Ngb-pt-0374-vol-04-text
Front[edit]
Body[edit]
རྒྱ་གར་སྐད་དུ། མ་མོ་ཙིསྟ་ཡང་སྙིང་། བལ་མོའི་སྐད་དུ་སྐྲོག་ཟེར། ས༷་སྐྲོ་ཏའི་སྐད་དུ་སྙིང་ཏིག །བོད་སྐད་དུ། སྲོག་ཏིག་དང་སྙིང་ཏིག་གི་རྒྱུད་ཅེས་བྱའོ། །ཧེ་རུ་ཀ་ལ་ཕྱག་འཚལ་ལོ། །དེ་ནས་མ་མོ་འདུལ་མཛད་པ། །འཇིགས་བྱེད་ཧེ་རུ་ཀ་ཡིས་ནི། །མ་མོ་འབུམ་ཐིག་བཀའ་སྩལ་ཏེ། །སྔོན་ལས་དཀར་ནག་འདྲེས་པ་ལས། །སྣང་སྲིད་མ་མོ་འབུམ་དུ་འགྱུར། །དེ་ལ་དབང་ཆེན་མ་མོ་ནི། ཁྲི་དང་ཆིག་སྟོང་དག་ཏུ་སྲིད། །དེ་ལས་སྲོག་གཅོད་བདག་མོ་སྟེ། །བྱུང་བའི་ཡན་ལག་སྣང་བ་ནི། །མ་མོ་སྟོང་དང་རྩ་བརྒྱད་སྲིད། །འགུགས་ཤིང་འདྲེན་པའི་ལས་མཛད་མ། །ཕོ་ཉ་ཉིས་བརྒྱ་ལྔ་བཅུ་གཉིས། །གསོད་ཅིག་གསོད་པའི་ལས་བྱེད་མ། །བདུད་མོ་ཉིས་བརྒྱ་ལྔ་བཅུ་གཉིས། །མཛེས་པའི་ཚུལ་སྟོན་ལས་བྱེད་པ། །སྨན་ཕྲན་གཉིས་བརྒྱ་ལྔ་བཅུ་གཉིས། །ལེགས་ཉེས་རྗེས་སུ་ལས་བྱེད་མ། ་་་ལེ་ཉིས་བརྒྱ་ལྔ་བཅུ་གཉིས། །དེ་ཡི་ནང་ནས་གཙོ་མོ་ནི། །ནམ་མཁའ་རྣམ་པར་སེལ་བྱེད་མ། ཁྲམ་ཁ་སྟོང་གི་དབང་མོ་ཆེ། །ས་ཁམས་ཤ་རུས་དབང་བྱེད་མ། །ས་གཞི་འདེབས་པའི་དབང་མོ་ཆེ། །ཆུ་ཁམས་ཁྲག་ལ་དབང་བྱེད་མ། །རྒྱ་མཚོ་གླིང་གི་དབང་མོ་ཆེ། །རླུང་ཁམས་དབུགས་ལ་དབང་བྱེད་མ། །རི་རབ་གླིང་བཞི་དབང་མོ་ཆེ། །ཀུན་ལ་ཁྱབ་པའི་དེ་བཞིན་ཉིད། །ཐིག་ལེ་ཆེན་པོ་མངོན་སངས་རྒྱས། །སྲིད་པའི་བདེ་འགྲོ་མ་རུ་བརྗོད། །ཡང་ཏིག་བཀོལ་བའི་རྒྱུད་ལས། མ་མོ་འདས་པའི་བཅའ་གཞིའི་ལེའུ་སྟེ་དང་པོའོ།། །།དེ་ནས་སྒྲུབ་པའི་གནས་བསྟན་པ། དུར་ཁྲོད་ས་ཕུག་རི་བྲག་དང་། །ཉམས་དགའ་བ་ཡི་ས་ཕྱོགས་སུ། །ཆུ་ཀླུང་ནགས་ཚལ་ལ་སོགས་པ། །སྒྲུབ་པའི་གནས་སུ་རབ་ཏུ་བསྟན། །གནས་དེར་དྲག་པོའི་བསྒྲུབ་བྱ་བ། །སྔོན་འགྲོ་བདུད་འདུལ་ས་བརྟག་ཅིང་། །ས་བསླངས་ས་སྦྱང་མཚམས་གཅད་བྱ། །གནས་དེར་གསང་བའི་དཀྱིལ་འཁོར་ནི། །ཧེ་རུ་ཀ་ཡི་དཀྱིལ་འཁོར་བསྐྱེད། །བསྐྱེད་ཅིང་སྤྱན་དྲངས་མཆོད་བསྟོད་དེ། །བྱིན་བརླབས་དབང་བསྐུར་ཚུལ་བཞིན་བྱ། །བཟླས་བརྗོད་དག་ཀྱང་མཐུན་བྱས་ནས། །དེ་ནས་དབང་བྱེད་མ་བསྒྲུབས་པ། ས་ཡི་དཀྱིལ་འཁོར་འདོམ་གང་ལ། །དབུས་སུ་གྲུ་གསུམ་མཐིང་ནག་བྲི། །དེ་ལ་ཟླ་གམ་གསུམ་གྱིས་བསྐོར། །ཟླུམ་པོ་ཞི་བ་དཀར་པོ་ལ། །རྒྱས་པ་གྲུ་བཞི་སེར་དམར་ལྗང་། །ཐ་མ་ལྕགས་རི་ནག་པོས་བསྐོར། །གསང་བའི་དཀྱིལ་འཁོར་བསྟན་པ་ནི། །ཞི་བ་རབ་ཏུ་རྒྱས་པ་ལ། །དེ་ལ་ཐིག་བཞི་གྲུ་བཞིར་གདབ། །མ་བཞི་ལོགས་བཞིར་དགོད་པར་བྱ། །མཚམས་བཞིར་ལས་བྱེད་བཞི་དགོད་བྱ། །མ་མོ་བཞི་ཡི་ཐོད་པ་ལ། །མཐིང་ནག་གྲུ་གསུམ་འབར་བའི་སྟེང་། །དཔལ་གྱི་ཕྱག་རྒྱ་དགོད་པར་བྱ། །དེ་ནི་དཔལ་གསང་བའི་དཀྱིལ་འཁོར་རོ། །རྒྱལ་པོ་གསུམ་དང་གསོན་ཁྲག་གསུམ། །ཆུ་སྣ་གསུམ་དང་དུག་སྣ་གསུམ། །རྫས་གསུམ་དྲག་པོའི་ཤ་སྣ་གསུམ། །དགྲ་བོའི་མིང་རུས་བྲིས་ནས་ནི། །རབས་ཆད་ཐོད་པའི་ནང་དུ་བླུག །རྒྱུ་ཞགས་དག་གིས་དམ་དུ་བཅིང་། །རྒྱུས་པའི་གཟུངས་ཐགས་ ་ཐག་།རབ་ཏུ་གདགས། །གསང་བའི་དཀྱིལ་འཁོར་དམ་པ་དེར། །སྐྱེར་རྩང་ཁྲག་གིས་བྱུག་པ་ལ། ཁ་རུ་ཚོན་སྐུད་ཁྲག་བཏགས་བརྐྱང་། །དེ་ལ་མཐུན་རྫས་རབ་ཏུ་གཞག །དེ་ནས་མཐོ་གང་རྩང་རྩེ་ལ། །མཐིང་ནག་གུར་གྱི་ཡོལ་བས་དགབ། །གཉེན་པོའི་ལྷ་ཡང་སྒོམ་པར་བྱེད། །མ་མོ་རྣམས་ཀྱི་རྫས་བསྟན་པ། །གཞོང་པ་གྲུ་གསུམ་ནང་དུ་ཡང་། ཁྲག་སྣ་གསུམ་དང་ཤ་སྣ་དང་། །སྨན་སྣ་ཚོགས་པ་བླུག་པར་བྱ། །གཏོར་མ་གྲུ་གསུམ་བཀོད་དེ་གཞག །གཡས་ཀྱི་གྲུ་གསུམ་ཞལ་དེ་ལ། །ཟུར་གསུམ་མིང་རུས་བྲིས་པ་དགོད། །ཆང་ཕུད་སྨན་དང་ཤ་སྣ་དང་། ཁྲག་སྣ་སྟག་དང་གླང་པོ་སེང་གེ་དང་། །སྤྱང་ཀིའི་སྙིང་ལ་སོགས་པ་གཞག །དམར་ཆེན་གཏོར་མ་མ་མོའི་རྫས། །ཟླ་གམ་ཞལ་གྱི་གཉིས་པ་ལ། ཁྲག་སྣ་སྟོང་དང་སྨན་སྣ་འབྲུ། །འཛའ་་ཛ་ཀུ གད་བཀང་བས་ཐུགས་དམ་བསྐང་། །ཉུང་དཀར་ཁྲག་གིས་བྱུག་པ་ལ། །ནས་ཀྱི་ངོ་བོས་གསོད་པའི་རྫས། །ཞིང་ཆེན་ལྷུ་དུམ་བཀྲམ་པ་ལ། །ཚིལ་ཆེན་དུད་པ་རྒྱུན་མི་གཅད། །ཐོད་ནག་བཅིང་ཞིང་གོས་ནག་གོན། །དཔང་གཟུགས་ར་མདའ་བཟློག་པར་བྱེད། །ཞེ་སྡང་འབར་བའི་དཀྱིལ་འཁོར་དུ། །ཞེ་སྡང་སོལ་དུམ་བཞིན་དུ་བསྐྱེད། །ཡང་ཏིག་བཀོལ་བ་ལསགནས་དང་སྔོན་དུ་བྱ་བ་དང་རྫས་བསྟན་པའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་པར་བྱ། །རྫས་བསྟན་བསྒྲུབ་པ་པོ་ཡིས་ཀྱང་། །ཏིང་འཛིན་རིམ་པ་དམིགས་པ་ཡིས། །དབང་ཆེན་རིམ་པས་དམིགས་པར་བྱའོ། །མ་གཤིན་འདུས་པ་དཀྱིལ་འཁོར་དུ། །འཁོར་ལོ་བཞི་ཡི་ལྟེ་བ་དབུས། །ཕྱོགས་སྐྱོང་ཁྲོ་བཅུ་རིགས་ལྔ་དང་། །འདོད་པའི་དབང་ཅན་ཉལ་བ་དང་། །སྟེང་དུ་ཆེ་མཆོག་ཧེ་རུ་དམིགས། །ཉི་ཤུ་རྩ་གཅིག་མདོག་མ་ངེས། །བཞི་བཅུ་རྩ་གཉིས་བདེ་གཤེགས་འཛིན། །སྟེང་ཞལ་རྡོ་རྗེ་མཉམ་སྦྱོར་བས། །བྱང་ཆུབ་སེམས་ཀྱི་རྒྱུ་ལས་བྱུང་། །གསོན་གཤིན་སྒྲོལ་བའི་ཡུམ་ཞེས་བྱའོ། །སྲིད་པ་བདེ་འགྲོ་མ་དེར་དམིགས། །དེ་ཡི་འབྱུང་བ་བཞི་པོ་ལ། །མ་མོ་བཞི་པོ་བསྐྱེད་པར་བྱ། །སྟོང་རྩ་བརྒྱད་ཀྱང་དམིགས་པར་བྱ། །སྤྱན་དྲང་དབང་བསྐུར་བྱིན་བརླབ་སྟེ། །བདག་ཡང་སེམས་ཀྱིས་དབུལ་བ་དང་། །དྲང་དང་རྦད་དང་གསད་པའི་སྔགས། །གཙོ་མོ་འཁོར་དང་བཅས་པ་ཡིས། །ཉིན་གུང་མཚན་གུང་མ་ནོར་བཟླས། །ཉིན་གུང་མཚན་གུང་ལ་བསྐུལ་ཞིང་། །དུས་དེར་གཏོར་མ་གཏང་བར་བྱ། །མ་ནོར་དུས་སུ་རིམ་པར་བསྒོམ། །ཡང་ཏིག་བཀོལ་བ་ལས། མ་མོའི་ལས་བྱ་ཐབས་ཀྱི་ལེའུ་སྟེ་གསུམ་པའོ།། །།དེ་ནས་ཡང་དག་བཤད་བྱ་བ། ཁུབ་པའི་རྟགས་མཚན་བྱུང་བ་དང་། །ལས་ལ་རབ་ཏུ་སྦྱར་བའི་ཕྱིར། ཁྱིམ་མམ་དུར་མཆད་ཕས་འོངས་གདོང་། ཁྲག་དང་ཉུང་དཀར་བསྲེས་པ་དེ། །རྒྱ་བཀྲོལ་ལག་གཡང་བླུགས་ཏེ་གཏོར། །ཕྱོགས་བསྐོར་གཡབ་མོས་གདུལ་བྱའོ། །དྲག་པོའི་རྫས་ཀྱིས་མནན་ཏེ་གཞག །སེར་བ་ཐོག་མར་འབེབས་འདོད་ན། །ཀླུ་གནས་ཆུ་མིག་བྲག་དམར་གནས། །ཡུལ་ལྷ་སོགས་ལ་བརྡེག་པར་བྱའོ། །རྫས་དང་སྔགས་ཀྱི་སྦྱོར་བ་ནི། །སོ་སོ་ཐ་དད་གནོད་པར་བསམ། །ལས་ལ་བཙུད་ནས་གྲུབ་པར་འགྱུར། །ཡང་ཏིག་བཀོལ་བ་ལས། སོ་སོ་ལས་ལ་སྦྱར་བའི་ལེའུ་སྟེ་བཞི་པའོ།། །།དེ་ནས་སྔགས་ཀྱི་སྦྱོར་བ་ནི། །ལས་ལ་ཕན་འདོགས་ཡིན་ཕྱིར་བསྟན། །ཨོ་ཤི་ཧེ་རུ་ཀ་བཛྲ་ཧུ༷་ཏྲ་ཧུ༷་ཕཊ། བ༷་ཧུ༷་ཨེ་ཨ་ར་ལི་ཧུ༷་ཛ། མ་ཧྭ་སྲོག་ཤཱ་ཐུན་སྨྱོ། མ་མ་སྙིང་ཁ་རག མ་རག་ཤ་མ་རག་ཤ་བཛྲ་བཛྲ་ཏིང་ཏིང་། རག་མོ་སྙིང་ལ་རག མ་མ་ཏྲག་ཤ་ཛ། སྙིང་ཛྲ་ཛ་དུན་དུན་རག་མོ་ཏེ་ཀ༷ མ་མ་རུ་ལུ་རུ་ལུ་སྨྱོ། སྙིང་ཁ་རག་མ་ས་མ་ས་དུ་ཛྲ་ཛ། ཙ་ར་ནན་མ་ར་ཤག་ནི་དུ་མུ་ར་ཡ་ཛ་ཤག སྙིང་ཙ་མ་རག་མོ་ཐུན་ཐུན། མ་ཏིང་རག་མོ་ཐུན། སྙིང་ཁྲག་མུ་ར་ཡད་དུ། དགྲ་བོ་ཐུན་ཐུན། མ་ཤ་ཤ་ཏྲི་རག་མོ་སྙིང་ཁ་རག་མོར་དུ་ཆེ་གེ་མོ། ཐུན་ཐུན། མ་མ་ཏྲག་རག་ཤ་ཆེ་གེ་མོ་སྙིང་དུ་ཕྱིག་ཡམ། ཆེ་གེ་མོས་དུ་མུ་ར་ཡ་ཕཊ་ཐུན་སྨྱོ། དགྲ་བོ་ཀླད་པ་ལ་ཡ། སྙིང་ལ་ཡ། དབང་པོ་ལ་ཡ། སྙིང་ཟན་མ་སྦྱོ། ནཱ་ག་ཤིག་བ༷་ཧུ༷། བ༷་ཧྭ༷་ཡ༷་ཤིག ནཱ་ག་ཤིག་སོད། ནཱ་ག་ལས་མྱུར་དུ་གྱིས་ཤིག །བཙན་སྟན།རྨ་སྟན། འགྲི་མ་འགྲི་མ་ཤ་ཛ། ཚོམ་ཏྲི་མུ་ར་ཡ་རག་ཤ་ཛ། བཙན་ལ་ལས་མྱུར་དུ་མཛོད་ཅིག ཏྲི་ལིང་ཤ་ཀ་དུ་ཕྱུང་། ཏྲི་ཙ་པ་ལ་ཤིག །ཞུང་ཏྲི་ཆོ། མ་མོ་ལས་མྱུར་དུ་གྱིས་ཤིག །དེ་ལས་བསམ་གཏན་སྦྱོར་བ་ནི།སྔགས་ལ་ཕན་འདོགས་ཕྱིར་ན་བསྟན། །དང་པོར་གནས་དང་རིམ་པ་བསྒོམ། །གཉིས་པ་རིམ་པས་གསལ་བར་བསྒོམ། །གསུམ་པས་དབང་དུ་བསྡུ་བ་བསྒོམ། །འོད་ཟེར་བྱེ་བ་རབ་འཕྲོས་པས། །སྲིད་གསུམ་མ་མོ་སྙིང་ནས་དྲངས་། །དེ་ནས་མདུན་དུ་རབ་བཀུག་སྟེ། འདར་ཞིང་སྲིད་གསུམ་བ་སྤུའི་ཚུལ་དུ་འདུ། །ལུས་ངག་ཡིད་གསུམ་དབང་དུ་བསྡུ་བའི་རྟགས། །ཏིང་འཛིན་གསལ་བས་འཇིགས་པར་བྱ། །སྲིད་པའི་མ་མོ་བཀའ་གཉན་པས། །ལས་ལ་འཕོས་ཏེ་སྙིང་ནས་དྲངས། །སྲོག་སྒྲོལ་མིག་རྩ་རིག་རིག་འདུག །གདངས་སྐད་ཚངས་པའི་གནས་སུ་འདོན། །སྔ་ཕྱིར་བཟུང་ནས་ཐུན་ནང་དུ། ཁུགས་ནས་ལས་ལ་གསལ་བར་དམིགས་པར་བྱ། །འོངས་གཟའ་འོད་འབར་ནི། ཁ་ནས་ངན་སྔགས་རབ་ཟློས་ཤིང་། །ཕྲིན་ལས་ཤིན་ཏུ་རླག་མཛད་དམིགས། །གང་འདོད་ཚངས་པའི་གནས་སུ་འདོན། །མཚོན་ཆ་ཆར་འབེབས་ཚངས་པ་ཡི །ཚེ་དང་ལྡན་པ་མྱུར་དུ་འཇིག །སྔགས་དང་དམའ་དང་བསམ་གཏན་ལྡན། །དེ་དུས་རྟགས་ནི་བསྟན་པ་ཡང་། །དཀར་དམར་འདྲེས་ན་དངོས་གྲུབ་ཐོབ། །བོ་ན་སྒྲིབ་ཡོད་བཤགས་པ་བྱ། །འགུལ་ཞིང་ལྡེག་ན་མྱུར་དུ་ཁུགས། ཁོལ་ཞིང་རླབས་བྱུང་མྱུར་བར་གསོད། །གནག་ན་ཕོ་ཉ་འཁོར་བཅས་གྲུབ། །དམར་ན་བདུད་མོ་འཁོར་བཅས་གྲུབ། །སྣ་ཚོགས་སྨན་ཕྲན་འཁོར་བཅས་གྲུབ། །དཀར་ན་ཉུལ་ལེ་འཁོར་བཅས་གྲུབ། །སྒྲ་ནི་གང་ནས་བྱུང་བ་ཡི། །སྣ་ཚོགས་པ་ནི་གྲུབ་པར་བྱ། །དྲི་ཡང་དེ་བཞིན་ཤེས་པར་བཤད། །མ་བཙན་བརྟག་པ་རབ་ཏུ་བརྟགས། ཁྲར་རམ་ལྷོའམ་ནུབ་བམ་བྱང་། །དེ་ཡང་དབུས་སུ་བྱུང་ན་བཟང་། །ཉམས་ལ་གསལ་ལམ་མཐོང་ན་ལེགས། །རི་མོ་སྟོན་ན་བསྒྲད་པར་བྱ། །མང་པོ་བྱུང་ན་འཁོར་མི་ཡིན། །གཏོར་མ་སྤྱི་ལ་སྤྱིན་པར་བྱ། །བཞི་རུ་བྱུང་ན་གཙོ་མོ་སྟེ། ཤེན་ཏུ་བཅོལ་བ་དྲག་ཏུ་བྱ། །དམག་ཚོགས་སྟོན་ན་ལས་བྱེད་ཡིན། །ལུས་ལ་སྦྲུལ་གྱིས་འཁྲིལ་བ་ནི། །འཁོར་གྱི་ཀླུ་མོ་ལས་བྱེད་ཡིན། །བུད་མེད་བྱུང་ན་མ་མོ་ལས་བྱེད་ཡིན། །སྐྱ་ཤར་བྱུང་ནས་ལས་བྱེད་ན། །བདུད་ཕོ་ལས་བྱེད་ཡིན་པར་བཤད། །དགྲ་རྟགས་ཕོགས་དགུ་བྱུང་མོད་ཀྱང་། །ངེས་པ་མེད་པར་ཤིན་ཏུ་འབད། །ཐེ་ཚོམ་ཟ་ན་འདི་འགྲུབ་མེད། །སྦྱོར་བ་མ་གཙང་ལས་མི་གྲུབ། །རྟགས་ལ་ལྟོས་ལས་ལེགས་པར་སྒྲུབ། །སེམས་སྲན་ཆུང་ན་ལས་མི་གྲུབ། །དེ་ཡི་རྟགས་ཀྱི་སྒྲུབ་པ་བཤད། །འགྱུ་བའི་དུས་ལ་སྒྲུབ་གཟུགས་གཟུང་། །བཅོ་ལྔ་ཉེར་གཉིས་མར་ངོ་ལ། །ཚེས་གྲངས་བཅོ་ལྔ་ལས་བྱེད་དུས། །དེ་དུས་གྲུབ་མཐའ་ལས་ལ་གཟུད། །གྲངས་ཀྱི་གྲུབ་མཐའ་བསྟན་པ་ནི། །སྟོང་ངམ་ཁྲི་འམ་འབུམ་གྱི་བར། །འབུམ་མམ་བདུན་འབུམ་བྱ་བའི་བར། །དང་པོ་བསྒྲུབ་པ་སྦྱར་བ་བྱ། །ལས་ལ་གཟུད་པའི་ལས་ཟིན་པས། །གཏོར་མ་བཏང་སྟེ་བཤགས་པར་བྱ། །རྫས་དང་དལ་ལ་བསྡུས་ཏེ་སྦ། །ཡང་ཏིག་བཀོལ་པ་ལས། བསམ་གཏན་དང་གྲངས་དང་། དུས་དང་བཅས་པའི་ལེའུ་སྟེ་ལྔ་པའོ།། །།དེ་ནས་ཡང་དག་བཤད་བྱ་བ། །ཅུང་ཟད་གྲུབ་པའི་རྣལ་འབྱོར་པས། །བསྒྲུབ་པའི་སྦྱོར་བ་བཅས་པ་སྤྱིན། །དེ་ཡང་རྒྱུན་གྱི་ཏིང་འཛིན་ནི། །བཅུ་ཚན་གྲུབ་པའི་བསྒྲུབ་པ་སྟེ། །རུ་དམ་ཁ་ན་དམ་པོ་སྲ །གསད་པའི་རྫས་རྣམས་ཐུན་དུ་བླུག །མི་ཡིས་མི་མཐོང་གནས་དག་ཏུ། །གྲུ་གསུམ་ནང་དུ་གསེང་ལ་གཞག །གཏོར་མ་ཆེན་པོ་རྫས་ལྡན་གཟུང་། །དུས་རྣམས་ཀུན་ཏུ་སྦྱིན་པར་བྱ། །སྟོང་ལས་མར་མེ་འབར་ཧུ༷་སྟེ། །འོད་ལས་འདབ་བཞི་ལས་བྱེད་ཐམས་ཅད་ལྡན་པར་དམིགས། །སྟེང་གི་ནམ་མཁའ་ཉི་མ་ལ། །གནས་པའི་སྟེང་དུ་ཧུ༷་དམིགས་ཏེ། །དེ་ལས་འཇིགས་བྱེད་འབར་བ་བསྒོམ། །སྤྱན་དྲང་བྱིན་བརླབ་དབང་སྐུར་ཏེ། །ཉིན་མཚན་བཟླས་པ་ཐུན་རེ་དབུལ། །སྤྱོད་ལམ་དུས་བཞི་ཐམས་ཅད་དུ། །ལུས་ལ་ཉུང་དཀར་དགྱེ་རུ་བཏགས་ལ། །ཧེ་རུ་ཀ་རུ་གདུག་པའི་གནས། །དེ་ཡི་མ་མོའི་གསལ་དམིགས་ཤིང་། །སྔགས་སྦྲེལ་ཟུར་མ་ཆག་པར་བཟླས། །ཐུན་སྣོད་ནང་དུ་ངེས་པར་བླུག །ལས་ཀྱི་སྦྱོར་བ་བསྟན་པ་ནི། །སད་དང་སེར་བ་ལ་སོགས་ཀུན། །ཉ་གསུམ་བསྒྲུབས་ལ་བདུན་ལ་བརྡེག །གནམ་སྟོང་ཚེས་རྣམས་ཉི་ཤུ་གཉིས། །བསྒྲུབ་སྟེ་ཕྱི་དེ་ནུབ་མོ་ནི། །སད་སེར་དུས་སུ་དྲག་པོའོ། །འདིས་འགྲུབ་གཞན་གྱིས་འགྲུབ་པ་མིན། །ཡང་ཏིག་བཀོལ་པ་ལས། སྒྲུབ་པ་དང་ལས་ལ་སྦྱོར་བའི་ལེའུ་སྟེ་དྲུག་པའོ།། །།དེ་ནས་ཡང་དག་བཤད་བྱ་བ། ཁྲེན་ཏུ་དྲག་པོའི་རྣལ་འབྱོར་པས། །སྦྱོར་བ་ཁོ་ནས་སྒྲོལ་བར་བྱ། །དེ་ཡང་ཐབས་མཆོག་བདུན་དུ་འདུས། །བསྒོམ་པའི་གཉེན་པོ་ལྷ་གསལ་དང་། །ལས་སུ་རུང་བ་མ་ཡེངས་དང་། །སྐུ་གསལ་དབང་བསྡུ་ལས་གཟུད་དང་། །བཙུད་ནས་རྦད་པའི་སྔགས་བཟླས་ཤིང་། །ཞེ་སྡང་འབར་བའི་དཀྱིལ་འཁོར་ནས། །གསད་པའི་ཞེ་སྡང་འབར་དམིགས་ཤིང་། །མ་མོས་མཚོན་ཆ་སྣ་ཚོགས་ཀྱིས། །གསོད་པར་དམིགས་ཏེ་ཐུན་དུ་བརྡེག །སྒྲོལ་བ་ལུང་གི་ཞེ་སྡང་ངོ་། །མ་མོས་ཤིན་ཏུ་སྒྲོལ་བའི་ལས། ཁྲག་རྩ་སྤྱི་བོར་ལ་ནས་ཀྱང་། །རྣམ་པར་ཤེས་པ་འབྱེད་པར་བསྒོམ། །ཐོད་པས་ཐོད་པ་འཇིགས་པར་བསྒོམ། །མ་མོས་འཁོར་བ་ལམ་ལ་གནས། །མདོག་དང་མཐུན་པའི་ནད་འགྱེད་ན། །འཇོག་པ་ཁྲག་མེད་ཞེས་ཀྱང་བརྗོད། །སྙིང་ནས་མདུན་ན་བད་ཀན་རྩ། །ནམ་མཁའི་མ་མོ་རླུད་ནག་དང་། །བད་ཀན་དེ་ལས་སྐྱེ་བར་དམིགས། །སྙིང་ནས་གཡས་ན་ཁྲག་གི་རྩ། །ས་ཡི་དབང་བྱེད་མ་མོའི་རྩ། ཁྲག་ནི་དེ་ལས་འབྱུང་བར་དམིགས། །རྒྱབ་ན་གནས་པ་ས་ཚོགས་རྩ། །འབྱུང་བ་རླུད་གི་མ་མོ་དེས། །སྣ་ཚོགས་ནད་ཀྱི་གཉིས་འབྱུང་དམིགས། །གཡོན་ན་གནས་པ་མཁྲིས་པའི་རྩ། །འབྱུང་བ་ཆུ་ཡི་དབང་མོ་དེས། །མཁྲིས་པ་ཀུན་ཀ་གཉིས་འབྱུང་དམིགས། །ཡིད་ཀྱི་འཛིན་ཕུར་འདེབས་པ་ལ། །ཟློག་པ་ཧེ་རུ་ཀས་མི་བཟློག །དྲག་པོའི་རྒྱུ་དུས་དལ་ཏེ་བཟླས། །གསང་བའི་དངོས་གྲུབ་ངེས་པར་འབྱུང་། །སྔགས་ནི་རྣ་དབང་ཐོས་མི་རུང་། །ཡིད་དག་ལྐུགས་པའི་ཚུལ་དུ་བཟླས། །སྒྲ་མ་ཉམས་ན་དངོས་གྲུབ་འབྱུང་། །བསྒྲལ་བ་ཅི་ལྟར་འདོད་པ་དྲུག །བསྐང་བ་བྱང་ཆུབ་སེམས་དང་ནི། །བདུད་རྩི་དམར་གྱི་ཨསྙེ༷་དང་། །ཟླ་ཤི་ཉ་དང་ཚེས་བརྒྱད་དང་། །ཉི་ཤུ་གཉིས་དགུ་གནམ་སྟོང་བསྐང་། །བྱེས་སུ་འགྲོ་ན་ལུས་ལ་བཅང་། །དགྲ་བྱུང་མདུན་དུ་གཏོང་བར་བྱ། །ནུབ་མོ་བག་ཕབ་ཁྱིམ་ལ་བརྒྱག །བྲེད་པར་གྱུར་ན་མི་འགྲུབ་སྟེ། །དེ་ནི་བསྒྲུབ་པའི་དགོས་པ་སྟེ། །རྟགས་ནི་མོད་ལ་འབྱུང་བར་བཤད། །བདུན་དང་ལྡན་པའི་སྦྱོར་བའི་རྫས། །འཕངས་ན་ཚངས་པ་ཉིད་ཀྱང་དཀྲོངས། །ཡང་ཏིག་བཀོལ་བའི་ལས་སྦྱོར་བའི་ལེའུ་སྟེ་བདུན་པའོ།། །།དེ་ནས་ཡང་དག་བཤད་བྱ་བ། །ལས་རེས་ཐམས་ཅད་བསྒྲུབ་པ་ལ། །ལས་ཀྱི་སྦྱོར་བས་གྲུབ་པ་ཡིན། །ཐུན་གྱི་སྦྱོར་བ་མཆོག་ཏུ་བཤད། །རྣམ་པར་སྦྱར་བའི་སྙིང་པོར་བཤད། །སྣ་ལ་གཏད་པའི་སྦྱོར་བ་ནི། །མ་དང་བདུད་ལ་གཏད་པར་བྱ། །གསོན་ཁྲག་གསུམ་ལ་ཚོགས་གསུམ་གཅད། །སྣེལ་གྲིའི་ཐོད་པར་བླུགས་ལ་གནན། །གཅིག་ལ་སྤྱི་གཏོར་དག་ལ་གཏང་། །ཉུང་དཀར་བཅས་པ་དེ། །མ་མོའི་གཏོར་མ་དག་ལ་གཏང་། མ་མ་ཤ་ཤ་སྨྱོ། མ་མ་ཧྲིང་ཧྲིང་སྨྱོ། མ་མ་ཙིརྟི་ཛ་ལ་ཡ༷། སྙིང་ཟན་མ་སྨྱོ། མ་མ་ཁ་འདར་མ་སྨྱོ། རེག་མོ་ཁྲག་ཏིག་མ་མ་སྨྱོ། རེག་མོ་སྙིང་ཁ་རག་མོ་སྨྱོ། རེག་མོ་ཀྲོ་མ་ཙ་ལ་ཀྲོ་མ་ཙ་ལ་སྨྱོ། རེག་མོ་མ་ཤན་ཏིང་མ་སྨྱོ། རེག་མོ་དགྲ་བོ་སྙིང་ལ་སྨྱོ། རེག་མོ་དགྲ་བོ་ཤ་རྒྱུད་ལ་སྨྱོ། སྙིང་རྒྱུད་དབུགས་ལ་སྨྱོ། རྩ་རྒྱུད་སྲོག་ལ་སྨྱོ། ཡང་ཏིག་ཁྲག་དང་ཉུང་དཀར་བཅས། །ཡག་མོ་ཀྲོ་མ་ཙ་ལ། ཡག་མོ་ཀྲོ་མ་ཙ་ལ་ཆུམ་ཆུམ་ཐུམ་རི་ལི་རི་ལི། རེག་མོ་ཁ་རི་ལ་སྨྱོ། རེག་མོ་ཆུ་ཏ་ཛ་ལ་རམ་སྤྱོ། རེག་མོ་ཁ་གཏང་ཁ་སྙིང་ལ་རིལ། རེག་མོ་ཧིས་ཏ་རྦད། ཐུམ་རི་ལི་རི་ལི་སྨྱོ། རེག་མོ་ཤ་ལ་ཛ་ཛ། རེག་མོ་དབུགས་ལ་ཛ་ཛ། རེག་མོ་སྙིང་ལ་ཛ་ཛ་སྨྱོ། སྲོག་མོ་ཛ་ཛ་སྨྱོ། ཨ་བ༷་ཙ་ར་ས་སྦས་པ་ཡིནསྙིང་པོ་གྱིས་སྦས་དགོངས། ཨོ་བཛྲ་རག་ཤ་ཐུན་དེ་སྨྱོ། ཨོ་བཛྲ་མུརྟན་ཏྲ་སྨྱོ། མ་རསྒ་སྨྱོ། སྙིང་རྩ་ཏ་མ་སྦྱོ། །ཆེ་གེ་མོའི་སྙིང་ལ་ཡ། དུརྙི་རེག་མོ་དུན་སྨྱོ། །རུ་རག་སྒག་མ་ཏྲ༷་དུ་སྨྱོ། ཁྲ་མ་ཤ་ཏྲི་མར་དུ་སྦྱོ། །རུ་སྙིང་ཁག་ཁ་རག་ཤ་ནི་སྨྱོ། །རུ་སྙིང་ཁྲག་ཁ་རག་ཤ་ནི་སྨྱོ། །དྲི་ཤ་ཀུ་རུ་ནི་རུ་རུ་རྦད་སྨྱོ། །སྒག་རག་ཤ་མུ་ཏྲི་ནི་སྨྱོ། །དེས་ཀྱང་སྟོང་ཁྲམ་མཐར་ཕྱིན་འགྱུར། །དེས་ཀྱང་གལ་ཏེ་མ་གྲུབ་ན། །ཉམས་པ་དགྲ་བོ་འདུལ་ལ་གཏང་། །མི་མེད་ལྷ་ཁང་སྟོང་པམྲ །རིནཆེནསྣཚོགསསྣོད་དུ་ནི། །ནས་དང་གྲོ་དང་འབྲུ་སྣ་ཚོགས། །རིནཆེནསྣཚོགསསྦྱར་བ་ཡི། །གཏོར་མ་བྱས་ལ་ལུག་གི་ནི། །རྗེ་ངར་ག་ས་ཏེ་བླུགས་པར་བྱ། །བག་ཕྱེའི་མི་གཟུགས་སོར་བཅུ་གཉིས། །དབང་པོ་ལགས་བཏོད་མིང་དང་རུས། ཁོང་ཤུན་དག་ལ་སྙིང་གར་གླན། །གྲ་ཕྱིང་གཙང་མ་མཐིང་ནག་གུར། །ནང་དུ་གཟུགས་བཅས་གཞག་པར་བྱ། །སྟོང་དམིགས་དེ་ལ་རྟ་མགྲིན་བསྐྱེད། །ཆེ་བའི་ང་རྒྱལ་བདུད་རྣམས་བོད། །བདུན་ཏྲི་མར་ཟུང་། ཧྲི་དུ་སང་ཏྲི། དྲི་ཏྲི་ཤོམ། ཧྲི་དན་ཛ། ཆེ་གེ་མོ་ཛ་ཛ ཡ་ཡ་ཐིབ་ཐིབ། ཅེས་སྟོང་བཟླས། དེ་ནས་བདུད་འོང་བསྟིམ་པར་བྱ། །གཏོར་མ་བྱིན་བརླབས་བདུད་ལ་གཏད། །གཏོར་མ་གཟུགས་དང་གླུད་བདག་གསུམ། །བུད་མེད་ཞབས་མས་ག་ས་ནས་ཀྱང་། །ཆུ་དང་གྲོག་པོ་ཕུག་རྡུག་དང་། ལམ་གྱི་བཞི་མདོར་གནན་པར་བྱ། །ཆུ་དང་ལུང་པ་སབ་སུབ་དང་། །རི་རབ་གྲོག་པོའི་བར་ལ་མནན། །མང་འདུས་སར་ནི་ཤིན་ཏུ་འབད། །ཡང་ཏིག་བཀོལ་བའི་ལེའུ་ལས། དགྲ་བོ་མ་མོ་དང་བདུད་ལ་གཏད་པའི་ལེའུ་སྟེ་བརྒྱད་པའོ།། །།དེ་ནས་ཡང་དག་བཤད་བྱ་བ། །བསྡིག་དང་དབང་དུ་བསྡུ་བའི་ཕྱིར། །མ་དང་བདུད་ཀྱི་ལྟས་ངན་དབབ། །མདུན་ས་ལྡན་པ་དག་གིས་བླང་། །གྲོ་བ་ཅོག་ས་གསུམ་བསྲེས་ལ། །གླུད་ཆེན་ཆག་གང་བ་བྱས་ཏེ། །གང་འདོད་ལྟས་ངན་སྐྲུ་ཡིས་བརྒྱན། ཁ་དོག་མིང་རུས་བསྲེག་འདོད་ན། །དགྲ་ཡི་མིང་རུས་དུར་མཆད་དེ། །མ་མོ་རྒྱུ་བའི་དུས་དག་ཏུ། །དམར་གྱི་གཏོར་མ་བདུད་རྩི་དང་། །སྔགས་་པ་ཁ་ནི་བྱང་ཕྱོགས་བལྟས། །ལྟས་ངན་རྫས་ཀྱང་དེ་ལྟར་བསྟན། །སྐུར་བསྐྱེད་སྤྱན་དྲང་མཆོད་བསྟོད་དེ། །མ་མོའི་སྙིང་པོ་སྟོང་དུ་བཟླས། །སྲོག་འཕྲོག་མ་དང་དབུགས་འཕྲོག་མ། །ཚེ་འཕྲོག་མ་ཡིས་ལྟས་ངན་འབེབས། །མ་མ་སྙིང་ཁ་རག་མ་སྙིང་ལ་ཀ་དང་རི་མ་སྲོག་རྩ་ལ་ཡ། མ་སྦུགས་ཙིསྟ་ལ་ཡ། མ་སྙིང་ཁ་རག་མ། སྙིང་ཀང་ཀ་བ་རི། མ་མ་སྙིང་ཙ་ཏ་ལ་ཡ། མ་སྦུགས་ཙིསྟ་ལ་ཡ། མ་མ་ཙི་ཏ་ཡ། ཕྱོགས་བཞིར་གཏད། པན་སྔག་དགོས་པ་ཚུལ་བཞིན་བྱ། །དེས་ཀྱང་གལ་ཏེ་མ་ཕེབས་ན། །བདུད་ཀྱི་ལྟས་ངན་དབབ་པ་བསྟན། །ཉ་གསུམ་དུས་སུ་བདེ་བ་ཡི། །རྒྱལ་པོའི་མདུན་སར་ཕྱེ་ཕུད་ལ། །ཟན་བྱས་ཁྲག་སྣ་སྙིང་སྣ་གསུམ། །རིན་ཆེན་སྣ་བདུན་ལས་བྱས་པའི། །གཏོར་མ་དྲ་ཕྱིར་སྟེང་དུ་གཞག །སྨྱུག་མ་ཚིགས་གསུམ་སྲིན་བྱས་བསྒྲོན། །ལྟོང་དེ་ལ་ནི་ལྟས་ངན་བྲི། །བདུད་རྣམས་ཐམས་ཅད་བསྐུལ་བ་ནི། །སྙིང་པོ་བཟླས་ལ་ལྟོང་དུ་གཞུག །བདག་ཉིད་རྟ་མགྲིན་བསྒོམ་པར་བྱ། །ཏི་ཁ་ཁ་ཐུན་སྨྱུག་ཏྲི་བདུད་ཏྲི། བདུད་མ་ཏེ་བསྐྱོལ། །མར་དུང་བིར་སེར་ཡ་ཆོམ། །ཕོང་ས་མ་ཡ། མ་མ་ཡ་ཏྲ་ཛ་ཛ། སྟོང་བཟླས་ཁ་ནི་བ་གཟན་གཅད། །གཞུ་བདུངས་དགྲ་བོའི་ཕྱོགས་སུ་འཕང་། །ཕྱི་ནང་གཏོར་མ་དེ་བཞིན་བཏང་། །རང་གིས་དམོས་ཀྱང་གཟུང་། །ཡ་ཏྲི་ཏྲི་དུ་ན་རག་དུ་མྱགས། །བདུད་ལ་བསྒོ་བ་སྣ་ཚོགས་བྱའོ། །སྲོད་དང་ཐོ་རངས་ལྟས་ངན་འབྱུང་། །སྨྱོ་འབོག་བརྒྱལ་ནས་སྨྱོ་བར་འགྱུར། །ཡངཏིགབཀོལབལས། དགྲ་བོ་ལ་མ་མོ་དང་བདུད་ཀྱི་ལྟས་ངན་དབབ་པའི་ལེའུ་སྟེ་དགུ་པའོ།། །།དེ་ནས་གཞན་ཡང་བསྟན་པ་ནི། མཐིང་ནག་གུར་ཆེན་ཕུབ་པ་ལ། དྲ་ཕྱིང་གཙང་མ་གདིང་བྱ་སྟེ། །འཁོར་ལོ་རྩིབས་བཞིའི་རྩིབས་མཆན་ན། །ས་གཞིའི་ཤཱ་ན་བཞི་པོ་དགོད། །དགྲ་བོའི་གཟུགས་ཀྱང་འབྲུ་ལ་བྱ། ཁེང་ཤུན་མིང་རུས་སྙིང་གར་གླན། །གཏོར་མ་ཆ་རྐྱེན་ལྡན་པར་བརྩམ། །དེ་བཞིན་ཀུན་སྣང་རྒྱུ་བསྒོམ་པས། །འོད་ལས་མུ་ཁ་ལེ་ཉིད་དང་། །ཕྱོགས་མཚམས་མ་ནོར་གསལ་བར་བསོགས། །སྔགས་བཟླས་སྐུ་ཡང་གསལ་བར་བསམས། །བྱིན་བརླབ་དབང་བསྐུར་མཆོད་པ་འབུལ། །གཟུགས་ལ་བསྟིམ་ནས་སྙོམས་འཇུག་བྱའོ། །རུ་སྙིང་ཁ་ཁ་ལ་རག་ཤ་རྦད་ཐུམ་རི་ལི་ལི་སྨྱོ། སྙིང་ཁ་ལ་རག་ཤན་ཤ་སྟི་སྟ་རྦད་ཐུམ་རི་ལི་ལི་སྤྱོ། དྲི་ཤ་ཀུ་རུ་རག་ཏ་ཁ་ཁ་ར༷་ཀུ་རུ་ཐུམ་རི་ལི་ལི་སྨྱོ། ་ག་རསྣ་ཁ་མུན་ཏྲ་མ་སྨྱོ། གྲངས་མེད་བཟླས་ལ་འདི་ནི་ཛ་གདབ།སྙོམས་འཇུག་གསད་པོའི་མ་མོ་ཡིས། །ཐུ༷་རིལ་མཛེས་མུ་ར་ཡ། ཕུང་པོ་ཤ་རུས་ཟ་བར་དམིགས། །རྣམ་ཤེས་གཏན་གྱི་གྲོགས་བྱེད་བསྒོམ། །གཟུགས་ནི་དུག་གཏོར་བཅུག་ལ་མནན། །གཏོར་མ་མ་མོ་ཉིད་ལ་སྤྱིན། །དེས་ཀྱང་མཚོན་པར་མ་ནུས་ན། །ཕུང་བྱེད་མ་བཞི་སྣ་གླན་ལ། །སྔར་བསྟན་བཞི་ཡི་སྙིང་པོ་བཟླས། །ཙ་ཏྲ་ཙ་ཏྲ་སྨྱོ། རུ་ལུ་རུ་ལུ། ཨ་ཀྲ་མ་སྨྱོ། རུ་ལུ་རུ་ལུ། མ་ཀྲ་མ་ཀྲ་སྨྱོ། རུ་ལུ་རུ་ལུ། ཤ་ཀྲ་མ་སྨྱོ། རུ་ལུ་རུ་ལུ། དེ་དུས་ཤན་པ་མ་བཟླས་པ། ཙ་ལེ་ཙ་ལེ་སྙིང་ཙ་ལ། ན་གེ་ན་གེ་ཤ་ལ་ནན། རླམས་སེ་རླམ་སེ། ཁྲམ་རླམ། བྱ་དུས་ཉམས་བསྟན་པ་ནི། ར་བཞི་ཚེས་བརྒྱད་སྲོས་ལ་འགྱུ། །འབྲིང་པོ་བཅོ་ལྔ་སྲོས་ལ་འགྱུ། །ཐ་ཆུང་བཅོ་ལྔ་མཚམས་ལ་འགྱུ། །དུས་དེར་མེ་ཁྱོ་མི་སྲིད་ན། ཁ་དང་ཐ་ཆུང་ལག་སོར་དང་། །བི་རྫི་བཞི་ལ་སྲིན་མོ་འགྱུ། །དུས་དེར་སྣ་གླན་ལ་སོགས་བྱ། །ལས་ཀྱི་སྦྱོར་བ་བྱ་བར་བཤད། །སྣ་གླན་པ་དང་། བྱ་ཐབས་དང་། ཉམས་ལེན་བསྟན་པའི་ལེའུ་སྟེ་བཅུ་པའོ།། །།ཡང་ཏིག་བཀོལ་བའི་རྒྱུད་རྫོགས་སོ།། །།རྒྱ་གར་སྐད་དུ། ཙིསྟ་ཨུ་ལྕུ་ཀ་མུ་ཁ་ཏནྟྲ་ནཱ་མ། བོད་སྐད་དུ། སྙིང་ཏིག་བཀོལ་བའི་རྒྱུད་འུག་པའི་གདོང་ཅན་ཞེས་བྱ་བ། བཅོམ་ལྡན་འདས་དཔལ་འཇིགས་བྱེད་ཧེ་རུ་ཀ་ལ་ཕྱག་འཚལ་ལོ། །འདི་སྐད་