Ngb-pt-0170-vol-02-text
Front[edit]
Body[edit]
རྒྱ་གར་སྐད་དུ། ཤཱརྙི་དེ་ཝ་ཏནྟྲ་མ་ཧྭ་ནཱ་མ། བོད་སྐད་དུ། ཞི་བ་ལྷ་རྒྱུད་ཆེན་པོ་ཞེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་བསྟན་པའི་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་ཡབ་ཀུན་ཏུ་བཟང་པོ་དེ་ནི། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་སྙིང་པོ། དེ་བཞིན་གཤེགས་པ་ཀུན་གྱི་བཙུན་མོའི་བྷ་ག་ལ་བཞུགས་སོ། །བཅོམ་ལྡན་འདས་དེ་བཞིན་གཤེས་པ་རྣམ་པར་སྣང་མཛད་དང་། ཡུམ་སངས་རྒྱས་སྤྱན་མ་དང་། རྡོ་རྗེ་སེམས་དཔའ་དང་། ཡུམ་དབྱིངས་ཕྱུག་མ་དང་། རིན་ཆེན་འབྱུང་ལྡན་དང་། ཡུམ་བཱ་མ་ཀི་དང་། སྣང་བ་མཐའ་ཡས་དང་། ཡུམ་གོས་དཀར་མོ་དང་། དོན་ཡོད་གྲུབ་པ་དང་། ཡུམ་དམ་ཚིག་སྒྲོལ་མ་དང་། ཉིད་ལས་མི་གཞན་པའི་འཁོར་རིགས་ལྔའི་སངས་རྒྱས་ཡབ་ཡུམ་རྣམས་ཀྱང་ཆོས་ཀྱི་དབྱིངས་ན་བཞུགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སའི་སྙིང་པོ་དང་། རྡོ་རྗེ་སྒེག་མོ་དང་། ནམ་མཁའི་སྙིང་པོ་དང་། རིན་ཆེན་ཕྲེང་བ་དང་། སྤྱན་རས་གཟིགས་དང་། པདྨ་དབྱངས་མཁན་མ་དང་། ཕྱག་ན་རྡོ་རྗེ་དང་། ལས་ཀྱི་གར་མཁན་མ་དང་། ནང་གི་བྱང་ཆུབ་སེམས་དཔའ་ཡབ་ཡུམ་རྣམས་ཀྱང་བཞུགས་སོ། །བྱམས་པ་དང་། རྡོ་རྗེ་བདུག་སྤོས་མ་དང་། སྒྲིབ་པ་རྣམ་པར་སེལ་བ་དང། རིནཆེནམེཏོག་མ་དང་། ཀུན་ཏུ་བཟང་པོ་དང་། པདྨ་མར་མེ་མ་དང་། འཇམ་དཔལ་དང་། ལས་ཀྱི་དྲི་ཆབ་མ་དང་། ཕྱིའི་བྱང་ཆུབ་སེམས་དཔའ་སེམས་མ་རྣམས་ཀྱང་བཞུགས་སོ། །གཞན་ཡང་རིགས་དྲུག་འདུལ་བར་མཛད་པ་ནི། ལྷའི་ཐུབ་པ་སྲིད་ཐུབ་འཛིན་དང་། ལྷ་མ་ཡིན་གྱི་ཐུབ་པ་རྣམ་པར་རྒྱལ་བ་དང་། མིའི་ཐུབ་པ་ཤཱཀྱ་སེརྙེས་མཐོ་རིས་གནས་གསུམ་པོ་འདུལ་བའི་ཞིང་དུ་ཡང་གཟིགས་སོ། །བྱོལ་སོང་གི་ཐུབ་པ་སེརྙེ་རབ་བརྟན་དང་། ཡི་དྭགས་ཀྱི་ཐུབ་པ་ཁ་འབར་རྒྱལ་མོ་དང་། དམྱལ་བའི་ཐུབ་པ་ཆོས་ཀྱི་རྒྱལ་པོས་ངན་སོང་གནས་གསུམ་འདུལ་བའི་ཞིང་དུ་གཟིགས་སོ། །གཞན་ཡང་གདུག་པ་ཅན་འདུལ་བ་ནི་གཤིན་རྗེ་གཤེད་དང་། གསང་བའི་ཡུམ་རྒྱས་འདེབས་མ་དང་། སྟོབས་པོ་ཆེ་རྣམ་པར་རྒྱལ་བ་དང་། གསང་བའི་ཡུམ་ཚེ་འཕེལ་མ་དང་། རྟའི་མགྲིན་པ་ཅན་དང་། གསང་བའི་ཡུམ་ཟ་བྱེད་མ་དང་། བདུད་རྩི་འཁྱིལ་བ་དང་། གསང་བའི་ཡུམ་རྨོངས་བྱེད་མ་དང་། རིག་པའི་ཁྲོ་བོ་ཁྲོ་མོས་སྒོ་བསྲུང་བར་མཛད་དོ། །གཞན་ཡང་རིག་འཛིན་བྱང་ཆུབ་སེམས་དཔའ་མང་པོ་དང་བཅས་པ་ནི་དཔེར་ན་ཏིལ་གྱི་གང་བུ་ལྟར་བཞུགས་སོ། །ཞི་བ་ལྷ་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་འཆང་ཆེན་པོས་འཁོར་གྱི་འཇིག་རྟེན་ཐམས་ཅད་ལ་གཟིགས་ནས། རང་གི་བཙུན་མོ་ལ་སྙོམས་པར་ཞུགས་པར་མཛད་དོ། །ཞུགས་མ་ཐག་ཏུ་འཁོར་ཐམས་ཅད་ལ་བདེ་བས་ཁྱབ་པ་ནི། ལ་ལ་ནི་གོ་རིམ་གྱི་བདེ་བ་བཞིར་ཤར་རོ། །ལ་ལ་ནི་ཕྱི་ནང་གི་གནས་ལ་ལྟོས་པའི་བདེ་བ་བཞིར་ཤར་རོ། །ལ་ལ་ནི་སྤང་བྱ་ལ་ལྟོས་པའི་བདེ་བ་བཞིར་ཤར་རོ། །ལ་ལ་ནི་རང་གི་ངོ་བོ་ལ་ལྟོས་པའི་བདེ་བ་བཞིར་ཤར་རོ། །དེ་ནས་འཁོར་གྱི་སངས་རྒྱས་དང་བྱང་ཆུབ་སེམས་དཔའ་རྣམས་ངོམས་ནས་འདི་སྐད་ཅེས་བརྗོད་དོ། །མར་མེ་མང་པོ་ཁྱིམ་དུ་སྦར་གྱུར་ཀྱང་། །མིག་མེད་པ་ལ་མུན་པར་སྣང་བ་བཞིན། །ལྷན་ཅིག་སྐྱེས་པས་ཀུན་ལ་ཁྱབ་མོད་ཀྱང་། །ཉེ་ཡང་རྨོངས་པ་ཉིད་ལ་ཤིན་ཏུ་རིང་། །སྐལ་ངན་སེམས་ཅན་ཐབས་ཀྱིས་གྲོལ་བའི་ཕྱིར། །དངོས་པོ་གཤིས་ཀྱི་གནས་ལུགས་ལས་བྱུང་བའི། །ཀ་དག་ལྷུན་གྲུབ་རྩོལ་བྲལ་ཆེན་པོའི་ཆོས། །གནས་ལུགས་རང་བཞིན་ཞི་བ་ཇི་ལྟར་གནས། །ཁམས་གསུམ་སེམས་ཅན་རང་སེམས་མ་རེག་པ། །ཁམས་གསུམ་ཉོན་མོངས་སྣང་བའི་རང་བཞིན་ཅན། །རྒྱུ་དྲུག་སེམས་ཅན་སྐྱེ་བ་རྣམ་བཞིར་ལ། །རང་རྒྱུད་ཕུང་པོའི་ཞི་བ་གང་དུ་གནས། །རྣལ་འབྱོར་པ་ནི་ཉམས་ཀྱི་སྣང་བ་ལ། །གདུལ་བྱ་སྤྲུལ་པའི་ཞི་བ་རྣམ་པ་སྲ །སྐུ་གསུང་མི་ཟད་རྒྱན་གྱི་འཁོར་ལོའི་ཐུགས། །བདེབརགཤེགསཔའིསྣང་བ་རྣམ་དག་པ། །སྐུ་གསུམ་སྐུ་བཞི་སྐུ་ལྔར་སྣང་བ་ཡི། །མཐར་ཕྱིན་འབྲས་བུའི་ཞི་བ་ཇི་ལྟར་བཞུགས། །སྐལ་ངན་སེམས་ཅན་གདུལ་དཀའ་བ། །ཁྱོད་ཀྱིས་འདུལ་བའི་དུས་ལ་བབ། །གཞི་ལམ་འབྲས་བུ་མི་ཤེས་པ། །ཁྱེད་ཀྱི་བསྟན་པའི་དུས་ལ་བབ། །ཅེས་བརྗོད་ནས། སྟོན་པའི་ཞལ་དུ་གཟིགས་སོ། །ཞི་བ་ལྷ་རྒྱུད་ཆེན་པོ་ལས། གླེང་སློང་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ནི་ཆོས་ཐམས་ཅད་ཀྱི་དེ་ཁོ་ན་ཉིད་མ་བཅོས་པའི་ག་་མ་དངོས་པོ་རྣམས་ཀྱི་གནས་ལུགས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་སེམས་དཔའ་རྣམས་འགྲོ་དོན་རྫོགས་པར་བྱ་བའི་ཕྱིར་འདི་གསུངས་སོ། །ཨེ་མ་ཧོ་རབ་ཏུ་གསང་བའི་ཆོས། །གནས་ལུགས་ངོ་བོ་ཉིད་ཀྱི་གཞི། །འཁོར་དང་འདས་པ་ཀུན་གྱི་རྒྱུ། །བཅིངས་གྲོལ་མེད་པར་ངང་གིས་གནས། །ཨེ་མ་ཧོ་རབ་ཏུ་རྟོགས་པའི་ཆོས། །རྒྱུད་ཆེན་རྣལ་འབྱོར་ཆེན་པོ་ནི། །སྣོད་བཅུད་ཐམས་ཅད་ཤེས་རབ་ཏུ། །ཕྱག་རྒྱ་ཀ་དག་ཆེན་པོར་རྟོགས། །ཨེ་མ་ཧོ་རབ་ཏུ་རྟོགས་པའི་ཆོས། །ལུང་ཆེན་རྗེས་སུ་རྣལ་འབྱོར་ནི། །ཀུན་བཟང་ཡབ་ཡུམ་དབྱིངས་ཡེ་ཤེས། །བདེ་ཆེན་སྲས་སུ་སངས་རྒྱས་སོ། །ཨེ་མ་ཧོ་རབ་ཏུ་མཁྱེན་པའི་ཆོས། །མན་ངག་རྫོགས་པ་ཆེན་པོ་ནི། །སྣང་ཞིང་སྲིད་པས་བསྡུས་པའི་ཆོས། །སེལ་མེད་སངས་རྒྱས་ཉིད་དུ་གནས། །དགཔཆེནཔོཆོསཀྱིསྐུ། །བྱ་རྩོལ་མི་མངའ་ངང་གིས་རྫོགས། །ཨེ་མ་ཧོ་ངོ་མཚར་རྨད་ཀྱི་ཆོས། །ཆོས་ཅན་མཚན་མའི་དངོས་པོ་རྣམས། །ཆོས་ཉིད་ངང་དུ་ལྷུན་གྱིས་གྲུབ། །དུས་གསུམ་རྒྱལ་པ་མ་ལུས་ལ། །ལྷུན་གྲུབ་མཆོག་ཏུ་དགོངས་པས་གོ །གང་ཡིན་དེ་ལས་དཔག་ཏུ་མེད། །སངས་རྒྱས་ཀུན་གྱིས་རབ་ཏུ་བསྔགས། །ཡེ་ནས་ལྷུན་གྱིས་གྲུབ་པའོ། །འཁོར་བ་ཀ་དག་རིན་ཆེན་གླིང་། །མྱ་ངན་འདས་པར་དེར་བརྗོད་དོ། །ཉི་མའི་དཀྱིལ་ན་མུན་མེད་ལྟར། །ཡེ་ཤེས་རང་སྣང་མ་རྟོགས་པ། །ཉོན་མོངས་འཁོར་བ་ངང་གིས་མེད། །གནས་ལུགས་ཉིད་དུ་ཀ་དག་པའོ། །དངོས་པོ་གཤིས་ཀྱི་གནས་ལུགས་ཉིད། །བཅིང་མེད་རྣམ་པར་གྲོལ་མེད་པའི། །ཡེ་ནས་ལྷུན་གྲུབ་སངས་རྒྱས་ཆོས། །བསྟན་ཕྱིན་སྤྲོ་བ་སྣ་ཚོགས་མཛད། །ཅེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། །གཞི་གནས་ལུགས་རང་བཞིན་གྱིས་ཞི་བ་བསྟན་པ་སྟེ་ལེའུ་གསུམ་པའོ།། །།དེ་ནས་བཅོམ་ལྡན་འདས་དཀོན་མཆོག་དཔལ་རིན་ཆེན་འབྱུང་ལྡན་ཉིད། འཁྲུལ་པ་ཐམས་ཅད་གྲོལ་བར་བྱེད་པའི་ཏིང་ངེ་འཛིན་ལ་སྙོམས་པར་བཞུགས་ནས། འདི་གསུངས་སོ། །བདེ་གཤེགས་སྙིང་པོའི་རང་བཞིན་འདི། །ཁམས་གསུམ་ཡོངས་ལ་ཡེ་ནས་གནས། །ལྷན་ཅིག་སྐྱེས་པའི་མ་རིག་པ། །ལུས་དང་གྲིབ་མ་ལྟ་བུར་བྱུང་། །བསྐལ་པ་སྔོན་ལས་བསགས་པ་ཡི། །འཁོར་བ་སྔོན་གྱི་རྣམ་སྨིན་བྱུང་། །ལས་སུ་ཉོན་མོངས་ལྔ་པོ་ཡིས། །འབྱུང་ལྔ་འདུས་པའི་ཕུང་པོར་སྨིན། །སྣོད་ཀྱི་འཇིག་རྟེན་སྣང་བ་ཡང་། །སངས་རྒྱས་ཞིང་ཁམས་ཡིན་པར་ཤེས། །ཤར་ཕྱོགས་མངོན་པར་དགའ་བའི་ཞིང་། །ལྷོ་ན་དཔལ་ལྡན་ནུབ་ཕྱོགས་བདེ། །བྱང་ཕྱོགས་རྣམ་དག་བཀོད་པ་ལ། །དབུས་ཀྱི་བྱང་ཆུབ་སྙིང་པོར་གནས། །འདི་ལ་སོགས་པའི་སངས་རྒྱས་ཞིང་། །གུད་ན་མེད་པར་རབ་རྟོགས་ལ། །མི་དགེ་བཅུ་པོ་ཁྲོ་བཅུའི་མཚམས། །ཉོན་མོངས་ལྔ་པོ་མཚོན་ཆ་ལྔ། །སྤྱི་བོ་སྣ་ཚོགས་རྡོ་རྗེ་ལ། །རྐང་མཐིལ་རྡོ་རྗེའི་ས་གཞི་ལ། །རྩིབ་མ་རྡོ་རྗེའི་ར་བ་དང་། །པགས་པ་རྡོ་རྗེའི་གུར་དུ་ཕུབ། །བ་སྤུ་མདའ་ཡི་དྲ་བ་ཡིན། །སེན་མོ་མེ་དཔུང་རབ་ཏུ་འབར། །ལུས་ཁམས་བདུད་རྩི་རྣམ་པ་ལྔ། །འབྱུང་བ་ལྔའམ་བཞིར་གནས་པ། །ཁམས་དགུ་འདུས་པའི་དངས་མ་ནི། །རང་བྱུང་བདུད་རྩིའི་མཆོད་པ་ཉིད། །དབང་པོ་རྣམ་དྲུག་འདོད་ཡོན་དྲུག །པདྨ་རཀྟ་མཆོད་རྫས་ཉིད། །ཀུན་གཞི་ཆོས་ཀྱི་ཕོ་བྲང་དུ། །ཡིད་ནི་ཀུན་བཟང་རང་བྱུང་སྐུ། །ལུས་དང་ངག་ཡིད་རྣམ་པ་གསུམ། །ཡེ་ནས་གཤེགས་པར་གནས་པའོ། །རང་གི་ལུ་ཉིད་འདོམ་གང་ལ། །ཐམས་ཅད་ཚང་བར་གནས་པ་ནི། །ཀུན་གཞི་དེ་རྟིང་ཉོན་ཡིད་མེད། །ཡིད་ནི་རྒྱུ་ཉིད་ཨར་གནས་སོ། །རྐང་མཐིལ་རླུད་ལ་སུམ་མདོ་མེ། །ལྟེ་བ་ཆུ་ལ་སྙིང་ག་ས། །སྒལ་ཚིགས་རི་རབ་སྐྲ་ནི་མེ། །མི་མཉམ་མེད་པའི་གྲུ་བཞི་ལུས། །སྙིང་གའི་རྩ་བཞི་སྒོ་བཞི་ལ། །རྐང་བརྒྱད་ཀ་བ་རྣམ་པ་བརྒྱད། །མིག་གཉིས་པ྅་རེ་ཁུ་ལ། །སྣནིརིནཆེནཕ གུཉིད། །སོ་ནི་དྲུ་བ་དྲུ་ཕྱེད་ལ། །ལྕེ་ཆུ་འདོད་ཡོན་ལྷ་མོ་འབྱུང་། །རྣ་བ་རྟ་བབས་ཉིད་དུ་གནས། །སྙིང་ནི་མི་འཇིགས་སེདྷིའི་གདན། །མཁལ་མ་སྟོབས་བཅུ་གླང་པོ་ཆེ། །མཚེར་པ་རྫུ་འཕྲུལ་རྟ་ཡི་ཁྲི། །མཆིན་པ་དབང་བཅུ་རྨ་བྱ་ཉིད། །གློ་བ་ཐོགས་མེད་ནམ་མཁའ་ལྡིང་། །ཕོ་བ་རིན་ཆེན་ཁྲི་རྐང་ལ། །མཆིན་དྲི་དཀར་ནག་ཉི་ཟླའི་གདན། །རྒྱུ་ལོང་ཆགས་མེད་པདྨ་ཡིན། །ཁྱབ་བྱེད་གཟུགས་ཕུང་རྣམ་སྣང་མཛད། །སྲོག་འཛིན་རྣམ་ཤེས་མི་བསྐྱོད་པ། །མེ་མཉམ་ཚོར་བ་རིན་ཆེན་འབྱུང་། །གྱེན་རྒྱུ་འདུ་ཤེས་སྣང་མཐའ་ཡས། །ཐུར་སེལ་འདུ་བྱེད་དོན་ཡོད་གྲུབ། །སྲ་བ་ས་ནི་སངས་རྒྱས་སྤྱན། །ནམ་མཁའ་དབྱིངས་ཕྱུག་མ་ཉིད་ལ། །མཉེན་པའི་ཆུ་དབྱིངས་སྨྱུ་མ་ཀི །དྲོ་བའི་མེ་དབྱིངས་གོས་དཀར་མོ། །བསྐྱོད་པའི་རླུད་ནི་དམ་ཚིག་སྒྲོལ། །བབ་ནི་ཡབ་ལ་སྣོད་ནི་ཡུམ། །སྤྱད་བྱར་གྱུར་པའི་བཙུན་མོ་ཡིན། །རྒྱུ་བ་ས་སྙིང་མེ་རླུད་མིག །གཟུགས་ནི་སྒེག་མོར་གནས་པའོ། ཁེན་ཏུ་རྒྱུ་བ་ནམ་མཁའ་ཉིད། །ནམ་སྙིང་སྣ་ལ་གནས་པ་དང་། །དྲི་ནི་ལྷ་མོ་ཕྲེང་བ་མོ། །མངོན་པར་རྒྱུ་བ་སྤྱན་རས་གཟིགས། །རྡོ་རྗེ་མྱོང་བར་བྱེད་པ་སྟེ། །རོ་ནི་ལྷ་མོ་གླུ་ལེན་མ། །རབ་ཏུ་རྒྱུ་བ་ཕྱག་རྡོར་ཉིད། །རྣ་བ་ལག་ནས་ཐོས་པ་ལ། །སྒྲ་ནི་ལས་ཀྱི་གར་བྱེད་མ། །རྣམ་ཤེས་དབང་པོའི་བྱང་ཆུབ་སེམས། །ཡུལ་ལ་སྣང་བ་མཆེད་པ་དང་། །ཐོབ་པར་བྱེད་པ་སྣང་བ་གསུམ། །བྱམས་པ་མེ་ཡི་རླུད་དུ་བཤད། །དཔྱིད་ནི་འདས་དུས་སྤོས་མེ་མ། །སྒྲིབ་སེལ་སྣ་ཡི་རླུང་ཡིན་ཏེ། །དེ་ལྟར་དབྱར་ནི་མེ་ཏོག་མ། །ཀུན་བཟང་མེ་ནི་མངོན་པར་རྒྱུ། །འབྱུང་དུས་སྟོན་ཏེ་མར་མེ་མ། །འཇམ་དཔལ་རླུད་ཉིད་གནས་པ་ཡང་། །མ་ངེས་དགུན་དེ་དྲི་ཆབ་མ། །དབང་པོར་སྣང་བའི་ལྷ་འདི་ཀུན། །རང་ལ་ཡེ་ནས་དུས་སྤྱོད་ཡུལ། །ཡིད་ནི་སྙིང་རྗེ་ཐབས་མཆོག་ཡབ། །ཆོས་ནི་སྟོང་པ་ཤེས་རབ་ཡུམ། །ཞེ་སྡང་དམྱལ་བར་སྣང་བ་ཡང་། །ཐུབ་པས་ཞེ་སྡང་མེ་ཡང་གསོད། །སེར་སྣས་ཡི་དྭགས་སྣང་བ་ཡང་། །ང་རྒྱལ་རི་སྙིལ་ཐུབ་པ་ཡིན། །གཏི་མུག་བྱོལ་སོང་སྐྱེས་པ་ལ། །ཐུབ་པས་གཏི་མུག་མུན་པ་སེལ། །འདོད་ཆགས་མི་ཡི་སྐྱེ་གནས་ཉིད། །འདོད་ཆགས་དུག་འཇོམས་ཤཱཀྱ་ཐུབ། །ཁོང་ཁྲོས་ལྷ་མ་ཡིན་དུ་སྐྱེ། །བདག་ཞན་བྲལ་བས་ལྷ་མིན་ཐུབ། །ཕྲག་དོག་ལྷ་ཡི་གནས་སྣང་བས། །ཕྲག་དོག་ལྕགས་འགྲོལ་ལྷ་ཡི་ཐུབ། །ལུས་ཀྱི་འདུས་ཏེ་རེག་པ་ནི། །རྡོ་རྗེ་རེག་པ་གཤིན་རྗེའི་གཤེད། །རེག་པ་སྲ་བ་ས་ཡིན་ཏེ། །རྟོག་པར་མ་ཡིན་ལྕགས་ཀྱུ་མ། །ལུས་ཀྱི་དབང་པོ་རེག་བྱེད་ཉིད། །ཡབ་ཀྱི་རྡོ་རྗེ་སྟོབས་པོ་ཆེ། །གཤེར་པར་འབྱུང་བ་ཆུ་ཉིད་སྟེ། །ཆད་པར་མ་ཡིན་ཞགས་པ་མ། །ལུས་ཀྱི་ཡུལ་ནི་རེག་བྱ་ཉིད། །ཡུམ་གྱི་པདྨ་རྟ་མགྲིན་དཔལ། །ཚ་ཞིང་དྲོ་བ་མེ་ཡིན་ཏེ། །བདག་ཏུ་མ་ཡིན་ལྕགས་སྒྲོག་མ། །ལུས་ཀྱི་རྣམ་པར་ཤེས་པ་ནི། །དམ་རྫས་དཀར་དམར་བདུད་རྩི་འཁྱིལ། །གཡོ་རླུད་སྟོང་བདེའི་ནམ་མཁའ་ནི། །མཚན་མར་མ་ཡིན་དྲིལ་བུ་མ། །སྲིད་གསུམ་ཁམས་གསུམ་སེམས་ཅན་ལ། །ཡེ་ནས་རང་ལ་ལྷུན་གྱིས་གྲུབ། །རང་གནས་ཆེན་པོ་རྟོགས་གྱུར་ནས། །རང་བཞིན་དཀྱིལ་འཁོར་བསྐྱེད་པར་བྱ། །དེ་ནས་བཅོམ་ལྡན་འདས་དཀོན་མཆོག་དཔལ་གྱིས། ཚོམ་བུའི་དཀྱིལ་འཁོར་རང་ལ་གནས་པ་འདི་གསུངས་སོ། །སྤྱི་གཙུག་བདེ་ཆེན་དཀྱིལ་འཁོར་ན། །རྣམ་པར་སྣང་མཛད་ཡབ་ཡུམ་ལ། །སྒོ་བ་ཡབ་ཡུམ་བརྒྱད་ཀྱིས་བསྐོར། །འདི་ནི་སྐུ་ཡི་དཀྱིལ་འཁོར་ཏེ། །རྩ་དང་ཐིག་ལེ་སྔགས་དང་རླུད་། །དབུ་ཡི་གཙུག་ཏོར་རྩེ་མོ་ནི། །རིགས་བདག་ཀུན་བཟང་ཡབ་ཡུམ་ལ། །ཐུབ་དྲུག་སྤྲུལ་པའི་འཁོར་གྱིས་བསྐོར། །འདི་ནི་སྤྱི་ཡི་དཀྱིལ་འཁོར་ཡིན། །མགྲིན་པ་ལོངས་སྤྱོད་དཀྱིལ་འཁོར་ལ། །སྣང་བ་མཐའ་ཡས་ཡབ་ཡུམ་ལ། །སྤྱན་རས་གཟིགས་དང་གླུ་མ་དང་། །ཀུན་བཟང་མར་མེ་མ་ཡིས་བསྐོར། །འདི་ནི་གསུང་གི་དཀྱིལ་འཁོར་ཉིད། །གནས་རྟེན་གྲུབ་པས་གཡོ་བར་གྲུབ། །སྙིང་ག་ཆོས་ཀྱི་འཁོར་ལོ་ལ། །མི་བསྐྱོད་ཡབ་དང་ཡུམ་དུ་བཅས། །ས་ཡི་སྙིང་པོ་སྒེག་མོ་དང་། །བྱམས་པ་བདུག་སྤོས་མ་ཡིས་བསྐོར། །འཁོར་ལོ་ཐིག་ལེ་སྔགས་དང་རླུད་། །འདི་ནི་ཐུགས་ཀྱི་དཀྱིལ་འཁོར་ཉིད། །ལྟེ་བ་སྤྲུལ་པའི་དཀྱིལ་འཁོར་ནས། །དཀོན་མཆོག་དཔལ་ནི་ཡབ་ཡུམ་ལ། །ནམ་མཁའི་སྙིང་པོ་ཕྲེང་བ་མ། །སྒྲིབ་སེལ་མེ་ཏོག་མ་དང་བཅས། །འདི་ནི་ཡོན་ཏན་འཁོར་བཅས་ཏེ། །འཁོར་ལོ་ཁམས་བཅུད་སྔགས་དང་རླུད་། །གསང་བ་མེ་རླུད་འཁོར་ལོ་ལ། །གྲུབ་པ་གདོན་མི་ཟ་བ་ལ། །ཕྱག་ན་རྡོ་རྗེ་གར་མ་དང་། །འཇམ་དཔལ་དྲི་ཆབ་མ་ཡིས་བསྐོར། །འཁོར་ལོ་བདུད་རྩི་ཡི་གེ་གཡོས། །འདི་ནི་ཕྲིན་ལས་འཁོར་ལོ་ཡིན། །གནས་པ་རྩ་ཡི་རང་བཞིན་ལས། །དཀྱིལ་འཁོར་སྤྲོས་པ་བསྒོམ་པར་བྱ། །གྲུབ་པ་སྔགས་ཀྱི་ཡི་གེ་ལས། །ཚོམ་བུ་སྤྲོས་པ་བསྒོམ་པར་བྱ། །ལུས་ཁམས་བདུད་རྩི་ཐིག་ལེ་ལས། །ཞལ་ཕྱག་སྤྲོས་པ་བསྒོམ་པར་བྱ། །སྙིང་པོ་རླུད་གི་ཡན་ལག་ལས། །རྣམ་གྲངས་སྤྲོས་པ་བསྒོམ་པར་བྱ། །རྣལ་འབྱོར་བློ་ཡི་ཁྱད་པར་ལས། །ཆུ་ལས་ཉ་ལྡང་ཇི་བཞིན་དུ། །སྙིང་པོ་བརྗོད་པས་ཕྱག་རྒྱར་གསལ། །ཅིག་ཆར་ལམ་དུ་བསྒོམ་པར་བྱ། །སྲིད་པ་མངལ་ནས་ཆགས་ཚུལ་དུ། །ལོ་དང་ཟླ་བའི་སྨིན་པ་བཞིན། །རྒྱུ་རྐྱེན་འདུས་པ་ལས་བྱུང་བ། །རིམ་གྱིས་བསླབས་ཏེ་བསྒོམ་པར་བྱ། །ཞེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། རང་རྒྱུད་ཕུང་པོའི་ཞི་བ་སེམས་ཅན་ཐམས་ཅད་ལ་གནས་པ་སྟེ་ལེའུ་བཞི་པའོ།། །།དེ་ནས་བཅོམ་ལྡན་འདས་སྣང་བ་མཐའ་ཡས་ཀྱིས་གདུལ་བྱ་ཐམས་ཅད་ཞིང་དག་པར་གཟུང་བ་འདི་གསུངས་སོ། །ཇི་ལྟར་གདུལ་བྱ་སྤྲུལ་བྱུང་ནས། །དེ་ཉིད་ལམ་དུ་བྱས་པ་ཡི། །ཆོས་འདི་སྣོད་ལྡན་ཀུན་དོན་དུ། །རྡོ་རྗེ་སྙིང་པོ་ཉིད་ལ་བཤད། །སངས་རྒྱས་ཀུན་ཏུ་བཟང་པོ་ཉིད། །སྟོང་གསུམ་ཞིང་ཁམས་གྲངས་མེད་པར། །ཐུབ་པའི་དཀྱིལ་འཁོར་ཀུན་སྤྲོས་ནས། །ཁམས་གསུམ་སེམས་ཅན་མཐའ་ཡས་པ། །འདུལ་ཕྱིར་དཀྱིལ་འཁོར་སྣ་ཆོགས་པ། །ཡིད་བཞིན་ནོར་བུ་བཞིན་དུ་སྣང་། །གང་ཞིག་རིགས་ཀྱིས་འདུལ་བ་ལ། །གཏི་མུག་ཅན་ལ་བདེ་གཤེགས་རིགས། །ཞེ་སྡང་འདུལ་ཕྱིར་མི་བསྐྱོད་པ། །ང་རྒྱལ་ཅན་ལ་དཀོན་མཆོག་དཔལ། །འདོད་ཆགས་པདྨ་ཚེ་དཔག་མེད། །ཕྲག་དོག་དོན་གྲུབ་ལས་ཀྱི་རིགས། །རིགས་ལྔར་གཏོགས་པ་འདི་དག་གིས། །འདོད་དང་ཐར་པ་རབ་སྒྲུབ་བྱེད། །གང་གིས་མཚོན་པས་འདུལ་བ་ལ། །རང་བཞིན་སྐུ་མདོག་སྣང་བ་ཡང་། །སྣུམ་ཞིང་དྭངས་ལ་མཛེས་ཤིང་སྡུད། །དབྱིབས་མཛེས་མདངས་གསལ་མདོག་ཕྱེད་འཕྲོ། །གང་ཞིག་བསྒྱུར་བས་འདུལ་བ་ལ། །རྟག་པ་ཆེན་པོ་ཤཁི་སྟེ། །མི་བསྐྱོད་ཨིནྟྲ་ནི་ལའི་མདོག །རིན་ཆེན་འབྱུང་ལྡན་བཙོ་མ་གསེར། །པདྨ་རྭ་ག་ཚེ་དཔག་མེད། །དོན་གྲུབ་ཨིནྟྲ་ནི་ལ་ཡིན། །རིགས་མཐུན་མདོག་ཏུ་གནས་པའམ། །ཡང་ན་ཉི་ཤུ་རྩ་ལྔར་སྟོན། །ཞལ་ཕྱག་འདུལ་བར་དགོངས་པ་ལ། །ཆོས་སྐུ་སྤྲོས་པ་མེད་པའི་ཕྱིར། །ཞལ་ནི་གཅིག་ཏུ་བསྟན་པ་ཡིན། །དབྱིངས་དང་ཡེ་ཤེས་འབྲེལ་བའི་ཕྱིར། །ཕྱག་ནི་གཉིས་སུ་བསྟན་པ་ཡིན། །ཐབས་དང་ཤེས་རབ་མཉམ་པས་ན། །ཞབས་ཀྱང་རྡོ་རྗེའི་སྐྱིལ་ཀྲུང་བཞུགས། །བཀྲི་དྲང་འབྲས་བུ་རྣམ་ཐར་གསུམ། །ངེས་དོན་འབྲས་བུ་སྐུ་གསུམ་སྣང་། །དེ་ཕྱིར་ཞལ་ཡང་གསུམ་དུ་བསྟན། །ངེས་པར་ཆོས་ཉིད་ཞལ་ལས་འདས། །ཕ་རོལ་ཕྱིན་དྲུག་སྣང་བ་ཡང་། །སྦྱིན་པ་བཏང་ཞིང་ཚུལ་ཁྲིམས་བསྲུངས། །བརྩོན་འགྲུས་བརྩམས་ཞིང་བསམ་གཏན་བསྒོམས། །བཟོད་པ་བསྒོམས་ནས་ཤེས་རབ་རྟོགས། ཁུ་ཡི་ལམ་ནས་བགྲོད་འདུལ་བ། །རྡོ་རྗེའི་ཕྱག་ཀྱང་དྲུག་ཏུ་བྱུང་། །སྟོང་པ་ཉིད་ཀྱི་ཡེ་ཤེས་དང་། །ཆོས་དབྱིངས་མེ་ལོང་ལྟ་བུ་དང་། །སོ་སོར་རྟོག་དང་མཉམ་པ་ཉིད། །བྱ་བ་གྲུབ་པར་མཐར་ཕྱིན་པས། །འབྲས་བུའི་སྒོ་ནས་མཐར་ཕྱིན་པས། །རྡོ་རྗེའི་ཕྱག་མཚན་དྲུག་པོ་རྣམས། །དབྱིངས་དང་ཡེ་ཤེས་མི་འབྲལ་ཞིང་། །ཐབས་དང་ཤེས་རབ་སྦྱོར་བ་དང་། །སྣང་སྟོང་ཟུང་དུ་འཇུག་པ་དང་། །ཡུལ་སེམས་དབྱེར་མེད་སྣང་བས་ན། །གདུལ་བྱའི་ཤེས་པར་གྲོལ་མཚོན་པས། །ཡབ་ཡུམ་ཞབས་དང་སྐྱིལ་ཀྲུང་འཁྲིལ། །རྒྱན་ཆས་འདུལ་བར་གྱུར་པ་ལ། །རིག་པའི་དབང་ལྔ་རྫོགས་པ་དང་། །རིགས་གཅིག་རིགས་ལྔ་དབྱེར་མེད་ཕྱིར། །དབུ་ལ་རིན་ཆེན་ཟེའུ་ཕྲོག་ལྔ། །ཀུན་འདར་ནང་དུ་སེམས་བཟློག་པས། །གཙུག་ཏོར་ཐོར་ཚུགས་ཡིད་བཞིན་འབར། །མུ་སྟེགས་ལྟ་ངན་རབ་འཇོམས་པས། །མགོན་པོ་རལ་པའི་ཅོད་པན་འཕྱང་། །རོ་རྐྱང་ཐབས་དང་ཤེས་རབ་ལྡན། །ཕྱོགས་རྣམས་མཛེས་པའི་ཅོད་པན་མཛེས། །རིགས་རྣམས་བདེ་བས་གང་བས་ན། །མེ་ཏོག་ཆུན་པོས་ཐོད་བཅིངས་མཛེས། །བྱང་ཆུབ་ཡན་ལག་བདུན་ལྡན་པས། །རྣ་རྒྱན་མགུལ་ཆུ་དཔུང་རྒྱན་དང་། །སྐུ་རེག་དང་ནི་དོ་ཤལ་དང་། །ཕྱག་ཞབས་གདུ་བུས་རབ་ཏུ་མཛེས། །འཕགས་ལམ་ཡན་ལག་བརྒྱད་ལྡན་པས། །བཀྲ་ཤིས་རྟགས་བརྒྱད་ལུས་ལ་རྫོགས། །ཆ་ལུགས་ཆེན་པོས་བརྗིད་པས་ན། །སྐུ་ཡི་སྟོད་གཡོགས་རབ་མཛེས་ཤིང་། །གསུང་གི་སྨད་དཀྲིས་ལྷུབ་དང་ལྡན། །ཐུགས་ཀྱི་ཟེའུ་ལྡན་རྣམ་པར་བགོས། །ཡོན་ཏན་ཆོས་གོས་བསྣམས་ནས་ནི། །མཛད་པ་ལས་ཀྱི་ཕུ་རུང་ལྡན། །ཞིང་ཁམས་རྣམ་པར་དག་པས་ན། །རྒྱབ་ཡོལ་ཟླ་བའི་དཀྱིལ་འཁོར་དང་། །སྣ་ལྔ་འོད་ཀྱིས་གང་བུ་དང་། །འོད་ཟེར་དྲ་བས་རབ་ཏུ་སྤྲས། །གདུལ་བྱའི་རེ་བ་བསྐང་མཛད་པས། །བ་སྤུའི་བུ་ག་རེ་རེ་ནས། །འོད་ཟེར་བྱེ་བ་དྲུག་སྟོང་འཕྲོ། །བདེ་གཤེགས་སྣང་བ་སྣ་ཚོགས་སྟོན། །མཚན་གྱི་མེ་ཏོག་རྒྱས་པ་ལ། །དཔེ་བྱད་འབྲས་བུས་སྤྲས་པའི་ཕྱིར། །སེམས་དཔའ་ཡབ་ཡུམ་རང་གི་རིག །སྲས་ཀྱི་ཚོགས་ཀྱིས་ཀུན་ནས་སྤྲས། །སྲས་ཚོགས་མ་ལུས་པ་རྣམས་ཀྱང་། །རིགས་ལྔའི་དགོངས་པ་ཚང་བས་ན། །རིགས་ཀྱི་བདག་པོས་དབུ་བརྒྱན་ཅིང་། །སྙན་ཆ་རིན་ཆེན་འབྱུང་ལྡན་ལ། །མགུལ་ཆུ་སྣང་བ་མཐའ་ཡས་ཏེ། །དོ་ཤལ་སྐུ་རེག་རྣམ་སྣང་མཛད། །ཕྱག་ཞབས་གདུ་བུ་དོན་གྲུབ་ལ། །དབུ་རྒྱན་མི་བསྐྱོད་པ་ཡི་བརྡ། །ཕྱག་མཚན་འདུལ་བར་དགོངས་པ་ལ། །དངོས་པོ་འཇོམས་པའི་རྡོ་རྗེ་དང་། །རྨད་བྱུང་སྒྲོགས་པའི་འཁོར་ལོ་བསྐོར། །དགོས་འདོད་སྐོང་བའི་རིན་པོ་ཆེ། །སྐྱོན་གྱིས་མ་གོས་པདྨ་འབར། །ལོག་ལྟ་འཇོམས་པའི་རལ་གྲི་དང་། །ཆོས་ཀྱི་སྒྲ་སྒྲོགས་དྲིལ་བུ་རྣམས། །རིགས་རྣམས་དབྱེར་མེད་ཡིན་པས་ན། །ཕྱག་མཚན་གཅིག་ལ་ཀུན་ཀྱང་ཚང་། །ས་བཅུ་ཐོབ་དང་རིག་འཛིན་པས། །ས་སྙིང་དཀར་སྐྱ་རིན་ཆེན་མྱུག །ནམ་སྙིང་མཐིང་ག་རལ་གྲི་འཛིན། །སྤྱན་གཟིགས་དམར་པོ་པདྨ་དཀར། །ཕྱག་རྡོར་ལྗང་གུ་རྡོ་རྗེ་བསྣམས། །སྣང་བ་གསུམ་གྱིས་གྲོལ་བ་དང་། །རྫས་ཀྱི་ལོངས་སྤྱོད་ལྡན་པས་ན། །སྒེག་མོ་མེ་ལོང་རིན་ཆེན་འཕྲེང་། །པདྨ་གླིང་དུང་གར་བྱེད་ལས། །བྱམས་དཀར་ཀླུ་ཤིང་སྤོས་མེ་ཡུམ། །སྒྲིབ་སེལ་མཐིང་ག་པུ་སྟི་ཉིད། །ཡུམ་ནི་མེ་ཏོག་ཕྲེང་བ་ཉིད། །ཀུན་བཟང་དམར་སྐྱ་རིན་ཆེན་སྙེ། །ཡུམ་ནི་མར་མེ་འོད་གསལ་སྣང་། །འཇམ་དཔལ་ལྗང་སེར་ཨུཏུ་ལ། །ཡུམ་ནི་དྲི་ཆབ་སྲིན་མཐེབ་འཐོར། །རིགས་བདག་ཐམས་ཅད་དབྱེར་མེད་པས། །ཀུན་བཟང་ཡབ་ཡུམ་མཉམ་གཞག་བྱ། །ལྷ་རྣམས་ལེ་ལོས་གཡེངས་པ་ལ། །བརྩོན་འགྲུས་མཐར་ཕྱིན་པི་ཝང་རོལ། །ལྷ་མིན་ཁོང་ཁྲོ་འཐབ་རྩོད་པ། །འདུལ་ཕྱིར་བསམ་གཏན་གོ་མཚོན་བསྣམས། །མི་རྣམས་འདོད་ཆགས་བཟའ་བཏུང་ཆགས། །དེ་ཕྱིར་ཚུལ་ཁྲིམས་གསེག་པར་བསྣམས། །བྱོལ་སོང་གཏི་མུག་འཐིབ་བསལ་ཕྱིར། །པོ་ཏི་ཤེས་རབ་ཕ་རོལ་ཕྱིན། །ཡི་དྭགས་བཀྲེས་སྐོམ་འཇུངས་པས་ན། །དེ་ཕྱིར་ངན་པ་རིན་ཆེན་སྒྲོམ། །དམྱལ་བ་ཞེ་སྡང་ཚ་གྲང་ལ། །མེ་ཆུ་བཟོད་པའི་ཕ་རོལ་ཕྱིན། །འཆི་བདག་བདུད་འདུལ་འཁོར་བ་འདྲེན། །གཤིན་རྗེ་ཐོད་དབྱུག་ལྕགས་ཀྱུ་ཡུམ། །སྟོབས་ཆེན་ཕུང་པོའི་བདུད་འདུལ་བས། །རྡོ་རྗེ་གནོན་ཏེ་ཞགས་པ་ཡུམ། །ཉོན་མོངས་བདུད་འཇོམས་རྟ་མགྲིན་དཔལ། །ཐོད་སྦྲུལ་བསྣམས་ཏེ་ལྕགས་སྒྲོག་ཡུམ། །ལྷ་བདུད་བདུད་རྩི་འཁྱིལ་འདུལ་བས། །རྡོ་རྗེ་རྒྱ་གྲམ་དྲིལ་བུ་ཡུམ། །ཞི་བའི་མཛད་པས་འདུལ་དོན་དུ། །ཡབ་ཀྱི་སྐུ་ཡི་ཚུལ་བཞི་ནི། །གསལ་འཚེར་ལྷུན་སྡུག་གཟི་བྱིན་ལྡན། །ཡུམ་གྱི་ཚུལ་ལྔ་ལྡན་པས་ན། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །ཐུབ་དྲུག་སེམས་དཔའ་དོན་མཛད་པས། །འོད་ཟེར་འཕྲོ་བའི་ཚོགས་ཆེན་པོ། །སྒོ་སྐྱོང་གདུག་པ་འདུལ་བས་ན། །འབར་བའི་འཕྲེང་བས་འཁྲིགས་པ་སྟེ། །སྤྱིར་ནི་ཀུན་དང་ཀུན་བཟང་ཡུམ། །མཐའ་དབུས་མེད་པར་ཁྱབ་པའོ། །བཞུགས་ཐབས་འདུལ་བར་དགོངས་པ་ལས། །སངས་རྒྱས་རྣམས་ནི་ཡབ་ཡིན་པས། །རྡོ་རྗེའི་སྐྱིལ་མོ་ཀྲུང་དུ་བཞུགས། །རིག་མ་གཟུངས་མ་ཡུམ་རྣམས་ནི། །པདྨའི་སྐྱིལ་མོ་ཀྲུང་དུ་བཞུགས། །བྱང་ཆུབ་སེམས་དཔའ་ཡབ་ཡུམ་རྣམས། །སེམས་དཔའི་སྐྱིལ་མོ་ཀྲུང་དུ་བཞུགས། །ཐུབ་པ་འགྲོ་བའི་དོན་མཛད་པས། །བཞེངས་ནས་གདུལ་བྱར་མཐུན་པར་བཞུགས། །སྒོ་བ་གདུག་པ་འདུལ་བས་ན། །ཡབ་ཡུམ་བརྐྱང་བསྐུམ་དོར་ཐབས་བཞུགས། །ཕྲིན་ལས་འདུལ་བར་དགོངས་པ་ལ། །ཡབ་ལྔས་ཕུང་པོ་བྱིན་གྱིས་བརླབ། །ཡུམ་ལྔས་འབྱུང་བ་བྱིན་གྱིས་བརླབ། །བྱང་སེམས་རང་རྒྱུད་བཀྲ་ཤིས་བྱེད། །ཐུབ་པས་ཉོན་མོངས་འདུལ་ཞིང་སྦྱོང་། །ཀུན་བཟང་ཐབས་ཤེས་འབྲེལ་བར་བརླབ། །ཁྲོ་བོས་མཚམས་གཅོད་གདུག་པར་འདུལ། །གདན་ཁྲིས་འདུལ་བར་དགོངས་པ་དང་། །ཆོས་ཀྱི་འཁོར་ལོ་བསྐོར་བའི་གདན། །འོག་གཞི་འཁོར་ལོ་རྩིབས་བཞི་འབར། །དགོས་འདོད་རེ་བ་སྐོང་བས་ན། །ཡིད་བཞིན་རིན་ཆེན་ཁྲི་རྐང་བརྩེགས། །ཡོན་ཏན་ཆེ་བས་བཅོམ་པས་ན། །སྟོབས་བཅུ་ཚང་བ་གླང་པོའི་གདན། །མི་འཇིགས་བཞི་བཅོམ་སེང་གེ་ཉིད། །རྫུ་འཕྲུལ་རྐང་བཞི་རྟ་ཡི་གདན། །དབང་བཅུ་མཚོན་པས་རྨ་བྱ་ལ། །ཕྲིན་ལས་ཐོགས་མེད་ནམ་མཁའ་ལྡིང་། །ས་ཡི་ཁྱད་པར་བགྲོད་པས་ན། །ཉི་མ་ཟླ་བ་པདྨའི་གདན། །འབྲས་བུའི་ས་གསུམ་གནོན་པའོ། །གནས་ཀྱིས་འདུལ་བར་དགོངས་པ་ལ། །ཁྱད་པར་འཕགས་པའི་འོག་མིན་གནས། །གཞན་མིན་རང་སྣང་སྤྲུལ་པའི་ཁྱིམ། །གསང་བ་ཡུམ་གྱི་བྷ་ག་ཉིད། །དེ་ཉིད་ཀུན་གཞི་ཕོ་བྲང་ལ། །གདོས་པ་ཅན་ལས་རབ་གྲོལ་བས། །ཕྱི་ནང་མེད་པར་གསལ་བ་ནི། ཁྲེལ་གྱི་ཕོར་པར་བབ་བཞག་འདྲ། །ཁྱད་པར་ཞིང་ཁམས་ལྔར་ཡང་སྣང་། །ཞེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། །ཇི་ལྟར་གདུལ་བར་བྱ་བ་སྤྲུལ་པར་བྱུང་བའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་དེ་ཉིད་ལམ་དུ་བྱ་བ་༄་། །འདི་དག་གསུངས་སོ། །དེ་བཞིན་གཤེགས་པ་རིགས་ལྔ་ལ། །ལམ་ནི་རྣམ་པ་གཉིས་ཡོད་དེ། །གྲོལ་ལམ་ལྟ་བ་བསྟན་པ་དང་། །ཐབས་ལམ་དབང་གིས་བགྲོད་པར་བཤད། །ལྟ་བ་བདེན་པར་དབྱེར་མེད་ཉིད། །སྐོར་བདུན་ངོ་བོ་ཉིད་དུ་གནས། །བདེར་གཤེགས་དཀྱིལ་འཁོར་སྤྱན་དྲངས་ནས། །མཆོད་པས་རབ་ཏུ་དགྱེས་པར་བྱ། །རང་གི་གནས་རྣམས་སྦྱང་བར་བྱ། །ཡི་གེ་ཨ་དཀར་ལས་སྐྱེས་པ། །རི་རབ་རྩེ་ལ་ལྷ་ཡི་གནས། །ལྷ་མ་ཡིན་གྱི་སུ་སེར་པོ། །རི་རབ་ཁོང་སེང་ནང་ན་གནས། །གླིང་བཞི་མི་ནི་དྲི་སྔོན་པོ། །བཞི་དང་གླིང་ཕྲན་བཅུ་གཉིས་གནས། །བྱོལ་སོང་དུ་ཡིག་དུད་ཀ་ནི། །ཕྱི་ཡི་རྒྱ་མཚོའི་ནང་ནའོ། །པྲེ་མར་ལས་སྐྱེས་ཡི་དྭགས་རྣམས། །གྲོང་ཁྱེར་སེར་སྐྱའི༷ ་གནས་ན་ཡོད། །དམྱལ་བ་ཏྲི་ཡིག་ནག་པོ་དེ། །རྡོ་རྗེ་གདན་གྱི་འོག་ན་གནས། །འདི་དྲུག་འདོད་ཁམས་གནས་རྣམས་སྦྱངས། འངདསྐོརཡིགསྐྱོནགོ་ཡདདམ །གཟུགས་ཁམས་བསམ་གཏན་མུ་བཞི་སོགས། །ཡི་གེ་ཨཱོཾ་དུ་ཤེས་པར་བྱ། །གཟུགས་མེད་སྐྱེ་མཆེད་མུ་བཞི་ཨུ། །ཉམས་ནི་སེམས་ལ་འཆར་བ་ཡིན། །གར་ནི་ལུས་ལ་འཆར་བ་ཡིན། །སྔགས་ནི་ངག་ལ་འཆར་བ་དང་། །མཐོང་སྣང་ཡུལ་ལ་འཆར་བ་ལ། །བག་ཆགས་རྨི་ལམ་ཤར་བ་ནི། །ཁམས་གསུམ་གནས་ལས་ངེས་པར་གྲོལ། །འབྲུ་གསུམ་སྦྱངས་ན་ངེས་པར་ནི། །སྐུ་གསུམ་གནས་ལ་བཞུགས་པར་འགྱུར། །རྟོགས་པས་བདག་ནི་བསྒྲལ་ཞེས་བྱ། །གང་ཞིག་ཐུགས་རྗེས་གཞན་བསྒྲལ་ན། །ཞིང་དུ་གྱུར་པའི་བསྒྲལ་བྱ་རྣམས། །མཉེས་པ་ལྔ་དང་སྟོང་པ་ལྔ། །དགོངས་པ་ལྔ་དང་གྱུར་པ་ལྔ། །དེ་སོགས་ཡུམ་གྱི་མཁའ་ལ་འཕངས སྐུ་གསུམ་རྒྱལ་བའི་ཞིང་དུ་ངེས། །ཚོགས་ཆེན་གཉིས་ཀྱང་རྫོགས་པར་འགྱུར། །ཐབས་ཀྱི་ལམ་ལ་སྐྱོར་འདོད་ན། །རང་དོན་གསལ་བ་རྣམ་པ་གསུམ། །གསང་དབང་ཤེས་རབ་ཡེ་ཤེས་དང་། །བདེ་བ་ཆེན་པོའི་དབང་གསུམ་ཉིད། །གཏུམ་མོ་འཁོར་ལོ་སྲོག་ཤིང་གསུམ། །འདི་ལས་འབྱུང་བའི་ལམ་ཡིན་ནོ། །ལུས་ཀྱི་འཁྲུལ་འཁོར་ལེགས་གནས་ན། །རླུད་གིས་མེ་ནི་རབ་ཏུ་འབར། །ཀྟ་ནི་ཀུན་ཏུ་བཟང་པོ་ཉིད། །བདུད་རྩི་འབབ་པ་ཀུན་བཟང་མོ། །བདེ་བའི་ཡེ་ཤེས་རོལ་མོ་ཡིས། །རང་གི་ལུས་ཀྱི་ལྷ་རྣམས་མཉེས། །ཡེ་ཤེས་སྒྱུ་མའི་དངོས་གྲུབ་ནི། །རྣལ་འབྱོར་པ་ཡིས་ཐོབ་པར་འགྱུར། །ལུས་ལ་དཀྱིལ་འཁོར་རྣམ་པ་བཞི། །བསྒོམས་པས་བདེ་བ་རྣམ་པ་བཞི། །གསང་བ་སྔགས་ཀྱི་ཡིག་འབྲུ་བཞི། །སྙིང་པོ་རླུང་གི་གནས་པ་བཞི། །དཀྱིལ་འཁོར་སྲོག་ཤིང་རྣམ་པ་གསུམ། །ལུས་དང་ངག་དང་ཡིད་དུ་གནས། །སྲིད་པ་གསུམ་དང་གྲོང་ཁྱེར་གསུམ། །འཁོར་བ་གཟུང་འཛིན་འདས་པ་གསུམ། །གཞན་དོན་སྦྱོར་བའི་མཆོད་པ་འབུལ། །བདེགཤེགསཡུམལྔ་གཟུངས་མ་ནི། །གླང་པོ་ཅན་མ་སངས་རྒྱས་སྤྱན། །དུང་ཅན་མ་ནི་དབྱིངས་ཕྱུག་མ། །རི་དྭགས་ཅན་མ་མུ་མ་ཀི། །རི་མོ་ཅན་ནི་གོས་དཀར་མོ། །སྣ་ཚོགས་ཅན་མ་དམ་ཚིག་སྒྲོལ། །སྦྱོར་བ་ཉིད་ནི་རིགས་ལྔ་ཉིད། །རིག་པ་སྲ་བ་ས་ཡིན་ཏེ། དེ་ཉིད་རྟག་པ་རྣམ་པར་སྣང་། །གཤེར་བ་ཆུ་སྟེ་དཀོན་མཆོག་དཔལ། །དྲོ་བ་མེ་ནི་ཚེ་དཔག་མེད། །གཡོ་བ་རླུད་གི་དོན་ཡོད་གྲུབ། །ཐིག་ལེ་ནམ་མཁའ་མི་བསྐྱོད་ཡིན། །བདེ་བ་བཅུ་དྲུག་སེམས་དཔར་ཤར། །ཕྱི་ཡི་གནས་ལ་ལྷོས་པ་ནི། །ལུས་ཀྱི་ཁོལ་བུར་བྱམས་པ་སྐྱེས། །ལུས་ལ་ཕལ་ཆེར་སྒྲིབ་སེལ་ཉིད། །ཀུན་ཏུ་བཟང་པོས་ལུས་ཀུན་ཁྱབ། །འཇམ་དཔལ་སྣང་དངོས་བདེ་བར་འཆར། །ནང་གི་གནས་ལ་ལྟོས་པ་ཡུམ། །བདེ་བ་སྤྱི་མགྲིན་སྤོས་མ་ཉིད། །མཆོག་བདེ་མགྲིན་སྙིང་མེ་ཏོག་འཐོར། །སྙིང་ག་ལྟེ་བ་མར་མེ་གསལ། །ལྟེ་བ་གསང་གནས་ལྷན་སྐྱེས་དྲི། །སྤང་བྱ་ལྟོས་པ་རྣམ་པ་བཞི། །ས་སྙིང་གཟུགས་འཛིན་རགས་རིམ་འགོག །ནམ་སྙིང་བདག་རྟོག་རགས་རིམ་འགོག །གཟུགས་ཀྱི་རྟོག་འགོག་སྤྱན་རས་གཟིགས། །བདེ་གསུམ་རྟོག་འགོག་ཕྱག་རྡོར་ཉིད། །རང་གི་ངོ་བོར་ལྷོས་པ་བཞི། །བདེ་བ་རྡོ་རྗེ་སྒེག་མོ་མ། །མཆོག་བདེ་རིན་ཆེན་ཕྲེང་བ་མ། །བདེ་བྲལ་པདྨ་གླུ་ལེན་མ། །ལྷན་སྐྱེས་ལས་ཀྱི་གར་མཁན་ཉིད། །སྐད་ཅིག་བཞི་རུ་ཤར་བ་ནི། །རྣམ་པ་སྣ་ཚོགས་སྐད་ཅིག མ། །ཁྲོབོགཤིན རྗེའིགཤེདཔོཡིན། །རྣམ་པར་ཉེད་པའི་སྐད་ཅིག་མ། །ཁྲོ་བོ་སྟོབས་ཆེན་གཞན་མི་ཐུབ། །རྣམ་པར་སྨིན་པའི་སྐད་ཅིག་མ། །ཁྲོ་བོ་རྟ་མཆོག་ཆེན་པོ་ལ། །མཚན་ཉིད་བྲལ་བའི་སྐད་ཅིག་མ། །ཁྲོ་བོ་བདུད་རྩི་འཁྱིལ་བ་ཡིན། །དྲོད་གསུམ་རྣམ་པ་བཞིར་བྱུང་བ། །འབར་བའི་དྲོད་ནི་རྣམ་པ་གཉིས། །དང་པོ་འབར་བ་ལྕགས་ཀྱུ་མ། །རབ་ཏུ་འབར་བ་ཞགས་པ་ཉིད། །ལྕགས་སྒྲོག་ཐིག་ལེ་གཡོ་བའི་དྲོད། །དྲིལ་བུ་ཐིག་ལེ་བརྟན་པའི་དྲོད། །འགྱུར་བ་དྲུག་ནི་ཐུབ་པ་དྲུག །རྒྱ་མཚོ་རི་རབ་སྐམ་པ་ཉིད། །ཆོས་ཀྱི་རྒྱལ་པོས་འདུལ་བ་ཡིན། །གླིང་བཞི་དབང་དུ་བྱ་བ་ནི། ཁྲཀྱ་སེདྷིས་འགྲོ་དོན་མཛད། །རོ་འཛིན་རང་གི་གནས་སུ་སྦྱར། །ཡི་དྭགས་ཁ་འབར་འདུལ་བྱེད་དོ། །དབང་པོའི་མཆོག་ནི་སྟེང་དུ་བཞག །ལྷ་ཡི་བལྟས་པས་ཚིམ་པ་འདུལ། །ངག་ཏུ་སྟོབས་ཀྱི་ཧུ༷་དྲག་རིང་། །སེརྙེ་དམ་ལྡན་འདུལ་བ་ལ། །ཏིང་འཛིན་ཧུ༷་ཕཊ་མདའ་གཞུ་འཕངས། །བགད་པས་ཚིམ་པ་ལྷ་མ་ཡིན། །ཀུན་ཏུ་བཟང་པོའི་བྱ་བ་བཞི། །འབེབས་པ་མི་མཁས་མྱུར་དུ་ཉམས། །གཟུང་བ་མི་མཁས་བདེ་ཡུན་ཐུང་། །བཟློག་པ་མི་མཁས་ཆུ་དང་བསྡང་། །དགྲམ་པ་མི་མཁས་ནད་དུ་འགྱུར། །ཀུན་ཏུ་བཟང་མོའི་མཁས་པ་བཞི། །དབབ་པར་མཁས་པས་རུས་སྦལ་འགྲོས། །གཟུང་མཁས་ལུས་ངག་འགྱུར་བ་གསུམ། །བཟློག་མཁས་དུད་འགྲོའི་འགྱུར་བ་བཞི། །ཁྱབ་མཁས་རྣམ་གྲོལ་ཕྱག་རྒྱ་བཅའ། །འདོད་ཆགས་ཐར་པ་བྱང་ཆུབ་སེམས། །བཞི་བཅུ་རྩ་གཉིས་ལྷུན་གྱིས་གྲུབ། །ཅེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། ལམ་དབང་དུ་བྱ་བ་ཆགས་ལམ་ལྷ་རྒྱུད་ཀྱི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། དགོངས་པའི་ཕྲིན་ལས་འདི་དག་ཡོངས་སུ་རྫོགས་པར་གསུངས་སོ། །ཧུ༷་ཆོས་ཉིད་སྤྲོས་དང་བྲལ་བའི་རང་བཞིན་ལས། །ཅིར་འདུལ་ཐབས་ཀྱིས་བསྟན་པའི་ལས་མཛད་པ། །བདེ་གཤེགས་དཀྱིལ་འཁོར་ཐིག་ལེ་ཆེན་པོ་ནས། །འཁོར་འདས་བྱང་ཆུབ་སེམས་ཀྱི་རྒྱུན་ཡང་འབེབས། །ལོངས་སྤྱོད་དཀྱིལ་འཁོར་ཆེན་པོའི་ཞལ་ཧོམ་དུ། །འདོད་ཡོན་ལྔ་ཡི་མཆོད་པས་དགྱེས་མཛད་ཅིང་། །ཆོས་དབྱིངས་དཀྱིལ་འཁོར་ཆེན་པོའི་ཀློང་ཡངས་ནས། །འཁོར་དང་མྱ་ངན་འདས་པ་ཀུན་མཁྱེན་ཞི༷ང་། །སྤྲུལ་པའི་དཀྱིལ་འཁོར་ཆེན་པོ་བདེ་བ་འབེབས། །འགྲོ་དྲུག་སྐྱེད་མཛད་མྱ་ངན་འདས་པར་འདྲེན། །དཀྱིལ་འཁོར་བཞི་ཡི་བདག་པས་ཕྲིན་ལས་མཛད། །དང་པོ་སངས་རྒྱས་རྣམ་པར་སྣང་མཛད་ནི། །ཡི་གེ་ཨཱོཾ་ལས་བསྐྱེད་ནས་སྐུ་རུ་སྣང་། །སངས་རྒྱས་སྣང་མཐའ་ཚེ་དཔག་མེད་པ་ནི། །ཡི་གེ་ཨུ༷༷ལས་བསྐྱེད་ནས་གསུང་དུ་སྣང་། །བདེ་གཤེགས་རྡོ་རྗེ་སེམས་དཔའ་མི་བསྐྱོད་པ། །འགྱུར་མེད་ཧུ༷་ལས་སྤྲུལ་ནས་ཐུགས་སུ་སྣང་། །ཡོན་ཏན་རིན་འབྱུང་སངས་རྒྱས་དཀོན་མཆོག་དཔལ། །གྲྭ་ལས་སྤྲུལ་ནས་ཡོན་ཏན་ཡིད་བཞིན་སྣང་། །ལས་མཛད་གྲུབ་པ་གདོན་མི་ཟ་བ་ནི། །ཧྭ་ལས་སྐྱེས་ནས་ཕྲིན་ལས་མཛད་པར་སྣང་། །རིགས་ཀྱི་སངས་རྒྱས་ལྔ་ཡི་རང་བཞིན་གྱིས། །གྲུབ་པ་སྔགས་ཀྱི་ཕྲིན་ལས་ཁྱེད་ཀྱིས་མཛོད། །བདུད་རྩི་དྲི་ཆེན་གསེར་མདོག་རྣམ་སྣང་མཛད། །མི་བསྐྱོད་བྱང་ཆུབ་སེམས་ཀྱི་ཁུ་བའི་སྐུ། །ཤ་ཆེན་དགོས་འདོད་འབྱུང་བ་དགོས་འདོད་སྐུ། །པདྨ་རཀྟ་སྣང་བ་མཐའ་ཡས་ཉིད། །དྲི་ཆུ་ལས་རབ་མགོན་པོ་དོན་ཡོད་གྲུབ། །གླང་ཆེན་མུང་ས་ཡུམ་མཆོག་སངས་རྒྱས་སྤྱན། །བྱ་ཤ་མཁའ་ལ་འཕྱོ་བ་དབྱིངས་ཕྱུག་མ། །མགྱོགས་བྱེད་རྟ་ནི་དབྱིངས་ཕྱུག་བཱ་མ་ཀི །བ་གླང་སྐྱོན་གྱིས་མ་གོས་ན་བཟའ་དཀར། །ཁྱི་ཤ་ལས་རབ་དམ་ཚིག་སྒྲོལ་མར་སྣང་། །ཁམས་ཀྱི་དངས་མ་བདུད་རྩི་མཆོག་གི་སྐུ། །རིགས་ལྔ་ཡབ་ཡུམ་ཁྱེད་ཀྱིས་ཕྲིན་ལས་མཛོད། །ཁྱབ་བྱེད་རྣམ་སྣང་སངས་རྒྱས་སྤྱན་དང་འཁྲིལ། །སྲོག་འཛིན་མི་བསྐྱོད་ཡུམ་ཆེན་དབྱིངས་ཕྱུག་མ། །མི་མཉམ་རིན་ཆེན་འབྱུང་ལྡན་སྨྱུ་མ་ཀི །གྱེན་རྒྱུ་སྣང་བ་མཐའ་ཡས་གོས་དཀར་མ། །ཐུར་སེལ་དོན་ཡོད་གྲུབ་པ་དམ་ཚིག་སྒྲོལ། །རྒྱུ་བ་ས་ཡི་སྙིང་པོ་སྒེག་མོའི་སྐུ། །བྱམས་པ་བདུག་སྤོས་མ་ཡི་སྐུ་རུ་སྣང་། །ཕྱིར་ལ་ལྡང་བ་ཀུན་ཏུ་བཟང་པོ་ཉིད། །ནང་དུ་འཇུག་པ་ཐུབ་དྲུག་འགྲོ་དོན་རྫོགས། །ཁོང་དུ་གནས་པ་ཀུན་ཏུ་བཟང་མོ་ཉིད། །ཁ་སྦྱོར་བཟུང་བ་སྒོ་སྲུང་ཡབ་ཡུམ་བརྒྱད། །བཞི་བཅུ་རྩ་གཉིས་རྒྱལ་བ་ཐུགས་དམ་ཅན། །འདུ་བྱེད་སྙིང་པོའི་ཕྲིན་ལས་ཁྱེད་ཀྱིས་མཛོད། །རྩ་གནས་དཀྱིལ་འཁོར་གྲུབ་པའི་གཞལ་ཡས་ནས། །ཁམས་ཀྱི་བདུད་རྩི་སངས་རྒྱས་སྐུ་བཞུགས་ཤིང་། །གྲུབ་པ་སྔགས་ཀྱི་ནུས་མཐུ་ངག་ལ་འཆར། །སྙིང་པོ་རླུད་གི་ཐུགས་ཀྱིས་ཡོངས་ལ་ཁྱབ། །གནས་པ་རྩ་ཡིས་སྐུ་དབྱིབས་གསལ་བྱེད་ཅིང་། །ཁམས་ཀྱི་བདུད་རྩིས་རྣམ་པ་བདེ་བ་དང་། །སྔགས་ཀྱི་ཡིག་འབྲུས་རང་བཞིན་སྟོང་གསལ་བྱེད། །སྙིང་པོ་རླུང་གིས་ངོ་བོ་ཟུང་དུ་འཇུག །ལུས་ཀྱི་སྒྲིབ་སྦྱངས་བུམ་པའི་དབང་རྣམས་རྫོགས། །ངག་གི་སྒྲིབ་དག་གསང་བའི་དབང་ཆེན་འབེབས། །ཡིད་ཀྱི་སྐྲིབ་དག་ཤེས་རབ་ཡེ་ཤེས་སྤྱོད། །ལུས་ངག་ཡིད་སྒྲིབ་དག་བྱེད་བདེ་ཆེན་དབང་། །བདག་ཏུ་བལྟ་བའི་གཟུང་འཛིན་རྣམ་སྤོང་བ། །སངས་རྒྱས་བདེ་གཤེགས་ཁྱེད་ཀྱིས་བྱིན་གྱིས་རློབས། །ཞེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། །ཕྲིན་ལས་བཅོལ་བ་སྟེ་ལེའུ་བདུན་པའོ།། །།དེ་ནས་བཅོམ་ལྡན་འདས་དོན་ཡོད་གྲུབ་པས་མཐར་ཕྱིན་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། །བསྙེན་བསྒྲུབ་རྣམ་བཞིའི་གསང་སྔགས་ཀྱིས། །ཐུན་མོང་རིག་འཛིན་ས་ཐོབ་ནས། །སྐུ་ལྔ་ལྷུན་གྲུབ་ཉིད་དུ་གནས། །ཐུགས་རྗེས་མཛད་བྱེད་མ་ལུས་འདུལ། །ཨོ་ཛི་ན་ཛིག ཧུ༷་བཛྲ་དྷིག སྲུ་རཏྣདྷིག ཨུ༷་ཨུ་རོ་ལིག ཧྭ་པྲརྙོ་དྷིག ལྭ༷་དེ་ཥ་ར་ཏི། མྱུ༷་དྷ་ཏི་ཤཱ་རྡི། མྱ༷་མོ་ཧ་ར་ཏི། བཱ༷་རྭ་ག་ར་ཏི། ཏྭ༷་བཛྲ་ར་ཏི། བསྙེན་པའི་གསང་སྔགས་ཞེས་བྱ་བ། རྒྱལ་བ་རིགས་ལྔ་ཡབ་ཡུམ་གྱི། །གསང་སྔགས་རབ་ཏུ་བཟླས་གྱུར་ན། །ཕུང་པོ་ལྔ་དང་འབྱུང་ལྔར་སྦྱོང་། །སྙིའ༷་ཧི་རྭ་ཛ་ཡ། ཏྲ༷་ཨུ་གསྟོ་ཡ།སྙི་ཧ་ཧུ༷་པདྨ་བཱ་ད་མ། ཛི་ཀུ་རུ་བཱ་ཎ། ཧུ༷་ལྭ་པྱེ་ས་མ་ཡ་སྟུ༷། ཏྲ༷་སྨྱུ་ལེ་ས་མ་ཡ་ཧོ༷༷།སྙི༷་གི་ཏི་རྭ་གོ྅ཧ༷། ཨ་ནིརྟི་རྭ་ག་ཡུ་མི། མི་དྷ་ར་ཁེ་གྲྭ་ཧྭ། སྙི་ནིསྤ་ར༷་བྷ་ཡ་གྲྭ་ཧྭ། ཧུ༷་གྲྭ་རྭ་ཛ་ཡ་གྲྭ་ཧྭ། མུ༷་ཤི་ཨ༷་རྭ་གྭ་ཡ་གྲྭ་ཧྭ། ཛ༷༷རྙུ་པེ་པྲ་བེ་ཤ ཧུ༷་པུསྤྲོ་ཨུ་བེ་ཤ །བ༷་དི་པ་སུ་གི་རྡི། ཧོ༷༷གརྙེ་ཙིཀྟ། ཉེ་བསྙེན་ནང་གི་དབང་པོ་ཡུལ། །ཕྱི་ཡི་དབང་པོ་དུས་བཞི་རྣམས། །བྱང་ཆུབ་སེམས་དཔའ་ཡབ་ཡུམ་གྱི། །འཁོར་དུ་ཉེ་བར་བསྙེན་པའོ། །ཧུ༷་ཧུ༷་ཧཱུཾ་བཛྲ་ཙིཀྟ་ཨོ། ཨ་ཨ་ཨུ་བཛྲ་བྷ་དྲུ་ས་མན་ཏ་ཨ༷༷། ཨོ་མུ་ནེ་ཀྲི༷་གྲྭ་ཧྭ། ཨོ་མུ་ནེ་ཧུ༷་ཏྲུ༷་སྲུ་ཧྭ། ཨོ་མུ་ནེ་སྲུ༷་གྲྭ་ཧྭ། ཨོ་མུ་ནེ་པྲ༷་སྣ་ཧྭ། ཨོ་མུ་ནེ་ཀྟ༷་གྲྭ་ཧྭ། ཨོ་མུ་ནེ་ཡེ་གྲྭ་ཧྭ། བསྒྲུབ་པ་ཀུན་བཟང་ཡབ་དང་ཡུམ། །ཐུབ་དྲུག་སྤྲུལ་པའི་སངས་རྒྱས་རྣམས། །འགྲོ་བའི་དོན་ལ་རབ་བརྩོན་པས། །ཞི་བའི་འགྲོ་དོན་བསྒྲུབ་པར་བྱ། །ཧུ༷་ཡ་བཱརྙ་ཀྲིཏ་ཕཊ། ཧུ༷་བིསྣ༷་ཏ་ཀྲིཏ་ཕཊ། ཧུ༷་པསྙིརྙ་ཀྲི་ཏ་ཕཊ། ཧུ༷་པྲསྒྲོརྙ་ཀྲི་ཏ་ཕཊ། ཨོ་མ་ཧྭ་བཛྲ་དྷ་ར་མ་ཧྭ་ཀྲོ་དྷི་ཤྭ་རྡི་ཛ་ལ་ནི་ཧུ༷་ཕཊ། ཨོ་རཏྣ་དྷ་ར་མ་ཧྭ་ཀྲོ་དྷི་ཤྭ་རྡི་ཛ་ལ་ནི་ཧུ༷་ཕཊ། ཨོ་པདྨ་དྷ་ར་མ་ཧྭ་ཀྲོ་དྷི་ཤྭ་རྡི་ཛ་ལ་ནི་ཧུ༷་ཕཊ། ཨོ་ཀརྨ་དྷ་ར་མ་ཧྭ་ཀྲོ་དྷི་ཤྭ་རྡི་ཛ་ལ་ནི་ཧུ༷་ཕཊ། སྒྲུབཆིནསྒོསྐྱོངཡབདང་ཡུམ། །དཀྱིལ་འཁོར་ཕྱི་ནས་ལས་བྱེད་པས། །ཕྱག་རྒྱ་བཞིས་ནི་ཀུན་ལ་ཁྱབ། །དེ་ཕྱིར་སྒྲུབ་ཆེན་ཉིད་དུ་འགྲུབ། །ཡིད་ཀྱིས་ལྷ་ཡི་གཟུགས་བཟུང་བ། །སེདྷི་མངལ་རྒྱར་ཚུད་པ་ལྟར། །ཁྱུང་གི་སྒོང་རྒྱ་ལྟ་བུ་སྟེ། །རྣལ་འབྱོར་པ་ནི་ལུས་ཀྱི་རྒྱ། །སྒྲོན་མ་བཟློག་ན་སྤ་བ་ནུབ། །ལྟེ་བ་མཁྲང་ལ་སེང་པའི་ཁོག །གདུང་ཁེབས་གཙུག་ཏོར་དྲུག་པ་ནི། །ཉི་ཟླའི་ཚེ་དང་མཉམ་པ་ཡིན། །རང་དོན་སྟོང་དང་དྲུག་བརྒྱ་ཉིད། །གཞན་དོན་ལོ་བརྒྱར་གཟུགས་སུ་གནས། །བསྒོམས་པས་མངོན་དུ་གྱུར་པའི་ལྷ། །གང་བསྒོམ་ལྷ་ཡི་ཆ་བྱད་ཉིད། །དགོངས་པ་ཉིད་ལ་སངས་རྒྱས་ཤིང་། །མཉམ་པར་མ་བཞག་དེ་མིན་པ། །རིག་འཛིན་ཀུན་གྱི་རྒྱལ་པོ་སྟེ། །ལྷུན་གྲུབ་རིག་པ་འཛིན་པའོ། །ཆོས་སྐུ་དྲི་མ་མེད་པ་དང་། །ལོངས་སྐུ་འཁོར་ལོས་སྒྱུར་རྒྱལ་འདྲ། །སྤྲུལ་པ་མཛད་པ་མཐར་ཕྱིན་ཅིང་། །སྐྱེ་འཇིག་བྲལ་བ་རྡོ་རྗེ་ཉིད། །ཡུལ་མེད་རང་གསལ་མངོན་བྱང་སྐུ། །སྐུ་ལྔ་ལྷུན་གྱིས་གྲུབ་པའོ། །ཆོས་ནི་སྐྱེ་མེད་དོན་གྱི་གསུང་། །ལོངས་སྤྱོད་དགོངས་པ་བརྡ་ཡིས་སྟོན། །སྤྲུལ་པ་ཚངས་པའི་གསུང་དབྱངས་སྙན། །མངོན་བྱང་རིག་པ་བྱིན་གྱིས་བརླབས། །འཇིགས་མེད་དབྱེར་མེད་རྡོ་རྗེའི་གསུང་། །གསུང་ལྔ་ཉིད་དུ་ལྷུན་གྱིས་གྲུབ། །སོ་སོར་སྣང་བ་གདུལ་བྱའི་བློ། །ཐ་དད་བྱ་བ་གང་ལ་ཡོད། །བདེ་བ་ཆེན་པོའི་ཐུགས་དང་ནི། །རྣམ་པར་མི་རྟོག་ཐུགས་ཉིད་དང་། །འགྲོ་བ་ཐམས་ཅད་སྒྲོལ་བ་དང་། །མཉམ་པ་ཆེན་པོའི་མཆོག་གནས་དང་། །དབྱེར་མེད་རྡོ་རྗེའི་ཐུགས་ལྔར་གནས། །ཐ་དད་འདོད་ན་ཐ་དད་སྣང་། །དབྱེར་མེད་འདོད་ན་དབྱེར་མེད་སྣང་། །ཞིང་ཁམས་དང་ནི་གཞལ་ཡས་ཁང་། །འོད་ཟེར་དང་ནི་གདན་ཁྲི་རྒྱན། །ལོངས་སྤྱོད་ལྔ་ནི་ཡོན་ཏན་ཏེ། །བདེ་བར་གཤེགས་ལ་རྩོལ་མེད་སྣང་། །ཞི་རྒྱས་དབང་དང་མངོན་སྤྱོད་དང་། །ལྷུན་གྱིས་གྲུབ་པའི་ཕྲིན་ལས་ཡིན། །ཕྱོགས་མེད་རང་སྣང་ཞིང་ཁམས་ན། །གདུང་རྟེན་རང་སྣང་གཞལ་ཡས་ཁང་། །འོད་ཟེར་སྒྲིབ་མེད་འོད་གསལ་བ། །གདན་ཁྲི་འབྲས་ཆོས་རྫོགས་རང་གདན། །རྒྱན་ནི་མ་སྤངས་རང་སྣང་རྒྱན། །དེ་ཡང་རྣམ་པ་ལྔ་ལྔར་སྣང་། །གདལ་ཁྱབ་ཆེན་པོའི་མཁའ་ཁྱབ་ཞིང་། །བདེ་བ་ཅན་ནི་འོག་མིན་གནས། །མོས་པ་ཅན་ནི་རིགས་དྲུག་གནས། །ཕྱོགས་བཅུར་མ་ལུས་རིགས་སྣང་བ། །པདྨ་ཅན་དེ་ཡུམ་གྱི་མཁའ། །ཡོངས་རྫོགས་ཕྱི་ནང་མེད་པར་སྣང་། །འོག་མིན་ངེས་པ་ལྔ་ལྡན་ཏེ། །ཐ་དད་མ་ངེས་སྤྲུལ་སྐུའི་ཁང་། །སྐུ་ཉིད་འོད་དེ་རིག་པ་ཉིད། །ཡུམ་མཁའ་སྐྱེ་གནས་གཞལ་ཡས་ཁང་། །ཀུན་ཁྱབ་ཡེ་ཤེས་དོན་འོད་ཟེར། །ཁ་དོག་དྲུག་སྟེ་རྟགས་ཀྱི་འོད། །དབུ་ཕྱག་ལས་བྱུང་འགྲོ་འདུལ་འོད། །འོད་རིགས་ཀུན་དེ་རང་བཞིན་འོད། །བདེ་ཆེན་ཆོས་ཉིད་འོད་ཟེར་རོ། །མི་འཇིགས་སྟོབས་དབང་རྫུ་འཕྲུལ་ལས། །དེ་རྟགས་སེམས་ཅན་ཆེན་པོ་ལྔ། །ཉི་རྐྱང་ཁྲོ་ལ་པད་རྐྱང་ཐུབ། །ཆོས་ཉིད་ཇི་བཞིན་འབྲས་བུའི་གདན། །གསང་པད་ཉི་ཟླ་ཐིག་ལེའོ། །རིག་པ་རང་སྣང་འོད་ཀྱི་རྒྱན། །མཚན་དང་དཔེ་བྱད་རྟགས་ཀྱི་རྒྱན། །སྟོད་གཡོགས་སྨད་དཀྲིས་ཁྲིམས་ཀྱི་རྒྱན། །ཆོས་རྣམས་མ་སྤངས་རང་བཞིན་རྒྱན། །ཁུ་བ་ཡེ་ཤེས་ལས་ཀྱི་རྒྱན། །ཆོས་སྐུའི་ཕྲིན་ལས་རྣམ་པ་ལྔ། །མཚན་མ་ཐམས་ཅད་ངང་གིས་ཞི། །དེ་ཉིད་ཤེས་བྱ་ཐམས་ཅད་རྒྱས། །འབྲས་བུའི་ཆོས་རྣམས་དབང་དུ་འདུས། །རྟོག་པ་ངང་གིས་རླག་བྱེད་དྲག །བཞི་ག་ལྷུན་གྲུབ་གསལ་ཡའི་ལས། །སྣང་མཛད་ལ་སོགས་རིགས་ལྔ་པོ། །ལས་ལྔ་སྦྱར་བ་དངོས་སྣང་ལས། །ལས་བཞིའི་ཚད་རྒྱུ་བཞི་སྦྱར་ཞིང་། །བསྡུ་བཞིའི་ལྷུན་གྲུབ་ཕན་འདོགས་ལས། །ལས་བཞི་སྟོངས་གནས་ཆགས་དང་འཇིག །རིག་པར་ལྷུན་གྲུབ་ངོ་བོའི་ལས། །ལས་བཞིའི་རྟོག་དག་བདེ་བ་རྒྱས། །ཡེ་ཤེས་རང་ཤར་མཚན་མ་ནོན། །རང་ཤར་ལྷུན་གྲུབ་དངོས་ཀྱི་ལས། །དེ་ལྟར་འབྲས་བུ་ཉེར་ལྔའོ། །གཞན་ནས་ཡོད་འོང་མ་ཡིན་ཏེ། །འགྲོ་བ་གཅིག་ཉིད་རེ་རེ་ལའང་། །ལུས་ངག་ཡིད་ལ་ནུས་པ་ལྔ། །གནས་བཞིན་མ་འདྲེས་ཡོངས་རྫོགས་ཤེས། །ལྷག་པའི་ཆོས་སྐུ་ཆེན་པོ་ལས། །རྟག་པ་རྒྱུན་དུ་ཐུགས་རྗེ་སྐྱེ། །སེམས་ཅན་རྣམས་ཀྱིས་དེ་མ་རིག །དཔེར་ན་ཆུ་བོ་གདྷ་བཞིན། །ལོངས་སྤྱོད་རྫོགས་པའི་སྐུ་ལ་ནི། །བསྐུལ་ཞིང་གསོལ་བ་བཏབ་པས་སྐྱེ། །སྤྲུལ་སྐུ་བྱང་ཆུབ་རྣམ་པ་དྲུག །ཡུལ་དང་ཕྲད་ན་ཐུགས་རྗེ་སྐྱེ། །མངོན་བྱང་སྐུ་དང་རྡོ་རྗེའི་སྐུ། །རང་བཞིན་ཤུགས་ཀྱིས་ཐུགས་རྗེ་སྐྱེ། །ཞེས་གསུངས་སོ། །ཞི་བ་ལྷ་རྒྱུད་ཆེན་པོ་ལས། །མཐར་ཕྱིན་པའི་ཞི་བ་སྐུ་ལྔ་ལྷུན་གྱིས་གྲུབ་པར་བསྟན་པ་སྟེ་ལེའུ་བརྒྱད་པའོ།། །།དེ་ནས་རྡོ་རྗེ་སྙིང་པོ་ཡིས། །བཅོམ་ལྡན་འདས་ལ་འདི་སྐད་བསྟོད། །རྩ་རྣམས་གཙུག་ཏོར་མཆོག་ཏུ་གྱུར། །སྤྲུལ་པ་སྐུ་ཡི་རང་བཞིན་ཉིད། །སྔགས་རྣམས་ཧུ༷་གི་གཟུགས་སུ་འདུས། །བདེ་ཆེན་ལོངས་སྤྱོད་རྫོགས་པར་གནས། །ཁམས་ཀྱི་དངས་མ་བདུད་རྩི་ཉིད། །ཁམས་དགུ་འདུས་པ་ཆོས་ཀྱི་སྐུ། །སྙིང་པོ་རླུད་རྣམས་རང་གདངས་མར། །དབྱེར་མེད་རྡོ་རྗེ་མངོན་བྱང་ཆུབ། །རིགས་བདག་དབྱེར་མེད་ཀུན་ལ་ཁྱབ་པའི་སྐུ། །སྟོན་པའི་བདག་ཉིད་ཀུན་བཟང་ཁྱོད་ཕྱག་འཚལ། །ཡེ་ཤེས་ལྔ་ལས་སྐུར་སྣང་ལོངས་སྤྱོད་རྫོགས། །ཕུང་པོ་ལྔ་ཡི་རང་བཞིན་ཉིད་དུ་སྣང་། །འབྱུང་བ་ལྔ་ཡི་ཡུམ་དང་རྣམ་པར་འཁྲིལ། །འཆད་པའི་སྐྱེས་བུ་ཁྱེད་ལ་བདག་ཕྱག་འཚལ། །ཆུ་བོ་བཞིན་དུ་རྒྱུན་ཆད་མེད་པར་གནས། །དང་པོ་དེ་ལས་བྱུང་ནས་བྱ་བ་བྱེད། །མཐའ་མ་དེར་ཐིམ་རང་གི་གནས་ལ་བཞུགས། །འགྲོ་བའི་ནད་སོས་མཛད་པ་སྨན་གྱི་གནས། །འཇིག་རྟེན་ཐགས་བཞིན་སྣང་བའི་རང་བཞིན་ཅན། །རྒྱུད་རྒྱལ་དགོངས་པ་ཅན་ལ་ཕྱག་འཚལ་བསྟོད། །བདག་སོགས་རྣམས་ཀྱིས་ཇི་ལྟར་གཟུང་བར་བྱ། །ཞེས་གསོལ་པས། བཅོམ་ལྡན་འདས་ཀྱིས་གསུངས་པ། རྒྱུད་འདི་སྣོད་ངན་ཀུན་ལ་གསང་བ་དང་། །དམ་ལྡན་སྣོད་ལྡན་རྣམས་ལ་ཁྱོད་ཀྱིས་གཏོད། །ཅེས་གསུངས་པས་རྗེས་སུ་ཡི་རང་ངོ་། །ཞི་བ་ལྷ་རྒྱུད་ཆེན་པོ་ལས། །རྗེས་སུ་ཡི་རང་བ་སྟེ་ལེའུ་དགུ་པའོ།། །།ཞི་བ་ལྷ་རྒྱུད་ཆེན་པོ་རྫོགས་སོ། །རྒྱ་གར་གྱི་མཁན་པོ་པྲ་མ་ས་ཏྭ་ལས། ལོ་སྣྲོ་བ་པདྨ་རུ་རྩེས་བསྒྱུར་བའོ།། །། རྒྱ་གར་སྐད་དུ། དྷརྨུ་ཏྭ་ཤརྙ་དེ་བ་ཏནྟྲ། བོད་སྐད་དུ། ཆོས་ཉིད་ཞི་བའི་ལྷ་རྒྱུད། བཅོམ་ལྡན་འདས་ཀུན་བཟང་ཀུན་ཏུ་ཞི་བའི་ལྷ་ལ་ཕྱག་འཚལ་ལོ། །འདི་སྐད་བསྟན་