Ngb-pt-0380-vol-04-text
Front[edit]
Body[edit]
རྒྱ་གར་སྐད་དུ། བཛྲ་མནྟྲ་སྟི་རུ་སརྙི་མ་ར་ཏནྟྲ་ནཱ་མ། བོད་སྐད་དུ། དྲག་སྔགས་ས་ལ་འདུས་པ་རྡོ་རྗེ་རྩ་བའི་རྒྱུད་ཅེས་བྱ་བ། བཅོམ་ལྡན་འདས་མཐུ་སྟོབས་ཀྱི་བདག་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། །བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཉིད། །རི་རབ་ཆེན་པོའི་ཡང་སྟེང། ལྕང་ལོ་ཅན་གྱི་གནས་མཆོག །རབ་ཏུ་བརྒྱན་པའི་ཕོ་བྲང་ཆེན་པོ་ན། །ཡུམ་ཆེན་མོ་འབྱུང་བ་ལྔའི་བདག་མོ་དང་། །གཉིས་སུ་མེད་པར་སྙོམས་པར་ཞུགས་ཏེ། །སྐུ་ལས་འོད་ཟེར་སྣ་ཚོགས་རབ་ཏུ་སྤྲོས་ནས། འཇིག་རྟེན་གྱི་ཁམས་ཀྱི་གདུག་པ་ཅན་དང་། དྲེགས་པ་ཅན་དང་། གཟི་བརྗིད་ཅན་དང་། དྲག་ཤུལ་ཅན་ལ་སོགས་བདག་གི་གནས་ཐམས་ཅད་རབ་ཏུ་གཡོ་ཞིང་བསྐྱོད་པར་མཛད་པས། དེ་དག་གི་སྡེ་དཔོན་དང་བཅས་འཁོར་དང་གཡོག་ཏུ་བཅས་པ་རྣམས། རླུད་གི་ཤུགས་ཀྱིས་བསྐྱོད་པ་བཞིན་དུ་ལྷགས་པ་ནི་འདི་ལྟ་སྟེ། གཤིན་རྗེ་ཚེ་བདག་ནག་པོ་ཆེན་པོ་ཡུམ་དང་བཅས་པ་དང་། བདུད་ནག་པོ་ཆེན་པོ་མེའི་ཁ་རླངས་ཅན་དང་ཡུམ་བདུད་མོ་ནག་མོ་ཁྲག་འཛག་མ་དང་། སྲིན་པའི་རྒྱལ་པོ་གསོད་བྱེད་ནག་པོ་ཡུམ་དང་བཅས་པ་དང་གནོདསྦྱིནཆེནཔོགང་བ་བཟང་པོ་དང་། ཡུམ་གནོད་སྤྱིན་མོ་ཤ་ཟ་རལ་གཅིག་མ་དང་། ལྷའི་རྒྱལ་པོ་དབང་ཕྱུག་ཆེན་པོ་དང་། རུ་་་བདག་པོ་ཐར་པ་ནག་པོ་དང་། རྨུ་རྗེ་བཙན་པོ་རྒྱལ་པོ་ཆེན་པོ་དང་། ཕྱི་རོལ་ལྷའི་བདག་པོ་ཀྭ་ལ་ནག་པོ་དང་། ཁྱབ་འཇུག་ཆེན་པོ་ཀུན་ཏུ་རྒྱུ་བ་དང་། ཀླུའི་བདག་པོ་གཞོན་ནུ་གཏུམ་པོ་དང་། ལྷའི་རྒྱལ་པོ་ལི་བྱིན་ཆེན་པོ་དང་། གནོད་སྤྱིན་ཆེན་པོ་ལག་རྒྱུ་པ་དང་། བདག་ཉིད་ཆེན་པོ་རྡོ་རྗེ་མཛེས་པ་དང་། ཀླུ་བདུད་ཆེན་པོ་ཡམ་ཤུད་དམར་པོ་དང་། གཞན་ཡང་ལྷ་དང་། ཀླུ་དང་ལྷ་མ་ཡིན་དང་། ཟ་བྱེད་དང་། ཡི་དྭགས་དང་། འབྱུང་པོའི་ཚོགས་དང་། ཕོ་ཉའི་ཚོགས་འཇིགས་པར་བྱེད་པས་བསམ་གྱིས་མི་ཁྱབ་པར་རབ་ཏུ་འདུས་སོ། །དེ་ནས་བཅོམ་ལྡན་འདས་ཀྱིས་གདུག་བྱེད་ཆེན་པོའི་འཁོར་དེ་དག་རབ་ཏུ་འདུལ་བར་མཁྱེན་ནས། །དུར་ཁྲོད་ཆེན་པོའི་དཀྱིལ་འཁོར་མངོན་པར་སྤྲུལ་པར་མཛད་དེ། ནམ་མཁའི་དབྱིངས་ཀྱི་དཀྱིལ་འཁོར་དག །གཟུགས་སུ་བརྙན་པ་རབ་ཏུ་འཇིགས། །སྒྲ་ནི་མི་སྙན་དྲག་ཅིང་ག་། །དྲི་ནི་མི་ཞིམ་རུལ་མྱགས་བསུང་། །རོ་ནི་ཁ་སྒྱུར་ཚ་བར་བྲོ། །རེག་བྱ་ཚ་རྩུབ་མི་སྡུག་སྤྱོད། །ཞེ་སྡང་ཆེན་པོའི་མེ་འབར་ཞིང་། །ང་རྒྱལ་ཀེང་རུས་བྲག་ཏུ་གཏམས། །གཏི་མུག་མུན་ནག་རབ་ཏུ་འཐིབས། །འདོད་ཆགས་ཁྲག་གི་ཆུ་ཆེན་འབྲུག །ཕྲག་དོག་རླུད་ནི་རབ་ཏུ་འཁྲུགས། །སྟི་ར་ཆེན་པོའི་ལོངས་སྤྱོད་ལ། །སྟག་གཟིགས་ཅན་གཟན་ཅེ་སྤྱང་དང་། །ཀྭང་ཀ་དུར་བྱ་་་་་་་འདབ་ཆགས་ཚོགས། ཁྲ་ཟ་ཁྲག་འཐུང་རུས་པ་འཇོམས། །བམ་དང་རུལ་དང་མྱགས་པ་དང་། ། བྱེ་དང་བྲལ་དང་གཞིག་པ་དང་། །ཟོས་དང་འཐོར་དང་རབ་ཏུ་འཐོར། །བྲུལ་དང་ཟགས་དང་བརླག་པ་དང་། །རྩོད་དང་རྒོད་དང་གླལ་བ་དང་། །འཇིགས་ཤིང་གདུག་དང་རྔམ་པ་དང་། །རོལ་པའི་ལོངས་སྤྱོད་རབ་ཏུ་སྤྲུལ། །ཀུན་ཀྱང་གདུག་པའི་སེམས་འཆང་ཞིང་། །གསོད་གཅོད་ཤག་གཏུབ་ལུས་ཀྱི་ལས། །ཚིག་རྩུབ་བརླང་བའི་ང་རོར་འབྱིན། །ཁྲོས་པའི་བརྟུལ་ཞུགས་དྲག་པོ་ཡིས། །མ་ལུས་འདུལ་ཞིང་ཚར་གཅོད་པའི། །མངོན་པར་གཅོད་ལ་རབ་ཏུ་བཀོད། །འདི་ལྟར་མཐོང་ཞིང་སྣང་གྱུར་བ། །ཀུན་རྫོབ་ཙམ་དུ་སྣང་བ་ལས། །སེམས་ཅན་གཅིག་གི་བ་སྐྲུ་ལ། ཁུང་ཟད་གནོད་པ་ཡོད་མེད་དེ། །རང་གི་རྣམ་རྟོག་བདེ་བར་སྤྱོད། །ངེས་པའི་དེ་ཉིད་ཁོ་ནའོ། །ཆོ་འཕྲུལ་ཆེན་པོ་བསྟན་པའི་གླེང་གཞིའི་ལེའུ་སྟེ་དང་པོའོ།། །།དེ་ནས་སངས་རྒྱས་ཐམས་ཅད་ཀྱིས། །རྡོ་རྗེ་འཆང་བའི་རྒྱལ་པོ་ཡིས། །དུས་གསུམ་རྒྱལ་བ་སྲས་བཅས་ཀྱིས། །ཐོག་མ་མེད་པའི་དུས་ཉིད་ནས། །མ་ལུས་བསྟན་པ་བསྲུང་མཛད་པའི། །གསང་བདག་ཆེན་པོར་དབང་བསྐུར་ཕྱིར། །གནོད་སྤྱིན་ལག་ན་རྡོ་རྗེ་འཆང་། །ལྔ་བརྒྱའི་གྲོགས་དང་བཅས་པ་ཡིས། །སོ་སོ་གཙོ་ཆེན་མདུན་ཉིད་ནས། །རང་གི་སྟན་ལས་རབ་ཏུ་ལངས། །མངོན་དུ་སྤྱོད་པའི་སྤྲུལ་པ་མཛད། །ཐུགས་ཀྱི་གནས་པའི་ས་བོན་ལས། །ཕྱོགས་བཅུ་ནམ་མཁའི་མཐར་ཐུག་ཀུན། །ལྗང་ནག་རླུད་གིས་རབ་ཏུ་དཀྲོགས། །ཁྲག་གི་རྦ་ཀློང་འཁྲུག་ཅིང་གཡོ། ཁྲ་རུས་གཏམས་པའི་ས་གཞི་ལས། །བསྐལ་པའི་མེ་རི་རབ་ཏུ་འབར། །བྷརྙ་འབར་བའི་གཞལ་ཡས་ཁང་། །གདུག་ཅིང་འཇིགས་སུ་རུང་བ་ནི། །སྟོབས་ཆེན་རྣམས་ཀྱང་ཉེར་མི་སྤྱོད། །ཕྲིན་ལས་མ་ལུས་རྫོགས་མཛད་ལུས། །ཕྱི་ནང་མཐའ་དབུས་ཀུན་ལ་ཁྱབ། །བསྟན་ལ་རབ་སྡང་ཕ་རོལ་པོས། །ཕུང་པོ་ཞབས་ཀྱི་གདན་དུ་བཏིང་། །འོད་གདན་གཙང་མ་གསུམ་དང་བཅས། །ཆེ་བ་མཆོག་གི་སྐུར་མཛད་དེ། །རིག་ཅན་མཐར་གནས་དབུར་མནན་ཅིང་། །སྟོང་པ་བཅོ་བརྒྱད་དག་ཅིང་སྣང་། །ཕྱག་གིས་དྲེགས་པའི་ལྷ་བརྒྱད་བསྒྲལ། །བྷརྙ་ཙིསྟ་གཡས་གཡོན་བསྣམས། །ཐུགས་ཀྱི་དབང་རྟགས་དང་པོས་གཟུང་། །ཐུགས་རྗེ་མི་འགྱུར་མཐིང་ནག་མདོག །མི་འཇིགས་རིག་པར་མནན་པའི་ཞབས། །བདུད་བཞི་ཕྱོགས་དང་བཅས་པ་གནོན། །མ་ལུས་དབང་དུ་སྡུད་པའི་ཕྱིར། །རལ་པ་ཁམ་ནག་སྲིད་རྩེ་འབར། །འབར་བའི་སྤྱན་གྱིས་ཁམས་གསུམ་གཟིགས། །གདངས་པའི་ཤངས་ཀྱིས་སྲིད་གསུམ་རྔུབ། ཁྲངས་ཀྱི་རླུད་སྒྲས་སྟོང་གསུམ་ཁྱབ། །རྣོ་དབལ་ཚེམས་ཀྱིས་གདུག་པ་སྒྲོལ། །ལྗགས་འདྲིལ་རྐན་སྒྲ་དྲག་པོར་བརྡེབས། །ཁྲོ་གཉེར་འོད་ཀྱིས་དབང་དུ་སྡུད། །དཔའ་བའི་ཆས་ཀྱི་རབ་ཏུ་བརྒྱན། །བསྲུང་བའི་ལྷ་རྣམས་སྐུ་ལ་རྫོགས། །སྟོབས་ལྡན་དེ་ཉིད་མཉེས་མཛད་པའི། །འབྱུང་བ་ཆེ་ལ་དབང་སྒྱུར་མ། །དབུ་གསུམ་ཕྱག་དྲུག་ཞབས་བཞི་མ། །གྲི་གུག་ཏྲི་ཤཱལ་བདུད་རྩི་གཡས། །བྷརྙ་ཞིང་ཆེན་གཡང་གཞི་གཡོན། །གཙོ་བདག་ཚུལ་འཛིན་རབ་ཏུ་སྒེག །དགྱེས་མཛད་རབ་ཏུ་རོལ་པ་ལས། །འདུལ་བྱེད་སྤྲུལ་པ་རབ་ཏུ་འཕྲོ། །ཕྱོགས་བཅུ་འཇིག་རྟེན་ཁམས་ཀུན་གྱི། །ག་་པོ་གདུག་པའི་ཚུལ་འཆང་བའི། །དྲག་སྔགས་བདག་པོ་མ་ལུས་ཀུན། །རང་ཉིད་སོ་སོའི་འཁོར་བཅས་པའི། །བརྟེན་དང་གནས་ལ་རེ་རེར་སྣང་། །རང་དབང་མེད་པར་འདུད་ཅིང་གཡོ། །ཨོ་བཛྲ་སརྦ་དུཁུ་ཨེ་ཀ་ཡ་མ་མ་སྙེ་ར་བྷ་གྲི་ཎྜ་ཧཱུཾ༷་ཕཊ། བདུད་དང་གཤིན་རྗེ་སྲིན་པོ་དང་། །གནོད་སྤྱིན་ལྷ་དང་ལོག་ལྟ་ཅན། །རྨུ་རྗེ་ཆེ་དང་ཕྱི་རོལ་ཕྱོགས། །གདུག་བྱེད་མཁའ་ལ་རྒྱུ་བ་དང་། །བྱོལ་སོང་ལྟོས་འགྲོ་ལུས་འཛིན་དང་། །ང་རྒྱལ་འཆང་དང་སྤྲུལ་པ་ཅན། །མཐའ་འཁོབ་གནས་མཐའ་མ་ལུས་རྒྱུ། །ལྷ་བདུད་མི་མ་ཡིན་གྱི་གནས། །ཁ་བ་ཅན་དུ་ཕྱོགས་ཤིང་བསྲེག །ལས་ཀྱི་ལུས་ཀྱི་ནུས་པའི་འབྱིན། །མ་ལུས་པ་རྣམས་ཐམས་ཅད་ཀུན། ཁུགས་དྲག་རླུང་གིས་བསྐྱོད་པ་བཞིན། །རབ་ཏུ་འདར་ཞིང་མདུན་དུ་གནས། །ཐུགས་རྗེ་བདག་པོས་དགོངས་མཛད་ཀྱང་། །ག་་རྔམ་འཇིགས་བྱེད་ཆེན་པོའི་སྐུ། །གསང་ཚིག་དྲག་པོ་གསུང་གི་སྒྲས། །མ་ལུས་ཚིམ་པར་བཀའ་སྩལ་པ། །ཨེ་མ་འཇིག་རྟེན་ཁམས་ཀུན་གྱི། །དྲག་སྔགས་བདག་པོ་དྲེགས་པ་ཅན། །སྔོན་གྱི་རྡོ་རྗེ་འཆང་ཞོ་དང་།།རང་གི་བཀའ་ལས་མ་འདའ་བར།།ཁྱེད་རྣམས་རང་གི་འཁོར་དང་་ས།།སོསོའི་ལུས་དང་བ་ས་པའི་མིང་།།རིགས་དང་བརྟེན་དང་བྱེད་པའི་ལས།།སྡེ་དང་ཆ་ལུགས་ལོངས་སྤྱོད་རྣམས།།འཇིགས་བྱེད་གནས་འདིར་མྱུར་དུ་སྟོན།།ཁྱེད་རྣམས་འདི་ལས་འདའ་བྱེད་ན།།ང་ཡི་སྲོག་གི་དམ་ཚིག་གིས།།ཁྱོད་ཀྱི་ལུས་སེམས་སྲོག་དང་བཅས།།མ་ལུས་ག་་ནས་བརླག་པར་བྱ།།ཞེས་བཀའ་སྩལ་ནས།དྲག་སྔགས་ཀྱི་སྐྲུགིས་འདི་དག་ཀྱང་བཀའ་སྩལ་ཏོ།།ཨོསརྦ་དུཁུ་ཀ་ཧ་ན་ད་ཧ་པ་ཙ་ཧཱུཾ༷་ཕཊ།ཡ་མ་རྭ་ཛ་མྲི་ཏ་ག་པྱ་མ་མ།སྟེ་ཏ་མྱ་ར་ཡ་ཧྲིང་ཧྲིང་ཛ༷༷ཛ༷༷།དུ་ཕྲག་རྭ་ཛ་དུག་དུན་མ་ཏིང་བཱ་ར་ཡ་ཧྲིང་ཧྲིང་ཛ༷༷ཛ༷༷།རསྒ་རག་མོ་མ་མ་ར་ཏི་ཀ་མྱ་ར་ཡ་ཧྲིང་་་ཛ༷༷ཛ༷༷།ཡཀྟ་ཨ་པ་སྨ་ར་རསྒ་མི་རུཤམ་པ་སྨྱུ་ར་ཡ་ཧྲིང་ཧྲིང་ཛ༷༷ཛ༷༷།མ་ཧ་དེ་བ་ཤྭ་ར་རྭ་ཛ་མྱ་ར་ཡ་ཧྲིང་ཧྲིང་ཛ༷༷ཛ༷༷།མ་མོ་རྔ་་་ཀྭ་ལ་བཱ་ར་ཡ་ཧྲིང་ཧྲིང་ཛ༷༷ཛ༷༷།མུན་མུན་པ་ཙ་ཙིཏི་མྱ་ར་ཡ་ཧྲིང་ཧྲིང་ཛ༷༷ཛ༷༷།ཏིརྟི་ཀ་མ་ཏེ་མ་ཧྭ་དེ་བ་ནཱ་ར་ཡ་ཧྲིང་ཧྲིང་ཛ༷༷ཛ༷༷།བི་ཉུ་ཕི་ཏྲ་རོལྷི་ཛ་མྱ་ར་ཡ་ཧྲིང་ཧྲིང་ཛ༷༷ཛ༷༷།ནཱ་ག་རྭ་ཛ་ཀུ་མ་ཙརྙ་མུ་ར་ཡ་ཧྲིང་ཧྲིང་ཛ༷༷ཛ༷༷།རྭ་ཛ་བྱུ་ལོང་ཨེ་ས་ཡ་མྱ་ར་ཡ་ཧྲིང་ཧྲིང་ཛ༷༷ཛ༷༷།མ་ཧྭ་ཁུ་ལོ་ས་སྙོམྱ་ར་ཡ་ཧྲིང་ཧྲིང་ཛ༷༷ཛ༷༷།བཛྲ་སྭ་རྙུ།སོཨ༷་ཙ་བཱ་ར་ཡ་ཧྲིང་ཧྲིང་ཛ༷༷ཛ༷༷།ཨ་སྟི་ཤུ་ཏྲ༷་ལི་མུ་ར་ཡ་ཧྲིང་ཧྲིང་ཛ༷༷ཛ༷༷།དྲི་ཅྭ་་ཐུམས་ཛ༷༷།ཤ་ཧཱུཾ༷་མྱ་ར་ཡ་རྦད་ཅེས་བརྗོད་ཅིང་སྐུ་འཇིགས་བྱེད་འབར་བ་ནི་སླར་ཡང་འཇིགས་སུ་རུང་བར་བསྟན་ཏོ། །སངས་རྒྱས་ཐམས་ཅད་ཀྱི་ཞིང་ཁམས་སྟོང་གསུམ་ཀྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་མ་རུངས་པའི་སྒྲ་ཆེན་པོ་དང་། འོད་དང་གློག་འབར་བ་དང་རླུད་གི་ཤུགས་དྲག་པོས་གང་བར་གྱུར་ཏོ། །བདུད་དང་གཤིན་རྗེ་ལ་སོགས་པའི་ཕྱོགས་བཅུའི་དྲེགས་པ་ཅན་རྣམས་ཀྱང་རང་རང་གི་འཁོར་དང་བཅས་ཏེ། རབ་ཏུ་འདུས་ནས་རང་རང་གི་རིགས་ཀྱི་དྲེགས་པ་དག་ཕུལ་ཏེ། བཅོམ་ལྡན་འདས་ཉིད་ཀྱི་མདུན་དུ་ཉེ་བར་གྱུར་ནས། བཀའ་རབ་ཏུ་བསྒྲུབ་པར་བརྩོན་པར་གྱུར་ཏོ། །དྲག་སྔགས་འདུས་པ་རྩ་བའི་རྒྱུད་ལ་བྱིན་བརླབས་ཆེན་པོས་དབང་དུ་བསྡུ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ལ་འཇིག་རྟེན་གྱི་ཁམས་ཀྱི་བདུད་ཀྱི་རྒྱལ་པོ་མེའི་ཁ་རླངས་ཅན་ཞེས་བྱ་བ། མདོག་ནག་པོ། །ཁ་ནས་མེ་འབར་བ། ལག་ན་ཁྲམ་ཤིང་དང་བདུད་ཞགས་ནག་པོ་ཐོགས་པ། ཞིང་ལྤགས་ཀྱི་གོས་གྱོན་པ། ཡུམ་བདུད་མོ་ནག་མོ་ཁྲག་འཛག་མ་ཞེས་བྱ་བ། ལག་ན་ཁྲམ་ཤིང་དང་ཐོད་པ་རློན་པ་ཐོགས་ཤིང་། གོས་སུ་མི་ལྤགས་གྱོན་པ། བདུད་རྟ་ནག་པོ་ལ་ཁྱོ་ཤུག་གཉིས་ཆར་ཤོན་ནས། བཅོམ་ལྡན་འདས་ཀྱི་སྤྱན་སྔར་བདུད་ཀྱི་རིགས་ཀྱི་ལྷའི་ཚོགས་དང་བཅས་ནས་རིངས་པར་ལྷགསསོ། །དེབཞིནདུའཆིབདགགཤིནརྗེཞེསབྱ་བ། མདོག་ནག་ཐོད་པ་གྲི་གུག་འཛིན། །ཆུངམགཤིནརྗེཟབྱེད་མ། །གྲི་གུག་ཐོད་པ་ཕྱག་གིས་འཛིན། །ཁྱོ་ཤུག་ཞིང་ལྤགས་རློན་པ་བགོས། །མ་ཧེ་ཆུ་གླང་ཞོན་ནས་ནི། །གཤིན་རྗེ་ཕོ་མོའི་ཚོགས་དང་བཅས། །འགལ་བྱེད་གཟོར་ཞིང་མྱུར་དུ་ལྷགས། །སྲིན་པོ་གསོད་བྱེད་ཡབ་ཡུམ་ཡང་། །མདོག་ནག་ཞིང་གི་པགས་པ་བགོས། །རལ་གྲི་གྲི་གུག་གཡས་ཀྱིས་བཟུང་། །གཡོན་གྱིས་མི་མགོ་ཐོད་ཁྲག་ཐོགས། །སྟག་དང་སེང་གེ་ཤོན་པ་སྐྱོད། །སྲིན་པའི་ཚོགས་བཅས་མྱུར་དུ་འཁོད། །གནོད་སྤྱིན་གང་བ་བཟང་པོ་དང་། །ཆུང་མ་ཤ་ཟ་རལ་གཅིག་དང་། །མཐིང་ནག་མགྱོགས་བྱེད་རྟ་ལ་ཞོན། །ཞིང་ལྤགས་གྱོན་ཏེ་ཕྱག་གཉིས་ཀྱིས། །རལ་གྲི་དར་ནག་ཞིང་ལྤགས་བཟུང་། །གནོད་སྤྱིན་ཚོགས་དང་བཅས་ཏེ་འཁོད། །དྲག་སྔགས་བདག་པོའི་སྡེ་དཔོན་ཏེ། ཁྲར་ལྷོ་ནུབ་བྱང་ཕྱོགས་དག་གི །གནས་སུ་གཙོ་ལ་འདུད་ཅིང་འཁོད། །དབང་ཕྱུག་ཆེན་པོ་ཞེས་བྱ་བ། །འཇིག་རྟེན་ལྷ་ཡི་སྔགས་དག་གིས། །དཀར་པོ་བ་དན་ཤེལ་གྲི་ཐོགས། །དར་དཀར་གོས་ཅན་གནམ་རུ་ཞོན། །དྲེགས་པ་ལྷ་ཡི་བདུད་འཁོར་བཅས། །རིངས་པར་བཅས་དེ་ཤར་ཕྱོགས་འཁོད། །ཐར་པ་ནག་པོ་ཞེས་བྱ་བ། །མདོག་ནག་མཆོད་གཏོར་དུག་ཐུན་འཛིན། །དོམ་ནག་གཞོན་ཏེ་ཞིང་ལྤགས་བགོས། །སྡེ་དང་བཅས་ཏེ་ལྷོ་ཕྱོགས་འཁོད། །རྨུ་རྗེ་ནག་པོ་ཞེས་བྱ་བ། །དར་ནག་དང་ནི་ཞགས་པ་ཐོགས། །བེརནགགྱོནཏེརྨུརྟཤོན། །རངགིསྡེ་དང་ནུབ་ཕྱོགས་འཁོད། །མུ་སྟེགས་ནག་པོ་ཆེན་པོ་ཡང་། །ཁ་ཊ༷་དང་ནི་ཏྲི་ཤཱལ་བཟུང་ མི་ལྤགས་བགོས་ཞིང་མ་ཧེ་ཤོན། །རང་གི་སྡེབཅས་བྱང་དུ་འཁོད། །ཁྱབ་འཇུག་རོག་ཏི་ཞེས་བྱ་བ། །མཐིང་ནག་ཁྲམ་ཤིང་དགྲ་སྟུ་འཛིན། །སྤྲིན་ནག་བགོས་ཤིང་འབྲུག་སྔོན་ཞོན། །གཟའ་བདུད་འཁོར་བཅས་སྟེང་ཕྱོགས་འཁོད། །ཀླུ་རྒྱལ་སོག་མ་མེད་ཅེས་པ། །གོས་ནག་སྦྲུལ་ལྤགས་ན་བཟའ་ཅན། །བུམ་པ་དང་ནི་རུས་སྦལ་འཛིན། །ཆུ་སྲིན་ཞོན་ཏེ་ཀླུ་ཚོགས་བཅས། །འོག་གི་ཕྱོགས་སུ་འཁོད་ཅིང་འདུག །གཞན་ཡང་ལི་བྱི་ལག་དགུ་དང་། །ཐེ་སེ་གཙོ་དང་ཡབ་ཤུད་ཀྱི། །སོ་སོའི་སྔགས་ཀྱི་བདག་པོ་དང་། །དཀར་སེར་དམར་པོའི་མདོག་ལྡན་ཞིང་། ཁྲེལ་གྲི་ཐོགས་ཤིང་ལག་དགུ་འགྱེད། །དར་དམར་མདུང་རིང་ལག་གིས་འཛིན། །རྟ་དཀར་བྱ་རྒོད་ར་སྐྱེས་དང་། །རྟ་དམར་ཤོན་ཏེ་ཞིང་ལྤགས་བགོས། །སོ་སོའི་སྡེ་དང་གཡོག་བཅས་ཤིང་། །ཕྱོགས་ཀྱི་སྒོ་བཞིར་གནས་བཅས་འཁོད། །གཞན་ཡང་ལྷ་ཀླུ་གནོད་སྤྱིན་དང་། །མ་མོ་གཤིན་རྗེ་སྲིན་པོ་བདུད། །རུ་ཏྲ་མུ་སྟེགས་འགོང་ཐེ་དང་། །གིང་རྨུ་གཟའ་དང་རྒྱན་བྲན་སྨན། །སྣང་སྲིད་ལྷ་སྲིན་དྲེགས་པ་ཅན། །དེད་དཔོན་ཆེན་པོ་རྣམས་ཀྱི་འཁོར། །ཕྱི་དང་ནང་དང་གསང་བ་དང་། །ཡང་གསང་དང་ནི་དྲག་པོ་དང་། །བཏགས་ཤིང་ཆགས་པ་སྨས་པ་དང་། །ལས་བྱེད་ཤན་པ་ཐོར་ཤོང་དང་། །ཆེ་གྲགས་རྩལ་དང་མ་མོ་དང་། །མུན་ཐིབས་སྟོང་ཞབྲུགས་སྲོག་གཅོད་དང་། །གླེན་ཞིང་དབང་ཆེ་ལ་སོགས་རྣམས། །བཅོམ་ལྡན་རྡོ་རྗེ་འཆང་བ་ཡི། །བཀའ་བཞིན་རྗེས་སུ་སྒྲུབ་བྱེད་པས། །མ་ཐོགས་དུར་ཁྲོད་གནས་ཆེན་དུ། །འདར་ཞིང་མྱུར་བའི་ཤུགས་དང་བཅས། །རང་གི་ནུས་པ་རབ་བསྟན་ཏེ། །བཀའ་ཉན་གསུང་བསྟོད་རྗེས་འབྲངས་གནས། །དེ་ལྟར་འཁོད་པའི་འཇིག་རྟེན་པའི་དྲེགས་པའི་བདག་པོ་སྔགས་ཀྱི་སྟོབས་དང་ལྡན་པ་དེ་དག་གིས། རང་རང་གི་འཁོར་དང་། རིགས་ཀྱི་སྡེ་དང་། མཐུ་དང་། ལོངས་སྤྱོད་ཀྱི་ཁྱད་པར་དག་ཀྱང་། བཅོམ་ལྡན་འདས་ཀྱི་སྤྱན་སྔར་བསྟན་ནས། འདི་སྐད་ཅེས་ཀྱང་གསོལ་ཏོ། །བཅོམ་ལྡན་འདས་རྡོ་རྗེ་འཛིན་པ་ཆེན་པོ། །བདག་ཅག་ལ་སོགས་པ་འཇིག་རྟེན་གྱི་ཁམས་ན་གནས་པའི། མ་རུངས་པའི་ཚོགས་གདུག་པ་ཅན་སྡང་བ། གནོད་པ་དང་།ཤུགས་པ་དང་། འཚོ་བ་དང་རྩོད་པའི་བསམ་པ་དང་ལྡན་ཞིང་། བྱམས་པ་དང་། སྙིང་རྗེ་དང་། ཕན་པའི་སེམས་སྐྱེ་བར་མི་ནུས་རྣམས་ཀྱིས་ཏེ། རང་རང་གི་ཁམས་དང་། བྱེད་པ་དང་། རིགས་དང་། ལས་ཀྱི་བྱ་བ་དང་།རྟེན་དང་། ནུས་པ་དང་། དབང་གི་ཁྱད་པར་དག་དང་། མཐུན་པའི་བསྟན་པ་མི་བཟད་པ་སྟོབས་དང་ལྡན་པ་དག་བཀའ་སྩལ་པར་གསོལ་ཞེས་གསོལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་ཚོགས་ཀྱི་དཀྱིལ་འཁོར་རབ་ཏུ་བཀོད་པའི་ལེའུ་སྟེ་གསུམ་པའོ།། །།དེ་ནས་རྡོ་རྗེ་འཛིན་པ་ཡིས། །སྐུ་ཡི་ཆེ་བ་རབ་སྟོན་ཅིང་། །གསུང་གི་སྙིང་པོ་གནད་སྐུལ་ཏེ། །ཐུག་ཀྱི་དགོངས་པ་གཙོར་མཛད་ནས། །འཇིག་རྟེན་དྲེག་པ་ཅན་དང་མཐུ་སྟོབས་ཅན། །འདུ་པའི་འཁོར་ལ་བཀའ་སྩལ་པ། །ཧཱུཾ༷་འཇིག་རྟེན་དྲེག་པའི་ཚོག་ཆེན་རྣམས། །ང་ཡི་བཀའ་བཞིན་ཉན་པར་བགྱི། །ང་ནི་ཆོས་སྐུ་བདེ་ཆེན་ཏེ། །ཡེ་ན་མ་བཅོས་ལྷུན་གྱིས་གྲུབ། །སྣང་བའི་སྐུ་ལ་དངོས་པོ་མེད། །ཡེ་ཤེས་སྐུ་སྟེ་སྐུ་ཡི་མཆོག །ང་ནི་སྔགས་གསུང་མཐུ་ཆེན་ཏེ། །ཡེ་ནས་ཐ་སྙད་སྒྲ་དང་བྲལ། །བརྗོད་པའི་གསུང་ལ་འཛིན་པ་མེད། །མ་འགགས་གསུང་སྟེ་གསུང་གི་དཔལ། །ང་ནི་བདེན་པའི་ཐུགས་མཆོག་སྟེ། །ཡེ་ནས་མཚན་མེད་ཡང་དག་བྲལ། །གཉིས་མེད་ཐུགས་ལས་རྩོལ་བ་མེད། །སྐྱེ་མེད་ཐུགས་ཏེ་ཐུགས་ཀྱི་དཔལ། །ང་ནི་ཡོན་ཏན་ཚོགས་ཆེན་ཏེ། །ལྷུན་གྱིས་གྲུབ་ཅིང་བསམ་མི་ཁྱབ། །སྨོན་མེད་དགོས་པ་མ་ལུས་འབྱུང་། །དངོས་གྲུབ་ཆེན་པོ་བསྐྱེད་པའི་གཞི། །ང་ནི་ཕྲིན་ལས་མཛད་པའི་སྟེ། །ཡོངས་རྫོགས་བརྩོན་པའི་བདག་ཉིད་ཅན། །ཞི་རྒྱས་དབང་དང་མངོན་དུ་སྤྱོད། །སྣ་ཚོགས་གཞན་དོན་ལྷུན་གྱིས་རྫོགས། །འཇིག་རྟེན་སྔགས་བདག་དྲེགས་པ་ཅན། །གཙོ་ཆེན་དབང་སྒྱུར་ཁྱེད་རྣམས་ཀྱང་། །ང་དང་དུས་གསུམ་སངས་རྒྱས་ཀྱི། །ཐུགས་དང་ཡེ་ཤེས་གཉིས་སུ་མེད། །གསུང་དང་དབྱེར་བ་ཡོད་མ་ཡིན། །སྐུ་ལ་སོ་སོར་མི་བལྟ་སྟེ། །ཡོན་ཏན་མཉམ་པ་ཉིད་དུ་རྫོགས། །ཕྲིན་ལས་གཅིག་སྟེ་ཐུན་མོང་བསྒྲུབ། །ཐོག་མ་མེད་ནས་ད་ལྟའི་བར། །ཉོན་མོངས་ལས་ཀྱི་རྒྱུ་འབྲས་ཀྱི། །གནས་ངན་ལེན་གྱི་ཕུང་པོར་སྨིན། །ང་རྒྱལ་དྲེགས་པའི་ལུས་ངག་སེམས། །སྟོབས་དང་ནུས་པ་དཔག་མེད་རྫོགས། །ཆེ་བཙན་དབང་ཕྱུག་ལྡན་གྱུར་ཀྱང་། །ཡང་དག་ངེས་པའི་དོན་མ་རྟོགས། །དོན་དམ་བདེན་པ་ཁོང་མ་ཆུད། །སྤྲོས་བྲལ་དགེ་ལ་བློ་མ་ཕྱོགས། །རང་རིག་རྒྱལ་བའི་སྟོབས་མ་རྙེད། །སྐྱེ་མེད་དབྱིངས་ཀྱི་རྩལ་མ་ཤར། །བདེ་ཆེན་གནས་ཀྱི་གདེང་མ་ཐོབ། །མཚོན་མེད་བཅུད་ཀྱི་རོ་མ་མྱོས། །ཆོས་ཉིད་སྐུ་ཡི་གཟུགས་མ་མཐོང་། །ཡེ་ཤེས་གློང་གི་སྒོ་མ་ཕྱེད། །དེ་བས་རིགས་ཀྱི་བུ་རྣམས་ཀྱིས། །རང་གི་གནས་ལ་རབ་ཏུ་རྟོགས། །ལུས་ལ་བདག་ཏུ་ཡོད་མ་འཛིན། །ངག་ལ་བརྗོད་པར་མ་སྨྲ་ཞིག །སེམས་ལ་དངོས་པོར་གང་མ་རྟོག །གནས་ཡུལ་རིགས་ཁམས་སྡེ་དང་དཔུང་། །བརྟེན་རྫས་ལོངས་སྤྱོད་དབང་སྐལ་རྣམས། །ང་དང་ང་ཡིར་གཟུང་བྱ་མིན། །ཐུན་མོང་དང་ནི་ཐ་དད་གཅིག །དེ་དག་མ་ལུས་སྟོང་པ་སྟེ། །སྟོང་པ་ཉིད་ཀྱང་དེ་དག་གོ །དེ་ལས་གུད་ན་གཞན་མེད་དེ། །གཞན་ལས་གུད་ནའང་དེ་མེད་ཅིང་། །མ་སྐྱེས་མ་འགགས་མཚན་ཉིད་མེད། །མ་ཕྲི་མ་བསྣན་མ་བསླད་ཅིང་། །མ་བཅོས་མ་བསྒྱུར་མ་བྱུང་ལ། །མ་སྐྱེས་མ་བསྒྲུབས་མ་བཤད་པའི། །དོན་ཆེན་དེ་ནི་རང་ཉིད་ལས། །ཕྱི་ནང་སྔ་ཕྱི་སྟེང་དང་འོག །ཕྱོགས་མཚམས་འཁོར་འདས་ལུས་དང་སེམས། །ཀུན་ནས་རྙེད་པ་མ་ཡིན་ཏེ། །འདི་ནའང་ཡོད་པ་མ་ཡིན་ནོ། ཁྲ་ཁྲག་པགས་དང་རུས་པ་དང་། །སྙིང་དང་གློ་བ་སྣོད་རྣམས་དང་། །དབང་པོ་ཡན་ལག་བཅས་པ་ལ། །བདེ་ཆེན་དམ་པ་དེ་མི་གནས། །དེ་ལས་གཞན་ནའང་གནས་མིན་ཏེ། །གནས་མ་གྲུབ་ལ་གན་ཞེས་བརྗོད། །གནས་ཡོད་མཉམ་ན་དེར་རྟོག་ཤིག །ཅི་འདྲ་ཅི་ཞིག་ཇི་ལྟ་བུ། །གང་ནས་འོངས་ཤིང་གང་དུ་སོང་། །གང་ན་འདུག་ཅིང་ཅི་ཞིག་བྱེད། །དབྱིབས་དང་ཁ་དོག་མིང་དང་མཚན། །རིགས་དང་ཁམས་ལ་རབ་ཏུ་རྟོགས། །དེ་ལ་དེ་ཡིས་དེར་བལྟས་པས། །མཐོང་བ་མེད་པ་བལྟ་བ་ཡི། །གང་ལ་གང་གིས་གར་བསྒོམས་པས། །བསྒོམ་དང་བྲལ་ལ་སྒོམ་ཞེས་བྱ། །ཅི་ལ་སུ་ཞིག་སྤྱིར་སྤྱོད་པས། །སྤྱོད་དགུ་མི་གནས་སྤྱོད་པ་ཆེ། །སུ་ལས་སུས་ཐོབ་ཅི་བསྒྲུབས་པས། །མ་གྲུབ་རང་གནས་འབྲས་བུ་སྟེ། །མ་ལུས་མེད་ཅིང་རྣམ་པ་ཡི། །ཡོན་ཏན་ཡོངས་རྫོགས་དབང་ཕྱུག་གོ །ཞི་དང་རྒྱས་དང་མངོན་དུ་སྤྱོད། །དབང་དུ་བསྡུ་བ་ཕྲིན་ལས་ཡིན། །རང་ལ་རྫོགས་ཤིང་རང་གིས་གྲུབ། །ཐག་ཆོད་པ་དང་བསྟན་པ་དང་། །ཚད་ལྡན་མཐར་ཕྱིན་ལ་བཟླ་དང་། །འདས་དང་མ་འདས་སྟོན་པ་དང་། །བཤད་དང་ཉན་དང་སྡུད་པ་དང་། །གནས་དུས་ཡོན་ཏན་སྐྱོན་རྣམས་ནི། །རང་གི་དེ་ཉིད་རྟོགས་པས་འགྲུབ། །ཅེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་དོན་དམ་པའི་གནས་ཉེ་བར་བསྟན་པའི་ལེའུ་སྟེ་བཞི་པའོ།། །།དེ་ནས་རྡོ་རྗེ་འཛིན་པ་ཡིས། །དགོས་པ་ཆེནཔོའདིགསུངས་ཏེ། །ཡེ་ནས་མ་བྱུང་མ་སྐྱེས་པའི། །ཆོས་ཉིད་དོན་གྱི་སྙིང་པོ་ནི། །གཟུང་འཛིན་མཐའ་བྲལ་དོན་རྟོགས་ཏེ། །ང་བདག་འཛིན་པའི་རྣམ་རྟོག་གིས། །དྲེགས་ཤིང་གཟིར་བའི་རུ་ཏྲ་དེ། །མ་བསྒྲལ་བ་ནི་ཉེས་པ་སྟེ། །ཐབས་དང་ཤེས་རབ་སྙིང་རྗེ་གསུམ། །མཐུན་ཞིང་མཚུངས་ལྡན་སྲས་ཀྱིས་བསྒྲལ། །དམ་པའི་དོན་དེ་མ་རྟོགས་པར། །དངོས་པོར་སྤྱད་པ་འཁོར་བར་ལྟུང་། །མཁས་རྟོགས་ལྡན་པས་སྦྱད་པ་ཡིས། །འཕགས་པ་མཉེས་ཤིང་སེམས་ཅན་སྒྲོལ། །ཚོགས་ཉིད་རྫོགས་ཏེ་སྐུ་གསུམ་ཐོབ། །རྣམ་རིགས་མཐོང་བས་ལ་ཐག་བཅད། །བརྟུལ་ཞུགས་དྲག་པོས་བསྒྲུབ་པ་བརྩམ། །དབང་དུ་བསྡུ་དང་གདུལ་བའི་ཕྱིར། །འཇིག་རྟེན་ལས་ཀྱིས་བསྡུས་པའི་རྒྱུད། །ང་དང་སྟོན་པ་རྣམས་ཀྱིས་བཤད། །ཆོས་དབྱིངས་རང་གནས་དུར་ཁྲོད་དུ། །རིག་པ་འཛིན་པ་རྣམས་ཀྱིས་ནི། །སངས་རྒྱས་བསྟན་པའི་དོན་དུ་སྡུད། །སྙིགས་མ་རབ་ཏུ་བདོ་བའི་དུས། །བསྡོད་ཅིང་བཙུགས་ལས་ལྟོས་པའི་ཆོས། །སྐྱོན་དང་ཡོན་ཏན་ཚུལ་དུ་འབྱུང་། །བསྟན་པ་འཇིག་བྱེད་ལས་ངན་ཅན། །དྲག་སྔགས་སྟོབས་ཀྱིས་བསྒྲལ་བྱས་ནས། །རྫོགས་པའི་སངས་རྒྱས་ཐོབ་པར་འགྱུར། །དཀྱིལ་འཁོར་གནས་པའི་རྟེན་ཡིན་ནོ། །ལྷ་དང་སྔགས་དང་ཏིང་ངེ་འཛིན། །རྫས་རྣམས་རྒྱུ་དང་རྐྱེན་དུ་འགྱུར། །ལིང་ག་ཉའོ་དམིགས་པའི་རྟེན། །མིང་རུས་བྱང་བུས་རྣམ་ཤེས་དང་། །བླ་ཚེ་འཁོར་བའི་རྟེན་ཡིན་ཏེ། །འགུགས་འདྲེན་གྱིས་ནི་དེ་དག་འགུགས། །ཕོ་ཉས་ལས་ཀུན་སྒྲུབ་པར་བྱེད། །སྔགས་དང་རྫས་ཀྱི་དཔལ་སྐྱེད་ཅིང་། །ཐུན་རྫ་རྣམ་ཀྱིས་མྱོ་པ་དང་། །རེངས་ལྐུགས་མཚོན་འབེབས་རྡུལ་དུ་རློགས། །གནད་དུ་འབེབས་ཤིང་སྙིང་ནས་འདྲེན། །ལྷ་དང་འབྱེད་ཅིང་རྩ་བ་གཅོད། །བྱང་ཆུབ་སེམས་ཀྱི་དངོས་པོ་ནི། །དོན་པོ་ཁྲག་གི་ལན་བུའི་མགོ། །ཀུན་གཞི་ཏིལ་འབྲུ་ཙམ་ཞིག་གནས། །རྩ་བ་རླུད་གནས་འདྲ་བས་ཏེ། །ཕུར་པ་མེ་སྦལ་ལྟ་བུ་ཡིས། །བསྡུས་ཤིང་བསྲེགས་ཏེ་གཅད་པ་ཡིས། །དམིགས་པ་རྟེན་དང་བྲལ་བར་བྱས། །བཀྲག་དང་གཟི་མདངས་རང་ལ་འདུས། །ཕྲིན་ལས་རྣམ་བཞིས་གཟིར་བ་ལ། །དགེ་སྡིག་ངོ་བོ་ཉིད་དུ་མཉམ། །ལྟ་སྤྱོད་ལྡན་པས་ཞིང་བཅུས་ཏེ། །ཕ་རོལ་བླ་མེད་གནས་སུ་བསྒྲལ། །བར་མ་དོ་ཡི་རྣམ་ཤེས་ནི། །ཧཱུཾ༷་དང་ཕཊ་ཀྱི་འཕྲོ་འདུ་ཡིས། །སྦྱང་དང་སྤར་བའི་ལས་རྣམས་བྱ། །ཕྱོགས་བཅུ་རྒྱལ་བའི་སྲས་སུ་བསྐྱེད། །ཕུང་པོ་ལྷག་མ་ཙམ་ཉིད་ནི། །རྟེན་གསུམ་གྱིས་ནི་རབ་ཏུ་སྦྱང་། །ཆོས་སྐུའི་གཟུགས་བརྙན་བསྟན་པར་བྱ། །འདིས་ནི་ཕ་རོལ་བླ་ན་མེད། །སྤྲུལ་པ་དུས་གསུམ་སངས་རྒྱས་དང་། །རྒྱལ་སྲས་བྱང་ཆུབ་སེམས་དཔའ་ཡི། །སྤྱོད་པ་རླབས་ཆེན་སྤྱད་པའོ། །ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་སྒྲོལ་བའི་ཏེང་ངེ་འཛིན་གྱི་དམིགས་པའི་ལེའུ་སྟེ་ལྔ་པའོ།། །།དེ་ནས་རྡོ་རྗེ་འཛིན་པ་ཡིས། །ལས་ཀྱི་བྱེ་བྲག་འདི་གསུངས་ཏེ། །ཐོག་མར་འདི་ལ་ཤིས་པའི་གནས། །དུར་ཁྲོད་ཆུ་གླིང་རི་ཡི་སུལ། །ཁྲོས་ཤིང་གདུག་པའི་གནས་དེ་སྲ །རབ་ཏུ་མནག་ཅིང་གདེང་ལྡན་པས། །དམ་ཚིག་ལྡན་པའི་སྒྲུབ་པོ་སྟེ། །ཡོངས་སུ་རྫོགས་པའི་སློབ་མ་ཡིས། །སྔོན་དུ་བླ་མ་མཉེས་བྱས་ཤིང་། །ལྷག་པའི་ལྷ་ཉིད་སྟོབས་དང་ལྡན། །རྡོ་རྗེ་འཛིན་པ་ཧེ་རུ་ཀ །ཉེ་དང་ལྡན་པ་གཉིས་སུ་མེད། །ཚད་དང་ལྡན་པར་གྱུར་པ་སྟེ། །ཡང་དག་ངེས་པའི་རྟགས་མཐོང་ནས། །རབ་ཏུ་འབད་པར་བྱ་བ་ནི། །སྨིན་འབྱོར་གདུག་ཅིང་ཤིས་པའི་ས། །ལས་ལ་མངག་པ་དེ་དག་ལ། །དྲེགས་པ་གཙོ་འཁོར་དམིགས་པའི་རྟེན། །འདོམ་གང་ལ་སོགས་ཚད་དང་ལྡན། །ལྟེ་བ་ལས་ནི་འཁོར་ལོའི་རྩིབས། །བཞིའམ་དྲུག་གམ་བརྒྱད་དུ་འགོད། །བར་ཁྱམས་ཕྱོགས་བཞིར་སྒོ་བཞིར་བཅས། །རིམ་པ་གསུམ་གྱི་ཐོད་ཕྲེང་ལྡན། །རང་གི་རིགས་ལ་སྔགས་པ་ཡི། །དབྱིབས་དང་ཁ་དོག་རྒྱན་དང་རྟགས། །ཐམས་ཅད་ལྡན་པ་ཉིད་དུ་བྱ། །དྲེགས་པ་ཅན་རྣམས་སྐུ་ཡི་རྟེན། །བྲིས་སམ་བརྐོས་སམ་བརྩིགས་པ་དག །རང་གི་གནས་སུ་མཛེས་པར་དགོད། །གསུང་གི་སྙིང་པོའང་དེ་བཞིན་ནོ། །ཐུགས་རྟེན་རང་རང་ཕྱག་ཆ་འམ། །སྔོན་ནས་བསགས་པའི་རྫས་ཡིན་ནོ། །རང་སྔགས་བསགས་པའི་འཁོར་ལོ་དང་། །མཐུན་གཟུགས་སྲོག་གི་རྒྱལ་མཚན་རྣམས། །ནངདུམཚོན པའིརྟེནདུགཟུགས། །དེ་དག་ཙིསྟ་སོ་སོ་སྲ །དམིགས་པའི་སྙིང་པོ་དྲིལ་ཏེ་གཞུག །གསང་ཞིང་སྦས་པའི་རྟེན་དུ་འགྱུར། །དེ་ཡི་བྱང་ཤར་ཕྱོགས་མཚམས་སུ། །ང་ཡིས་སྔར་བཤད་རྒྱུད་ཉིད་ལ། །ཨེ་དབྱིང་བཞི་དང་བརྒྱད་བཅུ་གཉིས། །ཁྲུ་གང་མཛུབ་གང་ཐུར་དུ་བརྐོ། །གདུག་ཅིང་དྲག་པོའི་རྫ་ཀྱིས་བྱུག །གདུག་ཅིང་བསྲེག་པའང་དེ་ཡིས་སོ། །དེ་ཉིད་དགོད་པའི་རྫས་རྣམས་ནི། ཁུད་མེད་གཟུགས་ངན་ཀ་བཱ་ལ། །སེང་ལྡེང་གསེར་ཤིང་ཡན་ལག་སྐྱེས། །དཔལ་ལྡན་དྲག་པོའི་ཕུར་པ་དང་། ཁྲེས་ནག་གནམ་རུ་གནག་པོ་དང་། །གི་ལིང་དཀར་དང་གདོང་དམར་དང་། །ཟླ་མི་གཅིག་དང་སྲིད་ཤིག་དང་། །ཙ་ར་ཀ་དང་མགྲིན་སྙན་དང་། །ས་སྤྱོད་ཆུ་སྤྱོད་རྣམས་ཀྱི་ལུས། །ཕྱི་ནང་བར་དང་གསང་བས་བརྒྱན། །བསྲེག་ཆེན་སྤྱི་ཡི་མཉེས་པའི་རྫས། །རྒྱན་ལྡན་གཟུགས་དང་རྔ་གླིང་སྒྲས། །བསུང་ཆེན་དྲི་དང་ཤ་ཁྲག་རོ། །ཚ་རྩུབ་རེག་དང་འདྲ་བབ་བཤོས། ཁྲ་ཆེན་དམ་རྫས་བདུད་རྩིའི་ཚོགས། །རབ་ཏུ་བསྟར་ཞིང་འབད་པས་སྦྱར། །དཔའ་ཞིང་རྟུལ་ཕོད་སྐྱེས་བུ་ཡིས། །ང་ཡི་སྔོན་གྱི་ཕྲིན་ལས་བཞིན། །ཁྲོ་ལ་ཁྲོས་པས་ཞི་མཛད་དེ། །ཐ་མས་གནས་པའི་འབྱུང་ཆེན་ལྔ། །དྲག་པོ་སྔགས་ཀྱི་འབྱུང་བར་བསྒོམ། །ཀེང་རུས་འབར་བའི་རི་རབ་བམ། །དུར་ཁྲོད་འཇིགས་པའི་གཞལ་མེད་ཁང་། །བྷན་དྷ་གནས་རིགས་གསུམ་གྱིས་བརྩིགས། །སྟི་ར་གསར་རྙིང་ཚོགས་ཀྱིས་གཏམས། །རཀྟ་དམར་པོ་བྲུབ་ཅིང་འབབ། །ཚིལ་ཆེན་དུད་པ་འཁྱིལ་ཞིང་འཕྱུར། །དབང་པོ་དོན་སྙིང་འཔྱོ་ཞིང་འབྲུལ། །བདུད་རྩི་བཤང་གཅི་དྲི་བསུང་ལྡན། །ཡན་ལག་ཉིང་ལག་རྐང་ཞིང་སྙིལ། ཁུན་དང་པགས་པ་བརྒྱངས་ཤིང་འཕྱར། །ཕྱོགས་བཞི་མཚམས་དང་སྟེང་དང་འོག །གཅོ་དང་འཕྱང་བ་བསྐུམ་དང་བརྒྱངས། །རྒྱལ་མཚན་དང་ནི་ཟ་ར་ཚགས། །བ་དན་བླ་རེ་ལྷབ་ལྷུབ་དང་། །ཕུར་པ་དང་ནི་ལྟབ་མ་དང་། །ཡོལ་ཀོ་ཀ་མ་ལ་གཏམས་ནི། །རབ་ཏུ་མཛེས་པའི་རྒྱན་གྱིས་བརྒྱན། །གཞལ་ཡས་འབར་བ་དེ་འདྲ་བ། །རབ་ཏུ་སྔགས་པའི་འདི་ལས་བཤད། །དྲེགས་པའི་བདག་པོ་ཡུམ་དང་བཅས། །སྦྱོར་ཞིང་དགོས་པ་དེ་ཉིད་ཀྱིས། །བདག་གི་རང་བཞིན་ཡོངས་སུ་བསྐྱེད། །འཕྲོ་དང་ཆས་ཀྱི་ཁྱད་པར་དང་། བསྡུ་དང་རང་གི་གནས་སུ་བརྟག །སྐུར་གྱུར་གང་གི་མཚན་ཉིད་ངོ་བོ་དང་། །བྱང་ཆུབ་སེམས་ཀྱི་བྱ་བ་ཡིས། །ཡུམ་དང་བཅས་པ་ཡོངས་སུ་རྫོགས། །དེ་ཡི་ལས་ཀྱང་སྔར་བཞིན་དུ། །རྒྱལ་མཛད་རང་གི་ཕྱག་རྟེན་དུ། །དམིགས་པ་མྱུར་ལྷགས་དེ་ཡི་འཁོར། །བདུད་དང་གཤིན་རྗེ་སྲིན་པོ་དང་། །གནོད་སྦྱིན་དྲག་པོའི་ཀླུ་དང་ལྷ། །རང་རང་ཆུང་མར་བཅས་པ་དག །ངས་བཤད་བཞིན་དུ་འཇིགས་པར་བསམ། །སྒོ་བཞིར་གནས་པ་དེ་དག་སྟེ། །ལྷ་དང་མ་མོ་རྒྱལ་པོ་གིང་། །བཙན་འགོང་རྨུ་དང་མུ་སྟེགས་དང་། །རང་གི་སྡེ་དང་དཔུང་དུ་བཅས། །མ་ལུས་དྲེགས་པ་ཅན་གྱི་ཚོགས། །འདི་ལས་རབ་བརྗོད་གང་ཡིན་པ། །དེ་ཉིད་དུ་ནི་གསལ་བར་བྱ། །ང་ཡི་སྐུ་དང་གསུང་དང་ཐུགས། །ཡེ་ཤེས་རིགས་ཀྱི་དབང་བསྐུར་ཞིང་། །བྱིན་གྱིས་བརླབས་ནས་རྒྱས་བཏབ་སྟེ། །དེ་ལ་རང་བཞིན་གནས་པ་བསྟིམ། །ཡོངས་རྫོགས་སྐུ་ཡིས་བསྟན་པ་བསྒྲུབ། །ཕྱག་འཚལ་མཆོད་པ་འབུལ་ཞིང་བསྟོད། །རབ་ཏུ་མཉེས་པ་རྒྱ་ཆེར་བྱ། །ཕྱི་དང་ནང་དང་གསང་བ་ཡིས བསྡུ་དང་སྦྱོར་དང་སྒྲོལ་བ་དང་། །གནས་དང་རིང་དང་རིམ་པ་དང་། །བསྐྱེད་དང་དབབ་པ་མཉེས་པ་ཡི། །གནས་ལུགས་ལྷུན་གྲུབ་མ་བཅོས་པས། །དྲག་སྔགས་རོལ་པ་མ་འགགས་སྤྱོད། །རང་གི་ལས་ལ་སྦྱར་བ་ནི། །བདུད་ཀྱི་ཁྲམ་དང་གཤིན་རྗེའི་ལྟོ། །སྲིན་པོའི་དམར་དང་གནོད་སྤྱིན་བྱད། །ལྷ་ཡི་ཆད་དང་མ་མོའི་རིམས། །གཟའ་ཡི་ཀི་ཀང་ཀླུ་ཡི་དུག །ཚེ་ཚད་པ་དང་ཁྲི་མོན་བཅུག །གཅན་གཟན་འཛུམས་དང་ལྕགས་སྒྲོག་ཚུད། །ནད་དང་མཚོན་ཉིད་ཁོང་ཞུགས་དང་། །དུག་འཐུངས་ཐོག་བབས་བཞིན་དུ་དྲག །ཐར་ཞེས་བྱ་བ་གདགས་སུ་མེད། །བདུད་ནི་མ་བརྟགས་སྲོག་ལ་རྒོལ། །གཤིན་རྗེ་འཁོར་བའི་འཁོར་ལོས་གཅོད། །སྲིན་པོ་རལ་གྲིའི་སོ་ཡིས་འགེམས། །གནོད་སྤྱིན་གནམ་ལྕགས་ཐོག་གིས་འཇོམས། །ལྷ་ནི་འདོད་པའི་མདུང་གི་སོར། །མ་མོ་དཔག་མེད་མདའ་བཞིན་འབིགས། །གཟའ་བདུད་སྟོབས་ཆེན་སྨྱོགས་ཀྱིས་བརྡེག །ཀླུ་ནི་ས་འོག་རལ་གྲི་སོགས། །ཐམས་ཅད་འདུལ་ཞིང་གཅོད་པའི་སྔགས། །མུན་པ་གླིང་འཁྲུགས་བདུད་ཀྱི་སྐད། །ངུ་འབོདལྟབུགཤིནརྗེསྟེ། །རོ་ལེན་དུར་བ་སྲིན་པོས་འགྲེན། །ལྕེ་མདུད་དྲག་པོ་གནོད་སྦྱིན་ནོ། །བཀའ་ཆད་དྲག་སྩལ་ལྷ་ཡི་དམོད། །ངུ་འབོད་གདུང་བ་མ་མོ་སྟེ། །འབྲུག་སྒྲ་གློག་འབྱིན་གཟའ་བདུད་དོ། །ཀླུ་ཡིས་སྦྲུལ་ནག་དུག་གིས་འཇོམས། །འཇིག་རྟེན་ལྷ་སྲིན་རང་སྒྲ་ཡིས། །ཕལ་པ་རྣམས་ལ་དམོད་པར་བྱེད། །དེ་ནི་དྲག་སྔགས་དམོད་པའོ། །ཞེ་བཀའ་སྩལ་ཏོ། །དྲག་སྔག་འདུ་པ་རྩ་བའི་རྒྱུད་ལ་དམོད་པ་ཉེ་བར་བསྒྲུབ་པའི་ལེའུ་སྟེ་དྲུག་པའོ།། །།དེ་ན་རྡོ་རྗེ་འཛིན་པ་ཡིས། །སོ་སོའི་དྲག་སྔགས་དམོད་པ་བསྟན། །ཕུང་བཤིག་བདུད་ཀྱི་དྲག་སྔགས་ནི། །རབས་ཆད་ནག་པོའི་ཐོད་པ་སྲ ཁྲེལ་ནག་སྙིང་དུ་ཉའོ་སྩལ། །དུར་ཁྲོད་རས་ནག་རྒྱ་ཡིས་གདབ། །ཚོན་སྣ་ལྔའམ་ནག་པོས་བཅིངས། །གྲི་ལྕགས་སྐྲུག་མ་སྲོག་རྩར་གཞུག །ཡུངས་ཀར་ཡུངས་ནག་ཏིལ་ནག་དང་། །སྐེ་ཚེ་ཤང་ཚེ་ཟི་ར་དང་། །ཟངས་ལྕགས་རྡོ་ཡི་ཕྱེ་མ་དང་། དུག་ཁྲག་ངར་དང་བཅས་པ་རྣམས། །མུ་སུ་ར་ཡི་ཐོད་པར་བསྡུ། །བདུད་ཀྱི་སྲོག་ཏིག་སྔགས་ཀྱིས་མངག །བདུད་པོ་ནག་པོ་ཁ་མུན་དེ་བ་མི་ལ་ཆོ། །ཀ་ལ་མུ་ཏྲི་མུ་ར་ཡ། དགྲ་བོ་སྙིང་ལིང་ཙིརྟི་རྦུད། ཕྲི་བཟླུམ་ཁྱིགས། བྲམ་བྲམ་རོ་ལ་འདུས། ཟེར་སྤྲུགས། རོ་སྤྲུགས། བདུད་རྗེས་ཆོད། བདུད་མོས་རོལ། བདུད་བུས་གཏོར། རྦ༷་ཁྱིགས། བྲ་མ་ནི།ཤ་ཧཱུཾ་མྱ་ར་ཡ་རྦད། མུན་པ་གླིང་ཁྲུགས་ཞེས་བྱ་བ། །མ་འོངས་བདུད་ཀྱི་རང་སྐད་དེ། །རྟག་ཏུ་བརྗོད་ཅིང་སྦུག་མར་བྲབ། །གང་ལ་དམིགས་པ་དེ་མྱུར་དུ། །སྣང་སྲིད་བདུད་ཀྱིས་སྲོག་ནས་འདྲེན། །མི་ནགགོམཚོན་བཅས་པ་དང་། །སྔགས་ནག་བུད་མེད་མོན་དང་རྡོ། །ཁྱི་ནག་རྟ་ནག་བྱ་ནག་དང་། །རྒོད་ནག་དྲེ་ནག་ཤེལ་ནག་དང་། རི་ནག་མཚོ་ནག་ཤེལ་ནག་ཚོགས། །དམག་དང་འཁྲུག་དང་འཐབ་པ་དང་། །ཁྲིད་དང་གསོད་དང་ཤ་བ་དག །ལས་བྱེད་གྲུབ་པའི་རྟགས་སུ་འགྱུར། །དེ་ནས་ཉའོ་བསྟབས་ཤིང་བསྒྲལ། །གྲོ་མཚོན་ཕུར་པ་རྣམས་ཀྱིས་ག་། །ལྷག་མ་བདུད་རྩི་ཤ་རག་སྦྱར། །ཀུ་ཀུ་ནག་པོའི་ཟས་སུ་སྤྱིན། །རོལ་པར་མི་བྱེད་བསྐྱར་ལ་བསྒྲུབ། །རུ་ཏྲས་མྱོས་ཤིང་འཐིབ་ནས་འཆི། །འཆི་བདག་གཤིན་རྗེའི་དྲག་སྔགས་ནི། ཁུད་མེད་ཕོ་མོ་ཀ་བཱ་ལ། །ཟ་མ་ཏོག་ཏུ་ཁ་སྦྱར་ལ། །ནང་དུ་དེ་ཉིད་ཙིསྟ་གཞུག །ཕོ་ཐོད་སྟེང་ནས་སྤྱི་བོར་ཕུག །བཅིང་དང་དགབ་པ་དྲང་བ་དག །སྔར་བཤད་རྫས་ཀྱིས་བྲབ་ཅིང་བརྡེག །ཡ་མ་མེ་ཏ་སྣེ། ར་ཙ་ས་ཏོ་མེ། རུ་ཙ་ན་ཡོ་ནི། རོ་མ་ཙ་ནི། ས་མ་རྭ་ཛ། མུ་ཀ་སྙིང་ཁྲག་རྩལ་རྦད། ཡ་མ་དབུགས་ལ་རྔུབས། རོ་ཙ་ཡ་མ་རྭ་ཛ། རྭ་ཛ་རྦ༷ ་རིལ་རྦད། ཡ་མ་རྭ་ཛ༷༷ཧྲི་སྙིང་གོང་ཆོད། །ཡ་མ་སྙིང་། ཡ་མ་ཁྲག །ཡ་མ་དུ་པི་རིལ་རྦད། གཤིན་རྗེ་བསྡུས་ཤིང་དྲིལ་བའི་སྔགས། །རབ་ཏུ་བསྔགས་ཏེ་ཙིསྟར་བྲབ། ཁྲ་ཁྲག་ཆེན་པོས་མཉེས་པར་བྱ། །གསོད་བྱེད་ནག་པོའི་ཚོགས་རྣམས་ཀྱིས། །དོནསྙིངརློནཔརསྟེརབདང་། །སྙིང་དང་ཐོད་པ་འཕར་བ་འབྱུང་། །དེ་ནས་ལས་ལ་སྦྱར་བྱས་ན། །གང་ལ་དམིགས་པ་མྱུར་དུ་སྒྲོལ། །ག་་ཁྲོ་སྲིན་པོའི་དམོད་པ་ནི། །མྱུར་ཤིའི་ཐོད་པར་དེ་སྙིང་ནང་། །དམིགས་པ་རྣམས་ཀྱི་གཟུགས་བརྙན་དེ། །མིང་སྔགས་ལྡན་པ་བཙལ་བྱས་ཏེ། །ལེ་བརྒན་ཁ་དོག་དར་གྱིས་དྲིལ། །སྔོ་དམར་སྐུད་པའི་དྲ་བར་བཞུག །སྟི་ར་གསར་པ་ཁ་ཕྱེ་ལ། །དབང་པོ་དོན་སྙིང་ནང་གྲོལ་གྱི། །སྲིན་པོ་སྐང་ཞིང་དམོད་པ་བཟླས། །རག་ཤ་སྲིན་པོ་ས་མུན་ཛ༷༷ རག་ཤ་རུ་་་ཧུར་ཧུར་སྨྱོ། །རུ་གཉན་ནག་པོ་དགྲ་ལ་སྨྱོ། །དགྲ་བོ་མུ་ལ་ཤིན་ནི་སོད་སོད། ཧབ་ལེ་ཧོབ་ལེ་ཁ་ཐུན་སྨྱོ། །རག་ཤ་ཛ༷༷ ཏྲི་ཏ་ཛ༷༷ དུ་ར་དུ་ར་ཤན་ཛ༷༷ རག་ཤ་རྦད། །དྲི་མྱ་ར་ཡ་སོད། །དམོད་པ་རྫས་ལ་བཟླས་ཤིང་བརྡེག །མི་ནག་ཤན་པའི་ཚོགས་རྣམས་ཀྱིས། །ཁྲིད་དང་གསོད་དང་དོན་སྙིང་སྟེར། །ལས་ལ་སྦྱར་བ་ཚུལ་བཞིན་གྱིས། །དགྲ་བོའི་དོན་པོ་མྱུར་དུ་སྒྲོལ། །དྲག་སྔགས་གནོད་སྤྱིན་དྲག་སྔགས་ནི། །རྟ་དཀར་སྙིང་དང་ཐོད་པ་ནི། །ཉའོ་གཞུག་པའི་སྣོད་དུ་བསྔགས། །རག་ཆེན་ལ་ཕུག་མུ་ས་ལ། །སྙིང་སྣ་ཁྲག་སྣ་སྦྱར་བས་མཆོད། །གནོད་སྦྱིན་སྲོག་ཏིག་དམོད་ལ་བརྗོད། །ཡཀྟ་བ་ཧུ་ད་རི་ཛ༷༷ །མ་ག་ལ་བག་ཤ་ཛ༷༷ རུ་རུ་མ་རུ་་་མ་ཏི་ཛ༷༷ ཡཀྟ་སྙིང་ལ་ཤད་ཤད་དུ་ཛ༷༷ ཡཀྟ་སྲོག་ལ་བྲེང་ཐུ༷་ཛ༷༷ མིང་ཤར་ཚོགས་དང་འོད་དང་སྒྲ། །རླུད་དམར་དག་དང་བུ་ཡུག་འོང་། །གསང་བའི་རྫས་ཀྱིས་དྲག་ཏུ་བརྡེག །ལྷག་མ་བསྲེགས་ཤིང་རླུད་གིས་གཏོར། །དེ་ཉིད་ཁྲག་ཏུ་སྒྱུགས་ཏེ་སྒྲོལ། །དྲག་རྩལ་ལྷ་ཡི་དྲག་སྔགས་ནི། །ལྷ་གཡག་དཀར་པོའི་སྙིང་ནང་དུ། །བརྣག་པའི་གཟུག་དང་མིང་རུ་བྲིས། །སྔོན་དམར་སྐུད་པ་སྐེ་ན་གདགས། །རྗེ་རིག་ཐོད་པའི་ནང་དུ་གཞུག །དར་དཀར་གྱིས་ནི་ཁ་བཅད་ལ། །ཚོན་སྐུད་སྣ་ལྔས་བཅིང་བར་བྱ། །བྱ་རྒོད་དར་མའི་སྒྲོ་རྩ་ནི། །སྲོག་རྩར་བཅུག་ལ་དཀྱིལ་དུ་བརྟོལ། །དཀྱིལ་འཁོར་མདའ་གང་གྲུ་བཞི་ལ། །དབུས་བུ་གྲུ་གསུམ་ཐུར་དུ་བྲུ། །ལྷ་རྡོ་གསུམ་གྱི་སྒྱེད་པོ་ལ། །གོང་གི་ཐོད་པ་གཞག་པར་བྱ། །མཐུན་རྫས་བཤོས་གཙང་རྗོན་ཆ་དང་། །རུ་དཀར་སྙིང་དང་ཤེལ་དཀར་སྙིང་། །བྱ་དཀར་སྙིང་དང་རུ་མཚོན་དང་། །བ་དན་དཀར་པོ་རྟེན་དུ་གཟུགས། །ཡུངས་ཀར་སྔགས་ཀྱི་མདའ་ཆོག་ནི། །ཐུན་གྱི་རྫས་སུ་གཞག་པར་བྱ། །དྲག་སྔགས་སྙིང་གི་ནང་དུ་བྲབ། །སྟོབས་ལྡན་རྡོ་རྗེ་འཛིན་གསལ་བས། །ལྷ་རྣམས་འདུས་པའི་སྔགས་རྣམས་སྦྲེང་། །མ་ཧྭ་དེ་བ་ཏི་ཛ༷༷ཏི་ཛ༷༷། ས་མ་ཕྲ་མན་རག་ཤ་རྐ་ཀ་ལ་ཡ་ཧཱུཾ༷། དེ་བ་རྭ་ཛ་མ་ཧྭ་ནི་ཛ༷༷། དགྲ་བོ་མ་ར་ཡ་ཐུན་རྦད་ཐུན་རྦད། ཤག་སེན་ཛ༷༷ཛཤ༷ ག་སེན་ཛ༷༷ཛ༷༷ཧཱུཾ༷་ཧཱུཾ༷། ཙ་ཏུར་མུ་ཁ་རག་ཤ་མ་ན། ཀང་ཀ་མ་ཡ་ཧཱུཾ༷། མ་ཧྭ་དེ་བ་ཨ་མུ་ཀ་བཱ་ར་ཡ་སོད། འཇིག་རྟེན་གྲགས་པ་མཐུ་རྩལ་ཅན། །ལྷ་ཡི་བོད་རྦད་གསད་གསུམ་དྲིལ། །དྲག་ཏུ་བཟླས་ཤིང་སྙིང་ནས་བྲབ། །རྟགས་ནི་རྒྱལ་པོ་རྗེ་དཔོན་དང་། །སྐྱེས་པ་སྟག་ཆས་དར་མ་དང་། ཞུབ་ཅན་ཕོ་ཚོགས་འོང་བ་ནི། །གསོད་གཅོད་བྱེད་དང་སྙིང་འབྱིན་དང་། དངོས་སུ་སྙིང་ཕྱུང་འཕང་བ་འོང་། །རྟགས་བྱུང་སྙིང་ནས་ལིང་ཀ་དབྱུང་། །མཚོན་གྱིས་ག་་ལ་མེ་ལ་བསྲེག །ཐལ་བ་ཉའོ་བྱས་ནས་ནི། །ཐོད་པར་བཅུག་ལ་ལྷ་རྟེན་ནམ། །འཇིག་རྟེན་ལྷ་ཆེན་གནས་སར་མནན། །ལྷ་ཡི་དལ་ཡམས་དགྲ་ལ་ཕེབས། །ནང་བདག་མ་མོའི་དྲག་སྔགས་ནི། །དྲི་དྲིའི་མོ་ཡི་ཐོད་པ་མྲ །དེ་ཡི་སྙིང་ནང་ལིང་ག་གཞུག །མཐིང་ནག་དར་གྱིས་ཁ་གཅོད་ལ། །ཐོད་པ་ཚོན་སྐུད་ལྔ་ཡིས་བཅིངས། །དཀྱིལ་འཁོར་མཐིང་ནག་གྲུ་གསུམ་དབུས། །ཐོད་པ་བཅུག་ལ་བསྒྲུབ་པར་བྱ། །སྨུག་ནག་གསུམ་གྱི་སྙིང་ཁྲག་གིས། །མ་མོ་འཁོར་དང་བཅས་པ་མཆོད། །ཡུངས་ཀར་ཡུངས་ནག་སྐེ་ཚེ་སོགས། །དྲག་པོའི་ཐུན་རྫས་ཚོགས་ཚད་ལ། །མ་མོ་རྣམས་ཀྱི་དམོད་པའི་སྔགས། །མ་མ་སྙིང་ཁ་རག །མ་མ་སྙིང་ཁ་རག །མ་མ་རསྒ། མ་མ་རག་ཤ །ཏྲག་རག་ཤ་སྙིང་ཁྲག་ལ་ཧུབས་ཛ༷༷ སྙིང་ཁྲག་རྩ་ལ་དུན་དུན། ཏྲག་རག་ཤ་མ་མ་ཛ༷༷ཛ༷༷ དམ་དམ་དགྲ་སྙིང་རྦད་བུ་ནན་མ་མརྣ་སྙིང་ཙིསྟ་ལ་ཐུན། ་ག་རག་ཤ་ཏྲག་རག་ཤ་མོ་ཐུན་ཐུན། མུགས་མུགས་མྱོགས་མྱོགས་རྦད་རྦད་ཛ༷༷ཛ༷༷མ་མ་ཐུན། སྙིང་ཁྲག་ཐུན། ཤ་ཏི་ཏ་མ་མ་རག་མོ། །ས་མ་ཡ་སྨྱོ་སྨྱོ། མ་མོའི་སྲོག་ཏིག་བསྡུས་པ་ཡིས། །གསད་པ་ལས་ཀྱི་ངན་སྔགས་འདི། །གྲི་ལྕགས་ལས་བྱས་སྦུ་གུའམ། །བྱ་རྒོད་སྒྲོ་རྩའི་ནང་ནས་བསྔགས། །མ་སྲིང་མོན་མོ་ཕལ་མོ་དང་། །བྱི་མོ་ལ་སོགས་བུད་མེད་ཚོགས། །བྱ་ནག་རྒོད་ནག་ཚོགས་ཆེན་ལྷགས། །དངོས་སུ་ཤ་དང་མགོ་སུག་སྟེར། །ཙིསྟ་དངོས་སུ་འཕར་བ་དང་། བསད་རྟགས་ཡོངས་སུ་རྫོགས་པ་དང་། །སྙིང་ལ་ཕུར་པས་གདབ་ཅིང་བསད། །དུག་ཤིང་མ་ལ་སྤྱིན་སྲེག་བྱ། །ཐུན་ཁྲག་དམིགས་པའི་དགྲ་ལ་འཕང་། །ཐལ་བ་བསྡུས་ལ་ཉའོ་བྱ། །དུར་ཁྲོད་དབུས་སུ་གནས་པར་བྱ། །རིམས་ནད་དག་གིས་དམིགས་པ་སྒྲོལ། །དྲག་པོའི་གཟའ་ཡི་དྲག་སྔགས་ནི། །མོན་པ་ནག་པོའི་ར་རོག་པོའི། །ཐོད་པར་སྙིང་ནང་ལིང་ག་གཞུག །སྲོག་རྩར་གྲི་ལྕགས་སྐྲུ་གུ་གཞུག །ཡུངས་ཀར་ཡུངས་ནག་ཟངས་ལྕགས་ཕྱེ། །ཐུན་དུ་སྔགས་ཏེ་ཐོད་པར་བྲབ། །མྱ་ར་པ་ཤ་མི་ཀི། དུ་རུ་དུ་མྲ མ་ཏི་ཛ་ལ་ཏི་ཛ༷༷ ཙ་བ་མ་ནི། རུ་རུ་ར་ཧུ་ལ། ཨ་ཏྲ་ཏ་ཏྲ་པད་མ་ཤ་ར་ཤ་ར་ཤསྟ། ཨ་མུ་ཀ་མུ་ར་རུ་ཕཊ། ཏྲི་ལིང་ཀ་ཤདྷ་དུ་དྲི། ཛ༷༷ཛ༷༷ཡག་ཤ་ཐུན། བུམ་དྲིལ་ཤི་ནི་བ༷ བྷ་བ་ཧི། ཁ་ཡག་ཁ་དུན་ཏི། རུ་ཏི་ཤུ་ཏི་ཏི་ཏྲིག་ཤུ་ལ་པྲ་ཏི། མུ་ར་ཡ་ཛ༷༷། དབང་ཆེན་གཟའ་ཡི་དྲག་སྔགས་འདི། །དྲག་པོའི་རྫས་ལ་བསྔགས་ཏེ་བརྡེག ཁྲ་རུལ་ཁྲག་རུལ་བཙོས་དང་རྗེན། །དཀར་གསུམ་དམར་གསུམ་རྫས་ཀྱིས་མཆོད། །ཉི་ཟླ་ཀླད་ལ་འཁོར་བ་དང་། །མོན་པ་ནག་པོ་འོང་བ་དང་། །སྦྲུལ་ཆེན་གཤོག་ཅན་འཁྲུག་པ་དང༷་། །བར་སྣང་འཇའ་ཡིས་ཁེངས་པ་དང་། །དགྲ་བོ་དངོས་སུ་ཁྲིད་ནས་འོང་། །རྒོད་དང་རི་དྭགས་གསོད་པ་དང་། དོན་སྙིང་ནང་ཁྲོལ་སྟེར་ཞིང་རོལ། །དེ་ལྟའི་གསོད་རྟགས་རྫོགས་པ་དང་། །སྙིང་དང་ལོང་ཀ་ཧོ་མེར་བསྲེག །ཐུན་རྫས་དགྲ་ཡི་ཡུལ་དུ་གཏོར། །ཐོད་པ་ཀླུ་ཡི་བརྟན་སར་སྦ། །ཆུ་འཁྱགས་སེར་བ་དྲག་ཏུ་དབབ། ་་་ཐུམ་ནད་ཀྱིས་གློ་བུརའཆི། །ཁ་ལྐུགས་རྐང་ལག་རེངས་པར་འགྱུར། །གདུག་པ་ཀླུ་ཡི་དྲག་སྔགས་ནི། །ལུང་གསུམ་འདུས་པའི་དབེན་གནས་སུ། །སྟེགས་བུ་མཐིང་ནག་གྲུ་གསུམ་བྲུས། །དགྲ་ཡི་ཕ་མེས་མགོ་བོའམ། །ཡང་ན་མཛེ་ཅན་ཐོད་པ་མྲ །དགྲ་ཡི་མིང་རུས་བྲིས་ཏེ་གཞུག །གཙང་མའི་སྣོད་དུ་དཀར་གསུམ་དང་། །མངར་གསུམ་ཀླུ་སྨན་སྣ་ཚོགས་དང་། །རྟག་ཏུ་མཆོད་ཅིང་མངག་པར་བྱ། །ཨོ་ནག་པོ་ཏི་པ་ཙ་ཡ། །ནཱ་ག་རྭ་ཛ༷༷ དགྲ་བོ་ཧ་ཁུ་ལ་ཕེ་ཤན། ནཱ་ག་ཕོས་ཕོས། ཤིག་ཤིག །ཧུ་ཡ་ཧུ་ཡ། ཏི་ཡ་ཏི་ཡ། ཏི་པ་ཙ་ཏི་པ་ཙ། ཨ་ཤ་ནག་པོ་ཏི་པ་ཙ་ཡ། ནཱ་ག་རྭ་ཛ་དགྲ་བོ་མྱ་ར་ཡ་རྦད། ཤག་ཏི་རྦད། སྲོག་ཏི་རྦད། སྙིང་ཏི་རྦད། སྙིང་ལ་རིལ་ཤམ་ཤམ་རྦད། ཨོ་ཤན་ནག་པོ་ཕོ་ཕེ་རག་ཨུ་ད་ནཱ་ག་རྭ་ཛ་ནཱན། ཐི་ལེ་ནན། ཕོ་ལི་ནཱན། དྲག་ཏུ་བརྗོད་ཅིང་བསྒྲུབ་པ་ཡིས། །མེ་ཆེན་འབར་དང་ཆུ་ཆེན་བྲུག །བ་གླང་སྦལ་སྦྲུལ་སྡོམ་སྡིག་ཚོགས། ཤེང་གཅོད་ས་སྙིལ་བྲག་རལ་སོགས། །ལུས་ལ་ཤུ་བ་སྐྲང་ལོ་བྱུང་། །སྟོབས་ལྡན་གཉེན་པོས་དྲག་དུ་གཅུན། །དེ་ནས་བྱང་བལྟས་ཆུ་མིག་ཏུ། །བ་ལིང་གཏང་ཞིང་བདེན་པ་བརྡར། །ཐོད་པ་ལིང་གར་བཅས་པ་མནན། །ཀླུ་རྒྱལ་འཁོར་དང་བཅས་ལ་གཏད། །ཕུང་པོ་ལྷག་མེད་བཏང་བར་བསམ། །གནས་སུ་ཕྱིན་ལ་བསྲུང་བར་བྱ། །དགྲ་ནི་མཛེ་དང་རྨུགས་པས་འཆི། །སྡེ་བརྒྱད་སོ་སོའི་དྲག་སྔགས་ཀྱིས། །འཇིག་རྟེན་ལས་ཀྱི་མནར་བ་ཡི། །བསྟན་པའི་རུ་ཏྲ་གདུག་པ་ཅན། །མ་ལུས་རྣམས་ཀྱི་གཤེད་དུ་འགྱུར། །ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་དྲེགས་པའི་སྡེ་སོ་སོའི་ལས་ལ་སྦྱར་བ་དྲག་སྔགས་ཀྱི་ལེའུ་སྟེ་བདུན་པའོ།། །།དེ་ནས་རྡོ་རྗེ་འཛིན་པ་ཡིས། །འཇིག་རྟེན་དྲེགས་པ་ཅན་རྣམས་ཀྱི། །སོ་སོའི་རིགས་དང་གཏན་ཚིགས་དང་། །སྡེ་དང་ལས་ཀྱི་བྱེད་པ་བསྟན། །སྔོན་གྱི་འཇིག་རྟེན་ཁམས་འདི་ཉིད། །ཕུང་པོ་ཉོན་མོངས་ལ་བརྟེན་ནས། །ང་རྒྱལ་དྲེགས་པའི་དབང་གིས་མྱོས། །རང་གཞན་ཀུན་ལ་འཚེ་ཞིང་རྩོད། །གནས་ངན་ལེན་གྱིས་ཁ་ཁྲིད་བྱས། །ལེགས་པའི་ལན་དུ་ཉེས་པར་སྤྱོད། །མ་རིག་རྩ་བ་ཡན་ལག་གིས། །གཏི་མུག་མུན་ཐིབས་བདུད་དང་ཀླུ། །ང་རྒྱལ་སྟོབས་ཀྱི་དྲེགས་པ་བདག །ལྷ་དང་རྒྱལ་པོ་གོལ་སར་འགྱུར། །ཕྲག་དོག་གཟའ་དང་གཤིན་རྗེའི་རིགས། །འདོད་ཆགས་མ་མོ་གནོད་སྤྱིན་རིགས། །ཞེ་སྡང་བཙན་དང་སྲིན་པོར་གོལ། །སྲོག་ལུས་འབྲེལ་པས་བདུད་ཅེས་བྱ། །ཡི་དྭགས་གཤིན་རྗེ་རྡོག་རྣམས་རྗེ། །ཕྲ་མོར་རྒྱུ་བ་སྣང་ཞིང་དྲེགས། །དེ་ཡི་དོན་གྱིས་སྲིན་པོར་བྱུང་། །གང་གིས་གནོད་པ་སྦྱིན་བྱེད་པའི། །དེ་ཡི་རིགས་དང་མཚན་ཉིད་དོ། །གང་ལས་བསྐྱེད་པ་མ་མོ་སྟེ། །སྐྱོད་བྱེད་ནུས་པ་ལྷ་ཡིན་ནོ། །གདུག་ཅིང་གཏུམ་པས་མི་འཆོར་བ། །གཟའ་ཞེས་བྱ་བར་བརྗོད་པ་ཡིན། །བླུན་ཞིང་མྱོས་པས་ཀླུ་ཞེས་བྱ། །འགྲོ་བ་རིགས་དྲུག་སོ་སོ་ལ། །བདུད་དང་ལྷ་དང་ལྷ་མིན་ཏེ། །གནོད་སྦྱིན་གཟའ་དང་རྒྱུ་སྐར་བཅས། །རྒྱལ་ཆེན་རིགས་བཞིའི་ལྷ་ཡི་སྡེ། ་།མ་མོ་སྲིན་མོ་མི་ཡི་སྡེ། །གཤིན་རྗེ་ཡི་དྭགས་སྡེ་ཡིན་ཏེ། །ཀླུ་ནི་བྱོལ་སོང་སྡེ་ཡིན་ནོ། །བདུད་རིས་ཕོ་དང་མོ་ཡི་རིགས། །ཡེ་ནས་གནས་དང་བློ་བུར་བྱུང་། །འཐབ་དང་མྱོས་དང་དྲེགས་པར་བྱེད། །སྲེད་དང་ཆགས་པར་བྱེད་པ་སྟེ། །གཤིན་རྗེ་ལས་དང་ཞི་བས་སྟེ། །གཟུགས་ཅན་གཟུགས་མེད་དབང་ཅན་དང་། །དབང་མེད་ཕྱིར་དང་ནང་ཁྱད་པར། །ལས་ཀྱིས་རབ་ཏུ་བསྒྲིམས་པ་ཡི། །སྲིན་པོ་ཤ་ཟ་རྒན་མོ་ཅན། །སྤྲུལ་པ་དང་ནི་གཟུ་ལུམས་ཅན། །རབ་ཏུ་རྒྱུ་དང་གཅིག་པུ་གནས། །གནོད་བྱིན་གཙོ་དང་འཁོར་གྱིས་བརྟགས། །གྲོལ་བ་དང་ནི་རང་རྒྱུད་དེ། །ཐ་དད་རིགས་ནི་བཅྭ་བརྒྱད་དེ། །གནོད་ཅིང་འཚེ་བའི་བདག་ཉིད་ཅན། །ལྷ་ནི་འདོད་པའི་གཟུགས་ཅན་དང་། །གཟུགས་མེད་ལྷ་མ་ཡིན་དུ་གཏོགས། །རབ་ཏུ་གདུག་རྩུབ་ཆེ་བས་ནི། །ལྷ་མིན་མི་མ་ཡིན་དུ་གྲགས། །གང་ལས་བྱུང་དང་གང་ལས་སྲིད། །གང་གིས་བསྐྱེད་པའི་གཞིར་གྱུར་པ། །མ་མོ་ཞེས་སུ་གྲགས་པ་སྟེ། །ལས་དང་ཡེ་ཤེས་བསྡུས་ཤིང་ཕྱེ། །ཕྲ་དང་རགས་པའི་ཁྱད་པར་གྱིས། །ཆེ་ཆུང་གཅལ་དང་འཁོར་དུ་སྣང་། །མཁའ་ལ་རྒྱུ་བའི་དྲག་ཤུལ་ཅན། །ལས་ཀྱི་ཕུང་པོ་ཁོ་ནའོ། །རྒྱལ་པོ་བླ་རྗེ་བྲམ་ཟེ་དང་། །དམངས་དང་གདོལ་པ་ཅན་རྣམས་ཀྱིས། །ཉི་ཤུ་རྩ་ལྔའི་ཡན་ལག་འགྱུར། །ཐ་དད་རིགས་ནི་སྡེ་ཡིན་ནོ། །འདི་དག་ཐོག་མའི་ལས་ཀྱི་དངོས། །དངོས་དང་རང་བཞིན་མཚན་ཉིད་ཀྱིས། །མ་རིག་འཁྲུལ་པའི་གཟུང་འཛིན་བྱུང་། །བདག་བལྟ་བག་ལ་ཉལ་དུ་གནས། །གཡོ་འགུལ་ཕྲ་མོའི་ཀུན་ནས་ལྡང་། །འཁྲུག་ཅིང་འཚེ་དང་རྩོད་པར་ཤར། །བསོད་ནམས་ལས་དང་དེ་མ་ཡིན། །ལས་ཀྱི་མཐའ་གཉིས་གཡང་སར་ལྷུང་། །གནག་ཅིང་མི་དགེ་ཟག་པར་བཅས། །ཁ་ན་མ་ཐོ་ལུང་མ་བསྟན། །ལོག་པ་ལུས་ངག་ཡིད་གསུམ་གྱིས། །གནས་ངན་ལེན་པའི་རྒྱུན་ཆགས་འཐུད། །དུས་གསུམ་ཕྱོགས་དང་བཅས་པ་ཡི། །རྗེས་སུ་འགྲོ་དང་བཟློག་པ་ཡིས། །འཁོར་བ་བརྟེན་གཞི་དམ་པོ་བཙུགས། །སོ་སོར་མ་རིག་སྲོག་ལ་གཅོད། །ལོངས་སྤྱོད་འཕྲོག་ཅིང་རྣམ་པར་འཚེ། །གཟི་མདངས་འབྱོར་པ་སྡེ་དང་བཅས། །གང་ཡིན་འཇོམས་ཤིང་རླག་ནུས་ལ། །རྒྱུད་ལ་སྡུག་བསྔལ་སྐྱེད་བྱེད་པ། །མ་རུངས་ཉེས་པ་འབྱིན་བྱེད་ལས། །སྲོག་ལེན་ཚེ་འཕྲོག་གཅོད་དང་ཤ །མྱོས་འཐིབས་བྱི་ནད་རིམས་དང་ཡམས། །གཅོག་འགྱེལ་གདུག་པའི་ནང་འབེབས་ཤིང་། །རྨེ་དང་འཁྲུགས་པ་རྩོད་པ་དང་། །ཐོར་ཤོད་ལས་དང་དམོད་པ་ཡིས། །རང་གི་སྡེ་ལས་རེ་རེ་ཡང་། །ཀུན་ལ་ཁྱབ་པ་བརྒྱད་བརྒྱད་དེ། །དྲུག་ཅུ་རྩ་དྲུག་ཡན་ལག་བཅས། །ལས་ཀྱི་དབྱེ་བ་བསམ་མི་ཁྱབ། །དྲེགས་པའི་བདག་པོ་སོ་སོ་ཡི། །རང་བཞིན་དགོས་པའི་བྱེ་བྲག་གིས། །དུས་གསུམ་སངས་རྒྱས་བསྟན་པ་དག །ཚུལ་བཞིན་སྲུང་བའི་དམ་ཚིག་ཅན། །དྲག་སྔགས་ལས་ཀྱི་དམོད་པ་ལ། །བརྒྱ་དང་བཅུ་གཉིས་བཅུ་དྲུག་གིས། །ནུས་པ་རྫུ་འཕྲུལ་མཐུ་ལ་སོགས། །རང་གི་རིགས་ལ་གང་བསྔགས་པ། །དེ་དང་དེ་ལ་རབ་སྦྱར་བས། །ལས་ཀྱི་མཐའ་ལ་གང་དམིགས་པ། །རྡོ་རྗེ་ཅན་གྱིས་ཡོངས་གྲུབ་སྟེ། །ང་ཡི་སྟོབས་དང་ནུས་པ་དང་། །མཐུ་དང་རྫུ་འཕྲུལ་ཡོན་ཏན་ཚོགས། །ལུས་ངག་ཡིད་ཀྱིས་རབ་འབད་པ། །གང་ཡིན་དེ་ལ་མངོན་པར་འབྱུང་། །དེ་ཡི་ཐུན་མོང་ཡོངས་འགྲུབ་ཅིང་། །མཐར་ཕྱིན་པ་ཡང་ལེན་པར་བྱེད། །འདི་ལས་མ་འོངས་རྙོག་པ་ཅན། །ཐེ་ཚོམ་བསྐྱེད་པར་མ་བྱེད་ཅིག །ང་དང་རྒྱལ་བ་ཐམས་ཅད་ཀྱིས། །འདི་ནི་རབ་ཏུ་བསྔགས་པའོ། །ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་དྲེགས་པ་ཅན་གྱི་སྡེ་རིགས་དབྱེ་བ་བསྟན་པའི་ལེའུ་སྟེ་བརྒྱད་པའོ།། །།དེ་ནས་རྡོ་རྗེ་འཛིན་པ་ཡིས། །ལས་ལ་སྦྱར་བའི་རིམ་པ་གསུངས། །དུར་ཁྲོད་ཆུ་གླིང་རི་རྩེ་དང་། །ཆུ་འདུས་ངམ་གྲོག་འཇིགས་སུ་རུང་། །ཕུང་ཤུལ་ནགས་ཁྲོད་མ་རུངས་པ། །དྲེགས་པ་ལས་ཀྱི་གནས་ཡིན་ནོ། །མི་རུས་མི་གསད་ཕུང་ཤུལ་ས། །རྡུར་ཟད་ཕེ་ཏ་རུལ་ཆད་ས། །ས་སྨིན་དྲི་ཆེན་མ་རུངས་ཁྲག །ལས་ཀྱི་རྟེན་འབྲེལ་དམིགས་པའི་རྫས། །རྟ་ནག་དྲེ་ནག་མ་ཧེ་དང་། །ཆུ་གླང་དང་ནི་སྟག་སེང་དང་། །རྟ་དཀར་ནེ་ལེ་རྒོད་དཀར་དང་། །དོམ་ནག་དམུ་རྟ་བན་གླང་དང་། །འབྲུག་ཆེན་རྨ་བྱ་རུས་སྦལ་དང་། བྱ་ཁྱི་ཀུ་ཀུ་ཤེལ་དང་མི། །རྒྱལ་མཚན་ཐོད་པ་སྙིང་དང་ཁྲག །བདུད་རྩི་འབྲུ་བཅུད་བྱང་ཆུབ་སེམས། །རང་གཟུགས་སྙིང་པོ་འཁོར་ལོ་བཅས། །རྒྱན་ལྡན་ཤོས་ཆ་མཐུན་པའི་རྫས། །དམ་ཚིག་མཆོད་ཅིང་བརྟེན་པའོ། །སོ་སོར་སྔགས་པའི་ལས་ཁུང་དུ། །ཐོད་ངན་འབྲུ་ནག་དུག་ཁྲག་གཡོས། ཁུ་གསུམ་ཕུ་ས་མཚོན་ཆ་རྣམས། །གསད་པ་ཐུན་གྱི་རྫས་ཡིན་ནོ། །རྨེ་ཁྲག་གསུམ་དང་དྲི་ངན་གསུམ། །སྲོག་ཆགས་གསུམ་དང་རྨེ་རྫས་གསུམ། །ཐབས་རྫས་གསུམ་དང་བསྲེག་རྫས་གསུམ། །རྟེན་ས་གསུམ་དང་དྲིལ་ས་གསུམ། །བཞུགས་ས་གསུམ་དང་དབབ་ས་གསུམ། །ཀུན་རྫོགས་རྩོལ་བའི་སྦྱོར་བ་ཡིས། །ཆུ་དྲག་དབབ་པ་ངེས་པར་འགྲུབ། །རིགས་སུལ་སྣོད་དང་མཆོད་རྫས་དང་། གནས་སྦྱོང་བྱང་ཆུབ་སྲིད་འདོར་བློས། །ལེགས་སླངས་ཡིད་ཀྱིས་མཐུན་སྤྱད་པས། །གང་ལ་དམིགས་པ་དེར་གཏད་པས། །ཆོས་སྐུའི་གཟུགས་བརྙན་རྟེན་ཁང་ལ། །སྟེང་འོག་གནས་གསུམ་བདག་པོ་གསུམ། །རྒྱ་མཚོའི་གཏིང་དང་རི་རབ་ཟུར། །བར་སྣང་ཁམས་དང་ནམ་མཁའི་དབྱིངས། །བསྲུང་དང་བཟློག་དང་གསད་པའི་ལས། །དམག་དཔུང་བསྡུ་དང་དཔལ་སྐྱེད་དང་། །རབ་ཏུ་ཁྲོས་དང་སྦྱོར་བ་ཞིག །ལས་ཀྱིས་ཕ་རོལ་དམོད་པས་བཟློག །ངན་པའི་ཐོད་པ་སྣ་གསུམ་དང་། ཁེས་པ་མ་ཡིན་ས་བརྒྱད་དུ། །རྟེན་ཅིང་འབྲེལ་པ་འབྱུང་སྦྱོར་བས། །དམིགས་པའི་ནུས་སྟོབས་གནོན་པར་བྱེད། །ཁྱད་པར་ལས་ཀྱི་བྱེ་བྲག་གིས། །རྒྱལ་པོ་ཡ་རབས་རྗེ་དཔོན་དང་། །ཆུང་མ་སློབ་དཔོན་མཁན་པོ་དང་། །རབ་བྱུང་ཁྱིམ་པ་སྔགས་སྤྱོད་དང་། །ཕྱི་རོལ་ཕྱོགས་དང་ཆོས་ཀྱི་གྲོགས། །ཆེ་བཙན་དྲེགས་པས་བསྙེམས་པ་དང་། །ང་རྒྱལ་ལྡན་ཞིང་སྐལ་བ་བཟང་། །ཀུན་གྱིས་བཀུར་ཞིང་བརྗོད་པ་དང་། །སེམས་རྒྱུད་བསྲེལ་དང་ཡུན་གྱིས་དྲིན། །ཉེ་བར་བསྟན་ཅིང་སློབ་སྦྱོང་གནས། །ལྷག་པའི་ལྷ་ཡིས་རབ་སྐྱངས་ཏེ། །ཐུན་མོང་ནུས་པའི་སྟོབས་རྙེད་ཅིང་། །ཡོན་ཏན་གཅིག་གིས་རབ་བསྡུས་པས། །ཚར་གཅད་དཀའ་བའི་ཡུལ་ཡིན་ཏེ། །མ་ལུས་གང་ལ་བསྔགས་པ་ཡིས། །ཏིང་ངེ་འཛིན་དང་དམིགས་པའི་གྲོགས། །རབ་སྔགས་བརྩོན་འགྲུས་ཅན་གྱིས་བསྒྲལ། །གཞན་ཡང་ཞི་དང་རྒྱས་པ་དང་། །དབང་དང་མངོན་པར་སྤྱོད་རྣམས་དང་། །རྡོ་རྗེ་འཛིན་པ་ང་དང་གཞན། །མཚུངས་ལྡན་རྣམས་ཀྱིས་བཤད་པ་བཞིན། །ཐོགས་མེད་ནུས་པའི་སྟོབས་ཀྱིས་སྤྱད། །དེ་དག་གསང་བའི་དམོད་པ་ཡང་། །དྲེགས་པ་སྡེ་བརྒྱད་སོ་སོ་ཡི། །གལ་གནད་སྙིང་པོ་འདི་དག་གོ །ཡ་མ་དུ་ཧ་ན་ཧ་ན་ཏིགི་ཏིགི་རུ་་་མ་མ་སོད་སོད། ཁ་ཏྲི་ཛ་མ་ཏྲི་ཛ༷༷ཛ༷་༑ག་ཏྲི་ཛ༷༷ ཡག་ཤ་ཛ༷༷ད་ཏྲི་ཛ༷༷ ཤ་ཏྲི་བ་ཏྲི་ཛ༷༷། ཙིསྟ་༄༅ པྲ་མ་ཡ་ཨ་མུ་ཀ་སྲོག་ལ་ཛ༷༷ཛ༷༷སྨྱོ། ཏྲི་ཙ་པ་ལ་ཨག་ཤུག་མེ། ཨ་སྒྲི་ཤ །ཨ་སྟི་ཤུ། ཙག་ཀྲ་རག་ཤ་ས་མ་ཡ་དུན་ཐུམ་རིལ་ལི་ལི། མྱགས་མྱགས་མྱོགས། སྲོག་ལ་ཐུན་རྦད། རག་ཤ་སྲོག་ལ་ཕྲིག་ཕྲིག །ཨ་པ་ཏི་ལི་ཀི་ནི་ཡ་མ་ཐྲི་ཧྲི་སྟི་སྒྲི་ཏྲི་ཏ་ན་ཀྲོ་མ་རི་པ་ཏྲ་སྲོག་ལ་དུན་སྦྱོ། །མ་ཧྭ་ཡག་ཤ་ཐུམ་རིལ་རྦད། མ་རུ་ཙེདྷ་ཤ་འགྲི་བ་པྲ་མ་ལིང་། །གསོད་སྒྲ་གཅོད་བྱེད་འཕྲོག་བྱེད་ཀྱིས། །མ་ལུས་ལས་ལ་བསྔགས་པ་འགྱུར། །དྲི་ཧུར་ཐུམས་ཛ༷༷ ཤ་ཏྲུ༷་མྱ་ར་ཡ་རྦད། ཨ་མུ་ཀ་མུ་ར་ཡ་ནུ་མ་ཀ་མ་རུ་སོད་སོད། །གསད་པ་ཐུན་གྱི་དམོད་པའོ། །བྱི་ཤ་མི་ཀི་དུ་རུ་མི་ཏྲི་ཀ་ཏ་ཛ་ལ་ཨ་ཏ་ཛ་ལ་གྲྭ་ཧྭ། ཙ་པ་ཏི་རྭ་ཧུ་ལ་མ་ཧྭ་ཀྲོ་དྷ་ཀ་པ་ཤར་ཤར་ཏ་ཤ་ར་ཏི་ཧཱུཾ༷་ཕཊ། བི་ཤུ་ལ་དུ་མ་གི་ཤ་ཛ་ལ་ཨ་ན། མ་ཧྭ་ཙནྟྲ་རག་ཤརྟ་ད་དྲི་མ་ཡ་རུ་ཏྲ་ས་ཏྲི་བྱི་ནཱ་ག་རྭ་ཙ་བེ་ག་ཨ་ནརྙ་རསྒ་ཏི་སནྟྲ་རལྟོ་ན་ཙིཀྟ་བྷ་མི་ཀུ་མྲ མུ་ཧྲི་ཙནྟྲ་དུམ་བུ་དུམ་བུ། ཁ་ལ་རག་ཤ་ཐུམ་རི་ལི་ལི མ་མ་ས་མ་ཡ་་ག་རག་ཤ་སྒཀུ་རག་ཤ་མ་ཏྲི་ག་ན། མ་ས་ཁ་ཡ་ཀུ་རུ་ཏི་རྩེ་བྷ་ལི་མུ་ཏ་ད་ར་ད་ར། ཏྲི་ཀ་ར་མི་ཏྲི། དུལ་དུལ། སྙིང་ཁྲག་ལ་རིལ་རིལ། རྩ་༷ལ་ཐུན་ཐུ༷ན། ་ག་རག་མོ་ཧྲིལ་ཧྲིལ། ཤག་ཤག ཁྲར་ཤར་རྦད། མ་མ་ཙག་ཤ་སྒག་ཏུ་ཕྲོམ། ཨ་སེ་ལ་མི་བྱི་རུ་ལུ་རུ་ལུ་མ་མ་་ག་རག་ཤ་ཧྲིལ་ཧྲིལ་ཤར་སྨྱོ། མྱ་ར་ཡ་ར༷་ཧྲིལ་ཤར་སྨྱོ། ཤེལ་ཏྲ་ཧཱུཾ༷་དྲག་ཏུ་རྩར་ཤུ་ཏེ་ཕྲོ་ཀ་ར་ཕྲོ། །ཕྱིར་མ་ཏི་བ་ཤད། མི་ཀི་རི་ར་ཧུ་ལ་ཤག་ཤག་ཧྲིལ་ཕོབ། ཁྲག་ལ་ཙ་ར་མུ་ཤ་སྨྱོ། ཏྲག་རམ་ཐུན་ཤག་རིལ་རམ་ཤར་སྨྱོ། བདུད་ཕྲོ༷་ཀར་ཤུ་ཏི་ཕྲོ། ནག་ཧྲིལ་སེན་ཤག་ས་དུ་མ་ཡ་ཧྲིལ་སྨྱོ། པྲ་ཏ་པ་ཤ་ཡ་ཡ་མ་སྙིང་མ༷་མ་ཁྲག ༷།ར་ཧུ་ལ་ཧྲིལ་ཧྲིལ་ཤག་ཤག །སེར་སེར། ཏུག་ཏུག །ཡ་ཡ། ཕོབ་ཕོབ། མུ་ཀ་ཡེ། ཀ༷་པ་ཡེ། ཨ་པ་ཡེ། ཧྲི་སྟི་བྱི་ཀྲི༷ན་ཏེ། ཛ་བ་ཏི་ར་ཧུ་ལ་མ་ཧྭ་ཀྲོ་ཏ་ཀ་བབ་ཏ་ཤར་ཤལ་ཏ་ཏེ་ཧཱུཾ༷་ཕཊ། ཐིག་ནིག ཁུ་ཏི་ཕྲོ། བདུད་ཕྲོ། མཐོངས་ཕྱེ། ལྕགས་སྒྲོག་ཁྲོལ། མི་རེང་སོད། རྐྱང་རྗེ་རྐྱང་མོ་ཙུ་རུ་ཙུ་མྲ ཧོ་ཧོ། ཕྲོ་སྒྲོ། མུ་ར་མུ་ར་ཤ །དུ་རུ་ཕྲོ། ཐོག་ཧཱུཾ༷་ཨོ་སོད་སོད། །རླུད་དང་སྤྲིན་དང་རབ་རྒྱུ་དང་། །ཕྱོགས་དང་རྟགས་ཀྱི་ཚད་ལྡན་པས། །དབབ་པའི་སྦྱོར་བ་ཤེས་པར་བྱ། །སྟེང་འོག་བར་གསུམ་དྲག་པོའི་ལས། །གཞུག་དང་གཏོར་དང་བསྲེག་པའི་དང་། །བསྐོལ་དང་དགུག་དང་སྦྲེང་བ་དང་། །བོད་དང་དམོད་དང་གདུང་བ་དང་། །གཟིར་དང་སྐོར་དང་གཞིག་པ་དང་། །གཅད་དང་དྲིལ་བའི་ལས་རྣམས་ཀྱིས། །སྨིན་པའི་ལོ་ཐོག་འཇོམས་པར་བྱེད། །ནག་པོ་ཏི་པ་ཙ་ཡ་ན་རག་ཤ །རྭ་ཛ་དྷི་གུ་ལ་ཕེ་ཤ་རག་ཤ་ནཱན། ཕོས་ཕོས། ཤིག་ཤིག ཧུ་ཡ་ཧུ་ཡ། ཏིརུ་ཏིརུ། ཀྭ་ལ་ནཱ་བནྟྲ་དགྲ་བོ་མྱ་ར་ཡ་ཛ༷༷ ནག་པོ་ཏི་པ་ཙ་ཡ་ཕེ་ཤ་རག་ཤ་ཛ༷༷ ནཱ་ག་ཀ་ཀ་ལ་ཕེ་ཤ་རག་ཤ་ཛ༷༷ཛ༷༷ ཨ་ཤ་ན་ནཱ་ག་ཏི་པ་ཙ་ཡ་དགྲ་བོ་མ་ར་ཡ་ཛ༷༷ ནཱ་ག་རྭ་ཛ་ཤག་ཏི་སྲོག་ཏི་ལ་རྦད། སྙིང་ལརོལ། ཤམ་ཤམ་རྦད། ཨི་ཤ་ན་ནཱན། ཕེ་ཤ་རག་༄༅། ཁྲ་ཨུ་ནཱན། ནཱ་ག་ནཱན་ཐི་ལི་ནཱན། ཕི་ལེ་ནཱན། རྩི་རི་ནཱན། ཨ་པར་སོད་རྨག །དུལ་དུལ་ཀྭ་ལ་རྔུབ་མྱོགས་ཐིབས། །མྱ་ར་ཡ་འདུ་འདུས། དྷ་ར་དྷ་ར། རྙུ་རུ་རྙུ་སྲ རུ་མྲ ར་ར། ཏི་ཏི།ཏྲི་མོ་ཏི་ཏི།ག་རུ་ག་ར་གཏོར་ཛ་མ་ར་ཏེ་གད། མན་ཛ༷༷ཕེ་ཤ་ན་རག་ཤ་ཨུ་ཏ་ནཱན། བྷ་ཤི་ནི། ཤ་ར་ལེ། ཤུ་རུ་མུ་ལེ། དྷ་ཏ་མ་རེ་ན། ཧུ་ཡ་ཧུ་ཡ། ར་ཏི་ར་ཏི། ཐི་རི་ཤག་ཙག་གི སྤོ་མྱ་ར་ཏྲི་ཡ་མ་དུ་ཡ་མ་སྙིང་ཡ་མ་ཁྲག་ཚལ་པ་བོ༷་རིལ། ནག་པོ་ཏི་པ་རག་ཤ་ནཱན། ཁུག་རོ་ལ་པི། །དགྲ་བོ་སྨྱུ་ར་ཡ་ཛ༷༷ ནག་པོ་ཏི་པ་ཙ། སྙིང་ལ་ཛ༷༷ ཤག་ཤན་ནཱན། ཁུག་ཐུམ་རིལ་རྦད། ཙན་དྲི་རག་ཤ་རོ་ལ་ཁུག་ཐུན་ཀྭ་ལ་སྙིང་ལ་ཐུམ་རིལ་རྦད། ཀྭ་ལ་ཤོ་རོ་སྙིང་ལ་སྒག་ཤ་ཧ་ར་ཀ །ཨ་མུ་ཀ་མུ་ར་ཡ་ཐུམ་རིལ་རྦད་ནཱན། ཁུགས་དང་འགྲོ་དང་ལས་བྱེད་པའི། རང་གི་རྟགས་དང་ལྡན་པ་ན། དམིགས་པའི་ལས་ལ་སྦྱར་བར་བྱ། །ཟློག་དང་མ་གྲུབ་འཁྱིལ་པ་དང་། །འབྱམས་དང་སྡུག་དང་ཟད་མཐར་གཏུགས། །གཉན་པོ་འདབ་མ་སྣ་སེལ་དང་། །བསྡུ་དང་སྤོ་དང་མི་ཟད་གཏེར། །ལོངས་སྤྱོད་ཐུག་པ་མེད་པ་ཡིས། །དབྱིངས་ཀྱི་ངང་དུ་གཏད་པར་བྱ། །སྡེ་བརྒྱད་སོ་སོའི་མིང་གི་སྔགས། །རང་སྐད་དམོད་པའི་ཡན་ལག་ལ། དྷི་བ་ཨ་བྱི་སརྦ་སྨྱོ་བཟློག །པྲ་ལ་དུན་རྩེ་ཕོབ། །བཛྲ་འགྲིག་ཤོ་ས་མ་ཡ་ཧྲི་སྨྱོ། །བསན་ཏི་མ་རུསྲ ཡམཏྲིགསྟུཏཁྲིཔལོཧཱུཾ༷། བཟློག་བསྒྱུར་གདུག་པའི་དྲག་སྔགས་ཀྱིས། ལས་ཀྱི་མཐའ་སྒྱུར་མ་ལུས་པར། །ངའམ་ང་དང་འདྲ་བ་ཡི། །རྡོ་རྗེ་འཛིན་པ་གཞན་རྣམས་ཀྱིས། །ཕྱི་ནང་གསང་བའི་ལས་རྣམས་ཀྱིས། །གང་ལ་བསྔགས་པ་དེ་དག་སྦྱར། །གཞན་གྱིས་ཐེ་ཚོམ་མི་བྱ་སྟེ། །ང་དང་དུས་གསུམ་སངས་རྒྱས་ཀྱིས། །དེ་ལ་རིག་པར་སྣང་བ་ཡིན། །ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་ཕྲིན་ལས་དམིགས་པའི་ཁྱད་པར་ལས་སྦྱར་བའི་ལེའུ་སྟེ་དགུ་པའོ།། །།དེ་ནས་རྡོ་རྗེ་འཛིན་པ་ཡིས། །ཡོན་ཏན་བསྟོད་པ་འདི་གསུངས་སོ། །ཧཱུཾ༷་དུར་ཁྲོད་ཆེན་པོའི་རོལ་པའི་དཀྱིལ་འཁོར་ནས། །གཏུམ་དྲག་མེ་ལྟར་འབར་བའི་གཞལ་ཡས་ན། །གདུག་བྱེད་རུ་་་སྟི་རའི་ཁྲི་སྟེང་ན། །མདངས་ལྡན་ཉི་ཟླ་པདྨའི་གདན་སྟེངས་ན། །དྲེགས་པའི་བདག་པོ་རྡོ་རྗེ་འཛིན་པའི་གཙོ། །བཅོམ་ལྡན་དཔལ་ཆེན་སྟོབས་ལྡན་ནག་པོ་ནི། །སྐུ་མདོག་མཐིང་ནག་རབ་ཏུ་འབར། །ས་དགུ་རྫོགས་པས་དབུ་དགུ་བསྟན། །སྟོང་པ་བཅྭ་བརྒྱད་ལྡན་པའི་ཕྱག །ཞབས་ཀྱིས་བརྗིད་པའི་བདུད་བཞི་གནོན། །དབུས་མཐིང་གཡས་དཀར་གཡོན་དམར་བས། །ཁྲོ་ཞིང་བཞད་དང་གཙིགས་པའི་ཞལ། །རལ་པ་ཁམ་ནག་སྲིད་རྩེར་འབར། །ཁམས་གསུམ་མ་ལུས་སྤྱན་གྱིས་གཟིགས། ཁྲངས་ཀྱིས་སྲིད་གསུམ་མ་ལུས་རྔུབ། །སྙན་གྱིས་སྟོང་གསུམ་འབྲུག་སྒྲས་འགེངས། །ཚེམས་ཀྱིས་གནོད་གདུག་མ་ལུས་སྒྲོལ། །ལྗགས་ཀྱིས་གློག་དམར་འཇིག་རྟེན་ཁྱབ། །ཁྲོ་གཉེར་འོད་ཀྱིས་དབང་དུ་སྡུད། །ཕྲིན་ལས་རིགས་ཀྱིས་དབུ་ལ་བརྒྱན། །བཅྭ་བརྒྱད་ཕྱག་གི་དང་པོ་གཉིས། །དབང་སྡུད་རྡོ་རྗེ་དྲིལ་བུ་འཛིན། །གཡས་གཡོན་འོག་མའི་ཕྱག་བརྒྱད་ན། །དྲེགས་པའི་ལྷ་བརྒྱད་བྷན་དྷ་གཡས། །ཙིསྟ་སྲོག་རྩ་གཡོན་ན་བསྣམས། །འབར་བའི་ཆས་ཀྱིས་སྐུ་ལ་བརྒྱན། །བསྲུང་བའི་ལྷ་བརྒྱད་སྐུ་ལ་རྫོགས། །གཡས་གཡོན་ཞབས་ཀྱིས་དྲེགས་པ་གཟིར། །མ་རུངས་གདུལ་དཀའ་རྣམས་ཀྱི་གཤེད། །ལོག་ལྟ་རུ་ཏྲ་འདུལ་བའི་དཔལ། །འབྱུང་ལྔའི་བདག་མོ་གཉིས་མེད་ཡུམ། །དབུ་གསུམ་ཕྱག་དྲུག་ཞབས་བཞི་སྦྱོར། །གྲི་གུག་ཏྲི་ཤཱལ་བདུད་རྩི་གཡས། །བྷན་དྷ་ཞིང་ཆེན་གཡང་གཞི་གཡོན། །མཐིང་ནག་འོད་ཀྱིས་ཀུན་ཏུ་ཁྱབ། །ཆེད་འགའ་རིགས་ཀྱི་སྤྲུལ་པ་འདི། །དབུ་གསུམ་ཕྱག་དྲུག་ཞབས་བཞིར་བགྲད། །སྐུ་མདོག་མཐིང་ནག་ཁྲོས་ཤིང་རྔམ། །ཕྱག་དྲུག་གཡས་གཡོན་དང་པོ་ཡིས། །རྡོ་རྗེས་དུང་ཁྲག་དཀྲུག་ཅིང་གསོལ། །གཡས་གཡོན་གཉིས་ཀྱི་ཕྱག་བཞི་ཡིས། །ལྷ་བརྒྱད་ཀླུ་བརྒྱད་ཙིརྟི་རོལ། །ཡུམ་ཆེན་ཞལ་གཅིག་ཕྱག་གཉིས་མ། །སྐུ་མདོག་མཐིང་ནག་ཞབས་གཉིས་སྦྱོར། །གཡས་ཀྱིས་ནམ་མཁའ་སྟོང་ཁམས་འདེགས། །གཡོན་གྱིས་འཇིག་རྟེན་ས་གཞི་གནོན། །ཞལ་ནས་འབྱུང་བ་ལྔ་འཆར་མ། །དཔལ་ཆེན་ཡབ་ཡུམ་བྱིན་རླབས་ལས། །སྤྲུལ་པའི་དྲེགས་པ་ཕོ་མོ་གཙོ། །བདུད་མོ་ནག་མོ་ཁ་རླངས་ཅན། །ཞལ་གཅིག་ཕྱག་གཉིས་སྐུ་མདོག་མཐིང་། །ཁྲམ་ཤིང་ཏྲི་ཤཱལ་གཡས་ན་བསྣམས། །གཡོན་གྱིས་ཁ་ཊ༷་ཞགས་པ་འཕེན། །ན་བཟའ་ཞིང་ལྤགས་རློན་པ་གསོལ། །ཞབས་གཉིས་གདུག་པའི་སྙིང་གར་གཟིར། །བདུད་མོ་ནག་མོ་ཁྲག་འཛག་མ། །ཁྲམ་པེ་ཐོད་རློན་ཕྱག་ན་བསྣམས། །སྐུ་ལ་ཞིང་ལྤགས་གསར་པ་བགོས། །བདུད་རྟ་ནག་པོ་ཆིབས་སུ་བཅིབས། །ཞབས་ཀྱིས་བགེགས་བཤུགས་ཀྱིས་སྒྲོལ། །འཆི་བདག་གཤིན་རྗེ་ནག་པོ་ནི། །ཞལ་གཅིག་ཕྱག་གཉིས་སྐུ་མདོག་གནག །ཕྱག་གཡས་ཐོས་ཁྲག་གྲི་གུག་གཡོན། །བཙུན་མོ་ཡུམ་ཆེན་ཟ་བྱེད་མ། །གྲི་གུག་ཐོད་པ་ཕྱག་ན་བསྣམས། །ཡབ་ཡུམ་ཞིང་ལྤགས་རློན་པ་གསོལ། །མ་ཧེ་ཁྲོས་དང་ཆུ་གླང་བཅིབས། །ཞབས་ཀྱིས་དགྲ་བགེགས་ཕོ་མོ་གཟིར། །སྲིན་པོ་གསོད་བྱེད་སྐུ་མདོག་གནག །ཕྱག་ན་རལ་གྲི་ཐོད་ཁྲག་བསྣམས། །ཡུམ་ཆེན་གསོད་པར་བྱེད་མ་ཡང་། །གྲི་གུག་མི་ཐོད་ཕྱག་ན་བསྣམས། །ན་བཟའ་ཞིང་ལྤགས་རློན་པ་གསོལ། །སྟག་སེང་རོལ་པ་ཆིབས་སུ་བཅིབས། །གནོད་སྦྱིན་གང་བ་བཟང་པོ་ཡང་། །ཞལ་གཅིག་ཕྱག་གཉིས་སྐུ་མདོག་སྔོ། །དར་ནག་འཕྱར་ཞིང་ཞིང་ལྤགས་བརྡེག །ཡུམ་ཆེན་ཤ་ཟ་རལ་གཅིག་མ། །ཡུམ་གྱི་ཚུལ་འཛིན་སྤྲུལ་པ་མོ། །ཞིང་ལྤགས་གྱོན་ཏེ་གྱི་ལིང་བཅིབས། །དྲག་སྔགས་བདག་པོ་ཆེན་པོ་ནི། །དབངཕྱུག ཆེནཔོལྷ ཡི གཙོ། །མདོག་དཀར་ཤེལ་གྲི་བ་དན་འཕྱར། །ན་བཟའ་དར་དཀར་བེར་ཆེན་གསོལ། །ཆིབས་སུ་གནམ་རུ་དཀར་པོ་བཅིབས། །ཐར་པ་ནག་པོ་རུ་ཏྲེརེ་གཙོ། །མཆོད་གཏོར་དུག་ཐུན་ཕྱག་ན་བསྣམས། །ཞིང་ལྤགས་གྱོན་ཏེ་དོམ་ནག་བཅིབས། །དམུ་བདུད་རྗེ་དཔོན་ནག་པོ་ནི། །དར་ནག་འཕྱར་ཞིང་སྟི་ར་འདྲད། །བེར་ནག་གསོལ་ཞིང་དམུ་རྟ་བཅིབས། །མུ་སྟེགས་ཀྭ་ལ་ཡག་ཤ་ནི། །མཐིང་ནག་ཁ་ཊ༷་ཏྲི་ཤཱལ་འཛིན། །ཞིང་ལྤགས་བགོས་ཏེ་མ་ཧེ་བཅིབས། །ཁྱབ་འཇུག་རོག་ཏི་ནག་པོ་ཡང་། །ཁྲམ་ཤིང་དགྲ་སྟུ་ཕྱག་གིས་འཛིན། །སྤྱིན་ནག་བགོས་ཏེ་འབྲུག་སྔོན་བཅིབས། །ཀླུ་རྒྱལ་བ་རུ་ཎ་ཡི་རྗེ། །སེར་ནག་སྦྲུལ་གྱི་ན་བཟའ་གསོལ། །བུམ་པ་རུས་སྦལ་ཕྱག་གིས་འཛིན། །ཆིབས་སུ་ཆུ་སྲིན་མགོ་དགུ་བཅིབས། །རྒྱལ་པོ་ཧར་མཛེས་ཞེས་བྱ་བ། །མདོག་དཀར་ཤེལ་གྲི་དར་དཀར་འཛིན། །སྲས་མཆོག་འབར་བ་དམར་པོ་སྟེ། །མདུང་རིངས་གཡས་ལ་ཤན་གྲི་གཡོན། །རྡོ་རྗེ་མཛེས་པ་མདོག་དམར་པོ། །རུ་མཚོན་དགྲ་སྟུ་ཕྱག་གིས་འཛིན། །ཁི་ལེ་ལག་དགུ་འབར་བ་ཡང་། །མདོག་གསེར་སྤྲུལ་བའི་ལག་དགུ་འགྱེད། །ཞིང་ལྤགས་བགོས་ཤིང་སྟི་ར་གནོན། །དྲག་སྔགས་བདག་པོ་གཙོ་འཁོར་ཡང་། །རང་གི་རིགས་ཀྱི་འཁོར་འདུལ་བ། །སོ་སོའི་སྤྲུལ་པ་བསམ་མི་ཁྱབ། །གཅོད་པར་བྱེད་པ་བདུད་ཀྱི་སྡེ། །འཆི་བརབྱེདཔ གཤིནརྗེའིསྡེ། །གསོད་བྱེད་ཤན་པ་སྲིན་པོའི་སྡེ། །གདུག་རྩུབ་འཆང་བ་གནོད་སྤྱིན་སྡེ། །དྲག་རྩལ་ལྡན་པ་ལྷ་ཡི་སྡེ། །ནག་གདོན་འབེབས་པ་མ་མོའི་སྡེ། །ནམ་མཁའ་དབང་སྒྱུར་གཟའ་ཡི་སྡེ། །གླེན་ལྐུགས་གདུག་པ་ཀླུ་ཡི་སྡེ། །སྡེ་བརྒྱད་དམོད་པའི་དྲག་སྔགས་ཅན། །མཐུ་དང་རྫུ་འཕྲུལ་བསམ་མི་ཁྱབ། །འཁོར་དང་སྡེ་རིགས་བརྗོད་མི་ལང་། །ཕྲིན་ལས་ལོངས་སྤྱོད་མི་ཟད་གཏེར། །ཡོན་ཏན་ནུས་པ་དཔག་ཏུ་མེད། །ཞེ་སྡང་ཅན་ལ་ཁྲོས་པར་སྟོན། །ང་རྒྱལ་ཅན་ལ་ལྷག་པར་སྟོན། །འདོད་ཆགས་ཅན་ལ་མི་སྡུག་སྟོན། །གཏི་མུག་ཅན་ལ་མྱོས་པར་སྟོན། །སེར་སྣ་ཅན་གྱིས་འཕྲོག་པར་བྱེད། །ཕྲག་དོག་ཅན་ལ་འཇིགས་པར་སྟོན། །ཁྱོད་ཀྱི་མི་འདུལ་གཅིག་མེད་ཀྱིས། །མཆོད་ཅིང་བསྐང་བའི་ཐུན་རྫས་བཞེས། །བཅོལ་ཅིང་གཉེར་བའི་ལས་མརྫོད་ཅིག །བསྟོད་ཅིང་བསྒྲུབ་པས་ལས་མཛོད་དགྱེས་པར་མཛོད། །དེ་ནས་རང་གི་སྙིང་པོ་དང་། །འཇིག་རྟེན་དྲེགས་པའི་བདག་པོ་རྣམས། །སོ་སོའི་སྔགས་ཀྱི་ལས་ལ་སྦྱར། །རྡོ་རྗེ་འཛིན་པ་ཆེན་པོ་ཡིས། །བྱང་ཆུབ་སེམས་ཀྱིས་བསམ་པ་ཡིས། །ལྟོས་དང་རེ་བ་ཀུན་སྤངས་ཏེ། །སངས་རྒྱས་བསྟན་པ་རབ་དམིགས་ནས། །དྲག་སྔགས་བདག་པོ་ཉེར་བསྒྲུབས་ན། །ང་དང་སངས་རྒྱས་ཐམས་ཅད་མཉེས། །རིག་པ་འཛིན་པའི་ས་ཐོབ་ཅིང་ སེམས་ཅན་རྣམས་ཀྱི་སྟོན་པར་འགྱུར། །ཐུན་མོང་བ་དང་ཉེ་བ་དང་། །མཆོག་འགྱུར་རིང་བའི་དངོས་གྲུབ་ཀུན། །དཔའ་བོ་དེ་ལས་མངོན་དུ་འབྱུང་། །ཡོན་ཏན་མཆོག་གི་སྟོབས་རྙེད་ཅིང་། །འཇིག་རྟེན་ཆོས་ལས་རབ་བསྔགས་པའི། །བྱང་ཆུབ་སེམས་དཔའི་སྤྱོད་པ་དང་། །ས་ཆེན་པོ་ལ་རྟོགས་པ་ཡི། །རླབས་ཆེན་རྣམས་ཀྱང་ནུས་པར་སྤྱོད། །མཐུ་སྟོབས་ནུས་པ་བསྙེམས་པ་ཡིས། །གཞན་གྱིས་བརྫི་བར་མི་ནུས་ཤིང་། །རང་གི་དབང་དུ་ཁུགས་པ་དང་། །བསྒོ་བ་རྩོད་པ་མེད་པར་འགྱུར། །ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་བསྟོད་པ་ཡོན་ཏན་བརྗོད་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས། ཉིད་ཀྱི་སྐུ་འཇིགས་བྱེད་ཆེན་པོའི་ལུགས་སུ་སྐུ་སྤྲུལ་ཏེ། ཐུགས་ཆོས་ཉིད་ཞི་བ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། སྐུའི་གནས་ཐམས་ཅད་ལས་འོད་ཀྱི་དྲ་བ་དཔག་ཏུ་མེད་པ་ཕྱུང་ནས། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་དྲེགས་པ་ཅན་གྱི་གནས་ཐམས་ཅད་ཁྱབ་པར་མཛད་ནས། མ་རུངས་ཤིང་གདུག་པ་དང་གཏུམ་པའི་སེམས་དང་བསམ་པ་ཐམས་ཅད་ཀྱང་མ་ལུས་པར་ཞི་བ་བྱང་ཆུབ་ཀྱི་སེམས་དང་ལྡན་པར་གྱུར་ཏེ། ཕན་པ་དང་། བདེ་བ་དང་། གནོད་པ་མེད་པ་དང་། བརྩེ་བ་དང་། ཡིད་དགའ་བ་དང་བཅས་པས་ཕྱོགས་དེར་སྣང་བར་གྱུར་ནས། ཐམས་ཅད་ཀྱིས་བཅོམ་ལྡན་འདས་རྡོ་རྗེ་འཛིན་པ་དེ་ལ་ཕྱག་འཚལ་ཞིང་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་རྡོ་རྗེ་འཆང་། །ཁྱོད་ཀྱི་བསྟན་པ་གསང་ཆེན་འདི། །མ་འོངས་པ་ཡི་དུས་དག་ཏུ །རབ་ཏུ་རྒྱས་པར་འགྱུར་ཞིག་ན། །བདག་ཅག་འཇིག་རྟེན་དྲེགས་པ་ཅན། །ཞི་བའི་སེམས་སུ་གནས་བྱས་པས། །རྗེས་སུ་སྤྱོད་པ་གང་ཡིན་པ། །དེ་ལ་རྒྱས་པ་ཕན་པར་བསྟན། །ཕྲིན་ལས་དང་ནི་ལྟ་སྤྱོད་ཀྱིས། །ཁྱབ་པ་དེ་ལས་ཡོངས་རྫོགས་ཤིང་། །གྲོགས་དང་བྲན་དང་དམངས་བཞིན་དུ། །གང་གིས་བསྒོ་བ་དེ་བཞིན་བགྱི། །དམ་ཚིག་བསྲུངས་པའི་ཡོན་ཏན་དང་། །རོལ་པའི་ཏིང་འཛིན་ལྡན་པ་ལ། །བཀའ་ལས་འདའ་བ་མི་སྤྱོད་ཅིང་། །གསུང་བཞིན་བསྒྲུབ་པ་རབ་ཏུ་སྤྲོ། །བཅོམ་ལྡན་རྡོ་རྗེ་འཛིན་ཁྱོད་ཀྱིས། །ཇི་ལྟར་མངགས་པའི་ལས་རྣམས་ནི། །བདག་ཅག་ནུས་པས་མྱུར་དུ་བསྒྲུབ། །བྱིན་གྱིས་བརླབ་པ་གཙོར་མཛོད་ཅིག །ཅེས་གསོལ་ནས་རང་རང་གི་གནས་སུ་དེངས་ཤིང་ཕྱིན་པར་གྱུར་ཏོ། །བཅོམ་ལྡན་འདས་ཀྱིས་འོད་ཟེར་གྱི་བཀོད་པ་རྣམས་རང་གི་འཁོར་གྱི་སྣང་བ་ཐམས་ཅད་ཀྱང་ཉིད་ཀྱི་སྐུའི་དབྱིངས་སུ་བསྡུས་ཤིང་སྐུ་ཉིད་ཀྱང་ཆོས་ཀྱི་སྐུའི་རང་བཞིན་དུ་གནས་པར་མཛད་དོ། །དྲག་སྔགས་འདུས་པ་རྩ་བའི་རྒྱུད་ལས་ཕྲིན་ལས་ཀྱི་གཉེར་ཕུལ་བའི་ལེའུ་སྟེ་བཅུ་གཅིག་པའོ།། །།དྲག་སྔགས་འདུས་པ་རྡོ་རྗེ་རྩ་བའི་རྒྱུད་ཅེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་སློབ་དཔོན་པདྨ་འབྱུང་གནས་དང་། བོད་ཀྱི་ལོ་སྣྲོ་བ་བདག་བི་རོ་ཙ་ནས་བསྒྱུར་ཅིང་བཞུས་ཏེ་གཏན་ལ་ཕབ་པ།། །།རྒྱལ་པོ་ཁྲི་སྲོང་ལྡེ་བཙན་གྱི་བླའི་ཕྱག་དཔེ་ལ་ཞལ་བཤུས་པ་ལས་བརྒྱུད་པའོ།། །།རྒྱ་གར་སྐད་དུ། ཤི་མ་ཧྭ་ཀྭ་ལ་ནཱ་ཐ་རྒྱུ་ཡ་ཙིསྟ་ཙཀྲ་སིརྙི་མ་ཧྭ་ཧི་ཏ་ཏནྟྲ། བོད་སྐད་དུ། དཔལ་མགོན་པོ་ནག་པོ་གསང་བ་སྙིང་གི་འཁོར་ལོ་དངོས་གྲུབ་ཆེན་པོ་འབྱུང་བའི་རྒྱུད། བཅོམ་ལྡན་འདས་རྡོ་རྗེ་