Ngb-pt-0280-vol-03-text
Front[edit]
Body[edit]
གཟན་འབེབས་ཀྱི་རྒྱུད་རྫོགས་སོ། །པདྨ་འབྱུང་གནས་དང་། ཁ་ཆེ་ཨུ་ནན་ཏས་བསྒྱུར་བའོ།། །། རྒྱ་གར་སྐད་དུ། ཤི་པདྨ་མ་ཧྭ་ཝ་ཤ༷་དུརྟོ་ནིརྙི་ཡ་ཏནྟྲ་ནཱ་མ། བོད་སྐད་དུ། དཔལ་པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ཅེས་བྱ་བ་ལྷུན་གྱིས་གྲུབ་པའི་སངས་རྒྱས་རྣམས་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་པདྨ་ཧེ་རུ་ཀ་རྒྱལ་བ་ཀུན་གྱི་སྤྱི་གཟུགས་ཅན་དེ་ནི། དེ་བཞིན་གཤེགས་ཐམས་ཅད་ཀྱི་བཙུན་མོའི་བྷ་ག་རྣམ་པར་དག་པ་བདེ་བ་ཆེན་པོ་ལ་བཞུགས་ཏེ། མཁའ་འགྲོ་མ་ཁམ་རྒྱ་མོ་དྲུག་དང་། བྱང་ཆུབ་སེམས་དཔའ་དོན་མཛད་པའི་ལོང་བ་བརྒྱད།དཔའ་བོ་ཆེན་པོ་དམུས་ལོང་འཁོར་བ་དྲུག་ཅུ་དང་། །གདུག་པ་འདུལ་བ་ཟ་བྱེད་དཔལ་གྱི་ཁྱི་བརྒྱད་དང་། །ཡེ་ཤེས་སྤྲུལ་པའི་ཁྱི་བཅུ་དང་། ཕོ་ཉ་སྒོ་བ་ཆེན་པོ་བཞི་དང་ཐབས་ཅིག་ཏུ་བཞུགས་སོ། །དེ་ནས་ཡུམ་པདྨ་གཟི་ལྡན་མས་གླུ་འདིས་བསྐུལ་ལོ། །ཨོ་ཤེས་རབ་ཆོས་དབྱིངས་སྟོང་པའི་ངང་ཉིད་དུ། །ཐབས་མཆོག་སྙིང་རྗེ་ཡེ་ཤེས་ཆེན་པོར་ཤར། །སྟོང་ཉིད་སྙིང་རྗེའི་སྙིང་པོ་ཅན་གྱི་སྐུ། །ཆོས་སྐུ་དྲི་མ་མེད་པའི་བྱིན་རླབས་ལས། །ལོངས་སྐུ་སྲས་དང་བཙུན་མོ་གཞལ་ཡས་ཁང་། །ལོངས་སྤྱོད་ཕུན་སུམ་ཚོགས་པས་ས་ཆེན་འདུལ། །ཐུགས་རྗེའི་སྤྲུལ་པ་སྣ་ཚོགས་ཕྱོགས་བཅུར་འགྱེད། །མཛད་པ་བཅུ་གཉིས་འགྲོ་དོན་རྫོགས་པར་མཛད། །ཞི་བའི་གདུལ་བྱར་མ་གྱུར་དྲེགས་པ་ཅན། །ཁྲོ་བོའི་སྐུ་ཡིས་ཐུལ་ལ་བསྟན་པ་སྲུང་། །ཞེས་རྡོ་རྗེའི་གླུས་རྣམ་པར་བསྐུལ་ལོ། །དེ་ནས་ཡབ་ཀྱིས་གླུ་འདི་འགྲོ་བའི་ཆེད་དུ་བླངས་སོ། །ཨོ་དོན་དམ་སྐྱེ་བ་མེད་པ་འདས་པའི་ཆོས། །ཀུན་རྫོབ་སྒྱུ་མར་སྣང་བ་འཁོར་བའི་ཆོས། །ཀུན་རྫོབ་དོན་དམ་དབྱེར་མེད་ཆོས་ཀྱི་སྐུ། །འཁོར་བ་མ་སྤངས་འདས་པ་བསྒྲུབ་ཏུ་མེད། །ཆོས་སྐུ་དྲི་མ་མེད་པའི་སྙིང་པོ་འདི། །འཁོར་དང་མྱ་ངན་འདས་པའི་ཆོས་སྐུར་སྣང་། །དེ་ཉིད་གཏན་ལ་དབབ་ཕྱིར་རྒྱལ་བ་རྣམས། །དབང་པོ་བསམ་པ་དགོངས་པ་ཐ་དད་མེད། །ཇི་ལྟར་སྣང་བའི་ཆོས་རྣམས་ཆོས་སྐུར་གཅིག །དེ་ལས་མ་གཏོགས་གསང་བའི་ངེས་དོན་མེད། །རང་སེམས་གཟུང་འཛིན་གཉིས་བྲལ་དྲི་མེད་པ། །དེ་ཉིད་སངས་རྒྱས་རྣམས་ཀྱི་ཆོས་སྐུ་ཡིན། །དེ་ལས་མ་གཏོགས་ཆོས་སྐུ་གཞན་ནས་འཚོལ། །བྱ་ལོང་ནམ་མཁའི་མཐའ་ལ་རྩད་གཅོད་འདྲ། །ཨོ་ཆོས་སྐུ་མཐོང་བར་དཀའ་བའི་གདུལ་བྱ་རྣམས། །ས་བ་་བྱང་ཆུབ་སེམས་དཔའ་འདུལ་དོན་དུ། །གནས་ལ་མིང་བཏགས་འོག་མིན་ཆེན་པོ་སྲ །སྟོན་པ་རྒྱལ་བ་རིགས་ལྔ་ལོངས་སྤྱོད་རྫོགས། །སེམ་དཔའ་སེམས་མ་ཉེ་བའི་སྲས་ཀྱིས་བསྐོར། །ས་བཅུའི་བྱང་ཆུབ་སེམས་དཔའི་འཁོར་རྣམས་ལ། །དགོངས་པ་བརྡའ་ཡིས་ཆོས་ཀྱི་འཁོར་ལོ་བསྐོར། ཁྲེས་བྱའི་སྒྲིབ་དག་ཆོས་ཀྱི་སྐུ་ལ་སྦྱོར། །ལོངས་སྐུའི་འདུལ་བར་མ་གྱུར་འགྲོ་དྲུག་ལ། །སྤྲུལ་སྐུའི་མཛད་པ་བཅུ་གཉིས་དོན་མཛད་པ། །ལྷ་ཡི་ཡུལ་ལ་བབས་ནས་ལྷུམས་སུ་ཞུགས། །ལུསྦིའི་འཚལ་དུ་ལྷུམས་ནས་སྐུ་ཡང་བལྟམ། །ཨདྷ་མ་སྙར་གཞོན་ནུའི་རོལ་རྩེད་མཛད། །རི་བོ་ཁབ་ཅན་ཡུལ་དུ་ཁབ་ཏུ་བཞེས། །མེ་ནེ་ཡ་ཡི་ཡུལ་དུ་རབ་ཏུ་བྱུང་། །ཆུ་བོ་ནི་རའི་འགྲམ་དུ་དཀའ་ཐུབ་མཛད། །བ་ར་ཎ་སིར་ཆོས་ཀྱི་འཁོར་ལོ་བསྐོར། །འཁོར་མོ་འཇིག་ཏུ་བདུད་ཀྱི་བར་ཆད་བཏུལ། །རྒྱལ་པོའི་ཕོ་བྲང་ཆོ་འཕྲུལ་ཆེན་པོ་བསྟན། །རྡོ་རྗེའི་གདན་ལ་མངོན་པར་སངས་རྒྱས་ནས། །གྱད་ཡུལ་ས་ལ་ཤིང་རྩར་མྱ་ངན་འདས། །གྲོང་ཁྱེར་ཙྭ་མཆོག་དག་ཏུ་སྐུ་གདུང་བགོས། །ཞེས་གསུངས་སོ། །པདྨ་དབང་ཆེན་དྲེགས་པ་གནད་ལ་འབེབས་པའི་རྒྱུད་ལས། སྐུ་གསུམ་གྱི་དོན་གནད་ལ་ཕབ་སྟེ་བསྟན་པའི་ལེའུ་སྟེ་དང་པོའོ།། །།དེ་ནས་བྱང་ཆུབ་སེམས་དཔའ་ས་བཅུ་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྐུ་གསུམ་རྒྱལ་བའི་དགོངས་པས་བཤད་གྱུར་པའི། །རྣལ་འབྱོར་ཆེན་པོ་ལ་སོགས་རྒྱུད་རྣམས་ཀྱི། །བཤད་ཚུལ་མན་ངག་ཁོང་ནས་གབ་པ་ཕྱུང་། །མ་འོངས་འགྲོ་བ་རྣམས་ལ་ངེས་པར་གསུངས། །ཞེས་གསུངས་སོ། །དེ་ནས་བཅོམ་ལྡན་འདས་ཀྱིས་འདི་སྐད་ཅེས་གསུངས་སོ། །རྣལ་འབྱོར་ཆེན་པོའི་རྒྱུད་རྣམས་ལ། །བཤད་པའི་རྒྱན་ནི་རྣམ་པ་བདུན། །གླེང་བསླངས་པ་ཡི་གྲངས་ནི་ལྔ། །སངས་རྒྱས་པ་ཡི་ཚུལ་ཡང་བཞི། །རྒྱས་པར་བཤད་པའི་མཐའ་ཡང་དྲུག །བཤད་པའི་ཚུལ་ནི་རྣམ་པ་བཞི། །དབྱེ་བའི་བཤད་པ་རིམ་པ་གཉིས། །སྣོད་ཀྱི་གང་ཟག་རྣམ་པ་ལྔ། །བདེན་པ་གཉིས་ཀྱི་རྣམ་པར་ངེས། །སྤྱིར་བསྡུས་ཉི་ཤུ་རྩ་བརྒྱད་ཀྱིས། །གསང་སྔགས་རྒྱུད་ཀྱི་རྣམ་བཤད་བྱ། །དེ་ཡང་ཇི་ལྟ་བུ་ཞེ་ན། །གླེང་བསླང་བ་ཡི་གྲངས་ལྔ་ནི། ཁུད་ཀྱི་མིང་ནི་གང་བཏགས་མཚན། །འཁོར་བའི་སེམས་ཅན་དོན་དུ་གསུངས། །སྟོན་པ་གཟུགས་སྐུ་རྣམ་པ་གཉིས། །ལྡང་ཚད་ཆོ་ག་ལེའུ་དུམ་བུ་རིམ། །དགོས་ཆེད་ཐུན་མོང་མཆོག་ཏུ་བསྒྲུབ་པའོ། །སངས་རྒྱས་པ་ཡི་ཚུལ་བཞི་ནི། ཁུད་དང་གླིང་བཞི་ངེས་ཚིག་རྒྱུ། །དེ་ཡང་འདོད་ཆགས་སྤང་མ་སྤངས། །འདོད་ཆགས་བཅས་ནས་སངས་རྒྱས་བཞི། །རྒྱུད་ནི་ལྷ་ལུས་རིགས་ལྔ་བསྒོམ། །གླིང་བཞི་རིགས་ལྔ་གཅིག་གྱུར་པ། །ངེས་ཚིག་རྡོ་རྗེ་ལ་སོགས་གསུངས། ཁུ་ནི་སྒེག་པ་ལ་སོགས་སྤྱོད། །འདོད་ཆགས་སྤངས་པའི་ཚུལ་ཡང་བཞི། ཁུད་ནི་མི་ལུས་སྐྱེ་བ་ལ། །གླེང་གཞི་རབ་ཏུ་བྱུང་བ་ཉིད། །ངེས་ཚིག་འདུལ་བའི་སྡོམ་པ་བླངས། ཁུ་ནི་འབྲས་བུས་སངས་རྒྱས་འདོད། །རྒྱས་པར་བཤད་པའི་མཐའ་དྲུག་ནི། །དྲང་དོན་དང་ནི་ངེས་དོན་གཉིས། །དགོངས་བཤད་དགོངས་པ་མ་ཡིན་བཤད། །ཇི་བཞིན་སྒྲ་དང་ཇི་བཞིན་མིན། །དྲང་བའི་དོན་ནི་བཤད་པ་ནི། །སྐལ་ངན་སྦས་བཤད་དྲང་དོན་དུ། །ཐུན་མོང་དངོས་གྲུབ་འདོད་རྣམས་ལ། །མཚན་བཅས་བསྐྱེད་པའི་རིམ་པ་བསྟན། །ངེས་པའི་དོན་དུ་བཤད་པ་ནི། །ཡང་དག་དོན་སྟོན་ངེས་པའི་དོན། །ཉེ་ལམ་དགའ་མཆོག་འདོད་པ་ལ། །དེ་ལ་རྫོགས་པའི་རིམ་པ་བསྟན། །བསྐྱེད་རིམ་རྫོགས་རིམ་འདི་གཉིས་ནི། །དོན་གྱི་མཐའ་ལ་བརྟེན་པའོ། །དེ་ཡང་ཇི་ལྟར་ཡིན་ཞེ་ན། །ཏིང་འཛིན་གསུམ་ལས་གཞལ་ཡས་གདན། །སྐུ་བསྐྱོད་སྤྱན་དྲང་མཆོད་ཕུལ་བསྒྲུབ། །རོ་ལངས་རྐང་མགྱོགས་མིག་སྨན་སོགས། །སྐྱེས་བུའི་སེམས་ལ་ཅི་འདོད་རྣམས། །པདྨ་དབང་ཆེན་དྲེགས་པ་བསྒོམ་པས་བསྒྲུབ། །སྡུག་བསྔལ་ཉིད་ཀྱང་བྱང་ཆུབ་ལ། །འཁོར་བ་ཉིད་ཀྱང་མྱ་ངན་འདས། །སྒྲིབ་པ་གཉིས་ན་མངོན་སངས་རྒྱས། །ངེས་དོན་དེ་ལ་འདུད་པར་བྱོས། །དགོངས་པས་བཤད་པར་བྱ་བ་ནི། །དབང་པོ་རྣོན་པོའི་རིགས་ལ་ནི། །རིག་པའི་རྗེས་སུ་འབྲང་བ་ཡིས། ཁེས་རབ་ཅན་གྱི་གང་ཟག་རྣམས། །ང་རྒྱལ་བཅག་པར་བྱ་བའི་ཕྱིར། །དབང་པོ་རྣོན་པོ་ལ་དགོངས་ནས། །འགལ་བའི་ཚིག་གིས་དོན་སྟོན་བཤད། །རྒྱལ་བ་རྣམས་ཀྱིས་དེ་ལྟར་དགོངས། །དགོངས་པ་མ་ཡིན་བཤད་པ་ནི། །དབང་པོ་དམན་པའི་གང་ཟག་ལ། །གསལ་བར་སྟོན་པ་དགོངས་མིན་ཚིག །དངོས་བྲལ་འོད་གསལ་ཟུང་དུ་འཇུག །དབང་པོ་རྣོ་བརྟུལ་དགོངས་པ་ནི། །འདི་གཉིས་ཚིག་གི་མཐའ་ལ་བརྟེན། །དེ་ཡང་ཇི་ལྟར་བརྟེན་ཞེ་ན། །ཕ་དང་ཁུ་བོ་མེས་པོ་དང་། །བུ་དང་སྐྲུན་དང་མཛའ་བོ་རྣམས། །ཞེ་སྡང་སེམས་ཀྱིས་བསད་བྱས་ན། །རྡོ་རྗེ་རིགས་ཀྱི་ཞིང་དུ་འགྱུར། །ཆོས་རྣམས་ཀུན་གྱི་དེ་ཁོ་ན། །རང་བཞིན་གྱི་ནི་འོད་གསལ་ཏེ། །བདེན་གཉིས་ཡང་དག་ཟུང་དུ་འཇུག །དངོས་པོ་ཐམས་ཅད་དང་བྲལ་བའོ། །སྒྲ་ནི་ཇི་བཞིན་བཤད་པ་ནི། །རང་གི་སྒྲ་ཡིས་སྟོན་པ་ཡང་། །དཀྱིལ་འཁོར་མཆོད་བསྟོད་དམ་ཚིག་སྤྱོད། །སྒྲ་ནི་ཇི་བཞིན་སྟོན་པའོ། །ཇི་བཞིན་མ་ཡིན་བཤད་པ་ནི། །སྒྲ་གཞན་དག་གིས་རབ་སྟོན་ཏེ། །འཇིག་རྟེན་བསྟན་བཅོས་དག་ལ་མེད། །དེབཞིནགཤེགསཔའིདགོངས་པ་ཡིན། །ཇིབཞིནཡིནདངམཡིན་སྒྲ། །དོན་ཚིག་གཉིས་ཀའི་མཐའ་ལ་བརྟེན། །དེ་ཡང་ཇི་ལྟར་བསྟན་ཅེ་ན། །དཀྱིལ་འཁོར་དག་ཏུ་གཞུག་པར་བྱ། །དབང་བླང་དམ་ཚིག་མི་ཉམས་བསྲུང་། །མཆོད་པ་གཏོར་མས་ལྷ་མཉེས་བྱ། །ཡི་དམ་ཞལ་ཕྱག་གསལ་བ་ཡིས། །མཉམ་གཞག་རྗེས་ལ་སྤྱོད་པས་ཀྱང་། །ཀྲོ་ཏ་ཡ༷་དང་ཤ་ཀ་ཡ༷། །ཀྟ་ཏ་ཡ༷་གི་ས་བོན་ཅན། །ལུས་ལ་རླུད་ལྔར་རབ་ཏུ་གནས། །བཤད་པའི་ཚུལ་བཞི་བསྟན་པ་ཡང་། །ཚིག་གི་དོན་དུ་བཤད་པ་ནི། །ཆོས་ཀུན་མཁས་པས་སྒྲ་ཙམ་ལ། །མཁས་པ་ཚིག་གི་དོན་ཡིན་ཏེ། །ཡི་གེ་འབྲུ་གཉེར་གསལ་སྦྱར་ན། །ཚིག་ལ་མ་རྨོངས་ཚིག་མཐའ་ཡས། །དེ་དང་ནས་ནི་འབྱེད་པའི་ཚིག །ས་དང་ཅན་གྱི་ལྡན་པའི་ཚིག །ཡང་དང་ཀྱང་ནི་བརྣན་པའི་ཚིག །སྟེ་ནི་ལྷག་མ་ཅན་གྱི་ཚིག །འདི་ནི་ཉེ་བར་མཚོན་པ་ལ། །ལ་ནི་བགར་ནས་སྟོན་པ་སོགས། །ཕྱི་ཡི་དོན་དུ་བཤད་པ་ནི། །མདོ་ལ་བཞུགས་ནས་འགྱོད་པ་བཟློག །སྔགས་ལ་བཞུགས་ན་བསྐྱེད་རིམ་བསྒོམ། །སྦས་ཏེ་བཤད་པར་བྱ་བ་ནི། །ཚོགས་པར་མི་དབྱུང་ཕྱིར་སྦས་གསུམ། །འདོད་ཆགས་དག་གི་ཆོས་སྦས་པ། །དེ་ནི་གསང་དབང་སྙིང་པོ་ཡིན། །ཀུན་རྫོབ་ཆོས་ཀྱི་སྦས་པ་ཡང་། ཁྲེས་བྱ་ནང་གྱུར་སྙིང་པོ་ཡིན། །ཡེ་ཤེས་སྦས་པས་སྙིང་པོ་ཡིན། །ཡེ་ཤེས་ཀུན་བརྟགས་མ་ཡིན་པས། །རྣམ་པར་བརྟགས་པའི་སྙིང་པོ་ཡོད། །མཐར་ཐུག་དོན་དུ་བཤད་པ་ཡིན། །འོད་གསལ་གཟུགས་སྐུ་རྣམ་པ་གཉིས། །ཟུང་འཇུག་སྐུ་རུ་ཆོས་ཀྱི་གནས། །ཉན་བཤད་དབྱེ་བ་རྣམ་པ་གཉིས། །ཚོགས་པ་རྣམས་ལ་བཤད་པ་ནི། །ཇི་བཞིན་སྒྲ་དང་དགོངས་མིན་དང་། །དྲང་དོན་སྦྱི་དོན་ཡི་གེའི་དོན། །སློབ་མ་རྣམས་ལ་བཤད་པ་ནི། །སྤྲ་ནི་ཇི་བཞིན་མ་ཡིན་དང་། །ངེས་དོན་དགོངས་ཏེ་བཤད་པ་དང་། །སྦས་བཤད་མཐར་ཐུག་དོན་རྣམས་བཤད། །སྣོད་ཀྱི་གང་ཟག་རྣམ་ལྔ་ནི། །ཨུཏུལ་ལྟ་བུའི་གང་ཟག་ནི། །སྦྲང་རྩི་མང་ལྟར་ཆོས་མང་ཐོས། །སྦྲང་རྩི་འཛིན་ལྟར་འཛིན་པ་མཁས། །སྦྲང་རྩི་ཡལ་སྐྱིན་བརྗེད་ནས་འགྲོ། །པད་དཀར་ལྟ་བུའི་གང་ཟག་ནི། །སྦྲང་མས་ཆོས་མང་ཐོས་པ་ཡང་། །སྦྲང་རྩི་འཛིན་ལྟར་སྟོན་མི་ནུས། །སྦྲང་མས་སྦྲང་རྩི་བླང་དཀའ་ལྟར། །བུམ་ནང་རས་བལ་ལྟ་བུའོ། །པདྨ་དམར་པོ་ལྟ་བུ་ནི། །ཡིད་དུ་འོང་ལྟར་དད་པར་ལྡན། །པདྨ་ཁ་དོག་དམར་བ་ལྟར། །སྙིང་རྗེ་དང་ནི་ཤེས་རབ་ཆེ། །པདྨ་ཉིན་མོ་ཁ་འབྱེད་ལྟར། །ཐོས་ནས་བློ་ཁ་བྱེ་བ་དང་། །སྦྲང་རྩི་མི་ཐུབ་འཛགས་པ་ལྟར། །ཚིག་དོན་མི་འཛིན་བརྗེད་ནས་འགྲོ། །ཙན་དན་ལྟ་བུའི་གང་ཟག་ནི། །སྡོང་པོ་ཆུང་ལྟར་ཐོས་པ་ཉུང་། །དྲི་དང་ལྡན་པས་ང་རྒྱལ་ཆེ། །རྩ་ཕྲ་ཡལ་ག་ལོ་འདབ་རྒྱས། །རྩ་བ་མེད་པར་མང་དུ་སྨྲ། །དུག་སྦྲུལ་འཁྲིལ་པས་བླང་མི་ནུས། །རྗེས་སུ་གཟུང་བར་མི་ནུས་སོ། །འགྱོད་ཤིང་ཅན་གྱི་ཙན་དན་ཡིན། །རིན་ཆེན་ལྟ་བུའི་གང་ཟག་ནི། །ནོར་བུ་རང་བཞིན་དག་པ་ལྟར། །དམ་ཚིག་ཚུལ་ཁྲིམས་དག་པ་དང་། །གཞན་དོན་བྱེད་ཅིང་གཞན་མི་གནོད། །དེ་བཞིན་འཛིན་ལ་མཁས་པ་དང་། །ཅི་འདོད་འབྱུང་ལྟར་ཤེས་རབ་ལྡན། །ནོར་བུས་འགྲོ་དོན་བྱེད་པ་ལྟར། །རྒྱུད་གཅིག་ཐོས་ནས་ལེགས་པར་སྟོན། །བདེན་པའི་དགོངས་པ་གཉིས་པ་ནི། །བསྐྱེད་རིམ་སྒྱུ་ལུས་ཀུན་རྫོབ་བདེན། །འོད་གསལ་དོན་དམ་བདེན་པའོ། །རྣལ་འབྱོར་རྒྱུད་རྣམས་མཛེས་པ་ཡི། །རྒྱན་བདུན་གསལ་བའི་ལྡེ་མིག་ནི། །རྒྱུད་རྣམས་འབྱེད་ཅིང་འགྲོལ་བར་བྱེད། །ཅེས་གསུངས་སོ། །པདྨ་དབང་ཆེན་དྲེགས་པ་གནད་ལ་འབེབས་པའི་རྒྱུད་ལས། རྒྱུན་གྱི་བཤད་ཚུལ་གནད་འབེབས་ཀྱི་ལེའུ་སྟེ་གཉིས་པའོ།། །།དེ་ནས་འཁོར་གྱི་ཚོགས་རྣམས་ཀྱིས། །འདི་སྐད་གསོལ་བ་རབ་ཏུ་བཏབ། །རྒྱུད་དང་ལུང་དང་མན་ངག་རྣམས། །བཤད་པའི་ཚུལ་ནི་དེ་ལྟར་ན། །རྣལ་འབྱོར་དབང་ཕྱུག་ཆེན་པོ་རྣམས། །བསྐྱེད་རྫོགས་ཉམས་སུ་ཇི་ལྟར་བླང་། །བདག་ཅག་རྣམས་ལ་གསང་སྒོ་ཕྱེ། །འགྲོ་བའི་དོན་དུ་ལེགས་པར་གསུངས། །ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། །དབང་པོ་ཡང་རབ་རྣལ་འབྱོར་ལ་བསྐྱེད་པའི་དུས་ནས་རྫོགས་པ་སྟེ། རྟག་པའི་མཐའ་ལས་རབ་གྲོལ་ནས། །བསོད་ནམས་ཚོགས་ཀྱང་རྫོགས་པ་ཡིན། །གཟུགས་ཀྱི་སྐུ་ཡང་འཐོབ་པར་བྱེད། །རྫོགས་པའི་དུས་ནས་བསྐྱེད་པ་སྟེ། །ཆད་པའི་མཐའ་ལས་གྲོལ་བྱས་ནས། །ཡེ་ཤེས་ཚོགས་ཀྱང་རྫོགས་པར་བྱེད། །ཆོས་སྐུ་དྲི་མ་མེད་པར་འཐོབ། །དབང་པོ་འབྲིང་དང་ཐ་མ་ལ། །ལུས་ཀྱི་སྒྲིབ་པ་བྱང་བའི་ཕྱིར། །བསྐྱེད་པའི་རིམ་པ་བརྟན་པར་བསྒོམ། །ངག་གི་བསགས་པ་སྦྱོང་བ་ནི། །བཟླས་པའི་གྲངས་ཀྱང་རྒྱུན་མི་གཅད། །ཡིད་ཀྱི་དྲན་པ་སྤང་བའི་ཕྱིར། །རྫོགས་པའི་རིམ་པ་བཟང་པོ་བསྒོམ། །བསྐྱེད་པའི་རིམ་པ་གཉིས་ཡོད་དེ། །ཞི་བར་བསྒོམ་དང་ཁྲོ་བོར་བསྒྱུར། །རིགས་གཉིས་ལུང་གིས་བརྒྱུད་པས་ན། །རྡོ་རྗེའི་རིགས་དང་པདྨ་བསྒོམ། །བཅོམ་ལྡན་དཔལ་མཆོག་རྡོ་རྗེ་སེམས། །སྐུ་གསུམ་ལྷུན་གྲུབ་དབུ་གསུམ་ནི། །མཐིང་ག་དཀར་གསལ་པདྨ་དམར། །རྒྱུད་དྲུག་རྩད་གཅོད་ཡེ་ཤེས་དྲུག །རྡོ་རྗེ་འཁོར་ལོ་པདྨ་གཡས། །དྲིལ་བུ་རིན་ཆེན་རལ་གྲི་གཡོན། །རྣམ་པ་ཐམས་ཅད་མཆོག་རབ་ལྡན། །ཐམས་ཅད་རྒྱན་ནི་མ་ལུས་རྫོགས། །པདྨ་རིན་ཆེན་གར་གྱི་དབང་། །ཞལ་གསུམ་ཕྱག་དྲུག་དགའ་མདངས་བརྗིད། །དབུས་ཀྱི་སྐུ་མདོག་དཀར་དམར་མདངས། །གཡས་སྔོ་གཡོན་སེར་བརྗིད་པའི་ཞལ། །པདྨ་རྡོ་རྗེ་རྩེ་གསུམ་མདའ་ནི་གཡས། །བུམ་པ་དཔལ་བེའུ་གཞུ་ནི་གཡོན། །རིན་ཆེན་སྣ་ཚོགས་ན་བཟའ་མཛེས། །ཡུམ་ནི་པད་དྲིལ་དམར་པོའི་ཁྲིལ། །ཁྲོ་བོར་གྱུར་པ་་རིགས་ལྔ་དབང་ཆེན་སྐུ། །སྐུ་ཡི་དབང་ཆེན་དམར་པོ་དབུ་ལྔ་པ། །རྟ་མགོ་ལྔ་དང་གཤོག་བཞི་ཞབས་བརྒྱད་པ། ཁྲར་དུ་རོལ་པའི་ཕྱག་བཞི་ནི། །ཁྲོ་ཆེན་སྙིང་འབྱིན་ཁ་ཊ༷་ག །རྡོ་རྗེ་ལྕགས་ཀྱུ་སྦྲུལ་གྱི་ཞགས། །ལྷོ་རུ་རོལ་པའི་ཕྱག་བཞི་ནི། །ཐོད་ཁྲག་རྡོ་རྗེལུགུརྒྱུད། །གཤིནརྗེའིབོ་ཅོན་རྡེའུ་ཆུང་གཡོན། །ནུབ་ཏུ་རོལ་པའི་ཕྱག་བཞི་ནི། །མེ་ཡི་ཞགས་པ་ཁྱུང་གི་ཁྲ། །སྡིགས་མཛུབ་མེ་ཆེན་ཁ་ཊ༷་ག །བྱང་དུ་རོལ་པའི་ཕྱག་བཞི་ནི། །རྡོ་རྗེ་རྩེ་དགུ་རྩེ་ལྔ་དང་། །རྩེ་གསུམ་དང་ནི་རྩེ་གཅིག་འབར། །གསུང་གི་དབང་ཆེན་དབུ་ལྔ་དམར། །རྟ་གདོང་ལྔ་ལྡན་གཤོག་པ་བཞི །བཅུ་དྲུག་ཕྱག་ན་བསྣམས་པ་ནི། །རྡོ་རྗེ་ཁ་ཊ༷་དྲིལ་བུར་བཅས། །ལྕགས་ཀྱུ་སྦྲུལ་དང་ཞགས་པ་དང་། །འཁོར་ལོ་རིན་ཆེན་ཟུར་བརྒྱད་དང་། །རལ་གྲི་རྡོ་རྗེ་ལུ་གུ་རྒྱུད། །གཡས་ཀྱི་ཕྱག་ན་བསྣམས་པ་ནི། པདྨ་ཡུ་འཛིན་ཐོད་ཁྲག་བཀང་། །ཁྲོ་སྙིང་གཤིན་རྗེའི་དབྱུག་པ་ཐོག །རྒྱ་གྲམ་རྡོ་རྗེ་བེ་ཅོན་དང་། མེ་ལོང་ཏྲི་ཤཱལ་ཁྱུང་གི་ཁྲ། གཡོན་གྱི་ཕྱག་ན་བསྣམས་པའོ། །ཞབས་བརྒྱད་ཁྲོ་བོ་འདས་པ་མནན། །ཐུགས་ཀྱི་དབང་ཆེན་དབུ་ལྔ་པ། །དམར་པོ་རྟ་མགོ་ལྗང་གུ་ལྔ་། །གཡས་ཀྱི་ཕྱག་བརྒྱད་ཕྱག་མཚན་ནི། །རྡོ་རྗེ་ལྕགས་ཀྱུ་སྦྲུལ་ཞགས་དང་། །ཅང་ཏེའུ་ཁ་ཊ༷་ཐོད་རློན་ཁྲག །རྡོ་རྗེ་རྩེ་དགུ་རྩེ་ལྔ་དང་། །རྩེ་གསུམ་དང་ནི་རྩེ་གཅིག་བསྣམས། །གཡོན་གྱི་ཕྱག་བརྒྱད་བསྣམས་པ་ནི། །རྡོ་རྗེ་ལྕགས་ཀྱུ་ལུ་གུ་རྒྱུད། །ཐོན་རློན་ཁྲོ་བོ་བརྒྱད་ཀྱི་སྙིང་། །མེ་ཡི་ཞགས་པ་ཁྱུང་གི་ཁྲ། །སྡིགས་མཛུབ་རྩེ་ལ་མེ་ཆེན་འབར། །ཅང་ཏེའུ་ཁ་ཊ༷་ལྕགས་ཀྱུ་བསྣམས། །གཤོགབཞིཞབས་བརྒྱད་ཁྲོ་བོ་མནན། །པདྨ་གསང་བ་ཞེས་བྱ་བ། །རྣལ་འབྱོར་ཀུན་གྱི་བསྒོམ་པར་བྱ། །ཡོན་ཏན་དབང་ཆེན་དབུ་ལྔ་པ། །དམར་པོ་རྟ་མགོ་ལྗང་ཞུར་ལྔ། །གཤོག་བཞི་ཞགས་བརྒྱད་བཅུ་དྲུག་ཕྱག །གཡས་ཀྱི་ཕྱག་ན་བསྣམས་པ་ནི། །གོ་རྡིའི་ཕྱག་ན་རྡོ་རྗེ་ལྕགས་ཀྱུ་བསྣམས། །གཉིས་པ་ཙོ་རྡི་སྦྲུལ་གྱི་ཞགས་པ་བསྣམས། །གསུམ་པ་པྲ་མོ་ཧ་ནི་རྔེའུ་ཆུང་བསྣམས། །བཞི་པ་བེསྟུ་སྙི་ནི་བྷརྙ་བསྣམས། །ལྔ་པ་པུསྐ་རྡོ་རྗེ་རྩེ་དགུ་བསྣམས། །དྲུག་པ་ཙརྙ་རྡོ་རྗེ་རྩེ་ལྔ་བསྣམས། །བདུན་པ་སྨ་ཤ་རྡོ་རྗེ་རྩེ་གསུམ་བསྣམས། །བརྒྱད་པ་བྷསྨ་རྡོ་རྗེ་རྩེ་གཅིག་བསྣམས། །གཡོན་གྱི་ཕྱག་ན་བསྣམས་པ་ནི། །སིང་ཧ་མུ་ཁ་རྡོ་རྗེ་ལྕགས་ཀྱུ་བསྣམས། །གཅིག་པ་བྱ་སྣྲི་ཕྱག་ན་མེ་ དཔུང་བསྣམས། །གསུམ་པ་ཤྭ་ན་མུ་ཁ་ལྕགས་སྒྲོགས་བསྣམས། །བཞི་བ་སྲོ་གྭ་ལ་ནི་ཐོད་ཁྲག་བསྣམས། །ལྔ་པ་གྲི་ནྟྲ་སྙིང་ཆེན་བསྣམས། །དྲུག་པ་ཀང་ཀ་ཁ་ཊ༷་བསྣམས། །བདུན་པ་ཀྭ་ཀ་ཅང་ཏེའུ་བསྣམས། །བརྒྱད་པ་ཨུ་ལྕུ་ལྕགས་ཀྱུ་བསྣམས། །གཤོག་བཞི་ཞབས་བརྒྱད་ཁྲོ་བོ་གདན། །ཕྲིན་ལས་དབང་ཆེན་དབུ་ལྔ་དམར། །རྟ་མགོ་ལྗང་གུ་ལྔ་དང་ལྡན། །གཤོག་བཞི་ཕྱག་ནི་བཅུ་དྲུག་ན། །རྡོ་རྗེ་ལྕགས་ཀྱུ་སྦྲུལ་ཞགས་དང་། །མུ་སྟེགས་མགོ་དང་ཁ་ཊ༷་ག །རྡོ་རྗེ་རྩེ་དགུ་རྩེ་ལྔ་དང་། །རྩེ་གསུམ་རྩེ་གཅིག་གཡས་ན་བསྣམས། །རྡོ་རྗེ་ལྕགས་ཀྱུ་སྡིགས་མཛུབ་མེ། །ཐོད་ཁྲག་ལྷ་ཆེན་བརྒྱདཀྱིསྙིང། །གཤིནརྗེའིདབྱུག་པ་ལྕགས་ཀྱུ་དང་། །རྔེའུ་ཆུང་ཡུ་བ་ཁ་ཊ༷་ག །གཡོན་གྱི་ཕྱག་ན་རྣམ་པར་བསྣམས། །བཟླས་པའི་སྔགས་ནི་རབ་གསུངས་པ། །ཨོ་པདྨ་མ་ཧྭ་ཤི་ཧེ་རུ་ཀ མ་ཧྭ་ཙན་དྷ་སརྦ་དུཁུ། ཏ་ཀ་ཧ་ན་པ་ཙ་ཧུ༷་ཧུ༷་ཕཊ། སྐུའི་སྔགས་སོ། །ཨོ་པདྨ་སི་ཏ་སི་ཏ་ཧ་ཧེ་ཙཀྲ་སྨྱོ་སྨྱོ་ཧུ༷་ཧུ༷་ཕཊ། གསུང་གི་སྔགས་སོ། །ཨོ་ཧུ་ལུ་ཧུ་ལུ་ཧུ༷་ཕཊ། ཨོ་ཨ་ར་ལི་ཧུ༷་ཧེ༷༷ཛ། ཐུགས་ཀྱི་སྔགས་སོ། །ཨོ་ཧྲི་ཧ་ཧ་ཧུ༷་ཧུ༷་ཕཊ། ཡོན་ཏན་གྱི་སྔགས་སོ། །སྙི་དི་མ་ད་རི་རྒྱ་སྣྲི་བ་ཨེ་ཀ་ཛ་རྟི་ཧུ་ལུ་ཧུ་ལུ་སྤྱི༷༷ཛ༷༷ཛ༷༷། ཕྲིན་ལས་རྟ་མགྲིན་གྱི་སྔགས་སོ། །ན་མ༷༷ས་མརྙ་ཀྭ་ཡ་ལྷུ་ཀ་ཙིསྟ་བཛྲ་ནན། ཨོ་ཧུ༷་ཧུ༷་ཧུ༷། ཏ་རུ་ལ་བི་རུ་ལ། སརྦ་བི་ཥ་ཀྟ་ཏ་ཀ་ཛ་ལི་ཏ་བི་སྡུ་ལིསྐོ་ཨསྤྱོར་སྤྱོར་ཧྭ་ས་ནཱ་ད་ས་ཧི་ཏ། ཀ་པ་རི་ས་ཧོ་བ་ཏ༷་ཨད་དེ་བ་བཛྲ་ཁུ་ར་བྷ་ཏ་ན། ཙ་ཏ་བ་སུ་དྷ་ཏྭལ་ནི། ཤཱ་ས་མ་རུ་ཏྭ་ཨུ་་སྟ་དྷ་ར་ནི་དྷ་ར། བི་ཥ་ན་ཨ་སྐྱོ་ཧྭ་ས། ཨ་པ་ར་མི་ཏྭ། བ་ལ་བ་རྭ་ཀྲ་མ། ཨུརུ་ག་ཎ་སྟི་ཏ། བུརྙ་གུ་ཎ་བྲརྙ་བུརྙ། ཧ་ཡ་གི་བ་ཁ་ད་ཁ་ད་པ་ར་མ྅་ནཱ༷། སྦྱིན་སྤྱིཇི་སིད་ཏི་མི་རི་ཤ །ཨ་བེ་ཤ་ཡ་སརྦ་ཛ་ར། བི་ཤ་ཙྭན༷། སརྦ་གྲ་ཧེ་ཁུ་པྲ་ཏི་ཧ་ཏོ་བྷ་བ་བ་གི་ནན། བཛྲ་དོ༷རྫི་གིསྙི་ལྭ་ཡ་སི། ཨི་ད༷་དུཛི་གྲ་ཧ་ཎདུཛི་སརྦ་བྷ་རྙུ་ན་རྙུ་ན། མྱཐ་མྱ་ཐ། མ་རྡ་མརྡ། བ་ཏ་བ་ཏ། བ་ཏ་ཡ་བ་ཏ་ཡ། བྷན་དྷ་བྷན་དྷ། བྲརྙ་དྷརྨ། སདྨ་ཨ་ནུ་ཙྭ་ན། ཀརྨྱི་གུ་སྲ ཕྲི་གྲ་ན་ཧ་ཡ་སྤྱི་བཱ་ཕཊ། བཛྲ་ཡ་ཕཊ། བཛྲ་ག་རྭ་ཡ་ཕཊ། བཛྲ་ན་ཏྲེ་ཡ་ཕཊ། བཛྲ་ད༷་ཤཱ་ཡ་ཕཊ། བཛྲ་ཁུ་རྭ་ཡ་ཕཊ། བཛྲ་ཁུ་ར་ནིསྙེཏ་ནཱ་ཡ་ཕཊ། བ་ར་མན་ཏྲ་བི་ནཱ་ཤཱ་ཡ་ཕཊ།ཏྲེ་ལོ་ཀྱ་བྷ་ཡ༷་ཤ་ར་ཡ་ཕཊ། སརྦ་ཀརྨེ་ཤྭ་རྭ་པ་ཏི་ཧ་ཏྭ་ཡ་ཕཊ། བཛྲ་ཀུ་ལ་སན་ཏྲ་ས་ནཱ་ཡ་ཕཊ། ཧུ༷་ཧུ༷་ཧུ༷་ཕཊ་ཕཊ་ཕཊ་གྲྭ་ཧྭ། ཁྲོ་བོ་རྟའི་རྒྱལ་པོ་ཐམས་ཅད་ཀྱི་ཕྲིན་ལས་དཔལ་གྱི་ཕྲེང་སྔགས་སོ། །དཔལ་པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། སྐུ་དང་སྔགས་ཀྱིས་ལོག་འདྲེན་ཅན་ཐམས་ཅད་གནད་ལ་འབེབས་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱི་སེམས་ཉིད་རྫོགས་པའི་རྣལ་འབྱོར་འདི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་རྡོ་རྗེ་ལས་ཕྱུང་ངོ་། །སུ་བས་ས་ཡི་ཁམས་ཡིན་ཏེ། །ཁུ་བས་ཆུ་ཡི་ཁམས་སུ་འདོད། །དྲོ་བས་མེ་ཡི་ཁམས་ཡིན་ཏེ། ཁུ་བས་རླུད་དུ་རབ་ཏུ་གྲགས། །མི་ཤིགས་ཐིག་ལེར་གསུང་པ་སྟེ། །དེ་བས་ནམ་མཁའི་ཁམས་ཡིན་ནོ། །རེག་པ་ལས་ནི་ལྷ་མོ་སྤྱན། །དྲོ་བས་གོས་དཀར་མོ་ཞེས་བྱ། །ཆུ་ནི་མྱ་ལ་ཀི་ཞེས་བྱ། །འགྲོ་བས་རླུད་དུ་རབ་ཏུ་གྲགས། །བདེ་བས་རྡོ་རྗེ་དབྱིངས་ཕྱུག་མ། །ཐིག་ལེ་ཀུན་སྣང་བདེ་སྐྱོང་མ། །བདེ་ཆེན་བདེ་བ་ཆེན་པོ་ནི། །སྐད་ཅིག་ཙམ་དུ་ཉམས་མྱོང་བས། །འཕྲལ་དུ་ཡིད་ཆེས་བྱེད་པ་སྟེ། །ལོག་རྟོག་མ་ལུས་མཐོང་འགོག་པའོ། །དངོས་དང་དངོས་པོ་ལོག་རྟོག་དག །བཀག་ནས་རྣམ་པར་མི་རྟོག་པས། །བསྐལ་པ་སྟོང་ཕྲག་དུ་མར་ཡང་། །གནས་ནས་ཡེ་ཤེས་སྦྱོར་བར་བྱེད། །ཅུང་ཟད་ཅུང་ཟད་བསྒོམ་བྱས་པས། །གོང་ནས་གོང་དུ་ཁྱད་པར་འགྲོ། །མཐར་ནི་མི་རྟོག་ཏིང་འཛིན་དག །ལྷུན་གྱིས་གྲུབ་པ་ཐོབ་པར་འགྱུར། །མ་རྟོག་ཏིང་འཛིན་ལ་གནས་ནས། །དཔའ་བོ་དང་ནི་དཔའ་མོ་རྣམས། །རིང་ན་བཞུགས་ཀྱང་གཟིགས་འགྱུར་ཏེ། །དོན་ཀུན་འགྲུབ་པར་བྱེད་པའོ། །དགའ་དང་དགའ་བྲལ་དག་གི་དབུས། །མཚན་ཉིད་དམིགས་ལ་བསྟན་བྱས་པས། །ཐུན་ནམ་ཟླ་བྱེད་ཟླ་བ་ལོ། །བསྐལ་པར་ཡེ་ཤེས་ཆེ་ལ་སྦྱོར། །མི་རྟོག་པ་ཡི་ཏིང་འཛིན་གྱིས། །སྒྲིབ་པ་ལྔ་སྤངས་ལྷུན་གྲུབ་པའི། །བདེ་བ་ཆེན་པོ་མངོན་བྱས་ནས། །སྟོབས་སོགས་ཡོན་ཏན་རྣམས་ཀྱིས་བརྒྱན། །འདི་ནི་སེམས་ཅན་མ་ལུས་ལ། །སྤྱི་པའི་དོན་དུ་བཤད་པའོ། །སྟོན་ཀའི་དྲི་མེད་ནམ་མཁའ་ལ། །ཟླ་བ་འོད་ཟེར་ཀུན་སྣང་ལྟར། །གཟུང་འཛིན་སྤང་བའི་ཡེ་ཤེསནི། །བདག་གཞན་སྣང་གསལ་བྱེད་པའོ། །སྟོན་ཀའི་སྤྲིན་མེད་ནམ་མཁའ་ལ། །ཉི་མའི་འོད་ཟེར་ཤར་བ་ལྟར། །ཐབས་ཀྱི་ཡེ་ཤེས་གཉིས་པའོ། །དོན་དང་སེམས་ཅན་བཅས་སྣང་བྱེད། །སྤྲོས་མེད་མཁའ་དང་མུན་ལྟ་བུ། །སྣང་བྱེད་ཡེ་ཤེས་བསྒོམས་བྱས་པས། །རང་རིག་ཙམ་ལས་གྲུབ་པ་ཡི། །སྒྱུ་མའི་ལུས་འདི་ལེན་པར་བྱེད། །རང་བཞིན་ཙམ་དུ་འོད་གསལ་བའི། །རླུད་དང་ལྡན་པའི་རྣམ་ཤེས་ཀྱིས། །ཆུ་ཟླ་འདྲ་བའི་གཟུགས་མེད་པའི། །ཆགས་མེད་ལུས་ནི་འགྲུབ་པར་འགྱུར། །ཡིད་ཀྱི་ལུས་དང་ལྡན་པ་ཡི། །རྣལ་འབྱོར་པ་ཡིས་ཁམས་གསུམ་དུ། །བདག་དང་གཞན་གྱི་དོན་བྱས་ནས། །མཐར་ནི་རང་གནས་བདེ་བར་འགྲོ། །སྒྱུ་མའི་ལུས་ལ་ལྟོས་བྱས་ནས། །རིལ་པོར་འཛིན་དང་རྗེས་གཞིག་གིས། །དངོས་པོ་ཐམས་ཅད་བཤིགས་ནས་ནི། །དེ་ནས་སྣང་བ་མེད་པར་འགྲོ། །ཐོགས་པ་མེད་པར་ཐབས་ཀྱི་ཡེ་ཤེས་ཀྱིས། །སྣང་བ་ཐམས་ཅད་ནུབ་བྱས་ནས། །རང་སྣང་ཙམ་ལའང་ཆགས་མེད་པའི། །སྣང་བ་མེད་པའི་དབྱིངས་སུ་འགྲོ། །བདག་དང་གཞན་དུ་རྟོག་པ་ཡི། །རྣམ་རྟོག་དྲ་བ་བསལ་བ་ནི། །མཐའ་མེད་དམིགས་པ་མེད་པ་སྲ །སྣང་བ་མེད་པའི་ཚུལ་དུ་འགྲོ། །སྣང་བ་མེད་པའི་ཏིང་འཛིན་གྱིས། །སྣང་བ་ཙམ་ཡང་འཛིན་སྤངས་ཏེ། །ཡང་དང་ཡང་དུ་དོན་དམ་པའི། །བདེན་པ་མངོན་དུ་བྱས་པས་འགྲོ། །སྒྱུ་མ་ལྟ་བུའི་ལུས་ཀྱི་འབད་མེད་པར། །འདོད་པ་ཆགས་བཅད་ནམ་མཁའ་ལས། །འབད་པ་མེད་པར་རྙེད་འགྱུར་ཏེ། །བདག་དང་གཞན་རྣམས་བདེ་བར་འཚོ། །ཡིད་ཀྱི་ལུས་ཚད་བཟུང་ནས་ནི། །བདག་དང་གཞན་གྱི་དོན་འགྲུབ་ཅིང་། །དམིགས་པ་ཐམས་ཅད་ཟད་བྱེད་པར། །འགྲོ་མེད་གནས་སུ་ནམ་ཞིག་འགྲོ། །འདིས་ནི་འགྲོ་བ་སངས་རྒྱས་པར། །དྲང་ཕྱིར་སྦས་པའི་དོན་དུ་བཤད། །དང་པོ་ས་ནི་ཆུ་ལ་ཐིམ། །ཆུ་ཡང་མེ་ལ་ཐིམ་པར་འགྱུར། །མེ་ཡང་རླུབ་ལ་ཐིམ་པར་འགྱུར། །རླུད་ཡང་རྣམ་པར་ཤེས་ལ་འཇུག །རྣམ་ཤེས་གཟུང་བ་དེ་དག་ནི། །འོད་གསལ་བར་ནི་འཇུག་པར་འགྱུར། །སྟོབས་ཆེན་པོ་ལ་སོགས་པ་ཡི། །ཆེ་བའི་ཡོན་ཏན་རྣམ་བརྒྱན་པ། །བདེན་གཉིས་སྦྱོར་བ་ཟུང་འཇུག་སྐུ། །བདེ་བ་ཆེན་པོ་དེ་ཐོབ་འགྱུར། །མཁའ་འདྲའི་ཆོས་སྐུ་སྟོང་པ་ལ། །རྟོག་མེད་ཡེ་ཤེས་མཁའ་འདྲ་བ། །ཚོགས་དང་སྨོན་ལམ་སྟོབས་དག་གིས། །འབད་པ་མེད་པར་ལྷུན་གྱིས་གྲུབ། །ཟུང་དུ་འཇུག་པའི་ཏིང་འཛིན་གྱིས། །ཉོན་མོངས་པ་ཡི་སྒྲིབ་པ་དག །བསགས་པའི་སྒྲིབ་པ་རྣམས་སྤངས་ཤིང་། །ཕུན་སུམ་ཚོགས་པ་ཐོབ་འགྱུར་ཏེ། །གང་དུ་རྣམ་པར་ཐར་པ་ཡི། །འདོད་པ་ཙམ་གྱི་འགྲོ་འོང་ལྡིང་། །འཇའ་འདྲའི་ལོངས་སྤྱོད་རྫོགས་སྐུ་ལས། །འབད་པ་མེད་པར་སྤྲུལ་པའི་སྐུ། །མཐའ་ཡས་རྡུལ་བྲལ་ཇི་བཞིན་པར། །སེམས་ཅན་དོན་ཀུན་འགྲུབ་པར་མཛད། །གང་དང་གང་གིས་འདུལ་གྱུར་པ། །དེ་དེ་བཞིན་དུ་སོ་སོར་སྣང་། །མོས་པའི་སྣང་བ་ཐ་དད་པར། །སེམས་ཅན་རྣམས་ནི་འདུལ་བར་འགྱུར། །ལྷུན་གྲུབ་བདེ་བ་ཆེན་པོའི་སྐུ། །རང་སྣང་རིག་མས་ཉར་བརྒྱན་པ། །འོག་མིན་གནས་སུ་དུས་རྟག་ཏུ། །མཚན་དང་དཔེ་བྱད་བརྒྱན་པས་བཞུགས། །ཡིད་བཞིན་ནོར་ལྟར་བསམས་ཙམ་གྱིས། །འབད་མེད་བདག་དང་གཞན་གྱི་དོན། །ཆེ་བའི་ཡོན་ཏན་རྣམ་བརྒྱན་སྐུ། །བདེ་བ་ཆེ་ལས་འབྱུང་བར་འགྱུར། །རང་སྣང་རླུད་དང་ལྡན་པའི་ལུས། །འཇའ་ཚོན་བཞིན་དུ་མཐའ་མེད་པ། །སྟོང་པ་གསུམ་ལ་གོམས་དབང་གིས། །ཐོགས་པ་མེད་པར་འབྱུང་བར་འགྱུར། །འདི་ནི་འགྲོ་རྣམས་སངས་རྒྱས་ཕྱིར། །མཐར་ཐུག་པ་ཡི་དོན་དུ་བཤད། །ཅེས་ཧེ་རུ་ཀ་འཇིགས་རུང་། །སྐུ་ཡི་གར་གསུམ་བསྟན་པ་ནི། །སྐུ་ལ་ཚོར་བ་བདེ་སྡུག་ནུབ། །ཚངས་པའི་གསུང་དབྱངས་རྟ་སྐད་རྒོད། །དེ་བཅོམ་རྟགས་སུ་ཞལ་གཡས་བཞད། །ཚོགས་ཀྱི་བདག་པོ་གླང་སྣ་གཤེ། །དེ་བཅོམ་ཞལ་གཡོན་ཁྲོ་བར་བཤད། །སྒྲ་གཅན་ཉི་ཟླ་ཁར་མིད་རྔམ། །དེ་བཅོམ་དབུས་ཀྱི་ཞལ་དམར་རྔམ། །གསུང་གི་གར་གསུམ་བསྟན་པ་ནི། །གསུང་ལ་ཚོར་བ་བདེ་སྡུག་ནུབ། །བརྒྱ་བྱིན་ལག་ན་རྡོ་རྗེ་ཐོགས། །ལྷ་རྣམས་སྙིང་རྗེའི་སེམས་ཀྱི་སྐྱོང་། །དེ་བཅོམ་པས་ནི་སྙིང་རྗེ་མཛད། །ཀླུ་ཆེན་སེ་ཤ་ཙ་ར་ཡིས། །འགྲེ་ལྡོག་བྱས་པས་ས་འགུལ་བྱུང་། །དེ་བཅོམ་ཀླུ་བརྒྱན་ངོ་མཚར་ཆེ། །མེ་ལྷས་སྟོང་གསུམ་མེ་ཡིས་བཤིག །དེ་བཅོམ་མེ་དཔུང་དབུས་ན་བཞུགས། །ཐུགས་ཀྱི་གར་གསུམ་བསྟན་པ་ནི། །ཐུགས་ལ་ཚོར་བ་བདེ་སྡུག་ནུབ། །དེ་ནས་པདྨ་ཧེ་རུ་ཀས་དཔལ་གྱི་རྟ་སྐད་ཀྱིས་ཕྱོགས་བཅུའི་དྲེགས་པ་ཅན་བ་་ལོ། །དངས་མའི་བདུད་རྩི་ཁྱབ་འཇུག་གཟའ་ཡིས་འཐུངས། །ཕྱག་རྡོར་འཁོར་ལོས་ལུས་ཀྱང་དུམ་བུ་བརྒྱད། །སྙིགས་མ་དུག་ཏུ་གྱུར་ཏེ་གནོད་སེལ་ཕྱིར། །སྤྱན་རས་སྐུ་ཁྲོས་མགུར་དུ་ཐིམ་པ་ནི། །ཁྲོ་བོ་མདོག་སྔོན་གདུག་པ་མ་ལུས་འདུལ། །ལོ་རྒྱུས་དོན་གྱིས་ཕྱི་རབས་ཡིན་ཆེས་བཤད། །སྣོད་ཀྱི་འཇིག་རྟེན་ལྕགས་རི་ནག་པོའི་ནང་། །ཕྱི་ཡི་རྒྱ་མཚོ་ཞོ་ལས་དཀྲུག་པའི་མར། །རི་རབ་སྲུབ་ཤིང་ཀླུ་སྦྲུལ་སྲུབ་ཐག་བཅས། །རྒྱལ་ཆེན་སྡེ་བཞིས་རབ་ཏུ་དཀྲུགས་པ་ལས ཚངས་པའི་གསུང་གིས་ཆོས་འཁོར་བསྐུལ་མ་འདེབས། །དེ་འདུལ་གསུང་དབྱངས་དྲུག་ཅུ་ཚངས་པའི་སྐད། །འཇིག་རྟེན་འཁོར་བར་ཡུན་རིང་གནས་ནས་ཀྱང་། །རྟ་མཆོག་རིན་ཆེན་ཡིད་བསྲིང་འགྲོ་དོན་མཛད། །ཅང་ཤེས་རྟ་ཡིས་མྱུར་དུ་བགྲོད་པ་ལྟར། །འགྲོ་དྲུག་འཁོར་བའི་གནས་ནས་འདྲེན་པར་མཛད། །དེ་ནི་འགྲོ་བ་ལམ་འདིར་གཞུག་པའི་ཕྱིར། །གདུལ་བྱར་བཤད་པས་འགྲོ་བ་འདུལ་བར་བྱེད། །གཏི་མུག་ཅན་དང་ང་རྒྱལ་ཅན། །འདོད་ཆགས་ཅན་དང་ཕྲག་དོག་ཅན། །ཞི་བའི་ལས་དང་རྒྱས་པའི་ལས། །དབང་དང་དྲག་པོས་འདུལ་བར་སྟོན། །ལྗང་གུ་དྲག་པོ་དམར་པོ་དབང་། །སེར་པོ་རྒྱས་པ་དཀར་པོ་ཞི། །རྟ་གདོང་ཕྲིན་ལས་བཞི་མཛད་པས། །རྟ་མགོ་ལ་ཡང་རིགས་བཞིའི་མདོག །གདུལ་བྱ་མ་ལུས་ཐམས་ཅད་ཀུན། །འདུལ་ཕྱིར་ཕྲིན་ལས་དག་ཏུ་བཤད། །ཞལ་ནས་རྟ་སྐད་སྒྲ་སྒྲོགས་པས། །ཕེ་ཕེ་ཧྲི་སོགས་གསང་སྔགས་འདྲེན། །རྟ་ཡི་སྐད་ཅེས་བྱ་བ་ཡང་། །རྟ་ཞལ་གསུང་དུ་སྒྲོགས་པའོ། །བརྡའ་དང་རྟ་སྐད་འགྱིང་སྐད་གསུམ། །རྣལ་འབྱོར་དགོངས་པས་མ་ཤེས་སྐྱོན། །ཐུགས་དམ་མི་འཁྲུལ་དབང་མི་འདུས། །དགྲ་བགེགས་མི་ཐུལ་སྐྱོན་དུ་འགྱུར། །རྣལ་འབྱོར་གང་གིས་རྟ་སྐད་ཀྱི། །དགོད་པ་དོན་ལྡན་ཤེས་པ་ནི། །ཐུགས་རྗེས་བཞེངས་དང་ཁས་བླངས་དྲན། །ཕྲིན་ལས་སྐད་ཅིག་ཡུད་ལ་འགྲུབ། །དེ་ཕྱིར་རྟ་སྐད་དགོངས་པ་ཟབ། །ལུས་ངག་ཡིད་གསུམ་སྐུ་གསུམ་ཉིད། །དུག་ལྔ་ཡེ་ཤེས་ལྔར་སྒྲོལ་ནས། །གང་གིས་གདེང་གྱུར་རྣལ་འབྱོར་རབ། །མི་ཞེས་བྱས་ཀྱང་སངས་རྒྱས་ཡིན། །སྣོད་ཀྱི་འཇིག་རྟེན་གཞལ་ཡས་དབྱིངས། །བཅུད་ཀྱི་སེམས་ཅན་ཡེ་ཤེས་ལྷ། །འབྲེལ་པས་བདེ་ཆེན་སྲས་སུ་རིགས། །རྣལ་འབྱོར་འབྲིང་གི་དགོངས་པའོ། །ལུས་ཉིད་ལྷ་ལ་ངག་ཉིད་སྔགས། །སེམས་ཉིད་ཆོས་ཉིད་ཐ་མའོ། །མྱ་ངན་འདས་པའི་ཆོས་རྣམས་ཀུན། །རྟེན་དུ་གྱུར་པས་ཆོས་ཀྱི་སྐུ། །རང་བཞིན་སྐྱེ་མེད་བརྡའ་སྤྲོད་གོ །དེ་ཉིད་ཆོས་སྐུའི་གསུང་ཡིན་ནོ། །ལོངས་སྐུ་དགོངས་པ་བརྡའ་ཡི་གསུངས། །མེ་ལོང་ནང་གི་བྱད་ལྟ་བུ། །གཙོ་བོའི་སྐུ་ལ་བལྟས་པ་ཡིས། །རང་གི་ཤེས་བྱའི་སྒྲིབ་པ་དག །དེ་ནས་ཆོས་སྐུའི་ས་རུ་འགྲོ། །བྱང་ཆུབ་སེམས་དཔའ་མངོན་སངས་རྒྱས། །སྐུ་གསུང་ཐུགས་ནི་རྣམ་པ་གསུམ། །གསང་བ་བསམ་གྱིས་མི་ཁྱབ་ཅིང་། །ཐམས་ཅད་ས་རུ་གནས་པས་ན། །མི་ཟད་རྒྱན་གྱི་འཁོར་ལོ་ཆེ། །ཨོ་ནི་རྣམ་པར་བརྗིད་པའི་སྐུ། །ཨུ༷༷ནི་སྨྲ་བརྗོད་འབྱུང་བས་གསུང་། །ཧུ༷་ནི་འདོད་དགུར་མཁྱེན་པས་ཐུགས། །རྒྱལ་བའི་ཞིང་ཁམས་འདི་ཡིས་སྐྱོང་། །ཚངས་པའི་ལྷ་ཡི་གསུང་བཞིན་དུ། །སྲིན་པོ་འདུལ་ཡང་སྐྱོན་མ་གོས། །དཔེར་ན་མེ་ཏོག་པདྨ་སྐྱེས། །འདམ་གྱི་སྐྱོན་གྱིས་ག་ལ་གོས། །དེ་ཉིད་གྲོགས་སུ་གྱུར་པ་སྟེ། །འདམ་མེད་པདྨ་གང་ལས་སྐྱེ། །རི་རབ་རྩེ་ནི་ལྷ་གནས་ཏེ། །རི་རབ་ཁོང་སེང་ལྷ་མིན་ཡུལ། །གླིང་བཞིར་མི་གནས་མཐོ་རིས་གསུམ། །ཕྱི་ཡི་རྒྱ་མཚོ་དུད་འགྲོ་ལ། །གྲོང་ཁྱེར་སེར་སྐྱ་ཡི་དྭགས་ཉིད། །རྡོ་རྗེ་གདན་འོག་དམྱལ་བའི་གནས། །ཀུན་གྱི་སྐད་དུ་ཆོས་སྟོན་པས། །ཐུགས་རྗེའི་རྟ་སྐད་རིགས་དྲུག་འདུལ། །ལུས་ངག་ཡིད་ཀྱི་བརྡའ་སྤྲད་ན། །ཕོ་མོ་མཐུན་པའི་དཔེ་བཞིན་ཤེས། །དཔེར་ན་ཁུ་ཏས་གཟན་མཐོང་ལྟར། །མ་དང་མཁའ་འགྲོ་འགྲུབ་ནས་བྱོན། །མ་མོ་མཁའ་འགྲོ་ལ་སོགས་ལ། །མཐུན་པའི་ཤ་ཁྲག་གཏོར་མ་འབུལ། །ལས་བཞིའི་ཕྲིན་ལས་བཅོལ་བར་བྱ། །ཇི་ལྟར་དམིགས་པ་བཞིན་དུ་འགྲུབ། །ངོ་བོ་ངེས་ཚིག་དབྱེ་བ་དང་། །སྐྱོན་དང་ཡོན་ཏན་རང་བཞིན་བཤད། །རྟ་ཡི་འགྲོས་དགུ་བསྟན་པ་ཡང་། །དཔུང་ལག་སྒྲོག་འགྲོས་ལྷ་དང་མི། །གདོལ་པ་ལྕགས་བཅུག་ཉན་ཐོས་འདྲ། །ཕོ་ཉ་སྲུན་འགྲོས་རང་སངས་རྒྱས། །འཇབ་ཚེ་གཟེངས་ནི་མདོ་སྡེ་ཉིད། །གོམ་བུ་མྱོལ་འགྲོས་ཀྲི་ཡ་བ། །སྤྱང་མོ་མདུལ་འགྲོས་ཡོ་ག་ཉིད། །རོལ་མོའི་སྟབས་པ་མ་ཧྭ་ཡིན། །མཇལ་མོ་དཀྱུས་འགྲོ་ཨ་ནུ་སྟེ། །དཀྱུས་སུ་ཚར་འགྲོས་ཨ་ཏི་ལ། །རྟ་ཡི་འགྲོས་ནི་དགུར་བསྟན་པས། །པདྨ་དབང་ཆེན་རྟ་གདོང་ཞལ། །རྟ་སྐད་དགོངས་པར་འདུས་པས་གསུངས། །ཁམས་གསུམ་དབང་དུ་སྡུད་པར་བྱེད། །འཁོར་འདས་དབང་གི་སྐུར་རྫོགས་ལ། །ཐེག་པའི་རིམ་པ་རྟོགས་པས་ན། །དཔེ་དང་དོན་དུ་བཤད་པའོ། །ཞེས་གསུངས་སོ། །པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། རྟ་སྐད་ཀྱི་དགོངས་པ་ཧེ་རུ་ཀའི་གནས་བཅུ་དང་། དུར་ཁྲོད་ཆེན་པོའི་གནས་བརྒྱད་ན་གནས་པ་རྣམས། ཧེ་རུ་ཀའི་གནས་བཅུ་ན་གར་དགུ་མཛད་དེ། འཇིག་རྟེན་དྲེགས་པ་ཅན་རྣམས་འདུལ་བར་གནད་ལ་ཕབ་པ་སྟེ་ལེའུ་ལྔ་པའོ།། །།དེ་ནས་དྲེགས་པ་ཅན་མ་ལུས་པའི་སྲོག་གནད་ལ་འབེབས་པ་རྣམས་གསུངས་སོ། །འདི་ནི་ལྷོ་ཕྱོགས་ཕ་རོལ་གྱི། །དཔག་ཚད་བརྒྱད་ཁྲི་བཞི་སྟོང་འདས། །སྤྲིན་དང་ན་བུན་ཚུ་རོལ་ན། །འཇིག་རྟེན་འདས་དང་མ་འདས་ཀྱི། །ས་མཚམས་ལྷོ་ཕྱོགས་གྱད་ཀྱི་ཡུལ། །བླ་མཚོ་ནག་པོའི་ནང་ཤེད་ན། །ཉིན་བཞིན་བསྐལ་པའི་རླུང་ནག་འཅོས། །མཚན་བཞིན་འཇིག་དུས་མེ་ལྟར་འབར། །ཐོད་པ་ལྕགས་ཀྱི་གྲོང་ཁྱེར་ན། །གསོན་གཤིན་གཉིས་ཀྱི་ཟམ་ཁ་ན། །གསོན་པོ་སྐོས་ལ་འདེབས་པར་བྱེད། ཁེ་བ་རྣམས་ཀྱི་གཤིན་རྗེ་བྱེད། །དགེ་བྱེད་རྣམས་ཀྱི་སྟོང་འཛིན་ཅིང་། །སྡིག་པ་ཅན་གྱི་ཆད་པ་མཁན། །དམ་ཉམས་ཁྲམ་ལ་འདེབས་བྱེད་ཅིང་། །དམ་ཚིག་ཅན་གྱི་གྲོགས་ལ་བརྩོན། །ཆོས་རྒྱལ་གཤིན་རྗེ་ཞེས་བྱ་བ། །མངོན་ཤེས་རྫུ་འཕྲུལ་བྱིན་རླབས་ཅན། །ཨག་ཅེའི་ཕྱོགས་ན་གནས་བཅས་པ། །ནག་པོ་སེང་དགོང་རལ་པ་ཅན། །སྲོག་པ་རྩ་ལ་འཁོར་ལོ་བསྐོར། ཁུངས་པ་དཀར་ལ་རྟ་དཀར་རྒྱུག །རཀྟ་དམར་ལ་རབ་ཏུ་འཇིབ། །རྣམ་པར་ཤེས་པ་ཧུབ་གྱིས་འདེབས། །སྐྱེ་འགྲོའི་དབུགས་ལ་སྦར་ཟིན་བྱེད། །འཆི་བདག་བེ་བྷ་སྭ་ཏའི་འཁོར། །གཤིན་རྗེའི་བྱེ་བ་ས་མ་ཡ། །སྙིང་དང་ཀླད་པ་རྩ་ལ་རྒྱུག །སྲོག་གི་དབང་པོའི་བདག་པོ་བྱེད། །འཆི་བའི་བདག་པོས་གསད་པའི་ཐབས །སྔགས་པ་གཤིན་རྗེའི་ཆས་སུ་ཞུགས། །རབས་ཆད་ཨག་ཙེ་ནག་པོ་ལ། །འཆི་བདག་གཟུགས་བྲིས་དགྲ་དང་སྦྱར། །བྲག་ཕུག་ལྷོར་བལྟའི་ནང་གནས་ལ། །སྐྱེ་ཚེ་སྐྱེ་བ་ཟི་ར་དང་། །ཚ་དང་ཐལ་ཆེན་ཉུང་དཀར་དུག །ཕྱི་མའི་སྦྱོར་བས་ཀླད་ཁུག་བྲབ། །དགྲ་བོའི་སྟེང་དུ་བབས་པ་དང་། །དེ་མ་ཐག་ཏུ་འཆི་བར་ངེས། །ཨོ་ཡ་མ་རྭ་ཙ་དྲི་ཤ་ཀུ་རུ་རྦད། ཐུམ་རིལ་རྦད། མྱ་ར་ཡ་ཆེ་གེ་མོ་སྙིང་ཕྱུང་རྦད་ཕཊ། རྔུབས་ཧྲིལ་རྦད་སོད། རྦད་ཆེ་གེ་མོ་མྱ་ར་ཡ་རྦད། །འཆི་བདག་རྒྱལ་པོའི་མོད་མོའི་སྔགས། །རྣལ་འབྱོར་མན་ངག་གདེང་ལྡན་པས། །ཞག་བདུན་མི་སྨྲ་སྨྲ་བཅད་བཟླས། ཁྲ་ཟ་ཁྲག་འཐུང་ངེས་པར་རྒྱུག །ཁྲག་ཟད་སོགས་ཀྱིས་མནར་གྱུར་ནས། །དབུགས་ཀྱིས་བོར་ནས་འཕོ་བར་འགྱུར། །འཆི་བདག་གཤིན་རྗེ་བྷ་སྭ་ཏའི་དམོད་མོས་གསད་པའི་ཏིང་ངེ་འཛིན་ཏོ། །དུས་གསུམ་བདེ་གཤེགས་ཀུན་གྱི་ཡུམ། །སྲིད་པའི་དམ་ཅན་ཀུན་གྱི་མ། །ལྷ་སྲིན་སྡེ་བརྒྱད་རྗེ་མོ་སྟེ། །མཁའ་ལ་སྲོག་གི་མངའ་མཛད་མ། །སྲིད་པའི་དབང་ཆེན་མ་ཡིས་མཛད། །ལྷ་དང་བདུད་དང་གནོད་སྤྱིན་ཏེ། །མི་སྲུན་པ་རྣམས་མ་མོས་བསྐྱེད། །དེ་ཕྱིར་སྲིད་པའི་ཁམས་འདིར་ནི། །སྐྱེ་འགྲོའི་སྲོག་ལ་དབང་ཆེན་མ། །མ་མོ་རྣམས་ཀྱི་རྒྱལ་མོ་ནི། །ཨེ་ཀ་ཛ་ཏི་གསང་བའི་ཡུམ། །དབུ་གཅིག་ཕྱག་གཉིས་ཞབས་གཉིས་བགྲད། །སྨུག་ནག་རལ་བས་ས་གཞི་ཁེབས། །རལ་པ་སྐྲུགས་པའི་སྐྲ་གསེབ་ནས། །ཕོ་ཉ་དྲུག་ཅུ་རྩ་བརྒྱད་འགྱེད། །ནམ་མཁའི་ཀློང་ནས་མ་མོ་ནི། །ལས་བྱེད་སྟོང་དང་རྩ་བརྒྱད་འགྱེད། །མཆེ་ བའི་བར་ན་ཟ་བྱེད་དང་། །སྒྲོལ་བྱེད་མུ་ཁ་བརྒྱད་རྣམས་འགྱེད་། །སྨིན་མ་གཡས་གཡོན་དཀྱིལ་འཁོར་ནས། །གཟའ་བདུད་བརྒྱད་རྣམས་ལས་ལ་འགྱེད། །རྫི་མ་འགྲུགས་པའི་བྱིན་རླབས་ལས། །རྒྱུ་སྐར་ཉི་ཤུ་རྩ་བརྒྱད་འགྱེད། །སྤྱན་མིག་གཡས་དང་གཡོན་པ་ན། །ཉི་མ་ཟླ་བའི་ཆོ་འཕྲུལ་གཏོང་། ཁྲངས་ཀྱི་རླུད་སྒྲོམ་འབར་བ་ལས། །བསྐལ་པའི་རླུད་ནག་འཚུབས་མར་འཁྱིལ། །ཞལ་གདངས་ཁ་རླངས་ནག་པོ་ལས། །འཇའ་ཚོན་སྤྲིན་ཕུང་འཁྲིགས་པ་ལས། །ནད་རིགས་རྣམ་ལྔའི་ཆར་པ་འབེབས།།སྲིད་པའི་མ་མོས་སྟོང་གསུམ་བཀང་། །ཁ་ནས་མ་མོའི་དམོད་སྔགས་བཟློས། །དེ་ཡི་དབང་ཆེན་མ་ཚོགས་ཀྱིས། །དམ་ལས་འདས་པ་གསང་བའི་ཐབས། །དུར་ཁྲོད་ཆེན་པོའི་གནས་དག་ཏུ། །མ་མོའི་ཆས་སུ་ཞུགས་ནས་སུ། །མནོལ་གྲིའི་ཁྲག་ལ་དམོད་སྔགས་བཟླས། །གཟུགས་བརྙན་སྟེང་དུ་དྲག་ཏུ་སྐྱོམ། །མ་མ་ས་ཡ་ཧིར་ཧིར་ཁྲག་ཏུ་ཏི་བབ་ཏི་བབས་ཆེ་གེ་མོའི་སྲོག་འདྲིལ་བླ་འདྲིལ། ཨི་བ་ཐུམ་མ་ཧྭ་པྲ་འདུ་པྲ་འདུ། སྤྲིག་སྤྲིག་མ་ཙ་རུ་ཏི་ཧིབ་ཧིབ་སྨྱོ་སྨྱོ། ཞག་བདུན་བསྒྲུབ་པ་བྱས་ནས་ནི། །མ་མོའི་དྲག་སྔགས་དམོད་པ་འདི། །ཁྲག་ཐུན་དགྲ་བོའི་རྗེས་ལ་བརྡེག །མོད་ལ་ཁྲག་སྐྱུག་འཆི་བར་ངེས། །མ་མོའི་རྡེག་སྔགས་དེ་མོད་པས། །དགྲ་བགེགས་བསྒྲལ་བའི་ཏིང་འཛིན་ཏོ། །སྐྲུག་ནག་འབར་བའི་མཁར་ནང་ནས། །སྲོག་བདག་བདུད་ཕོ་མི་ཟན་ཏེ། །ཕག་མོ་ཞོན་ནས་སྟོང་གསུམ་རྒྱུག །གཅེར་བུ་རལ་པ་མུན་ལྟར་གཏིབས། ཁེན་ཏུ་འབར་བ་ཁྲག་གི་མིག །སྣ་ནས་མུ་ལུང་འ་ས་ནག་འཁྱིལ། །ཟ་བྱེད་ཆེན་པོའི་ཞལ་གདངས་ནས། །གློག་ལྟར་མྱུར་བའི་ལྗགས་འདྲིལ་ཞིང་། །དུང་གི་མཆེ་བས་མནའ་ཟན་སྒྲོལ། །སྐྱེ་འགྲོ་ཀུན་གྱི་དབུགས་ལེན་བྱེད། །ཞལ་ནས་བདུད་ཀྱི་དམོད་སྔགས་ཟློས། །བསྐལ་པ་གསུམ་གྱི་ཕ་རོལ་ན། །འཇིག་རྟེན་མུན་ལྟར་གཏིབས་ནས་རྒྱུག །སྲིད་པ་གསུམ་གྱི་ཡང་རྩེ་ནས། །དྲག་པོའི་ཐོག་ལྟར་འདྲིལ་ཞིང་མཆོང། །འགྲོ་བ་མི་ལ་གཉའ་ཟུངས་བྱེད། །དུད་འགྲོ་ཕྱུགས་ལ་སྦར་ཐེབས་བྱེད། །ལྕགས་ཀྱི་སྦར་མོས་ཧབ་ཐོབ་བྱེད། །ཟངས་ཀྱི་སེན་མོས་གློ་སྙིང་འབྲེགས། །སྐྱེ་འགྲོ་ཀུན་གྱི་སྲོག་གཅོད་པོ། །བདུད་ཀྱི་རྒྱལ་པོའི་དྲག་སྔགས་ནི། །སྔགས་པ་བདུད་ཀྱི་ཆས་སུ་ཞུགས། །བདུད་རྩི་རཀྟ་སྨན་སྦྱར་ཏེ། །སྣང་སྲིད་སྲོག་ལ་བདུད་དབང་བསྐུར། །དགྲ་གཟུགས་དུག་གི་ལོ་མར་བྲིས། །བྲག་ནག་རྩ་རུ་ག་་པོས་འདུག ་་་དཀར་ཉུང་ནག་ཐལ་ཆེན་དང་། །མངལ་ཁྲག་ཁྱི་ཁྲག་གཟུགས་ལ་སྐྱོམ། །ཞག་བདུན་མི་བར་མི་གཅད་པར། །བདུད་ཀྱི་དྲག་སྔགས་རབ་ཏུ་ཟློས། །རུ་་་རུ་་། སུ་རུ་སུ་སྲ ཏི་སྟ་ཏི་སྟ། ཏི་རི་ཏི་རི། ལུབ་ལུབ་ཛུ་ཛུ། བདུད་ནག་པོ་ཙག་གྲུ་ཀྭ་ལ་རུ་ཏྲ་མུ་ར་ཡ། རྩེ་རམ་དགྲ་བོའི་སྙིང་ལ་ཤོག །ལྷུང་མ་དགྲའི་སྙིང་ལ་ཤོག །་ག་ཕྲོམ་དགྲ་བོའི་སྙིང་ལ་ཤོག །ཞག་བདུན་དགྲ་བོའི་ཚེ་སྲོག་འབྲལ། །གལ་ཏེ་འགོར་ནས་རྟགས་མེད་ན། །བདུད་ཀྱིས་སྙིང་ཕྱུང་ཟོས་བསམ་ནས། །དགྲ་བོའི་ཁྱིམ་དུ་གཏོར་བྱས་ན། །དེ་མ་ཐག་ཏུ་མྱགས་ཀྱིས་འགྲོ། །བདུད་ཀྱི་དྲག་སྔགས་དམོད་མོས་དགྲ་བགེགས་གདུག་པ་ཅན་བསྒྲལ་བའི་ཏིང་ངེ་འཛིན་ཏོ། །ཕོ་བྲང་ཡིད་འོང་རྒྱ་མཚོའི་ཆུ། །ངོ་མཚར་ཆུ་བོ་བཞི་འབབས་ས། །འདམ་བུ་མེ་ཏོག་ཚལ་གྱི་གླིང་། །དུག་གི་ན་བུན་སྤྲིན་འཁྲིགས་ནས། །དུག་སྐྲུལ་ར་བ་བདུན་གྱིས་བསྐོར། །རིན་ཆེན་འབར་བའི་གཞལ་ཡས་ནང་། །པདྨ་བརྩེགས་པའི་དཀྱིལ་སྟེང་ན། །ཆུ་སྲིན་འབུམ་གྱི་ཁྲི་སྟེང་ན། །གདུག་པ་ཀླུ་ཡི་རྒྱལ་པོ་ནི། །སྤྲུལ་མགོ་དགུ་ཡི་གདེངས་ཀ་ཅན། །དགུ་ཀ་རིན་ཆེན་འབར་བས་བརྒྱན། །རལ་པ་སྦྲུགས་པའི་སྐྲ་གསེབ་ནས། །སྡོམ་དང་སྡིག་པ་ཆར་དུ་འབེབས། །ཁྲོ་གཉེར་མགོ་ལ་སྦྲུལ་ནག་འཕྲོ། །མཐིང་གའི་འོད་ཟེར་ཕྱོགས་བཅུར་འགྱེད། །སྦྲུལ་ནག་འབུམ་གྱི་དཀྱིལ་ན་བཞུགས། །ནག་པོའི་ཀླུ་རིགས་གྲངས་མེད་འཁོལ། །རོ་ཉེའི་ཁ་ནས་དམོད་སྔགས་བཟློས། །གདུག་པའི་མཛེ་ནད་བཅོ་བརྒྱད་གཏོང་། །ཀླུ་ཡིས་དགྲ་བོ་བསྒྲལ་བའི་ཐབས། །རྒྱ་མཚོའི་འགྲམ་དུ་ཞག་བདུན་འདུག །སྔགས་པ་ཀླུ་ཡི་ཆས་སུ་ཞུགས། །ཁ་ར་སྦང་མ་ཙསྡོན་དང་། ཁྲ་རུལ་ཉ་རུལ་ཁྲག་རུལ་དང་། །སྦྲང་རྩི་བུ་རམ་སྒོ་ང་དང་། །སྐྱེ་ཚེ་སྒོག་པ་ཕྱེ་མར་བཏག །རིལ་བུ་བྱས་པ་བརྒྱ་རྩ་བརྒྱད། །རིལ་བུ་རེ་རེའི་དཀྱིལ་དུ་ནི། །དགྲར་མིང་གྲོ་གར་བྲིས་ལ་གཞུག །རིལ་བུ་རེ་ལ་དྲག་སྔགས་ནི། །བརྒྱ་རྩ་བརྒྱད་དུ་བཟླས་པར་བྱ། །ནཱ་ག་ར་ཙ་ས་མ་ཡ་ཛ༷༷། ནག་མོ་ཙིསྟ་མ་རྭ་ཡ་ཛ༷༷། ནཱ་ག་བྷ་ལིང་དུང་བཱ་ཛ༷༷། ནཱ་ག་སུ་པྲ་ཏི་ས་མ་ཡུ་ཛ༷༷། ནཱ་ག་ཙིརྟི་ཁྲག་ཏི་བཱ་ར་ཡ་རྦད། ཆེ་གེ་མོའི་ཙིཏི་ཙི་ཙི་ཛ་ལ་མུ་ར་ཡ་ཛ༷༷། ནཱ་ག་ཤིག་ཡ༷་ཡ༷་ཛ་ཛ༷༷། ཞག་བདུན་ཀླུ་ཡི་དམོད་སྔགས་བཟླས། །ཐེ་ཚོམ་མེད་པར་དགྲ་སྙིང་བསྒྲལ། །ཀླུ་ཡི་དྲག་སྔགས་དམོད་པའི་ཏིང་ངེ་འཛིན་ཏོ། །དམུ་བདུད་ཆེན་པོ་ཧ་ལ་ཀ །བར་སྣང་ཁམས་སུ་རྒྱུག་བྱེད་ཅིང་། །སྐར་ཆེན་འབར་བའི་ཐོད་ཆེན་བཅིངས། །སྔོན་དུ་སུ་འཕྲད་ཁྱུར་མིད་བྱེད། །ལྷ་ཆེན་བརྒྱད་ཀྱི་དབང་པོ་བྲལ། །ཀླུ་ཆེན་བརྒྱད་ཀྱི་དོན་སྙིང་འབྱིན། །རྒྱུ་སྐར་རྣམས་ཀྱི་གྲལ་ཡང་དཀྲུག །བར་སྣང་དགུ་ཚིགས་དུམ་བུར་གཏུབ། །སྲིད་པའི་རི་རབ་ཙོག་པོར་འཕང་། །རྒྱ་མཚོ་ཆེན་པོ་ཞོ་ལྟར་དཀྲུག །ཉི་མ་ཟླ་བ་ཀླད་ལ་བསྐོར། འཇིག་རྟེན་རྒྱང་མར་འཕེན་པ་ཡི། །གནོད་སྤྱིན་ཆེན་པོའི་དྲག་སྔགས་ནི། །འགྲོ་བ་རྣམས་ལ་བརྒྱབ་པ་ན། །དེ་མ་ཐག་ཏུ་རེངས་པར་འགྱུར། །ཞགས་བདུན་ཤིང་གཅིག་རྩ་རུ་འདུག །སྔགས་པ་དམུ་ཡི་ཆས་སུ་ཞུགས། །ཡུངས་ཀར་ཐལ་ཆེན་སྐྱེ་བ་དང་། །གུ་གུལ་ནག་པོ་རྟ་ནག་ཁྲག །ཟེར་མོའི་སྐྲུ་དང་དགྲ་བོའི་རྗེས། །ཁྱིམ་བྱའི་སྒོང་སྐོགས་སྣོད་ནང་དུ། །གུ་གུལ་ནག་པོར་དམ་སྤོས་སྦོས་ཀྱང་ལ། །ཞག་བདུན་མི་བར་མི་གཅད་པར། །དམུ་བདུད་ཆེན་པོའི་དྲག་སྔགས་བཟླས། །ཙི་བར་ཙི་བར་ར་ཙ་སི་ཏི་ས་མ་ཡ་ཐིབས་ཛ། ཞུང་ཞུང་ར་ཛ་ཨུ་ཧོ་སྒྱུ༷་རྦད། ཀྲིལ་ཀྲིལ་ཤ་མ་རུ་ཏྲི་མ་ཧོ་ཛ༷༷། རྨུགས་རྨུགས་རསྒ་རྭ་ཙ་དུམ་བུ་ཤིག །ཀྱུགས་ཀྱུགས་ཙིསྟ་ཟུང་སོང་མ་ལེ་ཐུན་ཐུན་མ་ལེ་ར་ཙི་ཐུན་སྨྱོ། །ཐུམས་ཐུམས་རྭ་ཙ་ས་ཏ་མི་ཙཀྲ་བ་མོ་ལ། །ཆེ་གེ་མོ་སྤུད་སྐྲུད། དམུ་བདུད་ཆེན་པོའི་དམོད་སྔགས་བཟླས། །གང་ལ་བརྒྱབ་པ་ཤིང་བཞིན་རེངས། །གལ་ཏེ་སྔགས་པ་གྲོང་ཁྱེར་ཞུགས། །ཆོམ་རྐུན་དག་གིས་འཚེ་བྱེད་དམ། །ཡང་ན་དུར་ཁྲོད་དགོན་པར་གནས། །སེང་གེ་སྟག་དང་སྤྱང་ཀི་སོགས། །གཅན་ཟན་ཁྲོ་བོ་འབྱུང་གྱུར་ན། །སྔགས་འདི་བཟླས་ལ་མགུལ་ཁུགས་བཅངས། །ཙེ་བར་ཞུང་ཞུང་། ཀྲིལ་ཀྲིལ་རྨུགས་རླུགས་ཀྱུགས་ཀྱུགས་ཐུམས་ཐུམས་རྦུད་རྦུད། མགུལ་ཁུག་རྫས་ཀྱིས་དེ་ལ་རྒྱོབ། །རེངས་པར་འགྱུར་རོ་དེ་ལྟར་གྱིས། །རང་གི་འཇིགས་མེད་གནས་སླེབས་ཚེ། །དེའི་ཚེ་དྲག་སྔགས་མགོ་ཞབས་བཟློག །དེ་ཡིས་གནོད་པ་གྲོལ་བར་འགྱུར། །དམུ་ཡི་དྲག་སྔགས་དམོད་མོའི་ཏིང་ངེ་འཛིན་ཏོ། །བདེ་གཤེགས་བཀའ་ཡི་བསྟན་པ་ཡིས། །འཇིག་རྟེན་དྲེགས་པ་དམོད་པའི་སྔགས། །གད་མོས་ཏྭ་ལ་མགོ་བཅད་བཞིན། །དྲེགས་པ་བཙན་གྱི་རྒྱལ་པོ་ནི། ཁུ་བོ་རྡོ་རྗེ་སྲོག་ལེན་ཏེ། །དམར་པོ་སྐྱེ་འགྲོའི་སྲོག་ཀྱང་གཅོད། །བྲག་བཙན་རྒྱལ་པོས་ལྟས་ངན་འགྱེད། །དེ་ཡི་དྲག་སྔགས་དབབ་པའི་ཐབས། །བྲག་དམར་ཆོལ་བཟང་རྩར་སོང་ལ། །སྔགས་པ་བཙན་གྱི་ཆས་སུ་ཞུགས། །གསེར་མིག་ཅན་གྱི་ཐོད་པ་མྲ །གང་ལ་བྱ་བའི་གཟུགས་བཅུག་ལ། །ཐོག་གིས་བསད་པའི་མཆོག་ཕུར་ལ། །ཁྲག་དང་དུག་གིས་ངར་བླུད་སྟེ། །བཙན་གྱི་དྲག་སྔགས་བཟླས་ལ་བརྡེག །ས་མ་ཡ་ཏྲི་ཤི་རྦད་སྨྱོ། ཨོ་སྐོར་སོད་ཆུམ་ཟློག་དྲིལ། ནོན་ཡ༷་ཡ༷། སྤྲུགས་སྔམས། མྱག་མྱག་དུན་དུན་ཐུམ་རི་ལི་ལི། བཙན་ཤ་ལོང་ལ་བཙན་གྱིས་ཁྲག་འཐུང་། རོ་ཁུར་སྨེ་སྨེ། ཀེ་ཀེ་རིམ་རིམ་ཟེར་སད་བསྟན་པ་འཇིག་པའི་སྲོག་ཆོད་དབུགས་ལོང་། སྙིང་ལ་ཐུམ་སྙིང་ལ་ཐུམ། སྒག་ཤ་་ག་ཤ་དགྲ་བོའི་སྙིང་ལ་ཤོག །སྲ་བརྟན་བྲག་གི་མངའ་བདག་དུས་ལ་བབ། དམ་ཉམས་དགྲ་ལ་བདུད་དུ་ཕོབ། །བཙན་གྱི་ཤོད་མས་ཐོག་བཙན་གྱི་སེ་ལོང་གིས་མངག་པའི་ལས་ལ་ཁྱོད་མ་ཡེལ་སྨྱོ། རྣལ་འབྱོར་པ་ཡིས་ཞག་བརྒྱད་དུ། །གཉིད་ཀྱི་བར་ཆོད་རབ་སྤངས་ལ། །བཙན་གྱི་དྲག་སྔགས་བར་མེད་ཟློས། །དགྲ་བོའི་ལུས་སེམས་༄༅ འབྲལ་བར་ངེས། །བཙན་གྱི་དྲག་སྔགས་དམོད་མོའི་ཏིང་ངེ་འཛིན་ཏོ། །གཟའ་བདུད་ཆེན་པོ་རྭ་ཧུ་ལ། །སྒྲ་གཅན་འཛིན་གྱི་དྲག་སྔགས་འདི། །གཟའ་བདུད་གདུག་པའི་ལས་ཡིན་ཏེ། །ཀི་ཀང་དབབ་དང་གཤེད་བཞིའི་ལས། །འཇིག་རྟེན་ཁམས་ནི་ཀུན་ཁྱབ་སྟེ། །ཁྱབ་འཇུག་ཆེན་པོ་རྭ་ཧུ་ལ། །ཐོག་དང་ཆུ་འཁྱགས་སེར་བ་འབེབས། །སྲིད་པས་མ་སྲིད་མགར་གྱིས་ནི། །མ་བརྡུངས་ཡེ་སྲིད་བྱུང་བ་ནི། །བྱང་ཆུབ་སེམས་ཀྱི་ངར་དབང་ཅན། །རླུད་གིས་མ་བླུད་བཤད་པ་དང་། །ཡེ་བླུད་མཚོན་དབལ་ངར་ཅན་དེ། །འབྱུང་བ་གཞན་གྱིས་མི་ཚུགས་ཅིང་། །ཉིད་ཀྱིས་གང་ལ་ཐོགས་མེད་འཇོམས། །དྲག་པོའི་གནམ་ལྕགས་ཐོག་མཚོན་ནི། །དེ་དང་ཆུ་འཁྱགས་མྱུར་དབབ་ཐབས། །རི་གསུམ་རྩེ་ལ་གཅེར་བུར་གནས། །སྔགས་པ་གཟའ་བདུད་ཆས་སུ་ཞུགས། །ཐོག་གྲིར་ཤི་བའི་ཐོད་པའི་ནང་། །གསེར་དང་ཟངས་ལྕགས་ལུབར་བ་དངུལ། །ཐོད་པ་ཁ་སྦྱོར་རྒྱུ་མས་བཅིང་། །ནང་དུ་ཐོག་གི་འཁོར་ལོ་ལ། །གཟའ་བདུད་སྔགས་རྣམས་སྤེལ་ལ་བྲི། །ཐོག་གི་སྟེང་དུ་འོང་བར་བྱ། །རྭ་ཧུ་ལ་་ག་ཤ་ཙ་པ་ནི་ཡ། པ་ཤ་མི་ཀི་རུ་རུ་མ་ཀི་ཛ་ལ་ཏི། ཡ་མ་སྙིང་ཡ་མ་ཁྲག་རྭ་ཧུ་ལ་ཧྲིལ་ཧྲིལ་ཕྲོམ་ཕྲོམ་ཤར་ཤར་སྦྱོ་སྨྱོ་ཕཊ། བ་ཐ་ར་ཨུ་བེ་ཤ་ཕྲོམ་ཧྲིལ་ཤར་ཕོབ། ཞག་བདུན་ཁ་རླངས་མ་ཤོར་བར། ་་་དཀར་སྔགས་ནས་གཏར་བཅུག་ན། །ཐོག་དང་སེར་བས་ཡུལ་མཁར་འཇོམས། །གཟའ་བདུད་རྒྱུ་བའི་དུས་དང་བསྟུན། །གཟའ་བདུད་རྭ་ཧུ་ལའི་དྲག་སྔགས་དམོད་པའི་ཏིང་ངེ་འཛིན་ཏོ། །པདྨ་དབང་ཆེན་དྲེགས་པ་གནང་འབེབས་ཀྱི་རྒྱུད་ལས། །དྲེགས་པ་བདུན་གྱི་དྲག་སྔགས་གནད་ལ་འབེབས་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཀྱིས་སྡེ་བརྒྱད་གནད་འབེབས་འདི་གསུངས་སོ། །སྡེ་བརྒྱད་རོལ་པའི་དཀྱིལ་འཁོར་འདིར། །བཀའ་ཐོབ་བསྙེན་པ་ཐོབ་པ་ཡིས། །བརྟགས་པའི་ས་རུ་དཀྱིལ་འཁོར་བྱ། །དབུས་སུ་འབྲུབ་ཁུང་དྲག་པོ་སྲ །དུར་ཁྲོད་ཞིང་གི་རས་ཆེན་ལ། །ཁྲག་ཆེན་རྩིབས་ལ་སྡེ་བརྒྱད་འགོད། །ལྷ་རྒྱལ་མ་ཧྭ་དེ་བ་དང་། །བདུད་རྒྱལ་ཧ་ནུ་པག་ཤ་དང་། །བཙན་རྒྱལ་ཤུ་བོ་སྲོག་ལེན་དང་། །གནོད་སྦྱིན་རག་ཤ་མགོ་དགུ་དང་། །ཀླུ་རྒྱལ་སོག་མ་མེད་དང་ནི། །གཤིན་རྗེ་བྱེ་བ་གུང་རིང་དང་། །སྲིན་མོ་མེ་དབལ་ནག་མོ་དང་། །བགེགས་ཆེན་བི་ནཱ་ཡ་ག་རྣམས། །རང་རང་ཆ་ལུགས་མཐུན་པར་བྲིས། །དེ་ལ་ཏིང་འཛིན་བསྟན་པ་ནི། །ཡུལ་གསུམ་གསལ་བར་གྱུར་པ་ན། །སྡེ་བརྒྱད་རྟེན་དུ་བྱིན་གྱིས་རླབས། །དམིགས་གསུམ་གསལ་བར་གྱུར་པ་ན། །ཡིད་ཀྱི་འགྱིང་ཕུར་ཐེབས་པ་སྟེ། །སྡེ་བརྒྱད་དངོས་སུ་སྣང་བར་འཆར། །མཁས་པས་བདག་ཉིད་དབང་ཆེན་བསྒོམ། །སྲིད་པའི་ལྷ་སྲིན་ཁམས་གསུམ་བཀང་། །རྣམ་ཤེས་རླུད་འདྲ་བཀུག་ལ་བསྟིམ། །ལྷ་སྲིན་མཚོན་ཆ་སྲོག་སྔགས་བརྡེག །མ་ཧྭ་དེ་བ་ཏི་ཛ་ཏི་ཛ། ལ་སྲ་པ་ན་ལ་གར་ཤ་ཀ་ར་ཀ་ལ་ཡ། ཧུ༷་དེ་བ་རྭ་ཙ་མ་ཧྭ་དྲི་ཛ་ཧུ༷། དྲི་ཐུམ་ཐུམ་རྦད། ཤག་སེ་སེན་ཛ་ཛ་ཧུ༷་ཧུ༷། མ་ཧྭ་དེ་བ་ཀ་ལ་ཀ་ཏི་ཛ་རེས་རི་ན། ཨེ་ནི་ཧྲི་སེ་བ་ན་ཛ། ནཱ་ག་རུ་རུ་ཧེ་ས་གན། བུ་སེ་ན་ཏྭ་སེ། ཨུ་གེ་ན་སེ་སེ་ཙེ་ད་ཙེ། བུ་ཡེ་ན་དེ་བ་ན་བཱ་ར་ཡ། ཙ་ཏུ་ར་མུ་ཁ་རག་ཤ་པྲ་མ་ན། མ་ཧྭ་དེ་བ་ཆེ་གེ་མོའི་གྲོག་ལ་ལི་པྲ་མ་ནི། དམ་ཉམས་དགྲའི་སྙིང་ལ་ཛ༷༷ཛ༷༷། ནཱ་ག་རུ་རུ་ཧ་སེ། སྲོག་མྱ་ར་ཡ། ཧྲི་དམ་སྲོག་རི་རྩེ་ཐལ་མ་ནི་དམ། ཀྲོ་ཏི་ཀྲོ་ཏི་ཀྲོ་ལ་ཡ། མུ་ར་ཡ་དམ། སྲོག་ཀ༷་ཏི་ཀ༷་མྱ་ར་ཡ་དམ། སྲོག་ག༷་ཤ༷་ཏྲི་མྱ་ར་ཡ་དམ། སྲོག་མུ་ཏྲི་ཆུཁུ་ཏྲི་མུ་ར་ཡ་དམ་ཛ༷༷ཛ༷༷། ལྷ་ཆེན་པོའི་སྲོག་གི་ཆན་པའོ། །རུ་ཏྲ་བདུད་ཏྲི་ནི་ར་པྲ་ན། ཏྲི་ཡ་མ་ཏྲ་ཏྲི་ཡ་སྨྱོ། ཁ༷་ཁ༷་བ༷་བ༷་རྦད། ཆེ་གེ་མོའི་སྲོག་རྩ་ཐུན་དྲི་ཛ༷༷ཛ༷༷། ཡ་བདུད་ཀྱི་སྲོག་གི་ཆན་པའོ། །སྨུ་ཏྲི་ཙ་ན་དྷ་དུམ་དུམ་བུ༷་བ༷། ཁ་ལ་རག་ཤ་ཐུམ་རི་ལི་ལི། ཁ་བ་ཤ་བ༷་རག་ཐུམ་ཐུམ་རི་ལི། ཆེ་གེ་མོ་མ་ར་ཎ་སྒྲོ་ཛ༷༷ཛ༷༷། དམུ་བདུད་སྲོག་གི་ཆན་པའོ། ཧྲི་དཀར་པོ་ཏྲི་དུལ་དུལ་སྙིང་ཁྲག་རིལ་རིལ་ཆོམ་ཆོམ། རྩ་ཐུན་ཤིག་ཆེ་གེ་མོ་མ་ར་ཎ་ཛ༷༷ཛ༷༷། གནོད་སྦྱིན་སྲོག་གི་ཆན་པའོ། །ནཱ་ག་ཙ་ཙ་ན་ནི་ཨེ་ནན་ཏ། ནཱ་ག་བཛྲ་ལ་ན་ཏི་སན་དྷ་རཀྟ་ན། ཆེ་གེ་མོ་ཙིསྟ་བྷསྨི་ཀུ་རུ་ཛ༷༷ཛ༷༷། ཀླུའི་དྲག་སྔགས་དམོད་པའི་ཆན་པའོ། །ཡ་མ་ཚན་དྷ་ཧྲི་ཛ་ལ། ཙེ་ཏྲ་ད་ར་ན་ཤ་པ། ཆེ་གེ་མོ་དྲི་མུ་ར་ལ་སོད། ཆོམ་ཆོམ་ཤིག་ཛ༷༷ཛ༷༷། གཤིན་རྗེའི་དྲག་སྔགས་ཆན་པའོ། །མ་ཧྭ་ཙན་དྷ་རཀྟ་ཧྲི་ཐ་ནི་ཡ་མ་ཐ་རུ་རུ་ཏྲ་མྱ་ར་ཡ། ཆེ་གེ་མོའི་རྣ་བྱེ་སྨྱོ་ཛ༷༷ཛ༷༷། སྲིན་པོའི་སྲོག་གི་ཆན་པའོ། མ་ཧྭ་བ་དུ་པྲ་ཏྲ། སྒྱི་མུ་ཙན་དྷ་ཏུ་སི་ནི། བྱི་ནཱ་ཡ་ག །ཆེ་གེ་མོའི་ཙིསྟ་ལ་སྣུ་ཛ་ཏ་ཁུ་ཧི། ཧེ་ཀ་ལི་མ་ཧྭ་ཙན་དྷ། མུ་ར་ཡ་དྲི་ཁུག་ཛ༷༷ཛ༷༷། བགེགས་ཀྱི་སྲོག་གི་ཆན་པའོ། །ལྷ་མ་སྲིན་ནི་དེ་རྣམས་ཀྱི། །རང་རང་དག་གི་སྲོག་སྙིང་ལ། །ལྕགས་ཀྱི་སྡིག་པ་ཁ་བརྒྱད་པས། ཁེན་ཏུ་མཚན་ནས་གནས་པ་ཡིན། །རང་དབང་མེད་པར་སྙིང་ཁྲག་དྲང་། །དེ་མ་ཐག་ཏུ་སྲོག་དང་བྲལ། །ལྷ་སྲིན་འདུས་པའི་ཆན་པའོ། །དམ་ཉམས་ཀུན་གྱི་སྲོག་གཅོད་པོ། །པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། ལྷ་མ་སྲིན་སྡེ་བརྒྱད་གནད་ལ་འབེབས་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་ཀྱིས་འཇིག་རྟེན་དུ་ཐོག་སེར་དབབ་པ་འདི་གསུངས་སོ། །དབེན་པའི་གནས་སུ་དམ་ལྡན་ག །གྲིར་ཤི་མི་ཡི་སྙིང་དང་ཁྲག །རྒྱ་པོ་ཁྱི་ཡི་སྙིང་དང་ཁྲག །ར་ཡང་རྒྱ་བོའི་སྙིང་དང་ཁྲག །དོང་བུར་བླུགས་ལ་སྔགས་བཟླའོ། །ཟླ་བ་གཅིག་གམ་གཉིས་སུ་བསྙེན། །ཏྲག་མུ་ཏྲ་ཁ་མུ་ཏྲ་སྨྱོ། ར་ར་ཡ་ཡ་རྦད་རྦད་དུས་ལ་བབ་བོ། །ས་མ་ཡ་སྨྱོ། ས་མ་ཡ་རསྒ་སྨྱོ། ཀུ་རུ་ཀུ་རུ་རག་ཤ་སྨྱོ། ཧ་ཧེ་ཧ་ཧེ་རསྒ་སྨྱོ། པདྨ་རཀྟ་ཨ་མྲི་ཏ། བྲེ་གུ་གསེར་ཐིག་དག་དང་གསུམ། ཁུན་གཏོར་བྱས་ལ་གཏའ་རུ་གཟུང་། །སྐུ་ནི་བཅུ་གཉིས་ལས་མི་ཉུང་། །རང་གི་གཡས་སུ་གཞག་པར་བྱ། །སྒྲུབ་པ་དཀྱིལ་འཁོར་གྲུ་གསུམ་སྟེ། །མི་རྐང་སྐྱེད་པོ་བཞི་བཙུགས་ལ། །རབས་ཆད་ཐོད་པའི་ནང་དུ་ཡང་། །ར་ཁྱི་རྒྱ་བོ་མི་ཁྲག་དང་། །ཆུ་མིག་ཆུ་སྦྱར་བླུགས་པ་སྟེ། །གླང་མའི་བྱང་བུར་སྐུལ་ཚིག་བྲིས། །ཞིང་ལྤགས་ཁ་བཅད་སྟེང་དུ་གཞག །ཁམ་ཀོང་ཟུར་གསུམ་བདུན་ནང་དུ། །ཐུན་བདུན་ལེགས་པར་བཤམ་པར་བྱ། །དང་པོར་ཉུང་དཀར་ར་ཁྲག་བླུག །ཏྲག་ནི་རུ་མ་ཤ་སྲུ་ཧྭ། གཉིས་པར་དྲེའུ་ཐོད་རུས་ཁྲག་བརྫིས། །མ་མ་དུ་ཡང་ཕཊ། གསུམ་པར་ཐོད་པར་ཡུངས་ནག་ལ། །ཨོ་དུབ་ནུར་དུབ་གྲྭ་ཧྭ། བཞི་པར་མི་ཁྲག་ཉུང་དཀར་རོ། །ཨོ་ཡ་ཙི་ལ་འདུ་ལུ་ཚལ་པ་ཚལ་ཧུ༷་ཧུ༷་ཕཊ་ཕཊ་གྲྭ་ཧྭ། ལྔ་པར་ཁྱི་ཁྲག་འོ་མ་ལ། །ཨོ་ཧབ་ཧབ་རུབ་རུབ་ཧྭ༷་ཕཊ་གྲྭ་ཧྭ། དྲུག་པར་སྔོ་སྣ་འོ་མ་མར། ཨོ་དུད་ཤིང་མུ་ར་ཡ་པ་ཏ་ན་ཕཊ། བདུན་པར་ཤ་རུ་ཚིལ་ཆེན་ཡིན། །ཨོ་པྲ་ཤེད་ར་ན་ཧུ༷་ཕཊ། ཞག་བདུན་དགུ་བཅུ་རྩ་གཅིག་བཟླས། །མ་མོ་བསྐུལ་པར་བྱ་བ་ནི། །གཡའ་ཤིང་དུད་པའི་དབང་མོ་ཆེ། །སྐུ་ནི་མཐིང་ནག་ཆེན་མོ་ལ། །ཕྱག་ན་ཐོག་གི་བུ་ཡུག་བསྣམས། །སྲིད་བདག་ཆེན་མོ་སྲིད་པའི་དཔལ། །སྲིད་བདག་ཆེན་མོ་ཀུན་གྱི་རྗེ། །ཁྲོས་པས་ཀླུ་འབྲུག་བྲན་དུ་འཁོལ། །མ་མོ་ཆེན་མོ་གཤེགས་སུ་གསོལ། །དམ་ཉམས་ཡུལ་དུ་ཐོག་སེར་ཕོབ། །དཀོན་མཆོག་གསུམ་གྱི་བསྟན་པ་སྲུངས། །དེ་ནས་ལས་ལ་སྦྱོར་བ་ནི། །ཐོག་སེར་འབེབས་ན་ཐུན་བདུན་པོ། །ཡུལ་ལྷ་ཀླུ་དང་བཙན་གཉན་ལ། །ཐབ་ཀྱི་སྤྱིན་སྲེག་བྱ་བ་ཡི། །སེར་བ་མུ་ཁྲིད་འབེབས་པ་ན། །བྷསྟོ་གླང་རུ་གཏར་གཞུག་སྟེ། །གླང་རུའི་ཕྱེ་མ་སྐྱི་འབྲུ་དང་། །ལན་ཚྭ་ཡུངས་ཀར་བརྗོས་པ་ལ། །ལྡོང་རོས་དང་ནི་ཐལ་ཆེན་དང་། །བུད་མེད་ལོ་ནི་བཅུ་བདུན་པའི། །མངལ་ཁྲག་བསྲེས་ལ་བླུག་པར་བྱ། །གླང་རུ་ཞིང་གི་དབུས་སུ་སྦ། །ཐོད་པ་ཞིང་གི་མཐའ་བསྐོར་ནས། །ཞིང་གི་མུ་མ་དག་ལ་སྦ། །རྟ་ཀྱི་ཛ་ཧོ། །ཁྲི་ཚོ་ཀླུ་བ་ཡང་ཧུ༷་ཡ། རུ་ལུ་རུ་ལུ་གྲྭ་ཧྭ། བརྒྱ་རྩ་བརྒྱད་དུ་བཟླས་པར་བྱའོ། །པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། མ་མོ་གནད་འབེབས་སེར་བའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་ཨེ་ཀ་ཛ་ཏིའི་རིགས་སྔགས་ཀྱིས་ཞིང་བཅུ་བསྒྲལ་བ་འདི་གསུངས་སོ། །རལ་གཅིག་རོ་ལངས་གསང་བསྒྲུབ་ནི། །དགྲ་ལ་ཁྲག་ནད་གཏོང་བའི་ཐབས། །དྲག་སྔགས་བྱ་བ་འདི་གསུངས་སོ། །བྱི་ཏྲི་པུ་ཏྲ་ལོ་བདུན་པ། །མན་ཆད་ལོན་པའི་ཤ་ཚིལ་ལ། །དང་པོ་གཏོར་མ་གཅིག་བྱ་སྟེ། །དྲག་སྔགས་འདིས་ནི་བོད་པར་བྱ། །སྐུ་དངོས་བྱུང་ན་དངོས་གྲུབ་སྟེར། །དྲི་འུ་དྲི་འུ་ཏྲིདུ། མ་མ་ཤ་ཤ་ཛ་ཛ་སྨྱོ་སྨྱོ།གསང་སྔགས་ཡི་གེ་བཅུ་གསུམ་འདིས། །ཉི་ཤུ་རྩ་གཅིག་བསྒྲུབ་པ་ན། །རབ་ནི་ཟླ་བ་གཅིག་ན་ཡང་། །མངོན་གསུམ་དག་ཏུ་སྒྲོལ་བར་འགྱུར། །ཏྲག་རག་ཤ་མ་མ་ཛ་ཛ། ས་མ་ཡ་སྙིང་ལ་རྦུད་རྒྱུད། ཙིསྟ་རཀྟ་ཐུན་ཛ་སྨྱོ། མ་མ་སྲོག་ཤམ་ཤམ་ཁྱེར་སྨྱོ། ཏྲག་རག མོ་ཨེ་ཀ་ཛ་ཏི་ཛ། མ་མ་སྙིང་མུ་རག་ཏི་ཤ་ལ་རྦད། མ་མ་ཙ་པ་ལེ་མུ་མྲ ཁྲག་སྙིང་མི་རྦུད། ལིདྨ་ལ་ཉུང་དཀར་བརྡེག །ཙིསྟ་མངོན་དུ་འོང་བར་འགྱུར། །རལ་གཅིག་རོ་ལངས་གསང་བསྒྲུབ་ཡིན། །པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། ཨེ་ག་ཛ་ཏིའི་གནད་འབེབས་ཀྱི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཀྱིས་ཀླུ་ལ་གཏད་པ་འདི་གསུངས་སོ། །གདུག་པ་ཀླུ་ལ་གཏད་བྱ་ན། །ལིདྷ་མཛེ་ཁྲག་བྲི་བར་བྱ། །མཐའ་མ་སྔགས་ཀྱིས་བསྐོར་བར་བྱ། །མཛེ་ཐོད་ནང་བཞུགས་གྲུ་གསུམ་གཞུག །བདག་ཉིད་དབང་ཆེན་གསལ་བ་ཡིས། །བསྙེན་པ་ཞག་ནི་བདུན་དུ་བཟླས། །ནི་ནཱ་གས་ཟུང་ཟུང་ནི། ནཱ་གས་རྦུད་རྦུད། ནི་ནཱ་གས་ཧྲིང་ཧྲིང་། དགྲ་བོའི་ཙིཉི་གྱུར་ལིང་ནན། ཐིབས་ཐིབས་ཁྱེར་ཁྱེར། རླག་ཤིང་ལྷར་ཆེ་གེ་མོ་མུ་ར་ཡ་རྦུད། སྟག་དང་དོམ་དྲེད་སེང་གེ་རྣམས། །རྟགས་སུ་འཁོལ་ན་བཟང་བ་ཡིན། །ནཱ་ག་རྭ་ཙ་ཨ་མྲི་ཏེ་བྷ་ཙ་ག་ཁ་ཁུ་ཧི། ནཱ་ག་དུ་མ་ཐ་ལེ་ནཱ་ག་རྭ་ཙ་ཨ་ནན་ཏེ་གྲྭ་ཧྭ། དཀར་གསུམ་མངར་གསུམ་མཆོད་སྔགས་སོ། །བསྒྲུབ་པ་ཞག་གསུམ་ཐུན་བྲབ་པ། །ཉུང་དཀར་ཉུང་ནག་ཐུན་དུ་བྲབ། །ནཱ་ག་ཧུ་ཡ་བྷ་ལིང་དུང་ས་ཆེ་གེ་མོ་ཐུན་སོད། ཟུང་ནཱ་ག་ཤིག་ཤིག །རོ་ལ་ཐིབས་ཐིབས། མུ་ར་ཡ་སོད། ཤ་ཏྲ་པ་ཏྲ་ཙིཉི་གུ་ལ་ནན། མུ་ར་ཡ་རྦུད། ལིསྐོ་ལ་ཆའི་རི་ལུར་གཞུག །དེ་ནི་མཛེ་ཐོད་གླང་རུར་གཞུག །ཡུགས་སའི་ཞབས་མས་གྲིལ་ལ་གཏད། །རྒྱལ་རིགས་ནམ་མཁའ་འདྲ་སྟེ་གཡེལ། །རྗེའུ་རིགས་ཆུ་འདྲ་འཇོམས་པས་འབྱམས། །བྲམ་ཟེ་ས་འདྲ་འགུལ་ཞིང་ལྕི། །དམངས་རིགས་མེ་འདྲ་ཤིན་ཏུ་དྲག །དེ་ལ་གཏད་ན་མྱུར་བ་ཡིན། །སངས་རྒྱས་བསྟན་པ་བསྲུང་བར་ནུས། །པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། ཀླུའི་དྲེགས་པ་གནད་ལ་ཕབ་ནས་ཞིང་བཅུ་ཕ་ཚན་མ་ལུས་པར་བསྒྲལ་བའི་ལེའུ་སྟེ་བཅུ་པའོ།། །།དེ་ནས་འཁོར་གྱི་ཚོགས་མ་ལུས་པ་ཐམས་ཅད་ལས། ཡེ་ཤེས་འཁོར་རྣམས་ནི་འོག་མིན་གྱི་གནས་ན་དགོངས་པ་ལ་སྤྱོད་ཅིང་རྗེས་སུ་ཡི་རང་བར་གྱུར་ཏོ། །འཇིག་རྟེན་གྱི་འཁོར་རྣམས་ཀྱིས་བསྟན་པ་བསྲུངས་ཞིང་བཀའ་བཞིན་ཕྱི་རབས་ཀྱི་རྗེས་སུ་བསྲུང་བར་གྱུར་ཏོ། །བཅོམ་ལྡན་འདས་ཐམས་ཅད་མཁྱེན་པའི་ཡེ་ཤེས་ཅན་ནི། ཆོས་ཀྱི་དབྱིངས་རྣམ་པར་དག་པའི་ངང་དུ། ཆོས་སྐུ་དྲི་མ་མེད་པར་བཞུགས་སོ། །མཁའ་འགྲོའི་ཚོགས་ཀྱིས་རྒྱུད་འདི་ཡི་གེར་བྲིས་ནས། ཕྱི་རབས་ཀྱི་གང་ཟག་ཆོས་ཀྱི་སྤྱན་ལམ་སླ་སྤྲོ་བར་གྱུར་ཏོ། །པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། རྗེས་སུ་ཡི་རང་ཞིང་། རྒྱུད་གཏད་པའི་ལེའུ་སྟེ་བཅུ་གཅིག་པའོ།། །།པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་རྫོགས་སོ། །པརྫིཏ་པདྨ་སམ་བྷ་ཝ་དང་། ལོསྣྲོ་བ་ཁ་ཆེ་ཨུ་ནན་ཏས་བསྒྱུར་བའོ།། །།རྒྱུད་འདི་དཔེ་གཅིག་ལས་བསྡུར་ས་མ་འབྱོར། རྒྱ་གར་སྐད་དུ། ཤི་པདྨ་མ་ཧྭ་བ་ཤ་ས༷་བྷ་ཏ་ཏནྟྲ་ནཱ་མ། བོད་སྐད་དུ། དཔལ་པདྨ་དབང་ཆེན་