Ngb-pt-0368-vol-04-text
Front[edit]
Body[edit]
ཅད་རྗེས་སུ་ཡི་རང་བར་གྱུར་ཏོ། །འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ལས། བསྟོད་ཅིང་རྗེས་སུ་ཡི་རང་བའི་ལེའུ་སྟེ་བཅོ་ལྔ་པའོ།། །།རྫོགས་སོ།། །། ༑ རྡོ་རྗེ་ནག་མོ་དབང་ཕྱུག་མའི་རྒྱུད་ཕྱི་མ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་མངོན་རྫོགས་རྒྱལ་པོ་ལ་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་ཐུགས་ཀྱི་མཆོག །ཧེ་རུ་ཀ་ཏེ་དགྱེས་ཕྱག་མཛད། །དམ་ཚིག་ཆེན་པོ་སེམས་ཅན་དོན། །རྫོགས་པར་མཛད་ལ་མགོས་ཕྱག་འཚལ། །སྟོང་ཉིད་ངང་ལ་མ་བཞུགས་པར། །བདེ་ཆེན་མནལ་ནས་ཅི་སྟེ་བཞུགས། །ཕྱི་རབས་རྣལ་འབྱོར་དོན་ཆེད་དུ། །ཐེ་ཚོམ་ཆེན་པོ་ཞུ་བར་འཚལ། །དེ་ནས་ཧེ་རུ་ཀའི་ཆོས་ཉིད་ལ་མནལ་བ་དེ་ལས་བཞེངས་ཏེ་ཕྱག་ན་རྡོ་རྗེ་ཞེས་བོས་ནས། ཐེ་ཚོམ་ཐམས་ཅད་ཁྱོད་ཀྱིས་དྲིས་ཤིག ངས་བཤད་པར་བྱའོ་ཞེས་གསུངས་པ་དང་། ཕྱག་ན་རྡོ་རྗེས་འདི་སྐད་ཅེས་སྨྲས་སོ། །ཀྱེ་ཀྱེ་ཐུགས་ཀྱི་བདག་པོ་མཆོག །དབང་ཕྱུག་ཆེན་མོའི་རྒྱུད་ཀྱི་དོན། །མདོར་ན་ཚུལ་ནི་ཇི་ལྟར་བསྒྲུབ། །བསྡུས་པའི་དཀྱིལ་འཁོར་གང་ཞིག་ལགས། །དམ་རྫས་གང་དང་གང་གིས་བགྱི། །མཆོད་པའི་ཚུལ་ནི་ཇི་ལྟར་མཆོད། །སྲོག་སྙིང་ཡང་དག་གང་ཞིག་ལགས། ཁུ།བ་པའི་མཚན་མ་ཇི་ལྟར་དབྱུང་། །ཐུན་རྣམས་བསྡུ་ན་ཇི་ལྟར་བསྡུ། །གསད་པའི་ལས་ནི་གང་གིས་བྱ། །གསད་པའི་དུས་སུ་མཚན་མ་གང་། །ཆུ་འཁྱགས་ལས་ལ་ཇི་ལྟར་བསྒྲུབ། །མིང་པོ་གཤིན་རྗེ་ནག་པོ་ཡི། །སྒྲུབ་ཐབས་ཀྱང་ནི་བཤད་པར་མཛོད། །བུ་གཅིག་བདུད་ཀྱི་སྒྲུབས་ཐབས་ཀྱང་། །ཐུགས་རྗེ་ཆེན་པོ་བཤད་པར་འཚལ། ཁྱོད་ནི་གནོད་སྦྱིན་ཞེས་བྱ་བ། །དེ་ཡང་དཔལ་བོས་བཤད་དུ་གསོལ། །དེ་ལ་དཔའ་བོས་བཀའ་སྩལ་པ། །དབང་ཕྱུག་ནག་མོའི་དཀྱིལ་འཁོར་ནི། །སྒྲུབ་པའི་དཀྱིལ་འཁོར་བསྡུས་པ་ནི། །ཕྱི་དང་ནང་དང་གསང་བ་གསུམ། །ཕྱི་ནི་རྒྱ་རུ་མདའ་ཚད་ལ། །དཔངས་སུ་ཁྲུ་ཕྱེད་ལྡན་བྱས་ཏེ། །བ་ཡི་སྣ་ལྔས་བྱི་དོར་བྱས། །གྲུ་གསུམ་ཟླ་གམ་སྒོ་བཞིར་ལྡན། །ཚོན་རྩི་བཟང་པོས་བྱུག་པ་ནི། །གྲུ་གསུམ་མཐིང་ནག་ཟླ་གམ་དམར། །གྲུ་ཆད་ལྗང་གུ་སྒོ་བཞི་རིགས། ཁེན་ཏུ་མཛེས་ཤིང་སྤྲས་པ་བྲི། །ནང་གི་འཁོར་ལོ་བྲི་བ་ནི། །དུར་ཁྲོད་ལྟ་བུའི་གནས་དག་ཏུ། །མཎྜལ་འདོམ་གང་ཉམས་དགའ་བ། །དེ་ཕྱིར་གཞན་ཡས་བརྩིགས་པར་བྱ། །དབུས་སུ་གྲུ་གསུམ་མཐོ་དོ་ལ། །རས་རུས་ཕྲ་མོས་བརྩིགས་པར་བྱ། །དཔངས་ནི་ཆག་གང་ཚད་དུའོ། །དཔལ་ཐར་གཉིས་ཀྱིས་གདུང་གི་ཚུལ། །རྩིབ་མས་གདུང་གིས་སྤྲ་ལག་དགོད། ཁྲ་ཆེན་ཁྲག་གི་ཐོག་ཕུབ་བྱ། །སྟེང་དུ་ཐིང་རིལ་རྐང་གཅིག་ལ། །ནལ་བུའི་ཙིསྟ་རྒྱལ་མཚན་ཚུལ། །ཐོད་མཁར་དེ་ཡི་ཕྱི་རིམ་དུ། །ལྕགས་ཕྱེ་ས་ནག་བསྲེས་པ་ཡིས། །རི་ཡི་ཚུལ་དུ་ལན་བདུན་བསྐོར། །དེ་ནི་མ་བདུན་གནས་པ་ཡིན། །ནང་དུ་ཁམ་ས་ཤ་ཆེན་ལ། །དྲེའུ་རྟ་རྐང་རྒྱུས་སྲབ་མཐུར་ཅན། །རྣ་བ་བ་ནི་དྲི་བུ་འཕྱང་། །དེ་ལྟ་བུ་ཡི་གཟུགས་གཅིག་ལ། །སྟེང་དུ་ཤོན་པའི་མ་མོ་ནི། །ལྕགས་ཕྱེ་ས་ལས་བྱ་བ་སྟེ། །མགོ་གཅིག་ལག་གཉིས་ཁྲོ་ཚུལ་ཅན། །རལ་གྲི་མདུང་ཐུང་གཡས་དང་གཡོན། །ཀོ་རློན་སྟོད་ལ་རེ་སྡེ་སྨད། །སྦྲུལ་གྱི་སྐེ་རག་བཅིངས་པ་སྟེ། ཁ་ནས་ཁྲག་གི་ཟར་བུ་འཛག །རྐང་པ་སྒྲོག་ཏུ་བཅུག་པར་བྱ། །དེ་ཡི་མདུན་དུ་གཟུགས་བྱ་བ། །མཚན་མོ་ནག་མོ་རིག་པའི་གཟུགས། །མགོ་གཅིག་ལག་གཉིས་གྲི་གུག་གཡས། །བྷརྙ་གཡོན་ཁྱེར་གཅེར་བུའི་གཟུགས། །སྐྲ་ནི་གྲོལ་བའི་གཟུགས་སུ་བྱ། །དེ་ནས་ཐུགས་ཀྱི་སྤྲུལ་པ་སྟེ། །གཟས་པའི་སྙིང་ལ་གཟུང་བར་བྱེད། །དེ་ནས་ཚོན་རྩི་བཟང་པོ་ཡིས། །བོང་བུ་གྭ་ལ་མ་མོ་སྔོ། །མཚན་མོ་ནག་མོ་སྔོ་བཀྲར་བྲི། །གཡོག་མོ་གཉིས་ཀྱི་རང་བཞིན་ལྡན། །ཐོད་པའི་མཁར་གྱི་སྒོ་དག་ནི། །ལྷོ་རུ་བཏོད་ལ་མ་མོ་གཉིས། །ཐོད་པའི་མཁར་དུ་གཞུག་པར་བྱ། །ལྷོ་རུ་ཁ་བལྟས་བདག་ཀྱང་རུང་། །ལྕགས་རི་བདུན་ལ་མ་མོ་བདུན། །བྱ་ནག་བདུན་གྱི་གཟུགས་སུ་བྱ། །དེ་ནི་གང་གི་དཀྱིལ་འཁོར་རོ། །ད་ནི་གང་གི་དཀྱིལ་འཁོར་ནི། །མི་ཁོམ་སྐྱ་མོའི་ནང་དུ་ཡང་། །གོང་གི་མ་མོའི་གཟུགས་བརྙན་ནི། །ཤིན་ཏུ་གསང་སྟེ་གཞུག་པར་བྱ། །མི་ཁོག་དེ་ཡི་མགོ་བོ་ནི། །བྱང་ཤར་རྐང་པ་ལྷོ་ནུབ་ཏུའོ། །ཡན་ལག་ལྔ་དང་ལིསྒོ་དང་། །སྙིང་ག་བདུན་པོ་དག་ཏུའོ། །བྱ་ནག་བདུན་གྱི་གཟུགས་ཀྱང་བཞག །དཀྱིལ་འཁོར་མདོར་བསྡུས་བསྟན་པ་སྟེ། །འདི་ལས་ལྷག་པའི་དཀྱིལ་འཁོར་ནི། །སྔར་མ་བཤད་ཅིང་ད་མི་གཟུང་། །དཔའ་བོ་ཆེན་པོས་བཀའ་སྩལ་ཏོ། །རྡོ་རྗེ་ནག་མོ་དབང་ཕྱུག་མའི་རྒྱུད་ལས། གསང་བའི་དཀྱིལ་འཁོར་གྱི་ལེའུ་སྟེ་དང་པོའོ།། །།དེ་ནས་དམ་རྫས་བསྟན་པ་ནི། །ཕྱི་ནང་གསང་བ་གསུམ་དུ་བསྟན། །ཕྱི་ཡི་དཀྱིལ་འཁོར་དམ་རྫས་ནི། །དབུས་སུ་སེང་གེ་དཀར་མོའི་སྙིང་། །འབྲས་བུ་སྣ་ཚོགས་གཏོར་མ་ལ། །སྤྱན་གཟིགས་དག་གིས་བརྒྱན་པ་གཞག །ལྷ་མཆོག་ཡབ་ཡུམ་དག་ལ་མཆོད། ཁྲ་དང་ཁྲག་དང་ནལ་བུ་དང་། ཁེང་ལོ་ཐལ་ཆེན་སྙིང་ཆེན་དང་། །བྱང་ཆུབ་སེམས་ཀྱི་དམ་རྫས་ནི། །ཐོད་པར་བསྩལ་ལ་ཟླ་གམ་གཞག །ལྷ་རྫས་ལ་སོགས་གཞུང་དག་དང་། །མཆིན་མཁྲིས་ལ་སོགས་རྣམ་པ་ཀུན། །ཐོད་པ་རེ་རེར་བསྩལ་ལ་བཞག །མ་མོ་རེ་ལ་གཏོར་མ་རེ། །རྒྱུན་དུ་རྒྱུ་བའི་དུས་སུ་བཏང་། །ཞིང་ཆེན་གདུང་དང་རྒྱུ་ཕྲེང་དང་། ཁྲ་ཆེན་ལང་ལིང་ལ་སོགས་པ། །ཕྱི་ཡི་མཆོད་པའི་རྫས་སུ་གཞག །ནང་གི་དམ་རྫས་བསྟན་པ་ནི། །ཐོད་མཁར་ཕྱོགས་བཞིར་ནལ་རོ་བཞི། །རྩང་ལ་གདགས་ཏེ་འཕྱང་དུ་གཞུག །ནལ་བུའི་ལུས་པོ་མགོ་མཇུག་ཏུ། །ཏིལ་མར་དག་གིས་བྱུག་པར་བྱ། །སྤྱི་བོར་མི་མགོ་རེ་རེ་གཞག །དཔྲལ་བར་མཐེ་བོང་རེ་རེ་གཞག །སྙིང་གར་རྨ་བྱའི་མདོངས་རེ་གཟུག །སྐེད་པར་དར་གྱི་སྐེ་རགས་བཅིངས། །ལག་ཏུ་གཡབ་དར་རེ་རེ་སྟེ། །དེ་ལ་མ་མོ་འབར་བར་ངེས། །གཏོར་མ་ཤ་དང་ཁྲག་ལ་བྱ། །མ་མོ་གཉིས་ཀྱི་མདུན་དུ་དྲངས། །སྔགས་ཀྱིས་བཏབ་ལ་ལེན་དུ་གཞུག །སུ་ཞིག་དངོས་གྲུབ་འདོད་པ་ཡིས། །ནལ་རོ་བཞི་ལ་ནན་ཏན་བསྐྱེད། །བྱ་ནག་བདུན་གྱི་མདུན་དག་ཏུ། ཁྲ་ཁྲག་གཏོར་མ་བྷརྙ་རེ། །སྔགས་ཀྱིས་བཏབ་ལ་ལན་དུ་གཞུག །མཚན་མོ་ནག་མོའི་གཏོར་མ་ལ། །གཟས་པའི་མིང་རུས་བཅུག་ལ་བྱིན། །ཐེ་ཚོམ་མེད་པར་ལས་བྱེད་དོ། །གསང་བའི་དམ་རྫས་བསྟན་པ་ནི། །མི་ཁོག་སྐྱ་མའི་མདུན་དག་དུ། །སྐྱེས་པ་ཤིན་ཏུ་ལེགས་པ་ཡི། །རོ་ནི་རྨ་མེད་བཅལ་བྱས་ལ། །གསལ་ཤིང་བཟང་པོར་བཙུགས་པ་ལ། །དར་ནག་བཏགས་ལ་འཕྱང་དུ་གཞུག །དེ་ཡི་ལུས་ཀྱང་མགོ་འཇུག་ཏུ། །ཏིལ་མར་སྨུག་ཙི་བྱུག་པར་བྱ། །མགོ་ནི་ཐོར་ཅོག་ཟུར་ཕུད་ཅན། །དེ་ལ་རྒྱན་གྱིས་མཛེས་པར་བྱ། །རྗེ་ངར་ལྟེ་བའི་བར་དག་ཏུ། །དར་གྱི་ཤམ་ཐབས་ལེགས་པར་བརྒྱན། །རྐང་གཅིག་བརྐྱང་སྟེ་ཡིད་བསྐུལ་ཚུལ། །མ་ལ་ལྡེམ་ཞིང་བསྤྱིངས་པའི་ཚུལ་དུ་བཞག །ལག་ཏུ་མཛེས་པའི་མེ་ལོང་བསྐུར། །མ་ལ་སྟེགས་པའི་ཚུལ་དུ་བསམ། །དེ་ལྟ་བུ་ཡི་དམ་རྫས་དེ། །མ་མོ་བོས་ལ་སྦྱིན་པར་བྱ། །དེ་ནས་ཐེ་ཚོམ་མེད་པ་མྲ །རྣལ་འབྱོར་མ་ལ་གང་འདོད་སྟེར། །རྫས་མཆོད་དམ་པ་ཡིན་པར་བཤད། །གཞན་ཡང་དམར་གྱི་གཏོར་མ་དང་། །ཞལ་ཟས་སྣ་ཚོགས་མདུན་དུ་དྲངས། །རྒྱུད་ཕྱི་མ་ལས་རྫས་ཀྱི་ལེའུ་སྟེ་གཉིས་པའོ།། །།དེ་ནས་མཆོད་ཚུལ་བཤད་བྱ་བ། དང་པོ་སྐྱེ་བ་མེད་པ་དང་། །གཉིས་པ་སྙིང་རྗེའི་བདག་ཉིད་དང་། །གསུམ་པ་རང་སེམས་ཧུ༷་དུ་སྣང་། །འབྱུང་བ་རླུད་སྟེ་ནམ་མཁའི་སྟེང་། ཁུ་གསུམ་ཨེ་དང་གཞུ་འདྲ་ཡ༷། ཆུ་ནི་བ༷་ལས་ཟླུམ་པོར་བསྐྱེད། །སུ་ལས་གསེར་གྱི་ས་གཞིར་སྣང་། །ཀེ་ལས་རུས་པའི་རི་རབ་སྟེང་། །སྒྱུ༷་ལས་གཞལ་ཡས་ཁང་དུ་སྣང་། ཁུ་བཞི་སྒོ་བཞི་ཡང་དག་ལྡན། །གྲུ་གསུམ་ཟླ་གམ་གྲུ་ཆད་དང་། །སྣ་ཚོགས་རྒྱན་གྱིས་བརྒྱན་པར་བསྒོམ། །དབུས་སུ་གདན་ཁྲི་ཉི་ཟླ་དང་། །མ་ཧི་ཆེན་པོ་གསལ་བར་བྱ། །ཟླ་གིམ་གསུམ་ལ་མ་མོ་ རེ། །དེ་ལ་ཆོ་གའི་ཡན་ལག་གིས། །རང་ཉིད་སངས་རྒྱས་ལུས་སུ་སྣང་། །དབུ་གསུམ་ཕྱག་དྲུག་ཞབས་བཞིའམ། །ཡང་ན་མཆོག་གི་ཧེ་རུ་ཀ །དབུ་དགུ་ཕྱག་ནི་བཅོ་བརྒྱད་ཚུལ། །ཆོ་ག་མཁས་པས་ཡབ་ཡུམ་གསལ། །རོ་གསུམ་སྟེང་དུ་མ་མོ་གསུམ། །གར་ཐབས་བྱེད་ཅིང་གནས་པ་སྟེ། །ནག་མོ་ཆེན་མོ་བོང་ཞོན་མ། །རལ་གྲི་འདེབས་ཤིང་མདུང་ཐུང་འཕེན། །རྒྱུ་མའི་དྲིལ་བུ་འགྲམ་པར་འཕྱང། །ཀོརློན སྟོདལ རེལྡེ སྨད། །རྨ་བྱའི་སྒྲོ་ཆུན་སྤྱི་བོར་བཙུགས། །ལྟེ་བའི་ཕྱོགས་ནས་ཉི་ཤར་མ། །དཔྲལ་བའི་ངོས་ནས་ཟླ་བ་འཆར། །རྣ་བ་གཡས་པའི་ཁུང་བུ་ན། །སེང་གེ་མཚན་མ་ཐོགས་མེད་མཆོངས། །གཡས་ན་སྦྲུལ་ནག་ལྕེ་གཉིས་འཛིན། ཁ་ནས་ཁྲག་གི་ཟར་བུ་འཛག །རོ་གཅིག་སྟེང་ན་འདུག་པ་ནི། །ཕུང་བར་བྱེད་པའི་མ་མོ་སྟེ། །གཅེར་བུ་གར་ཐབས་ཁྲག་འཐུང་མ། །ལག་ན་རྡེའུ་ནག་གཡས་གཡོན་འགྲེམས། །མཚན་མོ་དག་ལ་རྒྱུ་བར་བྱེད། །རོ་གཅིག་སྟེང་ན་འདུག་པ་ནི། །གསོད་པར་བྱེད་པའི་མ་མོ་སྟེ། །དུར་ཁྲོད་རོ་རས་ཧྲུལ་པོ་ལས། །དབུལ་མོ་ཚུལ་གྱིས་ཆ་ལུགས་འཛིན། །མཐིང་ནག་མིག་དམར་མདུང་ཐུང་ཅན། །ཐོད་ཁྲག་ཁ་རུ་འཐུང་བར་བྱེད། །ཉིན་མོ་རྒྱུ་ཤིང་མཚན་མོ་ཉལ། །མཚན་མོ་ནག་མོ་བསྒོམ་པ་ནི། །བོང་ཞོན་མ་ཡི་མདུན་དག་ན། །བཀའ་ཉན་གསུང་སྡོད་མ་མོ་གཅིག །ལུས་ནི་རིག་ཅིང་ཐལ་བའི་མདོག །མིག་གི་གཏིང་ནས་ཁྲག་མིག་བལྟ། །ལག་ན་གྲི་གུག་ཐོད་པ་ཐོགས། །གང་ཞིག་གཟས་པའི་སྙིང་རྩ་ལ། །གྲི་གུག་གཅོད་ཅིང་ཐོད་པར་བླུགས །ཐོད་ཁྲག་ཁེངས་པ་ཁ་ལ་འཐུང་། །ཉིན་མོ་ཉལ་ནས་མཚན་མོ་རྒྱུག །ལུས་ལ་གོས་མེད་སྐྲ་གཡེང་མ། །དེ་ལྷ་བུ་གཅིག་བདག་ཉིད་བསྒོམ། །ཐོད་པའི་མཁར་གྱི་ཕྱི་རོལ་ན། །ལྕགས་རི་བདུན་ལ་མ་མོ་བདུན། །བྱ་ནག་བདུན་དུ་སྤྲུལ་ནས་ནི། །འཕུར་ཞིང་ལྡིང་ཞིང་ཆགས་ཚུལ་སྟོན། །རྣལ་འབྱོར་ཆེན་མོ་དེ་ལྟར་བསམ། །དེ་ནས་གྲུབ་པའི་མ་མོ་དེ། །རང་ཉིད་ཧུ༷་གི་ལྕགས་ཀྱུ་ཡིས། །དྲངས་ནས་མཆོད་པའི་ཚོགས་འབུལ་ཏེ། །བ་ལི༷་སྣ་ལ་དབུལ་བར་བྱ། །མ་ཧྭ་བ་ལི༷་ཁུ་ཧི་ཞེས་པ་སྔགས་དང་བཅས་ལ་སྦྱིན་པར་བྱ། ཆེ་གེ་མོ་ཞིག་མྱ་ར་ཡ། གསང་སྔགས་དེ་ཡི་སྒྲ་ཡང་བརྗོད། །དེ་ནས་ཁྲག་གི་ཨསྙེ༷་དབུལ། །མ་ཧྭ་རཀྟ་པྱུ་ཙ་ཧོ། །དེ་ནས་དབང་པོའི་མེ་ཏོག་དབུལ། །མ་ཧྭ་པུརྨྱེ་པྲུ་ཙ་ཧོ། །དེ་ནས་ཚིལ་ཆེན་སྤོས་མེ་འབུལ། །མ་ཧྭ་དྷ་པེ་པྲུ་ཙ་ཧོ། །བདག་ཉིད་དྲི་ཆེན་དེ་ལ་དབུལ། །མ་ཧྭ་གརྙེ་པུ་ཙ་ཧོ། །དེ་ནས་ཚིལ་ཆེན་མར་མེ་དབུལ། །མ་ཧྭ་དི་པ་པྲུ་ཙ་ཧོ། །དེ་ནས་དྲི་ཆུའི་མཆོད་པས་མཆོད། །མ་ཧྭ་གརྙེ་པྲུ་ཙ་ཧོ། །དེ་ནས་མཐུན་པའི་རྫས་ཆེན་བ༄སྟབ། །དེ་ནས་གཏོར་མ་གཏོང་བ་ནི། །ཉི་མའི་ཟེར་ལ་མི་མོ་རྒྱུ། །བཅོ་ལྔ་ཟླ་བའི་ཟེར་དག་ལ། །མཚན་མོ་ནག་མོ་རྒྱུ་བར་བྱེད། །གསོད་པར་བྱེད་པའི་མ་མོ་ནི། །ནམ་གྱི་གུང་ལ་རྒྱུ་བར་བྱེད། །ཕུང་བར་བྱེད་པའི་མ་མོ་ནི། །ཉི་མའི་གུང་ལ་རྒྱུ་བར་བྱེད། །དུས་བཞི་དག་ཏུ་གཏོར་མ་སྤྱིན། རྒྱུད་ཕྱི་མ་ལས་ལས་ཀྱི་ཁོག་དབུབ་པའི་ལེའུ་སྟེ་གསུམ་པའོ༷།། །།དེ་ནས་སྔགས་ཀྱི་ཚུལ་བཤད་པ། །མ་མོ་ཆེན་མོའི་སྲོག་སྙིང་ནི། །ཐུ༷་ལིང་སྙིང་རྩ་འདུ་འདུ་བ། །མཚན་མོའི་སྲོག་སྙིང་ནི། ཁེན་ཏུ་ཟབ་པས་སྔར་མ་བསྟན། །བཤད་ཀྱི་གསང་བའི་བདག་པོ་ཉོན། །ཨཱོཾ་ཐྲོ་ཀ་པ་ལི་ཧུ༷་ཕཊ། གསང་བའི་བདག་པོས་གསང་བར་གྱིས། །ཙ་པ་ལི་ནི་བཅོ་ལྔ་པ། །ཕུང་བྱེད་མ་མོ་བོད་པ་ཡིན། ཁ་མུན་་ཏྲ་པ་ཞེས་པ་ནི། །གསོད་པའི་མ་མོའི་སྙིང་པོ་ཡིན། །དང་པོ་རྣལ་འབྱོར་དེ་ཡིས་ནི། །དམོད་མོ་བྱེད་ན་བཅུ་བདུན་ཏེ།ཁམ་བུ་བྱེད་ན་ཉི་མཚན་མདར། །སྒོ་ང་བྱེད་ན་ཙ་པ་ལ། །ཕག་ཐོད་བྱེད་ན་ཁ་མུན་ཏྲ། ཁྲག་སོར་བྱེད་ན་སྙིང་ཁྲག་ཤ །མདའ་ཟོར་བྱེད་ན་སྐུ་གསུང་ཐུགས། །སྔགས་སྒྲུབ་ཙ་པ་ལ་ཡིན་ཏེ། །ཐོད་པ་དགུ་ནི་ཁ་མུན་ཏྲ། །དེ་རྣམས་ལས་ལ་སྦྱར་བ་ཤིས། །ཐུན་ལིང་ཀ་བཱ་ལ་གཉིས་ཏེ། ཁྲེན་ཏུ་གསང་སྟེ་བཟླས་པ་རྒྱུན། །ཐུན་ལིང་ཉིན་ལ་ཀ་ལིང་མཚན། །རྟག་ཏུ་བཟླ་ཞིང་གཏོར་མ་གཏོང་། ཁུད་ཕྱི་མ་ལས་རྒྱུན་དུ་དྲང་བའི་སྙིང་པོའི་ལེའུ་སྟེ་བཞི་པའོ།། །།དེ་ནས་གྲུབ་པའི་མཚན་མ་བསྟེན། །མ་མོ་ནག་མོའི་མཚན་མ་ནི། །ཐུམ་ཐུམ་སྐབས་སུ་བྱ་ནག་མོ། །ཐོད་པའི་མཁར་ལ་འབབ་པ་མཐོང་། །མཚན་མོ་ནག་མོ་གྲུབ་པ་ནི། །བསམ་གཏན་བྱེད་པའི་ཡིད་ལམ་དུ། །ཡི་དྭགས་འདྲེ་གཟུགས་མཐོང་བར་འགྱུར། །ཕུང་བྱེད་མ་མོའི་མཚན་མ་ནི། །ཚུལ་བུ་ཤུག་རྒྱངས་སྟོན་པར་བྱེད། །གསོད་བྱེད་མ་མོའི་མཚན་མ་ནི། །སེར་བ་ཁུ་འཕང་ཆེན་པོར་བྱེད། །རྒྱུད་ཕྱི་མ་ལས་མཚན་མའི་ལེའུ་སྟེ་ལྔ་པའོ།། །།ཐུན་རྣམས་ཐམས་ཅད་བསྡུ་བ་བསྟན། །ཐུན་གྱི་ཕྱི་ནང་གསང་བ་གསུམ། །ཕྱི་ཡི་ཐུན་རྣམས་སྔར་བསྟན་པ། །སྒོ་ང་ཁམ་བུ་ལ་སོགས་ཡིན། །ནང་གི་ཐུན་ཞེས་བྱ་བ་ནི། །ཐོད་མཁར་ཆེན་པོའི་མདུན་དག་ཏུ། །མུ་སུ་རི་ཡི་ཐོད་པའི་ནང་། ཁྲག་གསུམ་དག་དང་དུག་གིས་བཀང་། ཁུ་གསུམ་བྲུས་ལ་གཏིང་དུ་གཞུག །གཡམ་པ་སྔོ་ནག་དག་ལ་ནི། །མཚན་མོ་ནག་མོའི་གཟུགས་བྲིས་ལ། །ཐོད་པའི་ཁ་ནི་གཅད་པར་བྱ། །དེ་ལ་རྣལ་འབྱོར་ཞེ་སྡང་ཅན། །དྲོད་མ་ཕེབས་ཀྱི་བར་དུ་བཟླས། །ནག་མོ་དགུ་བསྐོར་སྔགས་ཀྱིས་གདགས། །མཚན་མོ་ནག་མོའི་སྙིང་པོ་དང་། །ཤིན་ཏུ་གསང་བའི་དམོད་མོ་དང་། །སྡེབས་ནས་ནག་མོ་དགུ་བསྐོར་ཏེ། །འགྲོ་བ་རིགས་དྲུག་བདུད་དུ་འབབ། །འཛམ་གླིང་མི་ལ་གཉེན་དུ་ཆེ། །ཆུ་ཚོད་བརྒྱད་ཅུ་རྫོགས་པ་དང་། །ཐུན་ནི་ཁ་གསུམ་བགོས་བྱས་ལ། །གཅིག་ནི་བཟས་པའི་གཟུགས་ལ་བརྡེག །གཅིག་ནི་ཐུར་གྱི་གཏའ་རུ་གཞུག །དེ་ནས་ཐུན་གཅིག་ཡུལ་ཕྱོགས་འཕང་། །ནག་མོ་བདུན་བསྐོར་ཐུན་གྱིས་ནི། །བདུན་གསུམ་ལོན་པའི་འཆི་བར་བྱེད། །གསང་བའི་ཐུན་ཞེས་བྱ་བ་ནི། །མི་ཁོམ་སྐྱ་མོའི་མདུན་དག་ཏུ། །སྐྱེར་མ་མི་རིང་ལག་པ་མྲ །གཡས་སུ་མེ་ལོང་གཡོན་དུ་ཐུན། ཁར་ནག་ཐུན་ལ་བཏགས་ནས་ནི། །མཚན་མོ་ནག་མོའི་ལག་ཏུ་གཏད། །འབུར་ཁུང་ནགམོའི་སྔགས་ཀྱིས་བཏབ། །འབུར་ཁུང་ནག་པོ་ཞེས་བྱ་བ། ཁམ་བུ་དགུ་ཡི་སྔགས་དང་ནི། །ཐང་སྔགས་དམོད་པ་སྦྲགས་པ་ཡིན། །བཅུ་དྲུག་དག་ནས་དབུ་བཙུགས་པས། །ཉི་ཤུ་དགུ་ལ་མི་རོ་ཡི། །ལག་གི་བྷརྙ་ཁོལ་བར་བྱེད། །འབུར་ཁུང་ནག་མོ་དྲག་ཏུ་འཕང་། །ཐེ་ཚོམ་མེད་པར་དཔའ་བོས་བཤད། །རྒྱུད་ཕྱི་མ་ལས་དྲག་པོའི་ཐུན་ཐམས་ཅད་ཀྱི་སྙིང་པོ་ཞེས་བྱ་བའི་ལེའུ་སྟེ་དྲུག་པའོ།། །།དེ་ནས་གསད་པའི་ལས་བཤད་པ། །འཆི་བར་འགྱུར་བའི་སྦྱོར་བ་ནི། །རྣམ་པ་གསུམ་དུ་བཤད་པར་བྱ། །ཐུན་གྱི་ལས་རྣམས་རྫོགས་པ་དང་། །བསམ་གཏན་དག་གིས་གསད་པ་ནི། །མཚན་མོ་ནག་མོའི་ཏིང་འཛིན་ནི། །རྣལ་འབྱོར་གྱིས་སམ་ཞེ་སྡང་བསྐྱེད། །རྫུ་འཕྲུལ་སྟོབས་ཀྱིས་འཕྲུལ་ནས་ནི། །གཟས་པ་པོ་ཡི་དྲུང་ཕྱིན་ནས། །གྲི་གུག་དག་གིས་ཁོག་པ་བྲེག །སྲོག་རྩ་བཅད་ནས་བྷརྙ་བཀང་། །རང་ཉིད་ཀྱིས་ནི་འཐུངས་པས་གང་། །བཀྲག་དང་གཟི་མདངས་ལྡན་པར་བསམ། །རི་བདུན་དག་ལ་གནས་པ་ཡི། །བྱ་ནག་བདུན་གྱིས་ཤ་རྣམས་ཟོས། །སྙིང་རྗེ་མེད་པའི་ལྷ་ཚོགས་ཀྱིས། །ལྷག་མ་མེད་པར་ཟད་པར་བྱས། །ལན་གྲངས་བརྒྱ་རུ་དེ་ལྟར་བསྒོམ། །རྒྱུན་སྔགས་གསད་པའི་སྔགས་དང་བཅས། །གཏོར་མ་ནར་མར་གཏང་བར་བྱ། །རྒྱུད་ཕྱི་མ་ལས་གསད་པའི་མན་ངག་བསྡུས་པའི་ལེའུ་སྟེ་བདུན་པའོ།། །།འཆི་བའི་མཚན་མ་བཤད་བྱ་བ། རྣལ་འབྱོར་མཐུ་ཆེན་འཕན་པའི་ཚེ། །ཐོད་པ་སྦུབ་ན་འཆི་བ་ཡིན། །མཆི་མ་བྱུང་ན་འཆི་བ་ཡིན། །སྲོག་ཆགས་གསད་ན་འཆི་བ་ཡིན། ཁྲག་ཆེན་ཁོལ་ན་འཆི་བ་ཡིན། ཁེང་ཆེན་གཅོད་ན་འཆི་བ་ཡིན། །རྡོ་ཆེན་འབྱིན་ན་འཆི་བ་ཡིན། །རྒྱུད་ཕྱི་མ་ལས་ལྟས་ཀྱི་ལེའུ་སྟེ་བརྒྱད་པའོ།། །།དེ་ནས་མིང་པོའི་སྒྲུབ་པ་ཐམསཅདནི། །གཤིནརྗེནགཔོ་ཞེས་བྱ་བ། །ལམ་རྒྱུད་ལྔ་ལ་དབང་ཡང་བྱེད། །གིའུ་ཏི་ཤན་བྱ་བ་ཡིན། །གཤིན་རྗེ་སྔོན་པོ་ཞེས་བྱ་བ། །ལྕགས་མཁར་བཅུ་དྲུག་ལ་དབང་བྱེད། །ཆོས་ཀྱི་རྒྱལ་པོ་བྱ་བ་ཡིན། །གཤིན་རྗེ་འཇིགས་པ་ཞེས་བྱ་བ། ཁྲ་ཁྲག་དབུགས་ལ་དབང་བྱེད་པ། །ནར་ཧི་སད་ཞེས་བྱ་བ་ཡིན། །གཤིན་རྗེ་ཆེན་པོ་གླང་མགོ་ཅན། །བྱོལ་སོང་རྒྱལ་པོ་ཞེས་བྱ་བ། །གཤིན་རྗེ་རྒྱལ་པོ་ཞེས་བྱ་བ། མ་མོའི་མིང་པོ་ཡིན་པ་སྟེ། །དྲག་པོའི་དཀྱིལ་འཁོར་བྲི་བར་བྱ། ཁུ་གསུམ་གཅིག་ལ་གྲུ་ཆད་བཞི། །མཐིང་ནག་ཚོན་གྱིས་དགང་བར་བྱ། །ཐ་མར་མེ་རི་དམར་པོ་སྟེ། །དེ་ལ་འཆི་བདག་བཞི་བཀོད་པས། །མི་ཐོད་སྐྱགས་ཙེ་བཞི་དག་ལ། །འཆི་བདག་ཞལ་བཞི་ཚོན་གྱིས་བྲི། །རང་རང་སྙིང་པོས་མཚན་ཏེ་དགོད། །བམ་ཆེན་དག་གི་ཤ་ཁྲག་གིས། །གཏོར་མ་ཆེན་པོ་དབུལ་བྱ་ཞིང་། །སྙིང་པོ་འདི་དག་བཟླས་པར་བྱ། །ཡ་མ་རྭ་ཙ་འགེའུ་ཏེ་ཤན། དྷརྨ་རྭ་ཙ་ཡ་མ་ན་ར་སེང་ཏ་ཡ། པྲེ་ཏེ་མུ་ཁའི་ཏི་ཡ་ས་མ་ཡ་ཛ༷༷ཛ༷༷ དེ་ནས་རྟགས་ཆེན་འབྱུང་འགྱུར་ཏེ། །མ་རིང་གཅེར་བུ་རྒྱུག་པར་བྱེད། །མོན་པ་བླ་རྐུན་ནག་པོར་སྟོན། །བཙུན་པ་རླུད་ནག་འ་ས་མ་འབྱུང་། །རྒྱལ་པོ་ཆེན་པོའི་ཚུལ་དུ་སྟོན། །དེ་ནས་གསོད་པར་བྱེད་འདོད་ན། ཁམ་ས་ལནིགཤིནརྗེའིགཟུགས། །གནག་ཅིང་མཐོ་བའི་མི་གཟུགས་བཞི། །ལག་ན་དབྱུགས་པ་ཞགས་པ་དང་། །ལྕགས་ཀྱུ་ཁ་བྲག་ཐོགས་པར་བྱ། །དེ་ནས་བྱིནབརླབསགཤིནརྗེརདམིགས། །གཏོར་མ་མངའ་དབུལ་བྱ། །དེ་ནས་འཁོར་ལོ་བྲི་བ་ནི། །གྲུ་གསུམ་གཅིག་ལ་གྲུ་གསུམ་བཞི། །དབུས་སུ་གཟས་པའི་མིང་དང་གཟུགས། །གསུམ་ལ་སྔགས་དགོད་དང་པོ་ལ། །ཉི་མ་བཞི་རུ་ལྷ་བཞི་བསྒོམ། །འཁོར་ལོ་སྒོ་ཞིང་རྐང་པའི་འོག །གསང་སྔགས་འདི་དག་བཟླས་པར་བྱ། །ཡ་མ་རྭ་ཙ་འགེའུ་ཏེའུ་ཤན། །ཆེ་གེ་མོ་བཱ་ར་ཡ་རྦད། །དྷརྨ་རྭ་ཙ་ཡ་མ་རྭ་ཙ་ཆེ་གེ་མོ་མ་ར་ཡ་རྦད། མ་ར་ཧིང་ཧ་ཡ་མ་ར་ཙ་ཆེ་གེ་མོ་མུ་ར་ཡ་རྦད། པྲེ་ཏེ་མུ་ཁེ་ཏྲི་ཡ་མ་རྭ་ཙ་ཆེ་གེ་མོ་མྱ་ར་ཡ་རྦད། ཐལ་ཆེན་ཉུང་དཀར་སྐྱེ་ཚེས་བྲབ། །ཐོན་ནས་གཟུགས་དང་འཁོར་ལོ་མནན། །ཟླ་དྲུག་རྫོགས་ནས་འཆི་བར་འགྱུར། རྒྱུད་ཕྱི་མ་ལས་གཤིན་རྗེ་མིང་པོའི་ལེའུ་སྟེ་དགུ་པའོ།། །།བདུད་ཆེན་པོ་ཡི་སྒྲུབ་ཐབས་ནི། །དཀྱིལ་འཁོར་མདའ་ཚད་གྲུ་བཞི་ལ། །དབུས་སུ་ཟླུམ་པོ་ཕྱི་རོལ་དུ། །གྲུ་གསུམ་ཆེན་པོ་བཅུ་དག་བྱ། །རྡོ་རྗེ་ར་བ་སྒོ་བཞི་ཡང་། །ཀུན་ནས་ལོགས་པད་ཀྲི་བར་བྱ། །དབུས་སུ་བདེ་གཤེགས་ཆེན་པོ་སྟེ། །གྲུ་གསུམ་ཆེན་པོ་བཅུ་པོ་ལ། །བདུད་ནི་ལྕམ་དྲལ་བཅུ་པོ་དགོད། །མིང་པོ་བདུད་ཆེན་བཅུ་པོ་ནི། །ཡང་རྗེ་ནག་པོ་ཞེས་པ་དང་། །འབར་བ་ཡམ་ཆུང་ཞེས་པ་དང་། །ནག་པོ་བདུད་རྗེ་ཞེས་པ་དང་། །སྲོག་བདུད་ནག་པོ་ཞེས་པ་དང་། །བླ་བདུད་ཡོར་པོ་ཞེས་པ་དང་། །སྲོག་བདུད་དམར་གྱི་སྟག་རེ་དང་། །སྲིན་མོ་སྨིན་མོ་འབར་བ་དང་། །སེར་པོ་འབར་མ་ཞེས་པ་དང་། །དཀར་མོ་འབར་བ་ཞེས་པ་དང་། །དམར་མོ་འབར་བ་ཞེས་པ་དང་། །བློན་པོ་ཤ་འདྲེན་སྐྱ་བོ་གཉིས། ཁོལ་པོ་འཛིན་པོ་སྔོན་པོ་གཉིས། །སྒོ་བཞི་དག་ལ་དགོད་པར་བྱ། །དེ་ནས་མཐུན་པའི་དམ་རྫས་ནི། །མིང་པོ་དྲུག་པོ་དག་ལ་ནི། །མི་སྙིང་རྟ་སྙིང་སྤྲེའུ་སྙིང་དང་། ཁྱི་ནག་ལུག་ནག་བྱ་ནག་སྙིང་། །གཏོར་མ་བྱས་ཏེ་དབུལ་བར་བྱ། །དེ་རྣམས་སྙིང་རྗེ་བྱས་ནས་ནི། །གསེར་སྐྱེམས་བཤོས་བུ་ནག་པོའི་གཟུགས། །ཟླ་བ་ཉ་ཆེན་ཤར་བ་ལ། །མིང་ནས་འབོད་ཅིང་སྤྱིན་པར་བྱ། །སྲིང་མོ་འབར་མ་བཞི་པོ་ལ། །སྤྱན་གཟིགས་སྣ་ཚོགས་ཚོགས་པ་ཡིས། །གོང་མ་བཞིན་དུ་མཆོད་པར་བྱ། ཁོལ་མོ་བློན་པོ་བཞི་པོ་ལ། །སྣུག་མ་དག་ལ་རྟེན་བཅས་ལ། །གཏོར་མ་གསེར་སྐྱེམས་དག་གིས་མཆོད། །དེ་ནས་བཟླས་པ་བྱ་བ་ནི། །ཨ་བདུད་པྲ་མ་ཡ་ཁ་རུ་ཧུ༷། ད་རུ་ཧུ༷། རུ་་་ཧུ༷། ཧྭ༷་དུ་ར་ན་ཧུ༷། ཤར་ཀ་ཧུ༷། དྷིག་ཤོ་ཧུ༷། དེ་ནི་བཟླས་པ་ཙམ་གྱིས་ནི། །གློག་དམར་རལ་གྲི་ཙམ་ནི་འོང་། །གྲུབ་པའི་མཚོན་མ་བྱུང་བ་དང་། །དགྲ་རྣམས་གསོད་པར་འདོད་པ་ན། །གཟས་པ་པོ་ཡི་མིང་བྲིས་ལ། །སོད་ཅིག་ཆོད་ཅིག་སྒྲ་ཡིས་ནི། །དྲག་ཏུ་བརྡུང་ཞིང་ཕྱེ་མར་གཏད། །གསེར་སྐྱེམས་ནང་དུ་ཕྱེ་མ་བླུགས། །ཟླ བ ཉཆེནཤར་བ་ལ། །མིང་སྲིང་བཅུ་པོ་མཆོད་ཆས་བོད། །གསེར་སྐྱེམས་གཏོར་ཞིང་བསྟབ་པར་བྱ། །ཐོགས་པ་མེད་པར་འཆི་བར་འགྱུར། རྒྱུད་ཕྱི་མ་ལས་བུ་བདུད་སྒྲུབ་པའི་ལེའུ་སྟེ་བཅུ་པའོ།། །།དེ་ནས་གནོད་སྤྱིན་བསྒྲུབ་བྱ་བ། །གནོད་སྦྱིན་ལྕགས་ཀྱི་མཁར་བ་ཅན། །བདུད་དང་མ་མོའི་ཕ་ཡིན་ཏེ། །དུར་ཁྲོད་རས་ལ་གནོད་སྤྱིན་གཟུགས། །ནག་མོ་ཆེན་མོ་ཞལ་གཅིག་པ། །སྐྲ་ནི་གྱེན་དུ་འབར་བ་ལ། །ལུས་ལ་དྲེའུ་ནག་པགས་པ་གསོལ། །ལག་ན་ལྕགས་ཀྱི་འཁར་བ་ཐོགས། །དེ་ནས་གནོད་སྤྱིན་བཀུགས་ནས་ནི། །གནོད་སྤྱིན་རྟེན་ལ་བསྟིམ་པར་བྱ། །ལྷ་ཆེན་ཚལ་བུའི་ཤ་ཁྲག་གིས། །རྟག་ཏུ་གཏོར་མ་མདུན་དུ་དྲང་། །བཤོས་བུ་རྩེ་ནག་གསེར་སྐྱེམས་ཀྱིས། །ཚེས་བརྒྱད་ནམ་ཕྱེད་དག་ལ་མཆོད། །དེ་ནས་སྲོག་སྙིང་བཟླས་པ་ནི། །ཨོ་བཛྲ་ཡསྒ་པྲེ་ཏེ་ན་བྷ་ར་དུ་པ། ཏིཁྱི་ཧུ༷་ཕཊ་ཛ། བཟླས་པས་ཁྲག་ཆེན་རལ་པའི་སྒྲ། །འབྱུང་སྟེ་དེ་ནས་གསད་འདོད་པས། །གཟས་པ་པོ་ཡི་གཟུགས་བྲིས་ལ། །ཏིང་ངེ་འཛིན་གྱིས་འོད་ཟེར་གྱིས། །བཀུག་སྟེ་རྟེན་ལ་བསྟིམ་པར་བྱ། །གསང་སྔགས་རྟིང་ལ་ཏ་ཐ་ཡ། །བཏགས་པས་ཐལ་བ་བཞིན་དུ་བཏགས། །གནོད་སྤྱིན་བོས་ལ་གཏོར་མ་གཏང་། །གསེར་སྐྱེམས་གཟུགས་བསྲེས་བརྒྱད་ལ་གཏོར། །འོ་དོད་བོས་ལ་སོད་ཅིག་བརྗོད། །ཟླ་བ་ཕྱེད་ན་འཆི་བར་འགྱུར། ཁུད་ཕྱི་མ་ལས་གནོད་སྤྱིན་ལྕགས་ཀྱི་འཁར་བ་ཅན་གྱི་ལེའུ་སྟེ་བཅུ་གཅིག་པའོ།། །།བྱང་ཆུབ་སེམས་དཔའ་ཕྱག་ན་རྡོ་རྗེ། ང་ཡིས་སེམས་ཅན་ཀུན་གྱི་དོན་གྱི་ཕྱིར། འདི་ལྟ་བུ་ཞེ་སྡང་ཐམས་ཅད་ཀྱི་གཉེན་པོར་བཤད་པ་ནི། ཀུན་ལ་བཤད་པར་མི་བྱ་སྟེ། །ཁྱོད་ཀྱིས་སྦོས་ཤིག །སངས་རྒྱས་ཀྱི་དམ་པའི་ཆོས་གཞུང་བཞིན་དུ་བྱེད་པ་རྣམས་ནི། ཆོས་བྱེད་དུ་མི་སྟེར་ཞིང་། བསྟན་པ་འཇིག་ན་ཆ་རྐྱེན་དུ་བཤད་པ་ལས་མ་རྟོགས་པར་ཐམས་ཅད་དུ་