Ngb-pt-0279-vol-03-text
Front[edit]
Body[edit]
ན་ཀརྨ་ཏནྟྲ་ནཱ་མ། བོད་སྐད་དུ། དཔལ་པདྨ་དབང་ཆེན་པདྨ་གར་གྱི་དབང་ཕྱུག་གིས་དྲེགས་པ་ཅན་གཟན་ལ་འབེབས་པའི་ཕྲིན་ལས་ཀྱི་རྒྱུད་ཅེས་བྱ་བ། དཔལ་རྡོ་རྗེ་དབང་ཆེན་པོ་ལྷུན་གྱིས་གྲུབ་པའི་སངས་རྒྱས་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཁམས་གསུམ་གྱི་བདག་པོ་ཆེན་པོ་ནི། ཆོས་ཉིད་རྣམ་པར་དག་པའི་གཞལ་ཡས་ཁང་ན། འཁོར་དུས་གསུམ་གྱི་སངས་རྒྱས་རྣམས་དང་དབྱེ་བ་མེད་པར་བཞུགས་སོ། །དེའི་ཚེ་དེའི་དུས། ཐམས་ཅད་མཁྱེན་པའི་ཡེ་ཤེས་ཀྱི་སྣང་བས་གཟིགས་པ་ནི། ཤེས་བྱ་ཇི་ལྟ་བར་མཁྱེན་པའི་ཡེ་ཤེས་ཀྱིས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་ཇི་སྙེད་པ་རྣམས་ཀྱི་སེམས་ཉིད་ནི་ཡང་དག་པར་རྫོགས་པའིསངས་རྒྱས་རྡོ་རྗེ་འཆང་ཆེན་པོའི་ཐུགས་དབྱེརམེད་ཅིང་ཐ་མི་དད་དེ་སོ་སོ་མ་ཡིན་ལ། མི་གཉིས་པར་གཅིག་ཏུ་མཁྱེན་ཏོ། ཁྲེས་བྱ་ཇི་སྙེད་མཁྱེན་པའི་ཡེ་ཤེས་ཀྱིས་ནི་ཕྱི་སྣོད་ལ་གཟིགས་པས་ས་མི་འགྱུར་བ་ཆོས་ཀྱི་དབྱིངས་ལས་སངས་རྒྱས་སྤྱན་མ་དང་། ཆུ་རྒྱུན་ཆད་པ་མེད་པ་ཆོས་ཀྱི་དབྱིངས་མྱ་མ་ཀི་དང་། མཉེས་པའི་སྐྱོན་དང་བྲལ་བ་ལས་གོས་དཀར་མོ་དང་། རླུང་ཐོགས་པ་མེད་པ་ལས་དམ་ཚིག་སྒྲོལ་མ་དང་། ནམ་མཁའ་ཡངས་ཤིང་གོ་འབྱེད་པ་ལས་ཀུན་ཏུ་བཟང་མོར་གཟིགས་སོ། །གཟུགས་ཀྱི་ཕུང་པོ་ས་ལས་རྣམ་པར་སྣང་མཛད་དང་། རྣམ་པར་ཤེས་པའི་ཕུང་པོ་ནམ་མཁའ་ལས་ནི་མི་བསྐྱོད་པ་དང་། ཚོར་བའི་ཕུང་པོ་ཆུ་ལས་རིན་ཆེན་འབྱུང་ལྡན་དང་། འདུ་ཤེས་ཀྱི་ཕུང་པོ་མེ་ལས་ཚེ་དཔག་མེད་པ་དང། འདུ་བྱེད་ཀྱི་ཕུང་པོ་རླུད་ལས་དོན་ཡོད་གྲུབ་པ་གདོན་མི་ཟ་བ་དང་། ཕུང་པོལྔ་ཡང་རིགས་ལྔར་གཟིགས་སོ། །མིག་ལ་མེ་རླུང་རྒྱུ་བས་གཟུགས་ཀྱི་མཆོད་པ་དང་། རྣ་བར་རླུང་གི་རླུང་རྒྱུ་བས་སྒྲའི་མཆོད་པ་དང་། སྣ་ལ་སའི་རླུང་རྒྱུ་བས་དྲིའི་མཆོད་པ་དང་། ལྕེ་ལ་ཆུའི་རླུང་རྒྱུ་བས་རོའི་མཆོད་པ་དང་། ལུས་ལ་ནམ་མཁའི་རླུང་རྒྱུ་བས་རེག་པའི་མཆོད་པར་ཡང་གཟིགས་ཤིང་མཁྱེན་ཏོ། །དེ་ལྟར་མྱ་ངན་ལས་འདས་པའི་ཁམས་གསུམ་གཟིགས་ནས། འཁོར་བའི་དྲེགས་པ་ཅན་རྣམས་ལ་གཟིགས་པ་ནི། གཏི་མུག་ལས་ཀླུའི་ངན་གཏད་གཏོང་བར་མཁྱེན་ཏོ། །ཞེ་སྡང་ལས་སྲོག་མཐུ་བྱུང་བར་གཟིགས་སོ། །ང་རྒྱལ་ལས་ཐོག་དང་སེར་བ་བྱུང་བར་མཁྱེན་ཏོ། །འདོད་ཆགས་ལས་དབང་སྡུད་བོར་བསྒྲུབ་བྱུང་བར་གཟིགས་སོ། །ཕྲག་དོག་ལས་སྔགས་པ་སྟོབས་འཇོམས་ས་ཕྱིར་བཟློག་བྱུང་བར་གཟིགས་ཤིང་མཁྱེན་ཏོ། །དེ་ནས་འགྲོ་བ་རིགས་དྲུག་གི་ལས་ལ་གཟིགས་པ་ནི། ཚད་མེད་པ་བཞིས་ཚངས་པ་ལ་སོགས་པའི་གཟུགས་ཁམས་ཀྱི་གནས་སུ་གཟིགས་སོ། །བལྟ་དགོངས་མ་རྟོགས་པའི་བསམ་གཏན་གྱིས་གཟུགས་མེད་མུ་བཞིར་གཟིགས་སོ། །དགེ་བ་བཅུས་འདོད་ཁམས་མཐོ་རིས་ཐོབ་པར་གཟིགས་སོ། མི་དགེ་བ་བཅུས་འདོད་ཁམས་ངན་སོང་གནས་གསུམ་ཐོབ་པར་གཟིགས་སོ། །དེ་ལྟར་མ་འདྲེས་པར་མཁྱེན་པའི་ཡེ་ཤེས་འཁོར་འདས་ཀྱི་བྱེ་བྲག་བསམ་གྱིས་མི་ཁྱབ་པ་རྣམས་མཁྱེན་པ་ནི། དཔེར་ན་སྨན་པ་མཁས་པས་ལག་མཐིལ་དུ་སྐྱུ་རུ་ར་རློན་པ་བཞག་པ་བཞིན་དུ་གཟིགས་ཤིང་མཁྱེན་ཏོ། །ཤེས་བྱ་ཇི་ལྷ་བ་དང་ཇི་སྙེད་པ་དབྱེར་མེད་པར་མཁྱེན་པའི་ཡེ་ཤེས་ཀྱིས་ནི་འཁོར་བར་སྣང་བ་ཉིད་མྱ་ངན་ལས་འདས་པ་ཉིད་ལས་མ་གཡོས་ཤིང་། མྱ་ངན་ལས་འདས་པར་སྣང་བ་ཉིད་ལས་གཞན་མེད་དེ། དཔེར་ན་ཆབ་རོམ་དུ་སྣང་བའི་དུས་ཉིད་ན་ཆུར་གནས་པ་ཁོ་ནར་གཟིགས་སོ། །གཟིགས་སུ་ཡང་མེད། གཟིགས་པ་ཡང་མི་འགག །གཟིགས་ཐབས་བསམ་གྱི་མི་ཁྱབ། གཟིགས་བྱ་དང་གཟིགས་བྱེད་ལས་གྲོལ་ན་ཡང་། སྒྱུ་མའི་ཆོ་འཕྲུལ་ཆེན་པོས་ཁམས་གསུམ་གྱི་གདུལ་བྱ་དྲེགས་པ་ཅན་འདུལ་པར་གཟིགས་སོ། །དེ་ནས་ཡུམ་པདྨ་གཟི་ལྡན་པདྨ་ཅན་གྱིས་གླུ་འདིས་བསྐུལ་ལོ། །ཨེ་མ་ཧོ། །ཐབས་ནི་སྙིང་རྗེ་ཆེན་པོ་ཉིད། ཁྲེས་རབ་སྟོང་པ་ཉིད་ཀྱི་ངང་། །སྟོང་ཉིད་སྙིང་རྗེ་ཆེན་པོ་ཅན། །ཐབས་དང་ཤེས་རབ་འགྲོ་དོན་མཛོད། །ཨེ་མ་ཧོ། ཁྲེས་རབ་ཡུམ་གྱི་བྷ་ག་མྲ །ཐབས་མཆོག་ཡབ་ཀྱི་ལིདྷ་ཡིས། །བྷ་གར་ལིསྐོ་མཉམ་བཞག་ནས། །སྤྲུལ་པའི་སྲས་ཀྱི་ཕྲིན་ལས་མཛོད། །ཨེ་མ་ཧོ། །སྣོད་ཀྱི་འཇིག་རྟེན་ཤེས་རབ་སྟེ། །མི་དམིགས་ཆོས་དབྱིངས་སྟོང་པའི་མཛོད། །བཅུད་ཀྱི་སེམས་ཅན་ཐབས་ཡིན་ཏེ། །མ་འགགས་སེམས་ཀྱི་ཆོ་འཕྲུལ་སྣང་། །སྣོད་བཅུད་གཉིས་མེད་འབྲེལ་བ་ཡི། །བློ་དང་གཉིས་པོ་རྣམ་པར་བསྲེས། །བློ་དངོས་བསྲེས་པའི་ལྟ་དགོངས་ཀྱིས། །འཁོར་བ་མྱ་ངན་འདས་པར་སྤྱོད། ཁྲེས་རབ་ཀུན་གཞིས་སྟོང་པ་ནས། །ཐབས་ཀྱི་སེམས་ཉིད་འགག་པ་མེད། །རྣམ་ཤེས་ཚོགས་་བརྒྱད་ཀུན་ལྡན་པ། །ཚོགས་བརྒྱད་ཡེ་ཤེས་རྣམ་ལྔར་སྦྱོར། །ཨེ་མ་ཧོ། །མ་རིག་འཁོར་བའི་འགྲོ་དྲུག་རྣམས། །བདེ་ཆེན་ཡབ་ཀྱི་སྐུ་ལ་སྦྱོར། །ང་རྒྱལ་དྲེགས་པའི་ལྷ་སྲིན་རྣམས། །སངས་རྒྱས་བསྟན་པ་བསྲུང་བར་མཛོད། །ཨེ་མ་ཧོ། །དུས་འདིར་ཕུན་སུམ་ཚོགས་ལྡན་ཞིང་། །འབྲེལ་དང་མ་ཚང་མེད་པའི་ཕྱིར། །པདྨ་དབང་ཆེན་ཧེ་རུ་ཀའི། ཁུད་ཆེན་བཤད་པའི་དུས་ལ་བབས། །ཨེ་མ་ཧོ། །དགོངས་དང་དགོངས་མིན་བདག་གབ་སྦས། །དེ་མིན་བཟུང་བར་བདེ་བ་ཡི། །ལུང་ཆེན་རྒྱ་མཚོ་ལྟ་བུ་ལས། །དུས་འདིར་ལུང་ཆེན་བཤད་དུ་གསོལ། །ཨེ་མ་ཧོ། །ཀུན་བཟང་ཐུགས་ཀྱི་དཀྱིལ་འཁོར་དུ། །ཟབ་མོར་གནས་པ་བརྡས་མཚོན་ནས། །བདག་གི་རྣ་བའི་དབང་པོར་བླུག །མི་བསླུའི་ངེས་དོན་མན་ངག་ཤོད། །ཨེ་མ་ཧོ། ཁུད་དང་ལུང་དང་མན་ངག་གསུམ། །དམངས་དང་རྗེ་དང་རྒྱལ་པོའི་ཚུལ། །གཅིག་ལ་གཅིག་དགོས་རྒྱན་དུ་ཆེ། ཁུད་ལུང་མན་ངག་བཤད་དུ་གསོལ། །ཞེས་ཞུས་སོ། །དེ་ནས་བཅོམ་ལྡན་འདས་དཔལ་པདྨ་ཧེ་རུ་ཀ་ཉིད། ཆོས་ཀྱི་དབྱིངས་ནམ་མཁའ་ལྟ་བུའི་ངང་ནས། ཉི་ཟླ་ལྟ་བུའི་སྐུ་བཞེངས་ནས། །དབུ་ལྔས་རྟ་གདངས་ཀྱིས་སྐད་ཕྱུང་ནས། ཕྱག་དྲུག་གི་འཇིགས་པའི་མཚོན་ཆ་སྣ་ཚོགས་པ་གསོར་ཞིང་། ཞབས་བརྒྱད་ཀྱིས་འཇིག་རྟེན་ལས་འདས་པའི་ཁྲོ་བོ་བརྒྱད་མནན་ནས། རྡོ་རྗེ་འདེགས་གཤོག་གིས་ལྟ་པའི་དགོངས་པ་འཕང་ས་བཅད། རིན་ཆེན་འཛུམ་གཤོག་གིས་སེམས་ཅན་ལ་སྦྱིན་པ་ཡིད་བཞིན་ནོར་བུ་རིན་པོ་ཆེ་ལྟར་ཆར་བཞིན་ཕབ་ནས། གསུང་དུ་མེད་པའི་བརྗོད་པ་འདི་མཛད་དོ། །ཨེ་མ་ཧོ། །ཐབས་ནི་འགག་པ་མེད་པའི་ཡེ་ཤེས་ཡིན། །སངས་རྒྱས་ཀུན་ལ་མཁྱེན་པའི་ཡེ་ཤེས་མངའ། །ཡེ་ཤེས་མཁྱེན་ལས་མ་གཏོགས་ཐབས་གཞན་མེད། །ཐབས་དེ་མཐོང་ན་ཐབས་གཞན་སྒྱུ་མ་འདྲ། ཁྲེས་རབ་འགྱུར་བ་མེད་པའི་ཆོས་ཉིད་ཡིན། །སངས་རྒྱས་རྣམས་ཀྱིས་གསུངས་རུང་མ་གསུངས་རུང་། །སེམས་ཅན་རྣམས་ཀྱིས་རྟོགས་རུང་མ་རྟོགས་རུང། །ཆོས་ཉིད་འགྱུར་བ་མེད་པར་ཡེ་ནས་གནས། །ཐབས་དང་ཤེས་རབ་དེ་ཉིད་རྟོགས་གྱུར་ན། །གང་གིས་རྟོགས་པའི་འཁོར་བའི་སེམས་ཅན་རྣམས། །བདེ་ཆེན་ཆོས་སྐུ་དྲི་མ་མེད་པ་ཡིན། །དེ་ལྟར་རྟོགས་པའི་རྣལ་འབྱོར་སྒྲུབ་པོ་རྣམས། །དྲེགས་པ་མ་ལུས་འཁོར་ཞིང་བསྟན་པ་བསྲུང་། །དེ་ཕྱིར་དྲེགས་པ་གཟན་འབེབས་རྒྱུད་བཤད་ཀྱིས། །ཕྱི་རབས་མ་འོངས་དོན་དུ་ལེགས་པར་ཉོན། །ཞེས་གསུངས་སོ། །པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། གླེང་གཞི་དང་གླེང་བསླང་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་རྒྱུད་ལུང་མན་ངག་གསུམ་གཅིག་ཏུ་འབྲེལ་པའི་ཨེ་ཝ༷་མ་ཡུ་འདི་གསུངས་སོ། ཁུད་འདི་དམངས་དང་འདྲ་སྟེ་བྱ་བ་མང་། །ལས་རྣམས་མ་ལུས་རྒྱུད་ཀྱིས་འགྲུབ་པར་བྱེད། །ལུང་འདི་རྗེ་དང་འདྲ་སྟེ་གཟུང་བར་བདེ། །འབངས་རྣམས་ཇི་ལྟར་འདོད་པའི་དགོས་དགུ་འབྱུང་། །མན་ངག་མ་དང་འདྲ་སྟེ་མི་བསླུ་ངེས། །རྒྱལ་པོ་ལྟ་བུར་རང་ས་འཛིན་པའོ། །རྗེ་ཡིས་རང་ས་འཛིན་པར་མ་གྱུར་ན། །རྗེ་ཡིས་འབངས་ཀྱི་ཆོས་ཀྱང་མི་བྱེད་༄༅། ལ། །འབངས་རྣམས་ལས་ལ་གང་གིས་བཀོལ་མི་ནུས། །དེ་ཕྱིར་རྒྱུད་དང་ལུང་དང་མན་ངག་གིས། །ཨེ་ཝ༷་མ་ཡུ་རབ་ཏུ་བཤད་ཀྱིས་ཉོན། །རྒྱུད་རྣམས་ཀུན་ལ་ཕུན་སུམ་ཚོགས་པ་ལྔ། །འདི་ནི་ཉེ་བར་མཚོན་པ་ཨེ་རུ་གནས། །ཆོས་དབྱིངས་འོག་མིན་བཙུན་མོའི་བྷ་ག་དང་། །འཛམ་གླིང་ལ་སོགས་སྟོང་གསུམ་གནས་སུ་འདོང་། །སྐད་ནི་གསལ་བྱེད་ལས་ནི་ཝ༷་གྱིས་མཚོན། །སྟོང་པ་གསལ་བྱེད་སྐུ་གསུམ་ལ་སོགས་ཏེ། །རང་བཞིན་ཆོས་སྐུ་ལོངས་སྤྱོད་རྫོགས་མཛད་པ། །སྤྲུལ་སྐུས་ཆོས་ཀྱི་དོན་རྣམས་མ་ལུས་གསུངས། །བདག་ནི་མ་སྟེ་འཁོར་དང་སྡུད་པའོ། །ཉིད་ལས་མི་གཞན་འཁོར་ནི་བདེ་བར་གཤེགས། །སྲས་ཚོགས་སེམས་དཔའ་སེམས་མ་ཡབ་ཡུམ་དང་། །གདུག་པ་འདུལ་བྱེད་ཁྲོ་བོ་མང་པོའི་ཚོགས། །བསྟན་པ་སྲུང་བྱེད་ཕྱི་ནང་ལྷ་སྲིན་རྣམས། །དད་པས་གཏམ་ཉན་རིག་འཛིན་ཕོ་མོ་རྣམས། །ཐོས་པས་ཡུ་སྟེ་བསྟན་པས་རང་རྒྱུད་འདུལ། །ཉོན་མོངས་གདུལ་བྱ་སྟོང་ཕྲག་བརྒྱད་ཅུ་བཞི། །དེ་སྙེད་ཆོས་རྣམས་བཤད་པས་ཉོན་མོངས་ཞི། །རྨད་བྱུང་ཆོས་ཀྱི་འཁོར་ལོ་མ་ལུས་གསུངས། །ཕུན་སུམ་མཆོད་རྟེན་རྒྱུད་དོན་ཚང་བ་ནི། །ལྟ་སྤྱོད་དཀྱིལ་འཁོར་དབང་དང་དམ་ཚིག་དང་། །ཕྲིན་སྒྲུབ་མཆོད་སྔགས་ཏིང་འཛིན་ཕྱག་རྒྱ་སོགས། །ཐབས་དང་སྨན་སྦྱོར་ཆུ་བོའི་དཔེ་ཡིས་མཚོན། །མི་ནུབ་རྒྱས་ཕྱིར་གཏད་ནས་རྗེས་ཡི་རང་། །བདག་རྐྱེན་མཛད་པའི་བཀའ་རྣམས་སྒྲ་ཡིས་བཤད། །ལུང་རྣམས་འདོད་སྤྱོད་བདུན་དུ་ཀུན་གནས་ཀྱང་། །བཟུང་བདེ་ལུང་དང་མཚུངས་པ་ལུང་དུ་གྲགས། །རང་བཞིན་དཀྱིས་འཁོར་བསྐྱེད་དང་ཡེ་ཤེས་བསྒྲུབ། །རྫོགས་པའི་རིམ་པ་བཟང་པོར་བསྒོམ་པའོ། །རང་བཞིན་དཀྱིལ་འཁོར་གནས་དང་བདག་པོ་ཡིན། །ཨེ་ནི་ནམ་མཁའ་གྲུ་གསུམ་ཆོས་ཀྱི་དབྱིངས། །བ༷་ནི་ཁྲག་མཚོ་བདུད་རྩིའི་བུམ་པས་མཚན། །མ་ནི་རྒྱས་བྱེད་ཤ་ཆེན་རི་རབ་བཅས། །ལྭ་ནི་རླུ་་ནག་རྡོ་རྗེ་རྒྱ་གྲམ་གཏམས། །དབང་ཆེན་འབྱུང་བ་ཨེ་བ༷་མ་ཡུར་གནས། །ཨེ་ནི་གྲུ་གསུམ་དཀྱིལ་འཁོར་ཕོ་བྲང་མཆོག །བ༷་ནི་ཁམས་གསུམ་དབང་སྡུད་ཟླ་གམ་མཛེས། །མ་ནི་རྒྱས་བྱེད་གྲུ་བཞི་སྒོ་ཁྱུད་བཅས། །ཡུ་ནི་སྤྲོས་བྲལ་ཟླུམ་པོ་འཁོར་ཡུག་བཅས། །ཨེ་ནི་དྲག་པོ་དྲེགས་པ་ཕོ་མོ་རྣམས། །བ༷་ནི་དེ་ཡི་ཡུམ་ཆེན་བུད་མེད་དབང་། །མ་ནི་ཆགས་མེད་རྒྱས་པའི་པདྨའི་གདན། །ལྭ་ནི་ཉི་ཟླའི་གདན་གྱིས་ཡོངས་སུ་མཛེས། །གནས་དང་གདན་བཅས་ཨེ་བ༷་མ་ཡུ་ལས། ཁུབ་པའི་ཕྱིར་ན་རྒྱུད་འདིར་གསལ་བར་བཤད། །གནས་ཀྱི་བདག་པོ་བསྐྱེད་པར་བྱ་བ་ཡང་། །ཨེ་ནི་རྣམ་ཐར་སྒོ་གསུམ་སྐུ་གསུམ་མཚོན། །སྐུ་གསུམ་རང་བཞིན་དབང་ཆེན་ཡབ་ཀྱི་སྐུ། །དཀྱིལ་འཁོར་དགུ་ལྡན་ལྷུན་གྱིས་གྲུབ་པའི་སྐུ། །བ༷་ནི་དབང་སྡུད་གཟི་ལྡན་པདྨ་ཅན། །བདེ་བ་བཞི་ཡི་བདག་ཉིད་ཚེ་གནས་གསུམ། །མ་ནི་ཡིད་སྐྱོབ་བྷ་ག་ལིསྐོར་འབྲེལ། །ཐུགས་ཀ་ཡེ་ཤེས་སེམས་དཔའི་སྐུ་ལ་འཁྲིལ། །གཟི་ལྡན་པདྨ་སྦྱོར་བའི་བྱང་ཆུབ་སེམས། །མཁའ་གསང་སྦྱོར་བ་གསང་བའི་སྣ་རྩེ་ལ། །ཐུགས་ཀར་གནས་པས་ནང་གི་སྣ་རྩེ་ཉིད། །བྱང་ཆུབ་སེམས་ནི་རླུད་གིས་བསྐུལ་བ་ལས། ་ངས་ཀྱི་བུ་གར་དེ་ཉིད་ཐོན་གྱུར་པ། །དེ་ནི་ཕྱི་ཡི་སྣ་རྩེར་རྒྱལ་བས་གསུངས། །ཡུ་ནི་འཁོར་གྱི་ཚོགས་རྣམས་རྒྱས་པར་བསྐྱེད། །སྐུ་གསུང་ཐུགས་དང་ཡོན་ཏན་ཕྲིན་ལས་ལྔ། །སྤྱིར་བསྡུས་པ་སྟེ་ཁམ་རྒྱ་ཆེན་པོ་དྲུག །ཆོས་ཉིད་ཆོས་སྐུ་མ་མཐོང་ལོང་བ་བརྒྱད། །ལོངས་སྐུ་སྤྲུལ་སྐུ་མ་མཐོང་དམུས་ལོང་བརྒྱད། །སེམས་ཅན་རྣམས་ལ་བརྡའ་རུ་བསྟན་པའི་འཁོར། །ཟ་བྱེད་ཁྱི་བརྒྱད་ཡེ་ཤེས་ཁྱི་བཅུ་རྣམས། །ཕྲིན་ལས་འགྲོ་བ་མ་ལུས་བསྲུངས་ཤིང་སྐྱོང་། །སྒོ་བཞི་སྒོ་སྐྱོང་སངས་རྒྱས་ལམ་དུ་འདྲེན། །ཐེག་ཆེན་དགུ་དང་རྣམ་པར་ཐར་པ་བརྒྱད། །ཡེ་ཤེས་དྲུག་དང་སྐུ་གསུང་ཐུགས་རྣམས་ཀྱིས། །ཐམས་ཅད་གསང་བའི་དཀྱིལ་འཁོར་ནང་དུ་འདྲེན། །ཨེ་ནི་རིགས་ལྔའི་རྒྱལ་བ་ལ་སོགས་རྣམས། །རྡོ་རྗེ་སློབ་དཔོན་ལྟ་བུར་ནམ་མཁར་བྱོན། །བ༷་ནི་རིགས་ཀྱི་ཡུམ་རྣམས་བུམ་པ་ཐོགས། །ལས་ཀྱི་སློབ་མ་ལྟ་བུས་ཆུ་རྒྱུན་འབེབས། །མ་ནི་དབུ་ལ་དབང་རྟགས་རིགས་ལྔར་བཞུགས། །ཡུས་ནི་སྐུ་དང་གསུང་དང་ཐུགས་རྣམས་ལ། །གསང་བ་ཤེས་རབ་ཡེ་ཤེས་བདེ་ཆེན་གྱིས། །བྱིན་གྱིས་བརླབས་པས་སྐུ་གསུང་ཐུགས་རྣམས་ནི། །མི་ཟད་རྒྱན་གྱི་འཁོར་ལོར་གྱུར་པ་ཉིད། །དབང་དང་བྱིན་རླབས་དོན་དུ་བཤད་པ་ཡིན། །ཡེ་ཤེས་དཀྱིལ་འཁོར་སྤྱན་ཡང་དྲངས་ནས་འགྲུབ། །ཨེ་ནི་ཨེ་གྱེ་ཧི་ཞེས་བརྡའ་མཚོན་སྒྲས། །དབྱིངས་ནས་ཡེ་ཤེས་མདུན་དུ་སྤྱན་ཡང་དྲངས། །བ༷་ནི་སྒྲ་ཡི་རྣམ་པར་མཚོན་ནས་ནི། །ས་མ་ཡ་ནི་པ་ཏི་ནན་ཞེས་པ། །ཕབ་ནས་གཉིས་སུ་མེད་པར་བསྟིམ་པར་བྱ། །མ་ཞེས་མ་ཧེན་དྲ་ཡི་སྒྲས་མཚོན་ནས། །ཕྱི་དང་ནང་དང་གསང་བ་དེ་ཁོ་ན། །ཕྱག་མཆོད་མ་ལུས་པ་ཡིས་མཉེས་པར་བྱ། །བཟླས་པས་བསྐུལ་བས་ཐུགས་མཉེས་ཐུགས་དམ་བསྐུལ། །ཡ་ནི་ཡ་ཧི་གསྣྲོ་བརྗོད་པར་བྱས་པ་ཡིས། །དམ་ཚིག་དཀྱིལ་འཁོར་སྒྲུབ་པ་བདག་ལ་བསྡུས། །སྤྱན་དྲངས་རྣམས་ནི་རང་རང་གནས་སུ་གཤེགས། །རྫོགས་པའི་རིམ་པ་བཟང་པོ་གང་བསྒོམ་པ། །ཨེ་ནི་ལྟེ་བ་ཆོས་འབྱུང་གྲུ་གསུམ་ཉིད། །ས་རླུད་རང་གི་གནས་ནས་ཐམས་ཅད་བསྐྱེད། །མ་ལྟེ་བུ་ལྟེར་འབྲེལ་ནས་སྤྲུལ་སྐུ་འབྱིན། །བ༷་ནི་སྙིང་གར་གནས་པས་སྲོག་རྩར་གྱིས། །ཆུ་རླུད་རང་གནས་ལུས་ཀྱི་ཁྲག་རྣམས་རྒྱས། །སྲོག་རྩ་རྩ་བོ་ཆེ་ལས་སྨད་ཁྲག་རྒྱས། །སྲོག་རྩ་ལས་གྱེས་རྩེའུ་ཆུང་སྟོད་ཁྲག་རྒྱས། །མ་ནི་མགྲིན་པར་གནས་པས་གསུང་དབྱངས་རྒྱས །ཟས་དང་སྒོམ་རྣམས་སྤྱད་པས་ལུས་ཟུངས་རྒྱས། །མེ་རླུད་རང་གནས་མགྲིན་པར་ཐམས་ཅད་སྨིན། །སྨིན་པའི་དྭངས་མས་ལུས་ཁམས་བདུད་རྩི་རྒྱས། །ཡུ་ནི་སྤྱི་བོར་གནས་པས་རླུད་གི་རླུད་། །རླུད་གི་ལས་ཀྱིས་འབྱེད་ཅིང་ཕྲིན་ལས་བྱེད། །ཐ་མ་སྒལ་ཚིགས་རྟ་ལས་བྱང་ཆུབ་སེམས། །ཐུར་དུ་དྲངས་ནས་ས་བོན་འཇིག་པ་དང་། །འཁོར་བའི་སེམས་ཅན་སྐྱེ་བའི་རྒྱུ་ཡང་བྱེད། །རིགས་ལྡན་རྣལ་འབྱོར་དབང་ཕྱུག་ཆེན་པོ་རྣམས། །སྒྱི་གཙུག་ཚངས་པའི་བུ་ག་ཁ་བྱེ་ནས། །འོག་མིན་མཁའ་སྤྱོད་གནས་སུ་སེམས་ཉིད་འགྲོ། །ལུང་རྣམས་གཟུང་བདེ་ལག་ལེན་བསྐྱེད་རྫོགས་ཡིན། །མན་ངག་སྐྱེས་བུའི་ཐུགས་ལ་གང་གབ་པ། །ཨེ་ནི་གྲུ་གསུམ་ཕྱི་དབྱིབས་སྙིང་དུ་གནས། །ནང་དུ་ཀུན་གཞི་མ་བཅོས་བྱང་ཆུབ་སེམས། །དཀར་ནག་ལས་རྣམས་གསོག་པའི་སྣོད་ཡིན་ཡང་། །ཆོས་ཀྱི་དབྱིངས་སུ་ཤེས་པས་གོས་པ་མེད། །བ༷་ནི་མི་ཤིགས་ཐིག་ལེ་རྣམ་ཤེས་ཡིད། །ཕྱི་ནང་ཀུན་ལ་དབང་བསྒྱུར་གང་སྣང་འཆར། །མེ་ལོང་ཡེ་ཤེས་དྲི་མེད་ཆོས་ཀྱི་སྐུ། །ཀུན་ཏུ་བཟང་པོ་ཆོས་སྐུ་དྲི་མ་མེད། །མ་ནི་ཉོན་མོངས་ཡིད་དེ་ཉོན་མོངས་ལྔ། །རིགས་ལྔའི་སངས་རྒྱས་རྣམས་ཀྱང་དུག་ལྔ་ཡིན། །མེ་ལོང་ལྟོ་རྒྱབ་ལོག་པ་ལྟ་བུར་གནས། །དུག་ལྔ་རིགས་ལྔ་དབྱེར་མེད་རྟོགས་པར་བྱ། །མ་རྟོགས་རིགས་དྲུག་འགྲོ་བ་དུག་ལྔ་ཡིན། །རིགས་་རི ས་ལྔར་ ས་པས་འཁོར་བ་་ངས། །ཡུ་ནི་་་ལྔའི་ མ་པར་ ས་པར་གནས། །་་ལྔའི་ མ་ ས་འདོད་ཡོན་ལྔ་ལ་་ད། །མིག་གཟུགས་ ་བ་སྒྲ་ ་ ་ལ་དྲི། །ལྕེ་ལ་རོ་ ་ལུས་ལ་རེག་བྱར་གནས། །འདི་ལྔ་མཆོད་པའི་ལྷ་མོར་ཤེས་པར་བྱ། །དེ་ལས་མ་རྟོགས་མཆོད་པའི་ལྷ་མོ་མེད། །ཅེས་གསུངས་སོ། །པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། རྒྱུད་ལུང་མན་ངག་མི་ཤེས་པའི་དྲེགས་པ་གཟན་ལ་འབེབས་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་དབང་ཆེན་སྐུ་གསུང་ཐུགས་བསྒོམ་པ་འདི་གསུངས་སོ། །སྐུ་བཞི་གཅིག་ཏུ་བསྒོམ་པའི་ཀུན་ཏུ་ཞལ། །ཞལ་བཞི་སྐུ་མདོག་པདྨ་རྭ་གའི་མདོག །གཡས་ཀྱི་ཕྱག་བརྒྱད་རྡོ་རྗེ་ལྕགས་ཀྱུ་དང་། །སྐྲུལ་གྱི་ཞགས་པ་མུ་སྟེགས་མགོ་བོ་དང་། །ཏྲི་ཤཱལ་རྩེ་ གསུམ་རྡོ་རྗེ་རྩེ་དགུ་དང་། །རྩེ་ལྔ་རེ་གསུམ་རྩེ་གཅིག་འབར་བ་བསྣམས། །གཡོན་གྱི་ཕྱག་བརྒྱད་རྡོ་རྗེ་ལྕགས་ཀྱུ་དང་། །ལྕགས་སྒྲོག་སྡིགས་མཛུབ་ཆང་བར་སྙིང་ཡང་བཅུག །ཐོད་པ་རློན་པ་ཁྲག་གིས་བཀང་བ་དང་། །ཁྲོ་ཆེན་སྙིང་དང་ཁ་ཊ༷་རྩེ་གསུམ་དང་། །གཤིན་རྗེའི་དབྱུག་པ་བེ་ཅོན་ཆེན་པོ་དང་། །ཁ་ཊ༷་ཌ་མ་རུ་ནི་ལྷན་ཅིག་བསྣམས། །བདེ་གཤེགས་སྐུ་ཡི་ཁམ་རྒྱ་མོ། །བདུད་ཀྱི་དྲེད་མོ་རྐང་གསུམ་ཞོན། །འཁོར་ལོ་ཐོད་པ་ལག་ན་ཐོགས། །སྨུག་ནག་གཏི་མུག་ཅན་རྣམས་འདུལ། །པདྨ་གསུང་གི་ཁམ་རྒྱ་མོ། །ལྕགས་ཀྱི་སྤྱང་མོ་མགོ་དགུ་ཞོན། །ཕྱག་ན་པདྨ་ཐོད་པ་བསྣམས། །དམར་པོ་འདོད་ཆགས་དབང་དུ་སྡུད། །རྡོ་རྗེ་ཐུགས་ཀྱི་ཁམ་རྒྱ་མོ། །ཟངས་ཀྱི་འཕར་མོ་མགོབརྒྱད ཤོན། །དཀརདམར་ཟངས་མདོག་ཞེ་སྡང་འཇོམས། །རྡོ་རྗེ་རྩེ་ལྔ་བྷན་དྷ་བསྣམས། །རིན་ཆེན་ཡོན་ཏན་ཁམ་རྒྱ་མོ། །གཡུ་ཡི་སྤྱང་མོ་རྐང་གསུམ་ཞོན། །མཐིང་ག་རིན་ཆེན་ཐོད་པ་བསྣམས། །ང་རྒྱལ་ཅན་རྣམས་དབང་དུ་སྡུད། །ཕྲིན་ལས་ཕོ་ཉ་ཁམ་རྒྱ་མོ། །གསེར་གྱི་སེང་གེ་རྔམ་པ་ལ། །ལྗང་སེར་མ་མོ་རྒྱ་གྲམ་འཛིན། །རློན་པའི་བྷན་དྷ་ཕྲག་དོག་འཇོམས། །ཁྱབ་པའི་ཡེ་ཤེས་ཁམ་རྒྱ་མོ། །དཀར་མོ་སྟག་མོ་ཆིབས་སུ་ཆིབས། །གྲི་གུག་བྷན་དྷ་ཕྱག་ན་བསྣམས། །ཀུན་ལ་ཐོགས་པ་མེད་པར་རྒྱུག ཁྲར་ཕྱོགས་ལོང་བ་རྒྱབ་འབྲེལ་ནི། །འབྲུག་ཆེན་སྔོན་པོ་ཆིབས་སུ་ཆིབས། །ན་བཟའ་ལེ་བརྒན་དཔུང་ཟླུམ་ཅན། །ཡེ་ཤེས་སྒྲོན་མ་རྡོ་རྗེ་ཐོགས། །འཁོར་གྱི་དམུས་ལོང་བཅོ་ལྔས་བསྐོར། །ཕྱག་ན་འོད་ཟེར་སྒྲོན་མ་བསྣམས། །ལྷོ་ཕྱོགས་ལོང་བ་རྒྱབ་འབྲེལ་ནི། །ལྕགས་ཀྱི་དྲེལ་རྟ་ཆིབས་སུ་ཆིབས། །ཕྱག་ན་ལྕགས་ཀྱི་ཁྱུང་སྡེར་བསྣམས། །ན་བཟའ་གསེར་རས་སྒྲོན་མེ་གསོལ། །དམུས་ལོང་བཅོ་ལྔ་འཁོར་བླང་བཅས། །ཕྱག་ན་རིན་ཆེན་སྒྲོན་མེ་སྦར། ་་་དཀར་བགེགས་ལ་མདའ་རུ་འཕེན། །ནུབ་ཕྱོགས་ལོང་བ་རྒྱབ་འབྲེལ་ནི། །བན་གླང་དཀར་པོ་ཆིབས་སུ་ཤོན། །ན་བཟའ་ཀླུ་སྐྲུལ་ལྤགས་པ་གསོལ། །སྦྲུལ་ཞགས་ཡེ་ཤེས་སྒྲོན་མ་བསྣམས། །འཁོར་གྱི་དམུས་ལོང་བཅོ་ལྔ་ནི། །འབུད་དུང་གཡས་སུ་འཁྱིལ་བ་དང་། །པདྨའི་སྒྲོན་མ་ཕྱག་ན་བསྣམས། །བྱང་ཕྱོགས་ལོང་བ་རྒྱབ་འབྲེལ་ནི། །ཆུ་སྲིན་དམར་པོ་ཆིབས་སུ་ཆིབས། །ན་བཟའ་སེར་གྱི་དཔུང་བླུག་ཅན། །ཕྱག་ན་ཞིང་དབྱུག་སྒྲོན་མེ་འབར། །འཁོར་གྱི་དམུས་ལོང་བཅོ་ལྔ་ནི། །མེ་སྒྲོན་བསྣམས་ནས་ཤ་ཁྲག་ཟ། །ཟ་བྱེད་དཔལ་གྱི་ཁྱི་བརྒྱད་ནི། ཁྲར་ན་ལྕགས་ཁྱི་མགོ་བརྒྱད་ལ། །མཁའ་འགྲོ་གྲི་གུག་ཐོད་པ་དཀར། ཁྲར་ལྷོ་ལྕགས་ཁྱི་མགོ་བརྒྱད་ལ། །དཔའ་བོ་གྲི་གུག་ཐོད་པ་སེར། །ལྷོ་ན་ལྕགས་ཁྱི་མགོ་བརྒྱད་ལ། །དཔའ་བོ་གྲི་གུག་ཐོད་པ་མཐིང་། །ལྷོ་ནུབ་ལྕགས་ཁྱི་མགོ་བརྒྱད་ལ། ཁུགས་འགྲོ་གྲི་གུག་ཐོད་པ་སྨུག །ནུབ་ན་ལྕགས་ཁྱི་མགོ་བརྒྱད་ལ། །མཁའ་འགྲོ་གྲི་གུག་ཐོད་པ་དམར། །ནུབ་བྱང་ལྕགས་ཁྱི་མགོ་བརྒྱད་ལ། །མཁའ་འགྲོ་གྲི་གུག་ཐོད་པ་སེར། །བྱང་ན་ལྕགས་ཁྱི་མགོ་བརྒྱད་ལ། །དཔའ་བོ་གྲི་གུག་ཐོད་པ་ལྗང་། །བྱང་ཤར་ལྕགས་ཁྱི་མགོ་བརྒྱད་ལ། །མཁའ་འགྲོ་གྲི་གུག་ཐོད་པ་སེར། །ཡེ་ཤེས་སྤྲུལ་པ་ཁྱི་བཅུར་བཅས། ཁྲར་ན་མགོ་དགུ་རྐང་གཅིག་པོ། །སྟ་རེ་གཡས་ལ་ལྕགས་ཀྱུ་གཡོན། །ལྷོ་ན་མགོ་བརྒྱད་རྐང་ལག་བརྒྱད། །གཡས་ན་རྡོ་རྗེ་གཡོན་ན་ཕུར། །ནུབ་ན་མགོ་དྲུག་རྐང་ལག་དྲུག །གཡས་པ་ཕུར་པ་གཡོན་གཏོར་མ། །བྱང་ན་མགོ་གསུམ་རྐང་ལག་གསུམ། །ཕྱག་ན་ཤ་ཟ་ཁྲག་ལ་སྤྱོད། །དེ་ནས་པདྨ་དབང་ཆེན་གྱིས། །གསུང་གི་གསང་སྔགས་རབ་ཏུ་བཤད། །གསང་སྔགས་རབ་ཏུ་ངོ་མཚར་རོ། །མཆོག་དང་ཐུན་མོང་ལས་རྣམས་འགྲུབ། །ཨོ་པདྨ་ཤི་ཧེ་རུ་ཀ་མ་ཧྭ་ཙཎྜསརྦ་དུསྐོན། ཧ་ན་ཏ་ཀ་པ་ཙ་ཧུ༷་ཕཊ། སྐུའི་སྔགས་སོ། །ཨོ་པདྨ་བི་ཏ་སི་ཏ་ཧ་ཧེ་ཙཀྲ་སྨྱོ་སྨྱོ་ཧུ༷་ཧུ༷་ཕཊ། གསུང་གི་སྔགས་སོ། །ཨོ་ཧུ་ལུ་ཧུ་ལུ་ཧུ༷་ཕཊ། ཨེ་ཨུ་ར་ལི་ཧུ༷་ཧེ༷༷ཛ། ཐུགས་ཀྱི་སྔགས་སོ། །ཨོ་ལྷུ༷༷ཧ་ཧ་ཧུ༷་ཧུ༷་ཕཊ། ཡོན་ཏན་གྱི་སྔགས་སོ། །ཧྲི་དི་མ་དྷ་རི་ཧ་ཡ་སྒྲི་ཝ་ཨེ་ག་ཛ་ཏི་ཧུ་ལུ་ཧུ་ལུ་ཧུ༷་ཧི༷༷ཛ་ཛ། ཕྲིན་ལས་ཀྱི་སྔགས་སོ། །དེ་ནས་པདྨ་དབང་ཆེན་གྱིས། །ལྕགས་ཀྱི་གསང་བ་རབ་ཏུ་བཤད། །སྲོག་འཛིན་རླུད་ནི་ཀུན་གྱི་བདག །དེ་ཉིད་པདྨ་དབང་ཆེན་སྐུ། །དེ་ལས་རྩོལ་བའི་རླུད་བྱུང་བས། །འབྱུང་བ་བཞི་དང་འབྱུང་ཆུང་ལྔ། །དཀྱིལ་འཁོར་དགུ་ཡི་ལྷ་རུ་འགྱུར། །མིག་ལ་མེ་ཡི་རླུད་རྒྱུ་ཡང་། །གཟུགས་མཐོང་སྐུ་ཡི་ཁམ་རྒྱ་མོ་དང་། །ལྕེ་ལ་ཆུ་ཡི་རླུད་ཡང་རྒྱུ། །རོ་མྱོང་གསུང་གི་ཁམ་རྒྱ་མོ། །ལུས་ལ་ནམ་མཁའི་རླུད་ཡང་རྒྱུ། །རེག་ཤེས་ཐུགས་ཀྱི་ཁམ་རྒྱ་མོ། །སྣ་ལ་ས་ཡི་རླུད་ཡང་རྒྱུ། །དྲི་ཚོར་ཡོན་ཏན་ཁམ་རྒྱ་མོ། །རྣ་བར་རླུད་གི་རླུད་ཡང་རྒྱུ། །སྒྲ་ཐོས་ལས་ཀྱི་ཁམ་རྒྱ་མོ། །དེ་ལྔ་ཡིད་ཀྱི་ནང་དུ་འདུས། །ཀུན་ཁྱབ་ཡེ་ཤེས་ཁམ་རྒྱ་མོ། །འཁོར་བ་རྣམ་རྟོག་བག་ཆགས་རླུད་། །འདས་པ་རྟོག་མེད་ཡེ་ཤེས་སོ། །འཁོར་འདས་གཉིས་སུ་རྒྱབ་གྱེས་པས། །དེ་ཕྱིར་ལོང་བ་རྒྱབ་འབྲེལ་ཤར། །ཕྱིར་ལྡང་རླུདྨ་ལས་འདོད་ཡོན་ལྔས། །སངས་རྒྱས་མཉེས་ཤིང་སེམས་ཅན་ཚིམས། །ནང་འཇུག་རླུད་ལས་སྐུ་གསུང་ཐུགས། །ཡོན་་་ཕྲིན་ལས་དངོས་གྲུབ་ཐོབ། །ཁོང་ནས་རླུང་ལས་ཡེ་ཤེས་ལྔས། །དངོས་གྲུབ་རང་ལ་ཐོབ་པའོ། །འབྱུང་འཇུག་གནས་པ་བཅོ་ལྔ་ལས། །དེ་ཕྱིར་དམུས་ལོང་བཅོ་ལྔའི་འཁོར། །ཐབས་མཆོག་དམངས་ལ་རྒྱ་ཆེ་ཞིང་། ཁྲེས་རབ་སྟོང་པ་ཉིད་དུ་ཟབ། །རྣམ་པར་རྟོགས་པས་ཡ་བྲལ་བཟུང་། །དེ་ཕྱིར་ལོང་བ་རྒྱབ་འབྲེལ་ལྷོ། །རླུང་འདི་ཕྱིར་ལྡང་ཨོ་དུ་འཕྲོ། །དེ་ལས་བདེར་གཤེགས་སྐུ་ལྔར་གསལ། །ནང་དུ་ཧུ༷་འཇུག་ཧུ༷་དུ་འདུས། །དེ་ལས་སངས་རྒྱས་ཐུགས་ལྔར་ཐིམ། །ཁོང་ནས་རླུང་གི་ཡི་གེ་ཨུ༷༷། །རྒྱལ་བའི་གསུང་ལྔས་རྟོགས་པ་སྐྱེ། །དེ་ཕྱིར་རླུང་ལྔའི་དམུས་ལོང་འཁོར། །བེམ་པོ་འབྱུང་བའི་རླུང་དང་ནི། །རིག་པ་སེམས་ཀྱི་རླུ་་གཉིས་ལས། །བེམ་རིགས་གཉིས་མེད་མ་ཤེས་པས། །དེ་ཕྱིར་ལོང་བ་རྒྱབ་འབྲེལ་ནུབ། །ཕྱིར་ལྡང་ཕོ་རླུང་རྣམ་ལྔར་འཕྲོ། །ཕོ་ཡི་རླུང་གིས་འདར་ཞིང་དགོད་བསྐྱོད་ཀྱང་། ནང་འཇུག་མོ་རླུང་རྣམ་ལྔར་འདུས། །མོ་ཡི་རླུང་གིས་འདར་ཞིང་འཇུམས་༼འཛུམས༽ །ཁོང་གནས་མ་ནིང་རླུང་དུ་ཐིམ། །མ་ནིང་མི་རྟོག་ཐོམ་གྱིས་འགྲོ། །ཕོ་མོ་མ་ནིང་བཅོ་ལྔའི་རླུང་། །དེ་ཕྱིར་དམུས་ལོང་བཅོ་ལྔའི་འཁོར། །དབྱིངས་ཀྱི་རླུང་ལྔ་ཡུམ་དུ་གསལ། །ཡེ་ཤེས་རླུ་་ལྔ་ཡབ་ཏུ་གནས། །ཡབ་ཡུམ་འབྲེལ་བར་མ་ཤེས་པས། །དེ་ཕྱིར་ལོང་བ་རྒྱབ་འབྲེལ་བྱང་། །ཕྱིར་ལྡང་འགྲོ་བའི་དུག་འཇོམས་ནས། །ནང་འདུས་རིགས་ལྔའི་དངོས་གྲུབ་བླང་། །ཁོང་ནས་སྐུ་ལྔར་རང་བྱུང་གསལ། །ལྔ་གསུམ་དེ་ནི་དམུས་ལོང་འཁོར། །དགུན་དུས་ས་ཡི་རླུང་རྒྱུ་འབྱགས། །དེ་ཡང་ཉིན་མཚན་རྣམ་པ་གཉིས། །དཔྱིད་དུས་རླུང་གི་རླུང་ཡང་རྒྱུ། །དེ་དུས་རླུད་གཉིས་ཉིན་མཚན་གཉིས། །དབྱར་དུས་ཆུ་ཡི་རླུང་རྒྱུ་བས། །ཆུ་རྣམས་འཁྲུགས་པས་ཉིན་མཚན་གཉིས། །སྟོན་དུས་མེ་ཡི་རླུང་རྒྱུ་བས། །འབྲས་བུ་སྨིན་བྱེད་ཉིན་མཚན་གཉིས། །དུས་བཞི་ཉིན་ཞག་བརྒྱད་ཕྱིའི་ཕྱིར། །ཟ་བྱེད་དཔལ་གྱི་ཁྱི་བརྒྱད་བསྟན། །ཕུང་པོ་ལྔ་ལ་གནས་པའི་རླུང་། །དབང་པོ་ལྔ་ལ་མགྲིན་པའི་རླུང་། །དེ་དག་བཅུ་རུ་གྱུར་པས་ན། །ཡེ་ཤེས་སྤྲུལ་པའི་ཁྱི་བཅུར་གནས། །མཚན་བཅས་བསྒོམ་པར་གང་འདོད་པས། །བལྟས་པས་ལོང་བས་སྐུ་ལ་བལྟ། །བསྒོམ་པས་ཡོངས་རྫོགས་སྐུ་རུ་བསྒོམ། །བཅུར་བས་ལོང་བས་དབུགས་ལ་བཤུར། །མ་བྱུང་ལོག་གནོན་ཞག་གསུམ་བྱ། །འབྱུང་བ་བརྟན་པའི་ཆོ་ག་བྱ། །སྐུ་གྲངས་མང་པོར་བསྒོམ་པ་དང་། །ཆེན་པོ་རགས་པར་བསྒོམ་པ་དང་། །རང་ཉིད་སྐུར་བསྒོམ་དཀྱིལ་འཁོར་ཞུགས། །མཚན་བཅས་ལ་བརྟེན་མཚན་མེད་འགྱུར། །མཚན་བཅས་བསྒོམ་པའི་མན་ངག་དགུ། །དབང་གི་དཀྱིལ་འཁོར་ཆེན་པོ་མུ །ལས་ཅན་སྐལ་ལྡན་གཞུག་པའི་ཕྱིར། ཁྲར་དུ་སྒོ་སྲུང་མགོ་རུ་བསྟན། །མཚན་མེད་བསྒོམ་པས་གང་འདོད་པས། །གནས་པ་དང་ནི་དམིགས་པ་གཉིས། །འོད་གསལ་བ་དང་ཟུང་འཇུག་བཞི། །དེ་ལ་ཡང་ནི་དགྲ་བཞི་སྟེ། །དགྲ་འདུལ་པ་ཡི་མན་ངག་དང་། །དགྲ་ནི་བཙོན་ཏུ་གཟུང་བ་དང་། །དགྲ་རྣམས་ཚར་ཡང་གཅད་པ་དང་། །དགྲ་ལ་དགྲར་མི་འཛིན་པ་བཞི། །མཚན་མེད་བསྒོམ་པའི་མན་ངག་བརྒྱད། །ལྷོ་ཕྱོགས་སྒོ་སྐྱོང་མགོ་བརྒྱད་བསྟན། །མཚན་བཅས་མཚན་མེད་གཟིར་གདབ་པ། །ལྟ་བ་བསྒོམ་དུ་མེད་པ་དང་། །སྤྱོད་པ་ཡེངས་སུ་མེད་པ་དང་། །ལྟ་སྤྱོད་མི་འབྲལ་འགྲོགས་པ་གསུམ། །ཚེ་འདིའི་གཟེར་དུ་གདབ་པར་བྱ། །རིགས་དྲུག་གྲོང་ཁྱེར་གཅད་པ་དང་། །བར་དོའི་ལུས་འདི་ཡིད་མ་བསྒོམ། །འོད་གསལ་ཟུང་འཇུག་རྩེ་བྲག་བསྒོམ། །དེ་དག་བར་དོའི་གཟེར་གསུམ་ཡིན། །དེ་ཕྱིར་ནུབ་སྒོར་མགོ་དྲུག་བསྟན། །སྤྲོས་བཅས་མཚན་མའི་སྤྱོད་པ་དང་། །སྤྲོས་མེད་གསང་བའི་སྤྱོད་པ་དང་། ཁེན་ཏུ་སྤྲོས་མེད་སྤྱོད་པ་གསུམ། །ཞུགས་ཕྱིར་མགོ་གསུམ་བྱང་སྒོ་བསྟན། །བརྩོན་འགྲུས་ལྡན་པའི་མན་ངག་གིས། །ཚེ་འདིར་སངས་རྒྱས་ཐོབ་པ་དང་། །ལེ་ལོ་ཅན་གྱི་གང་ཟག་གིས། །བར་དོར་སངས་རྒྱས་ཐོབ་པ་གཉིས། །དེ་ཕྱིར་མེ་འབྲུག་རླུད་འབྲུག་བསྟན། །ཚེ་འདིར་འབྱུང་བཞི་སེམས་སུ་ཐིམ། །བར་དོར་སེམས་ཉིད་ལྷ་སྐུར་འཆར། །དེ་ཉིད་སངས་རྒྱས་སར་འགྲོ་གསུམ། །དེ་ཕྱིར་སྐུ་གསུང་ཐུགས་རྣམས་ལས། །ཡང་སྤྲུལ་བསེ་ཡི་བྱ་གླག་སོགས། །སྤྲུལ་པ་མང་པོ་བསྟན་པ་ཡིས། །ཉིན་ཞག་དག་ནི་ཕྲུགས་གཅིག་ལ། །ཉི་ཁྲི་ཆིག་སྟོང་དྲུག་བརྒྱའི་རླུད་། །རྒྱུ་བས་ཕོ་ཉ་འགུགས་འདྲེན་ལས། །དབུ་ཡི་སྤྱི་བོ་མན་ཆད་ནས། །ཞབས་ཀྱི་གདན་ཁྲི་ཡན་ཆད་དུ། །སྤྲུལ་པའི་ཕོ་ཉ་མང་པོར་བསྟན། །ཞེས་གསུངས་སོ། །པདྨ་དབང་ཆེན་དྲེགས་པ་གཟན་འབེབས་ཀྱི་རྒྱུད་ལས།དབང་ཆེན་སྐུ་གསུང་ཐུགས་ཀྱི་སྒྲུབ་པས། འགྲོ་དྲུག་བདེ་ཆེན་ཆོས་སྐུར་སྦྱོར་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་པདྨ་དབང་ཆེན་གྱིས་གང་ཟག་གཉིས་སངས་རྒྱས་པའི་ལམ་འདི་གསུངས་སོ། །བརྩོན་འགྲུས་ཅན་དང་ལེ་ལོ་ཅན། །འདི་དང་བར་དོར་སངས་རྒྱས་པའི། །གསང་སྔགས་འབྲས་བུ་བླ་ན་མེད། །རབ་ཏུ་སྦས་པ་བཤད་པར་བྱ། །བརྩོན་འགྲུས་ཅན་གྱི་གང་ཟག་ཏུ། །ཚེ་འདིར་མཚན་བཅས་མཚན་མེད་བསྟན། །དང་པོར་སྐུ་ལ་བལྟ་བར་བྱ། །བལྟས་པས་དགོངས་པ་ཐོབ་གྱུར་ནས། །བདག་ཉིད་སྐུ་རུ་བསྒོམ་པར་བྱ། །བདག་ཉིད་སྐུ་ལ་གོམས་གྱུར་ན། །དེ་ནས་དཀྱིལ་འཁོར་ཞུགས་པར་བྱ། །མ་བྱུང་ལོག་གནོན་ཞག་གསུམ་བྱ། །དེ་ལྟར་ཐོབ་པའི་རྟིང་ལ་ནི། །དེ་ནས་བརྟན་པའི་ཆོ་ག་བྱ། །དགུན་ནི་ཉི་མ་གསུམ་ཆར་བྱ། །དབྱར་ནི་ཉི་མ་བཞི་ཆ་བྱ། །ལུགས་སྐུ་ཀུན་ལ་བློ་གློར་བལྟ། །དེ་ལྟར་ཐོབ་པའི་རྟིང་ལ་ནི། །མཚན་མ་ཅན་ལ་བརྟེན་ནས་ནི། །མཚན་མ་མེད་པར་རབ་ཏུ་བསྐྱེད། །མྱུར་བར་འདོད་ན་སྤྱོད་པ་བྱ། །སེམས་ནི་འཕྲོ་བ་དགག་པར་བྱ། །གཉིས་སུ་མེད་པའི་སྤྱོད་པ་བྱ། །མཚན་མ་ཅན་གྱི་མན་ངག་ཡིན། །མཚན་མ་མེད་པའི་མན་ངག་ནི། །དང་པོར་རླུ་་ལ་གནས་པར་བྱ། །སེམས་ཅན་རྣམས་ཀྱི་སྲོག་གྱུར་པ། །རླུད་ཞེས་བྱ་བས་ལས་ཀུན་བྱེད། །འདི་ནི་རྣམ་ཤེས་ཤོན་རྟ་སྟེ། །ལྔ་ཡི་བདག་ཉིད་བཅུ་མིང་ཅན། །རང་བཞིན་ཕྲ་བ་བརྒྱ་དང་ནི། །དྲུག་ཅུ་ཐམ་པ་འདི་དག་ནི། །རླུད་གི་བཞོན་པའི་རྒྱུ་ཡིན་ཏེ། །ཉིན་དང་མཚན་དུ་རྒྱུ་བའོ། །གཉིས་པར་རིལ་འཛིན་རྗེས་གཞིག་དམིགས། །མགོ་བོ་ནས་ནི་རྐང་པའི་བར ཇི་སྲིད་སྙིང་གར་ཕྱིན་གྱི་བར། །རྣལ་འབྱོར་ཡང་དག་མཐའ་ལ་འཇུག །རིལ་པོར་འཛིན་པ་ཞེས་བཤད་དོ། །ཇི་ལྟར་དབུགས་ཀྱི་མེ་ལོང་ལ། །མཐའ་ནས་རིམ་གྱིས་དབུས་ཐིམ་ལྟར། །རྣལ་འབྱོར་ཡང་དག་མཐའ་ལ་འཇུག །རྗེས་སུ་གཞིག་པ་ཞེས་བཤད་དོ། །གསུམ་པར་འོད་གསལ་བསྒོམ་པར་བྱ། །ད་ནི་ཡོངས་རྫོགས་རྣལ་འབྱོར་གྱི། །གསལ་བའི་དོན་ནི་བཤད་བྱ་སྟེ། །སྟོང་པ་གསུམ་པོ་རྣམ་དག་གང་། །འོད་གསལ་བར་ནི་འདིར་བཤད་དོ། །བསམ་གཏན་འདི་ནི་བསམ་གཏན་མིན། །འདིས་ནི་མཐར་ཐུག་མི་འཐོབ་སྟེ། །ནམ་མཁའ་ལྟ་བུར་ཕྱོགས་གྱུར་པས། །འོད་གསལ་བ་ནི་མི་དམིགས་ཏེ། །འོད་གསལ་བ་ཡི་གནས་ཐོབ་ནས། །རབ་དགའི་གཟུགས་སུ་སྐྱེ་བར་འགྱུར། །དེ་ཚེ་རབ་དགའ་རྡོ་རྗེའི་སྐུ། །ཀུན་གྱི་དབང་ཕྱུག་ཐོབ་པར་འགྱུར། །འདས་པ་དང་ནི་མ་འོངས་པ། །ད་ལྟར་བྱུང་བའི་སྲིད་པ་གསུམ། །འོད་གསལ་བ་ནི་རྣམ་དག་པས། །སྐད་ཅིག་གཅིག་ལ་མ་ལུས་མཐོང་། །ཞི་བར་ཟུང་དུ་འཇུག་པ་ནི། །ཀུན་རྫོབ་དང་ནི་དོན་དམ་དག །སོ་སོའི་ཆ་ཡིས་ཕྱེ་གྱུར་ན། །ཡང་དག་ཉིད་དུ་འདྲེས་གྱུར་པས། །ཟུང་དུ་འཇུག་པར་དེ་བཤད་དོ། །མཚན་མེད་བསྒོམ་ལ་དགྲ་བཞི་སྟེ། །དགྲ་འདུལ་མན་ངག་བཤུར་བ་ནི། །ཇི་ལྟར་སྤྲིན་ནི་སྣ་ཚོགས་པ། །མདོག་དང་དབྱིབས་ནི་ཐ་དད་པས། །ནམ་མཁའི་ངང་ལས་བྱུང་ནས་ནི། །དེ་ཉིད་དུ་ནི་ཐིམ་པར་འགྱུར། །དེ་བཞིན་རང་བཞིན་ཐམས་ཅད་ཀུན། །སྣང་བ་གསུམ་གྱི་རྒྱུ་ཅན་ཏེ། །མ་ལུས་ཡུལ་ལ་ཞུགས་ནས་ནི། །འོད་གསལ་བར་ནི་འཇུག་པར་འགྱུར། །དེ་འདྲ་རང་བཞིན་མ་ཤེས་པས། །མི་ཤེས་མུན་པས་ཕེབས་ནས་ནི། །དགེ་དང་མི་དགེའི་ལས་བྱས་ནས། །འགྲོ་བ་ལྔར་ནི་འཁོར་བར་འགྱུར། །ཐབས་ཆེན་རྒྱུད་དང་ལྡན་པ་ལ། །ཉོན་མོངས་བྱང་ཆུབ་ཡན་ལག་བཤད། །དང་པོ་སེམས་ནི་བཤུར་བར་བྱ། །བཤུར་བ་ཚད་དུ་ཕྱིན་ཙམ་ན། །སེམས་ནི་རང་ལོག་ཉིད་དུ་གྱུར། །བཤུར་བ་ཚད་དུ་ཕྱིན་པ་ཡིན། །ལ་ལས་ཚད་དུ་ཕྱིན་པས་ཐོབ། །ལ་ལ་བདེ་བའི་སྒོ་ནས་ཐོབ། །ལ་ལ་ཤེས་པ་འཚམས་པས་ཐོབ། །ལ་ལ་ཁ་བོ་དག་གིས་ཐོབ། །ལ་ལར་སྤྲོས་པ་བཅས་པ་ཐོབ། །དེ་ནས་གཉིས་མེད་བསྒོམ་པར་བྱ། །གཉིས་མེད་བསྒོམ་པའི་རྟིང་ལ་ནི། །དང་པོར་སེམས་ནི་གནས་པ་སྐྱེ། །དེ་ནས་སེམས་ནི་དམིགས་པ་སྐྱེ། །དམིགས་པ་སྐྱེས་པའི་རྟིང་ལ་ནི། །རང་བཞིན་གྱིས་ནི་འོད་གསལ་སྐྱེ། །འོད་གསལ་སྐྱེས་པའི་རྟིང་ལ་ནི། །ཟུང་འཇུག་བསྒོམ་པ་སྐྱེ་བར་འགྱུར། །ལེ་ལོ་ཅན་ཡི་གང་ཟག་དེ། །སྲིད་པ་བར་དོར་སངས་རྒྱ་བས། ཁེ་བ་དོན་དམ་བདེན་པ་ཡིན། །ཕུང་པོ་ཁམས་དང་སྐྱེ་མཆེད་རྣམས། །འབྱུང་བ་ཆེན་པོ་བཞི་ལ་ཐིམ། །འབྱུང་བ་ཆེན་པོ་བཞི་པོ་ཡང་། །ས་ནི་ཆུ་ལ་ཐིམ་པར་འགྱུར། །ཆུ་ནི་མེ་ལ་ཐིམ་པར་འགྱུར། །མེ་ནི་རླུད་ལ་ཐིམ་པར་འགྱུར། །རླུ་་ནི་རྣམ་པར་ཤེས་པར་ཐིམ། །རྣམ་ཤེས་སྣང་བ་དེ་ལ་ཐིམ། །སྣང་བ་སྣང་བ་མཆེད་ལ་ཐིམ། །སྣང་མཆེད་སྣང་བ་ཐོབ་ལ་ཐིམ། །སྣང་བ་ཐོབ་པ་བྱ་བ་ནི། །ཐམས་ཅད་སྟོང་པ་ཉིད་ལ་ཐིམ། །ཐམས་ཅད་སྟོང་པ་འོད་གསལ་བ། ཁེ་བ་ཤེས་རབ་ཕ་རོལ་ཕྱིན། །བདེ་བར་གཤེགས་པའི་སྙིང་པོ་ཡིན། །རྣལ་འབྱོར་པ་ཡི་གྲོགས་ཡིན་ནོ། །དེ་ལས་སྤྲུལ་སྐུ་འབྱུང་བ་ནི། །ཇི་ལྟ་ཆུ་ཀླུང་དྭངས་པ་ལ། །ཉ་དག་མྱུར་དུ་འཕར་བ་ལྟར། །དེ་བཞིན་ཐམས་ཅད་སྟོང་གསལ་ལས། །སྒྱུ་འདྲ་བར་ནི་འབྱུང་བར་བཤད། །དེ་ཉིད་བར་དོའི་སྐུ་ཡིན་ཏེ། །སྔོན་འབྱུང་སྲིད་པའི་ཤ་གཟུགས་ཅན། །དབང་པོ་ཀུན་ཚང་ཐོགས་མེད་ལྡན། །རིགས་མཐུན་ལྷ་མིག་དག་པས་མཐོང་ བར་མ་དོ་ཡི་སྐུ་དེ་ཡིན། །འགྲོ་བ་རིགས་དྲུག་གྲོང་ཁྱེར་དེ། །གཉིས་སུ་མེད་པའི་སྤྱོད་པ་སྤྱད། །སྤྲོས་པའི་རྣམ་པས་ཆོད་གྱུར་ནས། །བར་མ་དོ་ཡི་སྐུ་དེ་ནི། །རྡོ་རྗེ་སེམས་དཔའི་སྐུ་རུ་བསྒོམས། །འོད་གསལ་ཡང་ནི་བསྒོམ་པར་བྱ། །ཟུང་འཇུག་སྐུ་ཡང་འབྱུང་བར་འགྱུར། །ཟུང་དུ་འཇུག་པ་གཉིས་ཡོད་དེ། །སློབ་བཞིན་པ་དང་མི་སློབ་པ། །མི་སློབ་པ་རུ་ཐུར་ཙ་ན། །སྣང་བ་ཙམ་དང་གསལ་བ་ཙམ། །སྣང་ལ་རང་བཞིན་མེད་པ་གཉིས། །ཚེ་འདི་ཉིད་ཀྱིས་ཐམས་ཅད་མཁྱེན། །སངས་རྒྱས་ཞིང་ནས་མི་ལྡོག་པའི། །བར་མ་དོ་རུ་མངོན་སངས་རྒྱས། །པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། འགྲོ་བ་དྲུག་གི་གང་ཟག་ལེ་ལོ་ཅན་དང་བརྩོན་འགྲུས་ཅན་བདེ་ཆེན་ཆོས་སྐུར་དྲངས་པ་སྟེ་ལེའུ་བཞི་པའོ།། །།དེ་ནས་བཅོམ་ལྡན་འདས་ཀྱིས་ལྷ་སྲིན་སྡེ་བརྒྱད་ཀྱི་གཙོ་བོ། །གཟའ་བདུད་ཉི་མ་ཁྲོས་པའི་སེར་བ་དབབ་པ་འདི་གསུངས་སོ། །ནཱ་ག་ཤང་ཤང་། ར༷་ར༷་ཡུ་ཡུ། རྦད་རྦད་ཤར་ཤར། ཕོབ་ཕོབ་ད་ཕོབ་ཡ། མ་མ་རག་ཤ་ཕོབ། རག་ཤ་ཨ་ག་ནི་ཕོབ་སྲུ་ཧྭ། པི་པི་ཕྲོམ་ཕྲོམ་ཤར་ཤར་གྲྭ་ཧྭ། སུར་ཤག་ཏིན་གནས་མྱགས་མྱགས་ཤར་ཤར་སྲུ་ཧྭ། པི་པི་རིལ་རིལ་སིབ་སིབ་སྨྱོ་ཡ། རུ་ལུ་རུ་ལུ་སྭ་ཧྭ། བསྙེན་དང་བསྒྲུབ་དང་ལས་སྦྱོར་གསུམ། །གཅིག་ཏུ་དྲིལ་བའི་གསང་སྔགས་ཡིན། །དབེན་པའི་གནས་སུ་བསྙེན་པ་བྱ། །སེང་ལྡེང་ཕུར་པ་ཡུངས་གར་ལ། །གཏོར་མ་མི་དགོས་ཞགས་བཅུར་བཟླས། །ཨ་ཙ་ར་ནི་སྨྲ་བ་དང་། །བུད་མེད་ཕྱག་བྱེད་མོན་པ་འབྱུང་། །བསྒྲུབ་པ་ར་རོག་ཁྱི་ནག་ཁྲག ་་་དཀར་གསུམ་ལ་ཞག་བ་ཅུར་བཟླས། །མི་རིང་སྐྱ་ཤར་ཆུ་བོ་དང་། །འཁྱགས་པས་ཡུལ་ཁམས་ཁེངས་པ་འབྱུང་། །དེ་ནས་གཏའ་བསྒྲུབ་བྱ་བ་ནི། །མི་སོག་གཉིས་ལ་ནང་དུ་སྔགས། །ཕྱི་རོལ་ཡུལ་གྱི་ལྷ་ཀླུ་བྲི། །ལིསྐོ་བྲིས་ལ་ཕུར་པ་དྲིལ། །ཐོད་ནང་བཅུག་ལ་ཁེབས་ཀྱིས་གདབ། །ཞག་བདུན་བཟླས་ཤིང་ཐུན་གྱིས་བྲབ། །རྟགས་ནི་ཟོར་བས་འདར་བ་དང་། །ཁ་ལ་འབྲུམ་བུ་ཡོང་བ་དང་། །རྩས་མ་བརྔས་དང་སྒྲུབ་སྟེང་འབབས། །སེར་འབྲུ་བླང་ལ་ཐུན་ཁྲག་བླུགས། །དེ་ནས་ལས་ལ་སྦྱར་བ་ནི། །གུ་གུལ་ཚིམ་ཆེན་ལིསྐོར་བདུག །ཞག་གཅིག་བཟླས་ཏེ་གཏའ་ཡངས་བསྐྱེལ། །ཧུ༷་མུ༷་ཡ༷་ཡ༷་ཤར་ཤར་ག་དུན་ཕོབ། རག་དུན་ཕོབ། རག་ཤ་ཨ་སྟི་ནི་ཕོབ། ཕི་ཕི་ཤར་ཤར་ནི་ཕོབ། མ་ན་ཀ་ནི་ཕོབ། ནཱ་ག་ཤེད་ར༷་ར༷་ཐུག་ཁྲམ། དགྲ་བོ་ཡི་ཡུལ་དུ་ཕོབ། ཆེམ་ཆེམ་ཐོག་ཤོག །གི་ག༷་དགྲ་ལ་ཕོབ། གཏའ་སྒྲུབ་ཚེ་ན་ཐུན་སྐབས་བྲབ། །ལས་ལ་སྦྱོར་དུས་ཞག་གཅིག་བཟླས། །སོག་པ་གཅིག་ནི་ལྷ་རྟེན་ལ། །གཏའ་དེ་ལྐུགས་པར་གཞུག་པར་བྱ། །སོག་པ་གཅིག་ནི་ཀླུ་གནས་སར། །ནམ་མཁའ་མཐོང་སར་སྦ་བར་བྱ། །ཕུར་བ་སེར་ཐོ་ངག་ལ་གཞུག །ཐུན་གྱི་ཁྲག་གིས་གཏའ་ཟམ་འབྲེལ། །གནམ་སྟོང་པ་ནི་རི་རྩེ་ནས། །ལྷ་རྡེའུ་ཀླུ་རྡེའུ་ཟོར་དུ་འཕེན། །སེར་བས་ཡུལ་ཁམས་ཕུང་བར་འགྱུར། །སངས་རྒྱས་བསྟན་པ་དར་བར་ངེས། །ཞེས་གསུངས་སོ། །པདྨདབངཆེནདྲེགསཔགཟན་འབེབས་ཀྱི་རྒྱུད་ལས། གཟའ་བདུད་ཉི་མ་ཁྲོས་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱིས་བདུད་ནག་པོ་འཛུམ་མེད་ཀྱི་སེར་བ་དབབ་པའི་མན་ངག་འདི་གསུངས་སོ། །དམ་ཚིག་ལྡན་པའི་དབེན་གནས་སུ། །གྲུ་གསུམ་དཀྱིལ་འཁོར་ཁྲུ་གང་སྟེ། ཁྲར་དུ་འབྲུ་ནག་གཏའ་གཏོར་ལ། །ལྷོ་རུ་སྒྱུང་མདའ་དར་ནག་རྟེན། །ནུབ་ཏུ་ཆང་ཕུད་གསེར་སྐྱེམས་བཤམ། །བྱང་དུ་རྒྱུན་གཏོར་ཤ་ཁྲག་བཤམ། །ཟ་འུག་ཧ་ཐབས་སྟེང་ནས་གུར། །ཁྱི་ནག་ར་རོག་གླང་ནག་དང་། །ཕག་རོག་ཁྲག་དང་ཁྱི་ཀླད་རྣམས། །བག་ཕྱེར་སྦྲུས་ལ་རིལ་བུ་བྱ། །ལིསྐོར་དྲིལ་ལ་ཁྱི་ཐོད་གཞུག །སྔགས་འདི་ཟླ་བ་གསུམ་དུ་བསྙེན། པྲད་ཉ་ཨུ་ས་ཏྭ་སྨྱོ། བྷ་ག་ཧ་ཏ་ཡ་སྨྱོ། མ་མ་རཀྟ་ནི་སྨྱོ། སེ་ལ་མུ་ཏ་བབ། བདུད་སན་ཏ་ཧ་ར་ཡ་བབ། བ་ལ་ནི་ལ་བབ་ཕོབ་སྨྱོ། རུ་རུ་ཧྲིལ་ཧྲིལ་ཕོབ་ཡ། རི་ལ་ར་རོག་རུ་ཅོལ་གཞུག །ལ་ཆས་ཁ་བཅད་འོད་དཀྱིལ་སྦ། །གཏའ་ལྐུགས་ཐུན་གཏོར་བསྙེན་པའོ། །དེ་ནས་བསྒྲུབ་པ་ཐུན་ལ་བྱ། །ཁྱི་ཐོད་ནང་དུ་ཉུང་དཀར་བྲབ། །བསྙེན་བསྒྲུབ་གཉིས་ཀྱི་སྔགས་དྲིལ་ལ། །ཞག་གྲངས་བཅོ་བརྒྱད་བཟླས་པར་བྱ། །བ་ལ་བ་ཏི་ཏུ་བ། དུག་ས་ལ་མུ་ཏྲ་བབ། ཙ་ག་མ་ར་ཡ་ཤོ་བ་བ། ཧ་ཧ་རིལ་རིལཕ་ལ་་ག་་ག ཐར་ཤར་ཤུར་ཤུར་ཕོབ་ཡ། །རྡོ་རྗེ་རྒྱ་གྲམ་མུ་ཁྱུད་ལ། །ཁ་གནོན་སྔགས་བྲིས་ཐུན་ཁ་གཅད། །ཡི་དམ་ང་རྒྱལ་ཐུབ་པར་བྱ། །ཁ་གནོན་སྔགས་འདི་བཅུ་བཅུ་བཟླས། །ཨོ་མ་མ་བ་ཏྲ་ནན། རུ་ཏིང་ནན། ག་ག་ཏེ་བ་ཏི་ཀ་ནན། པ་ཏྲ་པ་ཏུ་མི་ག་ནན། ནཱ་ག་ཡུ་ལ་པ་ཤ་ནན། ཧུ༷་རུ་ར་ག་ཏི་རྦ་ལ་ནན། པྲད་ཉ་ཏྲི་ག་དུ་ནན། ཨ་ཀྲོ་ཀྭ་ལ་བབ་ནན། ཨུརུ་ས༷་ག་ཏི་ཡ་ནན། དེ་ནི་ཐུན་བ་སྡོམ་པའི་སྔགས། །ཐུན་གྱི་ཁ་གཅོད་དག་ལ་བྲིས། །དམུས་ལོང་འཐིབས་ལོང་ཐེབས། དམུས་ལོང་ཉམས་དམུས་ལོང་ཉམས། འུར་ཐིབས་ཤར་ཐིབས། འུར་མ་ཐིབས། ཨེ་ཏ་དྲ་ཐིབས་རྦད། ཧི་ཧི་ལྟིབས་རྦད། རྡེས་སོད་ཁྲག་སྒང་སད། འདར་འདི་ཤར་ཤིག །ཏིང་ན་ཤིག །ཧེ་ན་འདེད་དང་ཐུམས། ཡེ་ར༷་མུག །དེ་ནི་ཐུན་ཁ་སྡོམ་པ་སྟེ། །ཐུན་བར་དག་ཏུ་བཟླས་པར་བྱ། །ལས་སྦྱོར་ཁྲག་ལ་བྱ་བ་སྟེ། །ར་དཀར་བ་དམར་རྟ་དཀར་མོའི། །ཁྲག་གསུམ་གཡས་སུ་གཞག་པར་བྱ། །བ་དམར་འོ་མ་གཡོན་དུ་གཞག །སྐྱེར་པའི་ཤིང་ལ་ཕེར་ག་བྱ། །རྩེ་མོ་ཁྲག་བྱུག་ཁྲག་ནག་དཀྲུག །རྩ་བ་དཀར་པོས་འོ་མ་དཀྲུག །ཞག་གསུམ་དབབ་པའི་སྔགས་འདི་བཟླས། །བྲ༷་ཡག་ཤ་ཚིལ་དྷི་ཐུན། གར་བི་ཚ་བུ་གུ་ལིམ་ཤ་ག་ནེ། ཨད་པུར་ཚེ་ཐུལ་ཐུལ། དགྲ་ཡི་རི་རྩེར་ཟངས་ནང་དུ། །ཁྲག་དང་འོ་མ་ར་གྲོད་བླུགས། །བེ་ཀར་གྲོད་བཏག་ཁྲག་བཟང་ཏིག །ཟངསཟངཀྱངགར་དབྱུག་པ་ས་ལ་བཏབ། །ཕུད་འདི་ཤར་ལ་གཏོང་བས་བྱ། །སྔགས་འདིས་ཁྲག་ཟོར་དགྲ་ཡུལ་འཕང་། བཛྲ་ས་ག་ཏྲེ་ཡ། མ་སིང་ཏྲ༷་ཡ། བཛྲ་ཁ་ཊ༷་ག་ཡ། བཛྲ་ཤན་ཀུ་རུ་ཡ། བཛྲ་ཞུང་ཞུང་ཡ། ཏྲི་ཤ་མེ་ཁ་མ། ཡ་ཏྲ་བ་ཡ། བཛྲ་བོང་༄༅ བོང་ཡ། བཛྲ་ར་ཏྲ་ཡ། བཛྲ་ཞུང་ཞུང་ཡ། མ་ར་ན་རྭ་ཛ་ཡ། བཛྲ་ཏྲི་ནར་ཡ་མ་ཡ། ཙུ་ཧ་ན་ཏྲི་ཡ་དུ་ཡང་དྲུང་ལ༷་ཏྲི་ཡ། །བདུད་པོ་ནག་པོ་འཛུམ་མེད་ནི། །སྟུ་རེ་གཡས་ལ་ཁ་ཊ༷་གཡོན། །སྟག་གཞུ་སྟག་སླག་མུ་སྟེགས་ཆས། །དགྲ་ཡུལ་སེར་བ་འབེབས་པར་བསམ། །ཞེས་གསུངས་སོ། །པདྨ་དབང་ཆེན་དྲེགས་པ་གཟན་འབེབས་ཀྱི་རྒྱུད་ལས། །བདུད་ནག་པོ་འཛུམ་མེད་གཟན་ལ་དབབ་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་པདྨ་དབང་ཆེན་གྱིས། །ལྷ་ཆེན་པོས་སེར་བ་དབབ་པ་འདི་གསུངས་སོ། །དབེན་གནས་དཀྱིལ་འཁོར་གྲུ་གསུམ་དུ། །དབུས་སུ་དམ་རྫས་གཏོར་མ་ལ། །ཟུར་གསུམ་ཕུར་པ་གསུམ་ཡང་གཟུག །ལྷ་ཆེན་སྐུ་ཡང་བསྒོམ་པར་བྱ། །དབུ་ནི་ལྷ་ཡི་ཡུལ་ན་ཡོད། །འགྲམ་གཡས་དཀར་པོས་ཉི་མ་མནན། །གཡོན་པ་སེར་པོས་ཟླ་བ་གནོན། །སྣ་ནི་ནག་པོ་སྡེ་བརྒྱད་སྡུད། །ཕྱག་གཡས་ཡོངས་འདུ་ས་བརྟོལ་བསྐུལ། །ཟིལ་བ་སེར་བ་ཆེན་པོ་འབེབས། །ཕྱག་གཡོན་གནམ་ལྕགས་ཐོག་ཆེན་འབེབས། །སྐེད་པ་མི་ཡི་ཡུལ་ན་ཡོད། །མཇུག་མ་སྦྲུལ་དུ་འཁྱིལ་བ་ལ། །ཞབས་ནི་ཀླུ་ཡི་ཡུལ་དུ་བརྐྱང་། །དེ་རུ་བསྒོམ་ལ་དྲག་སྔགས་ནི། །གཡག་རུ་ཡུངས་ཀར་སྐམ་ཐུན་བྲབ། ཁུ་ཧ་ནུ་ཨ་རུ་ས་ཐ་རུ་ད་ར་ད་ཧ་ས་ར་པ་སྲ ལྗང་ནི་ང་སོ་ཧེ་ས་ཧ་ས་ན། ལ་ཡོ་དྷི་སེ་ག་འཛུ་ཨེ། མུན་དྷ་ཕ་རི། ཨན་འཛུ་ཕ་རི། མུན་དྷ་ལི་ནི། མ་ཧུ་ཨ་རི། ཨ་རི་ན་མོ། ཏི་ཁྲོ་༷ཁྲོ་ཧུབ་ཧུབ། ག་ལི་ཤར་ཤར་གྲྭ་ཧྭ། དགུན་ཀ་ཁ་བ་བུ་ཡུག་ཡོང་། །དབྱར་ནི་སེར་བ་དངོས་སུ་འབབ། གཏོར་མ་ལ་ནི་ཐུན་ཡང་བྲབ། བྱ་དང་རྟ་ར་མཚལ་བུ་གསུམ། །གཡག་རུ་ནང་དུ་རློན་ཐུན་སྒྲུབ། ཕོབ་ཕོབ་ཁྲོ་ཧྲིལ་ཤར་ཕོབ། །གོས་དམར་རྒྱན་ལ་དཀར་གསུམ་ཟ། །སེར་རྒྱ་ར་མགོར་རྫས་བླུག་སྦ། །ཕུར་པ་གསུམ་ནི་གཟེར་དུག་དག །གཏོར་མ་ཟོར་དུ་འཕང་བར་བྱ། །སེར་བས་ཡུལ་ཁམས་ཁེངས་པར་འགྱུར། །པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། ལྷ་ཆེན་གདུག་པ་གཟན་ལ་འབེབས་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་ཀྱིས་གནོད་སྤྱིན་ཀྱི་དྲག་སེར་དབབ་པ་འདི་གསུངས་སོ། །དཀྱིལ་འཁོར་གྲུ་གསུམ་དབུས་དག་ཏུ། །ཕག་ཁྲག་ཉུང་དཀར་ར་ཐོད་བླུགས། །ལྷ་ཀླུ་སེར་སྲུང་ར་རུ་གསུམ། །གནོད་སྦྱིན་ཕྱག་བཞི་འབྲུག་ལ་ཞོན། །ལྕགས་གྱི་བེར་ཀ་བ་དན་གཡས། །ཐོད་ཁྲག་ཟོར་བ་གཡོན་པ་ན། ཨོ་ཏྲི་བྱི་ཤག་པྲ་མ་ཡ། ཏྲི་ལི་ཤག་ཤར་སེར་ཧྲིལ་སྨྱོ། ཏིང་ཁེ་སེར་དྲིལ་ཤར་སྨྱོ། ཛ་ར་ཀ་ར་ཤི་ཧྲིལ་ཤར་སྨྱོ། པྲེ་དུ་ཤ་ཤར་ཤར་སྨྱོ། སྙི་ཏང་བྷ་རི་ཚག་ཤར་སྨྱོ། བྲ་མ་ཡ་བྷ་ར་ཏི་ཕེབས་སྨྱོ། །བསྙེན་སྔགས་འབུམ་ཚོ་བདུན་པོ་ལ། །ཨོ་ཙ་ན་ཉུང་དཀར་རུ་ནང་བླུག །དང་པོ་གཉིས་ནི་བདུན་ཚོ་གཉིས། །ཆུ་རིལ་སྔགས་ཏེ་བསྒྲུབ་པར་བྱ། །ཐ་མ་བདུན་པ་དབབ་སྔགས་ནི། །འབེབས་ཁར་མི་༄༅ ཚིལ་ར་ཚིལ་དང་། །ཁྱི་ཚིལ་གུ་གུལ་དུད་པས་བདུག །གནད་ལ་ཕེབས་ན་མྱུར་དུ་འབབ། །ར་རོག་ཐོད་པ་ཡུལ་དབུས་སྦ། །དུ་མ་གསུམ་པོ་གཟེར་དུ་གདབ། །དྲག་སྔགས་བདུན་པས་ཡུལ་ཁམས་ནི། །སེར་བས་འཇོམས་ཏེ་སངས་རྒྱས་ཀྱི། །བསྟན་པ་དམ་པ་རྒྱས་པར་གསུངས། །ཞེས་གསུངས་སོ། །པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། གནོད་སྦྱིན་ལྕགས་ཀྱི་བེར་གཅན་གཟན་འབེབས་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་མ་མོ་ནག་མོ་ཛ་མུན་ཏིས་ཀླུ་གནད་ལ་འབེབས་པའི་སེར་བ་འདི་གསུངས་སོ། །བྱ་རྟ་མཚལ་བུའི་སྙིང་ཁྲག་དང་། །ར་ཁྱི་སེར་སྐྱའི་སྙིང་ཁྲག་བཞི། །མཛེ་ཁྲག་ལྔ་ཡི་ཐུན་ནང་དུ། །གུ་གུལ་ནག་པོའི་ཆུ་ནང་ནས། ་་་དཀར་ཕྱུང་ལ་ཐུན་དུ་བྱ། །ཐུན་ཁྲག་ཆང་ཕུད་གཙང་མས་སྦྱར། །ནཱ་ག་ཏྲག་རཀྟ་ཁ་མུན་ཏྲ། ནཱ་ག་རུ་ལུ་རུ་ལུ་མ་མ་སྨྱོ་སྦྱོ། ནཱ་ག་ཤ་ནི་ཏི་ཤཱ་རྦད། ཐུམ་རི་ལི་ལི། ནཱ་ག་ཏྲག་རཀྟ་མུན་ཛ། ཏྲ་ཀ་མུན་ཏྲ་རུ་ལུ་རུ་ལུ་མ་མ་སྦྱོ། ནཱ་ག་སྙིང་ཁ་ར་ག་མ། ནཱ་ག་ལ་མུ་ར་ལ་སྦྱོ་སྨྱོ། །བསྙེན་སྔགས་ཞག་ནི་བདུན་དུ་བཟླས། །སྔགས་དབལ་ཁ་ལ་འབྲུམ་བུ་ཡོང་། །སེར་བ་དངོས་སུ་ཐོར་ཐོར་འབབ། །མཐོང་ལུགས་རྣམ་པ་གསུམ་ཡོད་དེ། །སྒྲུབ་པ་པོས་ནི་ལོ་ཐོག་མཐོང་། །མཁའ་འགྲོ་མ་ཡིས་ཟས་སུ་མཐོང་། །ཀླུ་ཡིས་དཀོར་ནོར་བང་མཛོད་མཐོང། །བཛྲཏིསྟོམུགཡེ། །ནཱ་ག་མ་མ་ར་ཡ་ཕྲོས་ཕྲོམ། ནཱ་ག་ཧུ་ཡ་ནཱ་ག་ལིང། མ་ཧྭ་ཨུ་ན་ཡེ་ཕྲོམ་ཕྲོམ། ནཱ་ག་ཧ་ན་ད་ཧ་པ་ཙ་ཧྲིལ་ཧྲིལ། ཤར་ཤར་ཆེ་གོ་མོའི་ལོ་ཐོག་ལ་ཕྲོ་ཕྲོ་ཕོབ་ཡ། །ཆུ་འདྲིལ་དབབ་པ་ཞག་བདུན་བྱ། །ཐུན་སྣོད་མ་ཆག་མ་གས་པར། །རང་ནི་མུན་པ་དག་ལ་བསྡད། །འབེབས་དུས་ཞག་གསུམ་གཡོས་ལ་དབབ། པདྨ་དབང་ཆེན་དྲེགས་པ་གཟན་འབེབས་པའི་རྒྱུད་ལས། །མ་མོ་རལ་པ་གཏིབས་མ་གཟན་ལ་འབེབས་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཀྱིས་ཀླུའི་སེར་བ་འབེབས་པ་འདི་གསུངས་སོ། །ཉུང་དཀར་ཏིལ་དང་མི་ཁྲག་དང་། ཁྲ་ཆེན་ར་དུག་རེ་ལྕག་དང་། །བཙན་དུག་སྦྱང་ཚེར་དུར་སོལ་དང་། །བདུད་རྩི་ལྔ་དང་ཆང་ཕུད་དང་། །ཉ་སྦལ་སྦྲུལ་ཤ་ར་ཁྲག་དང་། །ཁྱི་ཁྲག་ཡུགས་སའི་མངལ་ཁྲག་དང་། །གུ་གུལ་ནག་པོ་སྐྱེ་ཚེ་དང་། །ར་དཀར་འོ་མ་བག་བྱེ་དང་། །ཁྱི་དཀར་འོ་མ་སྦྲུལ་གྱི་མགོ །མཆིལ་པའི་ཀླད་པ་དག་དང་ནི། །དེ་བཞིན་སྲེ་མོའི་ཀླད་པ་དང་། །མཛོ་མོའི་འོ་མ་ཀུན་བསགས་ནས། །ཟོའམ་བར་བུའི་ནང་དུ་བླུག །བསྙེན་སྔགས་འབུམ་དང་བྱེ་བ་བཟླས། །ཨོ་བཛྲ་ཀྲོ་ཏ་ས་མ་ཡ་དོསྤྱོ་ད་ཕཊ། ཧུ་ཡ་ཧུ་ཡ་ཧུ་ལུ་ཧུ་ལུ། བརྙ་བརྙ། ཐུམ་རི་ལི་རི་ལི། ཤབ་ཏ་ཀ་པ་ལ། མ་ནུ་པྲ་བ་ཧྲི། སྲ་ས་ར་དུ་ས་ནི། བི་ཙ་ལ་ཧུ༷། ཏ་ཐུ་བྷ་བ་ན་གྲྭ་ཧྭ། །བསྙེན་པའི་སྔགས་ལ་མ་འབད་ན། །སེར་བ་འབྱུང་བ་མི་མྱུར་བས། །སྔགས་ལ་རབ་ཏུ་ནན་ཏན་བྱ། །བདག་ཉིད་པདྨ་རྟ་མགྲིན་ལ། །ཀླུ་རྣམས་ཐལ་སྦྱར་འཁོར་དུ་བསམ། །ཨཱོཾ༷་བྷ་ན་ཤ་ནི་ར་ན་བ་ལ༷་སྣུ་ན་ནི་ར་ཧྲི་ཏ་ག་ས་ལ༷། ས་ཐར་ར་ནུ་ཧྲི། ཨ་ཀྲོ་ན་ནི་ག་ནན།ཤང་ཀ་པ་ལ་ར་ཙི་ན༷། ས་ཐར་རྙོ་དྷ་བྷ་ན་ལོང་། ནཱ་ག་རི་ན༷་ན༷། ཨ་བེ་ཤ་ཡ། །སྒྲུབ་སྔགས་འདི་ནི་ཞགས་བདུན་ནམ། །བཅུ་གཅིག་ཉི་ཤུ་རྩ་གཅིག་བསྒྲུབ། །རོ་རས་དག་ལ་འཁོར་ལོ་ནི། །དབུས་ཀྱི་ལྟེ་བ་གླིང་དགུ་ལ བར་མ་བཅུ་གཉིས་བསྙེན་པའི་སྔགས། །མུ་ཁྱུད་བཅུ་གཅིག་སྒྲུབ་པའི་སྔགས། །སུམ་ཅུ་རྩ་གཉིས་འཁོར་ལོ་སྟེ། །ཐ་མ་ཐོག་འབྲུག་གློག་གིས་བརྒྱན། །ཁྱི་ནག་ཐོད་པར་དྲིལ་བྱས་ནས། །དགྲ་ཡུལ་གཏར་བཅུག་ཐོག་སེར་འབེབས། །ཕེབས་ནས་ཕྱུང་ལ་འོ་མས་བཀྲུ། །སངས་རྒྱས་བསྟན་པ་བསྲུང་བར་འགྱུར། །ཞེས་གསུངས་སོ། །པདྨ་དབང་ཆེན་དྲེགས་པ་གཟན་འབེབས་ཀྱི་རྒྱུད་ལས། །ཀླུ་རྣམས་གཟན་ལ་དབབ་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་ཀྱིས་གནོད་སྤྱིན་ཟངས་ཐོག་གི་སེར་བ་དབབ་པ་འདི་གསུངས་སོ། །དཀྱིལ་འཁོར་འཁོར་ལོ་རྩིབས་བཞི་པ། །འཁོར་ལོའི་རྩིབས་ལ་མི་གཟུགས་རེ། །སྙིང་གར་ཧོམ་བཞི་ཕུར་པ་བཞི། །མདའ་བཞི་དར་སྣ་ལྔ་ཡང་གདགས། །དབུས་ཀྱི་གྲུ་གསུམ་འཕར་ཐོད་དང་། །བྲས་རྒོད་ཐོག་སྔགས་རྟ་ནག་ཁྲག །ཟླ་གམ་གསུམ་ལ་ཝ་ཁྱི་ཕག །དེ་ནང་རམ་བུའི་རྩ་བ་དང་། །རྟ་ར་ཁྱི་གསུམ་ཁྲག་རྣམས་བླུག །སྒོ་བཞིར་གཏོར་མ་དགོད་པར་བྱ། །ཨོ་ར༷་ཏྲ་ཐུན་ཤག །དམུ་བཙན་རོལ་པོ་དགྲ་བོའི་སྲོག་རྩ་རྦད་ཡ། ཐུན་ཐུན་དགྲ་བོའི་ལོ་ཐོག་ལ་ཡ༷་སྨྱོ། ཨ་ཏི་ཡ༷་ཏི་རསྒ་ཧྲི། ཡབ་ཀྱི་སྔགས་སོ། །ཨོ་པ་ཤ་མི་ཀི་ནག་མོ་བལ་ལ། །དགྲ་བོའི་སྲོག་རྩལ་རྦད། །ཐུན་ཐུན་དགྲ་བོའི་ལོ་ཐོག་ལ་སྨྱོ། དེ་མ་རཀྟ་མ་ཐུན་སྨྱོ། ཡུམ་གྱི་སྔགས་སོ། །ཡབ་དང་ཡུམ་གྱི་སྔགས་དག་ནི། །ཐོག་བསྒྲུབ་བྱ་ན་ཉིས་འབུམ་བཟླས། །སེར་བསྒྲུབ་ཐུན་བར་བཟླས་པ་ཡང་། །བརྒྱ་བརྒྱ་རབ་ཏུ་བཟླས་པར་བྱ། །གནོད་སྦྱིན་ཟངས་མདོག་དམར་ནག་སྐུ། །དབུ་ཡི་རྒྱ་མདུད་འཁོར་ལོ་ཅན། །གཡས་པ་རལ་གྲི་གཡོན་པ་མདུང་དམར་བསྣམས། །ཡུམ་ནི་ཟངས་གྲི་ག་་མོ་བསེ་གདོང་མ། །སྔོ་དམར་ཞགས་པ་གཡས་ལ་ནད་རྐྱལ་གཡོན། །དེ་ཡི་རྒྱུན་སྔགས་རྟག་ཏུ་བཟླས་པ་ནི། །བསྡེ་གོས་དམར་སྐྱེས་པ་གོ་ཅན་བརྒྱ། །ཆུ་དང་འོད་པ་ལུག་ཁྱུ་འབྲུག་སེར་སྒྲ། །རྟགས་དེ་མ་བྱུང་བར་དུ་འབད་པར་བྱ། །ཨོ་ཧ་སྲི་ཡ་ཏྲི་སེམས་པ་ཛ། ཧ་ཏྲི་ཨ་ཏྲ་སེམས་པ་ཛ་དུ། །བ་ལ་ཡ་ཤོ་ཨ་ཏྲི་སེམས་པ་ཛ་དུ་ཁ་ལ་ཡ་ཤོ་ཨེ་མ་ཀེ་ཏྲ། ཁ་ལ་མུ་ཉིད་ཡ་མན་ཏ་ཀ །དགྲ་བོའི་ཡུལ་འདིར་མྱ་ར་ཡན། ཛ་ཏྲི་ཀེ་ཤ་ཡ་མུ་ན་ཏ་ཀ་ཧུ༷་ཛ། །དེ་ནས་སེར་བ་འབེབས་པའི་སྔགས་བཟླས་པས། །བསྙེན་སྔགས་ཉིས་བརྒྱ་འབེབས་སྔགསབརྒྱཚོགཅིག །ཐོདཔ་ལྔ་ཡི་ནང་དུ་ཉུང་དཀར་སྔགས། །སྤྱོད་ལམ་སྒྲུབ་སྟེ་མི་ཁྱི་བསྲུང་བར་བྱ། །ཨ་ཀྲོ་ཏེ་ག་ཏ་ཤ་ལ་ཏ་ཤར། ནཱ་ག་ནཱ་ག་དྲག་ཕོབ། ཕོབ་ཕོབ་ཤིག་ཤིག །་ག་མུ་ཏྲག་ཤ་ཁ་ཀ་མུ་ཀ །རུ་ལུ་རུ་ལུ་མ་ཏི་ག །གྲོ་ག་གྲི་གིང་། རུ་ལུ་རུ་ལུ་མ་མོ་ཧ་རི་ན།རུ་ལུ་རུ་ལུ་ཙི་ཏ་མ་ལ། རུ་ལུ་རུ་ལུ་ཕྲོམ་ཧྲིལ་ཤར་ཕོབ་སྨྱོ། །སྔགས་སྦྲེལ་བསྙེན་བསྒྲུབ་བཞི་འབུམ་བཟླས་པར་བྱ། །ལས་སྦྱོར་འཕར་ཐོད་ཞིང་གི་དཀྱིལ་དུ་སྦ། །ཐོག་འབེབས་ཡུལ་མཐར་ཁང་བའི་རྨང་དུ་སྦ། །སེར་བ་འབེབས་ན་ཁྱི་ཐོད་ཀླུ་ལ་མནན། །ཝ་སྤྱང་ཕག་ཐོད་གསུམ་གྱིས་ཞིང་མཐའ་བསྐོར། །ཐོག་འབེབས་ཡུལ་མཁར་ཐ་མར་སྦ་བར་བྱ། །སྔགས་འདིས་དགྲ་ཡུལ་རི་རྩེར་སྤྱིན་བསྲེག་བྱ། །དུ་ག་ཡ་ནི་ས་མ་ཡ་དུ་ཡ་དགྲ་ར་མ་ཤྭ་ཤྭ་རི་རི་ར༷་ར༷་ཙག་ཙག་གྲྭ་ཧྭ། །ར་རོག་རྟ་ནག་ཁྲག་དང་སོ་བྱའི་སྤུ། །བསྲེག་ནས་ཐལ་འཇིམ་གཏོར་མ་བཏབ་པའི་སྔགས། །བྷ༷་ག་དུ་སྲ ཡོ་ག་དག །ང་རར་ལ་ནི། ཡེ་སེ་མ་ཏོ་ཧི། ཨ་རུ་ག་ཏ།ས་ལོ་བ་མ་་ཨེ་སེ་རྩེ་ཏ། སི་ཏ་ད་རེ་ཅོ་དང་དགྲ་བོའི་ལོ་ག་སི་ཏང་ཁ་སི་ཏིང་ཁ། །ཐལ་འཇིམ་གཏོར་མ་ཟོར་དུ་འཕང་བའི་སྔགས། །འོད་པ་ཡུལ་མཁར་དག་ལ་བརྡེག་པར་བྱ། །དྲི་ཁ་ལ་ཡསྒ་ཟོར། སྙིང་ཁྲག་ཁ་བུ་ཡུ༷་བུ་མུ་ར་ཡ་བཟོར། ཀུ་ན་མ་པྲ་ཏི་བཟོར། ད་ར་ཙཀྲ་བཟོར། དགྲ་བོའི་ལོ་ཐོག་ལ་ཏྲེས་མ་ཡ་ཕཊ། གཟའ་རྒོད་བཙན་ཐབས་དབབ་པའི་སྔགས། ཁུ་བའི་དུས་དང་བསྟུན་ལ་དང་མ། ཨོ་སུ་བྱི་དུ་ཛ་བ་ས་སྣ་སི་སྨྱོ། ར་མི་འུར་བུར་འུར་བུར་འུར་སྲ ཆེམ་ཆེམ་ས་མ་ཡ་བྲ་ས་ར་དུ། །སྔགས་འདིས་རང་ལ་འཁྲིས་ན་བཟློག་པ་དང། །སེར་ལམ་བསྟན་པའི་སྔགས་སུ་བཟླས། །ཨོ་གུ༷་རྔཁེ་བ༷་རིལ་བ༷་རིལ། དུ་རུ་རྦད། དུ་རུ་རྦད།དགྲ་བོའི་ལོ་ལ་སྨྱོ། སེར་འབེབས་འཁོར་ལོ་བཞི་ལ་བུར་པ་བཞི། །ཟུར་བཞི་ཧོམ་ལ་དབུས་སུ་ཐུན་སྣོད་གཞག །རྟ་ནག་ཁྲག་དང་ཉུང་ནག་ཐུན་ལ་བསྒྲུབ། ཨ་ཏི་ཡ༷་ཏི་དེ་མ་རསྒ་ལ། ཉིས་འབུམ་ཧ་སྲི་འབུམ་ལ་ཨ་ཀྲོ་འབུམ། །བསྙེན་པ་རྒྱུན་སྔགས་དབབ་པར་ཤེས་པར་བྱ། །ཞེས་གསུངས་སོ། །པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། གནོད་སྤྱིན་ཟངས་ཐོགས་གཟན་ལ་དབབ་པའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་ཀྱིས་གིང་གི་སེར་བ་དབབ་པ་འདི་གསུངས་སོ། །ཁྱི་དཀར་སྣ་དམར་ཐོད་པ༷་སྲ །ར་དཀར་རྟ་དཀར་བྱ་དཀར་ཁྲག །ཉུང་དཀར་བླུག་སྟེ་བཤོས་བུས་མཆོད། །རྟ་ལག་གཡས་གཡོན་སྔགས་བྲིས་ཏེ། །ཏྲི་ཤ་རུ་ཏྲ་བཛྲ་སྭ་རྙུ་ས་མ་ཡ། ཕྲོམ་ཧྲིལ་ཤར་ཕོབ། བཛྲ་སྭ་རྙུ་ཨ་ཏྲི་སེམས་པ་ཛ་དུ། ཁྲོ་ཧྲིལ་ཤར་ཕོབ། མ་སུ་རསྒ་ཁལ་འུར་འུར་ཧྲིལ་ཧྲིལ་ཕོབ། འབུམ་དུ་བཟླས་ནས་ལས་ལ་སྦྱར། །རྟ་ལག་གཡས་པ་རི་རྩེར་སྦ། །རྟ་ལག་གཡོན་པ་རི་ཐང་མཚམས། །ཁྱི་ཐོད་འོང་སར་ཞིང་དཀྱིལ་སྦ། །བཛྲ་སྭ་རྙུ་ས་སྔ་ཡ། ཧྲི་ཏྲི་ན་ག་ས་མྱགས་ཕོབ། ཨ་ཏྲི་སེམས་པ་ཛ་ཡ༷། ཧྲི་ག་ནགས་མྱགས་ཕོབ། ཞེས་པ་གིང་གི་སེར་བ་འབེབས། །ཞེས་གསུངས་པ་ལས། །འཁོར་རྣམས་དགྱེས་ནས་སྟོན་པ་ལ་བསྟོད་པ། སྐུ་ནི་ལོངས་སྤྱོད་རྫོགས་པ་ལ། །གསུང་ནི་སྤྲུལ་པ་ཅིར་ཡང་སྣང་། །ཐུགས་ནི་ཆོས་སྐུ་དྲི་མ་མེད། །སྐུ་གསུམ་དག་ལ་ཕྱག་འཚལ་ལོ། །ཞེས་བསྟོད་ནས་འཁོར་རྣམས་སངས་རྒྱས་ཀྱི་བསྟན་པ་བསྲུང་བར་ཁས་བླངས། ཡེ་ཤེས་ཀྱི་འཁོར་རྣམས་རྗེས་སུ་ཡི་རང་ངོ་། །བཅོམ་ལྡན་འདས་ཉིད་ཆོས་སྐུ་སྐྱེ་བ་མེད་པའི་ངང་དུ་བཞུགས་སོ། །པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། གིང་གི་དྲེགས་པ་གཟན་ལ་འབེབས་པ་དང་། རྗེས་སུ་ཡི་རང་བའི་ལེའུ་བཅུ་གཉིས་པའོ།། །།པདྨ་དབང་ཆེན་དྲེགས་པ་གཟན་འབེབས་ཀྱི་རྒྱུད་རྫོགས་སོ། །པདྨ་འབྱུང་གནས་དང་། ཁ་ཆེ་ཨུ་ནན་ཏས་བསྒྱུར་བའོ།། །། རྒྱ་གར་སྐད་དུ། ཤི་པདྨ་མ་ཧྭ་ཝ་ཤ༷་དུརྟོ་ནིརྙི་ཡ་ཏནྟྲ་ནཱ་མ། བོད་སྐད་དུ། དཔལ་པདྨ་