Front[edit]

Body[edit]

རྒྱ་གར་སྐད་དུ། དེ་བ་ཡ་ཏྲེ་སན་ཏྲི་ཤུ་པ་ཏི་བ་ཡ་དུ་ཡ་མ་ཧྭ་ཏནྟྲ། བོད་སྐད་དུ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ། །བཅོམ་ལྡན་འདས་གསང་བའི་བདག་པོ་འཁོར་དང་བཅས་པ་ལ་ཕྱག་འཚལ་ལོ འདི་སྐད་བདག་གིས་ཐོས་པ་དུས་གཅིག་ན། །འོག་མིན་གྱི་གནས་ན། བཅོམ་ལྡན་འདས་གསང་བའི་བདག་པོ་དེ་ལ། འཁོར་དཔག་ཏུ་མེད་པས་སྐོར་བའི་ཚུལ་གྱིས་བསྐོར་ཏེ་བཞུགས་སོ། །དེ་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ལ་ལྷའི་མེ་ཏོག་མན་ད་ར་བ་ལ་སོགས་པ་དུ་མས་མཆོད་ཅིང་། བསྒོར་བ་ལན་གསུམ་བྱས་ནས། ཀྱེ་བཅོམ་ལྡན་འདས་ཐུགས་རྗེ་ཆེན་པོའི་མངའ་བདག །འཇིག་རྟེན་གྱི་ཁམས་འདི་ནི། རབ་ཏུ་སྙིང་རྗེ་སྟེ། །ལྷ་མ་སྲིན་ནི་འཁྲུགས། ནད་དང་མུ་གེའི་བསྐལ་པ་མང་པོ་ནི་བཏང་། མཚོན་གྱི་ཆར་པ་ནི་ཕབ། འཇིག་རྟེན་གྱི་མི་རྣམས་ནི་ཤིན་ཏུ་ཉེན། ཤིན་ཏུ་སྡུག་བསྔལ་ཏེ། འདི་རྣམས་ལ་བཅོམ་ལྡན་འདས་ཀྱིས་ཐུགས་རྗེས་གཟུང་དུ་གསོལ། །ཞེས་ཞུས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། བརྒྱ་བྱིན་ཉོན་ཅིག །ཡིད་ལ་ཟུང་ཞིག །ཁྱེད་ཀྱིས་ཞུ་བར་སྤོབས་པ་འདི་ལེགས་སོ། །ངས་གནང་བའི་སྐབས་དབྱེའོ། །ཞེས་གསུངས་སོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཞུ་བ་སྤོབས་པ་དང་། གླེང་གཞིའི་ལེའུ་དང་པོའོ།། །།དེ་ནས་བཅོམ་ལྡན་འདས་ཀྱིས་ཐམས་ཅད་དབང་དུ་བསྡུ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་དྲེགས་པ་ཅན་ཐམས་ཅད་བཅོམ་ལྡན་འདས་ཀྱི་སྤྱན་སྔར་ཞུབྲ་ཀྱིས་འདུས་ནས། ལ་ལ་ནི་བརྒྱལ། ལ་ལ་ནི་རང་སྐྲ་རང་འབལ། ལ་ལ་ནི་ཁྲག་ཏུ་སྒྱུགས། ལ་ལ་ནི་ཁ་བུབ། ལ་ལ་ནི་གན་རྐྱལ་དུ་འགྱེལ་ནས་འདུག་པ་ལས། དེ་ནས་ཡང་བཅོམ་ལྡན་འདས་ཀྱིས་ཐམས་ཅད་གསོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པས། ཞུགས་མ་ཐག་ཏུ་དྲེགས་པ་ཅན་ཐམས་ཅད་བརྒྱལ་བ་སངས་ནས། བཅོམ་ལྡན་འདས་ལ་བསྐོར་ཞིང་ཕྱག་འཚལ་ནས་རང་རང་གི་སྙིང་པོ་སྲོག་པ་རྩ་དང་བཅས་པ་ཕུལ་ནས། བདག་ཅག་རྣམས་ཀྱིས་བཅོམ་ལྡན་འདས་ཀྱི་བསྟན་པ་བསྲུང་བར་བགྱིའོ། །ཇི་ལྟར་བསྒོ་བ་བཞིན་དུ་ལས་བགྱིའོ། །ཞེས་སྨྲས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱེད་རྣམས་ཀྱིས་ང་ཡི་བསྟན་པ་སྲུངས་ཤིག །དཀོན་མཆོག་གསུམ་དང་ཕྱི་རབས་པ་རྣམས་ཀྱི་འཁོར་ཡང་སྲུངས་ཤིག་ཅེས་བསྒོའོ། །དེ་ནས་དྲེགས་པ་ཅན་རྣམས་ཀྱིས་རང་རང་གི་སྲོག་སྙིང་སྤྱིར་དྲིལ་བ། ཡ་དུ་ཏྲི་གམ་པ་ནི་བ་ར་ཏི་སང་གེ་ཙ་ཙ་བམ་ས་པ་རི་རག་ཤ་ཡག་ཤ་ཀྲོ་དྷི་རམ་པ་གྲམ་པི་དུ་སད། ཅེས་པ་དེ་དག་ཕུལ་ལོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཅོམ་ལྡན་འདས་ཀྱིས་སྤྱན་སྔར་དབང་དུ་བསྡུ་བ་དང་། དྲེགས་པ་རྣམས་ཀྱིས་དམ་བཅས་ཤིང་སྙིང་པོ་ཕུལ་བའི་ལེའུ་གཉིས་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར་དྲེགས་པ་རྣམས་ཀྱི་གཙོ་བོ་བདུད་མེས་རྒྱལ་བ་རྭ་ཙ་དང་། སྐོས་ཀྱི་བདག་པོ་དང་། མང་གེ་ཆེད་པོ་དང་། གར་གྱི་བདག་པོ་དང་། བཙན་པ་ཏིང་རྗེ་དང་།སྲིད་པ་སྐོས་ཀྱི་ཨང་མི་སྟེར་དང་། །ཁ་བཞི་མིག་བརྒྱད་དང་། འབྱུང་པོའི་བདག་པོ་དང་། །དུ་ར་ཙེ་ཀུན་དང་། རྒྱལ་རྗེ་འོད་དཀར་དང་། སྐྱ་འདྲམ་ཆེན་པོ་དང་། རྭ་ཙ་ཨག་ཤ་དང་། སྲིད་པའི་བདག་པོ་སྲོག་བདག་དཀར་པོ་དང་། དབང་ཕྱུག་ཆེན་པོ་དང་། མགོན་པོ་ཆེན་པོ་དང་། བདུད་མོ་རྒྱལ་བྱིན་དང་། ནག་པོ་ཁྲམ་ཐོགས་དང་། ཐེ་བྲང་ཧ་སྟང་དང་། ཀླུ་རྒྱལ་ཆེན་པོ་དང་། ས་བདག་བསེ་དང་། ཁྱབ་འཇུག་ཆེན་པོ་དང་། ཕུང་བྱེད་དབྱུག་བྱེད་ཇ་ལ་མའི་སྡེ་དང་། དེ་རྣམས་ཀྱིས་བཅོམ་ལྡན་འདས་ཀྱི་སྤྱན་སྔར་བསྐོར་ཞིང་ཕྱག་འཚལ་ནས་རང་རང་གི་གདུག་པའི་མཚོན་ཡོ་ཕུལ་ཏེ། རང་རང་གི་ལས་བ་སྟན་པ་གཉེན་པོ་བསྲུང་བ་འདི་དག་སྨྲས་ཏེ། སྲོག་འདི་དག་ཕུལ་ལོ། །གསད་པ་དང་ནི་གསོ་བ་དང་། །འབོད་པ་དང༷་ནི་རྦད་པ་དང་། །དབབ་པ་དང་ནི་གཅད་པ་དང་། །གནན་པ་དང་ནི་གཟིར་བ་དང་། །དབུག་དང་ལྟས་ངན་གཏང་བ་དང་། །བསྐྲད་པ་དང་ནི་ཞི་བ་དང་། །ལས་ཀྱི་རིམ་པ་གསང་བའི་སྔགས་འདི་དག་སྨྲས་སོ། །ཨཱོཾ་ཡ་ཏྲི་ཀྲམ་ཡེར་ཡ་ཡག་ཤ་ཏྲེག་ཀ་ལ་རག་ཤ་དུན་ཡ་རག་ཤ་ས་མ་ཡ་ཏྲི་ཀྲོག་ཡ། ཡ་ཏྲི་སེན་ཡམ་འོག་ན་རག་ཤ་རྦད་ཤམ་ཡེར་ཡ། ཀྲི་རི་ཏི་སང་ཏེ་ཡ༷་རྗེ་ཡ༷་པ་རྦད། ཏྲིང་ཏྲིང་ལ་མ་ནི་བྱོ། ཏྲི་ཡེར་ཡ། ཡ་ཏྲི་ཀྲ་མ་སྒག་ཏུ་ཡེར་ཡ་ཁ་ལ་རུ་ཏྲི་ཐུ༷་པ་ནི་རྦད་ཡ༷། ཏྲི་ཁ༷་རུ་པ་ན་རྦད་བུ་འདར་ལི་ཡ། ཀར་པ་འདྲེ་ནི་ཡ༷་ཏྲི་ཀུ་རུ་ཡ༷། ནག་པོ་ཁ་ལ་ཧར་ཧུར་ཤ༷་ཡ། ཏ་ལེ་ཡ༷་ཏྲི་ག་རེ་དུ་ན་ཡེ། ཨུ་པ་རི་སད་ཡ༷། ནག་པོ་ཀྭ་ལ་འུར་ཆོམ་ལེ་རུང་ཡ་ཏྲི་ཡ། མ་མུས་མ་ཡོ་ཏེ་པུ་རུ་ཏི་ཡ། མ་རེ་དུ་ཙེ་ཁྲ༷་ཡ་ཏིང་པི་ལི། མུ་ཏི་མ། ཀུན་ཏི་ཐུན། པྲི་ཏེ་མ། དྲི་མ་ཀུ་རུ་ཡ།མ་ལ་ས་མ་བདེ་སད། བ་ལི་སི་ད་མ། ཀར་ནེ་ཡ། ཁྱ་ལེ་ཏུ་ལེ། ཧི་ལི་མི་ལི། མུ་ཧབ་ཧབ། ཧེབ་དུ་མ་ཡ། ས་དོ་ཡ། བེ་དོ་ཐུན་ཏི་མ་ཀུ་ལུ་མ། རུ་ཏྲི་མ། བ་ལེ་ས༷་པ་རི་ཡ༷། མུ༷་ཏི་ཡ༷་བ། དེར་ཤ་ཙིསྟ་མ་ལ་ཏེ་ཀུན། ཕེ་ཕུ་སེ་ལ་ནཱ་ཀ་ཧུ་བེ་ཡ། ག༷་པ་ན་གེ་དུང་སར་ཡ། དུང་ཕྱུར་ཡ་དུང་ཕྱུར་ཡ། ནཱ་ག་ཀེ་ནཱ་ག་ལེ། ཀ་ཏྲ་མ་མ་ནི་ཡ། རྒོ་ད་བ་ནི། ན་ར་ཏེ། ས༷་པ་རེ་ཡ། ནཱ་ག་རྭ་ཛ་པ་ལི་ས་མ་ཡ། ཕུ་ལིང་ཕུ་ཏི་ཡ། སི་བི་ས་པ་ལ་གུ་རུ་ཡ།ནཱ་ག་ར་ནི་པ་རི་ཏེ་ལ་མམ། ནཱ་ག་ག་ཙེ་པ་ར་ཀུ་ར་ཏེ། ཀར་ཤ་ཡ་ཨ་ཏི་བུ་ལི་ཡ་ཡ། སི་མ་པ་ཏོ་ཡ། སི་ཏ། ཨོ་ཀུ་ཏ་ལ་ཤ་ཡ། བྲི་ཏྲི་ནི་ཡ། ཧོ་ན་བེ་ཏ་ལི། ཧུར་སིང་ཡ་བ་ཙ་བེ་ཏ་ཡ། ཏང་ས༷་པ་ཏང་ཡེར་ཡེར རུནེ་ཐུ༷་པ་རེ་བེ་ཡ། ཧོ་ནི་ས་ཏོ་ཡ། བེ་ཏ་སྣེ་ལ་ཡ༷། ཀེ་ར་ཏ་བ་ལ་ཡ། ཧོར་མ་མེ་ཏ་ཤ །ར་ཤ་ནི་ར་ཤ་ནི། རྩེ་ན་ཡ༷་ཏེ་ཡ༷། བི་ཀུ་ལ་ས་མ་ཡ། སི་ལི་རུ་ཏྲི་ཡ༷་ཡ༷། མ་ཏེ་ཡེ་ཏ་ཏང་ལ༷་ཏེ་ཡ༷། མ་ལེ་སད་ཀུ་ནི་ཡ། གུར་ཏི་བ་ལ་ཡག་ཤ་སི་དམ། བི་བར་ཤ་ཡ། ཡག་ཤ་ཀྭ་ལ་རུབ་པ་ཡ་ལ མར་ཙེ་མར་དུ་ནེ་ཡ། གེ་ཤ༷་བ་ནི། ར་ཡ༷་ཀ་དེ་ར་རྗེ་རྦད་ཡ༷། སི་ལི་ཀི་ཏ༷་མེ་ལེ་ནི། ཡག་ཤ་སེ་ཏ་ཀ་ན་དེ་ཡང་། སི་བི་བ་རུ་ཙུ་རུ་ཧུ༷་ཕཊ། ཤོ་རེ་ཤ་ར་པ་ར་ཡ། ཤོ་བ་ཏི་ཀར་ཤ་ཡ་སི་བ་ར་རྦད། ཤག་ཐུ༷་རི་ལི་ལི་ཡ། རྭ་ཧུ་ལ་ཡ་མ་ཏི་སྲོག་ལ་རྦད། བ་ཏོ་སོ་ཏྲག་རག་ཤ་ཁ་ལ་ཧུར་ཧུར། ས་མ་ཡ་བ་ར་བི་ཏ་ཡ། ཤ༷་པ་རི། དམ་བ་ནི་ཡ། ནམ་ཏིང་ཡ། ཀུར་ཏྲི་ཏྲ༷་སྨྱོ། །ནིར་ཏི་ར་ཡ། བ་རུ་སི་ཡ། ས་མ་ཏྲེ་ཡ། རྫ་བ་ལ་སི་བི་ར་ར་ཡ། ཨུརུ་རྫབྷ་ལ་ཛ་ལེན་དྲ་ཡེ་གྲྭ་ཧྭ། ཨུརུ་རྫ་བྷ་ལ་སིརྙི་ཀུ་ནི་ཛ། ཨུརུ་ཛ༷་བྷ་ལ་ནི་ཛ་བ་ཏེ་ས༷་ཡ། དེ་མོ་ཀ་ལི་རད་ན་ཛ༷་བ་ནི་ཛ། ནཱ་ག་ཏེ་ར་ཡ། ར་ཙ་བ་ལི་ཏྲ༷་ཡ་ཡ། ས་མ་ཏི་ཡེར་ཡ་ག༷་ཤ༷་ཏ༷་ས༷་ཡ། ཁུ་འཛེ་ཏ་ཡ། པྲ་ཏེ་མ་ཡ༷། སྲོག་བི་ནི་ཡ༷། ས་མ་ནི་ཡ། ཨེ་ཀ་ནི་ཛུ་ཏི་རག་ཤ་ཡག་ཤ་མ་མ་རུ་རུ་རྦད་ཤག་ཡ། དིང་པི་ས་ར་བ་ཤ་ཤ་ཡ། བི་བིར་ཏ༷་ལ༷་ཤ༷་བ་རི། མུ་ནེ་ཀར་བེ་ཡག་ཤ་རྦད་ཡ། ཏི་རི་ཡ༷་ཏེ་ཤར། ས་མ་ཏི་ལ༷་པ་ནི་ཡ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་ཐམས་ཅད་ཀྱིས་རང་རང་གི་སྲོག་གི་སྙིང་པོ་ཕུལ་བའི་ལེའུ་གསུམ་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། དྲེགས་པ་འཁོར་དང་བཅས་པས་རང་རང་གི་བཅོས་ཀ་འདི་དག་སྨྲས་སོ། །བདག་ཅག་རྣམས་ནི་འཆོས་པ་ནི། །ལ་ལ་དེ་བ་ལྷ་ཡི་རིགས་ཏེ་སྲིད་པའི་ནོར་འཛིན་བྱེད། །ལ་ལ་ཞེ་སྡང་བདུད་ཀྱི་རིགས་ཏེ་གསོད་དང་གཅོད་ལ་དགའ། །ལ་ལ་ཕྲག་དོག་བཙན་གྱི་རིགས་ཏེ་སྲོ་གཅོད་ལས་ལ་དགའ། །ལ་ལ་རྒྱལ་པོ་ཆེན་པོའི་བུ་སྟེ་སྲོག་དང་དབུགས་ལ་དགའ། །ལ་ལ་མ་ཡམས་བདུད་མོའི་བུ་སྟེ་ནད་དང་འཁྲུག་རིམས་གཏོང་། །ལ་ལ་ས་བདག་ཀླུ་ཡི་རིགས་ཏེ་གདུག་པ་ཆེ་ལ་ནད་རྣམས་གཏོང་། །ལ་ལ་ཐེའུ་བྲང་ཇ་ལ་མ་ཡི་རིགས་ཏེ་འཇིག་རྟེན་ཕུང་ཁྲོལ་བྱེད། །ལ་ལ་གནོད་སྤྱིན་བདུད་སྡེའི་རིགས་ཏེ་ཤ་དང་ཁྲག་ལ་དང་། །དེ་ཕྱིར་སྤྱི་དང་བྱེ་བྲག་བཅོས། །སྔགས་བདག་ཏིང་འཛིན་ལྡན་པ་དེས། །འབྲུ་སྣ་བཅུ་གསུམ་ངར་ཕྱེ་ལ། །རིན་ཆེན་ཕྱེ་མར་བྱིན་གྱིས་བརླབས། །དེ་ལ་རི་རབ་ཆེན་པོ་སྟེ། །ཁ་དོག་འདྲ་འབག་རིགས་དང་བསྟུན། །སྨྱུག་མ་ཚིགས་དགུ་བྱུང་རྒྱས་ལ། །ཁ་དོག་ཚང་པ་ནམ་མཁའི་གུར། །དར་གྱི་རྣམ་པས་བརྒྱན་པར་བྱ། །གནམ་ལ་འཕུར་དང་ས་ལ་འཛུལ། །གཟུགས་ནི་རིམ་པ་དེ་ཡིས་བསྐོར། །བཤོས་བུ་བཅུ་གསུམ་བྱང་ཤར་བཅས། །མདའ་བཀྲ་བཅུ་གསུམ་བཤོས་བུ་ལ། ནམ་མཁའ་བཅུ་གསུམ་རི་རབ་ལ མོ་འཕང་བཅུ་གསུམ་འབྲང་རྒྱས་ལ། །གསོ་བདར་རྒྱལ་མཚན་དེ་བཞིན་བསག །ཕུད་དང་གསེར་ཁ་སྤྱན་གཟིགས་བཅས། །དེ་ལྟར་ཆོགས་ནས་བསྔོ་བར་བྱ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་སྤྱི་བཅོས་ཀྱི་ལེའུ་བཞི་པའོ།། །།བདུད་ཤམ་བ་ལི་ཁ་ལ་སེད་རྦད་ཡ༷། ཀ༷་ཏ༷་ནི་ཡག་ཤ་སེན་ཏྲེ་དྲོ་ནི་ཡ༷་ཡུ་དྲིལ་ཁ་ལ་དྷ༷་ཆུམ་སེ་དེ་ཡ༷། གི་པི་དར་ཡ་ཡ་ཏྲེང་ཏྲེང་ཡ། བདུད་ཁ་ལ་དུན་ཙ་པྲ་མ་ནེ་ཡ༷། ཡ་མ་རག་ཤ་ཙིསྟ་རྦུད་ལིང་ཡ། ཀྱི་མ་ནག་པོ་ཧུར་མ་དྷིམ་དུན་ཡ། ཁ་རུ་དྲི་ཏྲག་ཡེར་ཡ། ནག་པོ་སྙིང་རྩ་ཤ་ལ་དུན་ཀར་ཡེར་ཡ། ག༷་པ་ནི་རུ་ཏྲི་ཏྲ་ཏྲེ་ཡ། ཉུང་མོ་ཐོར་སྙིང་མགོ་ཆོད་ཏྲ་ཡ་ས་མ་ཏྲི་ཤར། སེནདུརཏུཏྲིདཡམཡ། མཏྲདུན་ཙེ་ཏྲ་མ་ཡ། མུག་མུ་ཁ་ལ་རྦད་ཏོག་ཤ །ཏྲིང་མ་དྲེ་ཡ༷། ཡུ་ཏིང་ཡུ་ཏིང་དུན་དུན་སྨྱོ། ས་མ་ཡ་ཕྲིང་ལི་དཀར་རྩེག་མ་རྦད་སྨྱོ། བདུད་རྗེ་ནག་པོ་དུན་ཡག་ཤ་རྦུན་ཡ། ཏིང་གེ་མ་ཏྲ༷་ཡ། ཀར་ཤ༷་རྦད་དུན་ཡ། ཨཱོཾ༷་བཛྲ་ཀི་ལི་སང་། དུན་ན་བ་ར་ཐིམ་ན་ཧུ༷། སེ་ན་ཏ་བ་ར་ཙ་ཙ་ཡ། ཀི་ལ་སརྦ་ཡ༷་པ་ནི། བདུད་རག་ཤ་ས་མ་ཡ༷། ཡེ་ཏ་ར་ས་མ་ཐིམས་ཡ། མ་དུ་ཀེ་ལེ་ཐང་མུ་ལེ་རྦད་ཡ། ཡ་མ་རླག་ཤ་རུ་ལུ་ཡ༷། ནག་པོ་སྙིང་ལ་ཐུན་ཅིག །ཡ་མ་ཏྲིག་སྣ་ཡ། ཤམ་རུ་སུ་ཏྲི་ཡ། ག༷་ཤ༷་ཡ་ཡེར་ཡར། སྒག་ལིང་ས་མ་ཡ། བེ་ཏེང་ཀུ་ལུ་ཡ། ཡ་མ་རྭ་ཛ་ནི་ཚ་འདུས། ཏིང་སྣ་མ་ར་དུ་འདུས། ཚལ་པ་ཚལ་པ་བུ་ཏིང་ཡ། ས་མ་ཏི་ཡི་སད་ནི་ཡ༷། །གརྦ་སད་ནི་ཡ༷། རྐུར་ཏི་རི་ཏི་རི་ཡ༷། རཀྟ་སྲོག་རྩ་ཏི་རུང་ཡ། ས་མ་ཡ་བཛྲ་ག༷་ལ་སྲེད་ཡ་བཙན། སྟ༷་པ་ཡ། དུར་དུར་ཙེ་བང་ཡ༷། ཟ་འགྲམ་ནི་མུ་འགྲམ་ཏྲི་ཡ༷། མེ་ལེ་ས་མ་ཙ་ཙ་ཡ༷་ཡ༷། ག༷་པ་རི་ག༷་པ་རི་རྦད་ཏུབས་ཡ། མེ་ཙེན་ཏེ་ཡ་གྲ་ནི་སུ༷་བ༷་ཡ༷། མ་ར་ཏེ་ར་ཡ་སརྦ་ནི་ཀུ༷་ཀུ༷་ཡ། མར་ཡང་ཏི་སད་ཀ་དེ་ཡ། སེ་ཏིང་ཡེ་ནི་ར་ན་ཡ། བ་དེ་ཙ་ཙ་དེ་ཤད་ཤད། ཚུགས་ཏིང་ཀུ་རུ་ཡ། རག་ཤ་དུ་ནེ་རྦད་ཡ། མ་ར་ཙེ་ཙེ་ཡ། མ་རུ་དུ་མ་ར་ཙེ་ཙེ་ཡ་ས་འབུར་ཏི་གྲ༷་ཡེར་ཡེར་ཡ། སརྦ་ཏིང་ལང་བེ་ཏ་ཙ་ཤ་མ་ར་དུ། གི་བ་ར་སད་ནམ། ཡེར་ཡེར་ཡ༷་རྦད། མུ་ཀེ་ཀ་ནེ་སུམ་རྦད་ཡ། བཛྲ་བོང་ནི་བོང་ནི་ཡ། བཛྲ་ཞུང་ཏྲི་ས་མ་ཏེ་ཤང་རྦད། རག་ཤ་ཡག་དུན་དུན་རྩ་ལ་བྲེང་། ཁྲོ་ནི་ཁྲོ་ནི་མ་ལ༷་བ་ནི། སུ༷་བ་ནི་རྦད། མ་ར་ཙེ་མ་ར་ཡ༷་ཏ༷་ཡ།གུར་ནི་ཆུ༷་ཡ། ཧརཧུར་མ་ཧྭ་ལི་རྦད་ཡ། བཛྲ་ཏི་རི་ཏི་རི་ཡ། བཙན་བསྟབ་པ་ཡ་ནི། གྲང་ཙེ་གྲང་ཙེ་ཏེ་སྟ༷་སྟ། ས་མ་ཡ་ཀར་ཤ༷་རྦད་ཡ། དུག་ནེ་ཚེ་སད་རྦད་ཡ། མ་བེ་དུ་ན་ཆུམ་སྐོར་སོད། །ཆུམ་འདྲིལ་རྒྱུག་རྩ་ལ་བྲེང་རྦད་ནི་ར་ཡ༷། ཆུབ་ནི་སད་ན་ཡ༷། མ་ཏིང་ས༷་བཏེ་ན་ཡ༷་ཡ༷། ཀི་མ་ཙ་ཡ་མ་ར་ཏིག་ཡ། ཙ་ཙ་ཤོ་ལེ་བ༷་བ་ནི་ས་མ་ཡ་རྦད་ཤར་ཤ༷ །བ༷་རིལ་མུས་ལ་ཐིབསཐིབས། ཀར་ནེ་སད་མུ་བུ༷་རུ་ལུ་ཡང་། ཏེ་ནི་ཡ༷་ཡ༷་རྦད་དུན་ལིང། ས་ཏེར་ཀེར་ན་ཡ། ཡག་ཤ་འདེཤ༷་རྦད་ཡ། ཁ་ལ་མུ་ཧེ་ལ་ཡ༷་ཡ༷། བྲི་གུ་ལུ་ས་མ་ཏིང་མེར་ཡ། རྒྱུག་ཙ་ལ་གྲེང་ཡང་། མ་ཏི་རི་ཡ། ག༷་པ་ནི། ཙ་ར་ཡ། སེད་ཀུ་རུ་ཡང་། བེ་ཏེ་ས་ར་ཙ། ཨ་ཏི་ཡ། མ་ར་ཏིང་ལིང་ཡཡ་མ་རུམ། ས་མ་ཨཏང་ཏི་རྦད་ཡ། བེ་བ་ཏི་ནི་གྲང་དུ་ན་ཐིམ། མ་ར་དུ་སེ་ཡ། ཨོ་བུ་རུ་ལུ་ས་མ་ཐིབས། མརཏིང་ཡ་ནི་སད་ཏུ། ཀྲི་ཡེར་ཡེར། ཡི་ཏོ་ཏ་ནི་ཧྲོ་ཏ་ནི། བ་ཏྲ་བ་ཏྲ། ཤུ་ལ་ཤུ་ལ། དྷ་ཤ་གྲི་བ།གིང་ཀརྭ་ཛ་ཏི་ཨ༷་ཡང་། སེན་ཏེ་སེ་ཡ། ཀང་ཀ་ཤ་བ་ཡ། སྨྲ་ཧེ་སྙ་རེ་གྱི་ལ་ཡ། ཀྱི་ཀྲིད་རང་ཁྲིད་སྙིང་མགོ་ཆོད། ཁྲག་ལ་མུ་ཤ་རྦད་ཏིང་ཡ། ར་ཙ་རྦད་ནི། སྲོག་རྩལ་ཐུན་ཡ། ཀ་ཀ་ཤ་ལ་ཡ་བ༷་ཁྲོ་ཏ་བ༷་ཁྲོ་ཏ་བ༷་ཤ །རྨུགས་ཙིསྟ་བར་ལ་ཧོ་ཡང་། མར་ཏན་ཙེ་ཡ༷་ཡ༷། བྲམ་པ་ཡེར་ཏིང་ཀུ་རུ་ཡ། ར་ཙ་ཏི་བ་གིང་ཀར་གླད་པ་ལ་ཕཊ་ཏེ་ཕོཊ་ཏེ། ཙིསྟ་ཆོད་བ་སྤུ་དྲོངས་ཡི་ར་ཏེ་ཀེ་ཡ། མི་ལི་མི་ལི་མ་བེ་ཡ༷། བ་བ་རི་རྦད་ན་ཡ༷། བཛྲ་གིང་ཀ་ར་སྲོག་རྩ་ལ། བྲེང་བྲེང་ཡ། ས་མ་ཡ་ཏ༷་ཀ་ནི་ཐུ༷་ཡ། ར་ཙ་ཨ་ཏི་ཤག །ཨ་ཏི་རྦད་ཡ། རྒྱལ་པོ་ཆེན་པོ་བེ་པུར་ཤག་སྨྱོ། ཏི་པ་ནི་ཁྲ༷་སྨྱོ། སྟ༷་སྨྱོ་རྣ་སྨྱོ། མ་ནི་སྨྱོ། བྲ༷་སྨྱོ། སྲིང་མོ་སྨྱོ། སྐྲུ་དྲི་སྨྱོ། དྷི་མུ་ཁ་ལ་སྨྱོ། མུ་ཏི་ཡ་སྨྱོ། གིང་ཀ་ར་གིང་ཀ་ར། པ་ཏྲ་པ་ཏྲ། །ཏོ་ཏོ་ཤོ་ཏོ་ཏོ་ཤེ། མེས་མེས་སིལ་སིལ བ་བ་རིང་བ་བ་རི། ཤ་བ་རི་ཤ་བ་རི། ཡུ་ཏི་ཡུ་ཏི། སྙིང་ལ་ཛ། གིང་ཀ་རྭ་ཛ། རྒྱལ་པོ་ཆེན་པོ་རྦུད་བུ་ལིང་།དྲག་ལིང་། ཙན་དྷ་ལིང་། ཚལ་པ་ལིང་། ཀར་ཤ་མང་དུ་ཀི་ལ་ཡ། དུན་ཚལ་པི་ཀྭ་ལ་ཡ། ཡསྣ་སྟོ་བྷ་ཀི་ལ་ཡ། རསྣ་སྟ༷་བྷ་ཀི་ལ་ཡ། ག་བ་རི་ཡ། ཛ་དུར་ཡ་མ་རེ་ཙ་ཡ། མ་ར་དུན་ཚལ་པ་ཀི་ལ་ཡ། མ་ར་ཙེ་མ་ར་ཙེ་སྲོག་རྩ་ལ་ཧར་ཧུར་གིང་ཀ་ར་ཙི་ཙི་ཏ་ལ་ཕཊ་ཏེ་ཕཊ་ཏེ། མ་སེ་པ་ནི་ཡ༷། ཡ༷་བ་ནི་སད་ད་ཡ། ཨོ་ར་ཙ་ཨ་ཏི་མུག་ཏི་མུཏི་ ་སྲོག་རྩ་ལ་ཤད་དེ། ཤད་དེ། ར་ཏེ། རྫ་ཏེ། ས་མ་ཡ་ནི་ར་ཟུང་། ཏབྱ་ཐུ། རུ་བོ་བོ་དྲ་དྲག་ཡ།ནི་ལོ་རྭ་ཙ་སྙིང་རྩ་ལ་འདུས་འདུས། ཏེང་ཏེང་ས་མ་ཡ། སྲི་རུ་ཐོག་ཏ་ཤད་དེ་རྦད། ཙ་ཙ་དུ་ནི་སད་དེ་ཙ་ཙ་ར་ཛ་བ༷་པ་རེ། ས་མ་ཡ་དང་སྟ༷་བ་ནི། མ་ཧྭ་ཀྭ་ལི་ཡ༷་ནི་ཡ༷་ཏི་ཏི་ས་མ་ཡ༷། མ་ར་ཡ་ཏེ་རྩེ་ཡ། བེ་ཤ་ཤ་ར།རྦད་ནམ། བེ་དུ་སྟ༷་ཀ༷་ས་མ་ཡ་ཐིབས། །བེ་བ་སྟིས་སྟ་རྦད་ཏ་ཡ༷། ཏ་ཀ་བི་རི་བཱ་ར་ཡ། ཨོ་མ་མ་རུ༷་རུ༷་ས་མ་ཡ། རག་ཤ་མ་རུ་ལུ་སྨྱོ། རག་མོ་ཏིང་ལ༷་ས་མ་ཡ། ཆུ་སྟིང་ཡ༷་དེ་ཙེ་ནི་རྦད་ཡ། དྲག་མོ་དྲང་བ་ནི་ས་བ་རི་ཡ༷།ཡ༷་རྦད། ཛཏི་མུ༷་པ་ནི་གར་བུ་ཏི་ཡ༷་ཡ༷་མ་ནུ་རག་ཤ་དུན་ཀ༷་བ་ནི་ཡ་ཏེ་མ། ཁྲིམ་ཡ་ཆུར་ཏི་ཡེ་ཡ༷། མེ་མ་ས་མ་ཡ་ཐིབས་ལིང་ཡ། རུ་རུ་པྲེ་ཏ་ནི་ཐང་ཐང་ཡ། རག་ཤ་རུ་ལུ་རུ་ས་མ་ཡ། ནག་མོ་ཧར་ཧུར་ཏུར་རེ་རྩ་ཆོ།མུཀ་ཡི། བྱ་ཙ་ཡེ། ཏྲ༷་ཡེར་ཡ་རག་མོ་ཁ་ལིང་། སད་ནི་བོད། མུ་སི་ཏི་ཡ༷་། ཙམ་མོ་ཙམ་མོ། ཁྲག་ལ་རྨུགས། ཛ་ཡ་ཡ་རུ་ཏི་ལ༷་རུ་རུ་ས་མ་ཡ་བྲི་ཙ་ཤ་མ་ཡ་དུན་སྦྱོ། ཨོ་ཁྲི་མུན་ལན་ཤག་ཏི་ལ་རྦད། མུ་ནི་སད་ཀྲི་ལ་ཡ་ཀྲི་ནི་ལ༷། དུ་ན་ས་ར་ཐིམ་ཡ། ཨོ་བེ་ག་བན་སྨིན་ཤ་ར་བེ་པ་ཏ་ཁྲིད་དེ་རུ་ལུ་ས་མ་ཡ། རག་མོ་ཙིསྟ་ལ་རྦད་དེ་རྦོད་དེ་ཤ༷་ཡ༷་པ་ནི་རྦད། བེ་ཏ་རུ་ཏི་མ་རུ་ཡ་ཐུན་ཡ་རུ་རུ་ཏིང་ཡ་བེ་ཏ་ཏབྱ་སུ་ཏིར་བྱོ། །ཤ༷་ཏིང་ནེ་མ་ལེ་ཏུ༷་ཤ་བ༷་བ༷་རིལཡ། ཨོ་དི་པ་ར་སི་བི་ནི་ཤདཤད་ཡ། ཀ་མ་ལ། རུ་ཏི་ར༷་ཡ་ཏིང་བཛྲ་མ་ཡ༷་པ་ནི། ཏིང་ཀུ་ལེ་བེ་ཏི་སྟི་རྦད། ས་མ་ཏེང་ཁ་ལེ་ཡེར་རུ་ཏྲི་རུ་ཏྲེ་བཛྲ་ལིང་། བཛྲ་ཡ་མ་ཏིག་ནན་ཡ། ས་ལེ་ཀུན་ཏ་ཙ་ཡ༷། མར་ཙེན་འདུས་པྲི་ཀུ་སྲ ཡག་མོ་ཀ་པ་རུ་པ་ཞུང་ཡ། མ་ཏེང་ལ༷་ཡ། ཏང་ཏིང་ཀེཏ་ཡ༷། ས་མ་ཏིང་དུང་ཀ་དུང་དུང་། ཁི་མ་འདུ་ཡོ་མུ་ཏོ་ཐ་འདུ་ཏིང་རི་རག་མོ་ལ་ལ་འདུས་ཡ། ཆུ་ཏི་ནག་མོ་རྦད། ཤ༷་ཡ་རུ་རུ་ཏིང་ལ་དུན་སྨྱོ། །རོརུ་རོ་རུ་ས་མ་ཡ། ཁང་སྨྱོ་སང་པ་རི་སང་། ཏིང་ཡེར་མུ༷་མ་ཐུ༷། དྲག་མོ་དྲ་པྲ་མ། ནིག་ནིག་ཐིག་ཐིག་ནིག་ཐིག །གཅིག་མེད། གཉིས་དྲག །བརྒྱད་བཅད། གནམ་མཐོངས་ཕྱེ། ལྕགས་སྒྲོག་ཁྲོལ། ཀ་ཏེ་རེ་རྫ་དེའུ་ཞུབ་ཐུན་ཡ་དམ། ར་ཙེ་ཤ་ཡ། ས་མ་ཡ། དུམ་ལིང་ཙེ་ཡ། ས་མ་ཡ། ཨིན་ཏྭ་ཡ། རྦི་པུ་ཤག་ཀུ་ནེ་ཡ༷། ཏེང་སང་ཡ་ཏེ་རེ་ས་མ་ཏི་ཀང་། ཙེམ་ཙེམ་ཙེ་ལེ་མ་ན་ཡ༷། གང་གོ་འོ།། ཨི་པ་ཏ༷་ཡེརཡེར་ལ་ཡ་ལེམ། ཤར་ཐམ་པ་ར་ཤག་ཐུན། ཨ་ཏི་པ་ཏ་ཨིརྙ་ཡ་ཞུང་ཞུང་། རྦན་རྦ་ན་རྦུ་ནེ་ཡ། ཏི་རི་ས༷་པ་ཡ་ན༷་ཡ༷། མ་པུ་སིད་ལིང་ཏུརེ་ཏུ་ཡང་ཡང་ག་ལེ་མ་ཏེང་ལ༷། གུང་བིང་སད་རྦད། རུ༷་རུ༷་མིན་པ་ཡ། ཁ་ལ་འུར་འུར་ཡ༷་ཡ། ཤ་བ་རིཤ༷་ཤ༷་ཡ། མུ་ཏེ་ཡེར་ཡ། ཨོ་ཏིང་ཡ༷་ས་དེ་རྦད་ན་ཧྭ༷། བ་བ་དེ་སད་བི་ད་ཡ༷། ཏ༷་ལེ་སད་ཡ་ཏྲི་ཡ༷། གྲ༷་ཏེ་ཡ༷། ཏྲི་མུ་ཏྲ་དྲ་མ་ཡ། ཞུང་ཞུང་ཝར་ནི་ཡ། ཧུ་བ་ཙ་ལ་ཞུང་ཞུང་། མུ་ཏ༷་པ་ནི་བྲེངབྲེང་། ཏི་མུ༷་ལ་ཏེ་སད། མ་རབི་ས་ཤར་ཤམ་དེ་བ་གར་པི་ཡ༷། སརྦ་སྟོད་ས༷་ཡ། མི་ལི་ཀ༷་ཏེ་ཡ༷། པི་ཏིང་ཀུ་རུ་ཡ། མ་མ་དན་ཏྲི་མ་ཏིངཡ། ཀེ་དྲེ་སད་པ་རི་ཡང་། མི་རུ་རུ་བི་ཏ་ས༷། བི་ར་སད་ན་ལ་སེ་ཡ༷། མི་ཀུ་ལུ་ཐིབས། བྲི་བུ་རུ་ལུ་ཡ། ག་མ་ཏང་ས་མ་ཡ། ཨི་་བྲི་ཀུ་ཏེ་ཡ། ཇུ་ཏེ་ཡ། ཇུ་ཏེ་མ་ཐུན། ས་མ་ཏི་མ། ཀ་ལ་རུ་མ་ཏིང་། ཛ་ས་མ་རུ་ཡ། མ་རདུན་ཆེ་ཡ། ལངཏེཤར། ལུངཏི་མ་ཡ། ཏེང་ཀེ་ལེ་སང་། འུ་ནི་ལམ་བ་ཡ། འགར་དྲི་པ་ཧུ༷། ཆེ་ཡང་བདུད་ཀྱིསབསད་ཡཆུང་ཡངབདུད་ཀྱིས་བསད། བདུད་ཀྱི་བུ་ལ་སྙིང་རྗེ་མིམངའ་སྟེ། །ཞེ་སྡང་བདུདཀྱི་བུ་སྟེ་སྲོག་གཅོད་ལས་རྣམས་བྱེད། །བདུད་ཀྱི་མེས་པོ་ཆེན་པོ་ནི། །སྤྱི་མེས་རྭ་ཙ་རྒྱལ་བས་བྱ། །དེ་ཡི་བུ་ནི་གནམ་གྱི་དིག་པ་ཆེན་པོས་བྱ། །བདུད་ཀྱི་ཕྱི་མོ་ས་ཆུ་མེར་བས་བྱ། །དེ་ཡི་བུ་མོ་མེར་མེར་ལྕམ་གཅིག་མ། །དེ་གཉིས་ཐུགས་ཀྱི་སྲས་ཆེན་པོ། །སྲས་ནི་ཡ་བདུད་བཅུ་གསུམ་བྱུང་། །སྤྱི་མེས་རྭ་ཙ་རྒྱལ་པོ་དེ། །བདུད་ཐོད་པའི་ཕྲེང་བ་ཅན་ཞེས་བྱ་བ་སྟེ། ཡུལ་ནི་བདུད་ཡུལ་ནག་པོ་ན། །བདུད་མཁར་ནི་ལྡེམས་སེ་ལྡེམ། །རྩ་བ་གསེར་ལ་རྩེ་མོ་བྲག །རྩེ་དགུ་གནམ་དུ་ཟངས་སེ་ཟང་། །རྩེ་ནི་མི་ལྤགས་རློན་པས་གཡོགས། །ནང་ན་མི་ཁོག་བྲུངས་སུ་གཙེར། །ནང་ན་རྟ་ཁོག་རྩིག་པར་བརྩིགས། །རྩ་ནས་ཁྲག་དང་ཆུ་སེར་འཛག །ཐོད་པ་སྐམ་སྔོན་མཁར་དུ་བརྩིགས། །མཁར་གྱི་རྩ་བ་ན། བདུད་སྤྱད་སྔོན་པོ་འུར་དང་ཡམས་སེ་ཡམ། །བདུད་བྱ་སྒྱུང་ཀ་དི་རི་རི། །བདུད་ཀྱི་ཁྱི་མོ་འཁང་དང་དི་རི་རི། །དེ་ཡི་ནང་ན་བདུད་ཆེན་མེས་པོ་བཞུགས། །མི་ཤ་མ་ལགས་གཞན་མི་ཟ། །རྟ་ཁྲག་མ་ལགས་གཞན་མི་འཐུང་། །ཕོ་ཉ་མང་པོ་ཤ་ལ་འགྱེད། །མགོ་བརྙན་མང་པོ་སྤྲུལ་པར་འགྱེད། །བདུད་མེས་ཡབ་ཡུམ་མདོས་ལ་སྤྱོན། །ཡ་བདུད་བཅུ་གསུམ་དེ། ནག་པོ་བཀྲག་མེད་དེ། བདུད་རྟ་ནག་པོ་ཆིབས། ཟངས་ནག་བེར་ཆེན་གསོལ། བདུད་ཞགས་ནག་པོ་མདའ་ལྟར་འཕེན། །བདུད་རེ་ལྡེམ་གོ་ཡག་དེ། བདུད་ཀྱི་ ་ནག་ཞོན་ནས་སྐྱེས་པ་ཁྲོམ་ལ་འདེབས། །ཁམས་གསུམ་རྡུལ་དུ་རློག་པའི་མ་ལེ་གེ་ཤག་དེ། སྐྱེ་འགྲོ་ཁྲམ་ལ་འདེབས་པའི་བདུད་རྗེ་མང་ཀུག་དང་། །སྐྱེ་འགྲོ་ཚེ་ལ་དབང་བསྒྱུར་སྙལ་སྙོམསཀྱངལྡེ་ངག་བཙན་དང་། །བདུད་ཀྱི་གུང་བློན་མཆེད་བཞི་སྟེ། །སྟག་ཞུཁུ་ཆེད་བཞི་བསད་པའི་ལས་ལ་བརྩོན། །ཁྱབ་པ་ལག་རིང་སྐྱེ་ཤི་རྩ་བ་གཅོད། །བདུད་ཆེན་འོད་དེ་འབར་བ་དང་། །འོད་དེ་ལྐུགས་པ་དང་། འོད་དེ་ཐོམ་པོ་དང་། ལྐུགས་པ་འཛུམ་མུལ་མི་ཡི་བླ་རྣམས་འཆང་། །རལ་པ་སྤྱི་བཅིངས་སྲི་སྐྱེ་འགྲོ་སྲིད་པའི་རྒྱུ་འགྲུལ་བྱེད། །གར་བུ་ཤན་ཐོགས་བདུད་ཀྱི་བང་ཆེན་བྱེད། །འཁོར་ལོ་བཅུ་གཉིས་སྲིད་པ་ཆམ་ལ་འབེབས། །བདུད་ཆེན་རྒྱལ་བ་དབུགས་ཆེན་ལེན་པ་སྟེ། །ཐོམ་པོ་ཐོམ་ཆུང་མི་ལ་ཆད་པས་གཅོད། །བདུད་རྗེ་འོལ་པོའི་ཚོགས་ནི་མི་བུ་དག་ལ་ཕྱགས་མས་འདེབས་ཤིང་འཛིན། །ཕྱག་བརྙན་བཞི་ནི་མི་བུ་འཛིན་པར་བྱེད། །བདུད་སིལ་མ་སྟོང་ནི་མི་ལ་ལྟས་ངན་སྣ་ཚོགས་འབེབས། །བདུད་རྗེ་བདུད་སྡེ་འཁོར་བཅས་ཀྱང་། །སྲིད་པའི་མདོས་བཞེས་ཤིག །ཧུ༷་སྤྱི་བཙན་ནི་ཆེན་པོ་སྟེ། ཁྲ་ཁྲག་བདུད་ལ་རྒོལ། །མཐུ་ཆེ་ནི་ཕྱ་ལ་སྐུ། །མི་ཡི་ལུས་པོ་ལ། །སྤྲུལ་པ་ཕྱོགས་བཞིར་འགྱེད། །ཡུལ་བཙན་ཡུལ་པོ་ཕུ་གསུམ་ན། །བཙན་མཁར་དམར་པོ་ལྡེམ་པ་ན། །བཙན་མི་ལུས་གཡག་གི་མགོ་བོ་ཅན་དུ་བྱུང་། དཔྲལ་ན་ཁ་གཅིག་མིག་གཉིས་ལ། །ལྟག་ན་ཁ་གཅིག་མིག་གཉིས་བྱུང་། །གཡས་ན་ཁ་གཅིག་མི་གཉིས་པ། །གཡོན་ན་ཁ་གཅིག་མིག་གཉིས་པ། །བསེ་རྟ་དམར་པོ་ལ།རྨིག་པ་བརྒྱད་པར་བྱུང་། མི་བུ་རིམས་ཀྱིས་གསོད། ཤ་ལ་གཅོད་སྦྱངནཀྱངསྦྱོང་བྱེད། སྤྱི་བཙན་ཆེན་པོ་བྱ། རི་རབ་འབྱུང་བའི་ཤར་ཕྱོགས་ན། དུང་གི་མི་དཀར་ལྡེམ་པ་གཅིག །རི་རབ་ལྷོ་ཕྱོགས་ན། གསེར་གྱི་མི་སེར་ལྡེམ་པ་གཅིག །རི་རབ་ནུབ་ཕྱོགས་ན། ཟངས་ཀྱི་མི་དམར་གཅིག །རི་རབ་བྱང་ཕྱོགས་ན། གཡུ་ཡི་མི་སྔོན་གཅིག །དབུས་ན་མཆོང་གི་མི་ཕོ་གཅིག །འབྱུང་བ་ལྔ་ལ་དབང་བྱེད་ཅིང་། སྲིད་པ་གསུམ་ལ་དབང་བསྒྱུར་བ། དེ་ནི་འབྱུང་བའི་བཙན་ལྔ་སྟེ། སྲིད་པའི་མདོས་བཞེས་ཤིག །གནམ་བཙན་དིང་བ་དང་། ས་བཙན་ཡུ་བུ་དང་། གངས་བཙན་དེ་སེ་དང་། གཡའ་བཙན་མི་རོམ་དང་། བྲག་བཙན་རོམ་བུ་དང་། ཆུ་བཙན་སྔོན་པོ་ཞུང་བུ་རྗེ། ཀླུ་བཙན་ཐོར་བ་དང་། བཙན་ཕྲན་སྟོད་ཚོགས་ཀྱང་། སྲིད་པའི་མདོས་བཞེས་ཤིག །ཧུ༷་སྲོག་བདག་ཆེན་པོ་སྟེ། །གནམ་གྱི་དིང་བ་ཆེན་པོ་བྱ། །མི་དཀར་པོ་ལྡེམ་པ་གཅིག །རྟ་དཀར་གཡུ་ཡི་རྗོག་མ་ཅན་ལ་ཆིབས། །གློ་ལ་ཤེལ་གྱི་གྲི་ཆུང་བཙུགས། །བཞུགས་པ་གནམ་གྱི་དཀྱིལ་ན་བཞུགས། །སྤྲུལ་པ་འཛམ་བུ་གླིང་བཞིར་འགྱེད། །མི་དཀར་ལྡེམ་པ་ལ། །དབུ་ལ་རལ་གྲི་ཤ་ར་ར། །དཔྲལ་ན་མིག་གཅིག་ལྷངས་སེ་ལྷང་། །ཞལ་ནས་མཆེ་གཙིགས་ཐམས་སེ་ཐམ། །ཕྱག་ན་སྐྱོགས་དཀར་ཏ་ལ་ལ། །གནམ་རལ་ཕྱེད་ཀྱི་བདག་པོ་ཡིན། །ས་ཆུ་ཕྱེད་ཀྱི་བདག་པོ་ཡིན། །སྐྱེས་པ་བརྒྱ་ཡི་སྲོག་གི་བདག་པོ་ཡིན། །མདོས་བདག་མདོས་བཞེས་ཤིག །ཡ་ཆོ་དཀར་པོ་དང་། ཡམ་ཤུད་དམར་པོ་དང་། ཁུ་ལེ་ལག་དགུ་དང་། སྲིད་པའི་མདོས་བཞེས་ཤིག །དཀར་པོ་ནི་དེ་སེ་དང་། ཤོར་བ་སྐྱ་དགུ་དང་། རྒྱལ་སྡེ་ཆེན་པོ་ཉི་པང་སྲད། ཁྱུང་པ་སད། སེ་པང་སབ། སྤྲུལ་པ་སད། སྲིད་པའི་མདོས་བཞེས་ཤིག །རྒྱལ་ཕྲན་བཅུ་གཉིས། རྒྱལ་སིལ་མ་སྟོང་སྟེ། རྒྱལ་པོ་ཆེན་པོ་སྡེ་བཞི། དེ་རིང་སྲིད་པའི་མདོས་བཞེས་ཤིག ཡུལ་སྦས་ཀྱི་ལ་དེ་ན།སྟོང་མ་བདུད་ཆེན་མོ་བཞུགས། མཁར་ཟོ་བ་གཞོགས་རལ་གྱི་ནང་ན། ཡུལ་ཁྲི་འདུ་སྟོང་འདུ་བྱ་བ་ན། བདུད་མོ་རྒྱལ་བྱིན་བྱ་བ་དེས། དྲེའུ་ནག་རྐང་གསུམ་ཆིབས་ནས། སྐུ་ལ་དར་ནག་གོ་ཟུ་གསོལ། ཕྱག་ན་བ་དན་རྩེ་གསུམ་འཕྱར། སྒྱུགས་པའི་གླུ་རུ་ལེན་ཅིང་མ་ཡམས་འདུན་མར་སྡུད། །ཞིང་ལྤགས་གཡབ་ཆུང་འདོར་ཞིང་བགེགས་རྣམས་གཡོབ་པར་བྱེད། །ཁྲག་མིག་མདངས་སུ་ཕྱུང་ནས་རྒྱལ་པོ་དཀར་ཆེན་དག་ལ་བརྡེག །མི་བུ་བསད་བཅད་ལྷ་འདྲེ་དམ་ལ་སྡུད། ཁྲ་ལ་རལ་གྲིས་གཏུབ་ཅིང་ཁྲག་ནི་བྷརྙ་སྟོང་སྟོང་འཐུང་། །བདུད་མོའི་མདུན་མ་གཅོད་ཅིང་དྲེགས་པ་ཕོ་རྣམས་དགྱེས་པ་སྐོང་། ཕོ་བདུད་གཡས་ཀྱི་ཕོ་བདུད་རུ་འདྲེན་མོ་བདུད་གཡོན་གྱི་རུ་སྣ་འདྲེན། །སྲིད་པའི་གཡུལ་ངོ་ཟློག་ཅིང་བསད་དང་གཅོད་ལ་དགའ། །མ་བདུད་ནི་བཅུ་གསུམ་ཡང་། ལ་ལ་མཇོ་མོརུརིངཞོནནསརྒྱུག །ལལ་རྔ་མོརྐེརིངཤོནནསརྒྱུག །ལ་ལ་རྟོལ་བུ་ལ་དཀར་ཞོན་ནས་རྒྱུག །ལ་ལ་བདུད་བོད་གྭ་དམར་ཞོན་ནས་རྒྱུག །ལ་ལ་གསལ་ལེ་གྲུས་མོ་ཤོན་ནས་རྒྱུག །ལ་ལ་བོང་བུ་ནག་པོ་ཤོན་ནས་རྒྱུག །ཁྲག་གི་གྲུ་ཆར་འབེབས་ཤིང་མི་ནད་ཕྱུགས་ནད་གཏོང་།དེ་རིང་སྲིད་པའི་མདོས་བཞེས་ཤིག ཐེའུ་རང་སྟོང་སྡེ་ཡང་། གནམ་ལ་གནས་པའི་སྤུན་གསུམ་དང་། །བར་ལ་གནས་པའི་སྐྲུན་གསུམ་དང་། །ས་ལ་གནས་པའི་སྐྲུན་གསུམ་དང་། །ཐེ་སེ་ཀུག་སེམ་ཆུ་རིང་གསུམ། །དྲི་སེ་བ་ནི་མུ་དྲི་གསུམ། །གནམ་ལྷ་བྱང་ཆུབ་གནམ་རྟེན་སེ་རྟ་དང་། །གནམ་ཐེའུ་དཀར་དང་གསུམ། །བ་ཏེ་ལག་གེ་ཏེ་ནི་གསུམ། །དར་དཀར་དམར་དང་སེར་པོ་གསོལ། །སྲིད་པའི་ཐེའུ་རང་སྟོང་སྡེ་ཡང་། །དེ་རིང་སྲིད་པའི་མདོས་བཞེས་ཤིག །ཇ་ལ་སུམ་བརྒྱ་དྲུག་ཅུ་ཡང་། ་་་བྱེད་ཁྱབ་བྱེད་མདོས་བཞེས་ཤིག །ས་བདག་རྒྱལ་པོ་ཧོ་པ་དང་། །བེ་སྣ་ལག་ཆེན་ཙང་ཀུན་ཆེན་པོ་དང་། །གཙང་བཙན་ད་ལ་འཁོར་བ་དང་། །ཧོ་བ་ཏེ་ཏེ་སེ་བ་དང་། །ཕ་ནི་ཤི་ས་ཏ་ཡིན། །མ་ནི་རུ་ཟན་དེ་མོ་ཡིན། །འབྱུང་བ་ས་ལ་དབང་བསྒྱུར་ཏེ། །ལ་ལ་ཤིང་ལོ་གོས་སུ་རྒྱན། །ལ་ལ་ས་དང་རྡོ་ལ་གནས། །ལ་ལ་ཆུ་དང་ཤིང་ལ་གནས། །བྱོལ་སོང་མི་སྡུག་མགོ་བོ་ཅན། །ལ་ལ་རི་རབ་དེ་ལ་གནས། །ས་བདག་སིལ་མ་སྟོང་ཚོགིས་ཀྱང་། །དེ་རིང་སྲིད་པའི་མདོས་ལ་སྤྱོན། །ཀླུརྒྱལནིཆེནཔོསྟེ། །རིདང་མཚོ་ལ་གནས་པ་སྟེ། །དགའ་བོ་དང་ནི་འཇོག་པོ་དང་། །མཐའ་ཡས་དང་ནི་དུང་སྐྱོང་དང་། །པདྨ་དང་ནི་ཆུ་ལྷ་དང་། །ཀར་ཀོ་ཏ་དང་བ་རུ་ཎ། །སྦྲུལ་མགོ་བདུན་དང་ལྔ་པ་དང་། །གསུམ་པ་དང་ནི་རིགས་བཞི་དང་། །དེ་རིང་སྲིད་པའི་མདོས་ལ་སྤྱོན། །ཀླུ་གཟུགས་སྣ་ཚོགས་དག་ཏུ་སྟོན། །ལ་ལ་གཟུགས་མེད་སྒོ་ང་འདྲ། །ལ་ལ་ནམ་མཁའི་འཇའ་ཚོན་འདྲ། །ལ་ལ་འདོད་ཆགས་བྱ་ཡི་གཟུགས། །ལ་ལ་ང་རྒྱལ་རྩངས་པའི་གཟུགས། །ལ་ལ་ནོར་བུའི་ཚུལ་དུ་གནས། །ལ་ལ་སྟ་རི་ཁ་ཡི་གཟུགས། །ལ་ལ་གླང་དང་བེ་ལུག་གཟུགས། །རིགས་ནི་བཞི་ལ་སྡེ་ནི་སྟོང་། །སྲིད་པ་ཀུན་ལ་དབང་སྒྱུར་བྱེད། །འབྱུང་བ་ས་ལ་དབང་སྒྱུར་བ། །དེ་རིང་མདོས་བདག་མདོས་བཞེས་དང་། །དང་པོ་སྲིད་པ་ཆགས་པའི་དཔེ། །དེ་ནས་འཇིག་རྟེན་ནོར་དང་བདུན། །འབྱུང་བ་བསྐྱེད་པའི་དཔག་བསམ་ཤིང་བྱུང་བས། །བསྐྱེད་པའི་འབྲུ་སྣ་བཅུ་གསུམ་དང་། །སྐྱེམས་དང་བཅས་པའི་གསེར་གྱིས་མཆོད། །རིན་ཆེན་ཁ་དོག་སྣ་ལྔར་གྲུབ་པའི་ནམ་མཁའ་འདི། །ནམ་མཁའ་འདི་ནི་ཡུལ་དུ་འབུལ། །མདའ་བཀྲ་འདི་ནི་མཁར་དུའབུལ། །གཟུགས་བརྙན་འདི་ནི་དཀོན་དུ་འབུལ། །སྒྲ་སྙན་གསུང་གི་གླུད་དུ་འབུལ། །མེ་མར་སེམས་ཀྱི་གླུད་དུ་འབུལ། །ཟང་ཟིང་ལོངས་སྤྱོད་གླུད་དུ་འབུལ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། །དྲེགས་པ་སྤྱི་བཅོས་ཀྱི་ལེའུ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར་དམུ་ལྕམ་མཆེད་བཞི་དང་། བདུད་མོ་ཉིས་བརྒྱ་ལྔ་བཅུ་དང་། བདུད་ཉིད་ལ་ཉིང་བབས་ཏེ། བདུད་མོ་རྣམས་ལ་མིང་པོ་བཅུ་གསུམ་དང་། བཙན་བདུད་ཡོར་པོ་དང་། བདུད་ཆེན་རྣམས་བབས་ནས།བདུད་མོ་རྣམས་བསྒྲུན་གྱིས་ཟིན་ནས། བཅོས་ཐབས་འདི་སྐད་སྨྲས་སོ། །ལྕགས་ཀོང་གཅིག་ནི་མར་གྱི་བཀང་། །དེ་ཡི་ནང་ན་ཞུན་མར་བཅུ་གསུམ་གཏང་ནས་ནི། །ཕུད་ནི་གཙང་མ་རིན་ཆེན་སྐྱོགས་གང་ལ། །རིན་ཆེན་བརྡར་ལ་བྱིན་གྱིས་བརླབས། །མདའ་དང་དར་སྒྲ་སྙན་དང་བཅས། །པི་ཝང་རྫ་རྔའམ་ཆ་ལང་དྲིལ་བུའི་སྒྲ་བརྡུང་ཞིང་བསྔོ་བར་བྱ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་ཉིད་བཅས་ཀྱི་བསགས་པའི་ལེའུ་དྲུག་པའོ།། །།ཧུ༷། མི་ལ་བདུད་བབས་སྲིད་པས་བསྐོས་པ་སྟེ། །བདུད་ལ་བདུད་བབས་སྲིད་དེ་ན། །བདག་ཅག་རྣམས་ནི་བདུད་མོ་ཀུན་དགའ་སྟེ། །འཇིག་རྟེན་ལེགས་དང་ཉེས་པའི་སྟང་འཛིན་ཅིང་། །སངས་རྒྱས་བསྟན་པ་བསྲུང་བ་དང་། །བདུད་ལ་བདུད་བབ་ཆོ་རེ་འཕྲུལ། །མིང་པོ་བདུད་ཆེན་རྣམས་་ནི་ཚུར་ཉོན་དང་། །ཁྱེད་ནི་ཞེ་སྡང་བདུད་ཀྱི་བུ་ཡིན་ཏེ། །ཞེ་སྡང་ཉིད་ཀྱང་སེམས་ཉིད་དོ། །སེམས་ནི་ཡེ་ནས་སངས་རྒྱས་ཏེ། །གཉིས་མེད་དོན་གྱི་ལུང་ལ་ཉོན། །བདུད་ལ་བདུད་བབས་མིང་པོབདུདཆེནརྣམསལསྡིག །ཉེས་ལེགས་ ང་འཛིན་སྟོང་གི་སྡེ་དཔོན་ཁྱོད་ཀྱིས་ཟུང་། །གསལ་བའི་ཞུན་མར་འདི་ནི་སེམས་ཀྱི་གླུད། །འདི་ལ་ཁ་དོག་ལྔ་མཆིས་ཏེ། །ཕུང་པོ་ལྔ་ཡི་གླུད་དུ་འབུལ། །འདི་ལ་དུ་བ་སྐྲུ་རིས་མ། །དང་བ་སེམས་ཀྱི་གླུད་དུ་འབུལ། །འདི་ལ་འོད་ཟེར་ལྔ་མཆིས་ཏེ། །འབྱུང་བ་ལྔ་ཡི་གླུད་དུ་འབུལ། །འཕྲོ་བ་སེམས་དབུགས་སེམས་ཀྱི་གླུད་དུ་འབུལ། །བདུད་ཀྱི་ཞེ་སྡང་ད་ཁྲོལ་དང་། །ཞེ་སྡང་སྤངས་ན་སེམས་སངས་རྒྱས། །སྲོག་གཅོད་ལས་འདི་སྤང་བར་གྱིས། །སྟོང་གི་སྡེ་དཔོན་གྱིས་ནི་གསུངས་པ་བཞིན། །སངས་རྒྱས་བསྟན་པ་སྲུངས་ལ་ལས་རྣམས་ཀྱིས། །དེ་ལས་འདས་ན་བདུད་ཆེན་རྣམས་ལ་སྡིག །ཅེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་བཅོས་པའི་ལེའུ་བདུན་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། དྲེགས་པ་ཅན་ཐམས་ཅད་ཀྱིས་རང་རང་གི་སྣང་གསལ་འོད་ཀྱི་མདོས་འདི་དག་སྨྲས་སོ། །པར་བུའམ་ཀོང་བུ་དགུ་སྲ གསལ་བའི་ཞུན་མར་དགུ་བལྟམས་ལ། རིན་པོ་ཆེ་ཡི་སྐྱོགས་གཅིག་གི་ནང་དུ། ཕུད་གཅིག་གསེར་ལ་སོགས་པའི་རིན་པོ་ཆེ་སྣ་ལྔ་བརྡར་ལ། དེའི་རྩར་མདའ་བྱ་རྒོད་མ་གཅིག །དར་དམར་སིང་ངེ་བ་གཅིག་བཏགས་ལ། བདག་དབང་གི་རྒྱལ་པོའི་ཏིང་ངེ་འཛིན་གསལ་ཏེ་རྫས་རྣམས་བྱིན་གྱིས་བརླབ་ལ་བསྔོ་བར་བྱ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས་བདུད་ཉིད་བཅོས་ཀྱི་ལེའུ་བརྒྱད་པའོ།། །།ཧུ༷་སྣང་བ་གསལ་བ་འོད་ཀྱི་མོངས། །སྣང་གསལ་ཆེན་པོ་འདི་ལ་ཀུན་གསོན་ཅིག །ཞེ་སྡང་ཆེན་པོ་བདུད་ཀྱི་བུ། །ང་རྒྱལ་བཙན་གྱི་བུ། །ཕྲག་དོག་རྒྱལ་པོའི་བུ། འདོད་ཆགས་གནོད་སྦྱིན་མ་ཡི་བུ། །གཏི་མུག་ས་བདག་ཀླུ་ཡི་བུ། །སེར་སྣ་ཡི་དྭགས་འདྲེ་བཀྲིན་བུ། །ཐེའུ་རང་ཇ་ལ་ལ་སོགས་ཀུན། །སྟོན་པས་གསུངས་པའི་ལུང་ལ་ཉོན། །ཁྱོད་ནི་འདྲེ་བཀྲིན་ཡི་དྭགས་ཏེ། །ལོག་ལྟའི་སེམས་དང་ལྡན་པ་ཡིས། །ལས་ངན་དག་གིས་ལུས་ངན་བླངས་པ་སྟེ། །མི་ཡི་འཇིག་རྟེན་དག་ན་ཁྱེད་གནས་ཏེ། །ཚེ་སྲོག་དབུགས་ལ་དབང་བྱས་པས། །མནར་མེད་པ་ཡི་དམྱལ་ཆེན་ཡིན། །ད་ནི་དག་པའི་སེམས་སྐྱེད་དང་། །སེམས་ལས་མ་གཏོགས་སངས་རྒྱས་མེད། །དུག་ལྔ་ཉིད་ཀྱང་སེམས་ཤེས་ན། །དེ་ནི་སངས་རྒྱས་སེམས་ཆེན་ནོ། །མ་བགྲོད་ས་ལ་དགོད་པ་ཡིན། །ལུག་ཉིད་ཉོན་ལ་གདུག་པ་ཞི་བར་གྱིས། །སྣང་བ་གསལ་བ་གླུད་དུ་བསྔོ། །དང་པོ་སེམས་ཀྱི་གླུད་དེ་བཞེས། །ཁ་དོག་ཕུང་པོ་ཁམས་ཀྱི་གླུད། །དུ་བ་དབུགས་ཀྱི་གླུད་ལ་གསལ་བ་ཡུལ་གྱི་གླུད། །བདུད་དང་བཙན་དང་རྒྱལ་པོ་དང་། །མ་བདུད་མ་ཡམས་དང་། །ཐེའུ་དང་ཇ་ལ་དང་། ས་བདག་ཀླུ་ཚོགས་གཉན་པོ་ཀུན། །སྣང་གསལ་གླུད་འདི་བཞེས་ལ་ཞེ་སྡང་ཁྲོལ་བར་གྱིས། །དེ་ལྟར་བསྒོ་ཚིག་བཏབ། ལྷ་འདྲེ་སྟོང་གི་དྲ་བའིརྒྱུདཆེན་པོ་ལས། སྣང་གསལ་གྱི་ལེའུ་དགུ་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། དྲེགས་པ་འཁོར་དང་བཅས་པས་བསྐོར་ཞིང་ཕྱག་འཚལ་ནས། རང་རང་གི་གཏད་པ་དང་ཁྲམ་གྱི་ལས་འདི་དག་སྨྲས་སོ། །ཀྱེ་བཅོམ་ལྡན་འདས། བདག་ཅག་རྣམས་ཀྱིས་བསྟན་པ་བསྲུང་བའི་ལས་འདི་ལྟར་བགྱི་སྟེ། གཏད་པ་དག་ནི་འཆོར་མི་སྲིད། །གང་ལ་དམིགས་པ་བརླག་པར་བགྱིའོ། །ཇི་ལྟར་བསྒོ་བ་བཞིན་དུ་བགྱིའོ། །ཞེས་སྨྲས་སོ། །དེ་ནས་བདུད་ཀྱི་སྤྱི་མེས་རྭ་ཛ་རྒྱལ་བས། རང་གི་གཏད་པའི་ལས་འདི་གསུངས་སོ། །བསྟན་པ་གཉན་པོ་བསྲུང་བ་ནི། །མོན་པ་ནག་པོའི་ཐོད་པ་སྲ །ཁྱི་ནག་ཁྲག་གིས་འཁོར་ལོ་རྩིབས་དྲུག་བྲི། །དབུས་སུ་དམིགས་བྱའི་ཡན་ལག་རྫོགས་པར་བྲི། །མཐའ་མའི་འཁོར་ལོ་དྲུག་པོ་ལ། །གཡོན་གྱི་ཕྱོགས་ནས་བདུད་ཀྱི་སྔགས་ཀྱིས་བསྐོར། །གཟས་པ་དུ་ཡོད་མིང་རུས་ཚང་བ་སྟེ། །དཔྲལ་བར་རུས་ལ་སྙིང་གར་མིང་། །མ་བཏང་སོད་ནི་མཐའ་མ་བསྐོར། །མ་ཉེས་པ་ཡི་དཔང་ཡང་གཟུག །ཐོད་པའི་ཁ་ནི་དར་གྱིས་དགབ། །ཨོ་ན༷་པ་ར་ཏི་སད་ཏྲི་ཡ། ཏྲི་ཁྲ༷་སྟ༷་ཞེས་བྲིས་ལ། དུར་ཆེན་པོའམ། རིའི་སྤྱི་ལ་མནན་ལ། སྟེང་ནས་འདག་པས་འཐས་པར་བྱ། དེས་དམིགས་བྱ་རླག་པར་འགྱུར། དེ་ནས་བདུད་མགོ་གཡག་གིས་གཏད་པའི་ལས་འདི་དག་སྨྲས་སོ། །ཁྱི་ནག་གསེར་མིག་ཐོད་པ་སྲ །དེ་རུ་དམིགས་པའི་མིང་དང་རུས། །དུར་ཁྲོད་རས་མ་དག་ལ་ནི། །དམིགས་པའི་གཟུགས་བྲིས་མིང་དང་རུས། །མཐའ་མ་བདུད་སྔགས་འདི་ཡིས་བསྐོར། །བདུད་ཡ༷་པ་ནི་ར་སད་པྲ༷་ཡེར་ཁྲ༷་ཏྲི། དེ་ནི་ཁྱི་ཡི་ཐོད་པའི་ནང་དུ་གཞུག །མ་ཉེས་པ་དང་འདིས་ཉེས་བྱ། །བདུད་ཀྱི་བྱ་ར་ས་རུ་མནན། །དེས་ནི་སྒྱུགས་པའི་ནད་ཀྱིས་འཆི། །དེ་ནས་བདུད་ནག་པོ་བཀྲག་མེད་ཀྱིས་རང་གི་གཏད་པའི་ལས་འདི་དག་སྨྲས་སོ། །གྲོ་ག་རས་སམ་་་ག་བུ་ལ། །དམིགས་པ་དུ་ཡོད་གཟུགས་བྲིས་ལ། །སྙིང་གར་མིང་དང་དཔྲལ་བར་རུས། །འདི་ཡིས་ཉེས་ཀྱིས་འདི་མ་བཏང་ཞིག་བྱ། །མཐའ་མ་དམེ་ཁྲག་རྣམ་གསུམ་གྱིས། །བདུད་སྔགས་བྲིས་ལ་མཐའ་མ་བསྐོར། །ནག་པོ་དུ་ན་ཙེ་ཡ༷་ས༷་ཁྲ༷་ཡ༷། དེ་ལྟར་བྲིས་ལ་གླང་ནག་པོའི་རྭ་ཡི་ནང་དུ་བཅུག་ལ། །དུར་རམ་ཡ་ཁ་ཅན་དུ་སྦས་ན། དམིགས་པ་གླང་ཐབས་ནད་ཀྱིས་འཆི། དེ་ནས་བདུད་མོ་ལེ་གེ་ཤག་གིས་རང་གི་གཏད་པའི་ལས་འདི་དག་སྨྲས་སོ། །གྲོ་ག་་་ག་བུ་དག་ལ་ནི། །དེ་ལ་དམིགས་པའི་གཟུགས་བྲིས་ལ། །མིང་དང་རུས་ནི་བཅས་པ་ལ མཐའ་མ་བདུད་ཀྱི་སྔགས་རྣམས་བསྐོར། །བཛྲ་ཏང་ས་སེ་ཡ་མ་ཏ་ཁྲ༷་ཏེ། སྤྱང་ཀི་སྔོན་པོའི་ཐོད་པ་རུ། །རི་གསུམ་རྩེའམ་ལུང་གསུམ་མདོ། །དེ་རུ་མནན་ན་དམིགས་པ་གྲི་རྣམས་གསུམ་གྱིས་འཆི། །བདུད་རོལ་པོ་བཅུ་གཉིས་ཀྱིས་རང་གི་གཏད་པའི་ལས་འདི་དག་སྨྲས་སོ། །རྟ་ཡི་རྒྱུ་ཤུན་དག་ལ་དམིགས་པའི་གཟུགས་ནི་བྲིས་ནས་སུ། མིང་རུས་བདུད་སྔགས་སྤེལ་བྲིས་ནས། །འཕར་བ་དམར་པོའི་ཐོད་པར་གཞུག །དེ་ནས་དུར་གྱི་འགབ་ཏུ་སྦ། །ཏ༷་ཏ༷་ལ༷་ལ༷་ཡཀྟ་ཏྲག །ཡཀྟ་རྦད་ན་ཧུ༷། དེ་ལྟར་བྱས་ལ་མ་ཉེས་པའི་དཔང་གཟུག །དེ་ནས་བདུད་རྗེ་མང་ཁུག་གིས། །བཅོམ་ལྡན་འདས་ཀྱི་སྤྱན་སྔར་རང་གི་ལས་འདི་སྨྲས་ཏེ། རབས་ཆད་ནག་པོའི་ཐོད་པ་མྲ །གྲོ་ག་ཤོག་བུ་དག་ལ་ནི། །དམིགས་པ་དུ་ཡོད་གཟུགས་བྲིས་ལ། །མིང་རུས་ཚང་བར་བྱས་ནས་སུ། །ཐ་མ་བདུད་ཀྱི་སྔགས་ཀྱིས་བསྐོར། །ཨོ་ཏ་རུ་རག་ཏུ་རྦད་ལ་ཡག་ཏེ་ཁྲ༷་ཏ༷། ཐོད་པ་དེ་ཡི་ནང་བཅུག་ལ། །ཁ་ནི་དུར་ཁྲོད་གཡམ་པས་བཅད། །དུར་ཁྲོད་སྦས་ནས་མ་ཉེས་དབང་། །དེ་ཡིས་དམིགས་པ་སྨྱོ་འབོག་དག་གིས་འཆི་བར་འགྱུར། །དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བདུད་སྟག་བཞི་མཆེད་བཞིས་འདི་དག་སྨྲས་སོ། །བདུད་བྱ་ནག་པོའི་ཐོད་པ་སྲ །དེ་ཡི་ནང་དུ་དམིགས་པའི་གཟུགས། །ཐ་མ་བདུད་ཀྱི་སྔགས་ཀྱིས་བསྐོར། །ཁ་ནི་མཐིང་ནག་དར་གྱིས་བཅད། །རྨུ་ཏྲི་ཧྲིམ་ཡ༷་སྟུ༷་པ་ན་ཁྲམ། བདུད་བྲག་ནག་པོའི་རྩ་རུ་སྦ། །དེས་ནི་ལས་རྣམས་འགྲུབ་པར་འགྱུར། །དེ་ནས་ཡང་བཅོམ་ལྡན་འདས་ཀྱི་སྤྱན་སྔར། །ཡ་བདུད་བཅུ་གསུམ་གྱིས་རང་རང་གི་གཏད་པའི་ལས་འདི་དག་སྨྲས་སོ། །དུར་ཁྲོད་རས་མ་དག་ལ་ནི། །མི་རྟ་ཁྱི་དང་གསུམ་ཉི་ཁྲག་གིས་ནི། །འཁོར་ལོ་རྩིབས་ནི་བཅུ་གཉིས་ཀྱི། །དབུས་སུ་དམིགས་པ་དུ་ཡོད་གཟུགས་དང་བདུད་ཀྱི་གཙོ་བོའི་སྔགས། །མིང་དང་རུས་སུ་ལྡན་པར་བྱ། །འཁོར་ལོའི་རྩིབས་ལ་བྲི་བའི་སྔགས། །ཨོ་ཏི་ལི་རྦད་ཡ། ཏེ་པི་བི་སུ་རུ་པི་བི་དེ། མུ་དུ་ཤ་ནི། མུང་ཧ་བ་ནི། རྦད་ཙི་པི་དང་། མུ་དྷ༷་བི་པ་ར། རུ་ཡ་ཏ་ཀྲ༷་ཡ། དུད་ཀྲ༷་ཡ། མུ་དྷི་བ་ཡ། སྤྲེ་ཏ་ཁྲ༷་ཡ། དེ་ལྟར་འཁོར་ལོ་དག་ལ་གཡོན་བསྐོར་བྲི། །རབས་ཆད་ནག་པོའི་ཐོད་པར་གཞུག །ཁ་ནི་ཡུགས་སའི་སྐྲ་ཡིས་བཅད། །དུར་རམ་དུར་ཁྲོད་ཆེན་པོར་སྦ། །མ་ཉེས་པ་ཡི་དཔང་གཟུག་གོ །དེས་ནི་དམིགས་པ་གཏན་ནས་ལེན། །དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བདུད་སིལ་མ་སྟོང་གིས་རང་རང་གི་གཏད་པའི་ལས་འདི་དག་སྨྲས་སོ། །གྲོ་གའམ་ཤོག་བུ་དག་ལ་ནི། །འཁོར་ལོ་རྩིབས་ནི་བརྒྱད་པ་ལ། །དབུས་སུ་དམིགས་པའི་གཟུགས་ནི་ཡན་ལག་རྫོགས་པར་བྱ། །མིང་རུས་དག་དང་ལྡན་པར་བྱ། །མཐའ་མ་བདུད་ཀྱི་སྔགས་ཀྱིས་བསྐོར། ཨོ་ཡསྒ་གྲ༷་པ་ར༷་བ་རི་མ་དུ་ཡེཀྱངཏྲ༷་སེར་ཡ༷་ཁྲ༷་ཏེ་བང་པ་ཏེ་ཡང་མང་། སང་ནི་སུ༷་རྡིམ་ཁྲོ་འདུས་ཁྲམ་ཏྲི། །འཁོར་ལོ་དྲིལ་ལ་ཕག་པའི་ཐོད་པར་གཞུག །དུར་དུ་སྦས་ལ་འདག་པས་འཐས་པར་བརྫི། །མ་ཉེས་པ་དང་འདིས་ཉེས་བྱས། །དེས་ནི་བདུན་རྒྱུད་རླག་པར་འགྱུར། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་ལ་གཏད་པའི་ལེའུ་བཅུ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། སྤྱིབཙནཆེནཔོསརངགིགཏད་པའི་ལས་འདི་དག་སྨྲས་སོ། །གྲོ་ག་དག་ལ་གཟུགས་བྲིས་ཏེ། །འཁོར་ལོ་རྩིབས་ནི་བརྒྱད་པ་ལ། །དབུས་སུ་དམིགས་པ་དུ་ཡོད་པའི་མིང་རུས་བཅས། །འཁོར་ལོ་བརྒྱད་པར་བཙན་གྱི་སྔགས། །ཙ་ཙ་ར་ཏེ་ཐུམ། ཤུ་ལ་ཐེན་པོ་རི་ཤ་ཀ་ཡ་བ་ཏེ་ཁྲ༷་བྲི་ཡ་དུ་ཡ་ཁྲེ། གླང་དམར་དག་གི་རྭ་རུ་གཞུག །ཁ་རུ་འཛམ་བུ་གླིང་བཞིའི་གཟུགས་ཀྱིས་མནན། །འཐས་པར་བརྫིས་ལ་བྲག་དམར་པོའི་ཐེམ་པ་ལ་མནན་ནོ། །དེས་ནི་གཟེར་ནད་དག་གིས་འཆི་བར་འགྱུར། །དེ་ནས་ཡང་བཅོམ་ལྡན་འདས་ཀྱི་སྤྱན་སྔར། འབྱུང་པོ་བཙན་གྱིས་རང་རང་གི་གཏད་པའི་ལས་འདི་དག་སྨྲས་སོ། ་༑ག་བུ་གཙང་མ་དག་ལ་ནི། །འཁོར་ལོ་རྩིབས་ནི་ལྔ་པ་བྲིས། །དབུས་སུ་དམིགས་པ་མིང་དང་རུས། །མཐའ་མ་བཙན་གྱི་སྔགས་ནི་འཁོར་ལོ་ལ། །རྭ་ཛ་ཤོ་ལ་ཁྲ༷། མུ་ཏྲི་ཁྲ༷་གཟེར། རྦད་དུ་ན་སི་རི་ཁྲ༷། བྲི་དུ་ཁྲ་མ་ཡ༷་ན་རྦད། དེ་ལྟར་བྲིས་ལ་འཁོར་ལོ་བྲིལ། །འཕར་བ་དམར་པོའི་ཐོད་པ་མྲ །འབྱུང་བ་བྲག་གི་ཐེམ་ལ་མནན། །དེས་ནི་བརྒྱལ་ཐབས་དག་གིས་འཆི། །དེ་ནས་བྲག་བཙན་དམར་པོས་རང་རང་གི་གཏད་པའི་ལས་འདི་དག་སྨྲས་སོ། །སྡང་བྱ་འུག་པའི་ཐོད་པ་མྲ །དམིགས་པ་ཀུན་གྱི་མིང་དང་རུས། །བྲག་བཙན་སྔགས་ཀྱིས་བསྐོར་ལ་བཞག །ཙ་ཚ་བ༷་རི་སད་དེ་ཡ༷་བ་བདེང་ལ་ཁྲམ་གཟེར་རྒྱུག །བྲང་སྐོར་ཆོད་ཆུམ་དྲིལ་རྨུགས་སྟོབས་ཡང་ཁྲ༷་ཏི། དེ་ལྟར་བྲིས་ལ་འཁོར་ལོ་གྲིལ། །ཐོད་པ་དེ་ཡི་ནང་དུ་གཞུག །དམར་པོ་དར་གྱིས་ཁ་བཀབ་པ། །བྲག་དམར་དེ་ཡི་ཐེམ་ལ་གནན། །དེས་ནི་སྐེམས་ཤིང་རིད་ནས་འཆི། །དེ་ནས་སྐྱེས་བུ་ལུང་བཙན་གྱིས་རང་གི་གཏད་པའི་ལས་འདི་དག་སྨྲས་སོ། །དམིགས་པ་དུ་ཡོད་མིང་དང་གཟུགས། །གྲོ་ག་དག་ལ་བྲིས་བྱས་ལ། །རྭ་ཡི་ཐོད་པར་དྲིལ་ལ་ཁ་ཡང་བཙེམ། །དེ་ནི་དར་གྱིས་གྲིལ་ནས་སུ། །མིང་བྱང་མཐའ་མར་བཙན་གྱི་སྔགས། །ཨོ་ཐེན་འུ་ཀེ་རུ་ཏྲ༷་ཡེར་ག་ཏི་རྦད། དེ་ལྟར་བྱས་ལ་ལུང་གསུམ་མདོ་རུ་མནན་བྱས་ལ། དེས་ནི་དམིགས་པ་དམྱལ་ཐག་གཅོད། དེ་ནས་ཡང་བཙན་སིལ་མ་སྟོང་སྡེས་རང་རང་གི་གཏད་པའི་ལས་འདི་དག་སྨྲས་སོ། །རས་དཀར་དག་ལ་འཁོར་ལོ་སྟེ། །རྩིབས་ནི་བརྒྱད་པར་བྲིས་བྱས་ལ། དེ་ལ་བཙན་གྱི་སྔགས་ཀྱིས་བསྐོར། །དབུས་སུ་དམིགས་པའི་མིང་རུས་བཅས། །འཁོར་ལོ་ར་ཡི་ཐོད་པར་གཞུག །ཅོ།་ཏ་ཙེ་གུར་བི་ལང་ལིང་མུ་ཁྲ༷། ཡེར་ཞུང་ཙ་ཙ་ཏ་ལེ་པད་ཡ་ཁྲ༷་ཏེ། ཞེས་བྱ་བ་བྲིས་ལ་ཁ་དར་དམར་པོས་བཅད་ལ། གོང་གསུམ་དུ་སྦས་ན་དམིགས་བྱ་འཆོར་མི་སྲིད་དོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས་བཙན་ལ་གཏད་པའི་ལེའུ་བཅུ་གཅིག་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། རྒྱལ་པོ་ཆེན་པོ་སྲོག་བདག་མཆེད་བཞིས་རང་རང་གི་གཏད་པའི་ལས་འདི་དག་སྨྲས་སོ། །རས་དཀར་དག་ལ་འཁོར་ལོ་རྩིབས་བཞི་བྲི། དབུས་སུ་དམིགས་པའི་ཡན་ལག་རྫོགས་བྲིས་ལ། །མིང་རུས་དེ་རུ་བྲི་བར་བྱ། །མཐའ་མར། འདིས་སངས་རྒྱས་ཀྱི་བསྟན་པ་བཤིགས་པས་འདི་ཁྱེད་ལ་གཏད་དོ། །བཞེས་ཤིག་ཅེས་བྱའོ། །འཁོར་ལོའི་རྩིབས་ལ་བྲི་བའི་སྔགས། །ཨོ་རྭ་ཙ་ཨ་ཏི་རྦད་ཤད། ཏི་མུ༷་ཡེར་བ་ཨ་ཏི་པ་ཡ། ཨ་ཛ་ཁྲི་ཏི་ཡ། མ་ཏ་རྟ་ཏི་ཡ་རྦད། ཨོ་བི་བུ་ལ་གང་ལོ་སད་ཨིནྟྲ་ཡ་ཞུང་། ཞེས་པ་བྲིས་ལ་རྟ་དཀར་པོའི་ཐོད་པར་གཞུག །དཔྲལ་བར་མཁར་ཚུལ་དཔྲལ་རིས་མཛོད། །མིག་གཉིས་སྣ་གཉིས་ཁ་དང་ཨག་ཙེ་གཉིས་ཏེ་བརྒྱད། དཔྲལ་བར་ཕུག་པ་དང་། དགུ་རུ་ཚང་བཤོས་དགུ་གཞུག །དེ་ནས་སྐོར་ཁང་ངམ་མཆོད་རྟེན་འོག་ཏུ་སྦས་ན། དམིགས་པ་གཏན་ལ་ཕེབས་པར་ཐེ་ཚོམ་མེད། དེ་ནས་ཡང་རྒྱལ་པོ་ཆེན་པོ་བཞིས་གཏད་པའི་ལས་འདི་དག་སྨྲས་སོ། །སྟག་གཟིག་གི་ཐོད་པར་མིང་དང་རུས་བཅུག་ལ། རྒྱལ་པོའི་སྔགས་ཀྱིས་བསྐོར། ཨོ་བེ་བ་ཏ་ཀ་རུ་བ་ཏྲི་ཁྲ༷། ཨོ་བ༷་རུ་བ༷་ར༷་སད་ཁྲེ། ཨོ་བེ་རུ་ཡི་པ་ན་ཁྲ༷། ཨོ་བེ་ཏ་ག༷་ཏ༷་ཁྲ༷་ཏི། ཞེས་བྱ་བའི་སྔགས་ཀྱིས་བསྐོར་ལ། སྐོར་ཁང་དག་ཏུ་གནན་པར་བྱའོ། །དེས་ནི་དམིགས་པ་འཆོར་མི་སྲིད། དེ་ནས་རྒྱལ་པོ་སིལ་མ་སྟོང་གིས་རང་རང་གི་ལས་འདི་དག་སྨྲས་སོ། །ལྐུགས་པ་ལུག་གི་ཐོད་པ་སྲ །དེ་རུ་མིང་དང་རུས་བཅུག་ལ། །རྒྱལ་པོ་དག་གི་སྔགས་ཀྱིས་བསྐོར། །ཨ་ཏིང་སད་ཁད་བ་རུ་ན་བྲི་ཤུ་ཤག་ཁྲ༷་སྟེ་ཡོ་ག་དབབ་པ་ནི་སེང་། དེ་ཡིས་བསྐོར་ལ་ཁ་བཅད། མཆོད་རྟེན་འོག་ཏུ་མནན། དེས་ནི་ལས་རྣམས་འགྲུབ་པར་བཤད། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། རྒྱལ་པོ་ལ་གཏད་པའི་ལེའུ་བཅུ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། མ་བདུད་བཅུ་གསུམ་གྱིས་རང་རང་གི་གཏད་པའི་ལས་འདི་དག་སྨྲས་སོ། །དུར་ཁྲོད་རས་མ་དག་ལ་ནི། །འཁོར་ལོ་རྩིབས་ནི་བཅུ་གསུམ་སྟེ། །དབུས་སུ་གྲུ་གསུམ་དམིགས་པ་དུ་ཡོད་གཟུགས། །ཡན་ལག་ཉིང་ལག་རྫོགས་པར་བྲི། །འཁོར་ལོ་རྣམས་ལ་བདུད་མོའི་སྔགས། །གཡོན་བསྐོར་དུ་ནི་ཁྲག་གིས་བྲི། །རུ་རུ་རསྒ་ཙ་ལ་ཁྲ༷་ཡ་མ་ཏྲ༷་པ་ལི། བྲ་ཏོག་ཁ་ལ་ཧུ་ར་ཡ། མ་མ་རསྒ་རུ་ལུ། ས་མ་ཡ་ཐིབས། ཐུ༷་ཐུ༷་རྩལ་བྲེང་བྲེང་ཡ་ཏྲི་སད་མུ་ཏིང་ཡ། སྨྱོ་རག་མོ་ཙ་ལ་འདུས། ཏིག་སྣ་ཁ་ཡི་མ་དུར་ཙེན་ཡང་། ཁྲ༷་ཏི་ཛ་ཧུར་སྙིང་ལ་ལ༷།ས་མ་ཡ་ཐིབས། ས་མ་ཡ་རུབ་ཞུང་ཐུན་ཡ། བྲི་མ་ཤག་ལ༷་སད་སྲོག་ལ་ནི་མྱུར་ཡ། དེ་ལྟར་འཁོར་ལོ་དྲིལ་ལ་རབས་ཆད་ནག་པོའི་ཐོད་པར་གཞུག །དེ་ནས་དུར་ཁྲོད་དུ་སྦ། དེས་ན་རིམས་ནད་མང་པོས་འཆི ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་མོ་ལ་གཏད་པའི་ལེའུ་བཅུ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། གནོད་སྤྱིན་རྣམས་ཀྱིས་རང་རང་གི་གཏད་པའི་ལས་འདི་དག་སྨྲས་སོ། །རིགས་བྱེ་དམར་པོའི་ཐོད་པ་སྲ །དམིགས་པའི་མིང་དང་རུས་བཅས་ནས། །ཨོ་ལསྣ་རུ༷་ཏིང་ཁྲམ་གཟེར་ཡ། ཁ་ཡང་དུག་གིས་གཅད་པར་བྱ། །ལུང་གསུམ་མདོ་རུ་མནན་སྦས་ན། །ཁྲག་སྒྱུགས་ནད་ཀྱིས་༄༅ འཆི་བར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། གནོད་སྦྱིན་ལ་གཏད་པའི་ལེའུ་བཅུ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ཐེའུ་རང་སྟོང་རྩ་གཅིག་གིས་རང་རང་གི་གཏད་པའི་ལས་འདི་དག་སྨྲས་སོ། །བོང་བུ་རྣ་རིང་ཐོད་པ་མྲ །གྲོ་ག་ཤོག་བུ་དག་ལ་ནི། །དམིགས་པའི་མིང་དང་གཟུགས་རུས་གཞུག །ཐེའུ་རང་སྟོང་གི་སྔགས་ཀྱིས་མཐའ་ཡང་བསྐོར། །ཨོ་ལེ་ལེ་ག༷་ག༷་ཏྲི་ནི་ཨིནྟྲ་ག༷་བ་རོད་ཏེ་ས་མ་ཡ་རྦད་གཏུབས་སོད་ཡ། པྲ་ཀུ་རུ་སོད། དེ་ཡིས་བསྐོར་ལ་ཐོད་པའི་ནང་དུ་གཞུག །ཐོད་པ་ཤིང་རྐང་གཅིག་གམ་ཡལ་ག་ཅན་དུ་སྦ། །དེས་ནི་བརྡབ་སྣོལ་བཟུང་གདུག་དག་དང་ནི། །སྨྱོ་འབོག་ནད་ཀྱིས་འཆི་བར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཐེའུ་རང་ལ་གཏད་པའི་ལེའུ་བཅོ་ལྔ་པའོ།། །།དེ་ནས་ཡང་ཇ་ལ་མ་རྣམས་ཀྱིས་གཏད་པའི་ལས་འདི་དག་སྨྲས་སོ། །སྣེལ་དྲི་མོ་ཡེ་ཐོད་པ་སྲ །འཁོར་ལོ་རྩིབས་ནི་སུམ་ཅུ་གཉིས། །འཁོར་ལོའི་རྩིབས་ལ་བྲི་བའི་སྔགས། །རམ་པ་ནི་གུར་ན་སད་ཏི་ག༷་དུ༷་ལ༷་ཤད་སེར། སད་ཁྲམ་ཡུ་ཏོ་མུ་མ་ལམ་པ་ནི། ཞེས་པ་དེ་དག་བྲིས་ནས་སུ། དབུས་སུ་དམིགས་པའི་མིང་རུས་བཅས་པར་བྱ། །ལུང་གསུམ་མདོ་འམ་རྒྱ་གྲམ་ལམ། །མནན་པས་ལས་རྣམས་འགྲུབ་པར་འགྱུར། །ལྷ་འདྲེ་སྟོང་གི་དྲ་བའིརྒྱུདཆེན་པོ་ལས། ཇ་ལ་མ་ལ་གཏད་པའི་ལེའུ་བཅུ་དྲུག་པའོ།། །།དེ་ནས་ཡང་བཅོམ་ལྡན་ལས་ཀྱི་སྤྱན་སྔར། ས་བདག་འཁོར་དང་བཅས་པས། རང་རང་གི་གཏད་པའི་ལས་འདི་དག་སྨྲས་སོ། །ར་རོག་པོའི་ཐོད་པའམ་གླང་རུའི་ནང་དུ། དམིགས་པ་དུ་ཡོད་པའི་མིང་བྱང་བཅུག་ནས་སུ། མིང་རུས་མཐའ་མ་ས་བདག་སྔགས། །ཐེ་སེ་ལ༷་པ་གུ༷་ན་ཡ༷། མ་ཡི་ཏ་པ་ལ་ཏ༷་པ་ན། དེ་ནས་རྭ་དེ་སྦ་བ་ནི། ས་བདག་གནས་པའི་གནས་གཡས་སུ་སྦ། དེས་ནི་ཞ་གྲུམ་སྐམ་པས་འཆི་བར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ས་བདག་ལ་གཏད་པའི་ལེའུ་བཅུ་བདུན་པའོ།། །།དེ་ནས་ཡང་ཀླུ་རྣམས་ཀྱིས་རང་རང་གི་གཏད་པའི་ལས་འདི་དག་སྨྲས་སོ། །རས་དཀར་གཙང་མ་དག་ལ་ནི། །འཁོར་ལོ་རྩིབས་བརྒྱད་བྲིས་ནས་སུ། །དབུས་སུ་དམིགས་པའི་ཡན་ལག་ཉིང་ལག་རྫོགས་པར་བྲི། །འཁོར་ལོ་རྣམས་ལ་ཀླུ་ཡི་སྔགས། །ནཱ་ག་ལེ་དུམ་པ་ལེ། སུམ་བ་ལེ་ཧུ་ཡ་ཁྲ༷་ཏི་ཡ།དུང་ཡ་དུང་དུང་ཡ། བྲ་ཏད་ཀར་ནེ་ཡེ། ཕྱི་ཕུ་ལུ་ས་མ་ཏི་མ་ཏི་ནཱ་ག་ར་ཙ་ཀྱི་ལོང་ཡུ། དེ་ནི་འཁོར་ལོ་དག་ལ་གཡོན་བསྐོར་བྲི། །འདིས་ཉེས་འདི་ལ་བཀའ་ཆད་ཕོབ། །ཀླུ་རྣམས་ཀྱི་སྐུ་ལ་འདི་ཡིས་བསྔོས་པ་ཡིན་པས། འདི་ཁྱེད་ལ་གཏད་དོ་བྱའོ། །ཆུ་མིག་མགོ་ཟླུམ་འོག་ཏུ་མནན། །དེས་ནི་མཛེ་དང་ཕོལ་མིག་དང་། །ནད་སྣ་མང་པོས་དམིགས་བྱ་འཆོར་མི་སྲིད། །ལྷ་འདྲེ་སྟོང་གི་དྲ་བའིརྒྱུདཆེནཔོལས། ཀླུལ་གཏད་པའི་ལེའུ་བཅོ་བརྒྱད་པའོ།། །།དེ་ནས་ཀླུ་བཙན་མཆེད་གསུམ་གྱིས། རང་རང་གི་གཏད་པའི་ལས་འདི་དག་སྨྲས་སོ། །མིང་བྱང་གཞུག་པ་གོང་བཞིན་ཏེ། །གླང་རུའི་ནང་དུ་བསག །ཀླུ་བཙན་སྔགས་ནི་འདི་ཡིན་ཏེ། ཙ་ཙ་ར་ཙ་ནཱ་ག་དུམ་པ་ལེ་ཡ་ཁྲ༷་ཏི་ཡ། དེ་ནི་ཀླུ་ཡི་མིག་ཏུ་མནན། །དེས་ནི་ལས་རྣམས་འགྲུབ་པར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཀླུ་བཙན་ལ་གཏད་པའི་ལེའུ་བཅུ་དགུ་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། ཐེའུ་རང་སྟོང་རྩ་གཅིག་གིས་བསྐོར་ཞིང་ཕྱག་འཚལ་ནས་རང་རང་གི་ལས་འདི་དག་ཚིགས་སུ་བཅད་པ་སྨྲས་སོ། །བདག་ཅག་རྣམས་ནི་འཆོས་པ་ན། །གཙང་མའི་གནས་ནི་བཙལ་ནས་སུ། །གཙང་མའི་རིས་ཀྱི་གཞི་བཏིང་ལ། །འབྲུ་སྣ་རིན་ཆེན་རྫས་རྣམས་བསག །གསང་བདག་ཏིང་འཛིན་ལྡན་པ་དེས། །འབྲུ་སྣ་བཅུ་གསུམ་ངར་ཕྱེ་ལ། །རིན་ཆེན་ཕྱེ་མར་བྱིན་གྱིས་བརླབ། །རི་རབ་ལྡེམ་པ་བརྩིགས་ནས་སུ། །ཁ་དོག་འགྲམ་བག་རིགས་དང་བསྟུན། །སྨྱུག་མ་གཙང་མ་ནམ་མཁའ་ཚོན་རྫོགས་གུར། །རི་རབ་དེ་ལ་གཟུག་པར་བྱ། །རྒྱལ་མཚན་འཕན་གདུགས་གཟུག་པར་བྱ། །ནམ་མཁའ་ཚོན་རྫོགས་སྟོང་རྩ་གཅིག །མདའ་བཀྲ་དེ་བཞིན་སྟོང་རྩ་གཅིག །གོང་ཐུམ་སྟོང་རྩ་གཅིག །ངར་བུ་སྟོང་རྩ་གཅིག །བྱ་སྟོང་རྩ་གཅིག །འབྲང་རྒྱས་སྟོང་རྩ་གཅིག །ཆང་བཤོས་སྟོང་རྩ་གཅིག །གསོབ་སྟོང་རྩ་གཅིག ཁྲར་དུ་བཤོས་བུ་སྟོང་རྩ་གཅིག་ལ། མདའ་བཀྲ་སྟོང་རྩ་གཅིག་དགོད། ལྷོ་རུ་ངར་བུ་སྟོང་ལ། ནམ་མཁའ་སྟོང་རྩ་གཅིག །བྱ་སྟོང་རྩ་གཅིག་ལ། ཕོད་སྟོང་རྩ་གཅིག །ཆང་བཤོས་སྟོང་རྩ་གཅིག་ལ། གོང་ཐུམ་སྟོང་རྩ་གཅིག་གཟུག །གླང་དང་སྟག་དང་སེང་གེ་ལ་སོགས་པའི་གཟུགས་ཤར་དུ་བསག །ལུག་དང་བྱ་ནི་ནུབ་ཏུ་བསག །ར་དང་སྤྱང་འཕར་རི་དྭགས་བྱང་དུ་བསག །དོམ་དྲེད་སྤྱང་ཀི་རྔ་མོ་བོང་བུ་དང་། །མཛོ་རྟོལ་དེའུའི་གཟུགས་ནི་མཐའ་མ་བསྐོར། ཁྲར་དུ་རྟ་ཐོད་སྟོང་རྩ་གཅིག །ལྷོ་རུ་སྟག་གཟིག་གི་ཐོད་པ་སྟོང་རྩ་གཅིག །ནུབ་ཏུ་མཛོ་རྟོལ་ཐོད་པ་སྟོང་རྩ་གཅིག །བྱངདུ་བོང་བུ་དྲེའུ་དང་ཤ་ཟན་གྱི་ཐོད་པ་སྟོང་རྩ་གཅིག །ཕུད་དང་རིན་ཆེན་དར་གྱི་ཡོལ། །ལྕགས་སུ་ལྕགས་ཟངས་གསེར་དངུལ་ཕྱེ། །དུང་དང་བསེ་དང་སྤོས་ཆང་དང་། །སྤྱན་གཟིགས་དཀོར་ཆ་དེ་བཞིན་བསོགས། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཐེའུ་རང་སྟོང་རྩ་གཅིག་གི་བསོགས་པའི་ལེའུ་ཉི་ཤུ་པའོ།། །།ཧུ༷། བདག་ཅག་རྣམས་ནི་ཐེའུ་རང་སྟོང་རྩ་གཅིག་སྟེ། །ལ་ལ་དེ་བ་ལྷ་ཡི་རིགས་ཏེ་སྲིད་པའི་ནོར་འཛིན་བྱེད། །ལ་ལ་འཆི་བདག་བདུད་ཀྱི་བུ་སྟེ་བསད་བཅད་ལས་ལ་དགའ། །ལ་ལ་ང་རྒྱལ་བཙན་གྱི་བུ་སྟེ་ཤ་ལ་གཅོད་སྦྱོང་བྱེད། །ལ་ལ་སྲིད་པ་རྒྱལ་ཆེན་རིགས་ཏེ་སྲོག་གི་གིང་པ་མཛད། །ལ་ལ་གནོད་སྦྱིན་སྡེ་ཡི་རིགས་ཏེ་ཤ་དང་ཁྲག་ལ་དགའ། །ལ་ལ་མ་མོ་བྱད་མའི་རིགས་ཏེ་སྟོང་གསུམ་རྒྱུག་འགྲོ་བྱེད། །ལ་ལ་ཀླུ་ཡི་རྒྱལ་པོའི་སྡེ་སྟེ་ཞེ་སྡང་གདུག་པ་ཆེ། །ལ་ལ་འཇིག་རྟེན་བྱད་མ་བྱེད་ཅིང་ལ་ལ་ཚེ་ལེན་དབུགས་ལེན་བྱེད། །སྟོང་གསུམ་རྒྱུག་འགྲོ་བྱེད་པ་སྟོང་གི་རྩ་གཅིག་སྟེ། །ཕ་ནི་འབྱུང་བ་ནམ་མཁའ་ནས། །འོད་ཀྱི་མིང་ལ་ཡ་མཚན་ཅན། དཀར་པོ་མིག་གཅིག་ཡིན་པར་ངེས། །མ་ནི་འབྱུང་བ་ནམ་མཁའ་ནས། །སྲིད་པའི་ བདག་མོ་ཡིན་པར་ངེས། །བུ་ནི་ཐེའུ་རང་སྟོང་དང་རྩ་གཅིག་ཡིན། །ཞེ་སྡང་སེམས་དང་གཏི་མུག་སེམས། །ང་རྒྱལ་སེམས་དང་འདོད་ཆགས་སེམས། །དེ་ལས་དྲེགས་པའི་ཐེའུ་རང་སྟོང་རྩ་གཅིག །ཕ་ནི་སྲིད་པ་དཀར་པོ་ཡིན། །མ་ནི་ས་ཡི་སྲིད་པའི་བདག །བུ་ནི་ཐེའུ་རང་སྟོང་རྩ་གཅིག །སྲིད་པ་ཀུན་གྱི་བུ་ཡིན་ཏེ། །སྲིད་པ་གསུམ་ལ་དབང་ཡང་བྱེད། །སྟོང་གསུམ་དྲེགས་པ་ཐམས་ཅད་ཀྱང་། །ལ་ལ་བདག་ཅག་རྣམས་ཀྱི་ཕ། ལ་ལ་བདག་ཅག་རྣམས་ཀྱི་མ། །ལ་ལ་བདག་ཅག་རྣམས་ཀྱི་བུ། །ལ་ལ་བདག་ཅག་རྣམས་ཀྱི་སྡེ། །བདག་ཅག་རྣམས་ལ་མ་གཏོགས་གང་ཡང་མེད། །བདག་ཅག་རྣམས་ཀྱི་སྲིད་པའི་རྒྱུད་འགྲོ་བྱེད། །ཚེ་དང་སྲོག་ནི་བླང་བ་ལ། །ཐང་གཅིག་ཡུད་ལ་ཐེ་ཚོམ་མེད། །ལྟོས་པ་ཀུན་གྱི་ཚེ་ཡང་བསྲིང་། །བསྟན་པ་བཤིག་པ་རྣམས་ནི་བསྒྲལ་བར་བྱ། །ལ་ལ་བྱང་ཆུབ་སེམས་དཔའི་སྡེ། །ས་ལ་གནས་པའི་ཚུལ་ཁྲིམས་བསྲུང་ཞིང་དགེ་བ་བྱེད། །སེམས་ལ་ཞེ་སྡང་མི་མངའ་སྟེ། །འཁོར་བ་སྲོག་གཅད་ཐེའུ་རང་གནས། །དེ་རིང་སྲིད་པའི་མདོས་ལ་སྤྱོན། །སྲིད་པའི་དཀར་པོ་སྤྱན་གཅིག་ཀྱང་། །འོད་ཀྱི་མི་དཀར་ལྡེམ་པ་ལ། །འཇའ་ཚོན་སྣ་ལྔའི་ན་བཟའ་གསོལ། །ཆིབས་སུ་ཟེར་གསུམ་དག་ལ་ཆིབས། །གཡས་ན་གསེར་གྱི་ཉི་མ་དགུ། །གཡོན་ན་ཤེལ་གྱི་ཟླ་བ་དགུ། །བར་ན་གཟའ་བརྒྱད་རྒྱུ་སྐར་ཉི་ཤུ་བརྒྱད། །འཇའ་ཡི་ཐོད་པ་དུང་གི་རལ་པ་ཅན། །ཁྱོད་ནི་སྐྱེས་ཆེན་མི་བོ་ཆེ །དེ་རིང་སྲིད་པའི་མདོས་ལ་སྤྱོན། །ལན་ཅིག་སྤྲུལ་ཅིང་འོང་བའི་ཚེ། །གཡུ་ཡི་མི་སྔོན་ལྡེམ་པ་གཅིག །ཆིབས་སུ་གཡུ་རྟ་བྱ་གདེངས་ཆིབས། །དབུ་ལ་འཇའ་ཡི་ཐོད་དུ་བཅིངས། །སྐུ་ལ་རྨ་བྱའི་ཐུལ་པ་གསོལ། ་༑ལ་གྱི་བུ་ཆུང་སྐུ་གཟུགས་འབར། །དབུ་ལ་འཇའ་ཐོད་མ་ལགས་ཏེ། །ནད་ཀྱི་དབུ་རྒྱན་ཅན། རྨ་བྱའི་ཐུལ་པ་མ་ལགས་ཏེ། དུག་གི་རི་མོ་ཅན། བུ་ཆུང་མ་ལགས་ཏེ། སྒྲོལ་གིང་ཆེན་པོར་འདུག །ཁྱོད་ནི་སྲིད་པ་ཀུན་གྱི་བདག་པོ་སྟེ། ཐེའུ་རང་སྟོང་གི་སྤྲུལ་པ་འགྱེད། །དེ་རིང་སྲིད་པའི་མདོས་ལ་སྤྱོན། ཐེའུ་རང་ནི་སྟོང་རྩ་གཅིག །བརྒྱ་ནི་བྱང་ཆུབ་སེམས་དཔའི་རིགས། །བརྒྱ་ནི་དེ་བ་ལྷ་ཡི་རིགས། །ཆིབས་སུ་ཤྭ་བ་ཡུ་མོ་ཆིབས། །ལུས་ནི་གསེར་མདོག་སེར་པོ་ལ། །གཡས་པ་བརྒྱ་ན་ལྕགས་ཀྱུ་འཛིན། །གཡོན་པ་བརྒྱ་ན་གའུ་བསྣམས། །སྲིད་པ་གསུམ་གྱི་ལོངས་སྤྱོད་རྐུ་ཞིང་བསོགས། །གསེར་མཁར་སེར་པོ་སྒོ་གཅིག་ནང་ན་གནས། །བསམ་པའི་ནོར་དགུ་དང་ནི་བྲབ་པའི་ལྕགས་དགུ་དང་། །ཡིད་བཞིན་ནོར་བུ་འཛིན་པར་བྱེད། །རིན་ཆེན་སྣ་ལྔ་དག་ལ་དབང་མཛད་ཅིང་། །ལྷ་ཡི་བུ་མོ་བརྒྱ་དང་རོལ། །ནོར་དང་ལོངས་སྤྱོད་བསམ་མི་ཁྱབ། །ལ་ལ་དག་ལ་ཕན་པར་བྱེད། །ལ་ལ་དག་ལ་གནོད་པར་བྱེད། །དེ་རིང་སྲིད་པའི་མདོས་ལ་སྤྱོན། །བརྒྱ་ནི་ཞེ་སྡང་བདུད་ཀྱི་བུ་ཡིན་ཏེ། ཁྲ་དང་ཁྲག་ལ་ལོངས་སྤྱོད་ཅིང་། །སྟོང་གསུམ་རྒྱུག་འགྲོ་བྱེད་པའོ། །ལྕགས་ཀྱི་མི་ཆེན་ལྡེམ་པ་བརྒྱ། །མགོ་ལ་ས་ཏི་ཡུག་རེ་བཅིངས། །ལག་ན་གདུག་པའི་མཚོན་ཆ་ཐོགས། །ལྕགས་མཁར་སྒོ་གཅིག་ནང་ན་གནས། །འཆི་བདག་བདུད་ཀྱི་ཕོ་ཉ་སྟེ། །བཅུ་ནི་ལྕགས་སྤྱང་སྔོན་པོ་ཞོན་ནས་རྒྱུག །གཡས་ན་ལྕགས་ཀྱི་ཁྲམ་བམ་བསྣམས། །གཡོན་ན་ཟངས་ཀྱི་སོག་ལེ་བསྣམས། །སྐྱེ་འགྲོ་ལིངས་སུ་འདེབས་ཤིང་ཤ་ཁྲག་རློན་པ་ཟ། ཁྲ་ལ་འབྲེང་བརྒྱ་རྩེ་གཅིག་གཅོད་སྦྱོང་བྱེད། །ཁྲག་ལ་ཧུབས་ཀྱིས་འདེབས་ཤིང་སྒྱུགས་པའི་གད་མོ་བགད། །དེ་རིང་སྲིད་པའི་མདོས་ལ་སྤྱོན། །དྲུག་ཅུ་སྟག་དགུ་ར་ཁྲ་ཞོན་ཏེ་རྒྱུག །སྐྱེས་པ་རྣམས་ཀྱི་བླ་ཡང་ལེན། །ན་ཆུང་རྣམས་ཀྱི་སྲིད་ཀྱང་འཕྲོག །གཡས་པ་ལྕགས་ཀྱི་སྟུ་རེ་ཐོགས། །གཡོན་པ་ལྕགས་ཀྱི་དྲ་བ་ཐོགས། །སྟོང་གསུམ་ཁྱབ་པར་བྱེད་པའོ། །དེ་རིང་སྲིད་པའི་མདོས་ལ་སྤྱོན། །བཅུ་ནི་དོམ་བུ་ནག་གུ་ཞོན་ནས་རྒྱུག །སྟོང་གསུམ་ཁྱབ་པར་ཉུལ་བྱེད་པ། །གཡས་པ་བརྒྱ་ནི་འུག་པ་ཁྲ་རུ་ཐོགས། །ལྟས་ངན་སྣ་ཚོགས་འབེབས་པར་བྱེད། །སྐྱེ་འགྲོ་མ་ལུས་གསོད་དོ་ཟེར། །དེ་རིང་སྲིད་པའི་མདོས་ལ་སྤྱོན། །བརྒྱ་ནི་བཙན་གྱི་བང་ཆེན་ནི། །ཟངས་མཁར་དམར་པོའི་ནང་ན་གནས། །ཟངས་མཁར་བསེ་ཡི་སྒོ་གཅིག་མ། །ང་རྒྱལ་བཙན་གྱི་བུ་སྟེ་སྲིད་གསུམ་རྒྱུག་འགྲོ་བྱེད། །སྤྲུགས་པའི་གླུ་རུ་དི་རི་རི། །བཙན་སྟན་སྟོང་གི་ཁ་ལོ་བྱེད། །དྲུག་ཅུ་རྩ་གཅིག་ཟངས་ཀྱི་འཕར་བ་དམར་པོ་རེ་རེ་ཤོན་ནས་རྒྱུག ཁྲ་ཡི་བརྡལ་དུ་བྱེད་ཅིང་རྣག་ཁྲག་མཚོ་ལྟར་འཁྱིལ། །དེ་རིང་སྲིད་པའི་མདོས་ལ་སྤྱོན། །སུམ་ཅུ་ཟངས་ཀྱི་མི་རེང་ཁྲེས་ཁུར་ཅན། །ཟངས་ཀྱི་ལྦ་བ་ཁུར་ཙམ་རེ། །ལག་ན་ཟངས་འཁར་དམར་པོ་ཐོགས། །ཁ་ནི་དཀར་གྱི་ཐོག་ཉབ་པོ། །སྐྱུར་གྱི་དྲུངས་འབྱིན་ནོ། །ཕྱུགས་ལ་ཤན་དམར་བྱེད། །དེ་རིང་སྲིད་པའི་མདོས་ལ་སྤྱོན། །དགུ་ནི་ཟངས་ཀྱི་བྱ་དམར་དགུ་ལ་ཞོན། །མགོ་ལ་དར་དམར་ཐོད་དུ་བཅིངས། །ཟངས་ཞགས་དམར་པོ་མདའ་ལྟར་འཕེན། །དེ་རིང་སྲིད་པའི་མདོས་ལ་སྤྱོན། །སུམ་བརྒྱ་རྒྱལ་པོའི་བཀའ་ཉན་དེ། །དུང་གི་མི་ཆེན་རེ་རེས་རྟ་དཀར་ཕྲུམ་དམར་ཤོན་ནས་རྒྱུག །ལ་ལ་བན་གླང་དཀར་པོཞོནནསརྒྱུག །ལ་ལ་ཁྱིདཀརཞོནནསསྲིདཔཀུན་ལ་དབང་བྱེད་པ། །མི་དཀརལྡེམཔགཅིག །ཕྱགན་ལྤགས་དཀར་རྒྱལ་མཚན་འཕྱར། །རལ་པའི་ལྤགས་དཀརལྡེཚོནགཡབཔའིཚེ། །སྲིད་པའི་ཐེའུ་རང་སྟོང་སྡེ་འདར་ཞིང་རྒྱུག །དེ་རིང་སྲིད་པའི་མདོས་བཞེས་ཤིག །དུང་གི་མི་དཀར་ལྡེམ་པ་བརྒྱ། །ལུས་ལ་དར་དཀར་རལ་ག་གསོལ། །དབུ་ལ་ནོར་བུའི་རྒྱན་སྤྲས་པ། །ཕྱག་ན་ཤེལ་གྱི་མཁར་བ་བསྣམས། །སྲིད་པ་ཀུན་ལ་དབང་བྱེད་པ། །སྟོང་གསུམ་རྒྱུག་འགྲོ་བྱེད་ཅིང་རྒྱལ་པོའི་དམག་ཚོགས་གཡོབ། །བདུད་དང་མ་ཡམས་གཡོབ་ཅིང་རིམས་ནད་མང་པོ་གཏོང་། །ལྕགས་གྲི་ལག་ན་ཐོགས་ནས་རྒྱལ་པོའི་གིང་བ་མཛད། །མི་ལ་ནད་དུ་གཏོང་ཞིང་ཕྱུགས་ལ་གོད་བདག་མཛད། །སྲིད་པ་ཀུན་ཏུ་རྒྱུག་ཅིང་ཕུང་ཁྲོལ་ལས་བྱེད་པ། །དེ་རིང་སྲིད་པའི་མདོས་བཞེས་དང་། །ཟངས་ཀྱི་མི་ཆེན་མཆེ་བ་རྒྱ་ཟོར་འདྲ། །མགོ་ལ་ཟངས་ཀྱི་འོབ་ལོག་ཅན། །བ་སྐྱ་ཡུ་མོ་ཞོན་ནས་རྒྱུག །མནའ་དང་གཟུ་ཡི་དཔང་པོ་མཛད། །ལྷ་འདྲེ་ཀུན་གྱི་སྣ་འདྲེན་པའོ། །གཅིག་ནི་བསེ་ཡི་མི་ཆེན་ལ། །ལུས་ལ་སླེས་ཁྲ་གོས་སུ་གོན། །མགོ་ལ་འཕྱིང་སེར་ཡིབཞུ་ཅན། །ལག་ན་འོམ་མཁར་དམར་པོ་ཐོགས། །ཁྲོས་ཆེན་ཁུར་ཞིང་སྐྱི་སེར་མཆན་ན་སྡིག །སྲིད་དང་ཁ་རྗེ་ཁ་རུ་འཇུག །མདོས་བདག་མདོས་བཞེས་དང་། གཅིག་ནི་སྐྱ་རལ་ཐུལ་པ་ཅན། །ལག་ན་ཟངས་ནག་ཐོགས་བྱེད་ཅིང་། །དཀར་དང་དམར་དང་སྔོ་ཐབ་གསུམ། །ཐབ་སྣ་གསུམ་གྱི་སྣ་ཡང་དྲངས། །བདུད་བཙན་རྒྱལ་པོ་མ་ཡམས་དང་། །ས་བདག་ཀླུ་གཉན་གཡོབ་འདྲེན་བྱེད། །དེ་ཡང་སྲིད་པའི་མདོས་བཞེས་དང་། །གཅིག་ནི་བོང་བུ་དམར་ཁྲ་ཞོན་ནས་རྒྱུག །བ་དན་རྩེ་གསུམ་ཕྱག་ན་བསྣམས། །འཇིག་རྟེན་དྲེགས་པ་དབང་དུ་སྡུད་ཅིང་གུམ་གཅོད་ལས་ལ་དགའ། །དེ་རིང་སྲིད་པའི་མདོས་ལ་སྤྱོན། །ཉི་ཤུ་རྩ་གཅིག་གཡུ་ཡི་མི་སྔོན་ལ། །དར་གྱི་གོས་ལ་འཇའ་ཡི་ཐོད། །སྐེ་ན་དུང་གི་ལྦ་བ་ཁུར་ཙམ་སྐྱེས། །དེ་སྲིད་དྲ་བ་ཞོན་ཞིང་རྒྱུག །ལྟས་ངན་སྣ་ཚོགས་འབེབས་བྱེད་ཅིང་། །སྲིད་གསུམ་སྐྱེ་འགྲོ་མ་ལུས་ཀུན། །བསད་དེ་བཅད་དོ་ཟེར་ཞིང་རྒྱུག །དཀར་པོ་སྤྱན་གཅིག་གིང་བ་མཛད། །དེ་རིང་སྲིད་པའི་མདོས་བཞེས་དང་། སྤྲུལ་པ་བརྒྱ་ནི་འཛམ་བུའི་གླིང་དུ་འགྱེད། །བརྒྱད་ཅུ་སྲིད་པའི་གཟུ་དཔང་མཛད། །ལེགས་ཉེས་ཞལ་ལྕེ་གཅོད་ཅིང་བཀའ་ཡི་བང་ཆེན་མཛོད། །སུམ་ཅུ་རྩ་གཉིས་དཔལ་གྱི་ལྷག་མ་སྡུད་ཅིང་འཇིག་རྟེན་བྱོལ་ཟློག་བྱེད། སྲིད་པའི་ཐེའུ་རང་རྒྱལ་གྱི་ཚོགས། །དེ་རིང་སྲིད་པའི་མདོས་བཞེས་ཤིག །བརྒྱ་ནི་འཇིག་རྟེན་ཕུང་ཁྲོལ་བྱེད་ཅིང་སྲིད་པ་ཆེན་པོའི་སྐོས། །ལ་ལ་རྔམ་པ་སྟག་གི་མགོ་སྟེ་གང་ལ་བབས་པ་ལེན་པར་བྱེད། །ལ་ལ་ལྐུགས་པ་ལུག་གི་དབུ་སྟེ་གང་ལ་བབ་པ་མྱོས་པར་བྱེད། །ལ་ལ་སྨྱོན་པ་དོམ་གྱི་མགོ་སྟེ་སྨྱོ་འབོག་ནད་རྣམས་གཏོང་། །ལ་ལ་མི་ལུས་དྲེད་ཀྱི་མགོ་སྟེ་ཐམས་ཅད་བརྒྱལ་བར་བྱེད་ཅིང་དངངས་པར་བྱེད། །ལ་ལ་སྤྱི་རིང་ཡིབ་ཞུ་ཅན། །ལ་ལ་འགྲེང་ཁུར་མི་རེང་པོ། །ལ་ལ་དུད་འགྲོ་སྣཚོགསཤོན། །ལལགློགདང་འོད་ལ་ཆིབས། །ལ་ལ་འབོག་དང་བརྒྱལ་ཐབས་གཏོང་། །ལ་ལ་སྲིད་པའི་བང་ཕྱིན་བྱེད། །ལ་ལ་ཆོ་ལེན་དབུགས་ལེན་བྱེད། །ལ་ལ་སྟབས་བསྣོལ་ཟུངས་རྨུགས་གཏོང་། །ལ་ལ་ཡོད་པ་མེད་པར་བྱེད། །ལ་ལ་གང་བ་སྟོངས་པར་བྱེད། །ལ་ལ་དག་ལ་ཕན་པར་བྱེད། །ལོངས་སྤྱོད་མ་ལུས་འཕེལ་བར་བྱེད། །དེ་རིང་སྲིད་པའི་མདོས་བཞེས་དང་། །ཉིས་བརྒྱ་འཛམ་གླིང་ཚེ་སྲོག་དབུགས་ཀྱི་བང་ཆེན་པ། མང་བ་ཚེས་མཐོ་རེ། སྤྱི་རིང་ལེན་ཏོ་རེ། འདུས་པ་སེ་ཏོ་རེ། མཁར་གསུམ་དག་ལ་གནས་ཀྱང་བཅས། །བསེ་མཁར་སྒོ་གཅིག་དུང་མཁར་སྒོ་གཅིག་དང་། །ལྕགས་མཁར་སྒོ་གཅིག་ནང་ན་གནས། །འཁོར་ཡང་ཐེའུ་རང་སྟོང་སྡེ་འགྱེད། །ལྷ་ཡི་བུ་མོ་ཆུང་མ་ཡིན། །ཡིད་བཞིན་ནོར་བུ་འཚོ་བར་བྱེད། །ལྷ་ལ་ཕུང་ཁྲོལ་མང་བས་གསང་བདག་ཐུགས་ཁྲོས་པས། །དེས་ཀྱང་དམ་ལ་བཏགས་པ་དེ་རིང་སྲིད་པའི་མདོས་བཞེས་དང་། ཐེའུ་རང་ལ་སོགས་ལ་ལ་རི་རབ་རྩེ་སྐོར་བྱེད། །ལ་ལ་འབྱུང་བ་དབང་བསྒྱུར་བ། ས་ཐེའུ་སེར་པོ་དང། ཆུ་ཐེའུ་སྔོན་པོ་དང་། བར་ཐེའུ་ཁྲ་ཆེན་དང་། ཐེའུ་རང་འབྱུང་ལྔ་ལ། དེ་རིང་སྲིད་པའི་མདོས་འབུལ་ལོ། །ལ་ལ་མི་ནི་ཨིནྟྲ་ཞེས་བྱ་སྟེ། །རྒྱལའགོངཆེནཔོདྲུགཅུགཅིག །ངན་འགོང་ནི་སུམ་ཅུ་ལྔ། བྱུར་འགོང་ཉི་ཤུ་གཅིག །མི་ལུས་སྤྲེའུ་མགོ་ཅན། །ཁ་སེར་སོ་སེར་ལྕེ་སེར་གསུམ། །ཉིནབཞིནགྲོགསཔོཕུག་རྡུག་ཉལ། །མཚན་ཞིང་གྲོང་ཁྱེར་ཁྱབ་པར་ཉུལ། བྱུར་འགོང་ལྦ་བ་ཅན། མི་རང་འགྲེང་ཁུར་ཅན། འཁར་སྐྱ་སོ་སྐྱ་ལག་ན་ཐོགས། ཕུང་འགོང་ར་སླག་ཅན། ཟངས་ཀྱི་ལྦ་བ་ཁུར་ཙམ་སྐྱེས །བརྒྱད་ཅུ་ས་བདག་ཀླུ་གཉན་དག་དང་བསྡོངས། །སྐྲངས་དང་འབུར་གྱི་ནད་དུ་བྱེད། །དེ་རིང་སྲིད་པའི་མདོས་བཞེས་ཤིག །རྩ་གཅིག་འདུས་ཀྱི་འདེབས་བྱེད་མ། །ལྷ་འདྲེ་ཀུན་གྱི་སྣ་འདྲེན་མོ། །རྩ་གཅིག་ནི་ཐེ་རང་ལ། བཅུ་གཅིག་སྲིད་པའི་ནོར་དང་ལོངས་སྤྱོད་དང་། །དཀོར་ཁང་གཉན་པོ་སྲུང་བར་བྱེད། །ནོར་དང་ལོངས་སྤྱོད་བསྲུང་མ་སྟེ། །དེ་རིང་སྲིད་པའི་མདོས་བཞེས་དང་། །དགུ་ནི་སྲིད་པའི་འགོང་པོ་སྟེ། །གནམ་ལ་གནས་པ་སྐྲུན་གསུམ་བྱུང་། །གནམ་ཐེའུ་དཀར་པོ་དང་། གནམ་ལྷ་བྱང་ཆུབ་དང་། གནམ་ལྷ་དཀར་པོ་གསུམ། །དར་དཀར་སེར་དཀར་ལྤགས་དཀར་གོན། །དུང་མཁར་ཤེལ་མཁར་སྤ་མཁར་གསུམ། །རྒྱལ་མཚན་གསུམ་ནི་ཕྱག་ན་བསྣམས། །བྱ་རྒོད་སེང་གེ་ཁྱི་དཀར་གསུམ་ལ་བཅིབས། །གནམ་ཁྱི་དཀར་པོ་མཆེད་གསུམ་ཡང་། །དེ་རིང་སྲིད་པའི་མདོས་བཞེས་དང་། །བར་ན་གནས་པའི་སྐྲུན་གསུམ་ལ། །དྲི་བསེ་བ་བསེ་ལག་བསེ་གསུམ། །ཁྲི་གཅིག་དྲེ་སི་པ་ཏིའི་ཐོད། །ལྕགས་མཁར་འོད་འབར་བསྣམས། སྟག་དང་གཟིག་དང་བྱ་རྒོད་རྒྱལ་མཚན་བསྣམས། །ས་ལ་གནས་པའི་ཐེ་རང་སྐྲུན་གསུམ་ཡང་། །ཐེ་སེམ་ཆུ་རིང་གསུམ། ཆུ་དང་མེ་དར་ས་དར་གོན། །རྒྱལ་མཚན་གསུམ་ནི་ལག་ན་ཐོགས། །ཟོ་སྐྱ་འཁར་སྐྱ་རྒྱལ་མཚན་འཛིན། །སྲིད་པའི་ཐེ་རང་སྐྲུན་གསུམ་ཡང་། །དེ་རིང་སྲིད་པའི་མདོས་བཞེས་དང་། །ཐེ་རང་སྟོང་དང་རྩ་གཅིག་ཀྱང་། །ཞེ་སྡང་དག་ནི་ད་ཁྲོལ་ལ། །དང་བའི་སེམས་ཀྱིས་གླུད་འདི་ལོངས། །སྟོང་གི་སྡེ་དཔོན་གྱིས་གསུངས་བཞིན། །བཀའ་ལས་མ་འདའ་གླུད་འདི་བཞེས། །འབྱུང་བ་རི་རབ་བརྟེན་པའི་གླུད། །ནམ་མཁའ་འདི་རྣམས་ཡུལ་དུ་འབུལ། །རིན་ཆེན་ནམ་མཁའ་གཞལ་ཡས་ཁང་། །མདའ་བཀྲ་འདི་རྣམས་མཁར་དུ་འབུལ། །རིན་ཆེན་རྒྱུ་ལས་གྲུབ་པའི་མཁར། །རིན་ཆེན་འདི་རྣམས་གཏེར་དུ་བསྔོ། །ཟད་མེད་གཏེར་ལ་ལོངས་སྤྱོད་ཅིང་། །གཟུགས་བརྙན་འདི་རྣམས་གཏེར་དུ་བསྔོ། །དཀོར་གྱི་ལོངས་སྤྱོད་ཆེན་པོར་བསྔོ། །སྒྲ་སྙན་འདི་ནི་གསུང་གི་གླུད། །གཟུགས་བརྙན་འདི་ནི་སྐུ་ཡི་གླུད། །སྣང་གསལ་འདི་ནི་སེམས་ཀྱི་གླུད། །དང་པོ་སྲིད་པའི་དཔེ། དེ་ནས་འཇིག་རྟེན་ནོར་བདུན་དང་། །སྤྱན་གཟིགས་དཀོར་ཆ་ཟས་སུ་བསྔོ། །ཐེ་བྲང་སྡེ་སྡེ་མང་པོ་དང་། །སྔོན་གྱི་ལན་ཆགས་དེད་པའམ། །ཟས་ནོར་འདོད་ཕྱིར་རྒྱུ་བ་ཡང་། །མཐུན་པའི་ལས་སུ་བཤམས། ཤ་ཆང་རྒྱུ་རུ་འདོན། བདེན་པའི་ཚིག་གིས་བཀྲོལ། མདོག་བཟང་དག་པར་བྱིན་གྱིས་བརླབ། །ཇི་ལྟར་འདོདཔབཞིནདུམཆོད། །ད་ནི་ཐེ་རང་སྟོང་ཕྲག་བརྒྱད། །ལྟོས་པ་རྣམས་ལ་གྲོགས་ཀྱང་མཛད། །ཞེ་སྡང་ངན་པ་ཞི་བར་གྱིས། །ད་ནི་གཤེགས་སོ་གནས་སུ་གཤེགས། །དང་པོ་བྱུང་བའི་གནས་སུ་གཤེགས། །རིགས་དང་སྡེ་ནི་སྙོག་ནས་གཤེགས། རི་རབ་ཁ་ལ་གཤེགས། སྟོང་ཕྲག་དག་ནི་གནས་སུ་གཤེགས། །རིན་ཆེན་སྣ་ལྔའི་འཁོར་དུ་གཤེགས། །གདུག་པ་ཐམས་ཅད་ཞི་བར་གྱིས། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཐེ་རང་སྟོང་རྩ་གཅིག་བཅོས་པའི་ལེའུ་ཉི་ཤུ་གཅིག་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། རྒྱལ་པོ་སྲོག་བདག་མཆེད་བཞིས། རང་རང་གི་བཅོས་པའི་ཐབས་ཚིགས་སུ་བཅད་པ་འདི་དག་སྨྲས་སོ། །གྲ་ཕྱིང་གཙང་མའི་གཞི་སྟེང་དུ། །འབྲུ་སྣ་ཚང་བའི་ངར་པྱེ་ལ། །དབང་གི་ཏིང་འཛིན་ལྡན་པ་དེས། །རིན་ཆེན་ཕྱེ་མར་བྱིན་གྱིས་བརླབ། །དེ་ལ་རི་རབ་ཆེན་པོ་བརྩིག་པར་བྱ། །ཁ་དོག་ནི་རིགས་དང་བསྟུན། །སྨྱུག་མ་གཙང་མ་ནམ་མཁའི་གུར། །དར་དང་མེ་ལོང་དག་གིས་བརྒྱན། །རྟ་ཐོད་དང་ནི་བོང་ཐོད་དང་། །བ་དན་དང་ནི་འཕན་གྱིས་བརྒྱན། །རིན་ཆེན་ཁྲི་ནི་མཛེས་པ་མྲ །བཤོས་བུ་ལྡེམ་པ་བཞི་ནི་བཞག །དཀར་པོ་གཉིས་དང་རྩ་དམར་དང་། །ཕྲག་པ་ཅན་དང་བཞི་པོ་ལ། །མདའ་མཁར་ཐབས་མ་དང་ཆུ་རིས་མིག །རྨོག་མགོ་མཁར་ཐབས་ཆུ་འབབས་བཞི་ནི་དེ་ལ་གཟུག་པར་བྱ། །ནམ་མཁའ་དཀར་པོ་དང་ནི་དམར་པོ་དང་། །རིན་ཆེན་ཚང་དང་བརྒྱན་པ་བཞི། །བཤོས་བུ་དག་ལ་གཟུག་པར་བྱ། །བྱ་དང་ཁྱི་དང་རྟ་ཡི་གཟུགས། །གཡག་དང་ར་དང་ལུག་གི་གཟུགས། །སྤྲེའུ་དང་ནི་གླང་གི་གཟུགས། །བསེ་ཕོར་མཚན་ལྡན་ནང་དུ་ནི། །ཕུད་དང་སྤྱན་གཟིགས་བཤམ་པར་བྱ། །སྲིད་པའི་འགོང་པོ་ལ་བཤོས་བུ་དགུ་བརྒྱ་དང་། །མདའ་བཀྲ་ལྤགས་བུའི་ཐོད་ཀྱིས་བརྒྱན་པ་བསོག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། རྒྱལ་པོ་སྤྱི་བཅོས་བསོགས་ཀྱི་ལེའུ་ཉི་ཤུ་གཉིས་པའོ།། །།ཧུ༷། ཕྱོགས་ཕྱོགས་དག་ཀྱང་ཕ་གི་ན། །ཉི་མ་ཤར་ཕྱོགས་ཕ་གི་ན། །ཤེལ་ཡུལ་དཀར་པོ་ཕ་གི་ན། །ཤེལ་མཁར་དཀར་པོ་གནམ་དུ་ཟངས་སེ་ཟང་། །དུང་གི་སྒོ་མོ་ཐབས་སེ་ཐབ། །དེ་ཡི་ནང་ཤེད་ན། ཡ་ཆོ་དཀར་པོ་བཞུགས། མི་གཅིག་པོ་ལ་མིང་གསུམ་པོ། །རྒྱ་གར་ཆོས་ཀྱི་སྐད་དུ་ནི། ཁྲར་ལྷ་ཆེན་པོ་ཞེས་ཀྱང་བྱ། །ཡི་དྭགས་བོན་གྱི་ཀྲུངདྲུངམོནནམསྐད་དུ་ནི། །བཙན་འགོང་རྒྱལ་པོ་ཞེས་ཀྱང་བྱ། །དམ་པ་ཆོས་ཀྱི་སྐད་དུ་ནི། །རྡོ་རྗེ་ལེགས་མཆོག་ཞེས་ཀྱང་བྱ། །ཁྱོད་ཀྱི་ཕ་སྨོས་པ། ཡར་ལྷ་བཤོས་ཀྱི་སྐྱེས་གཅིག་པ་ཞེས་ཀྱང་བྱ། ཡང་ཡར་ལྷ་ཤོད་ཀྱི་སྐྱེས་ཏོ་རེ་ཞེས་ཀྱང་བྱ། མ་ནི་སྲིད་པའི་བདག་མོ་ཡིན། །དེ་ཉིད་ཐུགས་ཀྱི་སྤྲུལ་པ་ལས། །སྲས་ནི་ལྕམ་དྲལ་གཉིས་བྱུང་སྟེ། །མིང་པོ་ཡ་ཆོ་དཀར་པོ་ཡིན། །སྲིང་མོ་མ་བཙུན་ཨུ་ཆོས་གཡར་མོ་སིལ། །མིང་པོ་བཅོས་སུ་གསོལ། ཡ་ཆོ་དཀར་པོ་དེ། མི་དཀར་བླ་ན་འཕྱོ། །རྟ་དཀར་འོག་ན་འཕྱོ། །སྐྱོགས་དཀར་ཏ་ལ་ལ། དང་པོ་ལིའི་ཡུལ་ནས་བབས་པས། ལི་ཡི་ཕྱག་ཏུ་གླུད་ཕུལ་བས། ལི་པ་སད་ཀྱི་རྒྱལ་པོར་བཏགས། །དེ་ནས་ཡང་ལེ་ཤོད་དུ་བྱོན། །ཡང་ལེའི་ཕྱག་ཏུ་གླུད་ཕུལ་བས། །ཡང་པ་སད་ཀྱི་རྒྱལ་པོར་བཏགས། །དེ་ནས་མི་ཉག་ཡུལ་དུ་བབས། །མི་ཉག་གིས་ཕྱག་ཏུ་ཟླུད་ཕུལ་བས། །ལྟེང་རོ་སད་ཀྱི་རྒྱལ་པོར་བྱ། །དེ་ནས་ཞང་ཞུང་ཡུལ་དུ་བབས། །ཞང་ཞུང་གི་ཕྱག་ཏུ་གླུད་ཕུལ་བས། སྤྱན་མིག་གཡས་པ་ཤེལ་དུ་འདུག་པས་ཤེལ་དཀར་བཏགས། །སྐུ་ལ་དར་དཀར་མཛེས་པའི་ན་བཟའ་གསོལ། །སེང་གེ་དཀར་མོའི་ཐོད་པ་ཅན། །ཕྱག་ན་གདུག་པའི་མཚོན་ཆ་ཐོགས། །འགོང་པོ་རྣམས་ཀྱི་བདག་པོ་བྱེད། །གླུད་ལ་རྣམ་པ་གསུམ་བྱུང་སྟེ། །དང་པོ་གཡག་དཀར་དང་མཛོ་དཀར་དང་། ར་དཀར་གཉའ་ནག་དང་གསུམ་ཞིག་བྱུང་། བར་ཡང་སེ་དང་ལུག་སེ་དང་བྱ་སེ་དང་གསུམ་ཞིག་བྱུང་། ཐ་མ་བཤས་སུ་ཆག་གང་དང་། སྐྱེམས་འཕང་སྨྱུག་མ་ཚིགས་དགུའི་བདག་པོ་ལགས། །མདོས་བདག་མདོས་བཞེས་ཤིག །གནམ་རིམ་པ་བཅུ་གསུམ་ཡར་སྟེང་ན། །མཁར་ཉེ་བརྩེགས་པའི་ཡང་སྟེང་ན། །སྲོག་བདག་དཀར་པོ་སྤྱན་གཅིག་བཞུགས། ཁྱེད་ཀྱི་ཕ་སྨོས་པ། རྒྱ་མཚོ་ཆེན་པོའི་གཏིང་ཤེད་ན། །ཆུ་སྲིན་ཆེན་པོ་མ་ཏང་ག །ཁྱོད་ཀྱི་མ་སྨོས་པ། སྲིད་པའི་རྒྱལ་མོ་ཡིན། གནས་པ་བར་སྣང་དག་ལ་གནས། །དེ་ཉིད་ཐུགས་ཀྱི་སྤྲུལ་པ་ལས། །མིང་པོ་དཀར་པོ་སྤྱན་གཅིག་ཡིན། །སྲིང་མོ་ཨེ་ཀ་རལ་གཅིག་མ། །མིང་པོ་དེ་ནི་བཅོས་སུ་གསོལ། །སྲོག་བདག་དཀར་པོ་དེ་སྤྱན་གཅིག་པ། །དབུ་ལ་རལ་གཅིག་ཤ་ར་ར། །དཔྲལ་ནས་མིག་གཅིག་ལྷངས་སེ་ལྷང་། །ཞལ་ནས་ཚེམས་གཅིག་ཐབས་སེ་ཐབ། །གཟི་མིག་ཁྲ་བོ་ཆི་ལི་ལི། །སྨ་ར་ནག་པོ་ཕྱ་ར་ར། །ཕྱག་སོར་ནག་པོ་ཤད་དེ་ཤད། །འབར་བའི་རྔ་ཆུང་གློ་ལ་བཏགས། །ཁང་པ་ཀུན་ཀྱང་འོད་ཀྱིས་ཁེངས། །སྲོག་བདག་དཀར་པོ་འོད་པོ་ཆེ། །གནམ་རལ་ཕྱེད་ཀྱི་བདག་པོ་ལགས། །ས་ཆུ་པྱེད་ཀྱི་བདག་པོ་ལགས། །མི་དཀར་བླ་ན་ལྡེམ། རྟ་དཀར་འོག་ན་འཕྱོ། ཕྱག་ན་སྦ་དཀར་ཏ་ལ་ལ། སྐྱེས་པ་ཕོ་བརྒྱའི་སྲོག་གི་བདག་པོ་ཡིན། །སྐུ་ལ་ཞིང་ལྤགས་གཡང་གཞི་གསོལ། །ཕྱག་ན་ལྕགས་གྲི་རྣོན་པོ་བསྣམས། གླུད་ཀྱི་དང་པོ་ནི། གཡག་དཀར་ལུག་དཀར་དང་། མཇོ་དཀར་རུ་དམར་དང་། རྟ་དཀར་ཕྲུམ་དམར་གྱི་བདག་པོ་ལགས། བར་པ་ལུག་དཀར་པོ་བྱ་ནག་དང་། ཁྱི་དཀར་སྣ་དམར་དང་། བྱ་དཀར་ཟེ་དམར་གྱི་བདག་པོ་ཡིན། ཐ་མ་བཤོས་བུ་ལྡེམ་པ་དང་། །སྐྱེམས་འཕང་དར་འཕེན་དང་། སྨྱུག་མ་ཚིགས་དགུའི་བདག་པོ་ཡིན། གླུད་བདག་གླུད་བཞེས་དང་། བྱང་ཕྱོགས་ཕ་གི་ན། ཡམ་ཤུད་དམར་པོ་བཞུགས། བྱང་རི་དམར་པོའི་ཁ་ལ་བཞུགས། རྩེ་ལ་གནོད་སྤྱིན སྟོབསཆེན གནས། །ཟུར་ལ་ཡམ་ཤུད་དམར་པོ་བཞུགས། །རྩ་ན་བཙན་བཙུན་ཕྱག་བརྙན་འཁྲུལ། །ཟངས་མཁར་དམར་པོ་ལྡེམས་སེ་ལྡེམ། །ཟངས་མཁར་དམར་པོ་ལྡེམ་པ་ལ། །ལོགས་རིམ་བསེ་ཡི་སྒོ་མོ་གསལ། །མཐིང་ཤུན་སྔོན་པོའི་རི་བཞི་ལ། །བྱུ་རུ་དམར་པོའི་གཡག་ཤིང་ལ། །ཟངས་ཁྲི་དམར་པོའི་གདན་སྟེང་ན། །ཡམ་ཤུད་དམར་པོ་བཞུགས་པ་ལྕགས་ཞུལ་ཁུག་གསོལ། ཕྱག་ན་ཟངས་ཀྱི་ཞགས་པ་འདོམ་དགུ་བརྒྱ་དགུ་བཅུ་བསྣམས། །ཟམ་མོ་བརྒྱའི་སྲོག་གི་བདག་པོ་ཡིན། །སྐུ་ལ་ཟངས་ཁྲབ་དམར་པོ་གསོལ། །གླུད་ཀྱི་དང་པོ་བ་དམར་གླང་གི་བདག་པོ་ཡིན། །བར་པ་བྱ་དམར་གྲོ་དང་། ལྤགས་བུ་གྲོ་སེའི་བདག་པོ་ཡིན། །ཐ་མ་སྨྱུག་མ་ཚིགས་དགུ་དང་། །བཤོས་མཆོག་སྐྱེམས་འཕང་བདག་པོ་ལགས། །མདོས་བདག་མདོས་བཞེས་ཤིག །ཡུལ་ཁུ་ལེ་ཁུ་སྟོད་ན། ཤར་ལྷོ་མཚམས་ཤེད་ན། བློན་པོ་ཁུ་ལེ་ལག་དགུ་བཞུགས། །ཁྱོད་ཀྱི་ཕ་སྨོས་པ། ལྕགས་ཀྱི་སྡིག་པ་ཁ་དགུ་ཡིན། །གནས་པ་རི་རབ་ཟོམ་ལ་གནས། །ཁྱོད་ཀྱི་མ་སྨོས་པ། གསེར་གྱི་གྲོག་མ་ཁ་མེད་གཅིག །དེ་གཉིས་སྤྲུལ་པའི་སྲས། མི་གཅིག་པོ་ལ་ལག་དགུ་བྱུང་། །ལག་གཅིག་སྟེ་འཛོམ་གནམ་དུ་སྙབ། ལག་གཅིག་སྟེ་འཛོམ་ས་ལ་སྙབ། ལག་གཅིག་བདུད་ཀྱི་གནས་སུ་གཏོང་། །ལག་གཅིག་བཙན་གྱི་ནང་དུ་གཏོང། །ལགགཅིགསྟོནགྱིལོ་ཐོག་སྙབ། །ལག་གཅིག་ན་ཆུང་སྲིད་ལ་སྙབ། །ལག་གཉིས་དཀར་དང་སྒྱུར་གྱི་ཐོག་ཀྱང་འབབ། །སྐུ་ལ་གསེར་ཁྲབ་སེར་པོ་གསོལ། །རྒོད་མ་རྟེའུ་མེད་འབྲི་གཡག་ཤམ་གྱི་བདག །ཆུང་སྲིད་ཐམས་ཅད་ཀྱི་བདག་པོ་ཡིན། །བཤོས་བུ་ཕྲག་པ་ཅན་དང་། མདའ་བཀྲ་སྤྱན་གཟིགས་ཀྱིས་མཆོད། །ཕྱག་བརྙན་ཐེ་རང་ཆེན་པོ་སྟེ། །དེ་རིང་གླུད་བཞེས་ཤིག །མདོས་བདག་ནི་མདོས་བཞེས་ཤིག །དང་པོ་སྲིད་པ་ཆགས་པའི་དཔེས། །རི་རབ་དཔག་བསམ་བཅས་པའོ། །ནམ་མཁའ་ཡུལ་དུ་འབུལ་ལོ། །མདའ་ནི་མཁར་དུ་འབུལ་ལོ། །སེམས་ཅན་གཟུགས་བརྙན་དཀོར་དུ་འབུལ། །སྤྱན་གཟིགས་དཀོར་ཆ་སྐྱེམས་ཁ་གསེར། །སྐྲུ་རོན་ཁུངས་དག་ཤ་ཆང་རྒྱུས་སུ་འདོན། །ད་ནི་གནས་སུ་གཤེགས། མཁར་ཆེན་བཞི་ནི་སླེབས་ཏེ་གཤེགས། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། རྒྱལ་པོ་མཆེད་བཞི་བཅོས་པའི་ལེའུ་ཉི་ཤུ་གསུམ་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། བཙན་ཐམས་ཅད་ཀྱིས་རང་རང་གི་བཅོས་པའི་ཚིགས་སུ་བཅད་པ་འདི་དག་སྨྲས་སོ། །ས་གཙང་དབེན་པའི་གནས་སུ་བཙལ་ནས་སུ། །གསང་བདག་ཏིང་འཛིན་ལྡན་པ་དེས། །འབྲུ་སྣ་ཚང་བའི་གསང་ཕྱེ་ལ། །བྱིན་གྱིས་བརླབ་པ་ཚུལ་བཞིན་བྱ། །རི་རབ་དེ་ནི་བརྩིག་པར་བྱ། ཁ་དོག་རིགས་དང་སྨྱུག་མ་ནམ་མཁའི་གུར། །ནམ་མཁའི་ཁ་དོག་རིགས་དང་སྦྱར། །དཀར་པོ་དྲུག་དང་སེར་པོ་ལྔ། །སྔོན་པོ་ལྔ་དང་དམར་པོ་ལྔ། །ཉི་ཤུ་རྩ་གཅིག་བྱ། དར་དང་སྤྱན་གཟིགས་དཀོར་ཆ་བྱ། །ཕུད་དང་རིན་ཆེན་དེ་དག་བསོག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཙན་གྱི་བཅོས་ཀྱི་ལེའུ་ཉི་ཤུ་བཞི་པའོ།། །།ཧུ༷་ཡུལ་དང་བཙན་ཡུལ་ཕ་གི་ན། །བཙན་ཡུལ་ཕོ་གསུམ་ཕ་གི་ན། །བཙན་མཁར་དམར་པོ་གནམ་དུ་ཐོངས་པ་ཕ་གི་ན། །བསེ་ཡི་བྱན་ལག་ལིངས་སེ་ལིང་། །བསེ་ཡི་ཁྱི་མོ་ཀངས་སེ་ཀང་། །བསེ་རྟ་དམར་པོ་ཙེ་རེ་རེ། །དེ་ན་བཙན་གྱི་རྒྱལ་པོ་བཞུགས། །ཁ་དྲག་བདུད་ལ་རྒོལ། །མཐུ་ཆེ་ཕྱ་ལ་འཁུ། འགྲན་ཚོལ་རྒྱལ་ལ་ཚོལ། །མི་ལུས་གཡག་གི་མགོ །དཔྲལ་ན་ཁ་གཅིག་མིག་གཉིས་པོ། །ལྟག་ན་ཁ་གཅིག་མིག་གཉིས་པོ། །གཡས་ན་ཁ་གཅིག་མིག་གཉིས་པོ། །གཡོན་ན་ཁ་གཅིག་མིག་གཉིས་པོ། ཁ་བཞི་མིག་བརྒྱད་བྱུང་། རྟ་གཅིག་ལུས་པོ་ལ། །རྨིག་པ་བརྒྱད་པར་བྱུང་། །ལག་རྨིག་བཞི་དང་རྐང་རྨིག་བཞི། །མགྱོགས་པ་སྡེ་བརྒྱད་ཡིན། །ལག་ན་བསེ་ཡི་གཞུ་མོ་དང་། །བསེ་མདའ་དམར་པོ་ཐོགས། །སྐུ་ལ་བསེ་ཁྲབ་ཞུལ་ཁུང་གསོལ། །དབུ་ནི་སྲིད་པའི་ཁམས་སུ་གསིག །དེ་རིང་སྲིད་པའི་མདོས་ལ་བྱོན། །འབྱུང་བ་ནི་ལྔ་ཡི་བཙན། ཁྲར་ཕྱོགས་ཕ་གི་ན། །ས་བདག་དངུལ་གྱི་བུ། །དུང་མཁར་སྐྱ་མོ་ལ། །གཡུ་ཡི་ཁ་བད་ཅན། །མཐིང་གི་རེ་བཞི་ལ། །གཡུ་ཡི་སྒོ་མོ་ཅན། །དེ་ཡི་ནང་ཤེད་ན། །མི་དཀར་ལྡེམ་པ་གཅིག །རྟ་དཀར་ཕྲུམདམརགཅིག །དུངཕུབ་སྐུ་ལ་གསོལ། །བཙན་མདའ་བཙན་གཞུ་བསྣམས། །དྲི་ཟ་སྟོང་ལ་དབང་བསྒྱུར་བ། །མདོས་བདག་མདོས་བཞེས་ཤིག །ལྷོ་ཕྱོགས་ཕ་གི་ན། །འབྱུང་བ་ཆུ་ཡི་བུ། །མི་སྔོ་རྟ་སྔོ་སྟེ། །ལྕགས་མཁར་སྔོན་པོའི་ནང་ན་གནས། །བཙན་མདའ་བཙན་གཞུ་ཕྱག་ན་བསྣམས། །མདོས་བདག་མདོས་བཞེས་ཤིག །ནུབ་ཕྱོགས་ཕ་གི་ན། །ཟངས་མཁར་དམར་པོའི་ནང་ཤེད་ན། །མེ་དང་དྲོད་ཀྱི་བུ། །མི་དམར་རྟ་རུ་དམར། །བཙན་མདའ་བཙན་གཞུ་བསྣམས། །མདོས་བདག་མདོས་བཞེས་དང་། །ཉི་མ་བྱང་གི་བཙན། །རླུད་དང་ངད་ཀྱི་བུ། །མི་སེར་རྟ་རུ་སེར། །གསེར་མཁར་སེར་པོའི་ནང་ན་གནས། །བཙན་མདའ་བཙན་གཞུ་ཕྱག་ན་བསྣམས། །བྱང་བཙན་སྟོང་ལ་དབང་སྒྱུར་ཅིང་། །མདོས་བདག་མདོས་བཞེས་ཤིག །དབུས་བཙན་མི་སྨུག་རྟ་རུ་སྨུག །མཆོད་མཁར་སྨུག་པོའི་ནང་ན་གནས། །དབུས་བཙན་སྟོང་ལ་དབང་སྒྱུར་བ། །མདོས་བདག་མདོས་བཞེས་ཤིག །གནམ་བཙན་དིང་བ་དེ། །འབྱུང་བ་ནམ་མཁའི་དབང་སྒྱུར་བྱེད། །གཡས་དཀར་ལྡོང་རུམ་ནི། །མི་དཀར་རྟ་དཀར་བཙན། །གངས་བཙན་སྟོང་ལ་དབང་སྒྱུར་བྱེད། །གཡའ་བཙན་མི་སྔོན་དེ། །གཡའ་བཙན་སྟོང་ལ་དབང་སྒྱུར་བྱེད། །སྤང་བཙན་མི་སེར་རྟ་སེར་བ། །སྤང་བཙན་ཀུན་ལ་དབང་སྒྱུར་བྱེད། །ནགས་བཙན་མི་ནག་རྟ་ནག་དེ། །ནགས་བཙན་སྟེང་ལ་དབང་སྒྱུར་བ། །གཡའ་བཙན་མི་བཀྲ་རྟ་བཀྲ་བཙན། །དེ་རིང་སྲིད་པའི་མདོས་བཞེས་ཤིག །བྲག་བཙན་མི་དམར་རྟ་དམར་དེ། །བྲག་གི་ཐབས་ལ་གནས། མི་དམར་མདུང་ཙམ་མོ། །དབུ་ལ་རལ་པ་མེ་ལྟར་འབར། ཕྱག་ན་མདུང་གི་སྲིན་མོའི་རྐང་། །མི་གནས་སྐར་ཆེན་ཆར་ལྟར་འབེབས། །ཆིབས་སུ་བྲག་གི་རྩངས་པ་ཆིབས། །རོལ་དུ་སྲིན་བྱའི་བུ་མོ་རོལ། །བྲག་གི་ཝ་མོ་ཁ་ནག་ཞོན། །བྲག་བྱ་འུག་པ་ཁྲ་རུ་ཐོགས། །གོས་སུ་བྲག་གི་དྲེག་པ་གོན། །ཟས་སུ་བྲག་རྒྱ་ཧ་འོ་ཟ། །སྐོམ་དུ་བྲག་ཆུའི་ཐིགས་པ་འཐུང་། །བྲག་བཙན་འབུམ་གྱི་ཁ་ལོ་སྒྱུར། །དེ་རིང་སྲིད་པའི་མདོས་འདི་བཞེས། །བཙན་ཡུལ་ཕ་གི་ན། བཙན་མཁར་ལྡེམ་པ་ཡ་གི་ན། །སྐྱི་མ་ལུང་གསུམ་ཡ་གི་ན། །སྐྱེས་བུ་ལུང་བཙན་བཞུགས། །སྐྱེས་བུའི་ལུས་ལ་ཅི་གསོལ་ན། །དམར་པོ་དར་གྱི་རལ་ག་གསོལ། །ཆིབས་སུ་བཙན་རྟ་སེར་པོ་ཆིབས། །སྟག་རལ་གཡས་ལ་གཟིག་ཤུབ་གཡོན། །ལན་འགའ་ཞགས་པ་མདའ་ལྟར་འཕེན། །བཙན་གྱི་རལ་གྲི་སྐྱ་འབྱམ་བཏགས། བསེ་ཞུ་དམར་པོ་ལ། ཕོད་དཀར་ལྡེམས་སེ་ལྡེམ། ཁ་དྲག་བདུད་ལ་རྒོལ། བདུད་ལ་དོ་ཡང་བསྔོ། །ཆོ་ལོང་འཐབ་གསུམ་བཏབ། འཐབ་ཀྱིས་ཕམ་མ་མྱོང་། ལུང་བཙན་སྟོང་གིས་ཁ་ལོ་སྒྱུར། །མདོས་བདག་མདོས་བཞེས་ཤིག །གླུད་བདག་གླུད་བཞེས་ཤིག །ཡུལ་དང་བཙན་ཡུལ་ཕ་གི་ན། །མི་ལུས་གླང་གི་མགོ་བོ་ཅན། །ལག་ན་ཤིང་རིས་རྒྱན་མཁར་ཐོགས། ཁ་ནས་ཁྲག་གཟེར་མདའ་ལྟརའཕེན། །མི་ལ་གཟེར་བའི་ནད་དུ་མཛད། །བཙན་མི་ཡི་ལུས་ལ་རྟ་ཡི་མགོ་བོ་ཅན། །ལག་ན་བསེ་ཕོར་དམར་པོ་ཐོགས། །མིག་ནས་མེ་དང་འོད་དུ་གཏོང་། །ཁ་ནས་གདུག་པའི་ནང་དུ་གཏོང་། །སྣ་ནས་རླུ་་དང་བུ་ཡུག་གཏོང་། །ལག་ན་བཙན་ཞགས་མདའ་ལྟར་འཕེན། །མི་ལ་བདུད་དུ་བྱེད་ཅིང་ཕྱུགས་ལ་ཤ་བདལ་གཏོང་། །མདོས་བདག་མདོས་བཞེས་ཤིག གླུད་བདག་གླུད་བཞེས་ཤིག །བཙན་མི་ལུས་ཤྭ་བའི་མགོ་བོ་ཅན། །ལག་ན་གདུག་པའི་མཚོན་ཐོགས་ལ། །ཁ་ནས་གདུག་པའི་སྒྱུགས་པ་གཏོང་། །ཤོ་རྡེའུ་དམར་པོ་མི་ལ་འདེབས། །མདོས་བདག་མདོས་བཞེས་ཤིག །བཙན་ནི་ཡ་བ་རྐྱ་བདུན་ཏེ། བཙན་རྟ་དམར་པོ་ཞོན་ནས་བཙན་ཞགས་མདའ་ལྟར་འཕེན། །སྐྱེས་པའི་བདུད་གཅོད་ན་ཆུང་སྲིད་ཀྱང་རྐུ། །ཡ་མ་སྐྱ་རྔ་དང་ནི་སྐྱ་གསུམ་དང་། །ཡ་མ་སྐྱ་གཅིག་འཁོར་དང་བཅས། །བཙན་རྟ་དམར་པོ་ཤོན་ནས་བཙན་ཞགས་མདའ་ལྟར་འཕེན། །གང་ལ་བབ་པ་བརྒྱལ་བར་བྱེད། །མདོས་བདག་མདོས་བཞེས་ཤིག །བཙན་ཕྲན་སྟོང་སྡེ་ཡང་། ལ་ལ་བྲག་དང་ཆུ་ལ་གནས། །བྲག་བུ་སྐྱ་རེ་ལ། བཙན་བྲན་སྐྱ་རེ་གནས། ལ་ལ་ཤིང་དང་རྡོ་ལ་གནས། །ལ་ལ་མཚོ་དང་རྟེན་ལ་གནས། །ལ་ལ་མཁར་དང་རྫོང་ལ་གནས། །བྲག་བཙན་སྟོང་སྡེ་ཡང་། བཙན་རྟ་ནི་རེ་རེ་ཆིབས། ལ་ལ་རྒྱན་གྱིས་མཛེས་པ་སྟེ། ནད་དུ་གཟེར་ནད་གཏོང་། །མདོས་བདག་མདོས་བཞེས་ཤིག །དུར་བཙན་ནི་མི་སྨུག་ཏེ། རྟ་སྨུག་ཙེ་རེ་རེ། སེ་བཙན་ནི་མི་ནག་སྟེ། རྟ་ནག་ནི་ཙེ་རེ་རེ། སྐྱེ་བཙན་ནི་ཆེན་པོ་ལ། མི་དཀར་རྟ་དཀར་བཙན། ཀླུ་བཙན་མཆེད་དེ་གསུམ། མཆེད་པོ་ཀླུ་བཙན་ནག་པོ་ལགས། ཆིབས་སུ་སྦལ་པ་ནག་པོ་ཆིབས། །ཉ་ནག་སྦྲུལ་ནག་ཐུལ་པ་གསོལ། །སེ་བདུད་སེ་བཙན་སྤྲུལ་པར་གཏོང་། །ཆུ་མིག་ནག་པོ་དག་ལ་གནས། །ཀླུ་བཙན་སེར་པོ་སྟེ། སྦལ་པ་སེར་པོ་ཆིབས། ཉ་ཆེན་རྩ་མོའི་ཐུལ་པ་གསོལ། །བྲག་བཙན་འབུམ་དང་བཅས། ཀླུ་བཙན་དམར་པོ་སྟེ། གླང་དམར་རུ་དཀར་ཆིབས། སྐུ་ལ་སྤྱང་མོའི་ཐུལ་པ་གསོལ། །བྲག་བཙན་ནི་སྤྲུལ་པར་གཏོང་། མདོས་བདག་མདོས་བཞེས་དང་། །དྲི་བཙན་ཁྲན་དང་རྗེ། མདོས་བདག་མདོས་བཞེས་ཤིག །འཇིག་རྟེན་དཔེ་མཆིས་སོ། །བདེན་པའི་ཚིག་མཆིས་སོ། །ནོར་དང་དཀོར་མཆིས་སོ། །གསོལ་བའི་ཟས་མཆིས་སོ། །མདོས་བདག་མདོས་བཞེས་ཤིག །མདའ་ནི་ནམ་མཁའ་ལ། ནམ་མཁའ་ཡུལ་དུ་འབུལ། ཟས་ཀྱིས་མཆོད་ལ་ནོར་གྱི་གཏེར། །བཙན་པོ་གཉན་མཆོད་ན། མདོས་བདག་མདོས་བཞེས་ཤིག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཙན་བཅོས་པའི་ལེའུ་ཉི་ཤུ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ཡ་བདུད་བཅུ་གསུམ་ཕྱག་བརྙན་དང་བཅས་པས་རང་རང་གི་ལས་འདི་དག་སྨྲས་སོ། །འབྲུ་སྣ་ཚང་བའི་དར་ཕྱེ་ལ། །དར་ནག་རྒྱན་དང་བཅས་པ་གཉིས། །དར་ནག་གཅིག་ལ་མདའ་བཅུ་གསུམ། །ཁ་དོག་རིགས་དང་བསྟུན་པར་བྱ། །བཤོས་བུ་བཅུ་གསུམ་རྩེ་ནག་བྱ། །ལུག་ནག་བྱ་ནག་དེ་བཞིན་བསག །ཕུད་དང་མདའ་དང་རིན་ཆེན་བསག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཡ་བདུད་བཅུ་གསུམ་ལ་ཡས་བསག་པའི་ལེའུ་ཉི་ཤུ་དྲུག་པའོ།། །།ཡུལ་དེ་བདུད་ཡུལ་ནག་པོ་ཕ་གི་ན། །ལྕགས་མཁར་གནམ་དུ་ཟངས་སེ་ཟང་། །རྩ་བ་གསེར་ལ་རྩེ་མོ་གཡུ། །རྩེ་དགུ་གནམ་དུ་ཟངས་སེ་ཟང་། དེ་ན་བདུད་ཀྱི་རྒྱལ་པོ་བཞུགས། །གནམ་བདུད་ཐོད་པའི་ཕྲེང་བ་ཅན། །མེ་ནི་ས་ཆུ་མེ་དང་སྦྲུལ། །ཡ་བདུད་བཅུ་གསུམ་བྱུང་། །སྲིང་མོ་བཅུ་གསུམ་བྱུང་། །ཆེ་ཡང་བདུད་ཀྱིས་བསད། ཆུང་ཡང་བདུད་ཀྱིས་བསད། བདུད་ལས་གཉན་མ་མཆིས། བདུད་ཀྱི་རྒྱལ་པོ་བ། རེ་སྟེ་མགོ་ཡག་དེ། རྟ་ནག་རི་ཙམ་ཆིབས། ཞགས་ནག་མདའ་ལྟར་འཕེན། མི་བུ་ཟས་སུ་ཟ། དུད་འགྲོ་བཤས་སུ་བཤའ། དེ་རིང་སྲིད་པའི་མདོས་བཞེས་ཤིག །བདུད་ནག་པོ་བཀྲག་མེད་དེ། རྟ་ནག་རི་ཙམ་ཆིབས། ཞགས་པ་མདའ་ལྟར་འཕེན། ཁ་རླངས་ནག་པོ་ཐུ་ལུ་ལུ། །སྨ་ར་ནག་པོ་ཕྱ་ར་ར། །ཕྱག་སོར་ནག་པོ་ཤད་དེ་ཤད། བདུད་སྡེ་དང་བཙན་དེ། གསེར་གྱི་མདོ་བོ་ཆིབས། གསེར་ཞགས་མདའ་ལྟར་འཕེན། །མཆེ་བ་རྒྱ་ཟོར་བཀུག་པ་འདྲ། །ལག་པ་གཡས་ན་ཁྲམ་བམ་བསྣམས། །ལག་པ་གཡོན་ན་ཤོ་རྡེ་འགྲེམ། །བདུད་བྲན་འབུམ་ནི་སྤྲུལ་པར་འགྱེད། །མི་བུ་རྣམས་ཀྱི་བདུད་གཅོད་པ། །མདོས་བདག་མདོས་བཞེས་དང་། གླུད་བདག་གླུད་བཞེས་དང་། བདུད་ཡ་ལེ་གེ་ཤག་དེ། སྐུ་ལ་དུང་ཁྲབ་དཀར་པོ་གསོལ། །ཆིབས་སུ་ལྐུགས་པ་ལུག་ལ་ཆིབས། །ལག་ན་ལྕགས་ཀྱི་སོག་ལེ་བསྣམས། །མིའུ་རིས་སུ་གསོད། དུད་འགྲོ་བཤས་སུ་བྱེད། མདོས་བདག་མདོས་བཞེས་ཤིག །བདུད་མ་ལེ་གེ་ཤག་ནི། ཆིབས་སུ་སྟག་གུ་རིས་བཀྲ་ཆིབས། །སྐུ་ལ་ཟངས་ཁྲབ་དམར་པོ་གསོལ། །ཕྱག་ན་ཟངས་ཀྱི་སོག་ལེ་ཐོགས། །མདོས་བདག་མདོས་བཞེས་ཤིག །བདུད་སྐོས་ཀྱི་བདག་པོ་དྲང་དཀར་དེ། །གནས་པ་དཔག་བསམ་ཤིང་གི་སྐེད་པ་དག་ལ་གནས། །སྐུ་ལ་མཛེས་པའི་ན་བཟའ་གསོལ། །སྐྱེ་འགྲོ་ཀུན་གྱི་ཚེ་ལེན་བྱེད། །མདོས་བདག་མདོས་བཞེས་ཤིག །བདུད་པདྨ་གར་གྱི་དབང་ཕྱུག་དེ། །ཆིབས་སུ་ཆུ་གླང་ནག་པོ་ཆིབས། །སྐུ་ལ་ཆུ་དར་རལ་ག་གསོལ། །ཕྱག་ན་བདུད་ཀྱི་ཞགས་པ་ཐོགས། །བདུད་ཕྲན་འབུམ་ནི་ཕོ་ཉར་འགྱེད། །སྲིད་པ་གསུམ་ལ་དབང་སྒྱུར་བྱེད། །ཚེ་ལེན་དབུགས་ལེན་བདག་པོ་ཡིན། །མདོས་བདག་མདོས་བཞེས་ཤིག །བདུད་རྗེ་མང་ཁུག་དེ། །ཆིབས་སུ་གཟིག་རིས་ས་ལེ་ཆིབས། །ལུས་ལ་ཟངས་ནག་བེར་ཆེན་གསོལ། །གཡས་པ་ལྕགས་ཀྱི་སྟུ་རེ་ཐོགས། །གཡོན་པ་ལྕགས་ཀྱི་གཏན་པ་ཐོགས། །མི་བདུད་འཕྲང་ཁར་གཅོད་པར་བྱེད། །བྱ་བདུད་༄༅། ཁེང་ཁར་གཅོད། །རྟ་བདུད་སྲབ་དཀར་གཅོད། །ཁ་ནས་སོ་གཅིག་པ། དཔྲལ་ནས་མིག་གཅིག་པ། བྱ་མིག་བཞིན་དུ་མ་ས་ཡར་འགེབས། །རྟ་སོ་བཞིན་དུ་ཁོང་ནས་གཅོད། །དེ་རིང་སྲིད་པའི་མདོས་བཞེས་དང་། །བདུད་ནི་སྟག་ཞུ་མཆེད་བཞི་སྟེ། །སྐུ་ལ་སྟག་ལྤགས་ཞུལ་ཁུག་གསོལ། །དབུ་ལ་སྟག་ཞུ་རོལ་པོ་གསོལ། །ཕྱག་ན་ཟངས་ཀྱི་མཁར་བ་བསྣམས། །མི་གནས་མེ་འབར་ཁ་ནས་ཁྲག་གི་གྲུ་ཆར་འབེབས། །དེ་རིང་སྲིད་པའི་མདོས་ལ་བྱོན། །བདུད་ལྐུགས་པ་འཛུམ་མེད་བྱ་བ་དེ། །ཆིབས་སུ་ལྐུགས་པ་ལུག་ལ་ཆིབས། །ལུས་ལ་བ་བལ་ནག་པོ་གོན། །ཁ་མི་སྨྲ་ལ་སྲོག་ལ་རྒོལ། །བདུད་བྲན་འབུམ་ནི་ཕྱག་བརྙན་འགྱེད། །མདོས་བདག་མདོས་བཞེས་ཤིག །བདུད་ཁྱབ་པ་ལག་རིང་དེ། །ཆིབས་སུ་བྱ་དམར་འདབ་བཟང་ཆིབས། །ལག་ན་གདུག་པའི་མཚོན་ཆ་སྟེ། །བསེ་ཡི་མདུང་ཐུང་གསོར་ཞིང་བརྡེག །མདོས་བདག་མདོས་བཞེས་ཤིག །བདུད་ཐོམ་པ་ཐོམ་ཆུང་བྱ་བ་དེ། །སྐུ་ལ་ཟངས་མའི་རལ་ཁ་གསོལ། །ཆིབས་སུ་བདུད་ཀྱི་རྔ་མོ་ཆིབས། །ཐོམ་ར་ཐོམ་ལུག་བདག་པོ་ཡིན། །བདུད་ནི་འཁོར་ལོ་བཅུ་གཉིས་པ། །སྲིད་པ་ཀུན་ལ་དབང་བྱེད་པའོ། །མདོས་བདག་མདོས་བཞེས་དང་། ཁྲར་བ་ཕྲེང་ཐོགས་དང་། ཉན་པ་རྣ་གསང་དང་། སྙབ་པ་ལག་རིང་དང་། ལྟ་བ་མིག་རྣོན་དང་། བདུད་ཀྱི་ཕྱག་བརྙན་བཞི། མི་ཡི་བདུད་མ་བཅད། དུད་འགྲོ་གཉའ་མ་བཟུང་། བདུད་ལྐུགས་པ་ལུག་མགོ་དང་། རྨང་རྗེ་སྦྱང་མགོ་དང་། གཉིས་པ་དོམ་མགོ་དང་། གསོད་པ་སྟག་མགོ་དང་། བདུད་རྗེ་ཁྱེད་རྣམས་ཀྱང་། །མཐུན་པའི་ཡས་བཞེས་ཤིག །བདུད་རོལ་པོ་སྐྱ་དགུ་དང་། རོལ་པོ་སྐྱ་གསུམ་དང་། རོལ་པོ་སྐྱ་གཅིག་རྣམས། དེ་རིང་སྲིད་པའི་མདོས་ཤིག་འབུལ། །ལྷ་བདུད་གང་བུ་དང་། གནམ་བདུད་མེད་པ་དང་། བདུད་རྗེ་སྐོལ་པོ་དང་། བདུད་རལ་པ་སྤྱི་བཅིངས་དང་། འོད་དེ་འབར་བ་དང་། འོད་དེ་སྨྱོན་པ་དང་། འོད་དེ་ཐོམ་པོ་དང་། འོད་དེ་ལྐུགས་པ་དང་། མདོས་བདག་མདོས་བཞེས་ཤིག །བདུད་ཕྲན་སྟོང་སྡེ་དེ། ཕྱག་ན་ཁྲམ་ཤིང་རེ་རེ་བསྣམས། །སོག་ལེ་རེ་རེ་ཕྱག་ན་བསྣམས། །བདུད་ཀྱི་རྟ་ནི་རེ་རེ་ཆིབས། །བདུད་ཞགས་མདའ་ལྟར་འཕེན། མི་ཕྱུགས་ཁྲམ་ལ་འདེབས། ཁམས་གསུམ་ཁྱབ་པར་རྒྱུག ་།་ལ་ལོངས་སུ་སྤྱོད། ཁྲག་ལ་ཧུབ་ཏུ་འཇལ། སྲིད་གསུམ་རྒྱུག་འགོང་བྱེད།མི་བུ་བསད་དོ་ཟེར། དུད་འགྲོ་ལ་ཤན་དམར་བྱའོ་ཟེར། མི་ཡི་བདུད་དུ་མ་བབ་དང་། །རིན་ཆེན་དར་གྱི་མི་ཆེན་འབུལ། །མདའ་དང་ནམ་མཁའ་མང་པོ་འབུལ། །ནོར་དང་དཀོར་ཆ་མང་པོ་འབུལ། །ཞེས་བསྔོས་ལ་བཏང་ངོ་། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་བཅོས་པའི་ལེའུ་ཉི་ཤུ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། མ་བདུད་བཅུ་གསུམ་གྱིས་རང་རང་གི་བཅོས་པའི་ལས་འདི་དག་སྨྲས་སོ། །མཎྜལ་གཙང་མའི་སྟེང་དུ་ནི། །རྨང་རྣམས་དག་ནི་བཏིང་ནས་སུ། །འབྲུ་སྣ་ཆང་བའི་བཤོས་བུ་ལ། །བྱིན་གྱིས་བརླབ་པ་ཚུལ་བཞིན་བྱ། །དར་ནག་ཆེ་བ་གཅིག་བྱས་ལ། །ཐ་མ་ངར་བུ་སྟོང་གིས་བསྐོར། །ཡང་ན་བཅུ་གཉིས་དག་གིས་བསྐོར། །ནམ་མཁའི་གྲངས་ཀྱང་དེ་བཞིན་དུ། །བྱས་ལ་ངར་ཕྱེ་དག་ལ་གཟུག །མོ་འཕང་གཡུ་ལོ་བཅུ་གསུམ་ནི། །དར་བུ་བཅུ་གཉིས་དག་ལ་གཟུག །ལུག་དང་ཁྱི་དང་བྱ་དང་མཛོ། །རྟོལ་དང་རྔ་མོ་བོང་དྲེའུ་རྟ། །བྱ་སྣ་ཚོགས་དང་སོ་བྱའི་གསོབ་དང་ནི། །སྒྱུང་ཀའི་གསོབ་དང་མེ་ལོང་དར་སྣ་དང་། །གསེབ་གཡུ་འབྲང་རྒྱས་བཅུ་གཉིས་བྱ་བཅུ་གཉིས། །སྤྱན་གཟིགས་ཤ་ཁྲག་སྟག་གཟིག་རས་རོས་བཤམ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མ་བདུད་གསོག་པའི་ལེའུ་ཉི་ཤུ་བརྒྱད་པའོ།། །།ཧུ༷། སྲིད་པ་སྐོས་ཀྱི་བདག་མོ་སྟེ། །ཉི་མ་ཤར་ཕྱོགས་ཕ་གི་ན། །གཉན་ཡུལ་བྱ་བའི་གོང་ཐང་ན། །ཁྲག་མཚོ་མེར་བའི་རྩ་ཤེད་ན། །བདུད་ཀྱི་སྒྱུང་ཀ་དི་རི་རི། །བདུད་ཀྱི་ཁྱི་མོ་འདྲེལ་དང་ཞུངས་སེ་ཞུང་། །བདུད་བྱ་ནག་མོ་་དིརི་རི། །ཅེ་སྤྱང་ཀང་ཀ་དི་རི་རི། །མ་མོ་ཁྲི་འདུ་སྟོང་ནི་འདུ་བའི་གནས། །མཁར་ཟེ་བ་གཞོག་རལ་བ། །བདུད་མོ་བརྒྱ་བྱིན་ཀུན་དགའ་མོ། །ནག་མོ་རལ་གཅིག་སྲིད་གསུམ་རྒྱུག །དེ་ན་མ་བདུད་བཅུ་གསུམ་བཞུགས། །བདུད་མོ་སྟོང་སྡེ་ཡང་དེ་རུ་འདུ། །འདུན་སྟངས་གཅོད་ཅིང་ཤ་ཁྲག་ཟ། །ཁྲི་གཉེར་བྱ་བའི་བློན་མོ་ཆེ། །བདུད་ཀྱི་རྒྱལ་མོ་གླུ་ལ་བྱོན། །མེ་མཁར་དེ་ནི་ནང་ཤེད་ན། །མི་ཤ་རྟ་ཤ་བྲུམས་སུ་གཙེར། །མི་ཁྲག་རྟ་ཁྲག་མཚོ་ལྟར་བསྐྱིལ། །ཐོད་པ་སྐམ་རློན་རྩིག་པར་བརྩིགས། །དེ་ཡི་ནི་མངའ་བདག་མོ། །ནག་མོ་རལ་གཅིག་སྲིད་པ་ཁྱབ་པར་རྒྱུག །བདུད་བོང་རྐང་གསུམ་ཞོན་ནས་སྐྱེ་འགྲོ་མ་ལུས་སྒྲོལ། ཁྲ་ཟ་ཁྲག་འཐུང་རལ་པ་ཅན། །རལ་ནག་བསིགས་པས་མུན་ནག་ཁྱི་ལི་ལི། །ཁྲི་ཟ་ཁྲི་སྒྲོལ་བདུད་མོ་ཀུན་གྱི་གཙོ། ཁྲ་ཁྲག་རློན་ལ་ཟ་ཞིང་སྒྱུགས་པ་གླུ་ལེན་མ། །མཚོན་གྱི་དྲུ་གུ་རྐྱོང་ཞིང་ནད་ཀྱི་རྐྱལ་པ་འབུད། །བལ་ནད་མང་པོ་གཏོང་བར་བྱེད། །མི་ཕྱུགས་གཉིས་ནི་ཁྱོད་ཀྱིས་ཁྲམ་ལ་འདེབས། །བྱང་དམར་དཀྱུས་ལ་འདེབས་ཤིང་ཤོ་རྡེ་དཀར་ནག་འགྲེམས། མི་རྣམས་བསད་ཅིང་མི་ལྤགས་གོས་སུ་གོན། །མགོ་བཅད་ལག་ན་སྒོང་དུ་རྩེ་བར་བྱེད། །དམག་དཔུང་སྐྱེད་ཅིང་བདུད་ཀྱི་གཡུལ་ངོ་ཟློག །སྐྱེ་འགྲོ་སྲང་ལ་འདེབས་ཤིང་སྲིད་པ་ཉལ་ཐག་གཅོད། །བདུད་མོ་མི་ཟན་མདོས་ལོངས་ཤིག །དེ་ཡི་གཅུང་མོ་མི་ཟན་མ། །ནག་མོ་འུག་མགོ་བྱ་བ་ཡིན། །ཆིབས་སུ་མཛོ་མོ་རོག་མོ་ཆིབས། །ནད་ཀྱི་རྐྱལ་པ་ཁལ་དུ་འགེལ། །ལག་ན་བྷ་་ཁྲག་གིས་བཀང་བ་ཐོགས། །སྲིད་གསུམ་རྒྱུག་པའི་མཐུ་མོ་ཆེ། །ལུས་ལ་ལ་བ་ནག་པོ་གོན། །ལག་ན་ཤོ་རྡེའུ་དཀར་ནག་འགྲེམས། །མདོསབདགཆེནམོམདོསབཞེས་དང་། །དེ་ཡི་གཅུང་མོ་ཁྲག་མིག་མ། །བྱ་མོ་ནག་མོ་ཞོན་ནས་ནི། །སྐུ་ལ་རྨ་བྱའི་ཐུལ་པ་གསོལ། །ལག་ན་པར་བུ་དུག་གིས་བཀང་། །སྲིད་པ་ཀུན་ཏུ་་ཁྱབ་པར་བྱེད། །མདོས་བདག་ཆེན་མོ་མདོས་ལོང་དང་། །དེ་ཡི་ནུ་མོ་གཅུང་མོ་དེ། །སྐུ་ལ་ཁྲག་གི་རེ་ལྡེ་གསོལ། །ཆིབས་སུ་ཆུ་གླང་ནག་པོ་ཆིབས། །མི་གནས་མེ་འབར་ཁྲག་གི་སྐྱིན་ཐང་འབེབས། །མདོས་བདག་ཆེན་མོ་མདོས་བཞེས་དང་། །དེ་ཡི་གཅུང་མོ་བདུད་མོ་ནི། །བུད་མེད་རལ་ནག་མུན་ལྟར་གཏིབས། །ལུས་ལ་ཞིང་གི་གཡང་གཞི་གསོལ། །ཆིབས་སུ་རྟོལ་བུ་རྭ་ཡོན་ཆིབས། །ལག་ན་མཚོན་གྱི་དྲུ་གུ་བསྡོག །ཆིབས་སུ་རུ་ཡོན་བསྐྱོད་པའི་ཚེ། །ཁམས་གསུམ་རྒྱུ་ཞིང་མ་ཡམས་འདུན་མར་སྡུད། །རྡོ་རྗེ་གློ་མ་སྲིན་དུ་གྲགས་པ་ཡིན། །མདོས་བདག་ཆེན་མོ་མདོས་ལོང་དང་། །དེ་ཡི་ནུ་མོ་གཅུང་མོ་ནི། །ཆིབས་སུ་དྲེའུ་ནག་རྐང་གསུམ་ཆིབས། །ལུས་ལ་མཐིང་ནག་གནམ་གྱི་གོས་སུ་གསོལ། །མིག་ནས་ཁྲག་འཛག་ཐུ་ལུ་ལུ། །ལག་ན་གཡུ་ཡི་ཟོར་བ་ཐོགས། །ལག་ནས་ཐོད་པ་མདའ་ལྟར་འཕེན། །བདུད་མོ་ཆེན་མོ་གོ་ཏི་མ། །ཆིབས་སུ་ཆུ་རྟ་གཞུང་ཆེན་ལ། ཁུ་དང་གཟིངས་ཀྱི་སྒ་བསྟད་ནས། །དར་སྤྲ་སྔོན་པོ་གུར་དུ་ཕུབ། །ཆུ་བདུད་སྟོང་གི་འདུན་མར་སྡུད། །མདོས་བདག་མདོས་བཞེས་དང་། །དེ་ཡི་ནུ་མོ་ནག་མོ་ཁ་མཆུ་མ། །བུད་མེད་ལུས་ལ་ཁུ་ཡི་མཆུ། །ཕྱག་ན་གླེ་ཆེན་གཡབ་འདོར་མ། །མདོས་བདག་ཆེན་མོ་མདོས་ལོང་དང་། །དེ་ཡི་ནུ་མོ་གཅུང་མོ་དེ། །དུར་ཁྲོད་ཀུན་གྱི་འཇོ་ལེ་མ། །མི་མོ་དྲེད་མོ་ཡུ་འཇོལ་མ། །ལག་ན་ལྕགས་མདའ་ལྕགས་གཞུ་ཐོགས། །གང་ནས་གང་དུ་རྦད་པའི་ཚེ། །ལྕགས་ཀྱི་ཚུབ་ནག་སློང་ཞིང་འགྲོ། །མདོས་བདག་ཆེན་མོ་མདོས་བཞེས་དང་། །མ་བདུད་དེ་ཡི་གཅུང་མོ་ནི། །གཡུ་མཚོ་སྔོན་མོའི་གཏིང་རུམ་ན། །བུད་མེད་གཡུ་ཡི་གོ་ལྕོག་ཅན། །གདུག་པའི་ནད་རྣམས་འབེབས་པར་བྱེད། །སྲིད་པ་ཀུན་ཏུ་རྒྱུག་བྱེད་ཅིང་། །ཁ་ནས་དུག་གི་ཁ་ཆུ་འབེབས། །ལག་པས་སྤར་གདེངས་ནད་གཏོང་མ། །གཅིག་ནི་བདུད་མོ་ཁྲོལ་ཐོགས་མ། །སྲིད་པ་ཀུན་ལ་དབང་སྒྱུར་མ། །བདུད་མོ་ཆེན་མོ་མདོས་ལོང་དང་། །གཅིག་ནི་བུད་མེད་ནག་མོ་ལ། །ལག་ན་ཁྲག་གི་ཕོར་ཐོགས་མ། །དུར་ཁྲོད་ཀུན་ཏུ་རྒྱུག་པར་བྱེད། །ཆིབས་སུ་རྟོལ་བུ་ར་དཀར་ཆིབས། །སྒྱུགས་པའི་བརྡ་ཡིས་མ་མོ་གཡོབ། །མདོས་བདག་ཆེན་མོ་མདོས་ལོངས་ཤིག །བདུད་མོ་ཆེན་མོ་བཅུ་གསུམ་དང་། །འཁོར་དུ་བདུད་མོ་སྟོང་ཚོགས་དང་། །བདུད་མོ་ཁྲམ་ཟན་ནད་གཏོང་མ། །དེ་རིང་སྲིད་པའི་མདོས་བཞེས་ཤིག །མཐུན་པའི་ཡས་ནི་འདི་བཞེས་ཤིག །མཐུན་པའི་དཀོར་ནོར་མང་པོ་བཞེས། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས་མ་བདུད་བཅུ་གསུམ་བཅོས་པའི་ལེའུ་ཉི་ཤུ་དགུ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་ སྔར། ཇ་ལམ་སུམ་བརྒྱ་དྲུག་ཅུས་རང་རང་གི་བཅོས་པའི་ལས་འདི་དག་སྨྲས་སོ། །བདག་ཅག་རྣསམ་ནི་སྲིད་པ་ཉུལ་ལེ་སྟེ། །གནས་སམ་ས་ནི་བརྟགས་པ་དེར། །རྨང་རྣམས་དག་གི་གཞི་སྟེང་དུ། །དབང་གི་རྒྱལ་པོའི་ཏིང་འཛིན་ལྡན་པ་དེས། །ནས་དམར་དང་ནི་རམ་བུ་དག །སྐྱེ་ཚེ་དང་ནི་གྲོ་དང་ནི། །སོ་བ་དང་ནི་འབྲུ་མར་དང་། །དེ་ལས་སྐྲུས་པའི་བཤོས་བུ་ལ། །དབུས་སུ་རི་རབ་བང་རིམ་གཅིག་པའི་རི་རབ་ལ། །ནམ་མཁའ་སུམ་བརྒྱ་དྲུག་ཅུ་གཟུག །ཁ་དོག་དང་ནི་རིགས་དང་བསྟུན། །སྨྱུག་མ་གཙང་མ་ནམ་མཁའི་གུར། །རི་རབ་དེ་ལ་གཟུག་པར་བྱ། །ར་བུ་སུམ་བརྒྱ་དྲུག་ཅུ་བྱ། །ཁྱི་དང་བྱ་དང་སེམས་ཅན་གཟུགས། །དེ་ཡི་གྲངས་སུ་ཤེས་པར་བྱ། །རི་རབ་དེ་ཡེ་ཐ་མ་བསྐོར། །འབྲང་རྒྱས་སུམ་བརྒྱ་དྲུག་ཅུ་དང་། །མོ་འཕང་གཡུ་ལོ་སུམ་བརྒྱ་དྲུག་ཅུ་བསྐོར་ལ་གཟུག །རམས་སྐྱེམས་ཚྭ་བལ་བུལ་ཏོག་དང་། །ལྷོ་རྫས་ལ་རས་ཀུན་ཀྱང་གསོག །འབྲུ་སྣ་རིན་པོ་ཆེ་དང་ཤ་སྣ་མང་པོ་དགྲམ་པར་བྱ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཇ་ལ་མ་བསོག་པའི་ལེའུ་སུམ་ཅུ་པའོ།། །།ཧུ༷་སྟོང་གི་སྡེ་དཔོན་བཀའ་འོག་ན། །དྲེགས་པའི་འཁོར་ཚོགས་བསམ་ཡས་ཀྱང་། །སྟོང་གསུམ་ཀུན་ཏུ་རྒྱུག་འགྲོ་བྱེད་པ་བདག་ཅག་ཇ་ལ་མ། །འཇིག་རྟེན་འདི་ཡི་བང་ཆེན་རྣམས་ནི་བདག་ཅག་སྟེ། །གཙོ་མོ་ཨེ་ཀ་མ་ནི་སྲིད་པ་ཀུན་གྱི་བདག །མ་ཚོགས་ཀུན་གྱི་བདག་མོ་ཨེ་ཀ་མ། །སྐྱེ་མེད་ཆོས་ཀྱི་དབྱིངས་ཀྱི་ངང་ལས་སྐུ་བཞེངས་སྲིད་པ་ཀུན་གྱི་བདག །བྱང་ཆུབ་སེམས་ལ་སྐྱོན་གྱིས་མ་གོས་ཀྱང་། །དེ་ཡི་འཁོར་ན་བདུད་མོ་སྟོང་ཚོགས་གནས། །དེ་རིང་སྲིད་པའི་མདོས་བཞེས་ཤིག །སྐྱེ་འགྲོ་རལ་གཅིག་མ་ནི་སེམས་ཅན་ཀུན་གྱི་ཚེ་སྲོག་བདག །ནག་མོ་བོང་བུ་ཞོན་ནས་ནད་ཁྲག་མང་པོ་གཏོང་། །མ་ཡམས་འདུན་མར་སྡུད་ཅིང་སྲིད་པའི་བདག་མོ་ཁྱོད། །མི་ལྤགས་གཡབ་དར་སྒྱུགས་པའི་གླུ་ལེན་ནས། །ཕོ་བདུད་ལས་ལ་གཏོང་ཞིང་མ་མོ་བྲན་དུ་འཁོལ། །རལ་ནག་མུན་ལྟར་གཏིབས་ཤིང་སྡིགས་པའི་གད་མོ་དགོད། །དེ་རིང་སྲིད་པའི་མདོས་བཞེས་ཤིག །ཇ་ལ་སུམ་བརྒྱ་དྲུག་ཅུ་ནི། །ལ་ལ་བཀའ་ཡི་བང་ཆེན་བྱེད། །ལ་ལ་ལྟས་ངན་སྣ་ཚོགས་འབེབས། །ལ་ལ་བདུད་བཙན་བང་ཆེན་བྱེད། །ལ་ལ་ཁམས་གསུམ་ཀུན་གྱི་ཕུང་ཁྲོལ་བྱེད། །ལ་ལ་བརྡབ་སྣོལ་གཟུད་རྨུགས་བྱེད། །ལ་ལ་དག་ལ་ཕན་པར་བྱེད། །ལ་ལ་དག་ལ་གྲོགས་ཀྱང་བྱེད། །འཇིག་རྟེན་ནོར་ལ་ཟད་འཕེལ་བྱེད། །མི་ལ་ནད་དུ་བྱེད་ཅིང་ཕྱུགས་ལ་བཤན་མར་བྱེད། །ནད་སྣ་མང་པོ་གཏོང་བར་བྱེད། །བརྒྱ་ནི་བདུད་དང་བཙན་གྱི་བུ་ཡི་རིགས་ཡིན་ཏེ། །བསད་བཅད་ལས་ལ་དགའ་ཞིང་དམག་དང་དཔུང་ལ་དགའ། བརྒྱ་ནི་ཤ་ཟ་མོ་ཡི་རིགས་ཏེ་ནད་ཡམས་མུ་གེ་ཞབྲུག་པ་གཏོང་། །བརྒྱ་ནི་རྒྱལ་པོ་ཐེ་རང་རིགས་ཏེ་འཇིག་རྟེན་ཕུང་ཁྲོལ་བྱེད་ཅིང་ཚེ་ལེན་བྱེད། །རྩ་དགུ་སྲིད་པའི་ལྷག་མ་སྡུད་བྱེད་ཅིང་། །ཉི་ཤུ་རྩ་གཅིག་གནོད་སྦྱིན་རྣམས་ཀྱི་བང་ཆེན་མཛད་དེ་ཤ་དང་ཁྲག་ལ་དགའ། །ཇ་ལ་སུམ་བརྒྱ་དྲུག་ཅུ་རྣམས། །དྲུག་ཅུ་སྲིད་པ་ཀུན་ལ་དབང་བྱེད་མ། །ལུས་ལ་ལྭ་བ་ནག་པོ་གྱོན། །མགོ་ལ་སླེ་ནག་གོ་ལྕོག་གཅན། །མཛོ་མོ་རོག་མོ་དྲུག་ཅུ་ཞོན་ནས་རྒྱུག །སྲིད་པའི་ཚེ་ལ་རྒྱུག་པར་བྱེད། །བྱིས་པ་ཀུན་གྱི་ཆུང་དུར་འབེབས། །ལ་ལ་མདུང་ཐོགས་དམག་སྣ་འདྲེན། །ལ་ལ་ཕྱུགས་ཀྱི་རྫི་བོ་བྱེད། །ལ་ལ་རྔ་མོ་སྐེ་རིང་ཞོན་ནས་བྱིས་པའི་ཚེ་ལ་རྒྱུག །ལ་ལ་དོམ་བུ་ནག་གུ་ཞོན་ནས་ན་ཆུང་ཚེ་ལ་རྒྱུག །ལ་ལ་བུད་མེད་ནག་མོ་ལ། །རལ་པའི་ཟར་བུ་གཡས་ནས་གཡོན་དུ་འཁྱིལ། །དྲེད་མོ་ལག་དཀར་ཤོན་ནས་ན་ཆུང་ཚེ་ལ་རྒྱུག །ལ་ལ་བདུད་ཤཱ་ནག་པོ་ཞོན་ནས་རྒྱུག །ལ་ལ་བུད་མེད་དམར་མོ་ལ བཟང་བཙན་སྤྲེའུ་ལ་ཤོན་ཅིང་ཁྲམ་གྱི་ཤིང་བུ་འབར་ཞིང་རྒྱུག །ལ་ལ་དུར་བོང་ཁ་སྐྱ་ཤོན་ནས་རྒྱུག །ཟངས་ཀྱི་བུད་མེད་རལ་ཅན་བརྒྱ། །ཟངས་ཀྱི་རལ་པ་མདའ་ཙམ་ཤ་ར་ར། ལག་ན་ཟངས་ཀྱི་སོག་ལེ་རེ་རེ་ཐོགས། །ཟངས་ཀྱི་འཕར་བ་དམར་པོ་ཤོན་ནས་རྒྱུག །ལ་ལ་ལྕགས་ཀྱི་བུད་མེད་རལ་ཅན་བརྒྱ། །ལྕགས་ཀྱི་རལ་པ་མདའ་ཙམ་ཤ་ར་ར། །ལག་ན་ལྕགས་ཀྱི་སོག་ལེ་ཐོགས། །ལྕགས་སྤྱངབརྒྱལཞོནནསརྒྱུག །ལ་ལ་ཁྲག་གི་བུད་མེད་རལ་པ་ཅན། །ཁྲག་གི་ཕོར་ཐོགས་གནམ་གྱི་ཐ་མ་བསྐོར། །འབྱུང་པོ་དབང་དུ་བསྡུས་ནས་ནི། །ཐམས་ཅད་ཀུན་གྱི་ཉུལ་ལེ་བྱེད། །མདོས་བདག་ཆེན་མོ་མདོས་བཞེས་དང་། །ལ་ལ་བ་སྐྱ་ཡུ་མོ་ཞོན་ནས་ནི། །ལ་བ་ནག་པོ་ལུས་ལ་གོན། །ཆུ་དར་སྔོན་པོ་གཡབ་འདེབས་བྱེད། །ལ་ལ་སྲིད་པའི་ཉུལ་ལེ་བྱེད། །ཁ་ནས་ཁྲག་སྒྱུགས་ཁྲག་གི་གྲུ་ཆར་འབེབས ལ་ལ་བདུད་ཀྱི་བང་ཆེན་ཏེ། །བོང་བུ་ནག་པོ་ཞོན་ཏེ་སྲིད་པ་སྐོར་བར་བྱེད། །ལ་ལ་མེ་ཡི་ཐུལ་པ་གོན་པ་མོ། །ལ་ལ་བུད་མེད་ནག་མོ་གོ་ཟུ་ཅན། །ཝ་མོ་ཁ་ནག་ཞོན་ནས་རྒྱུག །ལ་ལ་སྲིད་པའི་བང་ཆེན་ཏེ། །བདུད་རྟ་ནག་པོ་ཤོན་ནས་བདུད་ཀྱི་ཞོགས་ནག་མདའ་ལྟར་འཕེན། །ལ་ལ་ནད་ཀྱི་རྐྱལ་པ་ཁུར་ཞིང་གྲོང་ཁྱེར་སྐོར་བར་བྱེད། །ལ་ལ་ནད་ཁྲག་འཐོར་ཞིང་སྲིད་པའི་ཕུང་ཁྲོལ་བྱེད། །ལ་ལ་ཕག་པ་རོག་པོ་ཞོན་ནས་རྒྱུག །ལ་ལ་རྟོལ་བུ་ཁ་དཀར་ཞོན་ཅིང་དར་གྱི་གཡབ་མོ་འདེབས། །ལ་ལ་ཐབ་གཡག་རོག་པོ་ཞོན་ནས་སུ། །ལུས་ལ་རེ་ནག་གོན་པར་བྱེད་ཅིང་ཁྲག་གི་ཕོར་ཐོགས་སྲིད་པར་རྒྱུག །ལ་ལ་ཁྲག་འཐུང་དུར་ཁྲོད་ཉིད་ཕུགས་རྒྱུ། །ལ་ལ་སྲིད་པའི་ལྷ་འདྲེ་གཡབ་ཅིང་མ་ཡམས་ལས་ལ་གཏོད། །ཐེ་རང་སྟོང་སྡེ་ལས་ལ་གཏོང་ཞིང་ཁོ་རང་རྒྱུག་འགྲོ་བྱེད། །མི་ཕྱུགས་གཉིས་ཀ་གསོད་པར་བྱེད་པ་སྟེ། །སྲིད་པའི་ཇ་ལ་མ་ནི་སུམ་བརྒྱ་དྲུག་ཅུ་ཡང་། །དེ་རིང་སྲིད་པའི་མདོས་འདི་བཞེས། །མཐུན་པའི་ཡས་ནི་མང་བསོག་འདི་བཞེས་ལ། །ནད་ཀ་ཐམས་ཅད་སླར་ལ་སྒྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བླ་ལ་མ་བཅོས་པའི་ལེའུ་སོ་གཅིག་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། མཚོ་སྨན་དཀར་མོའི་ཚོགས་དང་ཀླུ་ནད་ས་བདག་འཁོར་དང་བཅས་པས་རང་རང་གི་བཅོས་པའི་ལས་འདི་དག་སྨྲས་སོ། །བདག་ཅག་རྣམས་ནི་འཆོས་པ་ན། །གླུད་བདག་ཏིང་འཛིན་ལྡན་པ་དེས། །འབྲུ་སྣ་ཚང་བར་བསགས་ནས་ནི། །དབེན་པའི་སའམ་གཙང་མའི་གནས་ནི་བཙལ་ནས་སུ། །རས་དཀར་དག་ནི་གཞི་མར་བཏིང་ནས་སུ། །རྫས་ཀྱི་རིམ་པ་དེ་རུ་བསག །བྱིན་གྱིས་བརླབ་པ་ཚུལ་བཞིན་བྱ། །དབུས་སུ་རི་རབ་ཆེན་པོ་དེ། །ཁ་དོག་དག་ནི་རིགས་དང་བསྟུན། །རིན་པོ་ཆེ་ཡི་ངར་གཅིག་བྱ། །སྨྱུག་མ་གཙང་མའི་ནམ་མཁའི་གུར། །གཏོར་མ་དགུ་ནི་བྱ་བའོ། །ནམ་མཁའ་ཉི་ཤུ་རྩ་གཅིག་ལ། །གཙོ་མོ་དཀར་ལ་གཞན་མའི་རིགས། །རི་རབ་དེ་ལ་གཟུག་པར་བྱ། །སྨྱུག་མ་གཙང་མ་དགུ་ལ་ནི། །དེ་ལ་གསང་བའི་བུམ་བུ་བྱ། །མཐའ་མ་ནམ་མཁའ་བརྒྱ་ནི་རྩ་བརྒྱད་བྱ། །རི་རབ་དེ་ལ་གཟུག་པར་བྱ། །རིན་པོ་ཆེ་ཡི་སྐྱོགས་བརྒྱད་དུ། །ཤར་དུ་དཀར་གཏོར་མར་དང་བཅས་པ་བཞག །ལྷོ་རུ་འབྲུ་སྣ་ཚོགས་པའི་གཏོར་མ་ལ། ནུབ་ཏུ་མེ་ཏོག་སྣ་ཚོགས་པའི་གཏོར་མ། བྱང་དུ་སྨན་སྣ་ཚོགས་པའི་གཏོར་མ། ཤར་ལྷོར་འོ་མ་སྣ་ཚོགས་པའི་གཏོར་མ། ལྷོ་ནུབ་ཏུ་ཀླུ་སྨན་སྣ་ཚོགས་པའི་གཏོར་མ། ནུབ་བྱང་དུ་ཚན་སྤོས་སྣ་ཚོགས་པའི་གཏོར་མ། བྱང་ཤར་དུ་ཆུ་སྣ་ཚོགས་པའི་གཏོར་མ། ནུབ་བྱང་དུ་ཤ་སྣ་ཁྲག་སྣའི་གཏོར་མ་བཞག །དབུས་སུ་དཔལ་གྱི་གཏོར་མ་གཞུང་བཞིན་གྱི་སྟེང་དུ་ཤ་ཁྲག་གི་གཏོར་མའོ། །བྱ་གསོབ་སྣ་ཚོགས། ལུག་སྨུག་ནག་བྱ་དཀར་བསག །ཐོད་པ་བརྒྱ་རྩ་བརྒྱད། དར་སྣ་རྩ་བརྒྱད། ཀླུ་ཡི་གཟུགས་དང་བྱ་དང་ངར་བུ་དང་ར་ཁྱིའི་གཟུགས་བརྒྱ་རྩ་བརྒྱད། མདའ་དང་མེ་ལོང་བརྒྱ་རྩ་བརྒྱད། ངར་མོ་བརྒྱ་རྩ་བརྒྱད། དར་གྱི་ལྡིང་ཁང་གུར་ལྔ་བྱ། ཤར་དུ་ཡང་དཀར་པོ། ལྷོར་སྔོན་པོའི་གུར་བྱ། ནུབ་ཏུ་དམར་པོའི་གུར་བྱ། །བྱང་དུ་ལྗང་གུའི་གུར་བྱ། རྫས་དེ་རྣམས་བསག་ལ་ཤིན་ཏུ་གཙང་བར་བྱས་ལ་བསྔོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མཚོ་སྨན་གྱི་གུར་མདོས་བསག་པའི་ལེའུ་སོ་གཉིས་པའོ།། །།ཧུ༷། ཆོས་རྣམས་སྟོང་པའི་ངོ་བོ་ལ། །སྟོང་པའི་ངང་ལས་ཆོ་འཕྲུལ་བྱུང་། །བྱུང་བ་ཉིད་ལས་དངོས་པོ་མེད། །ཐམས་ཅད་སེམས་ཀྱི་རང་བཞིན་ཏེ། །སེམས་ཉིད་ཡི་གེ་ཧུ༷་དུ་གསལ། །ཡི་གེ་ཧུ༷་ནི་སེམས་ཀྱི་རང་བཞིན་ཏེ། །ཆགས་པའི་སྐྱོན་བྲལ་པདྨ་རྭ་གའི་་།དོག །ངེས་པའི་ཧུ༷་ལས་དབང་གི་སྐུ་རུ་གསལ། དྷི་ཧུ༷་ཨེ་ཡ༷་བ༷་སུ་ར༷་྅༷། ཟློ༷་ལས་དག་པའི་གཞལ་ཡས་ཁང་། །མ་ནི་ཟླ་གམ་གསང་བའི་གནས། །དེ་ལས་ཐམས་ཅད་བསྐྱེད་པའོ། །རུ་རུ་རག་མོ་ཀར་ཏེ་མ་ཀ་ལ༷་སྨྱོ། །རསྒ་མདུང་དུང་། རག་ཤ་རུ་མ་ཀ་ལ། དང་པ་རག་མོ། ཤ་བ་མ་་ཏི་ཀིར་མ། དེ་ལས་དཀར་མོ་དབུ་དགུ་བསམ། །དབང་གི་རྒྱལ་མོ་བཞི་ནི་ཕྱོགས་བཞིར་རེ། །ཕྱེ་ཕུ་དེ་ལ་ས་བདག་ཀླུ་ཚོགས་ཀུན། །འདབ་བརྒྱད་ཟླ་གམ་གསང་བའི་གཞལ་ཡས་སུ། །སྲིད་པའི་དཀར་མོ་སྐུ་རུ་གསལ། །དེ་ནས་དབང་གི་རྒྱལ་མོ་སྟེ། །མཚོ་སྨན་སྟོང་སྡེས་བསྐོར་བའོ། །ཧུ༷། དབང་གི་རྒྱལ་མོའི་གཞལ་ཡས་སུ། །དཀར་མོ་དབུ་དགུ་ཚོགས་བཅས་གཤེགས་སུ་གསོལ། །དད་པ་དང་ནི་དམ་ཚིག་གིས། །ཚུར་གཤེགས་དབང་ག་རྒྱལ་མོའེ་ཚོགས། །ཧུ། པདྨ་གེ་སར་གདན་མཆོག་བཤམས་པ་འདེར། །དཀར་རྨ་དབུ་དགུ་མཚོ་སྨན་འཁ་ར་བཅས་བཞུགས་སུ་གས་ལ། །ཨི་་བཛྲ་ཡག་མ་་རུ་རུ་ས་ཨ་ཏི་པུ་ཧོ། །དེ་ནས་དབང་གི་རྒྱལ་པོ་པདྨ་ཤྭ་རི་མ། །རྣམ་དག་སྲིད་པའི་དབང་བསྒྱུར་དཀར་མོ་ཡུམ། །མཚོ་སྨན་འབུམ་སྡེ་འཁོར་བཅས་ལ། །རྣམ་དག་བདུད་རྩིའི་མཆོད་པ་འབུལ། །དེ་ནས་བསྟོད་ཅིང་སྨོན་ལམ་གདབ་པོ། །དེ་ནས་བསྔོ་བར་བྱའོ། །ཧུ༷། ཨེ་ཀ་མ་ནི་སྲིད་པའི་བདག་མོ་སྟེ། །རྒྱ་མཚོའི་གཏིང་ན་གནས་པ་ཡི། །དབང་གི་རྒྱལ་མོ་གསང་བའི་ཡུམ། །སྲིད་པའི་མ་མོ་དག་ལ་དབང་བྱེད་མ། །དེ་རིང་སྲིད་པའི་མདོས་ཅིག་བཞེས། །སྐྱེ་འགྲོ་རལ་གཅིག་མ་ནི་ཁམས་གསུམ་ཁྱབ་པའི་བདག །སྲིད་པར་ནད་ཁྲག་སྤྱོ་ཞིང་གསང་བའི་ལས་མཛད་མ། །རིམས་ནད་འཁྲུག་པར་གཏོང་ཞིང་སྒྱུགས་པའི་གླུ་ལེན་མ། །འཛམ་བུ་གླིང་བཞི་བསྐོར་ཞིང་སྡིགས་པའི་གད་མོ་དགོད། །ཁྲག་གི་ཕོར་ཐོགས་དཔག་ཚད་བརྒྱད་ཁྲིར་རྒྱུག །དམག་དཔོན་བྱེད་ཅིང་རུ་མདུང་འཕྱར། །སྲིད་པ་གསུམ་གྱི་སྨྱོ་བཟློག་བྱེད། །དེ་རིང་ཤ་ཁྲག་དམར་གྱི་མཆོད་པ་བཞེས། །དལ་ཀ་ཆོད་ལ་ནད་ཁ་སྒྱུར། ཧུ༷།སྲིད་པའི་དཀར་མོ་དབུ་དགུ་མ། །སྐུ་ལུས་དཀར་ཤམ་ལྡེམ་པ་ལ། །དར་དཀར་རལ་ག་སྐུ་ལ་གསོལ། །དབུ་ལ་རིན་ཆེན་ཐོར་ཅོག་ཅན། །གཟའ་ཆེན་བརྒྱད་ནི་སྐེ་རགས་བྱས། །རྒྱུ་སྐར་སྐེད་ནས་འཆང་བར་བྱེད། །གཟའ་རྒོད་མིག་དམར་ཆར་དུ་འབེབས། །གནས་པ་རྒྱ་མཚོའི་གཏིང་ན་གནས། ཁུ་ནི་བར་སྣང་ཁམས་སུ་རྒྱུ། །ཉི་མ་ཟླ་བ་སྐེད་ནས་འཆར། །ཞབས་ནི་རྒྱ་མཚོའི་གཏིང་ན་སྟེ། །ཀླུ་ཆེན་བརྒྱད་ཡང་གཟིར་བར་བྱེད། །དབང་གི་རྒྱལ་མོ་བཞི་ནི་ཕྱོགས་བཞི་ན། །གཅིག་ནི་ཉིད་ཀྱི་ཐུགས་ཀ་ནས། །རྒྱ་མཚོ་ཆེན་པོའི་གཏིང་རུམ་གུང་དཀྱིལ་ན། །དར་དཀར་གུར་གྱི་ནང་ཤེད་ན། །ཉ་ཆེན་རྩ་མོ་གུར་དུ་ཕུབ། །སྦལ་པ་ནག་པོ་ཟ་ར་ཚགས། །དེ་ཡི་ནི་ནང་ཤེད་ན། །པདྨ་འདབ་བརྒྱད་གདན་སྟེང་ན། །དཀར་མོ་དབུ་དགུ་དེ་ན་བཞུགས། །མཚོ་སྨན་འབུམ་ནི་འཁོར་དང་བཅས། །ལན་འགའ་འགུལ་ནས་བསྐྱོད་པའི་ཚེ། ཁྲ་བ་ཡུ་མོ་ཆིབས་སུ་ཆིབས། །སྟོང་ཁམས་མ་ལུས་ཁྱབ་པར་རྒྱུ། །སྲོག་དབུགས་ཀུན་ལ་མངའ་མཛད་མ། །ནད་ཡམས་ཀུན་གྱི་བདག་མོ་ཁྱེད། །ལྷ་སྲིན་ཀུན་ཡང་དྲན་དུ་འཁོལ། །དུར་ཁྲོད་མ་མོ་ཀུན་ཡང་གཡོབ། །ས་བདག་ཀླུ་གཉན་ཀུན་ཡང་ཕོ་ཉར་འགྱེད། །ཀླུ་ཆེན་ཀུན་དང་བསྡོངས་ནས་ནི། །མཛེ་དང་གཡན་པ་གཏོང་བར་བྱེད། །ས་བདག་གཉན་དང་བསྡོངས་ནས་ནི། །སྐྲང་འབུར་ཞ་གྲུམ་སྐེམ་པ་གཏོང་། །དཀར་མོ་ནི་དབུ་དགུ་མ། །དབུ་དགུ་ཡེ་ཤེས་དགུ་ཡི་དོན་རྟོགས་རྟགས། །ཡེ་ཤེས་སྤྱན་གྱིས་སྲིད་པ་ས་ལེར་གཟིགས། །འབར་བྱེད་ཐུགས་ནི་ཆོས་ཉིད་ཀློང་ན་བཞུགས། །སྟོང་གི་ལྷ་བྲན་རྣམས་དང་རོལ། །རྒྱལ་ཆེན་བཞི་ཡི་གཟུས་སམ་མཛད། །འཛམ་གླིང་ཀུན་གྱི་ཁ་ལོ་སྒྱུར། །མཛེས་ཤིང་དག་པས་སྐུ་ལུས་དཀར་ལ་མཉེན། །ཞབས་ཀྱིས་མ་བགྲོད་ས་ལ་གནས་པའི་ཚུལ། །རྒྱལ་མོའི་ཚུལ་གྱི་དབང་གི་རྒྱལ་མོས་བསྐོར། །ཀུན་གྱི་གཙོ་མོ་མཛད་པས་མཚོ་སྨན་འབུམ་གྱིས་བསྐོར། །གུར་གྱི་ནང་ན་གནས་ཙམ་ན། །ལན་འགའ་ཆུ་སྲིན་པིར་ལ་ཆིབས། །གུར་ཆེན་དེ་ཡི་གྲུ་བཞི་ན། །ཆུ་སྲིན་སྲམ་གྱི་རྒྱལ་མཚན་བཞི། །གཞལ་ཡས་དེ་ཡི་ནང་ཤེད་ན། །སྲིད་པའི་དཀར་མོ་ཆེན་མོ་ཁྱོད། །སྦལ་པ་ནག་པོའི་ཐོད་པ་སྲ །ཁྲག་སྣ་སྟོང་གི་སྦྱར་ནས་གསོལ། །ནག་མོ་སྟོང་ནི་དམ་ལ་སྡུད། །ལན་འགའ་རིན་ཆེན་སྣ་ལྔའི་ཐོད་པ་མྲ །འོ་མ་སྣ་ཚོགས་འདུས་པ་དང་། །མར་དང་མེ་ཏོག་སྨན་ཀྱང་གསོལ། །སྨན་མོ་འབུམ་ནི་དམ་ལ་སྡུད། །ལན་འགའ་བྷརྙར་རཀྟ་མང་པོ་གསོལ། །གནོད་སྦྱིན་འབུམ་ནི་དམ་ལ་སྡུད། །རིནཆེནགསེརགྱིཕོར་པ་སྲ །བདུད་རྩི་ཆུ་ནི་བ་་གྱིན་གསོལ། །སེར་མོ་འབུམ་ནི་དམ་ལ་སྡུད། །དར་གུར་དེ་ཡི་ནང་ཤེད་ན། །དུང་དང་གསེར་དང་བྱུ་རུ་དང་། །གཡུ་དང་ལྕགས་ལས་གྲུབ་པ་ཡི། །རིན་ཆེན་འབར་བའི་གཞལ་ཡས་ཁང་། །དེར་ནི་སྲིད་པའི་བདག་མོ་བཞུགས། །དེ་རིང་སྲིད་པའི་མདོས་འདི་བཞེས། ཁྲ་སྣ་ཁྲག་སྣ་འོ་མ་དང་། །མེ་ཏོག་ཆུ་སྣ་འབྲུ་སྣ་མཆོད། །ཚན་སྤོས་ཆང་དང་རྩི་སྨན་མང་པོས་མཆོད། །གཟུགས་བརྙན་མང་པོས་ཐུགས་དམ་བསྐང་། །ཀླུ་ཡི་གདུག་རྩུབ་ཞི་བར་གྱིས། །ས་བདག་གདུག་རྩུབ་ཞི་བར་གྱིས། །མ་མོའི་ནད་རྣམས་སླར་ལ་དུལ། ཁྲར་ཕྱོགས་དར་དཀར་གུར་གྱི་ནང་ཤེད་ན། །ཉ་ཆེན་རྩེ་མོ་གུར་དུ་ཕུབ། །པདྨ་དཀར་པོ་གདན་དུ་བཏིང་། །རིན་ཆེན་དུང་གི་གཞལ་ཡས་ཁང་། །སྲིད་པཡོངས་ལ་དབང་སྒྱུར་མ། །དཀར་མོས་མཆེ་གཙིགས་སྲིད་པའི་བདག །སྨན་མོ་འབུམ་སྡེ་གཤེགས་སུ་གསོལ། །དེ་རིང་སྲིད་པའི་མདོས་བཞེས་དང་། །ལྷོ་ཕྱོགས་གུར་སྔོན་ནང་ཤེད་ན། །ཆུ་སྲིན་འབར་བའི་ཟ་ར་ཚགས། །སྦལ་པ་སེར་པོ་གུར་དུ་ཕུབ། །རིན་ཆེན་གསེར་གྱི་གཞལ་ཡས་ཁང་། །དེ་ནས་དབང་གི་རྒྱལ་མོ་བཞུགས། །སྨན་མོ་སྟོང་ལ་དབང་སྒྱུར་མ། །དེ་རིང་སྲིད་པའི་མདོས་འདི་བཞེས། །གཏོར་མ་སྣ་དགུ་དག་གིས་མཆོད། །གསོབ་བཤས་མང་པོས་ཐུགས་དམ་བསྐང་། །ནུབ་ཕྱོགས་དར་དམར་གུར་གྱི་ནང་ཤེད་ན། །སྦྲུལ་དམར་མང་པོ་གུར་དུ་ཕུབ། །ཉཆེན་མཁར་བའི་རྩར་དུ་བྱས། །བྱུ་རུ་དམར་པོའི་གཞལ་ཡས་སུ། །པདྨ་འབར་བའི་གདན་སྟེང་དུ། །དབང་གི་རྒྱལ་མོ་ཆེན་མོ་བཞུགས། །དམར་མོ་བྱུ་རུའི་རལ་པ་ཅན། །སྦལ་པ་དམར་པོའི་ཐོད་པ་སྲ །ཁྲག་སྣ་མངཔོ་སྦྱར་ཞིང་གསོལ། །བདུད་རྩིའབར་བའི་མཆོད་པ་དང་། །གཏོར་མ་དགུ་ཡི་མཆོད་པ་བཞེས། །དམངས་རིགས་ས་བདག་ཀླུ་ཡི་གདུག་པ་ཞི་བར་གྱིས། །དེ་རིང་སྲིད་པའི་མདོས་འདི་བཞེས། །བྱང་ཕྱོགས་ལྗང་ཁུ་དར་གྱི་གུར་ནང་དུ། གཡུ་སྦལ་གཤོག་པའི་གུར་དུ་བྱས། །ལྕོང་མོ་གཤིབས་པའི་རྩར་དུ་བྱས། །རིན་ཆེན་གཡུ་ཡི་གཞལ་ཡས་སུ། །དེ་ན་དབང་གི་རྒྱལ་མོ་བཞུགས། །ལག་ན་གཡུ་སྦལ་ཐོད་པ་མྲ །བདུད་རྩི་ཁྲག་སྣ་སྦྱོར་ཞིང་གསོལ། །མ་མོ་འབུམ་ནི་ལས་ལ་འགྱེད། །དེ་རིང་སྲིད་པའི་མདོས་ལ་སྤྱོན། །རྒྱལ་མོ་ཆེན་མོ་བཞི་པོ་ཡང་། །མེ་ཏོག་སྣ་ཚོགས་དང་། འབྲུ་སྣ་མང་པོ་དང་། བདུད་རྩི་ཆུ་སྣ་མང་པོ་དང་། རྩི་སྨན་འོ་མ་མང་པོ་དང་། དཀར་གཏོར་དམར་གཏོར་ཤ་སྣ་ཚོགས་དང་བཅས། །གསང་བའི་མ་མོ་མཆེད་བཞི་ཡང། །ནམ་མཁའ་ཡུལ་དུ་འདུལ། །གསོབ་བཤས་ཐུགས་དམ་བསྐང་། །ལུག་སྨུག་ཐུགས་དམ་བསྐང་། །བྱ་དཀར་ཐུགས་དམ་བསྐང་། །མདོས་བདག་མདོས་བཞེས་ཤིག །དུས་བཞི་མ་མོ་ཁ་སྒྱུར་མ། །དེ་རིང་སྲིད་པའི་མདོས་བཞེས་དང་། །དཀར་མོའི་ཚོགས་དང་སེར་མོའི་ཚོགས། །དམར་མོའི་ཚོགས་དང་སྨུག་མོའི་ཚོགས། །སྔོན་མོའི་ཚོགས་ལ་སོགས་པ་ཡི། །སྲིད་པའི་མ་མོ་འཁོར་བཅས་ཀྱང་། །མདོས་བདག་ཆེན་མོ་མདོས་བཞེས་དང་། །གླུད་བདག་ཆེན་མོ་གླུད་བཞེས་དང་། །འཇོག་པོ་མཚོ་ཡི་བར་མཚམས་ན། །རྒྱ་མཚོ་དེ་ཡི་ནང་ཤེད་ན། །དུང་གི་ལྗུ་བ་གུར་ཙམ་གཅིག །དེ་ཡི་ནི་ནང་ཤེད་ན། །སྨན་མོ་ནི་འབུམ་སྡེ་གནས། །དཀར་མོའི་ལུས་ལ་ལྡེམ་བག་ཅན། །དར་དཀར་ལེའུ་སྐུ་ལ་གསོལ། །ཕྱག་ན་བདུད་རྩིའི་བུམ་པ་ཐོགས། །མཚོ་སྨན་རྒྱལ་མོ་ཆེན་མོ་བྱ། །དེ་རིང་སྲིད་པའི་མདོས་བཞེས་དང་། །གཡུ་ཡི་ལྦུ་བ་གུར་ཅན་ནང་ཤེད་ན། །དེ་ན་མཚོ་སྨན་འབུམ་སྡེ་གནས། །བུད་མེད་སྔོན་མོ་གཡུ་ཡི་ལན་ཚར་ཅན། །གཡུ་བྲན་གཞིབས་པའི་ཆ་ག་ཅན། ལག་ན་བདུད་རྩི་བུམ་པ་འཛིན། །ཁ་ནས་གདུག་པའི་ནད་ཡམས་གཏོར། །དེ་རིང་སྲིད་པའི་མདོས་བཞེས་དང། །ཟངས་ཀྱི་ལྗུ་བ་གུར་ཙམ་ནང་ཤེད་ན། །ཟངས་ཀྱི་བུད་མེད་དམར་མོ་ལ། །ཟངས་ཀྱི་རལ་པ་མདའ་ཙམ་གསིག །ཟངས་ཀྱི་མཆེ་བ་རྒྱ་ཟོར་བཀུག་པ་འདྲ། །ཀླུ་སྨན་འབུམ་སྡེ་ལས་ལ་འགྱེད། །དེ་རིང་སྲིད་པའི་མདོས་བཞེས་དང་། །གསེར་གྱི་ལྦུ་བ་གུར་ཙམ་ནང་ཤེད་ན། །གསེར་གྱི་བུད་མེད་ལན་ཚར་ཅན། །ལག་ན་གསེར་གྱི་བུམ་པ་འཛིན། །སྨན་མོ་འབུམ་ནི་ལས་ལ་གཏོང་། །དེ་རིང་སྲིད་པའི་མདོས་བཞེས་དང་། །ལྕགས་ཀྱི་ལྦུ་བ་གུར་ཙམ་ནང་ཤེད་ན། །ལྕགས་ཀྱི་བུད་མེད་ལ་བ་ཅན། །སྲིན་མོ་ཤ་ཟ་འབུམ་ནི་ལས་ལ་གཏོང་། །དེ་རིང་སྲིད་པའི་མདོས་བཞེས་དང་། །མཆོང་གི་ལྦུ་བ་གུར་ཙམ་ནང་ཤེད་ན། །གདུག་པའི་བུ་མོ་མཆེ་གཙིགས་མ། །སྲིད་པ་ཀུན་ཏུ་ཁྱབ་པར་བྱེད། །མདོས་བདག་མདོས་བཞེས་ཤིག །གཟི་ཡི་ལྦུ་བ་གུར་ཙམ་ནང་ཤེད་ན། །སྲིད་པའི་མཚོ་སྨན་ཆེན་མོ་གནས། །ལུས་ནི་ཁྲ་མོ་ཡ་མཚན་ཅན། །ཕྱག་ན་གཟི་ཡི་བུམ་པ་འཛིན། །དེ་རིང་སྲིད་པའི་མདོས་བཞེས་དང་། །བྱི་རུའི་ལྦུ་བ་གུར་ཙམ་ནང་ཤེད་ན། །བྱི་རུའི་བུད་མེད་དམར་མོ་རལ་བསིག་མ། །གཟེར་བ་ནད་ཀྱི་བདག་མོ་སྟེ། །དེ་རིང་སྲིད་པའི་མདོས་བཞེས་དང་། །ཤེལ་གྱི་ལྗུ་བ་གུར་ཙམ་ནང་ཤེད་ན། ཁྲེལ་གྱི་བུད་མེད་དཀར་མོ་གནས། །སྲིད་པ་ཀུན་ཏུ་ཁྱབ་བྱེད་མ། །མདོས་བདག་ཆེན་མོ་མདོས་བཞེས་དང་། །དཀར་གསུམ་མངར་གསུམ་རྩི་སྨན་སྣ་ཚོགས་མཆོད། །སྲིད་པ་ཡོངས་ཀྱི་བདག་མོ་སྟེ། །དཀར་མོ་མཆེ་གཙིགས་སྲིད་པའི་བདག །འཁོར་ནི་སྨན་ཕྲན་འབུམ་གྱིས་བསྐོར། །སྲིད་པ་ཡོངས་ལ་དབང་བྱེད་ཅིང་། །ནད་དུ་མཛེ་དང་སྐེམ་པ་དང་། །ཞ་གྲུམ་མང་པོ་གཏོང་བའི་བདག །དཀར་མོ་ཆེན་མོ་དེ་ཡི་འཁོར། །ཀླུ་བདུད་སྟོང་ང་ང་འཁོར་ན་གནས། །དེ་རིང་དཀར་གསུམ་མངར་གསུམ་མཆོད། །མདོས་བདག་ཆེན་མོ་མདོས་བཞེས་དང་། །སྨན་མོ་དབང་གི་རྒྱལ་མོ་སྟེ། །སྨན་མོ་ཆེན་མོ་ཙ་མུརྙི། །ཀླུ་མོ་དཀར་མོ་ཙ་མུརྙི། །ཀླུ་གདུག་སྟོང་ལ་དབང་བྱེད་ཅིང་། །འཁོར་ནི་སྨན་མོ་འབུམ་གྱིས་བསྐོར། །གནས་པ་རྒྱ་མཚོའི་གྲུ་ལ་གནས། །དམག་ནི་སྲིད་པའི་མ་མོ་དང་། །ཀླུ་གདུག་ཐེ་རང་མང་པོ་རྦད། །ནད་ནི་སྟོང་གི་བདག་མོ་སྟེ། །རྒྱ་མཚོའི་གཏིང་ནས་མ་མོ་བསྐྱོད་པའི་ཚེ། །གཡའ་སྨན་སྤང་སྨན་མང་པོ་ཡང་། །དར་དཀར་གཡབ་ཀྱིས་འདེབས་ཤིང་སྟོང་གསུམ་ཁུ་ཡིས་འདེབས། །ཀླུ་གདུག་རྣམས་ཀྱང་ཞེ་སྡང་མེ་ལྟར་འབར། །སྲིད་པའི་བུ་མོ་ཀུན་ཡང་འདར་དང་གམ་དང་གུམ། །དེ་རིང་མཐུན་པའི་ཡས་ཀྱིས་མཆོད། །ས་བདག་ཙང་ཀུན་ཧོ་ཕོ་ཐེ་སེ་ཡང་། །བེ་སྣ་ལག་ཆེན་ཚང་ཙང་རྣམས། །ཤར་ནས་སྟག་ནི་སྐྱ་བོ་མཚོ། །ལྷོ་ནས་རུས་སྦལ་ནག་པོ་འགྱིང་། །ནུབ་ནས་འབྲུག་སྔོན་འགྱུ་བ་ན། །བྱང་ནས་བྱ་དམར་འཕུར་པའིཚུལ། །སྲིན་མོ་ལྷ་མོ་བརྟན་མ་སྟེ། ཁེང་ལོ་གོས་སུ་གོན། །གདུག་པའི་ནད་རྣམས་མང་པོ་གཏོང་། །འབྱུང་བ་ལྔ་ལ་གནས་པ་སྟེ། །ས་དང་རྟེན་ནི་སོ་སོར་བཟུང་། །གཟེ་རེ་ཆེ་དང་གདུག་པ་ཆེ། །གཉན་ཆེན་མང་པོ་གནས་པའོ། །དེ་རིང་ནི་འབྲུ་དང་གཉེར། །གཏོར་མ་དགུ་དང་རྩི་སྨན་དང་། །མེ་ཏོག་ཤ་སྣ་མང་པོས་མཆོད། །དེ་རིང་གླུད་དང་མི་རུ་ཕྱེ། །ནད་དང་མི་རུ་ཕྱེ། །གདུག་པ་ཀླུ་ཡི་བུ། །དགའ་བོ་འཇོག་པོ་མཐའ་ཡས་དུང་སྐྱོང་དང་། །པདྨ་ཆུ་ལྷ་ཀར་ཀོ་བ་རུ་དང་། །སྦྲུལ་མགོ་བདུན་དང་དགུ་པ་དང་། །ལྔ་པ་དང་ནི་གསུམ་པ་དང་། །གཟུགས་མེད་པ་དང་པདྨ་དང་། །ནམ་མཁའི་འཇའ་འདྲ་སྒོ་ང་འདྲ་བ་དང་། །རྟ་དང་རྩངས་པ་སྡིག་པ་དང་། །ཉ་སྦལ་ལྕོང་མོ་སྡོམ་སྡིག་དང་། །མི་སྡུག་གཟུགས་ཀྱི་ཀླུ་རྣམས་དང་། །རྒྱ་མཚོ་དག་ལ་གནས་པ་དང་། །རི་རབ་དག་ལ་གནས་པ་དང་། །འབྱུང་བ་དག་ལ་གནས་པ་ཡི། །ཀླུ་གདུག་ཀླུ་བྲན་འཁོར་དང་བཅས། །དེ་རིང་སྲིད་པའི་མདོས་བཞེས་དང་། །མེ་ཏོག་སྣ་དགུ་མང་པོ་དང་། །ཚན་སྤོས་ཀླུ་སྨན་སྣ་ཚོགས་དང་། །གསོབ་ཤ་ཆུ་སྣ་མང་པོ་དང་། །འདི་རྣམས་འབུལ་ལོ་མདོས་བཞེས་དང་། །ནམ་མཁའ་ཡུལ་དུ་འབུལ་བས་བཞེས། །འབྱུང་བའི་རྟེན་དང་འཇིག་རྟེན་ནོར་གྱིས་མཆོད། །སྲིད་པའི་མ་མོ་ས་བདག་ཀླུ་གདུག་ཚོགས། །དེ་རིང་སྲིད་པའི་མདོས་བཞེས་དང་། །ནད་རྣམས་ཐམས་ཅད་སོས་པར་གྱིས། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མཆོ་སྨན་གྱི་མདོས་ཀྱི་ལེའུ་སོ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། །བདུད་ནག་པོ་བཀྲག་མེད་དང་། ཕྱི་བཙན་ཁ་བཞི་དང་།རྒྱལ་པོ་སྤྱན་གཅིག་དབང་ཕྱུག་ཆེན་པོ་དང་། །ཀླུ་འཇོག་པོ་དང་། གཟའ་ཡི་ཏི་པ་དང་། ཐེ་རང་རྡོ་རྗེ་ལེགས་པ་དང་། །བདུད་མོ་རལ་གཅིག་རྣམས་ཀྱིས། སེར་བ་དབབ་པའི་རང་རང་གི་ལས་འདི་སྨྲས་སོ། །དྲག་ལས་འབེབས་པའི་གནས་དག་བཙལ་ནས་ནི། །མཎྜལ་འཁོར་ལོ་རྩིབས་བརྒྱད་བྲི། །དེ་ཡི་དབུས་སུ་རབས་ཆད་ཐོད་པ་གཅིག །ཐོད་པ་དེ་ལ་འཁོར་ལོ་རྩིབས་བརྒྱད་བྲི། །དབུས་ནི་ཟླུམ་པོ་དཀྱིལ་གྲུ་གསུམ། །དབུས་སུ་ཀླུ་བདག་དང་ནི་ལིདྷ་གཟིར། ཁྲར་གྱི་འཁོར་ལོ་དག་ནས་བསྐོར། ཁྲར་དུ་རྒྱལ་པོ་ལྷོ་རུ་བཙན། །ནུབ་ཏུ་ཀླུ་ལ་བྱང་དུ་བདུད། ཁྲར་ལྷོར་གཟའ་ལ། ལྷོ་ནུབ་ཏུ་དབང་ཕྱུག་སྟེ། ནུབ་བྱང་དུ་ཐེ་རང་། བྱང་ཤར་དུ་བདུད་མོའོ། །སྔགས་ཀྱི་རིམ་པ་དེ་ལྟར་དགོད། །དབུས་སུ་དམིགས་པའི་མིང་རུས་ཡུལ་དང་རྫས་བཅས། སེང་ལྡེང་ཕུར་པ་གཅིག་ནི་ཀླུ་ཡི་བདག་ཉིད་དུ་གསལ་བདེ་ཡིས་བཞག །དེ་ལ་བསྒྲུབ་ཅིང་ཐ་མ་བརྡ་ཡང་དེ་ཡང་དེ་ཡིས་བྱ། གང་དུ་སྦས་པ་དེ་ནི་འཇོམས་པའི་གཏའ་མའོ། །གང་དུ་སྦས་པ་དེ་རུ་ངེས་པར་འབབས་པར་འགྱུར། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། སེར་བ་དབབ་པའི་ལེའུ་སོ་བཞི་པའོ།། །།ཨོ་བདུད་ཡ་ཏྲི་མ༷་མ༷། སད་དུ་དྲག་ཏུ་པུ་ཏ་ཕོབ་ཡ། ཨོ་བཙུན་ཤུ་ཏྲི་ཙ་ཙ་དྲི་ཕོབ་ཡ། དེ་ནས་ཡང་དྲེགས་པ་རྣམས་ཀྱིས་མི་རྣམས་ལ་ལྟས་ངན་བཏང་བའི་ལས་འདི་སྨྲས་སོ། །གཏང་བར་འདོད་པས་ཐོད་པའི་ནང་། །རས་སམ་ཤོག་བུ་དག་ལ་ནི། །འཁོར་ལོ་རྩིབས་དྲུག་བྲིས་ནས་སུ། །དེ་ལ་ལྷ་འདྲེའི་སྔགས་བྲིས་ཏེ། ཐོད་པའི་ནང་དུ་གཞུག །དེ་ལ་ལྷ་འདྲེའི་སྙིང་པོ་ལྟས་ངན་གཏོང་བའི་སྔགས་འདི་བྲིའོ། །ཨོ་ར་སད་དེ་ཧུ་ལེ་ཕྲེ། ཁྲར་ཀོལ་ཐབས་སད་འུ་མི་སི་སེ་མང་ལང་ལིང་ལེར། ཁུ་ཛ་ཧི་ཧ། ཞེས་བྲིས་ནས་དེ་ལ་བཟླས་ནས། གར་འབེབས་པའི་ཕྱོགས་སུ་བཏབ་ན་ཕེབས་པར་འགྱུར་རོ། །གང་ཇི་ལྟར་འདོད་པ་འབེབས་སོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ལྟས་ངན་བཏང་བའི་ལེའུ་སོ་ལྔ་པའོ།། །།དེ་ནས་དྲེགས་པ་རྣམས་ཀྱིས་ལྟས་ངན་བབས་པ་དེའི་རྟགས་དང་བཟློག་ཐབས་སྨྲས་སོ། ཁུལ་ལ་བྱུང་ན་དྲེགས་པའི་གནས་བཏབ་པའོ། །ཐན་གཡོ་བ་དང་བཟློག་པ་དང་། །རྒྱས་འདེབས་པའོ། །བྱ་མི་སྙན་པ་བྱུང་ན་བང་ཆེན་པ་སྟེ། ཐན་བསྒྱུར་བའམ་ཟོར་བཟློག་བྱའོ། །རི་དྭགས་བབས་ན་གནམ་ལྕམ་ཞེས་བྱ་བ་སྟེ་གཏོ་བསྒྱུར་རོ། །སེམས་ཅན་མཚེ་མ་བྱུང་ན་མི་སྡུག་པ་སྟེ། དེ་རང་གིས་བཟློག་པ་བྱའོ། །སྙིང་མི་དགའ་བ་ནི་ཉམས་སད་པ་སྟེ། ཚེ་ཆོག་བྱའོ། ལྷ་ལ་སྐྱབས་སུ་བྱའོ། །རྨི་ལྟས་ལོག་ན་ལྷ་འདྲེ་བབས་པ་སྟེ། སྲིད་བསྒྱུར་གཏོང་ངོ་། །ལུག་ལ་རོ་ཁལ་དང་ཁྱི་ལ་རྩེད་པ་བྱུང་ན། དེ་རང་གིས་བཟློག་གོ །བྱ་འབྲས་བྱུང་ན་དམུ་སྔོ་ཡིན་ཏེ་ཁྲམ་ཕྱི་བར་བྱའོ། །དེ་རྣམས་ཀྱི་ལྟས་ངན་རངས་པ་བཟློག་ན། ཁྱི་ནག་པོའི་ཐོད་པའི་ནང་དུ་འཁོར་ལོ་རྩིབས་བརྒྱད་ཀྱི་ནང་ལ། དེ་ལ་སྔགས་འདི་བྲིས་ཏེ། ཕཊ་ཏེ་ར་སད་ཁུ་ལེ་ཕྱོ་ནི་ཁུ་ལེ་དྲི་ཤ་དྲི་ནི་སྨྱོ། ཞེས་པ་དེ་བྲིས་ལ། དབུས་སུ་གསང་བདག་སྔགས་བྲིས་ལ། དར་མཐིང་ནག་གིས་ཁ་བཅད་ལ། སྔགས་དེ་བཟླས་ཤིང་། ཐོད་པ་དེ་ལུང་གསུམ་མདོའམ། ལམ་རྒྱ་གྲམ་མམ། རི་གསུམ་རྩེར་བསྐྱལ་ཏེ་མནན་ན་ལྟས་ངན་གང་བབས་ཀྱག་ཟློག་པར་འགྱུར་རོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ལྟས་ངན་བཟློག་པའི་ལེའུ་སོ་དྲུག་པའོ།། །།དེ་རྣམས་ཀྱི་རང་རང་གི་རྒྱུ་ལུགས་དང་ཀི་ཀང་རྒྱུ་བ་བསྟན་ཅིང་སྨྲས་པ་སྟེ། བདག་ཅག་རྣམས་ནི་དྲེགས་པ་འཁོར་བཅས་ཏེ། རྒྱུ་བའི་དུས་ནི་འདི་ལྟ་སྟེ། སྲོད་ལ་བདུད་རྒྱུ། སྲོད་ཆུང་ལ་བཙན་རྒྱུ། གུང་སྟོད་ལ་བདུད་རྒྱུ། གུང་སྨད་ལ་རྒྱལ་པོ་རྒྱུ། །ཐོ་རངས་ཐེ་རང་རྒྱུ། སྐྱ་རེངས་ལ་ཐེ་རང་རྒྱུ། ནམ་ལངས་ལ་སྨན་རྒྱུ། ཉི་རྩེ་ལ་ཀླུ་རྒྱུ། དྲོས་ལ་ས་བདག་རྒྱུ། དེ་ལྟར་རྒྱུ་བ་ལགས་ཏེ། གང་དང་འཕྲད་པ་དེ་ནི་ཕུང་བར་འགྱུར་རོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་རྒྱུ་བའི་དུས་བསྟན་པའི་ལེའུ་སོ་བདུན་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར།དཀོར་གྱི་བདག་པོ་བེ་དཀར་གྱིས་རང་རང་གི་བཅོས་པའི་ལས་འདི་དག་སྨྲས་སོ། །བདག་ཅག་རྣམས་ནི་སྲིད་པའི་དཀོར་གྱི་བདག་པོ་ཡིན། བདག་ནི་སྲིད་པ་ལས་བྱུང་བ་ལགས་ཏེ། ལྷ་བཤོས་ལྡེམ་པ་དང་ཏིང་ལོར་བཅས། །མེ་མར་ཁ་ལྔ་སྤྱན་གཟིགས་བཅས། །ནམ་མཁའ་དཀར་པོ་དག་དང་ནི། །བཤོས་བུ་རྒྱས་པ་དེ་ལ་གཟུག །སྨྱུག་མ་གཙང་མ་ཚིགས་མང་དང་། །རིན་ཆེན་མཁར་ནི་སུམ་སྒྲོག་བྲི། །ལྷ་བཤོས་དེ་ལ་གཟུག་པར་བྱ། །འདབ་ཆགས་བྱ་དང་གཅན་གཟན་དང་། །མ་ཧེ་རྟ་དང་གླང་དཀར་དང་། །འབྲི་དཀར་གསོབ་དང་ལས་དག་བྱ། །ཁྱུང་གི་སྒོ་ང་ཟངས་ཀྱི་ཁྱི། །སྦྲུལ་གྱི་བླ་མེད་ལྕགས་ཀྱི་ཁྱི། །དཀོར་ནོར་དང་ནི་སྤྱན་གཟིགས་དང་། །དཀོར་བདག་དེ་ནི་མཆོད་པར་བྱ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བེ་ཀར་བསག་པའི་ལེའུ་སོ་བརྒྱད་པའོ།། །།ཧུ༷། སྲིད་པ་དང་པོ་ལས་བྱུང་སྟེ། །དང་པོ་བྱང་ཆུབ་སེམས་དཔའ་སྟེ། །ས་པ་ལ་ནི་གནས་པའི་ཚུལ། །དེ་ལས་ཚུལ་དང་སྡོམ་པ་ཉམས། །ས་ལ་བབས་ནས་ནམ་མཁའ་གནས། །དེ་ནས་ལྷ་ཡི་ཡུལ་དུ་བབས། །མི་དཀར་ལྡེམ་པ་ལ། །འོད་དཀར་ལམ་སེ་སེ་ལམ། །དབུ་ལ་འཛམ་བུ་གླིང་བཞིའི་དཔེ། །ཟླ་གམ་དང་ནི་སོག་ཁ་དང་། །ཟླུམ་པོ་གྲུ་བཞི་དབུ་ལ་ཚང་བར་འདུག །ལྷ་རྣམས་ཀྱི་ལྷ་བཤོས་དང་། མེ་ཏོག་སྣ་དགུ་དང་། རིན་ཆེན་སྣ་ལྔ་དང་། །མཐུན་པའི་ལས་འདི་འབུལ། །ལྷ་ཡི་རྒྱལ་པོའི་ཞལ་ན་རེ། །འུ་ཅག་ལྷ་ཡི་བུ་མོ་ཁབ་ཏུ་འདོད་པ། འདི་ནི་སྲིད་པའི་བུ་གཅིག་ཡིན་པར་ངེས། དབུ་ལ་འཛམ་བུ་གླིང་བཞི་ཚང་བར་འདུག་པས། བེ་ཀར་རྒྱལ་པོ་བྱ་བ་ཡིན་གསུངས་ནས། བེ་ཀར་རྒྱལ་པོར་བཏགས། འདི་ནི་དབུ་ལ་ཟེ་འབྲུ་ཡང་འདུག་པས། བྱང་ཆུབ་ས་ལས་ཆད་པ་ཡིན། གནམ་ལས་བྱུང་བས་འདི་ནི་གནམ་ལྷ་བྱང་ཆུབ་བྱ་བར་ཡང་བཏགས་སོ། །དེ་ནས་སྲིད་པ་ཡོངས་ལ་གནོད་དོ། །འཛམ་བུ་གླིང་བཞིར་བབས། བྷ་ཏ་ཧོར་གྱི་ཡུལ་དུ་བབས། །དེ་ན་དཀོར་གྱི་ལོངས་སྤྱོད་བསམ་མི་ཁྱབ། །ད་ལྷ་བོད་ཡུལ་ཡོངས་ལ་གནོད་པ་བྱེད། །སྲིད་པའི་རྒྱལ་པོ་མདོས་བཞེས་ཤིག །མེ་ཏོག་སྣ་དགུས་མཆོད། །ལྷ་བཤོས་རི་རབ་ཀྱིས་མཆོད། །སྣང་གསལ་འོད་ཀྱིས་མཆོད། །ནམ་མཁའ་ཡུལ་དུ་འབུལ། །མདའ་ནི་མཁར་དུ་འབུལ། །རིན་ཆེན་སྣ་ལྔ་གཏེར་དུ་འབུལ། །སྤྱན་གཟིགས་དཀོར་ཆ་མང་པོ་འབུལ། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དཀོར་གྱི་བདག་པོ་བེ་ཀར་བཅོས་པའི་ལེའུ་སོ་དགུ་པའོ།། །།དེ་ནས་ཡང་བཅོམ་ལྡན་འདས་གྱི་སྤྱན་སྔར། རྒྱལ་པོ་སྲོག་བདག་སྤྱན་གཅིག་དང་། །སད་བཞིས་རང་རང་གི་བཅོས་པའི་ཐབས་དང་ལས་འདི་དག་སྨྲས་སོ། །ས་གཞི་དེ་ནི་བརྟག་པ་དང་། །གསང་བདག་ཏིང་འཛིན་ལྡན་པ་དེས། །འབྲུ་སྣ་ཚང་བའི་ངར་ཕྱེ་ལ། །བྱིན་གྱིས་བརླབ་པ་ཚུལ་བཞིན་བྱ། །རི་རབ་དེ་ནི་ཆེན་པོ་ལ། །རྩེ་ལ་མེ་མར་ཁ་བཞི་བཏང་། །གླ་བ་སྤོས་དང་རྐང་དང་ཚིལ། །མར་དང་མཁྲིས་དང་གླ་བས་བརྒྱན། །ཟ་འོག་གུར་དང་ནམ་མཁའ་བཞི། །སེང་གེ་གཡུ་རལ་ཅན་དང་ཉི་མ་ཟེར་མདངས་རྒྱས་པ་དང་། །གཡུ་སྦྲུལ་སྔོན་མོ་དང་ནི་ཁྱུང་ཆེན་རྒྱས་པ་དང་། །གཞན་ཡང་མཁར་དང་ཕོ་བྲང་དང་། །གཡག་དང་ལུག་དང་བ་གླང་དང་། །རྟ་དང་བྱ་དང་མཐུན་པའི་ཡས་སྟགས་བསག །དེ་ཡིས་མཆོད་ཅིང་ལས་འདི་བྱ། །ལྷ་འདྲེ་སྟོང་གི་དྲ་བའིརྒྱུདཆེནཔོལས། རྒྱལ་པོ་གསོག་པའི་ལེའུ་བཞི་བཅུ་པའོ།། །།ཧུ༷། རྒྱལ་པོ་བྱང་ཆུབ་སེམས་དཔའ་ལགས་པར་ཆ་མ་མཆིས། །རྒྱལ་པོ་བྱང་ཆུབ་སེམས་དཔའ་ལགས་པར་ཆ་མཆིས་ན། །གཡའ་བ་ལ་ནི་ཕ་ཡི་རྒྱུ། །དམའ་བ་ལ་ནི་མ་ཡི་རྐྱེན། །ཉ་ལྕིབས་མཚོ་ཡི་གོས། །མི་མཚམས་བརྡ་རུ་མཚམས། །མཚམས་རྗེ་ཡག་པ་གཅིག །མི་ཡི་མི་སྔོན་ལགས། །ལག་པ་བརྒྱད་དུ་འདུག །ལག་པ་བརྒྱད་པོ་ཡང་། གཡུ་དང་མུ་མན་ལགས། །གློ་དང་སྙིང་ག་འདེབས། །སྐུ་ལ་རྨ་བྱའི་མདོངས་ཀྱི་ཐུལ་པ་གསོལ། དབུ་ལ་འཇའ་ཡི་ཐོད། འཇའ་ཐོད་མ་ལགས་ཏེ། ནད་ཀྱི་དབུ་རྒྱན་བྱ། རྨ་བྱའི་ཐུལ་པ་མ་ལགས་ཏེ། །དུག་གི་རི་མོ་ཅན། །གཡུ་རྟ་བྱ་གདོང་ཆིབས་སུ་ཆི་ས། །ཞོལ་ཞོལ་སྒྲ་ཡི་གཟུགས། །ཁོལ་བརྒྱད་རྗེ་དང་དགུ། །སྔར་ཡང་མ་མཆོད་དེ། །ད་ཡང་མཆོད་མི་འཚལ། །མི་འཚལ་བ་ཡི་དབང་མ་མཆིས། གཡས་ན་སྟག་སྨད་འཕྱང་། །གཡོན་ན་སྲུང་སྨད་འཁྱུག །ཐུགས་ཀའི་ཐལ་གྱིས་བུ་ཆུང་སྐུ་གཟུགས་འབར། །རྒྱལ་པོ་ཅིར་བརྫུན། ཁྲེལ་གྱི་ཉི་མ་དང་། །གཡུ་ཡི་ཉི་མ་དགུ་རུ་བརྫུས། རྒྱལ་པོ་ཉི་པད་སད། ཁེལ་གྱི་ཟླ་བ་དགུ་རུ་བརྫུས། །ཟླ་བ་ཕྱག་འཚལ་ན། །བདུད་དུ་མ་བབ་ཅིག །གཤེད་དུ་མ་བབ་ཅིག །རྒྱལ་པོ་གཟའ་རུ་བརྫུས། །ལྷ་དཀར་པོ་བསངས། །རྒྱལ་པོ་སེང་གེར་བརྫུས། །གཅན་གཟན་སྟོང་ཚོགས་ཀྱང་། །སེང་ལས་གཉན་མ་མཆིས་གངས་རི་སེང་བང་སད། །རྒྱལ་པོ་ཁྱུད་པད་སད། །རྒྱལ་པོ་ཉི་པད་སད། །ཁོང་མཚོ་དགུ་སྡེ་སད། །གཡུ་སྦྲུལ་སྔོན་པོར་བརྫུས། །ཀླུ་བྲན་སྟོང་གིས་བསྐོར། །ཀླུ་རྗེ་སྤྲུལ་པད་སད། །རྒྱལ་པོ་ནི་ཆེན་པོ་སྟེ། །འབོག་པའི་ནད་དུ་མཛད། །སྨྱོ་བའི་ནད་དུ་མཛད། །བརླམ་པའི་ནད་དུ་མ་མཛད་དང་། །རྒྱལ་པོ་ཆེན་པོ་ཁྱོད། །མགོ་འཁོར་བར་མ་མཛད། །མི་བས་གླུད་རེ་ཆེ། །རི་རབ་ཆེན་པོ་དང་། །གསལ་བའི་མར་མེ་དང་། །སྤྱན་གཟིགས་དཀོར་ཆས་མཆོད། །མཐུན་པའི་ཡས་ནི་འབུལ། །གླ་བ་སྤོས་ཀྱིས་མཆོད། །མཁྲིས་དང་མར་གྱིས་མཆོད། །མཐུན་པའི་ཡས་ཀྱིས་མཆོད། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། །རྒྱལ་པོ་བཅོས་པའི་ལེའུ་བཞི་བཅུ་གཅིག་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། བཙན་སིལ་མ་སྟོང་གིས་རང་རང་གི་བཅོས་པའི་ལས་འདི་དག་སྨྲས་སོ། །འབྲུ་སྣ་ཚང་བའི་གསང་ཕྱེ་ལ། །རི་རབ་དང་ནི་དཔག་བསམ་ཤིང་། །ནམ་མཁའི་གུར་དང་སིལ་མའི་རྐྱེན། །ས་ལ་འཛུལ་དང་གནམ་ལ་འཕུར། །གཟུགས་ནི་མང་པོས་བསྐོར་བར་བྱ། །ནམ་མཁའི་རིགས་ཚོགས་ཉི་ཤུ་གཅིག །མདའ་དམར་གྲངས་ཀྱང་དེ་བཞིན་བྱ། །བཙན་བཤོས་ཟུར་གསུམ་ཉི་ཤུ་གཅིག །བྱ་དང་ངར་བུ་གྲངས་ཀྱང་དེ་བཞིན་བྱ། །རྟ་པ་ཕུབ་ཅན་གྲངས་ཀྱང་དེ་བཞིན་བྱ། །སྤྱན་གཟིགས་དཀོར་ཆ་ཕུད་ཀྱིས་མཆོད། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཙན་སིལ་མ་བསག་པའི་ལེའུ་བཞི་བཅུ་གཉིས་པའོ།། །།ཧུ༷། ཕྱི་བཙན་ཆེན་པོ་སྟེ། །ཁ་བཞི་མིག་བརྒྱད་པོ། །ང་རྒྱལ་ཆེན་པོའི་གཙོ། །བཙན་ཕྲན་ནི་ཁ་ལོ་བསྒྱུར། །སྲིད་པ་གསུམ་གྱི་སྲོག་དབུགས་བདག །སྐྱེ་འགྲོ་མ་ལུས་བདག །མི་ཡི་བདུད་དང་ཕྱུགས་ཀྱི་ནད། །མདོས་མདག་མདོས་བཞེས་དང་། །འབྱུང་བ་ལྔ་ཡི་བཙན། །མི་དཀར་རྟ་དཀར་དྲེ་ཟའི་འཁོར། །ལྷོ་བཙན་མི་སྔོ་རྟ་སྔོ་དེ། །གཤིན་རྗེའི་གདོན་ཚོགས་འཁོར། །ནུབ་བཙན་མི་དམར་རྟ་དམར་ཏེ། །ཀླུ་བཙན་འཁོར་དང་བཅས། །མདོས་བདག་མདོས་བཞེས་དང་། །བྱང་ཕྱོགས་གནོད་སྤྱིན་བཙན། །མི་ལྗང་རྟ་ལྗང་སྟེ། །གནོད་སྦྱིན་གདོན་ཚོགས་འཁོར་དང་བཅས། །མདོས་བདག་མདོས་བཞེས་དང་། །བཙན་ནི་སྟོང་སྡེ་ཡང་། །སྡེ་ནི་དམངས་རིགས་སྡེ་རུ་གཏོགས། །འབྱུང་བ་ལྔ་ལ་གནས་བཅས་ནས། །ང་རྒྱལ་ཁེངས་པས་སྲིད་པའི་མི་ལ་གནོད། །བཙན་གྱི་སྟོང་སྡེ་ལས། །ཁྱེད་སྲིད་པ་ནི་ཁྱབ་པར་གནས། །འཕན་པོ་བཙན་གྱི་བུ། །གཟེར་དང་ཁྲག་སྒྱུག་ནད་དུ་མཛད། །ལ་ལ་འབྱུང་བ་ནམ་མཁའ་དག་ལ་གནས། །སྐར་ཆེན་གཞན་དང་དགུ་ཚིགས་གནས། །ཉི་ཟེར་ཟླ་ཟེར་དག་ལ་གནས། །མི་བུ་གསོད་པར་མཛད། །དུད་འགྲོ་ཤན་དམར་བྱེད། །གནམ་ལྕགས་མདའ་ལྟར་འཕེན། །མདོས་བདག་མདོས་བཞེས་དང་། །ལ་ལ་འབྱུང་བ་ས་ལ་གནས། །ས་དང་རླན་གྱི་བུ། །མི་བཀྲ་རྟ་བཀྲ་འབྱུང་། །ཞགས་པ་མདའ་ལྟར་འཕེན། །བཙན་དམག་གཡོབ་ཅིང་རྒྱུག །མདོས་བདག་མདོས་བཞེས་དང་། །ལ་ལ་ཤིང་དང་ས་ལ་གནས། །མི་དཀར་རྟ་དཀར་དང་། ཁྲེང་ལོ་གོས་སུ་བསོག །ཐང་ཆུ་སྐོམ་དུ་འཐུང་། ཁེང་འབྲས་ཟས་སུ་ཟ། །སྲིད་པ་ཀུན་ཏུ་རྒྱུག །གནས་པ་ཤིང་ལ་གནས། །གནོད་པ་མི་ལ་གནོད། །རྒྱབ་ཏུ་ཀླུ་ཆེན་གཡོབ། །མདོས་བདག་མདོས་བཞེས་དང་། །ལ་ལ་འབྱུང་བ་བྲག་ལ་གནས། །ལ་ལ་བྲག་དམར་རྩེ་ལ་གནས། །ལ་ལ་བྲག་ནག་ངོས་ལ་གནས། །ལ་ལ་བྲག་སེར་ངོས་ལ་གནས། །ལ་ལ་བྲག་དཀར་ཟུར་ལ་གནས། །འབྱུང་བའི་མི་དེ་རྟ་ལ་ཤོན། །ལ་ལ་མི་དཀར་རྟ་དཀར་རྒྱུག །ལ་ལ་མི་དམར་རྟ་དམར་ཏེ། །ལ་ལ་མི་སེར་རྟ་སེར་འབྱུང་། །ལ་ལ་མི་ནག་རྟ་ནག་ཅན། །ལ་ལ་ཤིང་གི་རི་མོ་ཅན། །ལ་ལ་རིན་ཆེན་སྣ་ལྔས་བརྒྱན། །ལ་ལ་དར་དང་ནམ་མཁའ་གསོལ། །གནས་པ་བྲག་ལ་གནས་ཤིང་རྒྱུ་བའི་རྩེ་ལུང་གསུམ་རྒྱུ། །གནོད་པ་འཛམ་བུ་གླིང་གི་མི་ལ་མཛད། །མདོས་བདག་མདོས་བཞེས་དང་། །གླུད་བདག་གླུད་བཞེས་དང་། །བྲག་བུ་སྐྱ་རེ་ལ། །བཙན་བུ་སྐྱ་རེ་གནས། ལུང་པ་སུལ་རེ་ལ། །བཙན་ཕོ་སྐྱ་རེ་གནས། །མཁར་དང་རྫོང་རེ་ལ། །བཙན་པོ་སྐྱ་རེ་གནས། །མདོས་དང་ཡས་བཞེས་དང་། །སྨ་བཙན་སྔོན་དང་རྗེ། །སེ་བཙན་སྤུན་དགུ་དང་། །དུར་བཙན་དགུ་པོ་ཁ། །བྲག་བཙན་ཤོར་བ་རྗེ། །གནམ་བཙན་འཕྲུལ་བུ་རྗེ། །ས་བཙན་ལྡོན་དེ་ན། །ཆུ་བཙན་སྔོན་དང་རྗེ། །གངས་བཙན་རོམ་བུ་རྗེ། །གཡའ་བཙན་དར་བཙན་རྗེ། །སྤང་བཙན་གང་བུ་རྗེ། །ནགས་བཙན་མུན་དང་རྗེ། །གཡེ་བཙན་ཁྲིན་དུ་རྗེ། །མདོས་བདག་མདོས་བཞེས་དང་། །གླུད་བདག་གླུད་བཞེས་དང་། །བཙན་བྲན་སྟོང་སྡེ་དང་། །འབྱུང་བ་ཁྱབ་པར་གནས། །སྐྱེ་འགྲོ་ཀུན་ལ་གནོད། །མདོས་བདག་མདོས་བཞེས་དང་། །ཞེས་བསྔོས་ལ་གཏང་ངོ་། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཙན་བཅོས་པའི་ལེའུ་བཞི་བཅུ་གསུམ་པའོ།། །།དེ་ནས་ཡང་སྟོན་པའི་སྤྱན་སྔར། ཀླུ་བཙན་མཆེད་གསུམ་གྱིས་རང་རང་གི་ལས་འདི་དག་སྨྲས་སོ། །གླུད་བདག་ཏིང་འཛིན་ལྡན་པ་དེས། །དར་དཀར་རས་དཀར་གདན་སྟེང་དུ། །འབྲུ་སྣ་གསུམ་མམ་ཚང་བ་ལ། །བཙན་བཤོས་ཟུར་གསུམ་བྱས་ནས་ནི། །དམར་དང་སེར་དང་ནག་པོར་བྱ། །མདའ་ནི་ལྟོང་དམར་ལྟོང་སེར་དང་། །ལྷོང་ནག་གསུམ་ནི་གཟུག་པར་བྱ། །གླང་དམར་དང་ནི་ལུག་དང་ར་དང་གསུམ། །བྱ་དང་བཅས་པ་བསག་པའོ། །སྦལ་ལྕོང་ཉ་དང་ནི། །སྦྲུལ་དང་རྩངས་པ་རྟ་དང་ཕུག་རོན་དང་། །སྡིག་པ་བ་གླང་བཅས་པ་བསག །ངར་བུ་བྱ་དང་གཟུགས་ཀྱང་བསག །འོ་མ་སྣ་ཚོགས་རྩི་སྨན་བཅས། །མེ་ཏོག་འབྲུ་སྣ་མང་པོ་དང་། །ནམ་མཁའ་གསུམ་ནི་རིགས་དང་བསྟུན། །འབྲང་རྒྱས་གསུམ་ལ་གཟུག་པར་བྱ། །དཀྱིལ་དུ་སྤྱི་ཡི་བཤོས་བུ་ཁྲུ་གང་བཞག །ཕུད་དང་འབྱོར་པ་ཚང་བར་བསག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཀླུ་བཙན་བསག་པའི་ལེའུ་བཞི་བཅུ་བཞི་པའོ།། །།དེ་ནས་ཡང་བསྔོ་བ་ནི། ཧུ༷། སྲིད་པ་ཀུན་གྱི་བདག །ཀླུ་བཙན་ནི་མཆེད་དེ་གསུམ། །ནད་དང་སྣ་ཚོགས་གཏོང་། །གདུག་པ་ཆེ་ཞིང་ལྷ་འདྲེ་ཀུན་གྱི་རྒྱབ་མཛད་པ། །ཕ་ནི་བཙན་ལ་མ་ནི་ཀླུ་ཡི་ལྕམ་མོ་དེ། །ཀླུ་བཙན་ཚོགས་པའི་དྲག་ཤུལ་ཅན། །ཕ་ནི་འགྲོ་སྟེང་རྒྱལ་བ་ཡིན། །མ་ནི་བཙུན་བཟའ་ལྕམ་གཅིག་མ། །བུ་ནི་སྤུན་གསུམ་བྱུང་བ་ལ། །ཕུ་བོ་ཀླུ་བཙན་ནག་པོ་གཅིག །མི་ནག་མདུང་ཙམ་གཅིག །དར་ནག་རལ་ཀ་གསོལ། །སྦྲུལ་ནག་ཟ་ར་ཚགས། །སྦལ་ནག་ཆ་ག་ཅན། །རྟ་ནག་ཆེན་པོ་ཆིབས། །གཡས་ན་སེ་བཙན་སྟོང་གི་དམག་སྣ་འདྲེན། །གཡོན་ན་བྲག་བཙན་སྟོང་གི་སྣ་ཡང་འདྲེན། །རྒྱབ་ན་གདུག་པ་ཀླུ་ཡི་བུ། །སྣ་ནི་ཐེ་རང་ཆེན་པོས་འདྲེན། །མདོས་བདག་མདོས་བཞེས་དང་། །ཀླུ་བཙན་དམར་པོ་དེ། །མི་དམར་མདུང་ཙམ་གཅིག །གླང་དམར་རུ་དམག་ཆིབས། །དར་དམར་རལ་ག་ལ། །སྦྲུལ་དམར་གདེངས་རལ་ཅན། །སྦལ་པ་དམར་པོའི་ཆ་ག་ཅན། །སྡོམ་སྡིག་སྣ་ནས་འཐོར། །འབྲུམ་བུ་ནག་དང་ནད་ཁྲག་མང་པོ་འཐོར། །བཙན་ཕྲན་འབུམ་ནི་སྣ་ཡང་འདྲེན། །གདུག་པ་ཀླུ་ཡི་རྒྱབ་མཛད་པ། །མདོས་བདག་མདོས་བཞེས་དང་། །ཀླུ་བཙན་མཆེད་གསུམ་ཁྱོད། །སྟོན་པ་སྟོང་གི་སྡེ་དཔོན་ལུང་ལ་ཉོན། །དྲེགས་པ་ཀུན་གྱི་རྒྱབ་མཛད་པ། །ཡི་དྭགས་འདྲེ་བཀྲན་མ་འདྲེན་སྣ་མ་མཛད། །ཅེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། །ཀླུ་བཙན་བསྔོ་བའི་ལེའུ་བཞི་བཅུ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བརྟན་མ་བཅུ་གཉིས་ཀྱིས་རང་རང་གི་བཅོས་པའི་ཐབས་ཚིགས་སུ་བཅད་པ་འདི་དག་སྨྲས་སོ། །གསང་བདག་ཏིང་འཛིན་ལྡན་པ་དེས། །འབྲུ་སྣ་ཚང་བའི་ཕྱེ་མ་ལ། །བྱིན་གྱིས་བརླབ་ཅིང་སྦྲུས་ནས་སུ། །རི་རབ་ཁ་དོག་རིགས་དང་བསྟུན། །དཔག་བསམ་ཤིང་དང་ནམ་མཁའ་ཚོན་སྣ་ལྔའི་གུར། །དར་དང་རྒྱ་ལོང་བརྒྱན་པར་བྱ། །ར་དང་ལུག་དང་བྱ་དཀར་མོ་དང་། སྨུག་མོ་དང་དམར་མོ་དང་སྔོན་མོ་དང་བཅས་པ་མང་དུ་བསག་གོ ཁྲ་བ་དང་རྟ་དང་གླང་དང་མཛོ་རྟོལ་དང་། སོ་བྱ་དང་འབྲི་དང་བཅས་པས་རི་རབ་བསྐོར། འབྲང་རྒྱས་བཅུ་གཉིས་རི་རབ་དཀྱིལ་དུ་ཆེ་བ་གཅིག་བྱ། དེ་ལ་ནམ་མཁའ་དམར་པོ་བཞི། དཀར་པོ་བཞི། ནག་པོ་བཞི་བྱས་ལ་འབྲང་རྒྱས་ལ་གཟུག །འཕང་གི་གྲངས་ཀྱང་དེ་བཞིན་གཟུག །ལྷ་རྫས་ལྷོ་རྫས་བྱང་རྫས་བསག ཁྲ་ཁྲག་གཏོར་མ་དཀོར་ཆ་རིན་ཆེན་ཕུད་རྣམས་བསག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བརྟན་མ་བསག་པའི་ལེའུ་བཞི་བཅུ་དྲུག་པའོ།། །།ཧུ༷། བརྟན་མ་ནི་བཅུ་གཉིས་ཏེ། །སྐྱོང་མ་དང་ནི་བཅུ་གསུམ་ནི། །དབང་ཕྱུག་དང་ནི་དྲེགས་པའི་བུ། །དྲེགསཔ ཆེནཔོའིབུམོསྟེ། །ལ་ལ་དྲག་ཅིང་མཐུ་རྩལ་ཁྱད་པར་མི་བཟད་དེ། །རི་རབ་རྩེ་བསྙིལ་རྒྱ་མཚོའི་གཞུང་ཡང་སྐེམ། །གནམ་གྱི་མཐའ་བསྐོར་སྲིད་པའི་རླུ་་བས་མགྱོགས། །ཁྲམ་ཤིང་ཤོ་རྡེ་དཀར་ནག་བྱང་དམར་དཀྱུས། །ཚོན་གྱི་གྲུ་གུ་ནད་ཀྱི་རྐྱལ་པ་རྡེབས། །བརྒྱལ་དང་ཁྲག་སྒྱུག་གཟེར་བའི་ནད་རྣམས་གཏོང་། །འདིར་སྤྱོན་སྲིད་པའི་མདོས་ལ་སྤྱན་འདྲེན་ན། །ཕ་ནི་གནམ་གྱི་རྫི་རྒན་དེ། །མ་ནི་ནག་མོ་ཁྲོ་གཉེར་ཅན། །བུ་མོ་བདུད་མོ་ཆེན་མོ་བཞི། །བདག་ཉིད་རྡོ་རྗེ་ཀུན་གྲགས་མ། །བདུད་རྟ་ནག་པོ་ཞོན་ནས་སྲིད་པ་ཁྱབ་བྱེད་མ། །དར་ནག་ལུས་ལ་གོན་ཞིང་ཁྲམ་ནག་ཕྱག་ན་བསྣམས། །དཔལ་ལྡན་རྡོ་རྗེ་གཡའ་མ་སྐྱོང་། །གསལ་ལེ་གྲུས་མོ་ཤོན་ནས་སྟོང་ཁམས་ཁྱབ་པར་ཉུལ། །བདུད་དར་ནག་པོ་གོན་ཞིང་ཁྲམ་ལ་ མདའ་ལྟར་འཕེན། །གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་། །རྔ་མོ་སྐེ་རིང་ཞོན་ནས་སྲིད་པ་ཀུན་ཏུ་འགྲོ། །མཐིང་ནག་ལེའུ་གོན་ནས་རིན་ཆེན་རྒྱན་ཆས་སྤྲས་ཤིང་ཁྲག་གི་གྲུ་ཆར་འདེབས། །འབྲོག་ཆེན་འཁོར་འདུལ་རྡོ་རྗེ་བགེགས་ཀྱི་གཙོ། །དྲིལ་ནག་ཞོན་ནས་དར་གྱི་ལའུ་གྱོན་ཞིང་རུ་མཚོན་འཕྱར། །མེ་མིག་འཕྲོ་ཞིང་སྲིད་པར་རྒྱུག །བདུད་མོ་ཆེན་མོ་བཞི་ཡང་མདོས་བཞེས་དང་། །ཕ་ནི་ཟངས་མགྲིན་ཆེན་པོ་སྟེ། །མ་ནི་དམར་མོ་མཆེ་གཙིགས་མ། །བུ་ནི་གནོདསྦྱིནཆེནམོབཞི། །གངས་ཀྱི་ཡུམ་ཆེན་རྡོ་རྗེ་གཡུ་བུན་མ་ནི་དཀར་མོ་མཛེས་མ་ལ། །གསེར་གཡུ་མཛེས་པའི་རྒྱན་གྱིས་སྤྲས། །སྨན་ཤཡུཆུངཤོནནསརྒྱུག །གསེར་ཆེན་མཁའ་ལ་ལྡིང་བ་རྡོ་རྗེ་ཀླུང་ཆེན་མ། །རིན་ཆེན་སྣ་ལྔས་བརྒྱན་ནས་རྐྱང་བུ་ཞོན་ནས་རྒྱུག །རྨ་རི་རབ་འབྱམས་རྡོ་རྗེ་གྲགས་མོ་རྒྱལ། །རྨར་སྣམ་མཛེས་པ་གསོལ་ནས་རིན་ཆེན་ཆ་ག་ཅན། །ཁ་རག་ཁྱུང་བཙུན་སྲིད་པ་ཀུན་གྱི་ཡུམ། །དམར་མོ་རིན་ཆེན་རྒྱན་དང་དར་གྱི་ན་བཟའ་གསོལ། །གནོད་སྦྱིན་ཆེན་མོ་བཞི་ནི་མདོས་བཞེས་དང་། །ཕ་ནི་ལྷ་ཆེན་པོ་སྟེ། །མ་ནི་དཀར་མོ་བཞིན་བཟང་མ། །བུ་མོ་སྨན་མོ་ཆེན་མོ་བཞི། །ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་། །དཀར་མོའི་ལུས་ལ་རིན་ཆེན་གོ་ལྕོག་ཅན། །ཆིབས་སུ་ཤ་བ་ཡུ་མོ་ཞོན་ནས་རྒྱུག་ཅིང་རྨེན་ནད་གཟེར་བ་གཏོང་། །མ་བཙུན་ཨུག་ཆོས་རྡོ་རྗེ་གཡར་མོ་བསིལ། །ཆིབས་སུ་རྔ་མོ་ཆིབས་ནས་མཛེས་པའི་རིན་ཆེན་གསོལ། །བཙན་ལ་རོལ་ལོ་རྡོ་རྗེ་སྨན་གཅིག་མ། །ན་བཟའ་རིན་ཆེན་སྣ་ལྔས་བརྒྱན། །སྨན་མོ་བཞི་ཡང་སྲིད་པའི་མདོས་བཞེས་དང་། །མ་བཙུན་བརྟན་མ་བཅུ་གཉིས་པོ། །གསང་བདག་སྟོན་པའི་སྤྱན་སྔ་མྲ །བསྟན་པ་བསྲུང་བར་དམ་བཅས་པ། ཁུ་ནི་སྲིད་པ་ཁྱབ་པར་རྒྱུ། །མཐུ་རྩལ་ཆེན་པོའི་ཁྱད་པར་ནི། །བདག་ཅག་བརྟན་མ་བཅུ་གཉིས་ཏེ། །བསྟན་པ་གཉན་པོ་བསྲུང་བ་ན། །བསྟན་པ་གཉན་པོ་འཇིག་པ་ནི། །སྔགས་ཀྱི་ཡང་དབེན་འཇིག་པ་ན། །ལྕགས་ཐོག་ཟངས་ཐོག་རྡོ་ཐོག་དབབ་བྱས་ལ། །དེ་རུ་བཅད་ཅིང་གསད་པར་བྱ། །ཞལ་གྱི་ངད་བདག་ལས་ནི། །དུང་སེར་དཀར་པོ་དེར་ཕབ་ལ། །འབྲུ་སྣ་རྩི་ཐོག་སྐེམ་ཞིང་སེམས་ཅན་རླག་པར་བྱེད། །ཚོན་གྱི་གྲུ་གུ་དེར་བརྐྱངས་ལ། །སྣ་ལྔའི་ནད་ཀྱིས་བཅིང་བར་བྱ། །ནད་ཀྱི་རྐྱལ་པ་དེར་བརྡབས་ལ། །སེམས་ཅན་དམྱལ་ཐག་གཅད་པར་བྱ། །གཟེར་ནད་ཁྲག་སྒྱུག་གཏང་བར་བྱ། །བྱང་དམར་དཀྱུས་ལ་གདབ་པར་བྱ། །ཁྲམ་ལ་གདབ་ཅིང་ཤོད་ལ་དགྲམ། །སངས་རྒྱས་བསྟན་པ་དེར་སྲུང་ངོ་། །དུས་ངན་ཐ་མ་ལན་ཅིག་བྱུང་བའི་ཚེ། །བདག་ཅག་རྣམས་ཀྱི་བསྟན་པ་འབྱུང་། །ལྟོས་ན་ཡོན་ཏན་ཚེ་སྲོག་བསྲིང་། །མིང་པོ་བགེགས་ཅན་རྣམས་དང་ནད་སྣ་མང་པོ་བསྲུང་། །འབྲུ་རྣམས་འཁྲུངས་ཤིང་སྐུ་ཚེ་བསྐྱབ་པར་བྱ། །བོད་ཁམས་སྐྱོང་བའི་བརྟན་མ་རྣམས། །རི་རབ་ནམ་མཁའ་སྐྱེ་འགྲོའི་གཟུགས། །འབྲུ་བཅུད་སྐྱེམས་དང་ཤ་སྣ་ཁྲག་སྣ་དང་། །སྤྱན་གཟིགས་དཀོར་ཆ་མཐུན་པའི་ཡས་རྣམས་འབུལ། །དེ་རིང་སྲིད་པའི་མདོས་བཞེས་དང་། །ནད་ཁ་སྒྱུར་ལ་གོད་ཁ་སྡོམས། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བརྟན་མ་བཅོས་པའི་ལེའུ་བཞི་བཅུ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། དྲེགས་པ་ཐམས་ཅད་ཀྱིས་སྨྲས་པ།བདག་ཅག་རྣམས་ནི་ཚེ་དང་སྲོག་ལ་དབང་བྱེད་པ་སྟེ། འཛམ་བུའི་གླིང་གི་མི་རྣམས་ཀྱི་ཚེ་དང་སྲོག་ལ་དབང་བྱེད་པ་སྟེ། ཚེ་སྲོག་གི་བདག་པོའང་བདག་ཅག་ལགས་ཏེ། མི་དེའི་སྲོག་དང་གླུད་བརྗེ་བར་འདོད་ན།ལུག་གམ་ཙ་ར་གང་ཡང་རུང་། །གསང་བདག་ཏིང་འཛིན་ལྡན་པ་དེས། །དབང་བསྐུར་བར་དུ་བྱིན་གྱིས་བརླབ་བྱས་ནས། །དེ་ལ་མི་ཡི་ཞྭ་དང་གོས་དང་ལྷམ་ནི་བཀོན། །མཚལ་ཐིག་གདབ་ཅིང་གསེར་གཡུས་བརྒྱན། །ཕུད་གཙང་དང་ནི་ཆས་ཀྱིས་བཤམ། །དེ་ལྟར་བཤམས་ནས་སྔོན་བཞིན་ཕུལ་ན། དེ་ཡིས་མི་དེས་གླུད་དུ་བརྗེ་སྟེ་ནད་རྣམས་སོས་ལ་འཆི་བ་བཟློག །ཅེས་གསུངས་སོ། །ཧུ༷། སྲིད་པས་བསྐོས་པའི་ཕུང་པོ་བསྐོས་པ་ཞེས། །སྲིད་པའི་བྱ་མཁན་ནད་ཁྲོལ་ཤ་ལ་བྱོན་མཛོད་ཅིག །རུ་བདུད་ཆེན་པོ་རུ་ལ་བརྟེན། །བདུད་ཀྱི་སྤྱི་མེས་ཆེན་པོ་ཁྱོད། །ཙ་ར་རྒྱལ་བ་འདི་ཡི་བཅུད་བཞེས་ཤིག །ལྷུ་ནི་བཅུ་གཉིས་མགོ་དང་བཅུ་གསུམ་ལ། །ཡ་བདུད་བཅུ་གསུམ་གླུད་བཞེས་དང་། །ཡ་མཁལ་ཡ་བདུད་ཆེན་པོ་རྣམས་ལ་འབུལ། །མ་མཁལ་མ་བདུད་ཆེན་པོ་དག་ལ་འབུལ། ཁྲ་ལ་ཁམ་རེ་ཁྲག་ལ་ཐིགས་རེ་དང་། །སྐྲུ་ལ་ཉག་རེ་བདུད་བྲན་བཞེས། །ནམ་ཚོང་ལྷ་བདུད་གང་དུ་བཞེས། །གཤར་ཁ་དུར་བདུད་དུར་བཙན་བཞེས། །གཉེ་མ་གཉིས་བདུད་གཉིས་མ་ཁམ་བདུད་བཞེས། །གཞུང་བུ་སྤྱི་བཙན་ཆེན་པོ་སྟེ། །ཕུང་པོ་ལྔ་ནི་འབྱུང་བའི་བཙན། །མཆིན་པ་བྲག་བཙན་རྗེ་བཙན་བཞེས། །སུལ་མང་བཙན་བྲན་སྟོང་སྡེས་བཞེས། །སྙིང་དང་སྲོག་རྩ་སྲོག་བདག་འཁོར་དང་བཅས་པས་བཞེས། །གློ་བ་སིལ་མ་སྟོང་སྡེ་བཞེས། ཁྲན་སྨན་སྨེན་བུ་རྒྱལ་ཐེའུ་རང་སྤུན་དགུས་བཞེས། །སྲོག་བདག་གཡས་གཡོན་ནང་ཁྲོལ་ཚོགས་དང་བཅས། །བདུད་མོ་འཁོར་དང་བཅས་ལ་འབུལ། ཁྲ་ཁྲག་རློན་པ་ཐེ་རང་སྟོང་སྡེ་བཞེས། །ཕོ་བ་རྨང་ཁ་ཇ་ལ་མ་རྣམས་བཞེས། །གྲོད་པ་ས་བདག་ཀླུ་གཉན་བཞེས། ཁྲ་ཁྲག་རུས་པའི་ཕུང་པོ་ཡི་དྭགས་འདྲེ་བཀྲེན་བཞེས། །སྒོ་བཞི་འཕྲང་བ་བཞེས། མི་དང་ཤ་རུ་བརྗེས། མི་དང་ཁྲག་ཏུ་བརྗེས། མི་དང་སྲོག་ཏུ་བརྗེས། སྲོག་པའི་མདོས་བཞེས་དང་།ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མི་དང་གླུད་བརྗེ་བའི་ལེའུ་བཞི་བཅུ་བརྒྱད་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ལྷ་ཡི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བགེགས་ཆེན་དེ་དག་ཀུན་རྣམས་ནི། །མཆོད་ན་ཏིང་འཛིན་ཇི་ལྟར་བགྱི། །བསྒྲུབ་ན་དབང་དུ་ཇི་ལྟར་བསྡུ། །དུས་ནི་གང་དང་གང་ལ་འཇུག །དྲག་པོའི་ལས་ནི་གང་ལ་བྱ། །མནན་དང་གཏད་པ་བྱེད་ན་ཏིང་འཛིན་ཇི་ལྟར་བྱ། །གཉེན་པོ་སྟོབས་ཀྱི་ལྷ་ནི་གང་། །བྲི་བ་སྣག་ཚའི་རྒྱུ་ནི་གང་། །དུས་ཚོད་གནན་པ་གང་ལ་བྱ། །ཞེས་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། །བརྒྱ་བྱིན་ཉོན་ཅིག །མཆོད་ན་རྣལ་འབྱོར་ལྷ་ཡི་གདེང་དུ་འཇུག །མགྲོན་ཐབས་སྤྱན་དྲང་མཆོད་པ་སྤྲུལ་པས་བཀྱེ་ལ་བཏང་། །སླར་ལོག་ཚེ་བསྟིམ་བཀྲ་ཤིས་གསོལ། །བསྒྲུབ་ན་ཏིང་འཛིན་གསལ་བས་ཟླ་སྟོད་དག་ལ་འཇུག་པ་སྟེ། །གཟའ་དང་སྐར་མ་ཤིས་པ་དག་ལ་འཇུག །ཉ་ནས་མར་ཏེ་དྲག་པོའི་ལས་རྣམས་བརྩམ། །བདག་ནི་ཏིང་འཛིན་གསལ་བ་ལ། །བགེགས་རྣམས་དབང་སྡུད་བྲན་གྱི་ཚུལ་དུ་ལས་བྱེད་པའོ། །སེམས་ལ་ཁུ་འཕྲིག་མེད་ལ་བལྟ་བ་བསར། །དེ་ཡིས་ལས་རྣམས་འགྲུབ་པར་འགྱུར། །གཏད་པའི་ལས་ནི་འདི་དག་སྟེ། །གསང་བདག་ཀླུ་བདག་འཇམ་དཔལ་ཏིང་འཛིན་ལྡན་པ་དེས། །ཕྱི་དྲོའི་དུས་སུ་བྲི་ཞིང་ནམ་གྱི་གུང་དུ་སྲོད་ལ་མནན། །སྣག་ཚ་སྣག་ཚ་ཆེན་པོ་སྟེ། །མི་དང་ཁྱི་དང་ར་ཡི་ཁྲག་གིས་བྲི། །དེ་ཡིས་ལས་རྣམས་འགྲུབ་པར་འགྱུར། །ཞེས་གསུངས་སོ། །དེ་ནས་ཡང་བརྒྱ་བྱིན་གྱིས་བཅོམ་ལྡན་འདས་ཀྱི་སྤྱན་སྔར་འདི་སྐད་ཅེས་གསོལ་པ་དང་། སྟོན་པས་བཀའ་སྩལ་པ། ལྟ་བ་ཞེས་བྱ་འདི་ལྟར་བལྟ། །ཐམས་ཅད་བྱང་ཆུབ་སེམས་ཆེན་ཏེ། །སེམས་ལས་མ་གཏོགས་སངས་རྒྱས་མེད། །བདག་ནི་སྐྱེ་མེད་བྱང་ཆུབ་སེམས་སུ་བལྟ། །སྐྱེ་བ་མེད་པའི་ངང་ལས་ཐམས་ཅད་བྱུང་བ་སྟེ། །བྱུང་བ་ཉིད་ལས་དངོས་པོ་མེད།་།ནམ་མཁའ་སྟོང་མེད་དངས་པ་ལ། །སྤྲིན་དང་ཁུ་རླངས་ཅི་བྱུང་ཡང་། །ནམ་མཁའི་ངང་ལས་བྱུང་བ་ལ། །ཞི་ཡང་ནམ་མཁའི་ངང་དུ་ཞི། །དེ་བཞིན་སྐྱེ་མེད་བྱང་ཆུབ་སེམས་དེ་ཡིས། །སྐྱེ་བའི་ཆོ་འཕྲུལ་ཇི་ལྟར་བྱུང་ཡང་སེམས་ཉིད་ངང་དུ་ཞི། །དེ་ལ་སྐྱོན་གྱིས་གོས་པ་མེད། །དེ་ལྟར་རྟོགས་ན་དེ་ལ་ཉེས་པའི་སྐྱོན་མི་གོས། །ཞེས་སྩལ་ཏོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ལྷ་བསྐྱེད་དང་དུས་དང་སྣག་ཚ་བསྟན་པ་དང་དབང་དུ་བྱ་བ་དང་། ལྟ་བ་བསྟན་པའི་ལེའུ་བཞི་བཅུ་དགུ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བརྒྱ་བྱིན་གྱིས་སྨྲས་པ། བཅོམ་ལྡན་འདས་འཇིག་རྟེན་འདི་ཡི་དཀོར་དང་གཙུག་ལག་ཁང་རྣམས་ཀྱི་མངའ་བདག་གང་གིས་བགྱི་ཞེས་ཞུས་པ་དང་། སྟོན་པས་བཀའ་སྩལ་པ། འཇིག་རྟེན་འདི་ན་མཐུ་ཆེ་བ། ལྷ་ཆེན་མ་ཧྭ་ཀྭ་ལ་ཞེས་བྱ་བ་ཡོད་དེ། དེ་ཡི་སྲིང་མོ་བདུད་མོ་ཕུང་བྱེད་ཁྲམ་ཐོགས་བྱ་བ་ཡོད། །དེ་གཉིས་ཀྱིས་བསྲུང་བར་བགྱིའོ་ཞེས་བཀའ་སྩལ་པ་དང་། བཅོམ་ལྡན་འདས་ཀྱིས་དབང་དུ་བསྡུས་ཏེ། མིང་སྲིང་གཉིས་བཅོམ་ལྡན་འདས་ཀྱི་དྲུང་དུ་བྱུང་ནས། གཙུག་ལག་ཁང་ངམ་དུར་ཁྲོད་ལྷ་རྟེན་དུ། བདག་ཅག་མིང་སྲིང་གི་སྐུ་བྲིས་ནས་སུ། སྔགས་ཀྱིས་འདོན་ཅིང་གང་ལྟོས་པ། ཇི་ལྟར་འདོད་པའི་མཐུ་ནི་དངོས་གྲུབ་འབྱུང་ངོ་། །ལས་རྣམས་ཐམས་ཅད་གྲུབ་པར་བྱའོ། །དམོད་པའི་མཚོན་ཆ་གང་ལ་སྨོས་པ་དམྱལ་ཐག་གཅོད་དོ། །ཞེས་གསུངས་སོ། །ཨོ་མ་ཧྭ་ཀྭ་ལ་ཡག་ཤ༷་པྲི་མ་རྦད་ཤག་ཡ། ཀྭ་ལ་ཧ་ལ་ནི་འགྱོ་མྱགས་རུབ་ཐུམ་ཡ། ཨོ་རུ་རུ་རག་མོ་ཧ་ལ་ཙ་ལ་ཧུར་ཧུར། བ༷་ཤག་རྦད། རུ་ལུ་ས་མ་ཡ་ཐིབས། པི་ཤག་ཙ་ཙ་ར་ཙ་ཡ་སྨྱོ་ཐུན། རྦད་བུ་རྦད་བུ་ཡག་མོ་རུ་རུ་སྙིང་རྩ་ལ་ཤད་དེ་ཤད་དེ། ཞེས་ཕུལ་མ་ཐག་ཏུ་བྱིན་གྱིས་བརླབས་ཀྱིས། མ་ཧྭ་ཀྭ་ལ་ཞེས་བྱ་བ་དང་། སྲིང་མོར་བཅས་འོངས་ནས། བདག་ཅག་གིས་བཅོམ་ལྡན་འདས་ཀྱི་བསྟན་པ་བསྲུང་བར་བགྱི། དཀོར་ཁང་ཡང་བསྲུང་བར་བགྱི། དབེན་གནས་བསྲུང་བར་བགྱིའོ། །ཞེས་གསུངས་ནས།མིང་སྲིང་གཉིས་ཀྱིས་སྨྲས་པ། དུས་ངན་ཐ་མ་བྱུང་བའི་ཚེ། །ཆོས་འཁོར་གཉེན་པོ་བཤིག་པ་ན། །ང་ཅག་བསྟན་པ་དེར་འབྱུང་ངོ་། །བདག་ཅག་མིང་སྲིང་གཉིས་བསྒྲུབ་ན། །དམོད་པ་འདི་ཡིས་ལས་རྣམས་འགྲུབ་པ་སྟེ། །གསང་བའི་བདག་པོ་ཏིང་འཛིན་ལྡན་པ་ཡིས། །ཉུང་དཀར་ཉུང་ནག་ཐོད་པར་བླུག་ནས་སུ། །དེ་ལ་ཁྲག་སྣ་བསྩལ་ལ་དམོད་པ་དེ་སྐད་གདབ། །དེ་ཡིས་ལས་རྣམས་འགྲུབ་པར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མ་ཧྭ་ཀྭ་ལ་མིང་སྲིང་གི་ལེའུ་ལྔ་བཅུ་པའོ།། །།དེ་ནས་ཡང་བཅོམ་ལྡན་འདས་ལ་བརྒྱ་བྱིན་གྱིས་གསོལ་པ། དྲེགས་པ་དེ་དག་རྣམས་སྒྲུབ་པ་ན། །དམ་ཚིག་ཇི་ལྟར་བསྲུང་བར་བགྱིཞེས་ཞུས་པ་དང་། །གསང་བའི་བདག་པོས་བཀའ་སྩལ་པ། །མི་རྟ་ཁྱི་དང་གསུམ་ལ་སྨད་མི་བྱ། །སྲོག་གཅོད་སྡིག་པ་དག་ལ་སྤྱད་མི་བྱ། །བུད་མེད་དག་ལ་བག་བསྡམ་སེམས་མི་འཆོར། །འགྲོ་ཉལ་འདུག་སྡོད་གང་ལ་ཡང་། །ལྟ་བ་དག་ལས་ཡེངས་མི་བྱ། །ཉམས་པ་མེད་ཅིང་བརྟུལ་ཞུགས་བསྐྱེད། །ཤ་ཁྲག་དག་ལ་སྤྱད་པར་བྱ། །ཞེས་བཀའ་སྩལ་ཏོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། སྤྱོད་པ་དང་དམ་ཚིག་བསྲུང་བའི་ལེའུ་ལྔ་བཅུ་ང་གཅིག་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བརྒྱ་བྱིན་གྱིས་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས། དྲེགས་པ་ཆེན་པོ་འདི་རྣམས་ནི། །བཅོས་ན་ཡོན་ཏན་ཇི་ཙམ་འབྱུང་། །མ་བཅོས་པ་ཡི་སྐྱོན་ནི་གང་། །ཞེས་གསོལ་པས། གསང་བའི་བདག་པོས་བཀའ་སྩལ་པ། །དྲེགས་པ་བཅོས་པའི་ཡོན་ཏན་ནི། །ལོ་ལེགས་འབྲུ་འཁྲུངས་མི་རྣམས་དར། །ནད་དང་མུ་གེའི་བསྐལ་པ་ཆད། །ཚེ་རིང་ནད་མེད་བཀྲ་ཤིས་པའོ། །དེ་ལྟར་གྱུར་ན་འཇིག་རྟེན་བདེ། །དེ་ཡིས་བཅོས་པ་རབ་ཏུ་གཅེས། །མ་བཅོས་པ་ཡི་སྐྱོན་བསྟན་པ། །མ་བཅོས་འཇིག་རྟེན་ལྷ་འདྲེ་འཁྲུག །ནད་དང་མུ་གེའི་བསྐལ་པ་དང་། །སད་དང་སེར་བ་མི་བདེ་སྣ་ཚོགས་དང་། །དུས་ཀྱི་འཁྲུག་པ་ལངས་ཤེད་བསོད་ནམས་ཆུང་། །མི་རྣམས་ཚེ་ཐུང་ལོངས་སྤྱོད་ཆུང་བར་འགྱུར། །དེ་ལྟར་གྱུར་ན་མི་རྣམས་ཕུང་། །དེ་བས་བཅོས་པར་རབ་ཏུ་གསུངས། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་བཅོས་པའི་ཡོན་ཏན་དང་། མ་བཅོས་པའི་སྐྱོན་བསྟན་པའི་ལེའུ་ལྔ་བཅུ་ང་གཉིས་པའོ།། །།དེ་ནས་བརྒྱ་བྱིན་ལ་སོགས་པའི་འཁོར་རྣམས་ཀྱིས། བཅོམ་ལྡན་འདས་ལ་བསྟོད་པ། ཨེ་མ་ཧོ་སངས་རྒྱས་བཅོམ་ལྡན་འདས། ཐམས་ཅད་ཀུན་གྱི་སྟོན་པའོ། །མི་དང་ལྷ་རྣམས་ཀུན་གྱི་སྟོན་པ། ཨེ་མ་ཧོ། །ཐམས་ཅད་ཀུན་མཁྱེན་འགྲོ་བའི་དོན་མཛད་པ། །དགོས་འདོད་རེ་བ་སྐོང་བའི་ཡིད་བཞིན་རིན་པོ་ཆེ། །ཕོངས་པ་རྣམས་ཀྱི་བདུད་རྩིའི་ཆར་འབེབས་པ། །འགྲོ་བའི་དཔལ་གྱུར་སྟོན་པ་དམ་པ་ཁྱོད་ལ་བསྟོད། །ཅེས་བསྟོད་དོ། །འཁོར་དེ་དག་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རངས་ནས་བསྟོད་པའི་ལེའུའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་རྣམས་རྗེས་སུ་ཡི་རངས་ནས་བསྟོད་པའི་ལེའུ་ལྔ་བཅུ་གསུམ་པའོ།། །།དེ་ནས་བཅོམ་ལྡན་འདས་ཀྱིས་བརྒྱ་བྱིན་ལ་སོགས་པའི་འཁོར་རྣམས་ལ་འདི་སྐད་ཅེས་གསུངས་སོ། །ངའི་རྒྱུད་འདི་འཁོར་ཁྱེད་རྣམས་ཀྱིས། །མིག་གི་འབྲས་བུ་ལྟར་ཆོངས་ཤིག །རིན་ཆེན་སྲོག་ལྟར་ཆོངས་ཤིག །འདི་ཀུན་ཏུ་ཟུང་ཤིག །དར་ཞིང་རྒྱས་པར་གྱིས་ཤིག །རིམ་གྲོར་གྱིས་ཤིག །སྟོང་ཚོགས་པས་སྟོང་གི་དྲ་བ་ཞེས་བྱ་བར་ཟུང་ཞིག །ཐམས་ཅད་གསོ་བར་བྱེད་པས་གསོ་བྱེད་ཀྱི་རྒྱལ་པོའི་རྒྱུད་ཅེས་བྱའོ། །ཐམས་ཅད་ཆམ་ལ་འབེབས་ཤིང་གསོད་པར་བྱེད་པས་འཇིག་རྟེན་དྲེགས་པའི་ཕུང་རྒྱུད་ཅེས་བྱ་བར་ཟུང་ཞིག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཡོངས་སུ་བཟུང་ཞིང་གཏད་པའི་ལེའུ་ལྔ་བཅུ་བཞི་པའོ།། །།ལྷ་འདྲེ་སྟོང་གི་དྲ་བའི་རྒྱུད་ཆེན་པོ་རྫོགས་སོ།། །། རྒྱ་གར་སྐད་དུ། ཨུརུ་བི་པུ་ལེ་པྲ་བེ་ཤ་མ་ཧྭ་སྲུ་ཏྲ་ན། བོད་སྐ་དུ། འཕགས་པ་ཡངས་པའི་གྲོང་ཁྱེར་

Ngb-pt-0393-vol-04-text

Front[edit]

Body[edit]

Navigation menu

Search