Ngb-pt-0338-vol-04-text
Front[edit]
Body[edit]
རྒྱ་གར་སྐད་དུ། ཤི་རག་ཤ་ས་མུ་གུ་ཏནྟྲ། བོད་སྐད་དུ། །དཔལ་ཁྲག་འཐུངབདེབཆེནཔོལོངསསྤྱོད་རྫོགས་པའི་སྐུ་ལ་ཕྱག་འཚལ་ལོ། །འདི་སྐད་བདག་གིས་ཐོསཔའིདུསགཅིགན། བཅོམ་ལྡན་འདས་གསང་སྔགས་ཀྱི་མངའ་བདག །རིགས་སྔགས་ཀྱི་རྒྱལ་པོ། །དཔལ་ཁྲག་འཐུང་འབར་བ་ཆེན་པོ་རི་མ་ལ་ཡའི་རྩེ་མོ་ལ་བཞུགས་ཏེ། དེ་ནས་འདྲེ་སྲིན་གྱི་འཁོར་རྣམས་ཀྱིས། གནོད་སྦྱིན་དང་། གཟའ་དང་།བདུད་དང་། ཀླུ་དང་། བསེ་ཡི་སྐྱེས་བུ་བཞི་དང་། བསེ་མོ་ཉིས་བརྒྱ་ལྔ་བཅུ་དང་། མི་མ་ཡིན་གྱི་འཁོར་གྱིས་བསྐོར་བའི་ཚེ་ན། མངོན་ཤེས་དྲུག་ཞབྲུལ་ཅན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་འབར་བ་ཆེན་པོ་རྣལ་འབྱོར་པ་ལ། སེམས་ངན་པ་དང་། གཞན་གྱིས་འཚེ་ཞིང་འཇོམས་པ་དང་། དགེ་བ་དང་ཏིང་ངེ་འཛིན་གྱི་གེག་ངང་། ཆོས་བྱེད་དུ་མི་སྟེར་བ་ཐམས་ཅད་ཐབས་ཀྱིས་འདུལ་བའི་དུས་ལ་བབ་པར་ལུང་བསྟན་དུ་གསོལ། སྟོན་པས་བཀའ་སྩལ་པ། འགྲོ་བའི་དོན་དུ་ཞུ་བ་ལེགས་ཀྱི་ཉོན་ཅིག ཕྱི་ནང་སྣོད་བཅུད་འདུས་པའི་ཆོས་ཐམས་ཅད་ནམ་མཁའ་ཁྱབ་པར་དོན་མཛད་དེ། ཆོས་ཀྱི་སྐུ་ཇི་ལྟ་བ་བཞིན་དུ།སྤྲུལ་པས་འགྲོ་བའི་དོན་མཛད་དོ། །དེ་ནས་འཇིགས་པའི་ཕྱག་རྒྱ་རུ་སྤྲུལ་ལོ། །དེ་འདྲེ་སྲིན་གྱི་ཚོགས་ཀྱི་འཁོར་རྣམས་འདུས་ནས། རྒྱགོ་མོ་བཞིའི་སྲོག་གི་སྙིང་པོ་འདི་ཕུལ་ལོ། །ཀང་ཀ་ད་རེ་ཛ་ཛ༷༷ ཙ་མུན་ད་རེ་ཛ་ཛ༷༷ ཤུ་ལ་ད་རེ་ཛ་ཛ༷༷ ཀུ་ལ་ད་རེ་ཛ་ཛ༷༷ ཞེས་ཕུལ་བས། ཁྲག་འཐུང་གི་རྒྱལ་པོསརིནཆེནའབརབའིཏིང་ངེ་འཛིན་དུ་བཞུགས་ནས། འགྲོ་བའི་དོན་མཛད་དོ། བསེ་སྒྲོམ་དམར་པོའི་རྒྱུད་ལས། །གླེང་གཞིའི་ལེའུ་སྟེ་དང་པོའོ།། །།དེ་ནས་དཔལ་ཁྲག་འཐུང་གི་རྒྱལ་པོས། །བསྲེ་མོའི་སྒྲུབ་པ་དའི་གསུངས་སོ། །དཀྱིལ་འཁོར་མདའ་གང་གྲུ་བཞི་ལ། ཁྲག་དང་འོ་མ་མར་ཁུ་རྣམས། སྦྲང་རྩི་ལ་སོགས་ཆག་ཆག་གདབ། །དབུས་སུ་གྲུ་གསུམ་མཐིང་ནག་ལ། །འཁོར་ལོ་རྩིབས་བཞི་མུ་རན་བཅས། །སྒོ་བཞི་ཏྭ་ར་ཎ་ཡིས་བརྒྱན། །དབུས་སུ་ཁྲག་འཐུང་རྒྱལ་པོའོ། ཁྲར་དུ་ཀང་ཀ་ད་རེ་དགོད། །ལྷོ་རུ་ཀུ་མ་ད་རེ་དགོད། །ནུབ་ཏུ་ཤུལ་ལ་ད་རེ་དགོད། །བྱང་དུ་ཙ་མུན་ད་རེ་དགོད། །རབས་ཆད་ཐོད་པའི་ནང་དག་ཏུ། །ར་ཁྲག་ཁྱི་ཁྲག་ཕག་ཁྲག་དུག་སྣ་ཚོགས། །ཧོམ་ཁུང་ཟུར་ལ་གཞག་པར་བྱ། །ཟུར་གཅིག་བ་མེན་རྭ་ནང་དུ། །སྦྲང་རྩི་ཞག་དང་སྙིང་སྣ་ཚོགས། །དེ་ནི་མཆོད་པའི་རྫས་རྣམས་སོ། །ཞལ་དུ་བསྟབ་པའི་རྫས་རྣམས་ནི། །བྲ་མའི་བྲམ་མོ་ཡང་ཧོམ་དག་ཆ་གཅིག་དགོད། །བསེ་མོ་བཞི་ཡིས་ཕུར་ལྷ་བཟུང་། །འཁོར་ལོ་བཞི་ལ་གཏམ་གྱི་གདབ། །བདག་ཉིད་དཔལ་གྱི་ཏིང་འཛིན་ལྡན། །བསེ་མོ་བཞི་ཡི་སྲོག་སྙིང་བྲང་བའོ། །བསེ་སྒྲོམ་དམར་པོའི་རྒྱུད་ལས། དཀྱིལ་འཁོར་བཅའ་བའི་ལེའུ་སྟེ་གཉིས་པའོ།། །།ཁྲག་འཐུང་གི་རྒྱལ་པོ་དེས།ལྕགས་ཀྱུའི་ཕྱག་རྒྱ་བཅས་ནས་སྲོག་གི་སྙིང་པོ་ནས་དྲངས་ཏེ། ཀང་ཀ་ད་རེ་ཛ། ཀུ་མ་ད་རེ་ཛ། ཙ་མུན་ད་རེ་ཛ། ཤུ་ལ་ད་རེ་ཛ། གཟུགས་རྣམས་རབ་ཏུ་སྟོན་འགྱུར་ཏེ། །ལས་ལ་འདི་སྐད་བསྐུལ་བར་བྱ། །ཙེའུ་རི་ཙག་སྲིན་ཨ་ནིར་ཏི། ནཱ་ར་ཡ་ཨ་ཀུ་ཤ་ཛ་ཛ༷༷ སྙིང་ཟ་བ་ཙིསྟ་མ་ལ་ར་ཤོར་ལ་ཁྲག་འཐུང་། ཀང་ཀང་ཀིང་ཀིང་། ཤ་ལ་ཏྲི་ཏི་ཧུ༷་ཕཊ། ཨོ་བཛྲ་ཀི་ལི་ཀི་ལ་ཡ། ཧ་ས་ར་ན་ཧ་ཏ་ན་ཧ་ཏ་ན་ཡ། མ་མ་སརྦ་བིསྣྲུན་བ༷་ཧུ༷་ཕཊ། ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། ཤི་སྨྲ༷་ཨུ་ན་ཡ་ཤི་ཀྟ༷་ཨུ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཏྭ་ཐ་ཡ་ཏྭ་ཐ་ཡ་ཧུ༷་ཕཊ། བི་ཏ་ཡ་བི་ཏ་ཡ་ཧུ༷་ཕཊ། ཤུ་ལ་ཤུ་ལ་བུ་ལ་ད་ར་ཛ་ཛ་ནི། ཡོ་གི་ཤྭ་རི་ནི། བཛྲ་ཙིསྟ་སུ། ཀི་བཛྲ་ན་བཱ་ར་ཡ་ཕཊ། བསེ་སྒྲོམ་དམར་པོའི་རྒྱུད་ལས། སྔགས་ཀྱི་ལེའུ་སྟེ་གསུམ་པའོ།། །།དེ་ནས་ཁྲག་འཐུང་གི་རྒྱལ་པོས། དྲག་པོའི་ལས་ལ་གཞུག་པ་འདི་གསུངས་ཏེ། ཞལ་དུ་བསྟབ་པའི་འཁོར་ལོ་བྲི། །དབུགས་ལེན་མ་ནི་རྦད་པར་བྱ། །བི་ད་ཡ་ཡི་སྔགས་ཀྱིས་རྩིབས་མཆན་བསྐོར། །ཧོམ་ཁུང་ནང་དུ་བསེ་མོ་བསྐྱེད། །ཞལ་དུ་བསྟབ་པའི་རྫས་རྣམས་ནི། །ལིསྐོ་ཚོ་གསུམ་བཅད་དེ་ལག་ཏུ་ཐོགས། ཧོམ་དུ་བསྟབ་ཅིང་ཤུ་ལ་ཤུ་ལའི་སྔགས་བཟླས་ཤིང་། །ཛ་ལ་ར༷་གྱིས་མེ་སྦར་ཞིང་། །བི་ཏ་ཡ་ནས་སྤེལ་ཞིང་དབུལ། །དེ་ནས་ལིསྐོ་སྒྲུབ་རྫས་ལ། །རབས་ཆད་ནག་པོའི་ཐོད་པ་སྲ །ཡི་དྭགས་ཁྱི་མོའི་སྤུས་གཏུམས་ལ། །ཐག་པ་ནག་པོ་བཏགས་ལ་བསྐོར། །ཐལ་བ་ནག་པོ་རླུ་་ལ་འཕྱར། ལྷག་མ་ཁྲོ་བོའི་ཞབས་འོག་མནན། །མནན་པའི་དུས་སུ་ཁྲི་ཡང་བཟླས། །ཟླ་བ་ཉི་མའི་ནམ་པྱེད་གཏད། །ཅེས་གསུངས་སོ། །མར་ཁུ་དང་ཞག་དང་ཁྲག་གསུམ་བདུད་ཀྱི་བུ་མོ་ལ་སྦྲེང་། ཁྲག་དང་ཨ་སྐྲོ་ཏས་དམ་བ་དར་རོ། །སྦྲང་རྩིས་དང་མར་དང་ཐུད་སྦྱར་ལ་སྲོག་བདག་གི་བུ་མོ་ལ་གཏད་དོ། །མི་མགོ་དང་བསེ་ཕོར་དང་། བ་མེན་གྱི་རྭ་དང་མཛོ་རུ་ལ་བཟླས་པའོ། །བསེ་མོའི་སྔགས་ཀྱི་འཁོར་ལོ་བསྐོར་བ་ཁྲག་འཐུང་གི་རྒྱལ་པོས་དེ་སྐད་གསུངས་སོ། །བསེ་སྒྲོམ་དམར་པོའི་རྒྱུད་ལས། ལས་ཀྱི་བྱ་ཐབས་ཀྱི་ལེའུ་སྟེ་བཞི་པའོ། །རྫོགས་སོ།། །།སློབ་དཔོན་པདྨ་འབྱུང་གནས་ཀྱིས། །ལྷ་སྲས་ལྕམ་སྲིང་ལ་གནང་སྟེ་བསྒྱུར་ཞིང་གཏན་ལ་ཕབ་པའོ།རྒྱ་གར་སྐད་དུ། ཀ་ཙ་ཟ་རྭ་ཏནྟྲ། བོད་སྐད་དུ། ཤྭ་ན་དཀར་ནག་གི་རྒྱུད་དཔལ་རང་བྱུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རང་བཞིན་ལྷུན་གྱིས་རྫོགས་པའི་