཡི་དབང་གིས་དེ་ཐོབ་ཅིང་། །དེར་འདུས་དེ་ལ་རག་ལས་པས། །དེ་དག་དེ་ཡི་རིགས་ལས་བྱུང་། །བརྐམ་ཆགས་དྲུག་ལྡན་རྐྱེན་བཞིའི་བདག །རྣམ་དག་བདེ་ལམ་འཐོབ་དང་བཅས། །ཐམས་ཅད་སེམས་ཀྱི་དེ་དག་ཉིད། །སྤྱོད་ཡུལ་སེམས་ཀྱི་རང་བཞིན་ཅན། །སློབ་མ་རྡོ་རྗེའི་རིགས་ཅན་ཏེ། །ལྷུན་གྲུབ་བླ་མའི་རང་བཞིན་ཏེ། །དེ་ཡི་བཀའ་རྟགས་རྡོ་རྗེ་ཅན། །ཐམས་ཅང་མི་འགྱུར་རྡོ་རྗེའི་དབྱིངས། །དེས་ན་སློབ་མ་རྡོ་རྗེའི་བུ། །རིགས་སུ་ངེས་པའི་བཀའ་རྟགས་ཡིན། །ཐམས་ཅད་སློབ་མ་རྡོ་རྗེ་ཉིད། །དེ་ཉིད་བླ་མ་རྡོ་རྗེའི་སྟོབས། །རྡོ་རྗེའི་ངང་གཅིག་རྡོ་རྗེ་ཉིད། །རྡོ་རྗེའི་ཡེ་ཤེས་ཁྱབ་གདལ་བས། །དེས་ན་རྡོ་རྗེ་ལྷུན་གྲུབ་པའོ། །བླ་མའི་རིམ་པའི་རྣལ་འབྱོར་ཅན། །དེ་ཉིད་སྡུད་དང་འཐོར་བ་ཡི། །རིག་པ་ཉམ་སུ་དེར་བཞག་ན། །སྦྱོར་བ་མ་ནོར་རིགས་ཅན་ནམ། །རིགས་རྒྱུད་དག་པའི་རྣལ་འབྱོར་པ། །མན་ངག་རིན་ཆེན་གཏེར་དུ་འཆང་། །བླ་མ་རིན་ཆེན་སྲོག་ཏུ་འཛིན། །ཏིང་འཛིན་ཤེས་རབ་རྩལ་དུ་རྫོགས། །ལྷག་པའི་ཡེ་ཤེས་ཉི་མ་ཤར། །དད་དང་བརྩོན་འགྲུས་རྒྱུ་འབྲས་རྫོགས། །རྩོལ་བས་ལུས་ངག་བརླག་སྟོང་དུ། །གྱུར་ཀྱང་དོན་གྱི་འདོན་མི་གཏོང་། །བདེ་བ་འབེབས་པའི་ཡན་ལག་ཡིན། །བླ་མ་རྡོ་རྗེ་སྲོགས་གྱུར་ཏེ། །ལུས་ངག་སེམས་ཀྱི་རྒྱུ་མེད་པར། །རྡོ་རྗེའི་ལུས་སུ་གྱུར་ནས་འགྲུབ། །རྡོ་རྗེ་བླ་མ་གཞན་སེམས་ཅན། །རྒྱལ་སྲས་ཡིད་ཀྱི་བློ་ཅན་དེས། ཁེངས་སེམས་འཇིག་རྟེན་སྤྱོད་ལུས་ངག །བགེགས་ཀྱིས་ཚོར་ན་བླ་མ་དེ། །གཏེར་ཁྱིམ་རིག་པའི་སྒོ་སྡོམ་སྟེ། །མན་ངག་ཉམས་པའི་རྒྱུ་ཡིན་པས། །ལུས་དང་བྲལ་བའི་ཡན་ལག་རྒྱུས། །གླང་ཆེན་ལུས་སུ་མི་ཐོབ་ལྟར། །མན་ངག་ཉམས་པའི་ཐབས་རྣམས་ཀྱིས། །བྱང་ཆུབ་ལུས་སུ་ཐོབ་མི་འགྱུར། །དེས་ན་བླ་མ་སྲོག་ཡིན་པས། །ལུས་ངག་སེམས་ཀྱི་དུས་གསུམ་དུ། །རང་སྲོག་བྲལ་བའི་ལས་མི་བྱེད། །གྲགས་དང་རྙེད་པའི་སེམས་ལོག་གིས། །ཉམས་པར་གྱུར་པའི་མཐུ་ཤེས་པ། །ནང་དང་ཕྱི་རྒྱུད་སེམས་སྦྱངས་པ། །འཁྲུལ་པའི་སེམས་བརྒྱད་རྣམས་སྤངས་ཤིང་། །དོན་མཐར་ཕྱིན་པའི་བརྩོན་འགྲུས་སོ། །མི་ལྡོག་ངེས་པའི་རིགས་རྒྱུད་ཅན། །རྡོ་རྗེའི་ལུས་ལ་རྒྱན་མཐོང་ན། །བདག་སེམས་དགའ་བའི་ཚོར་བ་སྐྱེ། །གྲགས་སེམས་རྒྱལ་བའི་ཆོས་ཐོས་ན། །རྗེས་སུ་མཐུན་པའི་ཡིད་ཀྱིས་མོས། །བླ་མ་རྡོ་རྗེ་སྐལ་ལྡན་དེས། །ལུས་ངག་སྦྱོད་པ་ཅི་བྱས་ཀྱང་། །གཡོ་སྒྱུ་མེད་པས་དགའ་འབྱེད་ཅིང་། །མཐོང་དང་དྲན་པའི་ཤེས་རྒྱུད་ཀྱིས། །ཐུན་མོང་དྲི་མ་ཀུན་འཇོམས་ཤིང་། །ཉི་མའི་འོད་བཞིན་ཞི་བྱེད་པ། །བླ་མ་རྡོ་རྗེ་སྐུ་གསུང་ལ། །རྟག་ཏུ་རང་གི་ཡིད་འདོགས་ཤིང་། །ཐུགས་ཀྱིས་ཇི་ལྟར་སེམས་པ་བཞིན། །གུས་པའི་སེམས་ཀྱིས་མཉེས་བྱེད་ཅིང་། །རྟག་ཏུ་མཆོད་པ་འབུལ་བྱེད་པ། །དེ་ནི་རིགས་ཀྱི་བུ་ཡིན་ཏེ། །བདེ་བའི་ཞིང་གྱུར་སྐལ་ལྡན་དེ། །རྡོ་རྗེ་རིན་ཆེན་དག་ལ་བསྐྱོན། །བདེ་གཤེགས་ཉིད་དུ་ངེས་ལུང་བསྟན། །དུས་མཐའི་འབྲས་བུ་ས་ལ་བཀོད། །དེ་ནས་རྡོ་རྗེ་བླ་མ་དེས། །དོན་རྟོགས་གསལ་བའི་མངོན་སུམ་མམ། །ལུས་དང་སེམས་ཀྱི་བརྡ་རྟགས་སམ། །ཆོས་སྐྱོང་མཁའ་འགྲོ་འམ་སེམས་དཔའ་ཡིས། །ཐབས་ཀྱི་གནས་པའམ་རྡོ་རྗེའི་གདན་ས་མུ །རིག་ནས་སྐལ་ལྡན་དེ་ནི་སར། །སྨིན་པར་བྱ་ཕྱིར་རིམ་པར་བྱ། །འདི་ལ་ཅི་སྩལ་ཡན་ལག་དང་། །ཐབས་རིམ་ཕྲ་སླ་ཀྲིད་ཀར་མ། །རྩོལ་སྒྲུབ་ལུས་དང་སེམས་ཀྱི་ལས། །དངོས་གང་ཐིག་ལེའི་མཚན་ཉིད་ནི། །འདོད་རྩོལ་སྤྲོས་པ་ཐམས་ཅད་འགགས། །བརྗོད་པར་བྱ་བའི་ལུང་བསྟན་མིན། །སྐལ་ལྡན་སེམས་ཀྱི་དཀྱིལ་འཁོརདུ། །བདེ ཆེན ཤར བའིརྣལ་འབྱོར་རམ། །དེ་རྟོགས་ཀླུང་དུ་འབེབས་འདོད་པས། །གསང་སྔགས་འཕྲུལ་གྱི་ལན་ཆེན་ནམ། །བསྟན་པ་བློ་ཡི་རིམ་པས་བསམ། །རང་འདོད་ཐ་མལ་སྨད་ལས་ཀྱི། །རིམ་པ་གང་ཅི་དེ་བཞིན་དུ། །ཐབས་ཀྱི༷་རྒྱལ་པོས་མཐར་ཕྱིན་བྱ། །གསལ་བ་རིན་ཆེན་འཕྲུལ་སྣང་ངམ། །བཅུད་ལེན་སྨན་དང་མ་གི་ཏ། །གང་ལྡན་དེ་ནི་འབད་རྩོལ་མེད་པའི་ལས། །རྩོལ་སྒྲུབ་འབད་རྩོལ་ཅི་བྱེད་ཀྱང་། །དེ་ནི་བྱ་རྩོལ་མེད་པ་ཡིན། །ཨཱོཾ་བཛྲ་སུ་ལ༷་མ༷་པ༷། མ་མ་རུ་རུ་ཙི་ཏ་ཨ་བེ་པྲ་བ་ལ་གྲྭ་ཧྭ། འདི་ནི་མཁའ་འགྲོ་སྟོན་པ་ཡི། །དང་པོ་རྟགས་ཀྱི་མངོན་ཤེས་ཡིན། །དོན་དང་ལྡན་པའི་གནོད་རིགས་ནས། །ཐབས་ཆེན་སྦྱོར་བར་རྩལ་བར་བྱ། །སྐལ་ལྡན་བློ་ཡི་ཁྱད་པར་གྱིས། །སོ་སོའི་བསྟན་པ་རིམ་པ་བཞིན། །འདོད་པའི་སྨོན་པས་རྗེས་འཇུག་ན། །སོ་སོའི་གྲུབ་མཐའ་རིམ་པ་བཞིན། །དབང་བསྐུར་ཤེས་རབ་རིམ་པར་བསྐྱོད། །རྣམ་རྟོག་སྤྲོས་པ་ཐམས་ཅད་བཅད། །སེམས་ཀྱི་དམིགས་པ་ཟིན་འགྱུར་ཏེ། །རྣམ་རྟོག་སྨིན་པའི་དངོས་པོར་འགྱུར། །ཡང་ན་དང་པོ་དོན་ཅིག་ལ། །སེམས་ཀྱི་བྱེ་བྲག་ཀུན་སྐྱེ་ན། །སེམས་དཔའ་ལས་སུ་འཇུག་པ་སྟེ། །དེ་ནས་ཚངས་པ་ཆེན་པོའི་དབང་། །དམ་པ་འདི་ནི་སྐུར་གྱུར་ན། །འདི་ནི་སྐད་ཅིག་དུས་མཐའ་ཡིས། །སེམས་དཔའ་ཆེན་པོ་ཉིད་དུ་འགྱུར། །དངོས་སུ་ཡེ་ཤེས་ཀུན་ཁྱབ་ཅན། །ཟག་པ་མེད་པའི་རྩེ་མོར་ཕྱིན། །ཡོན་ཏན་མ་ལུས་རྫོགས་པའོ། །རྣམ་རྟོག་གྲུབ་མཐའ་མ་སྒྱུར་བའི། །ཐ་མལ་དངོས་འཛིན་རྟོག་པ་ཅན། །ལྷ་ཀླུ་གནོད་སྦྱིན་ལ་སོགས་པ། །འདོད་པའི་སྨོན་པས་རྗེས་སྒྲུབ་ན། །དངོས་མི་སྤོང་བ་མ་འདྲེས་པར། །སྦྱང་དང་སྲུང་བ་ལ་སོགས་པའི། །དྲག་པོའི་རྩོལ་བས་སེམས་སྟོབས་བསྒྱུར། །རང་གི་སེམས་རྟོགས་སྤྲོས་བྱེད་ན། །དེ་ནས་དེ་བདེ་ཆེན་པོ་སྤྱིན། །དེ་ནི་རིག་པའི་དུས་མཐའ་ཡིས། །རྒྱལ་བའི་སྲས་སུ་ངེས་པ་ཡིན། །བདེ་གཤེགས་ཉིད་དང་སྐལ་བ་མཉམ། །ཡེ་ཤེས་ནམ་མཁའི་མཐའ་དང་མཉམ། །རིག་པའི་རྒྱལ་པོ་ཀླུ་ལྟར་བར། །སྔོན་དུ་འཇུག་པའི་སྟོབས་མེད་ཀྱང་། །རྩལ་ཆེན་རིག་པའི་ངང་ལ་རྫོགས། །སེང་གེ་ལྟེ་ཐག་བསྐྱིགས་པའམ། །བྱ་རྒོད་གཤོག་རུ་བཅ་པ་བཞིན། །སེམས་ལ་ཤར་ཡང་སྟོབས་མ་རྫོགས། །རྟོག་པ་རླུད་གིས་སྦལ་བ་ཡིས། །སེམས་ཀྱི་རྒྱུ་བ་མ་ཟིན་ཏེ། །དངོས་པོ་རླུ་ས་སུ་མ་ཕེབས་ཤིང་། །རིག་པས་རྩལ་ཆེན་མ་བྱང་བའོ། །འདི་ལ་རིམ་པ་མེད་པ་སྟེ། །དང་པོར་དངོས་གཞིའི་དཀྱིལ་འཁོར་བསྟན། །ཀུན་རྫོགས་དཀྱིལ་འཁོར་ལུས་ལ་རྫོགས། །འཕྲུལ་གྱི་མན་ངག་རྣ་བར་གཞུག །སེམས་ལུང་བསྒོམ་པའི་མན་ངག་བསྟན། །རྒྱ་རྟགས་གདབ་པའི་ཆོ་ག་བྱ། །བཀྲ་ཤིས་ཡན་ལག་ཀུན་ལྡན་པའི། །སེམས་དང་མཐུན་པའི་གནས་ཆེན་དེར། །གསལ་བྱེད་རིན་ཆེན་འབར་བ་དེ། །རྩི་སྟན་ར་ཡི་འོ་མས་བྱ། །གསེར་ཆུ་ཞུན་མས་རྩི་བཏབ་སྟེ། །བིཌར་སོ་མ་ཏ་ཡི་རྩིས། ཁ་བྱུགས་དྲི་མ་བྲལ་བར་བྱ། །དན་ཤིང་དཀར་པོའི་སོལ་བ་ཡིས། །བཞུ་བའི་དངུལ་ཆུ་ཞུན་མས་བྱུག །སྐྱེ་བ་བདུན་པ་ཚངས་པའི་ཞག །འཕྲུལ་གྱི་འོ་མ་མར་མེ་ཡི། །དུད་པས་མིག་ལ་བྱུགས་གྱུར་ན། །མིག་སྤྲིན་བཏེག་ནས་བལྟས་གྱུར་ན། །སྟོང་ཆེན་མི་མཇེད་རྒྱུ་གཅིག་པའི། །གང་གི་ཕྱོགས་དེ་གསལ་བར་འགྱུར། །དེ་ནས་སྒོ་བརྒྱད་ལྡན་པའི་ཁྲི། །ཡིད་མཐུན་བྱུག་པ་ཀུན་བྱས་ཏེ། །ལག་ན་རྡོ་རྗེས་བྱིན་བརླབས་ཏེ། །རྩིབས་བརྒྱད་འཁོར་ལོ་གྲུ་བཞི་བྱ། །སྒོ་དབྱེ་ལས་རྣམས༷ ་ཐོབ་པར་བྱ། །དང་པོ་སེམས༷་བསྐྱེད་འཇུག་གི་བར། །བསྟན་པའི་ལུས་སུ་མ་རེག༷་པས། །ལག་ན་རྡོ་རྗེས་བྱིན་བརླབས་པའི། །བསྲུང་དང་གསད་པ་རིག་པ་གདགས། །ལོངས་སྤྱོད་ཀུན་ལའང་སྦྱོར་བས་གདབ། །ཨཱོཾ་བཛྲ་ཡཀྟ་ཀྲོ་ཏ་ཧུ༷་ཧུ༷་ཕཊ། ཨཱོཾ་བཛྲ་ཡག་ཤ་ཀྲོ་ཏ་ཛ་ལ། ཧ་ལ་ཧ་ལ་ཧུ༷་ཧུ༷་ཕཊ། ཨཱོཾ་བཛྲ་ཙཀྲ་རཀྟ་རསྒ་མུ་རུ་ཙུ་རེ། རཀྟ་རཀྟ། ཧུ༷་ཧུ༷་ཧུ༷། དེ་ནས་སྲོག་འཛིན་བླ་མ་ལ། །ལུས་དང་བཅས་པའི་ལོངས་སྤྱོད་འབུལ། །དངོས་དང་འདོད་པའི་སེམས་འཛིན་གཏང་། །མོས་དང་འདོད་པའི་བདེ་བ་སྐྱེད། །སྐལ་ལྡན་རིགས་ཀྱི་བུ་དེ་ནི། །དམ་པ་གཅིག་ལ་བསྟན་པར་བྱ། །འཇིག་རྟེན་ཁམས་ནི་མ་ལུས་ལས། །རབ་འབྱམས་ཀུན་ཏུ་དཀྲུགས་འགྱུར་ན། །རྐྱེན་དང་ལས་ཀྱིས་འཔྲད་གྱུར་ནས། །མང་ཡང་གསུམ་ལས་འདའ་མི་བྱ། །གདམས་ངག་རིམས་ཀྱིས་སོ་སོར་སྤྱིན། །རྒྱལ་ཐེབས་ཐུ་བོ་དེ་ལ་བསྐུར། །དང་པོར་དུས་དང་བྲལ་བ་ནས། །མཐར་ཕྱིན་ཐུན་མཚམས་བཅུ་ཕྲག་བདུན། །གཉིས་དང་ལྡན་པས་མཐར་ཕྱིན་འགྱུར། །ཟླ་ཕྱེད་འབྲིང་གི་ཐུན་མཚམས་ཏེ། །གཞན་དུ་ཡང་གྲགས་དེ་ཉིད་ཀྱིས་རྫོགས་སོ། །དེ་ལས་གཞན་པར་ཡང་ན་སྟེ། །སྤྱོད་པའི་ཡན་ལག་ཉམས་པའོ། །དང་པོར་བཅུ་གཅིག་ཞག་གི་དུས། །ནུས་པའི་ཚོགས་བསགས་བར་ཆོད་བསྲུང་། །རྡོ་རྗེ་གོ་ཆས་ལུས་སྲུང་ངོ་། །འཕོ་བའི་དུས་མཚམས་ཉི་ཤུ་དྲུག །ཐུན་མཚམས་བརྒྱད་དུ་སྒོམ་བྱ་བ། །དངོས་པོ་ཕྱི་ནང་ཐམས་ཅད་ལ། །བུ་དེས་ཇི་ལྟར་བཟུང་བ་ཡིས། །རྣམ་རྟོག་ཞེན་པའི་ཡུལ་དེ་ལ། །བརྟགས་པས་དེ་ཉིད་ངོས་བཟུང་བྱ། །དེ་བཞིན་ཐུན་མཚམས་བརྒྱད་ལ་ནི། །བཅུ་དྲུག་དག་ཏུ་རྣམ་ཕྱེ་སྟེ། །བདག་ཉིད་རྒྱན་དང་བཅས་པའི་ལུས། །གསལ་བའི་ཡུལ་ལུས་བརྟག་བྱ་སྟེ། །མི་གཡོ་སེམས་དཔའ་ཐམས་ཅད་བཟུང་། །རྩེ་གཅིག་རྟོགས་པའི་དངོས་པོར་དམིགས། །དེ་ནས་ཐུན་ཕྱེད་བརྒྱད་པ་ལ། །སྟོང་པ་ནམ་མཁའི་འདུ་ཤེས་དངོས། །ཚད་པའི་སྟོང་པ་ཉི་ཚེ་དེ། །བརྟག་ཅིང་དེ་ཉིད་ངོས་གཟུང་བྱ། །དེ་དག་རིམ་པའི་དོན་རྣམས་ནི། །ཐུན་མོང་བློ་ཡིས་ངོས་ཟིན་ནས། །རྡོ་རྗེ་མི་ཟློག་གོ་བསྐོམ་ཏེ། །བུ་ཁྱོད་རྨོངས་པའི་དྲི་མ་ཅན། །བསྐལ་པར་སྦྱོར་བའི་སྡུག་བསྔལ་ཉིད། །དངོས་ནས་དེ་ཉིད་བདེ་བར་གསལ། །དངོསདངགཅོངརོངའཁོར་བའི་མུན་པ་ཉིད། །དེ་ཉིད་ཡེ་ཤེས་སྒྲོན་མར་སྤར། །སྙིང་མའི་གནས་ངན་ཁམས་གསུམ་ཉིད། །རྒྱལ་བའི་ཞིང་ཁམས་བདེ་བར་བསྐྱར། །ང་ཡི་ཚིག་འདི་བདུད་རྩིའི་བབ། །ཡེ་ཤེས་སྒྲོན་མའི་འོད་འབར་ཅན། །རིག་པའི་སྟེང་དུ་ནན་ཏན་བྱའོ། །དེ་ནས་མཐར་ཕྱིན་ཐུན་མཚམས་ནི། །ཉི་ཤུ་རྩ་བཞི་འམ་བཅུ་གཉིས་ལ། །འཇུག་ཅིང་ཞུགས་པའི་ཡོན་ཏན་སྟེ། །མཐོང་བའི་ལམ་དང་ལྡན་པར་བྱ། །ཕྱི་རོལ་ནང་ན་གནས་པ་ཡི། །ཐམས་ཅད་སྤངས་པའི་གཞི་མེད་དེ། །དེ་ཉིད་དོན་དེ་ཡིན་ཕྱིར་རོ། །ཕྱི་རོལ་ཡུལ་ལ་སོགས་པ་ཡིན། །གཉིས་པའི་དངོས་པོ་མི་དམིགས་པའི། །ཐམས་ཅད་སེམས་ཉིད་ཁོ་ན་སྟེ། །དེ་ཡང་དངོས་གྲུབ་ཡོད་མ་ཡིན། །དང་པོར་གཉིས་པ་མེད་པས་ན། །དེ་ནི་གཉིས་མེད་བརྟག་པ་ཡིན། །གཉིས་པར་གཉིས་སུ་མེད་པས་ན། །གཉིས་མེད་དྲང་བའི་དག་པ་ཡིན། །གསུམ་པ་ཀུན་མེད་ཐམས་ཅད་ལྡན། །བདེ་ཆེན་རང་རིག་ཡེ་ཤེས་ལ། །འདོད་པ་ཀུན་སྤངས་ཆགས་ཆེན་པོ། །ཡེ་ཤེས་ཀུན་གྲུབ་བདེ་བའི་ཀློང་། །སྒྱུ་མ་ལྷུན་གྲུབ་ཡུལ་ལ་རོལ། །དེ་ནི་བཅོས་མེད་ཀུན་རྫོགས་པའོ། །དེ་ནི་རྣམ་པར་དེ་སྒྲུབ་ན། །ཡུལ་གྱི་རྣམ་པ་སེམས་ཉིད་དེ། །དེ་ཉིད་དེ་ལ་གསལ་བ་དང་། །དེ་མ་གྲུབ་པར་དེ་ལྡོག་པས། །དེ་ཉིད་དེ་ཡིརངབཞིནཏེ། །དེརིག་དེ་སྣང་དེ་དེ་ཁོ་ནའོ། །ཉི་མའམརིནཆེནའབརབབཞིན། །འོདདངངོ་བོ་དེ་ཉིད་ལས། །ཡུལ་དང་གཞན་གྱིས་བྱས་པ་ཡིན། །རིག་པའི་ཡེ་ཤེས་སྐུར་གསལ་པ། །སེམས་ཉིད་དྲི་མ་མེད་པ་ལ། །ནམ་མཁའི་ཁམས་དང་སྦྱོར་བའི་སེམས། །འཛིན་པའི་རླུད་དང་དེ་ཉིད་རླུད་། །ལས་རླུད་རྟེན་པས་སྤར་བ་བཞིན། །དེས་ན་དེ་བཞིན་བདེ་བར་སྣང་། །སྣང་ཡང་སྦྱོར་བ་མེད་པ་ཡི། །གཉིས་མེད་བདེ་བའི་ཡེ་ཤེས་ཡིན། །རང་འབྱུང་ཡེ་ཤེས་རྩལ་མེད་པས། །བདེ་བ་ཆེན་པོའི་ངང་དུ་འཆར། །ལུས་དང་བྲལ་བའི་ཡེ་ཤེས་ནི། །དུས་གསུམ་མཐར་ཐུག་འབྱུང་མི་འགྱུར། །དེ་བྲལ་དེ་ཉིད་མི་སྲིད་དེ། །ངོ་བོ་གཅིག་པས་མཉམ་རྫོགས་ཡིན། །འདུ་འབྲལ་མེད་པའི་ཡེ་ཤེས་ནི། །རྒྱུད་དང་བྲལ་བས་རང་བཞིན་ཅན། །དེ་ནི་སྲིད་པར་མི་རུང་སྟེ། །བདག་ལ་ཡོན་ཏན་རྫོགས་པ་དང་། །མེ་དང་ཚ་བར་འབྲེལ་པ་བཞིན། །མངོན་སུམ་བདེ་བ་ཆེན་པོར་གསལ། །བདེ་ཆེན་བདེ་བར་རྒྱས་འགྱུར་ན། །ཡུལ་དུ་སྣང་ཡང་ཐིག་ལེའམ། །རིག་པར་སྣང་ཡང་རྟོག་པ་སྟེ། །ཡུལ་དང་བྲལ་ཡང་རྟོགས་གེགས་ཡིན། །གཉིས་སུ་སྣང་ཡང་མཚན་མ་ཡིན། །སྤྲོས་པ་བཀག་ཀྱང་རྨུགས་པ་ཡིན། །རང་ལ་རྫོགས་ཀྱང་ང་རྒྱལ་ཡིན། །ཡོན་ཏན་བརྗོད་ཀྱང་བརྐམ་ཆགས་སྐྱེ། །དེ་ནས་བདེ་ཆེན་རོལ་པའི་རྒྱས། །ཐིག་ལེ་དབྱིངས་སུ་གདབ་པར་བྱའོ། །དེས་ན་ཡུལ་མེད་སེམས་མེད་པས། །ཡུལ་གྱི་མཚན་ཉིད་བསྟན་པར་བྱ། །རྟོག་མེད་ངང་ལ་ཤར་བ་ཡི། །ལུས་དང་བྲལ་བའི་ཡེ་ཤེས་ནི། །ཚིག་ལ་སྒྲོ་བཏགས་ཐ་སྙད་ཡོན། །བསྟན་བྱ་རྟོགས་པ་ལས་གྲོལ་བའི། །ཡེཤེསཆེནཔོའིམཚནཉིད་ཅན། །ཡུལ་འཛིན་རྟོག་པ་དག་བྱེད་པའི། །མ་བཅོས་ངང་གི་ཡེ་ཤེས་གསལ། །དེ་ཉིད་རྟོག་པ་རྣམས་སྤངས་ཏེ། །སེམས་ཉིད་གསལ་བས་ཡུལ་དང་བྲལ། །དོན་དུ་གསལ་བས་བག་ཆགས་བྲལ། །དེ་ཉིད་མཐོང་བས་ཐེ་ཚོམ་མེད། །རྒྱུ་བ་མེད་པར་ཀླུངས་སུ་ཕེབས། །རང་གིས་གསལ་བས་རྟོག་སྒྲིབ་མེད། །གང་ཡང་ཡིན་པས་གོལ་ས་མེད། །རྣམ་དག་སེམས་ཀྱི་ཡེ་ཤེས་ཡུལ། །བདེ་བར་གཤེགས་པ་ཡེ་ཤེས་ཡུམ། །ཡོན་ཏན་ཀུན་ལྡན་བུ་མོ་དེ། །ཐབས་ཀྱིས་མཉེས་པའི་སུམ་རྫོགས་ནས། །བདེ་ཆེན་ཕྱག་རྒྱ་མཚོན་པའི་རྒྱུ། །བདེ་བ་ཆེན་པོར་མངོན་དུ་བསམ། །བདེ་བ་ཆེན་པོར་བསྟུན་པར་བྱ། །རིན་ཆེན་གཏེར་གྱི་མན་ངག་སྦྱིན། །སྐལ་ལྡན་བདེ་བའི་རྒྱུ་ཅན་ཏེ། །ངན་རྟོག་འདོད་པའི་བག་ཆགས་ནི། །རང་འབྱུང་བདེ་བ་ཆེན་པོར་འབྱུང་། །རང་ལུས་འདོད་རྒྱལ་ཆེན་པོར་འབྱུང་། །རྣམ་རྟོག་ཡེ་ཤེས་ངང་ཉིད་ལ། །མ་བཅོས་བདེ་བའི་ཐིག་ལེར་ཤར། །རྡོ་རྗེ་མེ་ཏོག་ཐབས་ཆེ་རྩི། །སྒྱུར་བྱེད་ཨ་ཀར་རྟ་བཞིན་ནོ། །རང་འབྱུང་དཀྱིལ་འཁོར་ལུས་ལ་དགོད། །རླུད་དང་མེ་དང་བདེ་བའི་ཁམས། །འཁོར་ལོ་ལྔ་ནི་རིམ་དང་རིམ། །སྟོབས་དང་དྲག་པོའི་ཐབས་ཀྱིས་ཀྱང་། །བདེ་བའི་ལག་གི་འདུ་བྱེད་ཀྱིས། །དེ་ནི་རིམ་བཞིན་བདེ་བ་དབབ། །རྒོད་མའི་ཁ་དང་རྫོང་ཆེན་རྫོགས། །སྦྱར་ཞིང་རྩ་གསུམ་གྱེན་དུ་བརླབས། །འབར་བ་མྱུ་གུ་དྲང་ཞིང་ཞིབ། །ཉིང་ཁུའི་༄༅ པ། །ཐམས་ཅད་ཡེ་ཤེས་བདེ་བར་དབབ། །བདེ་མཆོག་མུ་ཁའི་མན་ངག་སྦྱིན། །མཚན་ལྡ་ན་གང་རུང་རྒྱས་མ་དེས། །མགོ་ལ་བདེ་བའི་རོལ་པ་བྱ། །རྩ་མདུད་བགྲོད་དང་བདེ་བ་བཀུག །བྲང་དང་ཨོག་ཀོ་སྦྱར་བྱས་ནས། །བདེ་བ་འདོད་པ་སུམ་ལག་གིས། །ཡེ་ཤེས་རྒྱལ་པོ་རིག་པར་བྱ། །མགོ་བོ་སྐྲུག་ཅིང་སྨིན་མ་ལངས། །མིག་དམར་དེ་བཞིན་མདོག་དམར་ཏེ། །ཡེ་ཤེས་རིམ་པ་སྤོར་བར་བྱ། །སྦྱོར་བའི་ཡན་ལག་སྔ་མ་བཞིན། །རྩ་མདུད་ལག་གི་བཟུང་བྱ་སྟེ། །ཀ་རའི་ཆོས་ཀྱང་རིམ་པར་བྱ། །རྩ་མགོ་ལག་གིས་གནན་བྱས་ཏེ། །འཕར་ལ་བཅད་ཅིང་རྒྱུ་བ་དབྲལ། །མྱུ་གུ་ཁ་ནི་ཤིན་ཏུ་དབྱེ། །སྔང་དང་བ་སྤུ་སྡང་བ་དང་། །ཆུ་ཡི་ཟིལ་པ་མདོག་བདེ་བ། །རང་ལུས་མཆོག་གི་ཐད་ཀར་དབྱུང་། །དེ་ནས་བདེ་བའི་རིམ་པ་བཞིན། །ལེགས་པའི་སེམས་ཀྱི་བཅྭ (བི རྩ) པར་བྱ། །འདབ་བཞི་ལྟེ་བའི་ཡེ་ཤེས་གནས། །མ་ཕྱིན་བདེ་བས་གང་འགྱུར་ཞིང་། །མི་འཁྲུགས་བདེ་བས་གཡོས་འགྱུར་ཏེ། །རིན་ཆེན་ཡེ་ཤེས་རྫིང་རྒྱས་ཏེ། །འདོད་དང་བསམ་གཏན་བདེ་བའང་འབྱུང་། །འཁྱིལ་བའི་ཐིག་ལེ་བཞི་སྒོ་ནས། །འཇིག་རྟེན་སྤོང་བའི་བདེ་བའང་འབྱུང་། །རྡོ་རྗེ་སྒོ་རྩ་ཁམས་སའི་བཅུད། །བདེ་བའི་མ་ནུའི་རྩ་སྒོ་གསུམ། །འཕེལ་བ་ཟླ་བའི་གཟུགས་ཅན་གཉིས། ཁ་སྦྱར་བདེ་བ་རྒྱས་པར་བྱ། །ལག་པ་གཉིས་ཀྱི་འཁྲིག་སྒོར་གསུམ། །འཕེལ་བ་ནུ་མ་མཆན་ཁུང་སྟེ། །ཙ་ན་ཀྲ་དང་སུ་ག་གླིང་། །འདུ་བྱེད་ལས་ཀྱི་སྦྱོར་བ་ཡིས། །བདེ་བ་འཕེལ་དང་ཐིག་ལེ་རྒྱས། །མུ་ཁ་བཞིན་དུ་འཛག་པར་འགྱུར། །འཁོར་ལོ་ཁ་སྦྱོར་བཀུག་དང་དགུག །འདོད་ཀུན་བྲལ་བའི་ཡན་ལག་འཁྱུད། །ཀ་རའི་སྦྱོར་བའི་དམིགས་སྤྲོད་ཀྱིས། །སུ་ཀ་དང་ནི་སུ་ཀ་དབྱེ། །ཐིག་ལེ་འཁྱིལ་པའི་སྒོ་དབྱེ་ན། །དང་པོ་མི་སྲིད་དྲི་མའང་འཁྱོར། །ལུས་ཀྱང་ཁ་དོག་དམར་པོར་འགྱུར། །གཡོ་དང་འཕར་བ་ལ་སོགས་འབྱུང་། ཁྲེས་པ་ལྟག་པ་སྐྱེ་བར་འགྱུར། །ཀུན་ཏུ་རྟོག་པ་ཉམས་པར་འགྱུར། །གང་གཏད་དམིགས་པའི་ཡུལ་དེ་ཟིན། །ལུས་ལ་རླུད་གི་འཕེན་པ་ཞུགས། །རླུད་གིས་ལས་རྣམས་འདོད་པ་འགྲུབ། །དེར་ནི་རྡོ་རྗེ་ཆུ་ལམ་གནས། །ཡེ་ཤེས་ཆེན་པོ་འབྱུང་བ་ཡིན། །ལུས་ནི་བསྐྱེད་ཅིང་སྨིན་པར་བྱ། །རྡུལ་ཕྲན་ཟིལ་པ་རླུ་་གིས་བསྐྱོད། །གནས་གསུམ་བདེ་བའི་བསྟིམ་གནས་སུ། །ཐིག་ལེ་རྡོ་རྗེའི་གཟུགས་སུ་ཆགས། །སྤྲོས་ཀྱང་བདེ་བའི་གནས་སུ་བསྡུ། །རྡོ་རྗེ་རྒྱལ་པོ་ཐབས་ཆེན་ཡིན། །རྡོ་རྗེ་ཡིས་ནི་གཞིབ་བྱ་ཞིང་། །འབར་བས་རྩེ་མོ་དྲིལ་ཕྱི་བྱ། །ལག་གི་སྦྱོར་བའི་མུ་ཁ་དབྱེ། །རིག་མ་ལྷ་མོ་རྡོ་རྗེ་ཡི། །པད་མ་ཁ་དབྱེ་རྗེས་མཐུན་པར། །འཕྲད་སྦྱོར་ཨུཏུལ་ཏ་ཀོས་བྱ། །ཨ་ཀར་རྒྱ་སྤོས་དུ་རུ་ཀ །ཀླུ་འབྲུག་འབྲས་བུའི་སྙིང་པོ་དང་། །ར་ཡི་མར་དངདེབཞིནབྱ། །སྒོངགཉིས་ཀྱི་སྦྱར་བྱ་སྟེ། །ལག་གི་སྦྱོར་ན་རྣ་ཕུར་བྱའོ། །རྩེ་གསུམ་འདོད་པའི་དབུས་སུ་གཟུང་། །དེ་བཞིན་གཡས་གཡོན་བླུག་པར་བྱ། །ན་ཡིད་བཤོན་ལ་རབ་ཏུ་བྱ། །སྨན་ནམ་གཞིབ་པས་སྣུམ་པར་བྱ། །གལ་ཏེ་བདེ་བར་འབྱུང་འགྱུར་ན། །རིན་ཆེན་རྫིང་དུ་མཆུ་བཙུགས་ཏེ། །རྔུབས་ཤིང་འཕར་བས་བརླབ་བྱ་ན། །དེས་ན་དེ་ཙམ་འགྲུབ་པར་འགྱུར། །འདར་དང་རྒྱལ་པ་ལ་སོགས་ཏེ། །མཐུན་པའི་རྟགས་རྣམས་བྱུང་གྱུར་ན། །འཁྲིལ་དང་འདོད་པའི་པྲ་ཀྲིད་བྱའོ། །རང་འབྱུང་བདེ་བ་མངོན་སུམ་བྱའོ། །ཐབས་ཀྱི་ཕ་རོལ་ཕྱིན་པར་བྱ། །ཐབས་ཀྱི་ཕྱག་རྒྱ་ཆེན་པོར་བསྟན། །བཅུད་ཆེན་འདྲེས་པ་རླུད་གི་བསྡུ། །ཐིག་ལེ་འཁྱིལ་བ་སྒོ་ཕྱེ་ན། །སྟོད་སྨད་རྒྱས་པའི་རླུད་བསྡུས་ཏེ། །བེམས་པོ་རླུད་གིས་འཕེན་སྡུད་བྱ། །གཡོ་བ་ཉམས་སུ་མྱོང་འགྱུར་ནས། །རྣ་ཆེན་རྫིང་གི་རྔུབ་པར་བྱ། །རྡོ་རྗེའི་རྫིང་ལ་ཐུག་པ་རྔུབ། །རླུད་རྣམས་བསྡམས་པས་ཡེ་ཤེས་དྲང་། །བུ་གའི་གསུམ་འབབས་ཐིག་ལེ་ཡི། །བདེ་བས་རིན་ཆེན་བརྒྱུས་པ་བཞིན། །རྡོ་རྗེ་མེ་ཡི་གཟུགས་སུ་འབར། །བདེ་བའི་ཡེ་ཤེས་རང་འབར་སྐྱེ། །ཐིག་ལེ་རྡོ་རྗེ་ཁར་དབྱུང་མིན། །ཡེ་ཤེས་ལུས་ཅན་རྡོ་རྗེའི་གཟུགས། །ཐམས་ཅད་ཡེ་ཤེས་ལུས་ཅན་ཡིན། །བདེ་བ་ཆེན་པོར་ལྷུན་གྲུབ་པའོ། །འདོད་རྒྱལ་ཐབས་ཀྱི་རིམ་པ་ཡང་། །ཐམས་ཅད་རང་འབྱུང་ཡེ་ཤེས་པས། །ཡུལ་དང་ཤེས་པ་གང་སྒོ་ནས། །ཚངས་ཆེན་རྡོ་རྗེའི་དབང་བསྐུར་བྱ། །རང་ལ་རྫོགས་པའི་ལྷུན་གྲུབ་སྤྱིན། །བརྐམ་རྒྱལ་རྟོགས་པ་ཡིས། །ཡེ་ཤེས་དཀྱིལ་འཁོར་ལམ་དུ་གཞུག །བདེ་བ་ཆེན་པོའི་རོལ་པ་བྱ། །རང་བྱུང་རྫོགས་པའི་དཀྱིལ་འཁོར་དུ། །བདེ་བའི་ཡེ་ཤེས་མངོན་དུ་ཞུགས། །རིག་པའི་རྒྱལ་པོར་བདེ་བར་ཤར། །ཡེ་ཤེས་ཀློང་དུ་དམིགས་པ་སྒྲོལ། །མ་བཅོས་རང་སྣང་ལྷུན་གྲུབ་པའོ། །བཀྲ་གསལ་སྐུ་ཡི་དཀྱིལ་འཁོར་དུ། །རང་རིག་བདེ་བ་ཆེན་པོར་འཁྱིལ། །ཆགས་མེད་ཡེ་ཤེས་བརྗོད་དང་བྲལ། །ཚིག་གི་ལམ་ཆད་དགྲ་གཉེན་ཚུལ། །བརྟག་བྲལ་མ་ཆགས་རྡོ་རྗེའི་གསུང་། །རྣམ་དག་ཡེ་ཤེས་དཀྱིལ་འཁོར་དུ། །རྣམ་དག་ཡེ་ཤེས་གསུང་དུ་འཁྱིལ། །དངོས་བྲལ་རང་བཞིན་མེད་པའི་དྲི། །རྟོག་འཛིན་བྲལ་བའི་ཆགས་མེད་པས། །ཡོན་ཏན་དཀྱིལ་འཁོར་མཁའ་འདྲ་བར། །འཛིན་མེད་ཡེ་ཤེས་ཀློང་དུ་འཁྱིལ། །མུ་ཁ་བདེ་བ་ཆེན་པོའི་དབྱིངས། །འཛིན་མེད་ལོངས་སྤྱོད་རྣམ་དག་པའི། །མ་ལུས་སྒྲུབ་བྱེད་ཐིག་ལེ་ཡི། །ཡོན་ཏན་རྫོགས་པའི་དཀྱིལ་འཁོར་དུ། །རོལ་པའི་ཡེ་ཤེས་ཐིག་ལེར་འཁྱིལ། །བདེ་སྡུག་དབྱིངས་ཕྱུག་བྷ་གའི་ཀློང་དཀྱིལ་དུ། །ལས་ཀྱི་དཀྱིལ་འཁོར་ཡེ་ཤེས་སྒྲོན་མར་འབར། །བདེ་མཆོག་དབྱིངས་སུ་བསྡུས་པའི་ཐིག་ལེར་ཐིམ། །མ་ལུས་རྫོགས་པའི་དཀྱིལ་འཁོར་མཆོག །མི་རྟོགས་བདེབའི་དཀྱིལ་འཁོར་དུ། །མ་ལུས་དཀྱིལ་འཁོར་ཐིག་ལེར་ཐིམ། །གང་སྣང་རང་རིག་ཡེ་ཤེས་ཉིད། །མ་བཅོས་མཁའ་མཉམ་དཀྱིལ་འཁོར་དུ། །ཆགས་མེད་ཐིག་ལེའི་དབང་བསྐུར་ཏེ། །གསང་བའི་ཡེ་ཤེས་རྨད་པོ་ཆེ། །སྤྱོད་ཡུལ་མ་ལུས་ཐམས་ཅད་ཀུན། །ཡེ་ཤེས་ཆེན་པོའི་རོས་གང་བ། །རྣམ་པ་སྣ་ཚོགས་ཡེ་ཤེས་ཉིད། །ཡེ་ཤེས་ལྔ་ཡི་བདེ་བ་རྒྱས། །མི་འགྱུར་རྡོ་རྗེ་ཚངས་པའི་དབང་། །ཀུན་རྫོགས་བདེ་བ་ཆེན་པོར་ཐིམ། །ཐམས་ཅད་ཡེ་ཤེས་མཉམ་ཉིད་ལ། །ཕྱོགས་གཅིག་བདེ་བ་འདོད་པའོ། །ཕྱོགས་སུ་ལྟོས་པས་གྲུབ་པ་མེད། །རྣམ་པའི་མཚན་ཉིད་རང་བཞིན་རླུད་། །བདེ་བ་ཆེན་པོར་ལྷུན་གྲུབ་པ། །ཐམས་ཅད་རྒྱས་པའི་དབང་ཆེན་ཏེ། །ཡེ་ཤེས་རོལ་པའི་ཕྱག་རྒྱ་ཅན། །རང་ལུས་མ་བཅོས་དེ་བཞིན་ཉིད། །རྒྱལ་བའི་སྐུ་རུ་ལྷུན་གྲུབ་པ། །ཕྱག་རྒྱ་སྐུ་ཡི་དབང་ཆེན་ཡིན། །རྒྱུ་དྲུག་འཁོར་བའི་ལུས་རྣམས་དང་། །ཡེ་ཤེས་སྤྲུལ་པ་རྒྱ་མཚོའི་སྐུ། །མ་ལུས་རང་བཞིན་ལྷུན་གྲུབ་པ། །སྐུ་མཆོག་རྒྱན་གྱི་འཁོར་ལོའི་དབང་། །མྱ་ངན་འདས་དང་འཁོར་བ་ཡི། །སྒྲ་སྐད་རབ་འབྲིང་མ་ལུས་པ། །མ་ལུས་ལྷུན་གྲུབ་རྡོ་རྗེའི་གསུང་། །གསུང་གི་ཕྱག་རྒྱ་ཆེན་པོའི་དབང་། །དྲན་རྟོག་མ་ལུས་རྡོ་རྗེའི་སེམས། །ཐུགས་ཀྱི་ཡེ་ཤེས་མཁའ་མཉམ་པ། །ལྷུན་གྲུབ་བདེ་བ་ཆེན་པོའི་ཐུགས། །སྤྱི་བླུགས་ཡེ་ཤེས་རྒྱལ་པོའི་དབང་། །རང་རིག་ཡེ་ཤེས་རྒྱུན་མི་འཆད། །བདེ་བ་ཆེན་པོ་མི་འབྲལ་གཟུངས། །རང་ལུས་ཡེ་ཤེས་རིན་པོ་ཆེ། །མ་ལུས་བདེ་ཆེན་ལྔ་རྒྱས་བཏབ། །རྣམ་པ་མ་ལུས་མཆོག་ལྡན་པའི། །ཡེ་ཤེས་སྟོང་པ་ཆེན་པོའི་གོ །ཡེ་ཤེས་འཁྱིལ་པ་རྡོ་རྗེ་བུམ། །བདེ་བ་ཆེན་པོའི་ཆོས་གང་བ། །མ་ལུས་དག་པས་ཆུ་ཡི་མཆོག །གསང་བའི་ཡེ་ཤེས་དཀྱིལ་འཁོར་ཆེ། །མ་ལུས་འདུས་པས་བཅུད་ཀྱི་བདག །གསལ་བའི་ཡེ་ཤེས་བདེ་ཆེན་པོ། །མ་ལུས་ཀུན་འདུས་རིག་པའི་དབང་། །རང་འབྱུང་རྒྱལ་པོའི་མིང་གི་མཚོན། །ཐམས་ཅད་རང་འབྱུང་བཙལ་གྱི་ཐོབ། །བསྐུར་བས་ཐོབ་པའི་དབང་རྣམས་བྲལ། །བསྐུར་མེད་གཞན་ནས་མ་ཡིན་ཏེ། །ཐོབ་མེད་མ་ལུས་མངོན་དུ་ཐོབ། །མི་འགྱུར་རྡོ་རྗེ་ཚངས་པའི་དབང་། །ཀུན་རྫོགས་བདེ་བ་ཆེན་པོར་ཐིམ་ཧོ། །དུས་གསུམ་རྒྱལ་བ་ཐམས་ཅད་ཀྱི། །ཐུགས་ལ་བརྣག་པའི་མན་ངག་ཆུད། །ཐམས་ཅད་བསྟན་པ་རང་ལ་རྫོགས། །ལྷུན་གྲུབ་བདེ་ཆེན་མི་རྟོག་པ། །མ་བཅོས་དེ་ཉིད་བདེ་བའི་ཀློང་། །ལྷུན་གྲུབ་རང་བྱུང་ཡེ་ཤེས་མཁའ་ཁྱབ་པ། །མ་བཀག་རིག་པའི་མཁའ་ལ་རྫོགས། །རང་འབྱུང་རིག་པའི་བདེ་ཆེན་པོ། །ཡོན་ཏན་ལྷུན་གྲུབ་རྫོགས་པའི་ཀློང་། །སྤྲོས་མེད་ཐིག་ལེ་ཆེན་པོར་ཤར། །མི་རྟོག་ཡེ་ཤེས་མ་ལུས་གསལ། །འཛིན་རྟོག་བྲལ་བའི་ཆགས་མེད་ཡུལ། །རང་རིག་ཅིར་ཡང་མི་རྟོག་པས། །ཡེ་ཤེས་རྒྱལ་པོ་མ་ལུས་གསལ། །ཅིར་ཡང་མི་རྟོག་བདེ་བ་ཆེན་པོར་མིན། །ཅིར་ཡང་མི་རྟོག་དམིགས་སུ་མེད། །ཡི་གེ་རྣམ་རྟོག་སེམས་ཀྱི་རྒྱུ་བ་མེད། །ཡེ་ཤེས་རང་རིག་མ་རིག་དཔྱད་ལུས་ཀུན་བྲལ་བའོ། །རང་རིག་རྣམ་པ་ཡེ་ཤེས་ཐིག་ལེ་དགུ་ཡི་བདག །སྙིང་པོ་ལ་འདུས་རྡོ་རྗེ་རྒྱལ། །བདེ་ཆེན་དྲུག་བསྡུས་རིག་པ་བརྒྱ། །ཀུན་གྲོལ་བདེ་བའི་ལམ་ལ་གཟུགས། །ལུང་གསུམ་བརྒྱུད་པའི་འོད་ཆེན་འདི། །ལྔ་དང་དགུ་དང་གསུམ་གྱི་འོད། །མ་ལུས་བཞིར་འགྱུར་དངོས་མེད་པ། །བརྗོད་བཞི་ཐ་སྙད་ཀུན་བདག་ཉིད། །ཡི་གེ་རྣམ་རྟོག་རྒྱུ་བ་བྲལ། །ནམ་མཁའ་དངོས་མེད་སྟོང་པ་བཞིན། །བྲལ་ཀྱང་མ་ལུས་སེམས་ཀྱི་གཏེར། །འདོད་ཡོན་ལོངས་སྤྱོད་རྒྱལ་བའི་ཡུམ། །དེ་ཉིད་ལོངས་སྤྱོད་གཏེར་གྱི་བཅུད། །བདེ་བའི་ལོངས་སྤྱོད་རང་རིག་མཆོག །ཞིང་ཁམས་གཞལ་ཡས་བདེ་བའི་གནས། །གསང་བའི་གནས་ཆེན་གནས་པའི་བདག ཁུ་དང་བྲལ་བའི་དངོས་གཞི་ཅན། །ངོ་མཚར་རྨད་འབྱུང་དེ་ཉིད་བཅུད། །མ་ལུས་འདུས་པའི་རིན་པོ་ཆེ། །བརྗོད་བྱ་མ་ལུས་ཀུན་འདུས་པའི། །རྒྱལ་བ་བསྟན་པ་ཀུན་གྱི་གཙོ། །ཐུགས་ཀྱི་བཅུད་འདུས་དེ་ཉིད་ལམ། །སྤྱོད་ཡུལ་བྲལ་བའི་རང་རིག་ཉིད། །བདེ་གཤེགས་རྒྱལ་བ་ཀུན་གྱི་ཐུགས། །དངོས་གཞི་བྲལ་བའི་རང་རིག་ཉིད། །བདེ་གཤེགས་རྒྱལ་བ་ཀུན་གྱི་ཐུགས། །མ་ལུས་འཕྲོས་པ་ཀུན་གྱི་རྒྱུ། །ཟག་པ་མེད་པས་འདུས་མ་བྱས། །བསྟན་པ་ཀུན་འདུས་ཐིག་ལེའི་བཅུད། །རིག་མའི་ངང་གསལ་ཡེ་ཤེས་སྒྲོན། །འཕེལ་འགྲིབ་མེད་པས་ནམ་མཁའི་དབྱིངས། །སྡུག་བསྔལ་མེད་པས་བདེ་ཀློང་འཁྱིལ། །སྤང་དུ་མེད་པས་སླང་དང་བྲལ། །རེ་བ་མེད་པས་རྫོགས་པའི་རིན་པོ་ཆེ། །རྨད་བྱུང་ངོ་མཚར་དཀྱིལ་འཁོར་ཆེ། །ཀུན་རྫོགས་ཕོ་བྲང་སྙིང་པོ་དེར། །བླ་མ་རིན་ཆེན་སྲོག་འགྱུར་དེས། །ཐམས་ཅད་རྟོགས་པའི་གདེང་ལྡན་ན། །དབང་ཕྱུག་རྒྱལ་པོས་ཞུགས་པ་ཡིན། །བྱས་དང་ལྡན་པས་རབ་གནས་ཡིན། །རང་ཉིད་གསལ་བས་སྤྱན་དྲངས་ཡིན། །འཛིན་དང་བྲལ་ན་དྲི་མ་དག །མོས་དང་ལྡན་ན་སྨོན་ལམ་འཕངས། །ཆགས་དང་བྲལ་ན་བླ་མ་མཉེས། །དགུ་རུམ་སྦས་པའི་ཐིག་ལེ་དེ། །གདེང་དུ་བསྟན་ན་དེ་ཉིད་མཆོག །བསྲུང་མཚམས་མ་ཡིན་སྟོན་མཚམས་ཀྱི། །དམ་ཚིག་འདི་ཡང་རྨད་འབྱུང་གི །ཐུན་མོང་དམ་ཚིག་ཁྱད་པར་ཅན། །བསྲུང་བ་མེད་པའི་སྡོམ་པ་ཅན། །རྟོགས་དང་ལྡན་པའི་རྣལ་འབྱོར་ལ། །དངོས་སུ་གྲུབ་པར་མི་དགོས་ཏེ། །རྡོ་རྗེ་ཚིག་གིས་བརྗོད་པར་བྱ། །རང་ལུགས་གླིང་གི་རིན་ཆེན་བྲོ། །རྒྱ་མདུད་སྣ་བཞི་སྒོ་དང་བཅས། ཁྲོལ་ན་གཏེར་ཁྱིམ་བདག་པོ་མཛོད། །ལོངས་སྤྱོད་གཏེར་ལ་རོལ་པ་བཞིན། །རྡོ་རྗེ་ཚིག་གི་མདུད་ཁྲོལ་ན། །བྱང་ཆུབ་གཏེར་གྱི་མངའ་བདག་མཛོད། །དེ་ཉིད་ཁྲོལ་ན་དམིགས་ཕྱེ་བ། །བདེ་ཆེན་རྫོགས་ན་དཀྱིལ་འཁོར་མཐོང་། །ཐབས་ཀྱིས་ཟིན་ན་མངའ་བདག་སྟེ། །རྡོ་རྗེ་རྒྱལ་པོ་ཐོད་པ་ཡིན། །བདེ་གཤེགས་ཉིད་དང་སྐལ་པ་མཉམ། །བྱང་ཆུབ་རྡོ་རྗེའི་རིགས་ངེས་པའོ། །མཐར་ཕྱིན་ཏིང་འཛིན་རིམ་པའི་ས། །མ་བགྲོད་དམན་ལ་ཞུགས་པའམ། །གྲུབ་མཐའ་ཤེས་པར་མ་སྒྱུར་པའི། །ཐུན་མོང་བློ་ཅན་བ་ཏའི་གཟེབ། །སྒྲོལ་བའི་ཐབས་དང་དམ་ཚིག་བསྟན། །ཕྱག་རྒྱ་ཆེན་པོ་རྫོགས་པར་བསྐྱེད། །ཀུན་ཁྱབ་ཡེ་ཤེས་འབར་བའི་སྐུ། །ཆོས་དང་ལོངས་སྤྱོད་སྤྲུལ་པ་དང་། ཁྲོ་དང་ཞི་བའི་དཀྱིལ་འཁོར་དང་། །འདུས་པའི་ཡེཤེས་ལུས་ཆེན་པོ། །གསལ་བར་བསྐྱེད་ལ་མངོན་དུ་བྱ། །གཟའ་དང་སྤྱོད་པའི་དམ་ཚིག་སྤྱིན། །བདེ་ཐོབ་ཐུན་མཚམས་བར་པའི་ས། །མངོན་སུམ་འཇུག་པའི་དབང་རྣམས་རྫོགས། །དགེ་སྡིག་ལས་ཀྱི་རྣམ་རྟོག་མེད། །རྣམ་སྨིན་ངན་པས་མི་གོས་པས། །རང་གི་ཆགས་མེད་བདེ་ཐོབ་པས། །ལྷུན་གྲུབ་མཉམ་རྫོགས་ཉིད་ལ་རལ། །རང་གསལ་བདེ་བའི་ལོངས་སྦྱོད་བསྒྲུབ། །མ་ཆགས་སྤྱོད་པའི་ཡེ་ཤེས་རྟོགས། །རང་སེམས་དུབ་པའི་སྟོབས་དང་ནི། །རྣམ་རྟོག་བྲལ་བའི་བྱང་ཆུབ་སེམས། །ཉིད་འགྱུར་བདེ་བའི་ལོངས་སྦྱོད་བྱོས། །འབྱུང་བ་བཞི་ལ་སྨིན་གྲུབ་པས། །ནམ་མཁའི་རྡོ་རྗེ་ཟས་སུ་གྱུར། །དེ་ནི་རྡོ་རྗེ་རྒྱལ་པོ་ཡི། །གཉིས་མེད་རྡོ་རྗེ་ཚིམ་པར་བྱའོ། །རྡོ་རྗེ་ཚིག་གི་ལམ་ནས་སྨྲ། །དོན་རྟོག་ཕྲ་བའི་ཚིག་གིས་དམན། །བཤང་གཅི་ཁུ་བ་ལ་སོགས་ཏེ། །རྟོག་དང་ཁ་ན་མ་ཐོའི་ཟས། །ས་ལ་སོགས་ཏེ་འབྱུང་བ་བཞི། །དངོས་པོའི་རྫས་ནི་ཐམས་ཅད་ལ། །སྦྲང་རྩི་བ་ཡི་འོ་མ་དང་། །བཟང་དྲུག་ལྕེ་པོག་དཀར་པོ་དང་། །ཚ་དང་རྡོ་རྗེའི་ཁུ་བར་བཅས། །ཆུ་ཡིས་གཏོར་ཏེ་ཟོས་འགྱུར་ན། །རྩི་རུ་ཆགས་ཤིང་གནོད་མི་ནུས། །དུག་ལའང་སྔགས་ཀྱིས་བཏབ་ལ་བཟའ། །དེ་ཡི་རྗེས་སུ་སེམས་འཇུག་པས། །སེམས་ཉིད་རྣམ་རྟོག་བྲལ་བས་བྱ། །དུས་གསུམ་ལུས་ངག་མི་འཇུག་སྟེ། །འཇུག་པའི་ཐུན་མཚམས་དུས་ཀྱིས་བྱའོ། །རྗེས་སུ་མཐུན་པའི་ལས་བྱས་ཏེ། །རང་རིག་ལྷུན་གྲུབ་རྡོ་རྗེའི་ངག །སྨྲ་བརྗོད་ཁ་ན་མ་ཐོའི་ལས། །འདོད་རྟོག་ངན་པའི་ཚིག་སྨྲས་ཀྱང་། །མ་ལུས་ཡེ་ཤེས་རྡོ་རྗེའི་སྒྲ། །མ་ལུས་སྒྲ་ལ་ཚིག་དོན་མེད། །དེ་སྐད་བརྗོད་དེ་བག་ཡངས་ཀྱི། །རྡོ་རྗེ་ངག་གི་སྤྱོད་པ་བྱའོ། །རྡོ་རྗེ་ལུས་ཀྱི་སྤྱོད་པ་ནི། །ཨེ་མ་ཧོ་མཉམ་རྫོགས་ཐིག་ལེ་སྐུ་ཡི་བཅུད། །ཆགས་མེད་རྡོ་རྗེ་ལུས་ཀྱི་ལས། །ལུས་ཀྱི་ལས་ལ་གཉིས་མེད་དེ། །ཐམས་ཅད་ཡེ་ཤེས་རང་རིག་བྱས། །གང་བྱེད་རྟོག་མེད་ངང་དུ་ཤར། །ཐམས་ཅད་སྒྱུ་མ་ལྷུན་གྲུབ་པས། །མ་ཆགས་འཛིན་མེད་ངང་གིས་བཅད། །དཔེར་ན་མིག་འཕྲུལ་སྒྱུ་མ་བཞིན། །དེ་ཡིས་དེ་ལ་དགོད་པ་བདེ། །དེ་ལ་རྒྱུ་དྲུག་ཐམས་ཅད་བསྡུས། །རྣམ་རྟོག་འཛིན་པ་དངོས་སུ་བསྒྲལ །སྲོག་གཅོད་མ་བྱིན་ལེན་པ་དང་། །འདོད་ལོག་ལ་སོགས་ལུས་ཀྱི་ལས། །བག་ཚ་ཁ་ན་མ་ཐོ་དང་། །ཐམས་ཅད་དེར་ནི་ཉམས་སུ་བླང་། །མངོན་སུམ་བཤད་པའི་ལས་རྣམས་ཀྱིས། །ལ་ཐག་ཆོད་ཅིང་ཐེ་ཚོམ་བྲལ། །ཉམས་མྱོང་བདེ་བའི་རྒྱལ་པོའོ། །གང་ཟག་རྣལ་མའི་དོན་ཐོབ་པ། །འདོད་དང་ལྡན་པའིཐབསཆེནགྱི། །བདེདེས་བྱང་ཆུབ་འཚོལ་བྱེད་པ། །ཐབས་ཀྱི་བྱ་བའི་ཚིག་གིས་མིན། །ཞི་དང་རྒྱས་པའི་རང་བཞིན་ཅན། །རྩོལ་བ་མེད་པས་རང་འབྱུང་ཡིན། །དེ་ནི་ལུས་བྲལ་ཡེ་ཤེས་སོ། །རང་འབྱུང་ཡེ་ཤེས་ཀུན་གྱི་བདག །ལུང་བཅུ་རྫོགས་པའི་ཐིག་ལེ་ཅན། །རང་ཡུལ་རྟོག་པའི་ཡེ་ཤེས་ཏེ། །དེ་བཞིན་ཡེ་ཤེས་བདག་བཞི་ཅན། །རྒྱུ་རྐྱེན་བྲལ་བས་དངོས་གྲུབ་མེད། །ཆོས་ཀུན་ནམ་མཁའི་རང་བཞིན་ཅན། །ལུས་དང་བྲལ་བས་ཡན་ལག་མེད། །དངོས་གཞི་བཅད་པས་རྟགས་དང་བྲལ། །ཀུན་སྤངས་ཀུན་གྱི་དངོས་གཞི་ཅན། །རྟོག་པའི་གསལ་རླུ་་ཡེ་ཤེས་རྒྱུས། །བདེ་ཆེན་ཤར་བའི་ཡེ་ཤེས་རླུད་། །དེ་ཉིད་དེ་ལྡན་དེ་གྲུབ་སྟེ། །གཡོ་བ་མེད་པར་ཀུན་ཁྱབ་ཅན། ཁྲར་བ་མེད་པར་ཀུན་ཏུ་གསལ། །འདི་ནི་སྨོན་ལམ་ཤེས་པ་བཞིན། །རྒྱུད་བཞི་བྲལ་བའི་རང་རིག་དེ། །རྒྱུ་ལ་རྩལ་འཛིན་ཐབས་སུ་འཕྲོ། །རིག་པའི་རང་གསལ་བདེ་བར་འཁྱིལ། །སྤྲོས་པ་མ་བཀག་ཐིག་ལེར་སྡུད། །མ་བཅོས་ལྷུན་གྲུབ་ཆེན་པོར་ཤར། །མ་སྐྱེས་སེམས་ཀྱི་ཐིག་ལེ་ལ། །རྩོལ་སྒྲུབ་བྲལ་བའི་ཏིང་འཛིན་གསལ། །བྱ་བ་མེད་པའི་དོན་ཀུན་རྫོགས། ཁུ།་འབྲས་རྡོ་རྗེའི་ངང་ལ་བསྡུས། །ཐམས་ཅད་རང་སེམས་ངོ་བོའི་ཕྱིར། །འཛིན་རྟོག་སྤྲོས་པ་ཐམས་ཅད་ཞི། །བྱེད་རྩོལ་རིག་པའི་ངང་གིས་འགྲུབ། །རྩོལ་སྒྲུབ་བྲལ་བའི་ལམ་མཆོག་ཡིན། །དགྱེསཆེནསྡུདཔའིཐིག་ལེ་ཡིན། ཁུ་དྲུག་རྟོགས་པ་ཐམས་ཅད་དང་། །མྱ་ངན་འདས་པས་རྒྱལ་བའི་ཐུགས། །མ་ལུས་བདེ་ཆེན་རིག་པའི་ངང་། །ཇི་བཞིན་མ་བཅོས་ངང་དུ་གསལ། །ལྷུན་རྫོགས་སྤྲོས་པ་མེད་པ་ཡི། །གཅིག་འདུས་མ་ལུས་ཀུན་གྱི་བདག །རྣམ་པར་རྟོག་པའི་རྒྱུ་བ་བྲལ། །དུས་གསུམ་བྲལ་བའི་རང་རིག་ཉིད། །རྩོལ་དང་བྲལ་བས་རྒྱུན་མི་འཆད། །རྣམ་རྟོག་མཚན་མ་ཇི་སྙེད་པ། །ཇི་བཞིན་མི་འགྱུར་དེ་ཉིད་གསལ། །གནས་འགྱུར་རྒྱལ་པོའི་ལུང་ཆེན་ཡིན། །བྱེད་རྩོལ་ཐམས་ཅད་མ་སྤངས་པས། །འཇིག་རྟེན་འདས་དང་འཇིག་རྟེན་པའི། །སེམས་ཀྱི་རིག་པ་མ་ལུས་འདུས། །སྒྲུབ་པའི་ལམ་མཆོག་ཀུན་གྱི་བདག །འདོད་པའི་འབྲས་བུ་ཀུན་དངོས་ཅན། །རྩོལ་སྒྲུབ་དོར་བ་རྒྱུ་འབྲས་ཀྱི། །ལུས་ཅན་མ་ལུས་ཐམས་ཅད་འདུས། །འདོད་རྩོལ་བྱེད་པ་རྒྱུ་རྐྱེན་བྲལ། །བླང་དོར་མོས་འདོད་རྩོལ་དཀའ་བའི། །མཐར་ཕྱིན་ཆེ་བའི་འབྲས་འདོད་པ། །རྨོངས་པའི་ད་རྒོད་ནམ་མཁའ་ལ། །གསེར་གྱི་ཐེམས་གས་འཚོལ་དང་འདྲ། །སྡུག་བསྔལ་ལས་གྲོལ་འདོད་སེམས་ཀྱིས། །འདོད་པའི་ལོག་ལྟ་སྤྱི་འབྲེལ་བརྟག །འདི་ནི་རིན་ཆེན་གཏེར་གྱི་དངོས། །དོན་གཅིག་རྣམ་པ་ཀུན་སེམས་བདག །འགྲོལ་མེད་ལྷུན་གྲུབ་རྣམ་གྲོལ་ལམ། །ཀུན་རྫོགསཇིབཞིན འབྲསབུའིམཆོག །རྒྱུའབྲསདབྱེར་མེད་ཐིག་ལེའི་ངག །བྱ་མེད་ལྷུན་རྫོགས་སེམས་ཀྱི་གཏེར། །དཔེ་བྱད་མཚན་ཆེན་རྒྱན་རྫོགསཏེ། །མཚོན ཆའིཕྱགརྒྱདྲི་མ་མེད། །དྲན་རྟོག་མི་འགྱུར་གསལ་བའི་ཐུགས། །སྐུ་གསུང་ཐུགས་ཀྱི་ཕྱག་རྒྱ་ཅན། །འདོད་སོགས་ཏིང་འཛིན་བདེ་བའི་རོ། །ཡན་ལག་ཏིང་འཛིན་སྟོབས་དང་བཅས། །མི་རྟོག་བདེ་བ་གཅིག་ཏུ་འཁྱིལ། །མ་ལུས་ཀུན་གྲུབ་དབྱེ་བ་ཅན། །མི་རྟོག་ཡེ་ཤེས་བདེ་བའི་ཐུགས། །དཔག་མེད་ཏིང་འཛིན་འབུམ་ཕྲག་སྒོ། །སྐལ་ལྡན་དང་པོ་ཉིད་ནས་རྫོགས། ཁུ་དྲུག་འགྲོ་བ་མ་ལུས་པའི། །ལུས་སྣང་རྣམ་པ་ཇི་སྙེད་པ། །གཟུགས་སྣང་རགས་པས་བསྡུས་པ་ཀུན། །ཐམས་ཅད་འཁྱིལ་པའི་ཡེ་ཤེས་སྐུ། །ཚད་ལས་འདས་པའི་སྐུ་རྫོགས་ཏེ། །མ་ལུས་འདུས་པ་སྐུ་ཡི་བཅ། །གྲགས་སྟོང་འཛིན་པ་ཆགས་བྲལ་གསུང་། ཁུ་དྲུག་སྒྲ་སྐད་ལ་སོགས་ཏེ། །རབ་འབྲིང་ཡི་གེ་བརྗོད་པ་རྣམས། །མ་ལུས་སྐྱེ་མེད་རྡོ་རྗེའི་གསུང་། །རྨད་འབྱུང་ལྷུན་གྲུབ་ཆེན་པོ་ཉིད། །མི་རྟོག་བརྡ་འཇལ་ཐམས་ཅད་གོ །ཐམས་ཅད་སྟོན་པའི་རིག་པའི་སྒོ། །སྒྱུ་མ་ཆུ་ཟླ་བདེ་བའི་ཀློང་། །མི་རྟོག་ཐབས་ཀྱི་ཡེ་ཤེས་འདི། །མ་བཅོས་རང་བྱུང་ཆེན་པོ་ལ། །རྣམ་པའི་ཡེ་ཤེས་ཐབས་ཀྱི་རོལ། །རྒྱལ་བའི་དགོང་པ་ཀློང་བརྡོལ་བའི། །རྣམ་པའི་ཡེ་ཤེས་བདེ་ཆེན་འདི། །མངོན་དུ་སྣང་ལ་མཐོང་བ་མེད། །རང་ལ་རྫོགས་ན་གྲུབ་པ་མེད། །འདི་དང་བྲལ་ན་རྟོག་པའི་བདག །མཚན་མའི་བདུད་པ་གྲོལ་མི་འགྱུར། །དེ་ནས་སྐལ་ལྡན་རིགས་ཅན་དེས། །བདེ་བ་ཆེན་པོའི་རྒྱས་བཏབ་པའི། །མི་རྟོག་ཡེ་ཤེས་ལྷུན་གྲུབ་པ། །བདེ་བའི་རོལ་པས་བསྒྲུབ་པ་བྱ། །རླུད་དང་རྟོག་པ་བསླད་པ་ཡིས། ཁུན་དང་བཅས་པའི་ཡེ་ཤེས་ཏེ། །བདེ་ཆེན་ཡེ་ཤེས་རླུད་དུ་དཔག །རླུད་ནི་རྣམ་པ་གཉིས་ཡིན་ཏེ། །རིག་པའི་རླུད་དང་བེམས་པོའོ བེམས་པོ་ལ་ནི་རྣམ་གསུམ་སྟེ། །སྲོག་འཛིན་ཤེས་པའི་རྟེན་ཉིད་དང་། །ལུས་ཟུངས་བ་་དང་འདྲེས་པ་དང་། །སྙིགས་མ་ལུས་ཀྱི་ལས་བྱེད་པ། །གྱེན་དུ་རྒྱུ་དང་ཐུར་དུ་རྒྱུ་བའོ། །རིག་པའི་རླུད་ནི་གཅིག་ཡིན་ཏེ། །བྱེ་བྲག་བརྒྱད་དང་དཔག་མེད་པའི། །རླུད་ནི་གཅིག་གི་འཕེན་པ་ཡིན། །རྟེན་པ་ལས་རླུད་ཟིན་གྱུར་ན། །ཀུན་ཀྱང་རིག་པ་ཟིན་པ་ཡིན། །བདེ་བའི་རོལ་པ་ཡེ་ཤེས་སྐུ། །འབད་རྩོལ་བྲལ་བའི་བདེ་ཆེན་ལས། །ལྷུན་གྲུབ་ཐབས་ལ་རྟེན་པས་གྲུབ། །ཡེ་ཤེས་རང་རིག་ཆེན་པོ་སྟེ། །ངང་གི་མི་ལྡོག་ཐབས་ཀྱི་མཆོག །སྐལ་ལྡན་ཡེ་ཤེས་རྒྱལ་པོ་དེས། །བར་པའི་ཐུན་མཚམས་བཅུ་གཉིས་ཀྱིས། །ཡེ་ཤེས་རིག་པའི་ཕུར་པས་ཐེབས། །རྟོག་པ་གཞོན་པའི་རླུད་དང་འཕྲད། །འདོད་པ་དམིགས་པའི་ཡུལ་དང་འཕྲད། །མཐར་ཕྱིན་དུས་མཚམས་གཅིག་གིས་ཀྱང་། །ཡེ་ཤེས་ཐིག་ལེའི་དངོས་གྲུབ་ཐོབ། །བདེ་བ་ཆེན་པོར་སྒྱུར་བའི་ཐབས། །འདི་ནི་ཐར་པའི་ལམ་མཆོག་སྟེ། །རྒྱུ་འབྲས་མེད་པའི་མཐར་ཕྱིན་ནི། །དང་པོ་རིག་པའི་རླུད་གཟུང་སྟེ། །ཉོན་དང་མཚན་གྱི་ཐུན་གཉིས་ལ། །ཉི་ཁྲི་ཆིག་སྟོང་དྲུག་བརྒྱ་བཅུ། །འཕོ་བའི་ཐུན་མཚམས་བཅུ་གཉིས་ཏེ། །ཀུན་འདར་འཕོ་བ་གཅིག་ཡིན་ཏེ། །སྙིགས་མ་བཅུ་ཡི་གཅིག་འཕོ་ཡིན། །དྭངས་མའི་འཕོ་བ་བསྟན་པར་བྱ། །འདི་ཉིད་རིམ་པ་འདི་ཡིན་ཏེ། །ཡེ་ཤེས་འཇའ་ཚོན་ལྟ་བུའི་འོད། །བདེ་བ་ཆེན་པོའི་ཡེ་ཤེས་ཏེ། ཁམས་གསུམ་རང་འབྱུང་ཆེན་པོ་སྟེ། །མི་གཡོ་ཐིག་ལེ་དག་བྱས་ཏེ། །རྔུབས་པས་རྐྱལ་བ་དྲུད་པ་ལྷར། །སྤྲོས་པ་དེ་ཉིད་བཤོས་པ་ལྟར། །ཡེ་ཤེས་རླུ་་གིས་སྟོང་པར་བྱ། །ཨ་པདྨ་འདས་ནས་ལྡང་གི་བར། །གཡོ་མ་རང་བྱུང་ཐིག་ལེ་བྱ། །དེ་ནས་ཐིག་ལེའི་རྟགས་འབྱུང་སྟེ། ཁམས་སྙོམས་རང་ལུས་བདེ་བ་རྒྱས། །ཉམས་དང་བྲལ་ནས་མཁའ་ལ་འདུག །ཚོར་བ་བདེ་བ་ཆེན་པོར་སྐྱེ། ཁུ་བ་གསལ་ཞིང་བྱེ་བྲག་ཤེས། །དེ་ནས་བདེ་བ་འཕྲོ་བ་ཡི། །ཡེ་ཤེས་རླང་ལ་རྔུབ་པར་བྱ། །དེ་ཉིད་ཐབས་ཀྱི་ཡེ་ཤེས་དགུག །དཔེར་ན་རགས་པ་གྱེན (བི འགྱུའི)རླུད་། །ཀུན་འདར་ཕྲ་བའི་རླུད་བཞིན་དུ། །གསང་བའི་པདྨའི་ལྟོ་བ་ནས། །ན་ས་འདུས་པའི་ལྟོ་བ་ནས། །ཤིན་ཏུ་ཕྲ་ཞིང་ངལ་བ་ཡི། །ཡེ་ཤེས་རླུང་གི་ལྷུན་གྲུབ་པ། །བདེ་བ་ཆེན་པོའི་རྒྱུ་བ་བྱ། །རླུང་གི་ཐུན་ཕྱེད་ཕྱེད་དག་ཏུ། །སྟོབས་ཀྱིས་སྡང་བར་ནུས་འགྱུར་ན། །དེ་ནས་རྒྱུ་བ་མེད་པ་བསླབ། །ལུས་བསྲང་བདེ་བའི་བག་ཡངས་ཀྱིས། །ཨོ་དང་ཧུ༷་དུ་སྦྱར་བྱས་ཏེ། །གསང་བར་ལྟེ་བར་དམིགས་བྱ་སྟེ། །རྔུབ་དང་འབྱུང་བའི་རིམ་གྱིས་ཏེ། །གནས་པའི་བདེ་བ་རྒྱས་པར་བཟུང་ ལུས་ཟུངས་དབུགས་བཅུད་ཉིད་དུ་བསྲེ། །དེ་ལ་མཐུན་པའི་རྟགས་འབྱུང་སྟེ། །རེག་པས་ལུས་ཟུང་རྒྱས་འགྱུར་ཏེ། །བདེ་བ་ཆེན་པོའི་ཡེ་ཤེས་སྐྱེ། །ན་ས་སྒོ་དང་དབང་པོའི་ལམ། །ཀུན་ཏུ་སྤྱོད་ནུས་འཇུག་ལྡང་མེད། །འཕོ་བ་མེད་པའི་དགག་པའང་འགྲུབ། །དབང་པོའི་ལམ་ནས་རང་རིག་ཏུ། །ཡེ་ཤེས་ཆེན་པོའི་འདྲེས་ནས་འབར། །དེ་ཉིད་སྟོབས་ཀྱི་མ་ལུས་འདྲེས། །བསྐལ་པ་དུ་མའི་དབུགས་ཀྱང་བསྡུད། །གནོད་པ་མེད་པར་གདམས་པའང་འགྲུབ། །འདི་ནི་ཐབས་ཆེན་གང་བའི་ལས། །བདེ་བ་ཆེན་པོར་རྒྱས་ཐེབས་པས། །རོལ་པའི་ཀློང་དུ་ཕེབས་པ་ཡིན། །དེ་ནས་བདག་ཉིད་རང་འབྱུང་གི །བདེ་བ་ཆེན་པོའི་ཐིག་ལེར་འཆར་ཡང་གསལ། །རང་གི་མཚན་ཉིད་མ་བཅོས་པའི། །བདེ་བའི་དཀྱིལ་འཁོར་རང་ལུས་གསལ། །རང་བྱུང་བདེ་བའི་ཕུར་པས་ཐེབས། །ཕྱོགས་བཅུ་མ་ལུས་ཐམས་ཅད་ཀུན། །ཡེ་ཤེས་ཆེན་པོའི་འོད་ཀྱིས་ཁྱབ། །ཡེ་ཤེས་སྐུ་ཡི་འོད་ལ་ཞུགས། །རང་བྱུང་གསུང་གི་ཟེར་ལ་རོལ། །ལྷུན་གྲུབ་བདེ་བ་ཆེན་པོའི་ཐུགས། །མི་འགྱུར་ཡེ་ཤེས་རླུད་དུ་ཕེབས། །དེ་ནས་བདེ་ཆེན་འཁོར་ལོ་བསྐོར། །རང་བྱུང་ཡེ་ཤེས་རྣམ་པའི་ལུས། །རང་གི་མཚན་ཉིད་མ་བཅོས་པ། །བདེ་བ་ཆེན་པོར་སྐུ་གསུམ་ཐིག་ལེར་ཤར། །བདེ་བ་ཆེན་པོར་རང་རིག་ཉིད་དུ་འགྲུབ། །མ་བཙལ་རྫོགས་པའི་ཡེ་ཤེས་སྐུ། །བཀྲག་གསལ་བདེ་བ་ཆེན་པོའི་གཟུགས། །རང་རིག་སྒྱུ་མའི་ཡེ་ཤེས་ལོངས་སྤྱོད་དང་། །རིན་ཆེན་ལྷུན་གྲུབ་བྱང་ཆུབ་ཞིང་། །རྒྱལ་བའི་དགོངས་པ་སེམས་ཀྱི་གཏེར། །མ་ལུས་འདུས་པའི་ཐིག་ལེ་ཅན། །བདག་ཉིད་སངས་རྒྱས་ཀུན་གྱི་དངོས། །རྡོ་རྗེ་རྒྱལ་པོ་ཀུན་ད་མེད། །ལོག་རྟོག་དངོས་པོ་ཐ་དད་པ། །ལྷུན་གྲུབ་བདེ་བ་ཀློང་ན་གསལ། །མ་འདྲེས་གསང་བའི་བདེ་ཆེན་པོ། །གང་དང་གང་གི་གང་རྣམས་ནི། །དེ་དེ་དེ་ཉིད་དེ་དེ་སྲ །དེ་ཉིད་དེ་ལ་དེ་དེར་སྣང་། །དེ་ཉིད་དེ་ཡི་རང་བཞིན་པས། །དེ་རྟག་དེ་ལ་ལྷུན་གྱིས་གྲུབ། །མ་ལུས་རྣམ་དག་ལྷུན་གྲུབ་པ། །རིག་པ་རང་འབྱུང་འང་དེ་རྫོགས་པར། །དང་པོའི་ཐུན་མཚམས་བཅུ་གཉིས་ཏེ། །གདོན་མི་ཟ་བར་བཅུ་ཡིས་འགྲུབ། །ཟླ་ཕྱེད་ཟླ་བ་ལྔ་ཡི་ཞག །རྣམ་པ་མཚན་ཉིད་འདོད་རྣམས་ལ། །རྒྱུ་བ་བྲལ་བའི་མངོན་སུམ་ལ། །རིམ་གྱིས་ཅིག་ཅར་གོམས་པར་བྱ། །སྤང་ལེན་འཛིན་རྟོག་རེ་དོགས་དང་། །བདེ་སྤྱོད་གཙང་སྨེ་ཟློག་སྲིད་པ། །གྲུབ་མཐས་ལོག་རྟོག་འདོད་རྩོལ་པ། །གྲགས་པའི་ཐ་སྙད་གཡོ་བའོ། །རང་འབྱུང་རྒྱལ་པོས་ཐོགས་མེད་པར། །སྤྱོད་པ་རྒྱ་མཚོར་ཅི་བདེར་སྤྱོད། །གང་ལྟར་སྤྱོད་པ་རྫོགས་ལོངས་སྤྱོད། །ལུས་ངག་བྱ་བ་མ་ལུས་པ། །ཡུལ་དང་གདུལ་བྱ་བློ་ཡི་རིམ། །ཉམས་པར་མི་འགྱུར་ཐབས་ཀྱིས་སྤྱད། །རང་བྱུང་སྤྱོད་པའི་རྒྱལ་པོར་བྱ། ཁྱུང་ཆེན་ནམ་མཁར་འཕུརབབཞིན། །ཆགསམེདཉམ་ངའི་སེམས་མེད་ཅིང་། །གནས་མེད་གནས་པར་མི་བྱའོ། །རིག་པ་རང་འབྱུང་མཁའ་ལྟར་ཁྱབ། །སྐྱེ་མེད་ལུས་ནི་རྡོ་རྗེའི་སྐུ། །བདེ་བའི་ཐབས་ཀྱིས་བསྒྲུབ་པར་བྱ། །བེམས་པོའི་རླུད་ཉིད་ལུང་བསྟན་པ། །སྡུད་དང་དངས་པའི་རླུད་དེ་ཉིད། །ལུས་གཟུངས་རླུང་ལ་བསྟིམ་པར་བྱ། །དངས་མའི་ལུས་གཟུངས་བཅུད་དུ་འདྲེས། །མི་ཤིགས་རླུང་དང་གཅིག་ཏུ་གྱུར། །ཟ་བའི་ཁམས་དང་བྲལ་གྱུར་ནས། །ཐུན་མཚམས་ཟས་ལ་རྟེན་པས་ནི། །ཐིག་ལེ་འཁྱིལ་བའི་སྒོ་ཕྱེ་ནས། །སྲོག་གཟུངས་བཅུད་དང་འདྲེས་གྱུར་ཏེ། །རིན་ཆེན་རྫིང་གི་དན་རྒྱུའི་ལམ། །བུ་ག་གཉིས་པ་ལན་ཆོད་དུ། །རྡོ་རྗེ་ཏིལ་འབྲུའི་གཟུགས་སུ་འཁྱིལ། །ཡེ་ཤེས་རླུད་དང་ཁུ་བ་ཁྲག །དངས་པ་འཁྱིལ་པ་བདེ་བའི་བཅུད། །ཡོངས་སུ་འཁྱིལ་པར་རང་འབར་གཟུགས། །སྙིགས་མ་བྲལ་ན་སྟོབས་དང་ལྡན། །རང་བྱུང་བདེ་བ་ཆེན་པོའི་ཟས། །མི་འགྱུར་བདེ་བ་ལྷུན་གྱི་ཚེ། །ཐོབ་ནས་རང་འབྱུང་ལྷུན་གྲུབ་ཏུ། །སྐད་ཅིག་དེ་ལ་འགྲུབ་པར་བྱ། །འདི་ནི་རབ་འབྲིང་མཐུན་མཚམས་ཀྱིས། །ངེས་པར་འགྲུབ་སྟེ་གཞན་དུ་ན། །ཟླ་བ་བཞི་ཡིས་གདོན་མི་ཟ། །འདི་ནི་ངོ་མཚར་ཡ་མཚན་གྱི། །རྨད་བྱུང་ཐབས་ཀྱི་འཕྲུལ་ཆེན་ཡིན། །བདེ་གཤེགས་མ་ལུས་དགོངས་པ་ཡི། །རྒྱལ་བ་རྣམས་ནི་ཀུན་གྱི་བབ། །རྡོ་རྗེ་ཟམ་པ་རྣ་བརྒྱུད་འདི། །བསྟན་པ་ཀུན་གྱི་ཉིད་ཁུ་འདི། །བཀའ་ཡི་རྒྱལ་པོར་ཕྱུང་བ་སྟེ། ཁུད་ཀྱི་རྒྱལ་པོ་ལུང་གི་མདོ། །མན་ངག་སེམས་ཀྱི་ཚད་འཛིན་པ། །བསྟན་པའི་འཁོར་ལོ་འདུས་པའི་གཙོ། །རྒྱལ་བ་མངོན་དུ་སྟོན་པ་ཡི། །ངོ་མཚར་འཕྲུལ་གྱི་ལྡེ་མིག་ཡིན། །ཐབས་རྒྱལ་བ་དང་བྲལ་བ་ཡི། །སྐལ་ལྡན་རྣམས་ནི་མུན་པར་ལྷུང་། །བསྐལ་པ་བྱེ་བ་མཐའ་ཀླས་པ། །བཙལ་ཀྱང་འགྲུབ་པར་མི་འགྱུར་རོ། །འདི་ན་དངོས་གྲུབ་ཡ་མཚན་གྱི། །མངོན་སུམ་འཕྲུལ་གྱི་ལྡེ་མིག་སྟེ། །དུས་མཐའི་སྐད་ཅིག་དེ་ཉིད་ལ། །གང་ཡིན་དེ་ཡི་སྔོན་དུ་སྟོན། །རང་བྱུང་ཉག་གཅིག་མངོན་སུམ་ལས། །འདི་ལས་གཞན་པའི་ཤེས་པ་མེད། །མན་ངག་བསྟན་པས་རྒྱལ་བའི་གྲལ་དུ་འཇོག །འདི་ནི་ཚིག་དང་བྲལ་བས་ཏེ། །ཐུན་མཚམས་གསུམ་དང་ལྡན་པ་ཡིས། །རྡོ་རྗེ་འཛིན་པ་ཉིད་དུ་འགྲུབ། །གཞན་དུ་བསྟན་པའི་མཚན་ཉིད་ཀྱིས། །ངེས་པར་གདོན་མི་ཟ་བར་འགྲུབ། །གནས་ནི་བྲག་དང་ཆུ་ལ་བཞག །སྲོག་དང་བྲལ་བའི་ཁ་བཞིན་སྡོམ། །འདི་གནས་ལྡན་པའི་སེམས་ཅན་ནི། ཁམས་གསུམ་བྱུགས་ཀྱང་གཅིག་ལྡན་མིན། །འདི་ནི་སྲིད་བཞིན་དགྲ་ལ་སྟོན། །དྲེགས་པའི་ཆོས་བརྒྱད་གཙོར་བཞག་ནས། །ཉམས་པའི་སེམས་ཀྱིས་འཆི་འགྱུར་ན། །འདི་ལ་རྡོ་རྗེ་དམྱལ་གནས་སུ། །ངེས་འགྱུར་ཐེ་ཚོམ་མེད་པར་ངེས། །དེས་ན་བསྟན་པའི་བཀའ་དང་བསྟུན། །བཀའ་ཡི་བཅུད་འདུས་ཐུགས་ཀྱི་ཉིད་ཁུ་འདི། །ལག་ན་རྡོ་རྗེས་རྣ་བརྒྱུད་སེམས་ལ་བསྟིམ། །རྡོ་རྗེའི་ཟམ་པ་བསྟན་ནས་འཕྲུལ་གྱི་ལུང་བཅུ་ཕོབ། །ལུང་བསྟན་སྐལ་ལྡན་རྣམས་ཀྱི་སེམས་ལ་ཐིམ རྣ་