Front[edit]

Body[edit]

རྒྱ་གར་སྐད་དུ། བཛྲ་ས་ཏྭ་ནཱ་ཡུ་ཛུ་ལ་གུ་རྒྱ་གསྙེ་ཏ་ཏྭ་དེ་ཤ་མ་ཧྭ་ལ་ཎྜ་ཏ་ཏསྒྲོ་ནཱ་མ། བོད་སྐད་དུ། རྡོ་རྗེ་སེམས་དཔའ་སྒྱུ་འཕྲུལ་དྲུ་བ་ལས། གསང་བའི་སྙིང་པོ་དེ་ཁོ་ན་བསྟན་པ་རོལ་པ་ཆེན་པོའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །དེ་ནས་དེ་བཞིན་གཤེགས་རྣམས་ཀྱི། །བདག་ཉིད་ཀུན་ཏུ་བཟང་པོའི་གཙོ། །སངས་རྒྱས་ཀུན་གྱིས་དབང་བསྐུར་ཞིང་། །ཐམས་ཅད་འདུས་པའི་བདག་ཉིད་མཆོག །རང་གི་དཀྱིལ་འཁོར་རྒྱ་ཆེན་པོས། །ཕྱོགས་བཅུའི་སྟོང་གསུམ་ཀུན་གསལ་མཛད། །རིགས་ཀྱི་ཕྲིན་ལས་སྣ་ཚོགས་པའི། །ཀུན་དོན་དཀྱིལ་འཁོར་ཆེན་པོ་ཉིད། །རང་བཞིན་སྤྲུལ་པ་བདག་ཉིད་ཀྱིས། །འཁོར་ལོ་གསང་བའི་གནས་ཆེན་བཞུགས། །ཐབས་དང་ཤེས་རབ་རོལ་པའི་དབྱིངས། །མ་ལུས་ཀུན་འདུས་འབྲས་བུའི་མཆོག །ཀུན་ནས་སྤྲུལ་པའི་དཀྱིལ་འཁོར་དང་། །གསང་སྔགས་ཟབ་མོའི་ཐེག་པ་ཀུན། །ཡེ་ཤེས་གསལ་བའི་བདག་ཉིད་ཅན། །ཡོན་ཏན་ཀུན་རྫོགས་ཕྲིན་ལས་མཛད། །འདི་དག་དཀྱིལ་འཁོར་སྣ་ཚོགས་པའི། །རོལ་པ་ཀུན་འཇུག་རྒྱུ་ཡི་གནས། །ཐ་དད་མིན་ལ་ཐ་དད་སྣང་། །དཀྱིལ་འཁོར་ཀུན་ནས་སྣ་ཚོགས་པའི། །འོག་མིན་ལྷུན་གྱིས་གྲུབ་པའི་གནས། །མཐའ་དང་དབུས་མེད་འཁྱིལ་པའི་བདག །མཛེས་པའི་རིན་ཆེན་ཀུན་གྱིས་བརྒྱན། །ཚད་མེད་ཡེ་ཤེས་འཁོར་ལོའི་གནས། །ཆོས་ཚོགས་མཚན་མའི་གནས་འཇོམས་ཤིང་། །མ་བཀོད་ཡེ་ནས་བརྒྱན་པ་ཡི། །རིགས་ཀྱི་ཡོན་ཏན་ཀུན་འབྱུང་གནས། །ཡང་དག་ཚུལ་གྱིས་ལོག་ལྟ་འཇོམས། །མྱ་ངན་ཀུན་བྲལ་གྲོང་ཁྱེར་ཆེ། །ཁང་པ་གྲུ་བཞི་སྒོ་ཁྱུད་བཅས། །ཕྱོགས་བཅུ་རྒྱ་ཡོངས་མ་ཆད་པ། ཡོན་ཏན་དཔག་ཏུ་མེད་པར་བཀླུབས། །ཆོས་ཉིད་སྣང་བའི་བདག་ཉིད་ཅན། །ཡེ་ཤེས་ཉི་ཤུ་རྩ་ལྔའི་བདག །རང་རིག་དོན་མཐུན་རྟགས་ཀྱི་ཚུལ། །རྩེ་མོ་ནོར་བུ་འབར་བ་ལ། །རིགས་ཀྱི་མཚན་མ་རྒྱན་དུ་བཅས། །ངོ་བོ་གཉིས་མེད་འཁྱིལ་པའི་བདག །དེ་ལས་བསམ་ཡས་གྲངས་མེད་པའི། །ཐ་དད་སྣ་ཚོགས་འཇིགས་པ་མེད། །དེ་བཞིན་ཉིད་སྣང་རང་བཞིན་མེད། །དབྱིབས་དང་ཁ་དོག་རྣམ་སྤངས་པའི། །རྣམ་པ་ཐ་དད་བྱེ་བྲག་མཆོག །ཁྱད་པར་ཡོན་ཏན་གནས་ཀྱིས་མཛེས། །ལྷ་དང་མི་སོགས་ཚད་འདས་ཤིང་། །དཔག་མེད་རིགས་ཀྱི་རྒྱན་རྣམས་དང་། །ཀུན་ནས་སྤྲུལ་པའི་ལྷ་མོའི་ཚོགས། །ཀུན་ནས་རྒྱ་ཡང་མ་ཆད་པའི། །ཕྲེང་བ་ཆུན་འཕྱང་ཤར་བུ་དག །ཡེ་ཤེས་བཀོད་པ་མ་འདྲེས་པའི། །འདོད་ཡོན་ཚོགས་ཀྱིས་རྣམ་པར་བཀླུབས། །ཕྱོགས་བཅུ་ཀུན་ནས་འཁྲིགས་པ་ཡི། །རང་བྱུང་ཞི་རྒྱས་དབང་དྲག་བརྒྱན། །མཐའ་ཡས་མཛད་པ་ཀུན་སྟོན་ཅིང་། །ཐ་དད་སྤངས་པའི་ཚུལ་གྱིས་གནས། །སྒྲིབ་མེད་གསལ་བའི་བདག་ཉིད་ཅན། །བསམ་འདས་རྒྱ་ཆེན་གྲངས་མང་ཀུན། །སྟོང་སྨོན་མཚན་མེད་འོད་གསལ་སྒོ། །སངས་རྒྱས་ཐེག་པས་རྣམ་པར་སྤྲས། །ཕྱི་ནང་གསང་བ་ཟབ་མོ་ཡི། །རྣམ་ཐར་བརྒྱད་ཀྱི་རྟ་བབས་ལྡན། །ཕྱི་དང་ནང་མེད་ཡེ་ཤེས་དངོས། །མཐའ་དབུས་མེད་པའི་བདེ་ཆེན་དབྱིངས། །རྒྱུ་རྐྱེན་ལམ་དང་ཐབས་ཀྱི་ཆོས། །དེ་དག་འབྲས་བུའི་བདག་ཉིད་ཅན། །མི་འཇིགས་རྣམས་དང་སྟོབས་བཅུ་དང་། །རྫུ་འཕྲུལ་རྐང་པ་དབང་བཅུ་ཡིས། །ཐོགས་མེད་གངས་ཆེན་མཚོ་ལྔའི་བདག །མཚན་མ་རྟགས་ཀྱི་གནས་རྫོགས་ཤིང་། །ཐུགས་རྗེ་བྱང་ཆུབ་སེམས་ཉིད་ལྡན། །ཀུན་ནས་མ་ཆགས་རྣམ་པར་དག །ཀུན་འབྱུང་རིན་ཆེན་བརྩེགས་པའི་ཁྲི། །ཀུན་ཏུ་སྒྲིབ་པ་མེད་པའི་མཆོག །ཐམས་ཅད་རང་གི་དཀྱིལ་འཁོར་ཉིད། །དེ་དག་ཉི་ཤུ་རྩ་ལྔས་བརྒྱན། །རྣམ་པར་བཀོད་པའི་སྐུ་ཆེན་པོ། །ཐམས་ཅད་གསལ་བའི་བྱེད་པ་མཆོག །ཐམས་ཅད་མ་འགགས་ཐེག་པའི་ཚུལ། །ཟབ་མོ་རྒྱ་ཆེན་གསང་བའི་སྔགས། །དོན་ཀུན་ངེས་པར་གཅོད་བྱེད་པའི། །རང་གི་ཡེ་ཤེས་འགྱུར་བ་མེད། །མཚན་མཆོག་སུམ་ཅུ་རྩ་གཉིས་དང་། །དཔེ་བྱད་བརྒྱད་ཅུའི་བདག་ཉིད་ཅན། །དུས་གསུམ་སངས་རྒྱས་ཐམས་ཅད་ཀྱི། །ཕྲིན་ལས་འཇིགས་བྱེད་སྙེམས་དང་བྲལ། །ཆོས་སྐུ་སྤྱི་ཡི་བདག་ཉིད་ཅན། །ཉི་ཤུ་རྩ་ལྔའི་གནས་རྫོགས་པས། །རིགས་ཀྱི་དཀྱིལ་འཁོར་ཐུགས་ཀྱི་བདག །ཉི་ཤུ་རྩ་ལྔས་མངོན་པར་རྫོགས། །བསམ་གྱིས་མི་ཁྱབ་ཐམས་ཅད་ཀུན། །སྐུ་དང་གསུང་ཐུགས་བདག་ཉིད་ཆེ། །ཨུ་ལི་ཀྭ་ལི་མཉམ་གནས་པའི། །ཞབས་གཉིས་པདྨ་བསྣོལ་བའི་རྒྱ། །བརྟུལ་ཞུགས་སྐྱིལ་ཀྲུང་རིགས་ཀྱི་བདག །ཀུན་ནས་ཐབས་དང་ཤེས་རབ་རྫོགས། །ཡེ་ཤེས་དྲུག་གི་བདག་ཉིད་ཀྱི། །ཕྱག་རྒྱ་རིན་ཆེན་འབར་བས་མཚན། །རྡོ་རྗེ་འཁོར་ལོ་རིན་པོ་ཆེ། །དྲིལ་བུ་པདྨ་རལ་གྲི་འབར། །མཐིང་ག་དཀར་དང་དམར་བའི་མདངས། །རིགས་ཀྱི་རིན་ཆེན་དབུ་རྒྱན་མཛེས། །ཅོད་པན་སངས་རྒྱས་ཀུན་གྱི་བདག །དྲུག་པའི་རིགས་རྣམས་ཀུན་གྱི་གནས། །ཞལ་གསུམ་ཕྱག་དྲུག་མཉམ་པའི་སྟབས། །རིན་ཆེན་འབར་བས་ཉེ་བར་སྤྲས། །གཙོ་བོ་ཆོས་ཀྱི་མཛོད་སྙེམས་པ། །ཀུན་བཟང་ཡུམ་དང་འཁྲིལ་བའི་ཚུལ། །གཉིས་མེད་བྱིན་རླབས་མ་འགགས་པའི། །གཙོ་དང་སྤྲུལ་པའི་དཀྱིལ་འཁོར་ཉིད། །རྡོ་རྗེ་ཆེན་པོ་ཐུགས་ཀྱི་མཆོག །རིགས་བདག་རྒྱལ་པོའི་ངོ་བོ་ཉིད། །བདེ་གཤེགས་འཁོར་ལོ་སྐུ་ཡི་དབྱིབས། །ཞིང་ཁམས་མཐའ་ཡས་རྒྱལ་བའི་ཚོགས། །ཡོན་ཏན་རིན་ཆེན་ཆེ་གནས་འབྱོར། །དེ་དག་གདོད་ནས་ཀུན་རྫོགས་མཛད། །གསུང་གི་པདྨ་རྣམ་པར་དག །ཆོས་ཀྱི་རྒྱུན་གྱི་ཏིང་ངེ་འཛིན། །ཕྲིན་ལས་ཀུན་གྱི་མཐར་ཕྱིན་པས། །རིགས་ཀྱི་དཀྱིལ་འཁོར་ཀུན་རྫོགས་མཛད། །ཆོས་དབྱིངས་མེ་ལོང་མཉམ་པ་ཉིད། །སོ་སོར་ཀུན་རྟོག་བྱ་བ་གྲུབ། །ཉོན་མོངས་ལམ་ཀུན་རྣམ་དག་པའི། །རིགས་ཀྱི་བདེ་གཤེགས་ཐམས་ཅད་མཁྱེན། །བྱང་ཆུབ་སེམས་ཉིད་འགྱུར་བ་མེད། །མ་འདྲེས་ལས་ཀུན་རྣམ་པར་དག །ཡོན་ཏན་ཚོགས་ཀུན་ལྷུན་གྲུབ་ཅིང་། །ཆགས་པ་ཆེན་པོས་ཀུན་སྤྱོད་པ། །དེ་དག་ཕྲིན་ལས་སྣ་ཚོགས་ཀྱིས། །རང་རིག་ཞིང་ཁམས་ཆེན་པོར་སྦྱོར། །ཕྱོགས་བཅུ་ཀུན་ནས་ཞབྲུལ་པ་ཡིས། །འབྱུང་བ་ཆེ་ནི་རྣམ་པར་དག །གསལ་སྣང་རྡོ་རྗེ་དབང་ཕྱུག་དབྱིངས། །སྲ་མཁྲེགས་བདེ་གཤེགས་ཕྱག་རྒྱ་སྟེ། །སྡུད་ཅིང་གཟུང་མེད་ཡོན་ཏན་དབྱིངས། །གསལ་དྲོ་སྨིན་པ་པདྨའི་ཆོས། །སྤྱོད་པའི་ཕྲིན་ལས་ཀུན་རྫོགས་པའི། །དོན་མཐུན་རྟགས་ཀྱི་ཕྱག་རྒྱ་ཉིད། །བཙུན་མོ་དམ་པའི་ཆ་ལུགས་ཀྱིས། །དེ་དག་དཀྱིལ་འཁོར་བསྟན་པར་མཛད། །དམ་པ་ཆོས་ཀུན་སྣ་ཚོགས་པའི། །ཚུལ་རྣམས་ཡང་དག་རྫོགས་པའི་སྐུ། །ཁམས་གསུམ་སྤྱི་ནས་རྣམ་དག་ཅིང་། །ཟག་མེད་རིགས་ཀྱི་དཀྱིལ་འཁོར་ཉིད། །ཏིལ་གྱི་གང་བུ་ཇི་ལྟ་བར། །བར་མཚམས་མེད་པར་མཐའ་ཡས་པའོ། །དེ་ཚེ་འཁོར་གྱི་བྱང་ཆུབ་སེམས། །དཀྱིལ་འཁོར་ཆེན་པོའི་ཕྱོགས་ཀུན་ནས། །རྡོ་རྗེ་བཀོད་པའི་གར་དང་ནི། །གླུར་བཅས་མངོན་པར་འཁོད་གྱུར་པ། །རྒྱུ་དང་འབྲས་བུའི་བདག་ཉིད་ཅན། །སྨོན་ལམ་ཐུགས་རྗེའི་སྟོབས་རྫོགས་པའོ། །དཀྱིལ་འཁོར་ཆེན་པོའི་གནས་མཛེས་པར། །ཡེ་ཤེས་འགྲོ་ནས་རྣམ་པར་དག །བྱང་ཆུབ་སེམས་ཉིད་ས་ཆེན་པོ། །ཀུན་ཁྱབ་རྡུལ་ཕྲན་ནམ་མཁའ་ཉིད། །ཐུགས་རྗེས་པདྨ་སྣ་ཚོགས་སྟོན། །ལས་ཀྱི་ཕྲིན་ལས་སྟོབས་རྫོགས་གནོན། །རྣམ་ཤེས་བཞི་ཡི་བདག་ཉིད་ཀྱིས། །དེ་དག་ཡུལ་བཅས་དག་པར་མཛད། །ཐབས་བཅས་མ་འདྲེས་བྱམས་པའི་སྟོབས། །སྒྲིབ་མེད་མུན་པའི་ཚོགས་སེལ་ཞིང་། །ཀུན་ནས་སྤྱོད་པ་བཟང་པོ་ཉིད། ཁྲེས་རབ་ཆེན་པོ་མཐར་ཕྱིན་པ། །གསུང་གི་དབང་པོ་རྣམ་དག་པས། །རིགས་ཀྱི་ཡེ་ཤེས་གསལ་བར་སྦྱོར། །མ་ལུས་གཟུགས་སྒྲ་དྲི་རོའི་ཚོགས། །ལྷ་མོའི་དཀྱིལ་འཁོར་རྣམ་པར་དག །དེ་དག་ཐབས་དང་ཤེས་རབ་ཀྱིས། །ཡི་གེའི་གནས་ཀུན་མཉམ་པ་ཉིད། །ཀུན་ནས་ཀུན་ཏུ་བསམ་ཡས་པའི། །དུས་རྣམས་ལྷ་མོའི་བདག་ཉིད་དོ། །མི་མཐུན་མཚན་མའི་ཕྱོགས་འཇོམས་བྱེད། །དེར་རྫོགས་གཉེན་པོའི་སྟོབས་དང་ལྡན། །ཕྱོགས་ཀྱི་དོན་རྣམས་འཇོམས་མཛད་ཅིང་། །ཕྲིན་ལས་རིགས་ཀྱི་ཡེ་ཤེས་རྫོགས། །ལུས་ཀྱི་ཆོས་ཀུན་རྣམ་དག་པའི། །ཁྲོ་བོ་ཆེན་པོའི་མཐུ་སྟོབས་ལྡན། །རྟག་ཆད་མཚན་མའི་གཡུལ་རྣམས་འཇོམས། །ཚད་མེད་བཞི་རྫོགས་རྟོག་གནས་སེལ། །ལྕགས་ཀྱུ་ཞགས་པ་ལྕགས་སྒྲོག་དྲིལ། །ཕྱི་ནང་དཀྱིལ་འཁོར་བརྟན་མཛད་ཅིང་། །རིགས་ཀྱི་འཁོར་ལོ་ཀུན་རྫོགས་དག །སྟོང་ཁམས་ཀུན་ཏུ་མཐའ་ཡས་པར། །དེ་དག་དཀྱིལ་འཁོར་གསལ་བར་སྣང་། །གཉིས་མེད་མཉམ་པ་ཆེན་པོའི་སྐུ། །གྲངས་མེད་བརྗོད་ཀྱིས་མི་ལང་བ། །གཉིས་སུ་མེད་པར་བརྟན་པར་བཞུགས་པའོ། །དེ་ནས་རིགས་ཀྱིས་སངས་རྒྱས་ཀུན། །རང་གི་དཀྱིལ་འཁོར་ཇི་ལྟ་བར། །མི་རྣམས་དོན་ཀུན་བསྟན་མཛད་དེ། །མ་འདྲེས་སྟོབས་ཀྱིས་རྣམ་པར་སྤགས། །དེ་ཚེ་བདེ་གཤེགས་མཐུ་སྟོབས་ཀྱིས། །སྐུ་གསུང་བྱིན་བརླབས་བསམ་ཡས་དང་། །དཀྱིལ་འཁོར་བཀོད་པ་ཀུན་སྣང་མཛད། །སྐུ་གསུང་ཐུགས་ཀྱི་རྣམ་འཕྲུལ་གྱིས། །རོལ་པའི་བྱིན་རླབས་མཐའ་ཡས་སྟོན། །མཐར་ཐུག་མེད་པའི་འཇིག་རྟེན་འདིར། །ངོ་མཚར་མཐའ་ཡས་ལྟས་ཀྱིས་གང་། །གཡོ་དང་གཡོ་བ་ཆེན་པོ་དང་། །བསྐྱོད་དང་བསྐྱོད་པ་ཆེན་པོ་ཡི། །སྒྱུ་འཕྲུལ་རོལ་པས་མ་ལུས་ཀུན། །རྣམ་དག་དཀྱིལ་འཁོར་གསལ་རྫོགས་མཛད། །རིགས་ཀྱི་རྒྱལ་བ་ཐམས་ཅད་དང་། །བྱང་ཆུབ་སེམས་རྣམས་ཡི་རང་སྟེ། །སྣ་ཚོགས་མཆོད་པས་སྤྲོ་མཛད་ཅིང་། །ཡང་དག་དོན་རྫོགས་གསོལ་བ་འདེབས། །སྒྱུ་འཕྲུལ་དྭ་བའི་རྒྱུད་ཆེན་པོ། །སངས་རྒྱས་ཀུན་གྱི་གསང་བའི་གནས། །དེ་དག་མངོན་འབྱུང་རྫོགས་བྱེད་པའི། ཁུ་དང་འབྲས་བུ་མཚུངས་པའི་དོན། །རབ་ཏུ་མོས་པ་སྨིན་བྱེད་ཅིང་། །ཐབས་ཀྱིས་ཕྱག་རྒྱ་གསང་བ་ཉིད། །སྟོང་ཕྲག་བརྒྱ་པའི་རྒྱུད་ཆེན་པོ། །མགོན་པོ་བརྩེ་ལྡན་མཚུངས་པའི་ལམ། །མ་ལུས་ཡུལ་ཀུན་ཐབས་འདི་ཉིད། །ཕྱག་རྒྱའི་དཀྱིལ་འཁོར་བླ་ན་མེད། །ཁྱོད་ཉིད་རྒྱལ་བ་ཀུན་གྱིས་ཡབ། །དང་པོའི་རྡོ་རྗེ་ཆེན་པོ་ཉིད། །རབ་ཏུ་མི་གནས་སྟོབས་རྫོགས་པའི། །བདག་པོ་ཆོས་ཀྱི་ཏིང་ངེ་འཛིན། །ཕྲ་རྒྱས་ཟག་མེད་ཀུན་གྲོལ་བའི། །ཡེ་ཤེས་བརྟན་པའི་གནས་འདི་ཉིད། །མཚན་ལྡན་མཚན་རྣམས་ཀུན་ནས་ཛོགས། །ཨེ་མ་ཧོ་བྱང་ཆུབ་སེམས་ཉིད་དོན། །དེ་ནས་ཡུལ་ཀུན་རྫོགས་པའི་དོན། །ཐུགས་རྗེ་ཡེ་ཤེས་དྲི་མ་མེད། །ཐམས་ཅད་ཐབས་ལས་འབྱུང་བ་ཡིས། །བྱང་ཆུབ་སེམས་འདི་རང་འབྱུང་གནས། །མི་ཤིགས་དཀྱིལ་འཁོར་བརྟན་པ་ཉིད། །བདག་པོ་རང་གི་སྟོབས་རྫོགས་པས། །ཡེ་ནས་ཡུལ་ཀུན་རྣམ་པར་དག །ཐུགས་རྗེ་ཆེན་པོ་སྣང་བའི་ཤུགས། །བྱིན་རླབས་ཡུལ་བཅས་ཇི་ལྟར་སྣང་། །དེ་དག་རང་གི་ལས་བཞིན་དུ། །གློ་བུར་འཁྲུལ་པས་རྟོག་འཛིན་ཅིང་། །ཕྱི་ནང་ཡུལ་སོགས་རྣམ་སྤྱོད་པ། །ཐུགས་རྗེ་དག་པས་ཇི་ལྟར་བསྒྲལ། །དེ་དག་དཀྱིལ་འཁོར་ཀུན་རྫོགས་པའི། །རིགས་ཀྱི་གནས་རྣམས་སྦྱོར་མཛད་ཅིང་། །ཕྱག་རྒྱ་གསང་སྔགས་སྟོབས་རྫོགས་པས། །ཚད་མེད་ཡུལ་ཀུན་རྫོགས་པ་ཉིད། །དཀྱིལ་འཁོར་ཆེན་པོ་རྣམ་གྲངས་ཀྱིས། །བྱེ་བྲག་མཁས་པའི་སྤྱོད་ཡུལ་ལས། །རང་བཞིན་ལྷུན་གྱིས་གྲུབ་པ་དག །དོན་དམ་ཀུན་རྫོབ་རྣམ་པར་སྤྱོད། །སངས་རྒྱས་ཀུན་གྱི་གསང་བ་འདི། །ཚུལབཞིནདམིགསཔར་བྱ་བའི་ཐབས། །དེ་ལས་ལྷག་པའི་དོན་སྣང་ཞིང་། །ཕྱི་རོལ་འབྱུང་ཚོགས་འགྲོ་བར་བཅས། །སངས་རྒྱས་ཀུན་གྱི་རང་བཞིན་ཏེ། །དཀྱིལ་འཁོར་རྫོགས་པའི་རིགས་མཆོག་ཉིད། ཁྲེས་རབ་ཆེན་པོས་ཡུལ་མཐར་ཕྱིན། །ཆ་ཤས་ཆ་ཤས་མེད་པ་ཡི། །བྱང་ཆུབ་སེམས་གནས་དྲུག་པའི་གཟུངས། །མ་ལུས་ཡུལ་ཀུན་སྦྱོང་མཛད་ཅིང་། །གཉིས་མེད་ཡེ་ཤེས་ཆེན་པོའི་བདག །ཆོས་ཀྱི་གནས་ཀུན་རྫོགས་ལོངས་སྤྱོད། །སྤྲུལ་པའི་སྐུ་རྫོགས་འགྲོ་བའི་མགོན། །སྒྱུ་འཕྲུལ་བསྒྲུབ་པའི་དཀྱིལ་འཁོར་དང་། །ལྷག་པའི་ཁྲོ་བོའི་དཀྱིལ་འཁོར་གྱི། །རང་བཞིན་མངོན་པར་རྫོགས་པའི་ཤུགས། །ཡེ་ཤེས་དཀྱིལ་འཁོར་ཇི་ལྟ་བུ། །རང་བཞིན་ལྷུན་གྱི་གྲུབ་པ་དང་། །རྟོགས་པས་མངོན་པར་ཡུལ་སྦྱོར་བའི། །ཐུན་མོང་ཁྱད་པར་རིགས་བཅས་རྣམས། །གདུལ་བྱ་ཀུན་གྱི་དོན་བཞིན་དུ། །བྱེ་བྲག་ཇི་ལྟར་འཚམས་པར་སྣང་། །འདིར་ནི་ལྷག་པའི་ཏིང་འཛིན་དང་། །ཏིང་འཛིན་དཀྱིལ་འཁོར་མ་བཅོས་པ། །དེ་དག་རྒྱུ་དང་འབྲས་བུ་ཡི། །ཚུལ་བཞིན་བརྟེན་པའི་རྣམ་པར་སྤྱོད། །འགྲོ་བ་འདུལ་བའི་ཏིང་འཛིན་གྱིས། །དཀྱིལ་འཁོར་ཕྱག་རྒྱ་སྔགས་རྫོགས་པའི། །ཁྲོ་བོའི་དཀྱིལ་འཁོར་མངོན་སྣང་ཞིང་། །རང་གི་ཕྲིན་ལས་བརྟན་པའི་བདག །ཚོགས་སྒྲུབ་ཏིང་འཛིནརྒྱཆེནཔོ། །བསོད་ནམས་ཡེ་ཤེས་མངོན་རྫོགས་བྱེད། །ཕྲིན་ལས་བྱེ་བྲག་སྟོབས་ཀྱི་ནི། །ཏིང་འཛིན་དཀྱིལ་འཁོར་དག་སྤྱོད་པ། །བཞི་བརྒྱ་མཉམཔཆེནཔོའིདབྱིངས། །དེ་དག་ཕྲིན་ལས་ཇི་ལྟ་བུས། །ཡང་དག་བྱ་བ་རྫོགས་པར་འགྱུར། །གཟུགས་བརྙན་དཀྱིལ་འཁོར་རྒྱ་ཆེན་པོས། །ས་གཞི་མཉམ་ལ་གནས་རྫོགས་པ། །ཕྱོགས་མཚམས་ཀུན་ཏུ་ཤིས་པའི་ལས། །མངོན་པར་བསྔགས་པ་ཇི་ལྟ་བུར། །ཡང་དག་དཀྱིལ་འཁོར་ཐིག་གདབ་ཅིང་། །ཡང་དག་ཚོན་གྱི་ལས་རྣམས་དང་། །ཕྱག་རྒྱའི་བྱེ་བྲག་ཀུན་རྫོགས་པའི། །རྒྱན་ཆས་བཀོད་པ་བླ་ན་མེད། །དངོས་གྲུབ་ཕྲིན་ལས་ལྷག་གནས་ཤིང་། །དཀྱིལ་འཁོར་སྒྲུབ་པའི་ཚུལ་དག་གིས། །ལས་ཀྱི་ལྷག་ཆད་རྫོགས་བྱེད་ཅིང་། །མཉེས་ཤིང་ཤིས་པས་འདོད་པའི་དོན། །ཡེ་ཤེས་དཀྱིལ་འཁོར་ཇི་ལྟ་བར། །དམ་ཚིག་དཀྱིལ་འཁོར་ཆེན་པོར་སྦྱོར། །ལྷག་གནས་སྟ་གོན་བུམ་པ་དང་། །དཀྱིལ་འཁོར་ཆེན་པོའི་གནས་རྣམས་རྫོགས། །དེ་དག་བཀྲ་ཤིས་ཆོ་ག་བཟང་། །ཉེ་བར་བསྙེན་པས་གསལ་བར་འགྱུར། །འཇུག་པའི་ཆོ་ག་ཚུལ་བཞིན་དུ། །རྣམ་གསུམ་ནུས་པ་མཐུ་དང་ལྡན། །བདེ་གཤེགས་བརྒྱུད་པའི་བྱིན་རླབས་ལམ། །དད་བརྩོན་ཤེས་རབ་ཏིང་འཛིན་སྟོབས། །སྦྱིན་བསྲེགས་གསང་བའི་ལས་རྫོགས་ཤིང་། །འདོད་པའི་ལས་ཀུན་ཉེ་བར་སྦྱོར། །མཆོད་སྦྱིན་རྒྱ་ཆེན་གཏོར་མའི་ཚོགས། །དེ་དག་ཡུལ་ཀུན་རྣམ་དག་འགྱུར། །སྒྱུ་འཕྲུལ་རྒྱས་པའི་ཚུལ་གྱིས་ནི། །ལམ་ལྔ་དང་ནི་ཉི་ཤུ་རྩ་ལྔ་དང་། །སུམ་ཅུ་རྩ་ལྔ་ལྔ་བཅུ་རྫོགས། །བྱེ་བྲག་དཀྱིལ་འཁོར་རྒྱས་པ་ནི། །ཆོ་ག་ཀུན་རྫོགས་མངོན་པར་བསྔགས། །སངས་རྒྱས་ཐེག་པ་བསམ་ཡས་པ། །དེ་དག་ཚུལ་རྣམས་མཐའ་ཡས་པ། །སྐུ་གསུང་ཡོན་ཏན་ཕྲིན་ལས་ཐུགས། །མ་ལུས་ཀུན་འདུས་རྣམ་པར་དག །ཐབས་ལྡན་རྫོགས་པའི་ཡན་ལག་ཏུ། །སྨིན་པའི་ལམ་མཆོག་བླ་ན་མེད། །བྱང་ཆུབ་མཆོག་ཏུ་སེམས་བསྐྱེད་ཅིང་། །རང་གི་དམ་བཅས་སྡོམ་པ་རྫོགས། །ཡུལ་མཆོག་ཁྱད་པར་འཕགས་པ་ལ། །བྱིན་རླབས་སྔགས་ཀྱིས་ནོར་བུ་བླངས། །ཕན་དང་ནུས་པའི་དབང་ཐོབ་ཅིང་། །རིམ་བཞིན་དམ་ཚིག་བརྟན་པར་གནས། །དེ་དག་ཁྱད་པར་བྱེ་བྲག་གིས། །དོན་ཀུན་གསང་བ་མངོན་གྱུར་པ། །ཐུན་མོང་སྡོམ་པ་ཐམས་ཅད་དང་། །གསང་བའི་དམ་ཚིག་བླ་ན་མེད། །ལྔ་གསུམ་ཉི་ཤུ་རྩ་ལྔ་དང་། །སུམ་བརྒྱ་ལ་སོགས་བྱེ་བྲག་གིས། །ཐབས་ཀྱི་ཐེག་པ་རྣམ་པར་འཕགས། །དེ་དག་གསང་བ་ཆེན་པོའི་ཆོས། །ཁྱད་པར་དམ་ཚིག་རྣམ་པ་བཞིས། །ཐམས་ཅད་གཉིས་མེད་མཉམ་པ་ཉིད། །མ་ལུས་ཡུལ་ཀུན་རྣམ་དག་ཅིང་། །ངེས་པའི་དོན་རྫོགས་ཟབ་མོ་ཉིད། །གྲོགས་བརྟེན་མི་མཐུན་ཕྱོགས་བཅས་པའི། །ཁྱད་པར་ཡུལ་ཀུན་ཇི་ལྟ་བུས། །རང་རིག་གནས་རྣམས་འགྲོ་བར་བྱེད། །ཐུན་མོང་ལ་སོགས་རྣམས་སྤྱད་པ། །མ་ལུས་རྟེན་ཅིང་འབྲེལ་བའི་ཆོས། །ཐམས་ཅད་ཚུལ་འདིས་རྫོགས་བྱེད་ཅིང་། །སྐད་ཅིག་ཡུད་ལ་ལྷུན་གྱིས་འགྲུབ། །དགུག་དང་གཏང་དང་བཅིང་དང་དགྲོལ། །གསོད་དང་གསད་དང་འཕམ་དང་རྒྱལ། །གནས་ཀྱི་ཕྱག་རྒྱ་ཀུན་རྫོགས་པས། །དོན་ཀུན་གསང་བ་སྟོན་པར་བྱེད། །བདུད་རྩིར་འགྱུར་ཞིང་འབྱུང་བ་དང་། །བཞི་བརྒྱ་རྩ་བཞིའི་ནད་སེལ་ཞིང་། །ཚེ་དབང་བཀྲ་ཤིས་བྱིན་རླབས་སྟོན། །མ་ལུས་ཀུན་འདུས་རྫོགས་པར་གྱུར། །ཐུན་མོང་རྣམ་པར་བསྔགས་པའི་ཆོས ཐམས་ཅད་ལས་བྱུང་སྟོབས་སྟོན་པ། །དེ་དག་གསང་བ་ཆེན་པོའི་མཐུས། །མ་ལུས་རྫོགས་ཤིང་རྣམ་པར་དག །ནམ་མཁའ་རྡོ་རྗེ་སྲ་འབྱུང་ཞིང་། །འབར་ནས་མེ་ཡང་འཚིག་པ་དང་། །ཆུ་རྒྱུན་འབབས་པའང་དེ་བཞིན་ཏེ། འཇིག་རྟེན་ཁམས་ནི་འཐོར་བ་དང་། །ཐམས་ཅད་སྟོངས་ཤིང་ལྟུང་བྱེད་ལས། །བྱིན་རླབས་ངོ་མཚར་ཡུལ་འབྱུངབ། །གསང་སྔགས་ཕྱག་རྒྱ་ཏིང་འཛིན་སྟོབས། །དེ་དག་ཚུལ་རྣམས་ཀུན་རྫོགས་པས། །འཕགས་པ་ཀུན་གྱི་གནས་རྫོགས་ཏེ། །རིགས་ཀྱི་ཞིང་ཁམས་ཆེ་གནས་འབྱོར། །སྐུ་དང་ཡེ་ཤེས་སྤྲུལ་པའི་མཆོག །ཟག་པ་མེད་པའི་དངོས་གྲུབ་ཀྱིས། །དོན་རྫོགས་ནོར་བུ་རིན་ཆེན་ཚུལ། །ཐབས་ཀྱི་བྱེ་བྲག་ཐ་དད་པའི། །བསྙེན་བསྒྲུབ་ཡན་ལག་བཞི་ལ་སྐྱེས། །ཡུལ་རྣམས་མངོན་པར་སྦྱོར་བྱེད་པའི། །ཐོག་མ་མཐའ་མའི་ལས་ཀུན་དང་། །ཆོ་ག་ཕུན་སུམ་ཚོགས་པའི་གནས། །ཕྱག་རྒྱ་བཞི་ཡི་ཡུལ་སྦྱོར་ཞིང། །རིམ བཞིན བསྒྲུབ པའིའབྲས་བུ་མཆོག །ཐམས་ཅད་ཐེག་པས་འདུལ་མཛད་དེ། །བསྟན་པའི་གཟུགས་བརྙན་བསམ་ཡས་དག །གྲངས་མེད་དབྱེ་བས་དོན་བཞིན་སྤྱོད། །དེ་ལ་སོགས་པ་མཐའ་ཡས་པའི། །ཕྲིན་ལས་ཀུན་ཏུ་མ་འགགས་ཆོས། །ཐབས་མཁས་སངས་རྒྱས་མཛད་པའི་གནས། །དོན་མཐུན་རྣལ་འབྱོར་སྤྱོད་པའི་ཡུལ། །བདག་གཞན་ལས་ཀུན་རབ་ཏུ་རྫོགས། །མཉམ་པ་ཆེན་པོའི་ཕྲིན་ལས་སོགས། །དེ་དག་བསྟན་པ་བླ་མེད་པའི། །ཚུལ་འདིས་རྒྱུད་ཆེན་ཟབ་མོ་ཉིད། །ཉེ་བར་སྤྱོད་པ་ཇི་ལྟ་བུ། །དེ་དག་ཡུལ་དང་སྦྱར་བྱ་བ། །བྱེ་བྲག་ཆ་ཤས་རྫོགས་པ་ཡི། །དོན་ཀུན་སྟོན་པས་བཤད་དུ་གསོལ། །དེ་དག་ཐེ་ཚོམི་རྟོགས་པའི་ཚོགས། །ངེས་པར་མགོན་པོས་བསལ་བར་མཛོད། །བྱིན་རླབས་བླ་ན་མེད་པའི་ལམ། །འདི་ན་འཇུག་པའི་ཡན་ལག་དག །མཚན་བཅས་མཚན་མ་མེད་པའི་ཆོས། །ཡང་དག་རྒྱ་ཆེན་རྫོགས་པར་སྟོན། །རྣལ་འབྱོར་ཆེན་པོའི་སྤྱོད་པ་དང་། །ས་གནས་ལམ་གྱི་བྱེ་བྲག་དང་། །བསྟན་པའི་བསྡུ་དོན་ཇི་ལྟ་བུར། །ཡང་དག་བཀའ་སྩོལ་ཐུགས་རྗེ་ཅན། །ཀྱེ་མ་ཧོ། །ཐབས་དང་ཤེས་རབ་ཡང་དག་སྦྱར་བའི་མཐུས། །ཕྱི་ནང་དཀྱིལ་འཁོར་ཡང་དག་ཚུལ་ཆེན་པོ། །རིགས་དང་རིགས་ཅན་རྣམ་པར་སྦྱོར་མཛད་ཅིང་། །དོན་ཀུན་གསང་བ་རྫོགས་པའི་གནས་ཉིད་ཡིན། །རབ་ཏུ་སྦྱངས་པ་རྣམས་ཀྱི་ངེས་དོན་འདི། །ཡང་དག་འབྲས་བུའི་ཚུལ་གྱི་རྒྱུར་བཅས་སྦྱོར། །མཐའ་ཡས་ཞིང་ཁམས་ཡེ་ཤེས་ཆེན་པོའི་གནས། །ཀུན་ཏུ་བཟང་པོའི་དཀྱིལ་འཁོར་རྣམ་པར་དག །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ཅེས་བྱ་བ་ལས། བསྟན་པའི་ཚུལ་གྱི་རྒྱུད་འབྱུང་བའི་རྒྱུ་བསྟན་པའི་ལེའུ་སྟེ་དང་པོའོ།། །།དེ་ནས་སངས་རྒྱས་ཐམས་ཅད་ཀྱི། །རང་བཞིན་ཀུན་ཏུ་བཟང་པོ་ཉིད། །རང་གི་དཀྱིལ་འཁོར་ལ་ཞུགས་ཤིང་། །རང་རིག་ཀུན་ལ་ལོངས་སྤྱོད་མཛད། །བདེ་གཤེགས་ཀུན་གྱིས་བསྔགས་པ་ཡིན། །དཀྱིལ་འཁོར་ཆེན་པོའི་དོན་འབྱུང་བ། །དེ་དག་སྐུ་གསུང་ཐུགས་རྣམས་ཀྱི། །རོལ་པ་ཀུན་སྟོན་མཐའ་ཡས་པའོ། །བྱང་ཆུབ་སེམས་དཔའི་ཚོགས་རྣམས་ལ། །ཚུལ་འདི་ཡང་དག་དོན་མཛད་ཕྱིར། །གསང་སྔགས་བྱིན་རླབས་མཐའ་ཡས་པའི ངོ་མཚར་ཡུལ་ཀུན་སྣང་བར་མཛད། །མཚན་ཉིད་སྣ་ཚོགས་ཀུན་སྤྱོད་པ། །དེ་དག་མཚན་མ་རྒྱུན་གྱི་སྟེ། །མཚན་མ་མེད་པའི་གནས་རྫོགས་པའི། །ལྷན་ཅིག་སྐྱེས་པའི་ཡུལ་རྣམས་གསལ། །གཉིས་མེད་མཉམ་པ་ཆེན་པོའི་དབྱིངས། །བྱང་ཆུབ་སེམས་རྫོགས་ཡེ་ཤེས་དོན། །སྐྱེ་བ་མེད་ལས་ཐམས་ཅད་སྐྱེས། །ཐམས་ཅད་གཉིས་མེད་རྫོགས་པའི་དབྱིངས། །རང་རིག་ཆོས་ཀུན་རྣམ་དག་པས། །ཟབ་མོའི་དཀྱིལ་འཁོར་མཐའ་ཡས་རྫོགས། །ཆོས་ཀྱི་སྐུ་ལས་བཞེངས་མཛད་དེ། །ཐུགས་རྗེ་ཆེན་པོའི་རྣམ་འཕྲུལ་གྱིས། །སྣོད་བཅུད་དཀྱིལ་འཁོར་གསང་བའི་བདག །རིགས་ཀྱི་འཁོར་ལོ་ཀུན་རྫོགས་པས། །དེ་དག་དོན་ཀུན་གསལ་མཛད་ཅིང་། །ཐེག་པའི་དོན་འདི་བཀའ་སྩལ་ཏེ། །ཨེ་མ་ཧོ་ཐམས་ཅད་རྫོགས་པ་ཡི། །བྱང་ཆུབ་སེམས་ཉིད་དཀྱིལ་འཁོར་ཆེ། །བྱིན་རླབས་ཡུལ་སོགས་འབྱུང་བའི་གནས། །རིག་པའི་ཡེ་ཤེས་བརྟན་པ་ཉིད། །ཕྱོགས་དང་ཕྱོགས་ཆོས་ལས་འདས་པའི། །ཐ་དད་མིན་པའི་ཡུལ་ཀུན་འདས། །དུས་གསུམ་ཀུན་གྱིས་མི་འགྱུར་ཞིང་། །དེ་དག་སྐད་ཅིག་ཅིར་མི་སྣང་། །དེ་ལ་འབྱུང་སོགས་རྣམ་དག་ཅིང་། །སྐྱེ་འགྲོ་ཐ་དད་དེ་ཉིད་དབྱིངས། །ཡོད་མེད་མཐའ་བཞི་ལས་འདས་པའི། །རྒྱུ་རྐྱེན་གནས་སྐབས་མ་སྐྱེས་པས། །འཇིག་ཅིང་འགག་པའི་དངོས་དང་བྲལ། །ཕྱོགས་བཅུ་མཐའ་རྣམས་ཞི་བ་ཉིད། །ཡེ་ནས་མ་བཅོས་དབེན་པར་གནས། །རིགས་ཀྱི་རྒྱལ་པོ་ཐམས་ཅད་དང་། །སྙིང་པོའི་ངང་དུ་འབྲལ་བ་མེད། །དེ་ལས་དེ་བྱུང་དེ་སྣང་བའི། །ཐབས་དང་ཤེས་རབ་ཕྱག་རྒྱའི་མཆོག །སྲིད་པ་གསུམ་ནི་དག་པའི་ཞིང་། །སྙིགས་མ་ལྔ་ཉིད་བདེ་ལྡན་གནས། །ཕུང་པོ་ལྔ་ཉིད་རིགས་ལྔའི་གཙོ། །འབྱུང་བའི་ཆོས་རྣམས་རྣམ་པར་དག །ཡུལ་ཀུན་མཉམ་པར་སྦྱོར་བའི་མཐུས། །མ་འདྲེས་དཀྱིལ་འཁོར་མངོན་སངས་རྒྱས། །ཐབས་ཀྱི་ཕྱག་རྒྱ་རྫོགས་པས་ན། །ཐམས་ཅད་དཀྱིལ་འཁོར་རྫོགས་པ་ཉིད། །ཅེས་རྒྱ་ཆེར་གསུངས་སོ། །དེའི་ཚེ་ན་ཞིང་ཁམས་ཆེན་པོ་མངོན་པར་འཕགས་པའི་སངས་རྒྱས་ཐམས་ཅད་དང་སྒྱུ་འཕྲུལ་དྲུ་བའི་ཚུལ་གྱིས་ཡང་དག་པར་གནས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། རང་གི་བཙུན་མོ་དང་མཉམ་པར་སྦྱོར་ཞིང་། རིགས་ཀྱི་དཀྱིལ་འཁོར་མངོན་པར་རྫོགས་པ་ཞེས་བྱ་བའི་ཚུལ་གྱིས། ཀུན་ལ་གསལ་བར་མཛད་ནས། སངས་རྒྱས་སུམ་ཅུ་རྩ་དྲུག་གི་བྱིན་རླབས་ཀྱིས། རང་གི་གནས་ཐམས་ཅད་དུ་གསལ་བར་མཛད་དོ། །ནང་གི་འགྲོ་བ་མ་ལུས་ཀུན། །རིགས་ཀྱི་དཀྱིལ་འཁོར་རྫོགས་པ་ཉིད། །གཟུགས་ཕུང་རྣམ་པར་སྣང་མཛད་དེ། །ཚོར་བ་རིན་ཆེན་འབྱུང་ལྡན་ཡིན། །འདུ་ཤེས་སྣང་བ་མཐའ་ཡས་ཉིད། །འདུ་བྱེད་དོན་ཡོད་གྲུབ་པའི་སྐུ། །རྣམ་ཤེས་རྡོ་རྗེ་མི་བསྐྱོད་པ། །ཡེ་ཤེས་རྣམ་པ་ལྔ་བདག་ཉིད། །བྱང་ཆུབ་སེམས་ཀྱི་སྣང་བ་ལས། །རང་བཞིན་རྫོགས་པས་གནས་ཀུན་སྦྱོར། །ཕྱི་རོལ་འབྱུང་སོགས་ཡུལ་རྣམས་ཀུན། །ཐབས་དང་ཤེས་རབ་གཉིས་མེད་པའི། །སྲ་བརྟན་རྡོ་རྗེ་སྤྱན་མ་སྟེ། །གཤེར་སྡུད་ལྷ་མོ་མུ་མ་ཀི། །སྨིན་བྱེད་སྲེག་མཛད་གོས་དཀར་མོ། །ཡང་ཞིང་གཡོ་བ་སྒྲོལ་མའི་མཁའ། །སྟོང་གསལ་ནམ་མཁའི་ཀུན་བཟང་མོ། །རགས་པ་ཐབས་ཀྱི་ཕྱག་རྒྱ་སྙེ། །མཚན་ཉིད་མེད་པ་ཤེས་རབ་ཡུམ། །གཉིས་མེད་སྦྱོར་བའི་བྱིན་རླབས་ལས། །རིགས་ཀྱི་དཀྱིལ་འཁོར་རྒྱ་ཆེན་པོ། །ཁམས་དང་སྐྱེ་མཆེད་རྣམ་དག་པའི། །བྱང་ཆུབ་སེམས་དཔའ་གནས་ཀུན་མཛེས། །རངབཞིནམབཅོསལྷུན་གྱིས་གྲུབ། །སྟོང་གསུམ་འཇིག་རྟེན་གྲངས་མེད་པའི། །རིགས་ཀྱི་དཀྱིལ་འཁོར་བསམ་ཡས་ཀུན། །ཀུན་བཟང་ཡེ་ཤེས་རྣམ་བཀོད་པས། །ཐམས་ཅད་མ་འདྲེས་ཡོངས་སུ་རྫོགས། །ཀུན་རྫོབ་སྣང་བ་མཐའ་ཡས་པ། །མེ་ལོང་ཆུ་ཟླ་འཇའ་ཚོན་ལྟར། །སྣང་བ་མ་འགགས་གསལ་སྟོན་ཅིང་། །རིགས་ཀྱི་དཀྱིལ་འཁོར་གནས་པའོ། །ཀུན་ཏུ་བཟང་པོའི་ཆོས་རྣམས་ཀུན། །སངས་རྒྱས་བསྟན་པ་རྫོགས་པ་ཉིད། །དེ་ལས་ལྷག་པའི་དོན་སྤྲོ་བ། །དམིགས་པའི་ཡུལ་རྟོག་ཀུན་དང་བྲལ། །ཞེས་གསུངས་ཤིང་ཐམས་ཅད་དེ་ལྟ་བུའི་ངང་དུ་གསལ་བར་གྱུར་ཏོ། །དེ་ནས་གཉིས་སུ་མེད་པའི་ཚུལ་གྱིས་རང་གི་ངོ་བོར་སྟོན་པར་མཛད་དེ། མ་ལུས་མཐའ་དག་བརྟགས་པའི་ཆོས། །ཡེ་ནས་དབྱེར་མེད་རྣམ་པར་དག །གཉིས་མེད་གཉིས་སུ་མེད་སྦྱོར་ཞིང་། །གདོད་ནས་མ་བཙལ་ལྷུན་གྱིས་གྲུབ། །དེ་ཉིད་ཡེ་ཤེས་ཆེན་པོ་ཡིན། །བྱང་ཆུབ་སེམས་སྤྲིན་རྫོགས་པར་བྱེད། །སངས་རྒྱས་ཀུན་གྱི་ཐེག་པ་འདི། །གཞན་ནས་བཙལ་བའི་གནས་མེད་དོ། །རང་བཞིན་བདེ་བའི་ངོ་བོ་ལས། །མི་གཉིས་ཉམས་སུ་མྱོང་བའི་ཚུལ། །ཨེ་མ་ཧོ། སངས་རྒྱས་ཐམས་ཅད་ཀྱི། །རྣམ་པར་ཐར་པ་ཆེན་པོའི་མཆོག །སྐྱེ་འགག་གནས་དང་དམིགས་པ་དང་། འགྲོ་འོང་ཡུལ་ཀུན་རྟོག་བྲལ་ཞིང་། །དེ་དག་གཉིས་མེད་ལྷུན་གྱིས་གྲུབ། །མཉམ་པ་ཆེན་པོའི་རྒྱན་གྱིས་རྫོགས། །གསང་བའི་ཐེག་པ་བསམ་ཡས་པའོ། །འདི་ལྟར་སྣང་ཞིང་སྲིད་པའི་ཆོས། །ཐམས་ཅད་དོན་ཀུན་རྫོགས་པའི་ལས། །འཁོར་བའི་མ་རིག་རྣམ་རྟོག་ཏུ། །སྣ་ཚོགས་ཡུལ་བཅས་རྟོག་པས་བསྒྲིབས། །རང་བཞིན་བདེ་གཤེགས་གདུལ་བྱ་ཡི། །སྣང་བ་གསུམ་གྱི་ངོ་བོ་ལ། །འཁྲུལ་པའི་སྣང་ཡུལ་འཛིན་བཅས་པས། །ཐ་དད་རྟོགས་པའི་ཆོས་རྣམས་སྣང་། ཁུ་དང་ལམ་དང་འབྲས་བུ་ཡི། །བྱ་བ་ཆེན་པོའི་གནས་རྫོགས་ཤིང་། །བསྟན་པའི་དོན་ཀུན་བསྡུ་མཛད་དེ། །གསང་བའི་ཚུལ་འདི་བླ་མེད་པའོ། །མཚན་ཉིད་རྣམ་པ་གསུམ་དག་གིས། །དེ་ནས་ཆོས་ཀུན་མཚོན་པར་བྱེད། །རྒྱུ་ཡི་ཆོས་ཀུན་ཤེས་པའི་ཡུལ། །རྐྱེན་རྣམས་འཇུག་པའི་མཚན་ཉིད་ཅན། །འབྲས་བུ་སྨིན་པས་རྣམ་པར་གྲོལ། །ཐེག་པའི་རིམ་བཞིན་རྫོགས་སྤྱད་པས། །རིག་འཛིན་ཡེ་ཤེས་མངོན་གྲུབ་ཅིང་། །རབ་ཏུ་མི་གནས་མྱ་ངན་འདས། །མཐར་ཕྱིན་ས་ནས་ལྷུན་གྱིས་གྲུབ། །གསང་བ་བཞི་ཡི་མཚན་ཉིད་ཀྱིས། །ཕྱག་རྒྱའི་ཡེ་ཤེས་མངོན་པར་སྦྱོར། །དེ་དག་ཡུལ་ཀུན་གནས་འཇོམས་པས། །མི་མཐུན་ཚོགས་ཀྱི་འཇིགས་པ་མེད། །ཡེ་ནས་གསང་བ་ཆེན་པོའི་ཆོས། །རང་བཞིན་གསང་བའི་བཞིར་འགྱུར་ཞིང་། །དོན་དམ་ཀུན་རྫོབ་རྣམ་པར་དག །ཐབས་དང་ཤེས་རབ་ཟུང་འཇུག་གནས། །ངོ་བོ་ཉིད་ཀྱི་ལམ་གསང་བ། ཁེན་ཏུ་གསང་བའི་འབྲས་བུ་རྫོགས། །སྙིང་པོ་གསུམ་གྱི་བདག་ཉིད་ཀྱིས། །དོན་ཀུན་བསྟན་པ་གཏན་ལ་འབེབས། །ཐམས་ཅད་ཀུན་འབྱུང་རྒྱུ་ཉིད་པས། ཁུ་ཡི་ཐེག་པ་བླ་ན་མེད། །འབྲས་བུའི་ཆོས་ཀུན་རྣམ་དག་ཅིང་། །མ་ལུས་དོན་ཀུན་བསྡུས་པ་ཉིད། །གསང་བ་བླ་ན་མེད་པའི་རྒྱུད། །འབྲས་བུའི་ཐེག་པ་ཞེས་བཤད་དོ། །ས་མཆོག་ལམ་རྣམས་ཀུན་འདུས་པའི། །ངེས་པའི་ཕྱག་རྒྱ་བླ་ན་མེད། །རྒྱུ་ཡི་དེ་ཉིད་བྱང་ཆུབ་སེམས། །རྣམ་གཉིས་འབྲེལ་བས་ཀུན་བསྐྱེད་རྫོགས། །འབྲས་བུ་སྐུ་མཆོག་ཡེ་ཤེས་ཆེ། །རང་བཞིན་བྱིན་བརླབས་ཤུགས་ཀྱིས་སྣང་། །ཆོས་རྣམས་ཐམས་ཅད་སྐད་ཅིག་མར། །དེ་ཉིད་ངེས་པར་གཏན་ལ་འབབས། །བྱ་བ་རྫོགས་པའི་དུས་ཉིད་དུ། །ཡ་མཚན་ཕོ་བྲང་དཀྱིལ་འཁོར་རྫོགས། །ངེས་དོན་གསང་བ་རྨད་དུ་བྱུང་། །སངས་རྒྱས་ཀུན་གྱི་དགོངས་པའི་ཡུལ། །བྱིན་རླབས་ཆོས་རྣམས་ཀུན་གྱི་གཞི། །འདི་ཉིད་བསྟན་པས་རྟོགས་པར་འཀྱུར། །ཨེ་མ་ཧོ་བདེ་གཤེགས་ངོ་བོ་ཉིད། །རང་བཞིན་རྫོགས་པའི་དཀྱིལ་འཁོར་ལས། །ཁམས་གསུམ་འགྲོ་གནས་མ་རྟོགས་པའི། །གནས་དང་སྡེ་བཅས་ཐམས་ཅད་ཀུན། །བརྟགས་པའི་མཐུ་ཡིས་ཀུན་སྣང་ཞིང་། །དེ་ཉིད་སྟོབས་ཀྱིས་དེ་ནས་འཁོར། །སྣ་ཚོགས་ལུས་དང་ལོངས་སྤྱོད་ཚོགས། །མི་མཐུན་སྐལ་པའི་ཚོགས་རྣམས་ཀྱིས། །རྒྱུ་འབྲས་གནས་ཀུན་སོ་སོར་སྨིན། །གཉིས་སུ་འཛིན་པས་འཆིང་འགྱུར་ལ། །རང་གིས་རང་རྒྱུད་རྣམ་པར་བཅིངས། །དེ་དག་རྟོག་པའི་ནད་ཆེན་གྱིས། །ཐམས་ཅད་ཀུན་ནས་རྣམ་པར་གཟིར། །ཡང་དག་བསྟན་པའི་དོན་རྣམས་ཀྱིས། །ཐབས་ལྡན་རྒྱུད་རྣམས་གྲོལ་མཛད་དེ། །བསྟན་པའི་བྱེ་བྲག་བསམ་ཡས་པས། །གདུལ་དཀའི་ཚོགས་རྣམས་གྲོལ་བར་འགྱུར། །གདུལ་དཀའ་ཀུན་ནི་རྨོངས་པ་དང་། །བསྟན་པའི་སྒྲོན་མ་གསལ་མཛད་ཅིང་། །སྟོང་གསུམ་འཇིག་རྟེན་མཐའ་ཡས་པ། །རིགས་བདག་འཁོར་ལོ་སྒྱུར་བའི་སྐུ། །ཀུན་ཏུ་བཟང་པོའི་བདག་ཉིད་ཀྱིས། །རིགས་ཀྱི་དཀྱིལ་འཁོར་མཐའ་ཡས་རྣམས། །རྣམ་པར་འཕྲུལ་བས་ཀུན་སྤྲོ་མཛད། །ཞེ་སྡང་ལས་ཀྱིས་གདུངས་པ་ལ། །རྡོ་རྗེའི་རིགས་མཆོག་མི་བསྐྱོད་པ། །ཞེ་སྡང་ཆེན་པོས་འཇོམས་མཛད་ཅིང་། །ཞེ་སྡང་རྒྱུད་ཀུན་གྲོལ་བར་མཛད། །དེ་ལྟར་བཅོམ་ལྡན་ཐུགས་རྗེ་མཆོག །དོན་ཀུན་བསྟན་པས་རྣམ་པར་འདུལ། །མ་རིག་རྣམ་རྟོག་མུན་པའི་ཚོགས། །བདེ་གཤེགས་འཁོར་ལོ་ཆེ་ནས་སྦྱོར། །གཏི་མུག་ཆེན་པོས་དག་མཛད་དེ། །གཏི་མུག་ལམ་བཅས་རྣམ་པར་གྲོལ། །ཀུན་ནས་འདོད་པས་གདུངས་པ་ལ། །བདེ་གཤེགས་པདྨ་གསུང་གི་སྐུ། །འདོད་ཆགས་ཆེན་པོས་འདུལ་མཛད་ཅིང་། །ཡང་དག་མཐར་བཅས་སྦྱོར་བ་མཛད། །ང་རྒྱལ་གནས་ཀུན་སྟོབས་རྫོགས་ལ། །རིན་ཆེན་དཀྱིལ་འཁོར་ཆེ་ནས་སྦྱོར། །ང་རྒྱལ་ཆེན་པོའི་ཡོན་ཏན་མཆོག །དེར་བཅས་མཐའ་རྣམས་རྣམ་པར་དག །ཕྲག་དོག་ཉིད་ཀྱིས་འཁོར་བ་ལ། །དེ་ཉིད་རྣམ་དག་ཐུགས་རྗེའི་མཆོག །ལས་ཀྱི་རིགས་མཆོག་དོན་ཡོད་གྲུབ། །མཐའ་ཡས་ཡུལ་ཀུན་རྣམ་པར་དག །དེ་ལ་སོགས་པའི་ཉོན་མོངས་སོགས། །གྲངས་མེད་ལས་ཀྱིས་མནར་བ་ལ། །ཐབས་མཁས་ཐུགས་རྗེའི་དཀྱིལ་འཁོར་ཉིད། །མི་མཐུན་སྤྲུལ་པ་བསམ་ཡས་པ། །སྐད་ཅིག་ཉིད་ལ་འདུལ་བར་མཛད། །མ་ལུས་ཐེག་པ་བསམ་ཡས་ཀྱིས། །མ་ལུས་འགྲོ་རྒྱུད་རྣམ་པར་སྦྱངས། །དེ་ནས་སངས་རྒྱས་ཐམས་ཅད་ཀྱིས། །རིགས་ཀྱི་དཀྱིལ་འཁོར་ཀུན་བསྡུས་ཏེ། །རང་རིག་ཞིང་ཁམས་ཚོགས་རྒྱས་པར། །རྣམ་པར་བཀོད་པའི་གནས་རྫོགས་མཛད། །བདེ་གཤེགས་ཀུན་ཏུ་བཟང་པོ་ཉིད། །རིགས་སྦྱངས་བསྡུ་བའི་དཀྱིལ་འཁོར་ན། །རང་གི་ལོངས་སྤྱོད་ཅི་ལྟ་བར། །དཀྱིལ་འཁོར་རྒྱ་ཆེན་རྣམ་པར་འཕྲུལ། །འཁོར་ལོ་སྒྱུར་རྒྱལ་ཆེ་རྣམས་དང་། །ཕྱོགས་མཚམས་དཀྱིལ་འཁོར་བཀོད་པའི་ཚོགས། །རྡོ་རྗེ་འཁོར་ལོ་རིན་ཆེན་དང་། །པདྨ་རལ་གྲི་མཐའ་ཡས་པ། །ཕྱོགས་རྣམས་ཀུན་ཏུ་སྤྲོ་མཛད་ཅིང་། །རིགས་ཀྱི་དཀྱིལ་འཁོར་བསམ་ཡས་པ། །མ་ལུས་འགྲོ་བའི་དོན་བསྟན་མཛད། །རབ་ཏུ་སྤྱོད་པ་དྲི་མེད་པའི། །བློ་གྲོས་མཆོག་རྣམས་འདུད་པར་གྱུར། །དེ་དག་རབ་དགའ་སྦྱངས་པའི་མཐུས། །རང་གི་ཡེ་ཤེས་དྲི་མ་མེད། །དཀྱིལ་འཁོར་འཁོར་ལོ་གཅིག་པ་དང་། །གསུམ་དང་ལྔ་དང་དགུ་ལ་སོགས། །མཐའ་ཡས་གྲངས་མེད་སྐྱོབ་པའི་སྐུ། །ཞི་དང་དྲག་པོ་སྣ་ཚོགས་ཀྱིས། །ངོ་མཚར་ཡུལ་ཀུན་འབརབབཞིན། །གནསསྐབས་ཐུགསརྗེཆེནཔོའིཤུགས། །མི་གནས་མུན་པ་རབ་རིབ་སེལ། །ཡང་དག་ལྟ་ལ་རྣམ་པར་དགོད། །གཞན་ཡང་ཞི་དང་རྒྱས་པ་དང་། །དབང་དང་དྲག་པོ་སྣ་ཚོགས་ཀྱིས། །རིགས་མཆོག་ཐུགས་རྗེ་ཚད་མེད་པས། །མི་མཐུན་གནས་ཀུན་རྣམ་པར་དག །འགྲོ་བ་དྲུག་པོ་མ་ལུས་པ། །ཐུབ་པ་ཆེན་པོའི་སྤྲུལ་སྐུ་ཡིས། །ཐུན་མོང་ཁྱད་པར་གནས་སྦྱངས་ཏེ། །འདུལ་བ་རྣམ་པ་བཞི་རྣམས་དང་། །བྱང་ཆུབ་སྤྱོད་པ་མཐའ་ཡས་སོགས། །མ་ལུས་དོན་ཀུན་བསྟན་པའི་སྒོ། །དེ་ནས་ཆོས་ཀུན་རྣམ་པར་དག །བྱ་བ་ཆེན་པོ་མཐར་ཕྱིན་ཅིང་། །གཞན་གྱིས་འཇུག་པ་རབ་ཏུ་སྟོན། །འདི་ལྟར་འཁོར་བ་མྱ་ངན་འདས། །ཐམས་ཅད་དོན་ཀུན་སངས་རྒྱས་མཆོག །རང་བཞིན་རྫོགས་པའི་དཀྱིལ་འཁོར་ཉིད། །བྱ་བ་ལྷུན་གྲུབ་རྣམ་པར་གྲོལ། །ཞེས་གསུངས་སོ། །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པོ་དེ་ཁོ་ན་ཉིད་ངེས་པ་རོལ་པ་ཆེན་པོའི་རྒྱུད་ལས། དཀྱིལ་འཁོར་འབྲེལ་བའི་ལེའུ་སྟེ་གཉིས་པའོ།། །།དེ་ནས་འཁོར་གྱི་གཙོ་བོ་མཆོག །བྱང་ཆུབ་སེམས་དཔའ་ཆེ་རྣམས་ཀྱིས། །གསང་རྒྱས་ཀུན་ལ་ཕྱག་འཚལ་ཞིང་། །ཡང་དག་སྟོན་པ་མཉེས་པར་མཛད། །ཨེ་མ་ཧོ་སངས་རྒྱས་ཀུན་ཏུ་བཟང་། །གསང་བའི་སྙིང་པོ་ངེས་པའི་མཆོག །དེ་ཉིད་ཁོ་ནའི་དོན་རྫོགས་པ། །སྒྱུ་འཕྲུལ་དྲུ་བའི་ཚུལ་བསྟན་པ། །ཐོག་མ་ཐ་མ་མེད་པའི་དངོས། །མ་ལུས་ཀུན་གྱི་སྐུ་གསུང་ཐུགས། །རོལ་མོ་བདེ་བའི་གནས་རྫོགས་ཤིང་། །བྱང་ཆུབ་མཆོག་གི་སྙིང་པོ་བཞི། །སྲིད་དངོས་ཞི་བར་རྣམ་པར་སྦྱོང་། །གས་ང་བའི་ཐེག་པ་བླ་མེད་མཆོག །རྣམ་གསུམ་སྤྲུལ་པ་བསྐྱེད་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །བྱིན་རླབས་དག་པའི་མདངས་བཅས་པ། ཁྲེས་རབ་དབྱིངས་དང་སྦྱོར་མཛད་ཅིང་། །དཀྱིལ་འཁོར་རོལ་པས་ཀུན་ཁྱབ་མཛད། ཁུད་ཆེན་གསང་བའི་དོན་རྣམས་ཀུན། །སྦས་བཤད་བརྡ་ཡིས་རྣམ་པར་འབྱེད། །དེ་ཚེ་གསུང་དབྱངས་སྣ་ཚོགས་པས། །མི་གཉིས་རྒྱུད་ཆེན་མཚན་མ་སྒྲོགས། །ཇི་སྲིད་སྦས་ཚིག་བརྡ་དོན་རྣམས། །ཐབས་དང་ཤེས་རབ་སྙོམས་འཇུག་པས། །ཨེ་མ་དབྱིངས་ཀྱི་ལས་ཅན་ཏེ། །མ་འདྲེས་ཐམས་ཅད་རྫོགས་བྱེད་པའི། །འདི་ཞེས་ཉེ་བར་མཚོན་པ་ནི། །ཨེ་སོགས་རྣམ་བཞིའི་དབྱིབས་ཅན་གནས། །སྐད་ཅེས་གསལ་བྱེད་ལས་མིང་ཅན། །བམ་དབྱིབས་ཐིག་ལེར་བཅས་སྟོན་པའོ། །མྱནྟྲ་མ་ནུ་སྡོམ་བྱེད་ཡིད། །ལས་ཅན་རྣམ་ཤེས་དེ་དག་ལ། །གསལ་བར་གོ་བོར་བཤད་པར་འདོད། །པ་སྒྲ་དོན་དམ་ངེས་པའི་རྒྱུད། །ཡུ་ན་ཐེག་ཆེན་འདི་ཉིད་དོ། །དུས་ནི་བསམ་གྱིས་མི་ཁྱབ་པར། །དེ་མིན་ཀུན་ཏུ་མཚོན་པར་བྱེད། །ཐམས་ཅད་རང་གི་ལས་ཅན་ཉིད། །དཀྱིལ་འཁོར་གསང་བ་མཐའ་ཡས་ཤིང་། །མ་ལུས་ཐེག་པ་བླ་ན་མེད། །དོན་དམ་རྫོགས་པའི་ཐིག་ལེ་ཉིད། །ཡེ་ཤེས་ཆེན་པོས་བསྐྱོད་མཛད་ཅིང་། །ལས་ཀྱི་རྟོག་པ་རྣམ་པར་དག །བཅུད་འདུས་ཐིག་ལེ་ཆེན་པོ་ནི། །སྣང་དང་སྟོང་པ་ལ་སོགས་པའི། །བརྗོད་བྱ་མ་ལུས་རྫོགས་པའི་ཡུལ། །རྟོགས་ཚོགས་སངས་རྒྱས་བཞི་བཅུ་ལྔ། །སྣང་བས་ཕྱེ་ཕྱིར་གཉིས་སུ་མེད། །དེ་གནས་པདྨ་རིགས་གསུམ་པའོ། །གཉིས་གསུམ་བརྒྱད་ཀྱི་ཁྱད་པར་ཅན། །ཐ་མ་གནས་དང་ཡོན་ཏན་གྱིས། །མངོན་པར་མཐོ་བས་འོག་མིན་ཏེ། །ལས་དང་བཅ་ཀྱི་མཐའ་བྲལ་བ། །ཡེ་ཤེས་བཞི་ལ་དཔག་མི་རིགས། །དགོས་པ་འབྱུང་ལྡན་རིན་པོ་ཆེ། །ཡེ་ཤེས་ལྔ་ཡི་འཁོར་ལོ་བསྐོར། །སངས་རྒྱས་ངོ་བོ་གནས་བཅུད་ཀྱིས། །སྦྱི་བོར་ཤིན་ཏུ་འཁྱིལ་བར་གནས། །ཉུང་དཀར་སེར་གྱིས་དཔག་པར་ནི། །ས་ཡ་བཅུ་གསུམ་བདེ་བས་བརྒྱན། །འདོད་ཡོན་ཁྱད་པར་ཅན་གྱིས་མཛེས། །གང་ཡང་བདེ་བྱེད་ཕྱི་ནང་བྲལ། །བདེ་བ་ཆེན་པོའི་རོ་ཉིད་ལ། །འབྲས་བུའི་ཆོས་རྣམས་རྫོགས་པར་ལྡན། །བྱང་ཆུབ་མཆོག་ཏུ་ཉི་ཟླ་ཤར། །དེ་ཉིད་བཞུགས་གནས་ཡིན་པར་བཤད། །དཀྱིལ་འཁོར་ཀུན་འབྱུང་རྒྱ་ཆེན་པོ། །རང་གི་ངོ་མཚར་ཡུལ་གྱིས་འཁོད། །ཀུན་ཀྱང་གཉིས་དང་གཉིས་སྦྱོར་བའི། །ཆ་ལུགས་དཀྱིལ་འཁོར་ཇི་བཞིན་དུ། །མང་པོ་ཚོགས་པས་མཐའ་ཡས་སྒོ། །དེ་དག་བྱེ་བྲག་གྲངས་ལས་འདས། །སངས་རྒྱས་ཀུན་གྱི་གསང་བ་འདི། །བརྟུལཞུགསཆེནཔོའིབདགཉིད་ཅན། །བཅུད་ལྔ་ཡེ་ཤེས་ཁོ་ནའི་ཕྱིར། །དངས་སྙིགས་མེད་པར་ཀུན་ཏུ་གསལ། །སྒྲ་དབྱངས་གསུང་གི་གནས་བཞི་ཡི། །དབྱེ་བ་གསུམ་གསུམ་ངོས་གཉིས་དང་། །བཞི་བཅུ་གཉིས་སུ་གྱུར་པ་ཡིན། །ས་ཡ་བཅུ་གསུམ་ལ་སོགས་པའི། །སྐྱེ་འགག་གནས་པའི་ངོ་བོ་ཡང་། །རྟེན་ཅན་ཇི་བཞིན་རྟེན་དེ་བཞིན། །ཉི་ཟླ་ཐབས་དང་ཤེས་རབ་ཀྱི། །རོ་གཉིས་མཉམ་པར་དུས་གསུམ་བཞུགས། །དངས་མ་ཐིག་ལེ་ཆེན་པོ་ཡི། །བདེ་བ་དངོས་སྤངས་ཡེ་ཤེས་སྣང་། །མ་འདྲེས་རང་གི་དོན་བཞིན་དུ། །ས་གསུམ་དབང་ཕྱུག་མཆོག་ཏུ་འགྱུར། །འཛིན་པའི་ནམ་མཁའི་ཚོགས་བྲལ་ཞིང་། །སྟོང་པའི་མཚན་ལྡན་བྱང་ཆུབ་ཉིད། །རབ་ཏུ་ཞི་བས་གྲོལ་བ་ཡི། །བཅོམ་ལྡན་འདས་ནི་གུད་ན་མེད། །མཚན་ཉིད་ཀུན་བཅོམ་བདེ་ཆེན་པོའི། །རང་གི་ངོ་བོས་མ་གྲུབ་ན། །རང་བཞིན་ལྷན་ཅིག་སྐྱེས་པའི་ཕྱིར། །བཅོམ་ལྡན་དེ་བཞིན་གཤེགས་ཞེས་བྱ། །གཟུགས་སོགས་ལྷག་པའི་ཐིག་ལེ་ནི། །ལས་དང་ཡོན་ཏན་མངོན་ལྡན་ཕྱིར། །རིགས་ཀྱི་རྒྱལ་པོ་ཉིད་དུ་བརྗོད། །བཅུད་ལྔ་ཁུ་བའི་ཐིག་ལེ་ནི། །རྒྱུ་དང་གནས་ཀྱི་ཁ་དོག་ལྡན། །རོ་དང་ལས་དང་དེ་བཞིན་ཏེ། །རང་གི་མཚན་ཉིད་ཀུན་ཏུ་སྣང་། །མཁའ་སོགས་ནང་གི་འབྱུང་བ་དང་། །ཡེ་ཤེས་འབྱུང་ལྔའི་ལས་དག་གིས། །བསྐྱོད་ཕྱིར་དབྱིངས་སུ་བརྗོད་པ་ཡིན། །བཙུན་མོའི་ཐིག་ལེ་སྣོད་བཅུད་ཁྱད་པར་གྱིས། །ཏིལ་གང་ལྟ་བུར་མཁའ་གང་བའི། །དཀྱིལའཁོརཚོགསཆེནབརྗོདམིལངས། །མ་སྐྱེས་མི་ཤིགས་སྙིང་པོ་ཅན། །དངོས་མེད་རོལ་མོ་སིལ་སྙན་གར། །མ་ལུས་ཀུན་འདུས་རྣམ་པར་དག །གཉིས་མེད་ཐེག་ལེའི་བཅུད་འདུས་པས། །བྱང་ཆུབ་སེམས་གནས་རང་བཞིན་ཉིད། །མིག་སོགས་རང་གི་ཐིག་ལེ་ནི། །ལས་དང་ངོ་བོ་འབྲས་བུའི་ཕྱིར། །སེམས་དཔའ་ཆེན་པོ་ཉིད་དུ་བརྗོད། །ཉེས་པ་ཟད་ཕྱིར་རྡོ་རྗེ་སྟེ། །རང་གི་གནས་ཀྱིས་ཕྱེ་བའོ། །གཟུགས་སོགས་ནང་ཉིད་ཕྱིར་སྣང་བ། །རང་གི་རྩ་བབ་བཅས་པ་དག །བདེ་བ་བསྐྱེད་ཕྱིར་བཙུན་མོ་ཉིད། །དུས་རྣམས་རླུད་གིས་གོ་ཕྱེ་སྟེ། །བྱམས་པ་ལ་སོགས་ཡེ་ཤེས་བཞི། །དེ་བདེ་རིམ་པར་བསྐྱེད་པ་ཡང་། །ཏིང་འཛིན་དབང་དུ་ངེས་པར་གསུངས། །མཐའ་རྣམས་ཡུལ་ལ་ཞེན་པ་ཡི། །མ་ལུས་ཆོས་ཀུན་རྣམ་པར་དག །ཐམས་ཅད་ཡུལ་ལས་དབང་བཅས་པ། །བདེ་བ་བསྐྱེད་པ་ཐིག་ལེ་སྟེ། །ཁམས་གསུམ་ཀུན་གྱི་གནས་རྫོགས་པ། །རྟེན་ཅིང་འབྲེལ་བར་འབྱུང་བའི་མཐུས། །རྣམ་ཤེས་ལས་བྱུང་དམིགས་པའི་ཚོགས། །མཚན་ཉིད་རྣམ་པ་བཞི་དག་གིས། །དགའ་དང་རྗེས་སུ་དགའ་བ་དང་། །དགའ་བྲལ་ལྷན་ཅིག་སྐྱེས་པ་རྒྱལ། །ཀུན་རྫོབ་ལུགས་ལས་འབྱུང་བ་དང་། །དོན་དམ་ལུགས་ལས་བཟློག་པ་གཉིས། །ཡན་ལག་ཉིང་ལག་རྒྱས་འགྱུར་ཏེ། །ཡེ་ཤེས་ཆེན་པོའི་ཡུལ་མཐར་ཕྱིན། །མཆོག་གི་བླ་མ་ཞེས་བྱ་བའི། །ཚད་མེད་བཞི་གནས་སྙོམས་འཇུག་པའི། །དེ་དག་ཐམས་ཅད་མཁྱེན་པ་ཡིས། །ཚུལ་རྣམས་རྫོགས་པས་བསྟན་པར་འགྱུར། །ཐབས་ལམ་བདེ་བའི་གཉེར་དག་གིས། །བརྟགས་ན་རང་གི་རྟོག་པ་བཟློག །དངོས་པོ་རྣམས་ཀྱི་ངོ་བོ་ལ། །བཟློག་བྱ་རྒྱལ་བས་མ་གཟིགས་སམ། །ཐིག་ལེ་ཟུང་འཇུག་བདེ་བ་ཡི། །སེམས་མཐའ་ལོག་པས་གོ་པྱེ་ནས། །དཀྱིལ་འཁོར་དྲུག་གི་ཡུལ་རྣམས་སུ། །སྤྲུལ་པའི་ཐིག་ལེ་རང་ཤར་བའི། །སྣང་བ་མཛད་པ་བསམ་མི་ཁྱབ། །ཆགས་སོགས་ཉོན་མོངས་ལས་རྟོག་རྣམས། །འདུལ་ཕྱིར་སྤྲུལ་པ་ཞེས་སུ་བཤད། །སྒྲ་དབྱངས་གསུང་གིས་བསྟན་པ་ལ། །ངེས་པར་གྲགས་པ་ཁོ་ན་ཉིད། །ཕུང་སོགས་རྟོག་པའི་འཇིག་རྟེན་ཀུན། །ལོག་རྟོག་སྒྱུ་མ་སྣང་ཙམ་ལས། །ཉི་ཟླ་བདེན་ཉིད་ལས་ཉིད་ཀྱིས། །མ་སྐྱེས་མཉམ་ལ་གནས་གྱུར་ཅིང་། །ཕུང་སོགས་ལྷ་ཡི་དཀྱིལ་འཁོར་དུ། །རང་སྣང་རང་རིག་མངོན་སུམ་གསལ། །དུས་གསུམ་དག་ཏུ་མི་འགྱུར་ཕྱིར། །ཐེག་པ་འདི་ཡི་ཐབས་ཀྱི་རྡོ་རྗེ་བཤད། །དེ་དག་ཡུལ་རྣམས་མཐའ་ཡས་པས ཐབས་ལས་ཐབས་བྱུང་འཕྲུལ་བའི་ཚུལ། །ངོ་བོ་ཉིད་ཀྱིས་གྲུབ་བྱེད་ཅིང་། །ཡང་དག་སྤྱོད་པ་རྣམ་པར་གྲོལ། །སངས་རྒྱས་ཀུན་གྱི་གསང་བ་ཉིད། །རྣམ་པར་རྟོག་པས་མདོར་བསགས་ཤིང་། །ལས་ཀྱི་ཁམས་རྣམས་དག་བྱེད་པའི། །སེམས་དང་སེམས་དཔའ་སྤྱོད་ཡུལ་ཉིད། །སྙིང་པོ་དོན་ཀུནརིནཆེནམདངས། །ཁ་དོག་ལྔ་ཡི་བདག་ཉིད་ལ། །སྲོག་དང་རྩོལ་བས་བདེ་འཛིན་ཞིང་། །ཕྱི་ནང་ཡུལ་ཀུན་སྤྲོ་བར་མཛད། །སངས་རྒྱས་ཀུན་གྱིས་ཐེག་པ་འདི། །བརྡ་ཚིག་སྦས་པས་དོན་སྟོན་ཅིང་། །གྲངས་ཅན་བྱེ་བྲག་འདོད་རྣམས་ལ། །དེ་དག་དེ་ཉིད་གྲོལ་བྱེད་པའི། །དོན་མཐུན་བསྟན་པས་བཤད་པ་ཡིན། །སྣང་བ་རྒྱ་མཚོ་ཆེན་པོ་བཞི། །མ་གཡོས་རང་གི་ངང་ལས་བྱུང་། །དེ་དག་རིམ་པས་རྫོགས་འགྱུར་ཏེ། །རྣམ་པར་མི་ཤིགས་གཟུགས་ཉིད་དོ། །དེ་བཞིན་གཤེགས་པ་ཐམས་ཅད་ཀྱི། །ཕྱག་རྒྱ་སྦས་པའི་ཚུལ་འདི་ཡིས། །རབ་ཏུ་རྟོག་བཅས་གྲོལ་འགྱུར་ཏེ། །རང་བཞིན་ངང་ཚུལ་བཟང་པོའི་གནས། རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བ་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། ཕྱག་རྒྱ་ཡོངས་སུ་གཟུང་བའི་ལེའུ་སྟེ་གསུམ་པའོ།། །།དེ་ནས་རྒྱལ་བ་ཐམས་ཅད་ཀྱི། །བྱིན་རླབས་ངོ་མཚར་བླ་ན་མེད། །ཀུན་ནས་མི་བསྒྲིབ་དྲི་མེད་ཅིང་། །ཡང་དག་ཡེ་ཤེས་ཆེན་པོས་གྲོལ། །དེ་ཚེ་སངས་རྒྱས་ཐམས་ཅད་ཀྱིས། །སྒྱུ་འཕྲུལ་དྲུ་བའི་གནས་ཆེན་པོ། །རྒྱ་ཆེན་གྲངས་མེད་རིགས་ཀྱི་གཙོ། །གཉིས་སུ་མེད་པའི་དོན་གྱིས་སྦྱོར། །གསུང་གཅིག་ཚུལ་གྱིས་དོན་སྩལ་ཅིང་། །ངོ་མཚར་བཤད་པའི་གནས་ལ་འཇུག །ཀུན་ནས་སྐུ་ཡི་དཀྱིལ་འཁོར་ཚོགས། །ཚུལ་ལྔ་རྫོགས་པས་འབྲས་བུ་ཉིད། །དེ་ཉིད་རྒྱུ་མཐུན་རྐྱེན་གྱི་བཞི། །དོན་ཀུན་གསལ་བ་རྣམ་དག་པས། །ངོ་མཚར་ཡུལ་འདི་རྨད་དུ་བྱུང་། །ཆོས་སྐུ་ལོངས་སྤྱོད་རྫོགས་པའི་སྐུ། །སྤྲུལ་པརངབཞིནའོདགསལསྐུ། །ངོ་བོ་ཉིད་མཆོག་ཀུན་གྱི་གཞི། །དེ་དག་རྣམ་པར་མཚོན་བྱེད་པའི། །ཟབ་མོ་རྒྱ་ཆེན་སྔགས་ཀྱི་ཚོགས། །ཡི་གེ་མེད་པ་རིག་པའི་གསུང་། །ལོངས་སྤྱོད་རྫོགས་པ་རྡོ་རྗེ་དང་། །ཡན་ལག་བསམ་འདས་ཚངས་པའི་དབྱངས། །ཚུལ་ལྔས་ཐམས་ཅད་དོན་བརྗོད་མཛད། །ཡང་དག་མཚོན་པའི་དཔེ་ལས་འདས། །རྣམ་པར་མི་རྟོག་ཡེ་ཤེས་ཆེ། །ཀུན་རྫོབ་ཅིར་ཡང་མ་འགགས་པའི། །ཐམས་ཅད་མཁྱེན་པ་ཀུན་ནས་སྤྱོད། །ཆོས་དབྱིངས་མེ་ལོང་ལྟ་བུ་ཡི། །མཉམ་ཉིད་སོ་སོར་ཀུན་ཏུ་རྟོག །བྱ་བའི་ཡེ་ཤེས་ལས་ཆེན་པོ། །དུས་གསུམ་སྒྲིབ་མེད་གསལ་མཛད་ཅིང་། །བྱང་ཆུབ་སེམས་ཀྱི་གནས་རྫོགས་མཛད། །རྣམ་གསུམ་བྱིན་རླབས་སྦྱོར་བའི་མཐུས། །ཡོན་ཏན་ཚོགས་རྣམས་ཀུན་ལ་སྤྱོད། །ཞིང་དང་ཕོ་བྲང་ཡོན་ཏན་དང་། །ལོངས་སྤྱོད་རྒྱན་དང་བཙུན་མོའི་ཚོགས། །གདན་དང་རྒྱན་ཆས་ལ་སོགས་པ། །མི་བསྒྲིབ་ལོངས་སྤྱོད་ལྡན་པ་ལྔས། །ཕྱོགས་བཅུ་ཀུན་ཏུ་མ་འགགས་པའི། །རང་གི་དཀྱིལ་འཁོར་ཚོགས་ལོངས་སྤྱོད། །ཐབས་མཁས་ཕྲིན་ལས་མཛད་པ་ཡི། །མ་འདྲེས་ཀུན་ཏུ་སྤྱོད་པའི་ཚོགས། །ཞི་དང་རྒྱས་མཛད་དབང་དྲག་པོ། །མཉམ་པ་ཆེན་པོ་ལྷུན་གྲུབ་རྫོགས། །དེ་དག་ཕྲིན་ལས་རྣམ་ལྔ་ཡིས། །དོན་ཀུན་བསྟན་པ་འདུལ་མཛད་ཅིང་། །རིགས་ཀྱི་དཀྱིལ་འཁོར་ཀུན་རྫོགས་པའོ། །མི་ཟད་རྒྱན་གྱི་འཁོར་ལོ་ཉིད། །ཀུན་ནས་སྐུ་གསུང་ཐུགས་ཀྱི་བདག །ཡོན་ཏན་ཕྲིན་ལས་རྫོགས་པའི་སྟོབས། །ཉི་ཤུ་རྩ་ལྔའི་བདག་ཉིད་ཅན། །རིགས་ཀྱི་ཞིང་ཁམས་ཀུན་སྦྱོར་ཞིང་། །སངས་རྒྱས་ཐེག་པ་བསམ་ཡས་ཀྱིས། །དོན་ཀུན་སྤྲོ་བ་རྒྱ་ཆེན་རྫོགས། །འདི་ནི་དཀྱིལ་འཁོར་རྒྱ་ཆེན་པོ། །བྱང་ཆུབ་སེམས་ཀྱི་དངོས་ཉིད་ལས། །རོལ་པ་སྣ་ཚོགས་ཅིར་ཡང་སྣང་། །རང་བཞིན་ཡེ་ནས་མ་བཅོས་པའི། །རིགས་ཀྱི་དཀྱིལ་འཁོར་མངོན་པར་རྫོགས། །ཡང་དག་ཇི་བཞིན་རྟོགས་པའི་མཐུས། །ཞིང་ཁམས་ཆེན་པོར་གྲངས་མེད་པའི། །རིན་ཆེན་སྣ་ཚོགས་བཀོད་པའི་གནས། །ས་དང་ཐེག་པའི་དོན་རྣམས་ལ། །རིགས་ཀྱི་གཙོ་བོ་སངས་རྒྱས་མཆོག །རྣམ་པར་འཕྲུལ་པས་ཀུན་མཛེས་ཤིང་། །དོན་ཀུན་དྲན་པས་རྫོགས་པའི་ཡུལ། །སྒྱུ་འཕྲུལ་དཀྱིལ་འཁོར་བསམ་ཡས་རྣམས། །དྲུ་བའི་དཀྱིལ་འཁོར་མངོན་པར་རྫོགས། །ལོངས་སྤྱོད་རྫོགས་པའི་སྐུ་ཆེན་པོ། །ཀུན་ནས་ཞིང་ཁམས་ཆེན་པོའི་བདག །དེ་དག་སྤྲུལ་པའི་སྐུ་རྣམས་དང་། །མཉམ་རྫོགས་ཞབྲུལ་པས་འཇིག་རྟེན་སྦྱོང་། །ཐུབ་པ་ཆེན་པོ་སྐྱེས་བུ་མཆོག ཁྲུག་གི་གདུལ་བྱ་མ་ལུས་དག །ཐབས་ཀྱི་ཐེག་པ་སྣ་ཚོགས་ཀྱིས། །ཀུན་ནས་ཕྲིན་ལས་རྒྱ་ཆེན་ཚོགས། །སྐུ་གསུང་ཐུགས་ཀྱི་རྡོ་རྗེ་ལས། །རང་གི་ལས་བཞི་རྣམ་པར་སྟོན། །ཡན་ལག་ཕན་ཚུན་སྣྲེལ་ཞི་དང་། །སྤྱི་ཚུགས་འཇིག་རྟེན་དྲུག་རྣམས་སུ། །བཅོམ་ལྡན་ཐུབ་སྐུ་བསམ་ཡས་པ། །སྟོང་གསུམ་ཞིང་ཁམས་རྒྱས་མཛད་དེ། །འདུལ་བ་རྣམ་པ་བཞི་དག་གིས། །འགྲོ་བ་ཀུན་གྱི་དོན་མཛད་དེ། །ཀུན་ནས་སྐུ་ཡི་ཕྲིན་ལས་དང་། །གསུང་མཆོག་ཡོན་ཏན་མཐའ་ཡས་པ། །དེ་དག་སྣང་བའི་སྒོ་མཐའ་ཡས། །ཐུན་མོང་ཁྱད་པར་མཛད་པའི་ཚོགས། །བཅུ་གཉིས་ལ་སོགས་བསྟན་པར་མཛད། །མངོན་པར་ཤེས་པའི་སྒོ་མཐའ་ཡས། །རབ་ཏུ་ཞི་བ་མ་འདྲེས་པའི། །ཐེག་པའི་བྱེ་བྲག་བསམ་ཡས་པ། །སོ་སོའི་དོན་བཞིན་བསམ་ཡས་རྣམས། །རབ་ཏུ་སྤྱོད་པས་རྣམ་པར་དགྲོལ། །མི་དགེ་བཅུ་ལས་བཟློག་བྱེད་ཅིང་། །ཚད་མེད་བཞིར་བཅས་བསམ་གཏན་བཞི། །ལྷ་དང་མི་གནས་རྫོགས་པ་ཡི། །དགེ་བ་ཚོགས་ནས་མ་བསྒྲིབས་པ། །ལེགས་སྤྱོད་སྡོམ་པ་བཟང་ལས་བྱུང་། །ལས་ཀྱི་བག་ཆགས་དག་བྱེད་པའོ། །འཁོར་ནས་མྱ་ངན་འདས་པའི་ཆོས། །སྡུག་བསྔལ་ཀུན་འབྱུང་འགོག་པའི་ལམ། ཁུ།་དང་འབྲས་བུ་རྣམ་དག་པའི། ཁུ།ན་ཞུགས་ལན་ཅིག་འོང་བ་དང་། །མི་ལྡོག་དགྲ་བཅོམ་བརྟུལ་ཞུགས་མཆོག །རང་རྒྱལ་བྱང་ཆུབ་རྫོགས་པའི་ལམ། །རྟེན་ཅིང་འབྲེལ་བར་འབྱུང་བའི་ཆོས། །དེ་གནས་འཁོར་བའི་མཐའ་འགོག་ཅིང་། །མྱ་ངན་འདས་པར་མངོན་པར་གཉེར། །མ་རིག་འདུ་བྱེད་རྣམ་ཤེས་དང་། །མིང་སོགས་གཟུགས་དང་སྐྱེ་མཆེད་དྲུག །རེག་པ་ཚོར་བ་སྲེད་པ་དང་། །ལེན་པ་སྲེད་པ་སྐྱེ་རྒས་ཤི། །ཆོས་རྣམས་མངོན་པར་དགའ་བའི་མཐུས། །འཕགས་པའི་ཡེ་ཤེས་ཟད་པ་མེད། །ཉོན་མོངས་ལས་དང་སྡུག་བསྔལ་གྱི། །ཆ་ཤས་རྒྱུན་གྱིས་ཡུལ་ལས་འདས། །ཡང་དག་དགྲ་བཅོམ་ཆེན་པོའི་སྐུ། །དངོས་མེད་ནམ་མཁའ་དངས་པའི་བདག ཁྲེས་རབ་སྙིང་སྟོབས་ལས་ཀྱི་མཐུས། །སྤྱིན་དང་ཡང་དག་སྦྱངས་པ་དང་། །རྣམ་པར་གྲོལ་བའི་གཞན་རྒྱུན་སེལ། །ཐེག་པ་ཆེན་པོའི་མཚན་ཉིད་ཅན། །བདག་གཞན་རྒྱུད་རྣམས་གྲོལ་བའི་བློས། །ཡང་དག་ཡེ་ཤེས་སྤྱད་པ་སྤྱོད། །ཕ་རོལ་ཕྱིན་པ་རྣམ་བཅུ་ཡིས། །ས་བཅུ་ཡེ་ཤེས་རྫོགས་མཛད་ཅིང་། །བྱང་ཆུབ་ཕྱོགས་ཀྱི་ཆོས་རྣམས་དག །མ་འདྲེས་གཟུངས་ཀྱིས་སྦྱང་བྱས་ཏེ། །ཡང་དག་ཐེག་པའི་གནས་རྫོགས་པས། །འགྲོ་བ་ཐམས་ཅད་མགྲོན་དུ་གཉེར། །ཚད་མེད་བསྡུ་བའི་དངོས་པོ་ཡིས། །སྤྱོད་པ་རྒྱ་ཆེ་འཛིན་དང་བྲལ། །ཡང་དག་བསོད་ནམས་ཡེ་ཤེས་དག །ཐམས་ཅད་རྫོགས་པས་འབྲས་བུ་ཉིད། ཁུ་ཡང་གསང་ལ་འབྲས་བུའང་གསང་། །སྙིང་པོ་ཆོས་ཀྱི་དོན་ལས་བྱུང་། །སྐུ་དང་གསུང་དང་ཐུགས་ཀྱི་བདག །རྒྱུད་ཆེན་སྒྱུ་འཕྲུལ་དྲུ་བ་ཉིད། །ཕྱག་རྒྱའི་དཀྱིལ་འཁོར་རང་སྣང་བཞི། །རྡོ་རྗེ་ཐེག་པ་བླ་ན་མེད། །ཡང་དག་སྒྱུ་མའི་ཚུལ་གྱིས་ནི། །མ་ལུས་ཀུན་གྱི་དོན་རྫོགས་འགྱུར། །རང་བཞིན་རྣམ་དག་དེ་བཞིན་ཉིད། །ཐམས་ཅད་གཉིས་མེད་མཉམ་པའི་རྒྱ། །ཟུང་དུ་འཇུག་པའི་མཚན་ཉིད་ཅན། །ཕྱོགས་རྣམས་གང་གིས་བརྟགས་བྱས་ཀྱང་། །ཡང་དག་དོན་གྱི་དམིགས་དང་བྲལ། །མ་ལུསབདེབ ཆེནཔོའིདབྱིངས། །རང་བཞིན་གཅིག་ཏུ་རྫོགས་པ་ལ། །རྣམ་པར་བཀོད་པས་ཅི་ཞིག་འགྲུབ། །བྱ་བ་མེད་ལས་བྱ་བའི་ཚུལ། །བདེན་པ་གཉིས་སུ་དབྱེར་མེད་པ། །འདི་དག་སངས་རྒྱས་ཐེག་པའི་མཆོག །ལྷ་མི་སྟོབས་ལྡན་ལ་སོགས་པའི། །སྒྱུར་བཅས་ལམ་ལས་རྣམ་གྲོལ་བས། །འབྲས་བུ་རིག་པ་འཛིན་པའི་མཆོག །ཆོས་རྣམས་ཀུན་གྱི་རྒྱུ་ཉིད་དེ། །དེ་དག་འབྲས་བུ་བཟང་པོའི་ཚུལ། །སྙིང་པོའི་དོན་ཀུན་རྫོགས་པས་ན། །མ་ལུས་ཀུན་འདུས་གཏན་ལ་འབེབས། །ཇི་སྙེད་ཐེག་པ་བསམ་ཡས་པ། །དེ་དག་གསང་བའི་སྙིང་པོ་བཞི། །དོན་ཀུན་ངོ་བོ་རྣམ་དག་པའི། །དེ་ཉིད་ངེས་པར་རྨད་དུ་བྱུང་། །དེ་ལྟར་བསྟན་པ་སྣ་ཚོགས་པས། །མ་ལུས་ཆོས་རྣམས་ཡང་དག་རྫོགས། །རང་བཞིན་ཡེ་ཤེས་དཀྱིལ་འཁོར་གནས། །སྔོན་འབྱུང་སྤྲུལ་པའི་ཚུལ་གྱིས་ནི། །དུས་རྣམས་ཀུན་ཏུ་འགྱུར་མེད་ཅིང་། །ཡང་དག་མཐར་ཐུག་གནས་རྫོགས་པར། །དཀྱིལ་འཁོར་བསྟན་པའི་ངོ་བོ་ཉིད། །ཅེས་གསུངས་སོ། །རྡོ་རྗེ་སེམས་དཔའ་སྒྱུ་འཕྲུལ་དྭ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། །རང་བཞིན་གྱི་དཀྱིལ་འཁོར་བསྟན་པའི་ལེའུ་སྟེ་བཞི་པའོ།། །།དེ་ནས་ཏིངའཛིནཆེནཔོཡིས། །དགོངས་པའི་དོན་ཀུན་མཉམ་བཞག་པས། །ཆོས་རྣམས་ཇི་ལྟར་གནས་པ་ཡི། །ཏིང་འཛིན་ཡེ་ཤེས་རྟེན་རྫོགས་མཛད། །དེ་ཚེ་འཁོར་གྱི་གཙོ་བོ་དག །རབ་ཏུ་གུས་པས་གསོལ་འདེབས་༄༅། ཁེང་། །སྔ་མའི་དོན་ཆེན་ལས་འབྱུང་བས། །རང་གི་ཡེ་ཤེས་འདྲི་བར་བྱེད། །རྒྱལ་བ་ཐམས་ཅད་མཁྱེན་པའི་ཆོས། །དགོངས་པའི་དོན་ཀུན་མཉམ་རྫོགས་པར། །ཐུགས་རྗེ་ཆེན་པོས་རྐྱེན་སློང་ཞིང་། །མ་ལུས་འཇུག་པའི་དོན་བཞིན་བསྟན། །ཕྱི་ནང་ཆོས་རྣམས་ཐམས་ཅད་ཀུན། །སེམས་ཉིད་ཡེ་ཤེས་དག་པའི་དངོས། །ཡུལ་དང་དབང་པོ་རྣམ་ཤེས་ཚོགས། །ཕྱག་རྒྱའི་དཀྱིལ་འཁོར་རྫོགས་པ་ཉིད། །ཐམས་ཅད་དོན་ཀུན་རྣམ་པར་དག །བྱང་ཆུབ་སེམས་ཀྱི་ཏིང་འཛིན་ནི། །ཆོས་རྣམས་ཀུན་གྱི་རང་བཞིན་ཏེ། །དེ་དག་རང་གི་ཆོས་རྣམས་ཀྱིས། །བསྐུལ་བའི་ཡུལ་ལས་རྣམ་པར་འདས། །ཁ་དོག་དབྱིབས་སོགས་མ་ངེས་པས། །དེ་དག་མཚན་བཅས་དཔག་ཏུ་མེད། །ཏིང་འཛིན་རྒྱལ་པོ་ཆེན་པོ་ཡིས། །ཕ་རོལ་ཕྱིན་མཆོག་སྟོབས་རྫོགས་པར། །སངས་རྒྱས་ཀུན་གྱི་ཡེ་ཤེས་ཏེ། །དེ་ནི་ཆོས་ཀུན་ལམ་ལས་སྐྱེས། །དངོས་དང་འཇུག་པའི་མཐའ་བྲལ་བར། །ཐིག་ལེ་མི་ཤིགས་བསྟན་པའི་དངོས། །རིན་ཆེན་སྣ་ལྔའི་འོད་ཟེར་ཅན། །འབྱུང་འཇུག་གནས་ལ་ཀུན་བསྐྱེད་ཅིང་། །གཡས་གཡོན་ཕྲེང་བའི་ཚུལ་བཞིན་དུ། །ལམ་གྱི་ཡན་ལག་བརྒྱད་ཚོགས་བསྐྱེད། །མཁའ་དབྱིངས་སྤྲིན་ལས་ཆར་གྱི་རྒྱུན། །གློག་གི་ཕྲེང་བ་འོད་དང་བཅས། །སངས་རྒྱས་ཐེག་པ་བླ་མེད་པའི། །བྱེ་བྲག་གནས་ཀྱི་ཚུལ་འཇུག་པ། །དེ་དག་དོན་ཀུན་རྫོགས་པའི་གནས། །རང་རིག་སྟོབས་བསྐྱེད་གྲོལ་བར་འགྱུར། །གང་དུ་དྲི་མ་མེད་པ་ཡི། །ངེས་པའི་མཛོད་ཅན་སྙིང་པོ་ལས། །འོད་ཟེར་སྣ་ལྔའི་རྒྱུན་འཇུག་པ། །ཐབས་ཀྱི་ཡན་ལག་རྣམ་བདུན་གྱིས། །མུ་ཏིག་ཕྲེང་བའི་ཚུལ་བཞིན་དུ། །བསྐོར་བ་ཕྱག་རྒྱ་ཡན་ལག་བཞི། །ངེས་སྦྱོར་ཐབས་དང་ཤེས་རབ་སྟེ། །དབྱངས་དང་གསལ་བྱེད་ལས་འཕྲོས་པ། །ཁམས་གསུམ་ཡི་གེའི་དཀྱིལ་འཁོར་ཉིད། །ཐིག་ལེའི་རྒྱལ་པོ་མི་ཤིགས་པ། །ཡང་དག་བསྟན་པའི་ངོ་བོར་བརྟགས། འོད་ཟེར་ཡི་གེ་འབྲུ་ལྔ་ཡིས། །རང་གི་མཚན་མའི་གནས་རྒྱས་ཤིང་། །ཁམས་གསུམ་སྤྱོད་པ་རྣམ་གྲོལ་མཛད། །སངས་རྒྱས་བྱང་ཆུབ་སེམས་རྣམས་ཀྱིས། །ཐབས་འདི་སྒྱུ་འཕྲུལ་དགའ་བ་དངོས། །ཡན་ལག་བདུན་གྱི་སྣང་བ་ལས། །ཡན་ལག་བདུན་གྱི་འབྲས་རྫོགས་འགྱུར། །རང་གི་ཡེ་ཤེས་བརྟན་བྱས་པའི། །ཕྱག་རྒྱ་སྔགས་ཀྱི་རྒྱུར་ལྡན་པས། །ཕྱོགས་མཚམས་བླ་འོག་ཀུན་གསལ་ཞིང་། །དཀྱིལ་འཁོར་གནས་རྣམས་བསྟན་པར་འགྱུར། །ཡང་དག་བསོད་ནམས་ཡེ་ཤེས་ཚོགས། །རབ་ཏུ་སྦྱངས་པའི་སྟོབས་རྫོགས་ཏེ། །དམ་པ་རྒྱ་ཆེན་མཐའ་ཡས་པ། །ཁྱད་པར་བསྔགས་པའི་རྒྱུན་གྱིས་འཇུག །ཕྱོགས་རྣམ༷ས་ཀུན་ཏུ་བཀྲ་ཤིས་པ། །ཉེ་རེག་འཐོར་འཐུང་སྔགས་ཀྱི་ཆུ། །རིག་པ་ཁྲོ་བོ་ཁྲོ་མོར་བཅས། །བྱིན་རླབས་ཕྱག་རྒྱ་སྔགས་ཀྱིས་སྦྱངས། །ཐམས་ཅད་རྣམ་པར་དག་པ་ཉིད། །མཚན་བཅས་མཚན་མ་མེད་པ་དངོས། །ཨཱོཾ་མ་ཧྭ་ཀྲོ་དྷི་ཤྭ་རི་སརྦ་ཏྲ་པྲེ་ཤ་ཏ་ཡ། ཨཱོཾ༷་ཨུ༷༷ཧུ༷། རིགས་ཀྱི་མེ་ཏོག་སྔགས་དང་བཅས། །རིགས་ཀྱི་ཙསྡོན་བདུག་པའི་སྤོས། །ཕྱོགས་བཅུར་རྣམ་པར་སྤྲོ་བྱས་ཏེ། །བརྟན་པར་བཀྲ་ཤིས་བྱིན་རློབས་འཀྱུར། །བདེ་གཤེགས་ཀུན་གྱི་སྦྱོར་བ་ཡིས། །ལྷག་པའི་དཀྱིལ་འཁོར་གསལ་བྱས་ཏེ། །སྐུ་གསུང་ཐུགས་ཀྱི་བྱིན་རླབས་དང་། །རིགས་ཀྱི་དབུ་རྒྱན་མཚན་བྱས་པས། །རྣམ་གསུམ་སེམས་དཔའ་འཁོར་ལོ་ཡིས ཐམས་ཅད་ཀུན་རྒྱུད་རྣམ་པར་དག །མ་ལུས་དཀྱིལ་འཁོར་ཚོགས་བཅས་པའི། །ཐུགས་རྗེ་སྔགས་ཀྱིས་བསྐུལ་མཛད་ཅིང་། །ཡང་དག་སྤྱན་འདྲེན་བརྟན་པར་གནས། །ཨཱོཾ་ཨུ༷༷ཧཱུཾ༷། བཛྲ་ས་མ་ཡ་བ་ཧ། ཏ་ཐུ་ག་ཏ་ས་མྱ་ཛ་ཧཱུཾ༷། ཐུགས་རྗེ་ཆེན་པོའི་མཚན་ཉིད་ཀྱིས། །དཀྱིལ་འཁོར་བསྐྱེད་གནས་བརྟན་པ་དག །དམ་ཚིག་ཕོ་བྲང་གནས་བཟང་པོར། །རིམ་པའི་གདན་བཅས་བརྟན་པར་བཞུགས། །ཨོ་ཐུགས་རྗེ་ཆེན་པོའི་བྱིན་རླབས་ཀྱིས། །གསང་བའི་ཐེག་པ་བླ་ན་མེད། །དོན་འདི་ཡང་དག་སྦྱོར་བའི་མཐུས། །མགོན་པོ་ཉེར་བར་བརྩེ་དགོངས་མཛོད། །ཨེ་ཧྲེ་ཧི་བྷ་ག་ལྷན་མ་ཧྭ་ཀ་རུ་ཁེ་ཀ་དྲི་ཤུ་ཧོ། ས་མ་ཡ་སྟུ༷། རྡོ་རྗེ་ཁྲོ་བོ་རྣམ་སྤྲོས་པས། །ཕྱོགས་བ་་བགེགས་རྣམས་བཅོམ་མཛདདེ། །མཚོནཆམེལྟརའབར་བའི་ཚོགས། །མངོན་པར་འདོད་པའི་གནས་སུ་སྤྲོ། །བསྐལ་པའི་མཐར་ཐུག་ཚར་བཅད་ཅིང་། །མ་རུངས་པ་རྣམས་བཤིག་པའི་མཐུས། །ཕྱི་ཡི་རྒྱ་མཚོ་ཆེན་པོར་འཕོ། །རྡོ་རྗེ་ལ་སོགས་ས་གཞི་ལ། །ར་བ་གུར་དང་འདྲ་བར་འགྱུར། །ཡང་སྤྲུལ་མཚོན་ཆིའི་ཚོགས་དང་བཅས། །མེ་འོད་འབར་བ་འཁྲིགས་པའོ། །ཨོ་བཛྲ་ཛ་ལ་རཏྣ་མ་དྷ་ལ་སྒྱུ༷། སངས་རྒྱས་ཀུན་གྱི་བདག་ཉིད་ཀྱིས། །མགོན་པོའི་དཀྱིལ་འཁོར་བསྟན་པའི་དངོས། །ཡང་དག་སྐུ་ཡི་དཀྱིལ་འཁོར་ཉིད། །མཚན་མའི་འོད་ཕྲེང་རྒྱན་གྱིས་བརྗིད། །རིགས་གཅིག་རིགས་གསུམ་རིགས་ལྔ་དང་། །རིགས་དྲུག་རིགས་དགུ་ཉི་ཤུ་ལྔ། །རྒྱ་ཆེན་ཕྱི་ཡི་ནམ་མཁའི་དབྱིངས། །རྣམ་པར་སྣང་མཛད་འཁོར་ལོ་མཆོག །གསེར་མདོག་ཞལ་གསུམ་ཕྱག་དྲུག་པ། །གཡས་པ་གཡོན་པ་དམར་བའི་མདངས། །འཁོར་ལོ་རྡོ་རྗེ་རིན་ཆེན་དང་། །དྲིལ་བུ་པདྨ་རལ་གྲིས་མཚན། །རིགས་ཀྱི་དཀྱིལ་འཁོར་གཞན་རྫོགས་པར། །རྣམ་གསུམ་སེམས་དཔའ་བདག་ཉིད་ལ། །འཁོར་ལོ་ཨོ་ཡིག་གསལ་ལྡན་པ། །གསང་སྔགས་ཕྲེང་བས་མཛེས་བྱས་པའི། །བཟླས་བརྗོད་ཐིག་ལེ་ཕྲ་མོའི་ཚོགས། །རིགས་ཀྱི་སྐུ་རྣམས་སྤྲོ་ཞིང་བསྡུ། །དེ་བཞིན་གཤེགས་པའི་གནས་ཆེན་པོར། །ཡན་ལག་ལྔ་ཡིས་རྫོགས་བྱས་ཏེ། །དངོས་གྲུབ་དཀྱིལ་འཁོར་བརྟན་པར་གནས། །འདོདཆགསཆེནཔོའིགནསའཇུག་པའི། །གསུང་གི་བདག་པོ་གསལ་ལྡན་པའི། །པདྨ་རྭ་གའི་མདངས་གསལ་ཞིང། །དམཚིགའཁོརལོརྣམ་པར་བསྒོམ། །ཞལ་གསུམ་ཕྱག་ཀྱང་དྲུག་པ་སྟེ། །སྔོ་དང་དཀར་བའི་བཞིན་རྒྱས་པར། །ཀུན་ནས་འོད་ཟེར་ཕྲེང་བས་བཀླུབས། །སེམས་དཔའ་གསུམ་གྱི་བདག་ཉིད་ཅན། །གསང་སྔགས་ཕྲེང་བས་འཁྲིགས་པ་ཡི། །འོད་འཕྲོ་འབར་བའི་དཀྱིལ་འཁོར་ཉིད། །གཅིག་དང་གསུམ་ལ་སོགས་པའི་བདག །ལྷག་པར་མོས་པའི་གནས་བསྒོམས་ཏེ། །པདྨ་ཨུ༷་ཡིག་དཔལ་ལྡན་པར། །ཐབས་དང་ཤེས་རབ་ཕྲེང་བའི་གནས། །དཔའ་བོ་ཐིག་ལེ་རྫོགས་པ་ཉིད། །འོད་ཕྲེང་སྔགས་ཀྱི་རྣམ་པ་ཡིས། །ཕྲ་མོ་རྫོགས་པའི་བར་དུ་བསྒོམ། །གཉིས་མེད་ཡེ་ཤེས་རྣམ་གྲོལ་བས། །གསུང་གི་དཀྱིལ་འཁོར་བརྟན་པར་འགྱུར། །མཆོག་ལྡན་རྡོ་རྗེ་སེམས་དཔའ་ཉིད། །དཀྱིལ་འཁོར་རྒྱས་པའི་གནས་སུ་སྟེ། །མཐའ་ཡས་དཀྱིལ་འཁོར་རྒྱས་པར་འབར། །རྟེན་དང་རྟེན་གནས་མཉམ་སྙོམས་ཤིང་། །ཕྱག་རྒྱའི་མཚན་མ་སྣ་ཚོགས་དབུས། །མགོན་པོ་ཞལ་གསུམ་ཕྱག་དྲུག་པ། །མཐིང་ཀ་དཀར་དང་དམར་བའི་འོད། །རྡོ་རྗེ་ལ་སོགས་མཚན་མའི་ཚོགས། །སེམས་དཔའ་གསུམ་གྱི་བདག་ཉིད་ཅན། །ཐིག་ལེ་ཕྲ་མོའི་ཆ་རྫོགས་པར། །བཟླས་པའི་ཡན་ལག་མ་ཉམས་ཤིང་། །རིགས་ཀྱི་དཀྱིལ་འཁོར་བརྟན་པར་མཛད། །ཀུན་ནས་ཡོན་ཏན་རྫོགས་པའི་ཆོས། །རིནཆེནགནསཀུནལོངས་སྤྱོད་པ། །དེ་ནས་ཕོ་བྲང་བརྟན་པའི་དབུས། །དཀྱིལ་འཁོར་བྱེ་བྲག་མཐའ་ཡས་ཀུན། །མ་ལུས་འདུས་པའི་ངོ་བོ་ཉིད། །ཞལ་གསུམ་ཕྱག་དྲུག་རྒྱན་གྱིས་མཛེས། །སྔོ་དང་དཀར་དང་དམར་བའི་འོད། །རིན་ཆེན་ལ་སོགས་མཚན་མས་བརྒྱན། །སེམས་དཔའ་གསུམ་གྱི་བདག་ཉིད་ཅན། །རིན་ཆེན་གནས་འབར་གྲྭ་ཡིག་ལས། །འོད་བཅས་ཕྲེང་བའི་རྒྱན་གྱིས་མཛེས། །ཕྱག་རྒྱ་ཆེན་པོ་སྙོམས་འཇུག་པའི། །ཡང་དག་ཆོས་སྐུ་བདེ་བ་སྤྲོ། །ཐིག་ལེ་ཕྲ་མོའི་གནས་རྫོགས་པའི། །གྲངས་བཅས་མཚན་མ་རྫོགས་བཅས་ཏེ། །བཟླས་བརྗོད་ལ་སོགས་སྦྱངས་པའི་མཐུས། །རིན་ཆེན་དཀྱིལ་འཁོར་བརྟན་པར་འགྱུར། །ཡོན་ཏན་ཆེན་པོའི་བདག་ཉིད་དུ། །མ་ལུས་ཀུན་འདུས་རྫོགས་པར་གནས། །ཕྲིན་ལས་མཐའ་ཡས་ཁྱབ་པའི་ཚོགས། །ལས་ཀྱི་རིགས་ཀུན་རྫོགས་པ་ཡི། །གཙོ་བོ་དོན་ཡོད་གྲུབ་པ་ཉིད། །རང་གི་དཀྱིལ་འཁོར་གནས་བཞུགས་ཏེ། །ཞལ་གསུམ་ཕྱག་དྲུག་བརྗིད་པའི་སྐུ། །ལྗང་སྔོན་གཡས་གཡོན་དཀར་དང་དམར། །རྒྱ་གྲམ་ལ་སོགས་མཚན་མས་མཛེས། །རིགས་ཀྱི་དཀྱིལ་འཁོར་མཐའ་ཡས་པར། །སེམས་དཔའ་རྣམ་པ་གསུམ་ལྡན་ཞིང་། །སྣ་ཚོགས་རྡོ་རྗེ་ཧྭ་ཡིག་ལས། །གཡས་གཡོན་ཐབས་དང་ཤེས་རབ་རྒྱ། །ཕྱག་རྒྱའི་དཀྱིལ་འཁོར་ཀུན་སྟོན་པའོ། །ཐེག་ལེ་ཕྲ་མོའི་ཆ་རྫོགས་པས། །ཇི་སྲིད་དཀྱིལ་འཁོར་བརྟན་བྱེད་ཅིང་། །མཚན་མའིརངབཞིནསྔགསལྡནཔས། །བཟླས་བརྗོད་ལ་སོགས་བསྟན་པའི་ཚོགས། །དོན་ཀུན་མཚན་མ་མེད་པཉིད། །བདེགཤེགསཀུནགྱིས་འཁོར་ལོ་ཡི། །ཆོ་ག་སྟོབས་བརྗོད་དཔའ་བོ་ཆེ། །མི་ཤིགས་ཡན་ལག་བརྟན་བྱས་པས། །དངོས་གྲུབ་དོན་ཀུན་གསང་བའི་ཚུལ། །མདུན་གྱི་འཁོར་ལོ་ལ་བརྟེན་ཏེ། །ཀུན་ཀྱང་ཕྱག་འཚལ་མཆོད་འབུལ་ཞིང་། ཁུན་བཤགས་རྗེས་སུ་ཡི་རང་དང་། །ཆོས་ཀྱི་འཁོར་ལོ་བསྐོར་མཛད་དེ། །མྱ་ངན་མི་འདའ་བརྟན་པར་གནས། །ཡང་དག་བྱང་ཆུབ་ལམ་ལ་གནས། །ཕྱོགས་རྣམས་ཀུན་ནས་ལུས་འབུལ་ཞིང་། །རྗེས་སུ་གནང་བའི་བཀའ་ཐོབ་ནས། །དེ་དག་སྤྱོད་པ་རྒྱ་ཆེན་པོ། །མ་ལུས་འགྲོ་གནས་ལ་བལྟས་ཏེ། །སྡུག་བསྔལ་ཐམས་ཅད་བསལ་བྱེད་ཅིང་། །བདེ་བའི་ཚོགས་རྣམས་བསྒྲུབས་བྱས་ཏེ། །ཐར་པ་མྱ་ངན་འདས་པའི་ལམ། །དོན་རྫོགས་བཏང་སྙོམས་ཆེན་པོའི་དབྱིངས། །ཡང་དག་བསོད་ནམས་རྒྱ་ཆེན་པོ། །མི་དམིགས་རྟོགས་པའི་ཤེས་རབ་ཀྱིས། །འཁོར་གསུམ་ཡོངས་སུ་དག་པ་ཉིད། །ཡེ་ཤེས་ཚོགས་ཀྱི་གནས་ཡིན་ནོ། །གཞི་རྩ་མཚན་མ་ཀུན་དང་བྲལ། །ཕྱི་ནང་ཡུལ་ཀུན་མ་སྐྱེས་པའི། །ཐམས་ཅད་གཉིས་མེད་བྱང་ཆུབ་སེམས། །མ་ལུས་དོན་མཆོག་གསང་བའི་གསང་། །འགྲོ་ལ་ཁྱབ་པའི་ཐུགས་རྗེ་ཉིད། །རང་བཞིན་ངང་གིས་རྣམ་པར་དག །ཐམས་ཅད་མཚན་ཉིད་རྫོགས་པ་ཡི། །སྟོང་གསལ་རིགས་པའི་ཡེ་ཤེས་ཉིད། །མུན་ལ་སྣང་བྱུང་འོད་ཀྱི་ཚུལ། །སངས་རྒྱས་ཀུན་གྱི་བདག་ཉིད་ཀྱི། །ཡེ་ཤེས་སྟོབས་རྫོགས་ཀུན་ཏུ་བཟང་། །གློ་བུར་སྤྲིན་གྱི་ཚོགས་དངས་པས། །ནམ་མཁའི་འོད་བཅས་གསལ་བར་སྣང་། །དཀར་པོ་ཞལ་གསུམ་ཕྱག་དྲུག་པོ། །གཡས་དང་གཡོན་ནི་སྔོ་དང་དམར། །རྡོ་རྗེ་འཁོར་ལོ་རིན་ཆེན་དང་། །དྲིལ་བུ་པདྨ་རལ་གྲིས་མཚན། །དབུ་རྒྱན་མགུར་ཆུ་དོ་ཤལ་དང་། །སྙན་ཆ་ཕྱག་ཞབས་གདུབ་བུ་ཕྲེང་། །རལ་པ་འབར་བའི་ཐུགས་རྗེ་ཅན། །ན་བཟའ་འོད་ཟེར་མཚན་དཔེས་མཛེས། །ཉི་ཟླའི་དཀྱིལ་འཁོར་བརྟན་པ་ལ། །རིགས་ཅན་ཡུམ་སྦྱོར་མཉམ་པའི་སྟབས། །སྐུ་གསུང་ཐུགས་ཀྱི་ཕྱག་རྒྱ་དང་། །ཡེ་ཤེས་སེམས་དཔའ་སྔགས་དང་བཅས། །ཐུགས་རྗེའི་འོད་ཟེར་ཕྲེང་བ་ཡིས། །མ་ལུས་དཀྱིལ་འཁོར་རྒྱ་ཆེན་ཚོགས། །སྟོང་གསལ་ནམ་མཁའི་རང་བཞིན་ལ། །རླུད་གི་དཀྱིལ་འཁོར་རྒྱ་ཆེན་གཏམས། །དེ་དབུས་བདུད་རྩིའི་རྒྱ་མཚོ་ཉིད། །འབྱུང་ཆེན་གསེར་གྱི་གཞིར་བཅས་པར། །ཀུན་ནས་མེ་འོད་འཁྲིགས་པའི་དབུས། །འོག་མིན་གནས་སོགས་རིམ་བཞིན་ཆགས། །འཁོར་ལོ་ཆེན་པོའི་ས་གཞི་ལ། །ཁང་པ་གྲུ་བཞིས་རྣམ་པར་བརྗིད། །ཕྱི་རོལ་ར་བའི་རིམ་བཞིན་འཁྲིགས། །ཐེག་པ་ཀུན་གྱིས་བརྒྱན་པ་ཡི། །རྟ་བབས་བཟང་པོ་རིམ་བཞིན་བརྩེགས། །རྣམ་ཐར་བརྒྱད་ཀྱི་བདག་ཉིད་ཅན། །སངས་རྒྱས་ཐེག་པ་བསམ་ཡས་པའི། །པ་ཏྲོརེ་ཕྲེང་བས་མཛེས་བྱས་པའི། །ཐེག་པ་བཞི་ཡི་འཇུག་སྒོ་ནས། །ཚད་མེད་བཞི་བཅས་ཕྲིན་ལས་རྫོགས། །རིན་ཆེན་དྲ་བ་དྲ་ཕྱེད་དང་། ཁྲར་བུ་ཕྱེ་མའི་ཕུང་པོས་བརྒྱན། །གདུགས་དང་རྒྱལ་མཚན་བ་དན་སོགས། །རྡོ་རྗེ་རིན་ཆེན་མཚན་མ་དང་། །ཟླ་ཕྱེད་རྡོ་རྗེ་མི་འཇིགས་སྟོབས། །འདོད་ཡོན་ལྷ་མོ་ཕྱོགས་བཅུར་འཁྲིགས། །ལྷག་པའི་ཡེ་ཤེས་རིན་པོ་ཆེ། །ཉི་ཤུ་རྩ་ལྔའི་རྟགས་རྣམས་ཀྱིས། །རང་གི་དཀྱིལ་འཁོར་མཛེས་བྱས་པ། །ཕྱི་དང་ནང་མེད་གསང་བའི་མཆོག །དབུས་ཀྱི་ཕོ་བྲང་འཁོར་ལོ་ཉིད། །ཡེ་ཤེས་ལྔ་ཡི་དོན་རྫོགས་ཤིང་། །ཐེག་པ་ཆེན་པོའི་ཚུམ་ཉིད་མཛེས། །རྡོ་རྗེ་འཁོར་ལོ་ཕྱག་རྒྱའི་ཚོགས། །ཀ་བ་གདུང་བཅས་དྲ་བ་དང་། །དབུ་རྩེ་ནོར་བུ་བཟང་པོས་མཛེས། །རྡོ་རྗེ་ལ་སོགས་མཚན་མ་ལ། །འོད་ཀྱི་དཀྱིལ་འཁོར་འབར་བས་བརྒྱན། །མངོན་པར་འཕགས་པའི་གནས་རྣམས་སུ། །རིན་ཆེན་འབར་བའི་ཁྲི་སྟེང་ལ། །མི་འཇིགས་བཞི་དང་སྟོབས་བཅུ་དང་། །རྫུ་འཕྲུལ་བཞི་གནས་དབང་བ་་བརྒྱན། །ཐོགས་མེད་གངས་ཆེན་མཚོ་ལྔ་ཡི། །འོད་གསལ་ཐབས་དང་ཤེས་རབ་ལ། །མ་ཆགས་ཆུ་སྐྱེས་རྣམ་པར་དག །ཕྱི་རོལ་བྱང་ཆུབ་སེམས་དཔའི་གནས། །རྣམ་དག་འོད་ཀྱི་དཀྱིལ་འཁོར་ལྡན། །ཁྲོ་བོ་རྡོ་རྗེའི་བྲག་ཆེན་རྣམས། །ཐུགས་རྗེ་ཉི་མའི་དཀྱིལ་འཁོར་ཉིད། །རང་གི་དཀྱིལ་འཁོར་ས་གཞི་ལ། །འོད་འབར་ཕྲེང་བས་འཁྲིགས་པའོ། །གཙོ་བོ་ཆོས་ཀྱི་སེམས་དཔའ་ཉིད། །དབུས་ཀྱི་དཀྱིལ་འཁོར་གནས་བཞུགས་ཏེ། །ཕྱོགས་བཡི་རྒྱལ་བ་མཉེས་མཛད་ཅིང་། །ཀུན་གྱི་བྱིན་རླབས་བརྟན་པར་གནས། །ཆོས་རྣམས་ཐམས་ཅད་རྣམ་དག་པའི། །ཏིང་འཛིན་ཡེ་ཤེས་རྒྱ་ཆེན་པོ། །མ་ལུས་མཐའ་དག་ཉིད་ཀྱི་དབྱིངས། །བྱང་ཆུབ་སེམས་ཀྱི་གཟུགས་ཅན་ཏེ། །དང་པོའི་ཡི་གེ་ལས་བྱུང་བ། །འོད་གསལ་ཀུན་ནས་རྒྱས་པ་དག །དབྱངས་ཀྱི་ཕྲེང་བས་ཉེ་བར་མཉེས། །ཀུན་ཏུ་རྣམ་པར་འཕྲོས་པའི་མཐུས། །དེ་དག་ཕྲིན་ལས་བརྟན་མཛད་ཅིང་། །མཚན་བཟང་སུམ་ཅུ་རྩགཉིས་རྫོགས། །ཕྱོགས་ཀྱི་རིགས་རྣམས་བསྡུ་བྱས་ཏེ། །རང་གི་དཀྱིལ་འཁོར་བརྟན་པར་གནས། །གཉིས་འགྱུར་ཕྲེང་བ་རྣམ་པར་དག །འོད་ཟེར་རྒྱུན་གྱིས་མཛེས་པའོ། །ཐུགས་རྗེ་ཆེན་པོའི་འོད་གསལ་བ། །གཉིས་པའི་ཡི་གེ་སྡེར་བཅས་རྣམས། །རྟེན་དང་བརྟེན་པའི་གཙོ་འཁོར་ཚུལ། །འོད་འབར་ཁ་དོག་ལྔ་ཡི་མདངས། །མ་ལུས་སྤྲོས་པས་སྔོན་བཞིན་དུ། །སངས་རྒྱས་དཔེ་བྱད་བཟང་པོའི་ཚོགས། །ཉིས་འགྱུར་ཐབས་དང་ཤེས་རབ་སྟེ། །གཡོ་བའི་ཚོགས་བཅས་གང་དུ་ཉིད། །སྣ་ལྔའི་ཕྲེང་བས་ཀུན་ཏུ་འཁྲིགས། །གསུང་གི་ས་བོན་རྫོགས་པ་ལ། །ཐུགས་ཀྱི་ཕྱག་རྒྱ་འབར་བའི་ཚུལ། །གསང་སྔགས་ཡི་གེའི་ཕྲེང་བ་དང་། །ཐམས་ཅད་ཀུན་གནས་སངས་རྒྱས་པས། །དེ་དག་དཀྱིལ་འཁོར་རྫོགས་པར་མཛད། །གསང་བ་ཡུམ་གྱི་འོད་ཟེར་གྱིས། །སྙིང་པོའི་དཀྱིལ་འཁོར་བརྟན་པར་གྱུར། །རབ་ཏུ་རྫོགས་པའི་ཡེ་ཤེས་ཉིད། །རང་གི་སྔགས་ཀྱིས་བརྟན་གནས་པའོ། །ཡོངས་སུ་རྫོགས་པའི་ཕྱག་རྒྱ་༄༅། ཆེ། །ཐམས་ཅད་གནས་ཀུན་སྙོམས་འཇུག་པས། །གཙོ་བོ་ཐུབ་པ་ཆེན་པོའི་སྐུ། །རབ་ཏུ་རྫོགས་པ་བཞིན་རྒྱས་པའོ། །ཀུན་ཏུ་བཟང་པོའི་སྤྱོད་པ་དག །རབ་ཏུ་རྫོགས་པའི་ཡེ་ཤེས་ཉིད། །ཐིག་ལེ་ལ་གནས་ཐིག་ལེ་མཆོག །ཐིག་ལེ་ཆེན་པོ་མཉམ་ལྡན་པས། །བྱང་ཆུབ་ཡན་ལག་རྣམ་པར་འཕྲོ། །ཚུལ་རྣམས་བགྲོད་པ་མེད་པའི་ལམ། །ཐབས་དང་ཤེས་རབ་རྒྱས་པ་ཡིས། །རྡོ་རྗེ་རྣམ་བཞི་དག་པའི་ཚུལ། །རབ་ཏུ་སྦྱངས་པའི་སངས་རྒྱས་མཆོག །དེ་དག་བསྙེན་པའི་དཀྱིལ་འཁོར་གྱིས། །རིགས་ཀྱི་འཁོར་ལོ་ཆེ་གནས་སྦྱོར། །སངས་རྒྱས་ཀུན་དང་གཅིག་པའི་བློས། །ཉེ་བར་བསྙེན་པའི་རྒྱུན་ལྡན་ཞིང་། །བྱང་ཆུབ་སེམས་ཀྱི་ཡི་གེ་ཉིད། །རང་གི་གནས་སུ་རྫོགས་བྱེད་པའོ། །དེ་དག་གོམས་པ་གསལ་བ་དང་། །མི་ཤིགས་ཐིག་ལེ་བརྟན་པར་འགྱུར། །སངས་རྒྱས་ཀུན་གྱི་སྐུ་གསུང་ཐུགས། །ཐབས་རྣམས་བསྒྲུབ་པའི་ཕྱག་རྒྱ་ཡིས། །མངོན་སུམ་རིགས་ཀྱི་སྐུར་སྦྱོར་ཞིང་། །ས་ཡི་ཁྱད་པར་སྦྱོར་མཛད་པས། །རྫུ་འཕྲུལ་ལེགས་པར་གཞན་རྒྱུད་སེལ། །ཡང་དག་གྲུབ་པ་ཆེན་པོའི་མཆོག །རྟགས་ཀྱི་ཕྱག་རྒྱ་གཉིས་མེད་སྐུ། །ཁམས་གསུམ་གནས་རྣམས་རྫོགས་བྱེད་པའི། །ཕྱག རྒྱཆེན པོའིརིགས ཀྱི་བདག །ཐེག་པའི་མཐའ་རྣམས་མ་འགགས་པར། །ཀུན་འབྱུང་གནས་ཀྱི་ཆོ་ག་ཉིད། །ཡིདབཞིནནོརབུརིན ཆེན མཆོག །ཕྱོགས་བཅུ་ཀུན་ནས་བསགས་པའོ། །རྒྱལ་བ་ཀུན་གྱི་གནས་རྫོགས་པ། །སྣ་རྩེ་ཐིག་ལེ་རིན་ཆེན་ལྔ། །དབང་པོ་དྲུག་གི་ཡུལ་དང་ལྡན། །ཡན་ལག་བགྲང་དང་བགྲང་འདས་པར། །མཚན་མ་རྣམ་པ་བཞི་ལྡན་ཞིང་། །ཇི་སྲིད་བསྟན་པའི་གནས་སུ་བཞག །བྱང་ཆུབ་སེམས་ཀུན་རྫོགས་པ་ན། །བཅུ་དྲུག་ཆ་ཤས་གྲངས་ལས་འདས། །མི་ལྡོག་གནས་ཀྱི་ཏིང་ངེ་འཛིན། །ཉི་ཟླའི་དཀྱིལ་འཁོར་སྦྱར་བའོ། །རིམས་བཞིན་དབང་པོ་དྲུག་གི་ཡུལ། །སྤྲོ་དང་བསྡུ་བའི་ཡན་ལག་གིས། །གསང་སྔགས་ཕྱག་རྒྱ་སྐུར་རྫོགས་པར། །རིགས་གཅིག་གསུམ་དང་ལྔ་ལ་སོགས། །ཐབས་ཀྱི་ཡན་ལག་བསམ་ཡས་ཤིང་། །ཞིང་ཁམས་གནས་ཀུན་དག་པར་བྱེད། །རྡོ་རྗེ་འཁོར་ལོ་རིན་ཆེན་དང་། །པདྨ་མཚན་བཅས་རལ་གྲིར་བཅས། །འོད་ཟེར་སྣ་ལྔའི་ཕྲེང་བ་ཉིད། །ཀུན་ནས་འཁྲིགས་པའི་སྔགས་དང་བཅས། །གསུམ་གྱི་དམ་ཚིག་ཡེ་ཤེས་ཆེ། །ཁ་སྤྱོར་ཐིག་ལེ་ལས་རྫོགས་པའོ། །ཕྱག་རྒྱ་གསང་བའི་ཡི་གེ་མཆོག །བདུན་འགྱུར་དྲག་པོའི་གསང་ཚིག་བཅས། །མ་ནིང་གནས་ལས་གྲོལ་བ་ཡིས། །རང་གི་སངས་རྒྱས་ཐམས་ཅད་ལ། །རིན་ཆེན་གའུའི་བཅུད་རྫོགས་པས། །ཉི་ཟླའི་དཀྱིལ་འཁོར་རྒྱས་པར་འགྱུར། །གནས་དང་གནས་མིན་གསང་བའི་ཡུལ། །ཕྲ་མོའི་སེམས་ཀྱི་ཏིང་འཛིན་གྱིས། །ཐ་སྙད་ཐམས་ཅད་འགོག་བྱེད་ཅིང་། །ཁམས་གསུམ་སྐྱེ་འགྲོ་རྣམ་པར་དག །ཡང་དག་འཕེལ་བས་གོམས་པ་དང་། །བརྡ་ཡི་མིང་ཚོགས་སུམ་ཅུ་གཉིས། །ཐིག་ལེ་འོད་ཟེར་སྣ་ཚོགས་དང་། །རབ་ཏུ་ཞུ་བས་བདེ་ཆེན་དབྱིངས། །ཇི་སྲིད་བརྟན་པར་གནས་པའི་དུས། །ཀུན་འཛིན་ཡི་གེས་སྡོམ་བྱེད་ཅིང་། །དབབ་དང་འཁྱིལ་དང་སྤྲོ་བ་དང་། །སླར་བསྡུས་ཡང་དག་ཡེ་ཤེས་གནས། །ཐབས་དང་ཤེས་རབ་སྙོམས་འཇུག་རྣམས། །ཉི་ཤུ་རྩ་ལྔའི་བྱེ་བྲག་རྫོགས། །དོན་ཀུན་གསང་བ་ཇི་བཞིན་ཉིད། །བྱ་བ་ཆེན་པོས་གཞན་རྒྱུད་སེལ། །ཙོག་པུ་རུས་སྦལ་གསུམ་སོགས་ཀྱིས། །གཉིས་མེད་འཁྲིལ་བའི་ཆ་ལུགས་དག །མཐར་གནས་དབང་པོ་གཞན་དུ་བསྒྱུར། །རིགས་ཀྱི་དཀྱིལ་འཁོར་རང་ཉིད་ཀྱི། །ཕྱག་རྒྱ་བདེ་བ་མཚན་མར་བཅས། །ཉོན་མོངས་གནས་ཀུན་གྲོལ་བྱེད་པ། །སྒྱུ་མའི་དཔེ་བྱད་ཡེ་ཤེས་ཉིད། །དང་པོའི་སངས་རྒྱས་བཟང་པོ་ལ། །རིགས་རྣམས་རྫོགས་པས་དབུ་བརྒྱན་ཅིང་། །ཐུགས་ཀྱི་དཀྱིལ་འཁོར་རྣམ་པར་དགོད། །མེ་རླུད་སྦྱོར་བས་བསྐུལ་བྱས་ཏེ། །ཐིག་ལེ་འོད་ཟེར་གྱེན་འབར་བས། །སྨིན་བྱེད་ཁྱབ་པ་བདེ་བའི་མཆོག །རང་གི་གནས་སུ་རྣམ་པར་འཁྱིལ། །སྤྲུལ་པའི་འཁོར་ལོ་ཆེར་རྒྱས་སོ། །འོད་དམར་ཆགས་པའི་རི་མོ་ཅན། །ཨུ༷་ཡིག་སྔགས་ཀྱིས་ཕྲེང་བས་ནི། །དྲུག་ཅུ་རྩ་བཞིའི་གནས་རྣམས་སུ། །བདེ་ཆེན་ཐིག་ལེའི་ཚུལ་བཞུགས་ཤིང་། །དེ་མིང་བོར་བའི་སྒྲ་དང་བཅས། །ཐབས་ཀྱི་ཚུལ་གྱིས་རྣམ་པར་སྤགས། །ཆོས་ཀྱི་དཀྱིལ་འཁོར་ཧཱུཾ༷་གིས་རྫོགས། །དཀར་སེར་འོད་ཟེར་ལྔ་ཡི་མདངས། །གནས་བརྒྱད་ཡི་གེའི་ཕྲེང་བས་མཛེས། ཁྲེས་པ་བརྒྱད་གནས་ཡེ་ཤེས་རྫོགས། །བྱ་བ་ཆེན་པོའི་དོན་ཀུན་སྟོན། །དེ་དག་སྐྱེ་དང་འགག་པ་དང་། །ཡང་དག་སྦྱངས་པས་ཀུན་གྲོལ་ཞིང་། །གཉིས་མེད་ཡེ་ཤེས་བརྟན་པའི་ཚུལ། །སྒྲ་གནས་བརྗོད་པའི་ཚུལ་ལྡན་པས། །གསང་གསུམ་དམ་ཚིག་སྔགས་ཀྱི་གནས། །བཅུ་དྲུག་བདུད་རྩི་འཛག་པ་ཡི། །དཀར་དམར་འོད་ཟེར་ཕྲེང་བ་ཅན། །ཨུ༷་ཡིག་དབྱངས་ཀྱི་ཡི་གེ་རྒྱས། །ཀུན་འབྱུང་བརྗོད་པས་ཡི་གེ་སྟེ། །སྤྲོ་དང་བསྡུ་བས་དག་པའི་ཚུལ། །མི་འགྱུར་བསྟན་པའི་ཐིག་ལེ་ཉིད། །ཧ༷་ཡིག་སྙིང་པོ་བྱང་ཆུབ་སེམས། །ཟླ་བའི་དཀྱིལ་འཁོར་ལ་གནས་ཤིང་། །ཀུསྡོ་ངང་གི་འོད་གསལ་མདངས། །སུམ་ཅུ་རྩ་གཉིས་ཡི་གེའི་ཚོགས། །འཁོར་ལོའི་གནས་ལ་སྙོམས་འཇུག་ཅིང་། །རང་གི་དཀྱིལ་འཁོར་བརྟན་བྱེད་པའོ། །དགའ་དང་རྗེས་སུ་དགའ་བ་དང་། །དགའ་བྲལ་ལྷན་ཅིག་སྐྱེས་པ་ཡི། །ཡན་ལག་ཆ་ཤས་ཀུན་རྫོགས་པའོ། །གནས་སྐབས་ཆོས་ཀྱི་བྱེ་བྲག་གིས། །དངོས་གྲུབ་ཕྲིན་ལས་བརྟན་བྱེད་ཅིང་། །འདོད་པའི་ཡུལ་ཀུན་རྣམ་པར་སྦྱང་། །ཐ་དད་དོན་རྫོགས་རྣམ་དག་པའི། །ཡེ་ཤེས་བཅུ་དྲུག་རིམ་གྱིས་རྫོགས། །གཡས་དང་གཡོན་གྱི་སྦྱོར་བ་ལས། །ཨུ་ལི་ཀྭ་ལིའི་གནས་རྫོགས་ཏེ། །ཉི་ཟླའི་འོད་ཟེར་འཕྲོ་བ་དག །རབ་ཏུ་གོམས་པས་དཀྱིལ་འཁོར་རྫོགས། །བདེཆེན་སྡིག་བྲལ་གཟུགས་སུ་གནས། །མཚན་ཉིད་ཇི་བཞིན་ཚུལ་བཞུགས་པས། །ཕྱག་རྒྱའི་ཐིག་ལེ་འབེབས་པར་བྱེད། །ཉི་དཀྱིལ་རྡོ་རྗེ་ལ་གནས་པའི། །ཧཱུཾ༷་ཡིག་འོད་བཅས་རིན་པོ་ཆེ། །ཆ་ཤས་ཀུན་རྫོགས་སྐུ་ཡི་དབྱིག །སྙིང་པོ་ས་བོན་གསང་བས་མཚན། །པདྨ་ཨུ༷༷ཡིག་ལས་མཚན་པའི། །གྲུ་གསུམ་ཆོས་ཀྱི་བྷ་ག་བཟང་། །གེ་སར་ཟེའུ་འབྲུའི་སྙིང་པོ་ཅན། །རྟེན་འབྲེལ་ཧོ་ཡིག་མཛེས་པར་གནས། །གཡས་དང་གཡོན་ནི་སྦྱོར་བ་ཡི། །མ་ལུས་ཆགས་པ་ཆེན་པོའི་དངོས། །དམ་ཚིག་ཆགས་པའི་བརྡ་བསྐུལ་ཞིང་། །ཕྱག་རྒྱ་བཞི་ཡི་སྙོམས་འཇུག་པས། །ཡང་དག་ཡེ་ཤེས་རྫོགས་པར་སྦྱོར། །ཉི་ཟླ་དུས་གཅིག་འཆར་བ་ཡིས། །རིགས་ཀྱི་དཀྱིལ་འཁོར་གསལ་བར་རྫོགས། །སངས་རྒྱས་ཐམས་ཅད་མཆོད་བྱེད་ཅིང་། །ཡང་དག་རྫོགས་པས་གཉིས་སུ་མེད། །འགྲོ་གནས་རྒྱ་ཆེན་མ་ལུས་དག །དབང་བསྐུར་རྣམ་པར་དག་པའི་མཐུས། །རིགས་ཀྱི་དཀྱིལ་འཁོར་རྒྱས་པ་ཉིད། །རྣལ་འབྱོར་ཆེན་པོ་གསལ་བར་མཛད། །ཕོ་བྲང་གདན་བཅས་ཡང་དག་རྫོགས། ཁྲེས་རབ་ཐབས་ཀྱི་ཕྱག་རྒྱ་ལས། །རིགས་རྣམས་དཀྱིལ་འཁོར་གསལ་བརྟན་ཅིང་། །ཆོ་ག་རྣམ་པ་གསུམ་དག་གིས། །ཐར་པཆེནཔོའིགྲོངཁྱེར་མཆོག །རང་བཞིན་རིགས་མཆོག་ལྷུན་གྱི་གྲུབ། །ཕྱི་རོལ་འགྲོ་བའི་གནས་སྤྲོས་ཏེ། །ཞིངཁམསཆེནཔོརྣམཔརདག །རིགས་ཀྱི་བདགཔོདེབཞིནཉིད། །འབྲས་བུ་རྫོགས་པས་དཀྱིལ་འཁོར་ཆེ། །ཐམས་ཅད་གཅིག་ཏུ་བསྡུ་བ་ཡི། །ཆོ་ག་རྡོ་རྗེ་བརྟན་པོའི་བདག །གསལ་བྱེད་ཨོ་ཡིག་ལས་འཕྲོས་པས། །སྣ་ཚོགས་སྐུ་ཡི་དཀྱིལ་འཁོར་མཆོག །བདེ་གཤེགས་ཀུན་གྱི་གནས་འཇུག་ཅིང་། །རིགས་ཀྱི་སྐུ་རྣམས་རྫོགས་པར་མཛད། །རྣམ་དག་པདྨའི་འོད་ཟེར་གྱིས། །ཕྱོགས་བཅུའི་རྒྱལ་བ་མཉེས་མཆོད་ཅིང་། །བྱང་ཆུབ་སེམས་ཚོགས་རབ་ཏུ་བསྡུས། །གསང་བའི་ཕྱག་རྒྱ་དཀྱིལ་འཁོར་ཉིད། །འོད་ཚོགས་ཐུགས་ཀྱི་དཀྱིལ་འཁོར་ལས། །ཐུགས་རྗེའི་ཉི་མ་རྣམ་པར་སྤྲོ། །རིག་པའི་དངོས་གྲུབ་བཟང་པོ་དག །བྱང་ཆུབ་སེམས་ཀྱིས་བརྟན་པར་མཛད། །གནས་ལྔའི་དཀྱིལ་འཁོར་རྫོགས་པ་ལས། །མཚན་མ་ལྔ་པོ་འོད་དང་བཅས། །མི་གཉིས་བརྟན་པའི་སྔགས་ཀྱིས་བརྒྱན། །རིགས་ལྔའི་དམ་ཚིག་བརྟན་པར་འགྱུར། །བྱིན་རླབས་ཀུན་ནས་རྫོགས་པ་ཡི། །ཡེ་ཤེས་ལྔ་ཡི་དོན་མཚོན་ཅིང་། །རྣམ་པར་གྲོལ་བས་བརྟན་བྱེད་ཅིང་། །དེ་དག་སངས་རྒྱས་ཐེག་པའི་མཆོག །རང་ཉིད་ཆོས་ཀྱིས་རྫོགས་པར་འགྱུར། །ཇི་སྲིད་དཀྱིལ་འཁོར་རྣམ་གཉིས་དག །ཕྱོགས་ཀྱི་ཆ་ཤས་རྣམ་པྱེ་སྟེ། །བྱེ་བྲག་ཡུལ་ཀུན་སྦྱོང་བྱེད་པའི། །རྣམ་པར་གྲོལ་བའི་དངོས་གྲུབ་ཉིད། །ཏིང་འཛིན་རྣམ་པ་ལྔ་དག་གིས། །སངས་རྒྱས་ཀུན་གྱི་ཡུལ་བཅས་སྦྱོར། །དབང་བསྐུར་བྱིན་རླབས་རྫོགས་བྱས་ཏེ། །རིགས་ཀྱི་བདག་པོས་ཉེ་བར་མཛེས། །ཐུན་མོང་བཟླས་པའི་ཡན་ལག་ཉིད། །དཀྱིལ་འཁོར་ཀུན་ཏུ་བྱིན་བརླབས་ཤིང་། །དེ་དག་སེམས་དཔའ་གསུམ་གྱིས་མཛེས། །ཡི་གེ་དཔའ་བོ་འབྲས་བུའི་སྔགས། །འོད་བཅས་འཁོར་ལོ་རྣམ་པ་བཞི། །ཇི་སྲིད་མཚན་མའི་རྫས་ལྡན་པར། །སྐུ་གསུང་ཐུགས་ཀྱི་ཕྱག་རྒྱས་བཟུང་། །བརྟན་པ་མ་གྱུར་མི་གཏོང་ཞིང་། །གསལ་ཞིང་རྫོགས་པས་ཀུན་ཏུ་སྤྲོ། །ཇི་ལྟར་འདོད་པའི་ལས་རྣམས་ཀུན། །ཆོ་ག་འདི་ཡིས་རྫོགས་པར་འགྱུར། །དེ་དག་ལྷ་རྣམས་ཀུན་གྱི་གནས། །རབ་ཏུ་རྫོགས་པའི་འཁོར་ལོའི་ཚུལ། །གསང་སྔགས་རྒྱལ་པོའི་ཕྲེང་བ་དག །རྣམ་གསུམ་ཕྱག་རྒྱའི་གནས་རྫོགས་པར། །མྱུར་དང་བུལ་བ་ལ་སོགས་ཀྱང་། །དོན་བཞི་བརྩམས་པས་དངོས་གྲུབ་མཆོག །རང་གི་ལྷག་པའི་ལྷ་གནས་དག །ཡང་དག་སྦྱོར་བས་བརྟན་པ་ཉིད། །སྐུ་དང་གསུང་ཐུགས་རྡོ་རྗེའི་མཆོག །ཡོན་ཏན་ཕྲིན་ལས་གནས་རྒྱས་པར། །ཕྱག་རྒྱ་བཟང་པོ་རྣམ་ལྔ་ལ། །ས་བོན་སྔགས་ཀྱི་ཕྲེང་བས་བརྒྱན། །རིགས་ལྔའི་བཟླས་བརྗོད་བརྩོན་ལྡན་པས། །རིམ་མམ་ཅིག་ཅར་རྫོགས་བྱས་ཏེ། །ནོར་བུ་གང་བར་གྱུར་པ་དག །པདྨའི་གནས་སུ་ཡང་དག་སྤྲོ། །སྤྱི་གཙུག་ལ་སོགས་རྣམ་ལྔ་དག །འཁོར་ལེའི་ཕྲེང་བ་ཇི་བཞིན་དུ། །ཡང་དང་ཡང་དུ་སྦྱོར་བར་བྱ། །ལས་ཀུན་དང་པོ་ལས་སྦྱོར་བས། །དང་པོའི་སེམས་ཙམ་སྦྱངས་བྱས་ཏེ། །དངཔོའིམཚནམམརྫོགསཔར། །ཡང་དང་ཡང་དུ་བསླབ་པར་བྱ། །རིམ་གྱིས་ཡེ་ཤེས་ལ་སྦྱོར་ཏེ། །ཅུང་ཞིག་དབང་དང་ཡང་དག་དབང་། ཁེན་ཏུ་རྣམ་པར་གྲོལ་བའི་མཐུས། །རང་གི་བསམ་གཏན་ལ་སྤྱད་ཅིང་། །ཡུལ་གྲོལ་རྟེན་གྱི་བྱེ་བྲག་ཀུན། །རིམ་གྱིས་སྦྱོར་བའི་སྟོབས་ཀྱིས་གསལ། །མཚན་མའི་བཟླས་པ་སྣ་ཚོགས་དག །མཚན་བཅས་རྒྱུན་གྱིས་རིམ་བཞིན་ཏེ། །ཡང་དག་རྫོགས་པའི་བྱང་ཆུབ་ཏུ། །ཐམས་ཅད་གཉིས་མེད་སྦྱར་བས་གྲོལ། །དེ་དག་ཆ་ཤས་ལས་འདས་པས། །མི་གཉིས་བརྟན་པའི་ཏིང་ངེ་འཛིན། །འབྱུང་འཇུག་གནས་པའི་རྩོལ་བ་ལས། །རིན་ཆེན་སྣ་ལྔའི་ཕྲེང་བ་དང་། །འཁོར་ལོ་རྒྱུན་གྱི་མཉམ་རྫོགས་པའོ། །ལྔ་དང་བཅུ་དང་ཉི་ཤུ་དང་། །ཉི་ཤུ་རྩ་ལྔ་སུམ་ཅུ་སོགས། །ཉི་ཁྲི་ཆིག་སྟོང་དབྱེ་བ་ཡི། །གྲངས་ལྡན་གྲངས་ལས་འདས་པ་ཡི། །ཆ་ཤས་ཐིག་ལེའི་མཚན་མ་ཉིད། །འབྱུང་བ་སྣ་ལྔ་ཡེ་ཤེས་འོད། །དྲུག་པ་རྫོགས་པས་སྐུ་གཅིག་ཏུ། །གནས་དང་ཁ་དོག་ཉི་ཤུ་ལྔ། །རྟེན་དང་གྲོགས་དང་བྱེ་བྲག་གིས། །དུས་ཚོད་ཁ་དོག་དབྱིབས་དང་རྒྱན། །ཉིན་དང་མཚན་མོའི་བྱེ་བྲག་བཞིན། །འཕེལ་དང་འགྲིབ་པའི་ཆ་ཤས་ཀྱིས །འཁོར་ནས་མྱ་ངན་འདས་པ་བསྐྱེད། །དེ་དག་རབ་ཏུ་རྫོགས་པའི་མཐུས། །ཁམས་གསུམ་ཡུལ་ཀུན་གསལ་མཛད་ཅིང་། །གཙོ་དང་སྤྲུལ་པ་སྣ་ཚོགས་པས། །ཐོག་མ་མཐའ་མ་མེད་པའི་དབྱིངས། །ཟག་པ་མེད་པའི་ཡེ་ཤེས་ཉིད། །མ་ལུས་ཡུལ་ཀུན་རྣམ་དག་རྫོགས། །དེ་ནས་ཕྱག་རྒྱ་ཆེན་པོའི་སྐུ། །འཁོར་དང་མྱ་ངན་འདས་གཉིས་མེད། །རབ་ཏུ་གྲོལ་བའི་བདེ་ཆེན་མཆོག །རྒྱལ་བ་ཀུན་གྱི་ངོ་བོ་ཉིད། ཁྲེས་རབ་ཆེ་དང་ཐབས་ཆེན་པོ། །ཆ་རྣམས་རྫོགས་པ་གཉིས་མེད་པར། །འོད་གསལ་ཐག་ལེ་མཉམ་པའི་དབྱིངས། །འགོག་པའི་ཆ་ཤས་རྣམ་པར་དག །ཟུང་དུ་འཇུག་པའི་མཚན་ཉིད་དོ། །དངོས་ཀུན་རང་གི་ངོ་བོ་ལས། །རབ་ཏུ་བརྟགས་པས་གཞན་རྣམས་འཇོག །དེ་དག་ཐ་དད་གཉིས་མེད་སེམས། །བྱང་ཆུབ་སེམས་ཀྱི་ཏིང་ངེ་འཛིན། །ཞི་བ་ཆེན་པའི་རྒྱལ་བ་རྣམས། །དེ་དག་ཡུལ་དང་བཅས་འདས་ཤིང་། །དོན་འདི་བསྟན་པའི་བདག་ཉིད་ཀྱིས། །ཕྱོགས་དུས་མ་ལུས་ཉེ་བར་སྦྱོར། །རང་བཞིན་དཀྱིལ་འཁོར་རྫོགས་པ་དང་། །ཡེ་ཤེས་ཆེན་པོས་གསལ་འགྱུར་ཞིང་། །ཕྱག་རྒྱ་སྔགས་བཅས་ཏིང་འཛིན་གྱིས། །བསྐུལ་ཅིང་གནས་ནས་སྤྱན་དྲངས་ཏེ། །དམ་ཚིག་ཕྱག་རྒྱ་བརྟན་པར་བྱེད། །མཉེས་པའི་མཆོད་པ་སྣ་ཚོགས་པ། །ཕྱོགས་རྣམས་ཀུན་དུ་སྤྲོ་བྱས་ཏེ། །དཀྱིལ་འཁོར་གནས་སུ་བརྟན་བཞུགས་གསོལ། །མ་ལུས་ཡུལ་ཀུན་རྫོགས་བྱས་ཏེ། །སྐུ་ཁྲུས་གདན་བཅས་བཀྲ་ཤིས་མཆོག །གཉིས་མེད་འདུད་པས་ཕྱག་འཚལ་ཞིང་། །ཕྱག་རྒྱ་བཞིར་གནས་བརྟན་པར་བྱེད། །ཕྱི་ནང་གསང་བའི་མཆོད་པ་དག །ལྷ་མོ་རོལ་བཅས་མཉེས་པར་སྦྱོར། །བསྟོད་ཚིག་དབྱངས་ཀྱིས་གསོལ་གདབ་ཅིང་། །དངོས་གྲུབ་ཕྲིན་ལས་རྫོགས་པར་བསྐུལ། །དམ་ཚིག་དཀྱིལ་འཁོར་ཡང་དག་པར། །ཡེ་ཤེས་དཀྱིལ་འཁོར་རྫོགས་བྱས་ཏེ། །གཉིས་སུ་མེད་པར་མཉམ་སྦྱོར་ཞིང་། །ཕྱག་རྒྱའི་ཆོ་ག་བརྟན་པར་གནས། །མཐའ་དབུས་མེད་པར་ཁྱབ་པ་ཡི། །སྐུ་དང་གསུང་ཐུགས་བསམ་ཡས་ཀུན། །སོ་སོའི་ཞིང་ཁམས་རྫོགས་པའི་མཆོག །ཕྱག་རྒྱ་ཏིང་འཛིན་བརྟན་པའོ། །རང་སྣང་སྐུ་ཡི་དཀྱིལ་འཁོར་ལ། །རང་བཞིན་གསུང་གི་དཀྱིལ་འཁོར་ཉིད། །གཡས་དང་གཡོན་གྱི་དབྱེ་བ་ཡིས། །རྡོ་རྗེ་མཚན་བརྒྱད་བྱེད་པ་དང་། །ཁྱབ་འཇུག་གསུམ་ཡང་དེ་བཞིན་ཏེ། །རིམ་པར་བཀོད་པ་རང་སྣང་བས། །འཇིག་རྟེན་འདས་དང་མ་འདས་པའི། །ཇི་སྙེད་བསྒྱུར་བའི་སྒྲ་རྣམས་འབྱུང་། །རྒྱལ་བ་བཞི་བཅུ་རྩ་ལྔ་ཡི། །ངོ་བོ་ཉིད་དུ་ངེས་པས་ན། །ཁུ་བ་རྩ་བའི་གཟུགས་དག་གིས། །སྐུ་གསུང་ཐུགས་དང་ཡེ་ཤེས་ལྔ། །མ་བཙལ་ལྷུན་གྱིས་གྲུབ་པའོ། །རྒྱུ༷་ཡིག་སྣ་ཚོགས་བྷ་གར་འདུས། །ལས་དང་ངོ་བོས་དག་པ་ཉིད། །སངས་རྒྱས་རིན་ཆེན་ཟ་མ་ཏོག །བྱིན་བརླབས་སྐྱོབ་ཕྱིར་སྔགས་སུ་བརྗོད། །རགས་པ་ཐབས་ཀྱི་ཕྱག་རྒྱ་སྟེ། །རང་བཞིན་མེད་པས་ཤེས་རབ་་ཐིན། །ཐམས་ཅད་མི་འགྱུར་རྒྱས་འདེབས་པས། །ཡུལ་ཀུན་གསང་བའི་ཕྱག་རྒྱས་འདེབས། །བདག་གཞན་ངོ་བོ་མི་དམིགས་པས། །ཐམས་ཅད་ཡུལ་ཀུན་རྣམ་པརརོལ། །བདེགཤེགསལྔཡིམཚན་མ་ཡིས། །རང་བྱུང་ཡེ་ཤེས་རྫོགས་པར་འགྱུར། །དེ་ཉིད་དངས་མའི་ཡེ་ཤེས་ལྔ། །མ་རིག་གཉིས་སོགས་བཞི་པོ་དང་། །མི་ཕྱེད་ཕྲག་དོག་རྡོ་རྗེའི་སྔགས། །དབྱིངས་སུ་སྐྱོབ་པས་དགའ་མར་བརྗོད། །ལས་ཀྱི་བདེ་བས་སྒེག་པ་ནི། །ཆགས་པའི་དམ་ཚིག་དུས་ཡིན་ནོ། །སླར་ཡང་ལན་གྱིས་འབྲེལ་བས་ནི། །གཉིས་ཀ་དགྱེས་པའི་མཆོག་ཏུ་བཤད། །ཧ་དང་སི་ཡི་བདེ་སྒྲ་དག །བདག་གིས་ཆགས་པ་ཐོབ་པའོ། ཁྲེན་ཏུ་བསྐྱོད་པའི་བདེ་བ་ཉིད། །ཀུན་ནས་བསྐྱོད་པ་རླུང་ཞེས་བྱ། །ཐམས་ཅད་གསལ་བར་རྣམ་པར་སྟོན། །མ་ལུས་བསྙེན་པའི་སྔགས་དང་བཅས། །ཀུན་གྱི་ཚོར་བ་རྟོག་བྱེད་ཅིང་། །ཡང་དག་མྱོང་བ་ཆེན་པོའི་ཡུལ། །དོན་ཀུན་སྟོན་པའི་གནས་རྫོགས་པར། །རབ་ཏུ་སྙན་པའི་སྒྲ་དང་བཅས། །དྲི་ཞིམ་ཡུལ་ཀུན་གསལ་བ་ཡི། །མྱོང་བའི་དབང་བ་དངོས་བདག་ཉིད། །གཉིས་འདྲེས་འཛིན་པ་ཞེས་བྱ་སྟེ། །དེ་ཉིད་ཕྱེ་བ་ལས་བྱུང་བའོ། །མེ་ཏོག་བསྡུས་པའི་ངོ་བོ་ཉིད། །བདག་པོའི་ཞལ་དུ་ཐིམ་པར་བཤད། ཁྲེན་ཏུ་བསྡམ་པའི་རིམ་ལས་བྱུང་། །གསལ་བའི་ཡེ་ཤེས་བདེ་བ་ཆེ། །ཀུན་གསལ་བརྗོད་དང་འདྲ་བའི་སྒྲ། །གཉིས་མེད་ཐུགས་སུ་ཤེས་པར་བྱ། །རྣམ་ཤེས་གསུམ་འདས་རྡོ་རྗེ་ནི། །ཡེ་ཤེས་ལྔ་རྫོགས་ཐུགས་ཉིད་དོ། །དབྱིངས་གསུམ་རྣམ་དག་འདུས་མ་བྱས། །ཀུན་ཏུ་དེ་བཞིན་གནས་བྱེད་པའོ། །མི་གཉིས་རྫོགས་པའི་ཏིང་ངེ་འཛིན། ཁྲེས་རབ་དབྱིངས་ལས་ཕྱག་རྒྱའི་སྐུ། །གྲགས་པ་ཀུན་བདག་གསང་སྔག་ཏེ། །མི་ཤིགས་ཐིག་ལེ་བརྟན་པའི་མཆོག །རང་གི་དཀྱིལ་འཁོར་ཀུན་རྫོགས་པའོ། །ཕྱག་རྒྱ་གསང་སྔགས་བསྡུ་བའི་ཚུལ། །བྱང་ཆུབ་སེམས་སོགས་བདེ་བའི་རྒྱུན། །གཉིས་སུ་མེད་པར་བརྟན་གནས་པའོ། །མ་ལུས་དགུག་ཅིང་གཞུག་པ་དང་། །མཉེས་སྡོམ་བརྟན་པའི་ལས་དག་གིས། །སྐུ་གསུང་ཐུགས་མཆོག་རྫོགས་བྱས་ཏེ། །ཕྱག་རྒྱའི་དོན་ཀུན་གཉིས་སུ་མེད། །མི་བསྐྱོད་བྱེད་པོ་ཡུམ་དང་བཅས། །རྡོ་རྗེ་འཛིན་པའི་ཕྱག་རྒྱར་ལྡན། །བྱམས་པ་ས་སྙིང་དེ་བཞིན་ནོ། །གཞན་དག་རང་གི་ཕྱག་རྒྱ་སྟེ། །གཤིན་རྗེ་གཤེད་ལ་རྟག་པར་བཤད། །ཐུབ་ཆེན་རྡོ་རྗེ་འཛིན་འཆང་བ། །ཟླ་དང་བྲལ་བ་དཔའ་བོ་ཆེ། །གནས་གསུམ་ཁྱབ་འཇུག་ཡི་གེ་ལས། །ཁམས་གསུམ་བྱིན་བརླབས་གཟི་བྱིན་བསྡུས། །རང་བཞིན་རྡོ་རྗེ་གསུང་གནས་པ། །རྒྱུ་གཉིས་ཚུལ་གྱིས་རང་སྣང་བའོ། །ལྟེ་བ་རྣམ་གཉིས་ཟླ་བ་ལ། །སྔོ་ལྗང་ཡི་གེ་གྲྭ་ཧྭ་གཉིས། །རྗེས་བསྡུ་འོད་བཅས་ཡོན་ཏན་ལས། །ཡན་ལག་རྫོགས་པའི་ཡིད་བཞིན་ལྡན། །མཐའ་དང་དབུས་མེད་དེ་བཞིན་ཉིད། །བསམ་ཞིང་བརྗོད་བྲལ་རིགས་པའི་གསུང་། །རྣམ་པ་ལྔ་ཡི་སྔགས་དག་གིས། །བྱང་ཆུབ་རྡོ་རྗེ་གནས་བསྡུས་ཤིང་། །མིང་ཚོགས་ཡི་གེ་མངོན་པར་སྟོན། །སྒྱུ་འཕྲུལ་དྲུ་བའི་ཡེ་ཤེས་ཀྱིས། །དཀྱིལ་འཁོར་ཀུན་ཏུ་མངོན་རྫོགས་འགྱུར། །རིགས་ཀྱི་དཀྱིལ་འཁོར་མ་ལུས་པ། །ཕྱགརྒྱཆེནཔོའིཆལུགས་ལ། །རང་གི་རྟགས་ཀྱིས་ཉེ་བར་མཛེས། །ཁམས་གསུམ་ལས་རྣམས་རྫོགས་པར་བྱེད། །དེ་དག་ཡུལ་ཀུན་རྣམ་དག་པའི། །སྐུ་ཡི་དཀྱིལ་འཁོར་རྒྱ་ཆེན་པོ། །འདུལ་བཅས་རིགས་ཀྱི་འཁོར་ལོ་བསྒྱུར། །བརྗོད་པའི་གསང་སྔགས་ཕྲེང་བའི་རྒྱུན། །གསུང་གི་ཕྱག་རྒྱ་ཆོས་ཀྱི་གནས། ། རྩ་སྔགས་སྙིང་པོའི་སྔགས་རྣམས་དང་། །ཉེ་བའི་སྙིང་པོ་རིག་པར་བཅས། །དམ་ཚིག་ཕྱག་རྒྱ་བརྟན་བྱེད་པའི། །རྡོ་རྗེ་བཅིངས་པའི་ཁྱད་པར་ལ། །རིག་པའི་ཡི་གེ་སྤྲོ་ཞིང་བསྡུ། །རྟེན་བྱེད་ཡེ་ཤེས་ཀུན་གྱི་བདག །ཀུན་ཏུ་ལས་རྣམས་ཐོགས་མེད་པའོ། །རྡོ་རྗེ་ཁུ་ཚུར་བརྟན་པའི་བདག །དེ་དག་ཕྲིན་ལས་ཀུན་གྱི་གནས། །ལས་ཀྱི་ཚོགས་རྣམས་རྫོགས་བྱེད་པའོ། །ཐབས་དང་ཤེས་རབ་འཁྲིལ་བ་ཡི། །ཕྱག་རྒྱའི་ཡེ་ཤེས་རྫོགས་པ་ཉིད། །བྱང་ཆུབ་སེམས་ཀྱི་སྤྲིན་དག་ལས། །མ་ལུས་ཀུན་འབྱུང་རོལ་པའི་ཚུལ། །མི་བསྐྱོད་རྡོ་རྗེ་རྩེ་ལྔ་པ། །ཟླ་བའི་ཐིག་ལེ་ཡི་གེ་དངོས། །རིན་ཆེན་འབར་བའི་ཉི་ཟླ་ལྔ། །ཟླ་བའི་ཐིག་ལེ་ཡི་གེ་ཉིད། །ཐིག་ལེ་ཐབས་ཤེས་ལྔ་གཉིས་རྣམས། །སྤྲད་པའི་དུས་ལ་སྣང་བ་ཡི། །ཕྱག་རྒྱ་ཆེན་པོའི་དངོས་གྲུབ་འབྱུང་། །དབྱིངས་དང་ཡེ་ཤེས་བདག་པོ་ཉིད། །ཨོ་དང་མྱུ༷་དུ་རང་བཞིན་གནས། །ཏྭ་དང་ཐིག་ལེའི་འདབ་མ་རྣམས། །རང་གི་གནས་སུ་བསྣོལ་མར་འགྱུར། །རབ་ཏུའང་འདྲེས་པར་གྱུར་པ་ལས། །རྒྱལ་བའི་ཡེ་ཤེས་བདེ་ཆེན་པོ། །མྱོང་ཕྱིར་ཐོབ་པ་ཞེས་སུ་གསུངས། །ཐིག་ལེ་བཞི་བསྡུས་གཅིག་ཏུ་འགྱུར། །རླུད་གིས་བསྡུས་པས་བཀན་པར་བརྗོད། །ཞལ་གྱི་ལམ་དག་གང་རྒྱས་པ། །ཕྱག་རྒྱ་འབར་བ་ཞེས་པའི་སྒྲ། །ཟླ་བའི་ཉི་མས་བསྒྲིབས་པ་ཡིས། །ཆུ་སྐྱེས་རབ་ཏུ་རྒྱས་པ་ནི། །དྲིལ་བུའི་སྒྲ་དང་ལྡན་པའོ། །ཕྱིར་འབྱུང་ཚུལ་གྱིས་གང་འབྱོར་པ། །ལྟུང་བ་མེད་ཕྱིར་བརྟན་པར་བཤད། །ཟླ་བའི་ཐིག་ལེ་རྗེས་མཐུན་པར། །དྲིལ་བུའི་ཕྱེད་ཀྱིས་འབྱོར་དགྱེས་པ། །མཐའ་གཉིས་ནོན་པའི་བྱང་ཆུབ་སེམས། །ཕྱག་རྒྱ་ཆེན་པོར་འདི་བརྗོད་དོ། །རབ་ཏུ་བརྟགས་པས་ཡེ་ཤེས་ཉིད། ཁྲེས་རབ་གནས་སུ་རྣམ་པར་ཁྱབ། །རྟེན་འབྲེལ་རྒྱན་གྱི་བདེ་བ་ནི། །དབང་བསྐུར་གསང་བ་རྨད་དུ་བྱུང་། ཁྲེས་རབ་ཐབས་ཀྱི་རྩ་གནས་སུ། །དྲ་བ་ཐིག་ལེ་ཡི་གེ་གཉིས། །སྒྱུ་འཕྲུལ་དཀྱིལ་འཁོར་གཉིས་སུ་བསླབ། །བྷ་ག་འདུས་པའི་ཉུང་འབྲུ་སྲ །ཁམས་གསུམ་འགྲོ་གནས་བསྡུས་བྱས་ཏེ། །རྟོག་ཚོགས་དཀྱིལ་འཁོར་མངོན་དུ་བྱས། །ཕྱོགས་དུས་དཀྱིལ་འཁོར་སྤྱན་དྲངས་ཏེ། །རིག་པའི་སོ་སོའི་གནས་སུ་བསྟིམ། །སྐྱེད་པ་ཧ་སའི་སྒྲས་གང་བའི། །བདག་ཉིད་ཆེན་པོ་ལྔ་ཡི་རྒྱུན། །སྟེང་སྒོ་ནས་འབྱུང་བདེ་བའི་བ་། །སོ་སོ་བཞི་བཅུ་གཉིས་ལ་ཐིམ། །ཀུན་ནས་བདེ་བའི་ཡེ་ཤེསཆེ། །རྒྱལབའིམཆོདཔམཆོགཏུགསུངས། །བཅོ་བརྒྱད་ཕྲག་གཉིས་བུམ་པ་དང་། །དྲུག་གཉིས་ཟེར་གྱི་སྦྱངས་ནས་ནི། །དབང་བསྐུར་བྱིན་བརླབས་བདེ་ཐོབ་པའི། །ཐེགཔཆེནཔོའིདབུགས་ཕྱུང་བའོ། །ཞེས་ཀུན་ནས་དགའ་བའི་གསུང་གིས་ཐམས་ཅད་མངོན་པར་བརྗོད་དོ། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། །ཏིང་འཛིན་གྱི་དཀྱིལ་འཁོར་བསྟན་པའི་ལེའུ་སྟེ་ལྔ་པའོ།། །།དེ་ནས་བྱང་ཆུབ་སེམས་རྣམས་ཀྱིས། །གཉིས་མེད་ཡེ་ཤེས་མངོན་རྫོགས་པར། །ཐེག་པའི་ལམ་མཆོག་སྤྱད་པའི་ཚུལ། །བསོད་ནམས་ཡེ་ཤེས་རྒྱ་ཆེན་པོ། །སངས་རྒྱས་ཀུན་གྱི་གསང་བ་ཉིད། །མ་ངེས་འགྲོ་རྣམས་སྨིན་བྱེད་དང་། །དེ་ནས་ཡང་དག་འཁོར་ལོའི་མཆོག །ཐོག་མའི་གནས་འབྱུང་རྫོགས་པ་ཉིད། །ཅི་འདྲ་གང་ཞིག་མངོན་པར་བསྔགས། །ཐམས་ཅད་སྤྱོད་པའི་གནས་རྣམས་ཀྱིས། །འཁོར་ལོ་ཆེན་པོ་ཇི་ལྟ་བུ། །ཐབས་མཁས་བྱང་ཆུབ་སེམས་བཅས་པས། །རབ་ཏུ་བརྩེ་བས་བཤད་པར་མཛོད། །དཀྱིལ་འཁོར་ས་གཞི་བཟང་པོ་འདིར། །ཕོ་བྲང་མངོན་པར་རྒྱས་པ་ཉིད། །སྟོན་པས་དགོངས་པའི་དོན་བཞིན་དུ། །ཐབས་ཀྱི་ཕྱག་རྒྱ་གསལ་བར་མཛད། །མངོན་པར་བསྔགས་པའི་སྔགས་མཆོག་ནི། །ཀུན་ནས་མེ་ཏོག་ཕྲེང་བས་བརྒྱན། །དབྱིབས་དང་ཆུ་བོ་འཁྱིལ་བའི་ཚུལ། །སྨན་དང་ཡོ་བྱད་ཕུན་སུམ་ཚོགས། །ཕྱི་ནང་ཉེས པའིཚོགས བྲལ བ། །དེ་དག་མངོན་པར་བསྔགས་པའི་གནས། །དགོན པ ཆེན པོའིསརྣམས་ནི། །ཕྱོགས་མཚམས་ཆ་ཡིས་རྣམས་ཕྱེ་བ། །རབ་ཏུ་འགོལ་བར་དབེན་འགྱུར་ཞིང་། །དངོས་གྲུབ་ཕྲིན་ལས་མཐུན་པའི་ཕྱིར། །དེ་ཉིད་རིགས་ཀྱི་མཚན་ལྡན་པས། །དངོས་གྲུབ་མཐའ་ཡས་ལས་རྣམས་འགྲུབ། །གྲོང་ཁྱེར་ཡུལ་འཁོར་བཟང་པོ་དང་། །སྐྱེད་ཚལ་བ་གླང་ལྷས་དག་དང་། །རི་བོ་ནགས་ཚལ་སྤང་ཤོང་ཉིད། །རྒྱ་མཚོའི་ངོགས་དང་ལུ་མའི་ཕུགས། །སྦྱོར་བའི་བཀོད་པའི་གནས་རྣམས་སུ། །དཀྱིལ་འཁོར་བཟང་པོ་བརྩམ་པའི་ཕྱིར། །ཕུན་སུམ་ཚོགས་པའི་གནས་འཇུག་བྱ། །ཐོག་མར་རྡོ་རྗེ་སློབ་དཔོན་བཟང་། །སྐུ་གསུང་ཐུགས་ཀྱི་གསང་བའི་བདག །སངས་རྒྱས་ཐེག་པ་ཀུན་ལྡན་པས། །སྙིང་རྗེ་ཆེར་ལྡན་འགྲོ་དྲུག་བཟུང་། །མངོན་པར་སྒྲོལ་བའི་ལམ་ཀུན་གྱིས། །བྱ་བ་ཆེན་པོ་གཞན་དོན་སྤྱོད། །ཐབས་ཀྱི་ཐེག་པ་ཀུན་ལྡན་ཞིང་། ཁྲེས་རབ་ཆེན་པོའི་བདག་ཉིད་ཅན། །བློ་གྲོས་དྲི་མ་མེད་པ་ཡིས། །མྱ་ངན་འདས་ལམ་མངོན་པར་སྦྱོར། །གསང་བའི་རྒྱུད་རྣམས་ཚུལ་ཤེས་ཤིང་། །དེ་དག་དོན་རྣམས་བསྒྲུབ་ནས་སྤྱོད། །དཀྱིལ་འཁོར་ཆེན་པོའི་ལམ་ལ་མཁས། །དམ་པས་བསྔགས་པའི་གདམས་ངག་དང་། །དེ་ཉིད་རྡོ་རྗེ་སློབ་དཔོན་མཆོག །རབ་ཏུ་བཟུང་བར་འོས་པ་ཡི། །སངས་རྒྱས་ཀུན་གྱི་སྟོན་པའི་གནས། །ཐོག་མར་བློ་གྲོས་ཀུན་ལྡན་པས། །དམ་པའི་རྫས་རྣམས་ཕུན་སུམ་ཚོགས། །མ་ལུས་འགྲོ་རྣམས་ཀུན་སྒྲོལ་བའི། །ཡང་དག་ལྷ་ལ་གསོལ་བ་གདབ། །དམཚིགཆེན་པོའི་དཀྱིལ་འཁོར་འདིར། །མ་ལུས་འགྲོ་རྣམས་སྒྲོལ་མཛད་པ། །བླ་མེད་རྒྱལ་བ་ཐམས་ཅད་ཀྱིས། །དངོས་གྲུབ་མཆོག་ལ་སྦྱོར་བ་དང་། །གསང་མཆོག་འབྲས་བུའི་རིགས་ཀུན་གྱི། །བྱ་བ་ཆེན་པོའི་དོན་རྫོགས་པ། །ཐམས་ཅད་གཟུང་བ་བླ་ན་མེད། །ཡང་དག་ཡེ་ཤེས་བློ་གྲོས་མཆོག །སྔགས་རྒྱུད་ཐེག་པའི་ཚུལ་རྫོགས་པས། །དཀྱིལ་འཁོར་གནས་ཀུན་བལྟ་བྱ་སྟེ། །བྱ་བ་ཀུན་རྫོགས་དོན་ཆེན་བརྩམ། །ས་གཞི་ཕྱོགས་མཚམས་སྟེང་འོག་དག །བརྡལ་ཞིང་སྤུང་དང་བསྐོར་བ་དང་། །རབ་ཏུ་བརྩེགས་པའི་ལྗོངས་དང་བཅས། །གཡས་སུ་འཁྱིལ་ཞིང་འགྱེད་པ་ཡི། །པདྨ་བརྩེགས་དང་འཁོར་ལོའི་དབྱིབས། །བར་ཆད་གནོད་བྱེད་མི་གནས་པའི། །སྔོན་བྱུང་གྲུབ་པའི་བཀྲ་ཤིས་མཆོག །ཡང་དག་བརྟགས་ཏེ་ཤིས་པའི་སར། །ཡུལ་གྱི་བདག་པོ་སྣང་བ་དང་། །མི་སྣང་དག་ལ་བསླངས་བྱས་ཏེ། །རིན་དང་རྫས་ཀུན་མཉེས་པར་འབུལ། །ཕྱི་དང་ནང་གི་བྱ་བ་ཡིས། །རྣམ་པར་བརྟགས་ཤིང་སྦྱངས་བྱས་ཏེ། །དཀྱིལ་འཁོར་ཆེན་པོའི་ཚད་ཀྱིས་ནི། །ཕྱོགས་མཚམས་ཀུན་ཏུ་རྣམ་པར་གཞལ། །ཡང་དག་དབེན་པའི་གནས་ཉིད་དུ། །མི་ཤིས་མཚན་མའི་སྐྱོན་བསལ་ཞིང་། །དྲི་ཞིམ་སྔགས་ཀྱི་ཆུ་གཏོར་ཏེ། །ས་བརྙན་བཟང་པོ་ལ་སོགས་རྫས། །རིན་ཆེན་སྨན་འབྲུའི་རྣམ་པ་དང་། །དྲི་མཆོག་རབ་ཏུ་སྦྱངས་པ་ཡིས། །དེ་ཉིད་དཀྱིལ་འཁོར་ཇི་ལྟ་བར། །ཕྱོགས་མཚམས་གནས་ཀུན་བརྒྱན་བྱས་ཏེ། །རབ་ཏུ་མཉམ་ཞིང་ཡིད་འོང་བ། །དངོས་གྲུབ་རབ་འབྲིང་ལ་སོགས་པའི། །བྱིན་རླབས་ལྷག་པར་གནས་པའི་ཕྱིར། །དེ་ཉིད་རྟེན་གྱི་ཁྱད་པར་ཏེ། །ཟབ་དང་དཔངས་ཀྱི་ཚད་མཉམ་བརྩེགས། །དབང་བསྐུར་བསྲུང་ལ་སོགས་པའི་ལས ཁྲུ་བཞིའི་རྒྱན་ལྡན་དབྱིབས་ལེགས་པར། །འཕང་དུ་སོར་ཚད་བཞི་དང་ལྡན། །དྲི་སྣ་ལྔ་ཡི་རྫས་ཀུན་དང་། །བ་ལས་བྱུང་བའི་རྫས་དག་གིས། །མ་ཉམས་ཕྱོགས་ཀུན་ལེགས་པར་འབྱུག །གནས་དེ་མངོན་པར་སྦྱང་བའི་ཕྱིར། །ཆོས་ཉིད་དག་པའི་ཕྱག་རྒྱ་དང་། །གསང་སྔགས་ཏིང་འཛིན་ཀུན་རྫོགས་པས། །རང་བཞིན་རྣམ་པར་དག་པའི་དབྱིངས། །སྟོང་པ་ཉིད་ཀྱི་ཏིང་འཛིན་ལས། །འབྱུང་བ་རིམ་བརྩེགས་རྟེན་དང་བཅས་། རྡོ་རྗེ་རྒྱ་གྲམ་ས་གཞི་དག །སྔགས་དང་ཕྱག་རྒྱས་བརྟན་པར་འགྱུར། །རྒྱུ༷་ལས་རིན་ཆེན་ཁང་བཟང་སྟེ། །གདན་གྱི་དཀྱིལ་འཁོར་ཆ་རྫོགས་པར། །དེ་དབུས་རིགས་ཀྱི་བདག་པོ་ནི། །མཚན་དང་དཔེ་བྱད་ཀུན་གསལ་ཞིང་། །རྒྱན་དང་ཆ་ལུགས་མངོན་པར་རྫོགས། ཁྲེས་རབ་ཕྱག་རྒྱའི་དབྱིངས་སུ་འཁྱིལ། །རིགས་ཀྱི་བདག་པོའི་དབུ་རྒྱན་ཅན། །བྱིན་བརླབས་སངས་རྒྱས་ཀུན་གྱི་གནས། །ཡང་དག་བསྲུངས་པས་བརྟན་པའི་ཕྱིར། །སངས་རྒྱས་ཀུན་གྱི་སྐུ་གསུང་ཐུགས། །རབ་འབར་འོད་ཟེར་རྫོགས་པའི་བདག །གཉིས་མེད་ཡེ་ཤེས་ལྷ་མོ་ཡིས། །རང་གི་རིགས་དང་སྦྱོར་མཛད་ཅིང་། །སྔོན་གྱི་ཐུགས་དམ་བརྩེར་ལྡན་པས། །ཀུན་ནས་བསླང་བའི་རྒྱུད་དག་གིས། །ཕྱོགས་བཞིའི་དཀྱིལ་འཁོར་རྫོགས་པ་མཆོག །ཚད་མེད་གནས་ཀྱིས་རྒྱུན་ལྡན་པ། །རིགས་ཀྱི་ཕྲིན་ལས་ཡེ་ཤེས་སྦྱོར། །ཨོ་སངས་རྒྱས་ཀུན་གྱི་སྐུ་གསུང་ཐུགས། །རྣམ་དག་རྫོགས་པའི་དཀྱིལ་འཁོར་ཉིད། །མི་ཤིགས་དྲི་མ་ཀུན་དང་བྲལ། །ཐུགས་རྗེ་འོད་ཟེར་ཉི་དཀྱིལ་བཞིན། །ས་གནས་ལམ་ཀུན་རྫོགས་མཛད་པ། །རབ་ཏུ་སྦྱངས་པའི་སྟོབས་རྫོགས་ཤིང་། །ཐ་སྙད་མི་གཉིས་ཡུལ་དང་བྲལ། །བྱང་ཆུབ་སེམས་མཆོག་སྒྲིབ་པ་མེད། །འགྲོ་གནས་ཐུགས་རྗེའི་རྒྱུན་བཅས་པས། །རང་གི་ཡེ་ཤེས་འདུས་མ་བྱས། །ཐེག་པ་མཆོག་ལྡན་སྔགས་ཀྱི་རྒྱུན། །ཕྱག་རྒྱའི་ དཀྱིལ་འཁོར་གསལ་མཛད་ཅིང་། །རང་བཞིན་ཕྱག་རྒྱའི་གནས་སུ་འཇུག །ཉི་ཟླ་རླུད་གི་དཀྱིལ་འཁོར་ལས། །འོད་ཚོགས་ཕྱོགས་བཅུར་འཁྲིགས་བྱས་པས། །བསྐལ་པའི་མེ་འོད་སྲེག་བྱེད་ཚོགས། །བསྐལ་པའི་རླུད་དང་བཅས་པར་སྒྲོར། །མ་ལུས་སྣོད་བཅུད་ཁམས་རྣམས་ཀུན། །རྣམ་པར་དབེན་པས་དག་པ་ཉིད། །ཆུ་བོའི་རྒྱུན་ལྡན་མཐའ་ཡས་པ། །ཐམས་ཅད་ཀུན་ནས་སྡུད་པར་བྱེད། །མི་ཤིགས་རྡོ་རྗེའི་དཀྱིལ་འཁོར་ལ། །གར་ཐབས་ཕྱག་རྒྱའི་ཚོགས་རྣམས་ཀྱིས། །གཡས་ནས་བསྐོར་ཞིང་བགྲུང་བར་མཛད། །དེ་ནས་ཕྱག་རྒྱའི་དཀྱིལ་འཁོར་ཉིད། །ཧཱུཾ༷ སྟོབསཆེནལྷདངཀླུརབཅས་པ། །གནོད་སྦྱིན་སྲིན་པོ་བགེགསཀྱིཚོགས། ཁྲཟའབྱུང་པོ་མཁའ་འགྲོའི་གདོན། །ལྷ་སྲིན་ལྟོ་ཕྱེ་ནམ་མཁའ་ལྡིང་། །དྲི་ཟ་གྲུལ་བུམ་གསང་བ་པོ། །མ་ལུས་བགེགས་ཀྱི་ཚོགས་བཅས་རྣམས། །རྡོ་རྗེ་འཆོལ་བའི་མཚོན་ཆ་ཡིས། །བཤིག་ཅིང་དབྲལ་ག་་བརླག་བྱེད་པས། །གནས་འདིའི་ཕྱོགས་སུ་གནས་མ་བྱེད། །དེ་དག་རྡོ་རྗེ་འབར་བའི་མེས། །བསྐལ་པའི་ཚོགས་རྣམས་བསྲེག་བྱེད་ཅིང་། །རབ་ཏུ་འབར་བའི་མཚོན་ཆ་ཡིས། །ཕྱོགས་མཚམས་ཀུན་ནས་བསྲུང་བར་འགྱུར། །མ་ལུས་ས་འདིར་དབང་བྱེད་པའི། །བདག་པོ་ཁྱོད་ཀྱིས་དཔང་མཛོད་ཅིག །མ་ལུས་མཆོད་དང་གཏོར་མའི་རྫས། །བདག་གིས་ཕུལ་བ་འདི་བཞེས་ལ། །སྔོན་གྱི་བདེ་གཤེགས་བཀའ་བཞིན་དུ། །ད་ལྟར་བྱིན་བརླབས་ལྷག་པའི་གནས། །དུས་གསུམ་ཀུན་ཏུ་བརྟན་པ་ཡིས། །ས་གཞི་བཟང་པོ་ཤིས་པར་མཛོད། །དངོས་གྲུབ་ཐམས་ཅད་ཉེ་བར་མཛོད། །ལྷ་མོ་ཁྱོད་ནི་བློ་དང་ལྡན། །གསེར་མདོག་བུམ་པའི་མཚན་མས་མཛེས། །འོག་གི་བགེགས་ཚོགས་མངའ་མཛད་ཅིང་། །གནས་རྣམས་བསྐྱོད་པའི་བློ་ལྡན་པས། །དུས་ཚོད་འདི་ན་དབང་པོ་མཛོད། །ཕལ་བའི་རྒྱུ་ལས་བྱུང་བ་ཡི། །རྫས་རྣམས་ཉེ་བར་བསགས་བྱས་ཏེ། །མ་ལུས་འགྲོ་བའི་ཚོགས་བཅས་ལ། །སྦྱིན་པའི་སྟོབས་རྣམས་རྫོགས་པར་མཛད། །གཡོས་ཀྱི་བྱེ་བྲག་སྣ་ཚོགས་པའི། །སྟོན་མོའི་མཆོག་བཟང་གཏོར་མའི་རྫས། །རིནཆེནསྣོདབཟངཤིང་རྟར་བཅས། །མང་པོའི་ཚོགས་བཅས་བཀོད་པ་དག །མཆོད་པ་རྣམ་པ་ལྔ་རྣམས་དང་། །གདུགས་དང་རྒྱལ་མཚན་བ་དན་བཅས། །རོལ་མོའི་ཆ་བྱད་སྣ་ཚོགས་པའི། །སིལ་སྙན་ཟླུ་ལ་སོགས་པ་དག །ཕྱོགས་མཚམས་ཀུན་ནས་ཉེ་བར་བརྒྱན། །དེ་དག་གཏོར་མའི་རྫས་ཀུན་གྱིས། །འགྲོ་བའི་ཚོགས་རྣམས་ཚིམས་པར་མཛད། །འདོད་པའི་རྫས་རྣམས་མ་ལུས་པ། །དང་པོ་ཡེ་ཤེས་མེས་བསྲེག་ཅིང་། །རྣམ་དག་བྱང་ཆུབ་སེམས་ཀྱི་ཁྲུས། །རབ་ཏུ་འཕྲུལ་པས་རྒྱ་ཆེན་པོ། །ཀུན་ཏུ་བཟང་པོའི་ལོངས་སྤྱོད་ཅིང་། །ནམ་མཁའི་བར་སྣང་གཏིབས་པ་ཡི། །འདོད་པའི་ལོངས་སྤྱོད་སྣ་ཚོགས་དང་། །རིན་ཆེན་ལོངས་སྤྱོད་ཉེ་བའི་རྫས། །ལྷ་མོའི་དཀྱིལ་འཁོར་རྒྱ་ཆེན་པོ། །ཚོགས་རྣམས་ཀུན་ནས་ཉེ་བར་སྤྲུལ། །སོ་སོའི་འདོད་པའི་ལོངས་སྤྱོད་བཞིན། །མཐའ་ཡས་རྣམ་པར་སྤྲོས་པ་ཡིས། །ཅི་བདེར་ཚིམས་པ་རྒྱན་གྱི་མཆོག །མཐའ་ཡས་ཐོག་མ་མེད་པའི་དབྱིངས། །ཡེ་ཤེས་དཀྱིལ་འཁོར་མངོན་སངས་རྒྱས། །འགྲོ་རྣམས་ཉེ་བར་སྦྱངས་བྱས་ཏེ། །རང་བཞིན་རྣམ་དག་ལྷ་ཡི་སྐུ། །དཀྱིལ་འཁོར་ཆ་ལུགས་རྒྱན་དང་བཅས། །རིགས་ཀྱི་ཕྱག་རྒྱ་རྫོགས་པའི་བདག །ཀུན་ནས་གྲོང་ཁྱེར་ཆེན་པོ་དག །ཉེ་བར་དག་པའི་ལོངས་སྤྱོད་དེ། །བཀྲ་ཤིས་བསྲེག་ཁང་བཟང་པོར་ནི། །བྱ་བའི་ལས་ཀུན་ཚིམས་པར་འགྱུར། །ཕྱོགས་རྣམས་ཀུན་ན་བཞུགས་པ་ཡི། །དཀྱིལ་འཁོར་ཐམས་ཅད་འགྲུབ་པའི་ཕྱིར། །རབ་ཏུ་གནས་པའི་བྱ་བ་དག །རྣལ་འབྱོར་མཆོག་གིས་སྤྱད་པར་བྱ། །དཀྱིལ་འཁོར་ཕོ་བྲང་ཉམས་དགའ་བར། །ཅི་རིགས་ལྷ་ཡི་གནས་རྣམས་སུ། །དྲི་སྣ་མེ་ཏོག་བཟང་པོ་ཡིས། །གདན་དང་རྟེན་བཅས་གཞག་པར་བྱ། །རིགས་ཀྱི་གསང་སྔགས་གོ་རིམ་བཞིན། །ཆོ་ག་རྫོགས་པས་རྣམ་གསུམ་སྐུ། །འཕྲོ་འདུས་མཛད་པའི་ལས་བཅས་དང་། །དམ་ཚིག་དཀྱིལ་འཁོར་བརྟན་བྱས་ཏེ། །ཕྱག་རྒྱ་ཀུན་གྱིས་དབང་བསྐུར་ཞིང་། །གཟི་དངས་ཡུལ་ཀུན་རྫོགས་པར་གསལ། །ཐུབ་པ་ཆེན་པོ་བཅོམ་ལྡན་འདས། །མ་ལུས་སེམས་ཅན་མགོན་གྱུར་པ། །རིགས་མཆོག་ཐུགས་རྗེ་བཟང་པོ་ཉིད། །ས་ཡི་དབང་ཕྱུག་བརྟན་བཞུགས་མཛོད། །བདག་གིས་དྲི་སྤོས་བཟང་པོ་དང་། །མེ་ཏོག་མར་མེ་ཕྲེང་བའི་རྫས། །མཆོད་ཡོན་དགའ་མགུར་བཅས་ནས་འབུལ། །དེ་བཞིན་རིན་ཆེན་རྒྱན་གྱི་ཚོགས། །བཟང་བ་་བཅས་པ་སྣ་ཚོགས་དང་། །ཡིད་བཞིན་བུམ་པ་དཔག་བསམ་ཤིང་། །གནས་འདིར་བཀོད་ཚོགས་བཞེས་སུ་གསོལ། །ཐུགས་རྗེ་ཉི་མས་ཁྱབ་མཛད་པའི། །རྒྱལ་བ་རྣམས་ནི་མངོན་བཞུགས་ཏེ། །མ་ལུས་འགྲོ་རྣམས་ཐམས་ཅད་དང་། །ཁྱད་པར་བདག་གི་སློབ་མ་ལ། །བྱིན་བརླབས་ལྷག་པར་གནས་པའི་ཕྱིར། །གནས་འདིར་བརྩེ་བར་འདོང་བ་ལགས། །ཐམས་ཅད་མཁྱེན་པ་ལྷ་ཡི་མཆོག །ཡང་དག་བསྟོད་ཅིང་འདུད་པའི་གནས། །དཀྱིལ་འཁོར་བཟང་པོའི་གནས་རྫོགས་པར། །བྱིན་རླབས་དབང་བསྐུར་ཀུན་སྩོལ་ཅིག །ཡང་དག་རྫོགས་པའི་བྱང་ཆུབ་ཏུ། །བདག་ཅག་བསམ་པ་བརྟན་བསྐྱེད་པས། །ཕྱོགས་རྣམས་ཀུན་ནས་དགོངས་མཛད་དེ། །ལམ་མཆོག་དཔལ་ལྡན་བླ་ན་མེད། །དུས་གསུམ་ཀུན་ཏུ་བསྔགས་པ་ཡི། །བྱ་བ་ཆེན་པོ་ཡོངས་རྫོགས་མཛོད། །དཀྱིལ་འཁོར་གཉིས་སུ་མེད་པའི་བློས། །ཕྱག་རྒྱ་སྔགས་རྣམས་བརྟན་བྱས་ཏེ། །ལྷག་པར་གནས་པའི་གྲོང་ཁྱེར་མཆོག །ཡང་དག་འཁོར་ལོ་རྫོགས་པར་མཛོད། །རིན་ཆེན་སྣ་ཚོགས་རྒྱུ་ལས་བྱུང་། །ཁ་དོག་དབྱིབས་དང་རྒྱན་ལྡན་པའི། །དཀྱིལ་འཁོར་ཕོ་བྲང་བཟང་པོ་ཉིད། །འབྲུ་ལྔ་སྤོས་ལྔ་སྙིང་པོ་ལྔ། །རིན་ཆེན་སྣ་ལྔ་སྨན་ལྔ་དག །ཉེ་བར་སྦྱང་བའིརྫས་ཀྱི་མཆོག །ཁ་རྒྱན་མགུལ་ཆིངས་གཟུང་ཐག་བཅས། །ལྔའམ་བཅུ་གཉིས་ཉི་ཤུ་གཅིག །རིམ་གྱིས་མཚན་མ་གྲངས་བཞིན་དུ། །གསལ་སྦྱང་བྱིན་བརླབ་ལྷ་གནས་ཤིང་། །རིགས་ཀྱི་སེམས་དཔའི་ཕྱག་རྒྱ་ནི། །ལྷ་ཡི་ཆུ་རྒྱུན་རྣམ་པར་དག །དམ་ཚིག་ལྷ་ཡི་གནས་རྫོགས་པར། །ཡེ་ཤེས་དཀྱིལ་འཁོར་བཞུགས་གནས་ཏེ། །ཆོ་གའི་ཡན་ལག་ཀུན་མཉེས་པ། །རྣམ་དག་ཕོ་བྲང་བཟང་པོའི་རྒྱུན། །འབྱོར་པའི་ཡོ་བྱད་ཐམས་ཅད་དང་། །ཉེ་བར་བཀོད་པའི་རྫས་རྣམས་དང་། །དེ་ནས་དཀྱིལ་འཁོར་ལ་དགའ་བས། །རིགསམཆོགདངོསགྲུབགནས་སུ་སྦྱོར། །ཕུནསུམཚོགསཔའིཡོབྱད་དག །ཕྱོགས་བཅུར་རྣམ་པར་སྤྲས་བྱས་ཏེ། །དཀྱིལ་འཁོར་རྣལ་འབྱོར་ལྷ་ཡི་རྒྱན། །བཟའ་བཏུང་མཚན་མ་ལ་སོགས་པའི། །ཆ་ལུགས་ཇི་བཞིན་བྱིན་གྱིས་རློབས། །རབ་ཏུ་སྦྱངས་པས་རྫོགས་བྱེད་ཅིང་། །དཀྱིལ་འཁོར་བརྟན་པའི་ཡན་ལག་མཆོག །རྡོ་རྗེ་སློབ་དཔོན་སློབ་མར་བཅས། །སྡོམ་པ་གསུམ་ལ་གནས་པས་འཇུག །དམ་བཅས་འཇིག་རྟེན་མགྲོན་གཉེར་ཞིང་། །ཕ་རོལ་ཕྱིན་སོགས་རྣམ་སྤྱོད་པས། །ཡང་དག་གསང་བའི་དཀྱིལ་འཁོར་འདིར། །ཐེག་པ་ཆེན་པོ་མངོན་པར་འདོད། །དེ་དག་བརྟུལ་ཞུགས་བཟང་པོ་ཡི། །བསླབ་པ་ཀུན་ལྡན་རྒྱུད་རྫོགས་པའོ། །ཡི་དམ་ལྷ་ལ་གསོལ་བཏབ་ཅིང་། དཀྱིལ་འཁོར་བླ་མ་བཟང་པོའི་མདུན། །རང་གི་དམ་བཅས་སྡོམ་པའི་ཚོགས། །ཐེག་པ་ཆེ་ནས་བསྟན་པ་བཞིན། །བྱང་ཆུབ་སེམས་མཆོག་རྒྱ་ཆེན་བློས། །མ་ལུས་འགྲོ་གནས་མངོན་དུ་རྫོགས། །སོ་ཤིང་སོར་ཚད་བཅུ་གཉིས་པ། །མེ་ཏོག་ཕྲེང་བའི་སྔགས་ཀྱི་མཐུས། །ངག་གི་ཉེས་པ་ཀུན་སྦྱངས་ཤིང་། །བར་ཆད་ལས་ཀུན་འཇོམས་པར་བྱེད། །མངོན་པར་བསྔགས་པའི་ཆུ་རྒྱུན་གྱིས། །ཕྱོགས་བཅུར་གནས་ལ་འཐོར་བྱ་ཞིང་། །རིགས་ཀྱི་གནས་ཀུན་དག་པར་སྦྱངས། །བྱང་ཆུབ་སེམས་རྫོགས་ཡེ་ཤེས་ཁྲུས། །ལུས་ངག་ཡིད་གསུམ་སྲུང་བྱེད་པའི། །ཚོན་སྐུད་མདུད་པ་གསུམ་དང་ལྡན། །རྒྱལ་བ་ཀུན་གྱི་སྔགས་རྒྱུད་རྫོགས། །བྱིན་བརླབས་དཔུང་པ་གཡས་པར་བཞིན། །ཡུལ་ཀུན་རྟོགས་པ་སྦྱང་བྱེད་དེ། །མངོན་པར་བསྔགས་པའི་འབྲས་བུའི་ལམ། །ཞི་ལ་ཞི་བའི་མདངས་ལྡན་ཞིང་། །འོད་དཀར་བཀྲ་ཤིས་དཀྱིལ་འཁོར་ལ། །ཕྱག་རྒྱའི་བརྟུལ་ཞུགས་མ་བཅོས་པར། །རྒྱན་ཕྲེང་ན་བཟའི་ཆས་རྣམས་དང་། །བདུད་རྩིའི་རྫས་ཀུན་བཅུད་ལེན་པས། །དེ་དག་ཕྲིན་ལས་རྣམ་པར་སྤྱོད། །སྔ་དྲོ་རབ་ཏུ་དང་བའི་ཡིད། །སྐུལ་ཚིག་སྔགས་དང་བཅས་སྦྱོངས་ཤིང་། །སྒྲུབ་པའི་མིང་ཚིག་རྒྱུན་བཞིན་དུ། །རང་གི་ཕྲིན་ལས་སྟོབས་ཀྱིས་འགྲུབ། །ཀུན་ཏུ་རྒྱས་པའི་ཡིད་ཀྱིས་ནི། །རིན་ཆེན་དཀྱིལ་འཁོར་གནས་རྫོགས་པར། །མཚན་དང་དཔེ་བྱད་ཚོགས་རྣམས་དང་། །རིན་ཆེན་ལོངས་སྤྱོད་ཀུན་གྱིས་མཛེས། །བྱང་དུ་གསེར་སོགས་ཤིང་རྣམས་ལ། །བདུད་རྩིའི་རྫས་དང་བཅུད་ལྡན་པར། །རབ་ཏུ་དགའ་བས་སྔ་དྲོའི་དུས། །ཡོན་ཏན་དཀྱིལ་འཁོར་ཉེར་སྦྱངས་ཤིང་། །སྐུལ་ཚིག་སྔགས་ཀྱི་རྒྱུན་བཅས་པས། །དེ་དག་ལས་ཀུན་སྦྱོར་བའི་མཐུས། །འཁོར་ལོ་བསྒྱུར་རྒྱལ་གནས་བཞིན་འགྲུབ། །གསུང་དབང་ཆགས་པའི་ཏིང་འཛིན་གྱིས། །པདྨ་དབང་གི་གནས་འདུག་སྟེ། །རིགས་ཀྱི་ཏིང་འཛིན་སྙོམས་འཇུག་པར། །ཕྱག་རྒྱའི་གསང་སྔགས་སྐུལ་ཚིགལྡན། །དམར་ཐག་མཚན་མོའི་དུས་དག་ཏུ། །རྒྱན་ཆས་རྫས་དང་བཅས་པ་སྦྱོར། །ལྷ་དབང་ཀླུ་ཡི་དབང་པོ་ཡང་། །སྐད་ཅིག་འགུགས་པར་དབང་དུ་འགྱུར། །ཁྲོ་བོའི་ཏིང་འཛིན་ག་་པོ་ཡིས། །ལྷོ་ཕྱོགས་གྲུ་གདགས། །ཀུ་ཤ་སར་པ་མ་གྲུགས་པ། །དྲི་ཡི་ཆུ་ཡིས་ཉེར་སྦྱངས་ཤིང་། །ཐབས་དང་ཤེས་རབ་གསང་སྔགས་ཀྱིས། །སྔས་དང་སྟན་ལ་སྤྱིན་པར་བྱ། །ལས་ཀུན་རྨི་ལམ་མཚན་མ་སོགས། །རབ་ཏུ་བརྟགས་པས་གནས་ཀུན་གྱིས། །དགེ་སྡིག་མཚན་མ་ཇི་ལྟ་བར། །བསལ་སྦྱང་བསྲུང་དང་ལྷག་པའི་ལས། །འཁོར་གནས་ཟིལ་གྱིས་གནོན་བྱེད་པའི། །རྡོ་རྗེ་ཐེག་པ་བླ་ན་མེད། །མ་ལུས་ཁམས་རྣམས་དག་བྱེད་པ། །དེ་ཉིད་བསྟན་པ་དོན་ཆེན་རྫོགས། །མཐོང་དཀའ་རབ་ཏུ་རྫོགས་པ་ཡིས། །བརྟུལ་ཞུགས་བཟང་པོ་འདི་ལྟ་བུ། །དམ་པའི་ཡུལ་རྣམས་རྫོགས་བྱེད་པའི། །ཐར་པའི་གྲོང་ཁྱེར་བླ་ན་མེད། །སངས་རྒྱས་ཐམས་ཅད་འཇུག་པའི་གནས། །དེ་ནས་མཐོང་གྱུར་སྤྲོ་བ་བསྐྱེད། །ལམ་འདི་ཕན་ཡོན་བླ་མེད་པའི། །ཚེ་འདིས་རིགས་ཀྱི་དངོས་གྲུབ་དང་། །ཡོན་ཏན་ལྷུན་རྫོགས་འབྲས་བུའི་མཆོག །ཤིན་ཏུ་དབེན་པའི་ས་གཞིར་ནི། །དྲི་མཆོག་རྫས་ཀྱིས་སྦྱང་བྱས་ཏེ། །ལས་ཀུན་མངོན་པར་བསྔགས་པ་ཡི། །སྤྱིན་བསྲེག་ཆོ་ག་བརྩམ་པར་བྱ། །ཇི་སྙེད་བྱ་བའི་ཚོགས་རྣམས་ཀུན། །དེ་ནས་མངོན་པར་འགྲུབ་བྱེད་པ། །ཕྱི་དང་ནང་གི་ཏིང་འཛིན་གྱིས། །ལས་ཀྱི་དངོས་གྲུབ་ཀུན་རྫོགས་འགྱུར། །དེ་དག་སྤྱིན་བསྲེགརྒྱཆེནཔོས། །ཉེབར་སྦྱར་ཞིང་རྫོགས་བྱེད་སྟེ། །བྱ་བའི་ཆ་རྣམས་སྨིན་པའི་སྒོ། །ཞི་རྒྱས་དབང་དྲག་ལས་ཀུན་གྱི། །ཕྲིན་ལས་སོ་སོའི་བྱེ་བྲག་གསུམ་སྲ་བའི་སྟན། །ཁྲག་དང་བདུད་རྩི་གཤེར་བའི་རྫས། །ནག་པོའི་ཆས་རྣམས་བྱུགས་བྱས་ཏེ། །ལས་ཀྱི་ཁྲོ་བོ་ཆེན་པོའི་སྐུར། །ཕྱག་རྒྱ་གསང་སྔགས་བསྐུལ་བའི་གླུ། །སྦྱོར་བའི་རིམ་པ་ཀུན་ལྡན་པས། །ཕྱག་རྒྱ་རྡོ་རྗེ་གཏུམ་པོ་ཡང་། །སྐད་ཅིག་ལས་ནི་འཇིག་པར་འགྱུར། །རབ་ཏུ་སྦྱར་བའི་གསང་སྔགས་དང་། །ཕྱག་རྒྱའི་ཏིང་འཛིན་ཇི་ལྟ་བར། །ལས་ཀྱི་སྦྱོར་བ་ཀུན་སྦྱོར་ཞིང་། །དབྱེ་དང་མནན་དང་རྨོངས་པ་དང་། །རྨུགས་དང་འགུག་དང་བསྐྲད་ལ་སོགས། །སྦྱོར་བའི་ཡན་ལག་ཀུན་བགྱིས་ཏེ། །ཕྱི་དང་ནང་གི་སྦྱིན་སྲེག་དག །ཉེ་བར་སྦྱོར་བ་ཚེ་འདིས་འགྲུབ། །སོ་སོའི་ལས་དང་མཐུན་པའི་དབྱིབས། །ཟླུམ་པོ་གྲུ་བཞི་ཟླ་གམ་དང་། །གྲུ་གསུམ་ལྕགས་ཀྱུ་པདྨས་མཚན། །རིན་ཆེན་བུམ་པ་རླུད་ལ་སོགས། །ལས་རྣམས་ཀུན་རྫོགས་ཀུན་གྱི་དབྱིབས། །དེ་ཉིད་ཁ་དོག་དཀར་སེར་པོ། །དམར་དང་ལྗང་ལ་སོགས་པ་ཡི། །ཕྱག་རྒྱའི་བྱེ་བྲག་འོད་འབར་རྫས། །ཟབས་དང་རྒྱ་ཁྱོན་ཆ་སྙོམས་ཤིང་། །ཕོ་བྲང་རིམ་གསུམ་མཚོན་ཆས་བརྒྱན། །ཀུ་ཤ་རལ་གྲི་མེ་ལོང་དང་། །དུར་བ་སྲད་བུའི་ཕྲེང་བས་བསྐོར། །མེ་ལྷའི་རྒྱལ་པོའི་ཁང་བཟངས་སུ། །རིགས་ཀྱི་དཀྱིལ་འཁོར་རྫོགས་པ་ཉིད། །དབང་བསྐུར་བྱིན་བརླབས་བརྟན་བྱས་ཏེ། །ཡེ་ཤེས་ལྷ་དང་གཉིས་མེད་སྦྱོར། །མལུསམཆོདཔསམཉེསཔ་དག །དངོས་གྲུབ་ཕྲིན་ལས་ཀུན་རྫོགས་པའི། །བྱ་བ་ཆེན་པོ་ཡང་དག་སྦྱོར། །འགྲོ་བའི་གནས་རྣམས་རྫོགས་པ་ཡི། །རིགས་ཀྱི་ཕྱག་རྒྱས་ཐམས་ཅད་ཀུན། །ཡེ་ཤེས་སྤྲུལ་པའི་བདག་ཉིད་ཀྱིས། །བརྩེ་ལྡན་ཐུགས་རྗེའི་གནས་འཇུག་མཛད། །བྱ་བའི་ཡུལ་ཀུན་རྣམ་པར་གྲོལ། །ཕོ་བྲང་དཀྱིལ་འཁོར་བཟང་པོ་འདིར། །ཕྱོགས་བཅུའི་སངས་རྒྱས་ཀུན་འདུས་ཏེ། །སྒྱུ་འཕྲུལ་དཀྱིལ་འཁོར་བརྟན་པའི་བདག །ལྷག་པའི་དབྱིབས་གནས་རྫོགས་པར་མཛད། །ལྷ་རྣམས་གཞན་དུ་འཕོས་པ་དང་། །དེ་ཉིད་བཀྲ་ཤིས་བཟང་པོའི་ གནས། །ཕོ་བྲང་དཀྱིལ་འཁོར་རྫོགས་བྱེད་པའི། །རྡོ་རྗེ་ཐེག་ཉིད་བླ་ན་མེད། །རིགས་ཀྱི་ཡེ་ཤེས་བརྟན་པ་ལས། །འདོད་པའི་དངོས་གྲུབ་རྣམ་པར་དག །བདེ་གཤེགས་ལྔ་ཡི་ཡི་གེ་ཡིས། །དེ་དག་ཡུལ་བཅས་རྣམ་པར་སྦྱང་། །རིགས་ཀྱི་འཁོར་ལོ་རྫོགས་པ་དང་། །གླུ་གར་རོལ་མོས་མཉེས་པར་མཆོད། །ཡང་དག་དཀྱིལ་འཁོར་རྫོགས་པ་ལྟར། །སོ་སོའི་ཕོ་བྲང་གསལ་བར་བྱེད། །ཕྱོགས་མཚམས་ལོགས་ཀྱི་ཆ་རྣམས་སུ། །རེའུ་ཆའི་ཕྲེང་བ་བཟང་པོ་ཉིད། །རིན་ཆེན་ལ་སོགས་མཚན་གྱི་ཚོགས། །ཕྱག་རྒྱ་སྔགས་ཀྱི་ཚོགས་བྱས་ཏེ། །རིགས་ཀྱི་དཀྱིལ་འཁོར་བསྟན་པ་ཉིད། །རང་རིགས་གནས་སུ་དགོད་པར་བྱ། །དཀྱིལའཁོརཆེནཔོའིཕྱོགསཀུན་ནས། །རྒྱན་དང་མཆོད་པའི་ཚོགས་བཤམས་ཤིང་། །རོལ་མོ་དུ་མས་བརྒྱན་བྱས་ཏེ། །བྱིན་བརླབས་བརྟན་པར་རོལ་པ་ཉིད། །རྡོ་རྗེའི་ཕྱག་རྒྱས་བརྟན་བཅིངས་པས། །ཉེས་པའི་ཚོགས་རྣམས་འཇོམས་བྱེད་ཅིང་། །ཁྲི་དང་ནོར་ལ་སོགས་པ་དག །ལེགས་པར་བརྒྱན་པའི་སེམས་ཀྱིས་འབུལ། །དེ་ཉིད་སྟོབས་ཀྱིས་རྫོགས་པར་འགྱུར། །ཕྱོགས་རྣམས་ཀུན་ཏུ་འཇིགས་བྱེད་ཅིང་། །ཕྱག་རྒྱ་འབར་བས་གནས་བསྲུངས་ཤིག །ཁྲོ་བོའི་ཚམ་རྔམས་སྔགས་དང་བཅས། །རོལ་པའི་བརྟུལ་ཞུགས་རྣམ་པར་སྤྱོད། །ཐབས་དང་ཤེས་རབ་སྦྱོར་བའི་ཚུལ། །རང་གི་དཀྱིལ་འཁོར་བརྟན་པར་བྱེད། །རྡོ་རྗེ་འཁོར་ལོ་རིན་ཆེན་དང་། །པདྨ་རྒྱ་གྲམ་མཚན་མའི་ཚོགས། །རང་གི་དབང་བསྐུར་ཇི་ལྟ་བར། །འབྱུང་བ་གར་ཐབས་རོལ་པའི་ཚུལ། །ཁྲོ་བོ་ཆེན་པོའི་ཆ་ལུགས་ཀྱིས། །ཕྱོགས་མཚམས་བགེགས་རྣམས་བསལ་བྱས་ཏེ། །ས་གཞི་ར་བ་གུར་དུ་བཅས། །ཡང་དག་བརྟན་པའི་ཡེ་ཤེས་གན་། །དངོས་གྲུབ་ཆེན་པོའི་དོན་སྟོན་པའི། །ཕོ་བྲང་རིགས་ཀྱི་མཚན་མ་རྣམས། །དཀྱིལ་འཁོར་གནས་འདིར་རྫོགས་བྱས་ཏེ། །རང་གི་ཆ་ལུགས་བརྟན་བྱས་པས། །ཡན་ལག་ཕུན་སུམ་ཚོགས་གནས་འགྲུབ། །དཀྱིལ་འཁོར་ལུས་སུ་བཤད་པ་སྟེ། །སངས་རྒྱས་ཐམས་ཅད་ཀྱི་ནི་གནས། །ཕུང་པོ་ལྔ་དང་འབྱུང་བའི་ཚོགས། །རབ་ཏུ་རྫོགས་པ་ཕྱག་རྒྱའི་སྐུ། །ཐབས་དང་ཤེས་རབ་མཉམ་སྦྱོར་ཞིང་། །ཡུམ་རྣམས་ཇི་བཞིན་བརྟན་པའི་མཆོག །དངོས་གྲུབ་ཆེན་པོ་ལྷག་པའི་ལྷ། །ཁམས་བཞི་འདུས་པའི་ཁུ་བ་ཉིད། །བྱང་ཆུབ་སེམས་ཀྱི་བབ་རྫོགས་པས། །ཕྱག་རྒྱ་ཆེན་པོ་མཆོག་གི་སྐུ། །དཀྱིལ་འཁོར་བཞི་བཅུ་རྩ་ལྔ་དང་། །རིགས་བརྒྱ་ལ་སོགས་དབྱེ་བ་ཡིས། །ཕྱི་ནང་འབྱུང་ཁམས་རྣམ་དག་ཅིང་། །གཉིས་མེད་ཡེ་ཤེས་རྫོགས་པ་ཉིད། །ཕྱག་རྒྱ་ཆེན་པོ་ནམ་མཁའི་དབྱིངས། །སོར་བཞིའི་ཚད་དུ་རང་བཞིན་གནས། །བདེ་བའི་ཡེ་ཤེས་ཐུགས་ཀྱི་འཁོར། །ཁ་དོག་དབྱིབས་དང་ལྡན་པར་བྱ། །ཐབས་ཀྱི་རབ་གནས་ཆོ་གར་ལྡན། །འཇུག་པ་པོས་ཀྱང་གསོལ་བ་གདབ། །ཐལ་མོ་ཉེ་བར་བརྡབ་པའི་སྒྲ། །དབང་པོ་ཡུལ་དུ་རྣམ་སྦྱོར་ཞིང་། །ཕྱག་རྒྱ་ཆེན་པོ་ནམ་མཁའི་དབྱིངས། །བརྟུལ་ཞུགས་རོལ་པའི་དབང་རྫོགས་ནས། །རྡོ་རྗེ་མཛུབ་མོའི་རྩེ་གནས་ལ། །ཏིལ་འབྲུ་ནམ་མཁའི་གཞལ་ཡས་ཁང་། །རི་རབ་ལྟ་བུའི་ཕྱག་རྒྱ་རྫོགས། །ཐབས་ཀྱི་ཆོ་ག་རབ་གནས་དང་། །གསང་བའི་སྤྱིན་བསྲེག་ལུགས་སུ་དབུལ། །ཕྱི་ནང་མེད་པའི་དཀྱིལ་འཁོར་དུ། །བདེ་བའི་ཆ་ལུགས་མཉམ་རྫོགས་ཤིང་། །བྱ་བྱེད་སྒྱུ་མའི་ཚུལ་རྣམས་ཀྱིས། །ཐབས་ཀྱི་ཐེག་པ་གསང་བ་ཉིད། །ཕུང་ཁམས་སྐྱེ་མཆེད་འབྱུང་གནས་སོགས། །མ་རིག་རྟོག་པའི་ཡུལ་འདས་ཏེ། ཁྲེས་རབ་མཁའ་གསང་ཟབ་མོ་ལ། །ཐབས་ཀྱི་ཆོ་འཕྲུལ་རྣམ་པར་རོལ། །དཀྱིལ་འཁོར་བྷ་གའི་བདག་ཉིད་ཅན། །སངས་རྒྱས་ཐེག་པའི་ཡུལ་རྣམས་ཀྱིས། །བྱང་ཆུབ་སེམས་ཉིད་གནས་རྫོགས་པ། །རྒྱུ་རྐྱེན་འབྲས་བུ་དག་པའི་སྐུ། །རབ་ཏུ་སྦྱངས་པའི་དོན་བཞིན་དུ། །ས་གནས་ཡན་ལག་ཀུན་རྫོགས་ཤིང་། །དེ་ནས་དཀྱིལ་འཁོར་ཉེ་བར་རྫོགས། །བུམ་པ་མཚན་མ་མཆོད་པའི་རྫས། །རིགས་ཀྱི་བྱིན་བརླབས་མངོན་བདག་ཉིད། །ཕྲིན་ལས་བཞི་ཡི་ལས་རྫོགས་པས། །དེ་དག་སྦྱོར་བའི་ཡན་ལག་ཉིད། །ཕྱི་དང་ནང་གི་སྦྱིན་སྲེག་གིས། །བྱང་ཆུབ་སེམས་དངོས་རྒྱས་པར་འགྱུར། །ཡུལ་རྣམས་ཉེ་བར་སྤྱད་བྱས་པས། །མཚན་བཅས་མཚན་མ་མེད་པའི་དབྱིངས། །སངས་རྒྱས་ཀུན་གྱི་གནས་འདི་ནི། །དེ་ནི་སྟོན་པས་གསུངས་པ་ཡིན། ཐམས་ཅད་དུ་ཉེ་བར་སྦྱོར་བའི་ཚུལ་གྱིས་སྨིན་པར་བྱ་བའི་གནས་ལ་འཇུག་པའོ། །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། གཟུགས་བརྙན་གྱི་དཀྱིལ་འཁོར་གྱི་ལེའུ་སྟེ་དྲུག་པའོ།། །།དེ་ནས་འགྲོ་གནས་མ་ལུས་ཀུན། །རྣམ་པར་སྦྱོང་བའི་ཐབས་ཆེན་གྱིས། །དཀྱིལ་འཁོར་སྤྲུལ་པ་ཀུན་སྟོན་ཅིང་། །ཐབས་དང་ཤེས་རབ་གཉིས་མེད་སྦྱོར། །རིགས་ཀྱི་སངས་རྒྱས་ཀུན་བསྡུས་ཏེ། །རང་གི་དབང་བསྐུར་གནས་རྫོགས་པས། །ཕྱོགས་རྣམས་ཀུན་ནས་གསོལ་གདབ་ཅིང་། །དཀྱིལ་འཁོར་བཀོད་པའི་དོན་བསྟན་མཛད། །རིགས་ཀྱི་བྱ་ཆུབ་སེམས་རྣམས་ཀྱིས། །ཕྱག་རྒྱའི་གར་རྣམས་སྣ་ཚོགས་པས། །ལེགས་སྤྱོད་རོལམོམཆོདཔའིཚོགས། །གླུ་དབྱངས་སྙན་པས་གསོལ་བ་གདབ། །སྒྱུ་འཕྲུལ་དྲུ་བ་རྫོགས་བྱེད་པའི། །སངས་རྒྱས་སྐུ་ནི་བྱིན་རླབས་ཉིད། །ཐོབ་དཀའ་ཐོབ་པས་ཀུན་ནས་འཇུག །བྱིན་གྱིས་རློབས་ཤིག་སྟོན་པ་མཆོག །དབང་བསྐུར་གསང་བ་ལས་བྱུང་བའི། །ཚུལ་འདི་ཉེ་བར་རྫོགས་བྱས་པའི། །གཉེན་པོས་ཡུལ་ཀུན་འཇོམས་བྱེད་ཅང་། །སྐུ་གསུང་ཐུགས་ཀྱི་བྱིན་རླབས་མཆོག །མ་ལུས་ཀུན་ནས་ཉམས་པ་རྣམས། །ཐུགས་རྗེའི་བདུད་རྩིས་བརླན་པར་མཛོད། །ཀུན་ནས་སྦྱོད་དང་ཡང་དག་སྤྱོད། ཤེན་ཏུ་སྤྱོད་པ་རྒྱ་ཆེན་མཆོག །ཐབས་དང་ཤེས་རབ་ཕྱོགས་རྣམས་སུ། །ཡང་དག་སྦྱར་བའི་བདུད་རྩི་ཡིས། །སྲས་ཀྱི་ཚོགས་རྣམས་ཁྱབ་མཛད་དེ། །རིག་མཆོག་སེམས་དཔའ་དབང་བསྐུར་ཞིང་། །ཕ་རོལ་ཕྱིན་རྫོགས་དོན་སྟོན་མཛད། །དེ་ལྟར་རྒྱ་ཆེན་འགྲོ་གནས་ཀུན། །ཐམས་ཅད་ཅིག་ཅར་འཇུག་པའི་མཐུས། །ཡུལ་དང་ཡུལ་ཅན་རྣམ་པར་སྦྱོར། །རིགས་ཀྱི་རྒྱལ་བ་འགྲོ་བའི་སྐྱབས། །མ་ལུས་ཁ་ལོ་བསྒྱུར་བའི་གཙོ། །རིགས་མཆོག་དཀྱིལ་འཁོར་རྫོགས་པ་སྲ །དབང་བསྐུར་ཐུགས་རྗེ་ཆེ་ལས་འབྱུང་། །ཕྱོགས་བཅུ་ཐམས་ཅད་སངས་རྒྱས་ཀྱིས། །ཡང་དག་དཀྱིལ་འཁོར་བརྟན་པའི་བདག །ཉོན་མོངས་དྲི་གནས་ཀུན་སེལ་བས། །བུམ་པའི་ཆུ་ཡིས་དག་པར་འགྱུར། །རིན་ཆེན་སྣ་ཚོགས་རྫས་ཀྱིས་སྤྲས། །རིགས་ལྔའི་སངས་རྒྱས་རྒྱན་དུ་ཐོགས། །བྱང་ཆུབ་སེམས་གནས་ཡེ་ཤེས་ཉིད། །བུམ་པའི་རྫས་ལས་མངོན་པར་འབྱུང་། །ཨོ་རིགས་ཀྱི་དབུ་རྒྱན་བླ་མེད་པས། །ཉོན་མོངས་གནས་ཀུན་རྣམ་པར་སྦྱང་། །ཡེ་ཤེས་བྱིན་རླབས་སྟོབས་རྫོགས་པའི། །མཚན་མ་བཟང་པོ་ཁྱོད་ཀྱི་རྒྱན། །ཡབ་ཡུམ་ཐབས་དང་ཤེས་རབ་ཀྱིས། །མངོན་སྦྱོར་རོལ་པའི་བྱིན་རླབས་རྫོགས། །མཚན་དང་དཔེ་བྱད་མཐའ་ཡས་པ །མ་ལུས་ཡུལ་ཀུན་ཉེ་བར་མཉེས། །ཅོད་པན་བཟང་པོ་འདི་ཉིད་ནི། །དབང་དང་མངོན་པར་ཤེས་པའི་རྟགས། །ཐེག་པ་ཐམས་ཅད་མ་འདྲེས་པའི། །ཡོན་ཏན་རིགས་རྣམས་ཏིང་ངེ་འཛིན། །བྱིན་རླབས་ངོ་མཚར་ཡུལ་རྫོགས་པས། །དབྱིངས་དང་ཡེ་ཤེས་མཉམ་པ་ཉིད། །ཁམས་གསུམ་ཆོས་ཀྱི་རྒྱལ་མཚན་གྱིས། ཁྲེས་བྱའི་གནས་ཀུན་གསལ་བར་མཛད། །བྱང་ཆུབ་ཡན་ལག་མེ་ཏོག་ཕྲེང་། །ལམ་གྱི་ཡན་ལག་བརྒྱད་གནས་འཇུག །སྟོབས་དང་མི་འཇིགས་ཀུན་རྫོགས་པས། །རང་བྱུང་བྱང་ཆུབ་སེམས་ཀྱི་རྒྱན། །རིགས་མཆོག་གསང་སྔགས་ཆེ་ལས་བྱུང་། །ཐེག་པའི་མཐའ་རྣམས་རྫོགས་པའི་ཚུལ། །ཅིས་ཀྱང་མི་ཚུགས་མི་ཤིགས་པའི། །སྟོང་པའི་གོ་ཆ་བླ་ན་མེད། །མཚན་མའི་ཡུལ་ཀུན་འཇོམས་བྱེད་ཅིང་། །ཡང་དག་ཆོས་རྣམས་མཉམ་པར་གནས། །ལས་ཀྱི་བག་ཆགས་ཀུན་ལས་རྒྱལ། །དེ་དག་ཡེ་ཤེས་ཆེན་པོའི་སྟོབས། །ཉོན་མོངས་མཚན་མ་ཀུན་འཇོམས་ཤིང་། །རིགས་མཆོག་དངོས་གྲུབ་བརྟན་བྱེད་པ། །རྡོ་རྗེ་འཁོར་ལོ་རལ་གྲི་དང་། །པདྨ་རིན་ཆེན་བླ་ན་མེད། །གོ་ཆ་བཟང་པོས་བརྟན་བྱས་པས། །མི་མཐུན་རྟོག་པའི་ཚོགས་ལས་རྒྱལ། །རང་གི་ཕྱག་རྒྱ་རྫོགས་པ་ཡི། །དུས་རྣམས་ཀུན་ཏུ་སྲུང་བའི་མཆོག །བདུད་བཞིའི་མཚན་མས་མི་ཚུགས་ཤིང་། །མཐའ་བཞིའི་གཡུལ་ལས་རྒྱལ་བའི་རྟགས། །ཆོས་ཀྱི་རྒྱལ་མཚན་བླ་ན་མེད། །གསང་བའི་སྔགས་རྣམས་ཀུན་གྱིས་མཛེས། །ཐེག་པ་ཆེན་པོ་གཉིས་མེད་པའི། །ཡོན་ཏན་རིན་ཆེན་རིགས་ཀུན་བདག །སྐུ་གསུང་ཐུགས་ཀྱི་རྡོ་རྗེ་ཉིད། །སངས་རྒྱས་ཀུན་གྱི་ཡེ་ཤེས་ཏེ། །རིགས་ཀྱི་འཁོར་ལོ་བླ་ན་མེད། །དེ་བཞིན་གཤེགས་པ་ཐམས་ཅད་ཀྱི། །སྐུ་ཡི་སྐུ་སྟེ་སྐུ་ཡི་མཆོག །གསུང་གི་དམ་ཚིག་གསུང་ཆེན་པོ། །ཐུགས་རྗེ་ཐུགས་ཀྱི་བདག་ཉིད་ལས། །ཡོན་ཏན་ཀུན་འབྱུང་བདེ་བ་ཉིད། །ཕྲིན་ལས་ཡུལ་ཀུན་རྫོགས་པར་སྤྱོད། །བདེ་གཤེགས་པདྨ་རྡོ་རྗེ་དང་། །རིན་ཆེན་རྒྱ་གྲམ་བླ་ན་མེད། །མ་ལུས་འདོད་པའི་དོན་སྐོང་ཞིང་། །རིགས་མཆོག་དཀྱིལ་འཁོར་བརྟན་པར་མཛད། །ཉོན་མོངས་བདུད་ཀུན་ཟིལ་གནོན་པས། །ཕྱག་རྒྱའི་ཡེ་ཤེས་བརྟན་པར་འགྱུར། །མཐའ་འདས་ཆོས་ཀུན་བསྟན་པ་ཉིད། །བྱིན་རླབས་དེ་བཞིན་ཉིད་ཀྱི་མཆོག །ཐུས་རྗེའི་འོད་ཟེར་དཔག་མེད་ཅིང་། །མ་ལུས་ཡུལ་ཀུན་ཁྱབ་པའི་ཆོས། །ཚད་མེད་བཞི་གནས་ཆར་ཁེབས་མཛེས། །ཕ་རོལ་ཕྱིན་པའི་གནས་ཀྱི་ཚོགས། །ཡང་དག་བསྡུས་པའི་རྒྱན་གྱི་གཞི། །གདུགས་མཛེས་གསེར་གྱི་ཡུ་བ་ཅན། །དོན་ཀུན་སྦྱོད་པས་ཉེ་བར་འཁོར། །སངས་རྒྱས་ཐམས་ཅད་བཞུགས་པའི་གནས། །ཕྱི་ནང་སྣོད་བཅུད་དག་པའི་དབྱིངས། །རིགས་ཀྱི་རིན་ཆེན་གཞལ་ཡས་ཁང་། །བརྟེན་པ་འཁོར་ལོའི་ཚོགས་སྤྱོད་ཅིང་། །ཐབས་དང་ཤེས་རབ་སྙོམས་འཇུག་པས། །བྱང་ཆུབ་སེམས་རྣམས་བདེ་ཆེན་རྫོགས། །མི་གཉིས་དངོས་གྲུབ་ཆེན་པོའི་གཞི། །ཐར་པའི་གྲོང་མཆོག་བླ་ན་མེད། །ཀུན་འབྱུང་འདོད་པའི་གནས་རྫོགས་པའོ། །ཀུན་ཏུ་བྲོ་མཆོག་ཚིམས་བྱེད་རྫས། །འདོད་པའི་ཡོན་ཏན་མ་འགགས་དབྱིངས། །ཆོས་ཀྱི་བདུད་རྩི་བླ་ན་མེད། །རྣམ་གྲོལ་ཟག་པ་མེད་པའི་རྫས། །ཁམས་གསུམ་འདོད་ཡོན་གནས་རྫོགས་པས། །ཏིང་འཛིན་རོ་མཆོག་བསྟན་པ་ཉིད། །མ་འདྲེས་རྒྱུན་གྱི་ཕྱག་རྒྱ་ལ། །ལྷ་མོའི་ཚོགས་ནི་ཀུན་ཏུ་སྤྲོ། །འ༷ཁོར་འདས་འགྲོ་བ་ཀུན་སྦྱངས་ཤིང་། །ཉོན་མོངས་གནས་ཀུན་དག་མཛད་པ། །རིགས་མཆོག་ཡེ་ཤེས་གསལ་བྱེད་ཅིང་། །གསང་སྔགས་ཕྲེང་བའི་ཡན་ལག་རྫོགས། །ཧུ༷་གིས་ཆོས་རྣམས་གསལ་མཛད་ཅིང་། །ཨཱོཾ་ལྡན་བྱིན་རླབས་རྒྱ་ཆེན་པོ། །མངོན་པར་ཚིམས་མཛད་གྲྭ་ཡི་ཚོགས། །དོན་ཀུན་སྤྱོད་པས་ཨུ༷་གནས་ལྡན། །ཕྲིན་ལས་སྟོབས་རྫོགས་ཧྭ་ཉིད་དེ། ཁྲེས་སྐྱོབས་སྒྲ་ཡི་གནས་རྫོགས་པས། །ཁྱད་པར་ཁྱད་པར་མེད་པའི་ཚོགས། །མི་ཤིགས་འདུས་པའི་གསང་སྔགས་ཉིད། །ཕྱི་རོལགནསཆེནལསབྱུངབའི། །ཕྱི་རོལ་དཀྱིལ་འཁོར་བརྟན་པར་འགྱུར། །ངན་འགྲོ་སྲིད་ལས་སྐྱོབ་བྱེད་པའི། །མཐོ་རིས་བདེ་བ་ཕུན་སུམ་ཚོགས། །དབང་བསྐུར་གསང་བ་ལས་བྱུང་བའི། །དམ་ཚིག་མཆོག་འདི་བརྟུལ་ཞུགས་གནས། །ཕྱག་རྒྱ་གསུམ་གྱི་སྦྱོར་བ་ཡིས། །སྐུ་གསུང་ཐུགས་ཀྱི་གནས་རྫོགས་འགྱུར། །རྡོ་རྗེ་འོད་བཅས་ཕྲེང་བས་བརྒྱན། །ཡང་དག་བརྟན་པས་སྤྱི་བོའི་གནས། །སྐུ་ཡི་བྱིན་རླབས་ལྷག་གནས་པའི། །སྙིང་པོ་དོན་ཀུན་རྫོགས་པའི་མཆོག །འདི་དག་སངས་རྒྱས་སྐུ་ཆེན་པོ། །ཁམས་གསུམ་གནས་ཀུན་སྤྲོ་མཛད་དེ། །རིགས་མཆོག་རྒྱལ་བ་ཀུན་གྱི་བདག །མི་འགྱུར་བརྟན་པའི་གནས་ཆེན་འཇུག །ཐ་དད་ཡུལ་ཀུན་མཉམ་རྫོགས་ཤིང་། །རྣམ་པར་སྣང་མཛད་སྐུ་ཆེན་འགྲུབ། །མེ་ཏོག་ཕྲེང་བཅས་མཚན་མ་ཉིད། །ཐུགས་རྗེའི་གནས་སུ་དཀྱིལ་འཁོར་ཆེ། །མི་བསྐྱོད་བྱིན་རླབས་རྫོགས་པའི་བདག །འོད་བཅས་ཐུགས་རྗེའི་ཡེ་ཤེས་ཉིད། །ཁམས་གསུམ་གནས་ཀུན་དག་བྱེད་པའི། །ཐུགས་རྗེ་ཡེ་ཤེས་བླ་ན་མེད། །གསལ་བའི་དཀྱིལ་འཁོར་ཆེན་པོ་སྲ །ཐབས་ཀྱི་སྤྱོད་ཚོགས་རྒྱས་པར་མཛད། །ངག་གི་གནས་སུ་ཐབས་དང་བཅས། །དམ་ཚིག་གསུམ་གྱི་བྱིན་རླབས་ཉིད། །གཉིས་མེད་ཡུལ་ཀུན་སྦྱོང་མཛད་པ། །དམ་ཚིག་བདུད་རྩི་རྫས་ཅན་པོ། །ངག་གི་གནས་ཀུན་དག་བྱས་ཏེ། །མ་འདྲེས་ཆོས་ཀྱི་ཕྱག་རྒྱ་ཡིས། །ཐམས་ཅད་རྫུན་གྱི་ཚིག་ལྟ་བུ། །རྒྱུ་འབྲས་སྐུར་བའི་གནས་རྣམས་ལ། །གསང་སྔགས་ཐེག་པའིདོནཆེནའདིས། །སྒྲོ་བཏགས་ཆོས་ཀུན་རྣམ་པར་དག །ས་རྣམས་བྱ་བ་ཀུན་རྫོགས་ཤིང་། །དམ་ཚིག་ཆེན་པོའི་གནས་ཆེན་འགྲུབ། །གནས་བཞི་ཡི་གེའི་མཚན་མ་ལ། །འབྱུང་བའི་དཀྱིལ་འཁོར་རིམ་བཞིན་བརྩེགས། །ཐུགས་རྗེ་ཆེན་པོའི་གནས་ཡིན་ཏེ། །རྒྱལ་བ་ཀུན་གྱིས་གཟིགས་པར་འགྱུར། །རིགས་ཀྱི་ཕྱག་རྒྱའི་ཚོགས་རྣམས་ཀྱིས། །ལས་ཚོགས་ཉོན་མོངས་རྣམ་པར་དག །ཕྱོགས་བཅུའི་དཀྱིལ་འཁོར་མ་འདྲེས་པ། །དེར་གནས་བྱིན་རླབས་རོལ་པས་མཆོད། །སྐུ་གསུང་ཐུགས་ཀྱི་རྟགས་སྟོན་ཅིང་། །ཕྱག་རྒྱ་མི་ཤིགས་འབེབས་པར་འགྱུར། །ཡེ་ཤེས་སེམས་དཔའི་ཐུགས་གསང་བ། །རང་སྔགས་ཕྱག་རྒྱ་ཡང་དག་འབེབས། །ཀུན་མཆོག་གསལ་བ་ལྷང་ངེ་བའི། །ཐམས་ཅད་དཀྱིལ་འཁོར་རྫོགས་པའི་མཆོག །རང་གི་སྔགས་དང་ཕྱག་རྒྱའི་མཐུས། །གྲོང་ཁྱེར་ཐམས་ཅད་རྣམ་པར་གྲོལ། །རིགས་རྣམས་སོ་སོའི་མཚན་ལྡན་གནས། ཁྲེས་རབ་ཕ་རོལ་ཕྱིན་པའི་ཚུལ། །རབ་ཏུ་བརྟགས་པའི་གནས་ཆེན་པོ། །ཉེ་བར་སྦྱོང་བས་བྱིན་བརླབས་ཤིང་། །གཉིས་མེད་རོལ་པའི་སྦྱོར་བ་མཛད། །ཐབས་དང་ཤེས་རབ་གསང་བའི་རྒྱུན། །འོད་ཟེར་སྔགས་ཀྱིས་ཀུན་སྤྲོས་ཏེ། །རིགས་ཀྱི་དཀྱིལ་འཁོར་མཉེས་མཛད་ཅིང་། །རྣམ་པར་བསྡུས་པས་གནས་རྫོགས་པ། །དེ་དག་ལྷག་པའི་བདག་ཉིད་ཅན། །ཉན་བྱེད་རྣ་བའི་གཞལ་ཡསསུ། །རིནཆེནརིགསམཆོག་དཀྱིལ་འཁོར་རྫོགས། །རྣམ་གསུམ་སེམས་དཔའ་སྤྲོ་ཞིང་བསྡུ། །བྱིན་རླབས་དབང་བསྐུར་མཚན་མས་བརྒྱན། །ཡེ་ཤེས་དཀྱིལ་འཁོར་གཉིས་མེད་པར། །མཉེས་མཛད་རིགས་ཀྱི་གསང་སྔགས་རྫོགས། །གོ་ཆ་བརྟན་པས་དབང་བསྐུར་ཞིང་། །བདེ་གཤེགས་སྨན་གྱི་དངོས་གྲུབ་གནས། །ཐུགས་རྗེའི་དཀྱིལ་འཁོར་འབར་བ་ལ། །རྡོ་རྗེའི་རིགས་མཆོག་གཙོ་གཟུངས་སྦྱོར། །ལག་པའི་འཁོར་ལོའི་གཞལ་ཡས་སུ། །པདྨའི་རིགས་ཀུན་མཉམ་པར་སྦྱོར། །འཁོར་ལོ་ལྔ་ཡི་གནས་བཞུགས་པས། །རིགས་ཀྱི་དཀྱིལ་འཁོར་ཀུན་བདག་ཉིད། །རྣམ་གསུམ་ཆོ་གས་རྫོགས་པ་ཡིས། །གཙོ་དང་སྤྲུལ་པའི་ཚོགས་བཅས་རྣམས། །ཕྱག་རྒྱ་རྒྱན་གྱིས་ཀུན་ཏུ་བརྗིད། །རིགས་ཀྱི་ལྷ་དང་སྒོ་བའི་ཚོགས། །དབང་བསྐུར་བྱིན་རླབས་རྫོགས་པ་དང་། །ཡེ་ཤེས་དཀྱིལ་འཁོར་གསལ་བར་དགུག །ཚད་མེད་བཞི་ཡི་གནས་བརྟན་ནས། །ཡང་དག་མཆོད་ཅིང་བསྟོད་བྱས་ཏེ། །སྔགས་དང་ཕྱག་རྒྱས་བྱིན་བརླབས་ཤིང་། །འོད་ཟེར་སྤྲོ་དང་བསྡུ་བ་ཡིས། །སངས་རྒྱས་ཀུན་བདག་ངོ་བོ་ཉིད། །རང་གི་གནས་སུ་བསྟིམ་བྱས་ཏེ། །དབང་བསྐུར་སྣང་བ་ཡེ་ཤེས་རྫོགས། །རྡོ་རྗེ་དྲིལ་བུའི་ཕྱག་རྒྱ་ཡི། །བརྟུལ་ཞུགས་བཟང་པོ་བླ་ན་མེད། །ཐབས་ཀྱི་ཡེ་ཤེས་བརྟན་པ་ཉིད། །འོད་འཕྲོ་ཤེས་རབ་དབྱིངས་སུ་འཁྱིལ། །ཆ་ལུགས་མཚན་རྫོགས་ཕྱག་རྒྱའི་སྐུ། །དོན་ཀུན་དངོས་གྲུབ་བཟང་པོ་ཡི། །ཐེགཆེནགསངབབླམེད་པར། །ཕྱག་རྒྱའི་ཆོ་ག་སྣ་ཚོགས་དང་། །ཀུན་ཏུ་མཐའ་ཡས་སྤྱད་པའི་སྒོ། །ཕྲིན་ལས་སྣ་ཚོགས་རྫོགས་བྱེད་པའི། །དེ་དག་ལས་རྣམས་ཀུན་སྦྱོར་ཞིང་། །དངོས་གྲུབ་མཐའ་ཡས་གྲངས་མེད་འཇུག །ཡི་གེའི་མཆོག་རྣམས་མི་ཤིགས་པའི། །དམ་ཚིག་མཆོད་པ་ཀུན་གྱི་གནས། །སྦྱོང་བའི་བྱེ་བྲག་རོལ་པ་ཉིད། །རྗེས་སུ་སྣང་བའི་ཚུལ་རྫོགས་པས། །ལས་རྣམས་ཀུན་ལ་ཐོགས་པ་མེད། །འདི་ལྟར་སངས་རྒྱས་ཐམས་ཅད་ཀྱི། །རྡོ་རྗེའི་ཐེག་ཆེན་དགྱེས་པའི་མཆོག །ཕྱག་རྒྱའི་འཇུག་པ་མཉམ་སྦྱོར་བས། །དེ་རིང་ཁྱོད་ཉིད་ལུང་བསྟན་མཛད། །སྲས་ཀྱི་བྱང་ཆུབ་སེམས་རྣམས་དང་། །ཐ་དད་དོན་ཀུན་སྟོན་བྱེད་ཅིང་། །ཁམས་གསུམ་གནས་ཆེན་བསྒྲལ་དཀའ་བར། །མི་ལྡོག་དེ་བཞིན་གཤེགས་པའི་ཚོགས། །ཐེག་པའི་མཐའ་བྲལ་རྣམ་པར་དག །ས་གསུམ་དབང་ཕྱུག་འབྱུང་གནས་མཆོག །ཡང་དག་ལུང་བསྟན་རྫོགས་པ་ཡི། །རིགས་ཀྱི་འཁོར་ལོ་ཀུན་བསྒྱུར་ཞིང་། །བྱ་བ་ཆེན་པོ་ལས་མཐར་ཕྱིན། །སྡུག་བསྔལ་ཉོན་མོངས་ཉེས་པའི་ཚོགས། །ཐམས་ཅད་ཡུལ་ཀུན་ལས་འདས་ཤིང་། །ལས་ཀྱི་རྒྱ་མཚོ་ཀུན་འདོད་པའི། །ཆགས་བཅས་ཡུལ་ཀུན་སྒྲོལ་བར་བྱེད། །གནས་ངན་སྡུག་བསྔལ་ཐམས་ཅད་ཀུན། །རབ་ཏུ་སྦྱངས་པས་གནས་ཀྱི་མཆོག །ཁམས་གསུམ་བྱ་བ་ཀུན་རྫོགས་ཤིང་། །ལྷག་མ་དང་བཅས་གྲོལ་བ་ཉིད། །དབུགས་དབྱུང་གསང་བ་བླ་ན་མེད། །སངས་རྒྱས་ཀུན་གྱིས་བསྟན་པར་མཛད། །ལྷག་པའི་དམ་ཚིག་གནས་རྣམས་ཀྱི། །ཡེ་ཤེས་ཡན་ལག་ཚུལ་འཇུག་པ། །ཀུན་མཆོག་འབྲེལ་པ་མེད་པའི་ཆོས། །རང་བཞིན་རྫོགས་པའི་བདག་ཉིད་དོ། །ཡང་དག་ཡེ་ཤེས་འདོད་པ་ཡིས། །མགོན་པོ་ཀུན་མཆོག་ལ་གསོལ་འདེབས། །མཆོད་བསྟོད་མཉེས་པའི་ཡན་ལག་གིས། །རིགས་ཀྱི་ཕོ་བྲང་ཉེ་བར་མཛེས། །ཕྱག་རྒྱ་རིགས་དང་མཐུན་པའི་ཡུམ། །དབང་བསྐུར་བྱིན་རླབས་རྫོགས་བྱས་ཏེ། །ཚུལ་བཞིན་མངོན་པར་སྦྱངས་པ་དང་། །རོལ་པའི་བརྟུལ་ཞུགས་རྣམ་པ་བདུན། །དཀྱིལ་འཁོར་ལུས་ཀྱི་བདག་ཉིད་ལ། །བྱང་ཆུབ་སེམས་ཀྱི་ཆ་རྫོགས་འགྱུར། །ལས་རྣམས་བརྟན་པའི་ཐིག་ལེ་ཉིད། །ཕྱག་རྒྱ་བདེ་བའི་ཆ་སྐྱེད་ཅིང་། །ལོངས་སྤྱོད་གནས་སུ་ཡང་དག་ཉིད། །ཀུན་ཏུ་མཉེས་པའི་འཁོར་ལོ་མཆོག །ཐམས་ཅད་གསལ་ཞིང་རྫོགས་པར་འགྱུར། ཁྲེས་རབ་ལས་བྱུང་ཡེ་ཤེས་ཏེ། །རང་གནས་ཕྱག་རྒྱ་ཆེན་པོའི་བདག །ཡང་དག་གསོལ་གདབ་མཐུན་པའི་གྲོགས། །མཆོད་པ་ཀུན་གྱིས་མཉེས་པར་བྱ། །བྷ་ག་དཀྱིལ་འཁོར་ཇི་བཞིན་པར། །ཐར་པ་ཆེན་པོའི་གྲོང་ཁྱེར་མཆོག །རིགས་ཀུན་ཐབས་དང་ཤེས་རབ་ཀྱིས། །མཚན་བཅས་མཚན་མ་མེད་པའི་དངོས། །བདེ་བའི་ཡེ་ཤེས་མཉམ་རྫོགས་པའི། །དོན་ཀུན་གསལ་བའི་ངོ་བོ་ཉིད། །དགའ་དང་རྗེས་སུ་དགའ་བ་དང་། །དགའ་བྲལ་ལྷན་ཅིག་སྐྱེས་པའི་མཆོག །རང་བྱུང་ཡེ་ཤེས་ཟག་པ་མེད། །ཡང་དག་བརྟན་པས་སྐུ་རྣམས་རྫོགས། །ཁམས་གསུམ་ཐམས་ཅད་དེ་ལྟ་བུར། །མངོན་པར་བྱང་ཆུབ་ཡེ་ཤེས་ཉིད། །རང་བཞིན་རྒྱལ་བ་ཐམས་ཅད་ཀྱི། །ཕྱག་རྒྱ་བདེ་ཆེན་གསང་བའི་མཆོག །ཐམས་ཅད་ཡུལ་ཀུན་རྫོགས་པར་གནས། །བདེ་ཆེན་ཞི་བའི་ངོ་བོ་ཉིད། །ཁམས་བཅུར་བདེ་བའི་ལམ་གཉིས་དང་། །དབུ་མ་བཅུད་འདུས་མཚན་ལྡན་པ། །དྲུ་བའི་རྩ་དང་དབང་པོ་དང་། །ཕུང་སོགས་ཡེ་ཤེས་བདེ་འཁོར་ལོ། །ཧཱུཾ༷་གི་བདེ་བ་ཡེ་ཤེས་བཅས། །ཚོགས་བརྒྱད་རིན་ཆེན་ཡེ་ཤེས་ལྔ། །སྔགས་རྫས་དགོངས་པས་གང་བླངས་པ། །ཀུན་ནས་ལྡང་ཞིང་སྐྱོབ་པ་ཡིས། །སྡུག་བསྔལ་ལས་གྲོལ་རིགས་སུ་ངེས། །མི་བསྐྱོད་ཡབ་ཡུམ་རོལ་པ་ལས། །བདེ་བ་གསལ་ཞིང་མི་དམིགས་པ། ཁེས་རབ་ཐབས་ཀྱི་ཕྱག་རྒྱའོ། །རྡོ་རྗེ་ཡེ་ཤེས་ཧཱུཾ༷་ཚོགས་ཀྱིས། །པདྨ་ཡེ་ཤེས་བསྡུས་པར་འཁྱིལ། ་་་དཀར་ཚད་ཙམ་རྡོ་རྗེ་སེམས། །རྩེ་ནས་རྩེ་རུ་ཕྱིན་པ་ཡིས། །རང་བཞིན་ཆོས་ཁམས་དཀྱིལ་འཁོར་རྫོགས། །ས་བོན་ཟུང་འཇུག་གཉིས་དང་བཅས། །གནས་ངན་ལེན་པ་གསུམ་སྦྱངས་ཏེ། །དམིགས་མེད་སེམས་ཀྱི་ཡེ་ཤེས་ལྔ། །གསལ་བས་ས་བོན་ཚིག་པ་བཞིན། །མི་སྐྱེ་ཐབས་ཀྱིས་དབུགས་དབྱུང་བའོ། །ཐམས་ཅད་རང་གི་བྱང་ཆུབ་སེམས། །ས་བོན་ཉི་ཟླའི་དཀྱིལ་འཁོར་བརྩེགས། །འཁོར་ལོའི་ཁམས་རྣམས་སྦྱོར་བ་ཡིས། །གསང་བའི་ཐིག་ལེ་ཀུན་རྒྱས་པས། །ཆ་ཤས་ཟུང་འཇུག་ཡུལ་ལས་འདས། །ཕྱི་ནང་ཁམས་གསུམ་དེ་ལྟ་བུ། །བདེ་བ་ཆེན་པོའི་དངོས་ཉིད་དོ། །དེ་ལས་གཞན་ཡང་བཤད་བྱ་བ། །རྗེས་སུ་འཇུག་པའི་ཕྱག་རྒྱ་ཉིད། །ཟིལ་པའི་ཐིག་ལེ་སྔོན་ལམ་བཞིན། །བཅུ་དྲུག་ཕྱེད་ཕྱེད་ཐིག་ལེ་གཅིག །ཕན་ཚུན་འཁོད་པའི་སྟོབས་ཉིད་ཀྱིས། །བདེ་བ་གཉིས་པའི་ངོ་བོ་རྫོགས། །གསུམ་པ་ཡེ་ཤེས་དཀྱིལ་འཁོར་དུ། །གསལ་རྫོགས་ཤར་བར་གྱུར་པའི་སྒྲ། །རང་བཞིན་འོད་གསལ་དཀྱིལ་འཁོར་རོ། །དེ་ལས་གཞན་ཡང་བཤད་བྱ་བ། །རྡོ་རྗེ་ཉི་མ་ཐབས་ཀྱི་རྒྱ། །ཕུང་ཁམས་ཕྱག་རྒྱའི་ཚོགས་དང་ལྡན། །དེ་ལ་བསིལ་བྱེད་ཤེས་རབ་དངོས། །དུས་གཅིག་རོ་མཉམ་ཐིག་ལེ་ཆེ། །སུམ་ཅུ་རྩ་གཉིས་མཚན་རྫོགས་ཤིང་། །ཟླ་བའི་ཡེ་ཤེས་ལྔ་བཅུ་དྲུག །དཔེ་བྱད་ལ་སོགས་དཔག་ཏུ་མེད། །སེམས་ཤེས་མངོན་པར་ཤེས་དང་ལྡན། །སེམས་དཔའ་འགྲོ་འོང་རྫུ་འཕྲུལ་ཤེས། །གནས་ནས་ལོག་པ་ཐིམ་པའི་སྒྲ། །མཐའ་གཉིས་མ་གོས་པདྨ་ཅན། །སྤྲུལ་པའི་གནས་ནས་བཀྱེ་བ་ཡིས། །བཞི་བཅུ་རྩ་ལྔ་ལ་སོགས་མཐའ་ཡས་ཀུན། །རང་རིག་ཉིད་ལས་ངང་གསལ་བ། །བཅུ་གསུམ་ཡི་གེ་འཁོར་ལོར་རྫོགས། །ཞེས་གསུངས་པས་སྨིན་པར་གྱུར་ཏོ། །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པ་དེ་ཁོ་ན་ཉིདརོལཔཆེནཔོའིརྒྱུདལས། །དབང་གི་ལེའུ་སྟེ་བདུན་པའོ།། །།དེ་ནས་བཅོམ་ལྡན་ཀུན་ཏུ་བཟང་། །རང་གི་དཀྱིལ་འཁོར་གནས་ཉིད་ན། །སྐུ་སུང་ཐུགས་མཆོག་ཡེ་ཤེས་ཆེ། །དམ་ཚིག་ཡན་ལག་རྫོགས་པའི་བདག །མ་ལུས་སྲིད་དངོས་དག་པ་ཡིས། །རང་བཞིན་དམ་པ་རྣམས་ཀྱི་གཟུངས། །དོན་མཆོག་ཕྱག་རྒྱ་སྟོན་བྱེད་ཅིང་། །མཐའ་ཡས་བྱང་ཆུབ་སྤྱོད་པའི་ཚོགས། །འདྲེན་པའི་ཆ་ཤས་སྙིང་པོའི་སྐུ། །ཀུན་ནས་རྫོགས་པའི་འཁོར་ལོ་ཉིད། །བྱ་བ་ཆེན་པོས་དོན་སྤྱོད་ཅིང་། །ཐབས་དང་ཤེས་རབ་འབྲེལ་བའི་ཚོགས། །གཟུགས་སུ་གྱུར་པས་བརྩོན་ལྡན་པ། །བྱ་བ་ཆེན་པོ་ཀུན་སྒྲོལ་ཞིང་། །དེ་བཞིན་ནང་ནང་དང་འདྲ་ཡིན་ནམ་གི་ཕྱི་རོལ་ཚོགས། །དམ་ཚིག་ཡུལ་རྣམས་གཏན་ལ་འབེབས། །བླ་མེད་ཐེག་པར་རབ་བསྔགས་པ། །རྒྱུ་རྐྱེན་འབྲས་བུ་དབྱེ་བ་ཡི། །ས་དང་ལམ་ཀུན་གྲངས་འདས་ཤིང། །སྐྱབ་པའི་ཕྱག་རྒྱ་བསྟན་པ་ཉིད། །ཀུན་བཟང་འཇིག་རྟེན་འཁོར་ལོའི་མཆོག །བྱ་དཀའི་གནས་རྣམས་རབ་ཏུ་རྫོགས། །སྡོམ་པའི་ཚུལ་ཁྲིམས་མཐའ་ཡས་པའི། །ཐེག་པའི་མཆོག་རྣམས་མངོན་བསྟན་ཏེ། །རང་བཞིན་ཡུལ་གྱིས་རྣམ་དག་པས། །བྱ་དང་བྱེད་པོ་གཉིས་སུ་མེད། །སངས་རྒྱས་ཐེག་པ་བསམ་ཡས་པར། །མི་དགེ་བཅུ་དང་མཚམས་མེད་ལྔ། །ཉེས་སྤྱོད་ལས་རྣམས་མཐའ་ཡས་ཀུན། །རང་བཞིན་དམན་རྣམས་འཆིང་བའི་རྒྱུ། །ཡང་དག་རྟོགས་པར་རྣམ་པར་གྲོལ། །མཉམ་པ་ཆེན་པོའི་དམ་ཚིག་ཏུ། །མ་ལུས་ཀུན་འདུས་རྣམ་དག་ཅིང་། །ཀུན་ནས་ཉོན་མོངས་འཁོར་བའི་གནས། །ཡང་དག་སྤྱོད་གནས་ཐེག་པའི་མཆོག །སྲོག་གཅོད་མ་བྱིན་ལེན་པ་དང་། །རྫུན་ཚིག་ལོག་པར་གཡེམས་པ་དང་། །ཐབས་ཀྱི་ཡན་ལག་ཀུན་འགྱུར་བས། ཁྲེས་རབ་ཆེན་པོའི་རྩལ་རྫོགས་པའོ། །སྐུ་དང་གསུང་ཐུགས་ཡོན་ཏན་དང་། །ཕྲིན་ལས་བྱ་བ་མཐའ་ཡས་པའི། །སྡོམ་བཅས་ཚུལ་ཁྲིམས་དམ་ཚིག་ཉིད། །རིགས་ཀྱི་ཚུལ་བཞིན་འཇུག་པའི་མཆོག །སྔགས་དང་ཕྱག་རྒྱའི་ལས་རྣམས་ཀྱིས། །ལས་ཀྱི་འཁོར་ལོ་དག་པར་འགྱུར། །རྩ་བ་ལྔ་དང་ཡན་ལག་བཅུ། །རྣམ་པར་སྤྲོས་པའི་ཚོགས་ལྡན་པས། །གཉིས་དང་གསུམ་གྱི་ཆ་ཤས་རྫོགས། །རིགས་མཐུན་སྤྱོད་པ་བཟང་པོ་ཡིས། །དྲུག་ཅུ་རྩ་བརྒྱད་ཡན་ལག་ཉིད། །ཐབས་དང་ཤེས་རབ་ཚུལ་འཇུག་པས། །ཕྱག་རྒྱའི་ལས་ཀུན་མཐའ་ཡས་པ། །བཀོད་དང་ཡང་དག་བཀོད་པ་དང་། །རྣམ་པར་བཀོད་པའི་འཁོར་ལོ་ཉིད། །ཟིན་པ་སྐྱོན་བྲལ་ཐིག་ལེ་ཉིད། །བརྟན་པ་ཉེ་བའི་ལས་དག་གིས། །སུམ་བརྒྱ་དྲུག་ཅུའི་ཡན་ལག་རྫོགས། །དེ་དག་འཁོར་ལོའི་ཚུལ་བཞིན་དུ། །ཡན་ལག་བདུན་གྱི་བདག་ཉིད་ཅན། །ངོ་བོ་སུམ་ཅུ་རྩ་གཉིས་ཏེ། །རབ་ཏུ་སྦྱོར་བས་དྲུག་ཅུ་བརྒྱད། །རིང་དུ་བསྐོར་ཞིང་མ་འདྲེས་པ། །རྩོལ་བའི་བྱེ་བྲག་རྒྱུ་དང་བྲལ། །གནས་སྐབས་ཡུལ་ཀུན་རྫོགས་པ་ཡིས། །རང་དང་སྤྱི་ཡི་མཚན་ཉིད་གྱེས། །སྤྱི་གསང་བཞི་དང་བར་གསང་བཞི། །གསང་བར་འོས་དང་གཉེར་གཏད་དག །བྱེ་བྲག་མཁས་པས་རྫོགས་བྱ་སྟེ། །གསང་བའི་དོན་ཀུན་ཤེས་པར་བྱ། །བསྲུང་དང་བསྒྲུབ་པའི་དམ་ཚིག་མཆོག །ཚུལ་རྣམས་བསྡུས་པས་སྐུ་གསུང་མཆོག །དཀྱིལ་འཁོར་སློབ་དཔོན་ཕྱག་རྒྱ་དང་། །གསང་སྔགས་གྲོགས་དང་ཡུལ་བཅས་པ། །ཡག་དག་བརྟན་པས་བརྗིད་བྱེད་ཅིང་། །བཅུ་གཉིས་ཉི་ཤུ་རྩ་ལྔ་དག །གསང་བའི་མཆོག་ཏུ་གྱུར་པའོ། །དམ་པའི་གནས་ཀུན་རྒྱས་པ་ཡི། །ཕྱག་རྒྱའི་ཡན་ལག་མཐའ་ཡས་ཤིང་། །རང་གི་གནས་སུ་འཇུག་བྱེད་པས། །དམ་ཚིག་ཆེན་པོ་གསང་བའི་བདག །རིགས་ཀྱི་འཁོར་ལོ་སྟོང་རྩ་བརྒྱད། །རྒྱ་ཆེན་བཀོད་པའི་གནས་རྫོགས་འགྱུར། །ཡང་དག་ཡང་དག་མ་ཡིན་སེམས། །དེ་དག་ཉོན་མོངས་ལ་སོགས་སྒྲིབ། །ཕྱི་རོལ་གཞན་གྱི་དོན་ཚོགས་ཏེ། །སངས་རྒྱས་ཐེག་པར་མི་འགྱུར་རོ། །ཐེག་པའི་མཆོག་རྣམས་མཐའ་ཡས་པའི། །འབྲས་བུ་གསང་ཆེན་འདི་ཉིད་ཡིན། །ཡེ་ནས་དག་མཉམ་རྟོག་པས་སྤྱད། །མཉམ་ཉིད་རྫོགས་པའི་ཚུལ་གྱིས་འགྲུབ། །ཅེས་ཀུན་ཏུ་རྒྱ་ཆེན་བསྟན་པར་མཛད་དོ། །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། དམ་ཚིག་བཀོད་པའི་ལེའུ་སྟེ་བརྒྱད་པའོ།། །།དེ་ནས་རིགས་ཀྱི་འཁོར་ལོ་མཆོག །དེ བཞིན གཤེགསརྣམས་མ་ལུས་པས། །ཉེ་བའི་དཀྱིལ་འཁོར་བཟང་པོ་ཉིད། །བསྙེན་བསྒྲུབ་རྫོགས་པའི་ཡན་ལག་མཆོག །ཐམས་ཅད་དག་པས་དབང་བསྒྱུར་ཞིང་། །འབྲས་བུ་སྒྲིབ་པ་མེད་པའི་བདག །ཐུན་མོང་གནས་ཀྱི་བྱེ་བྲག་གིས། །ལས་ཀུན་དངོས་པོ་མ་འདྲེས་ཆོས། །ཐབས་དང་ཤེས་རབ་ལས་བྱུང་བ། །ཐ་དད་གང་གིས་གང་སྟོན་ཅིང་། །མཐའ་དང་དབུས་བྲལ་ཡུལ་ཀུན་ཉིད། །མ་ལུས་བཀོད་པའི་དངོས་གྲུབ་མཆོག །སངས་རྒྱས་ཀུན་གྱིས་བསྟན་པར་མཛད། །རྟེན་ཅིང་འབྲེལ་བར་འབྱུང་བའི་ཆོས། །ཐབས་རྣམས་ཡན་ལག་རྫོགས་པ་ཡིས། །འགྲོ་བ་ཀུན་གྱི་ལས་དག་པ། །དེ་དག་རྫས་ཀུན་མངོན་པར་སྣང་། །རང་བཞིན་ཡེ་ཤེས་ཀུན་རྫོགས་གནས། །རིགས་ཀྱི་འཁོར་ལོ་ཡུམ་དང་བཅས། །གཉིས་མེད་རོལ་པའི་བྱིན་རླབས་ཀྱིས། །འབྱུང་བའི་ཚོགས་རྣམས་བཤིགས་པ་དང་། །སྤྲོ་ཞིང་སྤར་དང་བཀོད་མཛད་དེ། །སྔ་མའི་གནས་ཀུན་གཞན་འགྱུར་བར། །བྱ་བ་ཆེན་པོའི་དོན་སྟོན་མཛད། །ཨོ་ཨུ༷༷ཧཱུཾ༷་གྲྭ་ཧྭ། ས་མ་ཡོ་གི་ནིརྟི་གྲྭ་ཧྭ། ཨོ་མརྙ་ལ་གསྙེ་ཧཱུཾ༷་སྭ་བྷ་ཝ་ས་མ་ལྭ་ཧ༷། ཨོ་སརྦ་ཤུརྙོ་སྟུ༷། ཨོ་པ་རི་གསྙེ་སིརྙི་ཧཱུཾ༷། ཨོ་ག་ག་ན་སསྟོ་ཏ་ན་ཧཱུཾ༷། དེ་དག་ཡུལ་བཅས་འགྱུར་བྱེད་ཅིང་། །རིགས་ཚོགས་ཕྱག་རྒྱ་སྔགས་དང་བཅས། །ཏིང་འཛིན་སྤྲོས་པའི་ཚུལ་ཉིད་ཀྱིས། །དེ་ཉིད་གནས་མཆོག་འགྲུབ་པར་འགྱུར། །དཔག་ཚད་བརྒྱ་དང་སྟོང་ལ་སོགས། །རབ་ཏུ་གྲགས་པའི་མཁས་རྣམས་ཀྱིས། །ཐ་སྙད་ཡུལ་རྣམས་སྦྱོང་མཛད་ཅིང་། །འདོད་པའི་དངོས་གྲུབ་ཀུན་གྱིས་གཟུགས། །རང་སེམས་དྲི་མེད་སྦྱངས་པའི་མཐུས། །དཔག་བསམ་ཤིང་དང་རིན་ཆེན་སོགས། །རྫས་ཀྱི་མཆོག་རྣམས་འགྲུབ་བྱེད་ཅིང་། །དེ་ནས་ལོངས་སྤྱོད་ཚིམས་པར་འགྱུར། །ཐུན་མོང་མངོན་པར་ཤེས་པའི་སྟོབས། །ཐབས་ཀྱི་བྱེ་བྲག་མཐའ་ཡས་པ། །རིག་པ་བཟང་པོའི་ཕྱག་རྒྱ་ཡིས། །འཁོར་ལོ་རྣམས་བཅས་ཀུན་ཏུ་སྦྱོར། །རལ་གྲི་མིག་སྨན་བཅུད་ལེན་དང་། །རྐང་མགྱོགས་གསེར་འགྱུར་བུམ་པ་བཟང་། །མཁའ་འགྲོ་འཇིག་རྟེན་ཀུན་སྤྱོད་པ། །འཁོར་ལ་སོགས་པ་རིག་པའི་བདག །རྡོ་རྗེ་ཨ་ཛི་ར་ལའི་ཚོགས། །མ་གཡོས་ཀུན་ཏུ་ཁྱབ་བྱེད་པའི། །དངོས་གྲུབ་ལ་སོགས་གྲངས་མེད་བདག །རང་གི་ལྷ་ཡི་ཏིང་འཛིན་རྫོགས། །དཀྱིལ་འཁོར་ཀུན་ནས་དཀྱིལ་འཁོར་ལྡན། །འཁྲུལ་འཁོར་ཉི་རིམ་སྦྱོར་བ་དག །སྔགས་དང་ཕྱག་རྒྱ་དབང་སྦྱོར་ཏེ། །བསམ་གཏན་ཡུལ་ཚོགས་ཀུན་གསལ་བ། །རྒྱུ་འབྲས་བྱེ་བྲག་ཐ་དད་རྣམས། །རང་གི་རྐྱེན་གྱིས་རྣམ་པར་འགྲུབ། །ཕོ་བྲང་དཀྱིལ་འཁོར་བཟང་པོ་ཉིད། །རྩེ་གཅིག་ལྡན་པས་བརྟན་པར་འགྱུར། །ཨོ་སརྦ་ཨ་ནུ་ར་ག་ས་མོ་ག་ཏ་ན་ཧཱུཾ༷། །ཨོ་མ་ཧ་ས་མ་ཧ་ཡུ་ཧྲི་ཏ་ནི་མན་གསྙེ་ཧཱུཾ༷། རྭ་ག་ཛ་ལ་ཛ་ལ་པྲ་མོ་ཏ་ན་ཧྭ། ཨོ་སརྦ་ག་ནི་ལོ་ཀ་ན་པྲ་ཏི་ཤྭ་ར་ཧཱུཾ༷་ཕཊ་གྲྭ་ཧྭ། ཁམས་གསུམ་ཐམས་ཅད་རྣམ་པར་དག །རིགས་ཀྱི་དཀྱིལ་འཁོར་ཀུན་རྫོགས་བྱེད། །ཡང་དག་བདེན་པའི་བྱིན་རླབས་ཀྱིས། །འདིར་གནས་ལས་ཀུན་འགྲུབ་གྱུར་ཅིག །སངས་རྒྱས་ཀུན་གྱི་གཟི་བརྗིད་དང་། །གསང་སྔགས་ཀྱི་འཁོར་ལོ་མཆོག །ཕྱག་རྒྱ་བདེན་པའི་བྱིན་སྟོབས་ཀྱིས། །ལས་ཀུན་དངོས་གྲུབ་སྟོབས་རྫོགས་ཤོག །སྨོན་ལམ་རྣམ་པར་དག་པ་ཡི། །བྱིན་རླབས་ཚོགས་གཉིས་རྫོགས་པ་ཉིད། །ཇི་སྲིད་བདག་གིས་དབང་དུ་ནི། །དོན་ཀུན་བསམ་པའི་ལས་རྫོགས་ཤོག །བསྙེན་པའི་ཡན་ལག་རྣམ་བཞི་ཡིས། །རྡོ་རྗེ་བཀོད་པ་མཐའ་ཡས་མཆོག །གཙོ་བོ་རིགས་ཀྱི་སྐུར་རྫོགས་པས། །ཕྱག་རྒྱའི་ཡུལ་ཀུན་བརྟན་པར་མཛད། །ཉེ་བར་བསྙེན་པའི་ཡན་ལག་བཞིས། །ཆོས་དོན་ལྷ་མོ་གཟུངས་ཀྱི་ཚོགས། །སྦྱོར་བའི་ཕྱག་རྒྱ་ཀུན་སྤྱོད་ཅིང་། །སངས་རྒྱས་ཐམས་ཅད་བརྟན་པའི་བདག །བསྒྲུབ་པའི་ཡན་ལག་རྣམ་བཞི་ཡིས། །ཞིང་ཁམས་ཆེན་པོ་ཀུན་སྦྱངས་ཤིང་། །ཕྱི་ནང་ཡུལ་ཀུན་རྫོགས་པ་ཉིད། །དཀྱིལ་འཁོར་བརྟེན་པའི་འཁོར་ལོ་རྫོགས། །བསྒྲུབ་པ་ཆེན་པོའི་ཡན་ལག་བཞིས། །སངས་རྒྱས་ཐམས་ཅད་སྦྱོང་མཛད་ཅིང་། །རྟེན་དང་བརྟེན་བཅས་མངོན་པར་འཕྲུལ། །ཕྱོགས་དུས་ཡེ་ཤེས་རྫོགས་པའི་མཆོག །རབ་དགའི་ཚུལ་གྱིས་མངོན་སུམ་དུ། །ཐབས་ཀྱི་འཁོར་ལོ་འགོག་པ་དང་། ཁེས་རབ་འཁོར་ལོ་འགོག་པའི་མཆོག །ཕྱག་རྒྱ་གསང་བའི་བསྒྲུབ་པ་ཉིད། །གཉིས་མེད་དོན་གྱིས་རྣམ་པར་སྤྱོད། །ཉེ་བར་བསྟན་པའི་རྫས་རྣམས་ལ། །རྟེན་ཅིང་འབྲེལ་བར་འབྱུང་བའི་མཐུས། །རིགས་མཆོག་ཕྱག་རྒྱ་གསལ་འགྱུར་ཞིང་། །ཞབྲུལ་འཁོར་ཕྱག་རྒྱའི་བྱེ་བྲག་གིས། །སངས་རྒྱས་ཀུན་གྱི་གཟུགས་སྟོན་ཅིང་། །མཁའ་ལ་ཀུན་གཟུགས་སྣང་བ་ཡི། །རྡོ་རྗེ་འཁོར་ལོ་རིན་ཆེན་དང་། །པདྨ་རལ་གྲི་སྣ་ཚོགས་གཟུགས། །ཉེ་བར་སྩོད་པའི་ཕྱག་རྒྱ་ཉིད། །མཚན་མའི་དངོས་གྲུབ་སྣ་ཚོགས་པ། །རང་གི་རྟེན་བཞིན་སྐྱེ་བར་འགྱུར། །སྐུ་དང་གསུང་ཐུགས་ལས་བྱུང་བའི། །དངོས་གྲུབ་སྙིང་པོའི་ལྷ་གནས་མཆོག །རང་གནས་མཐོང་བའི་ཡེ་ཤེས་སྐྱས། །ས་གསུམ་དབང་ཕྱུག་རྫོགས་པར་འགྱུར། །ཕྱག་རྒྱའི་ཆོ་ག་གང་རྫོགས་པ། །ལམ་ཀུན་བསྐྱེད་པའི་ཡན་ལག་སྟེ། །མི་ཤིགས་དཀྱིལ་འཁོར་སྔགས་ཀྱི་མཐུས། །བྱ་བ་ཆེན་པོའི་དོན་རྫོགས་ཤིང་། །ཟག་པ་མེད་པའི་དངོས་གྲུབ་མཆོག །རབ་ཏུ་བརྟན་པས་འབྲས་བུ་ཉིད། །སངས་རྒྱས་ཀུན་གྱི་ཡེ་ཤེས་མཆོག །དུས་གསུམ་རྡོ་རྗེ་འདུས་མ་བྱས། །སྣང་དང་སྟོང་པ་ལས་གྲོལ་ཞིང་། །མཐའ་དབུས་དུས་སོགས་མཚན་རྣམས་བྲལ། །གཉིས་མེད་ཡེ་ཤེས་དངོས་གྲུབ་མཆོག །རང་གནས་བྱང་ཆུབ་སེམས་ལས་སྐྱེ། །སྐྱེ་འགག་རྟག་ཆད་སྤྲོས་པའི་གཞི། །ཞེན་པའི་ཐ་སྙད་ཡུལ་བྲལ་ཞིང་། །ཁྱབ་དང་ཁྱབ་བྱེད་སྣ་ཚོགས་དག །ཡང་དག་ཆོས་སྐུའིརངབཞིནལས། །ལོངས་སྤྱོད་རྫོགས་དང་སྤྲུལ་པའི་ཚོགས། །འབྲས་བུའི་མཛད་བཅས་རྣམ་པར་དག །མི་གཉིས་དངོས་གྲུབ་བརྟན་འགྱུར་བའོ། །ཕྱོགས་ཀུན་ནས་ཡང་དག་པར་སྟོན་པའི་ཚུལ་གྱིས། དེ་དག་གི་སྣང་བ་དང་བཅས་པས་ཀུན་ནས་རྒྱས་པར་གྱུར་ཏོ། །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། བསྒྲུབ་པའི་སྒོ་རྣམ་པར་དབྱེ་བའི་ལེའུ་སྟེ་དགུའོ།། །།དེ་ནས་ཞིང་ཁམས་མ་ལུས་རྣམས། །རིགས་ཀྱི་ཕྲིན་ལས་ཐམས་ཅད་ཀྱིས། །སངས་རྒྱས་དངོས་གྲུབ་མཐའ་ཡས་རྣམས། །ཐ་དད་རྫོགས་པས་ཐེག་པའི་མཆོག །རང་བཞིན་སངས་རྒྱས་ཐམས་ཅད་ཀྱིས། །བསྟན་པའི་ཚོགས་རྣམས་གསལ་མཛད་ཅིང་། །ཀུན་ཀྱང་ཞིང་ཁམས་རྣམ་པར་དག །ཕྲིན་ལས་ཀུན་ནས་མ་འགགས་པའོ། །རིགས་མཆོག་ལྷུན་གྱིས་གྲུབ་པ་ཡི། །ཕྱག་རྒྱ་གསང་སྔགས་རྒྱུད་ལྡན་པ། །ནམ་མཁའི་མཐའ་ཀླས་ཡུལ་རྣམས་དང་། །བྱ་བ་ཀུན་ནས་རྣམ་པར་དག །ཐེག་པའི་མཆོག་ནི་བྱེ་བྲག་གནས། །དམ་པའི་ཡུལ་ཀུན་རྫོགས་པ་ཉིད། །དེ་དག་ཆ་ཤས་ཆ་ཤས་འདས། །ལས་དང་འབྲས་བུ་མཐའ་ཡས་མཆོག །ཕྱི་ནང་རྫས་ཀྱིས་འགྲུབ་པར་འགྱུར། །སངས་རྒྱས་ཐམས་ཅད་བསྒྲུབ་པའི་གནས། །ཕྲིན་ལས་ཡུལ་རྣམས་མཐུན་པའི་རྫས། །ཞི་རྒྱས་དབང་དང་མངོན་སྤྱོད་དང་། །མཉམ་གཉིས་ལྷུན་གྱིས་གྲུབ་པའི་བདག །རིགས་ཀྱི་དཀྱིལ་འཁོར་རབ་འབར་བ། །རིགས་ཀྱི་ཕྱག་རྒྱ་མཚན་མར་བཅས། །ཡུལ་བཞིའི་ཚོགས་དང་མཉམ་སྦྱོར་ཞིང་། །ཕྱག་རྒྱ་ཡན་ལག་ཀུན་རྫོགས་པ། །ང་ཉིད་སངས་རྒྱས་ཀུན་གྱི་སྐུ། །རབ་རྫོགས་ཕྲིན་ལས་བདག་པོའི་ཚུལ། །འོད་འཕྲོ་སྣང་བའི་ཕྲེང་བས་མཛེས། །རིགས་མཆོག་དཀྱིལ་འཁོར་འཁོར་ལོ་བཅས། །སྦྱོར་བའི་ཚུལ་གྱིས་འགྲུབ་བྱེད་ཅིང་། །རྣམ་གསུམ་གསལ་བས་རྫོགས་པར་འགྱུར། །རིགས་ཀྱི་རྒྱུ་དབྱིབས་མ་འདྲེས་ཤིང་། ཁ་དོག་ཕྱག་རྒྱའི་མཚན་མས་མཛེས། །རྒྱ་མདུད་ཉིས་བརྩེགས་བཅུ་དྲུག་ཆ། །དཀྱིལ་འཁོར་གནས་རྣམས་རྫོགས་བྱས་ཏེ། །དབང་དང་བྱིན་རླབས་གཟི་མདངས་བསྐྱེད། །རྩེ་མོ་སོ་སོའི་བྱེ་བྲག་བཞིན། །རིགས་ཀྱི་མཚན་མ་ཡི་གེར་བཅས། །ཟླུམ་པོ་གྲུ་བཞི་ཟླ་གམ་དང་། ཁྲུ་གསུམ་བརྗིད་པའི་རི་བོའི་ཚུལ། །ངེས་པར་བཏབ་ན་ལྷ་རྣམས་ཡང་། །སྐད་ཅིག་ཡུད་ལ་འགྲུབ་པར་འགྱུར། །ཐབས་དང་ཤེས་རབ་སྙོམས་འཇུག་པའི། །རྡོ་རྗེ་ག་་ཁུང་བྱིན་རླབས་ཅན། །རབ་ཏུ་སྦྱོར་བའི་གནས་རྫོགས་པས། །ཁམས་གསུམ་རྫས་རྣམས་ཡུལ་དང་བཅས། །གཉིས་མེད་འོད་ཟེར་སྦྱར་བའི་མཐུས། །ཕྲིན་ལས་རྣམ་བཞིའི་ཚུལ་བཞིན་དུ། །རབ་རྫོགས་བརྟན་པའི་ལས་ཀྱིས་འགྲུབ། །ཀུན་ནས་སྦྱར་བ་གཏོར་མའི་རྫས། །ཁ་དོག་དབྱིབས་རྫས་ཕུན་སུམ་ཚོགས། །སོ་སོའི་དྲིར་བཅས་སྔགས་ལྡན་པས། །ལས་རྣམས་རྫོགས་པ་ཉིད་དུ་འགྱུར། །བྲོ་གར་འདུ་འཕྲ་འི་ཕྱག་རྒྱ་དང་། །རྡོ་རྗེ་ལུ་གུ་རྒྱུད་བསྡམས་ཏེ། །ཕྱོགས་རྣམས་ཀུན་ནས་བསྐྱོད་བྱས་ཏེ། །ཕྲིན་ལས་མངོན་པར་རྫོགས་པ་ཉིད། །དཀྱིལ་འཁོར་ཀུན་ནས་མཉམ་རྫོགས་ཤིང་། །འོད་སྤྲུལ་ཕྱག་རྒྱའི་གནས་ཉིད་དུ། །རབ་འབར་རྡོ་རྗེའི་མཚོན་ཆ་ཡིས། །འདོད་པའི་ཡུལ་རྣམས་ལྷ་གནས་པའོ། །འབར་བའི་ཧོམ་ཁུང་གནས་ཀྱི་མཆོག །དམ་ཚིག་མི་གནས་འཁོར་ལོ་ལ། །ཡེ་ཤེས་འཁོར་ལོ་མཉམ་རྫོགས་པས། །སྦྱིན་བསྲེག་ཀུན་ནས་རྒྱས་པར་འགྱུར། །དགུག་དང་གཏང་དང་བཅིངས་དང་བཀྲོལ། །གསོ་གསད་འཕམ་རྒྱལ་ལ་སོགས་རྣམས། །སྦྱོར་བའི་ཡན་ལག་ཀུན་ལྡན་པས། །བསྟན་པའི་ཡན་ལག་རྫོགས་པར་འགྱུར། །ལྕགས་ཀྱུ་ཞགས་པ་ལ་སོགས་རྫས། །དེ་དག་འདོད་པའི་ཕོ་ཉ་མཆོག །ཐབས་དང་ཤེས་རབ་མཉམ་སྦྱོར་བས། །བྱང་ཆུབ་སེམས་སོགས་དཀྱིལ་འཁོར་ཀུན། །ཕྱོགས་མཚམས་བླ་འོག་རྣམས་སྤྲོས་ཏེ། །སྤྲུལ་པ་མཁའ་འགྲོ་ཕྲ་མེན་ཚོགས། །ལྷ་མོ་ཀུན་གྱི་སྦྱོར་བ་ཡི། །འཁོར་ལོ་མཆོག་ཏུ་གྱུར་པ་རྣམས། །རབ་རྫོགས་སྤྲུལ་བཅས་བྱིན་བརླབས་བཞིན། །ཆ་ཤས་གྲངས་ལས་རྣམ་པར་འདས། །མེ་ལྷའི་རྒྱལ་པོའི་རྫས་བཀུག་སྟེ། །ཕྱག་རྒྱ་འདི་ཡིས་བརྟན་བྱས་ལ། །འབར་བའི་སྙོམས་འཇུག་བརྡར་བཅས་པས། །ཁམས་གསུམ་ཡེ་ཤེས་འབར་བའི་མཆོག །རིགས་ཀྱི་རྒྱལ་བ་ཀུན་སྦྱོར་ཞིང་། །བྲོ་གར་འདུ་འཕྲ་འི་གནས་འཇུག་པས། །མཚན་མའི་ཡུལ་ཀུན་རྣམ་པར་དག །ཕྲིན་ལས་ལྷུན་གྱིས་གྲུབ་པ་ཉིད། །སངས་རྒྱས་ཀུན་གྱི་རྣམ་འཕྲུལ་ཉིད། །བྱང་ཆུབ་སེམས་དཔའ་མ་ལུས་སྒྲོལ། །དེ་དག་མཛད་པ་རྒྱ་ཆེན་པོས། །ཁམས་གསུམ་ཡེ་ནས་རྣམ་པར་དག །དཀྱིལ་འཁོར་སྦྱོར་བ་ཀུན་རྫོགས་ཤིང་། །རྣམ་པར་འཕྲུལ་པའི་སྟོབས་རྫོགས་པ། །བྱ་བའི་གནས་རྣམས་རོལ་པ་ཉིད། །བསོད་ནམས་ཡེ་ཤེས་ཚོགས་ཆེན་རྫོགས། །ཞིང་ཁམས་ཆེན་པོ་ཀུན་འདས་པའི། །ས་དང་ལམ་བཅས་ཡང་དག་སྦྱོར། །བྱེ་བ་བཞི་འབུམ་འཁོར་ལོའི་སྐུ། །བཀོད་པ་གསང་བའི་བདག་ཉིད་མཆོག །སྡོང་གཅིག་མ་དང་མེ་རེག་སོགས། །དྲག་ཤུལ་སྦྱོར་བས་ཆགས་པའི་ཡུམ། །མངོན་སྤྱོད་ལས་ཀྱིས་སྒྲོལ་མཛད་ཅིང་། །འདོད་པ་ཀུན་འབྱུང་རྣམ་པར་སྦྱོད། །ལྗོན་པ་དག་དང་ལྕུག་ཕྲན་ལ། །ངོ་མཚར་ཡུལ་ཀུན་མཉམ་སྦྱོར་ཏེ། །ཞི་རྒྱས་དགའ་ཞིང་དངས་པའི་ཡིད། །ཕྲིན་ལས་འདོད་པ་ཀུན་གྱི་མཆོག །རང་བཞིན་མངོན་པར་འཕེལ་བའི་ཚུལ། །མི་ཤིགས་ཐིག་ལེའི་སྟོབས་རྫོགས་པས། །འཁོར་ལོ་དྲུག་གི་གནས་རྒྱས་འགྱུར། །རིམ་བཞིན་སྦྱོར་བའི་བྱིན་རླབས་ཀྱིས། །ལུགས་འབྱུང་ལུགས་ལས་ཟློག་པའི་ཚུལ། །རྣམ་པར་འཕྲོ་བའི་རྩོལ་བ་ལས། །ཁ་དོག་དྲུག་ལྡན་དཀྱིལ་འཁོར་རྒྱས། །དེ་དག་ཕྲིན་ལས་སྟོབས་རྫོགས་པས། །འཕྲོ་འདུ་གནས་པའི་ཕྲེང་བར་བཅས། །རིགས་ཀྱི་དཀྱིལ་འཁོརཇིབཞིནཔར། །ཐམས་ཅད་བརྩམས་པའི་ལས་འགྲུབ་འགྱུར། །བྱ་བ་མཐའ་ཡས་པའི་སྒོ་ནས་མཛད་པའི་ལས་ཀུན་ཏུ་རྫོགས་པར་སྣང་ངོ་། །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། ཕྲིན་ལས་ཀྱི་ལེའུ་སྟེ་བཅུ་པའོ།། །།དེ་ནས་དེ་བཞིན་གཤེགས་པ་རྣམས། །ཉིད་ཀྱི་དཀྱིལ་འཁོར་ཁྲོ་བོ་ཡི། །རོལ་པའི་ཏིང་འཛིན་གནས་ལ་བཞུགས། །དཀྱིལ་འཁོར་ཕྲིན་ལས་སྤྲོ་མཛད་ཅིང་། །ཕྱོགས་བཅུའི་དྲེགས་བྱེད་ཐམས་ཅད་ཀྱིས། །ང་རྒྱལ་ག་་ཚོགས་འཇིགས་མཛད་ཕྱིར། །རིགས་ཀྱི་བདག་པོ་བསྡུ་མཛད་ཅིང་། །ཁྲོ་བོ་རོལ་པའི་ཚོགས་སྤྲུལ་མཛད། །ཁམས་གསུམ་འཇིག་རྟེན་རྒྱ་ཆེན་པོར། །ཉོན་མོངས་ལས་ཀུན་ཞེན་པ་ཡི། །དྲེགས་བྱེད་ཚོགས་རྣམས་ཉོན་མོངས་མཐུས། །རང་གནས་རྒྱུད་ཀུན་འབར་བར་བྱེད། །ལས་ཀྱི་སྡུག་བསྔལ་ཚོགས་རྒྱས་པས། །ཀུན་ནས་ཉོན་མོངས་མནར་བར་འགྱུར། །བདུད་ཀྱི་སྡེ་རྣམས་དཔུང་བཅས་པ། །ཐམས་ཅད་དྲེགས་པའི་མཐུ་ཡིས་མྱོས། །དེ་ནས་གཙོ་བོ་ལྷ་ཆེན་རྣམས། །ཉོན་མོངས་ལས་ཀྱི་སྤྱོད་པ་ཡིས། །འབྱུང་ཆེན་གནས་རྣམས་གཡོ་མཛད་ཅིང་། །གཅིག་ལ་གཅིག་གིས་གདུང་སེམས་དང་། །ཐབས་ཀྱི་སྦྱོར་བ་སྣ་ཚོགས་ཀྱིས། །རྒྱལ་སྲིད་ཡུལ་ཀུན་འཕྲོག་པར་བྱེད། །ལས་ཀྱི་སྡུག་བསྔལ་སྟོབས་རྒྱས་པའི། །མི་མཐུན་གནས་ཀུན་འཁྲུགས་པ་ལས། །འཇིག་རྟེན་ཁམས་རྣམས་མེ་འབར་ཞིང་། །རྨོངས་ཉམས་སྔངས་ནས་ལས་གཞན་འགྱུར། །དེ་ཚེ་ཉོན་མོངས་དྲེགས་པའི་མཐུས། །དུར་ཁྲོད་བདག་པོ་སྟོབས་རྒྱས་ཤིང་། །ལས་ཀྱི་ཉོན་མོངས་ཀུན་ནས་སྤྱོད། །དྲེགས་བྱེད་སྡེར་བཅས་འཇོམས་བྱེད་པའི། །རྭ་ཏྲ་མངོན་པར་ལྷགས་གྱུར་ཏེ། །ཁམས་གསུམ་མངོན་གནས་རིགས་གནས་ཀུན། །རྔམ་འཁྲུགས་མྱོས་ཤིང་བྲེད་པར་བྱེད། །དེ་ཉིད་སྟོབས་ཀྱིས་ལུས་ངག་ཡིད། །ཀུན་ནས་སྤྲུལ་པའི་ཚོགས་འགྱེད་ཅིང་། །རང་གི་མཐུ་སྟོབས་ཕྱོགས་བཅུར་སྤྲོ། །ཉོན་མོངས་ཉོན་མོངས་སྡུག་བསྔལ་ཚོགས། །ཀུན་ནས་གཟིར་བའི་འགྲོ་རྣམས་དང་། །དེ་དག་བདག་པོའི་དྲེགས་བྱེད་དཔུང་། །ཐམས་ཅད་སྡུག་བསྔལ་གཅིག་ཏུ་འབར། །ལས་ཀྱི་བདག་པོས་དབང་བསྡུས་ཏེ། །དེ་ཉིད་ཉོན་མོངས་བསྙེམས་པར་གནས། །དེ་དག་ཀུན་ནས་དྲེགས་པའི་མཐུས། མི་དགེ་གནས་སོགས་ལོངས་སྤྱོད་པའི། །སྡེར་བཅས་དེ་དག་ལས་བཞིན་སྤྱོད། །སྔོན་དུས་ཡང་དག་བརྟན་པའི་སྟོབས། །ཐམས་ཅད་མཁྱེན་པས་གཟིགས་གྱུར་ནས། །ཐུགས་རྗེའི་དཀྱིལ་འཁོར་ཀུན་སྣང་བའི། །ཁྲོ་གནས་མངོན་པར་སྤྲུལ་པ་མཛད། །ཁྲོ་བོའི་སྤྲིན་ཕུང་མཐའ་ཡས་པའི། །སྐུ་གསུང་ཐུགས་སོགས་བཀོད་པའི་མཐུས། །ཕྱོགས་བཆི་དཀྱིལ་འཁོར་མཐའ་རྒྱས་ཤིང་། །སྟོང་གསུམ་རྡུལ་སྙེད་སྣང་བྱས་ཏེ། །འཇིགས་པའི་གཟུགས་ཅན་མཚོན་ཆ་དང་། །རབ་གཏུམ་གསང་སྔགས་དྲག་པོ་ཡིས། །ཉོན་མོངས་ལས་ཀུན་དག་པར་མཛད། །ཕྱོགས་བཅུའི་བགེགས་རྣམས་བ་་བ་ཡིས། །དྲེགས་པའི་སྟོབས་རྣམས་དཔུང་བཅོམ་སྟེ། །རང་གི་དཀྱིལ་འཁོར་གནས་ལ་བཀོད། །རབ་གཏུམ་དྲག་པོའི་འབྱུང་པོ་རྣམས། །ཉོན་མོངས་ངར་བཅས་ཚོགས་རྣམས་སྤྲུལ། །འཇིགས་པའི་གཟུགས་དང་མཚོན་ཆ་དང་། །ཕྲ་མེན་མཁའ་འགྲོའི་རྦོད་གཏོང་འགྱེད། །དྲག་པོའི་འགྲོ་བ་མ་ལུས་ཀུན། །ལས་ཀྱི་སྟོབས་རྫོགས་མཐུར་ལྡན་ཞིང་། །བདུད་རིགས་ནག་པོའི་ཕྱོགས་སུ་གནས། །སངས་རྒྱས་ཀུན་གྱི་རྫུ་འཕྲུལ་གྱིས། །སྟོབས་ཆེན་ཁྲོ་བོ་གྲངས་མེད་ཚོགས། །ཕྱོགས་རྣམས་ཀུན་ནས་སྤྲོ་མཛད་དེ། །འཇིགས་པའི་མཚོན་ཆའི་ཆར་ཕབ་སྟེ། །དེ་དག་སྡེར་བཅས་བརླགས་པར་མཛད། །མ་ལུས་ཤ་ཁྲག་རུས་པའི་ཚོགས། །ངོ་མཚར་ཆེན་པོའི་ཞལ་དུ་གསོལ། །ཡེ་ཤེས་ཆོ་འཕྲུལ་ཡན་ལག་རྣམས། །ཀུན་ཏུ་རོལ་པས་སྦྱོར་མཛད་ཅིང་། །ངོ་མཚར་བཅུ་གཉིས་ཆ་ལུགས་ཀྱིས། །རིགས་ཀྱི་དཀྱིལ་འཁོར་གནས་སུ་བཀོད། །མཐུ་ལྔ་དབང་ལྔ་ཡང་།སྨན་ལྔ་འབྲས་བུ་ལྔ། །རབ་རྫོགས་བསྟན་པས་ཁྲོ་བོལི་སྐུ། །ངོ་མཚར་ཆེན་པོའི་ཡུལ་རྣམས་དག །དེ་དག་བསྟན་པས་རྫོགས་པ་ཉིད། །ཉོན་མོངས་ཤ་ཁྲག་རུས་བཅས་པས། །དུག་གསུམ་རྣམ་དག་མཆོད་པ་ཆེ། །ཡང་དག་གསོལ་བས་དགྱེས་པ་དག །ཐུགས་རྗེ་ཆེན་པོས་སླར་བཟུང་སྟེ། ཁྲེས་རབ་སྙིང་རྗེ་འབྲེལ་བའི་ཚོགས། །ཁམས་གསུམ་ས་གནས་མངོན་པར་སྒྲོལ། །རྣམ་གསུམ་སྐུ་གསུང་ཐུགས་ཀྱི་བདག །འོག་མིན་མི་ཞབྲུགས་བདེ་ལྡན་གནས། །རིགས་ཚོགས་བྱང་ཆུབ་སེམས་དཔར་བཅས། །ཐུགས་རྗེ་མངོན་འབྱུང་དཀྱིལ་འཁོར་ཉིད། །བདུད་རྩི་འབྱུང་བའི་དཀྱིལ་འཁོར་གྱིས། །མི་གཙང་སྙིགས་མའི་ཚོགས་རྣམས་ཀུན། །མངོན་པར་བསྟན་པས་རྫོགས་པའི་སྐུ། །ཐལ་བའི་དབང་པོ་ཞེས་བྱ་བའི། །དེ་བཞིན་གཤེགས་པའི་ཐུགས་རྗེའི་བདག །བསྐལ་པ་བཟང་པོའི་དུས་ཉིད་དུ། །མ་འོངས་འགྲོ་གནས་སྤྱོད་པར་འགྱུར། །ཐབས་མཁས་མངོན་པར་རྫོགས་པ་ཡི། །སངས་རྒྱས་མཛད་པ་ངོ་མཚར་ཆེ། །དྲེགས་བྱེད་ཐལ་བར་བརླག་པ་ལས། །ཐལ་བའི་དབང་པོར་ལུང་བསྟན་མཛད། །དེ་ཕྱིར་གསང་བའི་ཐེག་པ་འདི། །ཐབས་དང་ཤེས་རབ་རོལ་པའི་རྒྱུད། །སྒྱུ་འབྲུལ་ཐལ་བ་ཞེས་བྱ་བའི། །ངོ་མཚར་བཤད་པའི་དྲ་བའོ། །དུས་གསུམ་འབྱུང་བའི་གནས་རྫོགས་པས། །ཀུན་མཆོག་གོ་འཕང་ཐབས་རྫོགས་པར། །རབ་ཏུ་སྤྲུལ་པའི་དཀྱིལ་འཁོར་རྣམས། །ཡུལ་འདིར་མངོན་པར་རྫོགས་པ་ཉིད། །རྣལ་འབྱོར་ངོ་མཚར་ལསབྱུང་བའི། །སངས་རྒྱས་ཀུན་གྱི་དགོངས་པ་མཆོག །རབ་ཏུ་སྦྱོད་རྣམས་གྲོལ་འགྱུར་ཞིང་། །ཚུལ་རྒྱུན་འཇུག་པས་མྱ་ངན་འདས། །དེ་ལྟར་འཕྲུལ་པའི་དཀྱིལ་འཁོར་མཆོག །རིགས་ཀྱི་བཀོད་པ་སྣང་མཐའ་ཡས། །ཉོན་མོངས་ལས་ཀྱིས་གདུངས་པ་ལ། །དེ་ཉིད་ཐབས་ཀྱིས་འདུལ་མཛད་དེ། །མཐུན་པའི་གཟུགས་དང་སྒྲ་ཉིད་དང་། །ཕྱག་རྒྱ་ཀུན་ནས་སྤྲུལ་པའི་ཚོགས། །མི་མཐུན་གནས་རྣམསསྣཚོགསཔའི། །ཆ་ལུགས་ཀུན་དངོས་འགྲོ་བའི་ཚུལ་། །རྣམ་པ་ལྔ་ཡི་གདུལ་བྱ་ལ། །དེ་བཞིན་སྟོན་པའི་འདུལ་བྱེད་མཆོག །འཁོར་ནས་མྱ་ངན་འདས་སྦྱོར་བའི། །ཕྲ་མེན་ལྔ་བརྒྱ་དྲུག་ཅུ་གཉིས། །ཕྱོགས་བཅུའི་ཞིང་ཁམས་མཐའ་ཡས་པའི། །སྡེར་བཅས་རང་རྒྱུད་མཐུན་པའི་གཟུགས། །དེ་དག་གནས་རྫོགས་བསྡུ་མཛད་ཅིང་། །རྣམ་ཀུན་དག་པས་རྫོགས་པ་ཉིད། །རང་གི་དཀྱིལ་འཁོར་ཇི་བཞིན་པར། །ཕྱག་རྒྱ་འདུས་ཚོགས་ལྷ་མོའི་སྐུ། །མཁའ་འགྲོ་ཕྲ་མེན་སྒོ་བའི་ཚོགས། །རང་གི་ལག་ཆ་ཕྱག་རྒྱ་དང་། །ངོ་མཚར་ཡུལ་བཅས་རོལ་པ་ཉིད། །ལྷ་འདྲེ་དྲེགས་པའི་ཚོགས་རྣམས་ཀུན། །འདམ་རྫབ་མི་གཙང་གནས་དག་ནས། །ཚད་མེད་གདུང་སེམས་བྱང་ཆུབ་སེམས། །ལྡང་དང་རྣམ་པར་ལྡང་བའི་ཡིད། །ཀུན་ནས་སྤྱོད་པས་དབུགས་ཕྱུང་སྟེ། །མི་གཙང་གནས་ལས་གྲོལ་བར་གྱུར། །དེ་རྣམས་ཕྱོགས་གཅིག་གནས་གཅིག་འཁོད། །ཉོན་མོངས་ལ་སོགས་འགྱོད་བཅས་གདུངས། །རིགས་བདག་ཀུན་ལ་གསོལ་བ་འདེབས། །རང་གིས་འབྱོར་པའི་རྫས་ཕུལ་ཞིང་། །དབང་བསྐུར་དམ་ཚིག་ལ་གནས་འགྱུར། །ཀུན་ནས་དམ་བཅས་སྨྲས་པའི་ཚིག །དུས་གསུམ་མི་འགྱུར་བརྟན་པར་གནས། །རྡོ་རྗེ་ཐེག་པའིདོནབཞིནདུ། །ཡངདགབསྒྲུབ་ལ་ནན་ཏན་གྱིས། །ཚོགས་ཀྱི་དཀྱིལ་འཁོར་བཟུང་བྱེད་ཅིང་། །དེ་མིང་འཛིན་བཅས་བསྲུང་བ་མཛད། །འཁོར་གྱི་དབང་ཕྱུག་བྲན་ཚོགས་རྣམས། །གཙོ་བོའི་བཀའ་བཞིན་ཉེ་བར་གནས། །མངོན་རྫོགས་སངས་རྒྱས་ཡེ་ཤེས་ལ། ཁེས་རབ་ཆེ་ལྡན་སྦྱོར་བའི་མཐུས། །ཐུགས་རྗེའི་བདག་པོའི་ལུང་བཞིན་དུ། །རབ་ཏུ་སྤྱོད་པས་གྲོལ་འགྱུར་དང་། །དུས་མཐའ་ཇི་སྲིད་སེམས་ཅན་དོན། །དམ་བཅས་བྱང་ཆུབ་སྤྱོད་པ་མཆོག །སྟོབས་ཆེན་དྲག་པོའི་ཚོགས་རྣམས་ཀུན། །ཁྲོ་བོའི་དཀྱིལ་འཁོར་མངོན་རྫོགས་པ། །བདེ་གཤེགས་མཛད་པའི་བྱིན་རླབས་མཆོག །སྒྱུ་འཔྲུལ་དྲུ་བའི་ངང་ཚུལ་ཅན། ཁྲེས་རབ་གནས་ཀྱི་ཕྱག་རྒྱ་ལས། །ཀུན་ནས་སྤྲོ་དང་བསྡུ་བའི་ཚུལ། །འཁོར་ལོའི་གནས་ཀུན་རྒྱས་འགྱུར་ཏེ། །ཡང་དག་སྦྱོར་བའི་རླུང་གི་ཚོགས། །གནས་ཀུན་བརྟན་རྫོགས་སྡུད་པའི་བདག །མེ་རླུང་ཡང་དག་ཕྱོགས་རྒྱས་པས། །སྤྲུལ་པའི་དཀྱིལ་འཁོར་མཛད་བཅས་རྫོགས། །མ་ལུས་ཆོས་ཀྱི་གནས་འཇུག་ཅིང་། །ལོངས་སྤྱོད་རྫོགས་སྐུ་ཀུན་གྱི་བདག །ཡང་དག་བརྒྱད་ཀྱི་སྒྲ་གནས་སེལ། །རྣམ་ཤེས་ཚོགས་བརྒྱད་ཡེ་ཤེས་ཉིད། །བཅུ་དྲུག་རོལ་པའི་ཕོ་ཉ་ཡིས། །བདེ་བ་ཆེན་པོའི་འཁོར་ལོ་རྒྱས། །ཀུན་ནས་སྤྲོ་དང་བསྡུ་བ་ཡིས། །ཕྱི་ནང་འཇིག་རྟེན་དག་པར་མཛད། །དྲག་པོའི་ཚོགས་རྣམས་འཇོམས་མཛད་ཅིང་། །རིགས་ཀྱི་འཁོར་ལོ་རྫོགས་པའོ། །ཞིང་ཁམས་ཐམས་ཅད་དག་པར་མཛད། །དཀྱིལ་འཁོར་ཀུན་ནས་སྤྲུལ་པའོ། །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པོ་དེ་ཁོ་ན་ཉིདརོལཔཆེནཔོའིརྒྱུདལས། ཁྲོ་བོའི་དཀྱིལ་འཁོར་མངོན་པར་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་རྣལ་འབྱོར་དབང་ཕྱུག་མཆོག །དབང་པོ་ཡུལ་དུས་རོལ་པ་ཡི། །ཐབས་དང་ཤེས་རབ་སྤྱོད་པའི་གཞི། །བྱ་བ་ཆེན་པོའི་ལས་འདི་གསུངས། །ཐབས་ཀྱི་ཕྱག་རྒྱས་མཐའ་རྣམས་རྫོགས། །དེ་དག་རྣམ་ཤེས་དབང་པོར་བཅས། ཤེན་ཏུ་བརྟན་པའི་བདག་ཉིད་ཅན། །བྱ་བ་ཀུན་ནས་སྐད་ཅིག་ལ། །རིགས་ཀྱི་འཁོར་ལོ་ཐམས་ཅད་ཀྱི། །ཕྱག་རྒྱའི་དཀྱིལ་འཁོར་ཐབས་ཀྱི་མཆོག །ཡུལ་བཅས་རྣམ་པར་དག་བྱེད་ཅིང་། །བདེ་གཤེགས་བྱང་ཆུབ་ཡན་ལག་རྫོགས། །ཡིད་ཀྱི་ཡི་གེ་རྒྱུན་དང་བཅས། །རྡོ་རྗེའི་རིགས་དང་དེ་བཞིན་གཤེགས། །རིན་ཆེན་པདྨ་ལས་རྣམས་ཀྱི། །ཆ་ལུགས་ཚུལ་གྱི་ཀུན་སྤྱོད་པས། །དག་པའི་དཀྱིལ་འཁོར་རྣམ་པ་གསུམ། །རྟོག་པ་བཞི་ཡི་བདག་ཉིད་ཅན། །གཉིས་མེད་ཡེ་ཤེས་ཐུགས་རྗེའི་མཆོག །འཕྲུལ་པའི་ཏིང་འཛིན་ཡོངས་སུ་རྒྱས། །ཐབས་ཀྱི་སྤྱོད་པ་རྒྱ་ཆེན་ཏེ། །ཀུན་ནས་སྤྲུལ་དང་བསྡུ་བ་དག །དེ་དག་དཀྱིལ་འཁོར་ཇི་བཞིན་པའོ། །སྤྲོས་བཅས་སྤྲོས་པ་མེད་པ་དང་། །རྩེ་གཅིག་བསྟན་པའི་ཕྱག་རྒྱ་མཆོག ཁྲེས་རབ་རིགས་ཀྱི་ལྷ་མོ་རྣམས། །ཉེ་བར་བཀོད་སྦྱངས་བྱིན་གྱིས་བརླབས། །སོ་སོའི་མཚན་མ་རྒྱན་ལྡན་པར། །ཡང་དག་བརྒྱ་པས་སྦྱོར་བའི་གནས། །རྡོ་རྗེ་འཁོར་ལོ་ལ་སོགས་ཀྱི། །མཚནལྡནམཚནམའི་དོན་བཞིན་དུ། །རབ་ཏུ་སྦྱངས་པས་ཕྱག་རྒྱ་རྫོགས། ཁྲེས་རབ་ཉེ་བར་སྦྱར་བའི་མཐུས། །རོལ་པའི་བརྟུལ་ཞུགས་གནས་རྒྱས་ཏེ། །གང་ཟག་བཞི་ཡི་བྱེ་བྲག་གིས། །ཐ་སྙད་དཀྱིལ་འཁོར་ཡུལ་ཀུན་རྫོགས། །རིགས་མཆོག་ཕྲིན་ལས་ཐམས་ཅད་ཀྱིས། །སྦྱོར་རྟགས་ཕྱག་རྒྱ་བདེ་བའི་ཡུམ། །ཐང་གཅིག་ཡུད་ཙམ་གཅིག་ལ་སོགས། །བསྐལ་པ་ཆེན་པོའི་བར་དུ་གནས། །མི་ཤེས་སྒྲིབ་སོགས་ཀུན་བྲལ་ཞིང་། །ཡེ་ཤེས་ཕུན་སུམ་ཚོགས་པའི་བདག །ཤེས་རབ་སྤྱོད་པ་བླ་ན་མེད། །ཆོས་དབྱིངས་ཡུལ་ཀུན་རྣམ་པར་སྦྱོར། །གཉིས་སུ་མེད་པའི་བདག་ཉིད་ཀྱིས། །ཐམས་ཅད་ཡུལ་ཀུན་དབང་བསྒྱུར་ཞིང་། །ཕུང་པོ་ཁམས་དང་སྐྱེ་མཆེད་སོགས། །ཕྱི་ནང་སྣོད་བབ་མ་ལུས་ཀུན། །རང་བཞིན་རྫོགས་པའི་དཀྱིལ་འཁོར་ཆེ། །དུས་གསུམ་མཉམ་པ་ཆེན་པོར་སྦྱོར། ཤེས་རབ་དབང་པོ་ཡུལ་གྱི་རྒྱུན། །ཀུན་ནས་རོལ་པའི་བརྟུལ་ཞུགས་ཀྱིས། །བདེ་བ་ཆེན་པོའི་ཐིག་ལེའི་དབྱིངས། །མཚན་མའི་ཡུལ་བཅས་གཉིས་མེད་པའི། །ཐབས་དང་ཤེས་རབ་འབྲས་བུའི་མཆོག །ཀུན་ནས་དཀྱིལ་འཁོར་སྙོམས་འཇུག་ཅིང་། །རང་བཞིན་ཡུལ་ཀུན་ལས་འདས་པའི། །ཟུང་འཇུག་གསང་བ་སྤྱོད་པའི་མཆོག །ཀུན་ནས་མ་འགགས་རོལ་པའི་ཆོས། །ལྷ་དང་ལྷ་མོའི་དཀྱིལ་འཁོར་ཉིད། །རྣལ་འབྱོར་གཉིས་མེད་སྤྱོད་པའི་དོན། །ངོ་མཚར་ཡུལ་ཀུན་རྨད་དུ་བྱུང་། །ཇི་ལྟར་འགྲོ་ཉལ་འདུག་པ་དང་། །སྤྱོད་ལམ་གང་ཚེ་གནས་པའི་དུས། །སྐུ་གསུང་ཐུགས་ཀྱི་བརྟུལ་ཞུགས་མཆོག །ཀུན་རྒྱུད་རྣམ་གསུམ་དག་པ་ཡི། །ཕྱག་རྒྱ་སྔགས་དང་ཏིང་འཛིན་གྱིས། །ཞིང་ཁམས་ཐམས་ཅད་རྣམ་སྦྱངས་ཏེ། །ཡང་དག་བསྲུངས་པས་འགྲུབ་པར་འགྱུར། །དམ་ཚིག་རྣམ་པར་ཉམས་པ་དང་། །མཐུ་དབང་བྱིན་རླབས་མེད་པ་དག །ཕྱག་རྒྱའི་དཀྱིལ་འཁོར་བརྟན་གནས་ཤིང་། །ཀུན་ནས་བགྲུང་བའི་འཁོར་ལོར་ལྡན། །ཐབས་དང་ཤེས་རབ་གནས་འཇུག་པའི། །སངས་རྒྱས་དོན་ཡོད་གྲུབ་པའི་མཆོག །ཡང་དག་སྦྱོར་བས་ཀུན་དགུག་ཅིང་། །མ་ལུས་འདུས་པའི་ཐིག་ལེ་ཉིད། །དམ་ཚིག་ཆེན་པོའི་ལྕེ་ལ་བཞག །སྐུ་གསུང་ཐུགས་ཀྱི་མཚན་མ་ཡིས། །རིམ་པར་གནས་སྦྱངས་དབང་བསྐུར་ཞིང་། །སངས་རྒྱས་ཀུན་གྱི་བྱིན་རླབས་མཆོག །ཀུན་ནས་འདུས་པའི་ཚུལ་བསྒོམས་ན། །རྣམ་གསུམ་རྫོགས་པའི་ཚུལ་འདིས་ནི། །དཀྱིལ་འཁོར་ཀུན་ནས་སྐལ་བ་མཉམ། །འདོད་པ་ཐམས་ཅད་བསྐང་བ་དང་། །དམ་ཚིག་མཆོག་རྣམས་རྫོགས་པར་འགྱུར། །ཁ་ཟས་སོགས་ཀྱིས་དུབ་པ་ཡང་། །སྦྱི་བོར་ཟླ་དཀྱིལ་བདུད་རྩི་ལྔ། །ཡི་གེ་ལྔ་འོད་འབར་བའི་མཐུས། །རིགས་དང་རིགས་བཅས་ཞིང་ཁམས་རྣམས། །རྣམ་པར་སྦྱོར་བས་རྫོགས་པ་ཉིད། །མཚན་མ་ཕྲ་མོ་སྐུ་ཡི་ཚོགས། །ཀུན་ནས་སྤྲོ་ཞིང་བསྡུ་བའི་མཐུས། །ཕྱོགས་བཅུའི་རིགས་རྣམས་བདག་པོ་ཉིད། །དཀྱིལ་འཁོར་ཀུན་གྱི་འབྱུང་གནས་གཙོ། །བདུད་རྩི་བཅུར་རྣམས་རབ་རྫོགས་པའི། །བྱང་ཆུབ་སེམས་ཚོགས་སྙིང་པོ་ཉིད། །ཡང་དག་བསྡུས་པས་རྒྱས་པར་འགྱུར་། །ཀུན་ཏུ་ཚིམས་པའི་སྟོབས་ཀྱིས་ནི། །རྡོ་རྗེ་འཛིན་དང་སྐལ་མཉམ་འགྱུར། །ལོངས་སྤྱོད་འདོད་ཀུན་བྲལ་བ་ཡིས། །དེ་དག་རྒྱས་པ་འགྲུབ་བྱའི་ཕྱིར། །རིན་ཆེན་འབྱུང་གནས་ཏིང་འཛིན་མཆོག །རིན་ཆེན་བུམ་པ་བཟང་པོ་ལས། །ཡང་དག་བདེན་པའི་མཐུ་བརྗོད་ཅིང་། །ཇི་སྲིད་མེ་ཏོག་ཕྲེང་བ་ཡི། བདུད་རྩིའི་ཆུ་རྒྱུན་བཟང་པོ་ཉིད། །འདོད་པ་ཐམས་ཅད་དབང་མཛད་པའི། །གསང་སྔགས་ཕྱག་རྒྱས་རྣམ་པར་སྤེལ། །རིན་ཆེན་རིགས་ཚོགས་ཐམས་ཅད་ཀྱི། །བྱིན་རླབས་ཡོན་ཏན་ཀུན་བསྡུས་ཏེ། །གནས་ལྔ་དག་ཏུ་སྦྱོར་བྱས་པས། །ཐམས་ཅད་རབ་ཏུ་རྫོགས་པར་འགྱུར། །འཁོར་ལོས་སྒྱུར་རྒྱལ་གནས་ཆེན་འགྲུབ། །ཡང་དག་སངས་རྒྱས་ཀུན་དང་མཉམ། །ཚེ་དབང་བྱིན་རླབས་ཉམས་པ་དག །མཐའ་ཡས་མགོན་པོ་དཔག་མེད་སྐུ། །མཛོད་སྤུ་རིན་ཆེན་གཞལ་ཡས་སུ། །བྱང་ཆུབ་སེམས་ཉིད་ཨུ་ཤའི་གཟུགས། །འོད་གསལ་ཁ་དོག་ལྔ་དང་ལྡན། །རིགས་ཀྱི་ཕྱག་རྒྱས་བརྟན་བྱས་ཏེ། །ཆགས་པའི་ཡུལ་བཅས་དབང་གི་སྐུས། །ཁྲོབོམཚོནཆའིཕྲེངབར་བཅས། །ཡང་དག་སྲུང་བས་བསྲུང་བྱས་ཏེ། །མི་མཐུན་ལས་ཀུན་རྣམ་པར་འཇོམས། །ཁྲོ་བོའི་སྤྲུལ་པ་བསམ་ཡས་དང་། །ཕྱག་རྒྱའི་མཚན་མ་ཐམས་ཅད་ཀྱིས། །ཡུལ་ཀུན་གནས་བཅས་བཤིག་བྱས་ཏེ། །མཁའ་མཛོད་དྲ་བའི་ལས་ཆེན་པོ། །རྣམ་པར་སྤེལ་བར་རྒྱས་པ་དག །སངས་རྒྱས་ཀུན་གྱི་མདངས་ལྡན་པའོ། །སྤྲུལ་པའི་ཕྲེང་བ་འོད་དང་བཅས། །བཀྲ་ཤིས་གཡུང་དྲུང་དཔལ་བེའུ་མཆོག །བུམ་པ་བཟང་དང་གདུགས་ཀྱི་མཚན། །མི་ཤིགས་རྡོ་རྗེ་སྙིང་པོའི་སྐུ། །ཕྱག་རྒྱའི་བཀོད་པ་མཐའ་ཡས་ཤིང་། །ཚེ་དབང་རིགས་ཀུན་རྒྱས་མཛད་དེ། །ཕྱོགས་ཀུན་བསྲུང་བ་བླ་ན་མེད། །ཡིད་བཞིན་ནོར་བུ་ཐེག་པའི་མཆོག །འདོད་པའི་གནས་མལ་ཐམས་ཅད་དུ། །དཀྱིལ་འཁོར་འབྲེལ་བས་ཆགས་པའི་གནས། །བཟའ་བཏུང་ལོངས་སྤྱོད་ཐམས་ཅད་ལ། ། སྐུ་གསུང་ཐུགས་ཀྱི་ས་བོན་གྱིས། །འཕྲོ་འདུའི་བྱིན་རླབས་སྤྲུལ་པའི་ཚོགས། །གནས་ཀུན་ཉེ་བར་བསྒྱུར་བྱེད་ཅིང་། །འདོད་པའི་ལོངས་སྤྱོད་ལྷ་མོར་བཅས། །སངས་རྒྱས་ཐེག་པ་ཀུན་གྱི་བདག །དབྱིངས་དང་ཡེ་ཤེས་མཉམ་སྦྱོར་ཞིང་། །ལྔ་གཉིས་རྫོགས་པའི་འོད་ཟེར་དང་། །ཉི་ཤུ་རྩ་ལྔའི་འོད་ཟེར་གྱིས། །དོན་ཀུན་གསང་བའི་བདག་པོ་ལས། །སྦྱོར་བའི་ཡན་ལག་བདུན་དུ་སྣང་། །གཉིས་མེད་གཉིས་སུ་འཕྲུལ་པ་ཡི། །རྒྱལ་བ་ཀུན་འབྱུང་བདག་ཉིད་དོ། །ཀུན་ཏུ་བསྲུང་བའི་ཕྱག་རྒྱ་ཡིས། །གནས་རྣམས་ཀུན་ཏུ་རྒྱས་གདབ་ཅིང་། །ཅོད་པན་ཕྲེང་བ་མྱུ་གུར་བཅས། །རང་གི་དམ་ཚག་རྫོགསཔའིམཆོག །གནསདྲུག་སྣ་ཚོགས་རྡོ་རྗེ་ལས། །ཁྲོ་བོ་ཡབ་ཡུམ་སྦྱོར་བའིརྒྱ། །རིནཆེནཕྲེངབརྡོརྗེས་མཚན། །རྒྱ་མདུད་གནས་ཀུན་བརྟན་པ་ཉིད། །དབུ་རྒྱན་རིགས་ལྔའི་མཚན་མས་མཛེས། །སངས་རྒྱས་ཀུན་རྫོགས་དབང་བསྐུར་མཆོག །སྣ་ཚོགས་བ་དན་ཕྲེང་སོགས་བཀླུབས། །གྲོང་ཁྱེར་བཟང་པོའི་གནས་འདི་སྲ །བསོད་ནམས་ཡེ་ཤེས་ཚོགས་རྫོགས་པའི། །ལྷ་མོའི་མཆོད་པ་བླ་ན་མེད། །ཐབས་ལ་ཤེས་རབ་རོལ་པ་དང་། །ཐབས་ཀྱིས་ཤེས་རབ་རོལ་པ་ཉིད། །འཇུག་པ་རྒྱུ་དང་འབྲས་བུ་མཆོག །བྱ་བ་རྫོགས་པའི་ཕྱག་རྒྱ་ཡིས། །ཡང་དག་འཕོ་བ་བརྟན་མཛད་ཅིང་། །ཕྱོགས་མཚམས་གནས་ཀུན་འཇུག་པའི་ཚུལ། །མི་གཉིས་རྡོ་རྗེའི་ཚིག་ལྡན་པས། །གླུ་གར་དབྱངས་ཀྱིས་ཀུན་བསྐྱོད་ཅིང་། །ཡན་ལག་རོལ་པའི་འཁོར་ལོ་དག །རྣམ་པར་སྦྱང་བའི་བྱང་ཆུབ་སེམས། །མཚན་ལྡན་པདྨའི་ཕོ་བྲང་སྡུད། །བདུད་རྩི་རྣམ་པ་ལྔ་དང་བཅས། །བྱིན་རླབས་བསྒྲུབས་པས་གསལ་བ་ཉིད། །བདེ་བ་ཆེན་པོའི་གནས་རྣམས་སུ། །རོལ་པ་བརྟུལ་ཞུགས་གར་བསྒྱུར་ཞིང་། །ལྷ་མོའི་ཚོགས་ཀྱི་གར་དང་དབྱངས། །སྤྲུལ་པའི་དོན་ཀུན་སྤྱོད་པའི་མཆོག །བསོད་ནམས་ཚོགས་ཀྱི་འཁོར་ལོ་ཡིས། །ལུས་ངག་རྒྱུད་བཅས་དག་འགྱུར་ཞིང་། །རྣམ་གྲོལ་དཀྱིལ་འཁོར་རྫོགས་པའི་མཆོག །ཡེ་ཤེས་ཚོགས་མཆོག་མཐའ་ཡས་པའོ། །ཀུན་ཏུ་སྨོན་ལམ་མ་འགགས་པས། །མཚན་མའི་ཡུལ་ཀུན་སྦྱོར་བྱེད་ཀྱང་། །ཟག་བཅས་སྤྱད་པའི་རྟོགས་ལས་བྱུང་། །ཁམས་གསུམ་འབྲས་བུ་ལས་དང་བཅས། །ཐུགས་རྗེ་ཡེ་ཤེས་བྱིན་རླབས་མཐུས། །གཉིས་མེད་དངོས་གྲུབ་འབྲས་བུ་རྣམས། །ཡུལ་ཀུན་རྫོགས་པའི་སྟོབས་ཀྱིས་ནི། །ཟག་པ་མེད་པའི་བདེ་འབྱུང་ཞིང་། །རང་གི་ངོ་བོ་གསལ་བར་བྱེད། །སྤྱོད་པ་རྣམ་པར་གྲོལ་བའི་མཆོག །རྒྱལ་བའི་མཛད་པ་ཀུན་རྫོགས་པའོ། །རྡོ་རྗེ་སེམས་དཔའ་སྒྱུ་འཕྲུལ་དྲུ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། སྤྱོད་པ་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་འཁོར་གྱི་ཚོགས་རྣམས་ཀྱིས། །སངས་རྒྱས་ཀུན་གྱི་དཀྱིལ་འཁོར་ལ། །རབ་ཏུ་བརྟགས་པས་འཇུག་གྱུར་ཅིང་། །བྱིན་རླབས་ཡུལ་ཀུན་རྣམ་པར་འཇུག །རང་གི་ཡེ་ཤེས་ཇི་ལྟ་བར། །དེ་དག་སྣང་བ་བསམ་མི་ཁྱབ། །ཆོས་ཀྱི་རྒྱུན་གྱི་བྱ་བ་དག །མངོན་པར་སྤྱད་པས་རྒྱ་ཆེན་རྫོགས། །ངོ་མཚར་ཡ་མཚན་གནས་ལ་འཇུག །སངས་རྒྱས་ཐམས་ཅད་བསྟན་པའི་གནས། །རྣམ་པར་སྦས་པས་གསང་བའི་ཚུལ། །ཕྱག་རྒྱ་ཐབས་ཚོགས་ཆོ་ག་ཀུན། །བསྟན་པའི་གནས་སུ་འབྱུང་འཇུག་ཐིམ། །ཀུན་ཏུ་བཟང་པོའི་དཀྱིལ་འཁོར་ནི། །ཡང་དག་ཡི་གེའི་དཔེ་ལས་འདས། །དགོངས་པ་ཡེ་ཤེས་བླ་མེད་པ། །བྱ་བའི་འཁོར་ལོ་བསམ་མི་ཁྱབ། །སྐུ་ཡི་སྐུ་སྟེ་སྐུ་མཆོག་ཉིད། །མཉམ་པ་ལྔ་ཡི་བདག་ཉིད་ལ། །ཕྱག་རྒྱའི་དཀྱིལ་འཁོར་ཀུན་འཇུག་ཅིང་། །སུམ་ཅུ་རྩ་གཉིས་རྫོགས་པ་ཡི། །བསྙེན་བསྒྲུབ་ཡན་ལག་གནས་ཆེན་པོ། །ཨ་ཧ་ཨ་ཤའི་སྦྱོར་ལྡན་པས། །འཇིགས་བྱེད་ཡ་ཧ་ཙ་ཏའི་མཐའ། །ཕོ་བྲང་མ་བཅས་པདྨའི་དབྱིངས། །བ་ཏ་བ་ར་གྲྭ་ཧྭ་ཛ། རྒྱུ་ཡི་འཇུག་པ་རྣམ་བདུན་གྱིས། །རྐྱེན་གྱི་ནམ་མཁའ་རྣམ་པར་དག །ཡང་དག་ཉེ་བར་བསགས་པའི་རྒྱུན། །དྲུག་དང་དྲུག་བཅས་མཐའ་རྣམས་འགོག །འབྲས་བུ་དེར་གནས་མཐུན་པའི་ཆོས། །རྣམ་གསུམ་སྦྱོར་བའི་སྟོབས་ཀྱིས་རྫོགས། །ཉམ་ང་མེད་པའི་ཐབས་རྣམས་ཀྱིས། །རྒྱལ་བའི་ཕོ་བྲང་བཅུ་དྲུག་གནས། །ཟླ་ཕྱེད་ཡོངས་སུ་རྫོགས་པ་ཡི། །དཀྱིལ་འཁོར་གསལ་བ་ཆེར་རྒྱས་འགྱུར། །མཚན་མ་སྣ་ཚོགས་ཏིང་འཛིན་དངོས། །དེ་དག་གནས་ཀུན་ལྷུན་གྲུབ་པའི། །རིགས་ཀྱི་ཡི་གེ་བཟང་པོའི་ཚོགས། །མཚན་མ་མེད་པའི་ཏིང་འཛིན་མཆོག །སངས་རྒྱས་ཐེག་པ་མདོར་བསྡུས་ཏེ། །ཡུལ་དང་ཡུལ་ཅན་གཉིས་མེད་པར། །བྱང་ཆུབ་སེམས་བསགས་ཆ་རྒྱས་པས། །རང་བཞིན་རྣམ་དག་དཀྱིལ་འཁོར་མཆོག །མི་རྟོག་ངོ་བོར་དབྱིབས་དང་བྲལ། །རབ་སྦྱངས་སྦྱོད་པས་རྫོགས་འགྱུར་ཞིང་། །ཕོ་བྲང་ཡི་གེའི་ཆ་བྲལ་བ། །ཡུལ་ཀུན་སྦྱངས་པའི་ཏིང་འཛིན་ནི། །དཀྱིལ་འཁོར་བདག་དང་གཞན་པའི་རྒྱུད། །ཀུན་ནས་སྒྱུ་འཕྲུལ་དྲུ་བའི་དངོས། །ཐ་དད་ཡུལ་གཉིས་བསམ་ཡས་པའི། །ཕྲེང་བ་ཆ་དང་ཆ་ལས་འདས། །དམིགས་པ་ཀུན་ནས་འཇུག་པའི་རྒྱུན། །དེ་མཐའ་སྤྲོས་དང་བསྡུ་བའི་ཚུལ། །མཉམ་ཉིད་རྟོགས་པ་རྣམ་ལྔ་ཡི། །ཕྱག་རྒྱ་རྫོགས་པ་ཐིག་ལེའི་ཚུལ། །རང་གི་གནས་འཇུག་ཐིག་ལེའི་རྒྱུ། །འཁོར་ལོའི་ཚུལ་བཞིན་འཇུག་པའོ། །ཇི་སྲིད་དངོས་གྲུབ་སྙིང་པོ་མཆོག །རབ་ཏུ་རྟོགས་པ་རྣམ་བཞི་ཡིས། །བྱེ་བྲག་ཡུལ་ཚོགས་གཉིས་མེད་པར། །སྣང་བ་རྣམ་པར་དག་པའི་ཚུལ། །ཉེ་བར་བསྡུས་པས་རྫས་བྱས་ཏེ། །དམ་ཚིག་དཀྱིལ་འཁོར་མཉམ་ལྡན་པ། །ཐུགས་རྗེ་འབྱུང་བའི་བདག་པོ་ཉིད། །ཡེ་ཤེས་སེམས་དཔའ་སྔགས་ལམ་ལས། །དམ་ཚིག་འཕྲོ་འདུའི་བྱེ་བྲག་གིས། །ཡན་ལག་གནས་ཀུན་རྫོགས་འགྱུར་ཞིང་། །འོད་ཀྱི་ཐིག་ལེ་རྣམ་པར་དག །བུ་གའི་ཚོགས་རྣམས་ཐམས་ཅད་དང་། །དབང་པོ་དྲུག་གི་གནས་ཁྱབ་ཅིང་། །རྟེན་དང་བརྟེན་པའི་ཡེ་ཤེསཚོགས། །ཏིང་འཛིན་སེམས་དཔའ་བདག་ཉིད་དོ། །ས་བོན་ཟླ་བ་ཐིག་ལེར་བཅས། །ཡང་དག་སྦྱངས་པས་རྫོགས་པའི་སྐུ། །བྱང་ཆུབ་གནས་ཀྱི་རྒྱན་ལྡན་ཞིང་། །མཐར་ཕྱིན་སངས་རྒྱས་ཀུན་གྱི་ཐུགས། །དུས་གསུམ་རྒྱུན་གྱི་ཏིང་ངེ་འཛིན། །ངོ་བོ་གཅིག་ཉིད་སྣ་ཚོགས་མདངས། །ཐབས་ཀྱི་འཕྲུལ་པ་མཐའ་ཡས་ཏེ། །སངས་རྒྱས་དྲུག་གི་མཛད་བཅས་པས། །དཀྱིལ་འཁོར་བླ་ན་མེད་པའི་མཆོག །ཡེ་ཤེས་དཀྱིལ་འཁོར་ཐམས་ཅད་ཀུན། །དགའ་མགུ་དངས་པས་མཉེས་བྱས་ཏེ། །འཁོར་ལོ་ཆ་ཤས་གཉིས་ཀྱི་ཚུལ། །གསོལ་འདེབས་སྔགས་དང་ཕྱག་རྒྱ་ཡིས། །རངགིཡུལདུགཤེགསགསོལ་ཞིང་། །དུས་རིང་འགྲོ་ལ་གཟིགས་པའི་མཐུས། །ཇི་སྲིད་བཀོད་པ་རྒྱ་ཆེན་དོན། །ཕ་རོལ་ཕྱིན་པའི་ཚོགས་རྣམས་ཀྱི། །སངས་རྒྱས་ཐེག་པ་བསྟན་པར་བྱེད། །སྦྱིན་སོགས་ཚུལ་ཁྲིམས་ཟོད་པ་དང་། །བརྩོན་འགྲུས་བསམ་གཏན་ཤེས་རབ་སོགས། །ཐབས་སྟོབས་སྨོན་ལམ་ཡེ་ཤེས་ཀྱི། །བྱ་བ་ཆེན་པོས་གཞན་རྒྱུད་སེལ། །ཡང་དག་མཉམ་ཉིད་ཡེ་ཤེས་ཆེ། །འགྲོ་རྣམས་རྡོ་རྗེ་འཛིན་པའོ། །གནས་ཀུན་མངོན་པར་སྦྱོར་བྱས་ཏེ། །ཐབས་དང་ཤེས་རབ་སྦྱོར་བའི་བདག །གཉིས་མེད་འཕྲུལ་པས་བསམ་ཡས་པ། །དེ་དག་རྣམ་པར་རྫོགས་པ་ཡི། །བྱང་ཆུབ་ཡན་ལག་རིན་ཆེན་རྫས། །རང་གི་གནས་དང་གནས་མེད་གཞན། །སྤྱོད་པའི་རྒྱུན་གྱིས་བཀོད་བྱས་ཏེ། །ཆུ་བོ་རྒྱུན་གྱི་ཚུལ་འཇུག་པ། །རྣམ་པར་གྲོལ་བ་ཐེག་པའི་མཆོག །འགྲོ་བ་ཐམས་ཅད་རིན་ཆེན་རྫས། །ནམ་མཁའ་ལ་གནས་བྷ་ག་ཉིད། །རྡོ་རྗེ་འཛིན་པ་བཅོམ་ལྡན་འདས། །དཀྱིལ་འཁོར་ཆེན་པོར་དབང་བསྐུར་ཞིང་། །དམ་ཚིག་གསང་བ་ལ་གནས་ཏེ། །ཀུན་ནས་སྨིན་པའི་བྱིན་རླབས་ཀྱིས། །དེ་དག་མཐའ་དང་ཚུལ་གཞན་གྱིས། །གྲོང་ཁྱེར་མཆོག་རྣམས་སྤྲུལ་པ་ཡི། །ལོངས་སྤྱོད་གནས་ཆེན་མངོན་དགའ་བ། །རྡོརྗེརིནཆེནཔདྨའིཚོགས། །རབ་སྦྱངས་དམིགས་པས་འགྲུབ་འགྱུར་ཞིང་། །བཅུ་དྲུག་ཆ་ཤས་རྣམ་པར་འཕེལ། །རབ་ཏུ་སྦྱར་བའི་ཡུལ་འདི་ནི། །དམ་པའི་ཡེ་ཤེས་འཇུག་པའི་གནས། །བྱ་བའི་འཁོར་ལོས་སེ་་ངཐིལེངངཞེ་ཆེཛ་་རྗེསེངསྙི་དེ་ང་གཞན་རྒྱུད་ ལ། །དན་ཀུན་རྫགས་པའ་ ག་ ་ཉད། །རང་བྱུང་གནསསུ་བསྟནཔ་ཡན། ། ས་བཀདཔ་རྒྱ ར་ཁྱབ་པར་མ དད། །རྡ་ ་ མས་དཔའ་སྒྱུ་འཕྲུལ་དྲུ་བ་གསང་བའ་ ང་པ་ ་ཁ་ན་ཉད་རལ་པ་ཆེ་འིངཚུངལེསྟེ་་ཚངངསྙི་དེ་ངངེ་ཆེ་འིཅེན་པ རྒྱུདལས། སྦས་པ་གསང་བའ་ ལ་ལ་འཇུག་པའ་ འུ་ ་བཅུ་གསུམ་པའ།། །།སྒྱུ་འཕྲུལ་ང་མ ར་བཤད་པའ་དྭ་བ་གསང་བའ་ ང་པ་ ་ཁ་ན་ཉད་ ས་པ་ལས། རལ་པ་ ན་པ ་རྒྱུད་ ས་བྱ་བ་་་ང་བིང་ང་ཙྭཙྭངཏེ་རྫགས་ས།། །།རྒྱ་གར་གྱ་མཁན་པ ་མ་ལ་མ་ཏྲ་དང། །བད་ཀྱ་ལ་ ་བ་གཉགས་ ་ན་ཀུ་མུ་རས་བསྒྱུར་ཅངཞུས་ ་གཏན་ལ་ཕབ་པའ །སྔ་་ཨུར་རྒྱུད་འབུམ་རིན་རྔ།་ཆེ་སྦྱུ།གས་བསྒྲིགས་ལས་མིའི་མ་ན་སྣྲ།།སྤྱི་ཁྱབ་བསྡུ་སྒྲིག་འགན་ཁུར་པ་གཙོ་བོ་གཟན་དཀར་ཐུབ་བསྟན་ཉི་མ་དང་། མཁན་པོ་འགྲོ་འདུལ་རྡོ་རྗེ། བསྡུ་སྒྲིག་འགན་ཁུར་བ་གཞོན་པ་དང་། གཙོ་སྒྲིག་པ། ཀརྨ་བདེ་ལེགས།གཙོ་སྒྲིག་གཞོན་པ། ཐུབ་བསྟན་ཉི་མ། བསྟན་འཛིན་བློ་གྲོས། ཟླ་བ་བསྟན་འཛིན། ཐུབ་བསྟན་འོད་ཟེར། དཔྱིད་ས་དཔལ་བཟང་། བློ་བཟང་ཆོ་འཕེལ། དཀོན་མཆོག་བསམ་གཏན། ཕུར་པ་ཕྲིན་ལས། ཞུ་དག་པ། པདྨ་རྡོ་རྗེ། འངམ་དབྱངས། ཚེ་རྡོར། རིག་འཛིན་མགོན་པོ། འངམ་དབྱངས་ཕྱག་རྡོར་སོག་བླ་རུང་ནང་བསྟན་སློབ་གླིང་གི་མཁན་པོ་དངགྲྭ་བཙུན་རྣམས་དང་།བསྟན་འཛིན་རབ་རྒྱས། གྲག་པ་མཐར་ཕྱིན། རྡོ་རྗེ་ཚེ་དབང་། འངམ་དབྱངས་ཚེ་འཕེལ་སོགས་དཔལ་ཡུལ་བཤད་གྲྭའི་གློབ་དཔོན་དང་སྐྱོར་དཔོན་གྲྭ་བཙུན་རྣམས།་ གློག་ཀླད་ལག་རྩལ་པ། སྐལ་བཟང་ལྷ་མོ། ཞེ་སྐྱིད། བྱམ་པ་ཆོས་སྒྲོན། པད་དབྱངས། ཡེ་ཤེས། ཆོས་འཛོམ། བསྟན་འཛིན། བསོད་ནམས་ཚེ་སྒྲོན་སོགས།

Ngb-pt-0187-vol-02-text

Front[edit]

Body[edit]

Navigation menu

Search