Ngb-pt-0131-vol-02-text
Jump to navigation
Jump to search
Front[edit]
Body[edit]
བསྲུངས་ཕྲ་བཀོད་པའོ།། །། ༑ བྱང་ཆུབ་ཀྱི་སེམས་རྫོགསཔསྤྱིགཅོདཀྱངཟེརཏིག །ཆོས་རྣམས་མ་ལུས་དབྱིངས་སུ་རྒྱུ་གཅིག་པས། །འཁོར་བ་མྱ་ངན་འདས་པ་གཉིས་མེད་དེ། །ཇི་ལྟར་བལྟས་པ་ཀུན་ཏུ་བཟང་པོའི་ཀློང་། །དབྱེར་མེད་ཀློང་ལས་མ་ཉམས་བདེ་བའི་སྐུ། །སྣང་སྲིད་མ་ལུས་ཡེ་ནས་དག་པས་ན། །སེམས་ཅན་སེམས་ཉིད་རྒྱལ་བ་སངས་རྒྱས་ཡིན། །རྡོ་རྗེ་སེམས་དཔའ་དབྱེར་མེད་ཡེ་སངས་རྒྱས། །ཡེ་ནས་དག་པས་ཆོས་སྐུ་བདེ་བའི་མཆོག །བཙལ་དུ་མེད་པས་བསྒོམ་པའི་ཚིག་དང་བྲལ། །ཚིག་ལས་འདས་པས་བརྗོད་པའི་ཐ་སྙད་མེད། །ཡེ་སངས་རྒྱས་པས་བལྟ་བའི་དམིགས་མེད་དེ། །སྙིང་པོ་བྱང་ཆུབ་དགོངས་སུ་མེད་པའོ། །རྣལ་འབྱོར་བལྟ་དམིགས་ཚོལ་བ་དོན་ལས་ཉམས། །མི་བལྟ་མི་ཚོལ་དོན་དེ་ཉིད་ཡིན་པས། །དོན་ལ་མི་བལྟ་བལྟར་མེད་འཁྲུལ་པ་མེད། །བདེ་བ་ཆེན་པོ་གང་ཞིག་ཚོལ་བ་འཁྲུལ། །རྣལ་འབྱོར་སྟོང་བསྒོམ་ལྕགས་ནས་བཀྲོལ་བ་ཡིན། །རྫོགས་སོ།། །།བར་འདིར་ཁམས་གསུམ་སྒྲོན་མ་འཛུད། །