Ngb-pt-0297-vol-03-text
Front[edit]
Body[edit]
སེམས་དཔས་བསྡུས། །ལས་ཀྱི་བསྒྲུབ་པ་གཞུང་པདྨ་ས༷་བྷ་བས་བསྲང་། ལས་མདེའུ་ཆུང་ཧུ༷་ཀྭ་རས་བསྲང་བའོ།། །། རྒྱ་གར་སྐད་དུ། ཏ་ཐུ་ཀུ་ལ་ས་དྷ་གུ་རྒྱ་ཨསྣི་ཙིསྟ་ཏནྟྲ། །བོད་སྐད་དུ། དེ་བཞིན་རིགས་ཀྱི་སྒྲུབ་ཐབས་གསང་བ་མེ་དཔུང་ཐུགས་ཀྱི་རྒྱུད། དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། སྟོང་གི་སྟོང་ཆེན་པོ་འཇིག་རྟེན་དཔག་ཏུ་མེད་པའི་ཁམས། འོག་མིན་ཆོས་ཀྱི་དབྱིངས་ཀྱི་ཕོ་བྲང་བརྡལ་བ་ཆེན་པོ་ན། འཁོར་རིགས་ལྔའི་རྒྱལ་བ་སྡུད་པ་པོ་རྡོ་རྗེ་རྣོན་པོ་དང་། ཆོས་དེ་ཉིད་བཤད་པའི་གནས་ཀུན་གཞིའི་ཕོ་བྲང་ན་བཞུགས་སོ། །དེ་ནས་ཐུགས་ཐམས་ཅད་མཁྱེན་པའི་ཀློང་ནས། མྱ་ངན་ཆེན་པོ་ལས་འདས་པའི། ལྟ་བ་ཆེན་པོའི་གདེང་དུ་བཀའ་སྩལ་ཏོ། །ཕྱི་ནང་སྣོད་བཅུད་མ་ལུས་ཀྱང་། །ཕྱག་རྒྱ་ཆེན་པོར་རང་སྣང་ཞིང་། །དེ་ཡང་སྣང་བའི་དཀྱིལ་འཁོར་ལ། །རང་བཞིན་མེད་ལས་ཡེ་ཤེས་ཤར །མཚན་མ་མེད་པའི་གཟུགས་རྣམས་ཀུན། །མཚན་མའི་གཟུགས་རྣམས་ཀུན་ལ་ཁྱབ། །གཟུགས་དང་དངོས་པོར་འཛིན་སྣང་བ། །དེ་ནི་སེམས་ཀྱི་བྱེ་བྲག་སྣང་། །རྒྱལ་བའི་དཀྱིལ་འཁོར་མ་ལུས་ཀྱང་། །རིག་པ་རྣམ་དག་སེམས་ལས་བྱུང་། །རང་བྱུང་ཉིད་ཀྱང་རྒྱལ་བའི་སྐུ། །ཆོས་སྐུ་བྱང་ཆུབ་སེམས་སུ་གསལ། །བྱང་ཆུབ་སེམས་སུ་རྣམ་བཤད་པ། །མ་སྐྱེས་པས་ན་སྙིང་པོར་བཤད། །མི་སྤང་འཛིན་པས་དབུ་མའོ། །སྣང་བ་དག་པས་སེམས་ཞེས་བྱའོ། །སེམས་ཉིད་མི་འགྱུར་རྡོ་རྗེ་སྟེ། །སེམས་དཔའ་རྡོ་རྗེ་ཡེ་ཤེས་དོན། །ཐམས་ཅད་ངོ་བོ་ཉིད་ཀྱིས་དག །གདོད་ནས་མ་བཅོས་ཉིད་ལ་རྫོགས། །ཡེ་ཤེས་ཕ་རོལ་ཕྱིན་པའི་ཚུལ། །ཐེག་པ་ཐམས་ཅད་འདུས་པའི་རྩེ། །ཐེག་ལེའི་དོན་ལས་གང་གོལ་བ། །དེ་ནི་མུ་སྟེགས་རྟག་ཆད་འདྲ། །ཆོས་རྣམསསྒྱུམབཞིནཏེསྣངལམེད། །མི་དམིགས་ཉིད། །གསང་བ་མེ་དཔུང་གི་རྒྱུད་ལས། མན་ངག་ལྟ་བའི་ལེའུ་སྟེ་དང་པོའོ།། །།ཡེ་ཤེས་གསང་བ་ལས་བྱུང་བ། །ཕྱོགས་བཅུའི་སངས་རྒྱས་ཀུན་གྱི་ཐུགས། །རྡོ་རྗེ་ཐོགས་མེད་བསྡུས་པ་འདི། །བཅོམ་ལྡན་འདས་ཀྱིས་བཤད་དུ་གསོལ། །ཨེ་མ་ཧོ། །གསང་བ་རང་བྱུང་ཐུགས་ཀྱི་མཆོག །རང་སྣང་ཉིད་ཀྱང་དབྱེར་མེད་ལྷ་ཡི་ལྷ། །དང་པོར་ཏིང་འཛིན་རྣམ་གསུམ་གྱིས། །བསྒོམ་པའི་རིམ་པ་མཆོག་ཏུ་གསལ། །དང་པོར་སྐྱེ་མེད་རྣམ་བཤད་སེམས་ཀྱི་དབྱིངས། །མེ་ལོང་ལྷ་བུར་རང་ཤར་ཏེ། །གདོད་ནས་མ་བཅོས་དེ་བཞིན་གཤེགས། །གཏན་ཚིག་ཆེན་པོས་རབ་ཏུ་གཅེས། །མི་བསྒྲིབ་དང་བའི་དཀྱིལ་འཁོར་དུ། །ཐམས་ཅད་ནམ་མཁའི་ཚུལ་དུ་གནས། །གསལ་བ་དང་འདྲ་གོ་འབྱེད་དེ། །མེ་ལོང་ཡེ་ཤེས་ངང་ཉིད་ལས། །ཐམས་ཅད་མ་བསྒྲིབ་ཀུན་ཏུ་སྣང་། །རྒྱུ་ཡིས་ཐམས་ཅད་འབྱུང་བའི་གནས། །སྐྱེ་བའི་ངོ་བོར་རབ་ཏུ་སྣང་། །ཆོ་འཕྲུལ་ཆེན་པོ་སྣང་བའི་ཕྱིར། །དེ་ཉིད་རྒྱུ་ཡི་ཏིང་ངེ་འཛིན་ཏེ། །གཏན་ཚིགས་ཆེན་པོར་རབ་ཏུ་གཅེས། །དེ་ལྟར་ཏིང་འཛིན་གསལ་བསྒོམ་ནས། །ཡིད་ཀྱི་དཀྱིལ་འཁོར་ཆེན་པོ་ལ། །ཡི་གེ་ཨ་ཡི་ཆོ་འཕྲུལ་བསྒོམ། །༷་བི་ཤཱ་བི་ཤུཆི་ཙཀྲ་བཛྲ་རཏྣ་ར༷། སྟོང་གསུམ་ཟླ་གམ་ཡུམ་གྱི་གཞལ་ཡས་སུ། །དུར་ཁྲོད་གཞལ་ཡས་བསྐྱེད་ནས་ནི། །བདག་གི་ཁྱད་པར་བསྐྱེད་པའི་ཕྱིར། །ལྷ་ཆེན་དབང་ཕྱུག་གདན་དུ་གཏིང་། །དབུས་ཀྱི་གདན་གྱི་ཁྱད་པར་ནི། །མ་ཧྭ་དེ་བ་སྣ་བསྣོལ་ཁ། ཁྲར་དུ་དྲི་ཟ་ནི་བསྣོལ་ཁ། །ལྷོ་རུ་གཤིན་རྗེ་ནི་བསྣོལ་ཁ། །ནུབ་ཏུ་ཀླུ་ཆེན་ནི་བསྣོལ་ཁ། །བྱང་དུ་གནོད་སྦྱིན་ནི་བསྣོལ་ཁ། །དབང་ཕྱུག་ལྷ་ཡི་གདན་བཏིང་ནས། །དུར་ཁྲོད་ཁྲོ་བོ་དབངཕྱུག་བསྐྱེད། །ཡིད་ཀྱི་ཏིང་འཛིན་ཁྱད་པར་ལས། །ཡི་གེ་ཧུ༷་གི་འཕྲོ་འདུ་བསྐྱེད། །ཆོ་ག་གསུམ་གྱི་བྱིན་རླབས་ལས། །ལྔ་བཅུ་རྩ་བརྒྱད་དབྱིངས་ནས་འདོན། །ཧུ༷་ཧུ༷་ཧུ༷། ཧུ༷་ཧུ༷། ཧཧཧ་ཧ།ཧ་ཧཧ་ཧ།ཧེ་ཧེ་ཧེ་ཧེ། །ཧེ་ཧེ་ཧེ་ཧེ། །ཕཊ་ཕཊ་ཕཊ་ཕཊ། །སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྦྱོ་སྨྱོ། སྨྱོ་སྨྱོ་སྨྱོ་སྨྱོ། ཐུགས་རྗེ་ རྣམ་དག་རྒྱལ་བའི་ཕོ་བྲང་ནས། །བདེ་གཤེགས་ཁྲོ་བོའི་རྒྱལ་པོ་སྤྱན་འདྲེན་མཆོད། །ལྷ་ཆེན་དབང་ཕྱུགས་གདན་ལ་བཞུགས་སུ་གསོལ། །དེ་ནས་དུར་ཁྲོད་ཆེན་པོའི་དཀྱིལ་འཁོར་ལ། །ཐབས་ཀྱི་ཕྱག་རྒྱ་ཆེན་པོ་མཆོག །འབྱུང་བ་ལྔ་ཡི་ཆོ་འཕྲུལ་ལས། །འུརའུར་ཆེམ་ཆེམ་རབ་ཏུ་ཞབྲུགས། །དབུས་ཀྱི་ཁྲག་འཐུང་ཆེན་པོ་ནི། །མ་ཧྭ་དེ་བའི་གདན་ལ་བཞུགས། །སྨུག་ནག་འཇིགས་པའི་རྒྱན་དང་ལྡན། ཁྲར་གྱི་ཁྲག་འཐུང་ཆེན་པོ་ནི། །དྲི་ཟ་བསྣོལ་བའི་གདན་ལ་བཞུགས། །མཐིང་ནག་འཇིགས་པའི་རྒྱན་དང་ལྡན། །ལྷོ་ཡི་ཁྲག་འཐུང་ཆེནཔོནི། །གཤིན རྗེབསྣོལ་བའི་གདན་ལ་བཞུགས། །སྔོ་ནག་འཇིགས་པའི་རྒྱན་དང་ལྡན། །ནུབ་ཀྱི་ཁྲག འཐུངཆེནཔོནི། །ཀླུམེན་བསྣོལ་བའི་གདན་ལ་བཞུགས། །དམར་ནག་འཇིགས་པའི་རྒྱན་དང་ལྡན། །བྱང་གི་ཁྲག་འཐུང་ཆེན་པོ་ནི། །གནོད་སྤྱིན་བསྣོལ་བའི་གདན་ལ་བཞུགས། །ལྗང་ནག་འཇིགས་པའི་རྒྱན་དང་ལྡན། ཁྲོ་བདག་ཁྲག་འཐུང་རྒྱལ་པོ་ལྔ། །སོ་སོའི་གདན་ལ་ང་རྒྱལ་བསྐྱེད། །དབུས་ཀྱི་ཟ་བྱེད་དབང་མོ་ནི། །མ་ཆགས་མདངས་ཀྱིས་གཙོ་ལ་འཁྲིལ། །སྣུདྷ་ཀྲོ་རྙི་ཤྭ་རྡི་ཛ། ཤར་གྱི་ཟ་བྱེད་དབང་མོ་ནི། །མ་ཆགས་མདངས་ཀྱིས་གཙོ་ལ་འཁྲིལ། །བཛྲ་ཀྲོ་དྷི་ཤཱ་རྡི་ཛ། ལྷོ་ཡི་ཟ་བྱེད་དབང་མོ་ནི། །མ་ཆགས་མདངས་ཀྱིས་གཙོ་ལ་འཁྲིལ། །རཏྣ་ཀྲོ་དྷི་ཤཱ་རྡི་ཛ། ནུབ་ཀྱི་ཟ་བྱེད་དབང་མོ་ནི། །མ་ཆགས་མདངས་ཀྱིས་གཙོ་ལ་འཁྲིལ། །པདྨ་ཀྲོ་རྙི་ཤཱ་རྡི་ཛ། བྱང་གི་ཟ་བྱེད་དབང་མོ་ནི། །མ་ཆགས་མདངས་ཀྱིས་གཙོ་ལ་འཁྲིལ། །ཀརྨ་ཀྲོ་རྙི་ཤྭ་རྡི་ཛ། འཁྲིལ་བའི་མཆོད་ཟེན་མཉམ་སྦྱོར་བས། །མཁའ་འགྲོ་བཅུ་དྲུག་དབྱིངས་ནས་བསྐྱེད། །སྔོན་མོ་དབྱུག་ཏོ་གོའུ་སྡུ་ཛ། །ལོག་རྟོག་རྡུལ་དུ་རློག་པའི་དཀྱིལ་འཁོར་དུ། །བསྙེན་བསྒྲུབ་དབང་གི་དངོས་གྲུབ་སྩོལ། །སེར་མོ་མདའ་འགེངས་ཙོ་རྡི་ཛ། །དབྱིངས་ནས་བསྐུལ་བའི་དཀྱིལ་འཁོར་ནས། །བསྙེན་བསྒྲུབ་དབང་གི་དངོས་གྲུབ་སྩོལ། །དམར་མོ་ཆུ་སྲིན་པྲ་མོ་ཧྭ། །ཚངས་མའི་ཚུལ་གྱིས་དབང་མཛད་མ། །བསྙེན་བསྒྲུབ་དབང་གི་དངོས་གྲུབ་སྩོལ། །ནག་མོ་རྡོ་རྗེ་བེ་ཏྭ་སྙི། །ས་དགུ་འབྱོངས་པའི་རྟགས་དང་ལྡན། །བསྙེན་བསྒྲུབ་དབང་གི་དངོས་གྲུབ་སྩོལ། །དམར་སེར་རྒྱུ་ཞགས་སྡོག་འཕེན་པུ་ཀ་སི། །དུས་གསུམ་དབྱིངས་སུ་འདྲེན་པའི་དཀྱིལ་འཁོར་དུ། བསྙེན་བསྒྲུབ་དབང་གི་དངོས་གྲུབ་སྩོལ། །ལྗང་ནག་ཁྲག་འཐུང་བྷསྨ་རྡི། །ཐུགས་རྗེ་ཆགས་པའི་དཀྱིལ་འཁོར་དུ། །བསྙེན་བསྒྲུབ་དབང་གི་དངོས་གྲུབ་སྩོལ། །མཐིང་ནག་སྙིང་ཟན་སྨ་ཤ་ནི། །ཙིསྟ་ཐུགས་ཀྱི་དཀྱིལ་འཁོར་དུ། །བསྙེན་བསྒྲུབ་དབང་གི་དངོས་གྲུབ་སྩོལ། །དཀར་སེར་མགོ་གཅོད་ཙཎྜ་སྙི། །ཡ་མཚན་ཆེ་བའི་དཀྱིལ་འཁོར་དུ། །བསྙེན་བསྒྲུབ་དབང་གི་དངོས་གྲུབ་སྩོལ། །སེང་གདོང་ཕྲ་མེན་ཟ་བྱེད་སེང་གེའི་མགོ །མི་འཇིགས་དབང་པོ་ཟིལ་གནོན་དངོས་གྲུབ་སྩོལ། །སྟག་གདོང་དམར་མོ་དཔའ་བརྟུལ་སྟག་གི་མགོ །དཔའ་རྟུལ་འཇིགས་བྱེད་དངོས་གྲུབ་སྩོལ། །དམར་མོ་ཞག་ཆེན་ཝ་མགོ་སྲིང་གྭ་ལི། །གཡེང་མེད་ལས་མཛོད་དངོས་གྲུབ་སྩོལ། །མཐིང་ནག་རྔམས་ཁྲོ་ཤ་ཟན་སྤྱང་ཀིའི་མགོ །སྒྲིན་བྱེད་རྔམ་པའི་དངོས་གྲུབ་སྩོལ། །དམར་སེར་མཁའ་ལ་རྒྱུ་བའི་བྱ་རྒོད་མགོ །སྐེམས་བྱེད་ཀུན་ཏུ་སླེབས་པའི་དངོས་གྲུབ་སྩོལ། །དུར་ཁྲོད་ཀུན་ཏུ་ཉུལ་བྱེད་དུར་བྱའི་མགོ །དུར་ཁྲོད་ཚོགས་ཀྱི་དངོས་གྲུབ་སྩོལ། །ནག་མོ་བྱ་རོག་རྣམ་དག་ཆོས་ཀྱི་སྐུ། །དུག་གསུམ་སྐྱོན་བྲལ་དངོས་གྲུབ་སྩོལ། །སྣ་ཚོགས་སྤྱན་ལྡན་འུག་པའི་མགོ །ཐུགས་རྗེ་རྣམ་དག་སྤྱན་གྱི་དངོས་གྲུབ་སྩོལ། །དཀྱིལ་འཁོར་དེ་ཡི་ཕྱི་རིམ་ན། །དཀར་མོ་འགུགས་པ་རྟ་ཡི་མགོ །སྔོན་མོ་ཕག་མགོ་ཞགས་པ་ཅན། །དམར་མོ་ཉིད་ཟླ་ལྕགས་སྒྲོག་མ། །ལྗང་གུ་སྤྱང་མགོ་དྲུལ་བུ་མ། །བཀའ་ཉན་ལས་བྱེད་དངོས་གྲུབ་སྩོལ། །གཞན་ཡང་ཕོ་བྲང་ཆེན་པོ་ན། །དབང་ཕྱུག་མཁའ་འགྲོ་ཉི་ཤུ་བརྒྱད། །དབང་མཛད་མཐུ་ཡི་དངོས་གྲུབ་སྩོལ། །བསྒྲུབ་པའི་དཀྱིལ་འཁོར་བྱ་བའི་ཕྱིར། རྫས་ཀྱི་ཁྱད་པར་བསྟན་པར་བྱ། །སྒྲུབ་པའི་གནས་རབ་དམ་པ་ནི། །བཀྲ་ཤིས་རྟགས་ཅན་དབེན་པའི་རི་བོས་བསྐོར། །གསང་བའི་བསྒྲུབ་ཟླ་གཟུངས་མ་དེ། །དུག་རྣམས་མེད་ཅིང་དད་པ་ཆེ། །ཟབ་མོ་ཐུབ་པའི་ཡུལ་ལ་བསྒྲུབ། །མཚམས་མེད་ཕྱིར་ཡང་མཚམས་་བཅད་དེ། །འབྱུང་པོའི་གཏོར་མ་བཏང་ནས་ཀྱང་། སྒྲུབ་པ་ནང་གི་དོན་ལ་ཞུགས། །དཀྱིལ་འཁོར་སྟེགས་བུ་བཙིགས་ནས་ནི། །དམར་དང་དཀར་གྱི་ཐིག་གདབ་བོ། །དཀྱིལ་འཁོར་འདོམ་གང་གྲུ་བཞི་ལ། །རཀྟའི་བྱང་ཆུབ་བྱུགས་ནས་ཀྱང་། །དེ་ལ་པར་བུ་བརྐོ་བར་བྱ། །རྒྱན་གྱིས་བརྒྱན་པའི་ཆོ་ག་མཛེས། །སྟེང་འོག་དར་གྱི་ཕོ་བྲང་དགོད། །དེ་ནས་བསྙེན་པ་གཞུང་བཞིན་བགྲང་། །དེ་ལྟར་དཀྱིལ་འཁོར་རྫོགས་ནས་ཀྱང་། །ཏིང་འཛིན་ཡང་དག་ཆེན་པོ་དབབ། །གསང་བ་མེད་དཔུང་གི་རྒྱུད་ལས། སྒྲུབ་པའི་གླིང་བཞིའི་ལེའུ་སྟེ་གཉིས་པའོ།། །།ད་ནི་བདེ་བ་རང་བྱུང་བསྒྲུབ་བཤད་དེ། །མ་སྤངས་པས་ནི་བསྒྲུབས་པའི་འབྲས་བུ་ཉིད། །རང་ལ་རྫོགས་པར་ཤེས་ན་དངོས་གྲུབ་མཆོག །བསྒྲུབ་མེད་བསྒྲུབ་ན་བསྙེན་བསྒྲུབ་ཡིན། །རྫས་དང་ཡན་ལག་གཞི་ལ་ཚང་། །འབད་ཅིང་བཙལ་བ་མེད་པའི་མཆོག །བདེ་ཆེན་ལྷུན་གྲུབ་བྱང་ཆུབ་ཀུན་གྱི་གཏེར། །དེ་ལས་མཚོན་པའི་དགའ་བས་ཚིག་གི་མཐའ་ལས་འདས། །མི་རྟོག་དམིགས་དང་བྲལ་བས་ཤེས་རབ་ཟབ་མོའི་ཀློང་། །དམིགས་པ་སྣང་བར་ཤར་ཕྱིར་བསྒྲུབ་པའི་དཀྱིལ་འཁོར་བརྩམ། །དཀྱིལ་འཁོར་འདོམ་གང་གྲུ་བཞི་ལ། །དབུས་སུ་བྱིན་རླབས་གནམ་ཐིག་གདབ། །དཀྱིལ་འཁོར་ཡུམ་གྱི་མཁའ་ལ་ཐིག་བཏབ་པས། །མི་མངོན་རྣམ་དག་དབྱིངས་ནས་རྒྱལ་བའི་ཕོ་བྲང་བསྐྱེད། །ཐིག་གདབ་དཀྱིལ་འཁོར་རི་མོ་བྲི། །དབུས་སུ་ཟུར་བརྒྱད་རིན་ཆེན་ཚལ། །ཨ་དང་མྱུ༷་གྱི་དབུས་སུ་བཞག །དེ་ནས་དཀྱིལ་འཁོར་རྒྱན་གྱིས་བརྒྱན། །མཉམ་པ་སངས་རྒྱས་ཆེན་པོ་ལ། །སྡུག་བསྔལ་བྱང་ཆུབ་སེམས་སུ་སྣང་། ཀུན་ཏུ་བཟང་པོའི་དབྱིངས་ཉིད་དུ། །བདེ་བའི་ཡོན་ཏན་གདོད་ནས་རྫོགས། །བདུད་རྩིའི་དཀྱིལ་འཁོར་ཆེན་པོ་ཡང་། །རྩ་བ་ཆེན་པོ་ཉིད་དུ་འདུས། །མ་ཆགས་རྣམ་བཤད་བདག་ཉིད་ཆེན་པོ་སྟེ། །བདུད་རྩི་རིགས་ལྔའི་དཀྱིལ་འཁོར་མཆོག །བསྙེན་བསྒྲུབ་ཡན་ལག་ལྡན་པའི་དཀྱིལ་འཁོར་ལ། །དྲོད་ཚད་ལས་སུ་རུང་བའི་དཀྱིལ་འཁོར་བསྡུས། །ལྷུ་རྒྱ་གསང་ཆེན་ཐུགས་ཀྱི་ཀློང་། །ཐུགས་ཆེན་ཐུགས་ཀྱི་བསྒྲུབ་པ་སྟེ། །ཀུན་བཟང་བདེ་ཆེན་དབྱིངས་སུ་འདུས། །གསང་བ་མེད་དཔུང་གི་རྒྱུད་ལས། ཐུགས་ཀྱི་སྒྲུབ་པའི་ལེའུ་སྟེ་གསུམ་པའོ།། །།ལས་ཀྱི་རྒྱ་མཚོ་ལྷ་བའི་མཛོད་བསྟན་ཏེ། །སྲིད་གསུམ་ཐུགས་རྗེའི་དབྱིངས་སུ་བསྒོམ། ཁམས་གསུམ་ཡེ་འབྱམས་དཀྱིལ་འཁོར་ཆེན་པོ་ལ། །སྟོང་གསུམ་ཡུམ་གྱི་ཀློང་འབྱམས་ལ། །རྩི་ཤིང་ནགས་ཚལ་རྒྱན་གྱི་དྲ་བ་སྟེ། །རི་བྲག་ལྷ་ཡི་སྐུར་གསལ་མཆོག །རང་བྱུང་ཡེ་ནས་གསལ་བའི་དཀྱིལ་འཁོར་དུ། །འཆི་མེད་རྡོ་རྗེའི་སྐུ་གསུང་ཐུགས། །མ་བྲིས་གདོད་ནས་གསལ་བའི་གནས། །གསང་བའི་ཕོ་བྲང་རྫོགས་པར་བསྒོམ། །བསྒྲུབ་པ་ཆེན་པོའི་དུས་ཉིད་དུ། །ཞི་རྒྱས་དབང་གི་རྒྱས་བཏབ་ལ། །ལྕགས་ཟངས་དངུལ་གྱིས་སྦྱར་བར་བྱ། །རྒྱ་མཚོ་ལས་ཀྱི་རྐང་པ་མྲ །འབྱུང་བ་ལྔ་ཡིས་བསྒྲུབ་པར་བྱ། །འབྲས་བུ་ལྔ་ཡི་ཁུ་བ་ཡང་། །བབ་དུ་གྱུར་པས་ཐམས་ཅད་བསྒྲུབ། །ཐམས་ཅད་རང་བྱུང་བདུད་རྩིར་འཁྱིལ། །བྱིན་པ་ལྔ་དང་རྒྱས་པ་དྲུག །མ་སྤངས་ཡེ་ནས་ཀུན་ཏུ་བཟང་། །དེ་བས་རྒྱལ་པོ་རྣལ་འབྱོར་པ། །དོན་དམ་རྣལ་འབྱོར་སེམས་ཀྱི་སྙིང་པོ་ནི། །ཐེག་པ་ཀུན་གྱི་རྒྱལ་པོ་ཡིན །འདི་ཉིད་རིག་པའི་རྒྱལ་པོ་རང་དབང་རྫོགས། །སྟོང་གསུམ་ཀུན་གཞིའི་ཀློང་དུ་འདུས། །སྲིད་གསུམ་སྐུ་གསུང་ཐུགས་སུ་གསལ། །སེམས་ཀྱི་རྒྱལ་པོ་སངས་རྒྱས་ལ། །སངས་རྒྱས་གཞན་དུ་བཙལ་མི་དགོས། །དམྱལ་བའི་ཁམས་ཉིད་བླ་མེད་ལ། །ཡེ་གསང་ཐུགས་ཀྱི་སྒྲུབ་པ་སྟེ། །རེ་དོག་རྩོལ་དང་བྲལ་བས་བསྐྲུབ་པ་ཉིད། །གསང་བ་མེ་དཔུང་གི་རྒྱུད་ལས། སྙུ་རྒྱ་གསང་མཛོད་ཀྱི་ལེའུ་སྟེ་བཞི་པའོ།། །།དེ་ནས་མེ་དཔུང་འབར་བའི་དཀྱིལ་འཁོར་གྱི་དབྱིངས་འབྱུང་སྟེ། །སྒྲུབ་པ་ཆེན་པོ་བརྩམས་པའི་ཕྱིར། །གནས་དང་ས་བཞི་བརྟག་ནས་ནི། །སྒྲུབ་པའི་ཆོ་ག་རྒྱས་པར་བྱེད། །དེ་ནས་དཀྱིལ་འཁོར་བརྩམ་པ་ནི། །སྒྲུབ་པའི་རྒྱལ་པོ་དབང་གི་ས་གཞི་ལ། །རྡོ་རྗེ་རྒྱ་གྲམ་བྲག་ཆེན་འབར་བས་གཏམས། །ཐུགས་རྗེ་ཡུམ་གྱི་དཀྱིལ་འཁོར་བསམ་པའི་ཕྱིར། །ཐིག་སྐུད་རྒྱུ་ནི་མན་ངག་བཀའ་བརྒྱུད་ལ། ཁྲེས་རབ་མཚན་དང་ལྡན་པས་བཀལ་བ་ཡི། །ཐིག་སྐུད་བྱང་ཆུབ་སེམས་དང་ལྡན་པས་གདབ། །གནོད་བྱེད་བགེགས་བསྐྲད་དྲག་པོས་མཚམ་བཅད་དོ། །ཕཊ། ན་མ༷༷ས་མརྙ། ཏབྱ་བ་ར་ཤ་ནོང་པསྒ་ཀུ་ཤ །ཀུ་ཤ་རསྒ་སྤ་ར་ཡ་ཕཊ། རྨད་བྱུང་རོལ་པ་ཆེན་པོའི་ངང་ཉིད་ཀྱིས། །གསང་བའི་དཀྱིལ་འཁོར་དབྱིངས་ནས་བསྐྱེད་ནས་ཆག་ཆག་འདེབས། །ཏི་ར་བ༷་རཀྟ་མཎྜལ་ཧུ༷། སྐྱེ་མེད་རྣམ་བཤད་བདུད་རྩིའི་མཆོག །ཡེ་ཤེས་གསལ་དོན་མེ་ལོང་ཡེ་ཤེས་ཏེ། །གསང་བའི་ཚོམ་བུ་དགུ་ཡི་དཀྱིལ་འཁོར་དགོད །སྟོང་གསུམ་བརྡལ་བ་ཡུམ་གྱི་དཀྱིལ་འཁོར་དུ། །ཐུགས་རྗེ་འགྱུར་བ་མེད་པའི་ཐིག་གདབ་པས། །སྲིད་པའི་ཕོ་བྲང་རབ་འབྱམས་དབྱིངས་སུ་གསལ། །སྟོང་གསུམ་ས་གཞི་ཡུམ་གྱི་དཀྱིལ་འཁོར་དུ། །སྲིད་པ་སྐུ་གསུངཐུགས་ཀྱི་ཐིག་གདབ་པས། །རང་བྱུང་འབྱུང་བ་ལྔ་ཡི་ཁྱད་པར་ལས། །འོད་ཀྱི་གཞའ་ཚོན་ཡེ་ཤེས་ལྔ་རུ་རྫོགས། །དག་ཅིང་དྲི་མེད་འབྲས་བུ་ལྔ་རུ་བསྒོམ། བཛྲ་ཙྭ་ན། བུརྙ་ཙྭ་ན། རཏྣ་ཙྭ་ན། པདྨ་ཙྭ་ན། ཀརྨ་ཙྭ་ན། སྲིད་པའི་ཕོ་བྲང་རྒྱལ་བའི་དཀྱིལ་འཁོར་དུ། །སེམས་ཀྱི་ཁ་དོག་རྣམས་ཀྱི་བྱེ་བྲག་དབྱེ། །མི་ཟད་རིན་ཆེན་ལྔ་ཡི་ཚོན་དུ་ གསལ། །སྟོངགསུམ་འཇིག་རྟེན་ཁམས་རྣམས་སུ། །ཕོ་བྲང་རང་བྱུང་འཇིགས་པའི་གཟུགས། །རྩི་ཤིང་མང་པོའི་ཚོགས་རྣམས་ཀྱང། །ང་རྒྱལ་ཁྲོ་བོ་འབར་བའི་གཟུགས། །འཇིག་རྟེན་ཁམས་ཀུན་དབང་དུ་སྡུད། །དྲག་པོ་གཟེར་གྱི་མཚམས་ཅད་དོ། །ཀི་ལི་ཀི་ལ་ཡ་ཧུ༷། འབར་བའི་དཀྱིལ་འཁོར་ཆེན་པོ་ཡང་། །དུར་ཁྲོད་རྒྱན་གྱིས་ཆས་སུ་བཞུགས། །དེ་ནས་རྣལ་འབྱོར་མང་བ་ཡིས། །དྲོད་ཚད་ལས་རྣམས་ཀུན་བྱས་ནས། །མཐའ་མ་དམོད་བཅོལ་བཤག་སྦྱང་བྱ། །གསང་བ་མེ་དཔུང་གི་རྒྱུད་ལས། དཀྱིལ་འཁོར་ལས་ཀྱི་དང་པོའི་ལེའུ་སྟེ་ལྔ་པའོ།། །།བཅོམ་ལྡན་འདས་དཔལ་བདེ་མཆོག་ཆེན་པོའི་གཙོ་ལ་ཕྱག་འཚལ་ལོ། །ཟ་བྱེད་མེ་ཡི་རྒྱལ་པོ་སྤྱིན་སྲེག་གཙོ། །མཆོད་པའི་སྤྱིན་བསྲེག་བཤད་ཕྱིར་མེ་ཡི་མན་ངག་བསྟན། །དུར་ཁྲོད་དཀྱིལ་འཁོར་བརྩེགས་པ་སྟེ། །ཟླ་གམ་དམར་པོ་དབང་གི་ཧོམ། །སྟོང་གསུམ་ཡུམ་གྱི་གཞལ་ཡས་བརྩིག །ཟུར་གསུམ་མཐིང་ནག་དྲག་པོའི་ཧོམ། །དུར་ཁྲོད་ཆེན་པོའི་ཀློང་དཀྱིལ་བརྩིག །ཟླུམ་པོ་ཞི་བའི་ཧོམ་ཁུང་སྟེ། །མ་སྐྱེས་ཐིག་ལེ་ཆེན་པོར་བརྩིག ཁུ་བཞི་རྒྱས་པའི་ཧོམ་ཁུང་སྟེ། །འཇིག་རྟེན་དུར་ཁྲོད་ཁྱད་པར་དུ། །འབར་བའི་ཧོམ་ཁུང་བརྩིག་པར་བྱ། །ས་གཞི་གཞལ་ཡས་བརྩིག་པ་མྲ ཁྲོ་བོ་འབར་བའི་ཧོམ་ཁུང་བརྩིག །སྟོང་གསུམ་སྟོང་གི་དཀྱིལ་འཁོར་དུ། །འབྱུང་བ་ལྔ་ཡི་ཧོམ་ཁུང་བརྩིག །ཀུན་བཞི་འབར་བའི་གཞལ་ཡས་སུ། །ཡེ་ཤེས་མཆོག་གི་ཧོམ་ཁུང་བརྩིག །ཀུན་ཏུ་བཟང་མོའི་མཁའ་དབྱིངས་སུ། །རྟོག་པ་ཆེན་པོའི་ཧོམ་ཁུང་བརྩིག །ཟླ་གམ་ཡུམ་གྱི་མཁའ་ལ་བརྩིག ཁུ་བཞི་ཕྲན་ལས་བཞི་རུ་བརྩིག ཁྲུ་གསུམ་སྐུ་གསུང་ཐུགས་སུ་བརྩིག །ཟླུམ་པོ་ཐིག་ལེ་ཆེན་པོར་བརྩིག །ཧོམ་ལྔ་ཡང་ཐོག་བརྩེག་མར་བརྩིག །ཧོམ་དགུར་ཡང་ཐོག་དགུ་རུ་བརྩིག །དེ་རྣམས་ཡང་ཐོག་བརྩེག་མར་བྱ། །དབུས་སུ་དྲི་ཆེན་ལྡེ་གུར་སྦྱར། །རྣམ་པར་སྣང་མཛད་སྐུ་ཡི་གཙོ། །དབྱིངས་དང་ཡེ་ཤེས་རྒྱས་གདབ་བོ། །རྡོ་རྗེ་སེམས་དཔའ་ཐུགས་ཀྱི་གཙོ། །མེ་ལོང་ཡེ་ཤེས་རྒྱས་གདབ་བོ། །རིན་ཆེན་འབྱུངལྡན་ཡོན་ཏན་གཙོ། །མཉམ་ཉིད་ཡེ་ཤེས་རྒྱས་གདབ་བོ། །སྣང་བ་མཐའ་ཡས་གསུང་གི་གཙོ། །སོར་རྟོག་ཡེ་ཤེས་རྒྱས་གདབ་བོ། །དོན་ཡོད་གྲུབ་པ་ཕྲིན་ལས་གཙོ། །བྱ་གྲུབ་ཡེ་ཤེས་རྒྱས་གདབ་བོ། །སྐྱེ་མེད་རྣམ་དག་དབྱིངས་ཀྱི་ཧོམ་ཁུང་དུ། །ལོག་རྟོག་མཚན་མ་མེད་པའི་ཡམ་ཤིང་ལ། །རྟོག་པ་ཡེ་ཤེས་འོད་ཀྱི་མེ་སྦར་བས། །གཡོ་དངམི་གཡོ་སྣོད་བཅུད་ཀུན་བསྲེག་ཏེ། །ཀུན་མཁྱེན་འོད་གསལ་ཡེ་ཤེས་བྱང་ཆུབ་གཏེར། །ཡེ་ཤེས་ཀློང་ཡངས་འབར་བའི་ཧོམ་ཁུངདུ། །བདེ་བ་ཆེན་པོའི་སྐུ་ལ་མཆོད་པ་འབུལ། །ཆོས་ཉིད་སྤྲོས་པ་མེད་པའི་ཧོམ་ཁུང་དུ། །དེ་ཡི་ཡུལ་དུ་སྣང་བའི་ཡམ་ཤིང་ལ། །རྟོགས་པ་ཡེ་ཤེས་འོད་ཀྱི་མེ་སྤར་བས། །མ་རིགས་ལས་ཀྱི་སྡུག་བསྔལ་བསྲེགས་པ་སྲ །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །བདེ་བ་ཆེན་པོའི་སྐུ་ལ་མཆོད་པ་འབུལ། །སྟོང་གསུམ་བརྡལ་བ་ཡུམ་གྱི་ཧོམ་ཁུང་དུ། །སྲིད་གསུམ་སྐྱེ་བར་སྣང་བའི་ཡམ་ཤིང་ལ། །གཉིས་མེད་རྣམ་དག་མཆོག་གི་མེ་སྤར་ཏེ། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །བདེ་བ་ཆེན་པོའི་སྐུ་ལ་མཆོད་པ་འབུལ། །སྣོད་ཀྱི་འཇིག་རྟེན་ཡུམ་ལྔའི་མཁའ་ཀློང་ཧོམ་ཁུང་དུ། །བཅུད་ཀྱི་འཇིག་རྟེན་བདག་འཛིན་ཡམ་ཤིང་ལ། །རྟོགས་པ་གཉིས་མེད་སྙིང་པོའི་མེ་སྤར་ཏེ། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །བདེ་བ་ཆེན་པོའི་སྐུ་ལ་མཆོད་པ་འབུལ། །མ་སྐྱེས་རྣམ་དག་དབྱིངས་ཀྱི་ཧོམ་ཁུང་དུ། །སྐྱེ་བའི་ཆོ་འཕྲུལ་མང་པོའི་ཡམ་ཤིང་ལ། །རྟོག་པ་ཡེ་ཤེས་འོད་ཀྱི་མེ་སྤར་ནས། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །བདེ་བ་ཆེན་པོའི་སྐུ་ལ་མཆོད་པ་འབུལ། །ཀློང་ཡང་ནམ་མཁར་གསལ་བའི་ཧོམ་ཁུང་དུ། །སྲིད་པ་ཆེན་པོ་བཞི་ཡི་ཡམ་ཤིང་ལ། རྟོགས་པ་ཡེ་ཤེས་འོད་ཀྱི་མེ་སྦར་ནས། །ཡེ་ཤེས་ཀློང་ཡངས་འཁྱིལ་བའི་ཧོམ་ང་དུ། །ནམ་མཁའི་དབང་མོའི་སྐུ་ལ་མཆོད་པར་འབུལ། ཐུགས་རྗེས་འདེགས་བྱེད་ས་ཡི་ཧོམ་ཁུང་དུ། །སྲིད་གསུམ་སྐྱེ་བར་སྣང་བའི་ཡམ་ཤིང་ལ། །རྟོགས་པ་ཡེ་ཤེས་འོད་ཀྱི་མེ་སྤར་ནས། །ཡེ་ཤེས་ཀློང་ཡངསའཁྱིལ་བའི་ཧོམ་ཁུང་དུ། །རྡོ་རྗེ་དཔལ་མོའི་སྐུ་ལ་མཆོད་པར་འབུལ། །ཐུགས་ཀྱི་ཏིང་འཛིན་རྒྱ་མཚོའི་ཧོམ་ཁུང་དུ། །སྡུག་བསྔལ་སྐྱོན་གྱིས་སྦགས་པའི་ཡམ་ཤིང་ལ། །རྟོགས་པ་ཡེ་ཤེས་འོད་ཀྱི་མེ་སྦར་ནས། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །རིན་ཆེན་དབང་མོའི་སྐུ་ལ་མཆོད་པར་འབུལ། །ཐུགས་རྗེ་སྲེག་སྦྱོང་མེ་ཡི་ཧོམ་ཁུང་དུ། །མཚན་མ་བུད་པའི་ཡམ་ཤིང་མང་འབུལ་བས། །རྟོགས་པ་ཡེ་ཤེས་འོད་ཀྱི་མེ་སྦར་ནས། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། པདྨ་དབང་མོའི་སྐུ་ལ་མཆོད་པ་འབུལ། ཐུགས་རྗེ་གཡོ་མེད་རླུད་གི་ཧོམ་ཁུང་དུ། །སྡུག་བསྔལ་བག་ཆགས་བུད་པའི་ཡམ་ཤིང་ལ། །རྟོགས་པ་ཡེ་ཤེས་འོད་ཀྱི་མེ་སྤར་ནས། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །ལས་ཀྱི་དབང་མོའི་སྐུ་ལ་མཆོད་པར་འབུལ། །ཐུགས་རྗེ་འབྱུང་བ་ལྔ་ཡི་ཧོམ་ཁུང་དུ། །སྲིད་པའི་སྡུག་བསྔལ་ཚོགས་པའི་ཡམ་ཤིང་ལ། །རྟོགས་པ་ཡེ་ཤེས་འོད་ཀྱི་མེ་སྤར་ནས། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །འདོད་པའི་དབང་མོ་ལྔ་ཡི་སྐུ་ལ་མཆོད་པར་འབུལ། །བྷ་ག་ཡུམ་གྱི་ཧོམ་ཁུང་དུ། །དམ་རྫས་བདུད་རྩིའི་ཡམ་ཤིང་ལ། །རྟོགས་པ་ཡེ་ཤེས་འོད་ཀྱི་མེ་སྤར་ནས། །ཡེ་ཤེས་ཀློང་ཡངས་འཁྱིལ་པའི་ཧོམ་ཁུང་དུ། །བདེ་ཆེན་ཡབ་ཡུམ་སྐུ་ལ་མཆོད་པར་འབུལ། །ཟླ་གམ་དམར་པོ་ནམ་མཁའི་ཧོམ་ཁུང་དུ། །རང་བྱུང་རྒྱལ་པོའི་སྐུ་མཆོག་བུརྙའི་དཔལ། །ཕུང་པོ་གནས་གྱུར་བུརྙ་ཧེ་རུ་ལ། །དམ་རྫས་བདུད་རྩིའི་མཆོད་པ་འདི་འབུལ་གྱི། །མི་འགྱུར་སྐུ་ཡི་དངོས་གྲུབ་སྩལ་དུ་གསོལ། །རང་བྱུང་རྒྱལ་པོའི་ཐུགས་མཆོག་ཧེ་རུ་དཔལ། །རྣམ་ཤེས་གནས་གྱུར་དཔལ་ཆེན་རྡོ་རྗེ་ལ། །དམ་རྫས་བདུད་རྩིའི་མཆོད་པ་འདི་འབུལ་གྱི། །སྐྱེ་མེད་ཐུགས་ཀྱི་དངོས་གྲུབ་སྩལ་དུ་གསོལ། །རང་བྱུང་རྒྱལ་པོ་ཡོན་ཏན་རཏྣ་དཔལ། །ཚོར་བ་གནས་གྱུར་དཔལ་ཆེན་རཏྣ་ལ། །དམ་རྫས་བདུད་རྩིའི་མཆོད་པ་འདི་འབུལ་གྱི། །ཡོན་ཏན་ལྷུན་གྲུབ་དངོས་གྲུབ་སྩལ་དུ་གསོལ། །རང་བྱུང་རྒྱལ་པོའི་གསུང་མཆོག་པདྨ་དཔལ། །འདུ་ཤེས་གནས་གྱུར་པདྨ་ཧེ་རུ་ལ། །དམ་རྫས་བདུད་རྩིའི་མཆོད་པ་འདི་འབུལ་གྱི། །མ་ཆགས་གསུང་གི་དངོས་གྲུབ་སྩལ་དུ་གསོལ། །རང་བྱུང་རྒྱལ་པོ་ཕྲིན་ལས་ཀརྨ་དཔལ། །འདུ་བྱེད་གནས་གྱུར་དཔལ་ཆེན་ཀརྨ་ལ། །དམ་རྫས་བདུད་རྩི་ལྔ་ཡི་མཆོད་པ་འབུལ། །ལས་རྣམས་རྫོགས་པའི་དངོས་གྲུབ་སྩལ་དུ་གསོལ། །ཐུགས་རྗེ་རྣམ་དག་རྒྱལ་པོའི་ཕོ་བྲང་དུ། །སྲིད་གསུམ་དབང་སྡུད་སྐུ་ཡི་སྦྱོར་བ་མོ། །ཆགས་པའི་རྒྱལ་མོ་བུརྙ་ཀྲོ་དྷི་ལ། །དམ་རྫས་བདུད་རྩི་ལྔ་ཡི་མཆོད་པ་འབུལ། །གཉིས་མེད་བྱང་ཆུབ་མཆོག་གི་དངོས་གྲུབ་སྩའ་་དུ་གསོལ། །སྐྱེ་མེད་རྣམ་དག་ཐུགས་ཀྱི་སྦྱོར་བ་མོ། །ཆགས་པའི་ཐུགས་རྗེས་ཁམས་གསུམ་རྒྱས་འདེབས་མ། ཁྲག་འཐུང་ཞེ་སྡང་བཛྲ་ཀྲོ་དྷི་ལ། །དམ་རྫས་བདུད་རྩི་ལྔ་ཡི་མཆོད་པ་འབུལ། །གཉིས་མེད་བྱང་ཆུབ་མཆོག་གི་དངོས་གྲུབ་སྩལ་དུ་གསོལ། །མི་ཟད་རིན་ཆེན་ལྟ་བུའི་གཏེར་མངའ་ཞིང་། །ཡོན་ཏན་དབང་གིས་ལོ་རྟོག་རྡུལ་དུ་རློག ཁྲག་འཐུང་རཏྣ་བཛྲ་ཀྲོ་དྷི་ལ། །དམ་རྫས་བདུད་རྩི་ལྔ་ཡི་མཆོད་པ་འབུལ། །གཉིས་མེད་བྱང་ཆུབ་མཆོག་གི་དངོས་གྲུབ་སྩལ་དུ་གསོལ། །མ་ཆགས་པདྨ་ལྟ་བུའི་སྐུ་མངའ་ཞིང་། །འདོད་ཆགས་དབང་གིས་ཁམས་གསུམ་ཀུན་ལ་སྦྱོར། །ཆགས་མེད་སྦྱོང་མཛད་པདྨ་ཀྲོ་དྷི་ལ། །དམ་རྫས་བདུད་རྩི་ལྔ་ཡི་མཆོད་པ་འབུལ། །གཉིས་མེད་བྱང་ཆུབ་མཆོག་གི་དངོས་གྲུབ་སྩལ་དུ་གསོལ། །ལས་རྣམས་རྫོགས་བྱེད་ཐུགས་རྗེ་ངད་དང་ལྡན། །ཕྲིན་ལས་རྫོགས་པས་རྒྱུད་དྲུག་རྩད་ནས་གཅོད། །ཐུགས་རྗེ་ཐབས་ལྡན་ཀརྨ་ཀྲོ་དྷི་ལ། །དམ་རྫས་བདུད་རྩི་ལྔ་ཡི་མཆོད་པ་འབུལ། །གཉིས་མེད་བྱང་ཆུབ་མཆོག་གི་དངོས་གྲུབ་སྩལ་དུ་གསོལ། །ཟ་བྱེད་སྲེག་པ་མེ་ཡི་ཧོམ་ཁུང་དུ། །ཆགས་པའི་ཡུམ་དུ་བཅས་པའི་སྦྱིན་སྲེག་གི །ཆགས་ལྔ་བྱང་ཆུབ་དབྱིངས་ལྔར་ལྷུན་གྱིས་གྲུབ། །སྦྱིན་སྲེག་ལྔ་ཡི་མཆོད་པ་འདི་འབུལ་གྱི། །བདུད་རྩི་མཆོག་གི་མཆོད་པ་དངོས་གྲུབ་སྩལ་དུ་གསོལ། །དམ་ཉམས་དམ་སྐོང་མཐུ་དང་དངོས་གྲུབ་སྩོལ། །སྲེག་བྱེད་དུར་ཁྲོད་མེ་ཡི་ཧོམ་ཁུང་དུ། །མཁའ་འགྲོ་མགྱོགས་མ་བཀའ་ཉན་བརྒྱད་རྣམས་ལ། །དམ་རྫས་བདུད་རྩི་མཆོག་གི་མཆོད་ང་་འབུལ། །ལོག་རྟོག་འཁོར་བ་རྡུལ་དུ་བརླག་སླད་དུ། །དུར་ཁྲོད་ཞིང་གི་དབྱུག་པ་ཕྱག་ན་བསྣམས། །སྲིད་གསུམ་སྒྲོལ་མཛད་སྔོན་མོའི་གོའུ་རྡི་མ། །དམ་རྫས་བདུད་རྩི་མཆོག་གི་མཆོད་པ་འབུལ། །ཐུགས་རྗེ་ཐབས་དང་ལྡན་པའི་སྐུ་མངའ་བ། །ལོག་རྟོག་ལས་ཀྱི་སྐྱོན་རྣམས་དབུག་སླད་དུ། །ཐབས་དང་ཤེས་རབ་ལྡན་པའི་མདའ་འཕེན་ཅིང་། །དབྱིངས་ཀྱི་ངང་ལས་སྦྱོར་བའི་སེར་མོ་ཙོའུ་རྡི་མ། །དམ་རྫས་བདུད་རྩི་མཆོག་གི་མཆོད་པ་འབུལ། །འཁོར་བ་མང་པོ་ཐུགས་རྗེས་སྒྲལ་སླད་དུ། །མི་ནུབ་ཆུ་སྲིད་རྒྱལ་མཚན་ཕྱག་ན་བསྣམས། །སངས་རྒྱས་རྒྱལ་སྲིད་གཙོ་མཛད་དམར་མོ་པྲ་མོ་ཧེ། །དམ་རྫས་བདུད་རྩི་འབར་བའི་མཆོད་པ་འབུལ། །ས་དགུ་འཇོམས་པའི་རྡོ་རྗེ་རྩེ་དགུ་འཕྱར། །དུ་ཏྲ་སྒྲོལ་མཛད་ཡེ་ཤེས་དབྱིངས་ལ་སྦྱོར། །ནག་མོ་འཇིགས་ཚུལ་སྟོན་མཛད་བིསྟུ་སྙི། །དམ་རྫས་བདུད་རྩི་འབར་བའི་མཆོད་པ་འབུལ། །རྒྱུད་དྲུག་འཁོར་བ་གནས་ནས་དྲང་སླད་དུ། །དུར་ཁྲོད་ཞིང་གི་རྒྱུ་ཞགས་ཕྱག་ན་བསྣམས། །ཆོས་ཀྱི་དབྱིངས་ལ་སྦྱོར་བའི་དམར་སེར་པུསྐ་སྙི། །དམ་རྫས་བདུད་རྩི་འབར་བའི་མཆོད་པ་འབུལ། །ཡེ་ཤེས་ལྔ་དང་ལྡན་པར་མཛད་སླད་དུ། །དབང་པོ་ལྔར་ལྡན་ཐོད་པ་ཕྱག་ན་བསྣམས། །ཡེ་ཤེས་ལྔ་ལ་སྦྱོར་བའི་རྡོ་རྗེས་དཀྲུག །ཐུགས་རྗེ་ཐབས་མཁས་སྔོ་ལྗང་བྷསྨ་རྡི། །དམ་རྫས་བདུད་རྩི་འབར་བའི་མཆོད་པ་འབུལ། །ཞེ་སྡང་ཆེན་པོ་གཏན་ནས་འཇོམས་མཛད་པ། །ཞིང་མཆོག་ཙིསྟ་དམར་པོ་ཚེམས་ཀྱིས་འདྲེན། །ང་རྒྱལ་སེམས་ལ་སྦྱོར་བའི་མཐིང་ནག་སྨྲ་ཤ་ནི། །དམ་རྫས་བདུད་རྩི་འབར་བའི་མཆོད་པ་འབུལ། །ལོག་རྟོག་སྐྱོན་རྣམས་སོ་སོར་བསྒྲལ་སླད་དུ། །ཐུགས་རྗེ་ཐབས་ཀྱིས་མགོ་ལུས་སོ་སོར་འབྲལ། །སེར་སྐྱ་འཇིགས་པའི་ཚུལ་ཅན་ཙཎྜ་སྙི། །དམ་རྫས་བདུད་རྩི་འབར་བའི་མཆོད་པ་འབུལ། །ཟ་བྱེད་འབར་བའི་མེ་ཡི་ཧོམ་ཁུང་དུ། །མ་ཆེན་འབར་མ་ཆེན་མོ་བརྒྱད་རྣམས་ལ། །དམ་རྫས་བདུད་རྩི་འབར་བའི་མཆོད་པ་འབུལ། །དུར་ཁྲོད་སྲེག་བྱེད་མེ་ཡི་ཧོམ་ཁུང་དུ། །རོལ་པའི་ཕྲ་མེན་བརྒྱད་ལ་མཆོད་པ་འབུལ། །ཟ་བྱེད་ཞེན་པ་དཀར་སེར་སེང་གེའི་མགོ །མཐུ་རྩལ་འཕྲོག་མཛད་རྩལ་འཕགས་སེང་ཧ་མ། །དམར་མོ་མགོ་གཅོད་དཔའ་བརྟུལ་སྟག་གི་མགོ །འཆི་བདག་བདུད་ཀྱི་སྡེ་འཇོམས་བྱུ་སྒྲོ་མ། །དམར་མོ་ཁྲག་ལྡག་སྲིན་མོ་ཝ་ཡི་མགོ །ཞིང་ཆེན་ཁོང་ནས་འདྲེན་བྱེད་སྲིང་གལ་མ། །རུས་འཆའ་མཐིང་ག་གཡེང་བའི་སྤྱང་ཀིའི་མགོ །གཟུགས་ཕུང་འཇིག་མཛད་ཁྲག་ལྡག་ཤྭ་ན་མ། །གདེང་ཚད་དཀར་པོར་ཀུན་བརླག་བྱ་རྒོད་མགོ། །ཁོང་ཁྲག་རྩད་ནས་འབྱིན་པའི་གྲིརྙ་མ། །དུར་ཁྲོད་ཞིང་ཟ་སྣ་ཚོགས་དུར་བྱའི་མགོ །ཉོན་མོངས་ཚེ་སྲོག་འཕྲལ་བའི་ཀང་ཀ་མ། །ནག་མོ་ཆོལ་ཐོག་རྣམ་དག་བྱ་རོག་མགོ ཚིག་གཅིག་ཆད། །ཨུ་ལྕུ་མུན་མཐོང་སྣ་ཚོགས་འུག་པའི་མགོ །ཉོན་མོངས་གློ་སྙིང་འབྱིན་པའི་ཨུ་ལྕུ་མར། །ཟ་བྱེད་སྲེག་པ་མེ་ཡི་ཧོམ་ཁུང་དུ། །དམ་རྫས་བདུད་རྩི་འབར་བའི་མཆོད་པ་འབུལ། །བླ་མེད་སྐུ་གསུང་ཐུགས་ཀྱི་དངོས་གྲུབ་སྩོལ། །དཀར་མོ་ལྕགས་ཀྱུ་འགུགས་པ་རྟ་ཡི་མགོ །སྔོན་མོ་ཞགས་ཆེན་འཆིང་བྱེད་ཕག་གི་མགོ །དམར་མོ་ལྕགས་སྒྲོག་སྡོམ་བྱེད་དོམ་གྱི་མགོ །སྔོན་མོ་དྲིལ་ཐོགས་ཐལ་བྱེད་སྤྱང་ཀིའི་མགོ །ཐར་པའི་སྒོ་འབྱེད་སྒོ་མ་བཞི་རྣམས་ལ། །དམ་རྫས་བདུད་རྩི་མཆོག་གི་མཆོད་པ་འབུལ། །བླ་མེད་སྐུ་གསུང་ཐུགས་ཀྱི་དངོས་གྲུབ་སྩོལ། །ཟ་བྱེད་དུར་ཁྲོད་མེ་ཡི་ཧོམ་ཁུང་དུ། །དམར་མོ་མགོ་བརྙན་མི་འཁྲུགས་ཉི་ཤུ་བརྒྱད། །དམ་རྫས་བདུད་རྩི་འབར་བའི་མཆོད་པ་འབུལ། །དབང་ཕྱུག་མཁའ་འགྲོ་ཉི་ཤུ་བརྒྱད། །ལ་ལ་སྨུག་ནག་ཏྲེ་ཤཱལ་ཐོགས་པ་གཡག་གི་མགོ །ལ་ལ་དམར་སྐྱ་རྩེ་ལྔ་ཐོགས་པ་སྦྲུལ་གྱི་མགོ །ལ་ལ་སེར་ནག་དབྱུག་སྡིག་འབྱིན་པ་གཟིག་གི་མགོ །ལ་ལ་དཀར་དམར་རྒྱུ་ཞགས་ཐོགས་པ་སྲེ་མོའི་མགོ །ལ་ལ་སེར་ནག་འཁོར་ལོ་ཐོགས་པ་ཕ་ཝང་མགོ །ལ་ལ་དམར་སྐྱ་དབྱུག་ཏོ་ཐོགས་པ་དྲེད་ཀྱི་མགོ །ལ་ལ་དམར་མོ་རྒྱུ་ཞགས་ཐོགས་པ་དོམ་གྱི་མགོ །ལ་ལ་སྔོ་ནག་རིན་ཆེན་བུམ་པ་ཐོགས་པ་ཆུ་སྲིན་མགོ །ལ་ལ་སྔོ་སྐྱ་ཁོག་སྨད་ཐོགས་པ་སྡིག་པའི་མགོ །ལ་ལ་ལྗང་ནག་ཟངས་གྲི་ཐོགས་པ་ཁུ་ཡི་མགོ །ལ་ལ་དམར་ནག་རྒྱུ་ཞགས་ཐོགས་པ་ཝ་ཡི་མགོ །ལ་ལ་མཐིང་ནག་སྙིང་ཐོགས་སྟག་གི་མགོ །ལ་ལ་དམར་ནག་འཁོར་ལོ་ཐོགས་པ་བྱ་རྒོད་མགོ །ལ་ལ་དམར་མོ་རྡོ་རྗེ་ཐོགས་པ་རྟ་ཡི་མགོ །ལ་ལ་དམར་མོ་ཟངས་གྲི་ཐོགས་པ་ཁྱུང་གི་མགོ །ལ་ལ་དམར་སེར་ཁོག་སྨད་ཐོགས་པ་ཁྱི་ཡི་མགོ །ལ་ལ་དཀར་དམར་པདྨ་ཞགས་པ་ཐོགས་པ་པུ་ཤུད་མགོ །ལ་ལ་ལྗང་སེར་རོ་ཐོགས་ཤ་བའི་མགོ །ལ་ལ་དམར་ནག་རྔེའུ་ཆུང་རལ་གྲི་ཐོགས་པ་སྤྱང་ཀིའི་མགོ །ལ་ལ་དམར་སེར་གསལ་ཤིང་ཐོགས་པ་སྐྱིན་གྱི་མགོ །ལ་ལ་ནག་མོ་མཆེ་ཞགས་ཐོགས་པ་ཕག་གི་མགོ །ལ་ལ་ལྗང་ནག་རྔེའུ་ཆུང་ཐོགས་པ་ཁྲ་ཡི་མགོ །ལ་ལ་ལྗང་ནག་བམ་ཆེན་ཐོགས་པ་གླང་གི་མགོ །ལ་ལ་ལྗང་ནག་བདུད་རྩི་ཐོགས་པ་རྟ་ཡི་མགོ །ལ་ལ་ནག་མོ་ལྕགས་ཀྱུ་ཐོགས་པ་ཁུ་བྱུག་མགོ །ལ་ལ་སྔོན་མོ་རྒྱུ་ཞགས་ཐོགས་པ་ར་ཡི་མགོ །ལ་ལ་དམར་མོ་ལྕགས་སྒྲོག་ཐོགས་པ་སེང་གེའི་མགོ །ལ་ལ་དམར་ནག་དྲིལ་ཆེན་ཐོགས་པ་སྐྱེ་ཀའི་མགོ །དབང་ཕྱུག་མཁའ་འགྲོ་ཉི་ཤུ་རྩ་བརྒྱད་ལ། །དམ་རྫས་བདུད་རྩི་ལྔ་ཡི་མཆོད་པ་འབུལ། །བླ་མེད་སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །གསང་བ་མེ་དཔུང་གི་རྒྱུད་ལས། །སྦྱིན་སྲེག་གི་ལེའུ་སྟེ་དྲུག་པའོ།། །།བཅོམ་ལྡན་ཞི་ཕྲོ་འབར་བའི་ཚོགས། །མེ་དཔུང་འབར་ལ་ཕྱག་འཚལ་ལོ། །རྫས་དང་ས་གཞི་བརྟགས་ནས་ནི། །མ་དག་པ་ནི་མཚམས་བཅད་དེ། །སྒྲུབ་པ་ནང་གི་དོན་ལ་འཇུག །སྟོང་གསུམ་མེ་རིས་བསྐོར་བའི་དབུས། །སྲིད་པའི་རི་བོ་བཞི་ཡི་བར། །རྒྱ་མཚོ་ཆེན་པོའི་འཇིང་དཀྱིལ་དུ། །གསང་བའི་སྒྲུབ་པ་ཆེན་པོ་བརྩམ། །ཕྲོ་བདག་སྲིན་མོ་ལྔ་འདུལ་དཔལ། །གསང་བའི་ཆས་ཀྱིས་རྣམ་པར་བརྒྱན། །ཕྱག་ན་སྲེག་པའི་མེ་དཔུང་བསྣམས། །དེ་ཉིད་འཐོར་རླུད་རྒྱས་པས་འབུད། །མཚམས་བཅད་བགེགས་ཀྱི་ཚོགས་འདྲོགས་ནས། །དེ་ནས་སྒྲུབ་གནས་གནས་རབ་སྩལ། །དེ་ཡི་གནས་རབ་དམ་པ་ནི། །སྲིད་པའི་གཞལ་ཡས་ཁང་ཆེན་དུ། །སྲིད་པའི་ཡུམ་ལྔ་གསའ་་མཆོད་ནས། །དེ་ཡི་ཕོ་བྲང་དམ་པ་སྲ །འགྲོ་དྲུག་དཔལ་གྱི་རྒྱས་བཏབ་ལ། །རྩི་ཤིང་ནགས་ཚལ་རྒྱན་དུ་བཀྲམ། །བསྐལ་པའི་མེ་དཔུང་འཁྲུགས་དཀྱིལ་དུ། །སྲིད་་པའི་འདུ་འཛི་མེད་པར་བྱ། ཁམས་གསུམ་བགེགས་ཆེན་སྟོང་པར་བརྫི། །སྟོང་གསུམ་ཌ་ཏྲ་དབྱིངས་སུ་མནན། །མཚམས་ཀྱི་རྒྱལ་པོ་མེ་ཡི་ཁྲོ་བདག་གིས། །སྲིད་པའི་མཚམས་ནི་དེ་ལྟར་བཅད། །གཟུགས་ཀྱི་ཕུང་པོ་འཛམ་གླིང་ལ། །སྡུག་བསྔལ་བག་ཆགས་རྐྱེན་གྱི་རྣམས། །ཐུགས་རྗེ་མེ་ཡིས་མཚམས་བཅད་པས། །མེ་ཡི་རྒྱལ་པོ་ཆེན་པོ་བསྒོམ། །རྣམ་ཤེས་ཁམས་ཀྱི་དཀྱིལ་འཁོར་དུ། །ཉོན་མོངས་ལྔ་ལས་བདེ་བ་ཡང་། །རྟོག་པ་ཡེ་ཤེས་མེད་ཕུང་རྒྱས། ཁམས་གསུམ་སྲེག་པའི་དབང་ཕྱུག་གིས། །ཉོན་མོངས་ལྔ་མཚམས་བཅད་པར་བྱ། །རྩི་ཤིང་རི་བྲག་མ་ལུས་ཀྱང་། །མེ་དཔུང་རྒྱལ་པོ་ཁྲོ་བོའི་སྐུ། །འུར་འུར་ཆེམ་ཆེམ་འབར་བའི་འོད། །བསྐལ་པ་སྲེག་བྱེད་རྒྱལ་པོས་མཚམས་བཅད་དོ། །ར༷་ཀྲོདྷ་ར༷། ཧ་ལ་ར༷། ཏོ་ཤ་ཡ་ར༷། ར༷་ར༷། ར༷་ཏི་ཤ༷ །ཀྲོ་སྟི་ཁ་རྣ་ཡོ་ག་ར༷་ཕཊ། གསང་བའི་དཀྱིལ་འཁོར་ཆེན་པོ་ནི། །ཟླུམ་པོ་ཟླ་གམ་གྲུ་གསུམ་སྟེ། །དེ་ཡི་དབུས་སུ་འབྱུང་བ་ལྔ། །དེ་ཡི་མེ་དཔུང་རྒྱ་གྲམ་དགོད། །དེ་ཡི་དཀྱིལ་འཁོར་ཕྱི་རིམ་ལ། །ཐོད་པ་རློན་པའི་ཕྲེང་ཆེན་དགོད། །དེ་ཡི་དཀྱིལ་འཁོར་ཕྱི་རིམ་ཡང་། །ཞིང་གི་བམ་རིམ་ཕྲེང་བ་དགོད། །དེ་ཡི་ཕྱི་རིམ་དཀྱིལ་འཁོར་ལ། །རྡོ་རྗེ་རྒྱ་གྲམ་ཕྲེང་བ་དགོད། །དེ་ཡི་ཕྱི་རིམ་དཀྱིལ་འཁོར་ལ། །སྣང་བ་ཆེན་པོ་ལྔ་རུ་དགོད། །མིག་ནས་མེ་རི་ཞགས་པས་དྲང་། །དེ་ཡི་ཕྱི་རིམ་དཀྱིལ་འཁོར་ལ། །ཡི་གེ་ར༷་གྱི་ཕྲེང་བས་བསྡོམ། །ཡ༷་ལས་རླུད་གི་ཞགས་པས་དྲང་། །དེ་ཡི་ཕྱི་རིམ་དཀྱིལ་འཁོར་ལ། །རྡོ་རྗེ་རྩེ་གཅིག་ཕྲེང་ཆེན་ལ། །ཡི་གེ་ཧྭ༷་གི་ཞགས་པས་དྲང་། །དེ་ཡི་ཕྱི་རིམ་དཀྱིལ་འཁོར་ལ། །རྡོ་རྗེ་ཕྲེང་ཆེན་ཕྱོགས་མེད་ལ། །ཡི་གེ་ཡ༷་གི་ཞགས་པས་དྲང་། །དེ་ཡི་ཕྱི་རིམ་དཀྱིལ་འཁོར་ལ། །གཟི་ཆེན་མེ་མར་ཁ་དགུ་གཏམས། །དེ་ཡི་ཕྱི་རིམ་དཀྱིལ་འཁོར་ལ། །ཐོད་པ་རཀྟས་བཀང་བ་དགོད། །དེ་ཡི་ཕྱི་རིམ་དཀྱིལ་འཁོར་ལ། །ཟླ་གམ་དགུ་ཡི་དཀྱིལ་འཁོར་དགོད། །དེ་ཡི་ཕྱི་རིམ་དཀྱིལ་འཁོར་ལ། །བ་སུ་ཏ་ཡི་ཞགས་པས་དྲང་། །དེ་ཡི་ཕྱི་རིམ་དཀྱིལ་འཁོར་ལ། །མཚོན་ཆ་ལྔ་ཡི་གུར་དབུབ་བོ། །དེ་ལྟར་དཀྱིལ་འཁོར་གསལ་བཀོད་ནས། །དེ་ལ་ཕྱག་རྒྱ་རྫོགས་པར་དགོད། །གསང་བ་མེ་དཔུང་གི་རྒྱུད་ལས། དཀྱིལ་འཁོར་གསལ་བར་བསྟན་པའི་ལེའུ་སྟེ་བདུན་པའོ།། །།མེ་དཔུང་འབར་བའི་དཀྱིལ་འཁོར་ནས། ཁྲོ་བོ་འཇིགས་བྱེད་སྤྱན་འདྲེན་ན། །མེ་དཔུང་རབ་འབར་གདན་ལ་གཤེགས། །ཧུ༷། ནམ་མཁའི་གཏོས་དང་འདྲ་བའི་དཀྱིལ་འཁོར་ནས། །འཇིགས་བྱེད་འབར་བའི་རྒྱལ་པོ་གཤེགས་སུ་གསོལ། །མེ་རི་འབར་བའི་དཀྱིལ་འཁོར་ནས། །གསང་བའི་དཀྱིལ་འཁོར་རབ་བཀོད་ནས། །ཞིང་རྐྱང་བཀྲམ་པའི་གདན་ལ་བཞུགས། །སྲིད་པའི་རི་བོ་དབུས་ཀྱི་དཀྱིལ། །ཆེན་པོ་ལྔ་ཡི་དུར་ཁྲོད་ཀློང་། །རྒྱ་མཚོ་གཏིང་དཔག་ཡངས་པའི་ནང་། །མེ་དཔུང་གསང་བའི་གནས་མཆོག་ཏུ། །འཐོར་རླུད་རྡོ་རྗེ་རྒྱ་གྲམ་གཏམས། །ཆགས་པའི་རཀྟ་རྦ་ཀློང་འཁྲུགས། །ཞིང་གི་རི་རབ་བརྩེགས་པའི་ས། །དུར་ཁྲོད་ཀེང་རུས་ཀ་བར་བརྩེག །དྲེགས་པའི་འཁོར་ལོ་རྩིབས་དང་ལྡན། །ཐོད་རློན་རྣམ་གསུམ་གཞལ་ཡས་འབརཁ་བད་ལྕང་ལོ་འཁྱིལ་པས་བརྒྱན། །གནམ་ལྕགས་གཟེར་ཆེན་དབྱིངས་སུ་འདེབས། །དུར་ཁྲོད་གཞལ་ཡས་དེ་ནང་དུ། །དབང་ཕྱུག་ཆེན་པོ་གདན་དུ་བཏིང་། །ཨུ་མ་དེ་ཝ་སྣེ་བསྣོལ་ཁར། ཁྲར་དུ་དྲི་ཟའི་རྒྱལ་པོ་མནན། །ལྷོ་རུ་གཤིན་རྗེ་ཡ་མྱན་ཏ། །ནུབ་ཏུ་ཀླུ་བདག་སྦྲུལ་མགོ་ཅན། །བྱང་དུ་གནོད་སྦྱིན་འབོད་སྒྲོགས་མནན། །དབང་ཕྱུག་ལྔ་ཡི་གདན་སྟེང་དུ། །ཞིང་གི་གདན་ཆེན་རེ་རེ་གདིང་། །དེ་སྟེང་ཉི་ཟླ་འབར་བའི་གདན། །དེ་ཡི་དབུས་སུ་ཁྲོ་བདག་བསྒོམ། །ཡི་གེ་འབྲུ་ཚོགས་འོད་འཕྲོས་འདུས། །ཆོ་ག་གསུམ་གྱི་བྱིན་རླབས་ལས། །མེ་དཔུང་ཁྲོ་བོ་ཕྱག་རྒྱར་གསལ། །ཧུ༷་ཀྲོ་དྷི་ཤྭ་རྡི་ཧེ་རུ་ཀ་པ་ལ་ཤ་ཕཊ། །དབུས་ཀྱི་མེ་དཔུང་དཀྱིལ་འཁོར་ནས། ཁྲོ་བདག་སྣུརྙའི་རྒྱལ་པོའི་སྐུ། །སེར་ནག་རལ་པས་མེ་དཔུང་འཐོར། །འབར་བའི་གདན་ལ་སྤྱན་འདྲེན་གཤེགས། ཁྲར་གྱི་མེ་དཔུང་དཀྱིལ་འཁོར་ནས། ཁྲོ་བོ་བཛྲ་ཧེ་རུ་ཀ །མཐིང་ནག་རལ་པས་མེ་དཔུང་འཐོར། །འབར་བའི་གདན་ལ་སྤྱན་འདྲེན་གཤེགས། །ལྷོ་ཡི་མེ་དཔུང་དཀྱིལ་འཁོར་ནས། ཁྲོ་བདག་རཏྣ་རྒྱས་པའི་སྐུ། །སེར་ནག་རལ་པ་མེ་དཔུང་འབར། །འབར་བའི་གདན་ལ་སྤྱན་འདྲེན་གཤེགས། །ནུབ་ཀྱི་མེ་དཔུང་དཀྱིལ་འཁོར་ནས། ཁྲོ་བདག་པདྨ་རྒྱས་པའི་སྐུ། །དམར་ནག་ནག་པས་མེ་དཔུང་འཐོར། །འབར་བའི་གདན་ལ་སྤྱན་འདྲེན་གཤེགས། །བྱང་གི་མེ་དཔུང་དཀྱིལ་འཁོར་ནས། ཁྲོ་བདག་ལས་ཀྱི་རྒྱལ་པོའི་སྐུ། །ལྗང་ནག་རལ་པ་མེ་དཔུང་འཐོར། །འབར་བའི་གདན་ལ་སྤྱནའདྲེནགཤེགས། །དབྱིངས་ཀྱི་ཡུམ་ཆེན་དཔལ་འབར་མ། ཁྲག་འཐུང་རྒྱལ་མོ་དཔལ་གྱི་ཡུམ། །མེ་དཔུང་གདན་ལ་སྤྱན་འདྲེན་གཤེགས། །བུརྙ་ཀྲོ་དྷི་ཤྭ་རྡི་སྟུ༷། །དབྱིངས་ཀྱི་ཡུམ་ཆེན་དཔལ་འབར་མ། ཁྲག་འཐུང་རྒྱལ་མོ་དཔལ་གྱི་ཡུམ། །མེ་དཔུང་གདན་ལ་སྤྱན་འདྲེན་གཤེགས། །བཛྲ་ཀྲོ་དྷི་ཤྭ་རྡི་སྟ༷། །དབྱིངས་ཀྱི་ཡུམ་ཆེན་དཔལ་འབར་མ། ཁྲག་འཐུང་རྒྱལ་མོ་དཔལ་གྱི་ཡུམ། །མེ་དཔུང་གདན་ལ་སྤྱན་འདྲེན་གཤེགས། །རཏྣ་ཀྲོ་དྷི་ཤྭ་རྡི་སྟུ༷། །དབྱིངས་ཀྱི་ཡུམ་ཆེན་དཔལ་འབར་མ། ཁྲག་འཐུང་རྒྱལ་མོ་དཔལ་གྱི་ཡུམ། །མེ་དཔུང་གདན་ལ་སྤྱན་འདྲེན་གཤེགས། །པདྨ་ཀྲོ་དྷི་ཤྭ་རྡི་སྟུ༷། །དབྱིངས་ཀྱི་ཡུམ་ཆེན་དཔལ་འབར་མ། ཁྲག་འཐུང་རྒྱལ་མོ་དཔལ་གྱི་ཡུམ། །མེ་དཔུང་གདན་ལ་སྤྱན་གཤེགས། །ཀརྨ་ཀྲོ་དྷི་ཤྭ་རྡི་སྟུ༷། །དབྱིངས་ཀྱི་ཡུམ་ཆེན་དཔལ་འབར་མ། ཁྲག་འཐུང་རྒྱལ་མོ་དཔལ་གྱི་ཡུམ། །མེ་དཔུང་གདན་ལ་སྤྱན་འདྲེན་གཤེགས། །དེ་ལྟར་གསལ་བའི་དཀྱིལ་འཁོར་དུ། ཁྲག་འཐུང་རྒྱལ་མོ་མེ་འབར་མ། །གོ་སྡུ་བརྒྱད་རྣམས་སྦྱན་འདྲེན་ན། །རོལ་པའི་སྟབས་ཀྱིས་གཤེགས་སུ་གསོལ། །དུར་ཁྲོད་ཆེན་པོའི་གནས་བརྒྱད་ནས། །ཡེ་ཤེས་མ་བརྒྱད་སྤྱན་འདྲེན་ན། །མེ་དཔུང་རབ་འབར་གདན་ལ་གཤེགས། །དུར་ཁྲོད་གླིང་གོ་མཐའ་ཤེད་ནས། །ཡ་མཚན་ཆེན་པོ་བསིལ་བའི་ཚལ། །ཡེ་ཤེས་མ་ཆེན་གོ་རྡི་མ། །སྔོན་མོ་དབྱུག་ཐོགས་མཆེ་བ་ཅན། །མེ་དཔུང་གདན་ལ་སྤྱན་འདྲེན་གཤེགས། །དུར་ཁྲོད་གླིང་གི་མཐའ་ཤེད་ནས། །ཡེ་ཤེས་མ་ཆེན་ཙོ་རྡི་མ། །སེར་མོ་མདའ་འཕེན་མཆེ་བ་ཅན། །མེ་དཔུང་གདན་ལ་སྤྱན་འདྲེན་གཤེགས། །དུར་ཁྲོད་གླིང་གི་མཐའ་ཤེད་ནས། །ཡེ་ཤེས་མ་ཆེན་པྲ་མོ་ཧེ། །བདུད་རྒྱལ་ཆུ་སྲིན་རྒྱལ་མཚན་ཕྱར། །མེ་དཔུང་གདན་ལ་སྤྱན་འདྲེན་གཤེགས། །དུར་ཁྲོད་གླིང་གི་མཐའ་ཤེད་ནས། །ཡེ་ཤེས་མ་ཆེན་བེ་ཏྭ་སྙི། །མཐིང་ནག་ཞིང་ཟ་རྡོ་རྗེ་འཕྱར། །མེ་དཔུང་གདན་ལ་སྤྱན་འདྲེན་གཤེགས། །དུར་ཁྲོད་གླིང་གི་མཐའ་ཤེད་ནས། །ཡེ་ཤེས་མ་ཆེན་པུསྐ་སྙི། །དཀར་སེར་རྒྱུད་ཞགས་མཆེ་བ་ཅན། །མེ་དཔུང་གདན་ལ་སྤྱན་འདྲེན་གཤེགས། །དུར་ཁྲོད་གླིང་གི་མཐའ་ཤེད་ནས། །ཡེ་ཤེས་མ་ཆེན་ཀྟསྨ་རྡི། །སྔོ་ལྗང་ཁྲག་འཐུང་མཆེ་བ་ཅན། །མེ་དཔུང་གདན་ལ་སྤྱན་འདྲེན་གཤེགས། །དུར་ཁྲོད་གླིང་གི་མཐའ་ཤེད་ནས། །ཡེ་ཤེས་མ་ཆེན་སྨ་ཤ་ནི། །མཐིང་ནག་སྙིང་ཟན་མཆེ་བ་ཅན། །མེ་དཔུང་གདན་ལ་སྤྱན འདྲེན་གཤེགས། །དུར་ཁྲོད་གླིང་གི་མཐའ་ཤེད་ནས། །ཡེ་ཤེས་མ་ཆེན་ཙཎྜ་སྙི། །སེར་སྐྱ་མགོ་གཅོད་མཆེ་བ་ཅན། །མེ་དཔུང་གདན་ལ་སྤྱན་འདྲེན་གཤེགས། །བཛྲ་གོ་རྡི་ཧ་རུ་ལུ་སྨྱོ་ཛ༷༷། བཛྲ་ཙོ་རྡི་ཧ་རུ་ལུ་སྨྱོ་ཛ༷༷། བཛྲ་པྲ་མོ་ཧེ་ཧ་རུ་ལུ་སྨྱོ་ཛ༷༷། བཛྲ་བེ་ཏྭ་སྙི་ཧ་རུ་ལུ་སྨྱོ་ཛ༷༷། བཛྲ་པུསྐ་སྙི་ཧ་རུ་ལུ་སྨྱོ་ཛ༷༷། བཛྲ་བྷསྨ་རྡི་ཧ་རུ་ལུ་སྨྱོ་ཛ༷༷། བཛྲ་སྨ་ཤ་ནི་ཧ་རུ་ལུ་སྨྱོ་ཛ༷༷། བཛྲ་ཙིཎྜ་སྙི་ཧ་རུ་ལུ་སྨྱོ་ཛ༷༷། རྒྱ་གར་ཡུལ་གྱི་མཐའ་ཤེད་ནས། །ཕྲ་མེན་ཆེན་མོ་སྤྱན་འདྲེན་ན། །དབུ་བརྙན་བརྒྱད་རྣམས་སྤྱན་འདྲེན་གཤེགས་སུ་གསོལ། །རྒྱ་གར་ཡུལ་གྱི་མཐའ་ཤེད་ནས། །ཟ་བྱེད་ཕྲ་མན་རལ་པ་ཅན། །སེར་མོ་རྔམ་པ་སེང་གེའི་མགོ། །མེ་དཔུང་གདན་ལ་སྤྱན་འདྲེན་གཤེགས། །རྒྱ་གར་ཡུལ་གྱི་མཐའ་ཤེད་ནས། །ཟ་བྱེད་ཕྲ་མེན་རལ་པ་ཅན། །དམར་མོ་སྟག་མགོ་འབྲུ་ཚུགས་བལྟ། །མེ་དཔུང་གདན་ལ་སྤྱན་འདྲེན་གཤེགས། །རྒྱ་གར་ཡུལ་གྱི་མཐའ་ཤེད་ནས། །ཟ་བྱེད་ཕྲ་མེན་རལ་པ་ཅན། །ནག་མོ་ཝ་མགོ་རྐང་ལྡག་མ། །མེ་དཔུང་གདན་ལ་སྤྱན་འདྲེན་གཤེགས། །རྒྱ་གར་ཡུལ་གྱི་མཐའ་ཤེད་ནས། །ཟ་བྱེད་ཕྲ་མེན་རལ་པ་ཅན། །མཐིང་ག་སྤྱང་མོ་རུས་ཆེན་འཇོམས། །མེ་དཔུང་གདན་ལ་སྤྱན་འདྲེན་གཤེགས། །རྒྱ་གར་ཡུལ་གྱི་མཐའ་ཤེད་ནས། །ཟ་བྱེད་ཕྲ་མེན་རལ་པ་ཅན། །དམར་མོ་རྒོདམགོགྲི་ཐོགས་མ། །མེ་དཔུང་གདན་ལ་སྤྱན་འདྲེན་གཤེགས། །རྒྱ་གར་ཡུལ་གྱི་མཐའ་ཤེད་ནས། །ཟ་བྱེད་ཕྲ་མེན་རལ་པ་ཅན། །སྣར་མོ་དུར་བྱ་ཞིང་ཁུར་མ། །མེ་དཔུང་གདན་ལ་སྤྱན་འདྲེན་གཤེགས། །རྒྱ་གར་ཡུལ་གྱི་མཐའ་ཤེད་ནས། །ཟ་བྱེད་ཕྲ་མེན་རལ་པ་ཅན། །ནག་མོ་བྱ་རོག་རྒྱུ་ཚིལ་རོལ། །མེ་དཔུང་གདན་ལ་སྤྱན་འདྲེན་གཤེགས། །རྒྱ་གར་ཡུལ་གྱི་མཐའ་ཤེད་ནས། །ཟ་བྱེད་ཕྲ་མེན་རལ་པ་ཅན། །མཐིང་ག་འུག་མགོ་གློ་སྙིང་ཟ། །མེ་དཔུང་གདན་ལ་སྤྱནའདྲེནགཤེགས། །སེང་ཧ་ཧེ་སྨྱོ་རུ་ལུ་བཛྲ་ར༷། །བྱ་སྒྲོ་ཧེ་སྨྱོ་རུ་ལུ་བཛྲ་ར༷། །སྲིང་གལ་ཧེ་སྨྱོ་རུ་ལུ་བཛྲ་ར༷།ཤཱ་ན་ཧེ་སྣྲོ་རུ་ལུ་བཛྲ་ར༷། །གྲིརྙ་ཧེ་སྨྱོ་རུ་ལུ་བཛྲ་ར༷། །ཀང་ཀ་ཧེ་སྨྱོ་རུ་ལུ་བཛྲ་ར༷། །ཀྭ་ཀ་ཧེ་སྨྱོ་རུ་ལུ་བཛྲ་རེ། ཁུ་ལུ་ཧེ་སྨྱོ་རུ་ལུ་བཛྲ་ར༷། །དུར་ཁྲོད་གླིང་གི་ཤར་སྒོ་ནས། ཁྲོ་ག་་རྟ་མགོ་རལ་པ་ཅན། །མེ་དཔུང་འབར་བའི་གདན་ལ་གཤེགས། །དུར་ཁྲོད་གླིང་གི་ལྷོ་ཕྱོགས་ནས། །སྔོན་མོ་ཞགས་འཕེན་ཕག་གི་མགོ །མེ་དཔུང་གདན་ལ་སྤྱན་འདྲེན་གཤེགས། །དུར་ཁྲོད་གླིང་གི་ནུབ་སྒོ་ནས། །དམར་མོ་ལྕགས་སྒྲོག་སྡོམ་བྱེད་མ། །མེ་དཔུང་གདན་ལ་སྤྱན་འདྲེན་གཤེགས། །དུདུཁྲོད་གླིང་གི་བྱང་སྒོ་ནས། ཁྲོ་ག་་སྤྱང་མགོ་རལ་པ་ཅན། །ལྗང་གུ་དྲིལ་འཁྲོལརྔལདུ་རློག །མེ་དཔུང་གདནུ་ལ་སྤྱནའདྲེནགཤེགས། །ཛ་ཛ་ཛ་ཛ། ར༷་ར༷་ར༷་ར༷། རི་རབ་ཟེན་པོའི་ཕྱི་རོལ་ཏུ། །དབང་ཕྱུག་ཆེན་མ་སྤྱན་འདྲེན་ན། །མེ་དཔུང་རབ་འབར་གདན་ལ་གཤེགས། །སྨུག་ནག་ཁྲག་འཐུང་སྲིན་མའ་གཟུགས། །ཐོད་རླན་བཀང་བ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གིཤེགས། །སེར་ནག་ཁྲག་འཐུང་ཚངས་པའི་གཟུགས། །པདྨ་འདབ་བརྒྱད་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །དཀར་ལྗང་ཁྲག་འཐུང་ལྷ་ཡི་གཟུགས། །རྡོ་རྗེ་ཏྲི་ཤཱལ་ཕྱག་ན་བསྣམས། །མེ་དཔུང་འབར་བའི་གདན་ལ་གཤེགས། །སྔོན་མོ་ཁྲག་འཐུང་ཁྱབ་འཇུག་གཟུགས། །འཁོར་ལོ་རྩིབས་བརྒྱད་ཕྱག་ན་བསྣམས། །མེ་དཔུང་འབར་བའི་གདན་ལ་གཤེགས། །དམར་མོ་ཁྲག་འཐུང་གཤོན་ནུའི་གཟུགས། །ཡེ་ཤེས་མདུང་ཐུང་ཕྱག་ན་བསྣམས། །མེ་དཔུང་འབར་བའི་གདན་ལ་གཤེགས། །དཀར་མོ་ཁྲག་འཐུང་བརྒྱ་བྱིན་གཟུགས། །ཨིནྟྲ་རྡོ་རྗེ་ཕྱག་ན་བསྣམས། །མེ་དཔུང་འབར་བའི་གདན་ལ་གཤེགས། །སེར་མོ་ཁྲག་འཐུང་རྡོ་རྗེའི་གཟུགས། །བྷརྙ་རཀྟ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །དམར་མོ་ཁྲག་འཐུང་ཉི་མའི་གཟུགས། །བདུད་རྩི་བུམ་པ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །དཀར་མོ་ཁྲག་འཐུང་ཟ་བའི་གཟུགས། །པུཐེ་དཀར་མོ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །དཀར་་མོ་ཁྲག་འཐུང་ཟ་པའི་གཟུགས། །རྡོ་རྗེ་བྷརྙ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །ལྗང་གུ་ཁྲག་འཐུང་རྡོ་རྗེའི་གཟུགས། །བེ་ཅོན་སྔོན་མོ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །དམར་པོ་ཁྲག་འཐུང་སྲིན་མོའི་གཟུགས། །བྷརྙ་རཀྟ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །ལྗང་ནག་ཁྲག་འཐུང་ཟ་བའི་གཟུགས། །རྡོ་རྗེ་བ་སུ་ཕྱག་ན་བསྣམས། །མེ་དཔུང་འབར་བའི་གདན་ལ་གཤེགས། །དམར་མོ་ཁྲག་འཐུང་འཇིགས་པའི་གཟུགས། །རྡོ་རྗེ་ཟངས་གྲི་ཕྱག་ན་བསྣམས། །མེ་དཔུང་གདན་ལ་སྤྱནའདྲེནགཤེགས། །དཀར་མོ་ཁྲག་འཐུང་སྟོབས་བཟང་གཟུགས། །རྡོརྗེགཤོལམདའཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །སེར་མོ་ཁྲག་འཐུང་རྡོ་རྗེའི་གཟུགས། །རྡོ་རྗེ་སྤུ་གྲི་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །དམར་མོ་ཁྲག་འཐུང་གཞོན་ནུའི་གཟུགས། །ཡེ་ཤེས་མདུང་ཐུང་ཕྱག་ན་བསྣམས། །མེ་དཔུང་འབར་བའི་གདན་ལ་གཤེགས། །དཀར་མོ་ཁྲག་འཐུང་འཇིགས་པའི་གཟུགས། །རྡོ་རྗེ་བུམ་པ་ཕྱག་ན་བསྣམས། །མེ་དཔུང་འབར་བའི་གདན་ལ་གཤེགས། །ལྗང་མོ་ཁྲག་འཐུང་འཇིགས་པའི་གཟུགས། །བ་དན་ལྗང་གུ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །སྔོན་མོ་ཁྲག་འཐུང་གླང་གི་མགོ །རྡོ་རྗེ་བྷརྙ་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །དམར་མོ་ཁྲག་འཐུང་འཇིགས་པའི་གཟུགས། །རྡོ་རྗེ་རལ་གྲི་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །དམར་མོ་ཁྲག་འཐུང་མེ་ལྷའི་གཟུགས། །རྡོ་རྗེ་གསལ་ཤིང་ཕྱག་ན་བསྣམས། །མེ་དཔུང་གདན་ལ་སྤྱན་འདྲེན་གཤེགས། །སྐུ་མདོག་སྨུག་ནག་ཕག་གི་གཟུགས། །རྡོ་རྗེ་ཞགས་པ་ཕྱག་ན་བསྣམས། །མེ་དཔུང་འབར་བའི་གདན་ལ་གཤེགས། །དམར་མོ་ཁྲག་འཐུང་ཆུ་ལྷའི་གཟུགས། །རྡོ་རྗེ་སྦྲུལ་ཞགས་ཕྱག་ན་བསྣམས། །མེ་དཔུང་གདན་ལ་སྤྱནའདྲེནགཤེགས། །རི་རབ་ཆེན་པོའི་ཤར་ཕྱོགས་ནས། །ནག་མོ་ལྕགས་ཀྱུ་འདྲེན་བྱེད་མ། །མེ་དཔུང་གདན་ལ་སྤྱནའདྲེནགཤེགས། །རི་རབ་ཆེན་པོའི་ལྷོ་ཕྱོགས་ནས། །སེར་མོ་ར་མགོ་ཞགས་པ་མ། །མེ་དཔུང་གདན་ལ་སྤྱན་འདྲེན་གཤེགས། །རི་རབ་ཆེན་པོའི་ནུབ་ཕྱོགས་ནས། །དམར་མོ་སྡོམ་བྱེད་སེང་གེའི་མགོ །མེ་དཔུང་གདན་ལ་སྤྱན་འདྲེན་གཤེགས། །རི་རབ་ཆེན་པོའི་བྱང་སྒོ་ནས། །སྣ་ཚོགས་ལྗང་གུ་དྲིལ་འཁྲོལ་མ། །མེ་དཔུང་འབར་བའི་དཀྱིལ་འཁོར་དུ། །སྤྱན་འདྲེན་མཆོད་སྟོབས་བསྙེན་པ་འབུལ། །སྤྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། །སྨྱོ་སྨྱོ་སྨྱོ་སྨྱོ་སྦྱོ་སྦྱོ་སྨྱོ། །སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། །སྨྱོ་སྨྱོ་སྨྱོ་སྤྱོ་སྨྱོ་སྨྱོ་སྨྱོ། །ར༷་ར༷་ར༷་ར༷་ར༷་ར༷་ར༷ ར༷་ར༷་ར༷་ར༷་ར༷་ར༷་ར༷ ར༷་ར༷་ར༷་ར༷་ར༷་ར༷་ར༷ ར༷་ར༷་ར༷་ར༷་ར༷་ར༷་ར༷། །གདུང་བའི་ཚུལ་གྱིས་དངོས་གྲུབ་བླང་། །དེ་ནས་བདག་ཉིད་ཐིག་ལེས་གདབ། །སྦྱན་དྲངས་བཟོད་གསོལ་ཕྲིན་ལས་བཅོལ། །གསང་བ་མེ་དཔུང་གི་རྒྱུད་ལས། སྒྲུབ་པ་ལས་རྒྱ་མཚོའི་ལེའུ་སྟེ་བརྒྱད་པའོ།། །།རྡོ་རྗེ་མེ་དཔུང་དཀྱིལ་འཁོར་དུ། །ལྕགས་ཀྱུ་ཞགས་པ་ཐོ་བ་གྲི། །དེ་ཡི་ཕྱི་རིམ་དཀྱིལ་འཁོར་དུ། །འཁོར་ལོ་རྩིབས་བརྒྱད་རྣོན་པོ་ལ། ཕྲ་མེན་ཤ་ཟ་བརྒྱད་རྣམས་དགོད། །བསྐལ་པའི་མེ་རིས་འཁྲིགས་པ་བྲི། །དེ་ཡི་ཕྱི་རོལ་དཀྱིལ་འཁོར་དུ།ཁྲག་གི་རྒྱ་མཚོའི་གཟུགས་བྲིས་ལ། །དེ་ཡི་ཞབས་སུ་རུས་ཆེན་དགོད། །ཐ་མ་མེ་རི་དམར་པོ་དགོད། །དཀྱིལ་འཁོར་དེ་ཡི་ཡང་ཐོག་ཏུ། ཁྲོ་བདག་མེ་ཡི་རྒྱལ་པོ་བྲི། །དེ་ལྟར་དཀྱིལ་འཁོར་བྲིས་ནས་ནི། །སྒྲུབ་པ་ཆེན་པོ་བརྩམ་པའི་ཕྱིར། །བགེགས་ཀྱི་རྒྱལ་པོ་དུ་ཏྲ་བསྒྲལ། །དེ་ཡི་ཆོ་ག་ཆེན་པོ་བསྟན། །ཐར་ལམ་གནས་བརྟན་དཔལ་གྱི་དཀྱིལ་འཁོར་དུ། །འབྱུང་པོ་ག་་པོ་གདོལ་པ་ཅན། །མཐར་བྱེད་སྒྲུབ་པ་འདི་ལ་བསྒྲུབ། །དུག་ལྔ་གཏན་དུ་འབར་བ་འདི། །མཚོན་ཆ་ལྔ་ཡིས་སྦྱང་བར་བྱ། །དེ་ཡི་དྲག་པོའི་གྲི་ཐོགས་ནས། ཁེན་ཏུ་བཤུངས་ཏེ་སྨྲེ་སྔགས་འདོན། །ཐུགས་རྗེའི་བདག་པོའི་ཞབས་དྲུང་དུ། །སྨྲེང་བའི་ཚུལགྱིས་འདི་སྐད་གསོལ། །འབངས་སུ་མཆིའོ་འབངས་སུ་མཆི། །འབངས་སུ་ནན་ཏན་མ་བགྱིས་ན། །བདག་ཅག་རྣམས་ཀྱི་མགོ་ལུས་སྙིང་། །དུམ་བུ་བརྒྱར་ནི་གཏུབ་པར་འགྱུར། །རུལ་མྱགས་ཟག་ནས་ཉམས་པར་བྱེད། །ཕུང་པོ་ཁམས་དང་སྐྱེ་མཆེད་རྣམས། །རྡོ་རྗེ་མེ་དཔུང་འབར་བ་ཡིས། །རབ་ཏུ་བསྲེགས་ཤིང་རྡུལ་དུ་རློགས །དེ་ཕྱིར་དཔལ་ཆེན་ཞབས་དྲུང་དུ། །བདག་ཅག་རྣམས་ནི་སྐྱབས་སུ་མཆི། །ཞེས་སྨྲེ་སྔགས་འདོན་ནོ། །དེ་ནས་དཔལ་ཆེན་མེ་ཡི་རྒྱལ་པོ་ཡིས། །རྔམ་པའི་སྐད་གྱིས་སྡུག་བསྔལ་སྦྱངས། །རྡོ་རྗེའི་ཞབས་ཀྱི་འོག་ཏུ་བརྫིས། །འགྱུར་བཟློག་མེད་པར་རབ་ཏུ་བསྡུས། །བསྒྲུབ་ཆེན་བརྩམ་ཕྱིར་དུ་ཏྲ་བསྒྲལ། །ག་་ཁྲོ་གདུག་པའི་ཚོགས་བཅས་གཞོམ་པའི་ཕྱིར། ཁམས་གསུམ་སྲེག་བྱེད་མེ་དཔུང་དཔལ་གྱི་སྐུ། །འཇིགས་པའི་ཚམ་རྔམས་གློག་ལྟར་འགྱུ། །བདུད་འདུལ་ཁྲོ་རྒྱལ་དཔལ་ཆེན་ཧེ་རུ་ཀ །དུ་ཏྲ་བསྒྲལ་ཕྱིར་ཆེ་བའི་ང་རྒྱལ་བསྐྱེད། །འཛམ་གླིང་ལྷོ་ཡི་གླིང་ཁམས་ནས། །དབང་ཕྱུག་བདུད་ཀྱི་བསྒྲལ་ཐབས་འདི། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ལག་བརྐྱང་རྐང་བརྐྱང་ཕོ་བྲང་བསྐྱེད། །ཐོ་བ་ལྕགས་ཀྱུ་སྤུ་གྲི་ཡིས། །དུག་གསུམ་བསྒྲལ་ཕྱིར་འཇིགས་ཚུལ་བསྟན། །བདུད་མ་ཏྲ༷་ཐལ་ཁ་སྔོ་སྐྱ་ལ། །ལུས་པོ་རི་རབ་ཀྱི་གཏོས་ཙམ་དེ་མགོ་ལྷོ་ནུབ་མཐའ་ཐུག་པ་མེད་པ། རྐང་པ་བྱང་ཤར་མཐའ་ཐུག་པ་མེད་པ་དེར་བསྒྱེལ་ཏོ། །སྙིང་ནི་དུར་ཁྲོད་བསིལ་བའི་ཚལ། །རྒྱ་གར་ཡུལ་ནས་གྲུབ་པ་མོ། །མ་མོ་ཆེན་མོ་གོ་རྡི་མ། །སྔོན་མོ་དབྱུག་ཏོ་ཐོད་པས་བསྤྱིངས། །མེ་དཔུང་ཟླ་གམ་དཀྱིལ་འཁོར་དུ། །རོལ་པའི་སྟབས་ཀྱིས་གཤེགས་སུ་གསོལ། །ལག་པ་གཡས་ནི་ལི་ཡུལ་གྲུབ་པའི་ཚལ། །ལི་ཡི་ཡུལ་དུ་གྲུབ་པ་མོ། །མ་མོ་ཆེན་མོ་ཙོ་རྡི་མ། །ཙོ་རྡི་མདའ་འགེངས་རལ་པས་བསྤྱིངས། །མེ་དཔུང་ཟླ་གམ་དཀྱིལ་འཁོར་དུ། །རོལ་པའི་སྟབས་ཀྱིས་གཤེགས་སུ་གསོལ། །ལག་གཡོན་བལ་ཡུལ་གྲུབ་པའི་ཚལ། །མ་མོ་ཆེན་མོ་པྲ་མོ་ཧེ། །པྲ་མོ་ཆུ་སྲིན་རྒྱལ་མཚན་བསྣམས། །མེ་དཔུང་ཟླ་གམ་དཀྱིལ་འཁོར་དུ། །རོལ་པའི་སྟབས་ཀྱིས་གཤེགསསུགསོལ། །རྐང་གཡས་ཐོ་གར་དུར་ཁྲོད་ཚལ། །ཐོ་གར་ཡུལ་ནས་གྲུབ་པམོ། །མམོཆེནམོབེཏྭསྙི། །བེཏྭ་བྱི་ཟ་རྡོར་འཕྱར་ནག །མེ་དཔུང་འབར་བའི་དཀྱིལ་འཁོར་དུ། །རོལ་པའི་སྟབས་ཀྱིས་གཤེགས་སུ་གསོལ། །རྐང་གཡོན་ཟ་ཧོར་གྲུབ་པའི་ཚལ། །མ་མོ་ཆེན་མོ་པུསྐ་སྙི། །དམར་སེར་རྒྱུ་འདྲེན་རལ་པ་ཅན། །མེ་དཔུང་འབར་བའི་དཀྱིལ་འཁོར་དུ། །རོལ་པའི་སྟབས་ཀྱིས་གཤེགས་སུ་གསོལ། །ལྟེ་བ་ཨོ་སྐྱུན་གྲུབ་པའི་ཚལ། །ཨོ་བྱུན་ཡུལ་ནས་གྲུབ་པ་མོ། །མ་མོ་ཆེན་མོ་བྷསྨ་རྡི། །ཀྟསྨ་དུང་དམར་ཁྲག་འཐུང་ལྗང་། །མེ་དཔུང་འབར་བའི་དཀྱིལ་འཁོར་དུ། །རོལ་པའི་སྟབས་ཀྱིས་གཤེགས་སུ་གསོལ། །ཕོ་མཚན་སིདྷ་གྲུབ་པའི་ཚལ། །སིསྐོའི་ཡུལ་ནས་གྲུབ་པ་མོ། །མ་མོ་ཆེན་མོ་སྨ་ཤ་ནི། །སྨ་ཤ་མཐིང་ནག་བྱིས་སྙིང་ཟ། །མེ་དཔུང་ཟླ་གམ་དཀྱིལ་འཁོར་དུ། །རོལ་པའི་སྟབས་ཀྱིས་གཤེགས་སུ་གསོལ། །མཁལ་མ་དུར་ཁྲོད་གླིང་དགུའི་ཚལ། །གླིང་དགུའི་ཡུལ་ནས་གྲུབ་པ་མོ། །མ་མོ་ཆེན་པོ་ཙཎྜསྙི། །ཙཎྜ་སེར་སྐྱ་མགོ་ལུས་འདྲལ། །མེ་དཔུང་ཟླ་གམ་དཀྱིལ་འཁོར་དུ། །རོལ་པའི་སྟབས་ཀྱིས་གཤེགས་སུ་གསོལ། །དུ་ཏྲོརེ་གཟུགས་ཀྱི་ཕུང་པོ་ལ། །ཕྲ་མེན་དུར་ཁྲོད་གནས་གྲུབ་པའི། །མ་མོ་སྤྱན་འདྲེན་གཤེགས་སུ་གསོལ། །གྲུ་མོ་གཡས་གཡོན་མཁྲིག་མར་བསྣོལ། །རྐང་བ་གཡས་གཡོན་གླིང་མོ་བསྣོལ། །ཐར་པ་ཆེན་པོའི་གནས་བརྒྱད་ལས། །ཟླ་གམ་དམར་པོའི་དཀྱིལ་འཁོར་ལ། །མེ་དཔུང་མང་པོའི་ཕྲེང་དུ་བསྐོར། ཁྲ་ཟ་ཁྲག་འཐུང་མགོ་བརྙན་སོགས། །ལ་ལ་སེང་གེ་རྔམས་པའི་ཚོགས། །ལ་ལ་དཔའ་བརྟུལ་སྟག་གི་ཚོགས། །ལ་ལ་སྒྲོལ་བྱེད་ཁྲག་ལྡག་ཝ། །ལ་ལ་རུས་འཇོམས་རྔམ་པའི་གཟུགས། །ལ་ལ་ལྡིང་ཚོགས་བྱ་རྒོད་གཟུགས། །ལ་ལ་དུར་བྱ་ཞིང་ཁུར་ཚོགས། །ལ་ལ་རྔམ་སྟབས་བྱ་རོག་གཟུགས། །ལ་ལ་ནང་ཁྲོལ་འཇོམས་པ་འུག་པའི་གཟུགས། །དུར་ཁྲོད་མེ་ཡི་དཀྱིལ་འཁོར་དུ། །མགྱོགས་ཚོགས་ཕྲ་མེན་སྤྱན་འདྲེན་ན། །རྔམས་པའི་སྟབས་ཀྱིས་གཤེགས་སུ་གསོལ། ཁྲར་སྒོ་ཟླ་གམ་མེ་དཔུང་དཀྱིལ་འཁོར་དུ། །འགུགས་པའི་རོལ་ཚོགས་སྤྱན་འདྲེན་ན། །རྔམས་པའི་སྟབས་ཀྱིས་གཤེགས་སུ་གསོལ། །ལྷོ་སྒོ་ཟླ་གམ་མེ་དཔུང་དཀྱིལ་འཁོར་དུ། །འཆིང་བའི་རོལ་ཚོགས་སྤྱན་འདྲེན་ན། །རྔམས་པའི་སྟབས་ཀྱིས་གཤེགས་སུ་གསོལ། །ནུབ་སྒོ་ཟླ་གམ་མེ་དཔུང་དཀྱིལ་འཁོར་དུ། །སྡོམ་བྱེད་རོལ་ཚོགས་སྤྱན་འདྲེན་ན། །རྔམས་པའི་སྟབས་ཀྱིས་གཤེགས་སུ་གསོལ། །བྱང་སྒོ་ཟླ་གམ་མེ་དཔུང་དཀྱིལ་འཁོར་དུ། །རློག་བྱེད་རོལ་ཚོགས་སྤྱན་འདྲེན་ན། །རྔམས་པའི་སྟབས་ཀྱིས་གཤེགས་སུ་གསོལ། །སྔོ་སྐྱ་ཐལ་སྐྱ་རྭ་ཏྲེརེ་གཟུགས། །གདོལ་བ་དྲག་པོ་མི་བཟད་པ། །གསོད་ལ་འཇིགས་པ་གཟུགས་ཀྱིས་སྒྲོལ། ཁ་ཊ༷་འབར་བའི་ཕྱག་རྒྱ་ཡིས། །རོལ་པའི་སྟབས་ཀྱིས་དུ་ཏྲ་བསྒྲལ། །འཛམ་བུའི་གླིང་གི་དཀྱིལ་འཁོར་ན། །སྟོང་གསུམ་ཐར་པ་དུ་ཏྲེརེ་གཟུགས། །འབྱུང་བ་ལྔ་ཡི་ཆ་ལས་སྐྱེས། །གཟུགས་ཀྱི་ཕུང་པོའི་སྡུག་བསྔལ་འདི། །ས་མེ་ཆུ་རླུང་ནམ་མཁའ་ལྔས། །འཐོར་བྱེད་ཆེན་པོས་དབྱིངས་སུ་སྦྱོར། །ཞེ་སྡང་འདུས་པའི་ཕུང་པོ་ལ། །ཡི་གེ་ཧུ༷་གིས་བཞུ་བ་་ནས། །གནས་འགྱུར་རྡོ་རྗེ་སེམས་དཔའ་གཙོ། །ས་གཞི་ཡུམ་གྱི་ངང་དུ་སྦྱོར། །དེ་ལྟར་རྫོགས་ཏེ་མཐའ་ཡས་མཆོག །ཉོན་མོངས་ལྔ་ཡི་ཕུང་པོ་ལ། །འབྱུང་ལྔ་གནས་འགྱུར་ཐར་པའི་སྐུ། །འབར་བའི་གནས་སུ་གསལ་བཀོད་ནས། །ཕུང་པོ་ལྔ་གནས་དཀྱིལ་འཁོར་དུ། །གནས་འགྱུར་དབང་མོ་ལྔ་ཡི་སྐུ། །སྲིད་པའི་མ་ལྔས་ཐུགས་རྗེས་བསྒྲལ། །མ་ཏྲ༷་གཟུགས་ཀྱི་ཕུང་པོ་ནི། །དུར་ཁྲོད་མེ་ཡི་གནས་བརྒྱད་དང་། །དུར་ཁྲོད་ཕྱེད་དང་གསུམ་དུ་སྣང་། །མཉམ་གཞག་ཕུང་པོའི་དཀྱིལ་འཁོར་དུ། །ལྔ་བཅུ་རྩ་བརྒྱད་དབྱིངས་སུ་གསལ། །ལྟག་མཐོང་ལས་ཀྱི་དཀྱིལ་འཁོར་དུ། །ཐུགས་རྗེས་རྨད་བྱུང་རོལ་པ་ལས། །སྤར་བའི་ལས་མཆོག་ཆེན་པོ་བརྩམ། །གསང་བ་མེ་དཔུང་གི་རྒྱུད་ལས། བདུད་བཏུལ་བའི་ལེའུ་སྟེ་དགུ་པའོ།། །།དེ་ནས་ལས་བཞི་བསྒྲུབ་པའི་ཕྱིར། །དབུས་སུ་དཀྱིལ་འཁོར་ཟླུམ་པོ་བྲི། ཁྲར་དུ་ཞི་བ་ཟླུམ་པོ་བྲི། །དྲག་པོ་ཟུར་གསུམ་ལྷོ་རུ་བྲི། །འདོད་ཆགས་ཟླ་གམ་ནུབ་ཏུ་བྲི། །རྒྱས་པ་ཆེན་པོ་བྱང་དུ་བྲི། །ཕུང་པོ་ལྔ་དང་ཚོན་ལྔ་དང་། །སྨན་ལྔ་དང་ནི་རྫས་ལྔ་དང་། །ཡུམ་ལྔ་དང་ནི་རྒྱུ་ཡབ་ལྔ། །ཞིབ་ཏུ་བསགས་ལ་ཕྲིན་ལས་བརྩམ། །དེ་ནས་ལྷ་ཏིང་གསལ་བ་དང་། འཕྲོ་འདུ་གསལ་ལ་ཕྲིན་ལས་བཅོལ། །རྫོགས་པའི་ལས་ནི་རྣམ་བཞི་བརྩམ། །དེ་ནས་ཆེ་བའི་ང་རྒྱལ་བསྐྱེད། ཁྲུབ་པའི་ཏིང་འཛིན་བརྩོན་པར་བསྒོམ། །གསང་བ་མེ་དཔུང་གི་རྒྱུད་ལས། ལས་རྣམ་བཞིའི་ལེའུ་སྟེ་བཅུ་པའོ།། །།དེ་ནས་བསྒྲུབ་པ་བརྩམ་པའི་ཕྱིར། །མེ་ཡི་དཀྱིལ་འཁོར་བཞེངས་པ་ནི། །དབུ་དག་བརྟགས་པའི་གནས་སུ་བརྩམ། །མ་དག་པ་ཡི་མཚམས་བཅད་བརྟག །དངོས་གྲུབ་གནས་རབ་བཙལ་བར་བྱ། །རྩི་ཤིང་ནགས་ཚལ་རྒྱས་པའམ། །བཀྲ་ཤིས་དབེན་པའི་ས་ཕྱོགས་སུ། །བསྒྲུབ་པ་ཆེན་པོ་བརྩམ་པའི་ཕྱིར། །དེ་ཡི་ལག་ཆ་མཆོག་ཏུ་བསྔགས། །མཚོན་ཆ་ལྔ་དང་རྫས་ལྔ་དང་། །སྨན་ལྔ་དང་ནི་འབྲས་བུ་ལྔ། ཁྲག་ལྔ་དང་ནི་འོ་མ་ལྔ། ཁྲ་ལྔ་ཆུ་ལྔ་དུག་ལྔ་དང་། །དེ་ཡི་བླུག་སྣོད་དརྨཔ་ནི། །རུས་སྦལ་མགོ་འམ་ཞལ་བུའམ། །སྦྲང་རྩི་བུམ་མགོ་རྒྱལ་རིགས་མགོ། །དངུལ་ལམ་ཟངས་ཕོར་གང་ཡང་རུང་། །གང་ཡང་རུང་བར་སྩལ་ཏེ་བསྒྲུབ། །དབུས་སུ་རིན་ཆེན་ཟུར་བརྒྱད་བྲི། ཁྲར་དུ་ཟླུམ་པོ་བྲིས་ནས་ནི། །རྡོ་རྗེའི་ར་བས་དེ་ལ་བསྐོར། །ལྷོ་རུ་གྲུ་གསུམ་བརྩེགས་པ་བྲི། །མེ་ཡི་སྐྲུ་གྲི་འབར་བས་བསྐོར། །ནུབ་ཏུ་ཟླ་གམ་གཅིག་པ་བྲི། །རྡོ་རྗེ་རྒྱ་གྲམ་འབར་བས་བསྐོར། །བྱང་དུ་གྲུ་བཞི་རྒྱས་པ་བྲི། །འཇའ་ཚོན་སྣ་ལྔས་དེ་ལ་བསྐོར། །དེ་ཡི་ཕྱི་རིམ་དཀྱིལ་འཁོར་དུ། །ཐོད་པའི་ཕྲེང་བས་བསྐོར་བར་བྱ། །དེ་ཡི་ཕྱི་རིམ་དཀྱིལ་འཁོར་ལ། །མར་མེ་དགུ་ཡང་དྲི་བར་བྱ། །དེ་ཡི་ཕྱི་རིམ་དཀྱིལ་འཁོར་དུ། །ཟླ་གམ་བཅུ་དྲུག་བྲིས་པ་ལ། །མེ་དཔུང་འབར་བས་བསྐོར་བ་བྲི། །དེ་ཡི་ཕྱི་རིམ་དཀྱིལ་འཁོར་དུ། །སྒོ་བཞི་ཟླ་གམ་བྲི་བར་བྱ། །མེ་ཡི་ཕྲེང་བས་བསྐོར་བར་བྱ། །དེ་ཡི་ཕྱི་རིམ་དཀྱིལ་འཁོར་ལ། །མཚོན་ཆ་ལྔ་ཡིས་བསྐོར་བ་ལ། །བ་སུ་ཏ་ཡི་རྒྱུ་ཕྲེང་བྲི། །དེ་ལྟར་བྲིས་པའི་དཀྱིལ་འཁོར་དབུས་སུ་ནི། །བྱང་ཆུབ་སེམས་ལ་སྤྱན་གྱིས་བསྐོར། །ཡི་གེ་ཧུ༷་གིས་བཞུ་བཏུལ་བྱ། ཁྲར་དུ་དྲི་ཆེན་རྫས་ཀྱིས་བསྐོར། །ཡི་གེ་ཨོ་གྱིས་བཞུ་བ་་བྱ། །ལྷོ་རུ་ཤ་ཆེན་རྫས་ཀྱིས་བསྐོར། །ཡི་གེ་གྲྭ་ཡིས་བཞུ་བཏུལ་བྱ། །ནུབ་ཏུ་རཀྟའི་རྫས་ཀྱིས་བསྐོར། །ཡི་གེ་ཨུ༷་གིས་བཞུ་བ་་བྱ། །བྱང་དུ་དྲི་ཆུའི་རྫས་ཀྱིས་བསྐོར། །ཡི་གེ་ཧྭ་ཡིས་བཞུ་བ་་བྱ། །རྫས་ལྔ་ཚོམ་བུ་ལྔ་རྫོགས་ནས། །ཉེ་བའི་བསྙེན་པ་ཞག་གཅིག་བགྲང་། །དེ་ནས་རྫས་ཀྱི་རྟོག་པ་སྦྱངས། །ཚོམ་བུ་ལྔ་ཡི་འོད་ཟེར་འཕྲོ། ཁྲོ་བོ་ལྔ་ཡི་སྤྲུལ་པ་འགྱེད། །ཉེ་བའི་བསྙེན་པ་དེ་རྫོགས་ནས། །བསྡུས་ནས་བདུད་རྩིར་བཏག་བཙག་བྱ། །འཕྲོ་འདུ་ལྔ་ཡི་དཀྱིལ་འཁོར་དུ། །དགུ་པའི་འཛབ་ཀྱིས་བསྙེན་པ་བྱ། །བཏགས་ནས་བྷནྟྲའི་ནང་དུ་སྩལ། །ཚོམ་བུ་ལྔ་ཡི་རྒྱས་བཏབ་དབུས་སུ་སྒྲུབ། །གྲུབ་རྟགས་རྣམ་ལྔ་གང་བྱུང་ཡང་། །དངོས་གྲུབ་དབང་བསྐུར་མཆོད་པ་འབུལ། །བདེརགཤེགསལྷལགཏང་རག་གཏང་། །སྒྲུབ་པ་པོ་ཡང་བཀྲ་ཤིས་གསོལ། །ཐུབ་པའི་ཏིང་འཛིན་རྩེ་གཅིག་བསྒོམ། །ནན་ཏན་གྱིས་ནི་མཆོག་ཏུ་བསྒྲུབ། །བསྒྲུབ་པའི་འབྲས་བུ་ཆུད་མི་ཟ། །གསང་བ་མེ་དཔུང་གི་རྒྱུད་ལས། བདུད་རྩི་བསྒྲུབ་པའི་ལེའུ་སྟེ་བཅུ་གཅིག་པའོ།། །།རྔམ་པའི་ཐུགས་རྗེ་མེ་ཡི་དཀྱིལ་འཁོར་དུ། །དབང་ཕྱུག་ཆེན་པོ་ལྷ་ཚོགས་ཀུན་གྱི་རང་བཞིན་ཏེ། །འདོད་སྤྱོད་སྙིང་རྗེས་བརླན་ཏེ་རྫས་ལྔ་བསྒྲུབ། །བཅོམ་ལྡན་ཚེ་ཡི་ལྷ་ལ་དངོས་གྲུབ་སློང་། །ཞལ་བུ་བཀྲ་ཤིས་ཕྲ་མེན་བདུད་རྩི་མཆོག་གི་སྨན་སྩལ་བར། །འབྲུ་ལྔ་གསལ་བཀོད་འཕྲོས་པའི་བྱིན་རླབས་ལས། །སྦོམ་པོ་དབང་མོའི་རྩེ་ལ་ཧེ༷༷བསྒོམ་སྟེ། །དུག་གསུམ་སྐྱོན་གསལ་བདུད་རྩི་ལྔ་ཡི་ངང་། །བསྙེན་པ་ཉེ་བསྙེན་བསྒྲུབ་པ་དང་། །བསྒྲུབ་པ་ཆེན་པོའི་རབ་སྒྲུབ་ཤིང་། །བསྙེན་པའི་དངོས་གྲུབ་སྩལ་དུ་གསོལ། །གསང་མཆོག་པདྨ་འདབ་བརྒྱད་དཀྱིལ་འཁོར་དུ། །སྒྲུབ་པ་པོ་ཡི་དངོས་གྲུབ་ཟླ་སྲོག་སྩལ་དུ་གསོལ། །དབུས་ཀྱི་ཞལ་བུ་མཚན་ལྡན་ལ། །འཆི་མེད་བདུད་རྩི་བྱང་ཆུབ་སེམས། །ཉེ་བའི་བསྙེན་པས་རབ་སྦྱངས་ཏེ། །བཅོམ་ལྡན་དཔལ་ཆེན་ཧེ་རུ་ཀའི། །གཉིས་མེད་རོལ་པའི་དངོས་གྲུབ་སྩོལ། ཁྲར་གྱི་ཞལ་བུ་དཔལ་ལྡན་དུ། །འཆི་མེད་བདུད་རྩི་དྲི་ཆེན་སྨན། །ཉེ་བའི་བསྙེན་པས་རབ་སྦྱངས་ཏེ། །བཅོམ་ལྡན་དཔལ་ཆེན་བཛྲ་ཧེ་རུ་ཀའི། །གཉིས་མེད་རོལ་པའི་དངོས་གྲུབ་སྩོལ། །ལྷོ་ཡི་ཞལ་བུ་བཀྲ་ཤིས་ལ། །འཆི་མེད་བདུད་རྩི་ཤ་ཆེན་སྨན། །ཉེ་བའི་བསྙེན་པས་རབ་སྦྱངས་ཏེ། །བཅོམ་ལྡན་དཔལ་ཆེན་རཏྣ་ཧེ་རུ་ཀའི། །གཉིས་མེད་རོལ་པའི་དངོས་གྲུབ་སྩོལ། །ནུབ་ཀྱི་ཞལ་བུ་དབང་ལྡན་ལ། །འཆི་མེད་བདུད་རྩི་རཀྟ་སྨན། །ཉེ་བའི་བསྙེན་པས་རབ་སྦྱངས་ཏེ། །བཅོམ་ལྡན་དཔལ་ཆེན་པདྨ་ཧེ་རུ་ཀའི། །གཉིས་མེད་རོལ་པའི་དངོས་གྲུབ་སྩོལ། །བྱང་གི་ཞལ་བུ་རྟགས་ལྡན་ལ། །འཆི་མེད་བདུད་རྩི་དྲི་ཆུ་སྨན། །ཉེ་བའི་བསྙན་པས་རབ་སྦྱངས་ཏེ། །བཅོམ་ལྡན་དཔལ་ཆེན་ཀརྨ་ཧེ་རུ་ཀའི། །གཉིས་མེད་རོལ་པའི་དངོས་གྲུབ་སྩོལ། །འཛམ་བུ་བཀྲ་ཤིས་དཀྱིལ་འཁོར་དུ། །མ་ཆེན་གོ་རྡི་བརྒྱད་ཚོགས་ལ། །ཉེ་བར་བསྒྲུབས་པའི་དངོས་གྲུབ་སྩོལ། །གསལ་བའི་མེ་མར་དགུ་བལྟམས་ལ། །ཉེ་བར་བསྒྲུབས་པའི་དངོས་གྲུབ་སྩོལ། །རོལ་བའི་ཕྲ་མེན་བརྒྱད་རྣམས་ལ། །ཉེ་བར་བསྒྲུབས་པའི་དངོས་གྲུབ་སྩོལ། །ཟླ་གམ་དམར་པོའི་སྒོ་བཞི་ལ། །འཇོམས་པའི་ཁྲོ་མོ་བརྒྱད་རྣམས་ལ། །ཉེ་བར་བསྒྲུབས་པའི་དངོས་གྲུབ་སྩོལ། །ཕྱི་རོལ་ཟླ་གམ་ཉི་ཤུ་རྩ་བརྒྱད་ལ། །དབང་ཕྱུག་མཁའ་འགྲོ་ཉི་ཤུ་བརྒྱད། །དབང་མཛད་མཐུ་ཡི་དངོས་གྲུབ་སྩོལ། །དུས་གསུམ་རྒྱལ་བ་ཁྲག་འཐུང་རོལ་པའི་འཁོར། །ཕྱག་བརྙན་འཇིག་ཚོགས་བཀའ་ཡི་དངོས་གྲུབ་སྩོལ། །ཕོ་ཉ་མངག་པའི་དཀྱིལ་འཁོར་ནས། །འགུགས་པ་ལས་ཀྱི་དངོས་གྲུབ་སྩོལ། །ཉེ་བར་བསྒྲུབ་པའི་དམ་ཚིག་ལ། །ཡི་དམ་ལྷ་ཡི་དངོས་གྲུབ་སྩོལ། །མཐོལ་བཤགས་མཆོད་སྟོབས་དངོས་གྲུབ་སྩོལ། །བྱིན་རླབས་དབང་མཆོག་བསྐུར་དུ་གསོལ། །ནན་ཏན་མཆོག་ཏུ་བསྐྱེད་པ་གསུངས། །ལྔ་བཅུ་རྩ་བརྒྱད་དབྱིངས་ཀྱི་ལྷ། །བསྡུ་བའི་གནས་ནི་སྐུ་གསུང་ཐུགས། །སྐུ་གསུང་ཐུགས་ནི་རྡོ་རྗེ་ཆེ། །རྡོ་རྗེ་ལྟ་བུའི་དངོས་གྲུབ་སྩོལ། །གསང་བ་མེ་དཔུང་གི་རྒྱུད་ལས། མེ་དཔུང་དངོས་གྲུབ་ཀྱི་ལེའུ་སྟེ་བཅུ་གཉིས་པའོ།། །།ད་ནི་སྦྱོར་བ་རྒྱན་གྱི་ལེའུ་འབྱུང་སྟེ། །ག་ཎ་སྦྱོར་བའི་དཀྱིལ་འཁོར་དུ། །གསང་མཆོག་སྦྱོར་བའི་ལུང་བསྟན་ཏེ། །མཚན་ལྡན་བཀྲ་ཤིས་གསང་བའི་ཡུམ། །སྨིན་ཁྱུག་རིང་ལ་ལག་སོར་ཕྲ། །ཚིགས་མདོ་ཟླུམ་ཞིང་ཕྲ་ཞེས་བཤད། །མིག་ནི་ཟུར་གསུམ་གདོང་མདོག་ཕྱེད། ཁ་ནས་ཨུདྨལ་ངད་ལྡང་ཞིང་། །ལུས་ལ་ག་པུར་ཙན་དན་དྲི། །དྲི་ཞིམ་མཚན་ལྡན་སྐེད་སྐབས་ཕྱེད། །སྐྲ་འཇམ་ནག་པོའི་མཐོན་མཐིང་འཁྱིལ། །སྐད་ནི་ངང་པ་གཞོན་ནུའི་སྐད། །སྙན་པར་སྒྲོགས་ཤིང་མཛེས་ཚུལ་སྟབས་དང་ལྡན། །འདི་ནི་བཀྲ་ཤིས་མཚན་ལྡན་པའི། །མི་མོ་མཛེས་པའི་བློ་གྲོས་ཡིན། །དེ་ལ་སྦྱོར་བའི་ཆོ་ག་ནི། །ཡུམ་གྱི་གཟུགས་ཀྱི་ཕུང་པོ་ལ། །བདེ་བར་གཤེགས་པའི་ས་བོན་ལྔ། །འཕྲོ་འདུ་ལྔ་ཡི་བྱིན་རླབས་ལས། །སྤྱི་བོར་ཟླ་བའི་དཀྱིལ་འཁོར་ལ། །ཨོ་ལྡན་འབར་བའི་ཚོགས་བཅས་བསྒོམ། །རྒྱས་བཏབ་བྱིན་བརླབ་དབང་བསྐུར་ནས། །སྣང་མཛད་ཆེན་པོའི་སྐུ་མཆོག་བསྒོམ། །སྙིང་གའི་ཉི་མའི་དཀྱིལ་འཁོར་དུ། །ཧུ༷་ལྡན་གསལ་བའི་ཚོགས་སུ་བསྒོམ། །རྒྱས་བཏབ་བྱིན་བརླབ་དབང་སྐུར་ནས། །རྡོ་རྗེ་སེམས་དཔའི་སྐུ་མཆོག་བརྩམ། །སྒྲུབ་པའི་གནས་རབ་དམ་པ་ནི། །རི་བོ་དབེན་པའི་ས་ཕྱོགས་སུ། །རྡུལ་རྣམས་བསལ་ནས་མཚན་བརྟག་པ། །རྩི་ཤིང་འདབ་རྒྱས་ཀླུ་ཡི་གནས། །གཟུགས་རྡོ་སྲིན་བག་མེད་པའི་སར ས་ཡི་ལྷ་མོ་བརྟན་མ་ལ། །ས་གཞི་བསླངས་ལ་བྱིན་གྱིས་བརླབ། །བགེགས་བསྐྲད་མཆོད་སྤྱིན་ཆེན་པོ་དགྱེད། །འབྱུང་པོའི་གཏོར་མ་དེར་བཏང་ནས། །རྫོགས་པའི་ལས་ནི་རྣམ་བཞི་བརྩམ། །དབང་རྒྱས་ཞི་བ་མངོན་སྤྱོད་དང་། །མན་ངག་ཟློག་དང་རྫོགས་ལས་བྱ། །ཕུན་སུམ་ཚོགས་པ་བཞིར་ལྡན་པས། །དེ་གཞུང་བསྒྲུབ་པ་ཆེན་པོ་བརྩམས་པར་བྱ། །མགོ་ལ་ཞུགས་ནས་རྒྱབ་ལ་དབྱུང་། དེ་ནས་བསྒྲུབ་པའི་དཀྱིལ་འཁོར་ནི། །འཁོར་ལོ་རྩིབས་བརྒྱད་དབུས་སུ་བྲི། འཁོར་ལོའི་རྩིབས་ལ་སྦྲུལ་མགོ་བྲི། །འཁོར་ལོ་དེ་ཡི་ཕྱི་རིམ་ཡང་། །ཐོད་པའི་ཕྲེང་བས་བསྐོར་བར་བྱ། །དེ་ཡི་ཕྱི་རིམ་སྣམ་བུ་ལ། །བསྐལ་པའི་མེ་རེའི་ཀློང་དུ་བྲི། །དེ་ཡི་ཕྱི་རིམ་སྣམ་བུ་ལ། །སྒོ་བཞི་ཁྲོ་བོ་ཟླ་གམ་བྲི། །དེ་ལ་མེ་རི་དམར་པོས་བསྐོར། །དེ་ཡི་ཕྱི་རིམ་སྣམ་བུ་ལ། །དེ་ལ་ཟླ་གམ་ཉི་ཤུ་རྩ་བརྒྱད་ལ། །དབང་ཕྱུག་ཉི་ཤུ་རྩ་བརྒྱད་དགོད། །བསྐལ་པའི་མེ་རི་འབར་བས་བསྐོར། །དེ་ཡི་ཕྱི་རིམ་མཚོན་ཆས་བསྐོར། །དེ་ལྟར་དཀྱིལ་འཁོར་གསལ་བཀོད་ནས། ཁྲོ་བོ་བཅུ་ཡིས་མཚམས་བཅད་ལ། །རྒྱུ་ནི་ཐར་པའི་ལམ་དུ་དྲང་། །དེ་ལ་དགྲ་བགེགས་སྒྲིབ་པ་སྦྱངས། །ར༷་ཡ༷་ཁ༷་གིས་བསྲེག་སྦྱང་བྱ། །གིང་ཆེན་སློབ་མ་དབང་བསྐུར་ལ། །མི་བཟད་འཇིགས་པའི་ཆས་ཀྱིས་བརྒྱན། །དེ་ནས་ཐར་ལམ་སྒོ་ཕྱེ་ནས། །སྒྲོལ་བའི་ཆོ་ག་ཆེན་པོ་བྱ། །བསྒྲལ་བར་འབའ་ཞིག་ལས་ཀྱི་མཆོག །ཐལ་ལམ་རྔམ་པའི་ཁྲོ་བོ་སྟེ། ཁ་ཊ༷་མང་པོའི་རྔམ་ཚུལ་ཅན། །ཐུགས་རྗེ་གནས་ཀྱི་སྒོ་འདི་ཕྱེ། །འདོད་ཆགས་ཞེ་སྡང་སྣ་ལྔ་ལ། །ལྷག་མཐོང་ཐུགས་རྗེའི་བྱིན་རླབས་ཀྱིས། །སྣང་བ་ཆེན་པོ་ལྔ་རུ་བསྒྲལ། ཁུ་མཆོག་གཟུགས་ཀྱི་ཕུང་པོ་ལ། །སྣོད་ཀྱི་འཇིག་རྟེན་རྣལ་འབྱོར་བསྒོམ། །ཐམས་ཅད་ཆེ་མཆོག་ཕྱག་རྒྱ་ཆེ། །ནང་ཁྲོལ་བཅུད་ཀྱི་འཇིག་རྟེན་ལ། །སྐལ་ལྡན་ལས་ཀྱི་མ་མོ་བསྒོམ། །ཕྱི་ནང་གཟུགས་ཀྱི་རྟེན་འབྲེལ་ལ། །ལྔ་བཅུ་རྩ་བརྒྱད་དགོད་པར་བྱ། ཁུ་ཡི་ཕུང་པོའི་སྐྱེ་བའི་སྲིད་པ་ལྔ། །འབྱུང་བ་ཆེན་པོ་ལྔ་ཡིས་བསྐྱེད། །དེ་ནས་བརྟེན་པའི་གཟུགས་ཕུང་སྨིན། །ཕྱག་རྒྱ་ཆེན་པོར་རང་སྒྲོལ་དཔལ། །མི་ཐར་བ་ཡི་སྒོ་བཀག་སྟེ། །དཔའ་བོ་འབྲུ་ལྔ་དབྱིངས་སུ་དགོད། །ཐབས་མཁས་དཔལ་གྱི་བྱིན་རླབས་ཀྱིས། །དྲག་པོའི་ལས་ཀྱིས་བསྒྲལ་བར་བྱ། །དུག་གསུམ་རྩད་ནས་གཅད་པའི་ཕྱིར། །ཡེ་ཤེས་སྒྲུ་གྲི་རྣོན་པོས་བསྣམས། །དུར་ཁྲོད་རབ་འབྱམས་ཀློང་དཀྱིལ་ནས། །ཆེ་མཆོགརྒྱལཔོགཤེགསསུགསོལ། །སྒྲོལ་བྱེད་ཆེན་པོའི་དུས་ལ་བབས། །མཐར་བྱེད་རྔམ་པའི་དཀྱིལ་འཁོར་དུ། །དུག་གསུམ་འབར་བའི་ཕུང་པོ་བསྒྲལ། །ཆེའོ་ཆེའོ་ཆེ་མཆོག་དཔལ། །ང་འོ་ང་འོ་ང་རྒྱལ་ཆེ། །རང་བྱུང་རྒྱལ་ཆེན་དྲུག་དབང་རྫོགས། །ཐར་པ་གསུམ་དང་མཉམ་པ་གསུམ། །ཐུགས་རྗེ་དམ་ཚིག་རྨད་པོ་ཆེ། །ཆེ་མཆོག་རྒྱལ་པོས་བསྒྲལ་བའོ། །ལྷོ་ཡི་འཛམ་གླིང་ཕུང་པོ་ལ། །སྲིད་པ་གསུམ་གྱི་ཕྲ་བཀོད་པ། །ཐིག་ལེ་ཆེན་པོའི་ཀློང་དུ་བསྒྲལ། །གཟུགས་ཀྱི་ཕུང་པོ་རྣམ་ལྔ་ཡང་། །འདོད་པའི་དབང་མོ་ལྔ་རུ་བསྒྲལ། །རྣམ་པར་ཤེས་པ་ཚོགས་བརྒྱད་ཀྱང་། །ཡེ་ཤེས་ཆེན་པོ་བརྒྱད་དུ་བསྒྲལ། །དྲེགས་པའི་སྡུག་བསྔལ་ཕུང་པོ་ཡང་། །རྟོག་མེད་ཆོས་ཀྱི་རྣམ་པར་བསྒྲལ། །སྡུག་བསྔལ་ལས་ཀྱི་རང་བཞིན་ཡང་། །བདེ་བ་ཆེན་པོའི་ཀློང་དུ་བསྒྲལ། །ཕུང་པོ་ཁམས་དང་སྐྱེ་མཆེད་ཀྱང་། །བྱང་ཆུབ་སེམས་སུ་བསྒོམ་པར་བྱ། །དེ་ལྟར་རབ་ཏུ་རྟོགས་པས་གསུངས། །སྙིང་རྗེའི་དམ་ཚིག་ཆེན་པོར་གསུངས། །སྤྱད་དང་མི་སྤྱད་དང་དུ་བླང་། །བསྒྲུབ་དང་བསྒོམ་དང་ཐུགས་རྗེ་ཡི། །དམ་ཚིག་ཆེན་པོ་རྨད་པོ་ཆེ། །སྤྱོད་པའི་དམ་ཚིག་ལྷུན་མཉམ་ལ། །མི་འདའ་བསྲུང་བ་ཆེན་པོར་གསུངས། །ཡ༷་གིས་རྣམ་ཤེས་སེམས་སྤར་ནས། །ཧུ༷་གིས་བསྡུས་ཏེ་མཁའ་ལ་གཞག །བདེ་བ་ཆེན་པའི་རྩལ་རྫོགས་པས། །དུས་གསུམ་འགྱུར་མེད་དབང་ཕྱུག་སྐུ། །བྱང་ཆུབ་སེམས་སུ་བསྒོམ་པར་བྱ། ཁམས་གསུམ་ཐུགས་རྗེའི་གདར་ཤ་བཅད། །སྐྱེས་བུའི་སེམས་ཀྱིས་ནན་ཏན་བསྐྱེད། །གསང་བ་མེ་དཔུང་གི་རྒྱུད་ལས། སྒྲོལ་བའི་ལེའུ་སྟེ་བཅུ་བཞི་པའོ།། །།རྡོ་རྗེཞིང་ཆེན་བསྒྲུབ་འདོད་པས། །སྐྱེ་ཤིང་ཀུན་ལས་འདས་པ་ནི། །མཉམ་ཉིད་དག་པ་ཉིད་དུ་བསྒོམ། །ཁྲོ་ཆེན་བདུད་རྩི་འཁྱིལ་བ་ཡི། །ཛ༷༷ཧུ༷་བ༷་ཧོ༷༷ས་དགུག་བྱས་ནས། །བདག་དང་ཁྲོ་བོ་གཉིས་མེད་པ། །ཏིང་འཛིན་བསྟར་ཏེ་བསྒོམ་པར་བྱའོ། །ཏིང་འཛིན་གསལ་བར་གྱུར་པ་དང་། །དུར་ཁྲོད་ཞིང་གི་འོག་ཏུ་གཞུག །ལྔ་བཅུ་རྩ་བརྒྱད་ཚོགས་བཀོད་ནས། །གོམས་པའི་ཤུགས་ཀྱིས་བསྒོམ་པར་བྱ། ཁྲོ་བོ་མེ་ཡི་དཀྱིལ་འཁོར་བསྒོམ། །མངག་པའི་ཕོ་ཉ་ཕྱོགས་བཅུར་བཏང་། །ཐམས་ཅད་མ་ལུས་དབང་དུ་སྡུད། །ཚོམ་བུའི་དཀྱིལ་འཁོར་གསལ་བར་གཞག །ཕོ་ཉ་མང་པོས་སེམས་བཀུག་ནས། །རོ་ལ་ཡང་ནས་ཡང་དུ་གཞུག །མནར་དང་སེམས་དང་མདོག་སྨུག་འབྱུང་། །དེ་ནས་ཏིང་འཛིན་རྩེ་གཅིག་གིས། །ལན་གྲངས་འབུམ་ཕྲག་མང་དུ་བཟླས། །བཟླས་ནས་ཏིང་འཛིན་རྣམ་གསུམ་དང་། །རྡོ་རྗེའི་སྔགས་ནི་རྣམ་གསུམ་ལ། །དེ་ཡི་བར་ནས་སྔགས་འབྱུང་བ། །འོད་ཟེར་བདུན་དང་ལྡན་པར་བྱ། །ཉེན་ཞིང་བསྙེན་པར་གྱུར་པ་དང་། །བདུད་རྩི་ལྔ་ཡིས་བསྡུ་བར་བྱ། །དེ་ནས་ཡི་གེ་འབྲུ་བཀོད་ལས། །གསལ་ཞིང་འཚེར་བར་བསྒོམ་པར་བྱ། །ཡུལ་དང་དབང་པོ་མཛེས་པའི་ཚུལ། །ཡན་ལག་ལྔ་ལ་རིག་ལྔར་ལྡན། རྡོ་རྗེའི་ཏིང་འཛིན་གསལ་བར་བསྒོམ། དེ་ནས་རོ་དེ་འགུལ་གྱུར་ནས། །ཡན་ལག་ཞགས་པའི་ཕྱག་རྒྱས་བསྡམ། །ཉིང་ལག་རྣམས་ཀྱང་གནས་སུ་གཞུམ། །ཕྱོགས་བཞི་དག་ཏུ་ཕྱག་རྒྱ་བསྡམ། །དེ་ནས་ནུབ་ཏུ་ཕྱག་རྒྱས་བསྟན། །རྟ་མགྲིན་དབང་གི་སྐུར་བསྒོམས་ཤིང་། །སྔགས་ནི་འབུམ་ཕྲག་མང་དུ་བཟླས། །ཕྱོགས་བཅུར་འཕྲོ་ཞིང་རོ་ལ་བསྟིམ། །དེ་ནས་རོ་དེ་དྲག་འགུལ་ན། །རྡོ་རྗེ་སྙིང་འཛིན་གསལ་བ་ཡིས། །མི་གཡོ་བར་ནི་བསྒོམ་པར་བྱ། །དེ་ནས་སྤར་སྤར་བྱེད་པ་དང་། །ཨ་དྲི་པྲེ་དུ་ཏྲི་གང་ཡིན། །རྡོ་རྗེ་དྲག་ཏུ་གདབ་པར་བྱ། །ཕྱག་རྒྱའི་ཁ་ནས་སྙི༷༷བྱུང་ན། །རྡོ་རྗེའི་ཏིང་འཛིན་སོ་ཡིས་བཅད། །རྡོ་རྗེའི་སྔགས་བཟླས་ཁོང་དུ་བསྟིམ། །བདག་དང་གཉིས་སུ་མེད་པར་བསྒོམ། །དེ་ནས་རོ་དེ་ལངས་པ་དང་། །རྡོ་རྗེ་བྱིན་ནས་དབང་བསྐུར་རོ། །དམ་ཚིག་ཆུ་ཡང་བླུད་པར་བྱ། །ལས་རྣམས་ཐམས་ཅད་བྱེད་དུ་གཞུག །དེ་ལྟར་བསྒྲུབ་པའི་རོ་མཆོག་གིས། །ཐལ་བ་ཐམས་ཅད་སོས་པར་འགྱུར། །བསྒྲུབ་པའི་ས་ནི་དུར་ཁྲོད་དང་། །རི་བྲག་གཉན་པོའི་བགེགས་གནས་དང་། །ནགས་ཁྲོད་སྟོང་པ་ཚེར་མ་ཅན། །གནོད་སྤྱིན་སྲིན་པོ་འབྱུང་པོའི་གནས། །དེ་དག་ཏུ་ནི་བསྒྲུབ་པར་བྱ། །དགུ་དང་བཅུ་གཉིས་བཅུ་གསུམ་མམ། །བཅུ་བདུན་གྱིས་ནི་ངེས་པར་འགྲུབ། །ཕྱི་ནང་འཚོ་བའི་ཡོ་བྱད་རྣམས། །སྨན་རྣམས་ལྔ་ཡི་ཞིང་དང་ནི། །འབྲུ་རྣམས་སྣ་ཚོགས་གཏེར་དུ་བྱ། །རྟག་ཏུ་ལྷ་ཚོགས་མཆོད་པར་བྱ། །རྒྱུན་དུ་མཆོད་པ་མ་འགྲུབ་ན། །གསུམ་དང་ལྔ་རུ་རྒྱུན་མི་གཅད། ཁ་ཟས་རྣམས་ཀྱང་ཐོད་པར་བཟའ། །བཏུང་བ་དག་ཀྱང་དེ་བཞིན་ཏེ། འདིརབསྐྱོནགོབྱུངའདྲ། །སྙིང་པོ་འོད་ལྡན་རྟག་ཏུ་བཏང་། །རྒྱུ་ནི་ཚིམ་ལས་བྱས་པའོ། །གོང་དུ་ཐོད་པའི་ནང་དུ་གཞུག །སྟོང་གསུམ་ཞིང་གི་རས་མའོ། །སྣོད་ནི་དུང་ཆེན་སྲུབས་མེད་དེ། །ལྕང་ལོ་ཡོད་དམ་མེད་ཀྱང་རུང་། །དེ་བའི་མདའ་ཡིས་མ་ཕོགས་པ། །མདོག་སེར་ལུས་པོ་ཆེ་བའོ། །རྡོ་རྗེ་བསྒྲུབ་པའི་བར་གཅད་རྣམས། །རྟག་ཏུ་མཚམས་ནི་བཅད་པར་བྱ། །ཞིང་གི་རྐང་པ་གཡས་གཡོན་རྣམས། །སྦོམ་པོ་མ་ཡིན་ཕྲ་བ་ཉིད། །དེ་ལ་གནས་པའི་སྔགས་བཟླས་ཏེ། །གདབ་པའི་སྔགས་དང་ཁྲོ་སྔགས་ཀྱིས། །ལན་ནི་འབུམ་དུ་བཟླས་ནས་ནི། །ལག་པ་གཡས་གཡོན་ཐལ་སོར་ལ། །ཁྲོ་བོ་བཅུ་དང་ཁྲོ་མོ་བཅུ། །མེ་དཔུང་འབར་བའི་སྐུ་རུ་བསྒོམ། །དེ་ནས་བདག་དང་གཉིས་མེད་པར། །བསྒྲུབ་པ་རྡོ་རྗེར་བསྒོམ་པར་བྱ། །འདུ་བ་ལ་ནི་མ་གཏོགས་པར། །ཕྱོགས་མཚམས་ཀུན་ཏུ་མཚམས་ཀྱང་བཅད། །དངོས་གྲུབ་མ་ཐོབ་བར་དུ་ནི། །བསྒོམ་དང་བཟླས་པ་ཕྱག་རྒྱ་གསུམ། །བརྩོན་འགྲུས་སྐྲ་ལ་མེ་ཤོར་ལྟར། །བར་ཆད་མེད་པར་བསྒྲུབ་པར་བྱ། །དེ་ལྟར་བསྒྲུབ་པའི་རིགས་མཆོག་གིས། །ལྷ་སྲིན་སྡེ་བརྒྱད་བྲན་དུ་ཁོལ། །འདོད་ཁམས་ལྷ་རྣམས་དབང་དུ་སྡུད། །འཇིག་རྟེན་འདས་དང་འཇིག་རྟེན་རྣམས། །ཡིད བཞིན དུནི འབྱུངབར་འགྱུར། །རྫུ འབྲུལཆེན པོའདི དག ནི། །ཐོབ་པར་ངེས་པར་མངོན་དུ་འབྱུང་། །དེ་མ་བྱུང་བར་རབ་ཏུ་གསང་། །གསང་བ་མེ་དཔུང་གི་རྒྱུད་ལས། །རོ་ལངས་བསྒྲུབ་པའི་ལེའུ་སྟེ་བཅོ་ལྔ་པའོ།། །།འབར་བའི་འཁོར་ལོ་རྩིབས་བརྒྱད་ལ། །རྡོ་རྗེའི་ར་བས་ཕྱོགས་མཚམས་བསྐོར། །དབུས་སུ་མེ་དཔུང་རྒྱལ་པོ་སྟེ། །ཕྱོགས་བཞི་རིགས་བཞི་གསལ་བཀོད་ནས། །སྣོད་ནི་གསུམ་པ་ཤིང་ལོར་ལྡན། །དབུས་སུ་བཞག་སྟེ་བསྒྲུབ་པར་བྱ། །སྐུ་གཅིག་རྡོ་རྗེ་དྲིལ་བུར་བསྒོམ། །དེ་བཞིན་ཉིད་དུ་གྱུར་པ་དང་། །རྡོ་རྗེ་རིགས་ཀྱི་གཙོ་བོ་ནི། །དབུ་གསུམ་ཕྱག་དྲུག་ཉིད་དུ་བསྒོམ། །གཞན་ཡང་ཁྲོ་བོ་གསུམ་པ་ནི། །ཆོ་འཕྲུལ་སྣ་ཚོགས་འཕྲོ་བར་བསྒོམ། །བློ་དང་ཤེས་རབ་ཆེ་ཆུང་གིས། །རིམ་པ་བཞིན་དུ་བསྒོམ་པར་བྱ། །དེ་ལྟར་གསལ་བར་གྱུར་པས་ནི། །ཉི་ཟླ་གཟའ་སྐར་དུས་གཅིག་ཏུ། །རྒྱ་མཚོའི་འཇིང་ན་སྣང་བ་ལྟར། །དེ་ལྟར་གོམས་སྟོབས་རིགས་འཛིན་དེས། །ཇི་ལྟར་འདོད་པ་བཞིན་དུ་འགྲུབ། །མཁར་ལ་འཕྱོ་དང་རིག་འཛིན་རྣམས། །ཆུ་བྲག་གློག་དང་རླུད་མི་གཡོ། །རི་བྲག་ལ་སོགས་ཐོགས་མེད་འཛུལ། །ཆུ་རུ་མི་བྱེད་མེས་མི་ཚིག །དུག་དང་མཚོན་གྱིས་འཇིག་མི་འགྱུར། །མི་སྣང་བ་དང་མང་པོ་སྤྲུལ། །གཞན་ཡང་ཇི་ལྟར་དམིགས་པ་བཞིན། །གཉིས་པོ་དེ་ལ་དབང་ཡང་བསྐུར། །དུས་དང་ཆོས་ལ་བསྲིང་ཐུང་དང་། །སྟོང་གསུམ་ཉུང་འབྲུར་ཤོང་བ་དང་། །ཡུངས་འབྲུས་སྟོང་གསུམ་བསྐྱེད་པ་དང་། །ཇི་ལྟར་དམིགསཔབཞིནདུའགྲུབ། །སྦྲུལ་དང་གཅན་གཟན་གདུག་པ་རྣམས། ཁྱི་བཞིན་ཕྱི་ན་འབྲང་བར་འགྱུར། །བདུད་དང་མུ་སྟེགས་ལ་སོགས་པས། །ཚུགས་པར་མི་འཀྱུར་བྲན་བཞིན་བྱེད། །ལུས་མ་སྤངས་པར་རིག་འཛིན་འཐོབ། །ཡེ་ཤེས་བསོད་ནམས་ལོངས་སྤྱོད་ཀྱིས། །འཁོར་ལོ་ཚོགས་ཆེན་ས་ལ་འགོད། །ཐུགས་རྗེ་སྤྲུལ་པའི་བྱིན་རླབས་ཀྱིས། །སོ་སོར་ཐར་པའི་ཆ་ལ་འགོད། །སེམས་ཅན་ཀུན་གྱི་དོན་ཡང་བྱེད། །ལས་རྣམས་ཐམས་ཅད་ཀུན་བྱས་ཏེ། །སྐྱེ་འཆི་མེད་པའི་ཚེ་ཡང་འཐོབ། །མཚན་དང་དཔེ་བྱད་ཀུན་གྱིས་བརྒྱན། །བསོད་ནམས་ཡེ་ཤེས་ཚོགས་ཆེན་ལྡན། །མཐར་ཕྱིན་བྱ་བ་མེད་པར་འགྲུབ། །འབྲུས་བུ་མངོན་དུ་འགྲུབ་པར་འགྱུར། །ལས་ངན་ཀུན་ཏུ་བསྐྱེད་མི་འཀྱུར། །ཐེག་པ་དམན་ལ་ལྟུང་མི་འགྱུར། །རིག་འཛིན་གྲུབ་པ་ཐོབ་པར་འགྱུར། །རྡོ་རྗེ་ཕྲ་མོའི་ཏིང་ངེ་འཛིན། །འོད་འཕྲོ་དབྱིངས་སུ་སླར་བསྡུས་ནས། །ཡེ་ཤེས་ཡེ་གེ་ཧུ༷་གནས་པ། །མཐིང་ག་འོད་ཟེར་གསལ་བ་ཡི། །འོད་ཟེར་མང་པོ་འཕྲོ་བར་བསྒོམ། །དབྱིངས་སུ་ཡང་ནི་སླར་ལ་བསྟིམ། །དེ་ལས་ཡི་གེ་ཨོ་འཕྲོས་པས། །འཛིན་པ་དཔལ་གྱི་སྐུར་གྱུར་ཏེ། །རྣལ་འབྱོར་མ་རྣམས་མ་བུ་ཡིས། །བདག་ཉིད་ལ་ནི་མཆོད་པར་འགྱུར། །ལྷ་མོའི་ཚོགས་དང་རྩེ་བར་འགྱུར། །ལྷ་མོ་ཀུན་གྱི་བདག་པོར་འགྱུར། །སྤྲུལ་པའི་བུད་མེད་མང་པོ་ཡིས། །འོང་ན་བསུ་ཞིང་འགྲོ་བ་སྐྱེལ། །ལྷ་མོ་མང་པོའི་དབུས་ན་འདུག །དགྱེས་པའི་མདངས་ཀྱིས་མགུལ་འཁྱུད་ཅིང་། །པདྨའི་མཆོད་པ་འབུལ་བར་འགྱུར། །གསང་བ་མེ་དཔུང་གི་རྒྱུད་ལས། རྡོ་རྗེ་ཕྲ་མོའི་ཏིང་ངེ་འཛིན་དང་རིག་འཛིན་མང་པོ་བསྒྲུབ་པའི་ལེའུ་སྟེ་བཅུ་དྲུག་པའོ།། །།དཀྱིལ་འཁོར་ཆེན་པོ་དེ་དབུས་སུ། །རྒྱལ་པོ་ཆེན་པོ་ཉིད་གནས་དེ། །བདག་པོའི་ཏིང་འཛིན་གསལ་རྫོགས་ནས། །ཐབས་དང་ཤེས་རབ་གཉིས་མེད་པས། །རྡོ་རྗེ་པདྨར་འཁྱིལ་པ་ལས། །རྩེ་ནས་བསྟིམས་ཤིང་དཀྱིལ་འཁོར་སྤྲོས། །སྒྲོ་ཐོས་ཡུལ་གྱི་འཁོར་ལོ་ལ། །གསལ་བའི་ཐིག་ལེ་ངོ་བོ་ཉིད། །རིན་ཆེན་གསལ་བའི་ཚོགས་མཆོག་ལས། །རིགས་ཀྱི་དཀྱིལ་འཁོར་ཚོགས་བཅས་ཐིམ། །གསང་བ་གསང་ཆེན་གསང་བའི་དབང་། །གསང་བ་ཀུན་ལ་མཉམ་པར་བྱ། །གསང་བ་ཀུན་གྱི་དོན་རྟོགས་ནས། །གཞན་ལ་མི་སྨྲ་དོན་ལ་གསལ། །གསང་བ་ཡུམ་གྱི་འཁོར་ལོ་ལ། །གསལ་བའི་ཐིག་ལེ་ངོ་བོ་ཉིད། །དེ་བཞིན་རིགས་མཆོག་ཆེན་པོ་ལས། །རིགས་ཀྱི་དཀྱིལ་འཁོར་གསལ་འཕྲོ་ཐིམ། །སྐུ་ཡི་སྲས་མཆོག་ཆེན་པོ་སྟེ། །སྐུ་ཡི་རྡོ་རྗེའི་གསང་ཐོབ་ནས། །རྒྱལ་བ་ཐམས་ཅད་མཉེས་མཆོད་ལ། །རྒྱལ་བའི་སྐུ་རྣམས་སྟོན་པར་འགྱུར། །གཡས་གཡོན་ཐབས་དང་ཤེས་རབ་ལས། །གསལ་བའི་ངོ་བོ་ཐིག་ལེ་ཉིད། །རྡོ་རྗེ་རིགས་ཀྱི་ཚོགས་བཅས་བསམ། །དེ་ལས་རྣལ་འབྱོར་ཧེ་རུ་གསལ། །ལས་ཀྱི་དཀྱིལ་འཁོར་གསལ་སྤྲོ་ཐིམ། །ཨོ༷་ཁྱེད་ནི་རྡོ་རྗེ་ལས་ཡིན་བའི་རྒྱལ་པོར་འགྱུར། །ཕྱོགས་བ་་སངས་རྒྱས་ཐམས་ཅད་ལ། །གསང་དབང་འདི་ལས་མི་མངའ་བས། །གསང་བའི་དབང་ཆེན་གསང་བའི་བདག །གསང་བ་མཆོག་གི་སྤྱོད་པ་འདི། །འཇམ་དཔལ་རྣོན་པོ་ཁྱོད་ལ་གཏད། །རྣལ་འབྱོར་ཀུན་ལ་སྙིང་བརྩེའི་ཕྱིར། །ང་ཡི་སྤྱོད་པ་མཐའ་དག་དང་། །སྐུ་ཡི་བྱིན་རླབས་ཆེན་པོ་དག །འཇམ་དཔལ་རྣོན་པོ་ཁྱོད་ཀྱིས་བཟུང་། །དེང་ནས་འཇམ་དཔལ་རྣོན་པོ་ཁྱོད། །གསང་བ་ཀུན་གྱི་བྱེད་པ་པོ། །གསང་བའི་གསང་ཆེན་གསང་བ་བདག །གསང་བ་སྐུ་ཡི་རང་བཞིན་ཏེ། །གསང་བའི་དཔལ་དུ་དབང་བསྐུར་རོ། །གསང་བ་མེད་དཔུང་གི་རྒྱུད་ལས། །དབང་བསྐུར་བའི་ལེའུ་སྟེ་བཅུ་བདུན་པའོ།། །།ད་ནི་གསང་བ་མེའི་དཀྱིལ་འཁོར་བསྡུ་བའི་ལེའུ་འབྱུང་སྟེ། །དུར་ཁྲོད་མེ་ཡི་དཀྱིལ་འཁོར་དུ། །ཆགས་པའི་ཟླ་གམ་གདན་དཀྱིལ་དུ། །མེ་ཡི་ལག་ཆུ་ཧྭ་བསྐོར་བ། །དེ་ལ་ཕྱག་རྒྱ་རྫས་དང་བཅས། །ལྷ་ཆ་རྫོགས་པར་བཀྲམ་པ་སྟེ། །ད་ནི་དཀྱིལ་འཁོར་མཐའ་ནས་བསྡུ། །སྲིད་པ་སྣོད་ཀྱི་འཇིག་རྟེན་ལ། །གསང་བའི་དཀྱིལ་འཁོར་ལྔ་རྫོགས་པ། །སྒྱུ་མ་ལྟ་བུའི་ཚུལ་གྱིས་ཀྱང་། །བཅུད་ཀྱི་འཇིག་རྟེན་དབྱིངས་སུ་བསྡུ། །བཅུད་ཀྱི་འཇིག་རྟེན་མ་ལུས་ཀུན། །གཉིས་སུ་མེད་པའི་དབྱིངས་སུ་བསྡུ། །འབྱུང་བ་ལྔ་ནི་ཡུམ་གྱི་ཀློང་དུ་བསྡུ། །འགྲོ་བ་དྲུག་གི་ངོ་བོ་ཡང་། །ཡུལ་དྲུག་དབང་པོ་དྲུག་ཏུ་བསྡུ། ཁམས་དང་སྐྱེ་བསྡུ། །བྱང་ཆུབ་སེམས་ནི་སྤྲོས་དང་བྲལ། །སྤྲོས་བྲལ་ཐིག་ལེ་ཆེན་པོར་བསྡུ། །བྱང་ཆུབ་སེམས་ནི་ཐིག་ལེ་སྟེ། །ཐིག་ལེ་ཟླུམ་པོ་མྱ་ངན་འདས། །ཀུན་གཞི་སྤྲོས་བྲལ་དབྱིངས་སུ་བསྡུ། །རང་གི་སེམས་ནི་ཆོས་ཉིད་སྐྱེ་བ་མེད་པའི་དབྱིངས་སུ་བསྡུ། ཁྲོ་མཆོག་མེ་ཡི་རྒྱལ་བའི་སྐུ་ནི་བསྒྲུབས་ལགས་སོ། །ཟ་བྱེད་ནུ་མ་ཅན་ཡང་བསྒྲུབས་ལགས་ཏེ། །རྔམ་པའི་ཤ་ཟ་རྣམས་ཀྱང་རྦད་ལགས་སོ། །དམ་རྫས་གཉན་པོ་རྣམས་ཀྱང་བསྒྲུབས་ལགས་སོ། །དངོས་གྲུབ་གསང་མཆོག་རྣམས་མང་བསྒྲུབས་ལགས་སོ། །བསྙེན་བསྒྲུབ་ཡན་ལག་བཞི་ཡང་ཚངས་ལགས་སོ། །འབྲས་བུ་སྐུ་གསུང་ཐུགས་ཀྱང་བསྒྲུབས་ལགས་སོ། །སྐྱེ་མེད་རྡོ་རྗེའི་སྐུ་ཡང་བསྒོམས་ལགས་སོ། །བཟླས་བརྗོད་བསྙེན་པའི་གྲངས་ཀྱང་ཚང་ལགས་སོ། །བྱམས་པའི་མ་སྲིན་རྣམས་ཀྱང་གདུང་བའི་ཚུལ་གྱིས་བོས་ལགས་སོ། །ཏིང་འཛིན་རྣམས་གསུམ་ཁྱད་པར་ཡང་། །དེ་བཞིན་ཉིད་ཀྱི་དབྱིངས་སུ་བསྡུས་ལགས་ཀྱིས། །སྐྱེ་མེད་ཆོས་ཀྱི་དབྱིངས་སུ་གཤེགས་སུ་གསོལ། །གསང་བ་མེད་དཔུང་གི་རྒྱུད་ལས། དཀྱིལ་འཁོར་བསྡུ་བའི་ལེའུ་སྟེ་བཅོ་བརྒྱད་པའོ།། །།ད་ནི་མི་མཛད་པ་ཡི་གཏེར་སྦ་སྟེ། །ཐུགས་རྗེ་རང་བྱུང་མེ་ཡི་སྦ་ཐབས་ནི། །སྣང་སྲིད་མེ་ཡི་བྱེ་བྲག་ཀུན། །སྣོད་ཀྱི་འཇིག་རྟེན་དབྱིངས་སུ་སྦ། །སྣོད་ཀྱང་བཅུད་ཀྱི་དབྱིངས་སུ་སྦ། །སྣོད་བཅུད་སྐྱེ་བ་མེད་པར་སྦ། །སྲིད་པའི་ཟ་བྱེད་གཞལ་ཡས་ཁང་། །རྩི་ཤིང་ཐམས་ཅད་རང་བྱུང་སྟེ། །ལས་ཀྱི་དབང་མོའི་དབྱིངས་རུམ་དུ། །འཐོར་བྱེད་རླུད་གི་རྒྱལ་པོ་སྦ། །བྱ་བ་ནན་ཏན་ཡེ་ཤེས་རྒྱས་བཏབ་བོ། །པདྨ་དབང་མོའི་དབྱིངས་རུམ་དུ། །སྲེག་བྱེད་མེ་ཡི་རྒྱལ་པོ་སྦ། །སོ་སོར་རྟོགས་པའི་ཡེ་ཤེས་རྒྱས་བཏབ་བོ། །རིན་ཆེན་དབང་མོའི་དབྱིངས་རུམ་དུ། །རླན་བྱེད་ཆུ་ཡི་རྒྱལ་པོ་སྦ། །མཉམ་པ་ཉིད་ཀྱི་ཡེ་ཤེས་རྒྱས་བཏབ་བོ། །རྡོ་རྗེ་དབང་མོའི་དབྱིངས་རུམ་དུ། །སྲ་བྱེད་ས་ཡི་རྒྱལ་པོ་སྦ། །མེ་ལོང་ལྟ་བུའི་ཡེ་ཤེས་རྒྱས་གདབ་བོ། །རྫས་ཀྱང་དཀྱིལ་འཁོར་དབྱིངས་སུ་སྦ། །ཕྱག་རྒྱ་སྐུ་ཡི་དབྱིངས་སུ་སྦ། །སྐུ་ནི་ཆོས་ཀྱི་སྐུ་རུ་སྦ། །སྲེད་པ་འབྱུང་བ་ལྔ་རུ་སྦ། །ས་ཆུ་མེ་རླུད་འབྱུང་བ་བཞི། །ནམ་མཁའ་སྟོང་པའི་དབྱིངས་སུ་སྦ། །ཕྱག་རྒྱ་ཆེན་པོའི་རྒྱ་ཡིས་བཏབ། །ས་བཞི་ཡུམ་གྱི་དབྱིངས་སུ་སྦ། །རྫས་རྣམས་བྱང་ཆུབ་སེམས་སུ་བསྒོམ། །སྔགས་མཁན་ཐབས་མཆོག་རྒྱལ་པོར་བསྒོམ། །གཉིས་མེད་གཏེར་དུ་སྦ་བར་བྱ། །ཉོན་མོངས་རྐྱེན་གྱི་ངོ་བོ་ལྔ། །ཡེ་ཤེས་ལྔ་ཡི་དབྱིངས་སུ་སྦ། །མ་རིག་ཞབྲུལ་པའི་ལོག་རྟོག་ཀྱང་། །མཉམ་སྣང་ཆེན་པོའི་དབྱིངས་སུ་སྦ། །དེ་ལྟར་སྦས་པའི་དཀྱིལ་འཁོར་ཏུ། །ཡབ་ལྔ་ཡུམ་ལྔ་ལག་སྤྲེལ་ལ། །ལུ་གུ་རྒྱུད་ཀྱི་བྲོ་བརྡུང་ངོ་། །སུལྷ་ནི་ཡིས་སྟེང་དུ་མནན། །གསང་བ་མེ་དཔུང་གི་རྒྱུད་ལས། གཏེར་སྦ་བའི་ལེའུ་སྟེ་བཅུ་དགུ་པའོ།། །།དཔལ་པདྨ་ཆེན་པོ་ལ་ཕྱག་འཚལ་ལོ། །དང་པོར་བསྒྲུབ་པའི་མན་ངག་ནི། །རྫས་དང་ས་གཞི་བརྟག་པར་བྱ། །དྲོད་ཚད་རྣམ་ལྔས་གཏན་པ་དབབ། །བདུད་རྩི་ཆེན་པོའི་དཀྱིལ་འཁོར་རྫོགས། །རང་བྱུང་ཡེ་ཤེས་རྫོགས་པར་བསྒྲུབ། །བསྒྲུབ་པ་ཆེན་པོའི་གནས་གྱུར་ནས། །རྡོ་རྗེ་དབྱིངས་ཀྱི་ཀློང་དུ་བསྡུ། །རྩ་བ་བརྒྱད་དང་ཡན་ལག་སྟོང་། །བསྒྲུབ་པ་དང་ནི་བསྐྲུབ་ཆེན་པོ། །བསྙེན་པ་དང་ནི་ཉེ་བསྙེན་པོ། །དམ་ཚིག་ཆེན་པོའི་གནས་ཆེན་པོ། །བདུད་རྩི་ཆེན་པོའི་དྲོད་ཚད་ནི། །འབྱུང་བ་ལྔ་ཡི་མཚན་ཉིད་དོ། །བསྒྲུབ་པའི་དོན་གྱི་དཀྱིལ་འཁོར་དུ། །འབྲས་བུ་ཆེན་པོའི་དཀྱིལ་འཁོར་རྫོགས། །ལས་དང་བྱ་བ་ཐམས་ཅད་ནི། །མཉམ་ཉིད་ཆོ་འཕྲུལ་ངང་དུ་རྫོགས། །རྫས་དང་ལག་ཆ་ཐམས་ཅད་ནི། །སྐྱེ་ཤི་མེད་པའི་ཐུགས་ལ་རྫོགས། །ཚོན་གྱི་དཀྱིལ་འཁོར་ཆེན་པོ་ཡང་། །མི་འགྱུར་བ་ཡི་སྐུ་ལ་རྫོགས། །ཡིག་འབྲུ་མང་པོ་བཀོད་པ་རྣམས། །འཕྲོ་འདུ་མེད་པའི་གསུང་ལ་རྫོགས། །སྔགས་ཚིག་བཟླས་བརྗོད་མང་པོ་ཡང་། །འབྲུ་བརྒྱད་བསྙེན་པོའི་དོན་ལ་རྫོགས། །ལྔ་བཅུ་རྩ་ལྔའི་ཕྱག་རྒྱ་ཡང་། །ཕྱག་རྒྱ་ཆེན་པོ་གསུམ་དུ་རྫོགས། །སྐུ་མདོག་ཕྱག་མཚན་མང་པོ་རྣམས། །སྐུ་གསུམ་ཐུགས་ཀྱི་ངང་དུ་རྫོགས། །དུར་ཁྲོད་སྤྱོད་པ་རྣམ་གཉིས་ཀྱང་། །སྤྱོད་པ་བྲལ་བའི་ངང་དུ་རྫོགས། །སྨོད་ཅིང་བཤུང་བའི་རྫས་མང་ཡང་། །བདུད་རྩི་ཆེན་པོ་ལྔ་ལ་རྫོགས། །སྡོམ་པའི་རྩ་བ་ཡན་ལག་ཀྱང་། །སྡོམ་པ་ཆེན་པོ་གསུམ་ལ་རྫོགས། །སྐུ་གསུང་ཐུགས་ཀྱི་སྡོམ་པ་ཡང་། །བསྲུང་དུ་མེད་པའི་ངང་དུ་རྫོགས། །རྦོད་གཏོང་ཕོ་ཉ་མང་པོ་ཡང་། །ཆོ་འཕྲུལ་ཆེན་པོའི་སྐུ་ལ་རྫོགས། །ཐེག་པ་སྡེ་སྣོད་ཇི་སྙེད་ཀྱང་། །ཐེག་པ་ཆེན་པོ་གསུམ་དུ་འདུས། །ཐེག་པ་ཆེན་པོ་གསུམ་པོ་ཡང་། །རྫོགས་པ་ཆེན་པོའི་ཐེག་པར་འདུས། །བརྒྱད་ཁྲི་བཞི་སྟོང་རྣམ་གྲངས་ཀྱང། །གསང་བ་ཆེན་པོ་ཉིད་དུ་འདུས། །ཐེག་པ་ཀུན་གྱི་ལྡེ་མིག་སྟེ། །བརྒྱད་ཁྲི་བཞི་སྟོང་འགྲོལ་བྱེད་པ། །གསང་རྒྱུད་ཆེན་པོ་འདི་ཉིད་དོ། །གསང་བ་མེ་དཔུང་གི་རྒྱུད་ལས། བསྒྲུབ་པའི་ལྡེ་མིག་མན་ངག་བཀོལ་བའི་ལེའུ་སྟེ་ཉི་ཤུ་པའོ།། །།བཅོམ་ལྡན་འདས་ཡོངས་སུ་རྫོགས་པའི་སྐུ་ལ་ཕྱག་འཚལ་ལོ། །གསང་བའི་སྒྲུབ་ལུགས་ཆེན་པོ་ནི། །བརྣག་པ་ཐུགས་ཀྱི་དཀྱིལ་འཁོར་ཏེ། །སྲིད་པའི་ཆོས་རྣམས་སངས་རྒྱས་བས། །འཁོར་བའི་གནས་རྣམས་ཕུག་གཏིབ་བོ། །བདེ་བ་ཆེན་པོའི་རྩལ་རྫོགས་པས། །བརྣག་པ་རྫོགས་པའི་དཀྱིལ་འཁོར་རྫོགས། །དེ་ནས་རྫས་ཀྱི་དཀྱིལ་འཁོར་ནི། །དབུས་སུ་ཡང་ཐོག་ཟླ་གམ་སྟེ། །དཀར་དམར་གཉིས་ཀྱི་རང་བཞིན་ནོ། །དཀྱིལ་འཁོར་དེ་ཡི་ཕྱི་རིམ་དུ། །མེ་ཡིས་ལག་ཆུ་ཧྭ་བསྐོར་ནས། །དེ་ལ་སྒོ་བཞི་རྒྱས་པར་དགོད། །དབུས་སུ་མེ་དཔུང་རྒྱལ་པོ་སྟེ། །དབང་གི་དཀྱིལ་འཁོར་བར་མ་ལ། །རིག་པའི་རྒྱལ་པོ་ཆེན་པོ་བཞི། །མེ་དཔུང་དབུས་ན་བརྗིད་པར་བཞུགས། །དབང་གི་ཡང་ཐོག་ཐ་མ་ལ། །གནས་ཡུལ་ཕྱག་རྒྱ་བཅུ་དྲུག་ཀྱང་། །མེ་དཔུང་དབུས་ན་རྔམ་པར་དགོད། །སྒོ་ལ་མཐར་བྱེད་ཆེན་པོ་བརྒྱད། །མེ་དཔུང་དབུས་ན་རོལ་པར་དགོད། །དཀྱིལ་འཁོར་ཆེན་པོའི་དོན་རྣམས་ནི། །གསང་བའི་དཀྱིལ་ འཁོར་ཉིད་ ལ་ འདུས། །ཕྱི་ ནང་ གསང་ བ་ ཐམས་ ཅད་ ཀྱང་། །ཡང་ ཐོག་ དཀྱིལ་ འཁོར་ གསུམ་ ལ་ འདུས། །ཕྱི་ ནང་ སྣོད་ བཅུད་ མ་ ལུས་ ཀྱང་། །མེ་ རི་ ཟླུམ་ པོའི་ ཀློང་དུ་ འདུས། །སྐུ་གསུམ་ཐུགས་ཀྱི་ངང་དུ་འདུས། །རྒྱུད་ལྔ་རིགས་དྲུག་ལམ་གནས་ཀྱང་། །གསང་བའི་དཀྱིལ་འཁོར་ཆེན་པོར་རྫོགས། །ཞེས་སྟོན་པས་འཇམ་དཔལ་རྣོན་པོ་ལ་བཀའ་སྩལ་ཏོ། །གསང་བ་མེ་དཔུང་གི་རྒྱུད་ལས། །གསང་བའི་དཀྱིལ་འཁོར་གྱི་ལེའུ་སྟེ་ཉི་ཤུ་རྩ་གཅིག་པའོ།། །།བཅོམ་ལྡན་འདས་བདེ་བ་ཆེན་པོའི་ཀློང་ལ་ཕྱག་འཚལ་ལོ། །དེ་ནས་སྟོན་པ་ཀུན་ཏུ་བཟང་པོ་ཡིས། །གསང་བ་མེ་དཔུང་ཐུགས་ཀྱི་ཏནྟྲ་འདི། འཇམ་དཔལ་རྣོན་པོ་དང་། །རིགས་ལྔའི་སངས་རྒྱས་དང་། །གསང་བའི་ཡུམ་བཞི་དང་། འཁོར་བྱང་ཆུབ་སེམས་དཔའ་དང་། སེམས་མའི་ཚོགས་དང་། གསང་བ་མེ་དཔུང་གི་དཀྱིལ་འཁོར་ན། སྲས་མཆོག་དམ་པ་རིགས་ཀྱི་རྒྱལ་པོ་མ་ལུསངརྣམས་དང་། ཚངས་པ་དང་། འཇོག་པོ་དང་། དྲང་སྲོང་དང་། ལྷ་རྣམས་དང་། མིའི་བྱང་ཆུབ་སེམས་དཔའ་ལི་ཙ་བྲི་དྲི་མ་མེད་པ་ལ་སོགས་པ་འཁོར་མང་པོ་རྣམས་ལ་མྱ་ངན་ལས་འདས་པའི་ཆོས་ཀྱི་ཀློང་ནས་བཞེངས་ཏེ་བཀའ་སྩལ་ཏོ། །ཞལ་ནས་གསུངས་པ་ཐམས་ཅད་དང་། ཐེག་པ་རིམ་པ་དགུའི་དོན་ནི་གསང་རྒྱུད་ཆེན་པོ་འདིས་བསྡུས་ལ། གསང་རྒྱུད་ཆེན་པོ་འདིའི་དོན་ནི་འདི་ལྟར་ཤེས་པར་གྱིས་ཞེས་བོས་ནས་གཏད་དོ། །ཞལ་ནས་གསུངས་པ་ཐམས་ཅད་དང་། །ཐེག་པ་རྣམ་གྲངས་ཐམས་ཅད་ཀྱང་། །གསང་རྒྱུད་ཆེན་པོ་འདི་ལ་འདུས། །འདི་ལ་བརྩོན་འགྲུས་ནན་ཏན་གྱིས། །གསང་རྒྱུད་འདི་ཡི་རངབཞིན་ནི། །ཡན་ལག་དྲུག་རྣམས་སྤྲོས་དང་བྲལ། །རང་བྱུང་ཐུགས་རྗེས་གདལ་བའི་ཀློང་། །དམ་ཚིག་ཀུན་བཟང་སྐུ་གསུང་ཐུགས། །བྱངཆུབ་མངོན་སུམ་རྟོགས་ངེས་པའི། །སྲིད་པ་གསུམ་གྱི་སྐུ་གསུང་ཐུགས། །སྟོང་གསུམ་ཆོས་ཉིད་དབྱིངས་སུ་བསྒོམ། ཁམས་གསུམ་བྱང་ཆུབ་སེམས་སུ་བསྒོམ། །ཡུམ་ལྔའི་མཁའ་དབྱིངས་བདེ་ཀློང་དུ། །ཡབ་ལྔ་དོན་གྱི་རྒྱས་གདབ་བོ། །ཐིག་ལེ་བརྩེགས་པའི་ཀློང་། །ཡང་ཐོག་དགུ་བརྩེགས་སུ། །མར་མེ་དགུ་བརྩེགས་ཀྱང་། །སྲིད་པ་སྣང་བ་ཡ། །བོདྷི་ཙིསྟ་ཡ། བྱང་ཆུབ་སེམས་ཀྱི་རྟེན། རྙོ་ན་ཙིསྟ་ཡ། ཡེ་ཤེས་ཆེ་བའི་རྟེན། གའུ་དགུ་རྒྱུད་ཀྱང་། ལུང་ཆེན་ཟབ་མོའི་གསུང་།ཆུ་སྲིན་གྲེ་བ་དགུ་བརྩེགས་ན། ནོར་བུ་རིན་ཆེན་འབར་བ་སྦས། གསོན་ཚེ་ཤི་ནས་འགྲུབ་པའི་ཀློང་། ཏ་ན་བསྒྲལ་བའི་གནས་ནི། གར་བྱ་དམ་ཚིག་ཀློང་། ག་ཎ་སྦྱོར་བའི་དམ་ཚིག་ནི། བདེ་བར་བསྐོར་ཏེ་སྡུད་པ་པོ་རྡོ་རྗེ་རྣོན་པོ་ལ་གཏད་དོ། །འཇམ་དཔལ་རྣོན་པོས་ཀྱང་། །གསང་བ་མེད་དཔུང་གི་དཀྱིལ་འཁོར་གྱི་ལྷ་དང་འཁོར་རྒྱལ་བ་རྒྱ་མཚོ་རྣམས་ལ་འདི་སྐད་དོ། །སྟོང་པ་མུན་ཡང་སྲིད་པ་ཡོངས་ཀྱི་དཔལ། །དུས་གསུམ་བདེ་བར་གཤེགས་པ་རྣམས་ཀྱི་ཐུགས། །དགོངས་པ་མཐའ་དག་རྣམས་ཀྱི་བརྣག་པ་སྟེ། །བྱང་ཆུབ་ཡེ་ཤེས་ཐིག་ལེ་ཆེ། །བདེ་བར་གཤེགས་པ་ཆེན་པོ་ནི། །ཚིག་དང་ཡི་གེར་མཚོན་དུ་མེད། །སྟོན་པའི་དགོངས་པ་ནི་རྒྱ་མཚོ་ཆེན་པོ་དང་འདྲ་སྟེ། ཆོས་ཉིད་ཀྱི་མཚན་ཉིད་སྟོང་ཞེས་དམིགས་སུ་མེད་དོ། །ཀུན་གཞི་གཏིང་དཔག་མེད་པ་རྒྱ་མཚོ་ཆེན་པོའི་དབྱིངས། །སེམས་ཀྱི་རང་བཞིན་ཇི་ལྟར་འོད་གསལ་བས། །བདེ་ཆེན་བྱང་ཆུབ་སེམས་ནི་འགྱུར་མེད་ནམ་མཁའ་བཞིན། །ཆོས་དང་བྱང་ཆུབ་སེམས་ནི་བདེ་བ་ཀུན་ལ་ཁྱབ། །ཅེས་འཁོར་རྣམས་ལ་སྨྲས་སོ། །དེ་ནས་འཁོར་རྣམས་ཀྱིས་ལེགས་སོ་ལེགས་སོ། །ཨ་ལ་ལ་ཧོ་ཞེས་བརྗོད་ནས་རྟོགས་ཏེ་དབང་པོ་གྲོལ་བར་གྱུར་ཏོ། །དེ་ནས་འཁོར་རྣམས་ཀྱིས་སྟོན་པ་ལ་འདི་བརྗོད་དོ། །ཐུགས་ཀྱི་དཀྱིལ་འཁོར་ལྔར་ལྡན་ཞིང་། །སྣང་སྲིད་ཐམས་ཅད་ཡོངས་སུ་གསལ། །འཁོར་བའི་རྒྱུན་རྣམས་ཀུན་བཀག་ནས། །ཆོས་རྣམས་མ་ལུས་སངས་རྒྱས་པར། །སྟོན་པས་བསྟན་པ་ཉིད་དུ་རྫོགས། །ཞེས་གསོལ་ཏོ། །བསྔོ་བ་མེད་པའི་མཆོད་པ། འདོད་པ་ལྔ་ཡི་ཡོན་ཏན། ནམ་མཁའ་ལྟར་ཀུན་ལ་ཁྱབ་པར་སྤྲུལ་ཏེ། སྟོན་པ་ལ་མཆོད་ནས་འདི་སྐད་གསོལ་ཏོ། །ཇི་ལའང་མ་བཀག་ཆོས་ཀྱི་དབྱིངས། །བལྟ་བ་ཁྱུང་ཆེན་ནམ་མཁའ་ལྡིང་། །སྤྱོད་པ་མ་བཀག་རྒྱ་མཚོའི་འཛིན། །དམ་ཚིག་མ་བཀག་བསྲུང་དུ་མེད། །བསྒྲུབ་པ་མ་བཀག་ཡོངས་སུ་རྫོགས། །ཕྲིན་ལས་མ་བཀག་རྒྱུན་ལ་རོལ། །ཞེས་སྟོན་པ་ལ་གསོལ་ཏོ། །སྟོན་པས་རྡོ་རྗེ་དབྱིངས་ཀྱི་འཁོར་རྣམས་ལ་གསང་བ་ཆེན་པོ་བྱིན་པ། །གསང་བ་ཆེན་པོ་དེ་ཁོ་ན་ཉིད། །འཁོར་བའི་རྒྱུད་རྟེན་འབྱུང་བ་ལྔ། །འཁོར་གནས་བསྟན་པ་བྱང་ཆུབ་མིན། །འཁོར་བ་གནས་སུ་བསྒྲལ་ནས་བྱང་ཆུབ་སེམས། །ས་ཆུ་མེ་རླུད་འབྱུང་བ་ལྔ། །བྱང་ཆུབ་སེམས་ཀྱི་དཀྱིལ་འཁོར་ཏེ། །སྨོན་པ་མེད་པའི་ཡབ་ལྔ་དང་། །ཆགས་པ་མེད་པའི་ཡུམ་ལྔ་དང་། །གསང་བའི་གསང་མཆོག་བྱང་ཆུབ་སེམས། །འཆི་བ་མེད་པའི་སྲོག་ཀྱང་ཡིན། །གོལ་བ་མེད་པའི་ལམ་ཡང་ཡིན། །རེ་དོགས་མེད་པའི་གནས་ཀྱང་ཡིན། །ལྷུན་གྱིས་གྲུབ་པའི་ལྟ་བ་ཡིན། །འདའ་བར་དཀའ་བའི་དམ་ཚིག་ཡིན། །ཆེ་བ་རང་བྱུང་བཅོམ་ལྡན་འདས། །ཉོན་ཐོས་རང་རྒྱལ་ཐེག་ཆེན་ཡེ་ནས་རྫོགས། །རྟོགས་པའི་རྒྱལ་པོ་ནང་དུ་ཤར། །མ་བྱུང་མ་སྐྱེས་སྙིང་པོའི་མཆོག །ལྷུན་གྱིས་གྲུབ་པའི་ཐིག་ལེའི་ཀློང་། །སྤྲོས་མེད་བརྗོད་བྲལ་པདྨ་ཆེ། །རང་བྱུང་ཡེ་ཤེས་གཞལ་དང་བྲལ། །ཆོས་རྣམས་ནམ་མཁའི་རང་བཞིན་འདྲ། །རྫོགས་ཆེན་བླ་མེད་བྱང་ཆུབ་སེམས། །ཆོས་ཉིད་གསང་བའི་དོན་འདི་ནི། །རྣ་དབང་བརྒྱུད་པའི་བརྣགས་པ་སྟེ། །རྟོགས་པའི་མན་ངག་གཏེར་དུ་བཅང་། །ཞེས་འཁོར་རྒྱལ་བ་རྒྱ་མཚོ་རྣམས་ལ་གཏད་དོ། །དེ་ནས་སྡུད་པ་པོས་འཇམ་དཔལ་ལ་སོགས་པ། གསང་བ་མེ་དཔུང་གི་དཀྱིལ་འཁོར་གྱི་ལྷ་རྣམས་ཀྱིས། ཐམས་ཅད་མེ་དཔུང་གི་རང་བཞིན་དུ་རྟོགས་ཏེ། རྟོགས་པ་ཕུལ་ལོ། །སྟོང་གསུམ་ཡེ་བརྡལ་དཀྱིལ་འཁོར་དུ། །དུར་ཁྲོད་ཆེན་པོའི་བྱང་ཆུབ་ལུང་། །རྟོགས་ཆེན་མཉམ་སྦྱོར་ཐུགས་ཀྱི་མཛོད། །གསང་བས་མཉམ་པའི་སྙིང་པོ་འདི། །སངས་རྒྱས་གཞན་ནས་སྦྱན་མི་འདྲེན། །ཉིད་ལ་ཀུན་རྫོགས་གཞན་ཡས་ཁང་། །དངོས་གྲུབ་གཞན་དུ་མི་སློང་སྟེ། །གྲུབ་པའི་དཀྱིལ་འཁོར་རང་ལས་ཤར། །རེ་སྨོན་མེད་པར་ཡེ་ནས་གནས། །གཞན་དུ་མི་སློང་ཉིད་ལ་རྫོགས། །ས་བཅུ་ཁྱད་པར་རྫོགས་པའི་ལུང་། །ཡངས་པའི་དཀྱིལ་འཁོར་ཉིད་ལ་རྫོགས། །མཉམ་ཉིད་མ་སྐྱེས་མྱ་ངན་འདས། །ཞེས་བརྗོད་དོ། ཁེན་ཏུ་ངམས་ཤིང་ངོ་མཚར་སྐྱེས་ཏེ། །སྟོན་པ་ལ་རྣ་དབང་བླགས་ནས་མཉན་ཏོ། །དེ་ནས་སྟོན་པ་ཀུན་ཏུ་བཟང་པོས། རིགས་ལྔ་བདེ་བར་གཤེགས་པ་རྣམས་དང་། འཕགས་པ་འཇམ་དཔལ་ལ་བཀའ་སྩལ་ཏེ། བྱང་ཆུབ་སེམས་དཔའ་མཁྱེན་རབ་ཀྱི་བདག་པོ་ཁྱེད་ལ་ད་ངས་ཆོས་འདི་བསྡུས་ལ་བཤད་དོ། །འཇམ་དཔལ་རྣོན་པོ། ཆོས་འདི་རྒྱ་ཆེ་ཞིང་ཟབ་པ་ཡིན་ཏེ། ཁྱོད་ཀྱིས་ཟིན་པར་གྱིས་ཤིག །རྟོགས་ཤིག་བསྒྲུབ་པ་ཆེན་པོའི་དོན་འདི་ནི། དཔེར་ན་མེ་དང་འདྲ་སྟེ། ཆུང་ངུའི་རྡུལ་ནས་ཆེ་བའི་རི་རབ་ཀྱང་བསྲེག་གོ །ཐེག་པ་ཆེན་པོ་འདི་ནི་ཉི་མའི་ཟེར་དང་འདྲ་སྟེ། འཛམ་བུ་གླིང་དང་། རིའི་རྒྱལ་པོ་རྣམས་དང་། ཁོ་ར་ཁོ་ཡུག་དང་། གངས་རྒྱུད་དང་། གཡའ་རི་བོག་རི་དང་། དེའུ་ལ་སོགས་པ་ཐམས་ཅད་གསལ་བར་བྱེད་དེ། བླང་དོར་དང་དབྱེ་བསྲིང་དུ་མི་བྱེད། སྟོན་པ་བདག་གི་ཐུགས་རྗེའི་ངང་། ཉི་མ་འདྲ་སྟེ་དབྲི་བཀོལ་མེད་དོ། །དེ་བཞིན་དུ་སེམས་ཅན་རྣམས་ཀྱི་རྣམ་པར་ཤེས་པ་ཡང་དེ་དང་འདྲ་སྟེ་དབྲི་བཀོལ་མེད་དོ། །མཚན་མ་དང་མཚན་མ་མེད་པ་རྣམས་ལ་ཁྱབ་སྟེ་གནས་སོ། །དེ་བཞིན་དུ་གསང་བའི་རྒྱུད་ཆེན་པོ་འདི་ཡང་ཀུན་ལ་ཁྱབ་སྟེ། རིགས་ལྔའི་སངས་རྒྱས་དང་། རིགས་ཀྱི་ཡུམ་ལྔ་དང་། འཁོར་གྱི་དཀྱིལ་འཁོར་བསམ་གྱི་མི་ཁྱབ་པ་ལ་ཡང་། ཉི་མ་བཞན་དུ་ཤར་རོ། །དེ་ནས་བཅོམ་ལྡན་འདས་ཀྱིས། འཁོར་ཚངས་པ་དང་། ཀླུ་འཇོག་པོ་དང་། མིའི་བྱང་ཆུབ་སེམས་དཔའ་སྨད་འཚོང་མ་བདག་ཉིད། ཁྱིའི་རྒྱལ་པོ་ཀུ་ཀུ་རྭ་ཛ་ལ་སོགས་པ་རྣམས་ལ། ནམ་མཁའ་བཞིན་དུ་ཁྱབ་སྟེ། སྲིད་པ་གསུམ་དུ་བརྡལ་ནས་གསུངས་པ། འཇམ་དཔལ་སྟོང་གི་འཇིག་རྟེན་གྱི་ཁམས་ན་སངས་རྒྱས་ཞིང་གི་རྡུལ་སྙེད་ལ་ལུས་རྡུལ་སྙེད་དུ་བྱས་ན་བུ་ལམ་ལས་ནི། །ཏན་ཏྲ་ཆེན་པོ་འདིའི་དོན་རྟོགས་པ་བསོད་ནམས་ཆེའོ། །འཇམ་དཔལ་དུས་གསུམ་གྱི་སངས་རྒྱས་ཀྱི་ཞིང་ཡོངས་སུ་སྦྱོང་བ་བས་ནི། ཏན་ཏྲ་ཆེན་པོའི་འདིའི་དོན་ཐང་གཅིག་བརྟགས་པ་བསོད་ནམས་ཆེའོ། །འཇམ་དཔལ་གབྱུ་ཀླུང་གི་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཕྱག་འཚལ་ཞིང་བཀུར་བ་བས་ནི། ཏན་ཏྲ་ཆེན་པོ་འདིའི་སྒྲུབ་པ་ལ་ཐང་གཅིག་ཞུགས་པ་བསོད་ནམས་ཆེའོ། །འཇམ་དཔལ་བསྐལ་པ་སྟོང་དུ་འགྲོ་བའི་དོན་བྱས་པ་བས། ཏན་ཏྲ་ཆེན་པོ་འདིའི་དོན་ལ་ཐང་གཅིག་ཞུགས་པ་བསོད་ནམས་ཆེའོ། །དམྱལ་བའི་འཇིག་རྟེན་ཐམས་ཅད་གནས་མ་འགྱུར་བར་ཐར་པའི་ལམ་ཡིན་ནོ། །ཞེས་གསུངས་ཏེ། །བཅོམ་ལྡན་འདས་ཀྱིས་ལུང་ཟབ་མོ་འདི་གསུངས་སོ། །སེམས་ནི་མ་བཅོས་མྱ་ངན་འདས། །ཡུལ་ནི་མ་བསྒྲུབས་བདེ་ཆེན་ཀློང། ཀུན་བཟང་ནམ་མཁའི་མཚན་ཉིདདོ། །ཤི་མལྡིཞིསེམསལགཏད། །བསྲུང་དུ་མེད་པའི་དམ་ཚིག་སྟེ། །དམ་ཚག་འདི་ལས་ཡོངས་མ་འདས། །བསྒྱུར་དུ་མེད་པའི་ཕྱག་རྒྱ་སྟེ། །ཕྱག་རྒྱ་འདི་ལས་གཞར་མ་འབྲལ། །བསྒྲུབ་ཏུ་མེད་པའི་སྒྲུབ་པ་སྟེ། །སྒྲུབ་པ་འདི་ལ་ཡུན་དུ་གནོས། །རྫོགས་ཆེན་བླ་མེད་ཐེག་པའི་མཆོག །ཨ་ཏི་ཡོ་ག་རྫོགས་པའི་ལུང་། །ཤི་མསྣྲུ་ལགཏེར་དུ་བཞག །ཅེས་བཀའ་སྩལ་ཏོ། །དེ་ནས་བཅོམ་ལྡན་འདས་དང་གསང་རྒྱུད་ཆེན་པོ་འདི་ལ་འཇམ་དཔལ་གྱིས་བསྟོད་པ། ནམ་མཁའི་མཚན་ཉིད་ཀུན་སྟོང་སྟེ། །དངོས་པོ་མེད་པས་ནམ་མཁའི་འདྲ། །བྱ་བ་མེད་པས་གྲོལ་བ་སྟེ། །མན་ངག་མཆོག་ལ་ཕྱག་འཚལ་ལོ། །ཆུ་ཟླ་བཞིན་དུ་དྲི་བྲལ་བས། །ཐམས་ཅད་རྟོགས་པ་ཡོངས་སུ་སྤངས། །གཟུང་འཛིན་རྣམ་གཉིས་རྣམ་པར་དག །སྐྱོན་བྲལ་སྐུ་ལ་ཕྱག་འཚལ་ལོ། །དུས་གསུམ་ཐིག་ལེ་ཆེན་པོའི་ངང་། །ལྔ་བཞི་འཁོར་བའི་གནས་ལས་ཐར། །བྲི་བ་མེད་ཅིང་འཕེལ་མེད་པ། །ལྷུན་རྫོགས་སྐུ་ལ་ཕྱག་འཚལ་ལོ། །དུས་གསུམ་སངས་རྒྱས་ཀུན་གྱི་དཔལ། ཁམ་གསུམ་ཐམས་ཅད་འདྲེན་པའི་མགོན། །རྒྱུད་དྲུག་གནས་སུ་སྒྲིབ་པ་སྦྱོང་། །དཔའ་བོ་ཁྱོད་ལ་ཕྱག་འཚལ་ལོ། །ཞེས་བསྟོད་དོ། །ཕྱི་ནང་སྣོད་བཅུད་ཀྱི་ཆོས་ཐམས་ཅད་གསང་བའི་དཀྱིལ་འཁོར་ཆེན་པོར་སོ་སོ་མ་ཡིན་ཐ་མི་དད་པར་གྱུར་ཏོ། །གསང་བ་མེ་དཔུང་གི་རྒྱུད་ལས། འཇམ་དཔལ་ལ་གཏད་པ་མེ་དཔུངགི་ལེའུ་སྟེ་ཉི་ཤུ་རྩ་གཉིས་པའོ།། །།རྒྱུད་ཀྱི་རྒྱལ་པོ་བདེ་བ་ཆེན་པོ་དེ་བཞིན་རིགས་ཀྱི་སྒྲུབ་ཐབས་གསང་བ་མེ་དཔུང་གི་རྒྱུད་རྫོགས་སོ།། །། རྒྱ་གར་སྐད་དུ། སརྦ་པརྩི་ཨ་མྲི་ཏ། ས་ར་སིརྙི་མ་ཧྭ་དུ་ཀ །ཧྲོ་ད་ལྭ་ན་པ་ར་བིད་ཏྭ་ན་ཨགི །བོད་སྐད་དུ། །ཐམས་ཅད་བདུད་རྩི་ལྔའི་རང་བཞིན། དངོས་གྲུབ་