Ngb-pt-0248-vol-03-text
Front[edit]
Body[edit]
རྒྱ་གར་སྐད་དུ། །ཨུརླམཉུཤིབིམ་ལ་གུ་རྒྱ་ཏནྟྲ། བོད་སྐད་དུ། འཕགས་པ་འཇམ་དཔལ་དྲི་མ་མེད་པའི་གསང་བའི་རྒྱུད། འཕགས་པ་འཇམ་དཔལ་གཤིན་རྗེའི་གཤེད་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། སྔོན་འདས་པའི་དུས་མ་བྱུང་བའི་སྔོན་རོལ། ཆོས་ཀྱི་སྐུ་ཐིག་ལེ་ཉག་གཅིག་སྤྲོས་པ་ཐམས་ཅད་དང་བྲལ་ཞིང་རང་བཞིན་གྱིས་རྣམ་པར་དག་པའི་ངང་ལས་མ་གཡོས་བཞིན་དུ། བཅོམ་ལྡན་འདས་འཕགས་པ་འཇམ་དཔལ་ལོངས་སྤྱོད་རྫོགས་པའི་སྐུར་བཞེངས་ནས། ཉིད་ཀྱི་སྐུ་གསུང་ཐུགས་ལས་བྱུང་བའི་ཡོན་ཏན་སྤྲོས་པ་ནི། འཇམ་དཔལ་རྡོ་རྗེ་དང་། རིན་པོ་ཆེ་དང་། པདྨ་དང་། ལས་དང་། དེ་བཞིན་གཤེགས་པ་དང་། ཡེ་ཤེས་ལྔར་ལྡན་པའི་ཚོམ་བུ་ཉི་ཤུ་རྩ་ལྔ་ལ་སོགས་ཏེ། བསམ་གྱིས་མི་ཁྱབ་པའི་འཁོར་མང་པོ་སྤྲོས་ཤིང་ཐམས་ཅད་ཀྱིས་བརྒྱན་པ་དང་། མི་ཟད་པ་རྒྱན་གྱི་འཁོར་གྱིས་བསྐོར་བ་ལ། འཇམ་དཔལ་སྤྲོས་བྲལ་གྱི་རྒྱས་བཏབ་ནས། ཡིད་ལ་མི་བྱེད་པའི་ཏིང་ངེ་འཛིན་ལ་སྙོམས་པར་བཞུགས་ནས། མི་རྟོག་ཆོས་ཀྱི་དབྱིངས་སུ་མནལ་ལོ། །འཕགས་པ་འཇམ་དཔལ་དྲི་མ་མེད་པའི་གསང་བའི་རྒྱུད་ལས། འདས་པ་སྔོན་བྱུང་བའི་ལེའུ་སྟེ་དང་པོའོ།། །།དེའི་ཚེ་དེའི་དུས་ན་རི་རབ་ཀྱི་འོག གསེར་གྱིས་གཞི་སྤྲིས་མ་བདུན། ཡས་རིམ་གྱིས་ཆགས་པའི་འོག་ཆུའི་དཀྱིལ་འཁོར་གྱི་ཡང་འོག རླུད་གི་དཀྱིལ་འཁོར་གྱིས་བཏེགས་པའི་སྟེང་དུ། གནམ་ལྕགས་ཀྱི་ཁང་པ་ཤིན་ཏུ་ཆེ་བ་བཅུ་བདུན་གནས་ཏེ། ཕྱོགས་ཕྱོགས་ཀྱི་ནང་ནི་མི་རོ་གསར་རྙིང་གིས་བརྩིགས་པ། འོག་ཁྲག་གི་རྒྱ་མཚོ་འཁྱིལ་བ། ཁ་ཟུར་ཀུན་རྣོ་བ། སྒོ་མེད་ཡིད་ཀྱི་སྒོ་ཅན་དེ་ལྟ་བུའི་ནང་ནས་ཁམས་གསུམ་གྱི་སེམས་ཅན་ཟས་སུ་ཟ་ཞིང་གསོད་པ་ལས་ཀྱི་རྣམ་པར་སྨིན་པ་ཞེ་སྡང་དྲག་པོའི་མཐུ་ལས་གྲུབ་པའི། གཤིན་རྗེ་ནག་པོ་མཐར་བྱེད་བདུད་བྱེ་བ་གུང་རིང་ཞེས་བྱ་བ་དང་། དེའི་ཆུང་མ་དུས་མཚན་ནག་མོ་ཞེས་བྱ་བ་ཡི་དྭགས་ཐམས་ཅད་ཀྱི་གཙོ་མོ་བྱེད་ཅིང་། སྐྱེ་འགྲོ་ཐམས་ཅད་ཁྲམ་ལ་འདེབས་ཤིང་། ཟས་སུ་ཤ་ཁྲག་རློན་པ་ཟ་ཞིང་། སྲིད་པ་གསུམ་ལྟོ་ན་ཡོད་པ་གཅིག་དབུས་ཀྱི་ཁང་པ་ན་གནས་སོ། །དེ་གཉིས་ཀྱི་སྤྲུལ་པ་ལས་ཀྱི་གཤིན་རྗེའི་གཤེད་ཆེན་པོ་བཞི་བྱུང་སྟེ། ཆོས་ཀྱི་རྒྱལ་པོ་མ་ཧེ་ནག་པོ་ལ་ཞོན་ནས་སྐྱེ་འགྲོ་ཐམས་ཅད་མགོ་འཁོར་བར་བྱེད་ཅིང་།སྲིད་པའི་རྒྱུ་ལས་འཛིན་པ་དང་། གསལ་ཤིང་ནག་པོ་གཤིན་རྗེ་ཡ་བ་ཏི། ཆུ་གླང་ནག་པོ་ལ་ཞོན་ནས་སྐྱེ་འགྲོ་ཐམས་ཅད་ཁྲག་ཏུ་སྒྱུགས་པར་བྱེད་ཅིང་སྲིད་པའི་གཞི་འཛིན་པ་དང་། མྱོས་བྱེད་འབར་བ་ཨ་བ་གླང་མགོ་ཅན་དུད་ཁ་ནག་པོ་རྡོ་རྗེ་རོ་ལངས་ནི་དྲེའུ་རྟ་རྐང་གསུམ་ལ་ཞོན་ནས། སྐྱེ་འགྲོ་མྱོས་ཤིང་ང་རྒྱལ་བར་བྱེད་ཅིང་སྲིད་པའི་ཁོག་དབུབ་པ་དང་། གསོད་བྱེད་སྨུག་ནག་རལ་པ་ཚར་དགུ་ནི། སྦྲུལ་ནག་པོ་ལ་ཞོན་ནས་སྐྱེ་འགྲོ་ཐམས་ཅད་གསོད་ཅིང་སྲིད་པའི་བྱན་བྱེད་པ་དང་བཞིར་བྱུང་ངོ་། །དེ་བཞི་ལ་མཐར་བྱེད་ར་ཙ་ཧ་ལ་ཡག་ཤ་མེ་དབལ་གཤེད་པོ་བཞི་ཞེས་བྱའོ། །དེ་བཞི་ལ་བཀའ་ཉན་བཞིར་ཡོད་དོ། །གཤིན་རྗེ་ཕྱ་སངས་ནི། ཆོས་ཀྱི་རྒྱལ་པོའི་འཁོར་ན་ལམ་རྒྱུད་ལྔ་ལ་དབང་བྱེད་པས་དེད་དཔོན་ཆེན་པོ་ཚངས་པ་ཀུན་དྲིལ་ཞེས་བྱ་སྟེ། ཉི་ཟླའི་འཁོར་ལོ་ཞོན་ནས་སྲིད་པའི་བསྐོས་འདེབས་ཤིང་གཅོད་སྦྱོང་བྱེད།གཤིན་རྗེ་ཏེལ་པ་ནི་ཡ་བ་ཏིའི་འཁོར་ན་དབུགས་ལེན་ཅིང་དབང་པོ་ཐེའུ་ཤན་ཞེས་བྱ་སྟེ། རླུད་གི་རྔ་མོ་ལ་ཞོན་ནས་སྲིད་པའི་དབུགས་ལེན་ཏོ། །དམ་སྲི་ནག་པོ་ལྕགས་ཀྱི་སྤྱང་མགོ་ཅན་གྱི་འཁོར་ན། བླ་ཚེ་འཕྲོག་པའི་དབང་པོ་འཆར་བྱེད་ཅེས་བྱ་སྟེ། སྨྱོ་འབོག་ཤ་པ་ལ་ཤོན་ནས་སྲིད་པའི་བླ་བརྐུའོ། །གཤིན་རྗེ་མིག་དམར་རལ་པ་ཚར་དགུའི་འཁོར་ན། སྲོག་གཅོད་པའི་བདག་པོ་མ་རུ་ཙེ་ཞེས་བྱ་སྟེ། ལྐུགས་པ་ལུག་ལ་ཤོན་ནས། སྲིད་པའི་སྲོག་གཅོད་པ་དང་བཞིའོ། །གཞན་ཡང་དེ་ལ་སོགས་ཏེ། འཇིག་རྟེན་གྱི་དྲེགས་པ་ཅན་ལྷ་མ་སྲིན་སྡེ་བརྒྱད་ཀྱི་འཁོར་དང་ཐབས་ཅིག་པས་འཇིག་རྟེན་གྱི་ཁམས་ཕུང་བར་བྱེད་པ་ལས། བཅོམ་ལྡན་འདས་འཕགས་པ་འཇམ་དཔལ་ཆོས་ཀྱི་དབྱིངས་ལས་མནལ་སད་དེ། དྲེགས་པ་ཅན་ཚར་བཅད་པའི་ཏིང་ངེ་འཛིན་ལ་སྙོམས་པར་བཞུགས་སོ། །དེ་མ་ཐག་ཏུ་གཏུམ་ཆེན་གཉིས་པོའི་ལྷར་གྱུར་ཏེ། བཙོ་མ་གསེར་གྱི་ཁ་དོག་ལ། །སྟང་ཟིལ་འདྲ་བའི་མདོག་ཏུ་བསྟན། །ཨུཏུལ་སྔོན་པོའི་ཕྱག་མཚན་ནི། །གཤིན་རྗེའི་དབྱུག་པ་ནག་པོར་བསྟན། །འཇམ་དཔལ་ཞི་བའི་སྤྲུལ་པ་ནི། །གཤིན་རྗེ་ཁྲོས་པའི་སྐུ་རུ་བསྟན། །ཞལ་དྲུག་ཕྱག་ཀྱང་བཅུ་གཉིས་སོ། །དབུ་དྲུག་སྐྲ་ཡང་གྱེན་དུ་འཁྱིལ། །ཞབས་ཀྱང་བཅུ་གཉིས་ཡི་དྭགས་མནན། །དུར་ཁྲོད་ཆས་ཀྱིས་རྣམ་པར་བརྒྱན། །འཇམ་དཔལ་ཁྲོས་པས་གཤིན་རྗེར་འགྱུར། །རོ་ལངས་ག་་མོས་གཡོན་ནས་འཁྲིལ། །གཡས་ན་བཀའ་སྡོད་ཛ་ཏི་མ། །དེ་ལྟར་ཡབ་ཡུམ་གཉིས་སུ་མེད་པའི་འཁོར་ཡང་འདི་ལྟ་སྟེ། གཤིན་རྗེ་ཆེན་པོ་བཞི་དང་། དེའི་ཡུམ་བཞི་དང་། ཕྱོགས་སྐྱོང་གཤིན་རྗེ་བཅུ་དང་། དེའི་ཡུམ་བཅུ་དང་།སྒོ་མ་བཞི་དང་། དེ་ལྟར་འཁོར་འབུམ་ཕྲག་བསམ་གྱིས་མི་ཁྱབ་པ་དང་ཐབས་ཅིག་ཏུ་བཞུགས་ཏེ། དེ་ཀུན་ཀྱང་འབར་ཞིང་ཁྲོ་ལ་རྔམ་པའི་ཆ་བྱད་ཅན་ལ། ཞལ་ནས་ཀྱང་ཧྭ༷་ཧུ༷་དང་། ཕཊ་ཕཊ་དང་། ཧ་ལ་ཧ་ལའི་སྒྲ་སྒྲོགས་པ། དུར་ཁྲོད་འབར་བའི་གཞལ་ཡས་ཁང་། ནམ་མཁའི་རྒྱ་དང་མཉམ་པ་ལ། བར་ཁྱམས་དང་སྒོ་བཞི་དང་། རྟ་བབས་སུ་བཅས་པ་ལ། ཐོད་སྦྲུལ་དང་གཡང་གཞིས་བརྒྱན་ཅིང་ཡང་བའི་རྩ་བའི་གདན་ལ་མ་ཧེ་ལ་སོགས་པ་དང་ཉི་ཟླས་མཚན་པ། ཡི་དྭགས་ཕོ་མོའི་བམ་གྲུ་གུ་ཐུལ་དུ་བརྫིས་པ་གཅིག་ཏུ་གྱུར་ཏོ། །དེའི་ཚེ་དེའི་དུསནཁྲོབོགཤིནརྗེའིགཤེད་པོས། ཁམས་གསུམ་དབང་དུ་སྡུད་པའི་ཏིང་ངེ་འཛིན་ལ་སྙོམས་པར་ཞུགས་སོ། །ཨོ་ཨ་ཀྲོ་ཏེ་ཀ་ཡ་ནཱན་ཏ་ཀ་ཧ་ན་མ་ཐ་བྷ་ན་ཛ་ཧུ༷་ཕཊ། ཅེས་པས་ཉི་མ་འབུམ་ལས་ལྷག་པའི་འོད་ཟེར་ཕྱོགས་བཅུར་བརྡལ་ནས། བསྐལ་པའི་འབྲུག་སྟོང་དུས་གཅིག་ན་ལྡིར་བའི་སྒྲ་བརྗོད་པས། སྟོང་གསུམ་གྱི་སྟོང་གི་འཇིག་རྟེན་གྱི་ཁམས་ཐམས་ཅད་ཀྱང་གཡོས་རབ་ཏུ་གཡོས་ཀུན་ཏུ་རབ་ཏུ་གཡོས་སོ། །འགུལ་རབ་ཏུ་འགུལ། ཀུན་ཏུ་རབ་ཏུ་འགུལ་ལོ། །ལྡེག་རབ་ཏུ་ལྡེག ཀུན་ཏུ་རབ་ཏུ་ལྡེག་གོ །འུར་རབ་ཏུ་འུར། ཀུན་ཏུ་རབ་ཏུ་འུར་རོ། །ཆེམ་རབ་ཏུ་ཆེམ། ཀུན་ཏུ་རབ་ཏུ་ཆེམ་མོ། །འཁྲུགས་རབ་ཏུ་འཁྲུགས། ཀུན་ཏུ་རབ་ཏུ་འཁྲུགས་སོ། །དེ་ལྟར་ཁམས་གསུམ་དབང་དུ་བསྡུས་ཤིང་སྲིད་གསུམ་ཟིལ་གྱིས་མནན། འཆི་བདག་གི་གྲོང་ཁྱེར་ཞབས་འོག་ཏུ་བརྫིས་པས། ལས་ཀྱི་གཤིན་རྗེས་རང་རང་གི་སྲོག་གསང་བ་ན། རླུད་སྲོག་མེའི་འཁོར་ལོ་གཅུན་པ་ལྕགས་ཀྱི་སྡིག་པ་ཁ་བརྒྱད་པས་མཚན་པར་གནས་ཏེ།ཡ་མ་སྙིང་ཤ་ཤ་ཛ་ཛ་དུན། ཡ་མ་སྙིང་རུ་པ་ན། ཨུ་ཀརྙ་ཡ་ཧུ༷་ཕཊ། ཅེས་སྲོག་ཕྲོགས་པས། ལས་ཀྱི་གཤིན་རྗེ་ཐམས་ཅད་གཅེར་བུ་ལ་ལྷགས་པས་བཏབ་པའམ། ཉ་བྱེ་ཚན་ལ་ཕོབ་བཞིན་འདར་ཡེད་ཡེད། མྱལ་རོད་རོད་སྐད་ལྷང་ལྷང་འོ་དོད་གནམ་ལ་འབོད་ཅིང་། ད་འཇིགས་བྱེད་ཆེན་པོས་ཅི་བགྱི་བ་བཀའ་ཉན་འབངས་སུ་མཆི་འབངས་ལ་ནན་ཏན་མ་ཆུང་ཞིག །ཞེས་ཟེར་ཏེ་རང་རང་གི་སྲོག་གི་སྙིང་པོ་མདོངས་གསོལ་ཏུ་ཕུལ་བ་ནི། ཡ་མ་མེ་ཏ་ཁྲེ་རྭ་ཛ་ས་དོ། རུ་ན་ཡོ་ནི། ར་ཡསྣྲོ་ནི། ཞེས་ཕུལ་ལོ། འཇིག་རྟེན་གྱི་ལྷ་མ་སྲིན་སྡེ་བརྒྱད་ཀྱིས་ཀྱང་རང་རང་གི་དཔོན་དང་གཡོག་ཏུ་བཅས་ནས་ཀྱང་སྤྱི་སྲོག་གཅིག་ཏུ་དྲིལ་ནས་ཕུལ་བས།ཨ༷༷ཡ༷༷མ༷༷དུ༷༷རུ༷༷ཙ༷མ།༷༷ན༷༷ལ། ཞེས་ཕུལ་ནས་བསྒོ་བའི་བཀའ་ཉན་པར་ཁས་བླངས་སོ། །དེ་ནས་བཅོམ་ལྡན་འདས་འཇམ་དཔལ་འཇིགས་བྱེད་ཆེན་པོ་དེས། ལས་ཀྱི་གཤིན་རྗེ་འཁོར་དང་བཅས་པའི་ཁར་རཀྟ་དམར་ཆེན་བླུགས་ནས། དམ་བསྒྲགས་ནས་ལུང་བསྟན་ཏེ། ང་ནི་དུས་གསུམ་སྔོན་དུ་བྱུང་། །ང་ནི་དུས་གསུམ་ཕྱིས་ཀྱང་བྱུང་། །ང་ནི་ད་ལྟར་མངོན་པའི་ལྷ། །དུས་གསུམ་འདི་ནི་ང་ཡི་དབང་། །ང་ཡི་བཀའ་ལས་མ་འདའ་བར། །དུས་གསུམ་བརྟེན་པའི་སྲུང་མ་གྱིས། །ཞེས་བརྗོད་པས། དམ་ཚིག་ཕྱག་རྒྱ་དམིགས་ལ་བརྟེན། །དམ་ཚིག་སྙིང་པོ་རྣམ་པར་གྲགས། །རྡོ་རྗེ་ཐ་ཚིག་སྙིང་ལ་བཞག །དམ་ཟན་དམ་ཆུ་ཁ་རུ་བླུད། །དམ་ཚིག་འདི་ལས་ཁྱོད་འདས་ན། །དམ་ཚིག་རྡོ་རྗེས་མགོ་འགས་ཤིང་། །ལུས་ཀྱང་ཐལ་བ་བཞིན་སོང་ནས། །སྙིང་ལ་ཟ་བྱེད་མེ་དཔུང་འབར། །ཨོ་སྙི༷༷ལྗོ༷༷བི་ཀྲི་ཏྭ་ན་ན་ཧུ༷་ཧུ༷་ཕཊ་ཕཊ་གྲྭ་ཧྭ། ཞེས་དམ་བསྒྲགས་སོ། །ཕྱིས་ལུང་བསྟན་པ། སངས་རྒྱས་བསྟན་པ་མི་གནས་ཤིང་། །ཆོས་ཉིད་བདེན་པས་མི་ཐུལ་བའི། །ལྔ་བརྒྱ་ཐ་མ་བྱུང་ཙ་ན། །བསྟན་པ་ཐམས་ཅད་ནུབ་པ་ན། །ལས་ངན་མཚམས་མེད་བྱེད་པ་དང་། །ཟས་ངན་ལྕི་བ་ཟ་བ་དང་། །གོས་ངན་དུག་ཆུལ་གོན་པ་དང་། །དམ་ཚིག་ཉམས་པ་མང་བ་དང་། །འདུལ་བའི་སྒོ་ལ་བབས་པའི་ཚེ མ་མོའི་བསྟན་པ་བྱུང་བའི་ཚེ། །བསྟན་པ་ནུབ་ལ་ཉེ་བའི་ཚེ། །མུ་སྟེགས་བསྟན་པ་དར་བའི་ཚེ། །དེ་ཚེ་བསྟན་པའི་སྲུང་མ་གྱིས། །ཞེས་ལུང་བསྟན་ཏེ་ཐ་ཚིག་བཅས་སོ། །གཤིན་རྗེ་ཆོས་ཀྱི་རྒྱལ་པོས་འཁོར་ཚོགས་བྱ་བར་དམ་བཅས་སོ། ཡ་བ་ཏིས་གདན་མཆོག་བྱ་བར་དམ་བཅས་སོ། །ཨ་བ་གླང་མགོ་ཅན་གྱིས། བྲན་མཆོག་བྱ་བར་དམ་བཅས་སོ རལ་པ་ཚར་དགུས་ཕོ་ཉ་བྱ་བར་དམ་བཅས་སོ། །ཕྱ་སངས་ཀྱིས་བསྐོས་མཁན་བྱ་བར་དམ་བཅས་སོ། །རྨིག་པས་རྩིས་མཁན་བྱ་བར་དམ་བཅས་སོ། །ཏེལ་པས་ཁྲམ་པ་བྱ་བར་དམ་བཅས་སོ། །མིག་དམར་གྱིས་སྲོག་གཅོད་པ་བྱ་བར་དམ་བཅས་སོ། །གིང་ཆེན་པོ་བཅོ་བརྒྱད་ཀྱིས་སྒྲོལ་གིང་བྱ་བར་དམ་བཅས་སོ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། གདུལ་བྱ་དྲག་པོའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་འཇམ་དཔལ་གཤིན་རྗེའི་གཤེད་པོ་ལ། དཔལ་རྡོ་རྗེ་འཆང་ཆེན་པོས་བསྟན་པའི་རྒྱུད་ཀྱི་དོན་རྒྱས་པར་ཞུས་སོ ཨེ་མའོ་འཇིགས་བྱེད་ཆེན་པོ་ལགས། །ཐུགས་རྗེ་ཆེན་པོའི་བྱིན་རླབས་ཀྱིས། །སྟོན་པ་བསྟན་པ་དུས་གསུམ་དུ། །མི་ནུབ་འཛིན་ཅིང་བསྲུང་བ་ལ། །ལྟ་སྤྱོད་དབང་དང་དམ་ཚིག་དང་། །སྒྲུབ་དང་ཕྲིན་ལས་ཁྱད་པར་དང་། །ངོ་བོ་ངེས་ཚིག་དབྱེ་བ་རྣམས། །འཇིགས་བྱེད་ཆེན་པོས་བཤད་དུ་གསོལ། །ཞེས་གསོལ་པས། ཁྲོ་བོ་འཇིགས་བྱེད་ཆེན་པོས་བཀའ་སྩལ་པ། ཉོན་ཅིག་དཔལ་ལྡན་རྡོ་རྗེ་འཆང་། །གདུལ་དཀའ་འདུལ་བ་རྣམས་ཀྱི་མཆོག །དཔའ་བོ་འཇིག་རྟེན་གསུམ་ལས་རྒྱལ། །དྲི་མ་མེད་པའི་གསང་རྒྱུད་ལས། །བལྟ་བའི་ཁྱད་པར་བསྟན་པ་ནི། །ཡོ་ག་རྣམ་པ་གསུམ་དུ་བསྟན། །གཟུགས་སྣང་སྒྲ་གྲགས་་གྲག་ཀུ སེམས་རྟོགས་ཀུན། །གཤེད་པོ་གཙོ་འཁོར་སྐུ་གསུང་ཐུགས། །ཀུན་རྫོབ་དཀྱིལ་འཁོར་ཐབས་སུ་བལྟ། །དོན་དམ་རང་བཞིན་མེད་པར་བལྟ། །ཐབས་དང་ཤེས་རབ་དབྱེར་མེད་དུ། །རྣལ་འབྱོར་མ་ཧྭ་ཡོ་ག་བལྟ། །གཤེད་པོ་གཙོ་འཁོར་ཀུན་རྫོབ་དེ། །དོན་དམ་སྤྲོས་བྲལ་ཆོས་ཀྱི་དབྱིངས། །རང་རིག་ཡེ་ཤེས་གཉིས་མེད་དུ། ཁེན་ཏུ་རྫོགས་པའི་རྣལ་འབྱོར་བལྟ། །གཤིན་རྗེ་གཤེད་པོའི་གཙོ་འཁོར་དེ། །རང་བྱུང་ཡེ་ཤེས་རོལ་པའི་སྐུ། །ལོངས་སྦྱོད་རང་ལ་རྫོགས་པའི་རྒྱན། །ཡོན་ཏན་ཐམས་ཅད་འབྱུང་བའི་གཏེར། །རང་བཞིན་ལྷུན་གྱིས་རྫོགས་པའི་སྐུ། །རྫོགས་པ་ཆེན་པོའི་རྣལ་འབྱོར་བལྟ། །ཀུན་རྫོབ་ལྷ་ཡི་དཀྱིལ་འཁོར་བཞི། །དམིགས་པ་རྟེན་གྱི་དཀྱིལ་འཁོར་དང་། །དམ་ཚིག་སེམས་དཔའི་དཀྱིལ་འཁོར་དང་། །རང་བཞིན་གྲུབ་པའི་དཀྱིལ་འཁོར་དང་། །ལས་ལས་གྲུབ་པའི་དཀྱིལ་འཁོར་བཞི། །དམིགས་པ་རྟེན་གྱི་དཀྱིལ་འཁོར་ནི། །འབུར་རམ་རིས་སུ་བྲིས་པའོ། །དམ་ཚིག་སེམས་དཔའི་དཀྱིལ་འཁོར་ནི། །མི་ཡེངས་ཏིང་འཛིན་བརྟན་པ་དང་། །རྡོ་རྗེ་ལས་སུ་རུང་བའོ། །རང་བཞིན་གྲུབ་པའི་དཀྱིལ་འཁོར་ནི། །ཆོས་ཉིད་སྐུ་ལས་མ་གཡོས་བཞིན། །ལོངས་སྤྱོད་རྫོགས་སྐུར་གནས་པའོ། །ལས་ལས་གྲུབ་པའི་དཀྱིལ་འཁོར་ནི། །རང་རྒྱུད་ས་བོན་རྩུབ་མོ་ཡིས། །ཆོས་ཉིད་སྒྱུར་མར་མ་རྟོགས་ཏེ། །ལས་ལས་གྲུབ་པའི་དྲེགས་པ་ཅན། །ང་དང་བདག་ཏུ་འཛིན་པའོ། །འཕགས་པ་འཇམ་དཔལ་དྲི་མ་མེད་པའི་གསང་རྒྱུད་ལས། ལྟ་བ་བསྟན་པའི་ལེའུ་སྟེ་གསུམ་པའོ།། །།དེ་ནས་དཔལ་ལྡན་རྡོ་རྗེ་འཆང་། །རྣལ་འབྱོར་པ་ཡི་སྤྱོད་པ་ནི། །ཀུན་རྫོབ་ལྷ་ཡི་སྐུ་གསུང་ཐུགས། །ཡོན་ཏན་ཕྲིན་ལས་རྣམ་པ་ལྔ། ཁྱད་པར་ཐབས་ཀྱི་སྦྱོར་སྒྲོལ་རྣམས། །དོན་དམ་རང་བཞིན་མེད་པས་ན། །ཐབས་དང་ཤེས་རབ་གཉིས་མེད་སྤྱོད། ཁྲེན་ཏུ་རྣལ་འབྱོར་སྤྱོད་པ་ནི། །ཀུན་རྫོབ་ལྷ་ཡི་དཀྱིལ་འཁོར་ཏེ། །དོན་དམ་རྣམ་དག་ཆོས་ཀྱི་དབྱིངས། །རིག་པ་ཡེ་ནས་གཉིས་མེད་པས། །དབྱིངས་ལ་ཡེ་ནས་རོལ་པར་སྤྱོད། ཁེན་ཏུ་རྣལ་འབྱོར་སྦྱོད་པ་ནི། །ཀུན་རྫོབ་ལྷ་ཡི་དཀྱིལ་འཁོར་ཏེ། །དོན་དམ་རྣམ་དག་ཆོས་ཀྱི་དབྱིངས། །རང་རང་ཡེ་ཤེས་གཉིས་མེད་པས། །དབྱིངས་ལས་ཡེ་ཤེས་རོལ་པར་རྫོགས། །རྫོགས་པ་ཆེན་པོའི་སྤྱོད་པ་ནི། །ཀུན་རྫོབ་ལྷ་ཡི་དཀྱིལ་འཁོར་ཏེ། །རང་བྱུང་ཡེ་ཤེས་དངོས་མེད་པས། །མ་བཙལ་མཉམ་པ་ཉིད་དུ་གནས། །མ་ཆགས་དགག་བསྒྲུབ་མེད་པར་སྤྱོད། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། སྤྱོད་པ་བསྟན་པའི་སྟེ་བཞི་པའོ།། །།དེ་ནས་དཔལ་ལྡན་རྡོ་རྗེ་འཆང་། །དྲི་མེད་དབང་ལ་རྣམ་པ་གསུམ། །ཐུན་མོང་ཐུགས་རྗེའི་དབང་དང་ནི། ཁྱད་པར་ཡེ་ཤེས་དབང་དང་གཉིས། །ནང་གི་དབང་ཆེན་བསྐུར་བ་གསུམ། །ཐུན་མོང་དབང་ལ་རྣམ་པ་གསུམ། །ཕན་པའི་དབང་དང་ནུས་པའི་དབང་། །རིམ་པ་ཆུད་མ་ཟོས་པར་ནི། །མོས་ཤིང་དད་པའི་སྟོབས་དང་སྦྱར། །ཕན་པའི་དབང་ལ་རྣམ་པ་བཞི། །དགྲ་བགེགས་ཞི་བའི་དབང་བསྐུར་ན། །ས་ཕྱོགས་ཟླ་བ་ཉ་ལྟ་བུར། །མཎྜལ་བྱི་དོར་བྱས་པ་ལ། །གླང་ཆེན་ཀླད་པས་ཆག་ཆག་གདབ། །ཏྭ་ལའི་ཤིང་ལ་དགྲ་བགེགས་གཟུགས། །མཎྜལ་ལ་གནས་ཏིང་འཛིན་བསྟིམ། །བྱམས་དང་སྙིང་རྗེ་མ་ལྟ་བུས། །ཐུགས་རྗེས་གཟུང་བར་གསོལ་བ་བཏབ། །གསང་སྔགས་འདི་བཟླས་ཞི་བར་བྱ། །ཨོ་སྙི༷༷྅༷༷ཝི་ཀྲི་ཏྭ་ན་ན། ཆེ་གེ་མོ་ཤཱསྟི་ཀུ་རུ་གྲྭ་ཧྭ། །བསོད་ནམས་རྒྱས་པའི་དབང་བསྐུར་ན། །རིན་ཆེན་འབར་བའི་ས་ཕྱོགས་སུ། །མཎྜལ་བྱི་དོར་བྱས་པ་ལ། །གུ་གུལ་དག་གིས་ཆག་ཆག་གདབ། །རྡོ་རྗེ་ཚེ་དང་བུམ་པ་ལ། །ཏྭ་ལའི་བྱང་བུར་འདོད་གསོལ་གདབ། །མཎྜལ་ལ་གནས་དམིགས་པའི་རྟེན། །ཡིདབཞིནགཏེརགྱིདགོངས་པ་ཡིས། །ཨོ་སྙི༷༷྅༷༷ཝི་ཀྲི་ཏྭ་ན་ན་པུ་ཏྲ་ཨུ་ཡུསྐོ་ན་ཚེ་ཨ་པ་ན་ཡ་སྡུ༷་གྲྭ་ཧྭ། ཁམས་གསུམ་རང་གིས་དབང་འདོད་ན། །ས་ཕྱོགས་ཟླ་ཚེས་པདྨ་སྲ །མཎྜལ་བྱི་དོར་བྱས་པ་ལ། །པདྨ་རྭ་གའི་ཆག་ཆག་གདབ། །བླ་གབ་མེད་པའི་ལོང་ཚད་ལ། །བྱང་ཆུབ་སེམས་ཀྱིས་འདོད་པ་བྲི། །མཎྜལི་དེ་ལ་དམིགས་པ་བརྟེན། །བརྟན་པ་ཐོབ་ནས་གསང་སྔགས་བཟླས། ཁམས་གསུམ་དབང་སྡུད་དགོངས་པ་ཡིས། །གང་འདོད་རང་དབང་འགྱུར་བར་བྱ། །ཨོ་ལྷི༷༷སྐྱི༷༷ཝི་ཀྲི་ཏྭ་ན་ན་བ་ཤང་ཀུ་རུ་གྲྭ་ཧྭ། །དྲག་པོས་ཚར་གཅོད་དབང་བསྐུར་ན། །ས་ཕྱོགས་གྲུ་གསུམ་ཧེ་ཞལ་དུ། །མཎྜལ་བྱི་དོར་བྱས་པ་ལ། ཁྲག་ཆེན་དག་གིས་ཆག་ཆག་གདབ། །ཞིང་རས་གཤེད་པོའི་གཟུགས་གནས་ལ། མཎྜལ་སྟེང་གནས་དམིགས་པ་བསྟིམ། །གདུག་པ་སྦྲུལ་གྱི་བསམ་ལྟ་བུས། །གསང་སྔགས་བཟླས་ཤིང་འབྱུང་བར་བྱ། །ཨ་ཨེ་དྷི་མ་མ་ཨེ་དྷི།སྣོ གསང་སྔགས་ཚད་དུ་ཕྱིན་པ་དང་། །གཤེད་པོས་དགྲ་བགེགས་ཚར་གཅོད་འགྱུར། །གང་མོས་དང་བས་གདུང་བ་ལ། །ཐུན་མོང་སྙིང་རྗེས་སྐྱོབ་པར་ངེས། །ནུས་པའི་དབང་ནི་རྣམ་པ་བཞི། །ཉན་བཤད་བསྒོམ་བསྒྲུབ་འགྲོ་དོན་རྣམས། །རིམ་པའི་ངེས་པ་རྙེད་པ་ནི། །གང་ལ་མོས་པ་དེ་ལ་བསྐུར། །ཉན་པར་ནུས་པའི་དབང་འདོད་ན། ཁྲིའུ་དང་པོ་ཏི་ཉན་པ་རྣམས། །མ་རིག་སྒོ་ངའི་སྦུབས་ཕྱེ་ལ། །སྲིད་པའི་དྲ་བ་བཅད་པ་དང་། །ཉོན་མོངས་མ་ལུས་ཞི་བྱས་ལ། །འཁོར་བའི་ཕ་རོལ་ཕྱིན་པར་ཏ་ཐུ་ག་ཏ་ཧི༷༷ཡ་མྱན་ཏ་ཀ ཙིསྟ་བཛྲ་སྭ་བྷ་ཝ་ཨུཏྣ་ཀོ྅ཧ༷། ཐུགས་དམ་དབྱེར་མེད་པའོ། །ཨོ་ན་མ༷༷སརྦ་ཏ་ཐུ་ག་ཏ་ཧི༷༷ཡ་ནཱན་ཏ་ཀ་ཨ་ནུ་ར་ག་ན་ཙྭ་ན་བཛྲ་སུ་བྷ་ཝ་ཨུཏྣ་ཀོ྅ཧ༷། ཡོན་ཏན་དང་དབྱེར་མེད་པའོ། །ན་མ༷༷སརྦ་ཏ་ཐུ་ག་ཏ་སྙི༷༷ ཡ་མན་ཏ་ཀ ཀརྨ་བཛྲ་སྭ་བྷ་ཝ་ཨུཏྣ་ཀོ྅ཧ༷། ཕྲིན་ལས་དང་དབྱེར་མེད་པའོ། །ཡེ་ཤེས་ལྔ་རུ་དབང་བསྐུར་བ། ཨོ་མ་ཧྭ་ཤཱ་རྒྱ་ཏྭ་ཙྭ་ན་བཛྲ་སྭ་བྷ་ཝ་ཨུཏྣ་ཀོ྅ཧ༷། སྟོང་པ་ཉིད་ཀྱི་ཡེ་ཤེས་དང་དབྱེར་མེད་པའོ། །ཨོ་མ་ཧྭ་ཨུ་དར་ཤ་ཤཱ་རྒྱ་ཏྭ་ཙྭ་ན་བཛྲ་སྭ་བྷ་ཝ་ཨུཏྣ་ཀོ྅ཧ༷། མེ་ལོང་ལྟ་བུའི་ཡེ་ཤེས་དང་དབྱེར་མེད་པའོ། །ཨོ་ས་མ་ཏྭ་ཙྭ་ན་བཛྲ་སྭ་བྷ་ཝ་ཨུཏྣ་ཀོ྅ཧ༷། མཉམ་པ་ཉིད་ཀྱི་ཡེ་ཤེས་དང་དབྱེར་མེད་པའོ། །ཨོ་པྲ་ཏི་བཀྟ་ཎ་སྒྲོ་ན་བཛྲ་སྭ་བྷ་ཝ་ཨུཏྣ་ཀོ྅ཧ༷། སོ་སོར་རྟོག་པའི་ཡེ་ཤེས་དང་དབྱེར་མེད་པའོ། །ཨོ་མ་ཧྭ་ཀྲི་ཏུ་ནུཁུན་ཙྭ་ན་སྭ་བྷ་ཝ་ཨུཏྣ་ཀོ྅ཧ༷། བྱ་བ་ནན་ཏན་གྱི་ཡེ་ཤེས་དང་དབྱེར་མེད་པའོ། །སྐུ་གསུང་ཐུགས་ཡོན་ཏན་ཕྲིན་ལས་ལྔ། །རིགས་ལྔ་ཡེ་ཤེས་ལྔ་དང་དབྱེར་མེད་པར། ལྷུན་གྱིས་གྲུབ་པར་དབང་བསྐུར་རོ། །གསང་བའི་དབང་ཆེན་བསྐུར་བ་ནི། །བདག་ཉིད་ལྷ་ཡི་སྐུ་གསུང་ཐུགས། །རང་སེམས་སྙིར་པོར་ཤེས་བྱས་ཏེ། །སེམས་ཉིད་མ་བཅོས་ཀློང་གྱུར་པ། །སེམས་ལ་རང་དབང་ཐོབ་པར་བསྐུར། །མཚོན་པའི་དཔེ་དང་གོ་བྱེད་བརྡའ། །ཉི་ཟླ་ཐབས་དང་ཤེས་རབ་བརྡའ། །མེ་ལོང་ཆུ་ཤེལ་རྒྱ་ལོང་གིས། །སེམས་ལ་དབང་བའི་དབང་རྟགས་སྦྱིན། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། དབང་གི་ཁྱད་པར་བསྟན་པའི་ལེའུ་སྟེ་ལྔ་པའོ།། །།དེ་ནས་དཔལ་ལྡན་རྡོ་རྗེ་འཆང་། །དམ་ཚིག་ཁྱད་པར་བསྟན་པ་ནི། །དམ་ཚིག་འབུམ་སྡེ་ས་མ་ཡ། །ཐུན་མོང་ཁྱད་པར་འདུས་པ་སྟེ། །དེ་ལས་ཐུན་མོང་དམ་ཚིག་ནི། །དམ་ཚིག་ཉི་ཤུ་རྩ་བརྒྱད་དེ། །རྩ་བ་སྐུ་གསུང་ཐུགས་ཡིན་ནོ། །ཐུན་མོང་སྒྲོན་མེ་ལྟ་བུ་ཡི། །བླ་མ་གཙུག་གི་ནོར་བུར་བཀུར། །ངག་གི་ལས་སུ་གསང་སྔགས་བརྗོད། །གསང་ཚིག་གཞན་དུ་མི་སྨྲ་ཞིང་། །མཉམ་པའི་དོན་ལས་མ་ཡེངས་པ། །སྐུ་གསུང་ཐུགས་ཀྱི་དམ་ཚིག་གོ། །ཡན་ལག་དམ་ཚིག་བསྟན་པ་ནི། །མི་སྤང་བ་དང་དང་དུ་བླང་། །སྤྱད་པར་བྱ་དང་ཤེས་པར་བྱ། །བསྒྲུབ་པར་བྱ་བའི་དམ་ཚིག་ལྔ་སྟེ་ཉི་ཤུ་ལྔ། །གཡེལ་བ་མེད་པར་བསྲུང་བར་བྱ། །དམ་ཚིག་བཀའ་ལ་གང་གནས་པ། །ཡོན་ཏན་ཡིད་བཞིན་གཏེར་ལྟར་འབྱུང་། །དེ་དག་ཐུན་མོང་དམ་ཚིག་སྟེ། ཁྱད་པར་དམ་ཚིག་འདི་དག་གོ །བདག་ཉིད་ལྷ་མཆོག་གནས་པ་ལས། །བདག་ཏུ་འདོན་པ་སྤང་བྱ་སྟེ། །ལྟ་བ་སྤྱོད་པ་གཉིས་མེད་པའི། །རྒྱུ་བ་དག་ལ་གནས་པའི་ཚེ། །སྟག་ལྤགས་གོན་ལ་བགྲོད་དཀར་འགྲོ། །གདུག་པ་དོམ་གྱི་པགས་དམར་གདིང་། །སྡིགས་མཛུབ་བསྒྲེང་ཞིང་བེ་ཅོན་ཕྱར། །སིང་ལྡིང་དབྱིག་པའི་ཨོ་མཁར་བཟུང་། །ཟས་དང་སྐོམ་དུ་བདུད་རྩི་བཟའ། །མི་རྐང་མཆོག་ཕུར་མཚོན་དུ་ཐོགས། །ཕྱག་མི་བཙལ་ཞིང་ལམ་མི་བཟུར། །རལ་པ་མུན་ཛ་ཅོད་པན་བཅིངས། །མ་ཡེངས་མཚོན་ཆེན་རལ་གྲི་འཕྱར། །འདི་དག་ཁྱད་པར་དམ་ཚིག་སྟེ། །གཤིན་རྗེའི་གཤེད་པོའི་ཐུགས་དམ་མོ། །འཕགས་པ་འཇམ་དཔལ་དྲི་མ་མེད་པའི་གསང་བའི་རྒྱུད་ལས། དམ་ཚིག་བསྟན་པའི་ལེའུ་སྟེ་དྲུག་པའོ།། །།ཉོན་ཅིག་དཔལ་ལྡན་རྡོ་རྗེ་འཆང་། །སྒྲུབ་པ་ཐབས་ཀྱི་ཁྱད་པར་ནི། ཤེས་རབ་ཏིང་འཛིན་སྟོབས་འཆང་བས། །ནོར་བུ་རིན་ཆེན་ཡོན་ཏན་བཞིན། །རང་ལས་བྱུང་བཞིན་རང་ལ་སྤྱོད། །ཐུན་མོང་ལྷ་ཡི་དཀྱིལ་འཁོར་ཡང་། །ཁྱད་པར་ཐབས་ཀྱི་རིམ་པ་ཡིས། །དངོས་གྲུབ་རྣམ་པ་གསུམ་དུ་བཤད། །བསྐྱེད་དང་རྫོགས་དང་རྫོགས་ཆེན་གསུམ། །བསྐྱེད་པ་ཐབས་ཀྱི་བསྒྲུབ་པ་ནི། །རང་བཞིན་དཀྱིལ་འཁོར་དམིགས་པའི་རྟེན། །རྡུལ་ཚོན་དཀྱིལ་འཁོར་ལ་བརྟེན་ནས། །ཏིང་འཛིན་དཀྱིལ་འཁོར་རིམ་པས་བསྐྱེད། །བདག་མེད་ལྷ་ཡི་སྐུར་གསལ་ནས། །དམིགས་བྱ་རྡོ་རྗེར་གྱུར་པས་ཏེ། །ཕྲིན་ལས་གདུལ་བྱའི་དོན་དང་སྦྱར། །མ་བསྐྱེད་རྫོགས་པའི་སྒྲུབ་ཐབས་ནི། །ལས་དང་ཡེ་ཤེས་དམིགས་པའི་རྟེན། །རིས་དང་འབུར་དུ་བྱུང་བ་ཡང་། །སྙིང་པོ་ཚིག་ཙམ་དྲན་རིག་གིས། །ཆུ་ལས་ཆུ་བུར་རྡོལ་བའམ། །ཆུ་ཟླའི་ཚུལ་དུ་རྫོགས་པར་བསྐྱེད། །རྟག་ཏུ་དེར་གནས་རྣལ་འབྱོར་དེ། །ཕྲིན་ལས་གདུལ་བྱའི་དོན་དང་སྦྱར། །ཡེ་ནས་ལྷུན་གྱིས་གྲུབ་པ་ནི། །ཡོ་བྱད་ནོར་བུའི་གཏེར་འཆང་བས། །སེམས་ཉིད་ལྷ་ཡི་སྐུ་གསུང་ཐུགས། །རང་ལས་བྱུང་བ་བཙལ་དུ་མེད། །ཐིག་ལེ་ཉིད་ལ་གནས་པ་ལ། །བསམ་གྱིས་མི་ཁྱབ་གཅིག་གི་ངང་། །མི་གཏོང་འཛིན་པ་དངོས་གྲུབ་ཅིང་། །རང་ལས་བྱུང་བ་ཤེས་རབ་རབ། །མཆོག་དང་ཐུན་མོང་གཉིས་ཀ་རྫོགས། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། སྒྲུབ་ཐབས་ཀྱི་རིམ་པ་བསྟན་པའི་ལེའུ་སྟེ་བདུན་པའོ།། །།དེ་ནས་དཔལ་ལྡན་རྡོ་རྗེ་འཆང་། །གསང་སྔགས་རིམ་པ་འདི་ལྟ་སྟེ། །ནོར་བུས་དགོས་འདོད་བསྐང་བ་ཡང་། །བསོད་ནམས་ཅན་གྱི་གང་ཟག་གིས། །བཀུར་སྟི་རིམ་གྲོ་ཆེར་བྱས་ན། །ནོར་བུ་ཡོན་ཏན་རྒྱས་པར་འགྱུར། །གསང་སྔགས་འཛིན་པའི་སྐྱེས་བུས་ཀྱང་། །དབང་དང་དམ་ཚིག་ལྡན་བྱས་ལ། །གསང་སྔགས་བསྙེན་ཅིང་བསྒྲུབ་བྱས་ན། །དངོས་གྲུབ་མྱུར་དུ་འབྱུང་བར་འགྱུར། །གང་དམིགས་དེ་འགྲུབ་གདོན་མི་ཟ། །ཨོ་ཨ་ཀྲོ་ཏེ་ཀ ཡ་སྨྱུན་ཏ་ཀ་ཧ་ན་མ་ཐ་བྷརྫི་ཧུ༷་ཕཊ། །སྐུའི་སྙིང་པོ་བཅུ་བདུན་པའོ། །ཨོ་ཀྭ་ལ་དུ་བཱ་ཡ་ཨུ༷༷ ཧུ༷་ཕཊ། གསུང་གི་སྙིང་པོ་འབྲུ་དགུ་པའོ། །ཡིལྷི་ ༷༷ལྗོ༷༷བི་ཀྲི་ཏྭ་ན་ན་ཧུ༷་ཧུ༷་ཕཊ་ཕཊ་གྲྭ་ཧྭ། ཐུགས་ཀྱི་སྙིང་པོ་འབྲུ་བཅོ་ལྔ་པའོ། །ཨོ་ས་མ་ཡ་མསྐྲུ་ཤི། ཡ་མྱན་ཏ་ཀ་ཡིག་ལབྱུ་བདུན་མ་ཚེ་པ་ན་ཙ་ཏེ་རོ་ནི་ཧུ༷་ཛ༷༷། ཉེ་བར་བསྙེན་པ་དང་ཡོན་ཏན་གྱི་སྙིང་པོ་འབྲུ་ཉི་ཤུ་རྩ་ལྔ་པའོ།། །།ཡ་མ་མེ་ད་སྟེ་རྭ་ཛ་ས་དོ་རུ་ན་ཡོ་ནི་ར་ཡསྣྲོ་ནི། ཕྲིན་ལས་གཡོན་སྐོར་གྱི་སྙིང་པོ་ཡི་གེ་བཅུ་བདུན་པ་སྟེ་ཕྱིའི་ཕྱིའོ། །ཡ་།་མ་།་སྟེ་།་ད་།་མེ་།་ར་།་མ་།་ར་།་ནི་།་སྣྲོ་།་ཡ་།་ར་།་ནི་།་ཡོ་།་ཎ་།་རུ་།་དོ་།་ས་།་ཛ་།་ཕྱིའི་གསང་བའོ། །ཡ་མ་རྭ་ཛ་སོ་དོ་མེ་ཡ་ཡ་མེ་དོ་རུ་ཎ་ཡོ་ད་ཡ་ཡ་ད་ཡོ་ནི་ར་ཡ་ཁྲེ་ཡ་ཡསྟེ་ཡསྣྲོ་ནི་ར་མ་ཡ། ཕྲིན་ལས་གཡོན་སྐོར་གྱི་སྙིང་པོ་སུམ་ཅུ་རྩ་གཉིས་པ་ནང་གི་ཕྱིའོ། །ཡ་མ་རྭ་ནི་སྣྲོ་ཡ་སྟེ་ཡ་ཡ་སྟེ་ཡ་ར་ནི་ཡོ་ད་ཡ། ཡ་ད་ཡོ་ན་རུ་དོ་མེ་ཡ། ཡ་མེ་དོ་ས་ཛ་རྭ་མ་ཡ། ཕྲིན་ལས་གཡས་སྐོར་གྱི་སྙིང་པོ་ལས་ནང་གི་གསང་བའོ། །ཡ་མ་རྭ་ཛ་ས་དོ་མེ། ཡ་མ་རྭ་ཛ་ས་དེ་མེ་ཡ། རྭ་ཛ་ས་དོ་མེ་ཡ་མ ཛ་ས་དོ་མེ་ཡ་མ་རྭ་ཛ། མེ་ཡ་མ་རྭ་ཛ་ས་དོ། །ཕྲིན་ལས་གཡོན་སྐོར་གྱི་སྙིང་པོ་དྲག་སྔགས་འབྲུ་བདུན་པ། གསང་བའི་ཕྱི་ལྟར་བསྐོར་བའོ། །ཡ་མ་ར་ནི་སྣྲོ་ཡསྟེ། མ་རྭ་ནི་སྣྲོ་ཡཁྲེ་ཡ། ནི་སྣྲོ་ཡསྟེ་ཡ་མ་རྭ་སྣྲོ་ཡ་སྟེ་ཡ་མ་རྭ་ནི།ཡ་སྟེ་ཡ་མ་རྭ་ནི་སྒོ སྟེ་ཡ་མ་རྭ་ནི་སྣྲོ་ཡ། ཕྲིན་ལས་གཡས་སྐོར་གྱི་སྙིང་པོ་དྲག་སྔགས་འབྲུ་བདུན་ལས། གསང་བའི་གསང་བར་བསྐོར་བའོ། །འཕགས་པ་འཇམ་དཔལ་དྲི་མ་མེད་པའི་གསང་བའི་རྒྱུད་ལས།གསང་སྔགས་ཀྱི་ལེའུ་སྟེ་བརྒྱད་པའོ།། །།དེ་ནས་དཔལ་ལྡན་རྡོ་རྗེ་འཆང་། །གསང་སྔགས་མཐའ་སྒྱུར་འདི་ལྟ་སྟེ། ཁྲརྙི་ཀུ་རུ་གྲྭ་ཧྭ། ཞི་བའི་ལས་ཀྱི་མཐའ་བསྒྱུར་རོ། །ཚུརྨྱེ་ཀུ་རུ་གྲྭ་ཧྭ། རྒྱས་པའི་ལས་ཀྱི་མཐའ་སྒྱུར་རོ། །བ་ཤང་ཀུ་རུ་གྲྭ་ཧྭ། དབང་གི་ལས་ཀྱི་མཐའ་སྒྱུར་རོ། །ཨ་མུ་ཀ༷་པྲ་མ་ཡ་ཧུ༷་ཕཊ། ཉི་མ་དང་པོའི་མཐའ་སྒྱུར་རོ། །མགོ་འཁོར་བྱེད་པའོ། །ཨ་མུ་ཀ༷་མུ་ར་ཛ་ཡ་ཧུ༷་ཕཊ། ཉི་མ་གཉིས་པའི་མཐའ་སྒྱུར་རོ། །མྱོས་ཤིང་བརྒྱལ་བར་བྱེད་པའོ། །ཨ་མུ་ཀ༷་རཀ་ཏ་ཙ་ར་ཡ་ཧུ༷་ཕཊ། །ཉི་མ་གསུམ་པའི་མཐའ་སྒྱུར་ཏེ། ཁྲག་ཏུ་སྒྱུགས་པར་བྱེད་པའོ། །ཨ་མུ་ཀ༷་བཱ་ར་ཡ་ཧུ༷་ཕཊ། ཉི་མ་བཞི་པའི་མཐའ་སྒྱུར་ཏེ། གསོད་པར་གདོན་མི་ཟའོ། །ཨུ་ཀརྙ་ཡ་ཧུ༷་ཕཊ། གནས་ནས་འགུགས་པའི་མཐའ་སྒྱུར་རོ། །བི་དེ་ཤཱ་ཡ་ཧུ༷་ཕཊ། རྟེན་དང་བྲལ་བའི་མཐའ་སྒྱུར་རོ། །ཨུ་སྣྲོ་ར་ཡ་ཧུ༷་ཕཊ། གནས་ནས་སྐྲོད་པའི་མཐའ་བསྒྱུར་རོ། །རྭ་པ་ཀརྙ་ཧཱུཾ་ཕཊ། ལྐུགས་སུ་གཞུག་པའི་མཐའ་སྒྱུར་རོ། །ཨུདྨ་ད་ཧུ༷་ཕཊ། སྦྱོ་རུ་གཞུག་པའི་མཐའ་སྒྱུར་རོ། སྟ༷་བྷ་ཡ་ཧུ༷་ཕཊ་ལ༷་ནན། མནན་པ་བྱ་བའི་མཐའ་སྒྱུར་རོ། །དུ་ནེ་དུ་ནེ་ཁྲ༷་ཤིང་མུ་ར་ཡ་ཕོབ་མྱ་ར་ཡ་ཧུ༷་ཕཊ། གཏད་པར་བྱ་བའི་མཐའ་སྒྱུར་རོ། །མྱ་ར་ཡ་ཛ་ལ་ར༷། སྦྱིན་སྲེག་བྱ་བའི་མཐའ་སྒྱུར་རོ། །ཨོ་མུ༷། གྲོལ་ཞིང་གསོ་བའི་མཐའ་སྒྱུར་རོ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། ལས་ཀྱི་མཐའ་བསྒྱུར་བའི་ལེའུ་སྟེ་དགུ་པའོ།། །།དེ་ནས་དཔལ་ལྡན་རྡོ་རྗེ་འཆང་། །ཕྲིན་ལས་རིམ་པ་བསྟན་པ་ནི། །དུར་ཁྲོད་གནས་སམ་དབེན་པ་སྲ །ཟག་པ་དགུ་ཡི་ཚོགས་བསགས་ལ། །ལུས་སེམས་རྒྱུད་ཀྱང་དག་པར་བྱ། །ཞི་བར་བསྙེན་ཅིང་མཚན་ཡང་བརྗོད། ཁྲོ་བོར་བསྙེན་པའི་དཀྱིལ་འཁོར་ནི། ཁྲར་ལྷོ་ནུབ་བྱང་ཕྱོགས་བསྟན་པར། །འདོམ་གང་གྲུ་བཞི་མཎྜལ་ལ། །ཆག་ཆག་བྱི་དོར་བྱས་ནས་ཀྱང་། །གཟུངས་མ་མཚན་ལྡན་དབང་རྫོགས་ལ། །ཐིག་སྐུད་བརྒྱད་ཀྱིས་ཆ་རུ་གདབ། །ཐིག་སྐོར་བཞི་དང་ལྡན་པ་ལ། །ཐིག་སྐོར་གསུམ་ལ་ཐིག་བཞིར་གདབ། །ལེ་ཚེ་དག་ནི་དགུ་པར་བྱ། །ཕྱི་རོལ་ཐིག་སྐོར་རྡོ་རྗེ་གཉིས། །ཐིག་སྐོར་གཉིས་པ་དག་ལ་ནི། །བཅུ་གཉིས་རྩིབས་དང་ལྡན་པར་བྱ། །ཡ་མ་མེ་ད་སྣེ་ཞེས་པ། །ཕྱོགས་བཞི་དབུས་ཀྱི་ལེ་ཚེ་ལ། །ར་ཙ་ས་དོ་ཞེས་པ་དང་། །རུ་ཎ་ཡོ་ནི་ཞེས་པ་དང་། །ར་ཡ་ཙ་ནི་ཞེས་པ་ནི། །བཅུ་གཉིས་འཁོར་ལོའི་རྩིབས་ལ་དགོད། །ཐིག་སྐོར་གསུམ་ལ་བཅུ་དྲུག་རྩིབས། །སྙི༷༷སྐྱི༷༷འི་སྔགས་ལ་མིང་ཡིག་སྤེལ། །རྡོ་རྗེ་རྭ་བའི་ཕྱི་རོལ་དུ། །སྒོ་དང་སྒོ་ཁྱུད་ལྡན་པར་བྱ། །དབུས་ཀྱི་ལེ་ཚེ་དྲག་པོ་ཨེ། །ཕྱོགས་བཞི་ལེ་ཚེ་རིམ་དང་སྦྱོར། །གྲུ་གསུམ་ཆག་གང་བཙོན་ཁང་ནང་། །བཅུ་གཉིས་དྲག་པོས་བཅུ་དྲུག་རྒྱས། །རྡོ་རྗེ་ལྕགས་ལ་མུ་ཁྱུད་ལྗང་། །མཐའ་ལྕགས་སྒོ་བཞི་རིགས་དང་སྦྱར། །རྒྱལ་ཆེན་བཞི་པའི་འཁོར་ལོ་ཡི། །ལྷ་རྣམས་དགོད་པའི་རིམ་པ་ནི། །རིན་པོ་ཆེའམ་མཆོག་ཤིང་ལ། །ཚད་དང་ལྡན་བྱས་ཕུར་པ་དེ། །ལྷ་རྣམས་རིམ་པའི་གྲངས་ཀྱིས་དགོད། །ཡ་རྭན་ཏ་ཀ་དབུས་སུ་དགོད། །ལེ་ཚེ་བཞི་ལ་གཤེད་པོ་བཞི། །རྩིབ་ཆེན་བཅུ་གཉིས་ཕྱོགས་སྐྱོང་བཅུ། །བཅུ་དྲུག་རྩིབས་ལ་ཀེ་སིང་དགོད། །བར་ཁྱམས་སྒོ་བཞིར་བསེ་མོ་བཞི། །ལྕགས་རི་སྒོ་བཞིར་སྒོ་མ་བཞི། །སྒོ་ཁྱམས་དབང་ཕྱུག་ཉི་ཤུ་བརྒྱད། །རྫས་རྣམས་དགོད་པའི་རིམ་པ་ནི། །གཤིན་རྗེའི་ཤར་ནི་ལྷོ་ཡིན་པས། །བུ་དོན་ལྷོ་ཡི་ཕྱོགས་སུ་དགྲམ། །ཉིང་ཁུ་ཡང་ཞུན་པད་དམར་གདུབ། །ཨུཏུལ་བེ་ཅོན་ཀ་ཏ་རི། །གང་འདོད་གསོལ་བྱང་རྡོ་རྗེ་ཚེ། །དངོས་གྲུབ་ཐུན་མོང་རྫས་སུ་བཤམ། །བསྙེན་བསྒྲུབ་ཞི་ཁྲོ་གཤིན་རྗེའི་གཤེད། །མ་གཤིན་གིང་བདུད་གཏོར་མ་རེ། །སྨན་དང་འདོད་ཡོན་ལོངས་སྤྱོད་ཚོགས། །ཕྱི་ནང་མཆོད་པ་རྒྱས་པར་བཤམས། །བསྐྱེད་དང་རྫོགས་དང་རྫོགས་ཆེན་གྱི། །སྒྲུབ་པ་རྣམ་གསུམ་ལམ་དང་སྦྱར། །གདེང་དང་སྟོབས་སུ་གྱུར་པ་དང་། །དངོས་གྲུབ་གང་འདོད་རང་དབང་བྱ། །སྙིང་རྗེ་ལས་སུ་རུང་བ་དང་། །ཕྲིན་ལས་གདུལ་བྱའི་དོན་དང་སྦྱར། །འཕགས་པ་འཇམ་དཔལ་དྲེ་མ་མེད་པ་གསང་བའི་རྒྱུད་ལས། ཡེ་ཤེས་དང་ཕྲིན་ལས་སུ་ཕྱུང་བར་བསྟན་པའི་ལེའུ་སྟེ་བཅུ་པའོ།། །།དེ་ནས་དཔལ་ལྡན་རྡོ་རྗེ་འཆང་། །ལས་ཀྱི་ཕྲིན་ལས་བསྟན་པ་ནི། །འཆི་བདག་ལྕགས་ཁང་དམིགས་པའི་རྟེན། །དྲག་པོ་རོ་གསར་འཁོར་ལོ་སྟེ། །ཡི་དྭགས་གྲོང་ཁྱེར་བཅོམ་ནས་ཀྱང་། །ཅིར་རུང་གོས་ཕུད་ཤུན་པ་བླངས། །མི་ཁྲག་སྤངས་ལ་དུག་གིས་བཀྲུ། །གཅེར་ཏེ་ཕུར་བཞིར་བརྒྱངས་ལ་སྐམ། །བག་ཆུ་ས་དཀར་ཐལ་བས་བྱུག །ཙནྟྲ་ཀྭ་ལའི་ཚེས་གཅིག་ནས། །ཉི་ཤུ་དྲུག་ཏུ་བཟླས་པ་བྱ། །གཤིན་རྗེའི་དམ་ཚིག་སྙིང་པོ་སྟེ། །ཧི༷༷སྐྱི༷༷འི་སྔགས་ལ་འབོདགོའདྲཡིནནམདམ་ཚིག་ཆེ་གེ་མོ། མུ་ར་ཡ་ཧུ༷་ཕཊ་ཅེས་སྦྱར། །ཉིན་ཕྱེད་ཚུན་ཆད་དྲག་ཏུ་བཟླས། །འཁོར་ལོ་བྲི་བའི་སྣག་ཚ་ནི། །གཞན་མེད་སོལ་བ་ཐལ་བ་གཉིས། །ཀ་ནི་ཀ་ཡི་ཁུ་བ་དང་། །སྲ་རྩི་སྤོག་དང་དུག་སྣ་ཚོགས། །ཏིལ་ནག་ཉུང་དཀར་མར་ཁུ་དང་། །རང་གི་སྲིན་ལག་ཁྲག་དང་ནི། །སྙིང་སྣ་བྱེ་ས་ར་ཁྲག་དང་། །སྐྱེ་ཚེ་ཙསྡོན་ས་དཀར་དང་། །སྒྱ་སྐྱེགས་ལྡོང་རོས་ཡུང་བ་དང་། །མ་ད་ལྡུམ་བུ་ཐང་ཕྲོམ་དང་། ཁ་ཤོག་དུག་སྣ་ཚོགས་པ་ཡིས། །བརྣག་པ་ལས་ཀྱི་དམིགས་དང་སྦྱར། །སྨྱུག་གུ་བྱ་རོག་འུག་པའི་སྒྲོ། །གྲིར་ཤིའི་སྐྲ་ལ་པིར་བྱས་ལ། །སྔོན་དམར་ཞིང་ནི་རྒྱུས་པས་བསྡམས། །ལྷོ་ཡི་ཕྱོགས་སུ་ཁ་བསྟན་ཏེ། །ཡ་བཱན་ཏ་ཀས་བྲི་བར་བྱ། །འཁོར་ལོ་རིམ་པ་གསུམ་ལྡན་ལ། །ཐིག་བཞི་བཏབ་པས་ལེ་ཚེ་དགུ། །ཡ་མ་མེ་དསྟེ་ཞེས་པ། །ཕྱོགས་དང་དབུས་ཀྱི་ལེ་ཚེ་ལའོ། །མཚམས་ཀྱི་གྲུ་གསུམ་མཚོན་ཁང་བཞིར། །ཧུ༷་གཉིས་བར་དུ་བསྒྲུབ་བྱའི་མིང་། །རིམ་པ་གཉིས་པ་དག་ལ་ནི།ཁང་པ་བཅུ་གཉིས་ཆ་སྙམས་ལ། །རྭ་ཛ་ས་དོ་རུ་ན་ཡོ་ནི་ར་ཡསྣྲོ་ནི་བཅུ་གཉིས་པ། །གཡོན་ནས་བསྐོར་ཏེ་བྲི་བར་བྱ། །རིམ་གསུམ་བཅུ་དྲུག་ཁང་པ་སྲ །རྙི༷༷ལྗོ༷༷མིང་དང་སྤེལ་ལ་བྲི། །དེ་དང་ཆ་མཉམ་མ་གྲུབ་བར། །གཡས་སུ་བསྐོར་བའི་ཆ་འཁོར་གཅིག ཡང་དང་ཡ་མཉམ་མ་དང་མ། །མེ་དང་མེ་མཉམ་ད་དང་ད། །སྟེ་དང་སྣེ་མཉམ་དབུས་སུའོ། །རྭ་དང་རྭ་མཉམ་ཛ་དང་ཛ། །ས་དང་ས་མཉམ་དོ་དང་དོ། །རུ་དང་རུ་མཉམ་ཎ་དང་ཎ། །ཡོ་དང་ཡོ་མཉམ་ནི་དང་ནི། །ར་དང་ར་མཉམ་ཡ་དང་ཡ། །སྣྲོ་དང་སྣྲོ་མཉམ་ནི་དང་ནི། །གདགས་ཡིག་ལས་ཀྱི་དམིགས་དང་སྦྱར། །འཁོར་ལོ་བྲིས་པ་ཟིན་པ་དང་། །སྨོན་ལམ་དམིགས་ལ་སྦྱར་ལ་གདབ། །མཆོད་ཅིང་བསྟོད་པ་དག་ཀྱང་བྱ། །སྤྱན་དབྱེ་དབང་བསྐུར་རབ་གནས་བྱ། །ལས་ཀྱི་གཤིན་རྗེ་དགུག་ཅིང་བསྟིམ། །མ་ར་ལྡིང་ལྡོག་གའུར་གཞུག །རབས་ཆད་ཕོ་མོའི་ཐོད་པར་གཞུག །དྲས་ལ་མ་ཐོད་ལྕགས་ཁྲིའམ། །ཐོད་པ་གསུམ་གྱི་སྒྱེད་ཁར་གཞག །སྟེང་ནས་ཕོ་ཐོད་རྩང་བཞི་ལ། །སྔོན་དམར་བརྒྱངས་ལ་ཡས་མར་དགབ། །ཐ་ཆུང་བཞི་ཡི་མར་ངོ་ནི། །ཉི་ཤུ་བདུན་ནམ་སྟོང་གི་བར། །ཉིན་བཞི་འཁོར་ལོ་ཁྲི་བཞིར་བསྐྱོད། །མཚན་མོ་ཁྲི་བཞི་དྲིལ་ལ་བཟླས། །མགོ་འཁོར་ཁྲག་སྒྱུགས་ལུས་བརྒྱལ་ཅིང་། །མ་ར་གདོན་མི་ཟ་བར་བྱས། །གའུ་ནག་པོའི་ལྷ་ཚོགས་ལ། །རིམ་པའི་ཚུལ་གྱིས་ལས་ལ་གཟུད། །གཡོན་དུ་བསྐོར་བས་མ་གྲུབ་ན། །གཡས་སུ་བསྐོར་བས་མྱུར་དུ་འགྲུབ། །གདགས་ཡིག་མནན་པའི་འཁོར་ལོ་བཅས། །གདུག་པ་སྨེ་བརྩེགས་སརཕྱིནལ། །གཤིནརྗེབོདཔའི་དམིགས་པས་གཏད། འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། །དྲག་པོའི་ཕྲིན་ལས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་དཔལ་ལྡན་རྡོ་རྗེ་འཆང་། །ཕྲིན་ལས་ཞི་བར་བསྟན་པ་ནི། །དར་དཀར་རས་ལ་འཁོར་ལོ་ནི། །རིམ་པ་གསུམ་དང་ལྡན་པར་བྲི། །དབྱིབས་ནི་ཟླ་བ་ཉ་ལྟ་བུ། །དཀར་ལ་མཛེས་པར་ལྡན་པར་བྱ། །ག་འུའི་དབྱིབས་ཀྱང་དེ་བཞིན་ནོ། །གསང་སྔགས་རིམ་པས་བཀོད་ནས་ཀྱང་། །དམ་ཚིག་སེམས་དཔའ་ཞི་བའི་ལྷ། །ལས་དང་ཡེ་ཤེས་དགུག་བསྟིམ་ནས། །གང་དམིགས་ཞི་བའི་འཁོར་ལོ་བསྐོར། །གཡོན་དུ་བསྐོར་བས་མ་གྲུབ་ན། །གཡས་སུ་བསྐོར་བས་གདོན་མི་ཟ། གའུ་འཁོར་ལོ་དབེན་པར་སྦ། འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། ཕྲིན་ལས་ཞི་བའི་ལེའུ་སྟེ་བཅུ་གཉིས་པའོ།། །།དེ་ནས་དཔལ་ལྡན་རྡོ་རྗེ་འཆང་། །རྒྱས་པའི་ལས་སུ་བྱ་བ་ཡང་། །སྟོབས་ལྡན་གླང་པོའི་པགས་པ་ལ། །གུར་གུམ་གསེར་གྱི་གླང་པོ་ཆེ། །རྒྱབ་ཏུ་གསེར་གྱི་འཁོར་ལོ་བྲི། །གསང་སྔགས་རིམ་པར་གཡོན་དུ་བསྐོར། །གདགས་ཡིག་ཡོན་ཏན་སྟོབས་དང་སྦྱར། །སྨིན་པ་ས་ཡི་རིན་པོ་ཆེ། །འོན་ཏེ་ཤིང་ལས་བྱས་པ་ཡི། །གའུ་རིན་ཆེན་འབར་བརགཞུག །གཤེདཔོའཁོར་བཅས་རྒྱས་པའི་ལྷ། །བཙོ་མ་གསེར་གྱི་མདོག་འདྲ་ལས། །གང་དམིགས་རྒྱས་པའི་འཁོར་ལོ་བསྐོར། །གཡོན་ཏུ་བསྐོར་བས་མ་གྲུབ་ན། །གཡས་སུ་བསྐོར་བས་གདོན་མི་ཟ། །གང་དུ་ས་ཕྱོགས་རྒྱས་པར་སྦ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། ཕྲིན་ལས་རྒྱས་པའི་ལེའུ་སྟེ་བཅུ་གསུམ་པའོ།། །།དེ་ནས་དཔལ་ལྡན་རྡོ་རྗེ་འཆང་། །དབང་གི་ལས་སུ་བྱ་བ་ཡང་། །བུད་མེད་དག་གི་ཞིང་ལྤགས་ལ། །རོ་ལངས་ག་་མོའི་གཟུགས་བྲིས་ཏེ། །དེ་ཡི་གསང་བར་ཙཀྲ་ནི། །རིམ་པ་གསུམ་དང་ལྡན་པ་ལ། །ཐིག་བཞི་བཏབ་པས་ལེའུ་ཚེ་དགུ། །རིམ་པ་གཉིས་པ་དག་ལ་ནི།ཁང་པ་བཅུ་གཉིས་ཆ་བསྙམས་བྲི། །རིམ་པ་གསུམ་པ་དག་ལ་ནི། །བཅུ་དྲུག་ཁང་པ་ས་དང་མཉམ། །གསང་སྔགས་འབྲུ་ཡང་རིམ་པས་དགོད། །གདགས་ཡིག་གང་དམིགས་དོན་དང་སྦྱར། །རིན་པོ་ཆེ་ལས་བྱས་པ་ཡི། །གའུ་པདྨའི་དབྱིབས་འདྲ་བར། །འཁོར་ལོར་བཅུག་ལ་གཟུངས་ཐག་གདགས། །བདག་ཉིད་གཤིན་རྗེའི་གཤེད་པོ་ནི། །ལས་དང་ཡེ་ཤེས་གཉིས་མེད་པས། །འཁོར་ལོ་བསྐོར་ལ་དབང་དུ་བསྡུ། །གཡོན་དུ་བསྐོར་བས་མ་གྲུབ་ན། །གཡས་སུ་བསྐོར་བས་གདོན་མི་ཟ། །གའུ་གནམ་ས་ཟླ་གམ་མམ། །བཙུན་མོའི་བྷ་ག་ལྟ་བུར་སྦ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། ཕྲིན་ལས་དབང་གི་ལེའུ་སྟེ་བཅུ་བཞི་པའོ།། །།དེ་ནས་དཔལ་ལྡན་རྡོ་རྗེ་འཆང་། །དགུག་པར་བྱ་བའི་ལས་དག་ནི། །དྲེའུ་སེང་གེའི་པགས་པ་ལ། །དྲེའུ་སེང་གེའི་གཟུགས་བྲིས་ཏེ། །དེ་ཡི་ཐུགས་དཀར་འཁོར་ལོ་ནི། །རིམ་པ་གསུམ་ལྡན་ལྟོ་སྦྱར་གཉིས། །གསང་སྔགས་རིམ་པས་ལྟོ་མཉམ་བྱ། །གདགས་ཡིག་གང་ལ་དམིགས་པ་བྲི། །འཁོར་ལོ་གའུའི་ནང་དུ་སྩལ། །དྲེའུ་སེང་སྤུའི་གཟུངས་ཐག་གདགས། །བདག་ཉིད་གཤིན་རྗེའི་གཤེད་པོ་ནི། །ལས་དང་ཡེ་ཤེས་གཉིས་མེད་པས། །འཁོར་ལོ་ཉི་མ་བཞིར་ནི་བསྐོར། །མཚན་མོ་བཞིར་ནི་དྲིལ་བའམ། །སྙི༷༷྅༷༷བཟླས་ཤིང་དགུག་པར་བྱ། །གཡོན་དུ་བསྐོར་བས་མ་གྲུབ་ན། །གཡས་བསྐོར་རང་དབང་མེད་པར་འགུགས། །འཁོར་ལོ་གའུར་བཅས་པ་དེ། །རང་གི་འོག་ཏུ་སྦ་བར་བྱ། འཕགས་པ་འཇམ་དཔལ་དྲི་མ་མེད་པའི་གསང་བའི་རྒྱུད་ལས། །གང་ལ་དམིགས་པ་དགུགས་པའི་ལེའུ་སྟེ་བཅོ་ལྔ་པའོ།། །།དེ་ནས་དཔལ་ལྡན་རྡོ་རྗེ་འཆང་། །མཛའ་བ་དབྱེ་བའི་ལས་དག་ནི། །རྟ་དང་མ་ཧེའི་པགས་པ་ལ། །རྟ་དང་མ་ཧེ་འཐབ་པ་ཡི། །བར་དུ་འཁོར་ལོ་བྲི་བར་བྱ། །རིམ་པ་ཚུལ་གྱིས་མ་འཆོལ་བར། །མཁས་པས་རིགས་པས་དཔྱད་པར་བྱ། །གང་དམིགས་དབྱེ་བའི་གདགས་ཡིག་ཀྱང་། །རིམ་པར་འཁོར་ལོའི་བར་དུ་གཞུག །ཡང་ན་བྱ་རོག་འུག་པ་ཡི། །པགས་པ་གཉིས་ལ་འཁོར་ལོ་བྲི། །ལྟོ་སྦྱར་བར་དུ་གདགས་ཡིག་གསལ། །འཁོར་ལོ་གའུ་སྩལ་ནས་ཀྱང་། །གའུ་དག་གི་གློ་སྒོ་ནི། །རླུད་ལྷའི་ཕྱོགས་ནས་དབུག་པར་བྱ། །བདགཉིདགཤིནརྗེའིགཤེད་པོ་ནི། །ལས་དང་ཡེ་ཤེས་དགུག་བསྟིམ་ཞིང་། །ཙཀྲ་བསྐོར་ཞིང་དབྱེ་བར་བྱ། །གཡོན་དུ་བསྐོར་བས་མ་གྲུབ་ན། །གཡས་སུ་བསྐོར་བས་དབང་མེད་འགྲུབ། །གའུ་རླུད་ལྷའི་ཕྱོགས་སུ་སྦ། །ཡང་ན་བྱ་རོག་འུག་པའམ། །ཀང་ཀ་འདུ་བའི་ཕྱོགས་སུ་སྦ། འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། མཛའ་བོ་དང་དབྱེ་བའི་ལས་ཀྱི་རིམ་པའི་ལེའུ་སྟེ་བཅུ་དྲུག་པའོ།། །།དེ་ནས་དཔལ་ལྡན་རྡོ་རྗེ་འཆང་། །བསྐྲད་ཅིང་དགར་བའི་ལས་བྱ་ན། །རྔ་མོ་ག་བའི་གཟུགས་བྱས་ཏེ། །དེ་ཡི་འཕོངས་སུ་འཁོར་ལོ་ནི། །རིམ་པ་གསུམ་ལྡན་ལྟོ་སྦྱར་གཉིས། །གསང་སྔགས་རིམ་པ་མ་ནོར་བར། །གཡོན་དུ་བསྐོར་ལ་བྲི་བར་བྱ། །གདགས་ཡིག་གང་ལ་དམིགས་པ་དག །ཉི་ཤུ་རྩ་ལྔ་རང་སར་གཞག །བདག་ཉིད་དམ་ཚིག་རྣལ་འབྱོར་པས། །ལས་དང་ཡེ་ཤེས་གཉིས་མེད་དེ། །སྐྲོད་པའི་འཁོར་ལོ་ཉི་མ་བཞིར། །མཚན་མོ་དྲིལ་ལ་སྙི༷༷྅༷༷བཟླས། །གཡོན་དུ་བསྐོར་བས་མ་གྲུབ་ན། །རུ་ཁུག་གཡས་སུ་བསྐོར་བར་བྱ། །དེས་ནི་རང་དབང་མེད་པར་སྐྲོད། །ཙཀྲ་རྔ་མོའི་ཐོད་པའམ། །སྦྱང་ཐོད་བཅུག་ལ་ས་མཚམས་སྦ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། ཡུལ་ནས་སྐྲོད་པའི་ལེའུ་སྟེ་བཅུ་བདུན་པའོ།། །།དེ་ནས་དཔལ་ལྡན་རྡོ་རྗེ་འཆང་། །ཨུད་བཱསྡོ་ཡི་ལས་དག་ནི། །སྨྱོ་འབོག་ཤ་བའི་པགས་པ་ལ། ཁྲན་དམར་དག་གི་གཟུགས་བྱས་ཏེ། །དེ་ཡི་རྒྱབ་ཏུ་འཁོར་ལོ་ནི། །སུམ་བརྩེགས་བརྩེག་མ་ལྟོ་སྦྱར་གཉིས། །གསང་སྔགས་གདག་ཡིག་མ་ནོར་དགོད། །སྨྱོ་འབོག་ཤི་བའི་གའུར་བསེར། །གཤིན་རྗེའི་གཤེད་པོ་ཡབ་ཡུམ་ཡང་། །ལས་དང་ཡེ་ཤེས་གཉིས་མེད་པས། །ཉིན་བཞི་སྔགས་ཀྱི་འཁོར་ལོ་བྲི། །ཁྲི་རྫོགས་སྨྱོ་འབོག་སྦྱར་བར་བྱ། །གཡོན་དུ་བསྐོར་བས་མ་གྲུབ་ན། །གཡས་བསྐོར་ཚུར་ལ་བཟློག་པར་བྱ། །དེ་ནི་ཁུསྡོ་རུ་འགྱུར། །འཁོར་ལོ་གའུ་བཅས་པ་དེ། །མགོན་ཁང་རྙིང་པར་མནན་པར་བྱ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། སྨྱོ་འབོག་གི་ལེའུ་སྟེ་བཅོ་བརྒྱད་པའོ།། །།དེ་ནས་དཔལ་ལྡན་རྡོ་རྗེ་འཆང་། ཁ་མནན་ལྐུགས་པའི་ལས་བྱ་ན། །ལུག་ནག་དག་གི་པགས་པ་ལ། །ལྐུགས་པ་ལུག་གི་གཟུགས་ཤིག་བྲི། །དེ་ཡི་ཁོག་པར་འཁོར་ལོ་ནི། །རིམ་པ་གསུམ་ལྡན་ལྟོ་བར་བྲི། །རིམ་གསུམ་ཐིག་བཞི་ལེ་ཚེ་དགུ། །རིམ་པ་གཉིས་པ་རྩིབས་བཅུ་གཉིས། །རིམ་གསུམ་བཅུ་དྲུག་རྩིབས་ཅན་བྲི། །བཅུ་བདུན་རྩ་བའི་གསང་སྔགས་ཏེ། །སྙི༷༷྅༷༷བསྒྲུབ་བྱ་སྤེལ་ལ་དགོད། །གདགས་ཡིག་རིམ་པ་མ་ནོར་དགོད། །མི་གཏོང་འཛིན་པའི་སྟོབས་ཅན་གྱིས། །ལས་དང་ཡེ་ཤེས་གཉིས་མེད་པ། །ལྐུགས་པའི་འཁོར་ལོ་ཉིན་བཞིན་བསྐོར། །མཚན་མོ་དྲིལ་ལམ་སྙི༷༷ལྗོ༷༷བཟླའ། །དེས་ཀྱང་མཚན་མ་མ་ཐོན་ན། །རུ་ཁུག་གཡོན་སྐོར་ལས་བྱས་ན། །རྒྱལ་ཁམས་སྤྱི་ཚན་གཅིག་པ ཡང། །ཐངགཅིགཡུདལལྐུགས་བྱེད་པའི། །འཁོར་ལོ་དག་ནི་གླེན་ལྐུགས་ཀྱི། །ཐོད་པར་བཅུག་ལ་ཀླུ་ལ་གཏད། །དེས་ནི་ལྐུགས་པའི་ལས་སུ་འགྱུར། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། ལྐུགས་སུ་གཞུག་པའི་ལེའུ་སྟེ་བཅུ་དགུ་པའོ།། །།དེ་ནས་དཔལ་ལྡན་རྡོ་རྗེ་འཆང་། །གཟིར་ཞིང་མནན་པའི་ལས་དག་ནི། །ཡི་དྭགས་གོས་ལ་ཡི་དྭགས་གཟུགས། །རིམ་བདུན་ལྕགས་རི་མཐའ་བསྐོར་ཏེ། །གླིང་དང་གླིང་ཕྲན་འཁོར་ཡུག་བཅས། །རྡོ་རྗེ་རྒྱ་གྲམ་ལམ་གྱིས་མཚན། །དེ་ཡི་དབུས་སུ་འཁོར་ལོ་ནི། །རིམ་པ་གསུམ་ལྡན་འཁོར་ལོ་ལ། །གསང་སྔགས་རིམ་པ་བཞིན་དུ་དགོད། །གང་དམིགས་མནན་པའི་གདགས་ཡིག་ཀྱང་། །ཉི་ཤུ་རྩ་ལྔ་ཚང་བར་བྱ། །བདག་ཉིད་ཏིང་ངེ་འཛིན་ལྡན་པས། །ལས་དང་ཡེ་ཤེས་གཉིས་སུ་མེད། །དེ་ཡིས་དབང་དང་ལྡན་བྱས་ལ། །གང་དམིགས་མནན་པའི་འཁོར་ལོ་བསྐོར། །ཉི་མ་བཞི་པའི་གསང་སྔགས་ལ། །མནན་པའི་སོ་འཐབ་རིམ་གྱིས་སྦྱར། །གཡོན་ནས་བསྐོར་བས་མ་ནོན་ན། །གཡས་སྐོར་རུ་ཁུག་ཨར་ལ(ཚ གཏད།)གཏང་། །དེས་ནི་རང་དབང་མེད་པར་འགྲུབ། །འཁོར་ལོ་མུ་སུ་ཐོད་པར་གཞུག །ལྷུན་སྟུག་རི་བོའི་འོག་ཏུ་གཏད། །ཐར་ས་མེད་པའི་བརྣག་པར་འགྱུར། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། ཕྲིན་ལས་གཟིར་ཞིང་མནན་པའི་ལེའུ་སྟེ་ཉི་ཤུ་པའོ།། །།དེ་ནས་དཔལ་ལྡན་རྡོ་རྗེ་འཆང་། །དྲག་པོའི་ལས་འདི་བྱ་བ་ཡང་། །ཉེས་པ་ཆེ་ན་ཉེ་བར་འགྲུབ། །ཉེས་པ་ཆུང་ན་ལས་རིང་སྟེ། །རང་གིས་ཉེས་ན་རང་ལ་ལྡོག །རིགས་དང་ལོ་གྲངས་ཡང་དག་མཐུན། །དེ་ལ་བྱས་ཀྱང་སྐྱོན་འབྱུང་ངོ་། །འདོད་པའི་སེམས་ཀྱིས་གསོད་པར་འདོད། །དེ་བཞིན་གཤེགས་པའི་དངོས་གྲུབ་དག །རྨི་ལམ་དུ་ཡང་མི་འབྱུང་ངོ་། །རྩ་བའི་སྡོམ་པ་མི་གནས་ཤིང་། །བསྙེན་པ་ཚད་དུ་མ་བསྐྱལ་བར། །ཚིག་ཙམ་ལུང་ལ་བརྟེན་པ་ཡིས། །དོན་མི་འགྲུབ་པར་ངས་བཤད་དོ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། མི་འགྲུབ་པའི་སྐྱོན་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་དཔལ་ལྡན་རྡོ་རྗེ་འཆང་། །དཀོན་མཆོག་བླ་མའི་དོན་ཆེད་དུ། །དྲག་པོའི་ལས་འདི་བྱ་བ་ཡང་། །ལུས་ཀྱི་ཉེས་པ་གསལ་བའི་ཕྱིར། །དེ་བཞིན་གཤེགས་པའི་ཆོས་ཀྱང་བཀླག །ཉིན་མཚན་ཕྱེད་པའི་དགེ་བ་བྱ། །མཆོད་སྤྱིན་བྱ་ཞིང་ཉེས་པ་བཤགས། །ངག་གི་ཉེས་པ་བསལ་བའི་ཕྱིར། །ཡི་གེ་བརྒྱ་པའི་བཤགས་ཆེན་འདོན། །ཡི་གེ་རེ་ལ་བརྒྱ་ཡིས་བཤགས། །ཡིད་ཀྱི་ཉེས་པ་བསལ་བྱའི་ཕྱིར། །རང་གི་སྐྱོན་དག་བསལ་བྱས་ལ། །སྔ་མ་བཤགས་ལ་ཕྱི་མ་བསྡམ། །མི་རྟོག་མེ་ཡིས་བསྲེག་བྱའི་ཕྱིར། །ཆོས་ཉིད་བློ་ལ་མ་ཡེངས་གཞག །རི་དྭགས་ཁྲི་སྙན་ལྟ་བུའི་སེམས། །སྙིང་རྗེའི་སེམས་དང་མ་བྲལ་ཞིང་། །བྱམས་པ་ལ་སོགས་མ་བྲལ་ན། །རང་སེམས་རྣམ་པར་དག་འགྱུར་ཏེ། །ཡིད་བཞིན་ནོར་བུ་ལྟ་བུར་འགྱུར། །དངོས་གྲུབ་སྟེར་བར་རང་སེམས་ཤེས། །ཇི་ལྟར་ནོར་བུ་རིན་པོ་ཆེ། །གའུའི་ནང་དུ་བཅུག་བྱས་ནས། ཁེན་ཏུ་གཅེས་པར་མ་བྱས་ན། །དགོས་པའི་དོན་མཆོག་མི་སྟེར་ཏེ། །ནོར་བུ་དག་ལ་འཚེ་བ་མང་། །དེ་བཞིན་རང་སེམས་རིན་པོ་ཆེ། །གའུ་ལྟ་བུའི་ཕུང་པོ་ལ། །ཉོན་མོངས་ལྔ་པོར་གྱུར་པའི་དགྲ། །རླུད་མཁྲིས་བད་ཀན་འདུས་པའི་ནད། །ཕན་ཟ་གོན་དང་ཁ་བཟས་ཀྱིས། །གའུ་ལྟ་བུའི་ཕུང་པོ་མཆོད། །ཇི་ལྟར་ཕ་རོལ་སྐྱེལ་བའི་གྲུ། །གས་ཆག་ཅན་གྱིས་ཕྱིན་མི་འགྱུར། །གྲུ་དེ་བཅོས་ལེགས་བྱས་གྱུར་ན། །ཇི་ལྟར་ཕ་རོལ་ཕྱིན་པ་ལྟར། །དེ་བཞིན་ཕུང་པོ་གྲུ་ལྟ་བུ། །བཅོས་ལེགས་བྱ་ཕྱིར་མཁས་ཀྱང་མཉམ། །ཉལ་དང་ལྡང་དང་འཆག་པ་དང་། །ཕན་པའི་ཟས་བསྟེན་གནོད་པ་སྤངས། །གཉིད་དང་རྩོལ་མཁས་སྦྱར་ཏེ་བསྟེན། །ཇི་ལྟར་གབ་ཚེ་ནང་སྩལ་བའི། །རིན་ཆེན་ལྟ་བུ་ཕྱག་གི་གནས། །དེ་བཞིན་ནད་མེད་ཕུང་པོ་དང་། །རང་སེམས་དག་པའི་རིན་པོ་ཆེ། །དུས་གསུམ་བདེ་གཤེགས་ཕྱག་འཚལ་གནས། །ཇི་ལྟར་ནོར་བུ་རིན་པོ་ཆེ། །དྲི་མ་ཡོད་པའི་རང་བཞིན་ཅན། །དགོས་པའི་དོན་རྣམས་མི་འབྱུང་སྟེ། །རས་ལ་སོགས་པས་ཕྱིས་གྱུར་ཅིང་། །དྲི་མ་དག་པར་བྱས་གྱུར་ན། །དགོས་པའི་དོན་རྣམས་སྟེར་བ་ལྟར། །དེབཞིནརངསེམསརིན་པོ་ཆེ། །ལུས་ངག་ཡིད་ཀྱི་དྲི་མ་ཅན། །རང་སྐྱོན་བརྟག་ལ་བོར་བར་བྱ། །ལུས་ཀྱི་ཉོན་མོངས་དག་ལ་འབད། །དེ་ལྟར་རང་སེམས་དག་པ་ལ། །དུས་གསུམ་བདེ་གཤེགས་མངོན་ཕྱོགས་ཤིང་། །དེ་བཞིན་ཆོས་སྐྱོང་མགོན་པོ་དང་། །རྣལ་འབྱོར་མ་ཚོགས་མཁའ་འགྲོ་དང་། །འཇིག་རྟེན་ལས་ཀྱི་མཐུ་ཆེན་རྣམས། །རིང་པོའི་གནས་ནས་སྟོང་གྲོགས་བྱེད། འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། བསྒྲུབ་པའི་ལས་དང་། ཡོན་ཏན་བསྟན་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་དཔལ་ལྡན་རྡོ་རྗེ་འཆང་། །སྙིང་རྗེ་བྱང་ཆུབ་སེམས་བྲལ་བ། །དམ་ཚིག་ཉམས་པའི་རང་བཞིན་ལ། །དེ་དག་རྣམས་ཀྱིས་སྲོག་ཕྲོགས་ནས། །ཚེ་ཡི་དུས་བྱས་ངན་སོང་སྐྱེ། །དེ་ལྟར་རང་སེམས་མ་ཁྲེལ་བའོ། །མ་ཉམས་སྙིང་རྗེ་ལྡན་པ་ཡིས། །རྣལ་འབྱོར་ཆེན་པོ་དེ་ཡིས་ཀྱང་། །བླ་མེད་འབྲས་བུ་འཐོབ་འདོད་ན། །རང་གི་ཉོན་མོངས་གཤོམ་པའི་ཕྱིར། །བཟླས་པའི་ཕྱག་རྒྱ་ཆེ་ཆུང་གིས། ། བསྙེན་བསྒྲུབ་མཐར་དབྱུང་བསྟན་པ་བསྲུང་། །ཉོན་མོངས་ཞི་ནས་བྱང་ཆུབ་ཐོབ། །དེ་ཡི་ཕྱིར་ནི་ཕྱག་བརྡ་ནི། །སེ་གོལ་སྒྲ་ལས་བྱུང་བ་ན། །དེ་བཞིན་སེ་གོལ་སྒྲ་དག་ནི། །ཐབས་དང་ཤེས་རབ་གཉིས་མེད་སྒྲ། །དུས་གསུམ་བདེ་གཤེགས་གསན་པར་མཛད། །རྔ་དང་སིལ་སྙན་བརྡེབ་བརྡུང་སྤྲད། །འབུད་པའི་སྒྲ་སོགས་དཔག་ཏུ་མེད། །ཐལ་མོ་སེ་གོལ་སྒྲ་དག་པ། །འབུམ་གྱི་ཆར་ཡང་མི་འགྲོའོ། །ཕྲིན་ལས་དྲག་པོའི་དུས་སུ་ནི། །ཕྱག་བརྡ་ཆུང་བ་ཐལ་མོའི་སྒྲ། །ཐབས་དང་ཤེས་རབ་འཁོར་ལོ་སྟེ། །དྲག་ཏུ་བསྐོར་ཞིང་ལན་བདུན་གདབ། །འཇིག་རྟེན་མི་མ་ཡིན་པའི་བརྡ། །གང་དམིགས་ལུས་སེམས་རྒྱུད་ཀྱང་བསྲེག །སེལ་གོལ་སྒྲ་ནི་འདི་བརྡབས་པས། །དེ་བཞིན་གཤེགས་པ་ཀུན་གྱི་གནས། །ཐལ་མོ་འཇིགས་པས་ཐམས་ཅད་དངངས། །ཡི་དྭགས་བོད་པའི་སྒྲ་རུ་ཤེས། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། ཕྱག་བརྡ་ཆེ་ཆུང་གི་ལེའུ་སྟེ་ཉི་ཤུ་གསུམ་པའོ།། །།དེ་ནས་དཔལ་ལྡན་རྡོ་རྗེ་འཆང་། །རོ་ལངས་དྲག་པོའི་འཁོར་ལོ་ཡིས། །ལྷ་རྣམས་གནད་ལ་དབབ་པ་དང་། །གང་དམིགས་མྱུར་དུ་བསྒྲལ་བ་ནི། །དགོན་པ་ཆེན་པོའི་ས་ཕྱོགས་སུ། །དཔའ་བོ་ཆེན་པོས་བགྲོད་ནས་ཀྱང་། །བདག་གམ་འོན་ཏེ་གསུམ་དག་གིས། །འབྱུང་པོར་གཏོར་མ་བྱིན་ནས་ཀྱང་། །ཕྱི་ནང་གསང་བའི་མཚམས་ཀྱང་བཅད། །འཇིགས་པ་སྤོང་བའི་སེམས་ཀྱིས་སུ། །རལ་གྲི་དག་ནི་ཐོགས་ནས་ཀྱང་། །གྲོགས་ནི་གསུམ་དང་ལྷན་ཅིག་ཏུ། །གཤིན་རྗེའི་ཕྱོགས་ནས་རྫས་དག་བཙལ། །འཇིགས་པ་མེད་པའི་སེམས་ཀྱིས་སུ། །རྨ་མེད་པ་ཡི་རྫས་བཙལ་ལ། །བགེགས་མཐར་བྱེད་པའི་སྙིང་པོ་གདགས། །ཚིག་དག་སྨྲ་བར་མི་བྱ་ལ། །ཕྱིར་ཡང་བལྟ་བར་ཡོང་མི་བྱ། །དེ་དག་བྱས་ན་བར་ཆད་འབྱུང་། །དེ་ནས་རྫས་མཆོག་དམ་པ་དེ། །སྤོས་ལྔ་བདུད་རྩིས་ཁྲུས་བྱས་ལ། །རོ་ལངས་གཉེན་པོའི་གདོན་དང་དབྲལ། །དེ་ནས་དཔའ་བོ་ཆེན་པོ་ཡིས། །རྫས་མཆོག་གདན་ལ་འདུག་ནས་ནི། །བཀྲ་ཤིས་བཅས་ག་་བྱས་ནས་ནི། །ཞལ་དག་གཡས་གཡོན་དབུས་དག་ཀྱང་། །དཀར་དམར་ནག་པོའི་རྫས་ཀྱིས་བསྣུན། །དྲག་པོ་ལྷ་ཡི་ང་རྒྱལ་གྱིས། །མི་སྐྱོའི་བར་དུ་གསང་སྔགས་བཟླ། །དེ་ནས་རྫས་མཆོག་དམ་པ་དེ། ཁུ་གསུམ་པགས་པའི་སྟེང་དུ་གཞག །མགོ་ནི་གཤིན་རྗེའི་ཕྱོགས་སུ་སྟེ། །རྐང་པ་ཡསྒའི་ཕྱོགས་སུ་ཤེས། །དེ་ནས་དཔའ་བོ་ཆེན་པོ་ཡིས། །དྲག་པོའི་སྔགས་ཀྱི་འཁོར་ལོ་ཡང་། །ཡི་དྭགས་གོས་ལ་ཡང་དག་བྲི། ཁྲུ་དང་ལྡན་པའི་རས་མཆོག་ལ། ཁྲག་སྣ་དུག་སྣ་ཚོགས་པས་བསྣུན། །རིམ་བཞི་ལྡན་པའི་ཟླུམ་པོ་ལ། །རིམ་གཅིག་ཐིག་བཞི་ལིང་ཚེ་དགུ། །རིམ་གཉིས་དག་ལ་བཅུ་གཉིས་ཏེ། །རིམ་གསུམ་བཅུ་དྲུག་དག་ཏུ་ཤེས། །རིམ་བཞི་བཅུ་དྲུག་དག་ཏུ་བྱ། །རིམ་པ་དང་པོའི་འཁོར་ལོ་ལ། །ཡི་གེ་འཁོར་ལོ་བྲི་བ་ཡང་། །དབུས་ལ་ཡ་བྲི་དེ་བཞིན་ཕྱོགས། །ཡ་མ་མེ་ད་སྟེ་ཡིག་མཆོག །དྲག་པོའི་སྔགས་ཀྱི་འཁོར་ལོ་བྲི། །མཚམས་ཀྱི་ས་སྟོད་འཁོར་ལོ་ལ། །ཧུ༷་གཉིས་བར་དུ་བསྒྲུབ་བྱའི་མིང་། །རིམ་པ་གཉིས་པའི་འཁོར་ལོ་ལ། །རྭ་ཛ་ས་དོ་གསང་བའི་སྔགས། །རུ་ན་སོ་ནི་ཞེས་པ་དང་། །ར་ཡསྣྲོ་ན་གསང་སྔགས་བྲི། །རིམ་པ་གསུམ་པའི་འཁོར་ལོ་ལ། །གསང་སྔགས་ཧི༷༷྅༷༷འི་ཡི་གེ་དང་། །རྭ་ཏྲའི་མིང་ཡིག་སྤེལ་ཏེ་བྲི། །རིམ་པ་བཞི་པའི་བཅུ་དྲུག་ལ། །གསུང་ཡིག་དབྱངས་ཀྱི་ཡི་གེ་བྲི། །གཡོན་སྐོར་ལེགས་ཟིན་དེ་ནས་ཀྱང་། །གཡས་སྐོར་ཚུལ་ལས་བཟློག་སྟེ་བྲི། །ཡ་དང་ཡ་བསྙམས་དེ་བཞིན་དུ། །ཡ་གཉིས་ཡ་རུ་བསྣོལ་ནས་བཟུང་། །སྤྲད་པས་ཡ་རུ་ཤེས་པར་བྱ། །ཡི་གེ་གཞན་ཡང་དེ་བཞིན་དུ། །ལོག་ན་སྔགས་ཀྱི་འཁོར་ལོ་ལྡོག །དེ་བས་ནན་ཏན་བསྐྱེད་དེ་བྱ། །ཉི་ཤུ་དྲུག་ལ་ལེགས་ཟིན་ནས། །དྲིལ་ཏེ་རྫས་མཆོག་ལྟོ་རུ་སྦ། །བྱད་ཐག་བཞི་གདགས་ཟིན་པར་བཟུང་། །ཉི་ཤུ་གསང་སྔགས་བདུན་ནས་བཟླས། །ནུབ་མོ་གཅིག་ཏུ་དྲིལ་བའམ། །ཡང་ན་ཧི༷༷སྐྱི༷༷འི་སྔགས་སུ་ཤེས། །དཀྱིལ་འཁོར་ཆེན་པོ་བསྐོར་བྱ་ཞིང་། །གཡང་གཞི་འོག་མགོ་ཟློག་ལ་གོན། །དྲག་པོའི་སྔགས་བཟླས་མཎྜལ་བསྐོར། །དེ་ནས་རྫས་ལ་གནས་པའི་ལྷ། །ལྡང་ངམ་གཡོའམ་འོན་ཏེ་སྨྲ། །རོ་ལང་དམ་ཚིག་མུ་དྲ་བསྟན། །ལག་པ་ཐལ་སྦྱར་སོར་མོ་བསྣོལ། །མཛུབ་གཉིས་དག་གིས་སྲིན་ལག་གཉིས། །འཁྱུད་དེ་བཀུག་ལ་མཐེབ་གཉིས་བསྣོལ། །རོ་ལངས་ཕྱག་རྒྱའི་གསང་སྔགས་བཟླས། །ན་མོ་བུརྙ་དྷརྨ་སང་སྙེ་བྷ༷༷ ཨོ་སརྦ་ཏ་ཐུ་ག་ཏ་ཀྲོ་དྷ་བི་ཛ་ཡ། ཨག་ནི་ར་ཛ་ལ་ཏི་ཛ་ཧྭ་པྲེ་ཏ་ཤི་ཡ་ཧུ༷་ཕཊ། བཟླས་པ་ཕྱག་རྒྱ་བསྐོར་ཞིང་བཟླས། །མི་འཇིགས་སེམས་ཀྱིས་གཏོར་མ་སྦྱིན། །དངོས་གྲུབ་གང་འདོད་ཞུ་གསོལ་གདབ། །གལ་ཏེ་དེ་ལྟར་མ་གྱུར་ན། །དུར་ཁྲོད་མེ་ཡིས་རྫས་མཆོག་བསྲོ། །ཐོར་ཏེ་བཅིངས་བསྟན་བསླངས་ཏེ་གཞག །རོ་ལངས་གསང་སྔགས་བཟླས་པར་བྱ། །ཡ་མེ་དོ་ས་ཛ་རྭ་མ་ཡ་ད་ཡོ་ན་རུ་དོ་མེ་ཡ། ཡསྟེ་ཡ་ར་ནི་ཡོ་ད་ཡ་མེ། ཡ་མུ་ར་ནི་སྣྲོ་ཡ་སྒེ་ཡ། ཨ་མུ་ཀ༷་རཀྟ་ཙ་ར་ཡ། ཨ་མུ་ཀ༷་རཀྟ་ཙ་ར་ཡ། ཨ་མུ་ཀ༷་མྱ་ར་ཡ། རོ་ལངས་འཁོར་ལོའི་གསང་སྔགས་ནི། །སྐྱེས་བུ་སེམས་ནི་མི་དཔའ་བས། །གལ་ཏེ་རོ་ལངས་སྔགས་བཟླས་ན། །གྲོགས་དང་བཅས་ནས་འཆི་བར་འགྱུར། །དེ་ལས་གཞན་དུ་བྱ་བ་མིན། །དེ་བས་དཔའ་བོ་ཆེན་པོ་དེས། །རོ་ལངས་འཁོར་ལོའི་གསང་སྔགས་འདི། །བཟློག་སྟེ་བསྐོར་བ་དེ་བཞིན་དུ། །བྱས་ནས་རྫས་ལ་རྟག་ཆེན་འབྱུང་། །སྨྲ་བའམ་འགུལ་ལམ་གཡོ་བ་འབྱུང་། །མཆོག་ལ་སོགས་པའི་དངོས་གྲུབ་བླང་། །གལ་ཏེ་རྫས་ལ་རྟགས་མེད་ཀྱང་། །བསད་དང་གསོ་བ་ཕྲ་མོ་རྣམས། །འགྲུབ་པར་འགྱུར་བ་གདོན་མི་ཟ། །དེ་ནས་རྫས་ཀྱི་འཁོར་ལོ་ནི། །མཚན་ངན་ཐོད་པར་དྲིལ་ཏེ་གཞག །ལྷོ་ཕྱོགས་དུར་ཁྲོད་རྙིང་པའམ། །མི་རོ་གནས་པའི་ཁུང་དུ་སྦ། །དེ་ནས་རྫས་མཆོག་དམ་པ་དེ། །ལྷ་ཡི་ལྷ་དག་གཤེགས་སུ་གསོལ། །གང་ཡིན་རྭ་ཏྲར་བསམ་བྱས་ལ། །མཚོན་སྣ་ལྔ་ཡི་ཆར་པ་དབབ། །དྲག་པོའི་སྔགས་ཀྱིས་བསྒྲལ་བར་བྱ། །ནང་ཁྲོལ་གློ་སྙིང་མཁལ་མརབཅས། །གཤིནརྗེའིལྷཚོགས་རྣམས་ལ་དབུལ། །དབང་པོ་རྣམལྔའིམེཏོགཀྱང། །དེབཞིནདུནིཤེསཔརབྱ། །ཞིངཆེནམགོབོཐོདཔཡང། །མཚོགསཡོངསཀྱིརྗེས་སུ་གཞག །མ་ཐོད་དག་གི་ཁ་རུ་ཡང་། །ཡ་མ་དམ་སྲི་བཅུག་ལ་མནན། །འཁོར་ལོ་ལྕགས་ཀྱུ་ལ་སོགས་པ། །དབང་པོ་རྣམས་ལ་གཏོར་མར་སྤྱིན། །རྫས་མཆོག་ལྷག་མ་དག་ལ་ཡང་། །ལིསྐོ་མིང་ཡིག་བསྲེས་ཏེ་དབུལ། །མེ་ཉིད་ལྷ་རུ་བསམ་བྱ་ཞིང་། །ལྕགས་ཕྱེ་ཟངས་ཕྱེ་རྡོ་ཕྱེ་དང་། །མཚེ་དང་འབྲུ་ནག་ཉུང་ནག་མར། །དུག་རྫས་ཀོ་བའི་དུམ་བུ་དབུལ། །སྤྱི༷༷྅༷༷དྲག་པོའི་ལས་སྔགས་བཟླས། །ཨོ་སྙི༷༷྅༷༷ཝི་ཀྲི་ཏྭ་ན་ན་ཧུ༷་ཧུ༷་ཆེ་གེ་མོ་མྱ་ར་ཡ་ཕཊ་ཕཊ། དེ་ནས་དྲག་པོའི་ཐལ་བ་དང་། །ཐབ་ཁུང་སྦས་ཏེ་གནན་པ་བྱ། །རོ་ལངས་དྲག་པོའི་འཁོར་ལོ་འདི། །སྐྱེས་བུའི་སེམས་ནི་མི་དཔའ་བས། །རང་དོན་ཕྲ་མོའི་དོན་ཆེད་དུ། །བསྐོར་ན་རང་ལ་ལྡོག་འགྱུར་བས། །དེ་བས་ནན་ཏན་བསྐྱེད་དེ་གསང་། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། རོ་ལངས་འཁོར་ལོའི་ལེའུ་སྟེ་ཉི་ཤུ་བཞི་པའོ།། །།དེ་ནས་དཔལ་ལྡན་རྡོ་རྗེ་འཆང་། །གསང་སྔགས་རྣལ་འབྱོར་ནང་འཐབ་ན། །བསད་པའི་འཁོར་ལོ་བསྐོར་བར་གསུངས། །མུ་སྟེགས་བྲམ་ཟེའི་པགས་པ་ལ། །འཁོར་ལོ་རིམ་བཞི་ལྟོ་སྦྱར་བྲི། །ཐིག་བཞི་བཏབ་པས་ལེ་ཚེ་དགུ། །ཡ་མ་ཡེ་ད་སྟེ་ལྔ་དགོད། །དེ་ཡི་ཕྱི་རིམ་བཅུ་གཉིས་ལ། །ར་ཛ་ས་དོ་རུ་ཎ་ཡོ། །ནི་ར་ཡ་སྣྲོ་བཅུ་གཉིས་དགོད། །དེ་ཡི་ཕྱི་རིམ་བཅུ་དྲུག་ལ། །ཧི༷༷ལྗོ༷༷མིང་དང་སྤེལ་ལ་དགོད། །དེ་ཡི་ཕྱི་རིམ་བཅུ་དྲུག་ལ། །རྡོ་རྗེ་འགྲེང་བུ་བཅུ་དྲུག་བྲི། །མུ་སྟེགས་ཐོད་པའི་གའུར་བཅུག །ཞིང་གི་རྒྱུས་པས་གསུམ་སྒྲིལ་བཅིངས། །བདག་ཉིད་གཤེད་པོར་གནས་པ་ཡིས རོ་ལངས་འཁྲུགས་པའི་ནད་དཔལ་དང་། །འཁྲུག་བྱེད་དམར་པོའི་ཤི་སྔགས་བཟླས། །ཡ་མ་རྭ་ཛ་སྙིང་རོ་ཤག་ན། ས་དོ་མེ་ཡ་ཀྲོ་དྷི་ཤྭ་རྡི། ཡ་མེ་དོ་སྲ ཙི་ཏ་རོ་ལ་ཤཱན་ཏིང་། ཎ་ཡོ་ད་ཡ་ས་མ་ཡ་ཛ་ཛ། ཡ་ད་ཡོ་ནི་རོ་ཙ་མུག ར་ཡ་སྟེ་ཡ། ས་མ་ཡ་ཛ་ཛ། ཡ་སྟེ་ཡ་སྒོ སྙིང་ཁྲག་ཆོད། ནི་ར་མ་ཡ། སྲོག་སྲོག་མྱ་ར་ཡ་ཕཊ། སྙིང་རྩ་དགྲ་བོ་མྱ་ར་ཡ། ཉིན་མཚན་མེད་པར་གཅིག་ཏུ་དྲིལ། །གའུ་དག་ལ་འོད་འཕྲོ་བའི། །མཚན་མ་དངོས་སུ་བྱུང་བ་ན། །གདུག་པ་སྨེ་བརྩེགས་ས་རུ་གནན། །དེས་ཀྱང་མྱུར་དུ་མ་གྲུབ་ན། །གཡས་སྐོར་མཐའ་ལ་དགུག་སྔགས་བཟླས། །ཉི་ཤུ་རྩ་གཅིག་སྨྲ་བཅད་ལ། །མཆོད་རྫོགས་གཏོར་མ་རྒྱུན་མི་གཅད། །དེས་ནི་ལོག་ལྟ་ནཱ་ར་ཡའོ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། སྔགས་པ་བསད་པའི་ལེའུ་སྟེ་ཉི་ཤུ་ལྔ་པའོ།། །།དེ་ལྟར་བཅོམ་ལྡན་འདས་དཔལ་གཤིན་རྗེའི་གཤེད་པོས་བསྟན་པ་རྒྱུད་ཀྱི་དོན་ལེའུར་ཕྱེ་ནས། རྒྱས་པར་བཀའ་སྩལ་པ་ལས། ཞུ་བ་པོ་རྡོ་རྗེ་འཆང་ཆེན་པོ་ལ་སོགས་པའི། འཁོར་དེ་དག་ཐམས་ཅད་ཚིམས་ཏེ། རྗེས་སུ་ཡི་རངས་ནས་མངོན་པར་བསྟོད་དེ། རང་རང་གནས་སུ་དེངས་ནས་མི་སྣང་བར་གྱུར་ཏོ། །འཕགས་པ་འཇམ་དཔལ་དྲི་མ་མེད་པ་གསང་བའི་རྒྱུད་ལས། རྗེས་སུ་ཡི་རང་བའི་ལེའུ་སྟེ་ཉི་ཤུ་དྲུག་པའོ།། །།འཇམ་དཔལ་དྲི་མ་མེད་པ་གསང་བའི་རྒྱུད་རྫོགས་སོཧ།། །།བརའདིརའཇམདཔལགཤིནརྗེགསངབདེཁོ་ནཉིདཁཐུནགྱིརྒྱུདདམའངམདཔལགསང་རྒྱུདཕྱིམར་གྲགསཔལཛུད།། །། རྒྱ་གར་སྐད་དུ། ཕྲི་ཡ་མ་ཀྲིཁྱི་ཨསྣི་བཱ་ཡུ་ཀ་ར་ཀ་བྱསྟ་ཏནྟྲ་རྭ་ཛ། བོད་སྐད་དུ། དཔལ་གཤིན་རྗེ་ནག་པོ་མེ་རླུད་སྐྱི་འདང་འཁྲུགས་པ་རྒྱུད་ཀྱི་རྒྱལ་པོ། ཚེ་བདག་ནག་