Front[edit]

Body[edit]

གཏན་ལ་ཕབ་པའོ།། །། རྒྱ་གར་སྐད་དུ། ཏ་ཐུ་ག་ཏ་མ་ཧྭ་བཛྲ་ཀི་ལ་ཡ་ཏནྟྲ་ནཱ་མ། བོད་སྐད་དུ། དེ་བཞིན་གཤེགས་པ་ཆེན་པོ་རྡོ་རྗེ་ཕུར་པའི་རྒྱུད། བཅོམ་ལྡན་འདས་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །ཀུན་ཏུ་བཟང་པོའི་ངང་ཉིད་ལས། །བཤད་པ་དྲི་མེད་འོ་ན་ལྡན་རྒྱུད། །བདེ་གཤེགས་ཐམས་ཅད་བྱིན་རླབས་འབྱུང་། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསྟན་པ་རིན་པོ་ཆེ། མི་མཇེད་འཇིག་རྟེན་གྱི་ཁམས་སུ་སྤྲུལ་པའི་སྐུ། ཉོན་མོངས་པ་ཐམས་ཅད་སེལ་བར་བྱེད་པའི་བདེ་བར་གཤེགས་པ་ཐུབ་པའི་དབང་པོ་བྱ་བ་བཞུགས་སོ། །དེ་ནས་བསྟན་པ་ཐམས་ཅད་དར་ཞིང་དྲང་བ་མ་ལུས་པའི་དོན་མཛད་དོ། །དྲང་བའི་དོན་དུ་ཐེག་པ་བསམ་གྱིས་མི་ཁྱབ་པ་གཅིག་གསུངས་སོ། །གསུང་ངོ་། །གསུང་བར་འགྱུར་རོ། །དེ་བཞིན་དུ་ཤར་ཕྱོགས་གྱི་འཇིག་རྟེན་གྱི་ཁམས་དགའ་བའི་ཞིང་ཁམས་ན།སངས་རྒྱས་དད་པའི་དབང་པོ་ཞེས་བྱ་བ་བཞུགས་ཏེ། དེས་ནི་དྲང་བ་ཉོན་མོངས་པ་ཐམས་ཅད་རབ་ཏུ་སེལ་བར་མཛད་དོ། །ལྷོ་ཕྱོགས་ཀྱི་འཇིག་རྟེན་གྱི་ཁམས་རབ་ཏུ་གསལ་བ་ཞེས་བྱ་བ་ན། སངས་རྒྱས་ཡེ་ཤེས་གསལ་བ་ཞེས་བྱ་བ་བཞུགས་ཏེ། དེས་ནི་རོབ་ཏུ་གསལ་བ་དང་ཉོན་མོངས་པ་ཐམས་ཅད་རབ་ཏུ་མཛད་དོ། །ནུབ་ཕྱོགས་ཀྱི་ཞིང་ཁམས་འཇིག་རྟེན་གྱི་ཁམས་པདྨ་ཅན་ཞེས་བྱ་བ་ན་སངས་རྒྱས་སྒྲིབ་པ་ཐམས་ཅད་སྤངས་བ་སེལ་བ་བཞུགས་ཏེ། དེས་ནི་ཉོན་མོངས་པ་ཐམས་ཅད་རབ་ཏུ་སྤངས་ཏེ། དྲི་མ་བྲལ་བ་དྲི་མ་སྤངས་པ་དྲི་མ་མེད་པའོ། །བྱང་ཕྱོགས་ཀྱི་ཞིང་ཁམས་རབ་ཏུ་གྲུབ་པ་ཞེས་བྱ་བ་ན། སངས་རྒྱས་ཀྱི་ཕྲིན་ལས་ཐམས་ཅད་ལྷུན་གྱིས་གྲུབ་པ་ཞེས་བྱ་བ་བཞུགས་ཏེ། དེས་ནི་ཕྲིན་ལས་ཐམས་ཅད་ལྷུན་གྱིས་གྲུབ་ཅིང་། དོན་ཐམས་ཅད་མཐར་ཕྱིན་ཅིང་གྲུབ་པར་མཛད་དོ། །དེ་བཞིན་དུ་འཛམ་བུ་གླིང་བྱེ་བ་ཕྲག་བརྒྱར་སྟོན་པ་ཡང་དེ་བཞིན་དུ་འབྱུང་བར་འགྱུར་རོ། །རྣམ་པ་གསུམ་གྱི་དོན་རབ་ཏུ་གསལ་བ་ཉིད་དུ་སྟོན་པ་ཡིན་ཏེ། འདུལ་བའི་དབང་གིས་ཤིན་ཏུ་གདུལ་བར་བསྐུལ་བ་དང་རབ་ཏུ་འདུལ་བའི་དོན་མཛད་པར་གྱུར་ཏོ། །དེ་ནས་ཡང་འདུལ་བའི་དབང་དུ་བསྟན་པ་ཡིད་འོང་ཀུན་གྱི་ལྷ་ཞེས་བྱ་བ་གསུངས་ཏེ། རིགས་གསུམ་ཕྱག་ན་རྡོ་རྗེ་དང་རྣམ་པར་སྣང་མཛད་རྡོ་རྗེ་དབྱིངས་ཆེན་པོ་དང་། དག་པ་ཀུན་གྱི་མཆོག་ཏུ་གྱུར་པའོ། །ལོངས་སྤྱོད་རྫོགས་པ་ཉིད་ཀྱི་སྐུ་བསམ་གྱིས་མི་ཁྱབ་པ་ཉིད་དུ་འགྱུར་རོ། །བདེན་པ་གསུམ་དང་ཁྱད་པར་གསུམ་གྱི་དོན་སྟོན་པ་སྟེ། རྣམ་པ་གསུམ་རིགས་སམ་ངེས་པར་འབྱུང་བ་སྟེ། རྣམ་པ་ལྔ་བདེ་གཤེགས་ཉིད་དུ་ཤེས་པ་སྟེ། སྲུང་བ་ཡང་རྣམ་པ་ལྔ་ཁོ་ན་སྟེ་དེ་ཉིད་དོན་ལ་ངེས་པར་རྟོགས་པ་ཉིད་དུ་བྱའོ། །ཅིག་ཆར་འཇུག་པ་གང་ཡིན་པ་དེ་ཉིད་དུ་འཇུག་པའོ། །ཚད་དུ་ཕྱིན་པ་ཀུན་འབྲས་བུ་སྟེ། ས་རྣམས་རིགས། །རིན་ཆེན་པདྨ་ལས་ཀྱི་རིགས། །ཐུགས་ནི་རྡོ་རྗེའི་རིགས་ཀྱི་བདག སྐུ་ནི་དེ་བཞིན་གཤེགས་པའི་རིགས། །གསུང་ནི་པདྨ་རིགས་ཀྱི་བདག །ཡོན་ཏན་རིན་ཆེན་ལྔ་ཡིན་ཏེ། །ཕྲིན་ལས་ལས་ཀྱི་རིགས་སུ་བཤད། །རིགས་ཀྱི་རྒྱལ་བ་རྣམ་ལྔ་ཡང་། །ཡེ་ཤེས་ལྔ་ཡི་ངོ་བོ་སྟེ། །ཡེ་ཤེས་བསམ་མེད་བརྗོད་དང་བྲལ། །ཡེ་ཤེས་བརྗོད་པའི་ཚིགས་ལས་འདས། །ཡེ་ཤེས་བསམ་པའི་དམིགས་དང་བྲལ། །ཡེ་ཤེས་རེ་བའི་འབྲས་བུ་མེད། །དེ་ཉིད་རང་རིག་ཡེ་ཤེས་ཡིན། །ཁམས་གསུམ་གནས་པའི་སེམས་ཅན་ཡང་། །རང་བྱུང་ཡེ་ཤེས་རང་གནས་ཡིན། །རང་བྱུང་གཞན་ལ་རག་མ་ལུས། །དེ་ཕྱིར་རྒྱུ་འབྲས་དབྱེ་རུ་མེད། ཁུ་ཉིད་འབྲས་བུའི་མཆོག་ཏུ་བསྟན། །སངས་རྒྱས་སྟོང་པ་ལ་སངས་རྒྱས། །དུས་རྣམས་ཀུན་ལས་ང་སྔར་བྱུང་། །ཆེ་བ་ཡོངས་ལས་ང་ཆེར་བྱུང་། །མ་བཏང་གསལ་བའི་སྒྲོན་མར་བྱུང་། །ཀུན་གྱི་སྙིང་པོ་འབྲས་བུའི་གཏེར། །རེ་བ་མེད་པས་དོགས་མི་འཆའ། །དོགས་པ་མེད་པས་ཉམ་ང་མེད། །ཀུན་ཀྱང་དེ་བཞིན་རེ་དོགས་མེད། །ཆོས་ཉིད་དབྱིངས་ཀྱི་རང་བཞིན་ལས། །ཆོས་ཅན་ཐ་དད་སྣང་བ་ནི། །བར་སྣང་འཇའ་མཚོན་ཆུ་ཟླ་འདྲ། །འཛིན་པ་བརྟས་པ་གསེ་ལྟར་མཁྲེགས། །རེ་དོགས་འབྲས་བུ་ཉམ་ང་སྤྱོད། །གཉིས་འབྱུང་ཐ་སྙད་ཐེ་ཚོམ་ཟ། །ངེས་པར་གཏན་ལ་མ་ཕེབས་ཕྱིར། །ཡང་དག་ཉིད་དུ་གང་རྟོགས་པ། །དེ་ཉིད་གང་རྟོགས་སངས་རྒྱས་རྒྱུ། །དེ་ཉིད་རྒྱུ་འབྲས་བདེ་བའི་དོན། །སྙིང་པོ་དམ་པ་དེ་ལ་བྱ། །དེ་ནི་འཁོར་འདས་གཉིས་ཀྱི་གཞི། །བདེ་བར་གཤེགས་པའི་སྙིང་པོ་ཡིན། །ཐམས་ཅད་ཀུན་གྱི་འབྱུང་གནས་ཡིན། །དོན་དམ་ཕུར་པ་དབྱིངས་ལ་སྒྲོལ། །བདག་འཛིན་པ་ཡི་ཕུར་པ་ནི། །འཁོར་བའི་སྡུག་བསྔལ་འཛིན་པའི་རྒྱུ། །དོན་དམ་ཆོས་ཉིད་ཕུར་པས་འཇོམས། །བདེ་བར་འཛིན་པའི་ཤེས་པ་ནི། །འཛིན་པའི་དོན་ལ་ཁྱད་པར་མེད། །སྤང་བླང་མེད་པའི་ཕུར་པ་ཡིས། །གང་འཛིན་འཛིན་པ་རྣམ་པར་གྲོལ། །འཛིན་པ་མེད་པར་དོན་རྟོགས་ན། །མཚམས་མེད་སྦྱང་ཡང་བྱང་ཆུབ་ཐོབ། །ཡེ་ནས་གནས་པའི་ཕུར་པ་ཡིན། །དང་པོར་འཁོར་བར་འཛིན་པ་ནི། །མ་རྟོགས་པ་ལས་མ་རིག་བྱུང་། །དེ་ཡིས་བག་ཆགས་ཀུན་གཞིར་གྱུར། །དེ་ལས་ཀུན་གཞིའི་རྣམ་ཤེས་བྱུང་། །དེ་ལས་གཞི་བྱུང་རྣམ་པ་གཉིས། །གཅིག་ལས་སྣང་བ་ཐ་དད་པས། །འཁོར་འདས་བསམ་མེད་བརྗོད་ལས་འདས། །ཉི་མའི་ཟེར་ལྟར་རྣམ་པར་བྱུང་། །ཐིག་ལེ་སྣང་ཞིང་ཡོད་པ་ལས། །རང་རྒྱུད་དངོས་པོ་གཞི་ལ་མེད། །འདྲ་གཞི་ཀུན་ལས་རྣམ་པར་འཁྲུལ། །མེད་པར་འཁྲུལ་པ་མི་འབྱུང་བས། །མི་སྲིད་རྣམ་པའི་དོན་རྟགས་འབྱུང་། །ཡོད་པས་འཁྲུལ་པར་གྱུར་པ་ནི། །གཞི་ལ་རང་རྒྱུད་ཡོད་པས་ན། །འཁོར་བ་རང་རྒྱུད་སངས་མི་རྒྱ། །གཞི་ལས་བཏགས་པའི་གཞི་ཉིད་ནི། །བག་ཆགས་སོགས་པའི་གཞིར་གནས་ཀྱང་། །བཏགས་པས་གཞི་ཉིད་དེར་མི་གནས། །མི་གནས་བག་ཆགས་གཞི་དང་བྲལ། །དེས་ན་ཉོན་མོངས་གོས་པ་མེད། །རྡོ་རྗེ་ཕུར་པ་ཀུན་གྱི་གཞི། །འཁོར་ནི་རྣམ་ཤེས་མང་པོས་བསྐོར། །འཇོམས་ནི་འཛིན་བྱེད་ཕྱོགས་ཆར་འཇོམས། །ཐོབ་ནི་སྐྱེ་མེད་རང་བཞིན་ཐོབ། །དེ་ཉིད་ཡེ་ནས་ཕུར་པ་ཡིན། །དོན་དམ་ཆོས་ཉིད་ཕུར་པ་ནི། །ཀུན་ལ་གནས་པས་ཁྱབ་པའི་དབྱིངས། །ཆེ་བར་གནས་པའི་ཡེ་ཤེས་ལྔ། །འཛིན་པས་མ་བསླད་མྱ་ངན་འདས། །ངར་འཛིན་བརྟས་པས་འཁོར་བའི་རྒྱུ། །གཞི་ནི་མ་བཅོས་དབྱིངས་ཉིད་ལས། །འཁོར་བའི་སྣང་གཞི་མེ་ལོང་འདྲ། །མྱ་ངན་འདས་པ་རྟོགས་པའི་དབྱིངས། །དག་དང་མ་དག་ཆོས་རྣམས་ཀུན། །ཆོས་ཉིད་ཕུར་པ་རྟོགས་པའི་ངང་། །ཡེ་ཤེས་ལྔ་ཡི་ཕུར་པ་ལ། །ཉོན་མོངས་ལྔ་ནི་དབྱིངས་ནས་སྒྲོལ་། །སྐུ་གསུང་ཐུགས་ཀྱི་ཕུར་པ་ཡིས། །དུག་གསུམ་སྐུ་གསུང་ཐུགས་ལ་སྦྱོར། །ཡང་དག་དོན་ཉིད་ཕུར་པ་ནི། །མ་སྤངས་མ་བསྒྲུབས་བཙལ་བ་མེད། །མ་བསླད་མ་བཅོས་བསྒྱུར་དུ་མེད། །དེ་ཉིད་རྟོགས་ན་ཕུར་པའི་དོན། །ངེས་པའི་དོན་གྱི་ཕུར་པ་ཡང་། །ངེས་པར་གདེང་སུ་མ་གྱུར་པ། །ལྟ་བ་ཕྱོགས་འཛིན་རང་རྒྱུད་ཀྱིས། །སྤྱོད་པ་རྣམ་གཉིས་རང་གར་སྦྱོར། །འབྲས་བུ་ངན་སོང་སྡུག་བསྔལ་མྱོང་། །དེ་ལ་བདེ་གཤེགས་བྱིན་རླབས་ཀྱིས། །ཐུགས་རྗེའི་ཕུར་པས་གདུག་པ་འདུལ། །བྱང་ཆུབ་སེམས་ཀྱི་ཕུར་པ་ཡིས། །མཁའ་མེད། །ཡང་དག་ཉིད་ཀྱི་ཕུར་པ་ལས། །སངས་རྒྱས་སེམས་ཅན་གཉིས་མེད་པས། །དེ་ཉིད་སྣང་བ་རྣམ་གཉིས་གཞི། །ལྟ་བ་དོན་དམ་ཕུར་པ་ལས། །རོལ་པ་ཅིར་ཡང་འགག་པ་མེད། །དེ་ཉིད་མ་སྤངས་ཕུར་པའི་དབྱིངས། །ཕྱོགས་མེད་སྤྲོས་བྲལ་ཕུར་པའི་དབྱིངས། །དེ་ཉིད་ཕྱོགས་སུ་གང་འཛིན་པ། །དོན་ཉིད་སྤྲོས་བྲལ་ཕུར་པ་མེད། །འཛིན་པ་མེད་པའི་ཕུར་པ་འདི། །བཙལ་བ་མེད་པར་ལྷུན་གྱིས་གྲུབ། །ཕྱོགས་བྲལ་སེམས་པ་ལྷུན་གྱིས་གྲུབ། །ཡེ་ནས་སྤྲོས་བྲལ་ཕུར་པ་འདི། །ཕྲ་ཞིང་ཟབ་པ་གཏིང་དཔག་དཀའ། །གཏན་ལ་མི་ཕེབས་ཕྱོགས་འཛིན་ཆེ། །དེ་ཡི་དོན་དུ་བསྟན་པར་བྱ། །བརྟན་པ་རིན་ཆེན་རིགས་པའི་གཏེར། །ཟད་པ་མེད་པར་སྣ་ཚོགས་འབྱུང་། །ཡེ་ནས་ཆོས་ཉིད་ཕུར་པ་ལ། །སངས་རྒྱས་སེམས་ཅན་གཉིས་མེད་དེ། །གང་དུ་འཛིན་པ་སྨིན་པའི་རྒྱུ། །རྒྱུ་གཅིག་འབྲས་བུ་བཟང་ངན་གཉིས། །རྟོགས་པའི་རིམ་པ་དེ་ལྟར་སྣང་། །ཀུན་ཏུ་བཟང་པོའི་ངང་ཉིད་ལས། །སྟོང་གསུམ་རྒྱལ་བའི་སྐུས་གང་ཡང་། །དེ་བཞིན་ཉིད་ལས་ཉམས་པ་མེད། །འཁོར་བའི་རྒྱ་མཚོ་ཀློང་རྡོལ་ཡང་། །འཁྲུལ་པའི་གཞི་ལ་ཟད་པ་མེད། །འཁྲུལ་པར་གཟུང་བ་དམ་པ་སྟེ། །དམ་པའི་ཤེས་པ་རང་འཛིན་རྒྱུ། །རྒྱལ་བ་འབྱུང་བ་བསྟན་པའི་གཞི། །བསྟན་པ་དར་བར་རྒྱལ་བས་གསུངས། །རྒྱལ་བ་གྲངས་མེད་བརྗོད་ལས་འདས། །ཟད་པ་མེད་ཅིང་འཕེལ་བ་མེད། །དེ་ཕྱིར་ཆོས་དབྱིངས་གཏིང་དཔག་དཀའ། །འཁོར་བ་འབྱུང་བ་འཁྲུལ་པ་སྟེ། །འཁྲུལ་པ་མ་རིག་ཤེས་པའོ། །མ་རིག་པ་ཉིད་ཡེ་ཤེས་ཏེ། །སྣང་བ་བཏེགས་པས་མུན་པ་བཞིན། །དག་པ་ཉིད་དུ་དེ་བཞིན་འགྱུར། །དེ་བཞིན་མ་རིག་མ་ཤེས་པས། །རྟོགས་ན་རང་བྱུང་ཡེ་ཤེས་ཏེ། །ཉི་མ་ཤར་བའི་བ་མོ་འདྲ། །བསལ་པ་མེད་པར་རང་དངས་འགྱུར། །དག་པ་ཉིད་ལ་བསལ་བ་མེད། །དག་དང་མ་དག་གཉིས་མེད་པས། །ཉོན་མོངས་ལྔ་ནི་ཡེ་ཤེས་ཏེ། །ཉོན་མོངས་རྟོགས་ན་ཡེ་ཤེས་རྒྱས། །ཉོན་མོངས་ཉིད་ཀྱང་ངོས་བཟུང་བྲལ། །བདེ་བ་གཉིས་ཀྱང་འཛིན་པ་རྒྱས། །བྱང་ཆུབ་སེམས་ལས་ཐམས་ཅད་བྱུང་། །མ་རིག་མ་རྟོགས་འཁོར་བ་འབྱུང་། །དེ་ཉིད་རྟོགས་ན་བདེ་གཤེགས་རྒྱུ། །འཁོར་བ་སྤངས་པའི་ཕ་རོལ་ན། །སངས་རྒྱས་བྱ་བ་བཏགས་པ་ཡིན། །དེ་ཕྱིར་འཁོར་བ་མྱ་ངན་འདས། །འཁོས་འདས་ཐ་དད་སོ་སོར་མེད། །གཞི་གཅིག་འབྲས་བུ་སོ་སོར་སྨིན། །སྨིན་པས་འཁོར་འདས་སོ་སོ་སྟེ། །འཁོར་བ་དྲུག་ཏུ་རྣམ་པར་སྨིན། །ལ་ལར་དགའ་བདེ་ལོངས་སྤྱོད་འབྱུང་། །ལ་ལར་ཉོན་མོངས་རྩོད་པ་འབྱུང་། །ལ་ལར་ངར་འཛིན་ཀུན་གྱི་གཞི། །ལ་ལར་གཏི་མུག་བྱོལ་སོང་གནས། །ལ་ལར་སེར་སྣའི་ཡི་དྭགས་ཏེ། །ལ་ལར་ཞེ་སྡང་དམྱལ་བའི་གནས། །མ་རྟོགས་ཉོན་མོངས་གཞི་ལས་བྱུང་། །དུག་ལྔ་རང་ག་འཁོར་བར་སྨིན། །འཁོར་བ་བསམ་མེད་བརྗོད་ལས་འདས། །འཁོར་བ་རྟོགས་པ་མྱ་ངན་འདས། །ལ་ལར་མངོན་པར་འགོག་པར་འཇུག །ལ་ལར་སྟོང་ཉིད་ལུགས་འབྱུང་བཀག །ལ་ལར་རྣལ་འབྱོར་རྣམ་གཉིས་སྤྱོད། །ལ་ལར་དག་པ་ཕྱོགས་དང་བྲལ། །ལ་ལར་བདེ་གཤེགས་རིགས་ལྔ་རྒྱས། །ལ་ལར་རིམ་པ་ཁད་ཀྱིས་བསྒོམ། །ལ་ལར་རྫོགས་པའི་ངང་དུ་གནས། །ས་ལམ་རིམ་པ་ཉིད་དུ་གནས། །གཅིག་ལ་འབྲས་བུ་སོ་སོར་སྨིན། །བདེ་བ་འདོད་པས་ཆགས་པ་སྟེ། །ལྟ་བ་ཕྱོགས་སུ་བལྟ་བ་དང་། །བསྒོམ་པ་དམིགས་གཏད་བཅས་པ་དང་། །སྤྱོད་པ་སྤྱད་དུ་ཡོད་པ་དང་། །ས་ལམ་བགྲོད་དུ་ཡོད་པ་དང་། །འབྲས་བུ་རེ་དོགས་ཡོད་པ་ཡིས། །ཕྱོགས་སུ་བལྟས་པས་རིམ་པར་འབྱུང་། །ཐེག་པའི་རིམ་པ་བསམ་ཡས་ཀྱང་། །ངེས་པར་ཐེག་པ་གཅིག་ལས་མེད། །འབྲས་བུ་རེ་དོགས་གྲངས་མེད་ཀྱང་། །ངེས་པར་འབྲས་བུ་གཅིག་ལས་མེད། །ལམ་གྱི་རིམ་པ་བསམ་ཡསཀྱང་། །ངེས་པའི་ལམ་མཆོག་གཅིག་ལས་མེད། །ས་ལམ་བགྲོད་པ་བསམ་ཡས་ཀྱང་། །ངེས་པའི་ས་ཐོབ་གཅིག་ལས་མེད། །བསྒོམ་པའི་རིམ་པ་གྲངས་མེད་ཀྱང་། །ངེས་པ་བསྒོམ་པ་གཅིག་ལས་མེད། །ཡེ་ཤེས་ཁྱད་པར་བསམ་ཡས་ཀྱང་། །དོན་དམ་ཡེ་ཤེས་གཅིག་ལས་མེད། །བསྟན་པའི་རིམ་པ་བསམ་ཡས་ཀྱང་། །ངེས་པའི་བསྟན་པ་གཅིག་ལས་མེད། །སངས་རྒྱས་གྲངས་མེད་བརྗོད་འདས་ཀྱང་། །ངེས་པའི་སངས་འཛིན་པ་མེད། །ངོས་བཟུང་བྲལ་བའི་ཡེ་ཤེས་ལ། །ཕྱོགས་སུ་གཟུང་དུ་ག་ལ་ཡོད། །བགྲོད་དུ་མེད་པའི་ས་ལམ་ལ རིམ་པས་བགྲོད་དུ་ག་ལ་ཡོད། །རེ་དོགས་མེད་པའི་འབྲས་བུ་ལ། །ཐོབ་པར་སེམས་པ་ག་ལ་ཡོད། །འབྲས་བུ་རེ་དོགས་གཉིས་དང་བྲལ། །རྒྱུ་འབྲས་གཉིས་མེད་དེ་ལྟར་བྱུང་། །རྒྱུ་ཉིད་འབྲས་བུའི་མཆོག་ཉིད་པས། །རྒྱུ་ལས་སྤངས་པའི་འབྲས་བུ་མེད། །རྒྱུ་དེ་ཉིད་དུ་འབྲས་བུ་སྣང་། །ཐམས་ཅད་མཁྱེན་པ་ཡེ་ཤེས་ནི། །སྤྱི་ཉིད་ཆོས་ཉིད་ངེས་བཟུང་བྲལ། །རང་ཉིད་འཛིན་པ་ག་ལ་ཡོད། །འཛིན་པས་མ་བཟུང་ངེས་བཟུང་བྲལ། །འཁོར་འདས་མ་ངེས་ཞེན་པ་མེད། །ཐམས་ཅད་མཁྱེན་པ་དེ་ཡི་ཕྱིར། །སྟོན་པས་ཐམས་ཅད་མཁྱེན་པ་གཟིགས། །འཁོར་ཡང་དེ་ལས་གཞན་པ་མེད། །གཙོ་འཁོར་གཉིས་མེད་ཐམས་ཅད་མཁྱེན། ཁུ་དང་ལམ་དང་འབྲས་བུ་དང་། །སྐུ་གསུང་འདུལ་བའི་དོན་བསྟན་པས། །གང་ལ་གང་འདུལ་དེ་བཞིན་བསྟན། །ཀུན་ཏུ་བཟང་པོ་ཀུན་གྱི་གཞི། །ཐམས་ཅད་ཀུན་གྱི་འབྱུང་གནས་ཡིན། །ས་དང་ལམ་ལྔར་བགྲོད་པ་ཡང་། །རྩོལ་བའི་རིམ་པ་དུ་མ་འབྱུང་། །ཐ་དད་འབྲས་བུ་ཁྱད་པར་ཅན། །ཐོབ་པར་འདོད་པའི་རེ་དོགས་ཅན། །རྒྱུ་དང་འབྲས་བུ་སྐུ་གསུང་དོན། །ཐམས་ཅདམལུསགཅིགཀྱངམེད། །འདུལ་བ་སྡོམ་པ་དམ་ཚིག་དང་། །ཞི་དང་ཁྲོ་ཡང་རྣམ་པར་འབྱུང་། ཁུད་དང་ལུང་དང་མན་ངག་དང་། །བསྟན་པ་རྒྱས་དང་ཞི་བ་དང་། །འདུལ་བའི་ལྷ་དང་རྒྱན་དང་བཅས། །རྫས་དང་སྤྱོད་པ་མངོན་དུ་བསྟན། །བརྒྱད་དང་བཅུ་གསུམ་ལྔ་གསུམ་དང། །མང་ཞིང་ཚང་སྟེ་རྣམ་པར་འཁྲུགས། །གསལ་དག་ངེས་པའི་དྲི་མ་མེད། །གསུམ་དང་ལྡན་ཞིང་ཐེ་ཚོམ་མེད། །ཚད་མ་གསུམ་ནི་མན་ངག་ཡིན། །གཏན་ལ་ཕེབས་པར་འགྱུར་བ་མེད། །གྲངས་མེད་བརྗོད་ཀྱིས་མི་ལང་དང་། །འདུལ་བའི་དོན་དུ་བརྗོད་ལས་འདས། །རིགས་ལྔ་བདེ་གཤེགས་རྒྱལ་བ་ལྔ། །འཁོར་ཚོགས་བསམ་གྱིས་མི་ཁྱབ་འབྱུང་། །ཁྲོ་བོ་བྱང་ཆུབ་སེམས་ལས་འབྱུང་། །གཅིག་དང་གཉིས་སུ་མེད་པར་འབྱུང་། །དུར་ཁྲོད་རྒྱན་ནི་རྣམ་པར་བརྒྱན། །གཅིག་དང་དུ་མས་ཀུན་ལ་ཚང་། །དམ་རྫས་ལྔ་ནི་མངོན་དུ་སྤྱོད། །ཧཱུཾ༷་ཧཱུཾ༷་ཕཊ་ཕཊ་སྒྲ་འབྱིན་ཅིང་། །ཚམ་རྔམས་སྟངས་སྟབས་ཕྱོགས་བཅུར་འགྱེད། །ཁྲོ་བོ་ཁྲོ་མོ་སྤྲུལ་པ་དང་། །སྟོང་གསུམ་བཀང་དང་རི་རབ་ཙམ། ་་ས་འབྲུའི་གྲངས་ཙམ་རྣམ་པར་འཕྲོ། །ངེས་པ་ཡང་དག་བཤད་པར་བསྟན། །དགོངས་པ་བྱིན་རླབས་ཀུན་ལ་སྣང་། །ཉི་མའི་འོད་འདྲ་སྙོམས་པར་གསལ། །མུན་པ་གསལ་བའི་འོད་པོ་ཆེ། །དུག་གསུམ་སྒྲོལ་བའི་སྒྲོལ་བདག་ཡིན། །དུག་ལྔ་རྩད་གཅོད་གཉེན་གཅིག་ཡིན། །ཆོས་ཉིད་ཡེ་ནས་ཕྱོགས་བྲལ་ཡང་། །འཛིན་པའི་དབང་གིས་སྡུག་བསྔལ་འབྱུང་། །བསྒོམ་པའི་དབང་གིས་ས་ལམ་འགྲོད། །རེ་བའི་དབང་གིས་དོགས་དང་བཅས། །དོགས་པའི་དབང་གིས་གཉིས་སུ་སྣང་། །རྡོ་རྗེ་རིན་ཆེན་པདྨ་དང་། །ལས་དང་དེ་བཞིན་གཤེགས་པའི་རིགས། །ཐུགས་ཉིད་གསལ་ལ་རྟོགས་པ་མེད། །དཔེར་ན་རྒྱ་མཚོ་ཉིད་དང་འདྲ། །ཡོན་ཏན་གཏེར་ཉིད་ཟད་པ་མེད། །ཟད་པ་མེད་པ་ཐམས་ཅད་འབྱུང་། །དཔེར་ན་ཡིད་བཞིན་ནོར་བུ་འདྲ། །གསུང་མཆོག་ཚངས་པའི་སྒྲ་དབྱངས་ཏེ། །དཔེར་ནི་བྲག་ཆའི་རང་བཞིན་འདྲ། །ཕྲིན་ལས་མཐར་ཕྱིན་སྣ་ཚོགས་སྤྱོད། །དཔེར་ན་གར་མཁན་ཉིད་དང་འདྲ། །སྐུ་མཆོག་གསལ་ལ་རྟོག་པ་མེད། །དཔེར་ན་མེ་ལོང་གཟུགས་བརྙན་འདྲ། །རང་བྱུང་ཡེ་ཤེས་སྟོབས་པོ་ཆེ། །རི་རབ་རྡུལ་དང་ཐིགས་པ་དང་། །སྟོང་གསུམ་ཚད་དུ་གཞལ་བ་དང་། །ཁམས་གསུམ་དབང་དུ་བསྡུ་བ་དང་། །སངས་རྒྱས་གྲངས་མེད་འབྱུང་བ་དང་། །འཁོར་བ་རྒྱུ་དྲུག་ཁ་འཁོར་དང་། །རི་རབ་ཚོག་པོར་འཕེན་པ་དང་། །རྒྱ་མཚོ་གཏིང་ནས་སྐེམས་པ་དང་། །ཐམས་ཅད་རང་བྱུང་སྟོབས་ལས་བྱུང་། །རང་བྱུང་ཡེ་ཤེས་མ་རྟོགས་པས། །ཡིན་པའི་དོན་ཉིད་ངོ་མ་ཤེས། །ལྷན་ཅིག་སྐྱེས་པའི་མ་རིག་པས། །དེ་ཉིད་གཞི་བྱས་ཀུན་གཞི་བྱུང་། །དགེ་དང་མི་དགེའི་བག་ཆགས་ཀུན། །མེ་ལོང་གཡའབཞིནརྣམཔརསྣང་། །རིག་པས་བསམ་པས་འཁོར་བར་གྲུབ། །བདེ་བའི་འབྲས་བུའི་ཐད་ཙམ་མེད། །དཔེར་ན་ཤིང་རྟའི་འཕང་ལོ་འདྲ། །ཐར་པའི་དུས་མེད་སྡུག་བསྔལ་ཆེ། །རང་ཉིད་རང་གིས་སྡུག་བསྔལ་ལས། །འབྲས་བུ་མི་མཐུན་སོ་སོར་སྨིན། །རྟོགས་པས་དགེ་བ་བསོད་ནམས་ལས། །བསྒོམ་དང་བསྒྲུབ་པའི་རིམ་པ་ཡིས། །མཐའ་ཐུག་འབྲས་བུ་མི་ཐོབ་སྟེ། །གནས་སྐབས་བདེ་བའི་ས་ལམ་འབྱུང་། །དེས་ན་ཀུན་གཞི་གཉིས་ཀྱི་གཞི། །གཉིས་འཛིན་བསགས་པས་སངས་རྒྱས་མེད། །རང་བྱུང་ཡེ་ཤེས་རང་བྱུང་བས། །མ་རིག་རང་བྱུང་ཐ་དད་མེད། །རང་བྱུང་ཡེ་ཤེས་མ་རིག་དངས། །དེ་ཉིད་རང་བྱུང་ཡེ་ཤེས་ཡིན། །ལྷན་གཅིག་མ་རིག་རང་བྱུང་སྟེ། །འཁོར་འདས་གཉིས་ཀྱི་བསག་གཞི་མེད། །དཔེར་ན་ནམ་མཁའ་སྟོང་པ་འདྲ། །ཀུན་རྟགས་མ་རིགས་གཞི་མེད་པས། །འཁོར་འདས་གཉིས་སུ་བརྟག་ཏུ་མེད། །མ་བརྟགས་དེ་བཞིན་ནམ་མཁའ་འདྲ། །དེ་ལ་ཀུན་གཞི་མིང་དང་བྲལ། །དེ་ཉིད་རྗོད་པའི་ཚིག་ལས་འདས། །མི་བགྲོད་པ་ཡི་ས་ཉིད་ཡིན། །སྟོང་པ་ཆེན་པོའི་ཆོས་ཉིད་ལས། །སྟོང་པ་རྟོག་མེད་སྤྲོས་དང་བྲལ། །སྟོང་པ་དྲི་མེད་འོད་དང་ལྡན། །སྟོང་པ་བྱེད་པ་ཀུན་གྱི་དཔལ། །སྟོང་པ་ཡེ་ཤེས་སྣང་བ་ཅན། །སྟོང་པ་ཁམས་གསུམ་ཀུན་གྱི་བདག །སྟོང་པ་ཡི་གེ་ཀུན་གྱི་གནས། །སྟོང་པ་ཞི་བ་འོད་ཀྱི་ཞལ། །སྟོང་པ་འདུས་པ་དྲག་པོའི་སྐུ། །སྟོང་པ་སྣང་སྟོང་གཉིས་སུ་སྣང་། །སྟོང་པ་ཡོད་པ་ཀུན་དང་བྲལ། །སྟོང་པ་དོན་དམ་བཅུད་ཀྱི་རྒྱན། །སྟོང་པ་རོལ་པ་འགག་པ་མེད། །སྟོང་པ་རིགས་ཀྱི་རྒྱལ་བ་འབྱུང་། །སྟོང་པའི་སྟོང་པ་དྲི་མ་མེད། །སྟོང་པའི་སྣང་བ་ལྷ་ཡི་སྐུ། །སྟོང་པའི་ལོག་རྟོག་ལོག་པར་འཁྱམས། །སྟོང་པའི་འབྲས་བུ་སྣང་བ་ཉིད། །སྟོང་པའི་རྒྱུ་ཉིད་སྣང་བས་གཞིག །སྟོང་པ་བཅུ་དགུའི་རང་བཞིན་ནི། །སྟོང་པའི་སྣང་བ་རྣམ་པར་གསལ། །སྣང་བ་སྣ་ཚོགས་ལྷུན་གྱིས་གྲུབ། །གཉིས་མེད་གཉིས་སུ་འཛིན་དང་བྲལ། །སྣང་བའི་རིགས་ལྔ་རྒྱལ་བའི་སྐུ། །སྣང་བ་བདུད་འདུལ་ཁྲོ་བོའི་སྐུ། །སྣང་བ་རོལ་པ་འཛིན་པ་མེད། །སྣང་བ་བྱ་སྦྱོད་གཉིས་སུ་མེད། །སྣང་བ་དོན་དམ་བཅུད་ཀྱི་རྒྱན། །སྣང་བ་སྣང་ལ་རང་བཞིན་མེད། །སྣང་བ་བཞུགས་གནས་གཞལ་ཡས་ཁང་། །སྣང་བ་མཚོན་བྱེད་ཡི་གེ་མེད། །སྣང་བ་དྲི་མེད་འཛིན་པ་བྲལ། །སྣང་བ་སེམས་ཉིད་འབྱུང་བ་མེད། །སྣང་བ་བཅུད་ཀྱི་སྟོང་པ་གསལ། །སྣང་སྟོང་གཉིས་སུ་མེད་པ་ལ། །སྣང་ཞེས་མཚན་མར་ག་ལ་འཛིན། །སྟོང་ཞེས་མཚན་མར་ག་ལ་བལྟ། །མེད་པ་མ་ཡིན་སྙིང་པོའི་དོན། །ཡོད་པ་མཚན་མ་ཀུན་དང་བྲལ། །དེས་ན་གཉིས་མེད་རེ་དོགས་བྲལ། །ཡོད་མེད་གཉིས་ཀྱི་མཐའ་ལས་འདས། ཁམས་གསུམ་ཀུན་གྱི་བྱེད་པ་པོ། །ཡེ་ཤེས་སྣང་བ་ཤར་བའོ། །མ་རིག་མུན་པ་འཇོམས་པའོ ཐམས་ཅད་རྒྱན་དུ་སྣང་བའོ། །གདུག་པ་ཆེན་པོ་འདུལ་བའི་གནས། །མཚམས་མེད་ལྔ་ནི་བདེ་ལྡན་གནས། །ཉོན་མོངས་ལྔ་ནི་ཡེ་ཤེས་ལྔ། །རིགས་ལྔ་བདེ་གཤེགས་ཕུང་པོ་ལྔ། །སེམས་དཔའ་སེམས་མ་རྣམ་ཤེས་རྣམས། །ཕྱིན་ཅི་ལོག་བཞི་ཁྲོ་བོ་བཞི། །ཉོན་མོངས་དྲུག་ནི་ཐུབ་པ་དྲུག །ཐམས་ཅད་ལྷ་ཡི་རང་བཞིན་ལ། །གཞལ་ཡས་བྷརྙ་བརྗིད་ཆེན་ལས། །བཞུགས་པའི་དོན་གྱིས་དེ་རུ་བཞུགས། །ལྷ་རྣམས་དོན་གྱིས་དེ་ན་བཞུགས། །རང་བཞིན་ལྷ་དང་མཆོད་པ་དང་། །འཛབ་བསྙེན་བསྟོད་པ་ཚོགས་པ་དང་། །ཀུན་ཀྱང་རྒྱས་པར་རབ་ཏུ་བྱ། །རིམ་པས་འཇུག་ཅིང་འབྲས་བུ་སྨིན། །ཚད་དུ་ཕྱིན་པ་ཡང་དག་ཉིད། །རྣམ་བཞིའི་འབྲས་བུ་རིམ་པར་འཇུག །ཡང་ནས་ཡང་དུ་རྣམ་པར་རྟོག །ཕུང་པོ་ཧེ་རུ་རྣམ་ལྔ་སྲ །འབྱུང་བ་ལྔ་དང་ཡེ་ཤེས་ལྔ། །རྣམ་ཤེས་བཛྲ་ཀོ་རྡི་མ། །ཡུལ་བརྒྱད་ཕྲ་མེན་སེང་ཧ་བརྒྱད། །ལོག་རྟོག་སྒོ་མ་རྟ་གདོང་མ། །ཡིད་ནི་འཇུག་བྱེད་དབང་ཕྱུག་མ། །རང་བཞིན་ལྷ་དང་རིམ་པ་དང་། །མཆོད་པ་དང་ནི་བསྙེན་བསྟོད་མཆོད། །ལས་རྣམས་མ་ལུས་ཀུན་ཀྱང་རྫོགས། །གྲངས་དང་ཚད་དུ་ཕྱིན་པ་དང་། །རིམ་པ་བཞི་ལ་སྐབས་དང་སྦྱོར། །གྲངས་ཀྱི་རིམ་པ་ཡང་དག་ཉིད། །དེ་ཉིད་གྲུབ་པ་སྐུ་གསུང་ལ། །གང་གིས་རྟོགས་ནས་རིམ་པར་འཇུག །དེ་མ་རྟོགས་པར་སྒྲིབ་པ་གསུམ། །བྲལ་བ་ཉིད་དུ་ཡོངས་མི་འགྱུར། །རྟོགས་ན་ལོངས་སྐུའི་བྱིན་རླབས་ཡིན། །དེ་ཐོས་སྒྲིབ་པ་གསུམ་དང་བྲལ། །ཆེ་ཆུང་གཉིས་མེད་ཡང་དག་བྲལ། །ས་རྣམས་རབ་ཏུ་མནན་པའོ། །ལམ་རྣམས་མཐའ་རུ་སྐྱོལ་བའོ། །རིམ་པ་གནས་སུ་འབྱོར་བའོ། །དགྲ་རྣམས་ཚད་གཅད་འཇོམས་པའོ། །སྟོང་པ་ཆེན་པོའི་ཆོས་ཉིད་ལས། །སྣང་སྟོང་གཉིས་སུ་མེད་པ་སྟེ། །སྣང་བ་ཐམས་ཅད་རྫོགས་པའོ། །རིམ་པར་འབྱུང་ཞིང་རྣམ་པར་གནས། །ཕྱི་ནང་མེད་པར་ཀུན་ཏུ་གསལ། །རིམ་པ་ཉིད་ཀྱིས་གདན་སྟེང་དུ། །དྲེགས་པ་ཕྱོགས་སྐྱོང་ཆེན་པོ་འདུལ་བའི་ལྷ། །ཡབ་ཡུམ་སྲས་དང་བཅས་པ་རྣམས། །གསལ་ལ་རྟོག་མེད་ལྷ་ཡི་སྐུ། །དྲེགས་པ་འདུལ་བའི་ལྷ་ཆེན་སྐུ། །ཉིད་ལས་མི་གཞན་ཐུགས་ལས་སྒྲུལ། །གཙོ་མཆོག་རྒྱལ་པོ་བདུད་དཔུང་འཇོམས། །བདེ་བར་གཤེགས་པའི་བྱིན་རླབས་ཡིན། །ཐམས་ཅད་འདུས་ནས་དབང་བསྐུར་བས། །སྲས་ཀྱི་དམ་པ་ལྷ་ཡི་སྐུ། །སྣང་ལ་རང་བཞིན་མེད་པའི་དབྱིངས། །དེ་ཡི་འཁོར་ཚོགས་འདུལ་བའི་ལྷ། །གདུག་པའི་ཁྲོ་བོ་ཁྲོ་མོ་ཚོགས། །ཡང་སྤྲུལ་བསམ་གྱིས་མི་ཁྱབ་པ། །གདུག་པ་ཅན་རྣམས་འདུལ་བའི་ཕྱིར། །རང་བཞིན་དག་པའི་དབྱིངས་ན་བཞུགས། །འཇིག་རྟེན་དྲེགས་པ་གདུལ་བ་ཡི། །ཁམས་གསུམ་བདག་པོར་དབང་བསྐུར་ཏེ། །ཀུན་ཏུ་བཟང་པོའི་བྱིན་རླབ་ཡིན། །དབྱིངས་ནས་བཞེངས་ཀྱང་གཡོས་པ་མེད། །སྣང་སྲིད་དྲེགས་པ་དབང་དུ་སྡུད། །གང་འདུལ་སྒྲུལ་པ་བསམ་མི་ཁྱབ། །འགྲོ་བ་ཀུན་ལ་ཅིར་ཡང་སྟོན། །ཞི་དང་ཁྲོ་ཡང་དེ་བཞིན་འབྱུང་། །རྒྱས་པ་ཆེན་པོ་དབང་ཡང་འབྱུང་། །གང་བསྒྲུབ་ཉིད་དུ་རྣམ་པར་འབྱུང་། །སྤྱན་དྲངས་རིམ་པ་མ་ལུས་ཀུན། །དྲང་བའི་དོན་དུ་ཡང་དག་གསུངས། །བྱང་ཆུབ་སེམས་ལས་ཁྱད་པར་མེད། །དེ་བཞིན་རིམ་པ་བསམ་ལས་འདས། །བརྗོད་ཀྱིས་མི་ལང་ལྷ་བསྒོམས་ཀྱང་། །ཐམས་ཅད་རིག་པ་བྱང་ཆུབ་སེམས། །ལས་ཀྱི་ཁྲོ་བོ་འདུལ་པའི་ལྷ། །ཡང་དག་མིན་ཕྱིར་གདུལ་བྱར་གྲགས། །སེམས་ཅན་ཀུན་ལ་རྣམ་པར་འཚེ། །དངོས་པོ་བཞི་ལ་འབྱོལ་ཉོག་སྤྱོད། །ངེས་པར་གདེང་དུ་མ་ཕྱིན་པར། །འཇིག་རྟེན་འདུལ་བའི་གདུག་པ་ཅན། །ང་རོ་འདོན་ཅིང་ཆེ་བས་བསྤྱིངས། །འཁོར་རྣམས་བསྡུས་ཤིང་དམག་དཔུང་འཇོམས། །ཡེ་ཤེས་རང་རྒྱུད་གཟུང་ལས་འབྱུང་། །རྡོ་རྗེ་སེམས་དཔའི་དོན་མ་རྟོགས། །ཀུན་བཟང་ནམ་མཁའི་ལྟ་བ་མེད། །རང་ལ་རང་གི་རྣམ་སྨིན་ཚང་། །གྲང་དང་བཀྲེས་པ་དེ་བཞིན་ཏེ། །རྣམ་སྨིན་ཟད་པར་མ་གྱུར་པས། །ཐུགས་རྗེ་ཆེན་པོའི་བྱིན་རླབ་འབྱུང་། །བྱང་ཆུབ་སེམས་ཀྱི་རང་བཞིན་ལས། །སྟོན་པ་ཉིད་ཀྱང་རྣམ་པར་འདུལ། །འཁོར་གྱི་རྡོ་རྗེ་སེམས་དཔའ་ཡིས། །ཆོས་རྣམས་ཐམས་ཅད་སྡུད་པ་པོ། །འབྲེལ་པ་ཡོད་པས་སྡུད་པར་འབྱུང་། །གཞི་ཉིད་རང་ལས་མི་གཞན་ཏེ། །བརྗོད་ཀྱིས་མི་ལང་ཐེག་པ་འབྱུང་། །སྐྱེ་མེད་དོན་ལ་དགོད་པའི་ཕྱིར། །ཐེག་པ་ཡང་དག་དེ་རུ་བསྟན། །ས་དང་ལམ་ལ་གནས་པ་ནི། །མཐར་ཕྱིན་ས་ཐོབ་ཐེག་པ་མིན། །ལམ་ལྔ་མཐར་ཕྱིན་ཡང་དག་མིན། །སྐབས་ཀྱི་སལདེབཞིན གནས། །ཉོན་མོངས་སྦྱོང་ཞིང་རིམ་པར་གནས། ཁེས་བྱ་ཉིད་དུ་འཛིན་པ་གནས། །སངས་རྒྱས་ཉིད་དུ་དེ་༄༅། ཁྲེས་པར། །སངས་རྒྱས་ཆེ་བའི་རྣམ་སེམས་ཀྱིས། ཁྲེས་བྱས་གྲོལ་བ་དེ་ཉིད་མིན། །སྟོང་པ་ཉིད་དུ་གང་འཛིན་པ། །ཕྱོགས་སུ་འཛིན་པ་བལྟས་པ་ཡིས། །ཕྱོགས་མེད་དོན་ཉིད་རྟོགས་མི་འགྱུར། །ཞེན་པ་མེད་པར་གྲོལ་མི་འགྱུར། །སྟོང་པ་རིག་པ་རང་བྱུང་ལ། །གཉིས་སུ་འཛིན་པ་རང་བལྟས་པས། །གཞི་རྩ་མེད་པའི་དོན་མི་འབྱུང་། །སྟོང་པ་ཉིད་དུ་སྐྱེ་བ་མེད། །སྐྱེ་བའི་ཆོས་རྣམས་སྣང་གཞི་མེད། །ཅི་ཡང་མེད་པའི་ཆོས་ཉིད་ལས། །ཅིར་ཡང་སྣང་བའི་སྣང་གཞི་མེད། །གསལ་ལ་རྟོག་མེད་ཆོས་ཉིད་ལ། །རྟོག་པ་ཡང་མེད་སྣང་གཞི་མེད། །སྣང་ལ་རང་བཞིན་མེད་པ་ལ། །སྣང་བ་མེད་པའི་སྣང་གཞི་མེད། །དག་པ་ཆོས་ཉིད་ལྟ་བ་ལ། །མ་དག་པ་ཡི་སྣང་གཞི་མེད། །བདེན་པ་གསུམ་གྱི་སྣང་གཞི་ལ། །ཐམས་ཅད་ཀུན་གྱི་སྣང་གཞི་མེད། །ཡོད་མེད་བདེན་པར་ལ་དོར་ལ། །རང་བཞིན་སྣང་བའི་སྣང་གཞི་མེད། །ལྷ་སྒོམ་ཕྱོགས་སུ་བྲལ་བ་ལ། །གཉིས་སུ་མེད་པའི་སྣང་གཞི་མེད། །མ་རིག་པ་ཡི་རིམ་པར་འབྱུང་བ་ལ། །ཆོས་ཉིད་ངོས་བཟུང་སྣང་གཞི་མེད། །རྟག་ཆད་གཉིས་སུ་བལྟ་བ་ལ། །ཆོས་ཉིད་བརྗོད་བྲལ་སྣང་གཞི་མེད། །ཕྱོགས་སུ་བལྟས་པའི་ཐེག་པ་ཡིན། །རྡོ་རྗེ་ཕུར་པའི་ཆོས་ཉིད་ལ། །སྣང་དང་སྟོང་པའི་ཐ་སྙད་མེད། །མེད་པ་མ་ཡིན་ཅིར་ཡང་སྣང་། །ཆོས་ཉིད་སྣང་གཞི་ཡོད་པ་ལས། །རྡོ་རྗེ་ཕུར་པ་རྣམ་བཞིར་གྲགས། །ཆོས་ཉིད་ཕུར་པ་ཀུན་གྱི་གཞི། །ཐུགས་རྗེའི་ཕུར་པས་གདུག་པ་འདུལ། །གསང་བའི་ཕུར་པས་འདོད་ཆགས་སྤྱོད། །འདུས་བྱས་ཕུར་པ་རྣམ་བཞི་ཡི།ས། །ངར་འཛིན་ཉོན་མོངས་བཞི་བཅུ་སྒྲོལ། །ཐ་དད་ཕུར་པ་བསམ་མི་ཁྱབ། །འདུལ་བའི་དབང་དུ་ཅིར་ཡང་སྣང་། །ལ་ལར་གདུག་པ་སྲིན་པོའི་གཟུགས། །ལ་ལར་ལྷ་ཆེན་ཚངས་པའི་གཟུགས། །ལ་ལར་དྲང་སྲོང་བྲམ་ཟེའི་གཟུགས། །ལ་ལར་སྐུ་ཆེ་རི་རབ་ཙམ ལ་ལར་གྲངས་མང་ཉུང་འབྲུ་ཙམ། །ལ་ལར་མེ་དཔུང་ཉོན་མོངས་བསྲེག །ལ་ལར་སྦྱོང་བྱེད་ཡེ་ཤེས་ཆུ། །ལ་ལར་སྒྲོལ་བྱེད་རལ་གྲི་འཛིན། །ལ་ལར་འཇོམས་བྱེད་ཐོ་བ་འཛིན། །ལ་ལར་འཛིན་བྱེད་ལྕགས་ཀྱུ་འཛིན། །ལ་ལར་འཕེན་བྱེད་མདའ་གཞུ་བསྣམས། །ལ་ལར་རྡེག་བྱེད་ཏྲི་ཤཱལ་བསྣམས། །ལ་ལར་ཟ་བྱེད་མི་མགོ་བསྣམས། །ལ་ལར་གཅོད་བྱེད་སྤུ་གྲི་བསྣམས། །ལ་ལར་གནོན་བྱེད་རྒྱ་གྲམ་བསྣམས། །ལ་ལར་མཚོན་བྱེད་ཁ་ཊ༷་བསྣམས། །ལ་ལར་རི་རབ་ཚོག་པོར་འཕེན། །ལ་ལར་རྒྱ་མཚོ་གཏིང་ནས་སྐེམས། །ལ་ལར་འཇིག་རྟེན་མངོན་དུ་འགྱུར། །ལ་ལར་ཉི་མ་ཟླ་བའི་གཟུགས། །དེ་བཞིན་གདུལ་བྱའི་ངོ་ལ་སྣང་། །འདུལ་བ་དྲག་པོ་ལས་ཀྱི་མཆོག །ལས་རྣམས་གྲུབ་པའི་ཁྲོ་བོ་འབྱུང་། །དུས་ལ་བབ་པའི་ཕྲིན་ལས་འབྱུང་། །སྐལ་པ་སྟོང་གི་ཞི་བ་ལས། །དྲག་པོའི་སྔགས་སྒྲ་དེ་རི་རི། །ཉོན་མོངས་བསྲེག་པའི་ཡེ་ཤེསའབྱུང་། །སྦྱོང་བའི་ཆུ་བོ་ཐམས་ཅད་འབྱུང་། །དྲག་པོ་འདུལ་བའི་ལྷ་ཡི་།སྐུ། །སྐུ་ཡི་སྐུ་སྟེ་སྐུ་ཡི་མཆོག །སྐུ་བདག་ཆེན་པོ་ཐམས་ཅད་འདུས། །དཔེར་ན་ནམ་མཁའི་ཆོ་འཕྲུལ་འདྲ། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ཆོས་ཐམས་ཅད་ཀྱི་གཞི་དང་གླེང་བསླང་བའི་ལེའུ་སྟེ་དང་པོའོ།། །།དེ་ནས་བཅོམལྡན་འདས་དགྱེས་པ་ཆེན་པོས་ཀུན་ཏུ་དགའ་བའི་ཏིང་ངེ་འཛིན་ལ་སྙོམས་པར་ཞུགས་ནས། སེམས་དཔའ་ཆེན་པོའི་ཆོས་ཐམས་ཅད་དེ་ལྟར་བས་ན། ཆོས་ཐམས་ཅད་ཀུན་འབྱུང་ཞིང་འདུལ་བར་སྣང་སྟེ། ཡང་དག་དོན་ལ་མ་རྟོགས་ན། །བསྟན་པའི་དོན་ཉིད་འདི་ལྟ་སྟེ། །ཁམས་གསུམ་ཐམས་ཅད་རྒྱལ་བའི་ཞིང་། །སྙིགས་མ་ལྔ་ཉིད་བདེ་ལྡན་གནས། །ཕུང་པོ་ལྔ་ཉིད་རྫོགས་སངས་རྒྱས། །འབྱུང་བ་ལྔ་ཉིད་དབྱིངས་སུ་ཐིམ། །ཁམས་ཀྱི་སྐྱེ་མཆེད་ཐམས་ཅད་ཀུན། །བདེ་བ་ཆེན་པོའི་ཀློང་དུ་ཐིམ། །ཐམས་ཅད་སྐྱེ་མེད་བདེ་ལྡན་གནས། །ཨེ་མ་འདི་ལྟར་ངོ་མཚར་ཆེ། །བསྟན་པའི་དོན་རབ་འདི་ལྟ་བུ། །ཀུན་གྱི་འབྱུང་གནས་ངོ་མཚར་ཆེ། །ཐམས་ཅད་འདུལ་བ་ཡ་མཚན་ཆེའོ། །ཨེ་མ་བྱང་ཆུབ་སེམས་ཉིད་ནི། །ཀུན་ལ་འབྱུང་ཞིང་དམིགས་དང་བྲལ། །བརྗོད་དུ་མེད་ཅིང་ཀུན་ལ་སྣང་། །སྣང་བ་ཉིད་ལ་ངེས་གཟུང་མེད། །ཨེ་མ་རབ་ཏུ་གསང་བའི་ཆོས། །རྡོ་རྗེ་ཕུར་པའི་རང་བཞིན་ལས། །ཇི་ལྟར་བསྟན་པ་དེ་བཞིན་འབྱུང་། །བྱུང་ཡང་ཡེ་ཤེས་དབྱིངས་སུ་ཐིམ། །ཨེ་མ་སངས་རྒྱས་ཐམས་ཅད་ནི། །རིགས་ལས་འབྱུང་ཞིང་རིགས་ལ་འདུ། །རིགས་རྣམས་འབྱུང་བ་ཡང་དག་དབྱིངས། །འདུས་བྱས་དེ་བཞིན་དབྱིངས་སུ་ཐིམ། །དབྱིངས་ལས་དབྱིངས་སུ་ངོ་མཚར་ཆེ ངོ་མཚར་ཆེན་པོ་ཐམས་ཅད་འབྱུང་། །རིག་པ་ཕྱི་ནང་མེད་པ་ལ། །གཉིས་སུ་སྣང་བ་ངོ་མཚར་ཆེ། །དོན་དམ་གཅིག་ལས་མེད་པ་ལ། །སྣང་བ་ཐ་དད་ངོ་མཚར་ཆེ། །ཆོས་ཉིད་ཀུན་གྱི་རང་བཞིན་ལས། །དངོས་པོར་ལྟ་བ་རྣམ་པར་འཁྲུལ། །འཛིན་པ་མེད་པའི་ཆོས་ཉིད་ལ། །འཛིན་པ་རང་རྒྱུད་རྣམ་པར་འཁྲུལ། །ཨེ་མ་ཀུན་ཏུ་བཟང་པོ་ནི། །ཐམས་ཅད་ཀུན་གྱི་རང་བཞིན་ཏེ། །དཔེར་ན་མེ་ལོང་གཟུག་བརྙན་འདྲ། །ཀུན་ཏུ་བཟང་པོའི་ཆོད་ཉིད་ནི། །ཆོས་ཉིད་ཕུར་པ་ཀུན་གྱི་གཞི། །རང་རྒྱུད་སྣང་བའི་གཞི་མེད་ཀྱང་། །སྣང་ཞིང་རང་བཞིན་ལྷུན་གྱིས་གྲུབ། །དེ་ཉིད་བྱིན་རླབ་ཆེན་པོ་ནི། །ཐུགས་རྗེའི་ཕུར་པ་ཆེན་པོ་ཡང་། །བདེ་གཤེགས་ཐམས་ཅད་བྱིན་རླབ་ཡིན། །གང་ལ་གང་འདུལ་ངོ་གང་ལ། །རྣམ་གཉིས་རྒྱུ་དང་འབྲས་བུ་བཅས། །ཁྲོ་བོ་རྔམ་ཆེན་ལོངས་སྤྱོད་སྐུ། །དབང་བསྐུར་ཁམས་གསུམ་གདུག་པ་འདུལ། །དེ་ཡི་དབང་བསྐུར་འགྲོ་དོན་དུ། །ལས་རྣམས་མ་ལུས་རྫོགས་པར་འགྱུར། །སྤྲུལ་སྐུ་རྣམ་གཉིས་ཐུགས་ཀྱི་མཆོག །ཉིད་ལས་མི་གཞན་རྣམ་པར་འབྱུང་། །དེ་ཡིས་འདུལ་བའི་གདུག་པ་ཅན། །ཡབ་ཡུམ་སྲས་དང་བཅས་པ་ཀུན། །གདུལ་བྱའི་གཉེན་པོར་འབྱུང་བར་ཟད། །བྱང་ཆུབ་སེམས་ཀྱི་ཕུར་པ་འདི། །གསང་བ་ཆེན་པོ་གསང་བའི་བདག །གསང་བ་བས་ཀྱང་ཆེས་གསང་བ། །མཁའ་དབྱིངས་གཉིས་སུ་མེད་པ་ལས། །མཁའ་ནི་རིག་པའི་ཡེ་ཤེས་ལྔ། །རྡོ་རྗེ་ཕུར་པ་དྲག་པོའི་དབྱིབས། །རྭ་ལྔ་ཡེ་ཤེས་ལྔ་ཡི་བདག །ཡིག་འབྲུ་ལྔ་རུ་འབྱུང་བ་ཡིན། །རོལ་པ་འབྱུང་ཕྱིར་རྣམ་པར་གནས། །དབྱིངས་ནི་ཤེས་རབ་ཆོས་དབྱིངས་ཏེ། །དྲག་པོས་སྒྲོལ་བ་ཨེ་ཡི་དབྱིབས། །ཐམས་ཅད་བསྐྱེད་ཕྱིར་མ་ཡི་མཚན། །མ་ནི་སངས་རྒྱས་ཐམས་ཅད་བསྐྱེད། །ཡབ་ཀྱི་རང་བཞིན་མཉེས་མཛད་པ། །འབྱུང་བ་ལྔ་ཡི་རང་བཞིན་ཡིན། །ཡབ་ཡུམ་གཉིས་སུ་མེད་པ་ལ། །སྦྱོར་བས་ཐམས་ཅད་མཉེས་པར་མཛད། །བདེ་བར་གཤེགས་པ་མཉེས་མཛད་དེ། །ཁམས་གསུམ་སེམས་ཅན་ཉོན་མོངས་སྦྱོང་། །བདུད་དང་སྲིན་པོ་ལོག་ལྟ་འདུལ། །ཐམས་ཅད་བྱང་ཆུབ་སེམས་ཀྱི་ཁྲུས། །སྦྱོར་སྒྲོལ་ཡང་དག་དེ་རུ་འབྱུང་། །འདུས་བྱས་རྫས་ཀྱི་ཕུར་པ་འདི། །རྣམ་པ་བཞི་རུ་ཡང་དག་འབྱུང་། །གཙོ་འཁོར་འདུལ་བའི་ངོ་གང་ལ། །བཞི་རུ་བསྟན་ཏེ་རང་རང་གིས། །གདུལ་བྱའི་ལས་རྣམས་ཡང་དག་མཛད། །ཨེ་མ་ཧོ། །བྱང་ཆུབ་སེམས་ཀྱི་རང་བཞིན་ལ། །རྣམ་པ་བཞི་རུ་རྣམ་པར་བསྟན། །སེམས་ཉིད་ནམ་མཁའིརང་བཞིན་ལས། །ཆོ་འཕྲུལ་སྣ་ཚོགས་འབྱུང་བ་བཞིན། །ཆོས་ཉིད་ཕུར་པའི་རང་བཞིན་ལས། །རོལ་པ་ཆེན་པོ་ཅིར་ཡང་སྣང་། །འདུལ་བའི་རིམ་པ་བསམ་མི་ཁྱབ། །མེ་སྟེ་སྲེག་པར་བྱེད་པ་དང་། །ས་སྟེ་གནོན་པར་བྱེད་པ་དང་། །རླུད་སྟེ་འཕེན་པར་བྱེད་པ་དང་། །འབྱུང་པོ་སྒྲོལ་བར་བྱེད་པ་དང་། །མི་འགྱུར་དབུས་སུ་གནོན་ཅིང་སྒྲོལ། །དེ་ཡང་བྱིན་རླབ་ཆེན་པོ་ཡིན། །འདུལ་བའི་ངོ་ལ་དེ་ལྟར་སྣང་། །སྣང་བའི་གཞི་ལ་རོལ་པ་འབྱུང་། །དེ་ཡང་སྒྲོལ་བ་ཆེན་པོ་འབྱུང་། །ཨེ་མ་འདི་ལྟར་ངོ་མཚར་ཆེ། །གསད་པ་དང་ནི་གསོ་བ་དང་། །དབབ་པ་དང་ནི་གཅད་པ་དང་། །བགྲུང་བྱའི་རིམ་པ་བསམ་ཡས་ཀུན། །ལོ་དང་ཟླ་བ་དུས་ཚོད་དང་། །ཞག་རྣམས་དང་ནི་ཉི་མ་དང་། །བླ་ཆེན་དང་ནི་འབྱུང་འཇུག་དང་། །ཁམས་རྣམས་དང་ནི་གནན་ཐབས་དང་། །བསྙེན་བྱ་དང་ནི་བསྒྲུབ་བྱ་དང་། །གཅད་བྱ་དང་ནི་གསད་བྱ་དང་། །འཁོར་ལོ་དང་ནི་མཚོནི་སྣ་དང་། །གཏོར་མ་དང་ནི་དྲག་པོ་དང་། །བསྐྱེད་པ་དང་ནི་སྤྱན་དྲངས་དང་། །མཆོད་པ་དང་ནི་བསྟོད་པ་དང་། །ལས་རྣམས་མ་ལུས་རྫོགས་པ་རྣམས། །ཐུགས་རྗེ་ཆེན་པོའི་རོལ་པ་ཡིན། །ཆོས་རྣམས་ཕུར་པའི་རོལ་པ་ལས། །འགྲོ་བའི་དོན་ལ་དེ་ལྟར་སྣང་། །རྡོ་རྗེ་སེམས་དཔའ་ཐུགས་ཀྱི་མཆོག །ཡང་དག་དོན་ཉིད་གཏན་ལ་འབེབས། །ཆོས་ཉིད་ཕུར་པའི་རང་བཞིན་ཡིན། །བྱང་ཆུབ་སེམས་ཀྱི་རང་བཞིན་ལས། །ལྷ་ཡང་མེད་ལ་འདྲེ་ཡང་མེད། །སངས་རྒྱས་མེད་ཅིང་སེམས་ཅན་མེད། །འཕེལ་བ་མེད་ཅིང་འགྲིབ་པ་མེད། །ཟད་པ་མེད་ཅིང་སྟོང་པ་མེད། །དེ་བཞིན་རོལ་པ་ཕྱོགས་མེད་ལ། །ལྟ་བ་ཐ་དད་སྣ་ཚོགས་བལྟ། །སྒོམ་པ་ལས་ཀྱི་རིམ་པར་བསྒོམ། །སྤྱོད་པ་མི་མཉམ་ཐ་དད་པས། །འབྲས་བུ་མི་མཐུན་ཐ་དད་འབྱུང་། །དེ་ཕྱིར་ཆོས་ཉིད་བརྟག་དཀའ་བས། །སྙིང་པོ་དོན་ལ་མ་ཕེབས་ན། །ཚིག་ཙམ་བསྟན་པས་དོན་མི་འགྲུབ། །དཔེར་ན་ཡི་གེ་མཁས་པས་ཀྱང་། །ངེས་པར་གདེང་དུ་མ་གྱུར་པར། །བྲི་བར་ནུས་པ་ཡོངས་མི་འགྱུར། །སྐྱེས་བུ་རྩལ་དང་མི་ལྡན་པས། །ཕ་རོལ་ཐུབ་པར་ནུས་པ་མེད། །དེ་བཞིན་བྱང་ཆུབ་སེམས་ཉིད་ཀྱང་། །གཞི་རྩ་མེད་པར་མ་ཤེས་ན། །སེམས་ཉིད་གཏན་ལ་ཕེབས་པ་མེད། །ལྷ་ཉིད་བསྒོམ་དང་སྤྱན་དྲངས་ཡང་། །གཞི་རྩ་མེད་པར་མ་ཤེས་ན། །ལྷ་ཉིད་བརྟགས་པར་ལོག་རྟོག་ཉིད། །གཞི་རྩ་མེད་པར་ལྷ་བསྒོམ་པས། །ཆོས་ཉིད་དོན་དམ་རྟོགས་པ་དང་། །ལོག་པའི་ཆོས་ཅན་འདུལ་བ་དང་། །འགྲོ་བ་ཐ་དད་དྲངས་བ་དང་། །བདུད་དང་སྲིན་པོ་དབང་དུ་སྡུད། །དཔེར་ན་མེ་ལོང་སྣང་གཞི་ལ། །གཞི་རྩ་མེད་པར་ཐམས་ཅད་སྣང་། །མ་བལྟས་སྟོང་ལ་རྣམ་པར་སྣང་། །ཡོད་མེད་གཉིས་ཀྱི་སྣང་གཞི་འབྱུང། །སྣང་དང་མི་སྣང་རང་རྒྱུད་མེད། །དེ་ཕྱིར་གཟུགས་བརྙན་གཞི་རྩ་བྲལ། །ལྷ་སྒོམ་རིམ་པ་དེ་བཞིན་ཏེ། །སེམས་ཉིད་ཀུན་གྱི་སྣང་གཞི་ལ། །འདུལ་བའི་དོན་དུ་ཅིར་ཡང་སྣང་། །སེམས་ལ་ལྷ་ཉིད་གཞི་རྩ་བྲལ། །ཀུན་ལ་སྣང་གཞི་རྩ་བ་བྲལ། །རང་རྒྱུད་བཟུང་བ་ལྷ་ཡང་མིན། །ཕྱོགས་སུ་བཟུང་བ་རོལ་པ་ཙམ། །ལྟ་བ་མ་ངེས་གཞི་རྩ་བྲལ། །དེ་བཞིན་རིམ་པ་མ་ལུས་ཀུན། །རྩ་བ་བྱང་ཆུབ་སེམས་ཉིད་ལ། །ངེས་པར་མི་འཛིན་གཞི་དང་བྲལ། །བསྒོམ་པའི་ལྷ་ཡང་དེ་བཞིན་ཏེ། །རྩ་བ་སེམས་ཉིད་སྣང་གཞི་ལ། །ལྷ་ཡི་རོལ་པ་ཅིར་ཡང་སྣང་། །རོལ་པ་རང་རྒྱུད་བཟུང་བས་ན། །ལྷ་ཡང་རང་རྒྱུད་དག་པས་སྐྱེས། །བེམ་པོ་ཐོ་ཡོར་རིལ་པོ་དང་། །ང་བདག་གཟུང་འཛིན་ཐེར་ཟུག་དང་། །སྟོང་པ་བདག་མེད་མི་དམིགས་ཕྱལ་བ་དང་། །གཉིས་མེད་ངང་དངས་མཉམ་ཉིད་ཏིང་འཛིན་སླད། །ཡོད་དང་མེད་པའི་མཐར་འཛིན་རང་རྒྱུད་དང་། །རང་རང་ཕྱོགས་སུ་འཛིན་ཅིང་རང་གར་གཏོང་། །མ་རིག་མ་ཤེས་ཡིན་པས་འཕྱལ་པར་གཏོང་། །ཡོད་དང་མེད་པའི་མཐའ་ནི་མ་ངེས་ཏེ། །ཡོད་ན་ཡོད་དུ་བས་ཏེ་ཀུན་གྱི་སྣང་གཞིར་ཡོད། །མེད་ན་མེད་དུ་བས་ཏེ་འཁོར་འདས་རང་རྒྱུད་མེད། །རང་རྒྱུད་འཛིན་པའི་ཤེས་པ་ཡིས། །མྱ་ངན་འདས་པ་འཛིན་པའི་རྒྱུ། །བྱང་ཆུབ་སེམས་ཀྱི་རང་བཞིན་ལས། །འཁོར་བ་ཉིད་ཀྱང་གཞི་རྩ་བྲལ། །འཁོར་བ་མ་ངེས་ངེས་ཟུང་བྲལ། །དམ་པའི་འཛིན་པས་མ་གཟུང་ན། །འཁོར་བ་ཉིད་ཀྱང་མྱ་ངན་འདས། །ཁམས་གསུམ་འཁོར་བའི་སེམས་ཅན་རྣམས། །དུས་གསུམ་བཞུགས་པའི་རྒྱལ་བ་ཀུན། །བྱང་ཆུབ་སེམས་ཀྱི་རང་བཞིན་ལས། །ཆེ་ཆུང་མེད་པར་ལྷུན་གྱིས་གྲུབ། །རང་བྱུང་འཛིན་པ་མ་སྐྱེས་ན། །ཇི་ལྟར་བྱས་པ་རོལ་པ་ཡིན། །རོལ་པ་ཕྱོགས་མེད་ཀུན་ལ་ཤར་། །དེ་ཉིད་སངས་རྒྱས་བྱང་ཆུབ་སེམས། །ཡང་དག་དོན་ཉིད་དེ་རུ་རྟོགས། །བསྟན་པ་རྒྱ་མཚོ་དེ་ལས་འབྱུང་། །སྐུ་གཉིས་འགྲོ་བའི་དོན་རྣམས་མཛོད། །དེ་ཉིད་སྣང་བའི་གཞི་ལས་འབྱུང་། །སྣང་གཞི་དཔེར་ན་མེ་ལོང་འདྲ། །སྣ་ཚོགས་སྣང་ལ་ངེས་བཟུང་འདྲ། །དོན་གཉིས་འཛིན་པ་རང་རྒྱུད་གྲོལ། །ཆེ་བའི་དོན་ཉིད་གང་འདོད་པ། །དེ་ཉིད་ཕྱོགས་འཛིན་ཆུང་བའི་རྒྱུ། །ཐེག་པ་མཐོན་པོ་གང་རྟོགས་ནས། །རྣམ་པ་གྲངས་སུ་བཟུང་བ་ནི། །ཐེག་པ་སྐབས་ལ་གནས་པ་ཡིན། །སྟོང་པ་ཉིད་དུ་ཆེར་འཛིན་པ། །རིམ་པ་གཉིས་སུ་འབྱུང་བ་ཡིན། །ཨེ་མ་ཧོ། །རྡོ་རྗེ་ཕུར་པའི་སྣང་བ་ལ། །ཐམས་ཅད་ཐམས་ཅད་སྣང་བར་འགྱུར། །སྣང་བའི་ཆོས་རྣམས་ཀུན་འབྱུང་ཡང་། །རང་རྒྱུད་གྲུབ་པ་ཡེ་ནས་མེད། །རོལ་པ་རྣམ་གཉིས་ལྷ་ཡི་སྐུ། །ལྷ་ཉིད་ངེས་པར་བཟུང་དུ་མེད། །ངེས་ཟུང་བྲལ་བའི་ལྷ་ཉིད་ནི། །ཅིར་ཡང་འགྱུར་ཞིང་ཅིར་ཡང་སྣང་། །དེ་ཕྱིར་རང་རྒྱུད་གཞི་ལས་མེད། །འཛིན་པ་སེམས་དང་མ་བྲལ་ན། །ཅི་ལྟར་སྤྱད་ཀྱང་འཆིང་བའི་རྒྱུ། །ཕྱོགས་སུ་བལྟས་པའི་ཤེས་པ་ཡིས། །ངན་པའི་ལས་ལ་རྣམ་པར་སྨིན། །ཡང་དང་ཡང་དུ་བསྟན་པ་ཡིས། །ཡང་དག་དོན་ལ་གོ་བར་གྱིས། །ཨེ་མ་ཧོ། །མེད་པར་སྟོང་པའི་ཆོས་ཉིད་ལ། །ཆོས་ཉིད་ཕུར་པར་ཅི་སྟེ་བཏགས། །ཆོས་ཉིད་ཕུར་པའི་རང་བཞིན་ལ། །སྣ་ཚོགས་སྣང་བ་འབྱུང་མི་འགྱུར། །ཁམས་གསུམ་ཉོན་མོངས་དབྱིངས་མི་འབྱོངས། །ལོག་ལྟ་གདར་ཤ་ཆོད་མི་འགྱུར། །ཨེ་མ་ཧོ། །མེད་པ་མ་སྐྱེས་སྟོང་པ་ལ། །ཐུགས་རྗེས་ནམ་མཁའི་སྤྲིན་དང་འདྲ། །སྤྲིན་དང་ནམ་མཁའ་ཐ་དད་མིན། །ཆོས་ཉིད་ཕུར་པའི་རང་བཞིན་ལ། །ཐམས་ཅད་སྣང་བའི་གཞི་ཡོད་པས། །ཐམས་ཅད་འབྱུང་ཞིང་རྣམ་པར་འདུ། །སྣང་སྟོང་གཉིས་སུ་མེད་པ་ལས། །གཉིས་སུ་བཟུང་དུ་ག་ལ་ཡོད། །ཉོན་མོངས་མི་སྤོང་དགོས་པ་མེད། །ལོག་པའི་ཆོས་ཅན་ཀུན་ཀྱང་སྒྲོལ། །རང་བཞིན་དག་པའི་ངོ་བོ་ལ། །སངས་རྒྱས་མེད་པས་སེམས་ཅན་མེད། །འཁོར་བ་མེད་པས་མྱང་འདས་མེད། །ཀུན་འབྱུང་སྣང་བ་ངེས་བཟུང་བྲལ། །ཡོད་དང་མེད་པའི་དམིགས་དང་བྲལ། །ཡོད་པའི་ཆོས་ཉིད་དབྱིངས་ལས་ཉལ། །མེད་པར་དངོས་པོ་རང་རྒྱུད་མེད། །ཅི་ཡང་མེད་ལ་ཅིར་ཡང་སྣང་། །སྣང་བ་ཉིད་ནི་བརྗོད་དུ་མེད། །མཚོན་པའི་དོན་ལ་བརྗོད་པར་བྱ། །དེ་ཕྱིར་སྨྲ་བརྗོད་གཉིས་དང་བྲལ། །བརྗོད་བྱ་བརྗོད་བྱེད་མཚོན་པ་ཙམ། །རབ་ཏུ་བརྗོད་ཅིང་བརྗོད་དང་བྲལ། །བྲལ་བའི་དོན་ཉིད་དབྱིངས་ན་ཉལ། །ཁ་དོག་ལྔ་ཡི་ངོ་བོ་ལ། །ངེས་པ་གཅིག་ཏུ་བསྟན་པར་དཀའ། །འཁོར་འདས་གཉིས་ཀྱི་རང་བཞིན་ལ། །འདི་ཞེས་གཅིག་ཏུ་བསྟན་པར་དཀའ། །ཨེ་མ་འདི་ལྟར་ངོ་༄༅ མཚར་ཆེ། །སེམས་ཉིད་ཀུན་ཏུ་བཟང་པོ་ལ། །ཐམས་ཅད་འབྱུང་ཞིང་རྣམ་པར་འདུ། །རྡོ་རྗེ་ཕུར་པ་མང་ཤར་ཞིང་། །གདུག་པ་འདུལ་ཞིང་ལས་རྣམས་མྱུར། །བསྟན་པ་རྒྱས་ཤིང་འགྲོ་བ་འདྲེན། །དོན་དུ་འབྱུང་ཞིང་ཚིག་ཏུ་རྒྱས། །སྔགས་རྣམས་ཐམས་ཅད་སྟོན་པར་བྱེད། །དོན་གྱི་བཅུད་ཕྱུང་སྙིང་པོ་ཡིན། །འཁོར་བའི་ལས་ངན་སྟེང་ནས་སྐེམས། །དབང་བསྒྱུར་རྒྱལ་བའི་ཏིང་འཛིན་ལས། །གསད་དང་གཅད་དང་དབབ་པ་དང་། །གསོ་དང་སྲུང་དང་བསྒྲུབ་པ་དང་། །འཁོར་བ་ཉིད་ཀྱང་བདེ་བར་གཤེགས། །ཆོས་ཉིད་ཕུར་པའི་དོན་རྟོགས་ན། །སྙིང་པོའི་དོན་ལས་འདའ་མི་སྲིད། །འཁོར་བ་ཀུན་ཀྱང་མྱ་ངན་འདས། །དོན་གྱི་སྙིང་པོ་ཁམས་གསུམ་ཁྲུས། །ཞེས་ཉིད་ལས་མི་གཞན་པ་ཉིད་དུ་གསུངས་སོ། །རྡོ་རྗེ་ཕུར་པ་ཆེན་པོས་བཤད་པའི་རྒྱུད་ལས། ཆོས་ཐམས་ཅད་འབྱུང་བར་གླེང་བསླང་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་གདུག་པ་ཐམས་ཅད་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། མ་རྟོགས་གོལབའི་སེམས་ཅན་ལ། །དུས་གསུམ་རྒྱལ་བའི་བྱིན་རླབས་ཀྱིས། །ཐུགས་རྗེའི་ཕུར་པས་གདུག་པ་འདུལ། །སྲས་ཀྱི་དམ་པར་དབང་བསྐུར་ནས། །སྲིན་པོ་གདུག་པ་མ་ལུས་འདུལ། །ཞིང་བཅུ་སྟེང་ནས་སྟོང་པར་བྱེད། །ཁམས་གསུམ་ཐམས་ཅད་བསྒྲལ་བའི་ཕྱིར། །སྟོང་གསུམ་ཐམས་ཅད་གནད་ལ་འགོད། །སྙིགས་མ་ལྔ་ཉིད་ཐར་པའི་ལམ། །ཡེ་ཤེས་ཉི་མ་གཅིག་ཤར་བས། །སྟོང་གསུམ་ཐམས་ཅད་འཁྱགས་པ་ཞུ། །དྲོ་བ་ཉིད་ནས་ཐམས་ཅད་དྲོ། །དེ་ཉིད་ཡང་དག་བསྟན་པའི་མཆོག །བསྒྲལ་བའི་རིམ་པ་འདི་ལྟ་སྟེ། །སྟོང་གསུམ་ལོག་ལྟ་རང་རྒྱུད་བསྒྲལ། །ཞེ་སྡང་དམྱལ་ཆགས་མེ་ལྟར་འབར། །ལོག་པའི་ལྟ་བ་མུན་ལྟར་ཚུབས། །ལོག་པའི་ང་རྒྱལ་སེར་ལྟར་མཁྲེགས། །ཕྲག་དོག་ཟུར་རྣོ་ལོག་པའི་ཚོགས། །རང་རྒྱུད་འདོད་ཆགས་སྤྱིན་ལྟར་འཛིན། །ཡོད་མེད་དངོས་པོར་རང་རྒྱུད་འཛིན། །ང་རོ་འདོན་ཅིང་དོན་མ་རྟོགས། །དོན་མེད་ཚིག་ལ་མོད་པ་དང་། །རྫས་དང་ལག་ཆ་མངོན་པར་སྟོན། །ཧཱུཾ༷་དང་སྨྱོ་ཡི་སྣ་འདྲེན་ཅིང་། །འདི་རྣམས་བསད་བཅད་ཐོགས་མེད་ང་ལ་ཡོད། ་རྐོན་ཏུ་ང་རྒྱལ་ཉོན་མོངས་གནས། །འདི་རྣམས་བསྒྲལ་བའི་རིམ་པ་ཡིན། །རི་རབ་སྙིགས་མ་ལྔ་བརྒྱར་གནས། །དོན་མ་རྟོགས་པར་སངས་རྒྱས་འདོད། །མེད་པར་བཟུང་བས་སྣང་མི་སྲིད། །སྣང་བས་སྟོང་པའི་དོན་མཚོན་པའི། །སྣང་བ་ཅན་དུ་གང་ལ་འགྱུར། །གཉིས་མེད་འཛིན་པ་རང་རྒྱུད་ལས། །སྣ་ཚོགས་ངོ་བོ་ག་ལ་འབྱུང་། །ལྟ་བས་བཟུང་བའི་ཆོས་ཉིད་ནི། །གཟུང་བས་ཆོས་ཉིད་ཕྱོགས་ཅན་ཏེ། །འཛིན་མེད་སེམས་དང་མཐུན་མི་སྲིད། །སྒོམ་པ་བསྒོམ་དུ་ཡོད་ལ་ནི། །སྒོམ་མེད་དོན་དང་མཐུན་མི་འགྱུར། །སྒོམ་པ་བསྒོམ་དུ་མེད་པར་ནི། །ཅིར་ཡང་མེད་པའི་རང་བཞིན་ཏེ། །སྒོམ་པའི་དོན་དང་ལྡན་མི་འགྱུར། །ཡོད་དང་མེད་པའི་ངོ་བོ་ལ། །ཅིར་སྣང་ངོ་བོ་ཅིར་མི་འཛིན། །འཛིན་པའི་ངོ་བོ་གང་ཡིན་པ། །དེ་ཉིད་དམ་པའི་ངོ་བོ་ཡིན། །དམ་པ་ཉིད་དུ་གང་འཛིན་པ། །དེ་ཉིད་འཛིན་པ་དམ་པ་ཡིན། །སྣང་ལ་རང་བཞིན་མེད་པ་ལ། །དེ་ཉིད་འཛིན་པར་དམ་པ་སྟེ། །འཛིན་པའི་དོན་ཉིད་གང་འཛིན་པ། །ཁྲོ་བོ་རང་རྒྱུད་རྭ་ཏྲ་སྟེ། །རྭ་ཏྲ་རང་རྒྱུད་ཁམས་གསུམ་འཁོར། །སེམས་ཅན་ཐམས་ཅད་འདུལ་བར་འགྱུར། །རྒྱལ་ཁམས་ནག་པོ་མུན་ལྟར་གཏིབས། །སེམས་ཅན་ཆེན་པོ་དེ་དག་ཀུན། ཁམས་གསུམ་འཁོར་བ་དེ་དག་ཡང་། །རང་ཉིད་རང་ལ་རབ་ཏུ་གདུག །གདུག་པའི་འབྲས་བུ་རབ་ཏུ་སྨིན། །སྨིན་པའི་འབྲས་བུ་ཆེན་པོར་འགྱུར། །རླག་བྱེད་ཏིང་འཛིན་ཆེན་པོ་ཡིས། །ཁམས་གསུམ་གདུག་པ་བརླབ་པར་འགྱུར། །རླག་བྱེད་སེམས་ཅན་ཆེན་པོ་ཡིས། །ཁམས་གསུམ་གདུག་པ་བརླག་པར་འགྱུར། །ཡང་དག་དོན་ལ་ཡང་དག་དགོད། །དེ་ཕྱིར་བསྟན་པ་རྒྱ་མཚོ་སྐེམས། །ཉི་མའི་འོད་དང་རྒྱ་མཚོ་འདྲ། །གཟུགས་བརྙན་དཔེ་དང་འཇའ་མཚོན་འདྲ། །ངེས་པར་བསྟན་པ་དེ་ཉིད་ཡིན། །གདུག་པ་ཟ་བྱེད་རྣམ་པར་བསྒྱུར། །མཐར་ཕྱིན་འབྲས་བུ་བསྟན་པ་བྱུང་། །བསྟན་པ་རྒྱ་མཚོའི་གཏིང་ལྟར་ཟབ། །ཉི་མའི་ཟེར་དང་རྒྱ་མཚོའི་རླབས། །ཐམས་ཅད་འབྱུང་ཞིང་འགྲོ་བ་འདྲེན། །སྙིང་པོའི་དོན་ལ་ཡང་དག་དགོད། །སེམས་ཅན་ཆེན་པོའི་རིམ་པ་བཞིན། །རྟོགས་པས་ངེས་པའི་འབྲས་བུ་ཤར། །དོན་དམ་བཅུད་ཀྱི་འབྲས་བུར་རྒྱས། །འཛིན་པ་གྲོལ་བའི་ལྟ་བ་རྟོགས། །ལྷ་ཉིད་རོལ་པ་ཕྱོགས་མེད་ཤར། །གཞི་ལ་སྣང་གཞི་ལྷུན་གྱིས་གྲུབ། །རང་རང་འཛིན་པ་རང་རྒྱུད་ཡིན། །ཀུན་ཀྱང་བདེ་གཤེགས་སྙིང་པོར་རྟོགས། །བདེ་བར་གཤེགས་པའི་སྙིང་པོ་འདིས། །ཀུན་ལ་ཁྱབ་ཅིང་ཕྱོགས་དང་བྲལ། །ཕྱོགས་བྲལ་སྐྱེས་བུ་ཆེན་པོ་དེས། །སྤང་མེད་བསྒྲུབ་མེད་འཛིན་དང་བྲལ བྲལ་བ་མེད་པ་ཀུན་ཏུ་ཤར། ཁྲར་བ་ཉིད་ན་ནུབ་པ་མེད། ཁྲར་ནུབ་མེད་པའི་སྙིང་པོ་འདི། །ཀུན་ཏུ་བཟང་པོའི་བྱིན་རླབས་ཡིན། །ཆོས་ཉིད་ཕུར་པའི་ངེས་དོན་གནས། །ཡོད་དམ་མེད་པའི་ཚིག་ལས་འདས། །ཡང་དག་ཉིད་ལས་ཡང་དག་འབྱུང་། །ཐམས་ཅད་བདུད་རྩིར་ཆེན་པོར་འགྱུར། །གནན་དང་འཕང་དང་གསད་པ་དང་། །སྲེག་པའི་མཆོག་དང་དབྱེ་བ་དང་། །བསམ་གྱིས་མི་ཁྱབ་སྣ་ཚོགས་འབྱུང་། །ཇི་ལྟར་འདུལ་བའི་དོན་རྣམས་འབྱུང་། །ཟད་པ་མེད་པའི་གཏེར་ཉིད་འབྱུང་། །སྟོངས་པ་མེད་པའི་ཆུ་རྒྱུན་འབྱུང་། །ཟད་པ་མེད་ཅིང་འཕེལ་བ་མེད། །ལྷ་དང་གཉིས་སུ་མེད་པ་ལ། །གཟུང་འཛིན་ཅན་གྱི་ལྷ་མི་བསྒོམ། །བསྒོམ་ན་འཛིན་པ་ཉིད་དུ་འགྱུར། །ལྷ་དང་གཉིས་སུ་མེད་པའི་ཕྱིར། །ཆེ་བའི་ལྷ་མཆོག་གསལ་བའི་འོད། །སྐུ་ལྔ་དབང་བསྒྱུར་ཐུགས་ལ་དབང་། །གསུང་ལྔ་ཉིད་ལ་རྣམ་པར་གསལ། །དམ་པ་སྐུ་ཉིད་ཀུན་ཀྱང་གསལ། །རིམ་པ་བསྒོམ་པས་རྣམ་པར་གསལ། །སྣང་སྟོང་གཉིས་མེད་རྣམ་པར་དབྱེ། །བསྒྲུབས་པས་ས་ལ་རྣམ་པར་གནས། །རྣམ་པར་ཐོས་པས་འཛིན་པ་གྲོལ། །རྫོགས་པའི་ས་ལ་ཡང་དག་ཕྱིར། །མཐར་ཐུག་འབྲས་བུ་ཆོས་སྐུ་ལས། །སྤྲུལ་སྐུ་རྣམ་གཉིས་འགྲོ་དོན་མཛད། །ལ་ལར་མཛེས་བྱེད་རིན་ཆེན་རྒྱན། །ལ་ལར་གདུག་བྱེད་སྲིན་པོའི་གཟུགས། །ལ་ལར་སྙན་བྱེད་ལྷ་ཡི་གསུང་། །མེ་ཡི་འོད་འདྲ་རྫུ་འཕྲུལ་ཅན། །ཐུགས་རྗེའི་བྱིན་རླབ་སྣ་ཚོགས་འབྱུང་། །སྐུ་ཡི་སྐུ་སྟེ་སྐུ་ཡི་བདག །གསུང་གི་གསུང་སྟེ་གསུང་གི་བདག །ཐུགས་ཀྱི་ཐུགས་ཏེ་ཐུགས་ཀྱི་བདག །ཡོན་ཏན་ཕྲིན་ལས་ཐམས་ཅད་ཀུན། །བྱིན་རླབ་ཆོ་འཕྲུལ་ནམ་མཁའ་འདྲ། །ཅིར་ཡང་འགྱུར་ཞིང་ཅིར་ཡང་སྣང་། །སྣང་བ་ཉིད་ན་དམིགས་དང་བྲལ། །དམིགས་པ་སྣང་བ་བསམ་མི་ཁྱབ། །འདུལ་བའི་དབང་དུ་སྣ་ཚོགས་འབྱུང་། །ཧཱུཾ༷་དང་ཕཊ་ཀྱིས་ཁམས་གསུམ་སྒྲོལ། །ཐུགས་རྗེ་ཆེན་པོའི་བྱིན་བརླབ་ཡིན། །རི་རབ་ཙམ་གྱི་སྐུ་མངའ་ཞིང་། །ཚངས་པ་ལྷ་ཡི་གསུང་དང་ལྡན། །སྤྲུལ་པ་བསམ་གྱིས་མི་ཁྱབ་ཐུགས། །ཡོན་ཏན་ཚད་མེད་རིན་ཆེན་གཏེར། །ཕྲིན་ལས་བྱ་བ་བསམ་མི་ཁྱབ། །ཐུགས་རྗེ་ཆེན་པོའི་བྱིན་རླབས་ཡིན། །བྱིན་རླབས་ཆེན་པོའི་ཆར་ཆེན་འབེབས། ཁུད་དང་ལུང་དང་མན་ངག་དང་། །འབྲེལ་པ་ཡོད་ཕྱིར་རྣམ་པར་འབྱུང་། ཁུད་ནི་མ་ནོར་དོན་རྟོགས་ལྡན། །ལུང་ནི་སྒྲིབ་མེད་རྒྱལ་བའི་གསུང་། །མན་ངག་རྟོགས་པ་གདེང་དང་ལྡན། །ངེས་པར་གཏན་ལ་ཕེབས་པ་ནི། །ཚད་མ་གསུམ་དུ་ཡང་དག་ལྡན། །དེ་ཉིད་བྱིན་བརླབ་ཆེན་པོ་ལས། །ཁམས་གསུམ་དབང་སྡུད་དམ་པ་ཡིན། །ཧཱུཾ༷་ཆེན་ཁྲོ་བོ་བཅུ་པོ་འབྱུང་། །དྲེགས་པ་ཕྱོགས་སྐྱོང་འདུལ་བའི་ལྷ། །ཀུན་ཀྱང་སྲིན་པོའི་ཆ་བྱད་ཅན། གཉེན་པོས་འདུལ་བའི་ཡུམ་མཆོག་དང་། །ཡབ་ཡུམ་སྤྲུལ་པས་གདུལ་བྱ་འདུལ། །གདུལ་བྱ་འདུལ་བྱེད་འདུལ་ཐབས་ཀྱིས། །ལྷ་དྲུག་ཐུགས་ཀྱི་སྤྲུལ་པ་སྟེ། །གཉེན་པོས་འདུལ་བའི་ལྷ་མཆོག་འབྱུང་། །ཉིད་ལ་མི་གཞན་གདུག་པའི་འཁོར། །འདུལ་བའི་ངོ་ལ་ཅིར་ཡང་སྣང་། །དེ་བཞིན་བསམ་གྱིས་མི་ཁྱབ་པས །མ་མོ་མཁའ་འགྲོ་དབང་དུ་འདུ། །འཇིག་རྟེན་ཐམས་ཅད་འདར་ཞིང་འཇིགས། །འུར་འུར་རབ་ཏུ་ཆེ་བའི་སྒྲ། །འཇིགས་པས་ཁམས་གསུམ་དབང་དུ་སྡུད། །ཅེས་རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། གདུག་པ་ཅན་འདུལ་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཡང་དག་དོན་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། དབང་པོ་གསལ་ལ་རྟོག་པ་མེད། །ཡང་དག་དོན་ལ་མཐར་ཕྱིན་པའི། །རིག་འཛིན་པ་དང་བྱང་ཆུབ་སེམས། །དངོས་གྲུབ་མྱུར་ཞིང་ལོངས་སྤྱོད་འཕེལ། །རྡོ་རྗེ་རིགས་ཀྱི་སྒྲུབ་པ་ལ། །བར་ཆད་མེད་ཅིང་བསམ་པ་འགྲུབ། །གང་དུ་སྩོལ་བའི་དོན་རྣམས་འགྲུབ། །རྟེན་པའི་རྫས་ལ་རབ་བརྟེན་ཏེ། །རྫས་ལ་རྣམ་པ་ལྔ་ཉིད་ལས། །རྡོ་རྗེ་རིགས་ཀྱི་རྫས་སུ་བཤད། །སྔོན་མོ་སྐྲ་བཟང་སྐེད་པ་ཕྲ། །སྤྱི་བོ་རིམ་བཞིན་སྟོད་སྨད་སྙོམས། །སྨིན་མཚམས་བར་ཡང་མ་ཆད་པ། །ལག་པ་རྡོ་རྗེའི་རང་བཞིན་ལ། །རྐང་པ་རན་ལ་མཛེས་པ་དང་། །མིག་ཕྲ་མཛེས་ལ་འཁུར་ཤ་སྙོམས། །སོ་ཐགས་དམ་ལ་སྨྲ་བ་སྙན། །སྙན་བདེ་དག་གིས་ངེས་པ་མེད། །སྨྲ་བ་ཉན་ཅིང་སྤྱོད་པ་སྡུག །རིགས་བཙུན་ཉེས་པའི་སྐྱོན་མེད་པ། །ཁོང་ནས་དལ་ཤིང་ཤོང་ཡངས་ཆེ། །འགྲོ་བའི་སྟབས་ཀྱང་ཡིད་དུ་འོང་། །གསལ་ལ་བདེ་ཞིང་རན་པར་འཛིན། །ཡིད་ལ་བསམ་པས་མངོན་དུ་གསལ། །ལྷ་ཡང་མཉེས་ལ་དངོས་གྲུབ་སྟེར། །དེ་ཕྱིར་དངོས་གྲུབ་རྫས་སུ་བཤད། །རྒྱལ་མཚན་རྩེ་ལ་ཕྱར་བ་དང་། ཁེང་གི་རྟ་ལ་བསྐྱོན་པ་དང་། །མཚོན་གྱིས་རྩེ་ལ་བརླབས་པ་དང་། །གསུམ་གྱི་ནད་ཀྱིས་ཤི་བ་དང་། །རྦབ་དང་གློ་བུར་དྲག་པོ་དང་། །འཚལ་དང་རྡིབས་དང་འགགས་པ་དང་། །ལོག་པར་བོ་དང་བུག་པ་དང་། །རྟ་དང་གླང་ཆེན་བཀའ་ཐབ་དང་། །ཕོ་མོའི་འབྲེལ་པས་ཤི་བ་དང་། །རི་དང་རླུད་དང་ས་གཙང་དང་། །གང་བྱུང་རིམ་པའི་རྫས་དེ་དག །བསྒྲུབ་པའི་རྫས་མཆོག་ཡིན་པར་བཤད། །རིམས་དང་སྨྱོ་བའི་ནད་རྣམས་དང་། །འབོག་པ་དྲག་པོས་ཉེས་པ་དང་། །མཛེ་དང་ཤུ་བ་གཡེམ་པ་དང་། །འབྲས་དང་ཕོལ་མིག་རྟག་ཏུ་གནས། །དམོད་པའི་ཁ་ཟུགས་ཉེས་པའི་སྐྱོན། །ཆུ་དང་མེ་ཡི་སྐྱོན་མེད་དང་། །སྐྱོན་དུ་འགྱུར་བའི་རྫས་དེ་དག །མི་བཅངས་རབ་ཏུ་སྤང་བར་བྱ། །སྔོ་ནག་བམ་རུལ་ཧམ་པ་ཅན། །རིགས་མེད་སྤྱོད་པ་ཀུན་ཀྱང་བྱེད། །ཁ་ངན་ཟློས་ཤིང་ལག་ངན་བྱེད། །འཇུར་བས་བཅིངས་ལ་ཤོང་ཡངས་མེད། །ཕྲ་མ་དབྱེན་རྫུན་འགྱུར་བ་མཁན། །གཉིས་ཀྱི་དོན་ལ་འགྱུར་བ་ཆེ། ཁུ།བ་པ་མེད་པ་ཀུན་ལ་འཇུག །སྐྲ་ངན་ཤ་སྔོ་མིག་ཕོར་ཆེ། །མཇིང་པ་ཐུང་ལ་ཤ་རྩུབས་པ། །མཁུར་ཤ་ཆེ་ལ་གཉེར་མ་མང་། །སོ་དཔྲད་ཀོས་ཀོ་ཡུ་བ་ཐུང་། །ནུ་མ་ལྷོང་ལ་རབ་ཏུ་ཆེ། །སྐེད་པ་སྤོམ་ལ་ཆ་མ་ཕྱེད། །མ་ལྷུ་ཐུང་ལ་བུ་ལྷུ་རིང་། །ཚིགས་པ་ཆེ་ལ་དྲེག་པ་ཆགས། །རྐེད་པ་ཕྲ་ལ་རུས་པ་སྤོམ། །མཐེ་བོང་རིང་ཞིང་སེན་མོ་གྱོང་། །མགོ་བོ་ཆེ་ལ་གསུས་པ་འབུར། །རྣ་བས་མི་ཐོས་ལོག་ལ་དགའ། །མིག་ཀྱང་མི་བདེ་རབ་རིབ་ཅན། །ལྕེ་ཡང་མི་བདེ་དིག་པོ་སྨྲ། །གཉའ་བ་དཔུང་མཐོ་མགོ་བོ་དམའ། །རྟིང་པ་སྤོམ་ལ་སོར་མོ་ཕྲ། །བྱིན་པ་སྤོམ་ལ་བརླ་ཤ་ཆུང་། །སྨད་ཕྲ་སྟེང་སྦོམ་ཤན་མ་ཕྱེད། །མཆུ་འཐུག་རྣ་འབྱར་སྣ་ཞིམ་དང་། །མཚོགས་མ་རྡིབ་དང་གྲེ་བ་འཛེར མི་བཅང་རབ་ཏུ་སྤང་བའི་རྫས། །གང་དུ་གནས་པའི་ས་དེ་མྲ །ཚེ་གསུམ་དྲན་བྱེད་ཏིང་འཛིན་གྱིས། །དངོས་གྲུབ་ཆེན་པོ་རྩོལ་བས་བཙལ། །དཔའ་རྟུལ་ཏིང་འཛིན་ལྡན་པ་ཡིས། །སྐོངས་ཤིང་དངོས་གྲུབ་ཡོད་བསམ་ནས། །བཏོན་ནས་གང་ཡིན་མནན་པའི་ཕྱིར། །སེང་ལྡིང་ཕུར་བུ་སོར་བརྒྱད་ནི། །སྟོབས་ཆེན་སྔགས་ཀྱིས་བྱིན་བརླབ་ལ། །ཁྲོ་བོ་བཅུ་ཡི་སྔགས་ཀྱིས་བཏབ། །སར་གདབ་སྟངས་སྟབས་དྲག་པོ་བྱ། །སྟོབས་ཀྱི་ཏིང་འཛིན་ཆེན་པོ་ཡིས། །ཁུར་ཏེ་དངོས་གྲུབ་ཐོབ་བསམ་ནས། །རེ་དང་དོགས་པའི་སེམས་མི་བཅའ། །དུར་ཁྲོད་གནས་ཐུ་སླེབ་པ་དང་། ཁྲར་གྱི་ཕྱོགས་སུ་བཞག་ནས་ནི། །ཏིང་འཛིན་གཞལ་ཡས་ལྷ་བསྐྱེད་ལ། །དག་པའི་ཁྲུས་ཀྱིས་བཀྲུས་བྱས་ནས། །སྟངས་སྟབས་རིམ་པར་སྔགས་ཀྱིས་བྱ། །ལྷ་ལ་བསྟབ་ཅིང་གསོལ་བར་བསམ། །ཐིག་ནི་ལྔ་བ་ལྔ་བཏབ་སྟེ། །སྙིང་ནས་ཡན་ལག་བཞི་རྣམས་དང་། །མགོ་དང་ལྔ་རུ་རྣམ་པར་བཏང་། །རྫས་རྣམས་ལེགས་པར་སྤྲོས་པ་སྟེ། །སྙིང་ལ་དུམ་བུ་ལྔ་རུ་བྱ། །སྤྱི་བོ་གསང་བའི་མིག་དང་སྣ། །དཔྲལ་བ་དཔུང་པ་ལྟེ་བ་སྙིང་། །དཔྱི་དང་རྐང་པ་རིམ་བཞིན་དུ། །ཡན་ལག་བཞི་དང་སྙིང་དང་མགོ། །གློ་བ་མཆིན་པ་མཚེར་པ་དང་། །མཁལ་མ་རིམ་པ་བཞིན་དུ་དགོད། །དམ་རྫས་ཀུན་ལ་བྱས་པའམ། ཁྲ་སྣ་ཀུན་ལ་རྫས་བགོས་ལ། །མཁའ་འགྲོ་ཀུན་ལ་ཡང་དག་དགྲམ། །ཐོད་པ་རངས་པ་ལྔ་དག་དང་། །ཚོམ་བུ་ལྷ་ཡི་གྲངས་དང་མཉམ། །མ་འདྲེས་སོ་སོའི་སྣོད་དུ་གཞག །སྤྱན་དྲངས་སྐོས་ལ་བྱོན་པ་དང་། །སྐོས་གདབ་རིམ་པ་འདི་ལྟ་སྟེ། །དྲན་བྱེད་སྙིང་གི་དམ་རྫས་ནི། །སྲས་མཆོག་ལྔ་ཡི་སྐོས་ཡིན་པས། །མཆོད་པ་དམ་པ་བཞེས་སུ་གསོལ། །སྤྱི་བོའི་ཤ་དང་གསང་བ་དང་། །སྣ་མིག་དཔྲལ་བ་དཔུང་པ་དང་། །ལྟེ་བ་སྙིང་དཔྱི་རྐང་པ་དག །ཁྲོ་བོ་ཡབ་ཡུམ་སྲས་བཅས་རྫས། །མཆོད་པ་དམ་པ་བཞེས་སུ་གསོལ། །གློ་བ་མཆེར་པ་མཆིན་པ་དང་། །མཁལ་མ་ལ་སོགས་དོན་སྙིང་ནི། །གདུག་བྱེད་སྲས་མཆོག་དྲུག་གི་རྫས། །མཆོད་པ་དམ་པ་བཞེས་སུ་གསོལ། །མི་དབང་འབྲས་བུ་ཤ་དག་དང་། །སྲོག་རྩ་ཁྲག་གི་སྦུབས་དག་དང་། །བདེ་བ་ཆེན་པོའི་ཀླད་པ་འདི། །འཁོར་གྱི་མཁའ་འགྲོ་གདུག་པའི་རྫས། །མཆོད་པ་དམ་པ་བཞེས་སུ་གསོལ། །སོ་སོའི་རྫས་རྣམས་སོ་སོར་བསྐོས། །ཐོད་པ་དབང་དང་དྲག་པོ་ལ། །གདན་དང་སྙིང་པོར་བཅས་པ་ཀུན། །བྲི་ཞིང་རབ་གནས་བྱ་བ་དང་། །ཕྱིན་ཆད་བསྒྲུབ་པའི་རྫས་བྱའི་ཕྱིར། ཁུན་དང་རྒྱུ་ཞགས་བཅས་པ་དག །བསྒྲུབ་པའི་རྫས་ཡིན་རབ་ཏུ་སྦ། །དེ་ཕྱིར་སྒྲུབ་པའི་རྫས་ལ་བརྟེན། །དེ་ནི་རྫས་ཀྱི་དམ་པའོ། །ངན་པའི་རྫས་ལ་སྤྱད་པ་དང་། །བརྟེན་པའི་རྫས་སུ་མེད་པ་ནི། །དངོས་གྲུབ་མེད་པ་ཕུར་པའི་རྫས། །དུར་ཁྲོད་མི་རོ་མང་པོ་དང་། །དམར་དང་གནག་པའི་རི་དྭགས་དང་། །བྲག་དང་དམར་ནག་སྤང་བྲག་དབྱིབས། ཁེང་རྩེ་དམར་ནག་སྐྱེས་པའམ། །གྲུ་གསུམ་ཟླ་གམ་སྒོ་ཡོད་པ། །ཕུག་ཀྱང་དེ་འདྲར་གནས་པ་ལ། །བར་སྣང་གྲུ་གསུམ་ཟླ་གམ་དབྱིབས། །ས་ཡང་དེ་བཞིན་ཤེས་པར་བྱ། །མདུན་དུ་ཆུ་འབབ་སྐྱོབས་པའི་རི། །དངོས་གྲུབ་འབྱུང་དང་རིན་ཆེན་དབང་། །འབྱུང་པོ་མ་མོ་སྲིན་པོ་དང་། །རྔམ་པ་ཆེན་པོའི་རྗེས་མེད་པར། །གཉན་རྡོ་མེད་ཅིང་ཚ་དྲག་མེད། །ཟུར་རྡོ་ར་རིའི་བྲག་མེད་པ། །ཟུར་མ་ཟུག་ཅིང་ཡིད་དུ་འོང་། །ཉམས་སུ་བདེ་ཞིང་ཉམ་མི་ང་། །དེ་འདྲ་ཡིད་འོང་གནས་དག་ཏུ། །ས་རིན་བཅལ་ཞིང་ལས་དག་བྱ། །སྟེགས་བུ་འདམ་གང་བརྩིག་ནས་སུ། །དུར་ཁྲོད་སྣ་ཚོགས་རུས་པ་ལ། །ཁྲག་སྣ་ལྔ་ཡིས་ལེགས་པར་བྱུག །དམ་རྫས་ལྔ་ཡིས་ཆག་ཆག་གདབ། །བདེན་པ་སྔགས་ཀྱི་ནུས་པ་དབྱུང་། །དུར་ཁྲོད་ཆེན་པོའི་རྒྱུས་པ་ལ། །མཚན་ལྡན་ཡུམ་གྱིས་བྱིན་བརླབ་ལ། །གཡས་གཡོན་ཐབས་དང་ཤེས་རབ་ལས། །བྱང་ཆུབ་སེམས་ལས་ཡེ་ཤེས་ཀྱིས། །བྱིན་རླབ་ཆེན་པོ་འབྱུང་བར་འགྱུར། །རྣམ་པ་གཉིས་སུ་རབ་ཤེས་བྱ། །ལྔ་ཚན་ལྔ་ཡི་ཚོན་རྣམས་ཀུན། །ཐོད་པ་བརྟན་པའི་རྫས་སུ་བླུག །བྱིན་བརླབ་བྱ་ཞིང་མཆོད་པ་འབུལ། ཁྲུ་གསུམ་ཟླ་གམ་མུ་ཁྱུད་དང་། །རྩིབས་བཞི་རྩིབས་བརྒྱད་རིམ་པ་ལ། །གྲུ་གསུམ་གདན་དང་བཅས་པ་གཏད། །གྲུ་ཆད་བར་ཁྱམས་སྒོ་བཞིར་བཅས། །རྟ་བབས་ཐེམ་སྐས་ཚང་བར་བྲི། །ཉི་ཟླ་པདྨ་སུམ་བརྩེགས་དང་། །རྐྱང་པ་ཞིང་ལྡན་རིམ་པ་གཏད། །ལས་ཀྱི་ལྷ་ཡི་ཏིང་འཛིན་གྱིས། །བར་ཆད་བསལ་བའི་ལས་རྣམས་བྱ། །རྫས་ཀྱི་ཐོད་པར་རངས་པ་ལྔ། །ལྷར་བསྐྱེད་སྤྱན་དྲངས་བསྟིམས་པ་དང་། །སྔགས་དང་བསྟོད་པའི་ལས་རྣམས་བྱ། །ཧུ༷་དབུས་ནས་རང་བྱུང་གྲུབ་པའི་ལྷ། །བཅོམ་ལྡན་བཛྲ་ཀི་ལ་ཡ། །དུར་ཁྲོད་ཆེན་པོའི་གཞལ་ཡས་སུ། །དུག་གསུམ་བསྒྲལ་བའི་གདན་སྟེངས་སུ། །དུ་ཏྲ་བསྣོལ་བའི་གདན་སྟེངས་སུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཀི་ལ་ལ་ཡི་དངོས་གྲུབ་སྩོལ། །ཆོས་ལ་དབང་བའི་དངོས་གྲུབ་སྩོལ། །ཨོ་བཛྲ་ཀི་ལི་ཀི་ལ་ཡ་སརྦ་བིསྣན་བ༷་ཧུ༷་ཕཊ། ས་མ་ཡ་ཏིརྫི་ལྷན། ཧུ༷་ཤར་ནས་རང་བྱུང་གྲུབ་པའི་ལྷ། །བཅོམ་ལྡན་བུརྙ་ཀི་ལ་ཡ། །དུར་ཁྲོད་ཆེན་པོའི་དཀྱིལ་འཁོར་དུ། །དུག་གསུམ་བསྒྲལ་བའི་གནས་ཆེར་འདི༷ ར། །བརྒྱ་བྱིན་བསྣོལ་པའི་གདན་སྟེངས་སུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཀི་ལ་ཡ་ཡི་དངོས་གྲུབ་སྩོལ། །ཆོས་ལ་དབང་བའི་དངོས་གྲུབ་སྩོལ། །ཨཱོཾ་བཛྲ་ཀི་ལི་ཀི་ལ་ཡ་སརྦ་བིསྣན་བ༷་ཧུ༷་ཕཊ། ས་མ་ཡ་ཏིཁྱི་ལྷན། ཧུ༷་ལྷོ་ནས་རང་བྱུང་གྲུབ་པའི་ལྷ། །བཅོམ་ལྡན་རཏྣ་ཀི་ལ་ཡ། །དུར་ཁྲོད་ཆེན་པོའི་གནས་ཆེན་དུ། །དུག་གསུམ་བསྒྲལ་བའི་གཞལ་ཡས་སུ། །གཤིན་རྗེ་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཀི་ལ་ཡ་ཡི་དངོས་གྲུབ་སྩོལ། །ཆོས་ལ་དབང་བའི་དངོས་གྲུབ་སྩོལ། །ཨཱོཾ་བཛྲ་ཀི་ལི་ཀི་ལ་ཡ་སརྦ་བིསྣན་བ༷་ཧུ༷་ཕཊ། ས་མ་ཡ་ཏིཁྱི་ལྷན། ཧུ༷་ནུབ་ནས་རང་བྱུང་གྲུབ་པའི་ལྷ། །བཅོམ་ལྡན་ཀརྨ་ཀི་ལ་མ། །དུར་ཁྲོད་ཆེན་པོའི་དཀྱིལ་འཁོར་་་་་་་འདིར། །དུག་གསུམ་བསྒྲལ་བའི་གནས་ཆེན་༷འདིར། །ཀླུ་བདུད་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཀི་ལ་ཡ་ཡི་དངོས་གྲུབ་སྩོལ། །ཆོས་ལ་དབང་བའི་དངོས་གྲུབ་སྩོལ། །ཨཱོཾ་བཛྲ་ཀི་ལི་ཀི་ལ་ལ་སརྦ་བིསྣྲུན་བ༷་ཧུ༷་ཕཊ། ས་མ་ཡ་ཏིཛི་ལྷན། ཧུ༷་བྱང་ནས་རང་བྱུང་གྲུབ་པའི་ལྷ། །བཅོམ་ལྡན་ཀརྨ་ཀི་ལ་ཡ། །དུར་ཁྲོད་ཆེན་པོའི་དཀྱིལ་འཁོར་དུ། །དུག་གསུམ་བསྒྲལ་བའི་གནས་ཆེ༷ན་དུ། །གནོད་སྦྱིན་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཀི་ལ་ཡ་ཡི་དངོས་གྲུབ་སྩོལ། །ཆོས་ལ་དབང་བའི་དངོས་གྲུབ་སྩོལ། །ཨཱོཾ་བཛྲ་ཀི་ལི་ཀི་ལ་ཡ་སརྦ་བིསྣན་བ༷་ཧུ༷་ཕཊ། ས་མ་ཡ་ཏིཇི་ལྷན། ཧུ༷་སྲིད་པ་ཕུར་བུ་སྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཕྱོགས་བཅུར་དུར་ཁྲོད་གཞལ་ཡས་ནས། །ཁྲོ་རྒྱལ་འཁོར་ཚོགས་བཞུགས་པ་ནི། །དུར་ཁྲོད་ཆེན་པོའི་གཞལ་ཡས་ནས། །དུག་གསུམ་བསྒྲལ་བའི་གནས་ཆེན་འདིར། །ཕྱོགས་སྐྱོང་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཀི་ལ་ཡ་ཡི་དངོས་གྲུབ་སྩོལ། །ཆོས་ལ་དབང་བའི་དངོས་གྲུབ་སྩོལ། །ཨོ་བཛྲ་ཀྲོ་དྷ་ཧུ༷་ཀྭ་ར་ཧུ༷། གརྫ་གརྫ་ཧུ༷་ཕཊ། ཨོ་བཛྲ་ཀྲོ་དྷ་བི་ཛ་ཡ་ཧུ༷། ཧ་ན་ཧ་ན་ཧུ༷་ཕཊ། ཨོ་བཛྲ་ཀྲོ་དྷ་ནི་ལ་དཎྜ་ཧུ༷། ད་ཧ་ད་ཧ་ཧུ༷་ཕཊ། ཨོ་བཛྲ་ཀྲོ་དྷ་ཡ་མྱན་ཏ་ཀ་ཧཱུཾ། པ་ཙ་པ་ཙ་ཧུ༷་ཕཊ། ཨོ་བཛྲ་ཀྲོ་དྷ་ཨུརུ་ཨ་ཙ་ལ་ཧུ༷། བརྙ་བརྙ་ཧུ༷་ཕཊ། །ཨོ་བཛྲ་ཀྲོ་དྷ་ཧ་ཡ་གི་ཝ་ཧུ༷། ཧུ་ལུ་ཧུ་ལུ་ཧུ༷་ཕཊ། ཨོ་བཛྲ་ཀྲོ་དྷ་ཨ་པ་ར་ཛི་ཏ་ཧུ༷། ཏིཇི་ཏིཁྱི་ཧུ༷་ཕཊ། ཨོ་བཛྲ་ཀྲོ་དྷ་ཨ་མྲི་ཏ་ཀུཎྜ་ལི་ཧུ༷། ཚིརྙ་ཚིསྟོ་ཧུ༷་ཕཊ། ཨོ་བཛྲ་ཀྲོ་དྷ་ཏྲི་ལོ་ཀྱ་བི་ཛ་ཡ་ཧུ༷། དྷིརྙ་སྟིནྟྲ་ཧུ༷་ཕཊ། ་་བཛྲ་ཀྲོ་དྷ་མ་ཧྭ་བ་ལ་ཧུ༷། སྤྲོ་ཊ་སྤྲོ་ཊ་ཧུ༷་ཕཊ། ས་མ་ཡ་ཏིཇི་ལྷན། །ཧུ༷་ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབས་འདིར་སྩོལ་ཅིག །ལས་ཀྱི་སྲས་མཆོག་དྲུག་རྣམས་ནི། །དུར་ཁྲོད་ཆེན་པོའི་དཀྱིལ་འཁོར་དུ། །དུག་གསུམ་བསྒྲལ་བའི་གནས་ཆེན་དུ། །ཞིང་བཅུ་བསྒྲལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཀི་ལ་ཡ་ཡི་དངོས་གྲུབ་སྩོལ། །ཆོས་ལ་དབང་བའི་དངོས་གྲུབ་སྩོལ། །ཧ་ས་ར་ན་ཧ་ར་ཧུ༷་ཕཊ། ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། ཤི་སྣྲ༷་འགའཞིཀུཏུཌབྱུང་ཨུ་ན་ཡ་ཧཱུཾ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཏ་ཐུ་ཡ་ཏ་ཐུ་ཡ་ཧུ༷་ཕཊ།བི་ད་ཡ་བི་ད་ཡ་ཧུ༷་ཕཊ། ས་མ་ཡ་ཏིཛི་ལྷན། ཧུ༷་ཐུགས་མཆོག་གསོལ་བའི་བྱིན་བརླབ་ལས། །ཞེ་སྡང་གནས་སུ་འཇོམས་པ་དང་། །མེ་ལོང་ཡེ་ཤེས་འཐོབ་བྱའི་ཕྱིར། །དཀྱིལ་འཁོར་དབུས་སུ་བཞུགས་སུ་གསོལ། །དཀྱིལ་འཁོར་དབུས་སུ་བཞུགས་ནས་ཀྱང་། །ཉོན་མོངས་མུན་པ་བསལ་དུ་གསོལ། །ཙྭ་ན་དི་པ༷་ས་མ་ཡ་ཏིཛི་ལྷན། ཧུ༷་དམ་རྫས་ཀུན་གྱི་བཅུད་ལྡན་པའི། །ཐམས་ཅད་སྡུད་པ་རྫས་ཀྱི་མཆོག །མཁའ་འགྲོ་མ་ཆེན་རྣམ་གསུམ་ཡང་། །དུར་ཁྲོད་ཆེན་པོའི་དཀྱིལ་འཁོར་དང་། དུག་གསུམ་བསྒྲལ་བའི་གནས་ཆེན་དུ། །དམ་རྫས་སྤུངས་པའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང་། །ཀི་ལ་ཡ་ཡི་དངོས་གྲུབ་སྩོལ། །ཆོས་ལ་དབང་བའི་དངོས་གྲུབ་སྩོལ། །ཨ་ཛི་ཏེ་ཨ་པ་ར་ཛི་ཏེ་ཛ་ཡ་ཀ་ཏང་ཀ་ཡེ་ས་མ་ཡ་ཏིཁྱི་ལྷན། མཚན་ལྡན་དངོས་གྲུབ་རྡོ་རྗེ་ཀ་བཱ་ལ། །གསེར་དངུལ་ལུགས་སུ་བཏང་བ་འདྲ། །ལན་གསུམ་གནས་གསུམ་སྤར་བ་དང་། ཁྲར་ཕྱོགས་ནུབ་དང་ལྷོ་ཡང་རབ། །བྱང་དང་ལྷོ་ནུབ་ཤར་ལྷོ་འབྲིང་། །བྱང་ནུབ་བྱང་ཤར་སྟེང་འོག་ཐ། །དངོས་གྲུབ་སྟེར་དང་དབང་ཡང་ཐོབ། །དྲག་པོའི་ལས་ཉིད་ཐོབ་པར་འགྱུར། །ཚེ་རིང་ནད་མེད་ལོངས་སྤྱོད་འཕེལ། །དད་པ་མེད་ཅིང་བསམ་པ་འགྲུབ། །རིག་འཛིན་ས་ལ་རྣམ་པར་འགྲོ། །ཡོན་ཏན་ལྡན་པའི་ཀྭ་པ་ལ། །ཉེས་པ་སྤང་བར་མ་གྱུར་ན། །བར་ཆད་འབྱུང་ཞིང་རྟོག་པ་སྐྱེས། །ལྷ་ཉིད་བདུད་དུ་བབས་པ་དང་། །དོན་མེད་ཕྱལ་བར་འགྲོ་བ་ཡིན། །རེ་བ་སྟོངས་ཤིང་མྱ་ངན་གནོན། །དངོས་གྲུབ་རེ་བའི་ཡི་གེ་ལས། །དངོས་གྲུབ་གནས་པའི་རྟེན་བཤད་དེ། །དགོས་པའི་ལས་རྣམས་དེ་བཞིན་བྱ། །དུར་ཁྲོད་ཆེན་པོའི་གཡང་གཞི་ལ། །ལྷ་ཡི་མཚན་མས་མཚན་ཅིང་དགོད། །ཞགས་པ་ཆེན་པོ་རིམ་དྲུག་ནི། །གཙོ་སྔགས་གདབ་ཅིང་བསྐོར་བར་བྱ། །ཕུར་པ་དར་གྱི་ཅོད་པན་ཅན། །རབ་གནས་བྱ་ཞིང་དགོད་པར་བྱ། །བར་ཆད་བསལ་བའི་ལས་བྱ་ཞིང་། །ནུས་པ་ཅན་དུ་བྱ་བའི་ཕྱིར། །སྔོན་དུ་འགྲོ་བའི་དབང་བསྐུར་བྱ། །ལྷ་ཡི་མཚན་མས་མཚན་པར་བྱ། །ནུས་པ་ལྡན་ཞིང་རབ་བརྟན་ནས། །བརྡ་ཡིས་མཚོན་ཏེ་རྣམ་པར་དབྱེ། །ཕྱག་ནི་ཚུལ་དང་རབ་ཏུ་ལྡན། །སྐབས་དང་མི་མཐུན་གཉན་པོ་བསལ། །འོན་ཀྱང་དངོས་གྲུབ་རེ་བ་སྐོངས། །བསྒྲུབ་པའི་རྫས་ལ་རབ་བརྟན་ཏེ། །ལྷ་རེའི་གྲངས་ཀྱི་སྣང་བ་དགྲམ། ཁྲ་ཁྲག་སྣ་ཚོགས་རབ་བསྟར་ལ། །བར་མ་ཆད་པར་སྙིང་པོ་འདོན། །ཐོད་པ་བླང་དང་སྙིང་པོ་འདོན། ་་་ལེ་ཟློག་དང་ཕུར་ཁ་བསྟན། །ལྷ་ལ་བསྟོད་ཅིང་སྲུང་མ་བསྐུལ། །དུས་དྲུག་མཆོད་པ་དབུལ་བྱ་ཞིང་། །འཇིགས་དང་རེ་བའི་སེམས་མི་འབྱུང་། །ཕུར་པ་འཕར་དང་མཚན་མར་སྟོན། །སྒྲ་སྙན་དྲི་དང་བཅས་པ་འབྱུང་། །ཉམས་དགའ་སྐྱེ་བའི་སེམས་མི་འབྱུང་། །དུས་དུས་ལྷ་རྣམས་གནད་ལ་དབབ། །རྟགས་རྣམས་བྱུང་ན་ལས་རྣམས་བྱ། །དངོས་གྲུབ་རྫས་རྣམས་རབ་ཏུ་སྟེར། །རྡོ་རྗེ་གཞོན་ནུའི་རིག་འཛིན་རྣམས་། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་བུའི་ལྷ། །ཡེ་ཤེས་ཁྲོ་བོ་གྲུབ་པ་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་ཉིད་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབ་འདིར་སྩོལ་ཅིག །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བསྙན་ཆེན་པོའི་དུས་ལ་བབ། ཁྲ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་རྒྱལ་མོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་ཕྲིན་ལས་མྱུར་དུ་མཛོད། །ཧྭ༷་སྐྱེ་མེད་ཆོས་དབྱིངས་དག་པ་ལས། །ཡང་དག་དོན་གྱི་ལྷ་ཡི་སྐུ། །ཐུགས་རྗེ་ཆེན་པོའི་བྱིན་བརླབ་ཡིན། །ཨོ་བཛྲ་ཀི་ལི་ཀི་ལ་ཡ། བྱིན་རླབ་ཆེན་པོ་ཆར་ལྟར་ཕོབ། །ཧུ༷་ཐུགས་རྗེའི་བྱིན་བརླབ་ཅིར་ཡང་སྟོན། ་ར་གྱི་སྲས་མཆོག་གདུག་པ་འདུལ། །ཨོ་བཛྲ་ཀི་ལི་ཀི་ལ་ཡ། བྱིན་རླབ་ཆེན་པོ་ཆར་ལྟར་ཕོབ། །ཧུ༷་ལྷོ་ཡི་སྲས་མཆོག་གདུག་པ་འདུལ། །གྲྭ་བཛྲ་ཀི་ལི་ཀི་ལ་ཡ། །བྱིན་རླབ་ཆེན་པོ་ཆར་ལྟར་ཕོབ། །ཧུ༷་ནུབ་ཀྱི་སྲས་མཆོག་གདུག་པ་འདུལ། །ཨོ་བཛྲ་ཀི་ལི་ཀི་ལ་ཡ། བྱིན་རླབ་ཆེན་པོ་ཆར་ལྟར་ཕོབ། །ཧུ༷་བྱང་གི་སྲས་མཆོག་གདུག་པ་འདུལ། །ཧ་བཛྲ་ཀི་ལི་ཀི་ལ་ཡ། བྱིན་རླབ་ཆེན་པོ་ཆར་ལྟར་ཕོབ། །ཧཱུཾ༷་གདུལ་པ་འདུལ། །ཨོ་བཛྲ་ཀི་ལི་ཀི་ལ་ཡ། བྱིན་རླབ་ཆེན་པོ་ཆར་ལྟར་ཕོབ། ། ཧཱུཾ་འོག་གི་སྲས་མཆོག་གདུག་པ་འདུལ། །ཨོ་བཛྲ་ཀི་ལི་ཀི་ལ་ཡ། བྱིན་རླབ་ཆེན་པོ་ཆར་ལྟར་ཕོབ། །ཧུ༷་ཁྲོ་བོ་ཆེན་པོ་ལས་ཀྱི་མཆོག །ཨོ་བཛྲ་ཀི་ལི་ཀི་ལ་ཡ། བྱིན་རླབ་ཆེན་པོ་ཆར་ལྟར་ཕོབ། །ཧུ༷་ལྷ་རྣམས་གནད་ལ་དབབ་པ་དང་། །བསྐྱེད་དང་སྤྱན་དྲང་བསྟིམ་པ་དང་། །སྒོ་བ་བསྐྱེད་པའི་ལས་རྣམས་བྱ། །མཆོད་པ་སྔགས་དང་བསྟོད་པ་དང་། །སྐུ་གསུང་ཐུགས་ཀྱི་དངོས་གྲུབ་བླང་། །རིམ་པ་བཞིན་དུ་ཡང་དག་བསྟན། །ཕྲིན་ལས་ཕུར་པའི་དངོས་གྲུབ་དང་། །གང་ཡིན་ཉིད་ལ་གདབ་པ་དང་། །བརྟེན་པའི་རྫས་དེ་ཁ་ཕྱེ་ལ། །ཧཱུཾ༷་བཅོམ་ལྡན་དཔལ་ཆེན་རྡོ་རྗེ་གཤོན་ནུ་དང་། །ཡུམ་ཆེན་འཁོར་ལོ་རྒྱས་འདེབས་མ། །དངོས་གྲུབ་སྩོལ་བའི་དུས་ལ་བབ། །སྐྱ་རེངས་དང་པོ་དངོས་གྲུབ་དུས་ལ་བབ། །ཀི་ལ་ཡ་ཡི་བྲོ་བརྡུང་བས། །དངོས་གྲུབ་སྩོལ་བའི་དུས་ལ་བབ། །དབང་བསྐུར་དམ་པ་སྒྲུབ་པའི་མཆོག །རིམ་པ་བཞིན་དུ་དེ་ཤེས་བྱ། །ཞལ་ཟས་དབང་དར་ཐོད་པ་དང་། །ཀུན་ཀྱང་རིམ་པ་གཉིས་སུ་བསྟན། །རྡོ་རྗེ་ཚེ་ཡི་དབང་བསྐུར་བས། །རྟོགས་པ་ཡེ་ཤེས་མེ་རུ་འབར། །ཧུ༷་ཡེ་ཤེས་སྐུ་ཡི་སྤྲུལ་པ་སྟེ། །རྫུ་འཕྲུལ་སྟོན་ཅིང་བཀའ་ཉན་པའི། །དཔའ་རྟུལ་སྟག་གི་མགོ་ཅན་ལ། །མི་མོ་སྟག་གི་མགོ་ཅན་ཤོན། །བང་ནི་རླུད་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་བུ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང་། །སྲིད་གསུམ་ཟིལ་གྱིས་གནོན་པ་དང་། །སྒྲུབ་ལ་བར་ཆད་བྱེད་པ་རྣམས། །ཐལ་བ་བཞིན་དུ་རྡུལ་དུ་རློགས། །ཧུ༷་ཡེ་ཤེས་ཐུགས་ཀྱི་སྤྲུལ་པ་གཅིག །སྟོབས་ཀྱི་རྒྱལ་པོ་སེང་གེ་ལ། །མི་མོ་སེང་གེའི་མགོ་ཅན་ཤོན། །བང་ནི་རླུད་གིས་བསྐྱོད་དུ་མེད། །སྐད་ནི་ཁམས་གསུམ་ཁྱབ་པར་སྒྲོགས། །ལག་པ་གཡས་ན་ཕུར་པ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང་། །སྲིད་གསུམ་ཟིལ་གྱིས་གནོན་པ་དང་། །སྒྲུབ་ལ་བར་ཆད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློགས། །ཧུ༷་ཡེ་ཤེས་ཐུགས་ཀྱི་སྤྲུལ་པ་གཅིག །དྲན་བྱེད་མཁའ་ལྡིང་ཕོ་རོག་ལ། །མི་མོ་ཕོ་རོག་མགོ་ཅན་ཤོན། །བང་ནི་རླུད་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་པ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང་། །སྲིད་གསུམ་ཟིལ་གྱིས་གནོན་པ་དང་། །སྒྲུབ་ལ་བར་ཆད་བྱེད་པའི་བགེགས། །ཐལཔབཞིནདུརྡུལདུརློགས། །ཧུ༷་ཡེ་ཤེས་ཐུགས་ཀྱི་སྤྲུལ་པ་གཅིག །རྫི་གནོན་གཡག་གི་མགོ་ཅན་ལ། །མི་མོ་གཡག་གི་མགོ་ཅན་ཞོན། །བང་ནི་རླུད་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་བུ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། ཁམས་གསུམ་དབང་དུ་བསྡུ་བ་དང་། །སྲིད་གསུམ་ཟིལ་གྱིས་གནོན་པ་དང་། །སྒྲུབ་ལ་བར་ཆད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློགས། །ཧུ༷་ཡེ་ཤེས་ཐབས་ཀྱི་སྤྲུལ་པ་གཅིག །གསོད་བྱེད་ཆེན་མོ་དྲེད་མོ་་ལ། །མི་མོ་དྲེད་མོའི་མགོ་ཅན་ཤོན། །བང་ནི་རླུད་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་བུ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། ཁམས་གསུམ་དབང་དུ་བསྡུ་བ་དང་། །སྲིད་གསུམ་ཟིལ་གྱིས་གནོན་པ་དང་། །སྒྲུབ་ལ་བར་ཆད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློགས། །ཧུ༷་ཡེ་ཤེས་ཐུགས་ཀྱི་སྤྲུལ་པ་གཅིག །གྲིམ་བྱེད་ཆེན་མོ་གཟིག་མོ་ལ། །མི་མོ་གཟིག་གི་མགོ་ཅན་ཤོན། །བང་ནི་རླུད་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་བུ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་བྱེད་པའི་བགེགས། །ཚངས་པ་ཆེན་པོའི་སྤྲུལ་པ་སྟེ། །མེ་འོད་ཀུན་གྱི་བདག་པོ་ཡིས། །ཟློག་བྱེད་དྲེད་ཀྱི་ཏིང་འཛིན་དང་། །སྒྲུབ་པ་རྫས་ཀྱི་དམ་པ་ཡིས ཐོ་རངས་བར་ཆད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློགས། །ཧུ༷་གདུག་བྱེད་གནོད་པའི་བར་ཆད་རྣམས། །དུས་མ་ཡིན་པར་འབྱུང་བར་བྱེད། །ཏིང་འཛིན་མི་གསལ་དྲན་པ་ཉམས། །ཟློག་བྱེད་གཟིག་གི་ཏིང་འཛིན་གྱིས། །ཐལ་བ་བཞིན་དུ་རྡུལ་དུ་རློགས། །ཉམས་པའི་འོད་དང་བདུད་ཀྱི་འོད། །ཐེའུ་རང་འོད་དང་རྟགས་ཀྱི་འོད། །རྟགས་ཀྱི་དྲི་དང་ཐེའུ་རང་དྲི། །བདུད་ཀྱི་ཉམས་དང་དངོས་གྲུབ་ཉམས། །སྤར་ཤང་དྲི་དང་རྫས་ཀྱི་དྲི། །བར་ཆད་འོད་དང་མ་མོའི་རྟགས། །བཙན་གྱི་སྒྲ་དང་རིག་འཛིན་གསུང་། །ཐམས་ཅད་དུས་དང་ཉམས་དགའ་དང་། །རྡོ་རྗེ་ཁ་ཊ༷་རྔེའུ་ཆུང་དང་། ་་་དཀར་ཕུར་བུ་ཞིང་ལྤགས་དང་། །གུ་གུལ་དུད་པ་བཏང་བས་འབྱུང་། །རབ་རིབ་མེད་པར་རབ་ཤེས་ན། །དེ་ཉིད་ཡེ་ཤེས་ལྷ་ཡི་རྟགས། །གསལ་ལ་རྟོག་མེད་ཉམ་མི་ང་ རབ་རིབ་མི་བརྟན་འགྱུར་བ་ཅན། །རྟགས་མིན་དངོས་གྲུབ་བར་ཆད་བྱེད། །དེ་ཉིད་བཟློག་པར་རབ་ཤེས་བྱ། །ཡང་ན་ཏིང་འཛིན་ཆེན་པོ་དྲུག །གཙོ་བོའི་ཏིང་འཛིན་ཆེན་པོ་དང་། །མཚམས་དང་སྲས་མཆོག་དྲུག་རྣམས་ཀྱི། །སྔགས་དང་ཚིག་དང་ཕུར་པ་ཡིས། །དུས་རྣམས་ཀུན་ཏུ་བཟློག་པར་བྱ། ཡང་ན་སྲས་མཆོག་དྲུག་རྣམས་ཀྱིས། །རིམ་པ་བཞིན་དུ་ཡང་དག་བཟློག །ཡང་ན་ཁྲོ་བོ་ཆེན་པོ་བཅུས། །ཐམས་ཅད་ཀུན་ཏུ་བཟློག་པར་བྱ། །ཨོ་སྐུ་གསུམ་ཡོན་ཏན་རྫོགས་པའི་སྔགས། །ཕར་འཕྲོས་ལྷ་རྣམས་ཐུགས་དམ་བསྐུལ། །ཚུར་འདུས་ཅི་བསམ་ཚུལ་བཞིན་སྒྲུབ། །ཡེ་ཤེས་ལྷ་ལ་མཆོད་པ་འབུལ། །དམ་ཅན་རྒྱ་མཚོའི་ཐུགས་དམ་བསྐུལ། །བདུད་དང་སྲིན་པོ་རྡུལ་དུ་རློགས། བྱིན་རླབ་ཆེན་པོ་ཆར་ལྟར་འབེབས། །སྔགས་ཀྱི་འབྲུ་ནི་ལྷ་ཡིན་ཏེ། །སྔགས་ཀྱི་བཟླས་པ་ཡིད་འོང་གནས། །ལྷ་རྣམས་གསལ་ལ་རྟོག་པ་མེད། །ཉོན་མོངས་དྲི་མ་ཀུན་ཀྱང་འཇོམས། །འཁོར་བའི་རྒྱ་མཚོ་གཏིང་ནས་སྐེམས། །དབང་དང་དངོས་གྲུབ་ཚུལ་བཞིན་སྩོལ། །འབྲུ་དགུ་སྔགས་ཀྱི་བྱིན་བརླབ་ལས། །ལྟ་ལ་བསྟོད་ཅིང་ཐུགས་དམ་བསྐུལ། །རྟོགས་པའི་དོན་གྱི་ཆོས་སྐུ་ཐོབ། །ཉོན་མོངས་རྒྱུད་སྦྱོང་ལོངས་སྐུ་ཐོབ། །ཅིར་ཡང་འདུལ་བ་སྤྲུལ་སྐུ་ཐོབ། །ཐམས་ཅད་ལྷ་ཡི་ངོ་བོར་གསལ། །ཧུ༷་གདུག་པ་འདུལ་བའི་ལྷ་ནི་ཅིར་ཡང་སྟོན། །རྔམ་པ་ཆེན་པོས་ཐམས་ཅད་འདུལ་བའི་ལྷ། ཁམས་གསུམ་དབང་སྡུད་བདུད་ཀྱི་རྒྱལ་པོ་འཇོམས། །རྡོ་རྗེ་གཤོན་ནུའི་སྐུ་ལ་ཕྱག་འཚལ་བསྟོད། །ཧུ༷་ཡབ་ལ་དགྱེས་ཤིང་རྒྱལ་བའི་ཐུགས་དམ་སྐོངས། །ཐབས་དང་ཤེས་རབ་གཉིས་སུ་མེད་པའི་ཡུམ། །ཉོན་མོངས་ཆགས་པ་རབ་ཏུ་སྦྱོང་མཛད་པ། །འཁོར་ལོ་རྒྱས་འདེབས་སྐུ་ལ་ཕྱག་འཚལ་བསྟོད། །ཧུ༷་ཚངས་པ་འདུལ་བའི་ལྷ་ནི་སྐུ་མདོག་མཐིང་། །འདུལ་བའི་དབང་དུ་ཡབ་ཡུབ་སྲས་འཁོར་བཅས། །རྔམ་པ་ཆེན་པོ་ཉི་ཟླ་འདུལ་མཛད་པ། །ཚངས་པ་འདུལ་དུ་ཡབ་ཡུམ་སྲས་དང་བཅས། །རྔམ་པ་ཆེན་པོ་གདུག་པ་འདུལ་བའི་ལྷ། །ས་བདག་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་རྫུ་འཕྲུལ་འཕྲོག་བྱེད་ལྷ་ནི་སྐུ་མདོག་མཐིང་། །འདུལ་བའི་དབང་དུ་རང་རྟགས་གུ་གུལ་བསྣམས། །མཐུ་འཕྲོག་ཕྲིན་ལས་མཐའ་རུ་དབྱུང་བའི་ཕྱིར། །མཐུ་རྣམས་འཕྲོག་པའི་ལྷ་ཆེན་ཁྱོད་ལ་ཕྱག་འཚལ་བསྟོད། །ཧུ༷་འགུགས་བྱེད་ཆེན་པོའི་ལྷ་ནི་སྐུ་མདོག་དཀར། །འདུལ་བའི་དབང་དུ་རང་རྟགས་ལྕགས་ཀྱུ་བསྣམས། །འགུགས་པའི་ཕྲིན་ལས་མཐའ་རུ་དབྱུང་བའི་ཕྱིར། །མཐུ་རྣམས་འཕྲོག་པའི་ལྷ་ཆེན་ཁྱོད་ལ་ཕྱག་འཚལ་བསྟོད། །ཧུ༷་འཆི་བྱེད་ཆེན་པོའི་ལྷ་ནི་སྐུ་མདོག་སྔོ། །འདུལ་བའི་དབང་དུ་རང་རྟགས་ཞགས་པ་བསྣམས། །འཆིང་བའི་ཕྲིན་ལས་མཐའ་རུ་དབྱུང་བའི་ཕྱིར། །འཆིང་བྱེད་ལྷ་ཆེན་ཁྱེད་ལ་ཕྱག་འཚལ་བསྟོད། །ཧུ༷་སྨྱོ་བྱེད་ཆེན་པོའི་ལྷ་ནི་སྐུ་མདོག་དམར། །འདུལ་བའི་དབང་དུ་རང་རྟགས་དྲུག་རྣམས་བསྣམས། །སྨྱོ་བའི་ཕྲིན་ལས་མཐའ་རུ་དབྱུང་བའི་ཕྱིར། །སྨྱོ་བྱེད་ལྷ་ཆེན་ཁྱོད་ལ་ཕྱག་འཚལ་བསྟོད། །ཧུ༷་སྒྲོལ་བྱེད་ཆེན་མོའི་ལྷ་ནི་སྐུ་མདོག་ནག་པོ་སྟེ། །འདུལ་བའི་དབང་དུ་རང་རྟགས་ཐོ་བ་བསྣམས། །སྒྲོལ་བའི་ཕྲིན་ལས་མཐའ་རུ་དབྱུང་བའི་ཕྱིར། །སྒྲོལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །ཧུ༷་སྟོབས་པའི་ལྷ་ནི་སྐུ་མདོག་ལྗང་སྔོན་ཏེ། །འབུལ་བའི་དབང་དུ་རང་རྟགས་གཟས་པ་བསྣམས། །སྟོབས་པའི་ཕྲིན་ལས་མཐའ་རུ་དབྱུང་བའི་ཕྱིར། །སྟོབས་པའི་ལྷ་ཆེན་ཁྱོད་ལ་ཕྱག་འཚལ་བསྟོད། །ཧུ༷་ཡེ་ཤེས་ལས་ལ་གྲུབ་པའི་དབང་ཕྱུག་མ། ་་ཁྲག་དམར་ལ་དད་ཅིང་དམ་ལ་རུབ། །གང་དུ་མངགས་པའི་ལས་རྣམས་སྒྲུབ་པར་བྱེད། །ལས་རྣམས་ཀུན་གྱི་བདག་མོའི་དུས་ལ་བབ། །འཇིག་རྟེན་ཁམས་ཀུན་མ་ལུས་ཁྱབ་པའི་བྱ་མ་རྟ། །བདུད་དང་སྲིན་པོ་རབ་ཏུ་འདར་བྱེད་མ། །གང་ལྟར་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་བརྒྱ་བྱིན་འདུལ་བའི་ལྷ་ནི་སྐུ་མདོག་དཀར། །འདུལ་བའི་དབང་དུ་ཡབ་ཡུམ་སྲས་དང་བཅས། །རྔམ་པ་ཆེན་པོ་དྲི་ཟ་འདུལ་བའི་ལྷ། །བརྒྱ་བྱིན་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་དྲང་སྲོང་འདུལ་བའི་ལྷ་ནི་སྐུ་མདོག་སྔོ། །འདུལ་བའི་དབང་དུ་ཡབ་ཡུམ་སྲས་དང་བཅས། །དྲང་སྲོང་འདུལ་བའི་ལྷ་ལ་ཕྱག་འཚལ་བསྟོད། །ཏཱ༷་གཤིན་རྗེ་འདུལ་བའི་ལྷ་ནི་སྐུ་མདོག་སྔོ། །འདུལ་བའི་དབང་དུ་ཡབ་ཡུམ་སྲས་དང་བཅས། །རྔམ་པ་ཆེན་པོ་གཤིན་རྗེ་འདུལ་བའི་ལྷ། །གཤིན་རྗེ་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་སྲིན་པོ་འདུལ་བའི་ལྷ་ནི་སྐུ་མདོག་ལྗང་། །འདུལ་བའི་དབང་དུ་ཡབ་ཡུམ་སྲས་དང་བཅས། །རྔམ་པ་ཆེན་པོ་སྲིན་པོ་འདུལ་བའི་ལྷ། །སྲིན་པོ་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་ཀླུ་བདུད་འདུལ་བའི་ལྷ་ནི་སྐུ་མདོག་དམར། །འདུལ་བའི་དབང་དུ་ཡབ་ཡུམ་སྲས་དང་བཅས། །རྔམ་པ་ཆེན་པོ་ཡ་བདུད་འདུལ་བའི་ལྷ། །ཀླུ་བདུད་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་རླུང་ལྷ་འདུལ་བའི་ལྷ་ནི་སྐུ་མདོག་དམར་སྐྱ་ཅན། །འདུལ་བའི་དབང་དུ་ཡབ་ཡུམ་སྲས་དང་བཅས། །རྔམ་པ་ཆེན་པོ་འབྱུང་པོ་འདུལ་བའི་ལྷ། །རླུད་ལྷ་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་གནོད་སྦྱིན་འདུལ་བའི་ལྷ་ནི་སྐུ་མདོག་ལྗང་ནག་ལ། །འདུལ་བའི་དབང་དུ་ཡབ་ཡུམ་སྲས་དང་བཅས། །རྔམ་པ་ཆེན་པོ་ནོར་སྲུང་འདུལ་བའི་ལྷ། །གནོད་སྦྱིན་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་དབང་ལྡན་འདུལ་བའི་ལྷ་ནི་སྐུ་མདོག་ལྗང་སེར་ལ། །འདུལ་བའི་དབང་དུ་ཡབ་ཡུམ་སྲས་དང་བཅས། །རྔམ་པ་ཆེན་པོ་བགེགས་རྣམས་འཆིང་བའི་ལྷ། །དབང་ལྡན་འདུལ་བའི་ལྷ་ལ་ཕྱག་འཚལ་བསྟོད། །ཧུ༷་ས་བདག་འདུལ་བའི་ལྷ་ནི་སྐུ་མདོག་དུད་ཁ་ལ། །འདུལ་བའི་དབང་ལ་རྦད་པ་དེ་བཞིན་ལས་བྱེད་མ། །བསྟན་པ་རྒྱས་པར་མཛད་པའི་རྒྱལ་མོ་ཐུགས་དམ་དུས་ལ་བབ། །བྲན་དང་ཕོ་ཉ་ལས་རྣམས་འགྲུབ་བྱེད་མའི། །བསྟན་པ་སྲུང་བའི་ལས་ལ་བརྩོན་པའོ། །འཇིག་རྟེན་དབང་དུ་སྡུད་པའི་མཐུ་མོ་ཆེ། །ས་བདག་འཁོར་ཚོགས་ཐུགས་དམ་དུས་ལ་བབ། །ཧུ༷་ཡང་དག་དོན་ལས་སྐུ་ནི་ཅིར་ཡང་སྣང་། །བདུད་དང་སྲིན་པོའི་ང་རྒྱལ་མ་ཡིན་ཏེ། །འདུལ་བའི་དབང་དུ་རབ་རྔམ་མཆེ་བ་གཙིགས། །ཧུ༷་དང་ཕཊ་ཀྱི་སྒྲས་ནི་ཀུན་ཀྱང་བཀང། །ཉོན་མོངས་གདུག་པ་འདུལ་བའི་ཐུགས་རྗེ་ཡིས། །བྱམས་མགོན་རྔམ་པའི་ལྷ་ལ་དངོས་གྲུབ་ནོད། །དཀྱིལ་འཁོར་འདི་ལ་བྱིན་ཅིག་ཕོབ། །བྱིན་རླབ་སྟེར་བའི་ལྷ་ལ་ཕྱག་འཚལ་བསྟོད། །འབྱོར་པ་ཅན་དང་རབ་ཚོགས་ནས། །ཅི་ལ་ཐོགས་མེད་སེར་སྣ་སྤངས། །སྤངས་པ་ཅན་དུ་གྱུར་པ་ན། །རྩོལ་བས་རབ་ཏུ་འབྱོར་བས་ནི། །ལྷ་དང་ལྷ་ཡི་རང་བཞིན་ལས། །རིམ་པ་བཞིན་དུ་ཡང་དག་སྦྱར། །དུག་གསུམ་རྩད་བཅད་རྫས་གསུམ་གྱིས། །འབར་བ་མེ་ལ་མཆོད་བྱ་སྟེ། །དུར་ཁྲོད་ཤིང་ལ་མེ་སྦར་ཏེ། །བཀུག་ཅིང་བསྟིམ་སྟེ་བསྟབ་པའི་རྫས། །དུམ་བུ་ཉིད་དུ་རབ་གཏུབས་ལ། །རྩེ་ལྔ་འབར་བའི་མཐིལ་དུ་བླུག །ཧུ༷་འབྱུང་པོའི་ཤ་ནི་ཟན་བས་ཞིམ། །གཏི་མུག་མཆོད་པ་བླ་ན་མེད། །བླ་མེད་མཆོད་པ་འདི་འབུལ་གྱི། །སྐུ་ཡི་དངོས་གྲུབ་སྩལ་དུ་གསོལ། །འབྱུང་པོའི་ཁྲག་ནི་ཆང་བས་ཞིམ། །འདོད་ཆགས་མཆོད་པ་བླ་ན་མེད། །བླ་མེད་མཆོད་པ་འདི་འབུལ་གྱི། །གསུང་གི་དངོས་གྲུབ་སྩལ་དུ་གསོལ། །འབྱུང་པོའི་ལྷ་རྐང་མར་བས་ཞིམ། །ཞེ་སྡང་མཆོད་པ་བླ་ན་མེད། །བླ་མེད་མཆོད་པ་འདི་འབུལ་གྱི། །ཐུགས་ཀྱི་དངོས་གྲུབ་སྩལ་དུ་གསོལ། །དུག་གསུམ་མཆོད་པ་བླ་ན་མེད། །བླ་མེད་མཆོད་པ་འདི་འབུལ་གྱི། །སྐུ་གསུང་ཐུགས་ཀྱི་དངོས་གྲུབ་སྩོལ། །ཧུ༷་མེ་ཡི་རྒྱལ་པོ་ཁྲོ་བོའི་སྐུ། །འུར་འུར་ཆེམ་༄༅ ཆེམ་འབར་བའི་འོད། ཁམས་གསུམ་འཁོར་བ་གཞོམ་པ་དང་། །ཉོན་མོངས་ལོག་ལྟ་བསྲེག་པའི་ཕྱིར། །ཡེ་ཤེས་མེ་ཆེན་འབར་བ་ཡིས། །འཁོར་བའི་བག་ཆགས་བསྲེག་པ་དང་། །དངོས་གྲུབ་འཚེ་བའི་གདུག་པ་ཅན། །ཁྲོ་རྒྱལ་འབར་བའི་མེ་ལ་བསྲེག །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རྫས་སྒྲུབ་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་རྫས་ཐམས་ཅད་བསྒྲུབ་པར་གནས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། །རྫས་རྣམས་བསྒྲུབས་ནས་རབ་ཏུ་བཅངས། །གང་ལ་ཐོབ་པ་དེ་བཞིན་ཏེ། །དེ་ནི་འགྲུབ་པར་གདོན་མི་ཟ། །མཚན་དང་ལྡན་པའི་དུར་ཁྲོད་དུ། །མཎྜལ་ཐིག་དང་དཀྱིལ་འཁོར་བྲི། །གྲུ་གསུམ་ཟླ་གམ་འཁོར་ལོ་བྲི། ཁུ་ཆད་བར་ཁྱམས་སྒོ་དང་ལྡན། །ལས་རྣམས་མ་ལུས་ཀུན་བྱ་སྟེ། །བར་ཆད་བསལ་ལ་རྫས་རྣམས་དགོད། །ལྷ་ལྔ་རྫས་དང་མར་མེ་དང་། །སྟེང་འོག་རྫས་རྣམས་དེ་བཞིན་དགྲམ། །རིམ་པར་བྱ་བ་གང་ཡིན་པའི། །ཏིང་འཛིན་རབ་ཏུ་གསལ་བར་བྱ། །ལྷ་ལྔ་སྤྱན་དྲངས་མཆོད་པ་དང་། །བསྟོད་དང་འཛབས་སྙེན་ལས་རྣམས་བྱ། །རིགས་ལྔ་ཁྲག་འཐུང་བསྒྲུབ་པ་སྟེ། །བར་ཆད་བསལ་ཞིང་མཚན་མ་བརྟག །སྒྲུབ་པ་ཆེན་པོའི་ལས་ཀྱི་མཆོག །དུས་རྣམས་ཀུན་ཏུ་བར་མི་གཅད། །ལྷ་ལ་མཆོད་ཅིང་མཁའ་འགྲོ་བསྐུལ། །མི་འགྱུར་མཚན་མ་བྱུང་བ་དང་། །དངོས་གྲུབ་ཆེན་པོའི་ལྷ་ལྔ་ལ། །རིམ་པར་བླང་ཞིང་དབང་བསྐུར་བྱ། །རིམ་པར་དོན་དང་ལྡན་པར་བྱ། །ཐམས་ཅད་ཀུན་ལ་རྣམ་པར་གཡེངས། །དོན་དང་ལྡན་པའི་དུར་ཁྲོད་དུ། །མཎྜལ་བྱ་ཞིང་དཀྱིལ་འཁོར་བྲི། །བསྲུང་བའི་རིམ་པ་མ་ལུས་བྱ། །ཐོད་པ་མཚན་ལྡན་རངས་པོ་ལ། །གཙོ་བོ་ཡབ་ཡུམ་སྔགས་བྲིས་ལ། །སྙིང་དང་བཅས་པ་དབུས་སུ་དགོད། །ཕྱི་མའི་རྫས་རྣམས་རིམ་པས་ཏེ། །མར་མེ་ཡེ་ཤེས་གཅིག་ཏུ་འདུས། །དངོས་གྲུབ་མཚན་ལྡན་ཀ་བཱ་ལར། །ཡབ་ཡུམ་སྔགས་རྣམས་བྲིས་ནས་ནི། །གང་ཡིན་གནས་སུ་དགོད་པར་བྱ། །སྐུ་གསུང་ཐུགས་ཀྱི་དབང་ཡང་དགོད། །ནུས་པའི་དབང་ཡང་སྔོན་དུ་བསྐུར། །ཏིང་འཛིན་རིམ་པ་གྲངས་མང་ཡང་ ཐམས་ཅད་འདུས་པའི་ཡབ་ཡུམ་བསྒོམ། །སྤྱན་དྲངས་རིམ་པ་དེ་བཞིན་དུ། །ལས་ཉིད་གྲུབ་པའི་སྙིང་པོར་འདུས། །བྱ་བ་ཐམས་ཅད་ཡོངས་སུ་སྦྱར། །ཆོས་དབྱིངས་ནམ་མཁའི་ངོ་བོ་ལས། །ཅིར་ཡང་སྣང་བ་ལྷ་ཡི་སྐུ། །གསལ་བ་ཉིད་ལ་བསམ་དུ་མེད། །ཐམས་ཅད་རང་རིག་བྱང་ཆུབ་སེམས། །དཀྱིལ་འཁོར་དབུས་སུ་བཞུགས་སུ་གསོལ། །ཧུ༷་མེ་ལོང་ཡེ་ཤེས་བྱིན་བརླབ་ལས། །རང་རིག་ཡེ་ཤེས་མེ་བོ་ཆེ། །མ་རིག་མུན་པ་བསལ་དུ་མེད། །ཐམས་ཅད་རང་བྱུང་ཡེ་ཤེས་མེ། །དཀྱིལ་འཁོར་དབུས་སུ་བཞུགས་སུ་གསོལ། །ཧུ༷་སྟོང་གསུམ་ཐམས་ཅད་གཞལ་ཡས་ཁང་། །སྐྱེ་བ་མེད་པར་ཡེ་ནས་གྲུབ། །འཛིན་པ་མེད་པར་རང་བཞིན་གྲོལ། །དཀྱིལ་འཁོར་རྒྱན་དུ་དགྲམ་པར་བྱ། །ཧུ༷་འཁོར་བ་མ་སྤངས་ལྷུན་གྱིས་གྲུབ། །སྤངས་ན་བྱང་ཆུབ་སེམས་ཉིད་སྤངས། །ཐམས་ཅད་རང་རིག་བྱང་ཆུབ་སེམས། །རྫས་ཀྱང་དེ་བཞིན་རྟོགས་པའི་ངང་། །དཀྱིལ་འཁོར་རྒྱན་དུ་དགྲམ་པར་བྱ། །ཧུ༷་ཐམས་ཅད་ཐིག་ལེ་ཡེ་བརྡལ་ལས། །རེ་དང་དོགས་པའི་སེམས་སྤངས་ལ། །རྟེན་ཡང་ཡེ་བརྡལ་ཀ་བཱ་ལར། །དུར་ཁྲོད་རྫས་སུ་བཞག་ནས་ཀྱང་། །དཀྱིལ་འཁོར་དབུས་སུ་བཞུགས་སུ་གསོལ། །ཧུ༷་ཆོས་དབྱིངས་གསལ་ལ་རྟོག་པ་མེད། །ཉེས་པས་མ་བསྒྲིབས་གསལ་བའི་འོད། །ཏིང་འཛིན་ཆེན་པོའི་བྱིན་བརླབ་ལས། །རང་བཞིན་ལྷུན་གྱིས་གྲུབ་པའི་དབྱིངས། །ཧུ༷་ཆོས་དབྱིངས་ནམ་མཁའི་རང་བཞིན་ལ། །རོལ་པས་འབྱུང་ལྔར་ལྷུན་གྱིས་གྲུབ། །གྲུབ་ཀྱང་རོལ་པ་འཛིན་པ་བྲལ། །རྟེན་དུ་འགྱུར་བས་རྣམ་པར་གསལ། །ཧུ༷་དུར་ཁྲོད་ཆེན་པོའི་གཞལ་ཡས་ཁང་། །རང་བྱུང་ཡེ་ཤེས་བཞུགས་གནས་སུ། །མ་བསྒྲིབས་གསལ་བའི་འོད་པོ་ཆེ། །རིག་པ་རང་ཤར་གཞལ་ཡས་སུ། །ཐིག་ལེ་ཅིར་ཡང་སྣང་བ་ཤར། །ཧུ༷་རང་བྱུང་ཡེ་ཤེས་གསལ་བའི་འོད། །རོལ་པ་བསམ་མེད་བརྗོད་ལས་འདས། །ལྷ་ཉིད་གསལ་ལ་གཞི་རྩ་བྲལ། །བདེ་བ་ཆེན་པོའི་ཀློང་ན་བཞུགས། །ཧུ༷་ཆོས་སྐུ་ཉག་གཅིག་གཉིས་སུ་མེད། །ཅིར་ཡང་སྣང་བས་བསམ་མི་ཁྱབ། །གང་དུ་གནས་པའི་དེ་བཞིན་ཉིད། །རང་བྱུང་ཆེན་པོའི་དབྱིངས་ན་གཡོས། །ཧུ༷་གསལ་ལ་རྟོག་མེད་ཡེ་ཤེས་ཏེ། །ཡེ་ཤེས་ཆེན་པོ་ཕྱག་རྒྱ་ཆེ། །རྣམ་པར་གྲོལ་ཅིང་དམིགས་དང་བྲལ། །ཆོས་དབྱིངས་དག་པའི་ཕྱག་རྒྱ་འབྱུང་། །ཐིག་ལེ་བྱང་ཆུབ་སེམས་ཉིད་ལས། །ཐམས་ཅད་དངོས་གྲུབ་ཆེན་པོ་ཡིན། །ཆོས་དབྱིངས་ནོར་བུ་རིན་པོ་ཆེ། །ཟད་པ་མེད་པར་ཐམས་ཅད་འབྱུང་། །སྐུ་དང་ཡེ་ཤེས་བསམ་མི་ཁྱབ། །ཉོན་མོངས་གདུང་བ་སེལ་བར་མཛད། །ཟད་པ་མེད་པའི་དངོས་གྲུབ་གཏེར། །རེ་བ་སྐོང་བས་ཐམས་ཅད་ཚིམ། །དགའ་བར་འགྱུར་བས་རྟོགས་པ་སྐྱེ། །རང་བྱུང་ལྷ་ལ་དངོས་གྲུབ་སློང་། །ཧུ༷་བསམ་པས་འགྲུབ་པའི་རིན་པོ་ཆེ། །ཟད་པ་མེད་པའི་གཏེར་དུ་གནས། །ཐམས་ཅད་རེ་སྐོང་བསམ་པ་འགྲུབ། །སྐུ་གསུམ་ས་ཐོབ་དངོས་གྲུབ་གཏེར། །ད་ལྟ་ཉིད་དུ་སྩལ་དུ་གསོལ། །ཐུགས་དམ་ཆེན་པོ་རྒྱུད་བསྐུལ་ན། །གང་ལ་ཐོགས་མེད་དངོས་གྲུབ་སྩོལ། །ཧྭ༷་རང་བྱུང་ཡེ་ཤེས་ལྷ་ལ་དངོས་གྲུབ་སློང་། །འདིར་གཤེགས་སྤྱན་འདྲེན་དབང་དང་དངོས་གྲུབ་སྩོལ། །ནམ་མཁའ་བཞིན་དུ་རེ་དོགས་མི་མངའ་ཡང་། །ཐུགས་རྗེའི་ཤུགས་ཀྱིས་བྱིན་རླབས་སྤྲིན་དང་འདྲ། །བདུད་རྩི་ཆར་ཆེན་འབེབས་པས་རེ་བ་སྐོང་། །ཆོས་ཉིད་རེ་དོགས་བྲལ་བའི་རང་བཞིན་ལས། །དངོས་གྲུབ་སྩལ་དང་སྩོལ་བར་མི་དམིགས་ཀྱང་། །བྱིན་རླབ་དབང་གིས་དངོས་གྲུབ་སྩལ་དུ་གསོལ། །ཡེ་ཤེས་ལྷ་ལ་རེ་དོགས་མ་མཆིས་ཀྱང་། །དོགས་པའི་སེམས་དང་མི་ཆ་རེ་བ་སྐོང་། །བསམ་པ་འགྲུབ་པའི་དངོས་གྲུབ་སྩལ་དུ་གསོལ། །ཧཱུཾ་ལྷ་དང་གཉིས་སུ་མེད་པར་གང་གསལ་བ། །རེ་བའི་དངོས་གྲུབ་དང་པོ་དེ་བས་ན། །ལྷ་ལ་ལྷ་ཡིས་བྱིན་བརླབ་ནུས་པ་ཅན། །བསྟན་པ་རྒྱས་པའི་ཕྱིར་ན་སློད་ལགས་ཀྱིས། །ཐོགས་པ་མེད་པའི་དངོས་གྲུབ་སྩལ་དུ་གསོལ། །ཧུ༷་དུས་གསུམ་རྒྱལ་བ་ཀུན་གྱི་བྱིན་བརླབ་ལས། །ཞལ་བུ་མཚན་ལྡན་རྡོ་རྗེ་ཀ་བཱ་ལར། །འཆི་མེད་ཚེ་ཡི་གཡུང་དྲུང་ཅི་བསམ་འགྲུབ། །འདུན་པ་རིགས་ཀྱི་དངོས་གྲུབ་མཛད་མེད་གཏེར། །བདུད་འདུལ་ལྷ་ཉེ་བགེགས་ཞི་རབ་ཏུ་བཟང་། །ཉེ་བ་ཉིད་དུ་བསམ་པ་ད་རེ་རན། །ཡང་དག་ལྡན་པའི་དངོས་གྲུབ་དམ་པ་འདི། །ཅི་བསམ་འགྲུབ་ཅིང་རེ་བ་སྐོང་བ་དང་། །རིག་འཛིན་ས་ལ་ངེས་པར་ཕྱིན་པ་དང་། ཐོགས་པ་མེད་པར་ཅི་བསམ་འགྲུབ་པ་དང་། །དངོས་གྲུབ་དམ་པ་དེ་ཉིད་སྩལ་དུ་གསོལ། །ཧུ༷་ཆོས་དབྱིངས་ནམ་མཁའ་བསམ་མེད་བརྗོད་ལས་འདས། །ཐམས་ཅད་འབྱུང་ཞིང་རེ་བ་ཐམས་ཅད་སྐོང་། །སྐོང་བ་ཉིད་ན་རྒྱལ་བའི་དབྱིངས་སུ་ཐིམ། །ཆོས་ཉིད་འགྱུར་བ་མེད་པའི་དངོས་གྲུབ་སྩལ་དུ་གསོལ། །ཧུ༷་བྱིན་རླབས་ཆེན་པོ་ནམ་མཁའི་སྤྲིན་དང་འདྲ། །བདུད་དང་སྲིན་པོ་འདུལ་ཕྱིར་རྒྱལ་བའི་རིགས་སུ་བྱུང་། །དབང་བསྐུར་བྱིན་བརླབ་ནུས་པ་བསམ་མི་ཁྱབ། །སྲས་ཀྱི་དམ་པའི་དངོས་གྲུབ་སྩལ་དུ་གསོལ། །ཧུ༷་ཐབས་དང་ཤེས་རབ་བདེ་བ་ཆེན་པོའི་དབྱིངས། །ཡབ་ལ་ཆགས་ཤིང་གཉིས་སུ་མེད་པའི་ཡུམ། །དོན་དམ་ངང་ལ་རིགས་ཀྱི་ཡུམ་དུ་བསྟན། །ཟད་པ་མེད་པ་གཏེར་གྱི་དངོས་གྲུབ་སྩལ་དུ་གསོལ། །ཧུ༷་གདུག་པ་འདུལ་ཕྱིར་ཡབ་ཀྱི་ཐུགས་ལས་སྤྲུལ། །དྲེགས་པའི་འཁོར་རྣམས་མ་ལུས་འདུལ་མཛད་པ། །འདུལ་བའི་དབང་གིས་སྤྲུལ་པ་ཅིར་ཡང་སྟོན། །གདུག་པ་འདུལ་བའི་དངོས་གྲུབ་སྩལ་དུ་གསོལ། །ཡབ་ལ་དགྱེས་ཤིང་གཉིས་སུ་མེད་པའི་ཡུམ། །དྲེགས་པ་ཡུམ་དུ་གྱུར་པ་འདུལ་མཛད་པ། །རེ་སྐོང་བདུད་འདུལ་དངོས་གྲུབ་སྩལ་དུ་གསོལ། །ཧུ༷་ཡབ་ཡུམ་གཉིས་མེད་སྲས་ཀྱི་དམ་པ་བྱུང། །གདུག་པ་སྤྲུལ་པའི་ཚོགས་རྣམས་འདུལ་མཛད་པ། །ཡབ་ཡུམ་རྒྱུན་དུ་འཛིན་ཅིང་ལས་རྣམས་གྲུབ། །ཐོགས་མེད་སྒྲོལ་བའི་དངོས་གྲུབ་སྩལ་དུ་གསོལ། །ལས་ཀྱི་བྱ་བ་ཐམས་ཅད་ཀུན། །དེ་བཞིན་མ་ནོར་རིམ་པ་བཞིན། །གནས་སྐབས་ཉིད་དུ་ཡང་དག་སྦྱར། །ཀུན་ཀྱང་དོན་ལ་རྒྱས་པར་བསྟན། །རྣམ་གཉིས་དོན་ལ་རྣམ་པར་གཏད། །ཡང་དག་འདུས་པའི་དཀྱིལ་འཁོར་དུ། །བསྟན་པའི་ལས་ཉིད་ཀུན་ཀྱང་འགྲུབ། །དཔལ་གྱི་དངོས་གྲུབ་ཆེན་པོ་ནི། །དུར་ཁྲོད་ཆེན་པོའི་གཞལ་ཡས་སུ། །མཎྜལ་མདའ་གང་བྱས་ནས་སུ། །ཐིག་དང་བྲི་བ་དེ་བཞིན་བྱ། །ཕྱི་ནང་གསང་གསུམ་ལས་ཀྱི་མཆོག །ཐོད་པ་དམར་ནག་དབང་དྲག་ལ། །སྙིང་པོ་གདན་དང་བཅས་པ་བྲི། །སྙིང་དང་བཅས་པའི་རྫས་དག་ལ། །བསྐྱེད་དང་སྦྱན་དྲང་བསྟིམ་མཆོད་བསྟོད། །དབུས་སུ་དགོད་ཅིང་གསལ་བར་བསམ། །མར་མེ་གསོལ་བྱང་རྒྱན་རྣམས་དགོད། །མཆོད་པའི་རྒྱན་ཡང་དེ་བཞིན་ཏེ། །ཏིང་འཛིན་ཆེན་པོའི་བྱིན་བརླབ་ཀྱིས། །རིམ་པར་བསྒོམ་ཞིང་གཞལ་ཡས་ཁང་། །གྲུ་གསུམ་ཟླ་གམ་མུ་ཁྱུད་ལ། །ཐོད་པ་སྐོམ་རློན་བཏང་བར་བསྒོམ། ཁྲར་སྒོར་བུམ་བཞུགས་སྒོ་བའི་ཚུལ། །གཙོ་བོའི་ཞལ་ནི་ཡུམ་ལ་གཟིགས། །སྤྱན་འདྲེན་བསྟིམ་དང་མཆོད་པ་དང་། །བསྙེན་པ་བསྟོད་དང་མཆོད་པ་དབུལ། །མཚན་མ་བརྟན་པོ་བྱུང་བ་དང་། །ཐོད་པ་བླང་ཞིང་མར་མེ་གསོ། །བར་མ་ཆད་པར་དེ་བཞིན་བྱ། །ལྷ་ལ་བསྟོད་ཅིང་ཐུགས་དམ་བསྐུལ། །དངོས་གྲུབ་ཆེན་པོའི་ལས་རྣམས་ནི། །གནད་ལ་དབབ་ཅིང་མཆོད་པ་དབུལ། །ལྷ་ལ་བསླང་ཞིང་ལན་གསུམ་བསྟིམས། །རྫས་ལ་བླང་བ་དེ་བཞིན་ཏེ། །རིམ་པ་བཞིན་དུ་རབ་ཤེས་བྱ། །ཐ་མ་ལས་ཀྱི་མཐའ་རྣམས་རྒྱས། །ཡི་གེ་འཁོར་ལོའི་ས་ནོན་ནས། །འགྲོ་བའི་དོན་རྣམས་དེ་བཞིན་བྱ། །རྣམ་གཉིས་སྐུ་ཡི་འདུལ་ཐབས་བསྟན། །ཧུ༷་ཆོས་སྐུ་བདེ་བ་ཆེན་པོའི་ངང་ཉིད་ལས། །ཀུན་ཏུ་བཟང་པོའི་རོལ་བ་ཅིར་ཡང་སྣང་། །བདུད་དང་སྲིན་པོ་མ་ལུས་འདུལ་བའི་ལྷ། །རྔམ་པ་ཆེན་པོས་སྲིད་གསུམ་འཇོམས་པའི་ལྷ། །བདུད་རྒྱལ་དྲེགས་པ་འདུལ་ཞིང་དབང་དུ་སྡུད། །ཧུ༷་དང་ཕཊ་ཀྱི་སྒྲ་འབྱིན་སྟོང་གསུམ་སྒྲོལ། །ཡ་མཚན་རྨད་དུ་ཆེ་བའི་ལྷ་ལ་ཕྱག་འཚལ་བསྟོད། །ཧུ༷་དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །དབུ་གསུམ་རྣམ་ཐར་གསུམ་གྱི་དབུ། །དབུས་ནི་མཐིང་གར་བསྟན་པ་ནི། །ཆོས་ཀྱི་སྐུ་ལ་འགྱུར་བ་མེད་པ་དང་། །ཞེ་སྡང་རྩད་ནས་གཅོད་པ་དང་། །ཆོས་སྐུ་འགྱུར་བ་མེད་པའི་ཞལ་ལ་་ཕྱག་འཚལ་བསྟོད། །གཡས་ནི་དཀར་བར་བསྟན་པ་ནི། །ཆོས་ཀྱི་སྐུ་ལ་ཉེས་པ་མེད་པ་དང་། །ཉོན་མོངས་གནས་སུ་དག་པའི་ཕྱིར། །ཉེས་པ་མེད་པའི་ཞལ་ལ་ཕྱག་འཚལ་བསྟོད། །གཡོན་ནི་དམར་བར་བསྟན་པ་ནི། །ཐུགས་རྗེ་ཐབས་ཀྱིས་ཆགས་པ་དང་། །འདོད་ཆགས་རྩད་ནས་གཅད་པའི་ཕྱིར། །ཐུགས་རྗེ་ཆགས་པའི་ཞལ་ལ་ཕྱག་འཚལ་བསྟོད། །སྤྱན་མིག་དགུ་རུ་བསྟན་པ་ནི། །འཁོར་བའི་ས་དགུ་འཇོམས་པ་དང་། །ཐེག་པ་དགུ་དང་ལྡན་པའི་ཕྱིར། །འཁོར་བ་འཇོམས་པའི་སྤྱན་ལ་ཕྱག་འཚལ་བསྟོད། །མཆེ་བ་བཅུ་གཉིས་བསྟན་པ་ནི། །སྐྱེ་མཆེད་བཅུ་གཉིས་རྩད་ནས་གཅོད་པ་དང་། ཁྲ་ཟ་གདུག་པའི་མཆེ་བ་དམར་བའི་ཕྱིར། །སྐྱེ་མཆེད་རྩད་ནས་གཅོད་པའི་ཚེམས་ལ་ཕྱག་འཚལ་བསྟོད། ཁྲངས་ནི་གསུམ་དུ་བསྟན་པ་ནི། །སྐུ་གསུམ་ལྷུན་གྱིས་གྲུབ་པ་དང་། །དུག་གསུམ་རྩད་ནས་གཅོད་པའི་ཕྱིར། །སྐུ་གསུམ་ལྷུན་གྲུབ་ཤངས་ལ་ཕྱག་འཚལ་བསྟོད། །ཞལ་ནི་གསུམ་དུ་བསྟན་པ་ནི། །དུག་གསུམ་ཞལ་དུ་གསོལ་བ་དང་། །སྟོང་གསུམ་སྒྲ་ཡིས་གང་བའི་ཕྱིར། །དུག་གསུམ་གསོལ་བའི་ཞལ་ལ་ཕྱག་འཚལ་བསྟོད། །ར་སྤུ་གྱེན་དུ་འཁྱལ་བར་བསྟན་པ་ན། ཁམས་གསུམ་འཁར་བའ་གནས་ནས་དྲང་བ་དང་། །སྐུ་གསུམ་ལྷུན་གྱས་གྲུབ་པའ་ས་ལ་དགོད་པའི་ཕྱིར། ཁམས་གསུམ་འདྲེན་པའི་རི་སྐྲུ་ཉིད་ལ་ཕྱག་འཚལ་བསྟོད། །རལ་པ་ཁམ་ནག་གྱེན་དུ་འཁྱིལ་བར་བསྟན་པ་ནི། །གདུག་པ་ཅན་རྣམས་དབང་དུ་བསྡུ་བ་དང་། །སྲིད་པའི་རྩེ་མོ་ཟིལ་གྱིས་གནོན་པ་དང་། །གདུག་པ་འཇོམས་པའི་དབུ་ལ་ཕྱག་འཚལ་བསྟོད། །ཕྱག་དྲུག་ཡེ་ཤེས་དྲུག་གི་རང་བཞིན་ཏེ། །གཡས་ཀྱི་དང་པོ་རྡོ་རྗེ་རྩེ་དགུ་བསྣམས་པ་ནི། །ས་དགུ་ལྷུན་གྱིས་གྲུབ་པ་དང་། །ཐེག་པ་དགུ་དང་ལྡན་པའི་ཕྱིར། །ས་དགུ་གནོན་པའི་ཕྱག་ལ་ཕྱག་འཚལ་བསྟོད། །བར་པ་རྡོ་རྗེ་རྩེ་ལྔ་བསྣམས་པ་ནི། །ཡེ་ཤེས་ལྔ་དང་ལྡན་པ་དང་། །རིགས་ལྔ་འགྲོ་བའི་དོན་བྱའི་ཕྱིར། །ཡེ་ཤེས་ལྔ་ལྡན་ཕྱག་འཚལ་བསྟོད། །གཡོན་གྱི་དང་པོ་མེ་དཔུང་བསྣམས་པ་ནི། །ཡེ་ཤེས་མེ་རུ་འབར་བ་དང་། །འཁོར་བ་ཉོན་མོངས་བསྲེག་པའི་ཕྱིར། །ཡེ་ཤེས་འབར་བའི་ཕྱག་ལ་ཕྱག་འཚལ་བསྟོད། །གཡོན་གྱི་བར་མ་ཁ་ཊ༷་རྩེ་གསུམ་བསྣམས་པར་བསྟན་པ་ནི། །དུག་གསུམ་རྩད་ནས་བཅད་པ་དང་། །རིགས་གསུམ་མགོན་པོ་རྣམས་དང་གཉིས་སུ་མེད་པའི་ཕྱིར། །དུག་གསུམ་རྩད་གཅོད་ཕྱག་ལ་ཕྱག་འཚལ་བསྟོད། །གཡས་གཡོན་ཐ་མ་རྡོ་རྗེ་རི་རབ་ཕུར་བུ་འདྲིལ་བར་བསྟན་པ་ནི། །ཐབས་དང་ཤེས་རབ་གཉིས་སུ་མེད་པ་སྟེ། ཁམས་གསུམས་གདུག་པ་མ་ལུས་བསྒྲལ་བའི་ཕྱིར། །ཐབས་དང་ཤེས་རབ་ཕྱག་ལ་ཕྱག་འཚལ་བསྟོད། །དུར་ཁྲོད་ཆས་བརྒྱད་སྐུ་ལ་གསོལ་བ་ནི། །རྣམ་ཤེས་ཚོགས་བརྒྱད་རྩད་ནས་གཅོད་པའི་རྟགས། །གླང་ཆེན་ཀོ་རློན་སྐུ་ལ་གསོལ་བར་བསྟན་པ་ནི། །གཏི་མུག་རྩད་ནས་བཅད་ནས་ཀྱང་། །ཐུགས་རྗེ་ཐབས་དང་ལྡན་པའི་ཕྱིར། །གཏི་མུག་འཇོམས་པའི་རྒྱན་ལ་ཕྱག་འཚལ་བསྟོད། །ཞིང་ཆེན་གཡང་གཞི་སྐུ་ལ་གསོལ་བར་བསྟན་པ་ནི། །འདོད་ཆགས་རྩད་ནས་གཅོད་པ་དང་། །ཐུགས་རྗེ་ཆགས་པར་ལྡན་པའི་ཕྱིར། །འདོད་ཆགས་འཇོམས་པའི་རྒྱན་ལ་ཕྱག་འཚལ་བསྟོད། །སྟག་གི་ཤམ་ཐབས་སྐུ་ལ་བརྒྱན་པ་ནི། །ཞེ་སྡང་རྩད་ནས་གཅོད་པ་དང་། །ཐུགས་རྗེ་ཐབས་དང་ལྡན་པའི་ཕྱིར། །ཞེ་སྡང་རྩད་གཅོད་རྒྱན་ལ་ཕྱག་འཚལ་བསྟོད། །ཐོད་པ་རློན་པས་སྐུ་ལ་བརྒྱན་པ་ནི། །ཆོས་ཀྱི་སྐུ་དང་གཉིས་སུ་མེད་པ་དང་། །སྐྱེ་བ་མེད་པའི་དོན་ནི་གྲུབ་པའི་ཕྱིར། །ཆོས་སྐུ་གཉིས་མེད་རྒྱན་ལ་ཕྱག་འཚལ་བསྟོད། །ཐོད་པ་སྐམ་པོས་སྐུ་ལ་བརྒྱན་པར་བསྟན་པ་ནི། །ལོངས་སྤྱོད་སྐུ་དང་གཉིས་སུ་མེད་པ་དང་། །ཐམས་ཅད་ཀུན་ཏུ་ལོངས་སྐུ་བསམ་མི་ཁྱབ། །ལོངས་སྤྱོད་རྫོགས་སྐུའི་རྒྱན་ལ་ཕྱག་འཚལ་བསྟོད། །ཐོད་པ་ཚལ་བུས་སྐུ་ལ་བརྒྱན་པར་བསྟན་པ་ནི། །སྤྲུལ་པའི་སྐུ་དང་གཉིས་སུ་མེད་པ་དང་། །སྤྲུལ་སྐུ་འགྲོ་བའི་དོན་དུ་ཅིར་ཡང་སྣང་། །སྤྲུལ་སྐུ་གཉིས་མེད་རྒྱན་ལ་ཕྱག་འཚལ་བསྟོད། །ཞག་གི་ཟོ་རིས་སྐུ་ལ་བརྒྱན་པ་ནི། །འདས་པའི་སངས་རྒྱས་རྣམས་དང་གཉིས་སུ་མེད་པ་དང་། །མར་མེ་མཛད་དང་བསྟན་པ་གཅིག་པའི་ཕྱིར། །འདས་པའི་སངས་རྒྱས་རྣམས་ལ་ཕྱག་འཚལ་བསྟོད། །ཐལ་ཆེན་ཚོམ་བུས་སྐུ་ལ་བརྒྱན་པ་ནི། །ད་ལྟར་སངས་རྒྱས་རྣམས་དང་གཉིས་སུ་མེད་པ་དང་། །བཅོམ་ལྡན་འདས་དང་སྐལ་པ་གཅིག་པའི་ཕྱིར། །ད་ལྟར་སངས་རྒྱས་རྣམས་ལ་ཕྱག་འཚལ་བསྟོད། །རཀྟའི་ཐིག་ལེས་སྐུ་ལ་བརྒྱན་པར་བསྟན་པ་ནི། །མ་བྱོན་སངས་རྒྱས་རྣམས་དང་གཉིས་སུ་མེད་པ་དང་། །རྒྱལ་བ་བྱམས་པའི་བསྟན་པ་གཅིག་པའི་ཕྱིར། །མ་བྱོན་སངས་རྒྱས་རྣམས་ལ་ཕྱག་འཚལ་བསྟོད། །རྡོ་རྗེའི་གཤོག་པ་སྐུ་ལ་བརྒྱན་པ་ནི། །མ་མོ་མཁའ་འགྲོ་ཟིལ་གྱིས་གནོན་པ་དང་། །ཐམས་ཅད་ཀུན་ཏུ་དབང་དུ་སྡུད་པའི་ཕྱིར། །རྡོ་རྗེ་གཤོག་པའི་རྒྱན་ལ་ཕྱག་འཚལ་བསྟོད། །སྦྲུལ་ཆེན་རིགས་བཞིས་སྐུ་ལ་བརྒྱན་པར་བསྟན་པ་ནི། །གདུག་པ་ཀླུ་རྣམས་རྩད་ནས་གཅོད་པ་དང་། །ཞེ་སྡང་འཇོམས་པའི་རྒྱན་ནི་རིགས་བཞིར་བསྟན་པའི་ཕྱིར། །གདུག་པ་ཆེན་པོའི་རྒྱན་ལ་ཕྱག་འཚལ་བསྟོད། །ཞབས་བཞི་མངོན་པར་བསྟན་པ་ནི། །རྫུ་འཕྲུལ་བཞི་ཡིརངབཞིནཏེ། །གཡས་གཉིས་བསྐུམ་པར་བསྟན་པ་ནི། །ཕོ་གཉིས་འགྲམ་པ་བརྫིས་པ་དང་། །ཐབས་ནི་ཤེས་རབ་རང་བཞིན་ཏེ། །ཕོ་གཉིས་བརྫིས་པའི་ཞབས་ལ་ཕྱག་འཚལ་བསྟོད། །གཡོན་གཉིས་བརྐྱང་བར་བསྟན་པ་ནི། །མོ་གཉིས་ནུ་ཕྲག་བརྗེས་པ་ནི། ཁྲེས་རབ་ཐབས་ཀྱི་རང་བཞིན་ཏེ། །མོ་གཉིས་བརྫིས་པའི་ཞབས་ལ་ཕྱག་འཚལ་བསྟོད། །རྡོ་རྗེ་བ་སྐྲུ་ཁྲོ་བོས་གཏམས་པར་བསྟན་པ་ནི། །འཇིགས་པ་མེད་པར་དབང་དུ་སྡུད་པ་དང་། །ཐམས་ཅད་ཀུན་ཏུ་སྤྲུལ་པས་ཁྱབ་པ་དང་། །འཇིགས་མེད་ཁྲོ་བོ་འདུལ་བའི་ལྷ་ལ་ཕྱག་འཚལ་བསྟོད། །སྒེག་པ་དཔའ་བ་འཇིགས་སུ་རུང་བ་དང་། །རྒོད་དང་གཤེ་དང་འཇིགས་པར་བྱེད་པ་དང་། །རྔམ་བརྗིད་ཆེན་པོ་རྡོ་རྗེ་གཞོན་ནུའི་སྐུ། །ཞེ་སྡང་འཇོམས་པའི་ལྷ་ལ་ཕྱག་འཚལ་བསྟོད། །ཞེ་སྡང་ཚུལ་ཡིས་ཞེ་སྡང་འཇོམས་མཛད་པ། །རྡོ་རྗེ་གཞོན་ནུའི་སྐུ་ལ་ཕྱག་འཚལ་བསྟོད། །ཡབ་ཀྱི་ཐུགས་དམ་གཉེན་པོ་བསྐོང་བའི་ཡུམ། །འཁོར་ལོ་རྒྱས་འདེབས་དགྱེས་པ་སྐོང་བའི་ཡུམ། །རྡོ་རྗེའི་རིགས་ཀྱི་གཙོ་མོ་ཆེན་མོ་སྟེ། །དགྱེས་པ་སྐོང་བའི་ཡུམ་ལ་ཕྱག་འཚལ་བསྟོད། །ཞལ་གཅིག་ཕྱག་གཉིས་སྐུ་མདོག་མཐིང་། །གཡས་པ་དགྱེས་པས་ཡབ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །རྡོ་རྗེ་རིགས་ཀྱི་ཡུམ་ལ་ཕྱག་འཚལ་བསྟོད། །སྐུ་མདོག་མཐིང་བར་བསྟན་པ་ནི། །འགྱུར་བ་མེད་པའི་རང་བཞིན་ཏེ། །ཐམས་ཅད་ཆོས་སྐུ་གཅིག་པ་དང་། །དོན་རྣམས་ཐམས་ཅད་ཐུགས་སུ་ཆུད་པའི་ཕྱིར། །འགྱུར་བ་མེད་པའི་དབུ་ལ་ཕྱག་འཚལ་བསྟོད། །སྤྱན་མིག་གཉིས་སུ་བསྟན་པ་ནི། །ཐབས་དང་ཤེས་རབ་གཉིས་སུ་མེད་པ་དང་། །འཁོར་འདས་གཉིས་སུ་གཟིགས་པའི་ཕྱིར། །ཐབས་དང་ཤེས་རབ་སྤྱན་ལ་ཕྱག་འཚལ་བསྟོད། །ཞལ་ནི་གཅིག་ཏུ་བསྟན་པ་ནི། །ཡབ་ལ་དགྱེས་པར་བཞད་པ་དང་། །དུག་ལྔ་ཞལ་དུ་གསོལ་བའི་ཕྱིར། །ཡབ་ལ་དགྱེས་པའི་ཞལ་ལ་ཕྱག་འཚལ་བསྟོད། །མཆེ་བ་བཞི་རུ་བསྟན་པ་ནི། །སྐྱེ་བ་རྣམ་བཞི་རྩད་ནས་གཅོད་པ་དང་། །གདུག་པའི་ཚེམས་འདྲ་རྔམ་པའི་ཤ་ཟའི་ཕྱིར། །སྐྱེ་ཤི་རྩད་གཅོད་ཚེམས་ལ་ཕྱག་འཚལ་བསྟོད། ཁྲངས་ནི་གཅིག་ཏུ་བསྟན་པ་དང་། །དྲི་ཡི་མཆོད་པས་མཉེས་པའི་ཕྱིར། །ཆོས་ཉིད་གཅིག་པའི་ཤངས་ལ་ཕྱག་འཚལ་བསྟོད། །གཡས་པ་ཡབ་ལ་འཁྱུད་པ་ནི། །ཤེས་རབ་ཐབས་ལ་ཆགས་པ་དང་། །དགྱེས་པ་ཆེན་པོ་བསྐང་བའི་ཕྱིར། །ཤེས་རབ་ཐབས་ལ་ཆགས་པའི་ཕྱག་ལ་ཕྱག་འཚལ་བསྟོད། །གཡོན་ན་བྷསྡོ་རཀྟ་བསྣམས་པ་ནི། །ཡུམ་གྱི་ཆགས་པ་སེལ་བ་དང་། །འདོད་ཆགས་རྩད་ནས་གཅོད་པའི་ཕྱིར། །ཆགས་པ་སེལ་བའི་ཕྱག་ལ་ཕྱག་འཚལ་བསྟོད། །དུར་ཁྲོད་ཆས་བརྒྱད་སྐུ་ལ་གསོལ་བ་ནི། །སྡུག་བསྔལ་བརྒྱད་པོ་རྩད་ནས་བཅད་ནས་ཀྱང་། །རྣམ་པ་ཐམས་ཅད་ཆོས་ཉིད་དབྱིངས་སུ་སྒྲོལ། །སྡུག་བསྔལ་འཇོམས་པའི་རྒྱན་ལ་ཕྱག་འཚལ་བསྟོད། །ཞབས་གཉིས་མངོན་པར་བསྟན་པ་ནི། །རྐང་གཉིས་ཀུན་ལ་བརྩེ་བར་དགོངས་པ་དང་། །བདེ་བར་གཤེགས་པའི་ཐུགས་དམ་དགྱེས་སྐོང་ཕྱིར། །རྐང་གཉིས་བརྩེ་དགོངས་ཞབས་ལ་ཕྱག་འཚལ་བསྟོད། །འདོད་ཆགས་ཚུལ་གྱིས་འདོད་ཆགས་འཇོམས་མཛད་པ། །འཁོར་ལོ་རྒྱས་འདེབས་སྐུ་ལ་ཕྱག་འཚལ་བསྟོད། །ཧཱུཾ་ཁྲོ་བོ་ཆེན་པོ་ཧུ༷་ཀྭ་ར། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་ཕྱག་ན་མདའ་གཞུ་བསྣམས། །ཚབས་པ་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །སྟེང་གི་ཟ་བྱེད་རྡོ་རྗེ་སྒྲ་འབྱིན་མ། །ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག །འདུལ་བའི་དབང་གིས་ཚངས་མོའི་གདན་ལ་བཞུགས། །ཚབས་རིགས་འབུལ་བའི་ཡུམ་ལ་ཕྱག་འཚལ་བསྟོད། །ཕག་གི་མགོ་ཅན་ཡབ་ཀྱི་སྤྲུལ་པ་སྟེ། །ཚངས་པ་པོ་ཡི་འཁོར་ན་གདུག་པ་འདུལ། །འདུལ་བའི་དབང་དུ་ཕྱག་ན་ཕུར་པ་བསྣམས། །གདུག་རྩུབ་ཀླུ་བདུད་ཁྱོད་ལ་ཕྱག་འཚལ་བསྟོད། །སྨིག་བུའི་མགོ་ཅན་ཡུམ་གྱི་སྤྲུལ་པ་སྟེ། །ཚངས་པ་མོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་མདའ་གཞུ་བསྣམས། །སོ་རྣོ་གྲིམས་བཞེད་ཁྱོད་ལ་ཕྱག་འཚལ་བསྟོད། །ཧུ༷་ཁྲོ་བོ་ཆེན་པོ་རྣམ་པར་རྒྱལ། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་ཏྲི་ཤཱལ་འཁོར་ལོ་བསྣམས། །བརྒྱ་བྱིན་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །ཤར་གྱི་ཟ་བྱེད་རྡོ་རྗེ་རྣམ་སྙེམས་མ། །ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག །འདུལ་བའི་དབང་གིས་བརྒྱ་བྱིན་མོ་ཡི་གདན་ལ་བཞུགས། །བརྒྱ་བྱིན་འདུལ་བའི་ཡུམ་ལ་ཕྱག་འཚལ་བསྟོད། །སྟག་གི་མགོ་ཅན་ཡབ་ཀྱི་སྤྲུལ་པ་སྟེ། །བརྒྱ་བྱིན་ཕོ་ཡི་འཁོར་གྱི་གདུག་པ་འདུལ། །འདུལ་བའི་དབང་གིས་ཕྱག་ན་ཕུར་པ་བསྣམས། །གདུག་པ་འདུལ་་བའི་ལྷ་ལ་ཕྱག་འཚལ་བསྟོད། །བྱ་རྒོད་མགོ་ཅན་ཡུམ་གྱི་སྤྲུལ་པ་སྟེ། །བརྒྱ་བྱིན་མོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ལྕགས་ཀྱུ་བསྣམས། །ཞི་བ་ཆེན་པོ་ཁྱོད་ལ་ཕྱག་འཚལ་བསྟོད། །ཧུ༷་ཤར་ལྷོའི་ཁྲོ་བོ་དབྱུག་སྔོན་པོ། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་དབྱུག་ཏོ་མེ་དཔུང་བསྣམས། །དྲང་སྲོང་འདུལ་བའི་ལྷ་ལ་ཕྱག་འཚལ་བསྟོད། ཁྲར་ལྷོ་ཟ་བྱེད་ཆེན་མོ་རྡོ་རྗེ་སྡེར་མོ་ལ། །ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག །འདུལ་བའི་དབང་གིས་དྲང་སྲོང་མོ་ཡི་གདན་ལ་བཞུགས། །དྲང་སྲོང་འདུལ་བའི་ཡུམ་ལ་ཕྱག་འཚལ་བསྟོད། །གཡག་གི་མགོ་ཅན་ཡབ་ཀྱི་སྤྲུལ་པ་སྟེ། །དྲང་སྲོང་ཕོ་ཡི་འཁོར་གྱི་གདུག་པ་འདུལ། །འདུལ་བའི་དབང་གིས་ཕྱག་ན་ཕུར་པ་བསྣམས། །རྫི་རྣོན་བརྗེད་མེད་ཁྱོད་ལ་ཕྱག་འཚལ་བསྟོད། །བྱ་རོག་མགོ་ཅན་ཡུམ་གྱི་སྤྲུལ་པ་སྟེ། །དྲང་སྲོང་མོ་ཡི་འཁོར་གྱིས་གདུག་པ་འདུལ། །འདུལ་བའི་དབང་གིས་ཕྱག་ན་ལྕགས་ཀྱུ་བསྣམས། །ཚེ་གསུམ་དྲན་བྱེད་ཁྱོད་ལ་ཕྱག་འཚལ་བསྟོད། །ཧུ༷་ལྷོ་ཡི་ཁྲོ་བོ་གཤིན་རྗེའི་གཤེད། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་མི་མགོ་དགྲ་སྟ་བསྣམས། །གཤིན་རྗེ་འདུལ་བའི་ལྷ་ལ་ཕྱག་འཚལ་བསྟོད། །ལྷོ་ཡི་ཟ་བྱེད་དུར་ཁྲོད་མ། །ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག །འདུལ་བའི་དབང་གིས་གཤིན་རྗེ་མོ་ཡི་གདན་ལ་བཞུགས། །གཤིན རྗེ འདུལ་བའི་ཡུམ་ལ་ཕྱག་འཚལ་བསྟོད། ཁྲ་བའི་མགོ་ཅན་ཡབ་ཀྱི་སྤྲུལ་པ་སྟེ། །གཤིན་རྗེ་ཕོ་ཡི་འཁོར་གྱི་གདུག་པ་འདུལ། །འདུལ་བའི་དབང་གིས་ཕྱག་ན་ཕུར་པ་བསྣམས། །སྨྱོས་པར་བྱེད་པ་ཁྱོད་ལ་ཕྱག་འཚལ་བསྟོད། །འུག་པའི་མགོ་ཅན་ཡུམ་གྱི་སྤྲུལ་པ་སྟེ། །གཤིན་རྗེ་མོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ཕུར་པ་བསྣམས། །རྟོགས་པ་སྐྱེད་བྱེད་ཁྱོད་ལ་ཕྱག་འཚལ་བསྟོད། །ཧུ༷་ལྷོ་ནུབ་ཁྲོ་བོ་མི་གཡོ་མགོན། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་རལ་གྲི་ཞགས་པ་བསྣམས། །སྲིན་པོ་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །ལྷོ་ནུབ་ཟ་བྱེད་རྡོ་རྗེ་ག་་ཁུང་མ། །ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག །འདུལ་བའི་དབང་གིས་སྲིན་མོའི་གདན་ལ་བཞུགས། །སྲིན་མོ་འདུལ་བའི་ལྷ་ལ་ཕྱག་འཚལ་བསྟོད། །གཟིག་གི་མགོ་ཅན་ཡབ་ཀྱི་ཕོ་ཉ་སྟེ། །སྲིན་པོའི་འཁོར་ན་གདུག་པ་འདུལ། །གདུལ་བའི་དབང་གིས་ཕྱག་ན་ཕུར་པ་བསྣམས། །དྲན་རྟོག་བང་མགྱོགས་ཁྱོད་ལ་ཕྱག་འཚལ་བསྟོད། །ཁྭ་ཏའི་མགོ་ཅན་སུམ་གྱི་ཕོ་ཉ་སྟེ། །སྲིན་མོའི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ལྕགས་ཀྱུ་བསྣམས། །འཛིན་ཅིང་བསམ་པས་སློབ་པ་ཁྱོད་ལ་ཕྱག་འཚལ་བསྟོད། །ཧུ༷་ནུབ་ཀྱི་ཁྲོ་བོ་རྟ་མགྲིན་དཔལ། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་ཞགས་པ་སྐྲུ་གྲི་བསྣམས། །ཀླུ་བདུད་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །ནུབ་ཀྱི་ཟ་བྱེད་རྡོ་རྗེ་གཏུམ་མོ་ནི། །ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག །འདུལ་བའི་དབང་གིས་ཀླུ་བདུད་མོ་ཡི་གདན་ལ་བཞུགས། །ཀླུ་བདུད་འདུལ་བའི་ཡུམ་ལ་ཕྱག་འཚལ་བསྟོད། །བྱི་ལའི་མགོ་ཅན་ཡབ་ཀྱི་སྤྲུལ་པ་སྟེ། །ཀླུ་བདུད་ཕོ་ཡི་འཁོར་ན་གདུག་པ་འདུལ། །འདུལ་བའི་དབང་གི་ཕྱག་ན་ཕུར་པ་བསྣམས། །གདུག་པ་སོ་རྣོན་ཅི་ལ་ཐོགས་མེད་ཁྱོད་ལ་ཕྱག་འཚལ་བསྟོད། །པུ་ཤུད་མགོ་ཅན་ཡུམ་གྱི་སྤྲུལ་པ་སྟེ། །ཀླུ་བདུད་མོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ལྕགས་ཀྱུ་བསྣམས། །འཇིགས་བྱེད་གློག་གཅོད་ཁྱོད་ལ་ཕྱག་འཚལ་བསྟོད། །ཧུ༷་ནུབ་བྱང་ཁྲོ་བོ་གཞན་གྱིས་མི་ཐུབ་པ། །དབུ་གསུམ་ཕྱག་དྲུགརྡོརྗེའིགཤོགཔཅན། །འདུལ་བའི་དབང་གིས་རྡུལ་གཡབ་བ་དན་བསྣམས། །རླུ་་ལྷ་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །ནུབ་བྱང་ཟ་བྱེད་རྡོ་རྗེ་མདའ་སྙེམས་མ། །ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག །འདུལ་བའི་དབང་གིས་རླུང་ལྷ་མོ་ཡི་གདན་ལ་བཞུགས། །རླུད་ལྷ་འདུལ་བའི་ཡུམ་ལ་ཕྱག་འཚལ་བསྟོད། །སྤྱང་ཀིའི་མགོ་ཅན་ཡབ་ཀྱི་ཕོ་ཉ་སྟེ། །རླུ་་ལྷ་ཕོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ཕུར་པ་བསྣམས། །གསོད་པར་བྱེད་པ་ཁྱོད་ལ་ཕྱག་འཚལ་བསྟོད། ཁྲ་ཡི་མགོ་ན་ཡུམ་གྱི་ཕོ་ཉ་སྟེ། །རླུད་ལྷ་མོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ལྕགས་ཀྱུ་བསྣམས། །གསོད་པར་བྱེད་པ་ཁྱོད་ལ་ཕྱག་འཚལ་བསྟོད། །ཧུ༷་བྱང་གི་ཁྲོ་བོ་བདུད་རྩི་འཁྱིལ། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་ཕྱག་ན་རྒྱ་གྲམ་བསྣམས། །གནོད་སྦྱིན་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །བྱང་གི་ཟ་བྱེད་ཡུམ་ཆེན་རླུད་འབྱིན་མ། །ཞལ་གཅིག་ཕྱག་གཉིས་ཡབ་ལ་འཁྱུད། །འདུལ་བའི་དབང་གིས་གནོད་སྦྱིན་མོ་ཡི་གདན་ལ་བཞུགས། །གནོད་སྦྱིན་འདུལ་བའི་ཡུམ་ལ་ཕྱག་འཚལ་བསྟོད། །སེང་གེའི་མགོ་ཅན་ཡབ་ཀྱི་སྤྲུལ་པ་སྟེ། །གནོད་སྦྱིན་ཕོ་ཡི་འཁོར་གྱི་གདུག་པ་འདུལ། །འདུལ་བའི་དབང་གིས་ཕྱག་ན་ཕུར་པ་བསྣམས། །སྟོབས་ཆེན་འགྲོ་མགྱོགས་ཁྱོད་ལ་ཕྱག་འཚལ་བསྟོད། །ཕ་ཝང་མགོ་ཅན་ཡུམ་གྱི་སྤྲུལ་པ་སྟེ། །གནོད་སྦྱིན་མོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ལྕགས་ཀྱུ་བསྣམས། །འཕྲུལ་ཆེན་ཐབས་མཁས་ཁྱོད་ལ་ཕྱག་འཚལ་བསྟོད། །ཧུ༷་བྱང་ཤར་ཁྲོ་བོ་ཁམས་གསུམ་རྣམ་པར་རྒྱལ། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་ཕྱག་ན་རྡོ་རྗེ་མདའ་གཞུ་བསྣམས། །དབང་ལྡན་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །བྱང་ཤར་ཟ་བྱེད་རྡོ་རྗེ་གསོད་བྱེད་མ། །ཞལ་གཅིག་ཕྱག་གཉིས་ཡབ་ལ་འཁྱུད་པའི་ཕྱག །འདུལ་བའི་དབང་གིས་དབང་ལྡན་མོ་ཡི་གདན་ལ་བཞུགས། །དབང་ལྡན་འདུལ་བའི་ཡུམ་ལ་ཕྱག་འཚལ་བསྟོད། །དྲེད་ཀྱི་མགོ་ཅན་ཡབ་ཀྱི་སྤྲུལ་པ་སྟེ། །དབང་ལྡན་འདུལ་བའི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ཕུར་པ་བསྣམས། །འཇིགས་མེད་ཤུགས་ཆེན་ཞེ་སྡང་ཁྱེད་ལ་ཕྱག་འཚལ་བསྟོད། །སྲེ་མོའི་མགོ་ཅན་ཡུམ་གྱི་སྤྲུལ་པ་སྟེ། །དབང་ལྡན་མོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ལྕགས་ཀྱུ་བསྣམས། །བདེ་མགྱོགས་ཤ་གྲིམས་འགུགས་བྱེད་ཁྱོད་ལ་ཕྱག་འཚལ་བསྟོད། །ཧུ༷་འོག་གི་ཁྲོ་བོ་སྟོབས་པོ་ཆེ། །དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །འདུལ་བའི་དབང་གིས་ཐོ་བ་ག་་ཤིང་བསྣམས། །ས་བདག་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །འོག་གི་ཟ་བྱེད་རྡོ་རྗེ་བསྐྱོད་མ་ནི། །ཞལ་གཅིག་ཕྱག་གཉིས་ཡབ་ལ་འཁྱུད། །འདུལ་བའི་དབང་གིས་ས་བདག་མོ་ཡི་གདན་ལ་བཞུགས། །ས་བདག་འདུལ་བའི་ཡུམ་ལ་ཕྱག་འཚལ་བསྟོད། །དོམ་གྱི་མགོ་ཅན་ཡབ་ཀྱི་སྤྲུལ་པ་སྟེ། །ས་བདག་ཕོ་ཡི་འཁོར་ན་གདུག་པ་འདུལ། །འདུས་པའི་དབང་གིས་ཕྱག་ན་ཕུར་པ་བསྣམས། །དམིགས་དང་ཁྲོས་པ་བརྗེད་མེད་ཁྱོད་ལ་ཕྱག་འཚལ་བསྟོད། །བྱི་བའི་མགོ་ཅན་ཡུམ་གྱི་སྤྲུལ་པ་སྟེ། །ས་བདག་མོ་ཡི་འཁོར་ན་གདུག་པ་འདུལ། །འདུལ་བའི་དབང་གིས་ཕྱག་ན་ལྕགས་ཀྱུ་བསྣམས། །འབིགས་བྱེད་སྒྲོལ་བར་བྱེད་པ་ཁྱོད་ལ་་ཕྱག་འཚལ་བསྟོད། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རྫས་ལ་བརྟེན་ཏེ་སྒྲུབ་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དུར་ཁྲོད་ཀྱི་བདག་པོ་བདུད་རྩི་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། གནས་ནི་དུར་ཁྲོད་གཞལ་ཡས་སུ། །བར་སྣང་དམར་དང་གནག་པ་དང་། །རི་ཡང་དམར་ནག་རྡོ་རྗེའི་དབྱིབས། །མེ་ཏོག་ཤིང་དང་ལོ་འདབ་རྒྱས། །སྨན་རྣམས་འཁྲུངས་དང་ས་བཟང་དང་། །གོང་དུ་བསྟན་པའི་ངེས་པ་མེད། །རྩ་བ་ལོ་མར་བཅས་པ་སྐམ། །ཡུམ་ཡང་ཡིད་དུ་འོང་བ་བཙལ། །རིགས་བཙུན་ངང་བཟང་ཤོངས་ཡངས་ཆེ། །ལྕང་ལོའི་སྐྲ་ལ་སྐེད་པ་ཕྲ། །སྨྲ་བ་སྙན་ལ་རྣ་བ་གསང་། །སྨིན་མཚམས་བར་མ་ཆད་པ་དང་། །སོ་ཐགས་དམ་ལ་ཤངས་ཀྱང་མཛེས། །སྟོད་སྨད་སྙོམས་ལ་ནུ་མ་འབུར། །ཉེས་པའི་སྐྱོན་རྣམས་མེད་པར་བྱ། །ཉིད་ལས་མི་གཞན་མཆོད་པ་སྟོབས། །ཉམས་པ་ཐོགས་མེད་སྤྱོད་ནུས་དང་། །བར་ཆད་སེལ་ཞིང་ཉེས་པ་མེད། །མཛེས་པའི་དོན་ལ་ཡང་དག་གོམས། ་ས་བཞིན་ཡིད་འོང་སྟོབས་ལྡན་དང་། །མཐུན་པའི་གཙོ་འཁོར་མཛེས་པར་འཀྱུར། །དམ་ཚིག་གཙང་མ་དམ་པ་བསྲུངས། །སྨྲ་ཉུང་དོན་ཆེན་དངོས་གྲུབ་སྣོད། །འཛིན་པས་མ་བཅིངས་ལྟ་བ་རྟོགས། །བསམ་གཏན་དོན་དང་མི་འབྲལ་བའི། །སྙིང་རྗེའི་སེམས་དང་ལྡན་པ་ཡིས། །འདམ་ཞིང་ཉེས་པ་བསལ་བར་བྱ། །སྟོན་པ་ཆེན་པོའི་བྱིན་རླབས་ལས། །ཐུགས་རྗེ་ནམ་མཁའི་ཆོ་འཕྲུལ་གྱིས། །ཐམས་ཅད་བདུད་རྩི་ས་ལ་བབ། །འབྱུང་བ་ཆེན་པོའི་བྱིན་རླབས་ལས། །ཐམས་ཅད་བདུད་རྩིའི་རང་བཞིན་ཏེ། །ཕྱི་ནང་རྩ་བ་བརྒྱད་པོ་དང་། །གསང་བ་ཉིད་དུ་དེ་བཞིན་སྦྱར། །བྱང་ཆུབ་སེམས་དང་མུ༷་ས་དང་། །དྲི་ཆེན་རཀྟ་དྲི་ཆུ་རྣམས། །སྡེར་ཆགས་ཤ་དང་རྨིག་ཟླུམ་ཤ །ཁ་བྲག་ཤ་དང་འདབ་ཆགས་ཤ །རྐང་ལེབ་ཤ་ཡང་དེ་བཞིན་བཤམས། །ལན་ཚྭ་བྲག་ཞུན་ལག་པ་དང་། །ཅོང་ཞི་རབ་ཏུ་རྣམ་པ་ལྔ། །དེབཞིན་རིམ་ལས་ཡང་དག་སྦྱར། །མཎྜལ་གྲུ་བཞི་འདོམ་གང་ལ། །དམ་རྫས་ལྔ་ཡིས་ཆག་ཆག་གདབ། །ཨོ་ཧུ༷་བོ་དྷི་ཙིསྟ་མཎྜལ་ཧུ༷། །ཨོ་ཀུ་ཀུ་མཎྜལ་ཧུ༷། ཨོ་མ་ཧྭ་བཱ༷་ས་མཎྜལ་ཧཱུཾ། ཨོ་རཀྟ་མཎྜལ་ཧུ༷། ཨོ་ཀྟན་དྷ་མཎྜལ་ཧུ༷།ལུག་དང་སྤྱང་ཀིའི་སོག་པ་ལ། །གཙོ་བོ་ཉིད་དུ་ཡང་དག་བཤད། །སྤྱན་དང་བསྟིམ་ལ་མཆོད་བསྟོད་བྱ། །སོག་པའི་རྒྱབ་ཏུ་སྒོ་སྲུང་བྲི། །ཧུ༷་རྡོ་རྗེ་གཤོན་ནུའི་རིག་འཛིན་རྣམས། །སྲིད་པ་རྡོ་རྗེ་ཕུར་པའི་ལྷ། །ཡེ་ཤེསཁྲོ་བོ་གྲུབ་པར་མཛོད། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །གཏོགས་ཤིང་གྲོགས་དང་བྲལ་བར་གྱིས། །སྒོ་ཡི་གཡས་སུ་གདགས་པར་བྱ། ཁྱི་དང་ཕག་གི་སོག་པ་ལ། །དམ་སྲི་བྲིས་ལ་ལས་རྣམས་བྱ། །སྒོ་ཡི་གཡོན་དུ་གདགས་པར་བྱ། །འཕགས་པ་མཆོད་དང་འབྱུང་པོ་ལ། །དབུལ་ཞིང་དྲེགས་པ་ཀུན་ཀྱང་མཆོད། །རྡོ་རྗེ་ཕུར་པའི་དམ་སྲི་མནན། །གསུམ་པ་ཚོགས་བསག་སྒྲིབ་སྦྱང་བྱ། །དེ་ནས་ཐིག་ནི་གདབ་པར་བྱ། །ས་ཐིག་གནམ་ཐིག་དེ་བཞིན་སྦྱར། །ཚོན་ཡང་དེ་བཞིན་ཤེས་པར་བྱ། །བྲི་བའི་རིམ་པ་འདི་ལྟ་སྟེ། ཁུ་གསུམ་ཟླ་གམ་མུ་ཁྱུད་དང་། །འཁོར་ལོ་རྩིབས་བཞི་རྩིབས་བརྒྱད་དང་། ཁུ་ཆད་བཞི་དང་ལྷ་རྣམས་དང་། །སྒོ་དང་རྟ་བབས་བཅས་པ་དང་། །བུམ་པ་འཁོར་ལོ་གདུགས་དང་བཅས། །གྲུ་གསུམ་དམར་དང་གནག་དང་བཅས། །གནག་དང་ཡང་ནི་ཐོད་པ་དཀར། །རིགས་དང་དམར་བ་གནག་པ་དཀར། །སེར་དང་ལྗང་དང་གྲུ་ཆད་དམར། །སེར་ལས་རིགས་དང་མཐུན་པར་བྲི། །རྩིགས་པ་གཞི་མར་ཐོད་པ་དཀར། །གཞི་སེར་ལྷུ་དུམ་དམར་བ་དང་། །ལྗང་ལ་རྒྱུ་ཞགས་དཀར་བ་དང་། །རིན་ཆེན་ལྔ་ཡང་རྣམ་པར་གཏང། །རིན་ཆེན་ཕྲེང་བ་དཀར་པོ་གཏང། །ལྕགས་རི་ནག་པོ་མེ་རི་དམར། །འཁོར་ལོ་དང་ནི་ལྷ་གནས་སུ། ཁུ་གསུམ་སྟེང་དུ་ཡིག་འབྲུ་བཀོད། །མཚན་དང་ལྡན་པའི་བྷརྙ་ལ། །སུལ་མེད་སུལ་འགྲེང་མང་བ་དང་། །ཟླ་གམ་རྒྱ་གྲམ་མཚན་དང་ལྔ། །རྡོ་རྗེ་དེ་བཞིན་གཤེགས་པ་དང་། །རིན་ཆེན་པདྨ་ལས་ཀྱི་རིགས། །དེ་བཞིན་མཚན་ལྡན་ཐོད་པ་ལ། །རྣམ་པ་གསུམ་གྱི་དྲེས་བདུག་ལ། །བྱང་ཆུབ་སེམས་དང་དྲི་ཆེན་དང་། ཁྲ་ཆེན་པདྨ་རཀྟ་དང་། །དྲི་ཆུ་ལྔ་སྟེ་རིམ་པ་བཞིན། །སྡེར་ཆགས་ཤ་དང་རྨིག་ཟླུམ་ཁ་བྲག་དང་། །འདབ་ཆགས་རྐང་ལེབ་རྣམ་པ་ལྔ། །ཚྭ་དང་བྲག་བབ་ལག་པ་དང་། རབ་ཏུ་ཅོང་ཟི་རིམ་པ་སྟརབུལྔ། །ཕྱི་ནང་གསང་གསུམ་དམ་རྫས་ལྔ། །རིམ་པ་བཞིན་དུ་དགོད་པར་བྱ། །ཕྱི་ནང་གསང་གསུམ་རྩ་བ་བརྒྱད། །མ་ནོར་རིམ་པར་དགོད་པར་བྱ། །མིག་དང་རྡོ་རྗེའི་ཆུ་བ་དང་། །སྣ་དང་གྲེ་བ་ཡང་དག་ལྡན། །ལྕེ་དང་པདྨ་ཆེན་པོ་དང་། །རྣ་བ་དང་ནི་ཙིཀྟ་རྣམས། །དེ་བཞིན་ནང་གི་རྩ་བར་བཤད། །ལུག་མིག་ཐལ་ཀར་རྡོ་རྗེ་དང་། །སྲི་ཞིང་འདབ་མ་དབང་པོ་ལག །ཁ་འབར་མ་དང་རྒུན་འབྲུ་དང་། །ཞོ་ཤ་ཀ་ཤོ་ཀྭ་དྷ་རྣམས། །ཕྱི་ཡི་རིམ་པར་དགོད་པར་བྱ། །ཡང་ན་འདི་ལྟར་བཤད་པར་བྱ། །ཅོང་ཟི་དང་ནི་ལན་ཚྭ་དང་། །ར་མོ་ཤག་དང་རམ་ཉེ་བ། །བྲག་ཞུན་བྲག་རྒྱ་ཧའོ་གཉིས། །བུ་རམ་དང་ནི་དོམ་མཁྲིས་གཉིས། །གསང་བའི་རིམ་པར་དེ་བཞིན་དགོད། །ཡང་ན་གསང་བ་ཆེན་པོ་ནི། །ཡབ་ཡུམ་བཞི་བཞི་རྣམ་པ་བརྒྱད། །ཡང་དག་ཉིད་དུ་དེ་ཤེས་བྱ། །གཞི་ཡི་རྣམ་ལྔ་མ་འཁྲུལ་ན། །ཇི་ལྟར་བྱེ་ཡང་ངེས་པར་མེད། ཁ་དོག་རོ་དང་དབྱིབས་རྣམས་དང་། །རིགས་དང་སྦྱར་ཏེ་དེ་བཞིན་དབྱེ། །ལྔ་ལ་ལྔ་ཡིས་དབབ་བྱ་ཞིང་། །ལྔ་ཡིས་དེ་བཞིན་གདགས་པར་བྱ། །ཁྲོ་བོ་དྲག་པོའི་ཚམ་རྔམས་བྱ། །མཚམས་གྱིས་ཉེས་པ་བསལ་བ་དང་། །ལས་ཀྱི་ལྷ་ཡི་ཏིང་འཛིན་གྱིས། །དབུས་ཀྱི་ཐོད་པ་སྟོང་པར་འགྱུར། །འཇིགས་པའི་སྟོང་པ་ཆེན་པོ་ཡིན། །ཧུ༷་དང་རྡོ་རྗེའི་འཕྲོ་འདུ་ལས། །སྔགས་ཀྱི་གཙོ་བོ་ཉིད་དུ་གནས། །གནས་པ་ཆེན་པོ་བདེ་བ་ཆེ། །སྤྱན་དང་བསྟིམ་དང་སྔགས་ཀྱི་ལས། །བསྟོད་ཅིང་ཐོད་པ་དེ་བཞིན་བླང་། །ཧུ༷་དབུས་ཀྱི་བྷསྟོ་སུལ་མེད་བྱ། །བྱང་ཆུབ་སེམས་ལ་སྨན་སྦྱར་ནས། །རྩ་བ་ཡན་ལག་བཅད་པ་རྣམས། །བཛྲ་ཀི་ལ་ཡ་རུ་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། །དབུས་སུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །ཨོ་བཛྲ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། ཨོ་ཨ་མྲི་ཏ་ཀུཎྜལི་ཧུ༷་ཕཊ། ས་མ་ཡ་ཏིཛི་ལྷན། ཧུ༷་ཤར་གྱི་བྷརྙ་སུལ་འགྲེང་དུ། །དྲི་ཆེན་མཆོག་ལ་སྨན་སྦྱར་ནས། །རྩ་བ་ཡན་ལག་བཅས་པ་རྣམས། །བུརྙ་ཀི་ལ་ཡ་རུ་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། ཁྲར་དུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །ཧུ༷་བུརྙ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། ཨ་མྲི་ཏ་ཀུཎྜལི་ཧུ༷་ཕཊ།ས་མ་ཡ་ཏིཁྱི་ལྷན། ཧུ༷་ལྷོ་ཡི་བྷནྟྲ་སུལ་མང་དུ། །མྱ༷་ས་མཆོག་ལ་སྨན་སྦྱར་ནས། །རྩ་བ་ཡན་ལག་བཅས་པ་རྣམས། །རཏྣ་ཀི་ལ་ཡ་རུ་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱམཚོའི་ཐུགས་དམ་བསྐང་། །ལྷོ་རུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །སྲུ་བཛྲ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། ཨ་མྲི་ཏ་ཀུཎྜ་ལི་ཧུ༷་པཊ། ས་མ་ཡ་ཏིཁྱི་ལྷན། ཧཱུཾ༷་ནུབ་གྱི་བྷན་དྷ་ཟླ་གམ་དུ། །རཀྟ་མཆོག་ལ་སྨན་སྦྱར་ནས། །རྩ་བ་ཡན་ལག་བཅས༷་པ་རྣམས། །པདྨ་ཀི་ལ་ཡ་རུ་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། །ནུབ་ཏུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །ཨཱོཾ་པདྨ་ཀི་ལི་ཀི་ལ་ཡ་སརྦ་བི་༷་བ༷་ཧུ༷་ཕཊ། ཨ་མྲི་ཏ་ཀུཎྜལི་ཧུ༷་ཐ། ས་མ་ཡ་ཏིཛི་ལྷན། ཧུ༷་བྱང་གི་བྷན་དྷ་རྒྱ་གྲམ་དུ། །དྲི་ཆུ་མཆོག་ལ་སྨན་སྦྱར་ནས། །རྩ་བ་ཡན་ལག་བཅས་པ་རྣམས། །ཀརྨ་ཀི་ལ་ཡ་རུ་བྱིན་བརླབས་ནས། །རང་བྱུང་བདུད་རྩིའེ་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། །བྱང་དུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། ཧྭ་ཀརྨ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། ཨ་མྲི་ཏ་ཀུཎྜ་ལི་ཧཱུཾ༷་ཐ། ས་མ་ཡ་ཏིཛི་ལྷན། རང་བྱུང་གདོད་ནས་རྣམ་པར་དག །བདུད་རྩི་ལྔ་དང་རྩ་བ་བརྒྱད། །ཡན་ལག་སྟོང་དང་རབ་བསྙམས་པའི། །འོ་མ་དང་ནི་ཆུ་རྣམས་དང་། །མེ་ཏོག་རིན་ཆེན་མངར་རྣམས་དང་། །འཇིག་རྟེན་འདི་རུ་གྲགས་པ་རྣམས། །འཁོར་གྱི་ཁྲོ་བོར་བྱིན་བརླབས་ནས། །རང་བྱུང་བདུད་རྩི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། །ཕྱོགས་མཚམས་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །ཨོ་བཛྲ་ཀྲོ་དྷ་ཧུ༷་ཀྭ་ར་ཧུ༷་གརྫ་གརྫ་ཧུ༷་ཕཊ། ཨ་མྲི་ཏ་ཀུཎྜལི་ཧུ༷་ཐ། ས་མ་ཡ་ཏིཛི་ལྷན།ཧུ༷་ཐུགས་རྗེ་ཆེན་པོའི་ངང་ཉིད་ལས། །ཐུགས་མཆོག་རབ་ཏུ་གསལ་བའི་ཕྱིར། །མ་རིག་མུན་པ་འཇོམས་པའི་འོད། །འཁོར་བའི་བག་ཆགས་བསལ་བའི་ཕྱིར། །དབུས་སུ་བརྟན་པར་བཞུགས་སུ་གསོལ། །ཙྭ་ནཱ་དི་པ་ས་མ་ཡ་ཏིཇི་ལྷན། ཧུ༷་ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབས་འདིར་རྩོལ་ཅིག །ཨོ་བཛྲ་ཀི་ལི་ཀི་ལ་ཡ་ས་མ་ཡ་སརྦ་བིསྣ༷་བ༷་ཧུ༷་ཕཊ། སིརྙི་སིརྙི་ས་མ་ཡ་ཏིཁྱི་ལྷན། ཧུ༷་དངོས་གྲུབ་བར་གཅོད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་རྣམས། །མཐུ་དང་རྫུ་འཕྲུལ་མེད་པར་གྱིས། །ལས་རྣམས་ཐམས་ཅད་བསྲུང་བ་ཡི། །ལས་སྔགས་ཐམས་ཅད་ཀུན་བསྡུས་ནས། །བར་དུ་གཅོད་པའི་འབྱུང་པོ་ལ། །གསང་བ་ཡང་དག་མཚམས་སུ་བཤད། །ཕྲིན་ལས་མ་ལུས་མཐར་བྱུང་བ། །ནུས་པ་ཡོད་པར་བྱ་བའི་ཕྱིར། །སྔོན་དུ་དབང་བསྐུར་ཡང་དག་བཤད། །བདུད་རྩི་ལྔ་ཡི་ཐོད་པ་ལ། །བྱིན་བརླབ་འབྱུང་ཞིང་བསྟིམ་པ་དང་། །བསྒོ་དང་བརྡ་ཕྱག་དམ་སྲི་མནན། །འཁོར་འདས་གཞུག་ཅིང་སྒོ་བཅད་ནས། །སྟངས་སྟབས་རྟགས་ཀྱི་རིམ་པ་ཡིས། །ལྷ་དང་དོན་གྱིས་གཉིས་སུ་མེད། །ཐོད་པའི་ལྷ་རྣམས་གསལ་བ་ལ། །སྤྱན་དྲངས་ནམ་མཁར་རབ་ཏུ་བཞུགས། །སྔ ས་ཀྱི་བདུད་རྩིའི་ཆུ་རྒྱུན་འབབ། །ཐ་མར་རང་ཉིད་ཐིམ་པར་གྱུར། །བདུད་རྩི་མུ་ཏིག་དྲི་མ་མེད། །ཐམས་ཅད་དེ་ཡི་རང་བཞིན་ནོ། །ལས་ཀྱི་བྱ་བ་ཀུན་བྱས་ནས། །བདག་གཞན་གཉིས་སུ་རྣམ་པར་གྱུར། །འཕྲོ་འདུ་ཉི་མའི་ཟེར་ལྟ་བུ། །ནམ་མཁའ་གནས་པའི་སྦྱོར་བ་ལས། །བྱང་སེམས་མུ་ཏིག་རྣམ་པར་ཐིམ། །དེ་ཡང་མུ་ཏིག་དྲི་མེད་འདྲ། །ཡང་ནས་ཡང་དུ་འགྱུར་བས་ན། །དེ་ཉིད་བདུད་རྩི་ཆེན་པོ་ཡིན། །དབུས་ནས་གཟུང་ཏེ་ཤར་དག་ཏུ། །རིམ་པ་ལྔ་ནི་རང་བྱུང་ལྔ། །ཕྱོགས་མཚམས་ར་སྭ་ཡ་ན་ལ། །དེ་བཞིན་ཕྱོགས་མཚམས་ཉིད་དུ་སྦྱར། །ལྔ་ནས་བཟུང་ཞིང་ཡབ་ཡུམ་སྤེལ། །རྒྱན་བསྟར་མེ་ལོང་གཡབ་མོ་བྱ། །རྡོ་རྗེ་རིགས་ཀྱི་ཡབ་ཡུམ་ཡང་། །སྙིང་པོ་འདི་བརྗོད་བདུད་རྩིར་འགྱུར། །ཧུ༷་བཛྲ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། །ཨ་མྲི་ཏ་ཀུཎྜ་ལི་ཧུ༷་ཐ། །དེ་བཞིན་གཤེགས་པ་ཡབ་ཡུམ་ཡང་། །རྒྱན་བསྟར་གཡབ་ཅིང་ལྷ་ལ་བསྟོད། །དམ་ཅན་བསྐུལ་ཞིང་དྲི་ཡིས་མཆོད། །སྙིང་པོ་འདི་བརྗོད་བདུད་རྩིར་འགྱུར། །ཨོ་བཛྲ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། ཨ་མྲི་ཏ་ཀུཎྜ་ལི་ཧུ༷་ཐ། རིན་ཆེན་རིགས་ཀྱི་ཡབ་ཡུམ་ཡང་། །རྒྱན་བསྟར་གཡབ་ཅིང་ལྷ་ལ་བསྟོད། །རིན་ཆེན་རིགས་ཀྱི་སྲུང་མ་བསྐུལ། །སྙིང་པོ་འདི་བཟླས་བདུད་རྩིར་འགྱུར། །གྲྭ་བཛྲ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། ཨ་མྲི་ཀུཎྜལི་ཧུ༷་ཐ། པདྨ་རིགས་ཀྱི་ཡབ་ཡུམ་ཡང་། །རྒྱན་བསྟར་གཡབ་ཅིང་ལྷ་ལ་བསྟོད། །པདྨ་རིགས་ཀྱི་སྲུང་མ་བསྐུལ། །སྙིང་པོ་འདི་བརྗོད་བདུད་རྩིར་འགྱུར། །ཨོ་བཛྲ་ཀི་ལི་ཀི་ལ་ཡ་སརྦ་བིསྣྲུ༷་བ༷་ཧཱུཾ༷་ཕཊ། ཨ་མྲི་ཏ་ཀུཎྜལི་ཧཱུཾ༷་ཐ། ལས་ཀྱི་རིགས་ཀྱི་ཡབ་ཡུམ་ཡང་། །རྒྱན་བསྟར་གཡབ་ཅིང་ལྷ་ལ་བསྟོད། །ལས་ཀྱི་རིགས་ཀྱི་སྲུང་མ་བསྐུལ། །སྙིང་པོ་འདི་བརྗོད་བདུད་རྩིར་འགྱུར། །ཧྭ་བཛྲ་གི་ལི་ཀི་ལ་ཡ་སརྦ་བིསྒྱུ༷་བ༷་ཧཱུཾ༷་ཕཊ། ཨ་མྲི་ཏ་ཀུཎྜལི་ཧཱུཾ༷་ཐ། ཕྱོགས་མཚམས་ཐོད་པའི་སྨན་རྣམས་ལ། །རིམ་པ་བཞིན་དུ་ཡང་དག་བཟླས། །ལྷ་ལ་བསྟོད་ཅིང་སྲུང་མ་བསྐུལ། །མཆོད་པ་འབུལ་ཞིང་བར་གཅོད་བསལ། །ལྔའམ་བདུན་དུ་དེ་ཉིད་སྦྱར། །དཀར་བ་སྔོ་དང་དམར་བ་དང་། །ལྗང་དང་མཐིང་བ་རྣམ་པར་བྱུང་། ཁྲ་རྩི་དཀར་ལ་སྔོ་བསངས་མདོག །དམར་ལ་ཆ་ཕྲ་ལྗང་ལ་ལྡེམ། །མཐིང་ག་སྐྲ་བཟང་རྡོ་རྗེའི་དབྱིབས། །མངར་དང་ཁ་བའི་དྲི་དག་དང་། །སྒྱུར་བ་ཚ་བ་ཡང་དག་འབྱུང་། །ངད་པའི་དྲི་རྣམསདེབཞིནནོ། །ཡངབ་གསལ་བ་སྦྱོར་ལ་དགའ། །བརྟུལ་ཞུགས་ཆེ་ཞིང་ཤེས་རབ་གསལ། །དེ་བཞིན་གཤེགས་པའི་རིགས་དག་དང་། །རིན་ཆེན་པདྨ་ལས་ཀྱི་རིགས། །རྡོ་རྗེའི་རིགས་དང་ཡང་དག་དོན། །དེ་ཉིད་དུས་ན་ལྔ་རུ་སྣང་། །འཁོར་ལོ་རིན་ཆེན་པདྨ་དང་། །རྒྱ་གྲམ་རྡོ་རྗེ་ཡང་དག་འབྱུང་། །དེ་བཞིན་རིན་ཆེན་པདྨ་དང་། །ལས་དང་རྡོ་རྗེའི་རིགས་རྣམས་ཀྱིས། །ཁྲོ་བོ་ལྔ་ཡི་དངོས་གྲུབ་བླང་། །ཆེ་བའི་ལུས་དང་ནག་པོའི་འོད། །ལོག་པའི་སྒྲ་དང་གཉིས་པའི་ལས། །གྲངས་མེད་སྤྲུལ་པ་འགྱེད་པ་དང་། །ཡི་དམ་ལྷ་ལ་མཁའ་འགྲོའི་གཟུགས། །དངོས་གྲུབ་སྟེར་དང་སྙན་པའི་གླུ། །འབར་བའི་མེ་རྣམས་ལོག་པའི་ལམ །ནམ་མཁའི་འོད་དང་གསལ་བའི་མེ། །ཉི་མའི་མདངས་དང་འཇའ་ཚོན་གཟུགས། །བྱིས་པའི་སེམས་དང་ལོག་པའི་རྟགས། །ཕུར་པ་ཉུང་དཀར་ཐོ་བ་དང་། །དགྲ་སྟུ་རལ་གྲི་ཕྱག་ན་བསྣམས། །གུ་གུལ་རྔ་དང་ཁ་ཊ༷་དང་། །ཞིང་ལྤགས་ཕྱག་རྒྱས་ཡང་དག་དགབ། །རེ་དོགས་མེད་པའི་སེམས་ཉིད་ཀྱིས། །ཉམ་ང་མེད་པའི་སེམས་དང་བཅས། །དཔའ་བརྟུལ་སྤྱོད་པ་དུས་དང་སྦྱར། །བདེན་པའི་དོན་དང་མ་ལྡན་ན། །བག་མེད་སྤྱད་པས་སྐྱོན་དུ་འགྱུར། །ཡང་དག་ངེས་པའི་གདེང་ཆུད་ན། །བསམ་པ་འགྲུབ་ཅིང་ཆུད་མི་གསོན། །ས་གཞི་དོན་ལ་ཡང་དག་སྦྱོར། །བསོད་ནམས་མེ་ཡི་མཆོད་པ་འབུལ། །ཉེས་པ་མེད་པའི་རྟགས་ལ་དབབ། །དངོས་གྲུབ་ལས་སུ་ཤེས་པ་ཡིན། །ཉི་མ་ཤར་བའི་དུས་དག་ཏུ། །གོ་མཚོན་སྟངས་སྟབས་བར་གཅོད་བསལ། །ཞིང་ཆེན་པདྨའི་གདན་སྟེང་ནས། །ཨ་ལས་ཟླ་བའི་གཏན་པ་ལ། །མ་ལས་ཉི་མའི་ཐོ་བ་ཡིས། །བརྡུངས་བས་ཐབ་དང་ཤེས་རབ་ཀྱིས། །ཉེས་པ་བརྡུང་བའི་བྱིན་རླབས་ཀྱིས། །སྨན་ཉིད་བྱང་སེམས་དྲི་མ་མེད། །ཐམས་ཅད་བདུད་རྩི་འཁྱིལ་པ་ཡང་། །རྣམ་པར་རྒྱལ་བ་ཉིད་ཀྱང་རུང་། །སྔགས་ཉིད་གང་བསྒོམས་དེ་བཞིན་སྦྱར། །ཨོ་བཛ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། ཨ་མྲི་ཏ་ཀུཎྜལི་ཧ་ན་ཧ་ན་ཧུ༷་ཕཊ། ཉོན་མོངས་མ་ལུས་བརྡུང་བར་བསམ། །ཧུ༷་ཁྲོ་མོ་འབར་བའི་ག་་ཁུང་དུ། །རྡོ་རྗེ་ཐོ་བས་བརྡུང་བྱས་ན། །ལྷ་ཡང་རུང་སྟེ་བརྡུང་བར་བྱ། །ཡབ་དང་ཡུམ་དུ་བཅས་པ་དང་། །རྒྱན་དང་ཆ་ལུགས་རབ་ཏུ་བསྟན། །བྱིན་རླབས་བརྡས་བསྐུལ་བྱས་ནས་ནི། །ཐབས་དང་ཤེས་རབ་གཉིས་མེད་པར། །དྲི་མེད་མུ་ཏིག་འོད་བཞིན་འཚེར། །དར་ཚག་ཡབ་ཡུམ་གཉིས་ཀྱིས་གཟུང་། །རྟ་མགྲིན་དབྱུག་པ་སྔོན་པོ་གཉིས། །གང་ཡིན་ཉིད་དུ་སྔགས་དང་སྦྱར། །ཨོ་བཛྲ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། །ཨ་མྲི་ཏ་ཀུཎྜལི་ཧ་ན་ཧ་ན་ཧུ༷་ཕཊ། གརྫ་ཧ་ན་ད་ཧ་པ་ཙ་བྷརྙ་གྲོ་ཎྜ་ཏིཇི་ཚིརྙ་སྟིརྙ་སྤྲོ་ཊ་ཧུ༷་ཐ། །སྐམ་དང་རློན་པའི་ཉེས་པ་མེད། །དར་རམ་ཟ་འོག་སྣོད་དུ་བླུག །ཕུར་པ་བཅུག་ལ་རྒྱ་ཡང་གདབ་། །སྲས་མཆོག་རྒྱ་ཡངདེ བཞིན གདབ། །གདགས་ཤིང་ཁ་སྦྱར་ནང་དུ་གཞུག །ཚོད་ལ་བབ་པ་ཤེས་པར་བྱ། །དཀྱིལ་འཁོར་འཁོར་ལོ་རྩིབས་བཞི་ལ། །གྲུ་ཆད་དེ་བཞིན་བསྟན་པར་བྱ། །འཕགས་མཆོད་ཅིང་ལས་རྣམས་བྱ། །སྦྱིན་སྲེག་གཏང་ཞིང་བར་ཆད་བསལ ཡབ་ཡུམ་བར་དུ་བཅུག་བྱས་ནས། །གུ་གུལ་དུ་བས་དེ་བཞིན་བདུག །དབུས་ནས་རང་བྱུང་གྲུབ་པའི་ལྷ། །བཅོམ་ལྡན་བཛྲ་ཀི་ལ་ཡ། །སྣང་སྲིད་བདུད་རྩིར་བྱིན་བརླབས་ནས། །རྩ་བ་བརྒྱད་དང་ཡན་ལག་སྟོང་། །རྩ་བརྒྱད་སྟོང་ལས་སྦྱར་བའི་སྨན། །ཕོ་བྲང་ཆེན་པོའི་དབུས་སུ་སྐྱིལ། །རིགས་རྣམས་བསྡུས་ནས་དབུས་སུ་གཞུག །དབུ་མང་ཕྱག་མང་གདུག་པ་འདུལ། །དབུས་སུ་བརྟན་པར་བཞུགས་སུ་གསོལ། །ས་མ་ཡ་ཏིཁྱི་ལྷན། ལས་ཀྱི་བྱ་བ་ཀུན་ཀྱང་བྱ། །ཏིལ་ཆེན་མེ་མར་རྒྱུན་མི་གཅད། །ཡེ་ཤེས་ལྔ་ཡི་མེ་བཏང་ལ། །རིགས་གཅིག་བསྒྲུབ་པ་བར་མི་གཅད། །མཆོད་པ་དུས་སུ་དབུལ་བྱ་ཞིང་། །སྦྱོར་བ་ཆེན་པོ་དེ་དུས་བྱ། །རྒྱུ་མཆོག་མཚན་དང་ལྡན་པ་བསྒྲལ། །མཆོད་པ་དུས་སུ་མེ་མཆོད་བྱ། །དམ་ཚིག་ཟོལ་ཟོག་མེད་པར་བྱ། །ལྷ་ལ་བསྟོད་ཅིང་སྲུང་མ་བསྐུལ། །མེ་དང་དུ་བ་བརླངས་པ་དང་། །དྲི་དང་ལྷ་མོ་མངོན་དུ་སྟོན། །མང་དུ་འཕེལ་བ་རྫས་ཀྱི་མཆོག །བསྒྲལ་དང་ཆས་པའི་དངོས་གྲུབ་དང་། །ལུང་བསྟན་རྡོ་རྗེ་རིགས་ཀྱི་བསྒྲུབ། །དེ་ལ་ཡ་མཚན་ཡོངས་མི་བྱ། །རེ་བས་བར་ཆོད་དོགས་པ་འབྱུང་། །ཉམས་སུ་ལོན་ན་ཉམ་ང་མེད། །ཉམ་ང་མེད་ན་དངོས་གྲུབ་མྱུར། །དངོས་གྲུབ་ཆེན་པོ་རེ་དོགས་བཅས། །བདུད་དང་ཆ་བརྟགས་རབ་ཏུ་གཅེས། །བདུད་ཀྱི་སྤྱོད་པ་ཅིར་ཡང་སྟོན། །ཡིད་དམ་ལྷ་དང་མཁའ་འགྲོ་དང་། །རིག་འཛིན་ནམ་མཁའ་ལུང་སྟོན་འབྱུང་། །ངེས་པ་མེད་པའི་དོན་རྟོགས་ན། །དངོས་གྲུབ་ཆེན་པོ་འབྱུང་བ་ཡིན། །ཧུ༷་རྡོ་རྗེ་གཤོན་ནུའི་རིག་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་བུའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །ཐབས་ཀྱིས་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབས་འདིར་སྩོལ་ཅིག །ཨོ་བཛྲ་ཀི་ལི་ཀི་ལ་ཡ། ཨ༷་ཀུ་ཤ་ཛ། གུ་རྒྱ་དྲི་ཤུ་ས་མ་ཡ་སྟུ༷། ཧ་ན་ཧ་ན་ཧུ༷་ཕཊ། སིདྷ་སིརྙ་ཧུ༷་ཐ་ཧུ༷་ཧུ༷། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །རཀྟ་ཁུ་ཧེ། ཨོ་བཛྲ་ཀི་ལི་ཀི་ལ་ཡ། ཨ༷་ཀུ་ཤ་ཛ། ཨ་སྟི་ཁེ྅་ཧཱུཾ༷། ཁྲོ་ཆེན་ཉི་ཤུ་རྩ་གཅིག་དང་། །སྔགས་དང་དབྱངས་ལས་འབྱུང་བ་སྟེ། །རིམ་པས་བླངས་པ་ཀུན་ལ་སྦྱར། །ལྷ་དང་རྫས་ཀྱི་རིམ་པ་གཉིས། །ལྷ་ལ་གསུམ་སྟེ་མ་ལུས་ཐིམ། །རྫས་ལ་བརྟེན་པའི་བྲོ་དང་སྔགས། །བརྒྱད་དང་རྒྱུན་གདོན་པར་བྱ། །ཚེ་བསྟིམ་བཀྲ་ཤིས་ལས་རྣམས་བྱ། །ཀུན་ཏུ་བཟང་པོའི་རོལ་པ་ལས། །ཐམས་ཅད་བབ་ལྡན་རྡོ་རྗེ་ཉིད། །འགྲོ་བའི་རིག་འཛིན་འཐོབ་པར་འགྱུར། །ས་རྣམས་རིམ་པར་བགྲོད་པའོ། །ཧུ༷་རྡོ་རྗེ་བདུད་རྩིའི་དཀྱིལ་འཁོར་དུ། །མར་མེ་ལྔ་བརྒྱད་དག་ལ་མདངས་ཕྱུང་ནས། །རྡོ་རྗེ་ཕུར་པ་དག་ལ་དམ་བཅས་ནས། །རྡོ་རྗེ་གཞོན་ནུའི་ཐུགས་ཀྱི་བྱིན་རླབས་ལས། །ཡེ་ཤེས་མེ་ཡི་འོད་ཆེན་རབ་ཏུ་འབར། །རྟག་ཏུ་སྣང་བའི་གོ་འབྱེད་མར་མེ་བལྟམས། །མ་རིག་མུན་པ་བསལ་བ་དང་། །ངན་སོང་འཁོར་བའི་གནས་ནས་ཐར་བར་ཤོག །ཧུ༷་ཕྱོགས་ཀྱི་སྲས་མཆོག་བཞི་ཡི་ཐུགས་ཀྱི་བྱིན་རླབས་ལས། །ཡེ་ཤེས་མེ་ཡི་འོད་ཆེན་རབ་ཏུ་འབར། །རྟག་ཏུ་སྣང་བའི་གོ་འབྱེད་མར་མེ་བལྟམས། །སྐྱེ་བ་རྣམ་བཞིའི་གནས་ལས་ཐར་བར་ཤོག །ཧུ༷་ཁྲོ་བོ་བཅུ་ཡི་ཐུགས་རྗེའི་བྱིན་རླབས་ལས། །ཡེ་ཤེས་མེ་ཡི་འོད་ཆེན་རབ་ཏུ་གསལ། །རྟག་ཏུ་སྣང་བའི་གོ་འབྱེད་མར་མེ་བལྟམས། །མ་རིག་མུན་པ་བསལ་བ་དང་། །མི་དགེ་བཅུ་ཡི་གནས་ནས་ཐར་བར་ཤོག །ཧུ༷་ཁྲོ་མོ་བཅུ་ཡི་ཐུགས་ཀྱི་བྱིན་རླབས་ལས། །ཡེ་ཤེས་མེ་ཡི་འོད་ཆེན་རབ་ཏུ་གསལ། །རྟག་ཏུ་སྣང་བའི་གོ་འབྱེད་མར་མེ་བལྟམས། །མ་རིག་མུན་པ་བསལ་བ་དང་། །འཁོར་བའི་གཡང་ས་རྣམས་ནས་ཐར་བར་ཤོག །ཧུ༷་ཕྲ་ཐབས་ཉི་ཤུའི་ཐུགས་ཀྱི་བྱིན་རླབས་ལས། །ཡེ་ཤེས་མེ་འོད་རབ་ཏུ་གསལ་བ་དང་། །རྟག་ཏུ་སྣང་བའི་གོ་འབྱེད་མར་མེ་བལྟམས། །མ་རིག་མུན་པ་བསལ་བ་དང་། །ངན་སོང་འཁོར་བའི་གནས་ནས་འདྲེན་པར་ཤོག །ཧུ༷་སྲས་མཆོག་དྲུག་གི་ཐུགས་ཀྱི་བྱིན་རླབས་ལས། །ཡེ་ཤེས་མེ་ཡི་འོད་ཆེན་རབ་ཏུ་གསལ་བ་དང་། །རྟག་ཏུ་སྣང་བའི་གོ་འབྱེད་མར་མེ་བལྟམས། །མ་རིག་མུན་པ་བསལ་བ་དང་། །འགྲོ་བ་རིགས་དྲུག་གནས་ནས་ཐར་བར་ཤོག །ཧཱུཾ༷་དམ་ཅན་རྣམ་གསུམ་ཐུགས་ཀྱི་བྱིན་རླབས་ལས། །ཡེ་ཤེས་མེ་ཡི་འོད་ཆེན་རབ་ཏུ་གསལ་བ་དང་། །རྟག་ཏུ་སྣང་བའི་གོ་འབྱེད་མར་མེ་བལྟམས། །མ་རིག་མུན་པ་བསལ་བ་དང་། །ངན་སོང་རྒྱུད་གསུམ་གནས་ནས་ཐར་བར་ཤོག །ཧཱུཾ༷་རིག་འཛིན་རྒྱལ་པོ་ཐུགས་ཀྱི་བྱིན་རླབས་ལས། །ཡེ་ཤེས་མེ་ཡི་འོད་ཆེན་རབ་ཏུ་འབར། །རྟག་ཏུ་སྣང་བའི་གོ་འབྱེད་མར་མེ་བལྟམས། །མ་རིག་མུན་པ་བསལ་བ་དང་། །རིག་འཛིན་རྣམ་བཞིའི་གནས་ནས་འདྲེན་པར་ཤོག །ཧུ༷་འཁོར་བའི་མུན་པ་བསལ་བ་དང་། །དོན་དམ་ཆོས་དབྱིངས་མཐོང་བ་དང་། །ཆུ་བོ་བཞི་ལས་བརྒལ་བ་དང་། །བླ་མེད་གནས་སུ་འདྲེན་པའི་ཕྱིར། །མར་མེ་གསལ་བའི་འོད་དབྱུང་ངོ་། །ཧུ༷་རིན་ཆེན་གསེར་གྱི་ས་གཞི་ལ། །ས་ཡི་ལྷ་མོ་བརྟན་མ་ནི། །བཙོ་མ་གསེར་གྱི་ཁ་དོག་འདྲ། །བདུད་རྩིའི་བུམ་པ་ཕྱག་ན་བསྣམས། །བསྙེན་བསྒྲུབ་རྣམ་བཞི་མཐར་བྱུང་ནས། །འདོད་ཡོན་ལྷ་མོར་བྱིན་བརླབས་པའི། །དམ་རྫས་མང་པོའི་གཏོར་མ་འདི། །ས་ཡི་ལྷ་མོའི་མཁའ་དབྱིངས་སུ། །སྐྱོན་མེད་རྫས་ཀྱི་གཏེར་སྦས་པས། །གསེར་གྱི་ས་གཞིའི་ཡོན་ཏན་དང་། །ས་ཡི་ལྷ་མོའི་བྱིན་རླབས་དང་། །སྒྲུབ་མཆོག་བདག་གི་བྱིན་རླབས་ཀྱིས། །ཟད་མེད་གཏེར་ལ་ལོངས་སྤྱོད་ཅིང་། །འདོད་ཡོན་མང་པོའི་དབང་ཐོབ་ནས། །རིན་ཆེན་ལྔ་ལ་དབང་བསྒྱུར་ཤོག །ཧུ༷་རྡོ་རྗེ་ཕུར་པ་བདུད་རྩི་མཆོག་གི་སྐུ། །རྔམ་པ་ཆེན་པོའི་རིགས་གཅིག་བསྒྲུབ་པའི་ལྷ། །དབུ་ནི་བཅུ་གསུམ་གང་ལ་གང་འདུལ་བསྟན། །གཡས་དང་གཡོན་དུ་མེད་པར་ཐམས་ཅད་མཐིང་། །ཆོས་སྐུ་འཀྱུར་བ་མེད་པ་ཁྱེད་ལ་ཕྱག་འཚལ་བསྟོད། །སྤྱན་ནི་སུམ་ཅུ་སོ་དགུ་བྱུང་བ་ནི། །ཐམས་ཅད་ཀུན་ཏུ་ཁྱབ་པའི་སྤྱན་ལ་ཕྱག་འཚལ་བསྟོད། །མཆེ་བ་ལྔ་བཅུ་རྩ་གཉིས་བསྣོལ་བ་ནི། ཁམས་གསུམ་གདུག་པ་ཐམས་ཅད་སྒྲོལ་བར་བྱེད། །སྐྱེ་ཤིའི་རྩ་བ་གཅོད་པའི་ཚེམས་ལ་ཕྱག་འཚལ་བསྟོད། ་ངས་ནི་རྣམ་པ་བཅུ་གསུམ་བྱུང་བ་ནི། །དྲི་རྣམས་མཆོད་པས་མཉེས་བྱེད་ཅིང་། །བདེ་བར་གཤེགས་པའི་ཤངས་ལ་ཕྱག་འཚལ་བསྟོད། །རལ་པ་གྱེན་དུ་འཁྱིལ་བར་བསྟན་པ་ནི། །འཁོར་བ་གནས་སུ་འདྲེན་བྱེད་ཅིང་། །བྱམས་པའི་མགོན་མཛད་ཁྱེད་ལ་ཕྱག་འཚལ་བསྟོད། །གཡས་གཡོན་དང་པོ་ཧུ༷་མཛད་ཡབ་ཡུམ་བསྣམས་པ་ནི། །ཚངས་པ་དབང་སྡུད་བདུད་རྩིའི་ ཆར་ཆེན་འབེབས། །ཉི་མ་ཟླ་བ་འདུལ་བ་ཁྱོད་ལ་བསྟོད། །དེ་ཡི་འོག་མས་རྣམ་རྒྱལ་ཡབ་ཡུམ་བསྣམས། །དྲི་ཟ་དབང་སྡུད་བདུད་རྩིའི་ཆར་ཆེན་འབེབས། །བརྒྱ་བྱིན་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །དེ་ཡི་འོག་མས་དབྱུག་སྔོན་ཡབ་ཡུམ་བསྣམས། །དྲང་སྲོང་དབང་སྡུད་བདུད་རྩིའི་ཆར་ཆེན་འབེབས། །མེ་ལྷ་འདུལ་བའི་ལྷ་ལ་ཕྱག་འཚལ་བསྟོད། །དེ་ཡི་འོག་མས་གཤིན་རྗེ་ཡབ་ཡུམ་བསྣམས། །མ་མོ་དབང་སྡུད་བདུད་རྩིའི་ཆར་ཆེན་འབེབས། །གཤིན་རྗེ་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །དེ་ཡི་འོག་མས་མི་གཡོ་མགོན་པོ་ཡབ་ཡུམ་བསྣམས། །བདེན་གྲལ་དབང་སྡུད་བདུད་རྩིའི་ཆར་ཆེན་འབེབས། །སྲིན་པོ་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །དེ་ཡི་འོག་མས་རྟ་མགྲིན་ཡབ་ཡུམ་བསྣམས། །བདུད་རྣམས་དབང་སྡུད་བདུད་རྩིའི་ཆར་ཆེན་འབེབས། །ཀླུ་རྣམས་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །དེ་ཡི་འོག་མས་གཞན་གྱིས་མི་ཐུབ་ཡབ་ཡུམ་བསྣམས། །ནོར་སྲུང་དབང་སྡུད་བདུད་རྩིའི་ཆར་ཆེན་འབེབས། །རླུད་ལྷ་འདུས་པའི་ལྷ་ཆེན་ཁྱོད་ལ་ཕྱག་འཚལ་བསྟོད། །དེ་ཡི་འོག་མས་བདུད་རྩི་འཁྱིལ་པ་ཡབ་ཡུམ་བསྣམས། །འཆི་བདག་དབང་སྡུད་བདུད་རྩིའི་ཆར་ཆེན་འབེབས། །གནོད་སྦྱིན་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །དེ་ཡི་འོག་མས་ཁམས་གསུམ་རྣམ་རྒྱལ་ཡབ་ཡུམ་བསྣམས། །བགེགས་རིགས་དབང་སྡུད་བདུད་རྩིའི་ཆར་ཆེན་འབེབས། །དབང་ལྡན་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །དེ་ཡི་འོག་མས་སྟོབས་ཆེན་ཡབ་ཡུམ་བསྣམས། །ཀླུ་རྣམས་དབང་སྡུད་བདུད་རྩིའི་ཆར་ཆེན་༄༅ འབེབས། །ས་བདག་འདུལ་བའི་ལྷ་ཆེན་ཁྱོད་ལ་ཕྱག་འཚལ་བསྟོད། །གཡས་གཡོན་ཐ་མས་སྲས་མཆོག་དྲུག་བསྣམས་ཤིང་། །འགྲོ་དྲུག་དབང་སྡུད་བདུད་རྩིའི་ཆར་ཆེན་འབེབས། །འཇིག་རྟེན་འདུལ་བའི་ལྷ་ཆེན་དྲུག་ལ་ཕྱག་འཚལ་བསྟོད། །ཐོད་པ་ཚར་གསུམ་སྐུ་གསུམ་ལྷུན་གྲུབ་རྟགས། །ཞག་གི་ཟོ་རིས་དོན་དམ་བཅུད་ཀྱི་རྟགས། །རཀྟའི་ཐིག་ལེ་ཐུགས་རྗེ་ཆགས་པའི་རྟགས། །ཐལ་ཆེན་ཚོམ་བུ་ཐམས་ཅད་མཁྱེན་པའི་རྟགས། །གླང་ཆེན་ཀོ་ཤུན་ཐུགས་རྗེ་སྟོབས་ཀྱི་རྟགས། །ཞིང་ཆེན་གཡང་གཞི་འདོད་ཆགས་རྩད་ནས་གཅོད་པའི་རྟགས། །སྟག་གི་ཤམ་བུ་དཔལ་རྟུལ་ཟིལ་གྱིས་གནོན་པའི་རྟགས། །སྦྲུལ་ཆེན་རིགས་བཞི་ཀླུ་ཡི་རིགས་རྣམས་དབང་དུ་སྡུད་པའི་རྟགས། །རྡོ་རྗེའི་གཤོག་པ་འཇིག་རྟེན་ཟིལ་གྱིས་གནོན་པའི་རྟགས། །ཞབས་བརྒྱད་ཕྱོགས་མཚམས་དྲེགས་པ་གནོན་པའི་རྟགས། །འཇིག་རྟེན་དཔའ་སྟོང་ཐམས་ཅད་འདུལ་བའི་ལྷ། །རྡོ་རྗེ་ཕུར་པ་བདུད་རྩི་འབེབས་མཛད་ལྷ། །བདུད་རྩི་ཆེན་པོའི་ལྷ་ལ་ཕྱག་འཚལ་བསྟོད། །ཐམས་ཅད་འདུལ་བའི་ལྷ་ཆེན་ཁྱོད་ལ་བསྟོད། །བདུད་རྩིའི་ཆར་ཆེན་འབེབས་ལ་ཕྱག་འཚལ་བསྟོད། །བདུད་རྩི་ཆེན་པོ་འདི་དག་ཀྱང་། །སྐྱོན་ཡོན་རབ་ཏུ་ཆེ་བས་ན། །བསྲུང་བའི་རིམ་པཚུལབཞིནབྱ། །མཚན་མ་ཤ་མདངས་ཕྱེད་པར་གྱིས། །ཆོས་ཉིད་བལྟ་བ་ཆེན་པོ་ཡིས། །ངན་པ་ཐམས་ཅད་བཟང་པོར་འགྱུར། །དེ་ཕྱིར་རྟོགས་པ་རབ་ཏུ་གཅེས། །མ་རྟོགས་འཁྲུལ་པ་རྟོགས་པ་བསྒོམ། །རང་རྒྱུད་བྲལ་བའི་ཏིང་འཛིན་གྱིས། །བར་ཆད་གཏན་ནས་འཇོམས་པར་བྱེད། །སྟོང་པ་ཆེན་པོའི་ཏིང་འཛིན་ལ། །བསོད་ནམས་སྟོང་པའི་རང་བཞིན་ཡིན། །དེ་ཉིད་ཡང་དག་དོན་ཤེས་ན། །འབྲས་བུ་བདུད་རྩི་འཁྱིལ་པར་བྱེད། །འཛིན་པས་བཅིངས་པའི་སེམས་ཉིད་ནི། །ཉམ་ང་འཁུ་འཕྲིག་རབ་ཏུ་ཆེ། །རྟགས་ཀྱི་བྱེ་བྲག་མ་ཕྱེད་པར། །དངོས་གྲུབ་ཡལ་བར་གཏོང་བ་དང་། །བདུད་ཀྱི་ལས་ལས་གྲུབ་པར་བྱེད། །རྩི་མེད་བདུད་ཀྱི་ལས་སུ་འགྱུར། །དེ་བཞིན་ཆ་རྟགས་རབ་ཏུ་གཅེས། །སྔོན་གྱི་བདུད་ཀྱི་རྒྱལ་པོ་ཡང་། །གབ་སྦས་ཤ་མདངས་མ་ཕྱེད་པར། །ཁམས་གསུམ་སྡུག་བསྔལ་ཆེན་པོར་གྱུར། །ཐར་པའི་དུས་མེད་ཐུགས་རྗེས་བསྒྲལ། །སྦྱོར་དང་སྒྲོལ་བ་མ་རྟོགས་ཏེ། །རང་དགར་བཟུང་བའི་སྦྱོར་སྒྲོལ་གྱིས། །རྣམ་པ་གཉིས་སུ་སྨིན་པར་འགྱུར། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། སྨན་སྒྲུབ་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་རྫས་ཐམས་ཅད་ཁྲོ་བོས་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཆེན་པོ་བསྟན་པ་བཞིན། །མཎྜལ་བྲི་བ་དེ་བཞིན་ཏེ། །མང་ཉུང་གྲངས་སུ་བཤད་པ་ཙམ། །མཚན་ལྡན་ལྔ་རུ་བཤམས་པའི་རྫས། །བསྟན་པ་དེ་བཞིན་མང་ཉུང་མེད། །བསྐྱེད་དང་སྤྱན་དྲང་བསྟིམ་པ་དང་། །མཆོད་དང་བསྟོད་པ་རབ་ལྡན་བྱ། །ཧུ༷་དབུས་ཀྱི་བྷན་དྷ་སུལ་མེད་དུ། །བྱང་ཆུབ་སེམས་ལ་སྨན་སྦྱར་ནས། །རྩ་བ་ཡན་ལག་བཅས་པ་རྣམས། །བཛྲ་ཀི་ལ་ཡ་རུ་བྱིན་བརླབས་ནས། །རང་བྱུང་བདུད་རྩི་སྨན་སྦྱར་ནས། །རྒྱལ་བ་གྱེ་མཚོའི་ཐུགས་དམ་བསྐང་། །དབུས་སུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །ཨོ་བཛྲ་ཀི་ལི་ཀི་ལ་ཡ་སརྦ་བིསྣྲུ༷་བ༷་ཧུ༷་ཕཊ། ཨ་མྲི་ཏ་ཀུཎྜལི་ཧུ༷་ཐ། ས་མ་ཡ་ཏིཁྱི་ལྷན། ཧུ༷་ཤར་གྱི་བྷསྟོ་སུལ་འགྲེང་དུ། །དྲི་ཆེན་མཆོག་ལ་སྨན་སྦྱར་ནས། །རྩ་བ་ཡན་ལག་བཅས་པ་རྣམས། ཁྲོ་བོ་རྣམ་པར་རྒྱལ་དང་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། ཁྲར་དུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །ཨོ་བཛྲ་ཀྲོ་དྷ་བི་ཛ་ལ་ཧུ༷་ཧ་ན་ཧ་ན་ཧུ༷་ཕཊ། ཨ་མྲི་ཏ་ཀུཎྜལི་ཧུ༷་ཐ། ས་མ་ཡ་ཏིཛི་ལྷན། ཧུ༷་ལྷོ་ཡི་བྷན་དྷ་སུལ་མར་དུ། །ནཱ༷་ས་མཆོག་ལ་སྨན་སྦྱར་ནས། །རྩ་བ་ཡན་ལག་བཅས་པ་རྣམས། །ཁྲོ་བོ་གཤིན་རྗེའི་གཤེད་དུ་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། །ལྷོ་རུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །ཨོ་བཛྲ་ཀྲོ་དྷ་ཡ་མྱརྙ་ཀ་ཧུ༷། པ་ཙ་པ་ཙ་ཧུ༷་ཕཊ། ཨ་མྲི་ཏ་ཀུཎྜལི་ཧུ༷་ཐ། ས་མ་ཡ་ཏིཛི་ལྷན། ཧུ༷་ནུབ་ཀྱི་བུན་དྷ་ཟླ་གམ་དུ། །རཀྟ་མཆོག་ལ་སྨན་སྦྱར་ནས། །རྩ་བ་ཡན་ལག་བཅས་པ་རྣམས། །ཁྲོ་བོ་རྟ་མགྲིན་དཔལ་དུ་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། །ནུབ་ཏུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ། །ཨོ་བཛྲ་ཀྲོ་དྷ་ཧ་ཡ་རྒི་ཝ་ཧུ༷་ཧུ་ལུ་ཧུ་ལུ་ཧུ༷་ཕཊ། ཨོ་ཨ་ཕྲི་ཏ་ཀུཎྜལི་ཧུ༷་ཐ། ས་མ་ཡ་ཏིཇི་ལྷན། ཧུ༷་བྱང་གི་བྷན་དྷ་རྒྱ་གྲམ་དུ། །དྲི་ཆུ་མཆོག་ལ་སྨན་སྦྱར་ནས། །རྩ་བ་ཡན་ལག་བཅས་པ་རྣམས། །ཁྲོ་བོ་བདུད་རྩི་འཁྱིལ་པར་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། །བྱང་དུ་བརྟན་པར་བཞུགས་ནས་ཀྱང་། །རང་བྱུང་བདུད་རྩིའི་དངོས་གྲུབ་སྩོལ །ཨོ་བཛྲ་ཀྲོ་དྷ་ཨ་མྲི་ཏ་ཀུཎྜལི་ཧུ༷། ཚིརྙ་ཚིརྙ་ཧུ༷་ཕཊ། ཨ་མྲི་ཏ་ཀུཎྜལི་ཧུ༷་ཐ། ས་མ་ཡ་ཏིརྫི་ལྷན། ཧུ༷་རང་བྱུང་གདོད་ནས་རྣམ་པར་དག །བདུད་རྩི་ལྔ་དང་རྩ་བ་བརྒྱད། །ཡན་ལག་སྟོང་དང་རབ་བསྙམས་པའི། །མེ་ཏོག་རིན་ཆེན་ལྔ་རྣམས་དང་། །འཇིག་རྟེན་འདི་རུ་གྲགས་པ་རྣམས། །མཚམས་བཞི་སྟེང་འོག་བྱིན་བརླབས་ནས། །རང་བྱུང་བདུད་རྩིའི་སྨན་སྦྱར་ནས། །རྒྱལ་བ་རྒྱ་མཚོའི་ཐུགས་དམ་བསྐང་། །མཚམས་བཞི་སྟེང་འོག་བརྟན་པར་བཞུགས། །རང་བྱུང་བདུད་རྩིའི་དངོས་གྲུབ་སྩོལ། །ཧུ༷་བཛྲ་ཀྲོ་དྷ་ཧུ༷་ཀྭ་ར་ཧུ༷་གརྫ་གརྫ་ཧུ༷་ཕཊ། ཨ་མྲི་ཏ་ཀུཎྜལི་ཧུ༷་ཕཊ། ས་མ་ཡ་ཏིརྫི་ལྷན། ལས་རྣམས་མ་ལུས་ཐམས་ཅད་ཀུན། །རིམ་པ་གང་དུ་བཤད་པས་ན། །ཁྲོ་བོ་ལས་ཀྱི་བདུད་རྩི་རྣམས། །མི་བསྲེ་རང་རང་བསྟེན་པར་བྱ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ཁྲོ་བོ་བདུད་རྩི་བསྒྲུབ་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་སྨན་རིགས་གཅིག་པའི་ཏིང་ངེ་འཛིན་ལ་སྙོམས་པར་ཞུགས་ཏེ། མཚན་ལྡན་དུར་ཁྲོད་གནས་དག་ཏུ། །སྲུང་བའི་ལས་རྣམས་ཀུན་བྱས་ནས། །མཎྜལ་མདའ་གང་གྲུ་བཞི་ལ། །ལས་ཀྱི་བྱ་བ་བྱས་ནས་ཀྱང་། །ཐིག་དང་ཚོན་ཡང་དེ་བཞིན་བྱ། །བྲི་ བའི་ལས་ཉིད་ཡང་དག་བཤད། ཁུ་གསུམ་ཟླ་གམ་སྒོ་དག་བཅས། །ཟླུམ་པོ་བརྩིག་པ་དེ་བཞིན་བྱ། ཁྲར་དུ་སྒོ་ཡང་དེ་བཞིན་ཏེ། །རིམ་པས་བསྐོར་བའི་མེ་རི་བྱ། །གདན་དང་སྙིང་པོ་དེ་བཞིན་བརྟག །སྒོ་ལ་ཡུམ་གྱི་སྙིང་པོ་བཀོད། །ཕྱི་ནང་གསང་བའི་ལྔ་གསུམ་དང་། །རྩ་བ་བརྒྱད་ཀྱང་དེ་བཞིན་དུ། །ཐམས་ཅད་བདུད་རྩི་བསྒྲུབ་བྱའི་ཕྱིར། །མཚན་ལྡན་ཐོད་པ་དྲི་ཡིས་བདུག །སྨན་རྣམས་ནང་དུ་བླུག་བྱས་ལ། །སྲུང་བའི་ལས་ཉིད་ཡང་དག་བཤད། །ལས་ཀྱི་ཏིང་འཛིན་ཆེན་པོ་ཡིས། །སྟོང་པ་ཧུ༷་དང་རྡོ་རྗེ་དང་། །བརྒྱད་པོ་ཉིད་དུ་ཡང་དག་འགྱུར། །བཞེངས་དང་སྤྱན་དྲངས་བསྟིམས་པ་དང་། །འཕྲོ་འདུ་བསྟོད་པ་ཡང་དག་པ། །བསྟན་ནས་དབུས་སུ་གཞུག་བྱས་ཏེ། །མར་མེ་ཐོད་པ་རྒྱན་རྣམས་དགྲམ། །ཕུར་པ་རྒྱལ་པོར་དབང་བསྐུར་བྱ། །དེ་བཞིན་དཀྱིལ་འཁོར་བཅོམ་ལྡན་འདས་བདུད་རྩི་སོ་སོར་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། རྒྱུ་གཅིག་པ་དང་རྐྱེན་གཉིས་པ། །བྱང་ཆུབ་སེམས་དང་སྡེར་ཆགས་ཤ །ལན་ཚྭ་ཉིད་དུ་རྐྱེན་དུ་འགྱུར། །འབྱུང་བ་སྟོང་པའི་རང་བཞིན་ལས། །བདུད་རྩིའི་ལྷ་ཉིད་རྣམ་པར་གསལ། །ཡེ་ཤེས་རྡོ་རྗེ་ཆེན་པོ་ཡིས། །ཐམས་ཅད་འདུས་པའི་རང་བཞིན་ཏེ། །འབྲུ་གསུམ་སྔགས་དང་ལྷ་རྣམས་དང་། །བདུད་རྩིའི་སྔགས་ཀྱིས་རྣམ་པར་སྤར། །མ་གྲུབ་བར་དུ་སྔགས་རྣམས་བཟླས། །ཐོད་པ་འགུལ་དང་དུ་བ་དང་། །མེ་དང་འོད་རྣམས་རྣམ་པར་འབྱུང་། །མེ་ལོང་ཡེ་ཤེས་དངོས་གྲུབ་ཐོབ། །འབྲས་བུ་རྡོ་རྗེའི་རིགས་སུ་འགྱུར། །སུལ་འགྲེང་ཐོད་པ་མཚན་ལྡན་ལ། །རྒྱུ་གཅིག་པ་དང་རྐྱེན་གཉིས་པ། །རྒྱུ་ནི་བྱང་ཆུབ་དྲི་ཆེན་ལ། །རྨིག་ཟླུམ་ཤ་དང་བྲག་ཞུན་དང་། །རིམ་པ་བྱ་བ་དེ་བཞིན་དུ། །དེ་བཞིན་ཉིད་ཀྱི་ལྷ་ཉིད་གསལ། །ཆོས་ཉིད་ཡེ་ཤེས་ཆེན་པོ་ཡིས། །ཐམས་ཅད་འདུས་པ་དྲི་མ་མེད། །སྔགས་གསུམ་དེ་བཞིན་ཡང་དག་སྦྱར། །སྒྲུབ་པ་ཆེན་པོ་ལས་ཀྱི་མཆོག །ཞིམ་པའི་ངད་དང་སྣ་ཚོགས་དྲི། །སྟོང་པ་ཆེན་པོའི་དངོས་གྲུབ་ཐོབ། །འབྲས་བུ་དེ་བཞིན་གཤེགས་པར་འགྱུར། །སུལ་མང་ཐོད་པ་མཚན་ལྡན་ལ། །རྒྱུ་གཅིག་པ་དང་རྐྱེན་གཉིས་པ། །ནཱ༷་ས་ཆེན་པོ་ཡང་དག་འབྱུང་། ཁ་བྲག་ཤ་དང་དབང་པོ་ལག །བསྒོམ་པའི་ལྷ་ཡང་དེ་བཞིན་ཏེ། །གསལ་ལ་རྟོག་པ་མེད་པ་དང་། །མཉམ་པའི་ཡེ་ཤེས་ཆེན་པོ་ཡིས། །ཐམས་ཅད་འབྱུང་བས་ཟག་པ་མེད། །སྔགས་ལ་སྦྱོར་བའི་རིམ་པ་མེད། །བསྒྲུབ་པའི་འབྲས་བུ་དོན་གྱི་མཆོག །འོད་དང་བར་སྣང་འཇའ་རྣམས་འབྱུང་། །མཉམ་པའི་ཡེ་ཤེས་དངོས་གྲུབ་འབྱུང་། །ཟླ་གམ་ཐོད་པ་མཚན་ལྡན་ལ། །རྒྱུ་གཅིག་པ་དང་རྐྱེན་གཉིས་པ། །རཀྟ་ཆེན་པོ་དངོས་འབྱུང་མིན། །འདབ་ཆགས་ཤ་དང་རམ་བུ་དང་། །བསྒོམ་པས་གསལ་ལ་རྟོག་པ་མེད། །རང་གསལ་བ་ཉིད་དེ་བཞིན་ནོ། །རྟོག་པ་མེད་པའི་ཡེ་ཤེས་ཀྱིས། །གསལ་ལ་གདངས་པ་པདྨའི་དྲི། །སྔགས་ལ་རིམ་པའི་གྲངས་དང་སྦྱར། །བསྒྲུབ་པའི་འབྲས་བུ་དོགས་པ་མེད། །ཡི་དམ་ལྷ་དང་མཁའ་འགྲོའི་གཟུགས། །སོ་སོར་རྟོག་པའི་དངོས་གྲུབ་ཐོབ། །འབྲས་བུ་པདྨའི་རིགས་སུ་འགྱུར། །རྒྱ་གྲམ་ཐོད་པ་མཚན་ལྡན་དུ། ཁུ་གཅིག་པ་དང་རྐྱེན་གཉིས་པ། །དྲི་ཆུ་བྱང་ཆུབ་སེམས་དཔའ་དང་། །རྐང་ལེབ་ཤ་དང་ཅོང་ཞི་དང་། །བསྒོམས་པས་ཕྲིན་ལས་ཐམས་ཅད་འགྲུབ། །གྲུབ་པས་དོན་རྣམས་འབྱུང་བར་འགྱུར། །ཐམས་ཅད་འགྲུབ་པར་འབྱུང་བ་ཡིན། །གདུག་པ་འདུལ་བས་དྲག་པོར་འགྲུབ། །སྔགས་ལས་གསུམ་གྱིས་དོན་དུ་སྦྱར། །ཐམས་ཅད་འབྱུང་བས་རེ་བ་སྐོང་། །དོན་རྣམས་བསྟན་དང་ཡིད་དུ་འོང་། །མེ་ལྟར་འབར་དང་ཆུ་ལྟར་འབབས། །བྱ་བ་གྲུབ་པའི་ཡེ་ཤེས་ཐོབ། །འབྲས་བུ་ལས་ཀྱི་རིགས་སུ་འགྱུར། །སྟོང་པ་ཧུ༷་དང་རྡོ་རྗེ་དང་། །ལྷ་ཉིད་བསྒོམ་པའི་རིམ་པ་ཡིས། །གང་ཡིན་ལྷ་ལ་དངོས་གྲུབ་འབྱུང་། །རིམ་པ་ལྔ་ཡི་འབྲས་བུ་ནི། །རིག་འཛིན་ས་ལ་དེ་ཡིས་སླེབ། །ཀུན་ཏུ་བཟང་པོའི་བྱིན་རླབས་ཡིན། །དེ་ལ་ཉེས་པ་གང་ཡང་མེད། །ཁམས་གསུམ་ཉོན་མོང་འདྲེན་པའི་ལམ། །རྒྱུ་དེ་རྐྱེན་གཉིས་འབྲས་བུར་སྨིན། །ཡེ་ཤེས་ལྔ་ཡི་ངོ་བོ་ལས། །འབྲས་བུ་རིགས་ལྔར་ཡང་དག་འབྱུང་། །སྣང་ལ་རང་བཞིན་མེད་པའི་ལྷ། །དེས་ན་འབྲས་བུ་གདོན་མི་ཟ། །ཡེ་ཤེས་ཆེན་པོའི་རང་བཞིན་ལས། །རྣམ་པ་ལྔ་ཡི་ངོ་བོ་འབྱུང་། །མེ་ལོང་ཡེ་ཤེས་ངོ་བོར་གསལ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། བདུད་རྩི་ལྔ་བསྒྲུབ་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་སྣང་བ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། སྣང་བ་ཡེ་ཤེས་རབ་གསལ་བ། །དོན་དམ་གསལ་བའི་ཡེ་ཤེས་འབྱུང་། །བརྟེན་པ་གསལ་བའི་ཆོས་ཉིད་འབྱུང་། །ཁམས་གསུམ་གསལ་བའི་སྒྲོན་མེ་འབྱུང་། །རང་གསལ་ཉི་མའི་དཀྱིལ་འཁོར་འབྱུང་། །ཐམས་ཅད་མ་བསྒྲིབས་གསལ་བར་འབྱུང་། །ཡོད་མེད་གཉིས་སུ་མེད་པར་གསལ། ཁམས་གསུམ་བདེ་བས་གསལ་བ་འབྱུང་། །རང་རིག་སྟོན་པའི་སྒྲོན་མེ་འབྱུང་། །ཡེ་ཤེས་ཉི་མའི་དཀྱིལ་འཁོར་རབ་ཏུ་གསལ། །སྣང་བ་ཉི་འོད་ཐམས་ཅད་སྟོན། །མ་བསྒྲིབས་གསལ་བའི་འོད་དེ་ཐམས་ཅད་སྟོན། །ཉི་མ་རང་གསལ་དོན་རྣམས་ཐམས་ཅད་སྟོན། །དབང་པོ་གསལ་བའི་འོད་དེ་དོན་རྣམས་སྟོན །འོད་གསལ་ཀུན་དང་མཐུན་པ་ཡོངས་ཀྱིས་མིན། །རང་བྱུང་ཡེ་ཤེས་ཅིར་ཡང་གསལ་བའི་འོད། །ཁམས་གསུམ་གསལ་བའི་སྒྲོན་མ་འབྱུང་། །སྟོང་པ་གསལ་བའི་སྒྲོན་མ་རབ་ཏུ་གསལ། །ཉི་མའི་འོད་བཞིན་ཐམས་ཅད་སྙོམས་པར་འབྱུང་། །འདི་ནི་ཡང་དག་གསལ་བའི་སྒྲོན་མར་གསལ། །རང་བྱུང་གསལ་བའི་དབྱིངས་ལས་མ་ཉམས་པར། །སྟོང་ཁམས་ཡོངས་ལ་སྙོམས་པའི་ཐུགས་རྗེ་འབྱུང་། །ཡངས་པ་ཆེན་པོའི་དོན་ལས་མ་གཡོས་པར། །བདེ་བ་ཆེན་པོའི་དོན་རྣམས་སྟོན་པའི་མཆོག །བསྟན་པས་གསལ་བ་ཆེན་པོའི་ངང་། །ཐིག་ལེ་ཆེན་པོ་ཅིར་ཡང་སྣང་བ་ལས། །རོལ་པ་ཕྱོགས་མེད་དོན་དམ་བཅུད་ཀྱི་དབྱིངས། །དུས་གསུམ་ཀུན་ཏུ་འགྱུར་བ་མེད་པའི་ངང་། །དེ་ཉིད་རོལ་པ་ཅིར་ཡང་སྣང་བའི་ཕྱིར་། །སྒྲོན་མ་གསལ་བའི་དོན་རྣམས་འདིར་བསྟན་པས། །རྟོགས་པས་གསལ་བའི་དོན་རྣམས་ཡོངས་ཀྱིས་གསལ། །བདེ་བའི་དོན་ལ་ཅིར་ཡང་གསལ་བའི་འོད། །རང་བྱུང་རང་ཤར་མ་བསྒྲིབས་ས་ལེར་གསལ། །ཚུལ་ཁྲིམས་སྡོམ་པ་ཀུན་ཀྱང་རབ་ཏུ་བསྲུང་། །འཛིན་པས་མི་འཆིང་བདེ་བའི་ངང་གིས་གསལ། །དབང་དང་དམ་ཚིག་ཀུན་ཀྱང་མི་སྤང་རབ་ཏུ་བསྲུངས། །ལྷ་ལ་མི་ཆགས་རང་བཞིན་ངང་གིས་སྟོང་། །སྟོང་པ་ཉིད་ལ་མི་གནས་རོལ་པ་ཅིར་ཡང་སྣང་། །རོལ་པ་རང་རྒྱུད་མི་བཟུང་ཡན་པར་བཏང་། །མཁས་པ་ཆེན་པོ་སྟོན་པའི་སྒྲོན་མར་གསལ། །གསལ་ལ་འཛིན་པ་མེད་པའི་ངང་ཉིད་ལས། །དུས་གསུམ་ཀུན་ཏུ་མ་བསྒྲིབས་རབ་ཏུ་གསལ། །འབྱུང་བ་ཆེན་པོའི་དབྱིངས་ལས་མི་ཞེན་པ། །མ་ཡེངས་དོན་ལ་ཅི་ཡང་ས་ལེ་མཁྱེན། །གང་ལ་བསྟན་པ་དེ་ལས་གཞན་ལ་བསྟན་དུ་མེད། །ཉི་མའི་སྙིང་པོ་འགྱུར་བ་མེད་པ་ལྟར། །རང་བྱུང་བྱང་ཆུབ་སེམས་ལ་འགྱུར་བ་མེད། །བདེ་བའི་མྱུ་གུ་བསྟན་པའི་སྒྲོན་མེ་གསལ། །དོན་དུ་བསྟན་ཀྱང་ངེས་པ་དེ་ལས་མེད། །བསྟན་པ་ཉིད་ལ་འདི་ཞེས་བརྗོད་དང་བྲལ། །བྲལ་ཞིང་སྤང་དུ་ཅི་ཡང་མེད་པར་རྟོགས། །ཕྱོགས་དང་བྲལ་ཞིང་ཕྱོགས་ལ་འཛིན་པ་མེད། །བརྡལ་བ་ཆེན་པོའི་ངང་ལས་མ་གཡོས་པར། །གང་གི་དོན་དུ་དེ་ཡི་བསྟན་པར་འབྱུང་། །དོན་དམ་བཅུད་ཀྱི་སྙིང་པོ་ངང་གིས་གསལ། །ཡོད་པའི་ངོ་བོ་ཅིར་ཡང་སྣང་བའི་འོད། །ལེགས་པའི་འབྲས་བུ་ཐོབ་ཏུ་མེད་པའི་དབྱིངས། །དོན་གྱི་སྙིང་པོ་བདེ་བ་འདི་ལས་མེད། །བདེ་བ་ཉིད་ཀྱང་གསལ་བའི་ཉི་མ་འདྲ། །དཔེར་ན་ཆུ་ཡི་ཟླ་བ་བཞིན་ཏེ་རང་བཞིན་གསལ། །གང་གིས་བསྟན་པ་དེ་ཡིས་གོ་བར་བསྟན། །དེ་མ་རྟོགས་པའི་བྱང་ཆུབ་སྙིང་པོ་ནི། །གསལ་བ་མི་འཛིན་རང་བཞིན་འོད་ཀྱིས་གསལ། །སྟོང་པ་ཀུན་བཟང་དུས་གསུམ་འགྱུར་བ་མེད། །རསྒ་སྲིན་པོ་བདེ་བའི་མྱུ་གུ་བརྟགས། །རང་རང་བག་ཆགས་བརྟས་པས་སྡུག་བསྔལ་འབྱུང་། །མི་སྤང་མི་འདོར་ཡང་དག་སྙིང་པོ་བྲལ། །སྙིང་པོ་ཉིད་ལ་འདི་ཞེས་བསྟན་དུ་མེད། །སྙིང་པོ་ཉིད་ཀྱང་དོན་གྱིས་བརྗོད་དང་བྲལ། །སྙིང་པོ་འདི་ལ་མ་འདུས་གང་ཡང་མེད། །སྙིང་པོ་འདི་ལས་རོལ་པ་ཅིར་ཡང་སྣང་། །སྙིང་པོ་འདི་ལས་སེམས་ཅན་སངས་རྒྱས་འབྱུང་། །སྙིང་པོ་འདི་ལས་སྐུ་དང་ཡེ་ཤེས་འབྱུང་། །སྙིང་པོ་འདི་ལས་ཐམས་ཅད་མཁྱེན་པ་འབྱུང་། །སྙིང་པོ་འདི་ལས་གསལ་བའི་ཡེ་ཤེས་འབྱུང་། །སྙིང་པོ་འདི་ལས་རིགས་ཀྱི་སངས་རྒྱས་འབྱུང་། །སྙིང་པོ་འདི་ལས་ཡང་དག་འབྲསབུ་འབྱུང་། །སྙིང་པོ་འདི་ལས་བསྟན་པ་རྒྱ་མཚོ་འབྱུང་། །སྙིང་པོ་འདི་ལས་མི་བདེ་སྣ་ཚོགས་འབྱུང་། །སྙིང་པོ་འདི་ལས་ས་དང་ལམ་དུ་འབྱུང་། །སྙིང་པོ་འདི་ལས་ས་རྣམས་རིམ་པར་བགྲོད། །སྙིང་པོ་མ་སྤངས་རང་བཞིན་ལྷུན་གྱིས་གྲུབ། །སྙིང་པོ་འདི་ལས་དོན་རྣམས་ཡང་དག་འབྱུང་། །སྙིང་པོ་འདི་ལས་ངེས་མེད་ངེས་པར་གཟུང་དུ་མེད། །སྙིང་པོ་འདི་ལས་བྱིན་རླབས་ཐམས་ཅད་འབྱུང་། །སྙིང་པོ་འདི་ལས་བཙལབ་མེད་པར་གསལ། །སྙིང་པོ་འདི་ལས་དབང་རྣམས་མ་བསྐུར་འཐོབ། །སྙིང་པོ་འདི་ལས་ཕྲིན་ལས་ལྷུན་གྱིས་གྲུབ། །སྙིང་པོ་འདི་ལས་ཞི་ཁྲོ་གཉིས་སུ་སྣང་། །སྙིང་པོ་འདི་ལས་བྱ་རྩོལ་མེད་པར་གྲུབ། །སྙིང་པོ་འདི་ལས་སྣང་དང་སྟོང་པར་སྣང་། །སྙིང་པོ་འདི་ལས་བྱིན་རླབས་ཤུགས་ཀྱིས་འབྱུང་། །སྙིང་པོ་འདི་ལས་གང་བསྟན་ཐམས་ཅད་འགྲུབ། །སྙིང་པོ་འདི་ལས་གཙོ་དང་འཁོར་དུ་སྣང་། །སྙིང་པོ་འདི་ལས་བཙལ་དུ་མེད་པར་འགྲུབ། །སྙིང་པོ་འདི་ལས་དཀྱིལ་འཁོར་ཐམས་ཅད་འབྱུང་། །སྙིང་པོ་འདི་ལས་ཐམས་ཅད་ཀུན་ཏུ་གསལ། །སྙིང་པོ་འདི་ལས་ཡོངས་སུ་བརྡལ་བའི་ངང་། །སྙིང་པོ་འདི་ལས་རྩལ་དང་ཐུགས་རྗེར་འབྲེལ། །སྙིང་པོ་འདི་ལས་ཐམས་ཅད་གཞི་དང་བྲལ། །སྙིང་པོ་འདི་ལ་བསག་པའི་གཞི་དང་བྲལ། །སྙིང་པོ་འདི་ལ་བརྟེན་པའི་ས་དང་བྲལ། །སྙིང་པོ་འདི་ལ་བརྟེན་པའི་དོན་དང་བྲལ། །སྙིང་པོ་འདི་ལ་བརྗོད་པའི་ཚིག་དང་བྲལ། །སྙིང་པོ་འདི་ལ་ལྟ་བའི་ཡུལ་དང་བྲལ། །སྙིང་པོ་འདི་ལ་བསྒོམ་པའི་དམིགས་དང་བྲལ། །སྙིང་པོ་འདི་ལ་སྤྱོད་པའི་དམིགས་དང་བྲལ། །སྙིང་པོ་འདི་ལ་རེ་བའི་འབྲས་བུ་བྲལ། །སྙིང་པོ་འདི་ལ་ང་དང་བདག་ཏུ་བྲལ། །སྙིང་པོ་འདི་ལ་བརྟེན་པའི་དམིགས་དང་བྲལ། །ཐམས་ཅད་གཟུང་བའི་ཡུལ་མེད་རེ་བ་མེད། །སྙིང་པོ་ཉིད་ཀྱང་བསྟན་པའི་དམིགས་དང་བྲལ། །སྤང་བ་མེད་དེ་རང་བཞིན་ངང་གི་གསལ། །གསལ་བ་ཉིད་ཀྱང་དམིགས་པ་ཀུན་དང་བྲལ། །གསལ་བ་ཉིད་ན་འདི་ཞེས་བསྟན་དུ་མེད། །མེད་པ་མ་ཡིན་ཀུན་གྱི་སྙིང་པོར་གསལ། །སྙིང་པོ་ཉིད་ན་བདེ་བ་ཆེན་པོར་གནས། །བདེ་བས་མི་འཛིན་རང་བཞིན་ཅིར་ཡང་སྣང་། །སྣང་བ་ཀུན་ཀྱང་དམིགས་པའི་བརྟེན་པ་མེད། །ཡོད་དང་མེད་པའི་མཐར་ནི་ཅིར་ཡང་སྣང་། །ཐམས་ཅད་ང་ཡིན་དེ་ལ་ང་མ་དམིགས་དང་བྲལ། །དང་པོ་མ་བྱུང་ཐ་མ་གར་མི་འགྲོ། །དེ་བཞིན་དུས་གསུམ་ཀུན་ཏུ་འདི་ལ་གནས། །ཀུན་ཏུ་བཟང་པོ་ཉིད་ཀྱང་དེ་ཉིད་དོ། །སྣང་བ་ཙམ་དུ་རང་བཞིན་གསལ་བ་ལ། །སྟོང་པ་ཉིད་ལ་ཐ་དད་དེ་བཞིན་འགྱུར། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། སྙིང་པོ་སྣང་བར་བསྟན་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་རོལ་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ།ཡེ་ཤེས་བཞི་དང་རྣམ་པ་ལྔ། །མེ་ལོང་ཡེ་ཤེས་ཀུན་གྱི་མཆོག །ཐམས་ཅད་འདི་ཡི་ངོ་བོ་གསལ། །སྟོང་པའི་ཡེ་ཤེས་སྣང་བ་མེད། །སྟོང་པ་ཆེན་པོ་ཆོས་ཀྱི་མཆོག །མཉམ་ཉིད་ཡེ་ཤེས་རིན་པོ་ཆེ། །སྣང་སྟོང་གཉིས་ལ་ཁྱད་པར་མེད། །སོ་སོར་རྟོག་པ་ཤེས་རབ་ཡིན། །རབ་ཏུ་འབྱེད་པའི་ངོ་བོར་གནས། །བྱ་བ་གྲུབ་པས་ལས་རྣམས་སྟོན། །ཐམས་ཅད་སྤྲུལ་པས་སྟོང་གསུམ་འགེངས། །དོན་རྣམས་མ་ལུས་འགྲུབ་པར་བྱེད། །ཡེ་ཤེས་ལྔ་ཡི་རང་བཞིན་ལས། །རང་བཞིན་གསལ་བའི་ཡེ་ཤེས་ཏེ། །རིགས་སུ་ཕྱེ་བས་ལྔ་རུ་བཤད། །རོལ་པའི་དོན་ལ་ཁྱད་པར་མེད། །གཅིག་ནི་ཆོས་སྐུ་དོན་གྱིས་མཚོན། །གཉིས་ནི་ལོངས་སྐུ་འགྲོ་བ་འདུལ། །གཅིག་ནི་སྤྲུལ་པ་བསྟན་པ་བསྲུང་། །དོན་གྱི་ཁྱད་པར་ཡང་དག་པ། །ལྔ་པའི་ངེས་པར་གསལ་བར་འགྱུར། །དོན་དམ་ཡེ་ཤེས་རྫོགས་པ་ཡིས། །རོལ་པ་ཆེན་པོའི་རིགས་ལྔར་འབྱུང་། །རྡོ་རྗེ་རིགས་ཀྱི་སངས་རྒྱས་དང་། །གྲུབ་པའི་འབྲས་བུ་གང་བསྟན་པ། །ས་དང་ལམ་ལྔ་རབ་བགྲོད་ཀྱང་། །མེ་ལོང་ཡེ་ཤེས་ཆེན་པོ་ཡིས། །སྣང་བའི་དོན་ལ་ཅིར་ཡང་སྟོན། །དེ་བཞིན་རིགས་ཀྱི་སངས་རྒྱས་དང་། །གྲུབ་པའི་འབྲས་བུ་ཁྱད་པར་ཅན། །ས་དང་ལམ་ལ་རིང་བས་ན། །སྟོང་པ་ཆེན་པོའི་དབྱིངས་སུ་ཐིམ། །རིན་ཆེན་རིགས་ཀྱི་སངས་རྒྱས་ནི། ཁུ།བ་པའི་འབྲས་བུ་རིན་ཆེན་ཡང་། །གཞི་ཡི་དོན་གྱིས་ལས་མི་འགྲུབ། །སྐབས་ཀྱི་འབྲས་བུ་རང་སར་གྲོལ། །མཉམ་པའི་ངང་དུ་ཡང་དག་སྟོན། །པདྨ་རིགས་ཀྱི་སངས་རྒྱས་ཀྱང་། །བདེ་བའི་འབྲས་བུ་དོན་གྱིས་གསལ། །རིམ་པ་གྲངས་ལ་བསྟན་ན་ཡང་། །བཞི་དང་ལྔ་རུ་བསྟན་དུ་མེད། །སོ་སོར་རྟོགས་པས་རྟོགས་པའི་ངང་། །ལས་ཀྱི་རིགས་ཀྱི་སངས་རྒྱས་ཀྱང་། ཁུ།བ་པ་ཅན་དུ་བསྟན་པ་སྟེ། །ས་དང་ལམ་ལ་བསྟན་པར་ཟད། ཁུ།བ་པའི་འབྲས་བུ་གཞི་མི་དགོས། །ཐམས་ཅད་གཅིག་པས་མི་འབྱུང་ཕྱིར། །བྱ་བ་གྲུབ་པའི་རང་བཞིན་ཅན། །སྐུ་ལྔ་ཡེ་ཤེས་རྣམ་ལྔ་ཡང་། །དོན་དམ་གཅིག་ལས་བསྟན་པ་ལ། །དེ་ཉིད་ངོ་བོར་འགྱུང་བས་ན། །རིག་པ་ཅན་དུ་གང་ལ་འགྱུར། །མེད་པར་བྱུངབའི་དོན་དུ་ཡང་། །བརྗོད་པའི་ཚིག་ཙམ་ཡང་དག་མིན། །རང་རིག་གསལ་བའི་ངོ་བོ་ལས། །སྟོང་པའི་རིག་པར་འགྱུར་བ་མེད། །རིག་པ་ཐམས་ཅད་ཀུན་གྱི་གཞི། །རིག་པ་སྣ་ཚོགས་བྱུང་བས་ན། །རིག་པའི་ངོ་བོས་གཞི་རྩ་བྲལ །མེད་པའི་རང་བཞིན་གཞི་རྩ་བྲལ །གཉིས་སུ་མེད་པར་གཞི་རྩ་བྲལ། །ཆོས་ཉིད་ཕུར་པར་གཞི་རྩ་བྲལ། །ཐུགས་རྗེ་ཕུར་པར་གཞི་རྩ་བྲལ། །བྱང་སེམས་ཕུར་པར་གཞི་རྩ་བྲལ། །འདུས་བྱས་ཕུར་པར་གཞི་རྩ་བྲལ། །དེ་བཞིན་ཉིད་དུ་གཞི་རྩ་བྲལ། །ལྷ་ཡི་གཞལ་ཡས་གཞི་རྩ་བྲལ། །ལྷ་ཉིད་བསྒོམ་པར་གཞི་རྩ་བྲལ། །སྤྱན་དང་མཆོད་དང་བསྟོད་པ་དང་། །ཐམས་ཅད་རང་བཞིན་གཞི་རྩ་བྲལ། །གཞི་དང་རྩ་བ་ངེས་གཟུང་མེད། །གཞི་རྩ་བྲལ་བའི་ཆོས་ཉིད་ནི། །ཅིར་ཡང་མེད་ལ་ཅིར་ཡང་སྣང་། །སྣང་བ་ཉིད་ཀྱང་གཞི་རྩ་བྲལ། །ཅིར་ཡང་མེད་པས་ངོས་གཟུང་མེད། །ལྷ་དང་ལྷ་རུ་བསྒོམ་པ་ཡང་། །ལྷ་གཉིས་རང་བཞིན་ཁྱད་པར་མེད། །དྲང་བའི་དོན་དུ་ཅིར་ཡང་སྟོན། །དྲང་བ་ཉིད་དུ་བསྟན་པ་ནི། །ངེས་པར་བརྟགས་པས་དེ་བཞིན་ཡིན། །ངེས་པ་ཉིད་དང་གཉིས་སུ་མེད། །ངེས་མེད་རང་བཞིན་ཐམས་ཅད་སྟོན། །སྤངས་པའི་ཆོས་ཉིད་ཐིག་ལྟར་ཕྲ། །ཕྲ་བས་དམིགས་དང་བྲལ་བར་བཤད། །ཕྲ་བའི་རང་བཞིན་བརྟག་དཀའ་བ། །ཕྲ་བའི་དོན་ཉིད་ཅིར་ཡང་སྟོན། །དེ་ཡིས་དོན་རྣམས་སྟོན་པར་བྱེད། །ཡང་དག་ཉིད་དུ་དེ་བསྟན་ན། །ངེས་པ་ཉིད་དུ་འབྲས་བུར་བཅས། །རེ་བ་མེད་པར་དོན་རྟོགས་ནས། །ཡང་དག་བསྟན་པའི་ཕུར་པ་འགྱུར། །ལྷ་ཉིད་གཞི་རྩ་མ་བྲལ་ན། །ཡང་དག་དོན་གྱི་ཕུར་པ་མིན། །འཛིན་པས་བཅིངས་པའི་ལྷ་ཉིད་ནི། །གཞི་དང་རྩ་བ་བཅས་པ་སྟེ། །ངེས་པ་ཅན་དུ་གྱུར་པར་ན། །བྱ་རྩོལ་མེད་པའི་ཡེ་ཤེས་མིན། །དོན་གྱི་ཕུར་པ་གཞི་རྩ་བྲལ། །ངེས་པར་ཕུར་པ་བརྗོད་པ་བྲལ། །སྣང་བ་ཙམ་དུ་བསྟན་པ་སྟེ། །རང་རང་རྒྱུད་དུ་འཛིན་པ་མེད། །འཛིན་པ་རང་བཞིན་དངོས་པོ་སྟེ། །དེ་ཡིས་བསྟན་པའི་འབྲས་བུ་ནི། །ས་དང་ལམ་ལ་རིམ་པར་བསྟན། །རྟོགས་པ་མེད་པའི་ལྷ་ཉིད་ནི། །འབྲས་བུ་སྲིད་པ་ཉིད་དུ་བརྟས། ཁྲེས་པའི་རྟོག་པ་རང་སར་གྲོལ། །རང་གྲོལ་འབྲས་བུ་བཙལ་མི་དགོས། །སངས་རྒྱས་ས་ལ་རྣམ་པ་ལྔ། །རང་རིག་ཡེ་ཤེས་རྟོགས་པའི་ས། །འཛིན་པ་ཕྱོགས་སུ་བྲལ་བའི་ས། །ཡེ་ཤེས་རྒྱུན་མི་འཆད་པའི་ས། ་།་འབྲས་གཉིས་མེད་རྟོགས་པའི་ས། །ཐམས་ཅད་ལྷུན་གྱིས་གྲུབ་པའི་ས། །ལྔ་ཡིས་རང་བྱུང་ས་ལྔ་རྟོགས། །འབྱུང་བ་ལྔ་ཡི་རང་བཞིན་ལ། །སངས་རྒྱས་ཞིང་ཁམས་ཐམས་ཅད་རྟོགས། །ནམ་མཁའ་སྟོན་པས་རབ་བསྟན་པ། །ངེས་པར་བསྟན་དུ་མེད་པར་རྟོགས། །སྟོན་པས་ཆུ་ཡི་དོན་བསྟན་པ། །འཁོར་བའི་བག་ཆགས་སྦྱོང་བར་རྟོགས། །སྟོན་པས་ས་ཡི་དོན་བསྟན་པ། །འགྲོ་བ་ཚིམས་བྱེད་གསོས་སུ་རྟོགས། །སྟོན་པས་མེ་ཡི་དོན་བསྟན་པ། །འཁོར་བའི་རྣམ་རྟོག་བསྲེག་པ་དང་། །ཡེ་ཤེས་མེ་ཆེན་འབར་བའི་རྟགས། །སྟོན་པ་ལྔ་ཡིས་རབ་བསྟན་པ། །འཁོར་བ་ལྔ་ནི་མྱ་ངན་འདས། །རེ་དོགས་མེད་པར་མྱ་ངན་འདས། །ཡང་དག་སྟོན་པའི་སྙིང་པོ་འདི། །ཆོས་ཉིད་ཕུར་པའི་ངོ་བོ་སྟེ། །སེམས་ཅན་དྲག་པོས་སྒྲོལ་བ་ཡང་། །དྲག་པོ་ཉིད་ཀྱང་དམིགས་དང་བྲལ། །ཡེ་ཤེས་མེ་ཡི་ཁྲོ་བོ་ནི། །སྲེག་པའི་ལྷ་སྟེ་འཚིག་པར་བྱེད། །ཁམས་གསུམ་འཁྲུ་བྱེད་ཡེ་ཤེས་ཆུ། །འཁོར་བ་འཁྲུད་བྱེད་ངན་སོང་འཇོམས། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རོལ་པ་ཆེན་པོའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་རབ་ཏུ་བྱམས་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ཕུར་པའི་ཆོས་ཉིད་ལས། །ཀུན་ཏུ་བཟང་པོའི་རོལ་པ་ཡིས། །དུས་གསུམ་བདེ་གཤེགས་དགོངས་པ་འདུས། ཁྲེས་པའི་ཁྱད་པར་བསམ་འདས་པ། །རོལ་པའི་ཐེག་པ་བསམ་ལས་འདས། །ཡིན་དང་མ་ཡིན་བརྟག་དཀའ་བས། །རྟོག་པའི་ལྟ་བ་བསམ་ལས་འདས། །མ་རིགས་མ་ཤེས་དྲང་བ་ལས། །ཟག་པ་མེད་པའི་ཆོས་རྣམས་ལ། །རྣམ་པ་གྲངས་སུ་རབ་བསྟན་ཏེ། །དོན་དམ་གཉིས་སུ་བསྟན་པར་སྣང་། །སིལ་བུ་གོང་བུ་སྙོམས་པར་འཇུག །ལྔ་རུ་འཇུག་ཅིང་ས་རྣམས་བགྲོད། །ས་གཉིས་རབ་ཏུ་ནོན་པ་ཡང་། །དོན་དང་མཐུན་པ་ཡང་དག་ས། །བྱམས་པ་ཆེན་པོའི་རོལ་པ་ལས། །ཆོས་ཉིད་ཕུར་པ་ཅིར་ཡང་སྣང་། །རང་རང་རྟོགས་པའི་ཁྱད་པར་ལས། །སྤང་པ་དང་ནི་བསྒྲུབ་པ་དང་། །སྤང་ན་སྟོང་པ་ནམ་མཁའ་འདྲ། །མ་སྤངས་ས་ལ་རྣམ་པ་གསུམ། །ཉོན་མོངས་ལས་དང་སྡུག་བསྔལ་གསུམ། །རྟོགས་དང་མ་རྟོགས་ཁྱད་པར་ལས། །བྱམས་པ་ཆེན་པོའི་བྱིན་རླབས་ལས། །ཆོས་ཉིད་ཕུར་པ་ཅིར་ཡང་སྣང་། །ཕྱི་ནང་རྟེན་ཅིང་འབྲེལ་པར་གནས། །རྣལ་འབྱོར་རྣམ་གཉིས་རང་བཞིན་ལས། །སྣང་བའི་རྟོག་པ་བཅད་པ་ཡིས། །མེད་པ་ཉིད་དུ་གྱུར་པ་ཡིན །སྣང་ལ་རང་བཞིན་མེད་པས་ན། །བཅས་པ་ཉིད་དུ་གྱུར་པ་ཡིན། །གསལ་ལ་མི་རྟོག་མར་མེ་འདྲ། ཤེལ་སྒོང་ལྟ་བུ་རྣམ་པར་དག །དོན་དམ་ཀུན་རྫོབ་རང་བཞིན་ལས། །བསལ་བྱ་སེལ་བར་བྱུང་བ་དང་། །བསལ་མེད་སྣང་བ་རང་བཞིན་མེད། ས་ལ་གནས་པའི་འབྲས་བུ་གཏེར། །བྱམས་པ་ཆེན་པོའི་བྱིན་རླབས་ལས། །ཆོས་ཉིད་ཕུར་པ་ཅིར་ཡང་སྣང་། །དག་པ་ཆེན་པོའི་ཆོས་ཉིད་ལས། །རྣམ་པ་གསུམ་གྱི་ངོ་བོ་སྟེ། །རིམ་པ་གཉིས་སུ་བརྟན་པ་དང་། །དག་པ་ཅན་དུ་གྱུར་པས་ན། །ས་ལ་རབ་ཏུ་གནས་པའོ། །བྱམས་པ་ཆེན་པོའི་བྱིན་རླབས་ལས། །ཆོས་ཉིད་ཕུར་པ་ཅིར་ཡང་སྣང་། །རིགས་ལྔ་སྣང་བ་རང་བཞིན་མེད། །དག་པས་གཙང་སྟེ་དྲི་མ་མེད། །རིམ་པར་གྱུར་ཏེ་ངོ་མཚར་ཆེ། །ས་ལ་རབ་ཏུ་གནས་པ་སྟེ། །བྱམས་པ་ཆེན་པོའི་བྱིན་རླབས་ལས། །ཆོས་ཉིད་ཕུར་པ་ཅིར་ཡང་སྣང་། །སྣང་ལ་རང་བཞིན་མེད་པའི་ལྷ། །རིམ་པ་མ་ཡིན་གཉིས་སུ་སྣང་། །མཉམ་པར་མཆོད་པ་ངོ་མཚར་ཏེ། །ཡང་དག་ས་ལ་གནས་པའོ། །བྱམས་པ་ཆེན་པོའི་བྱིན་རླབས་ལས། །ཆོས་ཉིད་ཕུར་པ་ཅིར་ཡང་སྣང་། །ལྷ་དང་ལྷ་མོའི་རང་བཞིན་ལ། །སྤྲོས་དང་བྲལ་བའི་ཆོས་ཉིད་ལ། །གཉིས་སུ་མེད་པའི་རྟོགས་པ་ཆེ། །ཏིང་འཛིན་ས་ཡི་རིམ་པ་ཡིན། །བྱམས་པ་ཆེན་པོའི་བྱིན་རླབས་ལས། །ཆོས་ཉིད་ཕུར་པ་ཅིར་ཡང་སྣང་། །ཀུན་བཟང་ཡབ་ཡུམ་རོལ་པ་ལས། །བདེ་བ་ཆེན་པོར་ཡང་དག་འབྱུང་། །གནས་པ་ཆེན་པོའི་ཏིང་འཛིན་གྱིས། །ས་རྣམས་རབ་ཏུ་རྫོགས་པའོ། །བྱམས་པ་ཆེན་པོའི་བྱིན་རླབས་ལས། །ཆོས་ཉིད་ཕུར་པ་ཅིར་ཡང་སྣང་། །རྡོ་རྗེ་ཕུར་པའི་ངོ་བོ་སྟེ། །གདུག་པ་འདུལ་བ་བྱམས་པར་སྣང་། །ཁམས་གསུམ་རྒྱུད་སྦྱོར་བྱམས་པར་སྣང་། །ལོག་པར་སྒྲོལ་བ་བྱམས་པར་སྣང་། །ཡང་དག་བསྟན་པའི་ཕུར་པ་འདི། །དུས་གསུམ་ཀུན་ཏུ་འགྱུར་བ་མེད། །ཐིག་ལེ་ཕུར་པའི་རང་བཞིན་ལས། །འདུལ་བའི་དབང་དུ་ཅིར་ཡང་སྣང་། ཁྲེས་པའི་ཁྱད་པར་རྣམ་དགུ་ཡང་། །དྲང་བའི་ལུང་སྟེ་ཉོན་མོངས་སྦྱོང་། །རང་རིག་རང་གསལ་བལྟ་བའི་དོན། །བཞི་ཡིས་བསྟན་ཏེ་ལྔ་ཡང་རུང་། །ཚད་མེད་སྙིང་རྗེའི་རིག་པ་དང་། །མཉམ་ཉིད་རིག་པའི་ཐེག་པ་དང་། །ལྷུན་གྲུབ་སྤང་མེད་ཐེག་པ་གང་། །རྡོ་རྗེ་ཕུར་པའི་ཆོས་ཉིད་ཡིན། །བདེ་བ་ཆེན་པོའི་ངང་ཉིད་ལས། །ཡོངས་ལ་དབང་བསྒྱུར་རིན་ཆེན་མཛོད། །རྟོག་པ་ནམ་མཁའི་རང་བཞིན་ལས། །སྐྱེ་བ་མེད་པར་ཐམས་ཅད་སྐྱེ། །སྤྲིན་དང་ན་བུན་ཁུ་རླངས་དང་། །ཉི་མ་ཟླ་བ་སྐར་མ་དང་། །འབྲུག་དང་གློག་དང་ཐུག་ཆོམ་དང་། །སྲེག་པར་བྱེད་དང་འཕང་བར་བྱེད། །ཐམས་ཅད་ཐམས་ཅད་འབྱུང་བར་བྱེད། །རེས་འགའ་སྣ་ཚོགས་ནམ་མཁའ་ལ། །རེས་འགའ་ནམ་མཁའ་སྟོང་པར་འགྱུར། །དེ་འདྲ་ནམ་མཁའི་མཚན་ཉིད་ནི། །ཅིར་ཡང་མེད་ལ་ཅིར་ཡང་སྣང་། །དེ་བས་ནམ་མཁའ་དམིགས་དང་བྲལ། །དེ་བཞིན་བྱང་ཆུབ་སེམས་ཉིད་ནི། །སྐྱིད་པར་བྱེད་དང་སྡུག་པར་བྱེད། །སངས་རྒྱས་འབྱུང་ཞིང་སེམས་ཅན་འབྱུང་། །ལྷ་ཡང་འབྱུང་ལ་འདྲེ་ཡང་འབྱུང་། །མཐོ་རིས་འབྱུང་ཞིང་ངན་སོང་འབྱུང་། །ཡོད་པར་འབྱུང་ཞིང་མེད་པར་འབྱུང་། །རེས་འགའ་སྣ་ཚོགས་ཀུན་ཏུ་འབྱུང་། །རེས་འགའ་སྣ་ཚོགས་དབྱིངས་སུ་ཐིམ། །ཡོད་དང་མེད་པའི་ངོས་གཟུང་མེད། །སྟོན་པའི་འཁོར་དུ་བཅས་པ་ཡང་། །བྱང་ཆུབ་སེམས་ཉིད་རང་བཞིན་འབྱུང་། །གོ་དང་གསལ་བའི་སེམས་ཉིད་ལ། །རྨུགས་དང་འཐིབས་པར་བྱེད་པ་འབྱུང་། །ཁྲོ་དང་ག་་པའི་སེམས་ཉིད་ལ། །ཞི་དང་ངེས་པ་བྱེད་པ་འབྱུང་། །འཛིན་དང་ཆགས་པར་བྱེད་པ་འབྱུང་། །འཛིན་མེད་སྟོང་པའི་སེམས་ཉིད་འབྱུང་། །བསད་དང་བཅད་པའི་སེམས་ཉིད་ལ། །བྱམས་པ་ཆེན་པོའི་སེམས་ཉིད་འབྱུང་། །ཉོན་མོངས་སྡུག་བསྔལ་སེམས་ཉིད་ལ། །བདེ་སྐྱེད་ཡངས་པའི་སེམས་ཉིད་འབྱུང་། །སེམས་ཉིད་ཡངས་པའི་དབྱིངས་ཉིད་དུ། །འཁོར་འདས་བསམ་གྱིས་མི་ཁྱབ་ཤོངས། །དེ་ཕྱིར་སེམས་ཉིད་ཡངས་པ་ནས། །ཐམས་ཅད་ཐམས་ཅད་འབྱུང་བ་ཡིན། །རང་རྒྱུད་དངོས་པོར་མ་གྲུབ་ཕྱིར། །ཐམས་ཅད་ཀུན་ལ་འགྲུབ་པར་བསྟན། །སྣང་བ་ཙམ་དུ་བསྟན་པར་ཟད། །སྣང་བའི་རང་བཞིན་ཡོད་པའི་ཕྱིར། །ཐམས་ཅད་འབྱུང་བ་སེམས་ལས་འབྱུང་། །དེ་ཕྱིར་ཐམས་ཅད་ཀུན་ཡི་གཞི། །བསྟན་པར་དཀའ་བའི་རང་བཞིན་ཏེ། །ངེས་པར་བསྟན་པའི་ཆོས་ཉིད་ལ། །དངོས་པོར་བསྟན་དུ་མེད་ལ་ཡོད། །སྟོང་པས་སྟོང་པ་མཚོན་པ་ལ། །སྟོང་པའི་རང་བཞིན་བརྟག་དཀའ་བས། །སྟོང་པ་འདི་ཞེས་བསྟན་དུ་མེད། །རྡོ་རྗེ་ཕུར་པའི་ཆོས་ཉིད་ལས། །ཐམས་ཅད་འབྱུང་བ་དེ་ཡི་ཕྱིར། །ངེས་པ་མེད་པས་ངེས་པར་བསྟན། །བྱམས་པ་ཆེན་པོའི་ཏིང་ངེ་འཛིན། །རྡོ་རྗེ་ཕུར་པ་བཤད་པའི་རྒྱུད་ལས། བྱམས་པ་ཆེན་པོའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་དབང་གི་ཏིང་ངེ་འཛིན་ལ་སྙོམས་པར་ཞུགས་ཏེ། ཡེ་ནས་དག་པའི་ཆོས་ཉིད་ལས། །རྟོགས་པ་ཆེན་པོ་དབང་གི་མཆོག །མ་རྟོགས་ནན་དབང་ཆེན་པོ་ཡིས། །ཚུལ་བཞིན་བསྐུར་བས་ངན་སོང་འཇོམས། །ངེས་བཟུང་བྲལ་བའི་དབང་ཐོབ་ན། །སྤྱད་དུ་མེད་དེ་ས་རྣམས་ནོན། །ཆོས་ཉིད་ཕུར་པའི་དབང་རྟོགས་ན། །ཐུགས་རྗེ་ཆེན་པོའི་དབང་རྣམས་ཞོར་ལ་འབྱུང་། །ཡེ་ཀློང་ཆེན་པོའི་དབང་རྣམས་རྟོགས་གྱུར་ན། །བྱམས་པ་ཚད་མེད་དབང་རྣམས་ཞོར་ལ་འབྱུང་། །རིག་པ་གསལ་བའི་དབང་རྣམས་རྟོགས་གྱུར་ན། །མཁས་པ་ཆེན་པོའི་དབང་རྣམས་ཞོར་ལ་འབྱུང་། །རིག་པ་གསལ་བའི་དབང་རྣམས་རྟོགས་གྱུར་ན། །མཁས་པ་ཆེན་པོའི་དབང་རྣམས་ཞོར་ལ་འབྱུང་། །སྟོན་པ་གསལ་བའི་དབང་རྣམས་རྟོགས་གྱུར་ན། །ཕན་དང་ནུས་པའི་དབང་རྣམས་ཞོར་ལ་འབྱུང་། །མ་རིག་མུན་པ་སེལ་བའི་དབང་རྟོགས་ན། །སྐུ་གསུང་ཐུགས་ཀྱི་དབང་རྣམས་ཞོར་ལ་འབྱུང་། །ཡེ་འབྱམས་བྱང་ཆུབ་སེམས་ཀྱི་དབང་རྟོགས་ན། །དུར་ཁྲོད་རྫས་ཀྱི་དབང་རྣམས་ཞོར་ལ་འབྱུང་། །དོན་དམ་ཆོས་ཉིད་ཕུར་པའི་དབང་རྟོགས་ན། །གདུག་པ་འདུལ་བའི་དབང་རྣམས་བསྐུར་མི་དགོས། །ཐམས་ཅད་སྣང་བ་བཞི་ཡི་དོན་རྟོགས་ན། །རང་རྒྱུད་དངོས་པོའི་དབང་རྣམས་བསྐུར་མི་དགོས། །རང་བྱུང་ཆེན་པོའི་དབང་རྣམས་རྟོགས་གྱུར་ན། །དད་པ་དབང་གི་སྟོབས་རྣམས་བསྐུར་མི་དགོས། །སྟོང་པ་ཆེན་པོའི་དབང་རྣམས་རབ་རྟོགས་ན། །སྣང་བ་རྫས་ཀྱི་དབང་རྣམས་བསྐུར་མི་དགོས། །སྡིག་པའི་གཞི་དང་བྲལ་བའི་དབང་རྟོགས་ན། །བསོད་ནམས་ཆེན་པོའི་དབང་རྣམས་བསྐུར་མི་དགོས། །བསག་པའི་གཞི་དང་བྲལ་བའི་དོན་རྟོགས་ན། །དགེ་བཅུ་བསོད་ནམས་དབང་རྣམས་བསྐུར་མི་དགོས། །བཟང་ངན་བརྟག་ཏུ་མེད་པར་དབང་ཐོབ་ན། །ནན་གྱིས་བརྟགས་པའི་དབང་རྣམས་བསྐུར་མི་དགོས། །ཐིག་ལེ་རང་བཞིན་གནས་པའི་དབང་ཐོབ་ན། །རིམ་པ་གྲངས་ཀྱིས་བསྐུར་བའི་དབང་མི་དགོས། །རང་བྱུང་ཡེ་ཤེས་རང་དབང་ཡེ་རྟོགས་ན། །མར་མེ་ཡ་ ས་དབང་རྣམས་བསྐུར་ ་དགས། །རང་བྱུང་རྩལ་ ད་ ་པ ་དབང་རྟགས་ན། །བ ན་བསྒྲུབ་ མ་པར་ ་བའ་དབང་ ་དགས། །ཆོས་ཉད་ཡེ་དབང་ཆེན་པོའི་དབང་རྟོགས་ན། །ཡེ་ཤེས་རིམ་པར་ཕྱེ་བའི་དབང་མི་དགོས། །ཡེ་འབྱམས་བྱང་ཆུབ་སེམས་པའི་དབང་རྟོགས་ན། །མཎྜལ་དཀྱིལ་འཁོར་བྱ་བའི་དབང་མི་དགོས། །སངས་རྒྱས་རང་ལ་ཡོད་པའི་དབང་རྟོགས་ན། །སངས་རྒྱས་བྱང་ཆུབ་པ་ཡི་དབང་མི་དགོས། །ཐིག་ལེ་སྐུ་གསུང་ཐུགས་ཀྱི་དབང་རྟོགས་ན། །བསྒོམ་བྱ་སྐུ་གསུང་ཐུགས་ཀྱི་དབང་མི་དགོས། །མ་བཙལ་མ་བསྒྲུབས་ཡེ་ཤེས་དབང་རྟོགས་ན། །བསྟན་པ་རྒྱ་མཚོའི་དབང་རྣམས་བསྐུར་མི་དགོས། །ཐུགས་རྗེ་ཕུར་པ་རོལ་པ་དོན་རྟོགས་ན། །ཁྲོ་བོ་དྲག་པོའི་དབང་རྣམས་བསྐུར་མི་དགོས། །ཐབས་དང་ཤེས་རབ་གསལ་བའི་དོན་རྟོགས་ན། །གསང་བ་བྱང་ཆུབ་སེམས་དབང་བསྐུར་མི་དགོས། །མཁས་པ་རང་གསལ་ངེས་མེད་དོན་རྟོགས་ན། །གྲངས་དང་རིམ་པས་བསྐུར་བའི་དབང་མི་དགོས། །ཐམས་ཅད་རང་ལས་བྱུང་བ་དོན་རྟོགས་ན། །གཞན་ནས་བཙལ་བའི་དབང་རྣམས་བསྐུར་མི་དགོས། །ཆོས་ཉིད་གསལ་བའི་སྒྲོན་མའི་དོན་རྟོགས་ན། །གསལ་བྱེད་བཀྲ་བའི་དབང་རྣམས་བསྐུར་མི་དགོས། །སྟོན་པ་རང་ལས་བྱུང་བའི་དོན་རྟོགས་ན། །སྟོན་པ་རྡོ་རྗེ་སེམས་དཔའི་དབང་མི་དགོས། །འཁོར་རྣམས་རང་ལས་བྱུང་བའི་དོན་རྟོགས་ན། །ཕྱག་ན་རྡོ་རྗེའི་དབང་རྣམས་བསྐུར་མི་དགོས། །འཁོར་འདས་གཉིས་སུ་མེད་པའི་དོན་རྟོགས་ན། །ལྷ་རྫས་རིམ་པར་བསྐུར་བའི་དབང་མི་དགོས། །ཆོས་ཉིད་ཕུར་པ་རང་བྱུང་དོན་རྟོགས་ན། །རང་བྱུང་ལྷ་རྣམས་བསྐུར་བའི་དབང་མི་དགོས། །དུར་ཁྲོད་ཆེན་པོའི་གནས་དག་ཏུ། །དབང་དང་དྲག་པོར་ལྡན་པ་ལ། །ནམ་མཁའི་ཁམས་ཀྱང་དེ་བཞིན་ཏེ། །ས་དང་རི་ལ་རབ་ཏུ་བརྟག །ངེས་པ་མེད་པའི་ས་ཉིད་ལ། །མཎྜལ་འདོམ་གང་གྲུ་བཞི་ལ། །དུར་ཁྲོད་སྣ་ཚོགས་ཕྱེ་མ་གདབ། །དམ་རྫས་ལྔ་ཡིས་ཆག་ཆག་གདབ། །ཐིག་ལེ་རྣམ་པ་གཉིས་སུ་བཤད། །ས་ཐིག་གནམ་ཐིག་གཉིས་སུ་བསྟན། །ལྔ་དང་གསུམ་གྱི་སྦྱོར་བ་ལ། །གདབ་པའི་རིམ་པ་དེ་བཞིན་བྱ། །ཚོན་སྣ་ལྔ་ཡི་རིམ་པ་ལ། །བསྟན་པའི་དོན་དུ་དེ་བཞིན་བྱ། །གྲུ་གསུམ་ཟླ་གམ་མུ་ཁྱུད་དང་། །འཁོར་ལོ་གྲུ་ཆད་ལྷ་རྣམས་བཅས། །སྒོ་དང་རྟ་བབས་དེ་བཞིན་ཏེ། །མཛེས་པའི་རྒྱན་དང་མཚོན་པ་བརྟག །བསྲུང་བྱའི་རིམ་པ་ཡང་དག་བྱང་། །དམ་སྲི་མནན་དང་མ་ཏྲང་བསྒྱེལ། །སྒོ་ལ་རིམ་པ་དེ་བཞིན་སྦྱར། །རྫས་རྣམས་དགོད་པ་ཡང་དག་སྟེ། །སྐུ་ཡི་དབང་དང་གསུང་གི་དབང་། །ཐུགས་ལ་སོགས་པ་དེ་བཞིན་ནོ། །རྫས་ཀྱི་དབང་དང་ཕུར་པའི་དབང་། །ཕན་པའི་དབང་དང་ནུས་པའི་དབང་། །དམ་ཅན་དབང་དང་ལས་བཞིའི་དབང་། །དེ་ལ་སོགས་པའི་དབང་རྣམས་ནི། །རིམ་པ་བཞིན་དུ་དགོད་པར་བྱ། །ཏིང་འཛིན་ཆེན་པོའི་བྱིན་རླབས་ཀྱིས། །བསྙེན་པ་ནམ་མཁར་འགྲུབ་པ་ཡང་། །ནུས་པ་ཡོད་ཕྱིར་རབ་ཏུ་བྱ། །བུམ་པ་ནམ་མཁར་ལྡིང་པ་དང་། །ཕུར་པ་འཕར་ཞིང་འཁྲོག་པ་དང་། །སྐུ་གཟུགས་བཞད་ཅིང་འགུལ་བ་དང་། །དམ་ཅན་མངོན་དུ་ལུང་སྟོན་དང་། ཁྲེང་བལ་བཞིན་དུ་ཡང་བ་དང་། །ཅི་ལ་ཐོགས་པ་མེད་པ་དང་། །ནད་རྣམས་ཐམས་ཅད་སེལ་བ་དང་། །སྨན་པའི་མཆོག་ཏུ་གྱུར་པ་དང་། །རིག་པ་ཁོང་དངས་ཤར་བ་དང་། །སྙིང་རྗེ་ཆེན་པོ་འབྱུང་བ་དང་། །འགྲོ་བ་རིམ་པས་འདུལ་བ་དང་། །བར་ཆད་སེལ་བའི་རྟགས་བྱུང་ན། །བསྙེན་པ་ལས་སུ་རུང་ཞེས་བྱ། །ལས་སུ་རུང་བར་གྱུར་པ་དང་། །བསྒྲུབ་པ་བྱ་བའི་རིམ་པ་ཡང་། །ཡང་དག་ཉིད་དུ་བསྟེན་པར་བྱ། །ཆེན་པོ་ལས་ཀྱི་རིམ་པ་ནི། །སྲོག་ལུས་རྫས་ཀྱི་འབུལ་བ་ཡིས། །བླ་མ་མཉེས་པར་བྱ་བའི་ཕྱིར། །མཉེས་པའི་ཡོན་ཏན་ཆེན་པོ་ནི། །བསམ་པ་ཐམས་ཅད་འགྲུབ་པར་འཀྱུར། །རིག་འཛིན་ས་ལ་འགྲོ་བ་དང་། །བྱང་ཆུབ་སེམས་དཔའི་ས་ལ་གནས། །འགྲོ་བའི་དོན་རྣམས་མ་ལུས་ནུས། །བསྟན་པ་ཀུན་ལ་ཐོགས་པ་མེད། །དེ་ཕྱིར་དབང་བསྐུར་གསོལ་བ་གདབ། །བྱིན་རླབས་ཆེན་པོ་ཆར་ལྟར་འབྱུང་། །འགྲོ་བ་ཚིམས་བྱེད་གསོས་བཞིན་དུ། །དབང་གི་བྱིན་རླབས་དེ་བཞིན་དུ། །འགྲོ་བ་གཉིས་ཀྱི་དོན་བྱེད་ནུས། །དག་པ་ཁྲུས་ཀྱིས་བཀྲུ་བྱ་ཞིང་། །ལྷར་བསྐྱེད་སྤྱན་དྲང་བསྟིམ་པ་དང་། །མཆོད་པ་མ་ལུས་རྫོགས་པར་བྱ། །གཙོ་བོའི་དབང་དུ་དུར་ཁྲོད་དང་། །ཕན་དང་ནུས་པ་རབ་ཏུ་སྦྱིན། །སྐུ་གསུང་ཐུགས་ལ་རྫོགས་པའི་དབང་། །རེ་རེ་ཉིད་ལ་དེ་བཞིན་བསྐུར། །དུར་ཁྲོད་དབང་ཡང་དེ་བཞིན་ཏེ། །ཀུན་ལ་རྫོགས་པར་རིམ་པར་བསྐུར། །དྲག་པོས་འདུལ་བའི་ལས་བྱ་ཞིང་། །དྲག་པོའི་དབང་ཡང་རིམ་པར་བསྐུར། །དྲག་པོ་འདུལ་བའི་དབང་ཐོབ་ནས། །ཕྱིན་ཆད་འགྲོ་བའི་དོན་རྣམས་ནུས། །གཙོ་བོ་ཉིད་ཀྱི་དབང་ཐོབ་ན། །ཅི་བསམ་ལས་རྣམས་འགྲུབ་པར་འགྱུར། །ཧཱུཾ་མཛད་ཆེན་པོའི་དབང་ཐོབ་ན། །ཐོག་དང་སེར་བའི་ལས་རྣམས་འགྲུབ། །རྣམ་པར་རྒྱལ་བའི་དབང་ཐོབ་ན། །སྨྱོ་འབོག་གདོན་རྣམས་ཐུལ་བར་འགྱུར། །དབྱུག་སྔོན་ཅན་གྱི་དབང་ཐོབ་ན། །ཉོན་མོངས་མེ་ནི་བསྲེག་པར་འགྱུར། །གཤིན་རྗེ་གཤེད་པའི་དབང་ཐོབ་ན། །སྒྲོལ་བ་ཆེན་པོའི་དབང་ཡང་ཐོབ། །མི་གཡོ་མགོན་པོའི་དབང་ཐོབ་ན། །ཞེ་སྡང་རང་རྒྱུད་གནོན་པར་འགྱུར། །རྟ་མགྲིན་རྒྱལ་པོའི་དབང་ཐོབ་ན། ཁམས་གསུམ་དབང་དུ་སྡུད་པར་འགྱུར། །གཞན་གྱིས་མི་ཐུབ་དབང་ཐོབ་ན། །ཉོན་མོངས་ཤ་མདངས་ཕྱེད་པར་འགྱུར། །བདུད་རྩི་འཁྱིལ་པའི་དབང་ཐོབ་ན། ཁམས་གསུམ་གདུག་པ་གསོད་པར་འགྱུར། ཁམས་གསུམ་རྣམ་རྒྱལ་དབང་ཐོབ་ན། །གང་ཡིན་དངོས་པོར་འཛིན་པར་འགྱུར། །སྟོབས་པོ་ཆེ་ཡི་དབང་ཐོབ་ན། །འདུལ་བ་ཆེན་པོའི་དབང་ཐོབ་འགྱུར། །སྲས་མཆོག་དྲུག་གི་དབང་ཐོབ་ན། །འཇིག་རྟེན་དྲེགས་པ་འདུལ་བར་འགྱུར། །དུར་ཁྲོད་རྫས་ཀྱི་དབང་ཐོབ་ན། །བདུད་ཀྱི་རྒྱལ་པོ་འདུལ་བར་འགྱུར། །སྐུ་གསུང་ཐུགས་ཀྱི་དབང་ཐོབ་ན། །ཁམས་གསུམ་སྤྲུལ་པས་འགེངས་པར་འགྱུར། །རྡོ་རྗེ་ཕུར་པའི་དབང་ཐོབ་ན། །དྲེགས་པ་ཅན་རྣམས་འདུལ་བར་འགྱུར། །བཀྲ་ཤིས་དམ་པའི་རྫས་ལ་བརྟེན། །དམ་པ་དེ་ཉིད་ཐོབ་གྱུར་ན། །ལེགས་པའི་ཡོན་ཏན་བརྗོད་ལས་འདས། །རྡོ་རྗེ་ཚེ་ཡི་དབང་ཐོབ་ན། །ཚེ་ཡི་རྡོ་རྗེ་ཉིད་དུ་འགྱུར། །ལོངས་སྤྱོད་གཏེར་གྱི་དབང་ཐོབ་ན། །ཟད་མེད་འཕེལ་བའི་དབང་དང་ལྡན། །དབང་ལ་ཡོན་ཏན་བརྗོད་ལས་འདས། །དབང་རྣམས་རྫོགས་པར་མ་གྱུར་ན། །རྫ་བྱས་བེའུར་ལུས་པ་འདྲ། །དབང་རྣམས་ཐོབ་པར་མ་གྱུར་ན། །ཉི་ཁྲི་ཆིག་སྟོང་སྟོན་ནུས་ཀྱང་། །རྒྱལ་པོ་དམངས་སུ་བབ་པ་འདྲ། །ཤིང་ལ་བཙུགས་འབྲུ་བྱས་པ་འདྲ། །དེ་ཕྱིར་དབང་ལ་ནན་ཏན་བྱ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དབང་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་དམ་ཚིག་ལ་སྙོམས་པར་འཇུག་པའི་ཏིང་ངེ་འཛིན་ལ་སྙོམས་པར་ཞུགས་ཏེ། སྟོན་པ་ཆེན་པོ་དམ་ཚིག་ལ། །རྡོ་རྗེ་རབ་ཏུ་ས་མ་ཡ། །མི་འདའ་བཛྲ་ཀི་ལ་ཡ། །མི་འདའ་དམ་ཚིག་རྣམ་པ་ལྔ། །གནས་པའི་དམ་ཚིག་གསུམ་རྣམས་དང་། །ཡོད་པའི་དམ་ཚིག་ཆེན་པོ་དང་། །བསྲུང་བའི་དམ་ཚིག་འགྱུར་བ་མེད། །ཏིང་འཛིན་དམ་ཚིག་བསྲུང་བའི་མཆོག །རྩ་བ་ཡན་ལག་དམ་ཚིག་ལས། །མི་སྤང་རབ་ཏུ་བསྲུང་བར་བྱ། །སྤྱོད་པའི་དམ་ཚིག་ཆེན་པོ་དང་། །བསྡམ་པར་བྱ་བའི་དམ་ཚིག་རྣམས། །ཟོལ་ཟོག་མེད་པར་བསྲུང་བར་བྱ། །རྡོ་རྗེ་སློབ་དཔོན་དཔལ་དུ་ཆེ། །འདྲེན་པའི་སློབ་དཔོན་ཆེན་པོ་དང་། །རྩ་བའི་སློབ་དཔོན་ཆེན་པོ་དང་། །དམ་ཚིག་དབང་གི་སློབ་དཔོན་དང་། །མན་ངག་ལུང་གི་སློབ་དཔོན་དང་། ཁྲེས་རྒྱུད་གྲོལ་བའི་སློབ་དཔོན་དང་། །བསྲུང་བ་གྲངས་ཀྱི་ཤེས་པར་གྱིས། །རྩ་བ་ཆད་པར་མ་གྱུར་ན། །བླ་མ་རྟག་ཏུ་བསྐུར་བ་དང་། །ཁེ་དང་གྲགས་པ་མ་ཡིན་པ། །དེ་ཡང་བསྲུང་བའི་རིམ་པ་ཡིན། །ཕ་ལྟར་བཀུར་ཏེ་བརྩེ་བ་དང་། །ཚིག་ཙམ་ཕྱལ་པ་མ་ཡིན་པ། ཁོང་ནས་གདུང་བ་བསྐྱེད་པ་ནི། །དེ་ཡང་བགྲུང་བའི་རིམ་པ་ཡིན། །དབང་པོའི་མིག་ལྟར་བརྩེ་བ་དང་། །དྲན་པ་རྒྱུན་དུ་སེམས་པ་དང་། །ལུས་ལ་མི་ཕོངས་སྲོག་མི་ཕོངས། །དེ་ཡང་བསྲུང་བའི་རིམ་པ་ཡིན། །དབུ་ཡི་གཙུག་གི་རིན་ཆེན་ལྟར། །སྐྱོ་བ་མེད་པར་ཁུར་བྱེད་པ། །དེ་ཡང་བསྲུང་བའི་རིམ་པ་ཡིན། །སྙིང་དང་འདྲ་ཞིང་འདྲལ་མི་ཕོད། །ཇི་ལྟར་ཁྲོ་གཏུམ་གསོད་བྱེད་ཀྱང་། །དེ་ལ་ངན་པའི་སེམས་མི་དབྱུང་། །དེ་ཡང་བསྲུང་བའི་རིམ་པ་ཡིན། །དམ་ཚིག་རྒྱུ་མེད་ཤེལ་སྒོང་འདྲ། །དཀྱིལ་འཁོར་གཉེན་པོ་མི་འདྲལ་ཞིང་། །དམ་ཆོས་གཉེན་པོར་བྱེད་པ་དང་། །དམ་རྫས་གཉེན་པོར་གཙོར་ལེན་ན། །དེ་ཡང་བསྲུང་བའི་རིམ་པ་ཡིན། །དཔག་ཚད་རྒྱང་གྲགས་དུར་ཁྲོད་དུ། །རྟགས་རྣམས་མངོན་དུ་འདོན་པ་དག །དེ་ཡང་བགྲུང་བའི་རིམ་པ་ཡིན། །ལེ་ལོ་སྒྱིད་སྙོམས་མ་ཡིན་པར། །བརྩོན་འགྲུས་དྲག་པོས་སྒྲུབ་བྱེད་པ། །དེ་ཡང་བསྲུང་བའི་རིམ་པ་ཡིན། །རྫས་རྣམས་མངོན་དུ་མི་འདོན་པ། །གསང་ཞིང་རྟགས་རྣམས་འདོན་པ་ཡང་། །དེ་ཡང་བསྲུང་བའི་རིམ་པ་ཡིན། །རྟོགས་པའི་ལྟ་བ་གདེང་ལྡན་ཞིང་། །སྤྱོད་པ་དམན་པར་སྤྱོད་པ་ནི། །དེ་ཡང་བསྲུང་བའི་རིམ་པ་ཡིན། ཁམས་གསུམ་སེམས་ཅན་ཐམས་ཅད་ལ། །སྙིང་རྗེ་གདུང་སེམས་མི་ཆད་པ། །དེ་ཡང་བསྲུང་བའི་རིམ་པ་ཡིན། ཁྲ་ཁྲག་དམ་རྫས་ཚང་བ་ཡིས། །མཁའ་འགྲོ་དུས་སུ་མཆོད་བྱེད་པ། །དེ་ཡང་བསྲུང་བའི་རིམ་པ་ཡིན། །མཁས་ཤིང་ཚུལ་བསྲུང་སྤྱོད་པ་དལ། །འདི་ཡང་བསྲུང་བའི་རིམ་པ་ཡིན། །ཉིན་དང་མཚན་དུ་དུས་མེད་པར། །སྐྱོ་བའི་སེམས་དང་མི་ལྡན་ན། །འདི་ཡང་བསྲུང་བའི་རིམ་པ་ཡིན། །རྔ་སྒྲ་དྲག་པོ་སྨྱོས་འདེབས་དང་། །ཨག་ཙར་ཁ་ཡིས་ངོམ་བྱེད་མིན། །འདི་ཡང་བསྲུང་བའི་རིམ་པ་ཡིན། །དོན་ལ་མ་ཡེངས་བདེ་བ་དང་། །རྟོགས་པ་མངོན་དུ་གཏོང་བ་ཡང་། །འདི་ཡང་བསྲུང་བའི་དམ་ཚིག་ཡིན། །མཚན་དང་ལྡན་པའི་གཟུངས་མ་ལ། །ཐབས་དང་ཤེས་རབ་སྦྱོར་བ་ཡང་། །འདི་ཡང་བསྲུང་བའི་དམ་ཚིག་ཡིན། །བརྩེ་བས་དུས་གསུམ་མི་འགྱུར་བ། །འདི་ཡང་བསྲུང་བའི་དམ་ཚིག་ཡིན། །དོན་དམ་པ་ཡི་ངང་ཉིད་ལས། །ཕྱོགས་རིས་བདག་གཞན་མི་འབྱེད་ན། །འདི་ཡང་བསྲུང་བའི་རིམ་པ་ཡིན། །བསྲུང་བའི་རིམ་པ་གང་ཡིན་པ། །མི་སྤང་རབ་ཏུ་བསྲུང་བར་བྱ། །དམ་ཚིག་གཉེན་པོ་ཉམས་པ་ཡང་། །ལྷ་སྤངས་ཉམས་པ་ཆེན་པོ་དང་། །སྔགས་དང་ཕྱག་རྒྱས་ཉམས་ཏེ་ཉམས་པ་དང་། །དྲན་རྟོག་ལྷ་རུ་མ་རྟོགས་ཉམས་པ་དང་། །གསལ་ལ་འཛིན་མེད་མ་བསྒོམས་ཉམས་པ་དང་། །གཉན་པའི་རིམ་པ་མ་ཁུར་སྤངས་པ་དང་། །བརྩེ་བའི་རིམ་པ་རྒྱུན་བཅད་སྤངས་པ་དང་། །གཟུངས་མ་མཚན་ལྡན་སྤངས་པ་དང་། །འདི་རྣམས་ཉམས་པའི་རང་བཞིན་ཡིན། །རྩ་བའི་དམ་ཚིག་ཉམས་པ་ན། །རྡོ་རྗེ་དམྱལ་བར་སྐྱེ་བར་འགྱུར། །འདིར་ཡང་ཉེས་པ་སྣ་བཅུ་འོང་། །བྱས་པ་མི་འགྲུབ་མྱ་ངན་ནོན། །དེ་ཡང་ཉམས་པའི་སྔ་རྟགས་ཡིན། །རྩ་བ་ཉམས་པའི་སྔ་རྟགས་ནི། །སྣ་ནས་ཁྲག་ཕྱུང་ངོ་བྱུག་ནས། །རྔ་སྒྲ་དྲག་པོས་སྨྱོས་འདེབས་ཤིང་། །ང་ནི་ཐམས་ཅད་ཆེ་བའི་ལྷ། །དབང་དུ་སྡུད་པ་ང་ལས་མེད། །ང་ཡིས་མི་འདུལ་གང་ཡང་མེད། །ཐམས་ཅད་ཀུན་ལ་ང་ཆེ་འབྱུང་། །ལྷ་སྲིན་སྡེ་བརྒྱད་ང་ཡི་བྲན། །ང་ཡི་ཉམས་སུ་ཆོས་སྐུ་འབྱུང་། །མེ་ལོང་ཡེ་ཤེས་ལུང་ཡང་བསྟན། །འདི་ཡང་ཉམས་པའི་སྔ་རྟགས་ཡིན། །ནམ་མཁའ་ཁེངས་པའི་ལྷ་རྣམས་ཀྱང་། །གཞན་ཡང་ང་ཆེ་ལུང་ཡང་དག་གྱུར། །གདུག་པ་ཐབས་དང་ཤེས་རབ་གཉིས། །བརྡབས་པས་བྱང་སེམས་མཁའ་ལ་བབས། །དེ་ཉིད་གཙོ་སྔགས་བརྗོད་བྱས་ལ། །ཡེ་ཤེས་ལྔ་ཡི་ངོ་བོར་གྱུར། །སྟོང་ཁམས་ཁྱབ་པའི་སྐུ་བྱུང་ཡང་། །སྣང་ལ་རང་བཞིན་མེད་པར་གྱུར། །དགོངས་པ་དག་པས་བྱས་གྱུར་ན། །སྐུ་གསུམ་རིམ་གྱིས་དོན་བྱས་ནས། །བསྐྱེད་དང་བསྟིམ་དང་སྤྱན་དྲང་དང་། །བསྟོད་པ་བྱ་དང་མཆོད་པ་བྱ། །རིན་ཆེན་སྣ་ལྔས་རབ་མཚོན་ཏེ། །ཐམས་ཅད་གཙོ་བོའི་སྔགས་ལས་བྱུང་། །མཆོད་པའི་སྔགས་ཀྱང་དེ་བཞིན་ཏེ། །ཡང་དང་ཡང་དུ་བྱས་པ་ནི། །རབ་གནས་ཆེན་པོ་ཞེས་ཀྱང་བྱ། །ཀུན་ལ་བྱ་བར་དེ་མ་གསུངས། །ཐལ་བ་ཆེན་པོ་བསྒྲུབ་པར་བྱ། །རྣལ་འབྱོར་ཆེན་པོ་ཐལ་བ་ལ། །ཕྱི་ནང་གསང་བའི་དམ་རྫས་ལ། །གཉིས་སུ་མེད་པར་སྦྱར་བར་བྱ། །ཞུན་ཆེན་ཁུ་བ་མང་དུ་བཏང་། །སྟོང་པ་ཧུ༷་དང་རྡོ་རྗེ་ཡི། །སྔགས་ཀྱིས་ལོངས་སྦྱོད་རྫོགས་པར་གྱུར། །འཕྲོ་འདུས་དེ་བཞིན་ཐིམ་པར་གྱུར། །ཐིམ་པས་དེ་ཉིད་འོད་དུ་ཞུ། །ཅི་བསམ་འབྱུང་བའི་རིན་པོ་ཆེ། །མང་ཞིང་ཟད་པ་མེད་པར་གྱུར། །སྣོད་ནི་རྒྱུ༷་ལས་དེ་བཞིན་དུ། །བསྐྱེད་པས་དཔལ་གྱི་སྐུར་བཞེངས་གྱུར། །སྣོད་དུ་བཅུག་པས་སྐུ་རུ་གྱུར། །བརྡབས་པས་ཐབས་དང་ཤེས་རབ་འབྱུང་། །བྱང་ཆུབ་སེམས་ཀྱི་རང་བཞིན་ལས། །འགྲོ་བའི་དོན་བྱེད་སྐུ་རུ་བྱུརི། །དེ་ཡི་བྱིན་རླབས་ནུས་པ་ཅན། །བསྐྱེད་དང་སྤྱན་དྲང་བསྟིམ་པ་དང་། །མཆོད་དང་བསྟོད་དང་དེ་བཞིན་བྱ། །ཕྱིན་ཆད་འགྲོ་བའི་དོན་བྱའི་ཕྱིར། །འགྲོ་བའི་དོན་ལ་བསྐུལ་བར་བྱ། །རྒྱལ་པོ་དམངས་སུ་མི་དབབ་པར། །སྐུ་གདུང་ཆེན་པོ་དེ་བཞིན་བཞེངས། །བློན་པོ་དེད་དཔོན་ཆེན་པོ་ལ། །སྨན་ལྔ་སྤོས་ལྔ་རབ་སྦྱར་ལ། །རྣམ་པར་སྣང་མཛད་རྡོ་རྗེ་སེམས། །རྣམ་པ་གསུམ་ལས་ཡང་དག་བྱུང་། །རྫས་ནི་རིན་ཆེན་རྣམ་ལྔ་ལ། །སྣོད་ནི་བདེ་གཤེགས་ཕོ་བྲང་སྟེ། །བརྡབས་པས་ལོངས་སྐུ་ཡང་དག་འབྱུང་། །ཕྱུང་བས་སྤྲུལ་སྐུ་བསམ་མི་ཁྱབ། །རབ་གནས་ཆེན་པོ་དེ་བཞིན་ཏེ། །འགྲོ་བ་མ་ལུས་ཐལ་བ་ལ། །པ་ཡི་རྣམ་ལྔ་རབ་སྦྱར་བ། །ས་ལ་དེ་བཞིན་རབ་སྦྱར་ཏེ། །དུས་གསུམ་བདེ་གཤེགས་བཞེངས་པར་བསམ། །མེ་ཏོག་ལ་སོགས་ལྔ་ཡིས་མཆོད། །རྒྱལ་བ་སྐུལ་བའི་གསོལ་བ་གདབ། །བརྡབས་པས་འགྲོ་བའི་དོན་ཉིད་དུ། །ཉོན་མོངས་མ་ལུས་དག་པར་འགྱུར། །གང་བྱེད་འབྲེལ་པ་ཡོད་པར་བྱ། །འབྲེལ་པ་མེད་པར་བྱེད་པ་ནི། །རྒྱལ་པོ་དམངས་སུ་ཡོངས་མི་རུང་། །ནོར་བུས་རྒྱལ་ས་ཟིན་མི་འགྱུར། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ཐལ་བ་ཆེན་པོ་སྒྲུབ་པའི་ལེའུ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་དྲག་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ཕུར་པས་གདུག་པ་འདུལ། །དུར་ཁྲོད་ཆེན་པོའི་གནས་དག་ཏུ། །མཎྜལ་མདའ་གང་གྲུ་བཞི་ལ། །ཐིག་དང་ཚོན་ཡངདེབཞིནཏེ། །རྫསརྣམས་མ་ལུས་ཚོགས་པར་བསག །བྱ་བའི་རིམ་པ་མ་ལུས་པ། །ཡང་དག་ཉིད་དུ་དེར་བསྟན་ནས། །སྔོན་དུ་དེ་བཞིན་རྫོགས་བྱས་ལ། །ལྷ་རྣམས་རབ་ཏུ་གནས་པ་ཡིན། །ལས་ཀྱི་ལྷ་ཡི་ཏིང་འཛིན་གྱིས། །གོང་དུ་བསྟན་པ་དེ་བཞིན་བྱ། །གདུག་པ་བསྒྲལ་བའི་རྫས་རྣམས་བཤམས། །བསྲེག་དང་མནན་དང་འཕང་བ་དང་། །བསྒྲལ་བ་གནན་པ་ཡང་དག་བྱ། །ཏིང་འཛིན་ཆེན་པོའི་བྱིན་རླབས་ལས། །ལྷ་རྣམས་བསྐྱེད་པ་དེ་བཞིན་བྱ། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆ་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པར་ཤར། །སྲོག་གི་གོ་རུ་ཤར་བ་དང་། །སྙིང་གི་དཀྱིལ་དུ་བསྒོམ་པར་བྱ། །ཕུང་པོ་རྡོ་རྗེར་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། ཁྲོ་བོ་ཁྲོ་མོ་རྔམས་པའི་ཚོགས། །བསྐྱེད་པའི་སྔགས་ཀྱིས་དེ་བཞིན་བྱ། །གདུག་པ་འདུལ་བའི་སྲས་རྣམས་བསྐྱེད། །སྲིད་པའི་ཕུར་བུ་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེཤེས་ཁྲོ་བོའི་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀི་ལ་ཡ་ཡི་དངོས་གྲུབ་སྩོལ། །མཆོད་པ་འབུལ་ཞིང་དངོས་གྲུབ་དང་། །ལས་བཞིས་བསྡམ་དང་བཅིང་བ་དང་། །གཅིག་གིས་གདབ་དང་མཚོན་དང་དུག །བརྡུང་དང་བསྟབ་པ་སྔགས་ཀྱིས་བྱ། །བསྐུལ་ཞིང་ལྷ་ལ་བསྙེན་མཆོད་འབུལ། །ལྷ་རྣམས་མཆོད་ཕྱིར་གདུག་པ་བསྒྲལ། །དེ་དང་མཐུན་པར་རབ་བསྟན་ནས། །རྟགས་དང་སྦྱར་བ་དེ་བཞིན་ཏེ། །གསལ་རྐྱེན་འཁྲུལ་པ་མེད་པར་བཟླས། །རིག་འཛིན་ས་ལ་དེ་བཞིན་འགྲོ། །དབུགས་དང་སྦྱར་ཞིང་འཕྲོ་འདུ་བྱ། །རིང་ཐུང་ཚད་དང་ལྡན་པ་དང་། །བརྟན་པའི་ཚད་དང་ལྡན་པར་བྱ། །བརྟན་པའི་ཉམས་ནི་རྣམ་པ་གསུམ། །གྲུབ་པའི་ཚད་ནི་རྣམ་པ་ལྔ། །དེ་བཞིན་ལས་སུ་རུང་བ་ཡིས། །འགྲོ་བའི་དོན་རྣམས་ནུས་པར་འགྱུར། །རྣམ་པ་གཉིས་ཀྱི་དོན་བྱས་ནས། །ཡང་དག་འབྲས་བུ་ཆུད་མི་ཟ། །དྲག་པོ་སྒྲོལ་བའི་དུས་ཉིད་དུ། །ལས་རྣམས་དེ་བཞིན་ཡང་དག་བྱ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། ཁྲ་ན་མུ་ཁའི་དུས་ལ་བབ། །བདག་ཉིད་ཆེན་པོའི་དུས་ལ་བབ། །ས་བདག་རྒྱལ་མོའི་དུས་ལ་བབ། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་ཕྲིན་ལས་མྱུར་དུ་མཛོད། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ཡང་། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་ཡིས། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་སྟེ། །མངོན་སྤྱོདཚུལབཞིནབསྒྲལབདང་། །ལུས་ངག་རྡུལ་དུ་བཤིགས་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོདཨོ་ལ༷་ཧུ༷་ལ༷་སྟུམ་བྷ་ཡ་ནན་མོ་ཧ་ཡ་ལྷུ་ཏ་ཡ། བྷ་ག་བཱན། ཧི༷༷སྐྱི༷༷བི་ཀྲི་བཛྲ་ཧུ༷་ཀྭ་ར་ཧུ༷་ཧུ༷་ཕཊ་ཕཊ། ཨོ་བཛྲ་ཀི་ལི་ཀི་ལ་ཡ་ཛ༷༷ཧུ༷་བ༷་ཧོ༷༷། བཛྲ་ཀི་ལི་ཀི་ལ་ཡ་ཧུ༷་ཧུ༷་ཕཊ་ཕཊ། ཨོ་བཛྲ་ཧུ༷་ཀྭ་ར་ཧུ༷་ཕཊ།བཛྲ་ཧུ༷་ཀྭ་ར་ཧུ༷། ཨ་ཨུ། ཁམས་གསུམ་འཁོར་བ་བསྒྲལ་བའི་ཕྱིར། །སྟོང་པ་ཉིད་དུ་ཡང་དག་སྒྲོལ། །དོ་ན་དམ་དེ་ལས་འདའ་མི་བྱེད། །སྟོང་པ་ཆེན་པོའི་ཆོས་ཀྱི་མཆོག །དེས་ནི་ཡང་དག་དོན་རྣམས་རྟོགས། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱིས། །བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་ཕྲིན་ལས་མྱུར་དུ་མཛོད། །ཧུ༷་པ་ར་བི་དྷ་ན་ས་ཧུ༷་ཕཊ། སྣྲིནྟྲ་སྣྲིནྟྲ་ཧུ༷་ཕཊ། སྟིརྙ་སྟིརྙ་ཧུ༷་ཕཊ། གྲོ་ཎྜ་གྲོ་ཎྜ་ཧུ༷་ཕཊ། ཧ་ན་ཧ་ན་ཧུ༷་ཕཊ། བརྙ་བརྙ་ཧུ་ཕཊ། ཏ་ཐུ་ཡ་ཏ་ཐུ་ཡ་ཧུ༷་ཕཊ། ཧ་ས་ར་ན་ཧ་ས་ར་ན་ཡ་ཧུ༷་ཕཊ། ཤི་སྣྲ༷་ཨུ་ན་ཡ་ཧུ༷་ཕཊ། ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། སྟིསྡོ་ཡ་སྟིསྡོ་ཡ་ཧུ༷་ཕཊ། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ མ་ཐ་མ་ཐ་བཛྲ ཛ་ལ་ཛ་ལ་ཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏ༷་བསྟབ་དང་བྱང་ཆུབ་སེམས་སུ་བསྟན། །ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱིས་རླབས་སོ། །སངས་རྒྱས་ཀྱི་མཐུའོ། །ཨ་སྟི་ཙབྱའི་དུས་ལ་བབ་པའི་བརྣགས་པ་དེ་ཁོ་ན་ལའོ། །ཏིང་འཛིན་ཆེན་པོའི་བྱིན་རླབས་ཀྱིས། །གནས་སྐབས་བསྒྱུར་ཅིང་ཤེས་པར་བྱའོ། །ཆོ་འཕྲུལ་བསྟན་པ་ཀུན་ཀྱང་འདུལ། །སྲེག་པ་མེ་ཡི་ལས་ལ་སྦྱར། །མནན་པ་ས་ཡང་དེ་བཞིན་ཏེ། །འཕང་པ་ཟོར་དུ་དེ་བཞིན་བསྟན། །ཉམས་པ་མ་ལུས་གནན་བྱའི་ཕྱིར། །ཚེ་བསྟིམ་རིམ་པའི་ལས་རྣམས་བྱ། །འགྲོ་བ་མ་ལུས་འདུལ་བར་འགྱུར། །དཔེར་ན་རྒྱུད་ཀྱི་རང་བཞིན་ནི། །ཕུག་རོན་སྐེ་དང་རྨ་བྱའི་མདོངས། །མང་བ་མ་ཚང་འཁྲུགས་པ་དང་། །རྒྱུད་རྣམས་རང་རང་དོན་དང་བསྟུན །ངེས་པ་མེད་པའི་རྒྱུད་བྱུང་ཡང་། །དཔེར་ན་དམུས་ལོང་མར་བཞིན་འགྱུར། །མང་བས་སྐོངས་ལ་འཁྲུགས་པ་སྡེབས། །གབ་པ་གསལ་བ་བརྡར་བསྟན་དགྲོལ། །དེས་ན་བྲེང་ཆགས་རྒྱུད་དུ་འབྱུང་། །རྒྱུད་རྣམས་དོན་དང་མ་ལྡན་ན། །ས་དང་ཆུ་འདྲེས་རྙོག་མ་ཅན། །སྨན་དང་དུག་ཏུ་རྣམ་པར་འདྲེས། །སྦྱིན་དང་མར་དང་ཆུ་འདྲ་སྟེ། །དེ་ཡིས་བྱ་བའི་དོན་མི་ནུས། །དེ་གཉིས་དོན་ཉམས་གང་ཡང་མེད། །དེབཞིནརྒྱུདཀྱིརངབཞིནཡང། །གཏནལ་མི་ཕེབས་ཕྱོགས་འཛིན་ཅན། །དེ་ཡིས་བསྟན་པའི་རྒྱུད་དེ་ནི། །ཡང་དག་མིན་ཏེ་དེ་ཕྱིར་བསྟེས། །དཔེར་ན་ཆུ་ལ་མར་འདོད་བཞིན། །གཏན་ལ་མི་ཕེབས་རྒྱུད་ཉིད་ལ། །བྱ་བཙལ་མེད་པའི་དོན་མི་འབྱུང་། །སྲིན་བུ་བལ་དུ་ག་ས་པ་འདྲ། །གྲོལ་བའི་དོན་རྣམས་ཡོངས་མི་འབྱུང་། ཁུད་ཀྱིརང་བཞིན་མང་བ་སྟེ། །ཚང་བར་བྱེད་དེ་འཁྲུགསཔར་འབྱུང་། །ཡོདཔར་འབྱུང་སྟེ་རང་རྒྱུད་མེད། །མེད་པ་ལྟ་བུ་ཆད་པ་མེད། །ཀུན་ཏུ་བཟང་པོའི་ངང་ཉིད་ལས། །རྒྱུད་རྣམས་ཐམས་ཅད་སྟོན་པར་བྱེད། །གྲངས་མེད་བརྗོད་ཀྱིས་མི་ལང་བའི། །གསལ་ལ་རྟོག་མེད་རྒྱུད་རྣམས་འབྱུང་། །ལྷདང་རྒྱུད་དུ་ཆགས་པ་ལ། །བསྟནཔ་དོན་མེད་ཡལ་བར་འགྱུར། ཁུད་ཀྱིཤེས་པ་འཛིན་པ་གྲོལ། །ལྷས་ཀྱང་དེ་བཞིན་ས་ཉིད་བྲལ། །ལྷ་ཉིད་མ་ངེས་ངོས་བཟུང་བྲལ། །རང་རྒྱུད་འཛིན་པའི་ལྷ་རྣམས་ནི། །དཔེར་ན་མེལོང་གཟུགས་བརྙན་ཏེ། །ངེས་པ་ཅན་དུ་གྱུར་པས་ན། །གང་གིས་བལྟ་བ་དེ་མིམཐོང་། །དེ་བཞིན་ལྷཡི་རང་བཞིན་ཡང་། །ངེས་པ་ཅན་དུ་གྱུར་པས་ན། །གཅིག་ལསགཉིས་སུ་བསྒོམ་མིནུས། །བསྒོམསཔས་རང་རྒྱུད་གྲོལ་མི་ནུས། །མཆོད་པ་རང་གྲོལ་མ་ཤེས་ན། །གསོལ་དང་མི་གསོལ་ངོས་བཟུང་བྲལ། །མཆོད་པ་རྒྱ་མཚོ་རྒྱ་ཆེན་ཡང་། །ཏིང་འཛིནཆེན་པོའི་ཆོ་འཕྲུལ་ཡིན། །སྤྱན་དྲངས་དོན་ཡང་དེ བཞིན དེར། །གཤེགསལ བྱོན་པའི་རང་བཞིན་ཡང་། །ངེས་པར་གཟུང་ཞིངརང་རྒྱུད་མིན། །་ན་པ་རང་བྱུང་རང་ལ་གནས། །སྡུད་པ་རང་བྱུང་རངལ་གནས། །འཁོར་རྣམས རང་བྱུང་རང་ལ་གནས། །བསྟན་པ་རང་བྱུང་རང་ལ་གནས། །སངས་རྒྱས་རང་བྱུང་རང་ལ་གནས། །སེམས་ཅན་རང་བྱུང་རང་ལ་གནས། །སྡུག་བསྔལ་རང་བྱུང་རང་ལ་གནས། །ཞེ་སྡང་རང་བྱུང་རང་ལ་གནས། །སེར་སྣ་རང་བྱུང་རང་ལ་གནས། །གཏི་མུག་རང་བྱུང་རང་ལ་གནས། །འདོད་ཆགས་རང་བྱུང་རང་ལ་གནས། །ཕྲག་དོག་རང་བྱུང་རང་ལ་གནས། །ལེ་ལོ་རང་བྱུང་རང་ལ་གནས། །རྩ་བ་བྱང་ཆུབ་སེམས་ཉིད་ལ། །འབྲས་བུ་མི་མཐུན་སོ་སོར་སྣང་། །ཨེ་མ་ཡ་མཚན་ཆོ་འཕྲུལ་ཅན། །གཅིག་ལས་གྲངས་མེད་བརྗོད་ལས་འདས། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་ལས་ཀྱི་རིམ་པའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་དྲག་པོ་སྒྲོལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྟོན་པ་ཆེན་པོའི་བྱིན་རླབས་ལས། །བྱིན་རླབས་ཆོ་འཕྲུལ་འདི་ལྟ་སྟེ། །ཇི་ལྟར་སྒྲོལ་བའི་གནས་ཆེན་དུ། །མཎྜལ་མདའ་གང་གྲུ་བཞི་ལ། །དམ་རྫས་འདི་ལྔས་ལས་བྱ་ཞིང་། །འཁོར་ལོ་རྩིབས་དྲུག་དཀྱིལ་འཁོར་བྲི། །ལྷ་ཡི་གནས་སུ་ཨེ་རེ་བྲི། ་ར་གྱི་ལྷ་ཡི་སྒོ་བསྲུང་བྱ། །མུ་ཁྱུད་ཐོད་པའི་བརྩིག་པ་བྱ། །རིན་པོ་ཆེ་ཡི་འོད་དང་བཅས། །དབྱེ་བའི་རྫས་དང་འགུགས་པའི་རྫས། །བཅིང་བའི་རྫས་དང་སྨྱོ་བའི་རྫས། །བསྒྲལ་བའི་རྫས་དང་བསྟབ་པའི་རྫས། །རྫས་དྲུག་དྲག་པོ་ལས་ཀྱི་རྫས། །སེང་ལྡེང་ཕུར་བུ་སོར་བཅུ་མ་གཞག །སྟེང་དུ་སྙིང་སྣ་བཞི་ལ་བྱ། ཁྲར་དུ་ཀླུ་སྨན་དེ་བཞིན་བྱ། །ལྷོ་རུ་དཀར་པོ་ལྔ་ལ་བྱ། །ནུབ་ཏུ་ར་དང་ཁྱི་ལ་བྱ། །བྱང་དུ་ནག་པོ་གསུམ་ལ་བྱ། །འོག་ཏུ་ར་དམར་གཏོར་མ་བྱ། །ཏིང་འཛིན་དཔལ་དུ་བསྒོམ་བྱས་ནས། །རང་རང་སྔགས་ཀྱིས་འཁོར་རྣམས་བསྐྱེད། །སྙན་གསན་སྤྱན་དྲང་བསྟིམ་པ་དང་། །མཆོད་པ་འབུལ་དང་དངོས་གྲུབ་དང་། །སྦྱོར་བའི་བར་དུ་སྒྲོལ་བ་རྣམས། །བསྟབ་པ་ཆེན་པོ་དེ་བཞིན་བྱ། །བསྙེན་པ་ཡེ་ཤེས་ལྷ་ཉིད་ལ། །གདུག་པ་དྲུག་གི་སྔགས་བཟླས་པ། །བསྟོད་པ་དེ་བཞིན་རིམ་པས་འབྱུང་། །ཚོགས་པ་སྦྱོར་བ་དེ་བཞིན་ཏེ། །ཕོ་ཉ་ལས་བཞིའི་ཕུར་པ་གདང་། །དེ་བཞིན་བསྙེན་པའི་ལས་རྣམས་བྱ། །ས་ཡ་དྲུག་འབུམ་མང་དུ་བསྐྱལ། །མངོན་དུ་འོད་དང་ཉམས་སུ་འོང་། །མཚན་མ་ཙམ་དུ་འབྱུང་བ་དང་། །འོད་དང་མེ་དང་དུ་བ་དང་། །མི་རིང་ནམ་མཁའ་གང་བ་དང་། །རྟ་དང་ཁྱེ་དང་སྦྲུལ་དང་བྱ། །རྟགས་ལ་བབ་པ་རབ་ཏུ་བརྟག །ངེས་པར་གདེང་དུ་གྱུར་པ་དང་། །བསྒྲུབ་པའི་ལས་ནི་ཤེས་པར་བྱ། །ལྷ་དང་རྫས་ཀྱི་བྱེ་བྲག་དང་། །སྔགས་དང་བསྐུལ་བ་དེ་བཞིན་ཏེ། །གཙོ་བོ་གསལ་བའི་བྱིན་རླབས་ཀྱིས། །འཁོར་རྣམས་གསལ་བར་གྱུར་པ་དང་། །ཐམས་ཅད་སྔགས་ལ་རབ་ཏུ་འདུས། །སྔགས་རྣམས་འགྲུབ་པ་རབ་ཏུ་གཅེས། །ཡེ་ཤེས་ལྔ་ཡི་སྔགས་རྣམས་ལ། །དྲེགས་པའི་སྔགས་་ཉིད་རབ་ཏུ་གདགས། །རྐྱང་པར་མི་བྱ་དྲིལ་བ་དང་། །ནག་པོའི་རྟགས་རྣམས་འབྱུང་བར་འདོད། །ཐུན་གྱི་ཕུར་པ་དྲུག་གམ་གཅིག །གཅིག་ལ་རྫས་དྲུག་རང་རང་བྲབ། །གཅིག་ལ་རྫས་རྣམས་དྲིལ་བ་སྟེ། ཁྲག་དང་སྙིང་དུ་བཅས་པ་ལ སོ་སོར་རང་རང་དམ་་རྫས་བྲབ། །གང་ཡིན་ཉམས་པ་བསྒྲལ་བར་བྱ། །ཐུན་ཉིད་ཁོལ་དང་ལུད་པ་དང་། །མང་བ་ཙམ་དུ་གྱུར་པ་ན། ་་་དཀར་ཉུང་ནག་སྐྱེ་ཚེ་དང་། །དྷ་རུ་ར་ཡི་རྩ་བ་ཡིས། །ཉིན་དང་མཚན་དུ་དུས་མེད་པར། །ཡང་ནས་ཡང་དུ་བབ་པར་བྱ། །དེ་ཡིས་ཐུན་ཀྱང་རབ་ཏུ་ཁོལ། །ནན་དུ་དཀར་པོ་སྔགས་ལ་སྦྱར། །ནག་པོ་དེ་བཞིན་རབ་ཏུ་མནན། །རྟགས་དེ་བརྟན་པར་བྱུང་བ་དང་། །དྲག་པོའི་ལས་ལ་སྦྱར་བར་བྱ། །བདུད་ཀྱི་ཉི་མ་བཀྲ་མི་ཤིས། །ངན་པའི་ལས་རྣམས་བྱ་བར་འབྱུང་། །ཉི་ནག་མར་གྱི་དོ་དག་གམ། །འབྱུང་ཞིང་འཇུག་པའི་ཉི་མ་ལ། །དུར་དུ་འཇུག་དང་རྒྱུ་བ་དང་། །མངོན་དུ་བྱུང་དང་ཁུགས་པ་དང་། །དྲག་པོའི་བསམ་པ་སྐྱེས་པ་དང་། །མེ་ཡི་འོད་དུ་བྱུང་བ་ན། །དེ་ཡིས་ལས་ཉིད་མྱུར་བར་འགྲུབ། །ཀློང་དུ་བསྟན་པའི་ལས་བྱ་སྟེ། །སྤྱིར་ཡང་འདི་ཉིད་ཀློང་དྲུག་སྟེ། །གཙོ་བོ་ཕོ་ཉ་གོང་བཞིན་སྦྱར། །སྒྲོལ་བ་གནས་སུ་བཅས་པས་གདབ། །ཐུན་ཀྱང་རབཏུདེབཞིནབྱ། །འཁོར་ལོཀློང་དྲུག་རང་རང་སྟེ། །དང་པོ་བྲལ་བའི་ཀློང་ཉིད་ལ། །རང་གིས་ཀློང་དང་སྔགས་སུ་བཅས། །སྔགས་གསུམ་སྦྲེལ་ཏེ་ལས་རྣམས་བྱ། །ཐུན་ཀྱང་དེ་བཞིན་ཤེས་པར་བྱ། །ཕྱི་མ་ལྔ་ཡང་དེ་བཞིན་ཏེ། །རང་རང་ཕོ་ཉ་སྔགས་རྣམས་དང་། །རང་རང་ཐུན་དང་རྫས་རྣམས་དང་། །གསུམ་དུ་སྦྲེལ་བའི་སྔགས་ཉིད་ལ། །ཕུར་པ་རང་རང་དེ་བཞིན་གདབ། །གཙོ་བོས་སྙིང་ལ་དེ་བཞིན་ཏེ། །འཁོར་རྣམས་ཡན་ལག་རྣམས་ལ་གདབ། །ཡང་ན་སྙིང་ལ་དེ་བཞིན་སྦྱར། །མཚོན་དང་དུག་ཀྱང་དེ་བཞིན་ཏེ། །གདུང་བ་དྲག་པོས་བཏབ་པ་དང་། །བྱང་ཆུབ་སེམས་དཔའ་རབ་བསྟན་ཏེ། །བྱད་དང་མེ་དང་གནན་པ་དང་། །ཚེ་བསྟིམ་རིམ་པ་སྔགས་ཀྱི་བྱ། །ལས་རྣམས་མ་ལུས་རྫོགས་པར་འགྱུར། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོའི་ལས་བསྟན་་པའི་ལེའུ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་གདུག་པ་ལྷ་དང་དབྱེ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དྲག་པོ་ལས་ཀྱི་དོན་བསྙན་པ། །དབྱེ་བའི་ལས་རྣམས་མ་བྱས་ན། །གདུག་པའི་ལས་རྣམས་རྡུགས་པར་འགྱུར། །དུར་ཁྲོད་དམར་ལ་མཐོ་བ་ལ། །ཤར་གྱི་ཕྱོགས་སུ་སྒོ་བསྟན་པ། །ཉི་མའི་ཟེར་མ་ནང་དུ་འཆར། །དེ་ལྟའི་གནས་དང་ལྡན་པ་དང་། །མཎྜལ་མདའ་གང་བྱས་ནས་སུ། །མི་ཡི་དེ་བཞིན་རུས་པས་གདབ། །དམར་ཆེན་ཁྲག་གཉིས་རབ་ཏུ་བྱུག །གྲུ་གསུམ་ཟླ་གམ་མུ་ཁྱུད་བྲི། །མུ་ཁྱུད་དུར་ཁྲོད་བརྩིག་པ་ལ། ཁྲར་དུ་བསྟན་པའི་སྒོ་གནས་པའོ། །དེ་ཡི་ཕྱི་རིམ་ཟླུམ་པོ་ལ། །དམར་པོ་བྱས་ཏེ་གཟུགས་ཀྱང་བྲི། །དབུས་སུ་དཔལ་གྱི་གཏོར་མ་སྟེ། །ཁྱད་པར་ཉིད་དུ་གྱུར་པའོ། ཁྲར་གྱི་མུ་རན་ཟླུམ་པོ་ལ། །འཇིག་རྟེན་དྲེགས་པའི་གཏོར་མ་གཞག །རྟེན་དུ་བཅས་པ་མ་ལུས་ཀུན། །ཡང་དག་ཉིད་དུ་བརྗོད་པར་བྱ། །དབུས་སུ་བསྙེན་པའི་ཕུར་པ་ལ། །མཐིང་ནག་དར་གྱི་ཅོད་པན་གདགས། ཁྲར་དུ་སེང་ལྡེང་ཕུར་པ་ལ། །སྙིང་པོ་བྲིས་ལ་ཡང་དག་དགོད། །དབུས་སུ་སྙིང་ཆེན་མ་ཉམས་གཞག ་ར་དུ་ར་སྙིང་དེ་བཞིན་གཞག །དབུས་སུ་མིང་བྱང་རུས་སུ་བཅུག ཁྲར་དུ་ར་ཡི་སྙིང་ཁྲག་གམ། །ཡང་ན་ར་སོག་གཡས་པ་ལ། །མིང་བྱང་བྲིས་ལ་དེ་བཞིན་གཞག །ཡང་ན་ར་མགོར་མིང་བྱང་བཅུག །རྩང་གིས་བཙུག་ལ་སྔོ་དམར་བཅིངས། །དྲེགས་པའི་སྙིང་པོ་དེ་བཞིན་བྲི། །རིམ་པས་བསྙེན་པ་དེ་བཞིན་དུ། །ཏིང་འཛིན་རིམ་པས་ཡང་དག་འབྱུང་། །དུར་ཁྲོད་ཆེན་པོའི་གཞལ་ཡས་སུ། །དབུས་སུ་བསྙེན་པའི་ཕུར་པ་དགོད། ཁྲར་སྒོར་སྲས་མཆོག་ཕུར་པ་དགོད། །ཕྱི་རོལ་དྲེགས་པའི་རྫས་རྣམས་དགོད། །བསྒོམ་པའི་རིམ་པ་དེ་བཞིན་ཏེ། །སྤྱན་དྲངས་བསྟིམ་པ་དེ་བཞིན་ཏེ། །བསྙེན་པ་ཡེ་ཤེས་ལྷ་ལ་དབུལ། །འཇིག་རྟེན་དྲེགས་པ་ཞོར་ལ་འབྱུང་། །བསྟོད་ཅིང་བསྐུལ་ཏེ་ལས་རྣམས་བཅོལ། །ཧུ༷་མཐིང་ནག་གྲུ་གསུམ་འབར་བའི་དཀྱིལ་འཁོར་ན། །ཡབ་གཅིག་རྡོ་རྗེ་གཞོན་ནུ་ནི། །སྐུ་ནི་རི་རབ་ཉི་ཟླའི་གཟུགས། །རྔམ པ ཆེནཔོའིཚེམསབརྡར་ཞིང་། །གདུག་པ་ཅན་རྣམས་ཞབས་ཀྱིས་གནོན། །ཕྱག་གི་ཕུར་པས་ཉོན་མོངས་སྤྱོད། །ཞབས་བཞི་རྫུ་འཕྲུལ་བཞི་དང་ལྡན། །སྤྱན་མིག་གྲུ་གསུམ་དུག་གསུམ་འདུལ། །ཡ་མཚན་ཆེན་པོ་འཕྲུལ་གྱི་ལྷ། །གདུག་པ་འདུལ་བའི་ལྷ་ལ་ཕྱག་འཚལ་བསྟོད། །ཉོན་མོངས་འཇོམས་པའི་ལྷ་ལ་ཕྱག་འཚལ་བསྟོད། །མེ་དཔུང་ཆེན་པོའི་འོད་ལ་ཕྱག་འཚལ་བསྟོད། །ཧྭ༷་ཐུགས་ཀྱི་སྤྲུལ་པ་ཅིར་ཡང་སྟོན། །ཡ་མཚན་ཆེན་པོ་ལྷ་ཡི་ལྷ། །ཁམས་གསུམ་གདུག་པ་འདུལ་བའི་དཔལ། །སྟོང་གསུམ་རྔམས་པ་དྲག་པའི་སྒྲ། །ཡེ་ཤེས་ལྷ་ཡི་སྤྲུལ་པ་སྟེ། །མ་བསྐུལ་དབྱིངས་ནས་བཞེངས་པའི་ལྷ། །མཐིང་ག་འཇིགས་པའི་སྐུ་མདོག་ལ། །ཉོན་མོངས་འཇོམས་པའི་ཕུར་པ་བསྣམས། །རང་རྟགས་འབྲེལ་པའི་གུ་གུལ་དང་། །ཁམས་གསུམ་གདར་གཅོད་ཕུར་པ་འཛིན། །སྟོད་ནི་ཞལ་གསུམ་ཕྱག་དྲུག་པ། །སྨད་ནི་ཟུར་གསུམ་དབལ་དང་ལྡན། །འཇིག་རྟེན་དྲེགས་པ་འདུལ་བའི་ལྷ། །ཐུགས་དམ་ཆེན་པོའི་དབྱིངས་ནས་བསྐུལ། །འཇིག་རྟེན་དྲེགས་པ་ལས་ལ་འཛུད། །ལས་རྣམས་མ་ལུས་འགྲུབ་པ་དང། །ལྷ་ཡི་ལས་བྱས་དྲེགས་པ་འདུལ། །དྲེགས་པ་སྔགས་ཀྱི་སྦྱོར་བ་ཡིས། །རན་དང་མཛེས་པར་རབ་སྦྱར་ལ། །མཆོད་པའི་དུས་སུ་ཕུར་པ་གདབ། །དུམ་བུར་ག་་ཅིང་མཆོད་པར་དབུལ། །བསྟོད་ཅིང་བསྐུལ་བ་ཡང་ནས་ཡང་། །ཐུན་རྣམས་ར་ཐོད་ནང་དུ་སྦྱར། །སྙིང་དང་ཁྲག་དང་དེ་བཞིན་སྦྱར། །དེ་ཉིད་ལས་སུ་རུང་བ་དང་། །གདབ་པའི་ལས་ཉིད་འདི་ལྟ་སྟེ། །གུ་གུལ་དུ་བས་བདུག་བྱས་ཏེ། །དབྲལ་བའི་སྔགས་དང་ཚིག་ཏུ་བཅས། །ཡང་ནས་ཡང་དུ་དེ་བཞིན་བྱ། །ཕོ་ཉ་ལས་རྣམས་དེ་བཞིན་ཏེ། །གདབ་པའི་སྔགས་གཉིས་སྙིང་ལ་གདབ། །ཐུན་དང་དེ་བཞིན་འཛོམ་པར་བྱས། །མཚོན་དང་དུག་དང་བརྡུང་བ་དང་། །གདབ་དང་བྱང་སེམས་སྔགས་ཀྱིས་བྱ། །མེ་ལ་བསྲེགས་ཏེ་ཕྱེ་མ་དང་། །སོལ་བས་གཡོགས་པའི་མིང་བྱང་རྣམས། །སྔོན་དམར་དག་གིས་རབ་དཀྲིས་ལ། །ར་ཡི་ཐོད་པའི་ནང་དུ་གཞུག །ལ་བཙས་དག་ལ་རབ་ཏུ་སྦ། །གཏོར་མ་ཚེ་བསྟིམ་བཀྲ་ཤིས་དང་། །དེ་བཞིན་ལས་རྫོགས་རྫོགས་པར་བྱ། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ལྷ་དང་དབྲལ་བའི་ལེའུ་སྟེ་བཅོ་བརྒྱད་པའོ།། །།དེ་ནས་བཅོམ་ལྡན་འདས་དྲག་པོ་འགུགས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཆེན་པོ་གངས་དང་ཤེལ་ལྟ་བུ། །རྒྱལ་པོའི་ཕོ་བྲང་གནས་དག་དང་། །དེ་བཞིན་མཆོད་པའི་ས་ཡོད་པར། །སྒོ་ཡི་ཕྱོགས་ཀྱང་ཤར་དུ་བལྟས། །རྟ་དང་བྱ་ཡི་གཟུགས་ཡོད་པར། །མཎྜལ་མདའ་གང་བྱས་ནས་སུ། །དཀར་པོ་གསུམ་གྱི་ཁྲག་གིས་བྱུགས། །གྲུ་གསུམ་ཟླ་གམ་མུ་ཁྱུད་བྲི། །མུ་ཁྱུད་དེ་བཞིན་བསྟན་པ་ལ། །དཀར་པོའི་མུ་རན་ཡང་གཅིག་བསྣན། །དབུས་སུ་དཔལ་གྱི་སྙིང་པོ་བྲི། །ཤར་དུ་འགུགས་པའི་སྙིང་པོ་བྲི། །བསྟེན་ཕུར་དེ་བཞིན་བསྟན་པ་ཡང་། །སྲས་མཆོག་བྱ་རྒོད་གཤོག་ཐུར་ལ། །དར་གྱི་ཅོད་པན་དེ་བཞིན་གདགས། །བར་ཆད་བསལ་བའི་ལས་བྱས་ལ། །དབུས་སུ་བསྙེན་པའི་ཕུར་པ་ལ། །གཙོ་བོའི་ཕུར་པ་དབུས་སུ་དགོད། ཁྲར་གྱི་ཕུར་པ་དེ་བཞིན་བྱ། །དབུས་སུ་དཔལ་གྱི་གཏོར་མ་ནི། །ཁྱད་པར་རྨད་དུ་བྱུང་བར་བྱ། །གདུག་པའི་གཏོར་མ་སྙིང་སྣ་གསུམ། །བསེ་ཕོར་བཤམས་ཏེ་ཤར་དུ་གཞག །རྟེན་ཡང་དེ་བཞིན་ཤར་དུ་གཞག །མིང་རུས་དབུས་དང་ཤར་དུ་གཞག །དྲག་པོའི་རྩང་གིས་བསྐོར་བར་བྱ། །ཏིང་འཛིན་རིམ་པ་བསྟན་པར་བྱ། །གཞལ་ཡས་གདན་དང་བཅས་པ་སྲ །དབུས་སུ་གཙོ་བོ་རབ་བསྐྱེད་ལ། ཁྲར་དུ་འགུགས་པའི་ལྷ་མཆོག་བསྐྱེད། །སྤྱན་དྲང་རིམ་པ་དེ་བཞིན་ཏེ། །བསྟིམ་དང་མཆོད་པ་མ་ལུས་བྱ། །ཡེ་ཤེས་ལྷ་ལ་བསྙེན་པ་བྱ། ཁྲར་གྱི་དེ་བཞིན་ཤེས་པར་གྱིས། །བསྐུལ་ཞིང་བསྟོད་པ་འདི་ལྟ་སྟེ། །ཧུ༷་གདུག་པ་འདུལ་བ་དྲག་པོའི་སྐུ། །སྟོད་ནི་ཞལ་གསུམ་ཕྱག་དྲུག་ལ། །སྨད་ནི་ཟུར་གསུམ་དཔལ་དང་ལྡན། །དཀར་བའི་ཞལ་ལ་དྲག་པོའི་དབྱིབས། །གདུག་པ་འདུལ་བའི་ཕུར་པ་བསྣམས། །ལྕགས་ཀྱུའི་སྟངས་སྟབས་ཕྱག་རྒྱ་ཅན། །ཁམས་གསུམ་གདར་གཅོད་ཕུར་པ་བསྣམས། །གདུག་པ་ཀླུ་ཡི་འཁོར་རྣམས་འདུལ། །མང་དུ་སྤྲུལ་ཅིང་ལས་ལ་གུས། །གང་ཡིན་འགུགས་པའི་ལས་མཛོད་ཅིག །སྙིང་ཁྲག་རྣམ་གསུམ་སྦྲེང་བྱེད་ཅིང་། །མཆོད་པའི་དུས་སུ་བཀུག་ཅིང་བསྟིམ །བསྙེན་པའི་རྟགས་རྣམས་འདི་ལྟ་སྟེ། །འོད་དུ་འཁྱིལ་ལམ་མེ་རུ་འབར། །དངོས་སུ་བྱུང་ངམ་ཉམས་སུ་བྱུང་། །དེ་ནི་བསྙེན་པའི་རྟགས་སུ་བསྟན། །རན་དང་མཛེས་པའི་ལྷ་སྔགས་ལ། །དྲག་པོའི་སྔགས་ཀྱི་གནད་དུ་བསྟན། །ཉིན་དང་མཚན་དུ་རབ་བསྟན་ནས། །ལྷ་ལ་མཆོད་ཅིང་དྲེགས་པ་བསྐུལ། །ཀླུ་ཡིས་བཟུང་བའི་ཐོད་པ་མྲ །སྙིང་པོ་བྲི་ཞིང་ཐུམ་པོ་བྱ། །གདུག་པ་སྦྲུལ་གྱི་སྙིང་ལ་གཞུག །སྦལ་པ་ཕོ་མོའི་གཟུགས་བྲིས་ལ། །དཀར་པོའི་སྙིང་དང་སྦལ་པ་དང་། ཁྲག་དང་བསྲེས་པ་དེ་བཞིན་བྱ། །བསྣོལ་མཚམས་བརྟན་པ་རབ་ཏུ་གཅེས། །ཐུན་སྔགས་བཟླས་ཤིང་དེ་ལ་བྲབ། །ཐུན་དེ་ལས་སུ་རུང་བ་དང་། །གདུག་པ་དངོས་སུ་སྟོན་པ་དང་། །དེ་ཉིད་དངོས་སུ་འཁོལ་བར་འགྱུར། །ཡང་ནས་ཡང་དུ་དེ་བཞིན་བྱ། །དྲག་པོ་བསྒྲལ་བའི་ངོ་བོ་ནི། །ལན་གསུམ་མནན་ཏེ་ཕོ་ཉས་དགུག །དབང་པོ་མངོན་གསུམ་གསལ་བར་འགྱུར། །གདབ་པ་རྣམ་པ་གཉིས་སུ་བསྟན། །ཐུན་ཡང་དེ་བཞིན་ཡང་དག་སྦྱར། །མཚོན་ལ་སོགས་པ་དེ་བཞིན་འབྱུང་། །ཐ་མ་བསྲེག་སྟེ་གནན་པ་བྱ། །འཕང་དང་བསྲེགས་པའི་ལྷག་མ་དེ། །བསམ་པ་ཉིད་ཀྱིས་གསོས་བྱས་ལ། །བྱང་དུ་ཁ་བལྟས་འགྲམ་དུ་མནན། །དེ་ཡིས་འོག་མ་དེ་བཞིན་འབྱུང་། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་འགུགས་པའི་ལེའུ་སྟེ་བཅུ་དགུ་པའོ།། །།དེ་ནས་བཅོམ་ལྡན་འདས་དྲག་པོ་བཅིང་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་སྔོ་ལ་འོད་ཆགས་སུ། །ཀླུ་ཡི་ཕོ་བྲང་ཡོད་པ་སྲ །མཎྜལ་དེ་བཞིན་ཡང་དག་སྦྱར། །གསེར་རམ་སེར་པོའི་ཕུར་པ་ལ། །དར་ཡི་ཅོད་པན་དེ་བཞིན་བྱ། །ཚམ་རྔམས་དྲག་པོས་བགེགས་བསྐྲད་ལ། །འགོད་པ་དེ་བཞིན་ཡང་དག་བསྟན། །གཏོར་མ་དབུས་དང་ཤར་དུ་དགོད། །ཤར་དུ་དགོད་པའི་གཏོར་མ་ལ། །རྩི་སྨན་སྣ་ཚོགས་དགོད་པར་བྱ། །རྟེན་ཡང་རབ་ཏུ་དེ་བཞིན་གཞག །མིང་བྱང་རྩང་དང་བཅས་པ་ཡང་། །དེ་བཞིན་བརྟེན་ཏེ་རབ་ཏུ་དགོད། །ཏིང་འཛིན་རིམ་པ་དེ་བཞིན་ཏེ། །གཙོ་དང་འཁོར་ཡང་དེ་བཞིན་བསྐྱེད། །སྤྱན་དྲང་རིམ་པ་གྲངས་དང་སྦྱར། །མཆོད་པ་བསྙེན་པ་བསྟོད་པ་དང་། །བསྙེན་པ་ཡེ་ཤེས་ལྷ་ལ་འབུལ། །རན་པ་ཉིད་དུ་དེ་བཞིན་སྦྱར། །ཧུ༷་གདུག་པ་འདུལ་བ་དྲག་པོའི་སྐུ། །སྟོད་ནི་ཞལ་གསུམ་ཕྱག་དྲུག་པ། །སྨད་ནི་ཟུར་གསུམ་དབལ་དང་ལྡན། །སྔོ་བའི་ཞལ་ནི་འགྱུར་བ་མེད། །གདུག་པ་འདུལ་བའི་ཕུར་པ་བསྣམས། །ཞགས་པ་རང་རྟགས་ཕྱག་རྒྱ་ཅན། །ཁམས་གསུམ་གདར་གཅོད་ཕུར་པ་བསྣམས། །གདུག་པ་ཤར་གྱི་འཁོར་ལོ་བཅས། །སྤྲུལ་པ་གང་ཡིན་ཉམས་པ་འཆིང་། །གང་ཡིན་བཅིང་བའི་ལས་མཛོད་ཅིག །དམ་རྫས་ཉིད་ཀྱིས་དེ་བཞིན་མཆོད། །མཆོད་པའི་དུས་སུ་རབ་ཏུ་འཆིང་བར་བསྟན། །བསྙེན་པའི་རྟགས་ནི་འདི་ལྷ་སྟེ། །སྦྲུལ་དང་སྦལ་པ་ལ་སོགས་པ། །དངོས་སུ་བྱུང་བ་མ་ཉམས་སུ་བྱུང་། །སྔོན་དུ་བྱུང་བའི་འོད་བཞིན་དུ། །བསྙེན་པའི་རྟགས་ནི་དེ་ལྟར་འབྱུང་། །ལྷ་སྔགས་བསྟན་པས་དེ་ཉིད་ཙམ། །དྲག་པོའི་སྔགས་ལ་ནན་ཏན་བྱ། །ཉིན་དང་མཚན་དུ་གྲངས་མེད་བཟླས། །བསྟོད་དང་བསྐུལ་པ་དེ་བཞིན་བྱ། །དཀར་པོ་གསུམ་གྱི་ཐོད་པ་སྲ །སྔགས་བྲིས་ཐུན་གྱི་རྫས་རྣམས་བཤམ། །དཀར་པོ་གསུམ་གྱི་སྙིང་ཡང་གཞུག །གཟུགས་བྲིས་ཁྲག་ཏུ་དེ་བཞིན་བཅས། །དོན་གྱི་སྦྱར་བ་དེ་བཞིན་བྱ། །མང་དུ་དེ་བཞིན་ཐུན་ཡང་བྲབ། །དེ་ཉིད་ལས་སུ་རུང་བ་དང་། །ཆ་བྱད་སྟོན་ཅིང་ཐུན་ཉིད་ཁོལ། །རྟགས་མ་བྱུང་བར་དེ་བཞིན་བྱ། །དྲག་པོས་བཅིངས་པའི་རིམ་པ་ནི། །ཡང་དང་ཡང་དུ་རབ་ཏུ་བསྡམ། །ཡན་ལག་དངོས་སུ་བཅིངས་པར་འགྱུར། །གདབ་པའི་ཐུན་ཡང་དེ་བཞིན་བསྟན། །ལས་རྣམས་མ་ལུས་རྫོགས་པར་བྱ། །སྲེག་དང་འཕང་བ་དེ་བཞིན་དུ། །ཡང་གཅིག་མནན་ཏེ་ཕོ་བྲང་སྦ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་བཅིངས་པའི་ལེའུ་སྟེ་ཉི་ཤུ་པའོ།། །།དེ་ནས་བཅོམ་ལྡན་འདས་དྲག་པོ་སྨྱོ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཆེན་པོ་ཟད་ཟེད་ཅན། །མི་རིང་འགྲོ་དང་ཁྱི་རྒྱུག་འདྲ་། །ཐེའུ་རང་གནས་པའི་ས་ཡོད་པར། །སྒོ་ནི་ཤར་ལྷོ་མཚམས་སུ་བལྟས། །མཎྜལ་མདའ་གང་བྱས་ནས་སུ། །རྣམ་པ་གསུམ་གྱིས་རབ་ཏུ་བྱུག །གྲུ་གསུམ་དེ་བཞིན་རིམ་པས་བྱ། །སེར་པོ་མུ་རན་ཡང་གཅིག་བསྣན། །སྙིང་པོ་བྲི་བ་དེ་བཞིན་བྱ། ཁྲར་དུ་སྨྱོ་བའི་སྙིང་པོ་བྲི་། །བསྙེན་ཕུར་སྨྱོ་བའི་སྙིང་པོ་ཡང་། །དར་གྱི་ཅོད་པན་དེ་བཞིན་གདགས། །ཉེས་པ་མེད་ཕྱིར་བསྲུང་བ་བྱ། །གཙོ་འཁོར་ཕུར་པ་བྱིན་བརླབས་ལ། །རང་རང་གནས་སུ་དེ་བཞིན་དགོད། །དཔལ་གྱི་གཏོར་མ་ཁྱད་པར་ཅན། །སྙིང་སྣ་གསུམ་ལ་དེ་བཞིན་བྱ། །དཀར་པོ་སྣ་དམར་ཐོད་པར་བྱ། །རྟེན་ཡང་དེ་བཞིན་ཡང་དག་གཞག །རྩང་གིས་དེ་བཞིན་རབ་ཏུ་བསྐོར། །ཏིང་འཛིན་རིམ་པའི་ཁྱད་པར་ལས། །དུར་ཁྲོད་གཞལ་ཡས་གདན་ཡང་བཅས། །དབུས་དང་ཤར་དུ་ལྷ་ཉིད་བསྐྱེད། །རིམ་པ་བཞིན་དུ་ཡང་དག་སྦྱར། །བསྟིམ་དང་མཆོད་པ་མ་ལུས་བྱ། །བསྙེན་པ་རྫོགས་པ་རབ་ཏུ་གཅེས། །རིམ་པ་བཞིན་དུ་དེ་ལྟར་བྱ། །བསྐུལ་པ་དང་ནི་བསྟོད་པ་བྱ། །ཧུ༷་གདུག་པ་འདུལ་བ་དྲག་པོའི་སྐུ། །སྟོད་ནི་ཞལ་གསུམ་ཕྱག་དྲུག་ལ། །སྨད་ནི་ཟུར་གསུམ་དཔལ་དང་ལྡན། །དམར་པའི་ཞལ་ལ་དབང་དུ་སྡུད། །གདུག་པ་འདུལ་བ་ཕུར་པ་བསྣམས། །དྲག་པོའི་དུག་གཏོར་རང་རྟགས་ཅན།ཁམས་གསུམ་གདར་གཅོད་ཕུར་པ་བསྣམས། །གདུག་པ་ཡམ་ཤུད་འཁོར་དང་བཅས། །སྤྲུལ་པས་ཉམས་པ་སྨྱོ་བར་མཛོད། །མཆོད་པ་འབུལ་བའི་ལས་ཉིད་བྱ། །མཆོད་པའི་དུས་སུ་སྨྱོ་རུ་གཞུག །བསྙེན་པའི་རྟགས་རྣམས་རབ་ཏུ་འབྱུང་། །དཀར་སེར་འོད་ཀྱི་རྣམ་པ་དང་། །བཙུན་པ་བསྡེ་བོང་བུ་དང་། །དེ་ལྟར་རྟགས་རྣམས་བྱུང་བ་དང་། །བསྙེན་སྔགས་སྒྲུབ་སྔགས་ཤ་ཐང་དབྱེ། །དྲག་པོ་ཉིད་དུ་དེ་བཞིན་བྱ། །མང་པོའི་བྱིན་རླབ་ཤུགས་ཀྱིས་འབྱུང་། །བསྟོད་ཅིང་བསྐུལ་བའི་ལས་ཉིད་བྱ། །བོང་བུ་དག་གི་ཐོད་པ་མྲ །སྔགས་བྲིས་ཐུན་རྣམས་རབ་ཏུ་བླུག །མིང་དང་ཁྲག་ཏུ་བཅས་པ་བྱ། ཁུ་བའི་དུས་སུ་ཡང་དག་བྱ། །ནན་ཏན་དྲག་པོའི་ཐུན་ལ་བྱ། །ལས་རྣམས་འགྲུབ་པར་གདོན་མི་ཟ། །གཟུགས་སྟོན་རྟགས་གཉིས་རབ་ཏུ་འབྱུང་། །སྨྱོ་བ་དྲག་པོའི་ལས་བྱ་སྟེ། །མང་དུ་དེ་བཞིན་ནན་ཏན་བྱ། །དབང་པོ་ཉམས་པས་སྨྱོ་བར་འགྱུར། །གདབ་སྟེ་ལས་ནི་མཐའ་རུ་དབྱུང་། །འཕང་དང་བསྲེག་པ་དེ་བཞིན་ཏེ། །དུག་གིས་བརྡེག་ཅིང་ས་དེར་མནན། །ཚེ་དང་བཀྲ་ཤིས་དེ་བཞིན་བྱ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་སྨྱོ་བའི་ལེའུ་སྟེ་ཉི་ཤུ་གཅིག་པའོ།། །།དེ་ནས་བཅོམ་ལྡན་འདས་སྒྲོལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་བྲག་ནག་ནུབ་སྒོ་ཅན། །མཎྜལ་མདའ་གང་བྱས་ནས་སུ། །ནག་པོ་གསུམ་གྱི་ཁྲག་གིས་བྱུག །རིམ་པ་བཞིན་དུ་བྲིས་པ་དང་། །ནག་པོའི་མུརནཡངགཅིགམནན། །རང་རང་གནས་སུ་སྙིང་པོ་བྲི། །བསྙེན་ཕུར་སྒྲོལ་བའི་ཕུར་པ་ཡང་། །ཅོད་པན་རིགས་དང་ཡང་དག་སྦྱར། །བསྐྲད་པའི་ལས་རྣམས་དེ་བཞིན་བྱ། །རྣམ་པ་གཉིས་སུ་བྱིན་བརླབས་ནས། །གང་ཡིན་གནས་སུ་དེ་བཞིན་དགོད། །རྣམ་གཉིས་གཏོར་མ་དེ་བཞིན་དུ། །ནག་པོའི་ཐོད་པར་དེ་བཞིན་བཤམ། །བདུད་ལུག་ནག་པོ་རྟེན་དུ་བཅས། །དམིགས་པའི་རྟེན་དུ་དེ་བཞིན་ཏེ། །རིམ་པས་བསྐོར་ཏེ་དེ་ཉིད་དངོས། །ཏིང་འཛིན་གསལ་བའི་ཁྱད་པར་ལས། །གྲུ་གསུམ་ཨེ་ཡི་དཀྱིལ་འཁོར་བསམ། །ཡབ་ཡུམ་དབུས་དང་གདུག་པ་ཤར། །སྤྱན་དྲང་བྱོན་དང་བསྟིམ་པ་དང་། །ལྷ་ལ་འབུལ་ཞིང་ཤགས་ཀྱིས་དབྱེ། །བསྐུལ་བས་ལས་རྣམས་བྱེད་པར་འགྱུར། །ཧུ༷་གདུག་པ་འདུལ་བ་དྲག་པོའི་སྐུ། །སྟོད་ནི་ཞལ་གསུམ་ཕྱག་དྲུག་ལ། །སྨད་ནི་ཟུར་གསུམ་དབལ་དང་ལྡན། །གནག་པའི་ཞལ་ལ་ཁྲོ་གཉེར་ཅན། །གདུག་པ་འདུལ་བ་ཕུར་པ་བསྣམས། །ཐ་་བ་ཕུར་པ་རང་རྟགས་ཅན། ཁམས་གསུམ་གདར་གཅོད་ཕུར་པ་བསྣམས། །གདུག་པ་བདུད་ཀྱི་འཁོར་རྣམས་འདུལ། །བདུད་ཀྱི་སྤྲུལ་པ་བསམ་མི་ཁྱབ། །གང་ཡིན་སྒྲོལ་པའི་ལས་རྣམས་མཛོད། །ནག་པོ་གསུམ་གྱི་ཁྲག་གིས་མཆོད། །མཆོད་པའི་དུས་སུ་བསྒྲལ་བར་བྱ། །བསྙེན་པའི་རྟགས་རྣམས་རབ་ཏུ་འབྱུང་། །སྒྲ་དང་ནག་པོའི་འོད་དག་དང་། །འཅོ་ནག་འཁྱིལ་པའི་མེ་སྟག་འཕྲོ། །དངོས་དང་ཉམས་སུ་འབྱུང་བའོ། །བསྙེན་པའི་རྟགས་རྣམས་རབ་ཏུ་གཅེས། །ལྷ་དང་དྲེགས་པ་སྒྲོལ་བའི་སྔགས། །གང་ཡིན་ཤ་ཐང་དབྱེ་བར་བྱ། །དྲག་པོ་ཉིདདུདེབཞིནབྱ། །སྨྱོབམེད་པར་ལས་རྣམས་བྱ། །མཆོད་ཅིང་དྲག་པོས་རབ་ཏུ་བསྐུལ། །བདུད་རྟ་ནག་པོའི་ཐོད་པ་སྲ །སྔགས་དང་ཐུན་སྔགས་རབ་ཏུ་བཅས། །གང་ཡིན་རྒྱུ་དུས་དག་ཏུ་བཟླས། །དྲག་པོ་ཐུགས་ཉིད་ལས་ཀྱི་མཆོག །མང་དུ་འབྱུང་ཞིང་དངོས་སུ་སྟོན། །གང་ཡིན་བསྒྲལ་བ་ལས་ཀྱི་མཆོག །གདབ་དང་ལས་རྣམས་རྫོགས་པར་བྱ། །ལམ་པོ་ཆེ་ཡི་རྒྱ་གྲམ་མནན། །བཀྲ་ཤིས་ཚེ་ཡི་ལས་རྣམས་བྱ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་བསྒྲལ་བའི་ལེའུ་སྟེ་ཉི་ཤུ་གཉིས་པའོ།། །།དེ་ནས་བཅོམ་ལྡན་འདས་དྲག་པོ་བསྟབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཤིང་རྩི་ཆུ་མིག་ཅན། །ཀླུ་ཤིང་སྣ་དགུ་ཡོད་པའི་སར། །ས་ཡང་ལྗང་སྔོན་དེ་བཞིན་འབྱུང་། །མཎྜལ་མདའ་གང་གྲུ་བཞི་ལ། །ནག་པོ་བཞིན་དུ་རིམ་པས་བྲི། །ལྗང་གུའི་མུ་རན་ཡང་གཅིག་བསྣན། །སྙིང་པོ་མནན་པ་དེ་བཞིན་བྲི། །རྣམ་པ་གཉིས་ཀྱི་ཕུར་པ་ཡང་། །ཅོད་པན་གདགས་པ་དེ་བཞིན་བྱ། །སྲུང་བའི་མཚམས་ཀྱིས་རབ་ཏུ་བསྲུང་། །རྣམ་པ་གཉིས་སུ་བྱིན་བརླབ་བྱ། །གནས་གཉིས་ཉིད་དུ་དེ་བཞིན་དགོད། །ཐུན་རྫས་རྣམ་གཉིས་དེ་བཞིན་བཤམ། །རུསསྦལ་ཐོད་པར་ཡང་དག་བྱ། །ཆུ་ལུག་སྔོ་བཀྲ་རྟེན་དུ་བཅས། །རུས་དང་མིང་ཡངདེབཞིནབྲི། །རིམཔ་གྲངསསུདེབཞིནབསྟན། །ཏིང་འཛིན་སྒྲོལ་བའི་གྲངས་དང་སྦྱོར། །མཐིང་ནག་གྲུ་གསུམ་དཀྱིལ་འཁོར་བསྒོམ། །ལྷ་གཉིས་རང་རང་གནས་སུ་བསྒོམ། །བཞེངས་དང་སྤྱན་དྲང་བསྟིམ་མཆོད་དང་། །བསྐུལ་བ་ཉིད་དུ་ལྷ་ཉིད་གསལ། །ཧུ༷་གདུག་པ་འདུལ་བ་དྲག་པོའི་སྐུ། །སྟོད་ནི་ཞལ་གསུམ་ཕྱག་དྲུག་ལ། །སྨད་ནི་ཟུར་གསུམ་དབལ་དང་ལྡན། །ལྗང་བའི་ཞལ་ལ་ཕྲིན་ལས་རྫོགས། །གདུག་པ་འདུལ་བ་ཕུར་པ་བསྣམས། །རང་རྟགས་གང་ཡིན་ཕུར་པ་བསྣམས། ཁམས་གསུམ་གདར་གཅོད་ཕུར་པ་བསྣམས། །གདུག་པ་བཙན་གྱི་འཁོར་རྣམས་འདུལ། །བཙན་གྱི་སྤྲུལ་པ་བསམ་མི་ཁྱབ། །གང་ཡིན་བསྟབ་པའི་ལས་རྣམས་མཛོད། །གང་ཡིན་སྙིང་ཁྲག་དག་གི་མཆོད། །མཆོད་པའི་དུས་སུ་བསྟབ་པ་བྱ། །བསྙེན་པའི་རྟགས་རྣམས་འབྱུང་བ་ཡང་། །དམར་བའི་འོད་ལ་འ་་མ་དམར། །རྟ་དང་ར་དང་ཤ་བ་དང་། །གླང་བུ་ལ་སོགས་དངོས་སམ་ཉམས། །བསྙེན་པའི་རྟགས་རྣམས་རབ་ཏུ་གཅེས། །ལྷ་དང་དྲེགས་པ་སྟོབ་པའི་སྔགས། །དེ་ཉིད་བསྟན་པར་གོ་བར་བྱ། །དྲག་པོ་ཉིད་དུ་དེ་བཞིན་བྱ། །བྱིན་རླབས་ནུས་པ་མང་བས་འབྱུང་། །བསྟོད་ཅིང་བསྐུལ་བའི་ལས་རྣམས་བྱ། །བཙན་རྟ་དམར་པོའི་ཐོད་པ་སྲ །སྔགས་བྲིས་ཐུན་རྣམས་རབ་ཏུ་བཤམ། །སྙིང་དང་ཁྲག་ཏུ་བཅས་པ་བླུགས། །གང་ཡིན་རྒྱུ་བའི་དུས་སུ་སྦྱར། །དྲག་པོ་ནན་ཏན་ཐུན་ལ་བྱ། །དེ་ཡིས་ལས་ཉིད་འགྲུབ་པར་འགྱུར། །དངོས་སམ་ཉམས་སམ་མང་བ་དང་། །ཁོལ་པ་དག་ཀྱང་རབ་ཏུ་བཟང་། །བསྟབ་པ་དྲག་པོ་ལས་བྱའི་ཕྱིར། །ཡང་ནས་ཡང་དུ་དེ་བཞིན་བྱ། །རང་དབང་མེད་དེ་སྟོབ་པར་འགྱུར། །གདབ་པའི་ལས་ཉིད་འདི་ལྟ་སྟེ། །སྙིང་དང་ཡན་ལག་དེ་བཞིན་གདབ། །མཚོན་དང་དུག་དང་བརྡུང་བ་དང་། །བསྟབ་པ་བྱས་ཏེ་སྲེག་དང་འཕང་། །ཚེ་བསྟིམ་བཀྲ་ཤིས་དེ་ལྟར་བྱ། །མ་ལུས་རྫོགས་པའི་ལས་ཀྱི་མཆོག །བསྙེན་པ་ཡེ་ཤེས་ལྷ་ལ་འབུལ། །བསྒྲུབ་པ་དྲེགས་པ་དྲུག་ལ་འབུལ། །མཆོད་པའི་དུས་སུ་ལས་དྲུག་འབྱུང་། །བྲི་བ་དེ་བཞིན་དབྱིངས་སུ་མཐུན། །བསགས་པའི་རྫས་དྲུག་རང་རང་སྟེ། །ཕུར་པ་དྲུག་ཡང་དེ་བཞིན་དུ། །ཐོད་པ་དྲུག་ཡང་རབ་ཏུ་བསྟན། །རྟགས་དྲུག་མི་མཐུན་རང་རང་སྟེ། །བསྟོད་པ་གཅིག་ལ་བསྐུལ་པ་དྲུག །ལྷ་སྔགས་གཅིག་ལ་གཅིག་པར་དྲུག །ལྷ་ཡི་གཅིག་ལ་ལས་སྣ་དྲུག །ཐུན་ཡང་དེ་བཞིན་ཤེས་པར་བྱ། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་བསྟབ་པ་ཞེས་བྱ་བའི་ལེའུ་སྟེ་ཉི་ཤུགསུམ་པའོ།། །།དེ་ནས་བཅོམ་ལྡན་འདས་དྲག་སྔགས་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ཏེ། །བསྟན་པ་གཉན་པོར་འཚེ་བྱེད་དང་། །སྒྲོལ་བའི་ཞིང་དུ་གྱུར་པ་ལ། །དྲག་པོ་དྲེགས་པའི་མན་ངག་བསྟན། །དྲེགས་པའི་རྒྱལ་པོ་བཅོ་ལྔ་ལ། །ཐོད་པ་མཚན་ལྡན་སྣ་གཉིས་སུ། །སྙིང་ཁྲག་ལྔ་ཡི་གཏོར་མ་བྱ། །ཡང་ན་ཐོད་པ་བཅོ་ལྔ་སྟེ། །ནག་པོ་ལྔ་ལ་དཀར་པོ་ལྔ། །དམར་དང་སྔོ་དང་ཞུར་བ་དང་། །སེར་བ་ཁམ་པ་སྣ་ལྔ་ཡང་། །དེ་བཞིན་སྙིང་ཁྲག་གཏོར་མ་བྱ། །ཡང་ན་ཐོད་པ་གཅིག་ཏུ་བྱ། །སྙིང་སྣ་ཁྲག་སྣ་མང་དུ་བརྡར། །མཚན་མ་ངན་པའི་ཐོད་པ་ལ། །མེད་དུ་མི་རུང་སྙིང་པོ་བྲི། །གཉིས་སུ་བཅད་པའི་དུམ་བུ་ལ། །ལུས་ཀྱི་ཕྱོགས་སུ་བདུད་པོ་བྲི། །སྤྱི་བོར་གདུག་པ་འཁོར་ལོ་བྲི། །དྲུག་དང་བརྒྱད་དུ་རབ་སྐོར་ལ། །དྲག་སྔགས་དྲུག་ལ་བྲི་བར་བྱ། །བརྒྱད་ལ་དྲེགས་པའི་སྙིང་པོ་བྲི། །མུ་ཁྱུད་མུ་བྲན་ལས་སྔགས་བྲི། །དེ་བཞིན་ཕྱི་མར་རྩ་སྔགས་བྲི། །རྩིབས་མཆན་རྣམས་ལ་མིང་བྱང་བྲི། །ལུས་ཀྱི་ཕྱོགས་སུ་བདུད་ཕོ་བྲི། ཁ་གདངས་མཆེ་བ་གཙིགས་པ་བྲི། །བར་དུ་མིང་བྱང་གཞུག་པར་བྱ། །ཐོད་པ་ངན་པའི་མཚན་ལྡན་ལ། །ཁྲག་སྣ་མང་དུ་བླུགས་བྱས་ལ། །ཐུན་དུ་འཕང་བའི་རྫས་དུ་བྱ། །གྲུ་གསུམ་ཁྲུ་གང་བརྐོས་པ་ལ། །དེ་རྣམས་བཅུག་སྟེ་ཁ་བཅད་ལ། །རྡོ་རྗེ་རྒྱ་གྲམ་ལྡོང་རོས་ཀྱིས། །གཡམ་པ་དག་ལ་བྲི་བ་དང་། །མི་མངོན་ལེགས་པར་གཅད་པར་བྱ། །ཉུང་དཀར་ཉུང་ནག་སྐེ་ཚེ་དང་། །དུག་དང་སྙིང་སྣའི་ཕྱེ་མ་ལ། །སྐྱེས་པ་དར་མའི་མཆོག་ཕུར་དང་། །ས་སེར་དངོས་པོའི་ཕྱེ་མ་རྣམས། །ཐུན་གྱི་རྫས་སུ་དེ་བཞིན་གཤམ། །རུས་པ་བརྡུང་བའི་ཕྱེ་མ་རྣམས། །ཐུན་གྱི་རྫས་སུ་བཞག་ཀྱང་རུང་། །རུས་བྱང་ཐོབ་པའི་ཁ་ལ་བཞག །ཡེ་ཤེས་ལྷ་ཡི་སྐུར་བསྒོམ་ལ། །གནས་རྣམས་བསྲུང་ཞིང་སྙིང་པོ་བཟླས། །མཛེས་པ་ཙམ་དུ་རབ་ཏུ་བཟླས། །དྲེགས་པ་ཅན་གྱིས་ལས་བྱའི་ཕྱིར། །ཕོ་མོ་སྔགས་ཀྱི་བྱེ་བྲག་ལས། །ན་ཡར་བསྒྱུར་བས་གང་བསྒྲུབ་འགྲུབ། །མོ་ལ་ཕོ་རུ་ན་ཡས་བསྒྱུར། །མོ་ཡི་བདུད་མོ་ཕོ་ལས་འབྱུང་། །ཕོ་ཡི་བདུད་མོ་དེ་བཞིན་ནོ། །སྲོག་སྙིང་ཕོ་རུ་བསྒྱུར་བ་འདི། །ཕོ་ལ་བཅོ་ལྔ་སྤྱི་སྔགས་དང་། །ཐུན་རྫས་རྣམས་ལ་མང་དུ་བཟླས། །མཆོག་གི་ཕུར་པས་ཡང་དག་གདབ། །བསྟན་པ་བསྲུང་བའི་ལས་ཀྱང་བཅོལ། །ཧཱུཾ༷་གདུག་པ་འདུལ་བ་དྲེགས་པའི་ལྷ། །དྲེགས་པ་རྔམ་པའི་རལ་པ་ཅན། །མཆེ་བ་གཙིགས་ཤིང་ཚེམས་བརྡར་བ། །སྐུ་ལ་ཞིང་ལྤགས་རློན་པ་གསོལ། །རལ་པ་བཅིངས་པའི་ཐོར་ཚུགས་ཅན། །གཡས་པས་དགྲ་སྙིང་སྦར་གྱིས་འདེབས། །གཡོན་པ་བདུད་ཀྱི་ཁྲམ་བམ་བསྣམས། །རྔམ་པའི་ཚེམས་བརྡར་སྐྲུ་གྲིའི་སོ། །མཆེ་བ་ལྕགས་ཀྱི་སྐྲུ་གྲི་ཅན། །སྐྲུ་གྲི་ཤད་ཤད་སྙིང་ལ་ཤད། །བསྟན་པ་གཉན་པོར་མི་བྱེད་པའི། །ཉམས་པ་གང་ཡིན་སྙིང་ལ་ཤད། །ཧཱུཾ༷་བདུད་ཀྱི་རྒྱལ་པོ་མ་རུངས་པ། །མུན་པ་ནག་པོའི་ཁ་དོག་ལ། །སྐུ་ལ་དར་ནག་བེར་མཐིང་གསོལ། །རལ་པ་ནག་པོ་སྤྱི་བཅིངས་ཅན། །ལག་ན་གཅོད་པའི་སྟུ་རེ་ཐོགས། །དགྲ་སྟུ་སྡང་བའི་དགྲ་ལ་ཐོབ། །མཆེ་བ་དུང་གི་སྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །དམ་ཉམས་གང་ཡིན་སྙིང་ལ་ཡ། །ཧཱུཾ༷་འཇིགས་པར་བྱེད་པའི་བདུད་ཕོ་ནི། །མོན་པ་ནག་པོ་རྣ་ཆ་ཅན། །སྐུ་ལ་སྟག་ལྤགས་གཡང་གཞི་གསོལ། །རལ་པ་ནག་པོ་མུན་ལྟར་གཏིབས། །ལག་ན་འབྲེལ་པའི་ཟོར་བ་བསྣམས། །ཟོར་ཁ་སྡང་བའི་དགྲ་ལ་ཡ། །མཆེ་བ་ལྕགས་ཀྱི་སྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡ། །ཧཱུཾ༷་སྒྲོལ་བྱེད་བདུད་ཀྱི་བཤན་པ་ནི། །མོན་པ་ནག་པོའི་ཁ་དོག་ལ། །སྐུ་ལ་ཞིང་གི་གཡང་གཞི་ལ། །རལ་པོ་ནག་པོ་གྱེན་ལ་འགྲེང་། །ལག་ན་འཆིང་བའི་ཞགས་པ་ཐོགས། །དམ་ཉམས་གང་ཡིན་འཆིང་བར་བྱེད །མཆེ་བ་ཟངས་ཀྱསྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་བཤད། །ཉམས་པ་གང་ཡིན་སྙིང་ལ་ཡ། །ཧཱུཾ༷་ཤ་ཟ་ཁྲག་འཐུང་བདུད་ཀྱི་བུ། །མོན་པ་ནག་པོ་མེ་ཏྲི་ཅན། །སྐུ་ལ་དྲེད་ཀྱི་པགས་པ་ལ། །རལ་པ་ཁམ་པ་ཡ་ལེབ་ཅན། །ལག་ན་བསྲེག་པའི་མེ་དཔུང་ཐོགས། །ཉམས་པ་གང་ཡིན་སྲེག་པར་བྱེད། །མཆེ་བ་བསེ་ཡི་སྤུ་གྲི་གཏམས། །སྤུ་གྲི་ཤད་ཤད་སྙིང་ལ་བཤད། །ཉམས་པ་གང་ཡིན་སྙིང་ལ་ཡ། །དྲེགས་པ་བདུད་ཀྱི་རྒྱལ་པོ་ལ། །འཁོར་ནི་བདུད་ནག་སྟོང་གིས་བསྐོར། །ཞིང་ལྤགས་རློན་པའི་སྟོད་ཐུལ་ཅན། །སྤྱི་བཅིངས་བདུད་ཀྱི་རིགས་རྣམས་ཀྱང་། །མཆེ་བ་ལྕགས་ཀྱི་སྤུ་གྲི་གཏམས། །སྤུ་གྲི་ཤད་ཤད་སྙིང་ལ་ཤད། །བསྟན་པ་འཇིག་པའི་ཉམས་པ་ལ། །སྲོག་རྩ་དམར་པོ་ཆོད་ལ་ཤོག ཁོང་ཁྲག་ཁ་རུ་རྔུབ་པར་གྱིས། །ཆོས་ཤིག་རང་གི་དམག་དཔུང་ཆོས། །ཕྱོར་ཅིགརུམཚོནནགཔོཕྱོར། །ཐོབ་ཅིག་བདུད་ཀྱི་ཁྲམ་ལ་ཐོབ། །འཐུངས་ཤིག་སྙིང་ཁྲག་དྲོན་མོ་འཐུང་། །ཟོ་ཞིག་ཉམས་པའི་ཤ་ལ་ཟོ། །འཆོ་ཞིག་ཉམས་པའི་སྙིང་རུས་འཆོ། །ཧཱུཾ༷་བདུད་ཀྱི་དམག་དཔུང་ཆི་ལི་ལི། །བདུད་ཀྱི་དམག་སྣ་ད་དྲོངས་ཤིག །དམ་ཉམས་དགྲ་བོ་གང་ཡིན་པ། ཁྲམ་ལ་ཐོབ་ཅིག་བདུད་ཀྱི་ཚོགས། །ཧཱུཾ༷་ཡ་བདུད་ཚོགས་གྱི་གཙོ་བོ་ནི། ཁྲེལ་གྱི་མི་ཕོ་དཀར་པོ་ལ། །སྐུ་ལ་བྱ་རྒོད་ཐུལ་པ་གསོལ། །ཕྱག་ན་ཤེལ་གྱི་འགྱིང་འཁར་ཐོགས། །ཉི་མ་ཟླ་བའི་གདོང་པ་ཅན། །གསེར་གྱི་སོ་བརྡར་ཁྲིགས་སེ་ཁྲིག །མཆེ་བ་གསེར་གྱི་སྤུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །དམ་ཉམས་ཀུན་གྱི་སྙིང་ལ་ཤད། །ཆིབས་སུ་དུང་གི་རྟ་ཕོ་ཆིབས། །ཕུམ་ཕུམ་དམར་པོ་དར་ལྟར་འཕྱར་། །དཀར་པོ་ཀུན་གྱི་གཙོ་བོ་སྟེ། །དཀར་པོ་འབུམ་ལ་མངའ་མཛད་ཅིང་། །འོད་དཀར་ལམ་གྱི་བདག་པོ་སྟེ། །ཉམས་པ་འདི་ལ་རྟགས་ཕྱུང་ཞིག །ཧཱུཾ༷་ཤར་ཕྱོགས་སྲིད་པའི་རྒྱལ་པོ་ནི། ཁྲེལ་གྱི་འོད་དཀར་ལམས་སེ་ལམ། །སྐུ་ལ་བསེ་ཁྲབ་སྨུག་པོ་གསོལ། །ཕྱག་ན་བསེ་ཡི་དུང་དམར་བསྣམས། །མཆེ་བ་དུང་གི་སྐྲུ་གྲི་གཏམས། །སྤུ་གྲི་ཤད་ཤད་སྙིང་ལ་ཤད། །སྨྱོ་འབོག་ལྷོག་རྒོད་དུས་ལ་བབ། །ཧཱུཾ༷་ལྷོ་ཕྱོགས་སྲིད་པའི་རྒྱལ་པོ་སྟེ། །ལྕགས་ཀྱི་འོད་འཕྲོ་ལམས་སེ་ལམ། །སྐུ་ལ་ལྕགས་ཀྱི་ཚེམ་ཁྲབ་གསོལ། །ཕྱག་ན་ལྕགས་ཀྱི་སྲིན་མོ་རྐང་། །མཆེ་བ་ལྕགས་ཀྱི་སྐྲུ་གྲི་གཏམས། །སྤུ་གྲི་ཤད་ཤད་སྙིང་ལ་བཤད། །ཕོ་ལོག་ནད་ཀྱི་དུས་ལ་བབ། །ཧཱུཾ༷་ནུབ་ཕྱོགས་སྲིད་པའི་རྒྱལ་པོ་སྟེ། །ཟངས་ཀྱི་འོད་འཕྲོས་ལམས་སེ་ལམ། །སྐུ་ལ་ཟངས་ཀྱི་ཚེམ་ཁྲབ་གསོལ། །ཕྱག་ན་ཟངས་ཀྱི་མདུང་དམར་བསྣམས། །མཆེ་བ་ཟངས་ཀྱི་སྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །གཟེར་ནད་ནད་ཀྱི་ཐུན་ཕོབ་ཅིག །ཧཱུཾ༷་བྱང་ཕྱོགས་སྲིད་པའི་རྒྱལ་པོ་སྟེ། །བསེ་ཡི་འོད་འཕྲོ་ལམས་སེ་ལམ། །སྐུ་ལ་བསེ་ཡི་ཚེམ་ཁྲབ་གསོལ། །ཕྱག་ན་བསེ་ཡི་མདུང་དམར་བསྣམས། །མཆེ་བ་བསེ་ཡི་སྤུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །ལྷོག་རྒལ་ནད་ཀྱི་ཐུན་ཕོབ་ཅིག །སྲིད་པའི་མངའ་བདག་ཀུན་ལ་དབང། །སྐར་ཆེན་དམར་པོ་རྟ་རུ་ཤོན། །སྲིད་པའི་རྒྱལ་པོ་འབུམ་གྱི་བསྐོར། །ཁམས་གསུམ་དབང་སྡུད་སྲོག་ལ་དབང་། །སྲོག་བདག་ཆེན་པོས་དམག་སྣ་དྲོངས་། །དམག་དཔུང་རུ་མཚོན་དཀར་པོ་ཕྱོར། །དམག་དཔུང་བསྡུ་བའི་དུས་ལ་བབ། །སྲིད་པའི་རྒྱལ་པོས་དམག་སྣ་དྲོངས། །ཧཱུཾ༷་ཤར་ཕྱོགས་བཙན་གྱི་རྒྱལ་པོ་སྟེ། །རྟ་དཀར་ཤེལ་མདོག་ཆིབས་སུ་ཆིབས། །སྐུ་ལ་དར་དཀར་རལ་ག་གསོལ། །ཕྱག་ན་ཞགས་པ་དཀར་པོ་བསྣམས། །དྲི་ཟའི་དམག་དཔུང་འབུམ་གྱིས་བསྐོར། ཁྲར་ཕྱོགས་བཙན་གྱི་དམག་སྣ་དྲོངས། །ཕོ་ལོག་ནད་ཀྱི་ཐུན་ཕོབ་ཅིག །ཧཱུཾ༷་ལྷོ་ཕྱོགས་སྲིད་པའི་ཡུལ་རྩེ་ནས། །སྲིད་པ་བཙན་གྱི་རྒྱལ་པོ་སྟེ། །སྔོན་པོ་འཇའ་དགུ་ཆིབས་སུ་ཆིབས། །སྐུ་ལ་བེར་ཆེན་སྔོ་བཀྲ་གསོལ། །ཕྱག་ན་ཞགས་པ་སྔོན་པོ་ཐོགས། །གཤིན་རྗེའི་དམག་དཔུང་འབུམ་གྱིས་བསྐོར། །ལྷོ་ཕྱོགས་བཙན་གྱི་དམག་སྣ་དྲོངས། །གཟེར་ནད་ནད་ཀྱི་ཐུན་ཕོབ་ཅིག །ཧཱུཾ༷་ནུབ་ཀྱི་སྲིད་པའི་ཡུལ་རྩེ་ནས། །སྲིད་པའི་བཙན་གྱི་རྒྱལ་པོ་སྟེ། །དམར་པོ་ཟངས་མདོག་ཆིབས་སུ་ཆིབས། །ལེ་བརྒན་དམར་པོའི་ཆར་ཆེན་གསོལ། །ཕྱག་ན་ཞགས་པ་དམར་པོ་ཐོགས། །ཀླུ་བདུད་དམག་དཔུང་འབུམ་གྱིས་བསྐོར། །ནུབ་ཕྱོགས་བཙན་གྱི་དམག་སྣ་དྲོངས། །གླང་ཐབས་ནད་ཀྱི་ཐུན་ཕོབ་ཅིག །ཧུ༷་བྱང་ཕྱོགས་སྲིད་པའི་ཡུལ་རྩེ་ནས། །སྲིད་པ་བཙན་གྱི་རྒྱལ་པོ་དེ། །ལྗང་གུ་སྤུན་དམར་ཆིབས་སུ་ཆིབས། །ན་བཟའ་ལྗང་གུ་བེར་ཆེན་གསོལ། །ཕྱག་ན་ཞགས་པ་ལྗང་གུ་ཐོགས། །གནོད་སྒྱིན་དམག་དཔུང་འབུམ་གྱིས་བསྐོར། །བྱང་ཕྱོགས་བཙན་གྱི་དམག་སྣ་དྲོངས། །ལྷོག་རྒལ་ནད་ཀྱི་ཐུན་ཕོབ་ཅིག །འབྱུང་བའི་བདུད་བཅོམ་བཙན་ཆེན་ཡང་། །སྲོག་རྩ་གཅོད་ཅིང་ཤ་ལ་ཡ། །སྙིང་རྩ་གཅོད་ཅིང་སྙིང་ཁྲག་འཐུང་། །བཀྲག་དང་མདངས་ལ་དབང་བསྒྱུར་བའི། །ནད་ཁ་དབབ་པའི་དུས་ལ་བབ། །བསྟན་པ་བསྲུང་བའི་དུས་ལ་བབ། །ཧུ༷་སྟོང་གསུམ་རྣམ་དག་དམག་གི་སྣ་འདྲེན་པ། །དགེ་བསྙེན་སྲུང་མ་བཙན་གྱི་ཚོགས། །དུས་ཀྱི་ཞབྲུག་པ་སློང་བྱེད་ཅིང། །མཚོནགྱིབསྐལཔའབེབས་བྱེད་པ། །སྐུ་ལ་ཟ་འོགབེརཆེནགསོལ། །ཕྱག་ན་ཤེལ་གྱི་རྡོ་རྗེ་བསྣམས། །རོལ་བས་དབང་བསྐུར་རང་ལ་དབང་། །ཆིབས་སུ་སེང་གེ་དཀར་མོ་ཆིབས། །རོལ་དུ་སྟོང་གསུམ་འཁོར་གྱིས་བསྐོར། །རྡོ་རྗེ་དྲག་པོ་དམག་དཔུང་འཇོམས། །གང་དུ་རྦད་པར་དམག་སྣ་འདྲེན། །བདུད་ཀྱི་དམག་སྣ་མུན་ལྟར་འདྲེན། །བཙན་གྱི་དམག་སྣ་མེ་ལྟར་འཕྲོ། །རྒྱལ་པོའི་དམག་སྣ་སྐར་ལྟར་འཁྲུག །བ་དན་རུ་མཚོན་མེ་ལྟར་འབར། །མ་བདུད་མང་པོ་མུན་ལྟར་གཏིབས། ཁྲ་ཟ་མང་པོ་ཁྲ་ལྟར་ལྡིང་། ཁྲག་འཐུང་མང་པོ་མཆོ་ལྟར་རློབ། །གང་དུ་རྦད་པའི་དམག་སྣ་འདྲེན། ཁྲར་གྱི་ཕྱོགས་སུ་དམག་འདྲེན་ན། །བ་དན་དཀར་པོ་རྫི་ལ་ཕྱར། །ལྷོ་ཡི་ཕྱོགས་སུ་དམག་འདྲེན་ན། །བ་དན་སྔོན་པོ་གནམ་ལྟར་སྔོ། །ནུབ་ཀྱི་ཕྱོགས་སུ་དམག་འདྲེན་ན། །བ་དན་དམར་པོ་མེ་ལྟར་འབར། །བྱང་གི་ཕྱོགས་སུ་དམག་འདྲེན་ན། །བ་དན་ལྗང་གུ་ཆུ་ལྟར་འབྲུབ། །རུ་མཚོན་ཕྱོར་ཞིང་དམག་སྣ་དྲོངས། །གང་དུ་བསམ་པའི་ཆིབས་བསྐྱོད་ལ། །བདུད་ཀྱི་མུན་པ་ཆར་ལྟར་ཕོབ། །བཙན་གྱི་ཤ་བདལ་ཁྲག་ཏུ་སྒྱུགས། །རྒྱལ་པོའི་འོད་ཟེར་སྐར་ལྟར་འཁྲུག །དེ་ཡང་དགེ་བསྙེན་གཉན་གྱི་གྲོགས། །མེ་ལྟར་འབར་ཞིང་དམག་སྣ་དྲོངས། །ཆུ་ལྟར་འབྲུབ་ཅིང་དམག་སྣ་དྲོངས། །སྨྱོ་སྨྱོ་གང་ཡིན་ལས་ལ་ཐུན་ཕོབ་ཅིག །ཐུན་གྱི་ལས་ཉིད་དྲག་པོར་སྦྱར། ཁུ་དུས་བཞི་རུ་ཐུན་རྣམས་བྲབ། །མིང་བྱང་གསལ་བར་གྱུར་པ་དང་། །མེ་རུ་འབར་བའི་འོད་དུ་འབྱུང་། །ཐོད་པ་ལུད་དང་ཕུར་པ་འཕར། །གཏོར་མ་མེ་རུ་འབར་བ་དང་། །བཞི་པོ་མངོན་དུ་བྱུང་བ་དང་། །དྲག་སྔགས་དྲག་པོའི་ཐུན་གྱིས་བྲབ། །ཕུར་པ་གདབ་ཅིང་མཚོན་གྱིས་གཏུབ། །ཐོད་པ་འཕང་ཞིང་གཏོར་མ་གཏང་། །གས་དང་འགྱེལ་བ་དེ་བཞིན་འབྱུང་། །ནད་རྣམས་དེ་བཞིན་ཤེས་པར་བྱ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་དྲེགས་པ་བསྒྲུབ་པའི་ལེའུ་སྟེ་ཉི་ཤུ་བཞི་པའོ།། །།དེ་ནས་བཅོམ་ལྡན་འདས་དྲེགས་པ་བསྡུས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། །དྲེགས་པ་བསྡུས་ཏེ་གདུག་པ་འདུལ། །མཚན་ངན་རྫས་ཀྱི་ནང་དུ་ཡང་། །གཏོར་མ་མིང་བྱང་བཅུག་བྱས་ནས། །ཡི་དམ་དམ་པ་བསྒོམ་པར་བྱ། །གཅིག་ལ་མཐའ་བཞི་སྤེལ་བའི་སྔགས། །རང་རང་གང་བྱེད་སྔགས་སུ་དབྱེ། །ཡང་ན་སྔགས་ཀྱི་བྱེ་བྲག་ལས། །དངོས་དང་འགྲེང་བུ་གི་གུ་དང་། །ན་རོ་ཁྱད་པར་དབྱེ་བར་བྱ། །རྫས་ཀྱི་དེ་བཞིན་རིམ་པར་དབྱེ། །ཐུན་ཡང་དེ་བཞིན་བསྟན་པར་བྱ། །རང་རང་ཐུན་ལ་རང་རང་སྔགས། །གྲངས་དང་རྟགས་དང་དུས་དག་དང་། །གང་ཡིན་ལས་སུ་རུང་བར་བྱ། །བསྐུལ་ཞིང་རྦད་པ་དེ་བཞིན་ཏེ། །རང་རང་རྫས་ལ་བརྟེན་པར་བྱ། །ཕྱོགས་སུ་འཕང་པའི་ལས་ཉིད་བྱ། །དེ་ཡིས་ལས་རྣམས་འགྲུབ་པར་འགྱུར། །གལ་ཏེ་གནད་དུ་མ་སྐྱོལ་ན། །ནག་པོ་སྤྱི་དཀར་ཐོད་པ་སྲ །དེ་ཉིད་སྙིང་དང་ཁྲག་དུ་བཅས། །མོན་པ་ནག་པོའི་སྙིང་ཡང་རུང་། །དེ་ཡི་ནང་དུ་མིང་བྱང་གཞུག །རེ་བའི་ཁུག་མར་བཅུག་ཀྱང་རུང་། །གསལ་བའི་ལྷ་ཡི་ང་རྒྱལ་གྱིས། །གང་ཡིན་དམིགས་པ་གསལ་བ་ལས། །དཀར་ནག་མཚམས་སུ་དྲག་སྔགས་བརྡེག །དེ་ཡི་རྟགས་ལ་ལས་སྔགས་བྱ། །གྲངས་སུ་བསྟན་པའི་ལས་ཉིད་དེ། །སྲོག་མེད་རྡོ་ཡང་འགས་པར་འགྱུར། །དཀར་པོ་ཕྲུམ་དམར་ཐོད་པ་མྲ །སྙིང་སྣ་ལྔ་ལ་དེ་བཞིན་བྱ། །མིང་དང་རུས་ཡང་བྲི་བར་བྱ། །ཐུན་རྫས་སྣ་ཚོགས་མང་དུ་བལྟར། །གསལ་བའི་ཏིང་འཛིན་དགོངས་པ་ཡིས། །རང་བསྲུང་གནད་ལ་དབབ་པར་བྱ། །ཐུན་རྣམས་དུས་སུ་བྲབ་པར་བྱ། །རྟགས་ཉིད་མྱུར་དུ་བྱུང་བ་དང་། །གང་ཡིན་དེ་ལ་ཐོད་པ་བརྡེག །དེ་ནི་ས་རུ་རྟགས་བྱུང་ན། །བསམ་པའི་འབྲས་བུ་ཆུད་མི་ཟ། །གང་བྱས་ལས་ལ་ཐེ་ཚོམ་མེད། །མོན་པ་ནག་པོའི་ཐོད་པ་སྲ །གང་ཡིན་སྙིང་དང་ཁྲག་བླུགས་ནས། །ཐུན་རྣམས་རབ་ཏུ་བྲབ་བྱས་ཏེ། །དེ་ཉིད་ཁོལ་དང་མེ་རུ་འབར། །འོད་དང་མངོན་དུ་འབར་བ་འབྱུང་། །དེ་བྱུང་གང་ཡིན་ཡུལ་དུ་བརྡེག །དེ་ཡི་བསྟན་པ་བསྲུང་བར་འགྱུར། །ཤ་བ་དག་གི་ཐོད་པ་སྲ །གླ་བ་ལུག་དང་བྱ་རྣམས་ཀྱི། །སྙིང་དང་ཁྲག་ཏུ་བཅས་པ་བླུག །དམ་རྫས་ཀུན་ཀྱང་ཚང་གྱུར་ན། །ཡ་མཚན་འཕྲུལ་གྱི་སྔགས་འབྲུ་ལ། །རིམ་པ་སྔགས་ཀྱི་བྱ་བར་ཤེས། །དེ་ཡིས་དོན་འདི་འགྲུབ་པར་འགྱུར། །ཝ་འམ་སྤྱང་ཀིའི་ཐོད་པ་མྲ །རིམ་གྱིས་ཤི་བའི་ཁྲག་བླུགས་ལ། །དུག་དང་སྦང་མས་བརླན་པར་བྱ། །ཟངས་ཀྱི་དུག་རྣམས་ཡང་དག་བསྟན། །སྦྱོར་བ་སྔགས་ཀྱི་ན་ཡ་ལ། །གནད་ལ་དབབ་པ་རབ་བརྡེག་ལ། །ནམ་གྱི་འཇིང་ལ་ཐུན་ཡང་བརྡེག །རྟགས་རྣམས་འབྱུང་བར་གདོན་མི་ཟ། ཁམས་གསུམ་གདུག་པ་སྒྲོལ་བའི་ལས། །གང་དུ་བཏབ་པ་འགྲུབ་པར་བྱེད། །བདུད་དང་སྲིན་པོ་གནོད་སྦྱིན་ཡང་། །བསྒྲུབ་པའི་འབྲས་བུ་ཐོབ་པར་འགྱུར། །ཡང་དག་མིན་ཏེ་གདུག་པ་འདུལ། །དེ་ཡིས་དྲག་པོའི་འབྲས་བུར་འགྱུར། །ལས་ཀྱི་སྲིན་པོ་གདུག་པའི་མཐུས། །དམ་པ་མིན་ཏེ་བྱིན་རླབ་འབྱུང་། །རྟོགས་ན་ཡང་དག་ཉིད་དུ་འགྱུར། །དེས་ན་རྟོགས་པ་རབ་ཏུ་གཅེས། །བདེན་པའི་སྟོབས་ལ་རབ་བརྟེན་ན། །ངེས་བཟུང་བྲལ་བས་གང་ཡང་རུང་། །ངེས་པར་འཛིན་པས་གང་ཡང་འཆིང་། །འཆིང་མེད་རབ་ཏུ་དགྲོལ་བར་བྱ། །དེ་ནི་སངས་རྒྱས་ལག་བཅངས་ཡིན། །ཀུན་ཏུ་བཟང་པོའི་རོལ་པ་ལས། །བདུད་དང་སྲིན་པོ་ཐམས་ཅད་བ་། །རང་རྒྱུད་མ་ཡིན་རོལ་པར་སྣང་། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲེགས་པ་བསྡུས་ཏེ་བསྒྲུབ་པའི་ལེའུ་སྟེ་ཉི་ཤུ་ལྔ་པའོ།། །།དེ་ནས་བཅོམ་ལྡན་འདས་མཁའ་འགྲོ་གདུག་བྱེད་མ་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། བསྟན་པ་གཉན་པོ་བསྲུང་བའི་ཕྱིར། །གདུག་བྱེད་སྲིན་མོ་རབ་ཏུ་སྒྲུབ། །དེ་ནི་བསྟན་པ་བསྲུང་བའི་ཕྱིར། །ཡ་མཚན་ཅན་དུ་གྱུར་པས་ན། །སྲིད་པའི་དབང་ཆེན་རྣམ་གསུམ་ཡིན། །དུར་ཁྲོད་ཆེན་པོ་གསར་རྙིང་ཅན། །མང་པོར་སྤུངས་པ་ཕུང་པོ་ཅན། །གདུག་པའི་སེམས་ཅན་མང་པོ་གནས། །རྔམ་པའི་སྒྲ་དང་བཅས་པའི་གནས། །དུར་ཁྲོད་སྲུང་དང་དབང་བྱེད་དང་། ་་ཟ་ཁྲག་འཐུང་མཆེ་བ་དམར། ཁྲ་ཟ་མཆུ་གུག་ཚང་ཡོད་དང་། །ས་ཕྱོགས་འཇིགས་པའི་གདུག་ཆེན་དང་། །དེ་ལྟ་བུ་དང་ལྡན་པ་སྲ །མཁའ་འགྲོ་གདུག་བྱེད་རབ་ཏུ་བསྒྲུབ། །མཎྜལ་མདའ་གང་གྲུ་བཞི་ལ། །རཀྟ་རྣམ་གསུམ་ཆག་ཆག་གདབ། །དམར་ལ་འོད་དངཆས་པར་བྱ། །དམ་རྫས་ལྔ་ལ་དེ་བཞིན་བྱ། །ཐིག་ཡང་བྱིན་བརླབ་རིམ་པ་སྟེ། །ཧུ༷་ལས་ཡེ་ཤེས་ལྔ་བསམས་ཏེ། །དེ་ཉིད་རིགས་ཀྱི་ལྷ་ལྔར་བྱུང་། །སྤྱན་དྲང་མཆོད་པ་བྱས་ནས་སུ། །ནམ་མཁའ་དག་གི་དཀྱིལ་ལྒབརབསམ། །ས་ལ་རིམ་པ་མ་ནོར་གདབ། །ཚོན་ཡང་དེ་བཞིན་རབ་ཏུ་བརླབ། །གྲུ་གསུམ་ཟླ་གམ་མུ་ཁྱུད་དང་། །འཁོར་ལོ་རྩིབས་བཞི་གྲུ་ཆད་འབར། །སྣམ་བུ་སྒོ་དང་བཅས་པ་ལ། །ཕྱོགས་བཞིར་དུར་ཁྲོད་ཆེན་པོའི་ཚལ། །མི་རོ་མང་པོ་སྤུངས་པ་བྲི། །མཐིང་ནག་དམར་དང་དཀར་བ་དང་། །གདན་ཡང་ཐོད་པ་དམར་པོར་བཏང་། །འཁོར་ལོ་ཕྱོགས་དང་མཚམས་སུ་སེར། །མི་རོའི་སྟེང་དུ་མཚན་མ་བཀོད། །མུ་ཁྱུད་ནག་ཅིང་ཐོདཔ་དཀར། །གྲུ་ཆད་ལྗང་ཞིང་སྣམ་བུ་སེར། །སྒོ་ནི་རིགས་དང་མཐུན་པ་དང་། །གཞི་དམར་ཐོད་པ་དཀར་པོ་བཏང། །གཞི་སེར་ལྷུ་དུམ་དཀར་པོར་བཏང་། །གཞི་ལྗང་རྒྱུ་ཞགས་དཀར་པོར་བཏང་། །རིན་ཆེན་སྣ་ལྔའི་བརྩིག་པ་ལ། །རིན་ཆེན་སྣ་ལྔའི་ཕྲེང་བ་བཏང་། །ལྕགས་རི་ནག་ལ་མེ་རི་དམར། །དེ་བཞིན་མ་ནོར་རིམ་པ་བྲི། །དབུས་སུ་ཧུ༷་དང་གདན་དུ་བཅས། །ཕྱོགས་བཞིར་རྩིབས་ལ་རུ་བཞི་དགོད། །མཚམས་བཞི་རྩིབས་ལ་ཛ་བཞི་དགོད། །སྒོ་བཞིར་ཡ་བཞིར་དགོད་པར་བྱ། །གཅན་གཟན་ཤ་དང་སྙིང་དུ་བཅས། །ནག་སྨུག་སྙིང་ཡང་དེ་བཞིན་ཏེ། །ཐོད་པ་མཚན་ལྡན་བཞི་རུ་བཤམ། །མི་དབང་འབྲས་བུ་ཤ་ཁྲག་དང་། །མཚན་མ་ཚོལ་བའི་ཤ་ཁྲག་དང་། །ནག་པོའི་སྙིང་དང་ཤ་ཁྲག་དང་། །མཚན་ལྡན་བཞི་རུ་བཤམ་པར་བྱ། །མཚོ་ཆེན་བཞི་དང་ཤ་ཁྲག་དང་། །སྙིང་སྣ་བཞི་དང་ཤ་སྣ་བཞི། ཁྲུ་སྐྱོག་བཞི་རུ་ཡང་དག་བཤམ། །དབྱིངས་སུ་ཤ་ཁྲག་མང་བསྟར་ནས། །དམར་ཆེན་མཚོ་ལྟར་བསྐྱིལ་བ་བཤམ། །སྙིང་སྣ་རེ་དང་རྩང་རེར་བཅས། །རང་རང་གདན་སྟེང་དགོད་པར་བྱ། །ཏིང་འཛིན་ཆེན་པོས་བྱིན་རླབས་ནས། །སྔོན་དུ་ལས་རྣམས་གྲུབ་པར་བྱ། །དཔལ་གྱི་གཏོར་མ་དབུས་སུ་གཞག །ཕྱི་མ་རང་རང་གནས་སུ་དགོད། །ཡང་ན་སྡེར་བུ་བཞི་རུ་བྱ། །ལིསྐོ་དབུལ་དང་བསྟབ་པ་དང་། །ལས་རྣམས་བསྟན་པའི་གཞི་ཡིན་པས། །རིམ་པ་མ་ནོར་གྲངས་ཀྱིས་བྱ། །དབུས་སུ་དཔལ་གྱི་སྐུ་བསྐྱེད་ནས། །ཡིད་འབྲུ་རྣམས་ལ་མ་མོ་བསྐྱེད། །སྤྱན་དྲང་བསྟིམ་དང་མཆོད་པ་དང་། །ཕུར་པས་གདབ་དང་དབུལ་བར་བྱ། །བསྐུལ་པའི་སྙིང་པོའི་ལས་རྣམས་བྱ། །བསྙེན་པ་རྐྱང་པར་དགྲ་ཡིས་སྡེབ། །བག་ཙམ་ཟུར་ཙམ་ནོར་མི་བྱ། །རྐྱང་པ་རིམ་པའི་གྲངས་གསུམ་སྟེ། །གསུམ་དང་གཉིས་དང་གཅིག་ཏུ་སྡེབ། །དེ་ཡིས་གནད་ལ་དབབ་པར་འགྱུར། །རང་གི་ཐུན་ལ་མ་ལུས་བཟླས། །ཐུན་ཕོར་བཅུ་གཉིས་རང་རང་སྣོད། །ཡང་ན་བཞི་དང་གསུམ་ཀྱང་རུང་། །ཡང་ན་ཐམས་ཅད་འདུས་པའི་ཐུན། །བསེ་ཕོར་ཁ་སྦྱར་ནང་དུ་བྱ། །ཐུན་གསུམ་སྒོར་སྒོར་བྱེད་ཀྱང་རུང་། །བསྟོད་ཅིང་བསྐུལ་ཏེ་ལས་རྣམས་བཅོལ། །འབྱོར་པའི་རྫས་ལ་མཆོད་པ་འབུལ། །བསྐང་བ་དྲག་པོ་དེ་དུས་བྱ། །ཉིན་དང་མཚན་དུ་རབ་ཏུ་བསྐང་། །དེ་བཞིན་ལས་སུ་རུང་བ་དང་། །སྒྲུབ་པ་དྲག་པོ་ལས་ལ་འཛུད། །སྙིང་པོ་དྲིལ་བས་དྲག་པོར་འགྱུར། །སྙིང་པོ་བཞི་ལས་ཡང་དག་གཅིག །རྦད་པ་ཉིད་དུ་དེ་འགྲོ་བས། །དེ་ཡི་དུས་སུ་ཐུན་ལ་བྲབ། །གཟུགས་ལ་དུས་དུས་ཕུར་པ་གདབ། །ཐུན་ཡང་ཁོལ་དང་མང་བར་འབྱུང་། །འོད་དང་དུ་བ་སྒྲ་སྙན་དང་། །སྒྱུགས་པ་གླུ་དང་མེ་རུ་འབྱུང་། །སྒྲ་དང་ཚུབ་མ་ཁ་བ་དང་། །སེམས་ཅན་དངོས་དང་གཟུགས་སུ་འབྱུང་། །ལུང་སྟོན་ངེས་པའི་གདེང་དང་ལྡན། །རྟགས་གཉིས་དེ་ལྟར་རབ་ཏུ་འབྱུང་། །དེ་བཞིན་གཏན་ལ་ཕེབས་པ་དང་། །དབུས་ཀྱི་ཕུར་པ་གདབ་བྱ་ཞིང་། །མཆོག་ཕུར་བཅུ་གཉིས་གདབ་པ་སྟེ། །རང་རང་དུས་སྔགས་བཅས་པས་གདབ། །ཐུན་ཡང་དེ་བཞིན་སྔགས་ཀྱིས་གདབ། །ལྷག་ལྷོག་བསྲེགས་ཏེ་ཐུན་ལ་བླུག །ཐུན་འཕང་གཏོར་མ་བཀྲ་ཤིས་ལས། །ཡངས་པ་ཉིད་དུ་ཡང་དག་བསྟན། །དཔལ་གྱི་ཕོ་ཉའི་དུས་ལ་བབ། །ཡ་མཚན་འཕྲུལ་གྱི་སྤྱང་མོ་ནི། །ལྕགས་ཀྱི་སྤྱང་མོ་མགོ་དགུ་མ། ཁ་དགུ་གདངས་ཤིང་ཤངས་དགུ་སྣོམ། །སྤྱན་མིག་མཚལ་ཆུ་ཁོལ་མ་འདྲ། །སྙན་ནི་སྲིད་པ་གསུམ་ན་ཉན། །སྒྲོལ་བྱེད་ཆིབས་ཀྱི་དུས་ལ་བབ། །ཕྱོགས་བཞིར་རྒྱུག་ཅིང་ཆོ་ངེས་འདེབས། །ཟས་སུ་སེམས་ཅན་འབུམ་ཟ་མ། །རྒྱུག་བྱེད་ཆིབས་ཀྱི་དུས་ལ་བབ། །ནང་ཡང་སེམས་ཅན་འབུམ་ལ་ཟ། །ནུབ་ཀྱང་སེམས་ཅན་འབུམ་ཟ་མ། །རྟག་ཏུ་ཤ་དང་ཁྲག་ལ་རྔམ། །ཟ་བྱེད་ཆིབས་ཀྱི་དུས་ལ་བབ། །ལེ་བརྒན་དམར་པོའི་ལྗགས་བརྐྱངས་པས། །ཉམས་པའི་སྙིང་འབྱིན་ཟངས་ཀྱི་ལྕེ། །སྟོང་གསུམ་དབང་སྒྱུར་ཟངས་ཀྱི་ལྕེ། །སྨྲ་བྱེད་ཆིབས་ཀྱི་དུས་ལ་བབ། །བསྐྱོད་པས་རླུད་བས་རབ་ཏུ་མགྱོགས། །མནོས་ཤིང་བསམ་པས་ཡུད་ཀྱིས་ཕྱིན། །སྟོང་གསུམ་ཡུད་ཀྱིས་གླེབ་པར་མཛད། །བསམས་སླེབས་ཆིབས་ཀྱི་དུས་ལ་བབ། །དེ་འདྲའི་ལྕགས་ཀྱི་སྤྱང་མོ་ལ། །ལྕགས་ཀྱི་མི་མོ་བཟང་མོ་ཤོན། ཁྲར་གྱི་ཕྱོགས་སུ་རྒྱུག་པའི་ཚེ། །དྲི་ཟའི་དམག་དཔུང་དབང་དུ་སྡུད། །བརྒྱ་བྱིན་འཁོར་བཅས་རྡུལ་དུ་རློགས། ཁྲ་རུས་ཟ་བའི་དུས་ལ་བབ། །ལྷོ་ཡི་ཕྱོག་སུ་རྒྱུག་པའིཚེ། །གཤིན རྗེའིདམག་དཔུང་དབང་དུ་སྡུད། །མེ་མོ་འཁོར་བཅས་རྡུལ་དུ་རློགས། །བཀྲག་མདངས་དྲོད་དང་ད་ཁྲོལ་ཅིག །ནུབ་ཀྱི་ཕྱོགས་སུ་རྒྱུག་པའི་ཚེ། །ཀླུ་ཡི་དམག་དཔུང་དབང་དུ་སྡུད། །ཡ་བདུད་འཁོར་བཅས་རྡུལ་དུ་རློགས། ཁྲག་འཐུང་བཅུད་འཕྲོག་དུས་ལ་བབ། །བྱང་གི་ཕྱོགས་སུ་རྒྱུག་པའི་ཚེ། །གནོད་སྦྱིན་དམག་དཔུང་དབང་དུ་སྡུད། །ནོར་སྲུང་འཁོར་བཅས་རྡུལ་དུ་རློགས། །དབུགས་འཕྲོག་སྲོག་གཅོད་དུས་ལ་བབ། །སྟེང་གི་ཕྱོགས་སུ་རྒྱུག་པའི་ཚེ། །ཚངས་པའི་དམག་དཔུང་དབང་དུ་སྡུད། །ཉི་ཟླ་འཁོར་བཅས་རྡུལ་དུ་རློགས། །རྣམ་ཤེས་དབྲལ་བའི་དུས་ལ་བབ། །འོག་གི་ཕྱོགས་སུ་རྒྱུག་པའི་ཚེ། །ས་བདག་དམག་དཔུང་དབང་དུ་སྡུད། །ས་ཡི་ལྷ་མོ་རྡུལ་དུ་རློགས། ཁྲ་རུས་དབྲལ་བའི་དུས་ལ་བབ། ཁྲ་ལ་ཟ་ཞིང་ད་ཚུར་་བྱོན། ཁྲག་ལ་འཐུང་ཞིང་ད་ཚུར་བྱོན། །རྣམ་ཤེས་འཕྲོག་ལ་ད་ཚུར་བྱོན། །བདུད་ཀྱི་སྤྱང་མོའི་དུས་ལ་བབ། །ཧུ༷་དཔལ་གྱི་ཕོ་ཉ་ཆེན་མོ་ནི། །ལྕགས་ཀྱི་ཁྱི་མོ་རྐང་གསུམ་མ། །སྟོང་གསུམ་ཀུན་ལ་དབང་སྒྱུར་ཞིང་། །སྲིད་པ་གསུམ་ལ་མངའ་མཛད་མ། །དབང་བྱེད་ཆེན་མོའི་དུས་ལ་བབ། །སྲིན་མོ་འབུམ་ལ་མངའ་མཛད་མ། །གནོད་སྦྱིན་འབྱུང་པོ་ཐལ་བར་རློགས། །བདུད་འདུལ་ཁྱི་མོའི་དུས་ལ་བབ། །ཟས་སུ་ཤ་གསུམ་སོ་བརྡར་ཁྲིག །སྐོམ་དུ་ཁྲག་འཐུང་མཆིལ་ཟ་ཁྲུང་། །ལྷ་རྐང་ཟ་བའི་སོ་བརྡར་ཁྲིགས། །དུག་གསུམ་རྩད་གཅོད་ཁྱི་མོའི་དུས་ལ་བབ། །དེ་འདྲའི་ལྕགས་ཀྱི་ཁྱི་མོ་ལ། །ལྕགས་ཀྱི་མི་མོ་བཟང་མོ་ཞོན། །འཇིགས་པའི་གཟུགས་ལ་ཁྲོ་གཉེར་ཅན། །དཔའ་བྱེད་ཆེན་མོའི་དུས་ལ་བབ། །ཕྱོགས་བཞིའི་རྒྱལ་པོ་དབང་དུ་སྡུད། །རྒྱལ་ཕྲན་མང་པོ་རྡུལ་དུ་རློགས། །སུམ་ཅུ་རྩ་གསུམ་མངའ་མཛད་མ། །དབང་སྡུད་ཆེན་མོའི་དུས་ལ་བབ། །དབུ་ལ་གཡག་མགོ་ཐོད་དུ་བཅིངས། །རྫི་རྣོ་སྲིད་གསུམ་དབང་དུ་སྡུད། །དྲན་པའི་གཟུངས་མ་ཉམས་པར་འཛིན། །ངོ་མཚར་ཐོད་ཀྱི་དུས་ལ་བབ། །སྤྱན་ནས་མེ་འབར་ལམས་སེ་ལམ། །སྲིད་པ་གསུམ་པོ་སྲེག་པར་བྱེད། །ཉམས་པ་ཐབས་ཀྱིས་འཚིག་པར་བྱེད། །སྲེག་བྱེད་སྤྱན་གྱི་དུས་ལ་བབ། །སྣ་ནས་དུད་པ་ཐུ་ལུ་ལུ། །ཡེ་ཤེས་ལྷ་ལ་མཆོད་པ་འབུལ། །ཉམས་པ་གང་ཡིན་འཐིབ་པར་བྱེད། །བདུད་འདུལ་ཤངས་ཀྱི་དུས་ལ་བབ། །ལག་པ་གཡས་ན་ཕུར་པ་བསྣམས། །རྡོ་རྗེ་ཕུར་པའི་སྲུང་མ་སྟེ། །ཉམས་པ་གང་ཡིན་སྒྲོལ་བར་བྱེད། །ཕུར་པའི་སྲུང་མའི་དུས་ལ་བབ། །ཉི་མའི་ཟེར་ལ་རྒྱུག་བྱེད་ཅིང་། །ཟླ་བའི་ཟེར་ལ་དབང་དུ་སྡུད། །སྲིད་པ་གསུམ་པོ་ཕུང་བར་བྱེད། །རྒྱུག་བྱེད་ཝ་མོའི་དུས་ལ་བབ། །རག་ཤ་སྲིན་པོའི་ཤ་ཟ་ཞིང་། །སྲིན་མོའི་དོན་སྙིང་སྦར་གྱིས་འདེབས། །ཕུང་པོ་རྗེས་ཤུལ་མེད་པར་ཟ། །སྲིན་པོ་འདུལ་བྱེད་ཝ་མོའི་དུས་ལ་བབ། །དེ་འདྲའི་ཟངས་ཀྱི་ཝ་མོ་ལ། །ཟངས་ཀྱི་མི་མོ་བཟངམོཤོན། །སྐུནིཟངས་གཞུང་འདྲིལ་བ་འདྲ། །ངོ་མཚར་ཅན་རྣམས་དབང་དུ་སྡུད། །ཡ་མཚན་ཆེ་བ་དེ་འདྲར་སྣང་། །རྡོ་རྗེ་སྐུ་ཡི་དུས་ལ་བབ། །སྐུ་ལ་བེར་ཆེན་དམར་ནག་གསོལ། །དབང་དང་དྲག་པོའི་ཚད་བཟུང་ནས། །དབང་དུ་སྡུད་ཅིང་སྒྲོལ་བར་བྱེད། །དྲག་པོ་བདུད་འདུལ་དུས་ལ་བབ། །ལག་པ་གཡས་ན་ཕུར་པ་བསྣམས། །རྡོ་རྗེ་ཕུར་པའི་སྲུང་མ་སྟེ། །ཉམས་པ་གང་ཡིན་སྒྲོལ་བར་བྱེད། །ཕུར་པའི་སྲུང་མའི་དུས་ལ་བབ། །ལག་པ་གཡོན་ན་ལྕགས་ཀྱུ་བསྣམས། །འཛིན་པ་མི་འཆོར་དབང་དུ་སྡུད། །གང་ཡིན་ཉམས་པ་འཛིན་པར་བྱེད། །འཛིན་བྱེད་ཕྱག་གི་དུས་ལ་བབ། །ཟས་སུ་ཤ་དང་ཁྲག་ལ་དགའ། །ཉམས་པའི་ཤ་ཁྲག་རྒྱ་མཚོ་ལ། །ལྷག་མ་མེད་པར་ཟ་བྱེད་ཅིང་། ་།་རུས་ཟ་བའི་དུས་ལ་བབ། །ཟངས་ཀྱི་ཝ་མོའི་དུས་ལ་བབ། །ཧུ༷་དཔལ་གྱི་ཕོ་ཉ་ཆེན་མོ་ནི། །ཟངས་ཀྱི་ཝ་མོ་རྐང་གསུམ་མ། །དུར་ཁྲོད་ཀུན་ཏུ་རྒྱུ་བྱེད་ཅིང་། ་།་རུས་ཟ་ཞིང་ཁྲག་ལ་རྔམ། །དུས་མ་ཡིན་པར་གསོད་བྱེད་ཅིང་། ་།་རུས་ཟ་བའི་དུས་ལ་བབ། །ལག་པ་གཡོན་ན་རྡོ་རྗེ་བསྣམས། །རི་རབ་ཀུན་ཀྱང་རྩེ་ནས་བསྙིལ། །རྒྱ་མཚོ་ཀུན་ཀྱང་གཏིང་ནས་སྐེམས། །སྙིལ་བྱེད་ཕྱག་གི་དུས་ལ་བབ། །ཝ་མོ་རྒྱུག་ཅིང་འབྲལ་བའི་ཚེ། །ཉམས་པ་གང་ཡིན་དམིགས་ལ་འཛིན། །མི་འཆོར་གང་ཏུ་འབྲོས་པ་འཛིན། །འཛིན་བྱེད་ཆེན་པོའི་དུས་ལ་བབ། །ཝ་མོའི་ཆིབས་ཀྱི་སྔ་ལོང་ལ། །ཉམས་པ་གང་ཡིན་འགེལ་བར་བྱེད། །སོ་བརྡར་མཆེ་གཙིགས་རོ་ལ་རྔམ། །རྔམ་བྱེད་ཆེན་མོའི་དུས་ལ་བབ། །ཉི་མ་ཟླ་བ་དབང་དུ་སྡུད། །ཐུན་དམར་འབེབས་ཤིང་ལས་རྣམས་སྒྲུབ། །ཚ་གྲང་གཉིས་ཀྱི་ནད་འབེབས་ཤིང་། །དབང་སྡུད་ཆེན་མོའི་དུས་ལ་བབ། །གང་ཡིན་ཉམས་པ་སྒྲོལ་བའི་ཚེ ཐེ་ཚོམམེད་པར་དབང་དུ་སྡུད། །ཉམ་ང་མེད་པར་སྒྲོལ་བར་བྱེད། །སྒྲོལ་བྱེད་ཆེན་མོའི་དུས་ལ་བབ། །དུར་ཁྲོད་ཤ་ལ་རྔམས་པའི་ཚེ། །ཝ་སྐད་འདོན་ཅིར་དབང་དུ་སྡུད། །ཁྱོད་ཀྱིས་མི་སྒྲོལ་གཅིག་ཀྱང་མེད། །རྔམ་བྱེད་ཆེན་མོའི་དུས་ལ་བབ། །ཧུ༷་དཔལ་གྱི་ཕོ་ཉ་ཆེན་པོ་ནི། །གསེར་གྱི་འཕར་བ་ལྕེ་བརྒྱད་ནི། །ཤར་གྱི་ཕྱོགས་སུ་ལྕེ་བརྐྱངས་པས། །རྡོ་རྗེ་རྩེ་གསུམ་དྲག་པོའི་ལྕེ། །རྡོ་རྗེ་རིགས་ལ་དབང་སྒྱུར་ཞིང་། །རྡོ་རྗེ་དྲག་པོའི་དུས་ལ་བབ། །ལྷོ་ཡི་ཕྱོགས་སུ་ལྕེ་བརྐྱངས་པས། །རིན་ཆེན་རྩེ་གསུམ་ཡིད་བཞིན་ལྕེ། །རིན་ཆེན་རིགས་ལ་དབང་སྒྱུར་ཞིང་། །བསམ་འགྲུབ་རིན་ཆེན་དུས་ལ་བབ། །ནུབ་ཀྱི་ཕྱོགས་སུ་ལྕེ་བརྐྱངས་པས། །དབང་ཕྱུག་པདྨ་འདབ་བརྒྱད་ལྕེ། །པདྨ་རིགས་ལ་དབང་སྒྱུར་ཞིང་། །དབང་སྡུད་པདྨའི་དུས་ལ་བབ། །བྱང་གི་ཕྱོགས་སུ་ལྕེ་བརྐྱངས་པས། །མཐར་ཕྱིན་རྡོ་རྗེ་རྒྱ་གྲམ་ལྕེ། །ལས་ཀྱི་རིགས་ལ་དབང་སྒྱུར་ཞིང་། །མཐར་ཕྱིན་འཕྲིན་ལས་དུས་ལ་བབ། ཁྲར་ལྷོ་མཚམས་སུ་ལྕེ་བརྐྱངས་པས། །སྲེག་བྱེད་དྲག་པོ་མེ་ཡི་ལྕེ། །མེ་ལྷ་དྲང་སྲོང་དབང་སྒྱུར་ཅིང་། །སྲེག་བྱེད་མེ་ཡི་དུས་ལ་བབ། །ལྷོ་ནུབ་མཚམས་སུ་ལྕེ་བརྐྱངས་པས། །གསོད་བྱེད་དྲག་པོ་རལ་གྲིའི་ལྕེ། །བདེན་བྲལ་སྲིན་པོ་དབང་སྒྱུར་ཞིང་། །གསོད་བྱེད་རལ་གྲིའི་དུས་ལ་བབ། །ནུབ་བྱང་མཚམས་སུ་ལྕེ་བརྐྱངས་པས། །འབིགས་བྱེད་དྲག་པོ་མདུང་གི་ལྕེ། །རླུད་ལྷ་ཕྲ་མ་དབང་སྒྱུར་ཅིང་། །འབིགས་བྱེད་མདུང་གི་དུས་ལ་བབ། །བྱང་ཤར་མཚམས་སུ་ལྕེ་བརྐྱངས་པས། །ཐོགས་མེད་དྲག་པོ་མདའ་ཡི་ལྕེ། །དབང་ལྡན་བགེགས་ལ་དབང་སྒྱུར་ཅིང་། །ཐོགས་མེད་མདའ་ཡི་དུས་ལ་བབ། །གསེར་གྱི་འཕར་བ་ལྕེ་བརྒྱད་མ། །གསེར་གྱི་མི་མོ་ཆེན་མོ་ཞོན། ཁྲར་གྱི་ཕྱོགས་སུ་ཁུས་བཏབ་ནས། །དྲི་ཟའི་ཚེ་ལ་ངུ་ཞིང་ཟུག ཁྲར་ཕྱོགས་རྒྱལ་པོ་དབང་དུ་སྡུད། །བརྒྱ་བྱིན་འཁོར་བཅས་རྡུལ་དུ་རློགས། །དཔལ་གྱི་སྲུང་མ་ཆེན་མོ་བཞི། །དམ་ལ་རུབ་པའི་ལས་མཛོད་ཅིག །སྟོང་གསུམ་དབང་དུ་ཤྭ་ན་མ། །དམ་ཉམས་གང་ཡིན་དབང་དུ་སྡུད། །སྲིད་གསུམ་མངའ་མཛད་ཤཱ་ན་མ། །སྲིད་པ་གསུམ་གྱི་ཉམས་པ་སྒྲོལ། །ཧུ༷་ཤྭ་ན་ལས་ཀྱི་བཤན་པ་མོ། །ཡང་སྤྲུལ་ཆེན་མོའི་དུས་ལ་བབ། །ལྕགས་ཀྱི་སྤྱང་མོ་མགོ་དགུ་ནི། ཁེན་ཏུ་སྤྲུལ་ཅིང་འགྱེད་པའི་ཚེ། །ལྕགས་ཀྱི་སྤྱང་མོས་སྟོང་གསུམ་བཀང་། །གཡས་པ་སྒྲོལ་བྱེད་ཕུར་པ་བསྣམས། །ཉམས་པ་གང་ཡིན་སྒྲོལ་ལ་ཤོག །གཡོན་ན་གྲི་ཐོགས་བཤན་པ་མོ། །དམ་ཉམས་གང་ཡིན་ཤོས་ལ་ཤོག །ཧུ༷་ཤྭ་ན་ལས་ཀྱི་བཤན་པ་མོ། །ཡང་སྤྲུལ་ཆེན་མོའི་དུས་ལ་བབ། །ཟངས་ཀྱི་ཝ་མོ་རྐང་གསུམ་བབ། །མདུན་ན་ཤྭ་རྡེའུ་དཀར་ནག་འགྲེམས། །ནག་མོ་གང་བྱུང་ཁྲམས་པར་བྱེད། །ཉམས་པ་ཀུན་ལ་ཤོད་ནག་ཁྲམས། །འབེབས་བྱེད་ཆེན་མོའི་དུས་ལ་བབ། །དྲེལ་རྟའི་ཆིབས་ཀྱི་དཔྲལ་བ་ན། །མེ་ལོང་རྒྱ་ལོང་ཏ་ལ་ལ། །སྲིད་པ་གསུམ་ཅར་གསལ་བར་འཆར། །གསལ་བྱེད་ཆེན་མོའི་དུས་ལ་བབ། །དཔལ་ལྡན་ནག་མོ་རེ་མ་ཏི། །སྐུ་མདོག་ནག་མོ་རལ་པ་ཅན། །རྔམ་པའི་སྒྲ་ཡིས་སྟོང་གསུམ་འགེངས། །དཔལ་གྱི་སྐུ་མཉེས་ཐུགས་དམ་དུས་ལ་བབ། །ཞལ་ནི་དམར་ལ་གདངས་པ་ལ། །དུས་གསུམ་མ་ལུས་དབང་དུ་སྡུད། །མཆེ་བ་དཀར་པོ་སྐྱེ་ཤི་རྩ་བ་གཅོད། །ཞལ་བགྲད་མཆེ་གཙིགས་རྔམ་པའི་དུས་ལ་བབ། །དུར་ཁྲོད་ཆས་བརྒྱད་སྐུ་ལ་གསོལ་བ་ཡིས། །མི་མཐུན་གཉེན་པོའི་སྟོབས་ལ་མངའ་བརྙེས་ནས། ཁམས་གསུམ་གདུག་པ་མ་ལུས་འདུལ་བ་སྟེ། །དཔའ་གཏུམ་ཆེན་མོའི་ཐུགས་དམ་དུས་ལ་བབ། །གཡས་ན་དུག་གི་ཕུར་པ་བསྣམས་པ་ནི། །སྲིད་པ་གསུམ་ལ་གདར་ཤ་བཅད་ནས་ཀྱང་། །གདུག་པ་ཅན་རྣམས་དབང་དུ་བསྡུས་ནས་སུ། །རྡོ་རྗེ་ཕུར་པའི་ཐུགས་དམ་དུས་ལ་བབ། །གཡོན་པ་བདུད་ཀྱི་ཁྲམ་བམ་བསྣམས་པ་ནི། །ཞིང་བཅུ་རིམ་གྱིས་ཁྲམ་ལ་བཏབ་ནས་ཀྱང་། །བསྟན་པ་གཉེན་པོ་བསྲུང་ཞིང་ཉམས་པ་སྒྲོལ། །ཁྲམབདགཆེནམོའིཐུགསདམ་དུས་ལ་བབ། །རལ་པ་ནག་པོ་མེ་སྟག་རབ་ཏུ་འཕྲོ། །སྟོང་གསུམ་འགུལ་ཞིང་ཉམས་པ་སྲེག་པར་བྱེད། །རང་དབང་མེད་པར་ཚ་བའི་ནད་བདག་མོ། །རལ་པས་གདུག་པ་འདུལ་བའི་དུས་ལ་བབ། །ཁྱོད་ཀྱི་སྲིད་པའི་ལྟེ་བ་ལ། །ལྷ་དང་ལྷ་མིན་གཡུལ་འགྱེད་པའི། །དམག་དཔུང་འཇོམས་པའི་མཐུ་མོ་ཆེ། །དམག་བདག་ཆེན་མོའི་དུས་ལ་བབ རལ་པའི་ཅོད་པན་རེ་རེ་ལ། །བྱི་རུ་དམར་པོའི་རྒྱན་བཀོད་པ། །སྲིད་པ་དབང་སྡུད་རྒྱན་ཆ་སྟེ། །སྲིད་པ་གསུམ་ལ་དབང་སྒྱུར་ཞིང་། །དབང་བདག་ཆེན་མོའི་དུས་ལ་བབ། ཁམས་གསུམ་ནད་ཀྱི་བདག་མོ་ཁྱོད། །དམ་ཉམས་དགྲ་ལ་ནད་ཀ་ཕོབ། །བཅོལ་བའི་ཕྲིན་ལས་གྲུབ་པར་མཛོད། །ཧུ༷་དཔལ་ལྡན་ནག་མོ་རེ་མ་ཏི། །ཆིབས་སུ་བྱ་རྒྱལ་ཁྱུང་ལ་ཆིབས། ཁམས་གསུམ་ཐོགས་པ་མེད་པར་ཁྱབ། །ཁྱུང་ལ་མངའ་མཛད་མྱུར་བའི་དུས་ལ་བབ། །ཁྱུང་སྡེར་མང་པོ་གདེངས་པ་ཡིས། །སྲིད་པ་གསུམ་ཡང་སྡེར་མོས་བསྡུས། །ཉམས་པའི་སྙིང་ཕྱུང་ཞལ་དུ་སྟོབ། །སྡེར་མོས་དབང་སྡུད་དུས་ལ་བབ། །གཡུ་རུ་གནམ་དུ་ལྡེམ་པ་ཡིས། །སྲིད་པའི་རྩེ་མོ་དབང་དུ་སྡུད། །ལོག་པའི་ཆོས་ཅན་ཟིལ་གྱིས་གནོན། །སྲིད་གསུམ་དབང་སྡུད་དུས་ལ་བབ། །ཁྱུང་སྡེར་ས་ལ་འབྲད་པས་ཡང་། །གདུག་པ་ཀླུ་ལ་དབང་སྒྱུར་ཞིང་། །རྒྱ་མཚོ་ཀུན་ཀྱང་གཏིང་ནས་ཞབྲུགས། །ཀླུ་བདུད་དབང་སྡུད་དུས་ལ་བབ། །སྤྱན་མིག་ཟངས་སུ་དམར་བས་ཀྱང་། །གདུག་བྱེད་ཆུ་སྲིན་དབང་དུ་སྡུད། །མ་རུངས་འབྱུང་པོ་ཟིལ་གྱིས་གནོན། །དབང་དུ་སྡུད་པའི་དུས་ལ་བབ། །མིག་སྤྱིན་གསེར་དུ་བྱུང་བ་ནི། །ཀླུ་བདུད་དབང་སྡུད་རྒྱས་པའི་ཕྲིན་ལས་མཛོད། །ཁྱུང་གིས་གདུག་པ་འདུལ་བའི་རྟགས། །ཁྱུང་རྒྱལ་རྩལ་རྣམས་རྒྱས་མཛད་དུས་ལ་བབ། །སྨིན་མ་རྡོ་རྗེ་བྱུང་བ་ཡིས། །ཡསྒ་གནོད་སྤྱིན་དབང་དུ་སྡུད་མཛད་ཅིང་། །མ་རུངས་འབྱུང་པོ་ཐལ་བར་རློག་མཛད་པའི། །རྡོ་རྗེ་ཆེན་པོའི་ཐུགས་དམ་དུས་ལ་བབ། །ནག་མོ་ཁྲམ་ཐོགས་རེ་མ་ཏི། །ནག་མོས་བདུད་འདུལ་སྲིད་པ་སྒྲོལ། །དྲག་པོས་བགེགས་རིགས་འཇོམས་མཛད་པ། །ནག་མོ་བདུད་འདུལ་དུས་ལ་བབ། །ཁྲག་གི་ཐིག་ལེས་སྐུ་ལ་རབ་བརྒྱན་པས། །མ་བདུད་ནག་མོ་དབང་དུ་སྡུད་པ་དང་། །སྲིད་པ་ཁྲག་གི་རྒྱ་མཚོ་སྐེམ་པ་དང་། །ཆགས་པ་དབང་སྡུད་ཕྲིན་ལས་དུས་ལ་བབ། །ཕྱག་གཡས་མཆོག་གི་ཕུར་པ་འདྲིལ་བ་དང་། །རྡོ་རྗེ་ཕུར་བུས་ཉམས་པ་སྒྲོལ་བའི་རྟགས། །གདུག་པ་ཅན་རྣམས་ཐབས་ཀྱིས་བསྒྲལ་ནས་ཀྱང་། །རྡོ་རྗེ་ཕུར་བུའི་ཐུགས་དམ་དུས་ལ་བབ། །གཡོན་པ་འཛིན་བྱེད་ལྕགས་ཀྱུ་བསྣམས་པ་ནི། །རྒྱུད་དྲུག་གནས་སུ་འདྲེན་པ་དང་། །འབྱུང་པོ་མང་པོ་འཛིན་པར་བྱེད། །འཛིན་བྱེད་ཆེན་མོའི་དུས་ལ་བབ། །ཞབས་གཉིས་བརྐྱང་བསྐུམ་ཚུལ་དུ་བཞུགས་ནས་ཀྱང་། །དྲེགས་པ་ཅན་རྣམས་ཐབས་ཀྱིས་འདུལ་བའི་རྟགས། །གནོད་བྱེད་གདུག་པ་ཞབས་ཀྱིས་བཙིར་བར་འགྱུར། །གདུགབྱེདཆེནམོའིཐུགསདམ་དུས་ལ་བབ། །ཞལ་གདངས་མཆེ་བ་གཙིགས་པ་ཡང་། །གདུག་པ་ཞལ་དུ་གསོལ་བ་དང་། །མཆེ་བ་དམར་པོས་སྒྲོལ་བ་དང་། །གདུག་པ་ཆེན་པོའི་ཞལ་གྱི་དུས་ལ་བབ། །ཐུགས་དམ་ཆེན་མོའི་དུས་ལ་བབ། །ཧུ༷་དཔལ་ལྡན་ནག་མོ་རེ་མ་ཛ། །ཆིབས་སུ་ཤ་བ་ཡུ་མོ་ཆིབས། ཁྲ་བའི་ཆིབས་ཀྱི་སྔ་ལོང་ལ། །མི་ནད་ལང་དགུའི་རྐྱལ་པ་བཀལ། །སྟོང་ཁམས་ནད་ཀྱིས་ཁེངས་བྱེད་ཅིང་། །ནད་བདག་ཆེན་མོའི་དུས་ལ་བབ། ཁྲ་བའི་ཆིབས་ཀྱི་ཕྱི་ལོང་ལ། །ཚོན་གྱི་གྲུ་གུ་སྔོ་དམར་བཀལ། །ཚོན་ནད་ཁྲག་དུ་སྐྱུག་བྱེད་ཅིང་། །ཚོནི་བདག་ཆེན་མོའི་དུས་ལ་བབ། །ཁ་རླངས་གནམ་དུ་བསྟན་པ་ཡིས། །ནམ་མཁའི་སྤྲིན་དུ་ཁེངས་བྱེད་ཅིང་། །ནད་དོ་ཅོག་གི་སྣ་འདྲེན་ཅིང་། །ནད་བདག་ཆེན་མོའི་དུས་ལ་བབ། །རྨིག་བཞི་ས་ལ་བརྡབ་པས་ཀྱང་། །ཀླུ་བདུད་མང་པོ་དབང་དུ་སྡུད། །ཀླུ་བྲན་འབུམ་ཡང་དམྱལ་ཐག་གཅོད། །ཀླུ་བདུད་ཆེན་མོའི་དུས་ལ་བབ། །སྤྱན་མིག་བར་སྣང་གཟིགས་པ་ཡིས། །བར་སྣང་ལྷ་བྲན་དབང་དུ་སྡུད། །གདུག་བྱེད་མང་པོ་ཟིལ་གྱིས་གནོན། །གདུག་བྱེད་སྤྱན་གྱི་དུས་ལ་བབ། །རྣ་བས་ལེགས་ཉེས་ཤན་ཐངས་འབྱེད། །གདུག་བྱེད་མང་པོ་དབང་དུ་སྡུད། །ལེགས་ཉེས་སྟངས་འཛིན་སྲིད་གསུམ་སྒྲོལ། །སྒྲོལབྱེདཆེནམོའིདུསལབབ། །བ་སྐྲུ་ཆུ་གྲིས་གཏམས་པ་ཡང་། །བདུད་དང་སྲིན་པོའི་འཁོར་རྣམས་འདུལ། །ཉི་མའིཟེརབཞིནསྲིདཔརགསལ། །གནོདསྤྱིནམཚོནགྱིདུས་ལ་བབ། །དཔལ་ལྡན་ནག་མོ་རེ་མ་ཛ། །སྐུ་ལ་ཞིང་ལྤགས་རློན་པའི་གཡང་གཞི་གསོལ། །གདུག་པ་རྩད་གཅོད་སྲིན་མོའི་ཆས། །གདུག་བྱེད་ཆས་ཀྱི་དུས་ལ་བབ། །དབུ་སྐྲ་ཐོར་ཚུགས་བཅིངས་པ་ཡང་། །སྲིད་པའི་རྩེ་མོ་ཟིལ་གྱིས་གནོན། །ལྷ་སྲིན་སྡེ་བརྒྱད་དབང་དུ་སྡུད། །གདུག་བྱེད་དབུ་སྐྲའི་དུས་ལ་བབ། །སྤྱན་མིག་སྟོང་གསུམ་གཟིགས་པ་ཡང་། །ལེགས་ཉེས་གཉིས་ཀྱི་སྟངས་འཛིན་ཅིང་། །ཉམས་པ་སྒྲོལ་བའི་དུས་ལ་བབ། །མཆེ་བ་དམར་པོ་གཙིགས་པ་ཡིས། །ཉོན་མོངས་སྐྱེ་ཤི་རྩ་བ་གཅོད། ཁྲ་ཟ་ཚེམས་བརྡར་ཁྲིགས་སེ་ཁྲིག །རྩད་གཅོད་ཚེམས་ཀྱི་དུས་ལ་བབ། །ཕྱག་མ་གཡས་ན་སེང་གདེང་ཕུར་པ་བསྣམས། །སྤྱན་མིག་གདུག་པས་སེམས་ཅན་བསྒྲལ་བ་དང་། །ཕུར་པའི་སྲུང་མ་ཐུག་དམ་ཅན། །གདུག་པ་འདུལ་བའི་དུས་ལ་བབ། །ཕྱག་མ་གཡོན་ན་ཁྲམ་བམ་བསྣམས། །སྟོང་གསུམ་ཁྲམ་ལ་འདེབས་པའི་རྟགས། །གདུག་བྱེད་ཆེན་མོ་ཁྲམ་གྱི་བདག །ཉམས་པ་ཁྲམ་ལ་གདབ་པའི་དུས་ལ་བབ། །ཞབས་ཀྱིས་གདུག་པ་ཕོ་མོ་གནོན། ཁམས་གསུམ་དབང་སྡུད་གདུག་པའི་ཞབས། །འཆི་བདག་བདུད་ཀྱང་གནོན་པར་བྱེད། །གནོན་བྱེད་ཞབས་ཀྱི་དུས་ལ་བབ། །སྤྲུལ་པ་རླུད་ནག་འཅོ་པར་བྱེད། །གང་དུ་བསམས་པར་ཡུད་ཀྱིས་ཕྱིན། །ལེགས་ཉེས་གཉིས་ཀྱི་སྟངས་འཛིན་ཅིང་། །སྟངསའཛིནཆེནཔོའིདུསལབབ། །སྤྲུལ་པ་ཆུ་རླུད་འགྱེད་བྱེད་ཅིང་། །གདུག་བྱེད་མེ་ལྟར་འབར་བ་གསོད། །འཆི་བདག་བདུད་ཀྱང་གསོད་པར་ནུས། །གསོད་བྱེད་ཆེན་མོའི་དུས་ལ་བབ། །རླུད་ལྟར་འ་་ཅིང་ད་ཚུར་བྱོན། །མེ་ལྟར་འབར་ཞིང་ད་ཚུར་བྱོན། །ཆུ་ལྷར་འབྲུབ་ཅིང་ད་ཚུར་བྱོན། །འབྱུང་བའི་བདག་མོའི་དུས་ལ་བབ། །ཧུ༷་དཔལ་ལྡན་ནག་མོ་རེ་མ་ཛུ །ཆིབས་སུ་ཆུ་གླང་སྔོན་པོ་ཆིབས། །རྨིག་བཞི་ཐུར་དུ་བསྟན་པ་ཡང་། །ཉོན་མོངས་གདུག་པ་གནོན་བྱེད་ཅིང་། །གདུག་པ་རླུད་ཡང་གནོན་པར་བྱེད། །འདུལ་བྱེད་ཞབས་ཀྱི་དུས་ལ་བབ། །དུང་དུ་གནམ་དུ་སླེབ་པ་ཡང་། །ཉི་མ་ཟླ་བ་དབང་དུ་སྡུད། །བར་སྣང་འབྱུང་པོ་ཟིལ་གྱིས་གནོན། །དབང་སྡུད་ཆེན་མོའི་དུས་ལ་བབ། ཁ་རླངས་གནམ་དུ་འབྱུང་བ་ཡང་། །ཉི་མ་ཟླ་བའི་འོད་མནན་ནས། །སྨུག་ཟིལ་སྔོན་པོའི་ཁ་དོག་ཅན། ཁ་རླངས་ནག་པོའི་དུས་ལ་བབ། །གཞུག་མ་ལན་གསུམ་གཡབ་པ་ཡང་། །མ་བདུད་ནག་མོའི་དཔུང་བསྡུས་ནས། །ནད་དོ་ཅོག་གི་སྣ་འདྲེན་ཅིང་། །ནད་བདག་ཆེན་མོའི་དུས་ལ་བབ། །སྐྲུ་རྩ་དངུལ་དུ་བྱུང་བ་ནི། ཁམས་གསུམ་འཁྲུག་བྱེད་སྡུག་བསྔལ་སེལ། །ཡང་དག་ལམ་དུ་བསྟན་པའི་དོན། །ངན་སོང་འཇོམས་པར་བྱེད་པའི་དུས་ལ་བབ། །སྤུ་རྩེ་ལྕགས་སུ་བྱུང་བ་ནི། །གདུག་པ་ཅན་རྣམས་འཇོམས་བྱེད་ཅིང་། །ཅི་ལའང་ཐོགས་མེད་གདུག་པ་སྒྲོལ། །གདུག་བྱེད་མཚོན་རྩེའི་དུས་ལ་བབ། །དཔལ་ལྡན་ནག་མོ་རེ་མ་ཐུ །སྐུ་མདོག་ནག་མོ་འཇིགས་པ་ལ། །དྲག་པོ་སྒྲོལ་བྱེད་དབང་དུ་སྡུད། །རསྒ་གདུག་བྱེད་དུས་ལ་བབ། །ཞལ་བགྲད་མཆེ་བ་གཙིགས་པ་ཡིས། །ཁྲོ་མོ་འབར་བའི་ཆ་ལུགས་ལས། །གདུག་བྱེད་གང་ཡིན་ཆེམས་ཆེམས་གསོལ། ཁྲོ་བདག་ཆེན་མོའི་དུས་ལ་བབ། །སྤྱན་མིག་ཟངས་སུ་བྱུང་བ་ནི། །སྲིད་པ་གསུམ་ཡང་དབང་དུ་སྡུད། །རསྒ་སྲིན་པོ་ཕུང་བར་བྱེད། །གང་དུ་བལྟས་པ་མེ་རུ་འབར། །གདུག་པ་ཅན་གྱི་དུས་ལ་བབ། །རལ་པས་སྟོང་ཁམས་བཀང་བ་ཡིས། །སྲིད་གསུམ་དབང་དུ་སྡུད་ནས་ཀྱང་། །འཇིག་པ་མེད་པ་དྲག་པོར་སྟོན། །དབང་སྡུད་དབུ་སྐྲའི་དུས་ལ་བབ། །སྐུ་ལ་མེ་དཔུང་འབར་བ་ཡིས། །སྟོང་ཁམས་ཐམས་ཅད་སྲེག་བྱེད་ཅིང་། །སྟོང་ཁམས་འོད་ཀྱིས་གསལ་བར་བྱེད། །སྐུ་ལ་མེ་འབར་དུས་ལ་བབ། །ཕྱག་གཡས་ལྕགས་ཀྱི་ཕུར་པ་བསྣམས། །སྒྲོལ་བྱེད་ཆེན་མོའི་དུས་ལ་བབ། །དམ་ཉམས་དགྲ་བོ་སྒྲོལ་བར་བྱེད། །སྲིད་པའི་གདར་ཤ་གཅོད་པའི་རྟགས། །ཉམས་པ་སྒྲོལ་བྱེད་དུས་ལ་བབ། །གཡོན་པ་འཛིན་པའི་ལྕགས་ཀྱུ་བསྣམས། །གང་དུ་འབྲོས་པར་དབང་མེད་པར། །གཟུང་ཞིང་རབ་ཏུ་འཆོར་མི་སྲིད། །འཛིན་བྱེད་ཆེན་མོའི་དུས་ལ་བབ། །ཞབས་ཀྱིས་གདུག་པའི་ཀླུ་རྣམས་གནོན། །གནོན་པའི་སྟབས་ཀྱི་གར་བྱེད་ཅིང་། །རབ་ཏུ་མཆོང་ཞིང་འཇིགས་པའི་འགྲོས། །གདུག་བྱེད་ཞབས་ཀྱི་དུས་ལ་བབ། །ངོ་མཚར་ཆས་ཀྱིས་རབ་བརྒྱན་ནས། །སྟོང་གསུམ་སྤྲུལ་པ་ནག་མོས་འགེངས། །གཅིག་ཏུ་མ་བབ་སྟོང་ཁམས་སྒྲོལ། །ངོ་མཚར་ལྷ་ཡི་དུས་ལ་བབ། །ཧཱུཾ་ནག་མོ་སྟོང་གི་དཀྱིལ་འཁོར་ནས། །རབ་ཏུ་སྤྲུལ་ཅིང་བཀྱེ་བའི་ཚེ། །གང་དུ་རྦད་པའི་ས་ཕྱོགས་སུ། །ཐོགས་པ་མེད་དེ་མེ་ལྟར་འབར། །ཤར་ཕྱོགས་དྲི་ཟའི་མངའ་བདག་མོ། །ནག་མོ་ཆེན་མོ་རལ་པ་ཅན། །ཚིབས་སུ་རླུད་ནག་འཚུབས་མ་ཆིབས། །གང་དུ་བསམས་པར་ཡུད་ཀྱིས་ཕྱིན། །མཐིང་ནག་སྐྲ་ལ་ལྕགས་ཀྱི་སོ། །མཆེ་བ་ལྕགས་ཀྱི་སྤུ་གྲི་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཤད། །གཡས་ན་གྲི་ཐོགས་བཤན་པ་མོ། །དམ་ཉམས་བཤའ་བའི་དུས་ལ་བབ། །གཡོན་ན་ཁྲག་འཐོར་རྔམ་པ་མོ། །གང་ཡིན་རོ་ལ་རྔམས་ཤིང་སྤྱོན། །རྐང་པ་མཆོང་སྟབས་གདུག་པས་བརྐྱང་། །གཡས་པ་བཤའ་ན་སྟུ་རེའི་ཞབས། །དམ་ཉམས་དགྲ་བོ་ཤོས་ལ་ཤོག །གཡོན་ན་གཅོད་བྱེད་ཁྱོ་བའི་ཞབས། །དམ་ཉམས་གང་ཡིན་སྙིང་རྩ་བྲོག །བསྐུལ་ཞིང་རྦད་དེ་རབ་ཏུ་བསྐུལ། །བཅོལ་པའི་ལས་རྣམས་གྲུབ་པར་མཛོད། །ལྷོ་ཕྱོགས་གཤིན་རྗེའི་མངའ་བདག་མོ། །སེར་ནག་ཆེན་མོ་རལ་པ་ཅན། །ཆིབས་སུ་གསོད་བྱེད་སྤྱང་ཀི་ཆིབས། །གང་དུ་བསམས་པར་ཡུད་ཀྱིས་ཕྱིན། །སེར་ནག་སྐྲ་ལ་ལྕགས་ཀྱི་སོ། །མཆེ་བ་ལྕགས་ཀྱི་སྐྲུ་གྲི་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡ། །གཡས་ན་གྲི་ཐོགས་བཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་ན་མེ་འབུད་སྲེག་པ་མོ། །ཉམས་པ་གང་ཡིན་སྲེག་པར་བྱེད། །རྐང་པ་མཆོང་སྟབས་རྔམས་པས་བརྐྱང་། །གཡས་པ་དགྲ་སྟུ་བཤན་པའི་ཞབས། །ཉམས་པ་གང་ཡིན་ཤོས་ལ་ཤོག །གཡོན་པ་གཅོད་བྱེད་འཁོར་ལོའི་ཞབས། །ཉམས་པ་གང་ཡིན་སྙིང་རྩ་ཆོད། །བསྐུལ་ཞིང་རྦད་དེ་རབ་ཏུ་བསྐུལ། །བཅོལ་བའི་ལས་རྣམས་གྲུབ་པར་མཛོད། །ཧུ༷་ནུབ་ཕྱོགས་ཀླུ་ཡི་མངའ་བདག་མོ། །དམར་ནག་ཆེན་མོ་རལ་པ་ཅན། །ཆིབས་སུ་སྟག་མོ་གྲུས་མ་ཆིབས། །གང་དུ་བསམས་པར་ཡུད་ཀྱི་ཕྱིན། །དམར་ནག་སྐྲ་ལ་ཟངས་ཀྱི་སོ། །མཆེ་བ་ཟངས་ཀྱི་སྤུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཤད། །གཡས་ན་གྲི་ཐོགས་བཤན་པ་མོ། །དམ་ཉམས་བཤའ་བའི་དུས་ལ་བབ། །གཡོན་ན་ཆུ་འཐོར་ཆར་འབེབས་མ། ཁུ་དང་སེར་བ་འབེབས་བྱེད་མ། །རྐང་པ་མཆོང་སྟབས་གདུག་པ་རྐྱོང་། །གཡས་པ་བཤན་པ་མདུང་གི་ཞབས། །དམ་ཉམས་དགྲ་བོ་ཤོས་ལ་ཤོག །གཡོན་པ་གཅོད་བྱེད་སྤུ་གྲིའི་ཞབས། །ཉམས་པ་གང་ཡིན་སྙིང་རྩ་གཅོད། །བསྐུལ་ཞིང་རྦད་དེ་རབ་ཏུ་མྱུར། །བཅོལ་པའི་ལས་རྣམས་གྲུབ་པར་མཛོད། །བྱང་ཕྱོག་གནོད་སྦྱིན་བཤན་པ་མོ། །ལྗང་ནག་ཆེན་མོའི་རལ་པ་ཅན། །ཆིབས་སུ་ཆུ་སྲིན་རྒྱལ་པོ་ཆིབས། །གང་དུ་བསམས་པར་ཡུད་ཀྱིས་ཕྱིན། །ལྗང་ནག་སྐྲ་ལ་དུང་གི་སོ། །མཆེ་བ་དུང་གི་སྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡ། །གཡས་ན་གྲི་ཐོགས་བཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་ན་སྟུ་ཐོགས་འགེམས་པ་མོ། །ཉམས་པ་འགེམས་པའི་དུས་ལ་བབ། །རྐང་པ་མཆོང་སྟབས་རྔམས་པས་ཀྱང་། །གཡས་པ་གཤོམ་བྱེད་སྟེའུའི་ཞབས། །ཉམས་པ་གང་ཡིན་སྙིང་རྩ་གཞོགས། །གཡོན་པ་གཅོད་བྱེད་རལ་གྲིའི་ཞགས། །ཉམས་པ་གང་ཡིན་སྙིང་རྩ་གཅོད། །བསྐུལ་ཅིང་རྦད་དེ་རབ་ཏུ་མྱུར། །བཅོལ་བའི་ལས་རྣམས་གྲུབ་པར་མཛོད། །བཤན་པ་ཆེན་པོ་བཞི་རྣམས་ཀྱང་། །རབ་ཏུ་རྦད་ཅིང་བསྐུལ་བའི་ཚེ། །གང་དུ་འགྲོ་བའི་ས་ཕྱོགས་སུ། །བང་ནི་རླུད་གིས་བསྐྱོད་དུ་མེད། །གཟུགས་ནི་ཅིར་ཡང་སྤྲུལ་པའོ། །ཉམས་པ་བཤའ་བའི་དུས་བྱུང་ན། །གྲི་ཐོགས་བཤན་པས་རབ་ཏུ་སྒྲོལ། །དམ་ཉམས་བཤའ་བའི་དུས་ལ་བབ། །སྙིང་རྩ་བྲེག་པའི་དུས་ལ་བབ། །ཧུ༷་བདུད་ཡུལ་ནག་པོའི་བཙན་བྲག་ན། །འཆི་བདག་བདུད་ཀྱི་བུ་མོ་ནི། །ཆིབས་སུ་བདུད་རྟ་ནག་པོ་བཅིབས། །བདུད་རྟ་ནག་པོ་ཞགས་པས་བརྒྱན། །ཕྱོགས་བཅུར་འཕེན་ཅིང་བདུད་རྟ་རྒྱུག །ཉམས་པ་བཅིང་བའི་དུས་ལ་བབ། །སྦྲུལ་ནག་སྟོང་གིས་རབ་ཏུ་བརྒྱན། །གདུག་པ་གདོལ་བའི་ཀླུ་རྣམས་འདུལ། །དྲག་པོ་སྒྲོལ་ཅིང་དབང་དུ་སྡུད། །བདུད་འདུལ་སྦྲུལ་ནག་དུས་ལ་བབ། །བདུད་བྱ་ནག་པོ་ལྡིང་བ་བཞིན། །འཆི་བདག་བདུད་དུ་བབ་པའི་བྱ། །བདུད་བྱ་ནག་པོ་གྲིབ་སོ་འདྲ། །བདུད་འདུལ་བྱ་ནག་དུས་ལ་བབ། །མཐིང་ནག་དར་གྱི་སྟན་བསྟད་པས། །སྲིད་པའི་བགེགས་རིགས་སྟན་དུ་བཏིང་། །བདུད་འདུལ་སྟན་གྱི་དུས་ལ་བབ། །བདུད་སྒ་ནག་པོ་བསྟད་པ་ཡང་། །བདུད་པོ་ནག་པོའི་ཡ་མགལ་དང་། །བདུད་མོ་ནག་མོའི་མ་མགལ་ལ། །བདུད་འདུལ་སྒ་ནག་དུས་ལ་བབ། །སྔ་ལོང་ནད་ཀྱི་རྐྱལ་བ་བཀལ་བས་ཀྱང་། །སྲིད་པ་གསུམ་གྱི་ནད་འབེབས་ཤིང་། །བསྐལ་པ་སྟོང་དུ་ནད་འབེབས་ཤིང་། །ནད་བདག་ཆེན་མོའི་དུས་ལ་བབ། །ཕྱི་ལོང་ཚོནི་གྱི་གྲུ་གུ་བཀལ་ནས་ཀྱང་། །ཉམས་པ་ཚོན་ནད་ཁྲག་དུ་སྒྱུག །སྟོང་གསུམ་ཚོན་གྱི་ནད་གཏོང་བ། །ཚོན་ནད་གཏོང་བའི་དུས་ལ་བབ། །གསེར་དང་གཡུ་ཡི་གོང་རྨེད་ཀྱི། །རིན་ཆེན་ཆར་ལྟར་འབེབས་པ་དང་། །ཚོན་གྱི་རྒྱལ་པོའི་ཆར་ཕབ་ནས། །ཚོན་བདག་ཆེན་མོའི་དུས་ལ་བབ། །གསེར་ཁྲབ་སིལ་གྱིས་བཀྲབ་པས་ཀྱང་། །རིན་ཆེན་གསེར་འབབ་ལྕི་པ་དང་། །རིན་ཐང་གསེར་དུ་གཅིག་པ་དང་། །གསེར་བདག་ཆེན་མོའི་དུས་ལ་བབ། །ཡ་བྱིན་བདུད་ཀྱི་བུ་མོ་ཡང་། །སྐུ་ལ་མཐིང་ནག་བེར་ཆེན་གསོལ། །མཐིང་ནག་བདུད་ཀྱིས་འགྲན་ཟླ་མེད། །བདུད་འདུལ་ཆེན་མོའི་དུས་ལ་བབ། །སྐུ་མདོག་ནག་མོར་བཞུགས་པས་ཀྱང་། །ཕྲིན་ལས་དྲག་པོས་བདུད་བཏུལ་ནས། །གདུག་པ་བདུད་པས་རབ་ཏུ་ཆེ། །བདུད་འདུལ་ཆེན་མོའི་དུས་ལ་བབ། །མཐིང་ནག་རལ་པས་བརྒྱན་པས་ཀྱང་། །འཇིག་རྟེན་མུན་པར་འགྱུར་བ་དང་། །ཀླུ་བདུད་བསྟན་གྱི་དུས་ལ་བབ། །ཀླུ་སྒ་སྔོན་པོ་བསྟད་པ་ཡང་། །ཀླུ་བདུད་ཁོལ་པོའི་ཡ་མཁལ་དང་། །ཀླུ་སྒ་སྔོ་བཀྲའི་དུས་ལ་བབ། །སྔ་ལོང་ནད་ཀྱི་རྐྱལ་པ་སྔོ་བཀྲ་བཀལ་བས་ཀྱང་། །སྲིད་པ་གསུམ་དུ་ནད་འབེབས་ཤིང་། །བསྐལ་པ་སྟོང་གི་ནད་གཏང་བའོ། །ནད་བདག་ཆེན་མོའི་དུས་ལ་བབ། །ཕྱི་ལོང་ཚོན་གྱི་གྲུ་གུ་བཀལ་བ་ཡང་། །ཉམས་པ་ཚོན་ནས་ཁྲག་ཏུ་སྒྱུག །སྟོང་གསུམ་ཚོན་གྱི་ནད་གཏོང་མ། །ཚོན་ནད་གཏོང་བའི་དུས་ལ་བབ། །ཟངས་དང་ལྕགས་ཀྱི་གོང་རྨེད་ཀྱི། །རིན་ཆེན་ཆར་ལྟར་འབེབས་པ་དང་། །ཚོན་གྱི་རྒྱལ་པོའི་ཆར་ཕབ་ནས། །ཚོན་བདག་ཆེན་མོའི་དུས་ལ་བབ ཟངས་སྲབ་དམར་པོ་སྲབས་པས་ཀྱང་། །ཐམས་ཅད་དབང་དུ་སྡུད་ནས་ཀྱང་། །སྣང་སྲིད་བལྟས་སྡུད་ཟངས་ཀྱི་སྲབ། །དབང་སྒྱུར་ཆེན་མོའི་དུས་ལ་བབ། །ཕག་བྱིན་ཀླུ་ཡི་བུ་མོ་ཡང་། །སྐུ་ལ་ལྗང་ནག་བེར་ཆེན་གསོལ། །ལྗང་ནག་ཀླུ་ཡིས་འགྲན་ཟླ་མེད། །ཀླུ་བདུད་ཆེན་མོའི་དུས་ལ་བབ། །སྐུ་མདོག་ལྗང་ཁུར་བཞུགས་པ་ཡང་། །ཕྲིན་ལས་མཐའ་རུ་དབྱུང་བ་དང་། །གདུག་པ་འདུལ་བས་རབ་ཏུ་ཆེ། །ཀླུ་བདུད་ཆེན་མོའི་དུས་ལ་བབ། །ལྗང་ནག་རལ་པས་བརྒྱན་པ་ཡང་། །འཇིག་རྟེན་ལས་ངན་གཅོད་པ་དང་། །ཀླུ་ཡི་རིགས་རྣམས་ཟིལ་གྱིས་གནོན། །ཀླུ་བདུད་ཆེན་མོའི་དུས་ལ་བབ། །གསེར་གྱི་རྣ་ཆ་འབྱུང་བ་ཡང་། །སྙན་པ་གསེར་བས་ལྷག་པའི་རྟགས། །དྲག་པོའི་སྒྲུབ་བདག་སྙེམས་པའི་རྟགས། །དྲག་པོ་ཀླུ་འདུལ་དུས་ལ་བབ། །བ་སྐྲུ་ལྕགས་ཀྱུ་འཛིངས་པ་ཡང་། །ཉམས་པ་གང་ཡིན་འཛིན་པར་བྱེད། །རབ་ཏུ་འབྱུང་བས་འཆོར་མི་སྲིད། །འཛིན་པ་ཀླུ་འདུལ་དུས་ལ་བབ། །དར་ནག་ཅོད་པན་འཕུར་བས་ཀྱང་། །ཆོས་ཀྱི་རྒྱལ་མཚན་འཛུག་པ་དང་། །ཀླུ་འདུལ་སྔོན་མོའི་དུས་ལ་བབ། །འཕུར་བྱེད་ཀླུ་འདུལ་དུས་ལ་བབ། །ལྗང་ནག་རལ་པས་བརྒྱན་པ་ཡང་། །ཀླུ་བདུད་འཁོར་བཅས་ཟིལ་གྱིས་གནོན། །འཇིག་རྟེན་ཁམས་རྣམས་སྤ་བཀོང་ཕྱིར། །ཀླུ་འདུལ་རལ་པའི་དུས་ལ་བབ། །ཕྱག་གཡས་ཕུར་པ་བསྣམས་པ་ཡང་། །གང་ཡིན་སྙིང་ལ་ཕུར་པ་འདེབས། །རྡོ་རྗེ་ཕུར་པའི་སྲུང་མ་སྟེ། །ཕུར་སྲུང་ཀླུ་འདུལ་དུས་ལ་བབ། །གཡོན་པ་ལྕགས་ཀྱུ་བསྣམས་པ་ཡང་། །ཉམས་པ་གང་ཡིན་འགུགས་པར་བྱེད། །ལྕགས་ཀྱུས་ཟུང་ལ་ཕུར་པས་ཐོབ །འཛིན་བྱེད་ཆེན་མོའི་དུས་ལ་བབ། །ཧུ༷་འཇིག་རྟེན་དབང་སྡུད་བཤན་པ་མོ། །བདུད་ཀྱི་བུད་མེད་ནག་མོ་ལ། །ལུས་ལ་མཐིང་ནགབེརཆེནགསོལ། །མཐིང་ནག་རལ་པ་ཤ་ར་ར། །རལ་པ་རེ་ལ་ཕུར་པ་རེ། །ཕུར་པའི་ལན་ཕྲན་ཁྲ་ལ་ལ། ཁ་རླངས་ནད་གཏོང་ཐུ་ལུ་ལུ། །བུད་མེད་ནག་མོས་སྟོང་ཁམས་ཁེངས། །སྙིང་རྗེ་མེད་པར་སྒྲོལ་བར་བྱེད། །གཡས་ཀྱི་གྲི་ཐོགས་བཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་ན་མི་སྙིང་ནང་ཁྲོལ་ཐོགས། །མི་སྙིང་མགོ་ནས་གཅོད་ཅིང་ཟ། །མཆེ་བ་ལྕགས་ཀྱི་སྤུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །དམ་ཉམས་ཀུན་གྱི་སྙིང་ལ་ཤད། །བཤན་པ་ཆེན་མོའི་དུས་ལ་བབ། །ཧུ༷་འཇིག་རྟེ་དབང་སྡུད་ཤན་པ་མོ། །གཟའ་ཡི་བུད་མེད་སེར་མོ་ལ། །ལུས་ལ་སེར་ནག་བེར་ཆེན་གསོལ། །སེར་ནག་རལ་པ་ཤ་ར་ར རལ་པ་རེ་ལ་ཕུར་པ་རེ། །ཕུར་བུའི་ལན་ཕྲན་ཁྲ་ལ་ལ། ཁ་རླངས་ནད་གཏོང་ཐུ་ལུ་ལུ། །བུད་མེད་སེར་མོས་སྟོང་ཁམས་ཁེངས། །སྙིང་རྗེ་མེད་པར་སྒྲོལ་བར་བྱེད། །གཡས་ན་གྲི་ཐོགས་བཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་ན་མི་སྙིང་ནང་ཁྲོལ་ཐོགས། །མི་སྙིང་མགོ་ནས་གཅོད་ཅིང་ཟ། །མཆེ་བ་གསེར་གྱི་སྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །ཉམས་པ་ཀུན་གྱི་སྙིང་ལ་ཤད། །བཤན་པ་ཆེན་མོའི་དུས་ལ་བབ། །འཇིག་རྟེན་དབང་སྡུད་ཤན་པ་མོ། །བཙན་གྱི་བུད་མེད་དམར་མོ་ལ། །ལུས་ལ་དམར་ནག་བེར་ཆེན་གསོལ། །དམར་ནག་རལ་པ་ཤ་ར་ར། །རལ་པ་རེ་ལ་ཕུར་པ་རེ། །ཕུར་པའི་ལན་ཕྲན་ཁྲ་ལ་ལ། །ཁ་རླངས་ནད་གཏོང་ཐུ་ལུ་ལུ། །བུད་མེད་དམར་མོས་སྟོང་ཁམས་ཁེངས། །སྙིང་རྗེ་མེད་པར་སྒྲོལ་བར་བྱེད། །གཡས་པ་གྲི་ཐོགས་བཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་པ་མི་སྙིང་ནང་རོལ་ཐོགས། །མི་སྙིང་མགོ་ནས་གཅོད་ཅིང་ཟ། །མཆེ་བ་ཟངས་ཀྱི་སྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །ཉམས་པ་ཀུན་གྱི་སྙིང་ལ་ཤད། །བཤན་པ་ཆེན་མོའི་དུས་ལ་བབ། །ཧུ༷་འཇིག་རྟེན་དབང་སྡུད་བཤན་པ་མོ། །ཀླུ་ཡི་བུད་མེད་ནག་མོ་ལ། །ལུས་ལ་བེར་ཆེན་ལྗང་ནག་གསོལ། །ལྗང་ནག་རལ་པ་ཤ་ར་ར། །རལ་པ་རེ་ལ་ཕུར་པ་རེ། །ཕུར་པའི་ལན་ཕྲན་ཁྲ་ལ་ལ། །ཁ་རླངས་ནད་གརྟང་ཐུ་ལུ་ལུ། །བུད་མེད་སྔོན་མོས་སྟོང་ཁམས་ཁེངས། །སྙིང་རྗེ་མེད་པར་སྒྲོལ་བར་བྱེད། །གཡས་ན་གྲི་ཐོགས་བཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་པ་མི་སྙིང་ནང་རོལ་ཐོགས། །མི་སྙིང་མགོ་ནས་གཅོད་ཅིང་ཟ། །མཆེ་བ་གཡུ་ཡི་སྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །ཉམས་པ་ཀུན་གྱི་སྙིང་ལ་ཤད། །བཤན་པ་ཆེན་མོའི་དུས་ལ་བབ། །ཧུ༷་སྲོག་གཅོད་བཤན་པ་ལག་རིང་ནི། །སྐུ་ལ་ཞིང་ལྤགས་རློན་པ་གསོལ། །རལ་པ་ནག་པོས་རབ་ཏུ་བརྒྱན། །མེ་སྟག་འབར་བའི་ཆ་ག་ཅན། །སྐྱེ་ན་གསེར་གྱི་དྲིལ་བུ་བཏགས། །ཕྱག་གཡས་བདུད་ཀྱི་ཞགས་པ་བསྣམས། །ཉམས་པ་བཅིང་བའི་དུས་ལ་བབ། །གཡོན་ན་བདུད་ཀྱི་གྲི་ནག་བསྣམས། །ཉམས་པ་གང་ཡིན་སྲོག་རྩ་གཅོད། །དམ་ཉམས་སྙིང་ལ་ས་མ་ཡ། །བདུད་ཀྱི་ཁྲམ་བམ་རྒྱབ་ན་བསྣམས། །གང་ལ་རྦད་པ་ཁྲམ་ལ་འདེབས། །ལྕགས་ཀྱི་སོ་བརྡར་ཁྲིགས་སེ་ཁྲིག །མཆེ་བ་ཟངས་སྡུས། །འབྱུང་པོ་བཤན་པས་སྟོང་ཁམས་ཁེངས། །གཡས་ན་སྟུ་ཐོགས་ཆེམས་སེ་ཆེམ། །དམ་ཉམས་མགོ་ལུས་ཚལ་བར་ཁོས། །གཡོན་གྱི་གྲི་ཐོགས་ཤན་པའི་རིགས། །ཉམས་པའི་ལྷུ་དང་དུམ་བུ་ཕྲོལ། །གློ་སྙིང་ནང་ཁྲོལ་ཁ་རུ་རྫོང་། ཁ་ནས་མེ་འབར་ལམས་སེ་ལམ། །སྣ་ནས་དུད་པ་ཐུ་ལུ་ལུ། །བཤན་པ་ཁྱེད་ཀྱི་དུས་ལ་བབ། །ཧུ༷་སྲོག་གཅོད་བཤན་པ་ལག་རིང་ནི། །སྐུ་མདོག་རབ་དམར་བེར་ཆེན་གསོལ། །རལ་པ་དམར་པོས་རབ་ཏུ་བརྒྱན། །མེ་སྟག་འབར་བའི་ཆ་ག་ཅན། །སྐྱེ་ན་གཡུ་ཡི་དྲིལ་བུ་བཏགས། །ཕྱག་གཡས་ཞགས་པ་དམར་པོ་ཐོགས། །ཉམས་པ་བཅིང་བའི་དུས་ལ་བབ། །གཡོན་ན་སྐུ་མཆོག་ཕུར་པ་བསྣམས། །ཉམས་པའི་སྙིང་ལ་ས་མ་ཡ། །སྐུ་མཆོག་ཁྲམ་བམ་རྒྱབ་ན་ཐོགས། །དུང་གི་སོ་བརྡར་ཁྲིགས་སེ་ཁྲིག །མཆེ་བ་དུང་གི་སྐྲུ་གྲི་གཏམས། །སྐྲུ་གྲི་ཤད་ཤད་སྙིང་ལ་ཤད། །དམ་ཉམས་ཀུན་གྱི་སྙིང་ལ་ཤད། །གྲི་ནི་མོན་གྲི་ཆི་ལི་ལི། །སྒྱུག་པ་གླུ་ཆེན་ཀྱུ་རུ་མྲ །སྐུ་མདོག་དམར་པོ་དབང་དུ་སྡུད། །སྐུ་མཆོག་བཤན་པས་སྟོང་ཁམས་ཁེངས། །བདུད་ཀྱི་རིགས་རྣམས་དབང་སྡུད་ནས། །བདུད་འདུལ་ཆེན་མོའི་དུས་ལ་བབ། །གསེར་གྱི་རྣ་ཆར་བྱུང་བ་ཡང་། །སྙན་པ་གསེར་ལས་ལྷག་པའི་རྟགས། །རྒྱས་པ་སྒྲུབ་ཐབས་སྙེམས་པའི་རྟགས། །རྒྱས་པ་བདུད་འདུལ་དུས་ལ་བབ། །བ་སྐྲུ་ལྕགས་ཀྱུ་བཅིངས་པ་ཡང་། །ཉམས་པ་གང་ཡིན་འཛིན་པ་དང་། །རབ་ཏུ་གཟུང་ནས་འཆོར་མི་སྲིད། །འཛིན་བྱེད་བདུད་འདུལ་དུས་ལ་བབ། །དར་ནག་ཅོད་པན་འཕུར་བས་ཀྱང་། །ཆོས་ཀྱི་རྒྱལ་མཚན་འཛུག་པ་དང་། །མ་བདུད་མང་པོའི་དཔུང་བསྡུས་ནས། །འཕུར་བྱེད་བདུད་འདུལ་དུས་ལ་བབ། །མཐིང་ནག་རལ་པས་བརྒྱན་པ་ཡང་། །བདུད་དཔུང་ཟིལ་གྱིས་གནོན་པ་དང་། །འཇིག་རྟེན་ཁམས་ཀུན་སྤ་བཀོང་ཕྱིར། །བདུད་འདུལ་སྔགས་པའི་དུས་ལ་བབ། །ཕྱག་གཡས་ཕུར་པ་བསྣམས་པ་ཡང་། །རྡོ་རྗེ་ཕུར་པའི་སྲུང་མ་སྟེ། །གང་ཡིན་སྙིང་ལ་ཕུར་པ་འདེབས། །ཕུར་སྲུང་བདུད་འདུལ་དུས་ལ་བབ། །གཡོན་པ་ལྕགས་ཀྱུ་བསྣམས་པ་ཡང་། །ཉམས་པ་གང་ཡིན་འགུགས་པར་བྱེད། །ལྕགས་ཀྱུས་ཟུང་ལ་ཕུར་བུས་ཐོབ། །འཛིན་བྱེད་ཆེན་མོའི་དུས་ལ་བབ། །ཧུ༷་གཟའ་ཡུལ་ཟླ་འོད་རླུད་སྟེང་ནས། །འཆི་བདག་གཟའ་ཡི་བུ་མོ་སྟེ། །ཆིབས་སུ་གཟའ་རྟ་འུར་པ་ཆིབས། །གཟའ་རྟ་འུར་པ་ཞགས་པས་བརྒྱན། །ཕྱོགས་བཅུར་འདྲེན་ཅིང་གཟའ་རྟ་རྒྱུག །ཉམས་པ་བཅིང་བའི་དུས་ལ་བབ། །སེར་ཁྲ་སྦྲུལ་གྱིས་རབ་ཏུ་བརྒྱན། །གདུག་པ་དམངས་རིགས་ཀླུ་རྣམས་འདུལ། །རྒྱས་པར་སྒྲོལ་ཅིང་དབང་དུ་སྡུད། །གཟའ་འདུལ་སེར་ཁྲའི་དུས་ལ་བབ། །གཟའ་བྱ་ནག་པོ་ལྡིང་པ་ཡང་། །གཟའ་བདུད་བདུད་དུ་བབ་པའི་བྱ། །གཟའ་བྱ་ཁྲ་བོ་གསེར་ལྟར་འབར། །གཟའ་འདུལ་བྱ་ཁྲའི་དུས་ལ་བབ། །སེར་ནག་དར་གྱི་སྟན་བསྟད་ནས། །སྲིད་པའི་བགེགས་རིགས་སྟན་དུ་བཏིང་། །ཀི་ཀང་དམར་པོ་སྟན་དུ་བཏིང་། །གཟའ་འདུལ་སྟན་གྱི་དུས་ལ་བབ། །གཟའ་སྒ་སེར་པོ་བསྟད་པས་ཀྱང་། །གཟའ་བདུད་ཁྲ་བོའི་ཡ་མཁལ་ལ། །གཟའ་བདུད་མོ་ཡི་མ་མཁལ་ཅན། །གཟའ་སྒ་སེར་བཀྲའི་དུས་ལ་བབ། །སྔ་ལོང་ནད་ཀྱི་རྐྱལ་བ་སེར་བཀྲ་བཀལ་བ་དང་། །སྲིད་པ་གསུམ་གྱི་ནད་འབེབས་ཤིང་། །བསྐལ་པ་སྟོང་ཏུ་ནད་འབེབས་པའི། །ནད་བདག་ཆེན་མོའི་དུས་ལ་བབ། །ཕྱི་ལོང་ཚོན་གྱི་གྲུ་གུ་བཀལ་བས་ཀྱང་། །ཉམས་པ་ཚོན་ནད་ཁྲག་ཏུ་སྒྱུག །སྟོང་གསུམ་ཚོན་གྱིས་ནད་གཏོང་མ། །ཚོན་ནད་གཏོང་བའི་དུས་ལ་བབ། །ཟངས་དང་ལྕགས་ཀྱི་གང་རྨེད་ཅན། །རིན་ཆེན་ཆར་ལྟར་འབེབས་པ་དང་། །ཚོན་གྱི་རྒྱལ་པོའི་ཆར་ཕབ་ནས། །ཚོན་བདག་ཆེན་མོའི་དུས་ལ་བབ། །གཡུ་སྲབ་སྔོན་པོ་སྲབས་པས་ཀྱང་། །རིན་ཆེན་གཡུ་བས་ཆེ་བའི་ཕྱིར། །རིན་ཐང་གཡུ་རུ་གཅིག་པ་དང་། །གཡུ་སྲབ་བདག་མོའི་དུས་ལ་བབ། །དེ་ཕྱིན་གཟའ་ཡི་བུ་མོ་ཡང་། །སྐུ་ལ་སེར་ནག་བེར་ནག་གསོལ། །སེར་ནག་གཟའ་ཡི་འགྲན་ཟླ་སྟེ། །གཟའ་བདུད་ཆེན་མོའི་དུས་ལ་བབ། །སྐུ་མདོག་སེར་མོར་བཞུགས་པ་ཡང་། །ཕྲིན་ལས་རྒྱས་པས་ཐམས་ཅད་འདུལ། །གདུག་པ་འདུལ་བས་རབ་ཏུ་ཆེ། །གཟའབདུདཆེནམོའིདུསལབབ། །སེར་ནག་རལ་པས་བརྒྱན་པ་ཡང་། །འཇིག་རྟེན་གནས་ལ་འབེབས་པ་དང་། །གཟའ་ཡི་རིགས་རྣམས་དབང་བསྡུས་ནས། །གཟའ་བདུད་ཆེན་མོའི་དུས་ལ་བབ། །གསེར་གྱི་རྣ་ཆར་བྱུང་བ་ཡང་། །སྙན་པ་གསེར་བས་ལྷག་པའི་རྟགས། །རྒྱས་པའི་སྒྲུབ་བདག་སྙེམས་པའི་རྟགས། །རྒྱས་པ་གཟའ་འདུལ་དུས་ལ་བབ། །བ་སྐྲུ་ལྕགས་ཀྱུ་འཛིངས་པ་ཡང་། །ཉམས་པ་གང་ཡིན་འཛིན་པར་བྱེད། །རབ་ཏུ་བཟུང་བས་འཆོར་མི་སྲིད། །འཛིན་བྱེད་གཟའ་འདུལ་དུས་ལ་བབ། །དར་ནག་ཅོད་པན་འཕུར་བས་ཀྱང་། །ཆོས་ཀྱི་རྒྱལ་མཚན་འཛུག་པ་དང་། །གཟའ་བདུད་མང་པོའི་དཔུང་བསྡུས་ནས། །འཕུང་བྱེད་གཟའ་འདུལ་དུས་ལ་བབ། །སེར་ནག་རལ་པས་བརྒྱན་པས་ཀྱང་། །གཟའ་འདུལ་ཀིང་ཀ་ཟིལ་གྱིས་གནོན་པ་ཡང་། །འཇིག་རྟེན་ཁམས་རྣམས་སྤ་བཀོང་ཕྱིར། །གཟའ་བདུད་རལ་པའི་དུས་ལ་བབ། །ཕྱག་གཡས་ཕུར་པ་བསྣམས་པ་ཡང་། །རྡོ་རྗེ་ཕུར་པའི་སྲུང་མ་སྟེ། །གང་ཡིན་སྙིང་ལ་ཕུར་པ་འདེབས། །ཕུར་སྲུང་གཟའ་འདུལ་དུས་ལ་བབ། །གཡོན་པས་ལྕགས་ཀྱུ་བསྣམས་པ་ཡང་། །ཉམས་པ་གང་ཡིན་འགུགས་པར་བྱེད། །ལྕགས་ཀྱུས་ཟུང་ལ་ཕུར་པས་ཐོབ། །འཛིན་བྱེད་ཆེན་མོའི་དུས་ལ་བབ། །ཧུ༷་བཙན་ཡུལ་ཁྲོམ་མཁར་བཞི་སྟེང་ན། །འཆི་བདག་བཙན་གྱི་བུ་མོ་སྟེ། །ཆིབས་སུ་བཙན་རྟ་དམར་པོ་ཆིབས། །བཙན་རྟ་དམར་པོ་ཞགས་པས་བརྒྱན། །ཕྱོགས་བཅུར་འཕེན་ཅིང་བཙན་རྟ་རྒྱུག །ཉམས་པ་བཅིང་བའི་དུས་ལ་་་་་་་་་་་་་་་་བབ། །དམར་ཁྲ་སྦྲུལ་གྱིས་རབ་ཏུ་བརྒྱན། །གདུག་པ་རྗེའུ་རིགས་ཀླུ་རྣམས་འདུལ། །དབང་དུ་སྡུད་ཅིང་སྒྲོལ་བར་བྱེད། །བཙན་འདུལ་དམར་ཁྲའི་དུས་ལ་བབ། །བཙན་བྱ་དམར་པོ་ལྡིང་བ་ཡང་། །བཙན་བདུད་བདུད་དུ་བབ་པའི་བྱ། །བཙན་བྱ་དམར་པོ་ཁྲག་ལྟར་ལུད། །བཙན་འདུལ་བྱ་དམར་དུས་ལ་བབ། །དམར་ནག་དར་གྱི་སྟན་བསྟད་པས། །སྲིད་པའི་བགེགས་རིགས་སྟན་དུ་བཏིང་། །དགེ་བསྙེན་དམར་པོ་སྟན་དུ་བཏིང་། །བཙན་འདུལ་སྟན་གྱི་དུས་ལ་བབ། །བཙན་སྒ་དམར་པོ་བསྟད་པ་ཡང་། །བཙན་འདུལ་དམར་པོའི་ཡ་མགལ་དང་། །བཙན་འདུལ་དམར་པོའི་མ་མགལ་དང་། །བཙན་སྒ་དམར་བཀྲའི་དུས་ལ་བབ། །སྔ་ལོང་ནད་ཀྱི་རྐྱལ་བ་དམར་ཁྲ་བཀལ་བ་ཡང་། །སྲིད་པ་གསུམ་གྱི་ནད་འབེབས་ཤིང་། །བསྐལ་པ་སྟོང་དུ་ནད་འབེབས་པ། །ནད་བདག་ཆེན་མོའི་དུས་ལ་བབ། །ཕྱི་ལོང་ཚོན་གྱི་གྲུ་གུ་བཀལ་བ་ཡང་། །ཉམས་པ་ཚོན་ནད་ཁྲག་ཏུ་སྒྱུག །སྟོང་གསུམ་མཚོན་གྱི་ནད་གཏོང་མ། །ཚོན་ནད་གཏོང་བའི་དུས་ལ་བབ། །གཡུ་དང་གསེར་གྱི་གང་རྨེད་ཅན། །རིན་ཆེན་ཆར་ལྟར་འབེབས་པ་དང་། །ཚོན་གྱི་རྒྱལ་མོའི་ཆར་ཕབནས། །ཚོནབདགཆེནམོའི་དུས་ལ་བབ། །གསེར་ཁྲབ་སེར་པོས་བརྒྱན་པས་ཀྱང་། །ཐམས་ཅད་རིན་ཆེན་རྒྱན་བསྟར་ནས། །སྣང་སྲིད་གསེར་དུ་དབང་སྒྱུར་རྟགས། །དབང་སྒྱུར་ཆེན་མོའི་དུས་ལ་བབ། །བསེ་བྱིན་བཙན་གྱི་བུ་མོ་ཡང་། །སྐུ་ལ་དམར་ནག་བེར་ཆེན་གསོལ། །དམར་ནག་བཙན་གྱི་འགྲན་ཟླ་སྟེ། །བཙན་འདུལ་ཆེན་མོའི་དུས་ལ་བབ། །སྐུ་མདོག་དམར་མོར་བཞུགས་པ་ཡང་ །ཐམས་ཅད་དབང་དུ་བསྡུ་བ་དང་། །གདུག་པ་འདུལ་བ་རབ་ཏུ་ཆེ། །བཙན་འདུལ་ཆེན་མོའི་དུས་ལ་བབ། །དམར་ནག་རལ་པས་བརྒྱན་པ་ཡང་། །འཇིག་རྟེན་དབང་དུ་སྡུད་པ་དང་། །བཙན་གྱི་རིགས་རྣམས་ཟིལ་གྱིས་གནོན། །བཙན་འདུལ་ཆེན་མོའི་དུས་ལ་བབ། །གསེར་གྱི་སྙན་ཆ་བྱུང་བ་ཡང་། །སྙན་པ་གསེར་བས་ལྷག་པའི་རྟགས། །རྒྱས་པའི་སྒྲུབ་རྟགས་བསྙེན་པའི་རྟགས། །རྒྱས་པ་བཙན་འདུལ་དུས་ལ་བབ། །བ་སྐྲུ་ལྕགས་ཀྱུ་འཛིན་པ་ཡང་། །ཉམས་པ་གང་ཡིན་འཛིངས་པར་བྱེད། །རབ་ཏུ་བཟུང་བས་འཆོར་མི་སྲིད། །འཛིན་བྱེད་བཙན་འདུལ་དུས་ལ་བབ། །དར་ནག་ཅོད་པན་འཕུར་པས་ཀྱང་། །ཆོས་ཀྱི་རྒྱལ་མཚན་འཛུག་པ་དང་། །བཙན་འདུལ་དམར་པོའི་དཔུང་བསྡུས་ནས། །འཕུར་བྱེད་བཙན་འདུལ་དུས་ལ་བབ། །དམར་ནག་རལ་པས་བརྒྱན་པ་ཡང་། །དགེ་བསྙེན་འཁོར་བཅས་ཟིལ་གྱིས་གནོན་པ་དང་། །འཇིག་རྟེན་ཁམས་རྣམས་སྤ་བཀོང་ཕྱིར། །བཙན་འདུལ་རལ་པའི་དུས་ལ་བབ། །ཕྱག་གཡས་ཕུར་པ་བསྣམས་པ་ཡང་། །གང་ཡིན་སྙིང་ལ་ཕུར་པ་འདེབས། །ཕུར་སྲུང་བཙན་འདུལ་དུས་ལ་བབ། །གཡོན་པ་ལྕགས་ཀྱུ་བསྣམས་པ་ཡང་། །ཉམས་པ་གང་ཡིན་འགུགས་པར་བྱེད། །ལྕགས་ཀྱུས་ཟུང་ལ་ཕུར་བུས་ཐོབ། །འཛིན་བྱེད་ཆེན་མོའི་དུས་ལ་བབ། །ཧུ༷་ཕོ་བྲང་ཀླུ་འདུལ་གདུག་པ་འདུལ། །འཆི་བདག་ཀླུ་ཡི་བུ་མོ་ནི། །ཆིབས་སུ་ཀླུ་རྟ་ལྗང་སྔོན་ཆིབས། །ཀླུ་རྟ་སྔོན་པོ་སྦྲུལ་གྱིས་བརྒྱན། །ཕྱོགས་བཅུར་འཕེན་ཅིང་ཀླུ་རྟ་རྒྱུག །ཉམས་པ་བཅིང་བའི་དུས་ལ་བབ། །སྔོ་ཁྲ་སྦྲུལ་གྱིས་རབ་ཏུ་བརྒྱན། །གདུག་པ་རྒྱལ་རིགས་ཀླུ་རྣམས་འདུལ། །ཕྲིན་ལས་མཐར་ཕྱིན་ཉེས་པ་མེད། །ཀླུ་འདུལ་སྔོ་བཀྲའི་དུས་ལ་བབ། །ཀླུ་བྱ་སྔོན་པོ་ལྡིང་བས་ཀྱང་། །ཀླུ་བདུད་བདུད་དུ་བབ་པའི་བྱ། །ཀླུ་བྱ་ལྗང་སྔོན་ཆུ་ལྟར་འབྲུབ། །ཀླུ་བྱ་སྔོ་བཀྲའི་དུས་ལ་བབ། །ལྗང་སྔོན་དར་གྱི་སྟན་བསྟད་པས། །སྲིད་པའི་བགེགས་རིགས་གདན་དུ་བཏིང་། །ཀླུ་སྲིན་སྔོན་པོ་གདན་དུ་བཏིང་། །གཡས་པ་སྟུ་ཐོགས་ཆེམས་སེ་ཆེམ། །དམ་ཉམས་མགོ་ལུས་ཚལ་པར་ཁོས། །གཡོན་པ་གྲི་ཐོགས་བཤན་པའི་རིགས། །ཉམས་པའི་ལྷུ་དང་དུམ་བུར་ཕྲོལ། །གློ་སྙིང་ནང་རོལ་ཁ་རུ་རྫོག །ཁ་ནས་མེ་འབར་ལམས་སེ་ལམ། །སྣ་ནས་དུད་པ་ཐུ་ལུ་ལུ། །བཤན་པ་ཁྱེད་ཀྱི་དུས་ལ་བབ། །སྲོག་ཟན་ཁྱེད་ཀྱི་དུས་ལ་བབ། །སྐུ་མཆོག་རབ་ཏུ་མི་བསྒྲུབས་ཀྱང་། །རྔམ་པ་ཆེན་པོའི་སྐུ་བསྐྱོད་ཅིང་། །ཧ་ཧོས་སྟོང་ཁམས་ང་རོས་འགེངས། །བདུད་དཔུང་རབ་ཏུ་འཇིགས་པར་བྱེད། །ཡ་མཚན་ཅན་གྱི་ལྷ་མཆོག་ཀྱང་། །ཆེ་བས་པའོ། །དང་པོ་ཡི་ནི་དེ་ཉིད་དང་། །བདུན་པ་ཡི་ནི་དེ་བཞིན་ནོ། །བཅུ་གཅིག་པ་ཡི་གཉིས་པ་ལ། །བདུན་པའི་ན་ཡང་དེ་བཞིན་ནོ། །དང་པོ་ཡི་ནི་དེ་ཉིད་ལ། །བདུན་པོ་དེ་ཉིད་ན་ཡའོ། །གཉིས་པ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པའོ། །དང་པོ་ཡི་ནི་དེ་ཉིད་དང་། །བདུན་པའི་ན་ཡ་དེ་བཞིན་ནོ། །བཅུ་གཅིག་པ་ཡི་གཉིས་པ་ལ། །བདུན་པའི་ན་ཡ་དེ་བཞིན་ནོ། །དང་པོ་ཡི་ནི་དེ་ཉིད་ལ། །བདུན་པའི་དེ་ཉིད་ན་ཡའོ། །བཅུ་གཅིག་པ་ཡི་གཉིས་པ་དང་། །ལྔ་པ་ཡི་ནི་འདོད་མའོ། །ཡི་གེ་དྭ་པོ་དང་པོ་དང་། །གཉིས་པ་ཡི་ནི་དེ་ཉིད་དང་། །བདུན་པ་ཡི་ནི་ན་ཡར་བཅས། །གསུམ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྡེབས། །ཡི་གེ་དྭ་པོ་དང་མོ་ལ། །བཞི་པ་ཡི་ནི་དྭ་མོའོ། །ལྔ་པ་ཡི་ནི་གསུམ་པའོ། །གཉིས་པ་ཡི་ནི་དེ་ཉིད་དང་། །བདུན་པ་ཡི་ནི་ན་ཡར་བཅས། །གསུམ་པ་ཡི་ནི་དེ་ཉིད་ཡིན། །གསུམ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །དྲུག་པ་ཡི་ནི་མ་ཐ་ལ། །བརྒྱད་པ་ཡི་ནི་ན་ཡར་སྦྱར། །དང་པོ་ཡི་ནི་ཐ་མ་དང་། །རིམ་པ་གྲངས་དང་དེ་བཞིན་སྦྱར། །བཞི་པ་ཡི་ནི་ཐ་མ་རྣམ་གཉིས་ལ། །བཞི་པ་ཡི་ནི་དང་མོ་ལ། །དྲུག་པ་ཡི་ནི་དང་པོ་ལ། །བདུན་པའི་ན་ཡངདེབཞིནསྦྱར། །དངཔོ་ཡི་ནི་དེ་ཉིད་དང་། །བརྒྱད་པའི་དེ་ཉིད་དེ་བཞིན་སྦྱར། །ལྔ་པ་ཡི་ནི་གསུམ་པ་དང་། །བརྒྱད་པ་ཡི་ནི་ན་ཡར་སྦྱར། །བཞི་པ་ཡི་ནི་ཐ་མ་དང་། །དྲུག་པ་ཡི་ནི་གསུམ་པ་དང་། །གསུམ་པ་ཡི་ནི་ཐ་མ་དང་། །བཞི་པ་ཡི་ནི་དང་མོ་ལ། །ལྔ་པ་ཡི་ནི་གསུམ་པར་སྦྱར། །ལྔ་པ་ཡི་ནི་གསུམ་པ་ལ། །གསུམ་པ་ཡི་ནི་དང་པོར་སྦྱར། །གསུམ་པ་ཡི་ནི་ཐ་མ་ལ། །བདུན་པ་ཡི་ནི་ན་ཡར་སྦྱར། །དྲུག་པ་ཡི་ནི་ཐ་མ་དང་། །བརྒྱད་པ་ཡི་ནི་ན་ཡར་སྦྱར། །རིམ་པའི་ན་ཡ་དེ་བཞིན་སྦྱར་། །བཞི་པ་ཡི་ནི་གསུམ་པ་དང་། །གསུམ་པ་ཡི་ནི་དང་པོ་སྦྱར། །དྲུག་པ་ཡི་ནི་གསུམ་པ་དང་། །ལྔ་པ་ཡི་ནི་གསུམ་པ་ལ། །བཞི་པ་ཡི་ནི་གསུམ་པར་སྦྱར། །བཞི་པ་ཡི་ནི་གསུམ་པ་ལ། །བདུན་པ་ཡི་ནི་ན་ཡར་སྦྱར། །དང་པོ་ཡི་ནི་གསུམ་པ་གཞག །གསུམ་པའི་ཐ་མ་གཉིས་པོ་དང་། །བཞི་པ་ཡི་ནི་གསུམ་པ་ལ། །དེ་ཉིད་ཀྱི་ནི་ཐ་མར་གཞག །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡར་སྦྱར། །བཅུ་པ་ཡི་ནི་དེ་བཞིན་དུ། །བཞི་པ་ཡི་ནི་ཐ་མར་གཞག །རིམ་པར་སྦྱར་བ་དེ་བཞིན་བྱ། །བཞི་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོར་གཞག །ཡེ་ཤེས་ལྷ་ལ་མཁའ་འགྲོ་ནི། །ཡང་དག་ཉིད་དུ་དེ་བཞིན་བསྒྲུབ། །ཡང་ན་ཕོ་མོ་རྣམ་གཉིས་ཏེ། །རབ་ཏུ་སྦྱོར་ཕྱིར་འདི་ལྟར་བྱ། །དྲུག་པ་ཡི་ནི་དང་པོ་ལ། །བདུན་པ་ཡི་ནི་ན་ཡར་སྦྱར། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པ་དང་། །དང་པོ་ཡི་ནི་ཐ་མར་སྦྱར། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པར་སྦྱར། །དང་པོ་ཡི་ནི་དེ་ཉིད་ལ། །དང་པོ་ཡི་ནི་ཐ་མར་སྦྱར། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པར་སྦྱར། །གཉིས་པ་ཡི་ནི་ཐ་མ་ལ། །དགུ་པ་ཡི་ནི་ན་ཡར་སྦྱར། །ལྔ་པ་ཡི་ནི་དང་མོ་ལ། །དགུ་པ་ཡི་ནི་ན་ཡར་སྦྱར། །དེ་ཉིད་དངོས་སུ་བྱས་ཀྱང་རུང་། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡར་སྦྱར། །དང་མོ་ཡི་ནི་དང་མོ་དང་། །རིམ་མའི་ན་ཡ་ཡང་དག་སྦྱར། །བཞི་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོ་སྦྱར། །ཕོ་མོ་གཉིས་སུ་སྒྱུར་པས་ན། །ལས་སྔགས་རྩ་སྔགས་མཚམས་སུ་སྦྲེལ། །གཅིག་དང་བཞི་དང་དྲུག་རྣམས་ལ། །རིམ་པས་ཕོ་དྲུག་བསྒྲུབས་ཀྱང་རུང་། །དམར་མོ་ལས་སུ་རུང་བྱའི་ཕྱིར། །རྐྱང་པ་དག་ཏུ་གནད་ལ་དབབ། །དེ་ཡིས་ངོ་མཚར་རྟགས་རྣམས་འབྱུང་། །དངོས་སུ་བསྟན་པ་དེ་བཞིན་བྱ། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །བཞི་པ་ཡི་ནི་གསུམ་པ་དང་། །བདུན་པ་ཡི་ནི་ན་ཡར་སྦྱར། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་དང་པོ་ལ། །དགུ་པ་ཡི་ནིན་ཡར་སྦྱར། །བཞི་པ་ཡི་ནི་ཐ་མ་དང་། །གསུམ་པ་ཡི་ནི་དང་པོ་ལ། །བཞི་པ་ཡི་ནི་ཐ་མ་སྦྱང། །གཉིས་པ་ཡི་ནི་ཐ་མ་དང་། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པ་དང་། །ཡི་གེ་དྭ་པོ་དྭ་མོ་ལ། །བདུན་པ་ཡི་ནི་ན་ཡར་སྦྱར། །གསུམ་གའི་ཐ་མ་རྣམ་གཉིས་ཡིན། །ལྷ་སྔགས་ལས་སྔགས་རྣམ་གཉིས་དང་། །དྲེགས་པ་ཕོ་མོའི་དྲག་སྔགས་ཉིད། །གོང་དུ་སྟོནཔདེབཞིནསྦྱར། ་ནའི་ལས་རྣམས་བསྒྲུབ་བྱའི་ཕྱིར། །རྐྱང་པ་དག་ཏུ་བསྟན་པ་ཡིས། །ངོ་མཚར་རྟགས་རྣམས་འབྱུང་བར་འགྱུར། །དང་པོ་ཡི་ནི་དེ་ཉིད་དང་། །གསུམ་པ་ཡི་ནི་དང་པོ་ལ། །དང་པོ་ཡི་ནི་ཐ་མར་སྦྱར། །དང་པོ་ཡི་ནི་དེ་ཉིད་དང་། །གསུམ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །ལྔ་པ་ཡི་ནི་དང་མོ་ལ། །དགུ་པ་ཡི་ནི་ན་ཡར་སྦྱར། །བཞི་པ་ཡི་ནི་ཐ་མ་དང་། །གསུམ་པ་ཡི་ནི་དེ་ཉིད་སྦྱར། །གསུམ་པ་ཡི་ནི་དང་མོ་ལ། །བདུན་པ་ཡི་ནི་ན་ཡར་སྦྱར། །བཞི་པའི་ཐ་མ་རྣམ་གཉིས་དང་། །དང་པོ་ཡི་ནི་དེ་ཉིད་ལ། །ལྔ་པ་ཡི་ནི་གསུམ་པར་སྦྱར། །བཞི་པ་ཡི་ནི་ཐ་མའོ། །ལྷ་སྔགས་ལས་སྔགས་རྣམ་གཉིས་དང་། །དྲེགས་པ་པོ་བདུན་དྲག་སྔགས་གསུམ། །གོང་དུ་བསྟན་པ་དེ་བཞིན་ཏེ། །མ་ནོར་རིམ་པར་སྦྲེལ་བར་བྱ། །ནག་མོས་ལས་རྣམས་བསྒྲུབ་བྱའི་ཕྱིར། །རྐྱང་མ་གནད་ལ་དབབ་པ་སྟེ། །དེ་ཡིས་ངོ་མཚར་རྟགས་རྣམས་འབྱུང་། །མཁའ་འགྲོ་རྣམ་གསུམ་སྔགས་དག་ནི། །རྐྱང་པས་རབ་ཏུ་བསྙེན་པའོ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། མཁའ་འགྲོ་མ་རྐྱང་པ་ཉེ་བར་བསྙེན་པའི་སྔགས་བཏུ་བའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་བཅོམ་ལྡན་འདས་དྲེགས་པ་ཕོ་མོའི་སྔགས་ཐམས་ཅད་གཅིག་ཏུ་དྲིལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །ཡི་གེ་དྭ་པོ་དྭ་མོ་ལ། །བཅུ་པ་ཡི་ནི་ན་ཡར་སྦྱར། །བཞི་པ་ཡི་ནི་ཐ་མར་སྦྱར། །རིམ་པར་སྦྱར་བ་དེ་བཞིན་ནོ། །བཞི་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་གསུམ་པ་སྦྱར། །དང་པོ་ཡི་ནི་དེ་ཉིད་དང་། །བདུན་པ་ཡི་ནི་ན་ཡར་སྦྱར། །ལྔ་པ་ཡི་ནི་ཐ་མ་དང་། །ལྔ་པ་ཡི་ནི་དང་པོའོ། །གཉིས་པ་ཡི་ནི་དང་པོ་ལ། །བདུན་པ་ཡི་ནི་ན་ཡ་དང་། །གསུམ་པ་ཡི་ནི་ཐ་མར་སྦྱར། །གསུམ་པ་ཡི་ནི་དེ་ཉིད་དང་། །གཉིས་པ་ཡི་ནི་དང་པོ་ལ། །བདུན་པ་ཡི་ནི་ན་ཡ་དང་། །གསུམ་པ་ཡི་ནི་ན་ཡར་སྦྱར། །གསུམ་པ་ཡི་ནི་དང་མོ་ལ། །དྲུག་པ་ཡི་ནི་ཐ་མ་དང་། །བརྒྱད་པ་ཡི་ནི་ན་ཡ་དང་། །བཞི་པ་ཡི་ནི་ཐ་མར་སྦྱར། །རིམ་པར་སྦྱར་བ་དེ་ཉིད་དོ། །བཞི་པ་ཡི་ནི་གཉིས་པ་དང་། །གསུམ་པ་ཡི་ནི་དང་མོར་སྦྱར། །བཞི་པ་ཡི་ནི་དང་མོ་ལ། །ལྔ་པ་ཡི་ནི་གསུམ་པ་དང་། །བཞི་པ་ཡི་ནི་དང་མོ་ལ། །བདུན་པ་ཡི་ནི་ན་ཡར་སྦྱར། །གསུམ་པ་ཡི་ནི་དེ་ཉིད་སྦྱར། །གསུམ་པ་ཡི་ནི་དང་མོ་ལ། །གསུམ་པ་ཡི་ནི་ཐ་མར་སྦྱར། །ཡི་གེ་དྲུག་པའི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མ་སྦྱར། །བཞི་པ་ཡི་ནི་གཉིས་པ་ལ། །གསུམ་པ་ཡི་ནི་དང་པོར་སྦྱར། །ཡི་གེ་དྭ་པོ་དྭ་མོ་ལ། །གཉིས་པ་ཡི་ནི་དང་མོ་ལ། །བདུན་པ་ཡི་ནི་ན་ཡ་དང་། །གསུམ་པ་ཡི་ནི་དེ་ཉིད་སྦྱར། །གསུམ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །ཡི་གེ་དྭ་པོ་དྭ་མོ་ལ། །བཞི་པ་ཡི་ནི་དང་མོ་དང་། །ལྔ་པ་ཡི་ནི་གསུམ་པ་དང་། །གཉིས་པ་ཡི་ནི་དང་པོ་ལ། །བདུན་པ་ཡི་ནི་ན་ཡ་དང་། །གསུམ་པ་ཡི་ནི་དེ་ཉིད་སྦྱར། །གསུམ་པ་ཡི་ནི་དང་མོ་ལ། །དགུ་པ་ཡི་ནི་ན་ཡར་སྦྱར། །ལྔ་པ་ཡི་ནི་དང་པོའོ། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །བཞི་པ་ཡི་ནི་གསུམ་པ་ལ། །བདུན་པ་ཡི་ནི་ན་ཡར་སྦྱར། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །ལྔ་པ་ཡི་ནི་དང་པོའོ། །དང་པོ་ཡི་ནི་དེ་ཉིད་དང་། །གསུམ་པ་ཡི་ནི་དང་པོ་ལ། །དང་པོ་ཡི་ནི་ཐ་མར་སྦྱར། །དང་པོ་ཡི་ནི་དེ་ཉིད་དང་། །གསུམ་པ་ཡི་ནི་དེ་ཉིད་ལ། །དགུ་པ་ཡི་ནི་ན་ཡར་བཏགས། །ལྔ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱང་། །ལྔ་པ་ཡི་ནི་དང་པོའོ། །དྲུག་པ་ཡི་ནི་ཐ་མར་སྦྱར། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ན་ཡར་སྦྱར། །བཞི་པའི་ཐ་མ་རྣམ་གཉིས་དང་། །བཞི་པ་ཡི་ནི་དང་མོ་དང་། །དྲུག་པ་ཡི་ནི་དང་མོ་ལ། །བདུན་པ་ཡི་ནི་ན་ཡར་སྦྱར། །དང་པོ་ཡི་ནི་དེ་ཉིད་དང་། །བརྒྱད་པ་ཡི་ནི་ན་ཡར་སྦྱར། །ལྔ་པ་ཡི་ནི་གསུམ་པ་ལ། །བརྒྱད་པ་ཡི་ནི་ན་ཡར་སྦྱར། །བཞི་པ་ཡི་ནི་ཐ་མ་ལ། །གསུམ་པ་ཡི་ནི་དང་པོ་ལ། །བཞི་པ་ཡི་ནི་ཐ་མར་སྦྱར། །གཉིས་པ་ཡི་ནི་ཐ་མ་དང་། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པ་དང་། །ཡི་གེ་དྭ་པོ་དྭ་མོ་ཡང་། །བདུན་པ་ཡི་ནི་ན་ཡར་སྦྱར། །གསུམ་པའི་ཐ་མ་རྣམ་གཉིས་པའོ། །བཞི་པ་ཡི་ནི་ཐ་མ་དང་། །གསུམ་པ་ཡི་ནི་དེ་ཉིད་སྦྱར། །བཞི་པ་ཡི་ནི་ཐ་མ་རྣམ་གཉིས་དང་། །དང་པོ་ཡི་གེ་དེ་ཉིད་ལ། །ལྔ་པ་ཡི་ནི་གསུམ་པར་སྦྱར། །བཞི་པ་ཡི་ནི་ཐ་མའོ། །དྲུག་པ་ཡི་ནི་དང་པོ་ལ། །བདུན་པ་ཡི་ནི་ན་ཡར་སྦྱར། །དང་པོ་ཡི་ནི་དེ་ཉིད་ལ། །ལྔ་པ་ཡི་ནི་གསུམ་པ་དང་། །དང་པོ་ཡི་ནི་ཐ་མར་སྦྱར་། །དང་པོ་ཡི་ནི་དེ་ཉིད་ལ། །དང་པོ་ཡི་ནི་ཐ་མ་སྦྱར། །དང་པོ་ཡི་ནི་དེ་ཉིད་ལ། །ལྔ་པ་ཡི་ནི་གསུམ་པར་སྦྱར། །གཉིས་པ་ཡི་ནི་ཐ་མ་ལ། །དགུ་པ་ཡ་ནི་ན་ཡར་སྦྱར། །ལྔ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་དང་མོ་ལ། །བཞི་པ་ཡི་ནི་ན་ཡར་སྦྱར། །བཞི་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོར་སྦྱར། །དྲུག་པ་ཡི་ནི་ཐ་མ་དང་། །དྲུག་པ་ཡི་ནི་གསུམ་པ་དང་། །ལྔ་པ་ཡི་ནི་གསུམ་པ་དང་། །གསུམ་པ་ཡི་ནི་ཐ་མ་དང་། །དྲུག་པ་ཡི་ནི་ཐ་མ་དང་། །གསུམ་པ་ཡི་ནི་དང་པོ་དང་། །གསུམ་པ་ཡི་ནི་ཐ་མ་དང་། །ཡི་གེ་དྭ་པོ་དྭ་མོ་ལ། །བཅུ་པ་ཡི་ནི་ན་ཡ་དང་། །དང་པོ་ཡི་ནི་ཐ་མ་སྦྱར། །བཞི་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོར་སྦྱར། །བཞི་པ་ཡི་ནི་ཐ་མར་སྦྱར། །ལྔ་པ་ཡི་ནི་གསུམ་པ་དང་། །དྲུག་པ་ཡི་ནི་གསུམ་པ་དང་། །གསུམ་པ་ཡི་ནི་ཐ་མ་དང་། །བཞི་པ་ཡི་ནི་དང་པོ་ལ། །ལྔ་པ་ཡི་ནི་གསུམ་པ་སྦྱར། །བཞི་པ་ཡི་ནི་ཐ་མ་ལ། །ལྔ་པ་ཡི་ནི་གསུམ་པར་སྦྱར། །ལྔ་པ་ཡི་ནི་གསུམ་པ་ལ། །གསུམ་པ་ཡི་ནི་དང་པོ་ཅན་དྲུག་རིམ་པར་སྦྱར། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲེགས་པ་ཅན་དྲག་སྔགས་བཞིའི་སྙིང་པོ་སྟེ་ཉི་ཤུ་རྩ་བརྒྱད་པའོ།། །།དེ་ནས་བཅོམ་ལྡན་འདས་སྐུ་གསུང་ཐུགས་རབ་ཏུ་བྱེ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཡི་གེ་དྭ་པོ་དྭ་མོ་དང་། །གཉིས་པ་ཡི་ནི་དང་པོ་ལ། །བདུན་པ་ཡི་ནི་ན་ཡ་དང་། །གསུམ་པ་ཡི་ནི་དེ་ཉིད་སྦྱར། །གསུམ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །དྲག་པོ་སྐུ་ཡི་སྔགས་སུ་བཤད། །ཡི་གེ་དྭ་པོ་དྭ་མོ་དང་། །བཞི་པ་ཡི་ནི་གསུམ་པ་དང་། །གཉིས་པ་ཡི་ནི་དང་པོ་ལ། །བདུན་པ་ཡི་ནི་ན་ཡར་སྦྱར། །གསུམ་པ་ཡི་ནི་དང་པོ་དང་། །དགུ་པ་ཡི་ནི་ན་ཡར་སྦྱར། །དྲག་པོ་གསུང་གང་་སྔགས་སུ་བཤད། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །བཞི་པ་ཐ་མ་རྣམ་གཉིས་སོ། །དྲག་པོ་ཐུགས་ཀྱི་སྔགས་སུ་བཤད། །བཞི་པ་ཡི་ནི་དང་པོ་དང་། །དྲུག་པ་ཡི་ནི་དང་པོ་ལ། །བདུན་པ་ཡི་ནི་ན་ཡར་སྦྱར། །དང་པོ་ཡི་ནི་དེ་ཉིད་དང་། །བརྒྱད་པ་ཡི་ནི་ན་ཡར་སྦྱར། །ལྔ་པ་ཡི་ནི་གསུམ་པ་ལ། །བརྒྱད་པ་ཡི་ནི་ན་ཡར་སྦྱར། །དྲག་པོ་ཡོན་ཏན་སྔགས་སུ་བཤད། །གཞི་པ་ཡི་ནི་ཐ་མ་ལ། །ལྔ་པ་ཡི་ནི་གསུམ་པ་དང་། །གསུམ་པ་ཡི་ནི་ཐ་མ་དང་། །བཞི་པ་ཡི་ནི་དང་མོ་ལ། །ལྔ་པ་ཡི་ནི་གསུམ་པར་སྦྱར། །ལྔ་པ་ཡི་ནི་གསུམ་པ་ལ། །གསུམ་པ་ཡི་ནི་དང་པོར་སྦྱར། །གསུམ་པ་ཡི་ནི་ཐ་མ་ལ། །བདུན་པ་ཡི་ནི་ན་ཡར་སྦྱར། །དྲུག་པ་ཡི་ནི་ཐ་མ་ལ། །བདུན་པ་ཡི་ནི་ན་ཡར་སྦྱར། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །བཞི་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོར་སྦྱར། །དྲག་པོའི་ཕྲིན་ལས་སྔགས་ཡིན་ཏེ། །འགུགས་བྱེད་བསེ་མོའི་སྔགས་སུ་བཤད། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་དང་པོའོ། །དགུ་པ་ཡི་ནི་ན་ཡར་སྦྱར། །དྲག་པོ་ཐུགས་ཀྱི་སྔགས་སུ་བཤད། །བཞི་པ་ཡི་ནི་གསུམ་པ་དང་། །བདུན་པ་ཡི་ནི་ན་ཡར་སྦྱར། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །དྲག་པོ་གསུང་གི་སྔགས་སུ་བཤད། །བཞི་པ་ཡི་ནི་ཐ་མ་དང་། །གསུམ་པ་ཡི་ནི་དང་པོ་ལ། །བཞི་པའི་ཡང་ནི་ཐ་མར་སྦྱར། །གཉིས་པ་ཡི་ནི་ཐ་མའོ། །དྲག་པོ་སྐུ་ཡི་སྔགས་སུ་བཤད། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པའོ། །དྲག་པོ་ཡོན་ཏན་སྔགས་སུ་བཤད། །ཡི་གེ་དྭ་པོ་དྭ་མོ་ལ། །བདུན་པ་ཡི་ནི་ན་ཡར་སྦྱར། །གསུམ་པའི་ཐ་མ་རྣམ་གཉིས་སོ། །དྲག་པོ་ཕྲིན་ལས་སྔགས་སུ་བཤད། ཁྲ་ན་ལས་ཀྱི་དྲག་སྔགས་འདི། །སྐུ་གསུང་ཐུགས་དང་རབ་ལྡན་པའོ། །དང་པོ་ཡི་ནི་དེ་ཉིད་དང་། །གསུམ་པ་ཡི་ནི་དང་མོ་ལ། །དང་པོ་ཡི་ནི་ཐ་མར་སྦྱར། །དྲག་པོ་གསུང་གི་སྔགས་སུ་བཤད། །དང་པོ་ཡི་ནི་དེ་ཉིད་དང་། །གསུམ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །ལྔ་པ་ཡི་ནི་དང་པོ་ལ། །དགུ་པ་ཡི་ནི་ན་ཡར་སྦྱར། །དྲག་པོ་སྐུ་ཡི་སྔགས་སུ་བཤད། །བཞི་པ་ཡི་ནི་ཐ་མ་ལ། །གསུམ་པ་ཡི་ནི་དེ་ཉིད་སྦྱར། །གསུམ་པ་ཡི་ནི་དང་པོ་ལ། །བདུན་པ་ཡི་ནི་ན་ཡར་སྦྱར། །དྲག་པོ་ཐུགས་ཀྱི་སྔགས་སུ་བཤད། །བཞི་པ་ཡི་ནི་རྣམ་གཉིས་ནི། །དྲག་པོ་ཡོན་ཏན་སྔགས་སུ་བཤད། །དང་པོ་ཡི་ ནི་དེ་ཉིད་ལ། །ལྔ་པ་ཡི་ནི་གསུམ་པར་སྦྱར། །བཞི་པ་ཡི་ནི་ཐ་མའོ། །དྲག་པོའི་ཕྲིན་ལས་སྔགས་སུ་བཤད། །སྐུ་གསུང་ཐུགས་ཀྱི་སྙིང་པོ་འདི། །དོན་གྱིས་བསྟན་པས་གོ་བར་བྱ། །སྤྱི་རུ་འདི་ལྟར་བསྟན་པ་སྟེ། །ཡེ་ཤེས་ལྷ་ཡི་སྔགས་ཉིད་ནི། །ཐམས་ཅད་ཀུན་གྱི་སྐུ་རུ་བཤད། །རང་རང་རྩ་བའི་སྙིང་པོ་འདི། །ཐམས་ཅད་ཀུན་གྱི་ཐུགས་སུ་་བཤད། །རང་རང་སྙིང་པོ་འབྲུ་རེ་ནི། །ཐམས་ཅད་ཀུན་གྱི་གསུང་དུ་བཤད། །རང་རང་ཕྱི་སྐོར་སྙིང་པོ་ནི། །ཐམས་ཅད་ཀུན་གྱི་ཡོན་ཏན་བཤད། །དམ་ཅན་བསེ་མོའི་ལས་སྔགས་ནི། །ཐམས་ཅད་ཕྲིན་ལས་སྔགས་སུ་བཤད། །དེ་ནི་དྲིལ་བའི་སྙིང་པོ་ཡིན། །ཐ་མ་ཡི་ནི་གསུམ་པ་ལ། །བརྒྱད་པ་ཡི་ནི་ན་ཡར་སྦྱར། །ལྔ་པ་ཡི་ནི་གསུམ་པ་ལ། །བརྒྱད་པ་ཡི་ནི་ན་ཡར་སྦྱར། །དེ་ཉིད་དེ་བཞིན་བྱས་པ་དང་། །བཞི་པ་ཡི་ནི་གསུམ་པ་ལ། །གཉིས་པ་ཡི་ནི་གསུམ་པ་ལ། །ལྔ་པ་ཡི་ནི་གསུམ་པར་སྦྱར། ཁུ་ན་ལས་ཀྱི་ཐུན་དུ་བཤད། །བཞི་པའི་ཐ་མ་རྣམ་གཉིས་ལ། །བརྒྱད་སྦྱར། །ཤི་བཀྲམ་གོང་དུ་བསྟན་པ་དང་། །དྲུག་པ་ཡི་ནི་ཐ་མ་དང་། །དེ་ཉིད་ཀྱི་ནི་གསུམ་པ་དང་། །ལྔ་པ་ཡི་ནི་གསུམ་པ་དང་། །གསུམ་པ་ཡི་ནི་ཐ་མ་དང་། །དྲུག་པ་ཡི་ནི་ཐ་མ་དང་། །གསུམ་པ་ཡི་ནི་དང་པོ་དང་། །གསུམ་པ་ཡི་ནི་ཐ་མ་དང་། །དྲུག་པ་ཡི་ནི་ཐ་མ་དང་། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །བཞི་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོར་སྦྱར། །ཡེ་ཤེས་ལྷ་ལ་སྦྲེལ་མི་དགོས། །དེ་ཉིད་གོང་གི་ལས་རྣམས་འགྲུབ། །དྲེགས་པ་ཅན་རྣམས་འགྲུབ་པར་འགྱུར། །རྐྱང་པ་གསུམ་དུ་བསྒྲུབས་ཀྱང་རུང་། །རང་རང་རྫས་ལ་བརྟེན་པར་བྱ། །ཉམ་ང་མེད་པར་སྒྲུབ་འདོད་ལ། །ཡེ་ཤེས་ལྷ་ཡི་སྔགས་ཉིད་ལས། །དེ་ཉིད་གསུམ་གྱི་སྔགས་སྦྲེལ་ལ། །བསེ་མོ་ཉིད་ཀྱང་ལས་སྔགས་གདགས། །དེ་ཉིད་ཉམ་ང་མེད་པར་བསྒྲུབ། །རང་རང་རྫས་ལ་བརྟེན་པའོ། །དྲག་པོ་དྲུག་གི་སྔགས་ཉིད་ནི། །བཏུ་མི་དགོས་ཏེ་རང་རང་གསལ། །ལྷ་དང་དྲེགས་པ་མ་མོ་གསུམ། །གཅིག་ཏུ་བསྡུས་ནས་ཉམ་ང་མེད། །དྲུག་ཏུ་བསྒྲུབས་ཀྱང་དེ་བཞིན་ནམ། །རང་རང་སྔགས་དང་རྫས་བཅས་པས། །ཐེ་ཚོམ་སོམ་ཉི་མེད་པར་འགྲུབ། །དེ་ཡིས་དོན་ཉིད་འགྲུབ་པར་འགྱུར། །རྡོ་རྗེཕུརཔཆེནཔོཡིས། །བཀའ་དང་དམ་ལ་བཏགས་པ་ཡིས། །མཁའ་འགྲོ་སྒོ་སྒོར་བསྒྲུབ་པ་ནི། །གོང་དུ་རྐྱང་པར་བསྟན་པའོ། །ཁྲོ་བཅུ་ལྷ་ཚོགས་རང་སྔགས་ཚང་། །མང་ཉུང་བསྣན་དང་དབྲི་རུ་མེད། །འཁྲུགས་ཤིང་སྡེབ་ཏུ་མེད་པར་བཤད། །ཡི་གེ་དྭ་པོ་དྭ་མོ་ལ། །བཅུ་པ་ཡི་ནི་ན་ཡ་དང་། །བཞི་པ་ཡི་ནི་ཐ་མར་སྦྱར། །ཡེ་ཤེས་ལྷ་དང་མཉམ་སྦྱོར་ནས། །ཡི་གེ་ལྷ་རུ་འགྱུར་བ་ཡིན། །ལྔ་པ་ཡི་ནི་ཐ་མ་ལ། །དང་པོ་ཡི་ནི་ཐ་མར་སྦྱར། ཁྲེས་རབ་ཐབས་ཀྱི་སྔགས་སུ་བཤད། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །ལྔ་པ་ཡི་ནི་ཐ་མ་ལ། །དང་པོ་ཡི་ནི་ཐ་མར་སྦྱར། ཁྲེས་རབ་ཡུམ་གྱི་སྔགས་སུ་བཤད། །དྲུག་པ་ཡི་ནི་ཐ་མ་དང་། །གསུམ་པ་ཡི་ནི་དང་པོ་ལ། །བཞི་པ་ཡི་ནི་ཐ་མ་སྦྱར། །བཞི་པ་ཡི་ནི་གསུམ་པ་དང་། །བཞི་པ་ཡི་ནི་ཐ་མ་རྣམ་གཉིས་སོ། །ཐབས་དང་ཤེས་རབ་གཉིས་མེད་པའི། །ཡབ་ཡུམ་འཛོམས་པའི་སྔགས་སུ་བཤད། །བཞི་པ་ཡི་ནི་ཐ་མ་དང་། །དྲུག་པ་ཡི་ནི་ཐ་མའོ། །མཚོན་པ་ཡི་ནི་སྔགས་སུ་བཤད། །བཞི་པ་ཡི་ནི་ཐ་མ་དང་། །དང་པོ་ཡི་ནི་གསུམ་པར་སྦྱར། །ལྔ་པ་ཡི་ནི་དང་པོའོ། །མཚོན་བྱེད་རུས་ཀྱི་སྔགས་སུ་བཤད། །བཞི་པ་ཡི་ནི་གསུམ་པ་ནི། །དང་པོ་ཡི་ནི་གསུམ་པ་དང་། །བཞི་པ་ཡི་ནི་གསུམ་པ་དང་། །གསུམ་པ་ཡི་ནི་ཐ་མར་སྦྱར། །ཕ་རོལ་ཕྱིན་པ་བཅོམ་ལྡན་འདས། །བདེབརགཤེགསཔའིསྔགས་སུ་བཤད། །དྲུག་པ་ཡི་ནི་དང་པོ་ལ། །བདུན་པ་ཡི་ནི་ན་ཡར་སྦྱར། །དང་པོ་ཡི་ནི་དེ་ཉིད་དང་། །བདུན་པ་ཡི་ནི་ན་ཡ་དང་། །ལྔ་པ་ཡི་ནི་གསུམ་པར་སྦྱར། །ཐབས་ཀྱི་རང་བཞིན་བཅིངས་པའི་སྔགས། །ཡབ་ལས་བྱིན་རླབས་འབྱུང་བར་བཤད། །བཞི་པ་ཡི་ནི་གསུམ་པ་དང་། །བདུན་པ་ཡི་ནི་ན་ཡར་སྦྱར། །དང་པོ་ཡི་ནི་དེ་ཉིད་དང་། །བདུན་པ་ཡི་ནི་ན་ཡ་དང་། །ལྔ་པ་ཡི་ནི་གསུམ་པར་སྦྱར། ཁྲེས་རབ་རང་བཞིན་བཅིངས་པས་ན། །ཡུམ་ལས་བྱིན་གྱིས་བརླབས་པར་བཤད། །བཞི་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ལ། །ལྔ་པ་ཡི་ནི་གསུམ་པར་སྦྱར། །ཐམས་ཅད་རྡོ་རྗེ་ཁྲོ་བོར་འགྱུར། །རྡོ་རྗེ་རིགས་ལས་འབྱུང་བར་བཤད། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པ་དང་། །དྲུག་པ་ཡི་ནི་ཐ་མ་དང་། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །ཡང་གཅིག་དེ་བཞིན་འབྱུང་བར་འགྱུར། །བཞི་པ་ཡི་ནི་གཉིས་པ་ལ། །གསུམ་པ་ཡི་ནི་དང་པོར་སྦྱར། །ཡང་གཅིག་དེ་བཞིན་འབྱུང་བ་འགྱུར། །ཁྲོ་བོ་ཐམས་ཅད་འདུས་པ་སྟེ། །དྲག་པོས་དབང་དུ་བསྡུ་བ་དང་། །སྒྲོལ་བའི་ལས་ཉིད་བྱེད་པར་འགྱུར། །ཡི་གེ་དྭ་པོ་དྭ་མོ་ལ། །བཅུ་པ་ཡི་ནི་ན་ཡ་དང་། །བཞི་པ་ཡི་ནི་ཐ་མར་སྦྱར། །ཡེ་ཤེས་ལྔ་ཡི་ངོ་བོར་འགྱུར། །ཐམས་ཅད་རྩ་བའི་སྔགས་སུ་བཤད། །བཞི་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ལ། །ལྔ་པ་ཡི་ནི་གསུམ་པར་སྦྱར། །རྡོ་རྗེ་ཁྲོ་བོར་འབྱུང་བར་འགྱུར། །ཡི་གེ་དྭ་པོ་དྭ་མོ་ལ། །བཅུ་པ་ཡི་ནི་ན་བྱ། །ཉིད་ལས་མི་གཡོ་ཐུགས་ཀྱི་སྲས། །སྲས་ཀྱི་དམ་པ་རྡོ་རྗེའི་སྐུ། །རྣམ་པ་དྲུག་ཏུ་འབྱུང་བའི་རྟགས། །དང་པོ་ཡི་ནི་དེ་ཉིད་ལ། །བདུན་པ་ཡི་ནི་ན་ཡར་སྦྱར། །ལྔ་པ་ཡི་ནི་ཐ་མ་ལ། །ལྔ་པ་ཡི་ནི་དང་པོའོ། །ཐུགས་ལས་སྤྲུལ་པའི་སྲས་མཆོག་སྟེ། །ཉིད་ལས་མི་གཞན་འབྱུང་བའི་རྟགས། །དྲེགས་པ་འདུལ་བའི་ལྷ་རུ་བཤད། །དྲུག་པ་ཡི་ནི་ཐ་མ་ཡ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །ཡང་གཅིག་དེ་བཞིན་འབྱུང་བར་འགྱུར། །བཞི་པ་ཡི་ནི་གཉིས་པ་ལ། །གསུམ་པ་ཡི་ནི་དང་པོར་སྦྱར། །ཡང་གཅིག་དེ་བཞིན་འབྱུང་བར་འགྱུར། །དྲག་པོའི་ལྷ་ནི་རབ་ཏུ་ཁྲོས། །སྟོང་གསུམ་སྤྲུལ་པས་གང་བར་བཤད། །ཡི་གེ་དྭ་པོ་དྭ་མོ་ལ། །བཅུ་པ་ཡི་ནི་ན་ཡར་དང་། །བཞི་པ་ཡི་ནི་ཐ་མར་སྦྱར། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །ཡེ་ཤེས་ལྔ་དང་རིགས་ལྔ་ལས། །ཅི་ལྟར་འདུལ་བའི་འབྱུང་བའི་རྟགས། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པ་དང་། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །བཞི་པ་ཡི་ནི་གཉིས་པ་ལ། །གསུམ་པ་ཡི་ནི་དང་པོར་སྦྱར། །དྲག་པོའི་ལས་ཀྱི་ཁྲོ་བོ་ཡིས། །དངོས་པོར་རང་གར་འཛིན་པ་སྒྲོལ། །འཁོར་བ་འཛིན་པ་སྒྲོལ་བའི་རྟགས། །བཞི་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ལ། །ལྔ་པ་ཡི་ནི་གསུམ་པར་སྦྱར། །རྡོ་རྗེ་ལས་ཀྱི་ཁྲོ་བོ་ཡིས། །དོན་དམ་དབྱིངས་སུ་དགོད་པར་བྱ། །དྲུག་པ་ལ་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །དང་པོ་ཡི་ནི་དེ་ཉིད་དང་། །ལྔ་པ་ཡི་ནི་གསུམ་པ་དང་། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །འཁོར་བའི་རྣམ་རྟོག་ཀུན་བསྡུས་ནས། །རྩ་མཆོག་བཞིན་དུ་སྲེག་པར་བཤད། །ཡི་གེ་དྭ་པོ་གཉིས་པོ་ཡང་། །སྟོང་པ་ཉིད་ཀྱི་ཡི་གེ་སྟེ། །འཛིན་པ་སྟོང་པ་བསྒྲལ་བར་བཤད། །དེ་ཡིས་ཡང་དག་དོན་རྟོགས་འགྱུར། །དངོས་པོ་འཛིན་པར་རང་རང་སྔགས། །སྟོང་པར་སྒྲོལ་བ་དེ་ཉིད་དོ། །སྔགས་ནི་འཁྲུགས་པ་སྡེབ་པར་བསྟན། །ཨོ་ལམ་ཧུ༷་ལས་ཡབ་དང་ཡུམ། །ཀི་ལི་གོང་དང་ཧུ༷་ཀྭ་ར། །གདུག་པ་འཁོར་བཅས་སྔགས་སུ་བཤད། །ཀི་ལི་འོག་མ་ཕིག་དང་བཅས། །གདུག་བྱེད་སྲས་མཆོག་དྲུག་ཏུ་བཤད། །སྟུམ་བྷ་ཐབས་དང་ཤེས་རབ་སྔགས། །གཉིས་མེད་སྦྱོར་བས་ཉོན་མོངས་སྦྱོང་། །དྲག་པོ་ཡབ་ཡུམ་སྒྲོལ་བར་བཤད། །མོ་ཧ་མིང་ལ་བྷ་ཡ་རུས། །རྟེན་ལ་དབབ་པའི་ལས་སུ་བཤད། །ཛ༷༷ཧུ༷་བ༷་ཧོས་ཕྱག་རྒྱ་བཞི། །རྟེན་དང་གཉིས་སུ་མེད་པར་བཤད། །ཡ༷་དང་ཧུ༷་གིས་བསྡུས་པའི་སྔགས། །ཉོན་མོངས་རང་དབང་མེད་པར་བཤད། །བྷ་ག་བཱན་ནི་བཅོམ་ལྡན་འདས། །སྒྲོལ་བའི་གཙོ་བོ་མིན་པར་བཤད། །ཐྲེ་ཀྲི་ཡབ་དང་བི་ཀྲི་ཡུམ། །གཉིས་མེད་ཡབ་ཡུམ་བྱང་དུ་བཤད། །བཛྲ་ཧུ༷་དང་ཨར་བཅས་པ། །ཡང་དག་དོན་གྱི་འབྲས་བུ་སྟེ། །སྟོང་པ་ཆེན་པོར་སྒྲོལ་བར་བཤད། །རང་རང་འཛིན་པ་ཀུན་བཅོམ་ནས། །དངོས་མེད་ནམ་མཁའི་རང་བཞིན་གནས། །ཆོ་འཕྲུལ་སྣ་ཚོགས་འགྲོ་དོན་མཛད། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲེགས་པ་ཆེན་པོ་དང་སྟོང་པར་བསྒྲལ་བའི་ཡི་གེའི་སྔགས་བཏུ་བའི་ལེའུ་སྟེ་སུམ་ཅུ་པའོ།། །།དེ་ནས་བཅོམ་ལྡན་འདས་དྲག་པོ་གདབ་པའི་སྔགས་བཏུ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །བཞི་པ་ཡི་ནི་དང་པོ་ལ། །ལྔ་པ་ཡི་ནི་གསུམ་པ་དང་། །བཞི་པ་ཡི་ནི་དང་པོ་ལ། །བདུན་པ་ཡི་ནི་ན་ཡར་སྦྱར། །གསུམ་པ་ཡི་ནི་དེ་ཉིད་སྦྱར། །གསུམ་པ་ཡི་ནི་དང་པོ་ལ། །ལྔ་པ་ཡི་ནི་གཉིས་པ་དང་། །གསུམ་པ་ཡི་ནི་ཐ་མར་སྦྱར། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡར་དང་། །དང་པོ་ཡི་ནི་ཐ་མར་སྦྱར། །བཞི་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོ་སྦྱར། །དེ་བཞིན་དེ་ཡིས་ཤེས་པར་བྱ། །བཅོམ་ལྡན་འདས་སུ་གསུངས་པ་སྟེ། །ཕ་རོལ་སྒྲོལ་བའི་གསང་སྔགས་ཡིན། །དྲུག་པ་ཡི་ནི་གསུམ་པ་དང་། །ལྔ་པ་ཡི་ནི་གསུམ་པ་ལ། །བཞི་པ་ཡི་ནི་གསུམ་པར་སྦྱར། །ཡི་གེ་དྭ་པོ་དྭ་མོ་དང་། །གསུམ་པ་ཡི་ནི་ཐ་མ་དང་། །ལྔ་པ་ཡི་ནི་དང་པོའོ། །སྔགས་གཞུག་གོང་དུ་བསྟན་པ་གང་། །ཚངས་པ་དབང་སྡུད་གདུག་པ་ཅན། །རང་རྒྱུད་དངོས་པོར་སྒྲོལ་བར་བཤད། །དྲུག་པོ་ཡི་ནི་ཐ་མ་དང་། །གསུམ་པ་ཡི་ནི་ཐ་མ་དང་། །ཡང་གཅིག་དེ་བཞིན་འབྱུང་བ་དང་། །བཛྲ་ཧུ༷་དང་ཕཊ་དུ་བསྒྱུར། །བརྒྱ་བྱིན་དབང་སྡུད་གདུག་པ་ཅན། །རང་རྒྱུད་དངོས་པོར་སྒྲོལ་བར་བཤད། །གསུམ་པ་ཡི་ནི་དེ་ཉིད་དང་། །བཞི་པ་ཉིད་དུ་བྱས་ཀྱང་རུང་། །དྲུག་པ་ཡི་ནི་ཐ་མ་དང་། །ཡང་གཅིག་དེ་བཞིན་འབྱུང་བ་དང་། །དྲང་སྲོང་དབང་སྡུད་གདུག་པ་ཅན། །རང་རྒྱུད་དངོས་པོར་གྲོལ་བར་བཤད། །བཞི་པ་ཡི་ནི་དང་པོ་དང་། །གཉིས་པ་ཡི་ནི་དང་པོ་དང་། །ཡང་གཅིག་འབྱུང་བ་དེ་བཞིན་དུ། །གཤིན་རྗེ་དབང་སྡུད་གདུག་པ་ཅན། །རང་རྒྱུད་དངོས་པོར་སྒྲོལ་བར་བཤད། །བཞི་པ་ཡི་ནི་དེ་ཉིད་དང་། །གསུམ་པ་ཡི་ནི་ཐ་མར་སྦྱར། །གསུམ་པ་ཡི་ནི་བཞི་པ་དང་། །ཡང་གཅིག་དེ་བཞིན་འབྱུང་བར་འགྱུར། །སྲིན་པོ་དབང་སྡུད་གདུག་པ་ཅན། །རང་རྒྱུད་དངོས་པོར་འཛིན་པ་སྒྲོལ། །སྒྲ་ཡིག་དང་པོ་ན་ཡ་དང་། །དང་པོ་ཡི་ནི་གསུམ་པ་ལ། །ལྔ་པ་ཡི་ནི་གསུམ་པ་དང་། །བདུན་པ་ཡི་ནི་ན་ཡར་སྦྱར། །བཞི་པ་ཡི་ནི་ཐ་མའོ། །ཡང་གཅིག་འབྱུང་བ་དེ་བཞིན་དུ། །ཀླུ་བདུད་དབང་སྡུད་གདུག་པ་འདུལ། །རང་རྒྱུད་དངོས་པོར་འཛིན་པ་སྒྲོལ། །བཞི་པ་ཡི་ན་ཐ་མ་དང་། །གསུམ་པ་ཡི་ནི་དང་པོ་དང་། །ཡང་གཅིག་འབྱུང བ དེ བཞིན དུ། །རླུད ལྷ་དབང་སྡུད་གདུག་པ་འདུལ། །རང་རྒྱུད་དངོས་པོར་འཛིན་པ་གྲོལ། །གཉིས་པ་ཡི་ནི་དང་པོ་ལ། །བདུན་པ་ཡི་ནི་ན་ཡ་དང་། །གསུམ་པ་ཡི་ནི་ཐ་མར་སྦྱར། །གསུམ་པ་ཡི་ནི་བཞི་པའོ། །ཡང་གཅིག་འབྱུང་བ་དེ་བཞིན་དུ། །གནོད་སྤྱིན་དབང་སྡུད་གདུག་པ་འདུལ། །རང་རྒྱུད་དངོས་པོར་འཛིན་པ་སྒྲོལ། །བཞི་པ་ཡི་ནི་གསུམ་པ་དང་། །བདུན་པ་ཡི་ནི་ན་ཡ་དང་། །གསུམ་པ་ཡི་ནི་ཐ་མར་སྦྱར། །གསུམ་པ་ཡི་ནི་བཞི་པ་དང་། །ཡང་གཅིག་འབྱུང་བ་དེ་བཞིན་དུ། །དབང་ལྡན་དབང་སྡུད་གདུག་པ་འདུལ། །རང་རྒྱུད་དངོས་པོར་འཛིན་པ་སྒྲོལ། །གསུམ་པ་ཡི་ནི་དང་པོ་དང་། །དེ་ཉིད་ཀྱི་ནི་གཉིས་པ་དང་། །ལྔ་པ་ཡི་ནི་དང་པོའོ། །ཡང་གཅིག་འབྱུང་བ་དེ་བཞིན་དུ། །ས་བདག་དབང་སྡུད་གདུག་པ་འདུལ། །རང་རྒྱུད་དངོས་པོར་འཛིན་པ་སྒྲོལ། །ཁྲོ་བོ་ཆེན་པོའི་བྱིན་རླབས་ཀྱིས། །འདུལ་བའི་གཉེན་པོ་ལས་ཀྱི་མཆོག །དྲག་པོ་ཉིད་དུ་ཡང་དག་བཤད། །གཉིས་པ་ཡི་ནི་གསུམ་པ་ལ། །བཞི་པ་ཡི་ནི་གསུམ་པར་སྦྱར། །ལྔ་པ་ཡི་ནི་ཐ་མའོ། །ཡང་གཅིག་འབྱུང་བ་དེ་བཞིན་དུ། །བཞི་པ་ཡི་ནི་གསུམ་པ་ལ། །གཉིས་པ་ཡི་ནི་གསུམ་པ་དང་། །ལྔ་པ་ཡི་ནི་དེ་བཞིན་སྦྱར། །ཡེ་ཤེས་ལྷ་ལ་དེ་ཉིད་དང་། །བསེ་མོ་ཉིད་ཀྱི་ལས་སྔགས་གསུམ། །དྲག་པོ་མོ་ཡི་སྔགས་སུ་བཤད། །བཞི་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ལ། །ལྔ་པ་ཡི་ནི་ན་ཡར་སྦྱར། །ལྔ་པ་ཡི་ནི་དང་པོ་ལ། །དང་པོ་ཡི་ནི་གསུམ་པར་སྦྱར། །དྲུག་པ་ཡིན་ནི་དང་པོ་ལ། །དང་པོ་ཡི་ནི་གཉིས་པ་ལ། །ལྔ་པ་ཡི་ནི་གསུམ་པ་དང་། །བཅུ་པ་ཡི་ནི་ན་ཡར་སྦྱར། །གསུམ་པ་ཡི་ནི་བཞི་པ་དང་། །དང་པོ་ཡི་ནི་གཉིས་པ་དང་། །དྲུག་པ་ཡི་ནི་ཐ་མ་ལ། །བདུན་པ་ཡི་ནི་ན་ཡར་སྦྱར། །ཕྱིས་ཀྱང་གཉིས་ཏེ་གསུམ་དུ་འགྱུར། །ཉི་ཤུ་རྩ་གཅིག་གཞུག་ལ་གདགས། །བསྟབ་ཅིང་ཞལ་དུ་གསོལ་བའི་སྔགས། །དྲུག་པ་ཡི་ནི་ཐ་མ་རྣམ་གཉིས་ལ། །མཉེས་པས་རབ་ཏུ་དགྱེས་པར་འགྱུར། །དེ་ཡིས་བདེ་བ་ཆེན་པོར་འགྱུར། །བཅོ་ལྔ་བདུད་ཕོ་མོ་ཡི་སྔགས་ཉིད་ནི། །མོ་སྔགས་ཕོ་རུ་བསྒྱུར་བའི་ཕྱིར། །བཅོ་ལྔ་ཡང་དག་རྣམ་པར་ལྡན། །རང་རང་རྫས་སུ་བསྟན་པར་ཟད། །གང་བསྟན་པ་ཡང་རབ་ཏུ་བསྒྱུར། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་སྒྲོལ་བའི་སྔགས་བཏུ་བའི་ལེའུ་སྟེ་སོ་གཅིག་པའོ།། །།དེ་ནས་བཅོམ་ལྡན་འདས་དྲག་སྔགས་དྲག་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། ཡི་གེ་དྭ་པོ་དྭ་མོ་ལ། །བཅུ་པ་ཡི་ནི་ན་ཡ་དང་། །བཞི་པ་ཡི་ནི་ཐ་མར་སྦྱར། །ལྔ་པ་ཡི་ནི་དང་པོ་ལ། །དང་པོ་ཡི་ནི་ན་ཡར་སྦྱར། ཁྲུག་པ་ཡི་ནི་དང་པོའོ། །དྲུག་པ་ཡི་ནི་དང་པོ་དང་། །ཡི་གེ་དྭ་པོ་ན་ཡ་དང་། །དང་པོ་ཡི་ནི་གསུམ་པ་ལ། །ལྔ་པ་ཡི་ནི་གསུམ་པ་དང་། །བདུན་པ་ཡི་ནི་ན་ཡར་སྦྱར། །ལྔ་པ་ཡི་ནི་གཉིས་པའོ། །བཞི་པ་ཡི་ནི་ཐ་མ་དང་། །ལྔ་པ་ཡི་ནི་གསུམ་པ་དང་། །ལྔ་པ་ཡི་ནི་དང་པོའོ། །ལྔ་པ་ཡི་ནི་གསུམ་པ་ལ། །བཞི་པ་ཡི་ནི་གསུམ་པ་ལ། །གསུམ་པ་ཡི་ནི་དེ་ཉིད་སྦྱར། །དང་པོ་ཡི་ནི་གསུམ་པ་དང་། །བདུན་པ་ཡི་ནི་ན་ཡ་དང་། །དང་པོ་ཡི་ནི་ཐ་མར་སྦྱར། །བཞི་པ་ཡི་ནི་ཐ་མ་ལ། །བདུན་པ་ཡི་ནི་ན་ཡར་སྦྱར། །དྲུག་པ་ཡི་ནི་གསུམ་པ་དང་། །གཉིས་པ་ཡི་ནི་ཐ་མ་ལ། །བདུན་པ་ཡི་ནི་ན་ཡར་སྦྱར། །དང་པོ་ཡི་ནི་ཐ་མའོ། །དང་པོ་ཡི་ནི་གཉིས་པ་དང་། །ལྔ་པ་ཡི་ནི་གསུམ་པ་ལ། །དང་པོ་ཡི་ནི་གསུམ་པར་སྦྱར། །ལྔ་པ་ཡི་ནི་གསུམ་པ་ལ། །བཞི་པ་ཡི་ནི་གསུམ་པར་སྦྱར། །གསུམ་པ་ཡི་ནི་དེ་ཉིད་ཡིན། །གསུམ་པ་ཡི་ནི་དང་པོ་ལ། །ལྔ་པ་འདི་ནི་གསུམ་པ་ལ། །བདུན་པ་ཡི་ནི་ན་ཡར་སྦྱར། །གསུམ་པ་ཡི་ནི་དང་པོ་དང་། །བཞི་པ་ཡི་ནི་ཐ་མ་ལ། །ལྔ་པ་ཡི་ནི་ན་ཡར་སྦྱར། །ཡང་གཅིག་འབྱུང་བ་དེ་བཞིན་ནོ། །བཞི་པ་ཡི་ནི་དང་པོ་ལ། །ལྔ་པ་ཡི་ནི་གསུམ་པ་དང་། །བདུན་པ་ཡི་ནི་ན་ཡར་སྦྱར། །གསུམ་པ་ཡི་ནི་དང་པོ་ལ། །བདུན་པ་ཡི་ནི་ན་ཡར་སྦྱར། །ཡང་གཅིག་འབྱུང་བ་དེ་བཞིན་ནོ། །དྲུག་པ་ཡི་ནི་དང་པོ་ལ། །བརྒྱད་པ་ཡི་ནི་ན་ཡར་སྦྱར། །ལྔ་པ་ཡི་ནི་ཐ་མར་སྦྱར། །ཡང་གཅིག་འབྱུང་བ་དེ་བཞིན་ནི། །བཞི་པ་ཡི་ནི་ཐ་མ་དང་། །གསུམ་པ་ཡི་ནི་དེ་བཞིན་སྦྱར། །དྲུག་པ་ཡི་ནི་དེ་ཉིད་དང་། །ཡི་གེ་དྭ་པོའི་ན་ཡ་དང་། །དང་པོ་ཡི་ནི་གསུམ་པ་ལ། །ལྔ་པ་ཡི་ནི་གསུམ་པ་ལ། །བདུན་པ་ཡི་ནི་ན་ཡར་སྦྱར། །ལྔ་པ་ཡི་ནི་གཉིས་པའོ། །དྲུག་པ་ཡི་ནི་ཐ་མ་ལ། །བརྒྱད་པ་ཡི་ནི་ན་ཡ་དང་། །དང་པོ་ཡི་ནི་གསུམ་པར་སྦྱར། །བཞི་པ་ཡི་ནི་གཉིས་པ་ལ། །གསུམ་པ་ཡི་ནི་དང་པོར་སྦྱར། །མཐིང་ནག་གྲུ་གསུམ་དཀྱིལ་འཁོར་དུ། །གང་ཡིན་ཉམས་པ་སྒྲོལ་བར་བྱེད། །ཐེ་ཚོམ་མེད་པ་རབ་ཏུ་འགྲུབ། །ཐེ་ཚོམ་ཟོས་པ་ཉིད་ན་ནི། །ཉམ་ང་བྱས་པས་དོན་མི་འགྲུབ། །ས་བོན་མེ་ཡིས་ཚིག་པ་འདྲ། །ཏྭ་ལའི་མགོ་བོ་བཅད་པ་བཞིན། །ཉམ་ང་ཅན་གྱིས་སྒྲུབས་མི་དགོས། །ཉམ་ང་མེད་པའི་སེམས་ཀྱིས་སྤྱོད། །སྲོག་གི་འཁོར་ལོའི་ལས་ཉིད་ནི། །ཡེ་ཤེས་སེམས་དཔའི་ཐུགས་ཀ་སྲ །རྡོ་རྗེ་ལྟེ་བའི་བུམ་པ་ལ། །འཁོར་ལོའི་རྩིབས་བརྒྱད་སེར་པོ་ལ། །ཨོ་ནི་བུམ་པའི་ནང་ན་གནས། །མཁའ་འགྲོ་རྣམ་གསུམ་སྙིང་པོ་མང་། །བཀླག་པའི་ཕྱོགས་སུ་དེ་ལ་བསྐོར། །ཕྱི་མའི་ཡི་གེ་ན་ཡ་ནི། ཁྲར་ལྷོའི་འཁོར་ལོའི་རྩིབས་ཉིད་ལ། །བཛྲ་རྡོ་རྗེ་མཚོན་བྱེད་གནས། །དེ་བཞིན་རིམ་པར་ཡང་དག་འབྱུང་། །ཏིང་ངེ་འཛིན་པའི་བྱིན་བརླབས་ལ། །མཁའ་འགྲོ་རྣམ་གསུམ་སྙིང་པོར་ཐིམ། །གོང་དང་འདྲ་བའི་འཁོར་ལོ་ལ། །བདུན་པ་འབྲུ་དགུས་བསྐོར་བར་བརྟགས། །སྔགས་གསུམ་འཁོར་ལོར་བཅས་པ་ལ། །དེ་ཉིད་ལུས་ལ་ཐུགས་ཀར་ཐིམ། །རང་དབང་མེད་དེ་ཡང་ནས་ཡང་། །ཐེ་ཚོམ་མེད་པར་ཆོད་པར་འགྱུར། །ལས་ཀྱི་བྱ་ཐབས་ཕྱི་མར་བཤད། །གནད་ལ་དབབ་པའི་ཚིག་བརྗོད་ཅིང་། །རྡོ་རྗེ་ཐོ་བས་རབ་ཏུ་བརྡུང་། །ཞབས་འོག་དག་ཏུ་བཅུག་ཀྱང་རུང་། །དེ་ཡིས་འགྲོ་བའི་ལས་རྣམས་བྱེད། །རྐྱང་པ་རེ་ལ་དྲག་སྔགས་རེ། །ཡེ་ཤེས་ལྷ་ཡི་སྔགས་ཉིད་ལ། །དམར་པོ་སྐུ་སྔགས་ལས་སྔགས་བཅས། །མ་མོ་ཕྱི་མ་དེ་བཞིན་སྟོན། །རྒྱལ་བ་གཅིག་བསྒྲུབས་ཀུན་ཀྱང་འགྲུབ། །དུར་ཁྲོད་ཆེན་པོའི་གནས་དག་ཏུ། །མཎྜལ་མདའ་གང་བྱས་ནས་སུ། །རྣམ་པ་ལྔ་ཡི་ཆག་ཆག་གདབ། །ཐིག་དང་ཚོན་རྣམས་རིམ་པ་སྟེ། །གྲུ་གསུམ་ཟླ་གམ་མུ་ཁྱུད་ལ། །ཐོད་པ་སྐམ་རློན་བརྩིག་པ་བཏང་། །དབུས་སུ་མཚན་མའི་ཡི་གེ་དགོད། ཁྲར་དུ་སྒོ་བཏོད་རིམ་པ་གསུམ། །དང་པོར་ལྷུ་དུམ་བཅད་སོར་ཁ། །གཉིས་པ་རྒྱུ་ཞགས་བཏང་བའོ། །གསུམ་པ་ལྕགས་ལ་མེ་རི་བཏང་། །དང་པོར་བདེ་གཤེགས་རབ་མཆོད་ལ། །བསྲུང་བར་བྱ་ལ་ཡང་དག་བཤད། །གསུམ་ལས་བྱིན་བརླབས་སྙན་གསན་དང་། །སྤྱན་དྲང་བསྟིམ་དང་དབང་བསྐུར་དང་། །ཕུར་པ་བསྐོར་ཞིང་གཞུག་པ་དང་།ཁ་བཅད་རྫས་གསུམ་མཆོད་པར་དབུལ། །གོང་དུ་སྔགས་དང་ཚིག་སྦྱར་ལ། །གཞུག་པ་སྔགས་ཚིག་གཉིས་སུ་བསྟན། །གཏུན་དང་རྡོ་རྗེ་ཐོ་བ་དང་། །གང་ཡིན་རྫས་རྣམས་ཡང་དག་དགྲམ། །བརྟེན་པ་ལས་བཞིའི་ལས་བྱ་ཞིང་། །དབུལ་དང་གཟིར་བ་སྔགས་ཀྱིས་བྱ། །ཁྱད་པར་ཅན་དང་དྲག་པོ་དང་། །ཁྱད་པར་གཏོར་མ་ལ་སོགས་རྫས། །རིམ་པས་ཡང་དག་དགོད་པར་བྱ། །ཏིངའཛིནཆེནཔོལིབྱིནརླབས་ལས། །གཙོ་བོ་བསྐྱོད་དང་བསྟོད་པ་དང་། །སྙན་གསན་སྤྱན་དྲང་བསྟིམ་པ་དང་། །མཆོད་པ་སྒྲོལ་བྱེད་རྣམ་གཉིས་དང་། །བསྐུལ་དང་སྔགས་ཚིག་བསྟོད་པ་དང་། །ཚིག་ལ་ལས་བཞི་གདབ་པ་དང་། །བསྟབ་པ་ལ་སོགས་དེ་བཞིན་བྱ། །མཚན་མ་བརྟན་པོ་བྱུང་བ་དང་། །བྱེ་བྲག་ཏུ་ནི་ཤེས་པར་བྱ། །བསྙེན་བསྒྲུབ་སྔགས་ཀྱི་ཁྱད་པར་ནི། །དམར་མོ་ལས་སྔགས་གཅིག་གིས་བསྟན། །དེ་ཡིས་མཚན་མ་བྱུང་བ་དང་། །དྲག་པོ་ཉིད་ཀྱི་ཕོ་ཉ་བཏང་། །ལྷ་ཉིད་སྒྲོལ་སྔགས་ལས་སྔགས་བཅས། །དངོས་པོར་འཛིན་པའི་བག་ཆགས་སྒྲོལ། །སྟོང་པའི་དོན་སྟོན་སྔགས་ཀྱི་གནས། །རང་བཞིན་དོན་གྱི་བདེན་པ་བདར། །མི་འཁོར་ཐུན་རྣམས་དེ་བཞིན་བྱ། །མེ་ལ་བསྲེགས་དང་བཀྲ་ཤིས་དང་། །ཚེ་བསྟིམ་རིམ་པ་མ་ནོར་བྱ། །ལས་རྣམས་མ་ལུས་རྫོགས་པར་འགྱུར། །ཧུ༷་སྐུ་མདོག་དུག་མདོག་ནག་པོ་ལ། །བར་བར་སྟང་ཟིལ་བཅག་པ་འདྲ། །མཐིང་ནག་རྔམ་པའི་མདངས་དང་བཅས། །ཞལ་གསུམ་ནག་པོར་འགྱུར་བ་མེད། །བསྒྲུབ་པ་ཆེན་པོ་ལས་ཀྱི་མཆོག །དང་པོར་ཆོས་ཉིད་སྟོང་པའི་དབྱིངས། །བར་དུ་ཐུགས་རྗེ་བྱིན་རླབས་འབྱུང་། །ཐ་མར་གདུག་པ་ཐབས་ཀྱིས་འདུལ། །བདུད་ཀྱི་དམག་དཔུང་རབ་ཏུ་འཇོམས། །ཟ་བྱེད་རྔམས་པས་རབ་ཏུ་ཟ། །ཧ་ཧ་ཧ་ཡི་གདངས་ཀྱིས་ཀྱང་། །ཉོན་མོངས་གདུག་པ་ཟིལ་གྱིས་གནོན། །ཧུ༷་ཧུ༷་ཧུ༷་གིས་སྒྲ་ཕྱུང་བས། །སྲིད་གསུམ་གདུག་པ་དབང་དུ་སྡུད། །ཕཊ་ཕཊ་ང་རོ་དྲག་པོ་ཡིས། །གདུག་པ་ཅན་རྣམས་སྒྲོལ་བར་བྱེད། །ཁྲོ་བོ་རྔམ་ཆེན་ཡེ་ཤེས་སྐུ། །ལྷ་མཆོག་ཆེན་པོ་བདུད་ཀྱི་ཆས། །འདུལ་བའི་ཕྱིར་ན་བདུད་ཆས་གསོལ། །གང་དུ་འདུལ་བ་བདུད་བཞིན་དུ། །ཁྲོས་པའི་མདོག་ཏུ་རྣམ་པར་གནག །ཐུགས་རྗེས་རབ་ཏུ་ཁྲོས་པས་ཀྱང་། །སྟོད་ནི་ཞལ་གསུམ་ཕྱག་དྲུག་པ། །སྔོ་ནག་རབ་ཏུ་འཇིགས་པ་ལ། །ཟ་བྱེད་རྔམ་པའི་ཞལ་གདངས་ཤིང་། །དབྱིངས་དང་ཡེ་ཤེས་དབྱེར་མེད་ལས། །རྡོ་རྗེ་རྩེ་དགུ་རོལ་པའི་ཕྱག །རྩེ་ལྔ་ཡེ་ཤེས་ལྔ་ཡི་ཕྱག །གདུག་བྱེད་མེ་ཡིས་སྲེག་པའི་ཕྱག །ཁ་ཊ༷་དུག་གསུམ་རྩད་གཅོད་ཕྱག །དབྱིངས་དང་ཡེ་ཤེས་གཉིས་མེད་ལས། ཁམས་གསུམ་གདུག་པ་རྩད་གཅོད་རྟགས། །སྨད་ནི་ཟུར་གསུམ་དབལ་དང་ལྡན། །དུག་གསུམ་གནས་སུ་སྒྲོལ་བའི་ཞབས། །མེ་དཔུང་འབར་བའི་ནང་དུ་བཞུགས། །སེར་ནག་མེ་དཔུང་རྒྱས་པའི་རྟགས། །སྟོང་གསུམ་དབང་སྡུད་འཇིགས་པ་ཡིས། །བདུད་དཔུང་དབང་སྡུད་འཇིགས་དང་བྲལ། །སྲིད་པ་གསུམ་ཡང་ཐལ་བར་རློག །ཡ་མཚན་རྨད་དུ་ཆེ་བའི་ལྷ། །བསྐུལ་ནི་བྱིན་རླབས་ཆེན་པོས་བསྐུལ། །འབྱུང་ནི་བདུད་དང་སྲིན་མོ་འབྱུང་། །ཟ་ནི་མི་ཤ་གདངས་སུ་ཟ། །འཐུང་ནི་མི་ཁྲག་མངར་དུ་འཐུང་། །ཐུགས་དམ་གཉེན་པོ་དབྱིངས་ནས་བསྐུལ། །ཀི་ལ་ཡ་ཡི་དངོས་གྲུབ་སྩོལ། །ཧུ༷་དྲག་པོ་སྒྲོལ་བའི་ལྷ་མཆོག་ནི། །དམར་པོ་སྐུ་མདོག་དབང་དུ་སྡུད། །ཞལ་གཅིག་ཆེན་པོའི་སྐུ་ལ་ཕྱག་འཚལ་བསྟོད། །ཡེ་ཤེས་ཆེན་པོའི་སྐུ་ལ་ཕྱག་འཚལ་བསྟོད། །གདུག་བྱེད་སྲིན་པོའི་སྐུ་ལ་ཕྱག་འཚལ་བསྟོད། །འཇོམས་བྱེད་ཆེན་པོའི་སྐུ་ལ་ཕྱག་འཚལ་བསྟོད། །མ་མོ་མངའ་མཛད་ལྷ་ཆེན་ཁྱོད་ལ་ཕྱག་འཚལ་བསྟོད། །མེ་དཔུང་འབར་བའི་དཀྱིལ་འཁོར་ནང་ན་བཞུགས། །ལྗང་ནག་མེ་ཡི་ཕྲིན་ལས་མཐའ་རུ་ཕྱིན། །རྡོ་རྗེ་ཕུར་པ་གཅིག་བཏབ་པས། །དུས་གསུམ་བདེ་གཤེགས་ཐམས་ཅད་ཀྱང་། །བྱིན་རླབས་ཆེན་པོ་ཆར་ལྟར་ཕོབ། །ཞིང་བཅུ་འཁོར་བ་གཏན་ནས་སྐོམས། །ཁྲོས་པའི་ལྷ་མཆོག་དུས་ལ་བབ། །སྙིང་གི་དཀྱིལ་དུ་ཕུར་པ་ཐོབ། །སྐུ་མཆོག་རབ་ཏུ་ཀི་ལ་ཡ། །སྒྲོལ་བའི་ལས་ཉིད་གྲུབ་པར་མཇོད། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲེགས་པ་ཅན་གྱི་ཡི་གེ་བཏུ་བ་དང་། དྲག་པོའི་ལྷ་ལ་བསྟོད་པའི་ལེའུ་སྟེ་སོ་གཉིས་པའོ།། །།དེ་ནས་བཅོམ་ལྡན་འདས་མཁའ་འགྲོ་མ་རབ་ཏུ་མཆོད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། མཁའ་འགྲོ་རྣམ་གསུམ་མཆོད་པ་ཡང་། །གླིང་གསུམ་པ་ཡི་བྷན་དྷ་སྲ །སྙིང་དང་དངས་མ་འབྲས་བུ་དང་། །མི་དབང་འབྲས་བུའི་ཤ་དག་དང་། །གཞོབ་མགོ་སྣ་སྐམ་ལྟོ་སེར་དང་། །ཆུ་ལུག་སྨུག་ནག་གང་ཡང་རུང་། །དམ་རྫས་ཚང་བའི་གཏོར་མ་དང་། །སྨན་དང་རཀྟ་བཅས་པ་ལ། །དང་པོ་དངོས་མེད་སྟོང་པ་ལས། །དཔལ་ཡི་སྐུ་བསྐྱེད་བསྲུང་བ་བྱ། །བྱིན་རླབས་གཞུང་དུ་དེ་བཞིན་བྱ། །ཏིང་འཛིན་ཆེན་པོའི་བྱིན་རླབས་ལས། །དཔའ་བོ་ཆེན་པོའི་སྐུ་བསྐྱེད་པ། །སྙིང་པོ་བརྒྱ་དང་སྟོང་དུ་གདོན། །མཁའ་འགྲོ་རྣམ་གསུམ་སྔགས་ཀྱིས་བསྐྱེད། །སྤྱན་དྲང་རང་རང་སྔགས་རྣམས་ལ། །སྤྱན་དྲང་སྔགས་ཉིད་བཏགས་པ་དང་། །མདུན་གྱི་ནམ་མཁར་བྱོན་པར་གྱུར། །བསྟིམ་མམ་དེ་བཞིན་མཆོད་ཀྱང་རུང་། །བསྟིམ་པ་ཧུ༷་གིས་གཉིས་སུ་མེད། །རྣམ་པ་གསུམ་གྱིས་མཆོད་བྱས་ཏེ། །གང་ཡིན་རྩ་བའི་སྔགས་ཉིད་ལ། །བཏགས་པའི་སྔགས་ཀྱིས་མཆོད་པ་དབུལ། །རྣམ་གསུམ་རིམ་པ་གསུམ་དུ་དབུལ། །མཁའ་འགྲོ་རྣམ་གསུམ་ཕྱག་རྒྱ་ཡང་། །གཙོ་བོ་ནས་བཟུང་རིམ་པ་སྟེ། །རྡོ་རྗེ་དྲག་པོ་གར་ལས་འབྱུང་། །རྡོ་རྗེ་འཕྱར་དང་དུང་དམར་འཐུང་། །སྙིང་གར་གར་དུ་བསྐོར་བར་བྱ། །སྣང་ལ་རང་བཞིན་མེད་པའི་ལྷ། །གཟུགས་བརྙན་འཇའ་ཚོན་ཆུ་ཟླ་དང་། །སྙིང་པོ་བར་མ་ཆད་པ་བྱ། །བསྟོད་པ་བྱ་ཞིང་རབ་ཏུ་བསྐུལ། །དུས་དྲུག་མཆོད་པ་ཡང་དག་བྱ། །བྱ་བའི་རིམ་པ་གོང་བཞིན་ནོ། །ཡང་ནས་ཡང་དུ་རབ་ཏུ་བྱ། །ཐ་མ་འཁོར་གྱི་བློན་མོ་མཆོད། །ཡང་ན་མཁའ་འགྲོ་དབང་ཕྱུག་མཆོད། །ཡང་དེ་མཁའ་འགྲོ་དངོས་ལ་དབུལ། །ཡང་ན་ལང་ཀའི་ཚོགས་ལ་དབུལ། །ཡང་ན་དམར་མོ་ཉིད་ལ་དབུལ། །ཡང་ན་སྐྱེས་བུ་ཉིད་ལ་དབུལ། །གང་དབུལ་ཐོབ་པའི་ལས་ཉིད་བྱ། །ཟིན་ནས་དཔའ་བོ་ཉིད་ལ་བསྡུ། །ངལ་མེད་ཡུན་དུ་བཟླས་པ་བྱ། །དངོས་པོའི་རྫས་ཡང་སྒྱུ་མ་སྟེ། །ལྷ་ཡང་དེ་བཞིན་དངོས་དང་བྲལ། །མེད་པ་མ་ཡིན་སྙིང་པོའི་དོན། །སྙིང་པོ་ནམ་མཁའི་མཐའ་ཡས་ལྟར། །རང་བྱུང་ཡེ་ཤེས་ཆེན་པོའི་དོན། །དང་པོ་གང་ནས་མ་བྱུང་བས། །ཐ་མ་གར་ཡང་འགྲོ་བ་མེད། །སྣང་སྲིད་གཏོར་མའི་རང་བཞིན་ལ། །ཟད་པ་མེད་ཅིང་འཕེལ་བ་མེད། །ཐམས་ཅད་བདུད་རྩིའི་རང་བཞིན་ལ། །སྤང་ཞིང་བླང་བ་གང་ཡང་མེད། །ཐམས་ཅད་དམ་རྫས་རྣམ་ལྔ་ནི། །ཡེ་ཤེས་ལྔ་ཡི་རང་བཞིནཏེ། །ཐམས་ཅད་རྩ་བ་ལྔ་རུ་སྨིན། །སྨན་དུ་མི་འགྱུར་གང་ཡང་མེད། །ལྷ་ཡང་དངོས་མེད་གཞི་རྩ་བྲལ། །རྫས་ཀྱང་དངོས་མེད་གཞི་རྩ་བྲལ། །བེམ་པོ་རིལ་པོ་ཐོ་ཡོར་དང་། །རང་རྒྱུད་འཛིན་པ་གཏིང་ནས་གྲོལ། །དངོས་པོར་བཟུང་དུ་ག་ལ་ཡོད། །འགྲོ་བ་ཞེན་པ་བྲལ་བ་དང་། །ཉོན་མོངས་སེར་སྣ་སྦྱང་བ་དང་། །དྲང་བའི་དོན་དུ་བཟུང་བར་ཟད། །རྒྱལ་བ་བགྲེས་རྒུད་མི་མངའ་ཞིང་། །སྒྲིབ་དང་བསེར་བ་གང་ཡང་མེད། །དེ་ཕྱིར་མཆོད་པ་ངེས་དོན་མེད། །ཐམས་ཅད་རང་རིག་བྱང་སེམས་ལ། །ལྷ་ལ་འབུལ་ཞིང་ཚོགས་བསགས་པ། །ཟག་པར་བཅས་པའི་མཆོད་པ་བཞིན། །འཛིན་མེད་དམིགས་པ་ང་བདག་མེད། །ལེན་བྱེད་འཛིན་པ་མི་དམིགས་ཤིང་། །རྣམ་པ་གསུམ་ཆར་མི་དམིགས་ན། །འབྲས་བུ་ཡེ་ཤེས་ཚོགས་སོགས་འགྱུར། །རྡོ་རྗེཕུརཔཆེནཔོབཤདཔའི་རྒྱུད་ལས། མཁའ་འགྲོ་མའི་གཏོར་མ་བཏང་བའི་ལེའུ་སྟེ་སོ་གསུམ་པའོ།། །།དེ་ནས་བཅོམ་ལྡན་འདས་དབང་རྣམས་བསྐུར་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་རིགས་ཀྱི་དབང་མཆོག་སྟེ། །དབང་རྣམས་ཐོབ་པར་མ་བྱས་ན། །ལས་རྣམས་འབྲས་བུ་མེད་པར་འགྱུར། །དཔེར་ན་ནོར་བུ་རིན་ཆེན་ཡང་། །ཕྱི་དོར་མཆོད་པ་མ་བྱས་ཤིང་། །རྒྱལ་མཚན་རྩེ་ལ་མ་འཕྱར་ན། །རྫས་རྣམས་འབྱུང་བར་ག་ལ་འགྱུར། །དེ་བཞིན་དབང་རྣམས་མ་རྫོགས་པར། །སྣ་ཚོགས་ཤེས་པ་མུ་མེད་ཀྱང་། །འབྲས་བུ་ཡེ་ཤེས་ག་ལ་ཐོབ། དབང་མཆོག་ཐོབ་པར་མ་བྱས་ཤིང་། །བླ་མ་མཉེས་པར་མ་ཐོགས་ན། །རྫ་བྱས་བེའུར་ལུས་པ་འདྲ། །རྫ་ལ་ཚོན་གྱིས་བྱུག་པ་བཞིན། །ཡང་དག་དོན་དང་ལྡན་མི་འགྱུར། །ཧུ༷་འཁོར་བ་བྱང་ཆུབ་ཐོབ་བྱའི་ཕྱིར། །འདོད་པའི་སྟོབས་སུ་གྱུར་པ་ཡིས། །བདེ་བར་གཤེགས་པའི་མཚོན་པ་འདིས། །འཁོར་བའི་དུག་འཇོམས་དབང་ཐོབ་ཤོག །ཧུ༷་རྟོགས་པའི་ཁྱད་པར་མཚོན་བྱེད་པའི། །གབ་པས་རྨོངས་པ་སེལ་བྱེད་པའི། །ལས་ཤན་འབྱེད་པའི་ཕྱག་ཤིང་འདིས། །རྟོགས་ཤིང་ཤེས་པའི་དབང་ཐོབ་ཤོག །ཧུ༷་ཐབས་དང་ཤེས་རབ་གཉིས་མེད་པའི། །རིན་ཆེན་གསེར་བས་ལྷག་པས་ན། །ཡབ་ཡུམ་གཉིས་སུ་མེད་པ་སྟེ། །གཉིས་མེད་སྒྲ་དབྱངས་དབང་ཐོབ་ཤོག །ཧུ༷་ཆོས་རྣམས་ཐུགས་སུ་ཆུད་པ་དང་། །ཐམས་ཅད་རྡོ་རྗེ་སེམས་དཔའ་སྟེ། །འགྲོ་བ་ཀུན་ལ་ཁྱབ་པར་གནས། །བདེགཤེགསསྙིངཔོའི་དབང་ཐོབ་ཤོག །ཧུ༷་ཆོས་སྐུ་ལྷུན་གྲུབ་ཐམས་ཅད་ཐོབ། །འཁོར་བའི་བག་ཆགས་སྦྱོང་མཛད་པ། །བུམ་པ་རྒྱན་ལྡན་འཁོར་བ་སོལ། །ཆོས་རྣམས་ལྷུན་གྲུབ་དབང་ཐོབ་ཤོག །ཧུ༷་རིགས་ལྔ་ཉོན་མོངས་དུག་ལྔ་འཇོམས། །ཡེ་ཤེས་ལྔ་རུ་མཉམ་སྦྱར་ནས། །མཚོན་པས་རང་བཞིན་དབུ་ལ་བཞུགས། །ཡེ་ཤེས་ལྔ་ཡི་དབང་ཐོབ་ཤོག །ཧུ༷་ཅོད་པན་ཆོས་རྣམས་མཚོན་པ་སྟེ། །སྣང་སྲིད་ཆོས་ཀྱི་དར་པོ་ཆེ། །བདེ་གཤེགས་ཀུན་ཀྱང་མཉམ་སྦྱར་བས། །ཅོད་པན་དམ་པའི་དབང་ཐོབ་ཤོག །ཧུ༷་རིགས་ལྔ་རྒྱལ་བས་དོན་མཛད་པའི། །རིགས་ལྔ་མཚོན་ཕྱེད་དམ་པ་དང་། །གང་འདུལ་བསན་པ་རྒྱས་མཛད་པའི། །རིགས་ཀྱི་མཚན་མའི་དབང་ཐོབ་ཤོག །ཧུ༷་ཡི་གེ་འབྲུ་ལྔ་ཡེ་ཤེས་ལྔ། །མཚོན་བྱེད་དོན་གྱི་སྙིང་པོ་སྟེ། །སྙིང་པོ་དམ་པ་ལྷ་ཡི་སྐུ། །འབྲུ་ལྔ་སྙིང་པོའི་དབང་ཐོབ་ཤོག །ཧུ༷་གདུག་པ་འཇོམས་ཤིང་ཡེ་ཤེས་གསལ། །སྐུ་ལྔ་མཚོན་བྱེད་ཕྱག་མཚན་ལྔ། །རྒྱལ་བ་འབྱུང་བའི་རང་རྟགས་ཏེ། །ཕྱག་མཚན་ལྔ་ཡི་དབང་ཐོབ་ཤོག །ཧུ༷་དུག་ལྔའི་མཚོན་གྱིས་མི་ཚུགས་པའི། །གསེར་གྱི་རྡོ་རྗེ་རབ་ཏུ་མཚོན། །དཔའ་རྟུལ་སྟག་གི་རྒྱན་ཆ་ཅན། །འཇོམས་བྱེད་གོ་ཆའི་དབང་ཐོབ་ཤོག །ཧུ༷་དུས་གསུམ་འཕགས་པ་མཆོད་མཛད་པའི། །རིན་ཆེན་མཛེས་སུ་སྡུག་པ་ཡིས། །དང་བའི་སྟོབས་ཀྱིས་མཆོད་པ་ཡི། །མེ་ཏོག་དམ་པའི་དབང་ཐོབ་ཤོག །ཧུ༷་དུས་གསུམ་རྒྱལ་བའི་སྐུ་ཡི་གདུག་པ་སྒྲོལ། །ཟ་བྱེད་ཆེན་མོ་མཆེ་བ་ཅན། །ཕག་གི་མགོ་ཅན་དབང་ཐོབ་ཤོག །ཧུ༷་ཚངས་པ་ཆེན་པོའི་འཁོར་འཇོམས་པ། །གདུག་བྱེད་ཆེན་མོ་རབ་ཏུ་འཇོམས། །གདུག་པ་རྩད་གཅོད་བསམ་སླེབ་མ། །གཤོག་པ་ཅན་གྱི་དབང་ཐོབ་ཤོག །ཧུ༷་རང་བྱུང་རྒྱལ་པོ་དམ་རྫས་ལྔ། །བདུད་རྩི་ཆེན་པོའི་རང་བཞིན་ཏེ། །རྟོགས་ན་རང་བྱུང་སངས་རྒྱས་ལྔ། །བདུད་རྩི་ལྔ་ཡི་དབང་ཐོབ་ཤོག །ཧུ༷་ཁྱད་པར་དཔལ་གྱི་གཏོར་མ་འདི། །འདོད་པའི་ལྷ་མོ་ཆུ་ཟླ་འདྲ། །སྣང་སྲིད་གཏོར་མའི་རང་བཞིན་ཏེ། །ཁྱད་པར་གཏོར་མའི་དབང་ཐོབ་ཤོག །ཧུ༷་རང་བྱུང་རྒྱལ་པོ་ལྷ་ཡི་རྒྱན། །མཛེས་པས་རབ་ཏུ་བརྒྱན་པ་སྟེ། །ལྷ་ལ་རབ་ཏུ་མཛེས་པས་བརྒྱན། །དབུ་རྒྱན་ཅོད་པན་དབང་ཐོབ་ཤོག །ཧུ༷་རྣམ་ཐར་དགུ་དང་རབ་ལྡན་པའི། །ཐེག་པ་དགུ་ཡི་སྒོ་གནས་ནས། །ཁྱད་པར་ཆེན་པོ་ངན་སོང་འཇོམས། །ས་དགུ་གནོན་པའི་དབང་ཐོབ་ཤོག །ཧུ༷་ཡེ་ཤེས་ལྔ་དང་རབ་ལྡན་པའི། །རྡོ་རྗེ་རྩེ་ལྔ་ཡེ་ཤེས་ལྔ། །འགྲོ་བ་ལྔ་ནི་རབ་ཏུ་འདྲེན། །དུག་ལྔ་འཇོམས་པའི་དབང་ཐོབ་ཤོག །ཧུ༷་ཡེ་ཤེས་མེ་དཔུང་འབར་བ་སྟེ། །ཐུགས་མཆོག་རབ་ཏུ་འབར་བའི་རྟགས། །འཁོར་བའི་སྡུག་བསྔལ་ཐམས་ཅད་སྲེག །ཉོན་མོངས་སྲེག་པའི་དབང་ཐོབ་ཤོག །ཧུ༷་མཚོན་གྱི་རྒྱལ་པོས་དུ་ཏྲ་སྒྲོལ། །སྐུ་གསུམ་ལྷུན་གྲུབ་རྩེ་མོས་མཚན། །ངན་སོང་གསུམ་པོ་རྟག་ཏུ་སྒྲོལ། །དུག་གསུམ་རྩད་གཅོད་དབང་ཐོབ་ཤོག །ཧུ༷་ཐུགས་རྗེའི་ཕུར་པས་གདུག་པ་འདུལ། །བགེགས་ཀྱི་རྒྱལ་པོ་སྒྲོལ་མཛད་པ། །འཁོར་བ་བདར་གཅོད་དབྱིངས་སུ་སྒྲོལ། །གདུག་པ་འདུལ་བའི་དབང་ཐོབ་ཤོག །ཧུ༷་ཞག་གི་ཟོ་རིས་དམ་རྫས་བཅུད་ཀྱི་རྒྱན། །ཐལ་ཆེན་ཚོམ་བུ་འཁོར་བ་འཇོམས་པའི་རྟགས། །རཀྟའི་ཐིག་ལེ་ཐུགས་རྗེ་ཆགས་པའི་རྟགས། །མཚན་མ་རྣམ་པ་གསུམ་གྱི་དབང་ཐོབ་ཤོག །ཧུ༷་ཐོད་པ་རློན་པ་ཆོས་ཀྱི་སྐུ་ཡི་རྟགས། །ཐོད་པ་སྐམ་པོ་ལོངས་སྤྱོད་རྫོགས་པའི་རྟགས། །ཐོད་པ་ཚལ་བུ་སྤྲུལ་པ་སྐུ་ཡི་རྟགས། །སྐུ་གསུམ་མཚོན་བྱེད་ཐོད་པའི་དབང་ཐོབ་ཤོག །ཧུ༷་རིགས་བཞི་ཀླུ་རྣམས་མ་ལུས་འདུལ་བའི་རྟགས། །གདུག་པ་སྦྲུལ་ནི་རིགས་བཞིས་སྐུ་ལ་བརྒྱན། །ཞེ་སྡང་ཆེན་པོ་གནས་སུ་འཇོམས་མཛད་པ། །གདུག་པ་ཆས་ཀྱི་དབང་རྣམས་ཐོབ་པར་ཤོག །ཧུ༷་ཡེ་ཤེས་མེ་དཔུང་འཁོར་བ་སྲེག་པའི་རྟགས། །ཡེ་ཤེས་མེ་རི་ལྗང་སེར་དམར་པོའི་འོད། །མདོར་ན་ཡེ་ཤེས་ལྔ་ཡི་རང་བཞིན་ཏེ། །དུག་ལྔ་སྲེག་པའི་དབང་རྣམས་ཐོབ་པར་ཤོག །ཧུ༷་ཁམ་ནག་རལ་པ་ཀུན་གྱི་རྒྱན་དུ་བཅིངས། །སྲིད་པའི་རྩེ་མོ་ཟིལ་གྱིས་གནོན་པའི་རྟགས། །གཏི་མུག་ཆེན་པོ་རྩད་ནས་བཅད་ནས་ཀྱང་། །དབུ་སྐྲ་རལ་པའི་དབང་མཆོག་ཐོབ་པར་ཤོག །ཧུ༷་ཚོན་གང་སྐུ་ཡི་བ་སྤུའི་བུ་ག་རྣམས། །ཐུགས་རྗེ་ཆེན་པོའི་བྱིན་རླབས་ཅིར་ཡང་སྣང་། །རྡོ་རྗེ་ཕུར་པ་རབ་ཏུ་ཀི་ལ་ཡ། །གདུག་པ་འཇོམས་པའི་ལྷ་རྣམས་དབང་ཐོབ་ཤོག །ཧུ༷་ཡེ་ཤེས་རྡོ་རྗེ་རབ་ཏུ་འབར་བ་ཡིས། །རྡོ་རྗེ་གཤོག་པས་ཁམས་གསུམ་ཟིལ་གྱིས་གནོན། །གདུག་བྱེད་རང་དབྱུང་མེད་པར་གནོན་མཛད་པར། །རྡོ་རྗེ་གཤོག་པའི་དབང་མཆོག་ཐོབ་པར་ཤོག །ཧུ༷་ཞིང་ཆེན་གཡང་གཞིས་འདོད་ཆགས་རྩད་ནས་གཅོད། །གླང་ཆེན་ཀོ་རློན་ཐུགས་རྗེ་སྟོབས་ཀྱི་བདག །སྟག་ཤམ་ཕྲིན་ལས་ཐམས་ཅད་རྒྱས་པའི་རྟགས། །བདུད་ཆས་དཔའ་བོའི་དབང་རྣམས་ཐོབ་པར་ཤོག །ཧུ༷་རྡོ་རྗེ་ཐོད་ཁྲག་རབ་ཏུ་གསོལ་བ་ཡིས། ཁམས་གསུམ་ཆགས་པ་རབ་ཏུ་ཞི་བར་མཛད། །འདོད་ཆགས་རྩད་ནས་གཅོད་བྱེད་ཐོད་པའི་ཁྲག །རཀྟ་ཆེན་པོའི་དབང་མཆོག་ཐོབ་པར་ཤོག །ཧུ༷་ཅོད་པན་དམར་སྔོ་རབ་ཏུ་འཕུར་བྱེད་པའི། །ཐབས་དང་ཤེས་རབ་སྣ་གཉིས་ཚོན་དུ་ལྡན། །འཁོར་བ་དབྱིངས་སུ་འདྲེན་པའི་མཚན་མ་སྟེ། །རབ་ཏུ་བརྒྱན་པའི་དབང་མཆོག་ཐོབ་པར་ཤོག །ཧུ༷་དུས་གསུམ་རྒྱལ་བ་མ་ལུས་མཉེས་མཛད་པ། ཁམས་གསུམ་འཁོར་བའི་བག་ཆགས་སྤྱོད་མཛད་པའི། །ལྷ་མོ་ལྔ་དང་ལྡན་པའི་མཆོད་པ་ཡིས། །མཆོད་པ་རྒྱ་ཆེར་མཆོད་པའི་དབང་ཐོབ་ཤོག །ཧུ༷་དངོས་མེད་སྐུ་ལ་རྒྱལ་བར་བཞེངས་མཛད་པའི། །བཟླས་བརྗོད་གྲངས་ཀྱི་སྙིང་པོ་རབ་ཏུ་འབུལ། །ཐུགས་དམ་ཆེན་པོ་བསྙེན་པ་འབུལ་བའི་རྟེན། །བཟླས་བརྗོད་བསྙེན་པའི་དབང་རྣམས་ཐོབ་པར་ཤོག །ཧུ༷་འཇིག་རྟེན་ཁམས་རྣམས་དབང་དུ་སྡུད་པ་ཡི། །ལྕགས་ཀྱི་སྤྱང་མོ་ཁམས་གསུམ་དབང་དུ་སྡུད། །མངགས་པས་ཕོ་ཉའི་ཚུལ་ཏེ་རྔམ་པའི་གདངས། །དབང་སྡུད་དམ་ཅན་དབང་མཆོག་ཐོབ་པར་ཤོག །ཁྱི་མོ་རལ་བས་ཁམས་གསུམ་དངངས་པའི་བདག །ཁམས་གསུམ་ཟས་སུ་ཟ་བའི་རྐན་སྒྲ་ཅན། །སྲིད་གསུམ་སྐོམ་དུ་འཐུང་བའི་ཧུབ་སྒྲ་ཅན། །དམ་ཅན་མཁའ་འགྲོའི་དབང་མཆོག་ཐོབ་པར་ཤོག །ཧུ༷་འཕར་བ་ལྕེ་བརྒྱད་སྣང་སྲིད་སིལ་བུར་འདོན། །ཁམས་གསུམ་ཀུན་ཏུ་ཕྱོགས་བཞིའི་དམག་དཔུང་འཇོམས། །ང་རོ་ཆེན་པོ་ཕྱོགས་བཅུ་ཀུན་ཏུ་སྒྲོགས། །མཁའ་འགྲོ་རྒྱས་པའི་དབང་མཆོག་ཐོབ་པར་ཤོག །ཧུ༷་ཟངས་ཀྱི་ཝ་མོས་སྣང་སྲིད་གདུག་པ་འདུལ། །རི་རབ་རྩེ་ནས་སྙིལ་བའི་དབང་མོ་ཆེ། །ཙིསྟ་དོན་སྙིང་ཟ་བའི་རྐན་སྒྲ་ཅན། །དབང་སྡུད་མཁའ་འགྲོའི་དབང་མཆོག་ཐོབ་པར་ཤོག །ཧུ༷་ཁམས་གསུམ་ནད་ཀྱི་བདག་མོ་དབང་སྒྱུར་མ། །འཇིག་རྟེན་ཁམས་ཀུན་ཁྱབ་པའི་བྱ་མ་རྟ། །མི་ཕྱུགས་ཀུན་ལ་མངའ་མཛད་དབང་མོ་ཆེ། །གདུག་པ་མ་མོའི་དབང་རྣམས་ཐོབ་པར་ཤོག །ཧུ༷་དུས་གསུམ་ཀུན་ཏུ་རྒྱལ་བའི་སྐུ་བརྙེས་པ། །བསྟན་པ་རྒྱས་པའི་སླད་དུ་ཕྲིན་ལས་མཛད། །སེར་ནག་ཆེན་མོ་ཁམས་གསུམ་ཀུན་གྱི་བདག །མཁའ་འགྲོ་དབང་སྡུད་དབང་རྣམས་ཐོབ་པར་་།ག །ཧུ༷་ལས་སུ་ཤ་ཁྲག་རོ་ལ་རྔམ་པའི་ཡུམ། ཁྲག་འཐུང་དམར་ནག་སྲིད་གསུམ་དབང་དུ་སྡུད། །སྟོང་ཁམས་དགེ་སྡིག་བྱ་ར་བྱེད་པའི་ཡུམ། །དད་པ་སྟོབས་ལྡན་མཁའ་འགྲོའི་དབང་ཐོབ་ཤོག །ཧུ༷་ཕྲིན་ལས་སྣ་ཚོགས་མཐར་ཕྱིན་གྲུབ་པ་མོ། །རྒྱ་མཚོའི་གཏིང་གི་ཀླུ་རྣམས་འཁྲུག་བྱེད་མ། །ལྗང་ནག་ཆེན་མོའི་ཕྲིན་ལས་མཐར་ཕྱིན་མ། །མཁའ་འགྲོ་མཐུ་ཡི་དབང་རྣམས་ཐོབ་པར་ཤོག །ཧུ༷་བདུད་ཀྱི་རིགས་རྣམས་དབང་དུ་སྡུད་མཛད་མ། །མཐིང་ནག་བདུད་ཀྱི་ཆས་སུ་རབ་ཏུ་ཞུགས། ཁམས་གསུམ་བདུད་དཔུང་འཇོམས་པའི་དབང་མོ་ཆེ། །གདུག་པ་བདུད་འདུལ་དབང་རྣམས་ཐོབ་པར་ཤོག །ཧུ༷་འཇིག་རྟེན་གནོད་བྱེད་རབ་ཏུ་འདུལ་མཛད་མ། །སེར་བས་རྒྱས་པའི་རང་བཞིན་མཚོན་མཛད་མ། །ཀི་ཀང་ལས་ཀྱིས་བསྐལ་པར་འདུལ་མཛད་མ། །མཁའ་འགྲོ་མཐུ་བྱིན་དབང་རྣམས་ཐོབ་པར་ཤོག །ཧུ༷་ཁམས་གསུམ་གང་འདུལ་དབང་གི་བདག་མོ་སྟེ། །རསྒ་སྲིན་པོ་ཟ་བྱེད་དབང་དུ་སྡུད། །དཔལ་གྱི་བཀའ་ཉན་ཁྲག་གི་དྲི་སྣོམ་མ། །དབང་ཕྱུག་ཆེན་མོའི་དབང་རྣམས་ཐོབ་པར་ཤོག །ཧུ༷་གདུག་པ་ཀླུ་རྣམས་རབ་ཏུ་འདུལ་མཛད་མ། །ནད་ངན་ཕྲིན་ལས་དབང་གི་བདག་མོ་སྟེ། །ཀླུ་ལ་མངའ་མཛད་ནད་ཀྱི་བདག་མོ་ཡང་། །ལས་རྣམས་མཐར་ཕྱིན་དབང་རྣམས་ཐོབ་པརཤོག །ཧུ༷་འཇིག་རྟེན་དྲེགས་པ་འདུལ་བའི་ལས་མཛད་མ། །གྲངས་དང་ལྡན་པ་མ་ནོར་རིམ་པར་ལྡན། །རྣམ་བཞི་རྟོགས་པའི་ཁྱད་པར་སྟོན་མཛད་པ། །ཡང་དག་དོན་དང་ལྡན་པའི་དབང་ཐོབ་ཤོག །ཧུ༷་ཐུགས་མཆོག་རང་བྱུང་ཡེ་ཤེས་འོད་དང་ལྡན། །འཁོར་བའི་མུན་པ་མ་ལུས་སེལ་མཛད་པ། །རྒྱལ་བའི་ཐུགས་ལ་ཉོན་མོངས་ཉེས་པ་མེད། །སྣང་བ་མར་མེའི་དབང་རྣམས་ཐོབ་པར་ཤོག །ཧུ༷་གདུག་པ་ཆེན་པོ་ཐབས་ཀྱིས་འདུལ་མཛད་པ། །མཐིང་ནག་དྲག་པོས་ཐམས་ཅད་འཇོམས་པའི་སྐུ། །ཞལ་གསུམ་ཕྱག་དྲུག་ཟུར་གསུམ་དབལ་དང་ལྡན། །སྒྲུབ་པ་དྲག་པོའི་དབང་རྣམས་ཐོབ་པར་ཤོག །ཧུ༷་ཉུང་དཀར་རྒྱལ་པོས་ཐམས་ཅད་སྒྲོལ་བའི་དབང་། །ཁྲོ་བོའི་རྒྱལ་པོ་འབུམ་ཕྲག་བསམ་ལས་འདས། །སྟོང་གསུམ་ཁྲོ་བོས་དུས་གཅིག་ཁེངས་མཛད་པ། ་་་དཀར་རྒྱལ་པོ་སྒྲོལ་བའི་དབང་རྣམས་ཐོབ་པར་ཤོག །ཧུ༷་གུ་གུལ་སྦྱར་བའི་རྫས་ཀྱི་དམ་པ་སྟེ། །ཡེ་ཤེས་ལྔ་བརྙེས་ཉེས་བྱེད་རྟེན་དང་འབྲལ། །རབ་ཏུ་བསྒྲུབས་པས་འོད་དང་དུ་བར་ལྡན། །དྲག་པོ་རྫས་ཀྱི་དབང་རྣམས་ཐོབ་པར་ཤོག །ཧུ༷་དུར་ཁྲོད་ཆེན་པོའི་གཞལ་ཡས་ལྷུན་གྱིས་གྲུབ། །རང་བཞིན་ཡེ་ཤེས་ལྷ་རྣམས་བཞུགས་པའི་རྟེན། །མཐིང་ནག་གྲུ་གསུམ་ཕོ་བྲང་དབུས་གསལ་བའི། །ཕོ་བྲང་ཆེན་པོའི་དབང་རྣམས་ཐོབ་པར་ཤོག །ཧུ༷་འཁོར་བ་ཉོན་མོངས་མ་ལུས་སྲེག་པ་སྟེ། །མེ་ཡི་རྒྱལ་པོ་དྲང་སྲོང་རབ་ཏུ་འབར། །ཐམས་ཅད་སྲེག་པར་བྱེད་པ་མེ་ཡི་དབང་། །ཉོན་མོངས་རང་རྒྱུད་སྲེག་པའི་དབང་རྣམས་ཐོབ་པར་ཤོག །ཧུ༷་ཐབས་དང་ཤེས་རབ་ཟུང་དུ་འབྲེལ་པའི་རྟགས། །དྲག་པོ་ཧོམ་ལ་རབ་ཏུ་མཆོད་པར་བྱེད། །སྲེག་བྱེད་དྲང་སྲོང་མཉེས་པའི་མཆོད་པ་འབུལ། །མཆོད་འབུལ་དགང་བླུག་དབང་རྣམས་ཐོབ་པར་ཤོག །ཧུ༷་ཞེ་སྡང་ཆེན་པོ་རབ་ཏུ་གནོན་མཛད་པ། །རྡོ་རྗེ་རྒྱ་གྲམ་ཕྲིན་ལས་མཐར་ཕྱིན་པ། །གང་ལ་བྱ་བའི་ལས་ཉིད་གདོན་མི་ཟ། །གནོན་བྱེད་རྒྱ་གྲམ་དབང་རྣམས་ཐོབ་པར་ཤོག །ཧུ༷་གཟས་པ་བསྒྲལ་བའི་ཞིང་བཅུར་གྱུར་པ་ལ། །རྟེན་དང་ཕྲལ་བའི་ཕྲ་མར་རབ་ཏུ་བསྔགས། །རང་གི་རྫས་ལ་དབྱེ་བའི་དབང་དང་ལྡན། །ཞིང་བཅུ་དབྱེ་བའི་དབང་རྣམས་ཐོབ་པར་ཤོག །ཧུ༷་ཕྱེ་ནས་རབ་ཏུ་བསྒྲལ་བའི་དོན་མཛད་པ། །ང་རྒྱལ་རང་ཁར་འཛིན་པ་སྒྲོལ་མཛད་པ། །ཞེ་སྡང་རང་རྒྱུད་ངན་སོང་གནས་སུ་ལྟུང་། །སྟོང་པ་ཆེན་པོར་སྒྲོལ་བའི་དབང་ཐོབ་ཤོག །ཧུ༷་གཏི་མུག་ཤ་ཡི་མཆོད་པ་རི་རབ་ཙམ། །འདོད་ཆགས་ཁྲག་གི་རྒྱ་མཚོ་ཀྱི་ལི་ལི། །ཞེ་སྡང་རུས་པའི་མཆོད་པ་ཁྲ་ལ་ལ། །དུག་གསུམ་ཞལ་དུ་གསོལ་བའི་དབང་ཐོབ་ཤོག །ཧུ༷་ཁམས་གསུམ་དབང་དུ་སྡུད་མཛད་སྒྲོལ་བྱེད་སྐུ། །ཉོན་མོངས་ཐང་གཅིག་ཡུད་ལ་སྒྲོལ་མཛད་པ། །རྡོ་རྗེ་ཕུར་པ་ཞིང་བཅུ་སྒྲོལ་བའི་ལྷ། ཁམས་གསུམ་དབྱིངས་སུ་སྒྲོལ་བའི་དབང་ཐོབ་ཤོག །རྡོ་རྗེ་ཕུར་པ་རབ་ཏུ་ཀི་ལ་ཡ། །ཞིང་བཅུ་སྒྲོལ་མཛད་བཛྲ་ཀི་ལ་ཡ། །རྭ་ཏྲ་གནས་སུ་སྒྲོལ་མཛད་བཛྲ་ཀི་ལ་ཡ། །ཉོན་མོངས་དབྱིངས་སུ་སྒྲོལ་བའི་དབང་ཐོབ་ཤོག །ཧུ༷་འཁོར་བ་རང་རྒྱུད་ངན་སོང་དབྱིངས་སུ་འ་ས། །འཛིན་པ་སྒྲོལ་ཕྱིར་མཚོན་གྱི་རྒྱལ་པོ་དང་། །མཁའ་འགྲོ་གདུག་བྱེད་ཕྱག་ཆས་དབྱིངས་སུ་སྒྲོལ། །འཇོམས་བྱེད་མཚོན་གྱི་དབང་མཆོག་ཐོབ་པར་ཤོག །ཧུ༷་དྲག་པོ་མཚོན་གྱི་རྒྱལ་པོ་གཏོར་མ་ལ། །ངར་འཛིན་རབ་ཏུ་བརྟས་པས་གཅོད་པར་བྱེད། །ཐབས་དང་ཤེས་རབ་ལྡན་པའི་ཟངས་དང་ལྕགས། །གཅོད་བྱེད་རལ་གྲིའི་དབང་རྣམས་ཐོབ་པར་ཤོག །ཧུ༷་ཉོན་མོངས་དུག་ལྔ་དྲུག་གིས་འཐིབས་པར་བྱེད། །རུལ་ཅིང་མྱགས་པས་འཁོར་བ་གཏིང་ནས་སྐེམས། །གཉེན་པོའི་དབང་དུ་ཐབས་ལས་དེ་ལྟར་སྣང་། །ཉོན་མོངས་ཞེན་པ་སྒྲོལ་བའི་དབང་ཐོབ་ཤོག །ཧུ༷་ཁྱད་པར་ཆེན་པོ་འབར་བས་ཞེན་པ་གཅོད། །སྣ་ལྔས་མཚོན་ལས་ནད་ལྔས་འཁོར་བ་ཉེན། །དེ་ཉིད་རྒྱལ་བས་བྱིན་རླབས་རབ་ཏུ་གསུངས། །ཞེན་པ་གཅོད་པའི་དབང་རྣམས་ཐོབ་པར་ཤོག །ཧུ༷་ག་་ཁུང་གྲུ་གསུམ་ཡུམ་གྱི་མཁའ་དབྱིངས་སུ། །རིག་པ་ཡེ་ཤེས་ཡབ་ཀྱི་རྡོ་རྗེ་འདི། །ཐབས་དང་ཤེས་རབ་གཉིས་སུ་མེད་པའི་རྟགས། །རྡོ་རྗེ་ཐོ་བའི་དབང་རྣམས་ཐོབ་པར་ཤོག །ཧུ༷་ཁམས་གསུམ་གདུག་པ་མ་ལུས་འདུལ་བའི་ཕྱིར། །འབྲེལ་པའི་ལྷ་མཆོག་བཛྲ་ཀི་ལ་ཡ། །གང་ཡིན་སྟོང་བྱེད་མཐུ་འཕྲོག་བཛྲ་ཀི་ལ་ཡ། །གདུག་བྱེད་སྟོབས་དང་བྲལ་བའི་དབང་ཐོབ་ཤོག །ཧུ༷་ཁམས་གསུམ་ཉོན་མོངས་གནས་སུ་དྲང་བའི་ཕྱིར། །རབ་ཏུ་འགུགས་བྱེད་བཛྲ་ཀི་ལ་ཡ། །ཉོན་མོངས་ཞིང་བཅུ་གནས་སུ་འདྲེན་མཛད་པ། །ཉོན་མོངས་གདུག་པའི་དབང་རྣམས་ཐོབ་པར་ཤོག །ཧུ༷་ཉོན་མོངས་རང་གར་མི་གཏང་བཅིང་བའི་ཕྱིར། །རབ་ཏུ་འཆིང་བྱེད་བཛྲ་ཀི་ལ་ཡ། །ཞིང་བཅུ་འཆིང་བྱེད་བཛྲ་ཀི་ལ་ཡ། །ཉོན་མོངས་འཆིང་བའི་དབང་རྣམས་ཐོབ་པར་ཤོག །ཧུ༷་གདུག་པ་ཅན་རྣམས་རབ་ཏུ་འདུལ་བའི་ཕྱིར། །སྨྱོ་བྱེད་ཆེན་པོ་བཛྲ་ཀི་ལ་ཡ། །ཉོན་མོངས་འཇོམས་ཕྱིར་བཛྲ་ཀི་ལ་ཡ། །སྨྱོ་བྱེད་ཆེན་པོའི་དབང་རྣམས་ཐོབ་པར་ཤོག །ཧུ༷་གདུག་པ་ཐབས་ཀྱིས་སྒྲོལ་བ་འཇིགས་པའི་སྐུ། །ཉོན་མོངས་སྒྲོལ་བྱེད་བཛྲ་ཀི་ལ་ཡ། །ཞེན་པའི་དངོས་པོ་རབ་ཏུ་གཅོད་བྱེད་པའི། །སྒྲོལ་བ་ཆེན་པོའི་དབང་རྣམས་ཐོབ་པར་ཤོག །ཧུ༷་གདོས་པའི་དངོས་པོ་བརླག་པར་བྱ་བའི་ཕྱིར། །སྟོབ་བྱེད་ཆེན་མོ་བཛྲ་ཀི་ལ་ཡ། །གདངས་པའི་ཞལ་དུ་ཉོན་མོངས་སྟོབ་བྱེད་པ། །སྟོབ་བྱེད་ཆེན་པོའི་དབང་རྣམས་ཐོབ་པར་ཤོག །དངོས་གྲུབ་དམ་པ་ལྷ་ཡི་ལྷ། །དུར་ཁྲོད་ཆེན་པོའི་གཞལ་ཡས་དམ་པ་འདིར། །དུར་ཁྲོད་རྫས་ལ་བརྟེན་ཏེ་བསྒྲུབས་ལགས་ན། །སྣང་སྲིད་བྱམས་པའི་དངོས་གྲུབ་སྩལ་དུ་གསོལ། །ཡེ་ཤེས་ལྷ་ནི་ནམ་མཁའི་རང་བཞིན་ལ། །དངོས་གྲུབ་སྩལ་དང་སྩོལ་བར་མི་དམིགས་ཀྱང་། །གདུག་པ་ཆེན་པོ་ཐབས་ཀྱིས་འདུལ་བའི་ཕྱིར། །དྲག་པོས་འདྲེན་པའི་དངོས་གྲུབ་སྩལ་དུ་གསོལ། །ཧུ༷་ཆོས་ཉིད་ཀུན་ཏུ་བཟང་མོའི་བྱིན་རླབས་ལས། །དྲེགས་པ་འདུལ་བའི་ཐུགས་རྗེའི་བྱིན་རླབས་འབྱུང་། །བདུད་ཀྱི་རྒྱལ་པོས་དུ་ཏྲ་འདུལ་བ་ལྟར། །བདུད་རྒྱལ་དྲེགས་པ་འདུལ་བའི་དངོས་གྲུབ་སྩལ་དུ་གསོལ། །ཧུ༷་བདུད་དཔུང་ཆོམས་ནས་ཆོས་ཉིད་དོན་མཐོང་བས། །བདུད་རྒྱལ་རྭ་ཏྲས་ཆོས་ཉིད་དོན་རྟོགས་ནས། །ཐུགས་རྗེའི་བྱིན་རླབས་བདུད་ལ་སྣང་བ་ལྟར། །ཉོན་མོངས་དབྱིངས་སུ་བསྒྲལ་བའི་དངོས་གྲུབ་སྩོལ། །ཧུ༷་འཁོར་གྱིས་གདུག་པ་མ་ལུས་བསྒྲལ་བའི་ཕྱིར། །སྟེང་ཕྱོགས་ཁྲོ་རྒྱལ་ཡབ་ཡུམ་འཁོར་དང་བཅས། །ཚངས་པ་འཁོར་བཅས་རབ་ཏུ་བཏུལ་བ་ལྟར། །འཇིག་རྟེན་དྲེགས་པ་བ་་བའི་དངོས་གྲུབ་སྩོལ། །ཧུ༷་རོལ་པ་ཆེན་པོ་སྟེང་གི་སྲས་མཆོག་ཡང་། །ཞིང་བཅུ་སྟོབས་དང་རབ་ཏུ་འབྲལ་མཛད་པ། །བདུད་རྒྱལ་རྭ་ཏྲ་གྲོགས་དང་བྲལ་བ་བཞིན། །ཞིང་བཅུ་སྟོབས་དང་འབྲལ་བའི་དངོས་གྲུབ་སྩོལ། །སྤྲུལ་པས་སྟོང་ཁམས་རབ་ཏུ་བཀང་ནས་ཀྱང་། །འདུལ་བའི་དབང་གིས་གང་ལ་ཅི་འདུལ་སྟོན། །རྒྱལ་བས་སྟོང་གསུམ་སྤྲུལ་པས་བཀང་བ་ལྟར། །སྤྲུལ་པ་ཁམས་གསུམ་འགེངས་པའི་དངོས་གྲུབ་སྩོལ། །ཧུ༷་དཔལ་གྱི་བཀའ་ཉན་ལས་ལ་བརྩོན་པ་མོ། །འཇིག་རྟེན་དྲེགས་པ་མ་ལུས་འདུལ་མཛད་པ། །འཇིག་རྟེན་དབང་དུ་སྡུད་པའི་ལས་བྱས་ལྷར། །དམལས་མི་འདའ་བཀའ་ཉན་དངོས་གྲུབ་སྩོལ། །ཧུ༷་འཇིག་རྟེན་ཁམས་ལ་དབང་སྒྱུར་མཐུ་མོ་ཆེ། །ལས་ངན་ཞིང་བཅུ་མ་ལུས་སྒྲོལ་མཛད་པ། །བཅོལ་ཅིང་རྦད་ན་ལས་སུ་ཕོ་ཉ་མཛད་པ་ལྟར། །གང་དུ་མངགས་པའི་ལས་རྣམས་འགྲུབ་པའི་དངོས་གྲུབ་སྩོལ། །ཧུ༷་དྲེགས་པ་སྡེ་བཞི་རབ་ཏུ་འདུལ་མཛད་པ། །ནད་ཀྱི་བདག་པོ་བཀའ་ཉན་གསུང་སྡོད་མ། །བྲན་དང་ཕོ་ཉ་ལས་རྣམས་འགྲུབ་བྱེད་ལྟར། །གང་ལ་བྱ་བའི་ལས་རྣམས་མྱུར་འགྲུབ་དངོས་གྲུབ་སྩོལ། །ཧུ༷་རོལ་པ་ཆེན་པོའི་བྱིན་རླབས་ཅིར་ཡང་སྣང་། །འདུལ་ཐབས་དྲག་པོ་བདུད་ཀྱི་ཆས་འདྲ་ཡང་། །སྙིང་རྗེ་བྱང་ཆུབ་སེམས་ལས་ཉམས་པ་མེད། །དྲག་པོ་བྱམས་པའི་དངོས་གྲུབ་སྩལ་དུ་གསོལ། །ཧུ༷་ཐུགས་རྗེ་བྱམས་པས་འགྲོ་ལ་སྙིང་བརྩེའི་ཕྱིར། །ལ་ལར་ཞི་དང་ལ་ལར་ཁྲོ་བར་སྣང་། །འདུལ་ཐབས་དྲག་པོས་འགྲོ་བ་འདུལ་ལགས་ན། །ཉོན་མོངས་གནས་སུ་འདྲེན་པའི་དངོས་གྲུབ་སྩོལ། །བདུད་དང་སྲིན་པོ་འདུལ་བའི་དངོས་གྲུབ་སྩོལ། །དོན་དམ་ཆོས་ཉིད་རྟོགས་པའི་དངོས་གྲུབ་སྩོལ། །སངས་རྒྱས་ས་ལ་འགྲོ་བའི་དངོས་གྲུབ་སྩོལ། །འཁོར་བ་ངན་སོང་སྦྱོང་བའི་དངོས་གྲུབ་སྩོལ། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དབང་དམ་པ་བསྐུར་བ་དང་བཀྲ་ཤིས་དངོས་གྲུབ་ཀྱི་ལེའུ་སྟེ་སོ་བཞི་པའོ།། །།དེ་ནས་བཅོམ་ལྡན་འདས་དྲག་པོ་མེའི་ཏིང་ངེ་འཛིན་ལ་སྙོམས་པར་ཞུགས་ཏེ། ཀུན་བཟང་རོལ་པ་ཅིར་ཡང་སྣང་། །ལ་ལར་བཅོམ་ལྡན་བསྟན་པའི་བདག །ལ་ལར་འཇིགས་བྱེད་ཧེ་རུ་ཀ །ལ་ལར་སྦྱོང་བྱེད་ཁྲུས་ཀྱི་ཆུ། །ལ་ལར་གནོན་བྱེད་རི་རབ་གཟུགས། །ལ་ལར་གསོད་བྱེད་ཤན་པ་འདྲ། །ལ་ལར་དགེ་སྦྱོང་དམ་པའི་མགོན། །ལ་ལར་ཤ་ཟ་སྲིན་པོའི་གཟུགས། །ལ་ལར་འཇིགས་པ་བདུད་ཀྱི་ཆས། །ལ་ལར་སྲེག་བྱེད་མེ་ཡི་འོད། །མེ་ཡི་རྒྱལ་པོ་ཁྲོ་བོས་ཀྱང་། །སྟོང་གསུམ་ཉོན་མོངས་སྲེག་པར་བྱེད། །འཁོར་བའི་ཞེན་པ་གཏིང་ནས་སྐེམ། །ཞིང་བཅུ་ལོག་ལྟ་སྲེག་པར་བྱེད། །དེ་ཕྱིར་རབ་ཏུ་བསྲེག་པར་བྱ། །མེ་ལྷ་ཆེན་པོ་སྲེག་པའི་སར། ཁུ་གསུམ་སུམ་རིམ་གྲངས་སུ་བྱ། །ནག་དང་སེར་ལ་དམར་བའི་འོད། །རང་རང་ཡིག་འབྲུ་བཀོད་ཀྱང་རུང་། །དྲག་པོའི་ཤིང་ལ་ལེགས་པར་བྱ། །རབ་ཏུ་རྫས་ཀྱི་དམ་པ་ནི། །དམ་པ་གསུམ་གྱི་རྫས་དག་དང་། །ཆན་དང་མེ་ཏོག་སྔོན་པོ་དང་། །ནག་པོའི་འབྲུ་དང་ཉུང་ནག་དང་། །དྲག་པོའི་ཤིང་དང་མིང་བྱང་དང་། །རབ་ཏུ་དེ་ལ་བསྐོར་ལ་བཞག །དུག་དང་དྲག་པོའི་རྫས་རྣམས་ནི། །མ་ལུས་དེ་ལ་བསྐོར་ཏེ་གཞག །དྲག་པོའི་ལྷ་དང་མཉམ་པའི་རྩང་།།དམར་པོ་བྱས་ཏེ་དེ་ལ་བསྐོར། །རིམ་པས་འབྱུང་བ་དེ་བཞིན་དུ། །ཧོམ་ཐབ་ནང་དུ་ལྷ་རྣམས་བསྐྱེད། །སྤྱན་དྲང་རིམ་པ་ཡང་དག་བྱ། །བཟླས་བརྗོད་མེ་དང་འདྲ་བ་ཡིས། །ཉོན་མོངས་རྩ་མཆོག་འདྲ་བ་བསྲེག །བསྟོད་པ་བྱ་ཞིང་རབ་ཏུ་མཆོད། །ཏིང་འཛིན་རྩལ་གྱི་ཁྱད་པར་ལ། །དྲོད་རྣམས་འབྱུང་བར་གདོན་མི་ཟ། །གང་ཡིན་མེ་ཉིད་རབ་ཏུ་སྦྱར། །མེ་ཡི་ལྷ་ཉིདདེབཞིནསྦྱར། །ཧུ༷ མེ་ལྷ་དྲང་སྲོང་ཉོན་མོངས་སྲེག །འབར་བ་མེ་ལྷ་སྤྱན་འདྲེན་ན། །འབར་བ་མེ་ཡི་དབྱིངས་ན་བཞུགས། །དྲང་སྲོང་ཆེན་པོ་མེ་ཡི་ལྷ། །མཆོད་འབུལ་མཉེས་པ་འདི་བཞེས་ལ། །འཁོར་བའི་སྡུག་བསྔལ་ཚིག་པར་མཛོད། །ཧུ༷་གྲུ་གསུམ་མེ་ཡི་དཀྱིལ་འཁོར་ནས། །དྲང་སྲོང་ཆེན་པོ་མེ་ཡི་ལྷ། །ཆིབས་སུ་ར་སྐྱེས་ཁམ་བུ་ཆིབས། །སྐུ་ལ་མེ་ཡི་སླག་པ་གསོལ། །སྟུན་དྷི་བགྲང་ཕྲེང་ཕྱག་ན་བསྣམས། །རྡོ་རྗེ་ཕུར་པའི་ཞབས་དང་ལྡན། །དུས་གསུམ་རྒྱལ་བའི་སྐུ་མཉེས་པ། །གདུག་བྱེད་དྲག་པོ་མེ་ཡི་ལྷ། །གདུག་པའི་ཚོགས་ཀུན་སྲེག་པར་བྱེད། །གང་ཡིན་ཞིང་བཅུ་ཚིག་པར་མཛོད། །རྣམ་གསུམ་མཆོད་པ་ལྷ་ལ་འབུལ། །མཉེས་པས་ལྷ་ཡི་དངོས་གྲུབ་སྟེར། །ལྷ་ཡང་དྲག་པོ་མེ་ཡི་ཆས། །རབ་ཏུ་འབར་བའི་ནང་ན་བཞུགས། །ཧུ༷་ཕྱོགས་སྐྱོང་རྒྱལ་པོ་མེ་ཡི་ལྷ། །སྟེང་ཕྱོགས་འབར་བ་མེ་ཡི་ལྷ། །ཕྱག་གཡས་མདའ་གཞུ་རང་འགེངས་བསྣམས། །གཡོན་པ་མེ་ཡི་ཕུང་པོ་འབར། །དཀར་བའི་ཞལ་ནི་གཏིང་ནས་མཐིང་། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་མཛོད། །འབྱུང་པོ་གང་ཡིན་ཚིག་པར་མཛོད། །ཧྭ༷་ཕྱོགས་སྐྱོང་རྒྱལ་པོ་མེ་ཡི་ལྷ། ཁྲར་ཕྱོགས་འབར་བ་མེ་ཡི་ལྷ། །ཕྱག་གཡས་འཁོར་ལོ་དཀར་པོ་བསྣམས། །གཡོན་པ་མེ་ཡི་ཕུང་པོ་བསྣམས། །སྐུ་མདོག་དཀར་པོ་ཤིན་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་མཛོད། །ཧུ༷་ཕྱོགས་སྐྱོང་རྒྱལ་པོ་མེ་ཡི་ལྷ། ཁྲར་ལྷོ་འབར་བ་མེ་ཡི་ལྷ། །ཕྱག་གཡས་དགྲ་སྟུ་རབ་ཏུ་འདེབས། །གཡོན་པ་མེ་ཡི་ཕུང་པོ་བསྣམས། །དམར་སྔོན་སྐུ་མདོག་རབ་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་མཛོད། །འབྱུང་པོ་གང་ཡིན་ཚིག་པར་མཛོད། །ཧུ༷་ཕྱོགས་སྐྱོང་རྒྱལ་པོ་མེ་ཡི་ལྷ། །ལྷོ་ཕྱོགས་འབར་བ་མེ་ཡི་ལྷ། །ཕྱག་གཡས་དགྲ་སྟུ་རབ་ཏུ་འདེབས། །གཡོན་པ་མེ་ཡི་ཕུང་པོ་བསྣམས། །སྐུ་མདོག་སྔོན་པོ་ཤིན་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་མཛོད། །འབྱུང་པོ་གང་ཡིན་ཚིག་པར་མཛོད། །ཧུ༷་ལྷོ་ནུབ་ཕྱོགས་སྐྱོང་མེ་ཡི་ལྷ། །ལྷོ་ནུབ་འབར་བ་མེ་ཡི་ལྷ། །ཕྱག་གཡས་རལ་གྲི་རབ་ཏུ་འདེབས། །གཡོན་པས་མེ་ཡི་ཕུང་པོ་བསྣམས། །ལྗང་སྔོན་རབ་ཏུ་གསལ་བའི་སྐུ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་བྱེད། །འབྱུང་པོ་གང་ཡིན་ཚིག་པར་མཛོད། །ཧུ༷་ནུབ་ཀྱི་ཕྱོགས་སྐྱོང་མེ་ཡི་ལྷ། །ནུབ་ཕྱོགས་འབར་བ་མེ་ཡི་ལྷ། །གཡས་པ་སྤུ་གྲིས་རབ་ཏུ་གཅོད། །གཡོན་པ་མེ་ཡི་ཕུང་པོ་བསྣམས། །སྐུ་མདོག་དམར་པོ་རབ་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་བུས་ཤིག །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་བྱེད། །འབྱུང་པོ་གང་ཡིན་ཚིག་པར་མཛོད། །ཧུ༷་ནུབ་བྱང་ཕྱོགས་སྐྱོང་མེ་ཡི་ལྷ། །ནུབ་བྱང་འབར་བ་མེ་ཡི་ལྷ། །ཕྱག་གཡས་རྡུལ་གཡབ་བ་དན་བསྣམས། །གཡོན་པ་མེ་ཡི་ཕུང་པོ་བསྣམས། །དམར་སྐྱ་སྐུ་མདོག་ཤིན་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ལ་མེ་བུས་ཤིག །ཉམས་པ་གང་ཡིན་སྲེག་པར་བྱེད། །འབྱུང་པོ་གང་ཡིན་ཚིག་པར་མཛོད། །ཧུ༷་ཕྱོགས་སྐྱོང་རྒྱལ་པོ་མེ་ཡི་ལྷ། །བྱང་ཕྱོགས་འབར་བ་མེ་ཡི་ལྷ། །ཕྱག་གཡས་རྒྱ་གྲམ་རབ་ཏུ་འཛིན། །གཡོན་པས་མེ་ཡི་ཕུང་པོ་བསྣམས། །ལྗང་ནག་ཤིན་ཏུ་གསལ་བའི་སྐུ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་བྱེད། །འབྱུང་པོ་གང་ཡིན་ཚིག་པར་མཛོད། །ཧུ༷་ཕྱོགས་སྐྱོང་རྒྱལ་པོ་མེ་ཡི་ལྷ། །བྱང་ཤར་འབར་བ་མེ་ཡི་ལྷ། །གཡས་པས་ཁ་ཊ༷་རྩེ་གསུམ་བསྣམས། །གཡོན་པས་མེ་ཡི་ཕུང་པོ་བསྣམས། །ལྗང་སེར་ཤིན་ཏུ་གསལ་་བའི་སྐུ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་མཛོད། །འབྱུང་པོ་གང་ཡིན་ཚིག་པར་མཛོད། །ཧུ༷་ཕྱོགས་སྐྱོང་རྒྱལ་པོ་མེ་ཡི་ལྷ། །འོག་ཕྱོགས་འབར་བ་མེ་ཡི་ལྷ། །ཕྱག་གཡས་ཐོ་བ་ག་་ཤིང་བསྣམས། །གཡོན་པ་མེ་ཡི་ཕུང་པོ་བསྣམས། །དུད་ཁ་ཤིན་ཏུ་གསལ་བའི་སྐུ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་བྱེད། །འབྱུང་པོ་གང་ཡིན་ཚིག་པར་མཛོད། །སྟེང་ནས་དངུལ་གྱི་སྦུད་པ་ཅན། །ཤར་ནས་ཤེལ་གྱི་སྐྲུད་པ་ཅན། ཁྲར་ལྷོར་མཆོང་གི་སྦུད་པ་ཅན། །ལྷོ་ནས་རིན་ཆེན་སྦུད་པ་ཅན། །ལྷོ་ནུབ་གཡུ་ཡི་སྦུད་པ་ཅན། །ནུབ་ནས་བྱི་རུའི་སྦུད་པ་ཅན། །ནུབ་བྱང་ཟངས་ཀྱི་སྦུད་པ་ཅན། །བྱང་ནས་མཐིང་གི་སྦུད་པ་ཅན། །བྱང་ཤར་གསེར་གྱི་སྦུད་པ་ཅན། །འོག་ནས་སྣ་ཚོགས་སྦུད་པ་ཅན། །ཚངས་པ་འཁོར་ཚོགས་མེ་བུས་ཤིག །བརྒྱ་བྱིན་འཁོར་ཚོགས་མེ་བུས་ཤིག །དྲང་སྲོང་འཁོར་ཚོགས་མེ་བུས་ཤིག །གཤིན་རྗེའི་འཁོར་ཚོགས་མེ་བུས་ཤིག །སྲིན་པོའི་འཁོར་ཚོགས་མེ་བུས་ཤིག །ཀླུ་བདུད་འཁོར་ཚོགས་མེ་བུས་ཤིག །རླུད་ལྷའི་འཁོར་ཚོགས་མེ་བུས་ཤིག །གནོད་སྦྱིན་འཁོར་ཚོགས་མེ་བུས་ཤིག །དབང་ལྡན་འཁོར་ཚོགས་མེ་བུས་ཤིག །ས་བདག་འཁོར་ཚོགས་མེ་བུས་ཤིག །ཧུ༷། མཐིང་ནག་འབར་བའིའཁོརཚོགསནས། །དཔལཆེནརྡོརྗེགཤོནནུཡང། ཁྲོརྔམ་རབ་ཏུ་གདུག་པའི་བྲོ། །ཐུགས་རྗེ་ཆེན་པོ་བྲོ་ལ་གཤེགས། །དགྲ་ནི་ཐལ་བ་རློག་པའི་བྲོ། །བདུད་ནི་ཕྱེ་མར་འཐག་པའི་བྲོ། །རྔམ་པ་ཆེན་པོ་བྲོ་ལ་གཤེགས། །ཧུ༷་མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །ཚངས་པ་འདུལ་བ་གདུག་པའི་ལྷ། །ཧུ༷་མཛད་ཡབ་ཡུམ་བྲོ་ལ་གཤེགས། །ཁྲོ་བོ་མཐིང་ག་སྤྲིན་ལྟར་གཏིབས། ཁྲོ་ཆུང་ཚོན་གང་སྐར་ལྟར་འཁྲུགས། །བདུད་དང་སྲིན་པོ་འདུལ་བའི་བྲོ། །དགྲ་ནི་ཐལ་བར་རླག་པའི་བྲོ། །བདུད་ནི་ཕྱེ་མར་འཐག་པའི་བྲོ། །ངན་སོང་འཁོར་བ་འཇོམས་པའི་བྲོ། །བླ་མེད་བྱང་ཆུབ་ཐོབ་པའི་བྲོ། །ཕུང་པོ་རྡུལ་དུ་བཤིགས་པའི་བྲོ། །རྣམ་ཤེས་དབྱིངས་སུ་འདྲེན་པའི་བྲོ། །ཏ་ཀྲིཏ་ཆེན་པོ་བྲོ་ལ་གཤེགས། །ཧུ༷་གདུག་པ་ཕག་དང་སྨིག་བུའི་མགོ །ཚངས་པ་ཕོ་མོ་འཁོར་བཅས་འདུལ། །ལ་ལ་ལྡིང་ཞིང་ལ་ལ་འདྲལ། །གཤོག་པ་ཅན་གྱིས་མཐའ་ནས་སྡུད། །མཆེ་བ་ཅན་གྱིས་གསོད་པར་བྱེད། །ཚམ་རྔམས་དྲག་པོས་བདུད་དཔུང་འཇོམས། །དཔལ་རྟུལ་དྲག་པོས་ཚངས་རིགས་འདུལ། །འཇིགས་པའི་ཁྲོ་བདག་སྤྲིན་ལྟར་གཏིབས། །ཁྲོ་ཆུང་ཚོན་གང་སྐར་ལྟར་འཁྲུགས། །བདུད་དང་སྲིན་པོ་འདུལ་བའི་བྲོ། །ཧུ༷་ཁྲོ་བོས་གདུག་པ་གྲོགས་དང་བྲལ། །ཐུགས་ལས་སྤྲུལ་ཅིང་ལས་རྣམས་བྱེད། །སྲས་མཆོག་མཐིང་ག་སྤྱིན་ལྟར་གཏིབས། ཁྲོ་ཆུང་ཚོན་གང་སྐར་ལྟར་འཁྲུགས། །བདུད་དང་སྲིན་པོ་འདུལ་བའི་བྲོ། །ཧུ༷་མཁའ་འགྲོ་མ་ཆེན་གདུག་པའི་བྲོ། །མ་མོའི་རྟ་བྲོ་སི་ལི་ལི། །སྔོན་དམར་བྱད་ ཐག་རྒྱངས་སེ་རྒྱང་ ། ཁྲ་ཁྲག་དམར་པོ་མཁའ་འགྲོའི་ཟས། །ཤ་ལ་རོལ་ཅིག་མཁའ་འགྲོའི་ཚོགས།ཁྲག་ལ་འཐུང་ཞིག་མཁའ་འགྲོའི་ཚོགས། །རུ་་ལ་འཆོ་ཞིག་མཁའ་འགྲོའི་ཚོགས། །མཁའ་འགྲོ་རྔམ་བྱེད་རོ་ལ་རྔམ། །གཡས་སུ་བལྟས་ནས་གཡོན་དུ་འཁྱུད། །རྔམ་པའི་ཚེམས་གཙིགས་མདུན་དུ་བལྟ། །ཉམས་པ་གང་ཡིན་སྤྱན་གྱིས་གཟིགས། །སོ་བརྡར་མཆེ་གཙིགས་ཧ་སྒྲ་ཅན། །སྟོང་གསུམ་རོ་ཟ་ཁྲག་འཐུང་ཡང་། །མ་འགྲངས་མ་ངོམས་སོ་བརྡར་ཁྲིག །མཁའ་འགྲོ་མ་ཆེན་སྤྲིན་ལྟར་གཏིབས། །ཕོ་ཉ་ཕྱག་བརྙན་སྐར་ལྟར་འཁྲུགས། །བདུད་དང་སྲིན་པོ་འདུལ་བའི་བྲོ། །ཧུ༷་སྙིང་གི་དཀྱིལ་དུ་བྲོ་བརྡུང་བས། །ཡེ་ཤེས་ལྔ་པོ་མཉེས་པར་བྱེད། །དྲན་པ་གནས་སུ་དག་པའི་བྲོ། །མིག་གི་སྟེང་དུ་བྲོ་བརྡུང་བས། །གཟུགས་ཀྱི་ལྷ་མོ་མཉེས་པའི་བྲོ། །རྣ་བའི་སྟེང་དུ་བྲོ་བརྡུང་པས། །སྒྲ་ཡི་ལྷ་མོ་མཉེས་པའི་བྲོ། །སྣ་ཡི་སྟེང་དུ་བྲོ་བརྡུང་པས། །དྲི་ཡི་ལྷ་མོ་མཉེས་པའི་བྲོ། །ལྕེ་ཡི་སྟེང་དུ་བྲོ་བརྡུང་པས། །རོ་ཡི་ལྷ་མོ་མཉེས་པའི་བྲོ། །ལུས་ཀྱི་སྟེང་དུ་བྲོ་བརྡུང་བས། །རེག་བྱའི་ལྷ་མོ་མཉེས་པའི་བྲོ། །སྙིང་གི་དཀྱིལ་དུ་བྲོ་བརྡུང་བས། །ཆོས་ཀྱི་ལྷ་མོ་མཉེས་པའི་བྲོ། །མཛེས་བྱེད་ལྷ་མོ་སྤྲིན་ལྟར་གཏིབས། །ཕྱི་ནང་ལྷ་མོ་སྐར་ལྟར་འཁྲུགས། །བདུད་དང་སྲིན་པོ་འདུལ་བའི་བྲོ། །རྡོ་རྗེཕུརཔཆེནཔོབཤདཔའི་རྒྱུད་ལས།དྲག་པོ་མེའི་ལས་དང་བྲེའི་རིམ་པའི་ལེའུ་སྟེ་སོ་ལྔ་པའོ།། །།དེ་ནས་བཅོམ་ལྡན་འདས་ཟོར་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། མཐིང་ནག་གྲུ་གསུམ་རིམ་པ་ལ། །དྲུག་པར་བྱུང་བ་ངན་པའི་ཐོད་པ་མྲ །རྩིབས་དྲུག་རང་སྔགས་ཟོར་དུ་བཅས། །སྙིང་དང་ཁྲག་སྣ་མང་དུ་བླུགས། །རིམ་པ་གྲངས་ཀྱི་བཤམས་ནས་སུ། །དྲག་པོ་སྔགས་ཀྱི་རིམ་པ་ཡིས། །གང་ཡིན་དངོས་པོ་སྒྲོལ་བར་ནུས། །བསྙེན་སྒྲུབ་བཞི་པོ་མཐའ་རུ་ཕྱིན། །མེ་ཉེས་གཟུ་དང་དཔང་དུ་གཟུག །བསྙེན་པའི་ལྷ་ཡན་ད་རུང་བསྙེན། །བདེན་པའི་བྱིན་རླབས་དེ་བཞིན་བྱ། །ཧུ༷་མཐིང་ནག་གྲུ་གསུམ་དཀྱིལ་འཁོར་ནས། །དཔལ་ཆེན་རྡོ་རྗེ་གཞོན་ནུ་ཡང་། །གཡས་ན་ཁྲག་ཟོར་མདའ་ཟོར་འཕེན། །གཡོན་པ་ཉུང་ཟོར་རྦབ་ལྟར་འདྲིལ། །ཁྲག་ཟོར་དམར་པོ་མཚོ་ལྟར་རློབས། །མདའ་ཟོར་དྲག་པོ་སྐར་ལྟར་ཞབྲུགས། །དྲག་པོ་ཉུང་ཟོར་རྦབ་ལྟར་འདྲིལ། །མཚེ་ཟོར་རྣོན་པོ་མདུང་ལྟར་འདེབས། །དྲག་པོའི་ཕུར་ཟོར་སྙིང་ལ་འདེབས། །དོ་ནུབ་ཟོར་གྱི་ལས་མཛོད་ཅིག །ཧུ༷་ཡུམ་གཅིག་འཁོར་ལོ་རྒྱས་འདེབས་མ། །གཡས་པ་ཁྲག་ཟོར་མདའ་ལྟར་འཕེན། །གཡོན་ནས་ཉུང་ཟོར་རྦབ་ལྟར་དྲག །སྨྱོ། །སྟེང་ཕྱོགས་ཚངས་པ་འདུལ་བའི་ལྷ། ཁྲོ་བོ་ཆེན་པོ་ཧུ༷་ཀྭ་ར། །ཚངས་པ་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །སྨྱོ། །ཡུམ་ཆེན་རྡོ་རྗེ་སྒྲ་འབྱིན་མ། །སྟེང་ཕྱོགས་མོ་རིགས་འདུལ་བའི་མཐུ་མོ་ཆེ། །གཡས་པ་ཁྲག་ཟོར་མཚོ་ལྟར་རློབས། །གཡོན་པ་ཉུང་ཟོར་རྦབ་ལྟར་འབྲིལ། །སྟེང་ཕྱོགས་གདུག་པ་ཕག་གི་མགོ །གཡས་པ་དྲག་པོ་ཕུར་ཟོར་བསྣམས། །གཡོན་པ་ཁྲག་ཟོར་མཚོ་ལྟར་རློབས། །སྟེང་ཕྱོགས་འགུགས་བྱེད་སྨིག་བུའི་མགོ །གཡས་པ་འཛིན་བྱེད་ལྕགས་ཀྱུ་བསྣམས། །གཡོན་པ་ཁྲག་ཟོར་མཚོ་ལྟར་རློབས། །ཧུ༷་སྟེང་ཕྱོགས་འབྲལ་བྱེད་སྲས་མཆོག་ནི། །སྟོད་ནི་ཞལ་གསུམ་ཕྱག་དྲུག་ལ། །སྐུ་སྨད་ལྕགས་ཕུར་དབལ་དང་ལྡན། །གཡས་པ་འབྲལ་བྱེད་གྲི་གུག་བསྣམས། །གཡོན་པ་ཁྲག་ཟོར་མཚོ་ལྟར་རློབས། །ཁྲག་མདའ་ཁྲག་ཕུར་ཆི་ལི་ལི། །ཁྲག་མདའ་བུ་ཡུག་ཆར་ལྟར་ཕོབ། །དགྲ་བོའི་ཁོང་དུ་དུག་མདའ་གཡོས། །སྨྱོ། ཤྭ་ན་ལས་ཀྱི་མཁའ་འགྲོ་མ། །ལྕགས་ཀྱི་སྤྱང་མོ་མགོ་དགུ་མ། །ལས་སུ་ཤ་ཟ་ཁྲག་འཐུང་མ། །གཡས་སུ་ཕུར་ཟོར་མདའ་ལྟར་འཕེན། །གཡོན་དུ་ཁྲག་ཟོར་མཚོ་ལྟར་རློབས། །ཉིད་ཀྱི་དམ་ཚིག་ཁྲག་མདའ་འདི། །ད་ནི་འཕེན་པའི་དུས་ལ་བབ། །ཁྲག་མདའ་ཁྲག་ཕུར་ཆི་ལི་ལི། །ཁྲག་མདའ་བུ་ཡུག་ཆར་ལྟར་ཕོབ། །དགྲ་བོའི་ཁོང་དུ་དུག་མདའ་རྒྱོབ། །ལས་ཀྱི་མཁའ་འགྲོ་རྣམ་གསུམ་ཡང་། །ཁྲག་ཟོར་དམར་པོའི་སྣ་དྲོངས་ལ། ཁྲག་ཟོར་མེ་ལྟར་མཆེད་ནས་ཀྱང་། །དམ་ཉམས་དགྲ་བོ་འཚིག་པར་བྱེད། །ཁྲག་ཟོར་ཆུ་ལྟར་བྲུབ་ནས་ཀྱང་། །དམ་ཉམས་དགྲ་བོ་ཁྱེར་བར་བྱེད། ཁྲག་ཟོར་གཉེན་པོའི་སྣ་དྲོངས་ཤིག །ཟོར་འཕང་སླར་ལ་མ་ལོག་ཅིག །གཉེན་བྱས་དགྲ་རུ་མ་སྡང་ཞིག །ཟས་སྦྱར་དུག་ཏུ་མ་གཡོ་ཞིག །དམ་ཉམས་གང་ཡིན་ཡུལ་མཁར་སྒྱེལ། །མི་ནད་མེ་ལྟརམཆེད་ནས་ཀྱང་། །གང་ཡིན་ཉམས་པ་འཕུང་བར་བྱེད། །དམག་སྣ་དྲོང་ཤིག་དྲག་པོ་ཟོར་གྱི་ལྷ། །སྨྱོ་སྨྱོ། དྲག་པོ་ཟོར་གྱི་ཐུན་ཕོབ་ཅིག །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་ཟོར་གྱི་ལེའུ་སྟེ་སོ་དྲུག་པའོ།། །།དེ་ནས་བཅོམ་ལྡན་འདས་རབ་ཏུ་དབྱེ་བ་དང་བསྒྲལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དབྱེ་བའི་ས་ཕྱོགས་གང་ཡིན་པར། །རིམ་པ་གསུམ་གྱི་གྲུ་གསུམ་ལ། །དཔངས་སུ་ཁྲུ་གང་པ་གཅིག་བརྩིག །གུ་གུལ་ཆུ་ཡིས་ལེགས་པར་བྱུག །རྣམ་གཉིས་ལས་སུ་བསྟན་པའི་ཕྱིར། །ལྷོ་རུ་སྒོ་རེ་ཡང་དག་བཤམ། །དམེ་བའི་རྫས་ལྔ་དེ་བཞིན་བྱ། །ཚོན་སྐུད་གཉིས་ཀྱིས་རྩ་བ་བསྡམ། །ཞིང་གི་རྒྱུས་པའི་ཐག་པས་གདགས། །ཡི་གེ་གཉིས་ཀྱི་བར་དག་ཏུ། །དབྱེ་བའི་ལྷ་ཉིད་གཞུག་པར་བྱ། །དབྱེ་བའི་སྙིང་པོ་རྒྱབ་ཏུ་བྲི། །རྣམ་གསུམ་རྫས་ཀྱིས་མཆོད་པའི་ཕྱིར། །དེ་ཉིད་གསུམ་ཡང་རབ་ཏུ་གདམས། །ཏིང་འཛིན་རིམ་པས་བསྒོམ་བྱ་སྟེ། །དཔལ་དུ་བསྐྱེད་དང་ལས་མཁན་བསྒོམ། །སྤྱན་དྲང་བསྟིམ་དང་མཆོད་པ་དང་། །དབྱེ་བའི་སྔགས་ཉིད་མང་དུ་བཟླས། །བསྟོད་ཅིང་བསྐུལཏེམཆོདཔའབུལ། །དབྱེ་བའི་རྟགས་ཉིད་བྱུང་བ་དང་། །ཐུན་རྣམས་བྲབ་ཅིང་རབ་ཏུ་རྦད། །སྒྲོ་གཉིས་ལས་ཀྱི་རླུད་ལ་ཕྱར། །ལས་ཀྱི་ལུང་གིས་ཁྱེར་བར་འགྱུར། །ཧུ༷་ཉེ་འབྱེད་ལས་ཀྱི་ཕྲ་མ་མཁན། །རླུད་ལྷའི་བུ་ལ་སྲིན་པོའི་ཚ། །ཕ་ནི་རླུད་ལྷ་ཁ་སྐྱེས་ར༷་པ་ཡིན། །མ་ནི་སྲིན་མོ་ཁ་འབར་མ། །གཉིས་མེད་བུ་གཅིག་བྱུང་བ་ནི། །ཉེ་འབྱེད་ཆེན་མོ་ཕྲ་མ་མཁན། །སྐུ་མདོག་དུད་ཁ་ཆེན་མོ་ལ། །འཇིགས་པའི་ཁྲོ་གཉེར་མང་པོས་བརྒྱན། །གཡས་ཀྱི་དང་པོ་བྱ་རོག་གོང་རུ་བསྣམས། །ཉམས་པ་སྤྱན་གྱིས་གཟིགས་པར་བྱེད། །གཡོན་གྱི་དང་པོ་འུག་པའི་གོང་དུ་བསྣམས། །མི་འཆོར་རྟོག་པ་རབ་ཏུ་གསལ། །གཡས་འོག་ལྕགས་ཀྱུ་སྟ་རེ་བསྣམས། །ཉམས་པ་མགོ་ལུས་འབྲལ་བའི་རྟགས། །གཡོན་གྱི་འོག་མ་རླུད་གི་རྐྱལ་པ་བསྣམས། །ཉམས་པ་རླུད་ལ་སྐུར་བའི་རྟགས། །ཁྱོད་ཀྱི་ཕྲག་པ་གཡས་པ་ན། །ལྕགས་ཀྱི་བྱ་ཁྲ་གཡུ་མིག་ཅན། །སྣང་སྲིད་མི་མཐོང་གཅིག་ཀྱང་མེད། །དམ་ཉམས་ཕྲག་པ་གཡས་ཀྱི་ཕོ་ལྷ་ཕྲོལ། ཁྱོད་ཀྱི་ཕྲག་པ་གཡོན་པ་ན། །ཟངས་ཀྱི་བྱ་ཁྲ་གསེར་མིག་ཅན། །སྲིད་པ་གསུམ་ཡང་དུས་གཅིག་གཟིགས། །ཕྲག་པ་གཡོན་གྱི་མོ་ལྷ་ཕྲོལ། ཁྱོད་ཀྱི་སྤྱི་བོའི་གཙུག་རུམ་ན། །ཤེལ་གྱི་བྱ་ཁྱུང་གཡུ་མིག་ཅན། །དགེ་སྡིག་གཉིས་ཀྱི་ལས་ཀྱང་གཟིགས། །འགོ་བར་བྱེད་པའི་ལྷ་དང་ཕྲོལ། ཁྱོད་ཀྱི་རྒྱབ་ཀྱི་སོག་པ་ལ། །སྟག་དང་སྤྱང་ཀི་རྔམ་ཞིང་རྒྱུག །ཉམས་པ་ཟས་སུ་ཟ་བར་བྱེད། །ཉམས་པའི་རྒྱབ་ཀྱི་དགྲ་ལྷ་ཕྲོལ། ཁྱོད་ཀྱི་མདུན་གྱི་ལྷེ་སྣ་ལ། །སེང་གེ་དཀར་མོ་འགྱིང་ཞིང་འཕྱོ། །སྣང་སྲིད་དབང་དུ་སྡུད་པར་བྱེད། །དམ་ཉམས་མདུན་གྱི་སྲོག་ལྷ་ཕྲོལ། ཁྱོད་ནི་སྟོང་གསུམ་ཕྲ་མ་མཁན། །རླུད་ལྷའི་བུ་ལ་སྲིན་བུའི་ཚ། །མཆུ་ནི་ལྕགས་ཀྱི་གཟོང་བས་རྣོ། །དམ་ཉམས་མི་དང་ལྷ་ཡི་བར་དུ་དབྱེན་ཆུག་ཅིག །ཁྱོད་ཀྱིས་མི་བྱེད་གང་ཡང་མེད། །ལྷ་དང་ལྷ་མིན་གཡུལ་འགྱེད་ཀྱང་། །འབྱེད་པར་ཁྱོད་ཀྱིས་ནུས་པར་བྱེད། །ཚེ་གསུམ་དྲན་བྱེད་ཕོ་རོག་མ། །ཁྱོད་ཀྱིས་མི་དྲན་ཅི་ཡང་མེད། །བསྟན་པ་གཉེན་ལ་གནོད་པ་ཡི། །དམ་ཉམས་བསྒྲལ་བའི་ཞིང་བཅུ་འདི། །འགོ་བར་བྱེད་པའི་ལྷ་དང་ཕྲོལ། །སྟོངས་པར་བྱེད་པའི་གཉེན་དང་ཕྲོལ། ཁུ་ལུ་མུན་མཐོང་འུག་པ་མོ། །ཁྱོད་ཀྱིས་མི་མཐོང་གང་ཡང་མེད། །བསྟན་པ་གཉེན་ལ་གནོད་བྱེད་པའི། །དམ་ཉམས་བསྒྲལ་བའི་ཞིང་བཅུ་འདི། །ཁྱོད་ཀྱིས་བསྒྲལ་བའི་ཕྲིན་ལས་མཛོད། །ཅེས་སོ་སོའི་སྒྲོ་གཉིས་ལས་ཀྱི་རླུད་ལ་ཕྱར་རོ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ཞིང་བཅུ་ལྷ་དང་དབྱེ་བའི་ལེའུ་སྟེ་སོ་བདུན་པའོ།། །།དེ་ནས་བཅོམ་ལྡན་འདས་གནོད་སྦྱིན་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུརཁྲོདཆེནཔོའིགནསདག་ཏུ། །དཀྱིལ་འཁོར་གྲུ་གསུམ་བྱས་ནས་སུ། །སྟེང་དུ་སོལ་མེ་རབ་ཏུ་བཏང། །ཐལཆེནསོལབསནང་བྱུགས་ལ། །ཞབས་མ་དམར་པོའི་གདན་བཏིང་ལ། །ལིསྐོ་བྱ་བའི་རྒྱུད་ཉིད་ལ། །ལིསྒོ་རབ་ཏུ་བཟོས་བྱས་ལ། །སྐེ་ནས་སྔོ་དམར་རབ་ཏུ་གདགས། །དྲག་པོ་རྩང་ལ་བསྟོད་པར་བྱ། །ནག་པོ་སྐྲ་ཡིས་སྐྱེ་གནས་བཏགས། །ཕུར་པ་ཉིད་ལ་བསྟོད་པར་བྱ། །རྩ་གཉིས་ཀྱི་ནི་ཁྲག་གིས་བྱུགས། །ཐོད་པ་མཚན་དང་ལྡན་པ་སྲ །དམར་པོ་གཉིས་ཀྱི་སྙིང་ཁྲག་ལ། །དེ་བཞིན་བསྲེ་བའི་རྫས་རྣམས་དང་། །དེ་བཞིན་ཟུར་ལ་རབ་ཏུ་གཞག །བསེ་ཕོར་མཚན་ལྡན་ནང་དག་ཏུ། །ཆང་དང་རིན་ཆེན་སྣ་ལྔ་དང་། །འབྲུ་ལ་སོགས་ཏེ་ཟུར་དུ་གཞག །ཙ་ར་ཁྲག་གིས་བྱུགས་པ་ཡི། །ཕུར་པའི་རྩེ་མོ་གནམ་དུ་བསྟན། །རབ་ཏུ་ཟུར་ལ་དགོད་པར་བྱ། །དེ་ལ་སོགས་པའི་རྫས་རྣམས་ནི། །སྙིང་སྣ་ཁྲག་སྣ་མང་དུ་བསགས། །ལྷ་ཉིད་གསལ་ལ་གནས་རྣམས་བསྲུང་། །དེ་ཉིད་ལས་སུ་རུང་བ་དང་། །དྲེགས་པ་ཅན་གྱི་སྔགས་ལ་འཇུག །གོང་དུ་བསྟན་པ་དེ་བཞིན་དུ། །ནུར་བ་མེད་པ་རབ་ཏུ་བཟླས། །ཅི་བགྱི་བཀའ་ཉན་བྲན་ལྟར་ཁོལ། །ཐེ་ཚོམ་སོམ་ཉི་མ་ཡིན་པར། །དྲེགས་པའི་སྲོག་སྙིང་མང་དུ་བཟླས། །ཧུ༷་བསྟན་པ་གཉེན་པོ་བསྲུང་བར་ཞལ་བཞེས་པའི། །རྡོ་རྗེ་ཕུར་པའི་སྲུང་མ་དམ་ཚིག་ཅན། །ཁས་བླངས་དམ་བཅས་སྲོག་གི་སྙིང་པོ་ཕུལ། །བསྟན་པ་རྒྱས་པའི་སླད་དུ་དོན་མཛད་པའི། །མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །དྲེགས་པའི་མངའ་མཛད་གནོད་སྦྱིན་མེ་རུ་ཙེ། ཁྲག་མདོག་དམར་པོ་བསེ་ཡི་རལ་པ་ཅན། །སྤྱན་མིག་ཉི་མའི་འོད་ཟེར་སྐར་ལྟར་འཁྲུགས། །སྨིན་མ་གློག་འགྱུ་བར་སྣང་གོ་སྐབས་འབྱེད། ་ངས་ནས་བུ་ཡུག་རྡོ་རྗེ་ཐོག་ཆེན་འབེབས། །ཞལ་བགྲད་ཚེམས་ནི་སྐྲུ་གྲི་འབུམ་གྱིས་གཏམས། །རྔམ་པའི་ལྗགས་འདྲིལ་བསྐལ་པའི་མེ་ལྟར་འབར། །ཨག་ཚོམ་དམར་སེར་དུག་གསུམ་རྩད་ནས་བསྲེག །སྙན་ནས་འབྲུག་སྟོང་སྒྲ་སྐད་ལྡི་རི་རི། །སེན་མོ་ལྕགས་ཀྱུའི་རྩེ་ལྟར་འཛིན་ཞིང་འགུགས། །བ་སྐྲུའི་ནང་ནས་གནམ་ལྕགས་ཞུན་ཆུ་འབྲུབ། །སྤྱན་མིག་དམར་པོས་སྣང་སྲིད་གསལ་བར་མཛད། །ལྕགས་ཀྱུས་སྣང་སྲིད་དབང་དུ་སྡུད་པའི་རྟགས། །སྨིན་མ་འཛིངས་པས་མེ་སྟག་རབ་ཏུ་འཕྲོ། །ཡསྒ་གནོད་སྦྱིན་འཇིགས་པས་རབ་ཏུ་རྔམ། །ཆུ་ལྟར་འབྲུབ་ཅིང་མེ་ལྟར་སྲེག་པར་བྱེད། །ཞབས་ཀྱིས་གང་དུ་བསམས་པར་ཡུད་ཀྱིས་ཕྱིན། །ན་བཟའ་དམར་པོ་སྤྲིན་གྱི་གཡང་གཞི་གསོལ། །ཉམས་པའི་སྙིང་འབྱིན་ཆད་པར་བཅུག་ནས་གསོལ། །རྡོ་རྗེ་ཕུར་པའི་ལས་རྣམས་ཁྱེད་ཀྱིས་སྒྲུབས། །བཅོལ་པའི་ལས་རྣམས་མ་ལུས་འགྲུབ་པར་མཛོད། །ཧུ༷་གནོད་སྦྱིན་མེ་རུ་ཙེ་ཡི་ཐུགས་དམ་དགྱེས་སྐུལ་མ། །ཡུམ་གཅིག་རྡོ་རྗེ་གར་གྱི་དབང་ཕྱུག་མ། །ཁྲོས་པའི་སྐུ་མདོག་ཁྲག་གི་ཐིགས་པ་འདྲ། །མི་བཟད་རྡོ་རྗེ་ལྕགས་ཀྱི་ཕུར་པས་གཏམས། །རྡོ་རྗེའི་རལ་པ་སི་ལི་ལི། ཁྲག་གི་མཆི་མ་ཕྲུ་ལུ་ལུ། །སྙིང་རྗེ་མི་མངའ་དམ་ཉམས་སྒྲོལ་བར་བྱེད། །ཕྱག་ན་རྡོ་རྗེ་ཕུར་པ་འདྲིལ་ཞིང་འདེབས། །དུས་ལ་བབ་བོ་གར་ཀྱི་དབང་ཕྱུག་མ། །གྲུ་བཞི་སྲིན་མོ་སྦྲུལ་འདྲ་མ། །ཡབ་ཡུམ་རྟགས་དང་གདུག་པ་ཅན། །བྱ་བ་མ་ཡིན་རབ་ཏུ་གཟེམ། །རྟ་དང་བྱིས་པ་མུག་པའམ། །ཙག་ཙོག་མང་པོ་བྱུང་བ་དང་། །ཁུག་པས་རབ་ཏུ་གདབ་བྱ་སྟེ། །ཕུར་པ་བླངས་ཤིང་རབ་ཏུ་འདྲིལ། །དྲོད་དང་ཚངས་པའི་མགོ་ལ་གདབ། །ས་ཏི་ཡམ་ཤུད་རྐང་པ་ལ། ཁུ་ལ་ཁུ་ལེ་ལག་པ་ལ། །ད་ཤ་རྒི་བ་གསང་བ་ལ། །རྩ་གཉིས་ཡབ་ཡུམ་སྔགས་ཀྱིས་གདབ། །ཡབ་སྙིང་ཡུམ་ལྟེ་རྣམ་པ་གཉིས། །རབ་ཏུ་གདབ་པ་དེ་བཞིན་བྱ། །གྱད་ཀྱི་སྐུ་མདོག་བཞིར་བསྒོམ་ལ། །ཕུར་པ་གདབ་ཅིང་ལས་རྣམས་བྱ། །གཏོར་མ་ལག་ཏུ་ཐོགས་བྱས་ལ། །སྲོད་ལ་ཟླ་བའི་འོད་ལ་བསྐུལ། །ཐོ་རངས་སྐར་ཆེན་ཤར་ནས་བསྐུལ། །དགོང་མོ་གྲིབ་སོ་ཆགས་ལ་བསྐུལ། །ནང་པར་ཉི་མའི་རྩེ་ལ་བསྐུལ། །རང་བཞིན་རྟགས་ནི་བྱུང་བ་དང་། །གང་ཡིན་ཕྱོགས་སུ་གཏོར་མ་འཕངས། །དེ་ཡི་ལས་རྣམས་འགྲུབ་པར་འགྱུར། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། གནོད་སྦྱིན་དྲེགས་པ་ཅན་སྒྲུབ་པའི་ལེའུ་སྟེ་སོ་བརྒྱད་པའོ།། །།དེ་ནས་བཅོམ་ལྡན་འདས་ཡོན་ཏན་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ཏེ། བསྟན་པ་ཐམས་ཅད་འཕེལ་བ་དང་། །ཆོས་ཉིད་ཞི་བས་འདུལ་བ་དང་། །མ་རིག་རིག་པར་འགྱུར་པ་དང་། །སྟོན་པ་རང་ལས་བྱུང་བ་དང་། །འབྲས་བུ་གཞན་ལ་མེད་རྟོགས་ན། ཁུད་གཉིས་ཡོངས་སུ་རྟོགས་ལས་བྱུང་། །ཞི་བ་ཆེན་པོར་རྟོགས་པ་དང་། །མ་རིག་མུན་པ་བསལ་བ་དང་། །རིག་པའི་ཡེ་ཤེས་གསལ་བ་དང་། །རྟོགས་པས་འབྲས་བུར་གྱུར་པ་དང་། །དྲི་མེད་འོད་ལྡན་གསལ་བ་དག ཁུད་འདི་ཡོངས་སུ་རྟོགས་ལས་བྱུང་། །ཀུན་བཟང་དོན་ཉིད་སྟོན་པ་དང་། །དེ་ཉིད་གཞི་རུ་བྱུར་པ་དང་། །རྣམ་པ་ཐམས་ཅད་མཁྱེན་པ་དང་། །དེ་ཡིས་ཐམས་ཅད་ཆོས་སྟོན་དང་། །རྒྱུད་འདི་ཡོངས་སུ་རྟོགས་ལས་བྱུང་། །ཆོས་ཉིད་ཕུར་པ་ཀུན་གྱི་གཞི། །བསྟན་པ་དར་དང་འདུལ་བའི་དོན། །གང་དུ་བསྟན་པར་འབྱུང་བར་བྱེད། །རང་བཞིན་འདུལ་བའི་དོན་བསྟན་པ། ཁུད་འདི་ཡོངས་སུ་རྟོགས་ལས་བྱུང་། །ཡེ་ནས་གནས་པའི་ཆོས་ཉིད་འདི། །ཆོས་ཉིད་རིག་པ་ཀུན་གྱི་གཞི། །རྡོ་རྗེ་ཡང་དག་སྐྱེ་བ་མེད། །སྤྲོས་མེད་དོན་རྣམས་རྟོགས་བྱེད་པ། ཁུད་འདི་ཡོངས་སུ་རྟོགས་ལས་བྱུང་། །ཐུགས་རྗེ་ནམ་མཁའི་བྱིན་རླབས་ལས། །འདུལ་བའི་དོན་ལ་ཅིར་ཡང་སྟོན། །གདུག་པ་འདུལ་བའི་ཁྲོ་བོ་འབྱུང་། །ཐམས་ཅད་མ་ལུས་འདུལ་བ་ཡང་། ཁུད་འདི་ཡོངས་སུ་རྟོགས་ལས་བྱུང་། །ཀུན་ཏུ་བཟང་པོའི་ངང་ཉིད་ལས། །གདུག་པ་འདུལ་བའི་ཁྲོ་བོ་ཡང་། །ཧུ༷་ཧུ༷་ཕཊ་ཕཊ་སྒྲ་སྒྲོགས་པ། །ཡོངས་སུ་འདུལ་བ་བསྟན་པ་ཡང་། །རྒྱུད་འདི་ཡོངས་སུ་རྟོགས་ལས་བྱུང་། །བདེབརགཤེགསཔའིབྱིན་རླབས་ལས། །བདུད་དང་སྲིན་པོ་འདུལ་བའི་ལྷ། །རྔམ་པའི་སྒྲ་ཡིས་ཀུན་བཀང་ནས། །ཉོན་མོངས་སྲེག་པར་བྱེད་པའི་མེ། ཁུད་འདི་ཡོངས་སུ་རྟོགས་ལས་བྱུང་། །ཐབས་དང་ཤེས་རབ་འབྲེལ་པ་ཡང་། །འགྲོ་བ་འདུལ་བ་དོན་གྱི་ཕྱིར། །བྱང་ཆུབ་སེམས་ཀྱི་བདེ་བ་ཡང་། །བདེ་གཤེགས་དགོངས་པའི་བྱིན་རླབས་ཏེ། །རྒྱུད་འདི་ཡོངས་སུ་རྟོགས་ལས་བྱུང་། །འདོད་ཆགས་སྦྱོང་ཞིང་བྱང་ཆུབ་ཐོབ། །ཆགས་པ་རང་རྒྱུད་སྡུག་བསྔལ་སེལ། །ཞེན་པ་རང་རྒྱུད་གྲོལ་བར་བྱེད། །འཛིན་པ་མེད་ཅིང་ཞེན་པ་གཅོད། ཁུད་འདི་ཡོངས་སུ་རྟོགས་ལས་བྱུང་། །མཁའ་ལ་བྱ་ལྟར་འཕུར་པ་དང་། །ཆུ་ལ་མི་འབྱིང་མེས་མི་ཚིག །ཐོགས་པ་མེད་པར་འགྲོ་བ་དང་། །མངོན་ཤེས་རབ་ཏུ་མི་སླུ་དང་། །བདེན་པ་དོན་དང་ལྡན་པ་འདི། །རྒྱུད་འདི་ཡོངས་སུ་རྟོགས་ལས་བྱུང་། །ལོག་པའི་ཆོས་ཅན་འདུལ་བ་དང་། །དངོས་གྲུབ་བར་ཆད་བྱེད་པ་དང་། །བསྒྲལ་བའི་ཞིང་བཅུར་གྱུར་པ་དང་། །པན་སོང་སྡུག་བསྔལ་མཁའ་འགྲོར་བཅས། །ཐུགས་རྗེའི་བྱིན་རླབས་འབྱུང་བར་ནི། ཁུད་འདི་ཡོངས་སུ་རྟོགས་ལས་བྱུང་། །འགྲོ་བ་འདུལ་བའི་དོན་སླད་དུ། །ཞི་དང་ཁྲོ་དང་འདུལ་བའི་དོན། །འདུལ་བའི་དབང་དུ་དེ་ལས་བྱུང་། །དྲང་དོན་ངེས་དོན་རྣམ་པ་གཉིས། །འགྲོ་བ་འདུལ་བའི་དོན་དུ་འབྱུང་། ཁུད་འདི་ཡོངས་སུ་རྟོགས་ལས་བྱུང་། །རང་རྒྱུད་དངོས་པོར་འཇོམས་པ་དང་། །སྟོང་པའི་དོན་ལ་དགོད་པ་དང་། །བདེན་པའི་དབྱིངས་ལས་འདུལ་བ་དང་། །མི་འཁོར་དོན་ལ་འགོད་པ་དང་། །ཞིང་བཅུའི་དོན་རྣམས་མཐོང་བ་དང་། ཁུད་འདི་ཡོངས་སུ་རྟོགས་ལས་བྱུང་། །ཉི་མའི་འོད་བཞིན་གསལ་བ་དང་། །གསལ་ལ་འགྱུར་མེད་བརྟན་པ་དང་། །ཉེས་པ་མེད་པར་རྟོགས་པ་དང་། །བགྲོད་དུ་མེད་པར་མཐར་ཕྱིན་པ། ཁུད་འདི་ཡོངས་སུ་རྟོགས་ལས་རྒྱུང་། །སྐབས་དང་རིམ་པར་གྱུར་པ་ལ། །ས་དང་ལམ་ལ་དེ་བཞིན་ཏེ། །རིམ་པར་ནུས་པའི་བྱིན་རླབས་དང་། །འབྲས་བུའི་རིམ་པ་དེ་བཞིན་ཏེ། ཁུད་འདི་ཡོངས་སུ་རྟོགས་ལས་བྱུང་། །བསམ་གཏན་ཏིང་འཛིན་རིམ་པ་ནི། །ཏིང་འཛིན་རྩལ་གྱི་རིམ་པ་ཡིས། །ས་ལ་རྣམ་པ་གཉིས་ཡོད་དེ། །འཁོར་འདས་གཉིས་སུ་དེ་བཞིན་འབྱུང་། །མྱ་ངན་འདས་པའི་ས་ལམ་ཡང་། །རྒྱུད་འདི་ཡོངས་སུ་རྟོགས་ལས་བྱུང་། །བསྟན་པའི་སྙིང་པོ་དམ་པ་ཡང་། །གང་ཡིན་རྟོགས་ལས་དེ་བཞིན་འབྱུང་། །མ་ངེས་འཛིན་པ་དེ་བཞིན་བྲལ། །འཛིན་པ་མེད་པ་གཞི་རྩ་བྲལ། ཁུད་འདི་ཡོངས་སུ་རྟོགས་ལས་བྱུང་། །བཤད་པ་དྲི་མེད་འོད་ལྡན་འདི། །བསྟན་པ་ཡོངས་ཀྱི་འབྱུང་གནས་ཡིན། །བདེ་བར་གཤེགས་པའི་སྙིང་པོ་ཡིན། །ཐམས་ཅད་འབྱུང་བའི་གནས་ཆེན་ཡིན། །མུན་པ་སེལ་བའི་སྒྲོན་མེ་ཡིན། །རྟོགས་པར་བྱེད་པའི་ཤེས་རབ་ཡིན། །སྒོམ་པར་བྱེད་པའི་བསམ་གཏན་ཡིན། ཁྲེས་པར་བྱེད་པའི་སྤྱོད་པ་ཡིན། །ཐོབ་པར་བྱེད་པའི་འབྲས་བུ་ཡིན། །ངེས་པར་འགྲུབ་པའི་དངོས་གྲུབ་ཡིན། །ཞི་བར་བྱེད་པའི་ཆོས་ཉིད་ཡིན། །འཇོམ་པར་བྱེད་པའི་ཁྲོ་བོ་ཡིན། །སྒྲོལ་བར་བྱེད་པའི་ཕུར་པ་ཡིན། །ག་་པར་བྱེད་པའི་མཚོན་ཆ་ཡིན། །གསལ་བར་བྱེད་པའི་མར་མེ་ཡིན། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རྒྱུད་འབྱུང་བའི་དོན་བསྟན་པའི་ལེའུ་སྟེ་སོ་དགུ་པའོ།། །།དེ་ནས་བཅོམ་ལྡན་འདས་དྲག་པོ་ཉིད་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུར་ཁྲོད་ཆེན་པོའི་གནས་དག་ཏུ། །དྲག་པོ་གྲུ་གསུམ་རིམ་པ་བཞིན། །དུར་ཁྲོད་རུས་པའི་ཕྱེ་མ་ལ། །ཁྲག་གིས་སྦྲུས་ཏེ་རབ་ཏུ་བྱུག །རིམ་པ་བཞིན་དུ་བྱས་ཀྱང་རུང་། །རྫས་རྣམས་གོང་དུ་བསྟན་པ་བཞིན། །ཚང་པར་བསགས་ཤིང་ལས་རྣམས་བྱ། །བར་ཆད་བསྲུང་ཞིང་བྱིན་བརླབ་བྱ། །ཕུར་པ་སྔགས་ཀྱི་བྱིན་བརླབ་བྱ། །བརྗོད་ཀྱིས་རིམ་པས་གཞུག་པར་བྱ། །རྣམ་ལྔ་ལས་ཀྱི་ལིསྐོ་འབུལ། །གཙོ་བོ་སྔགས་ཀྱིས་གཟིར་ལ་གཞག །སྔགས་ཀྱི་ལས་བྱ་ཏིང་འཛིན་བསྒོམ། །རྣམ་གསུམ་བསྐྱེད་དང་མཆོད་པ་འབུལ། །ལས་བཞི་བརྡུང་བའི་སྦྱོར་སྒྲོལ་བྱ། །བསྟབ་པའི་སྔགས་ཀྱིས་དེ་བཞིན་འབུལ། །སྙིང་པོ་དྲིལ་ཞིང་ལས་རྣམས་བྱ། །ཚོགས་མཆོད་གོང་དུ་བསྟནཔབཞིན། །དེཡིསརྟགས་རྣམས་བྱུང་བ་དང་། །རབ་ཏུ་དྲིལ་ཞིང་དྲག་པོར་བསྟན། །གོང་དུ་བསྟན་པ་དེ་མིན་དགོས། །དྲག་པོའི་ལས་སུ་བསྟན་པ་ཡིན། །མཚན་མ་བརྟན་པོ་བྱུང་བ་དང་། །ཕོ་ཉ་དཀྱུས་སུ་བཅས་པ་དང་། །རང་རང་དྲག་པོ་བསྒྲལ་བའི་སྔགས། །མཐའ་ཡིས་བརྟེན་ཅིང་གདབ་པར་བྱ། །དངོས་པོར་འཛིན་པ་སྒྲོལ་བ་ཡི། །དྲག་པོ་ཁྲོ་བོའི་བྱིན་རླབས་ཡིན། །དངོས་པོ་སྟོང་པར་སྒྲོལ་བ་དང་། །དེ་ཡི་དོན་ལས་མི་འདའ་དང་། །འཁོར་བར་མི་འཁོར་འོར་གཅིག་བྱ། །མཚོན་དང་དུག་དང་བརྡུང་བ་དང་། །བསྟབ་དང་གནས་པའི་རིམ་པ་ཡང་། །འདུས་པ་ཆེན་པོ་རང་རང་ཡིན། །གནས་གསུམ་ལས་ཉིད་གང་བྱེད་ཀྱང་། །རང་རང་སྔགས་ཀྱིས་དེ་བཞིན་བྱ། །ཚེ་དང་བཀྲ་ཤིས་དངོས་གྲུབ་ཀྱང་། །ཐམས་ཅད་འདུས་པའི་སྔགས་ཚིག་ཡིན། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། དྲག་པོ་བསྒྲུབ་པའི་ལེའུ་སྟེ་བཞི་བཅུ་པའོ།། །།དེ་ནས་བཅོམ་ལྡན་འདས་སྲས་མཆོག་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། །དུར་ཁྲོད་ཆེན་པོའི་གནས་དག་ཏུ། ཁྲུ་གསུམ་མཐིང་ནག་འབར་བ་བྲི། །དུར་ཁྲོད་རུས་པའི་པྱེ་མ་གདབ། །སྔགས་ཀྱིས་བསྲུང་ཞིང་ཕུར་པ་དགོད། །བྱིན་བརླབས་དགོད་པ་སྔགས་ཉིད་ཡིན། །དེ་ཉིད་བསྐྱེད་དང་སྤྱན་དྲང་དང་། །མཆོད་དང་ལས་བཞིའི་བརྡུང་བ་དང་། །གདབ་ཅིང་བསྐུལ་ཞིང་སྙིང་པོ་བཟླས། །བསྟོདབཞིནགོངབཞིནཚོགསམཆོད་བྱས། །རྟགས་རྣམས་རབ་ཏུ་བྱུང་བ་དང་། །བསྒྲུབ་པ་དྲག་པོ་སྔགས་ལ་འཇུག །བསྙེན་བསྒྲུབ་ཤ་མདངས་ཕྱེད་པར་བྱ། །བརྡུང་བའི་ལས་ནི་དུས་དུས་བྱ། །དེ་ཡིས་རྟགས་ཉིད་བྱུང་བ་དང་། །ཕོ་ཉ་དཀྱུས་དང་ཡང་དག་སྦྱར། །སྒྲོལ་བའི་སྔགས་ཀྱིས་བསྒྲལ་བར་བྱ། །ཕྱི་མའི་ལས་ཉིད་གོང་དུ་བསྟན། །དྲག་པོ་སྒྲོལ་བའི་ལས་ཉིད་ཡིན། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས།སྲས་མཆོག་ཉིད་དུ་སྒྲུབ་པའི་ལེའུ་སྟེ་ཞེ་གཅིག་པའོ།། །།དེ་ནས་བཅོམ་ལྡན་འདས་ལས་མཁན་དགུ་བཅུ་སྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། །དུར་ཁྲོད་མེ་རི་སྐྲུངས་པའི་སར། །གྲུ་གསུམ་མཐིང་ནག་འབར་བ་བྲི། །སྔོན་དུ་བྱ་བའི་རིམ་པའི་ས། །གསུམ་དང་བཞི་བཞི་གཅིག་ཀྱང་རུང་། །རིམ་པས་དེ་བཞིན་གང་ཡིན་སྦྱར། །སོ་སོའི་རྫས་རྣམས་སོ་སོར་བསག །ཐུན་ཡང་དེ་བཞིན་རིམ་པར་བྱ། །ཏིང་འཛིན་རིམ་པའི་བྱིན་རླབས་ལས། །ཕུར་པ་དར་གྱི་ཅོད་པན་ཅན། །མངའ་གསོལ་རིམ་པ་བཞིན་དུ་བྱ། །མདུན་དུ་ལས་མཁན་དེ་ཉིད་བསྐྱེད། །སྤྱན་དྲང་བསྟིམ་དང་མཆོད་པ་བྱ། །སྙིང་པོ་དྲག་པོ་སྔགས་སུ་སྦྲེལ། །ལྷ་གསལ་གང་ཡིན་ལས་སྔགས་བྱེད། །བསྙེན་བསྒྲུབ་མི་དབྱེ་གཅིག་ཏུ་དྲིལ། །དྲག་པོར་སྦྲེལ་ཅིང་རཀྟ་སྦྲེང་། །དུས་དུས་རྦད་ཅིང་རབ་ཏུ་ཁྲོ། །རྟགས་རྣམས་དབྱུང་བའི་ཕུར་པའི་ལས། །ཐུན་ཡང་དེ་བཞིན་འཕང་བར་བྱ། །ཐུན་ལ་མེ་རུ་འབར་བ་དང་། །འོད་དང་སྐད་དང་དུ་བ་དང་། །རྟགས་དེ་མངོན་དུ་འོང་བར་བཤད། །བསྙེན་སྔགས་གདབ་སྔགས་ཐུན་སྔགས་དང་། །མི་དབྱེདེཉིདགཅིགཔཡིན། །དྲིལ་བའི་སྔགས་ཀྱིས་ལས་རྣམས་འགྲུབ། །ཏིང་འཛིན་རིམ་པ་སོ་སོ་ཡིན། །རྫས་ཀྱང་མི་མཐུན་སོ་སོ་ཡིན། །བྱེ་བྲག་ཏུ་ནི་ཤེས་པར་བྱ། །གཙོ་བོ་གཅིག་ལ་ལས་མཁན་ནི། །རྐྱང་པ་བཅུ་དགུའི་རིམ་པ་སྟེ། །དེ་རྣམས་གང་བྱེད་ལས་མཁན་ཡིན། །བཅུ་དགུ་ཕོ་མོ་གཉིས་སུ་འདུས། །གང་བྱེད་ཡེ་ཤེས་ལྷ་ལ་གདགས། །དྲིལ་བས་སྔགས་སུ་གོང་བཞིན་འགྲོ། །ན་ཡ་བྱེ་བྲག་རིགས་དང་སྦྱར། །ལས་ཀྱི་ཕོ་མོ་རྣམ་གཉིས་སོ། །གང་ཡིན་རྟགས་དང་སྦྱར་བར་བྱ། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ལས་མཁན་བཅུ་དགུའི་སྒྲུབ་པ་བསྟན་པའི་ལེའུ་སྟེ་ཞེ་གཉིས་པའོ།། །།དེ་ནས་བཅོམ་ལྡན་འདས་ཡོན་ཏན་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། བྱིན་རླབས་ནམ་མཁའི་ངོ་བོ་ལས། །ཐུགས་རྗེ་ཆེན་པོའི་བྱིན་རླབས་འདུ། །འདུལ་བའི་དོན་དུ་ཅིར་ཡང་སྟོན། །ཐབས་མཁས་རྒྱལ་བའི་བྱིན་རླབས་ཀྱིས། །འདུལ་བ་རྣམ་གཉིས་གང་འདུལ་བ། །ཡང་དག་དོན་ལ་ཁྱད་པར་མེད། །བསྟན་པའི་སྙིང་པོ་དམ་པ་འདི། །འདུལ་བའི་དོན་དུ་ཅིར་ཡང་སྟོན། །སྙིང་པོ་དམ་པ་ལྷ་ཡི་སྐུ། ཁམས་གསུམ་སེམས་ཅན་དེ་བཞིན་འབྱུང་། །རྟོགས་དང་མ་རྟོགས་ཁྱད་པར་མེད། །རྣམ་པ་གཉིས་ཀྱི་འབྲས་བུའབྱུང། །གཅིགལསགཉིསསུདེབཞིནསྣང། །སྙིང་པོའི་དོན་ལ་བཟང་ངན་མེད། །མེད་པ་མ་ཡིན་ཅིར་ཡང་སྣང་། །རྒྱལ་བ་ཐམས་ཅད་འབྱུང་བར་བྱེད། ཁམས་གསུམ་སེམས་ཅན་འབྱུང་བར་བྱེད། །འབྲས་བུ་བཟང་ངན་གཉིས་སུ་སྨིན། །རྒྱལ་བའི་བྱིནརླབས་རྣམ་པར་འབྱུང་། །རྒྱལ་བ་གྲངས་མང་བསམ་འདས་ཀྱང་། །དོན་དམ་སྙིང་པོ་ཉིདལས་བྱུང་། ཁུད་རྣམསཐམསཅད་འབྱུངབཡང་། །དོན་དམ་སྙིངཔོ་དབྱིངས་ལས་བྱུང་། །སྟོན་པ་ཐམས་ཅད་འབྱུང་བཡང་། །དོནདམ་སྙིང་པོ་དབྱིངས་ལས་བྱུང་། །འཁོར་རྣམས་ཐམས་ཅད་བྱུང་བ་ཡང་། །དོན་དམ་སྙིང་པོ་དབྱིངས་ལས་བྱུང་། །སྡུད་པཐམས་ཅད་འབྱུང་བ་ཡང་། །དོན་དམ་སྙིང་པོ་དབྱིངས་ལས་བྱུང་། །ཐེག་པ་ཐམས་ཅད་འབྱུང་བ་ཡང་། །དོན་དམ་སྙིང་པོ་དབྱིངས་ལས་བྱུང་། །བསྟན་པ་ཐམས་ཅད་འབྱུང་བ་ཡང་། །དོན་དམ་སྙིང་པོ་དབྱིངས་ལས་བྱུང་། །རིགས་རྣམསཐམས་ཅད་འབྱུང་བ་ཡང་། །དོན་དམ སྙིང་པོ་དབྱིངསལས་བྱུང་། །ལྟ་བ་བསྒོམ་པ་རྟོགས་པ་ཡང། །དོན་དམ་སྙིང་པོ་དབྱིངས་ལས་བྱུང་། །འབྲས་བུ་མཐའ་རུཕྱིནཔ་ཡང་། །དོན་དམ་སྙིང་པོ་དབྱིངས་ལས་བྱུང་། །འགྲོ་བའི་དོན་ལ་སྤྱོད་པ་ཡང་། །དོན་དམ་སྙིངཔོདབྱིངས་ལས་བྱུང། །དོན་རྣམས་ཐམས་ཅད་འགྲུབ་པ་ཡང་། །དོན་དམ་སྙིངཔོ་དབྱིངས་ལས་བྱུང་། །གཏན་ལདབབ་པར་བྱབ་དང་། །གཏན་ལ་འབེབས་པར་བྱེད་པ་ཡང་། །དོནདམ་སྙིང་པོ་དབྱིངས་ལས་བྱུང། །དོན་དམ་སྙིངཔོ་ཅི་ཡང་མེད། །ཅི་ཡང་མེད་ལཅིར་ཡང་སྣང་། །སྣང་བའི་དངོས་པོ་དམིགས་དངབྲལ། །སྣང་བ་དངོས་མེད་སྟོང་པའི་དབྱིངས། །སྣང་བ་རང་བཞིན་མེད་པའི་ངང་། །སྣང་བ་རང་བཞིན་ཅི་ཡང་མེད། །སྟོང་པ་ཅིར་ཡང་སྣང་བའི་སྟོང་། །སྟོང་པ་ཐམས་ཅད་ཀུན་ཀྱང་འབྱུང་། །སྟོང་པ་ཡེ་ཤེས་ལྔ་ཡིངང་། །སྟོང་པ་རིགས་ལྔ་བདེར་གཤེགས་བྱུང་། །སྟོང་པ་སྟོང་པས་ཆད་པ་མེད། །སྟོང་པ་སྟོང་པས་ཐམས་ཅད་འབྱུང་། །སྟོང་པ་སྟོང་པས་དབྱིངས་སུ་ཐིམ། །སྟོང་པའི་སྟོང་པ་ཡེ་ཤེས་མཆོག །སྣང་སྟོང་གཉིས་མེད་བདེ་བའི་མཆོག །གཉིས་སུ་མེད་པ་གཉིས་མེད་དབྱིངས། །གཉིས་སུ་མེད་པར་བདེན་པའི་དབྱིངས། །གཉིས་སུ་མེད་པར་བསྟན་པའི་གཞི། །གཉིས་སུ་མེད་པ་སྙིང་པོའི་དངོས། །གཉིས་སུ་མེད་པ་འབྲས་བུའི་མཆོག །གཉིས་སུ་མེད་པ་དོན་དམ་ལམ། །གཉིས་སུ་མེད་པ་བདེ་བའི་མཆོག །གཉིས་སུ་མེད་པ་མཉམ་པའི་དབྱིངས། །མཉམ་ཉིད་རིག་པའི་ཀློང་བརྡལ་བས། །སྣང་སྟོང་གཉིས་སུ་མེད་པ་ཡང་། །ཐམས་ཅད་རང་རིག་བྱང་ཆུབ་སེམས། །བདེ་བ་ཆེན་པོ་དབྱིངས་ལ་གསལ། །རིག་དང་མ་རིག་ཁྱད་པར་ལས། །འཁོར་བ་མྱ་ངན་འདས་པ་བྱུང་། །འཁོར་བ་བསམ་མེད་བརྗོད་ལས་འདས། །རྟོག་པ་བརྟས་ལ་སོ་སོར་སྨིན། །རང་རང་བཅིངས་པ་གྲོལ་བ་མེད། །བཅིང་བྱ་འཆིང་བྱེད་གཉིས་སུ་མེད། །རྟོག་པ་བརྟས་ལ་དེ་ལྟར་སྣང་། །རྟོག་པ་བརྟས་ལ་མེ་ལྟར་ཚ། །རྟོག་པའི་དབང་དུ་དེ་ཉིད་ལྟར། །སྡུག་བསྔལ་ངན་སོང་འབྲས་བུ་ལས། །གྲངས་དང་བརྗོད་ལས་འདས་པ་མུ །སྡུག་བསྔལ་སྣ་ཚོགས་ཐར་པ་མེད། །ལོག་པར་བརྟས་པས་དེ་བཞིན་བྱུང་། །འགྲོ་བའི་དུས་མེད་ངན་སོང་འཡོས། །ཐུགས་རྗེའི་བྱིན་རླབས་རབ་ཏུ་དཀོན། །འབྲས་བུ་རླག་པར་གྱུར་པ་ཡིན། །རྟོག་པའི་རིམ་པ་ཁྱད་པར་གྱིས། །གྲངས་དང་བརྗོད་ལས་འདས་པ་བྱུང་། །ཐེག་པའི་རིམ་པ་བསམ་འདས་ཀྱང་། །ངེས་པར་བསྟན་པ་གཅིག་ལས་མེད། །སངས་རྒྱས་གྲངས་མང་བརྗོད་འདས་ཀྱང་། །ངེས་པར་བསྟན་པ་གཅིག་ལས་མེད། །འབྲས་བུ་གྲངས་མང་བརྗོད་འདས་ཀྱང་། །ངེས་པའི་འབྲས་བུ་གཅིག་ལས་མེད། །དེ་བཞིན་ཐམས་ཅད་འབྱུང་བ་ཡང་། །ངེས་པར་མ་རྟོགས་རིམ་པར་བགྲོད། །གཏན་ལ་ཕེབས་པ་གཅིག་ལས་མེད། །རྟོགས་པའི་ཁྱད་པར་གཉིས་ལ་འབྱུང་། །དེ་ཡང་སྣང་བ་རྣམ་གཉིས་ཡིན། །ལྟ་བ་ཐམས་ཅད་དེ་ལ་འདུས། །སྒོམ་པ་ཐམས་ཅད་དེ་ལ་འདུས། །སྤྱོད་པ་ཐམས་ཅད་དེ་ལ་འདུས། །འབྲས་བུ་ཐམས་ཅད་དེ་ལ་འདུས། །དཀྱིལ་འཁོར་ཐམས་ཅད་དེ་ལ་འདུས། །ཞི་དང་ཁྲོ་ཡང་དེ་ལ་འདུས། །ལམ་དང་རིམ་པ་དེ་ལ་འདུས། ཁུད་རྣམས་ཐམས་ཅད་དེ་ལ་འདུས། །སྟོན་པ་ཐམས་ཅད་དེ་ལ་འདུས། །འཁོར་རྣམས་ཐམས་ཅད་དེ་ལ་འདུས། །བསྟན་པའི་སྙིང་པོ་རིན་པོ་ཆེ། ཁུད་རྣམས་ཐམས་ཅད་འབྱུང་བ་ཡང་། །དེ་ལ་ཟད་ཅིང་སྟོངས་པ་མེད། །དེ་ཕྱིར་ཟད་མེད་རིག་པའི་གཏེར། །རིནཆེནདབངགིརྒྱལ་པོར་བཤད། །བདུད་དང་སྲིན་པོ་འདུལ་བ་ཡང་། །སྙིང་པོ་དོན་དམ་དབྱིངས་ལས་བྱུང་། །དཔེར་ན་ཆོས་ཉིད་ནམ་མཁའ་འདྲ། །ཅིར་ཡང་མེད་དེ་ཀུན་གྱི་གཞི། །ཐམས་ཅད་ཐམས་ཅད་འབྱུང་བར་བྱེད། །དེ་ཡིས་རྒྱུད་ཀྱི་རང་བཞིན་འབྱུང་། །འདུལ་བའི་དོན་དུ་རྒྱུད་འབྱུང་བ། །རྣམ་པ་གཉིས་སུ་ངེས་པར་འབྱུང་། །བྱུང་ཡང་དོན་དམ་དབྱིངས་ལས་བྱུང་། །འདུས་ཀྱང་དོན་དམ་དབྱིངས་ལ་འདུ། །དེ་ཕྱིར་ཀུན་གྱི་གཞི་ཡིན་པས། །གཞི་ལ་རྒྱུད་རྣམས་སོ་སོར་འབྱུང་། །གཞི་དེ་ཉིད་ལས་མ་གཡོས་པར། །ཐམས་ཅད་དེ་བཞིན་འབྱུང་བ་ཡང་། །འདུས་ཀྱང་གཞི་དེ་ཉིད་དུ་འདུས། །བདུད་དང་སྲིན་པོ་འདུལ་བ་ཡི། །ཁྲོ་བོས་སྟོང་གསུམ་ཀུན་བཀང་ནས། །ཁྲོ་བོ་བྱང་ཆུབ་སེམས་ལས་བྱུང་། །བྱང་ཆུབ་སེམས་ཀྱི་རང་བཞིན་ལས། །ཐམས་ཅད་འབྱུང་བའི་ཆོས་རྣམས་ནི། །རྟོགས་མ་རྟོགས་ཀྱི་ཁྱད་པར་ཡིན། །བསྟན་པའི་སྙིང་པོ་དེ་ལ་བྱ། །རྡོ་རྗེའི་སྙིང་པོ་ཀུན་གྱི་གཞི། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རྒྱུད་གཏན་ལ་དབབ་པའི་ལེའུ་སྟེ་བཞི་བཅུ་ཞེ་གསུམ་པའོ།། །།དེ་ནས་བཅོམ་ལྡན་འདས་རྒྱུད་གཏད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དུས་གསུམ་སྐྱེ་ཤི་མི་མངའ་བའི། །རིག་པ་གསལ་བ་འདུན་པའི་དོན། ཁུད་རྣམས་ཐམས་ཅད་སྡུད་པར་བྱེད། །རྡོ་རྗེ་རིགས་ལ་མངའ་བརྙེས་པའི། །དམ་པའི་རིགས་ཅན་ཁྱོད་ཀྱིས་ཟུང་། །ལས་དང་སྐལ་བར་ལྡན་པ་དང་། །ཚེ་རབས་སྔོན་དུ་སྦྱངས་པ་དང་། །བྱང་ཆུབ་སེམས་དང་ལྡན་པ་དང་། །སྙིང་རྗེ་ཆེ་ཞིང་ཤེས་རབ་གསལ། །འགྲོ་བའི་དོན་ལ་མོས་པ་ལ། ཁུད་འདི་ཡོངས་སུ་འབྱུང་བར་འགྱུར། །རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་བཞི་བཅུ་ཞེ་བཞི་པའོ།། །།རྡོ་རྗེ་ཕུར་པ་ཆེན་པོ་བཤད་པའི་རྒྱུད་དྲི་མེད་འོད་ལྡན་ཞེས་བྱ་བ་རྫོགས་སོ།། །།རྒྱ་གར་སྐད་དུ། ཀརྨ་ཀུ་རུ་རཏྣ་ཏནྟྲ་ནཱ་མ། བོད་སྐད་དུ། ཕྲིན་ལས་ཕུན་སུམ་ཚོགས་པའི་རྒྱུད་ཅེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་

Ngb-pt-0313-vol-04-text

Front[edit]

Body[edit]

Navigation menu

Search