Ngb-pt-0111-vol-02-text
Front[edit]
Body[edit]
བཟང་། །གླེང་བྲལ་བརྗོད་མེད་དོན་ལ་གནས་པ་ཡིས། །སྐྱེ་བ་མེད་པས་བདག་དོན་བྱ་མི་དགོས། །བརྗོད་དུ་མེད་པས་གཞན་དོན་མི་བྱེད་ཅིང་། །ཆོས་ཉིད་རྒྱུ་མ་མ་བཙལ་ལྷུན་གྲུབ་པས། །རང་བཞན་གནས་པའ་ཆོས་ཉིད་ཡུལ་ལ་རོལ། །དེས་ན་དེ་ཡིན་ཆེ་བའི་གཏན་ཚིགས་སོ། །སངས་རྒྱས་ཞེས་བྱ་མེད་པའི་ཆེ་བ་ནི། །དུས་གསུམ་སངས་རྒྱས་ཁམས་གསུམ་སེམས་ཅན་ལ། །མ་བསྟན་མཆོག་ཏུ་གསང་བའི་བྱང་ཆུབ་སེམས། །བདེ་གཤེགས་ཡེ་ཤེས་སྙན་གྱིས་སྔར་མ་གསན། །སེམས་ཅན་རྣ་བའི་དབང་པོས་སྔར་མ་ཐོས། །དེ་བཞིན་སྟོན་པའི་ལྗགས་ཀྱི་དབང་པོས་ཀྱང་། །བདེར་གཤེགས་རྣམས་ལ་གསུང་གིས་བསྒྲགས་པ་མེད། །དེ་བཞིན་གང་ཟག་ལྕེ་ཡི་དབང་པོས་ཀྱང་། །སེམས་ཅན་རྣམས་ལ་ཚིག་ཏུ་བརྗོད་པ་མེད། །དེས་ན་སངས་རྒྱས་མེད་པའི་ཆེ་བར་བཤད། །ཅེས་གསུངས་སོ། །ཁྱད་པར་འཕགས་པའི་མདོ་ལས། དོན་གྱི་འགྲེལ་པ་བསྟན་པ་སྟེ་ཁྱད་པར་འཕགས་པའི་མདོ་རྫོགས་སོ།། །།དེ་ནས་ཡང་སེམས་དཔའ་ཆེན་པོ་དེས། །འདུས་པའི་འཁོར་ཚོགས་རྣམས་ཀྱིས། རྫོགས་པ་ཆེན་པོའི་དོན་མ་ཐོས་པ་རྣམས་ཀྱིས་སྐྱོན་ཡོན་བསལ་བའི་ཕྱིར། གོལ་སྒྲིབ་བསྟན་པའི་མདོ་འདི་གསུངས་སོ། །ཀྱེ་འདུས་པའི་ཚོགས་ཆེན་ད་ཉོན་ཅིག །ངེས་པ་ཐོབ་པའི་ཐེག་པ་དྲུག །རྫོགས་པ་ཆེན་པོའི་གོལ་ས་སྟེ། །རྫོགས་ཆེན་ངེས་ཐོབ་སྒྲིབ་པར་བཤད། །མདོ་སྡེ་དང་ནི་ཀྲི་ཡུ་དང་། །ཨུ་པ་ཡ་དང་ཡོ་ག་དང་། །མ་ཧྭ་ཡོ་ག་ཨ་ནུ་དྲུག །རྫོགས་པ་ཆེན་པོའི་གོལ་ས་སྟེ། །དེ་ཡང་ཇི་ལྟར་གོལ་ཞེ་ན། །མདོ་སྡེ་བྱང་ཆུབ་སེམས་དཔའ་ནི། །ཀུན་ཏུ་འོད་ཀྱང་ས་འདོད་པས། །བདེན་པ་གཉིས་ཀྱིས་རྟོག་དཔྱོད་པས། །ཆོས་ཉིད་སྟོང་པ་ནམ་མཁར་རྟོགས། །ཨ་ཏི་ཡོ་གའི་བདེ་ཆེན་ནི། །རྟོག་དབྱོད་འདས་པའི་བྱང་ཆུབ་སེམས། །རྟོག་དཔྱོད་འདས་ལ་མདོ་སྡེས་བསྒྲིབས། །རྫོགས་ཆེན་རྟོག་དང་དཔྱོད་པ་ནི། །མདོ་སྡེ་དག་ཏུ་གོལ་བར་བཤད། །ཀྲི་ལྭ་རྡོ་རྗེ་འཛིན་འདོད་པ། །དག་པ་རྣམ་གསུམ་སྒོར་ཞུགས་ནས། །ཆོས་ཉིད་དག་པ་འཛིན་པ་སྟེ། །གཟུང་འཛིན་དག་པའི་ཡུལ་ལ་གནས། །ཨ་ཏི་ཡོ་གའི་བདེ་ཆེན་ནི། །གཟུང་འཛིན་འདས་པའི་བྱང་ཆུབ་སེམས། །གཟུང་འཛིན་འདས་ལ་ཀྲི་ཡུས་བསྒྲིབས། །རྫོགས་ཆེན་གཟུང་དང་འཛིན་བྱེད་པ། །ཀྲི་ལྭ་དག་ཏུ་གོལ་བར་བཤད། །ཨུ་པ་ཡ་ཡི་ལྟ་སྤྱོད་ནི། །ཀྲི་ཡུ་སྤྱོད་ཅིག་ཡོ་ག་བསྒྲུབ། །ལྟ་སྤྱོད་འབྲེལ་པའི་དོན་མེད་པས། །གཉིས་སུ་མེད་པའི་དོན་མ་རྟོགས། །ཨ་ཏི་ཡོ་གའི་བདེ་ཆེན་ནི། །གཉིས་སུ་མེད་པའི་བྱང་ཆུབ་སེམས། །གཉིས་སུ་མེད་ལ་ཨུ་པས་བསྒྲིབས། །རྫོགས་ཆེན་གཉིས་སུ་འབྱེད་པ་ནི། །ཨུ་པ་ཡ་རུ་གོལ་བར་བཤད། །ཡོ་ག་སྟུག་པོ་བཀོད་འདོད་པས། །མཚན་མ་ཡོད་མེད་སྒོར་ཞུགས་ནས། །ཕྱག་རྒྱ་བཞི་ལ་གཙོར་བྱེད་པ། །བླང་དོར་མེད་ལ་འཇུག་མ་ནུས། །ཨ་ཏི་ཡོ་གའི་བདེ་ཆེན་ནི། །བླང་དོར་མེད་པའི་བྱང་ཆུབ་སེམས། །བླང་དོར་མེད་ལ་ཡོ་གས་བསྒྲིབས། །རྫོགས་ཆེན་བླང་དང་དོར་བྱེད་པ། །ཡོ་ག་དག་ཏུ་གོལ་བར་བཤད། །མ་ཧྭ་རྡོ་རྗེ་འཆང་འདོད་པ། །ཏིང་འཛིན་རྣམ་གསུམ་སྒོར་ཞུགས་ནས། །རང་རྒྱུད་དག་པའི་དཀྱིལ་འཁོར་ལ། །བསྙེན་བསྒྲུབ་རྣམ་བཞིས་སྒྲུབ་པར་བྱེད། །ཨ་ཏི་ཡོ་གའི་བདེ་ཆེན་ནི། །རྩོལ་བསྒྲུབ་འདས་པའི་བྱང་ཆུབ་སེམས། །རྩོལ་བསྒྲུབ་འདས་ལ་མ་ཧྭས་བསྒྲིབས། །རྫོགས་ཆེན་རྩོལ་སྒྲུབ་བྱེད་པ་ནི། །མ་ཧྭ་ཡོ་གར་གོལ་བར་བཤད། །ཨ་ནུ་དབྱེར་མེད་ས་འདོད་པས། །དབྱིངས་དང་ཡེ་ཤེས་སྒོར་ཞུགས་ནས། ཁུ་ནི་དག་པའི་དབྱིངས་སུ་བལྟ། །འབྲས་བུ་ཡེ་ཤེས་དཀྱིལ་འཁོར་བལྟ། །ཨ་ཏི་ཡོ་གའི་བྱང་ཆུབ་སེམས། ཁུ་འབྲས་དག་པའི་བྱང་ཆུབ་སེམས། །རྒྱུ་འབྲས་འདས་ལ་ཨ་ནུས་བསྒྲིབས། །རྫོགས་ཆེན་རྒྱུ་འབྲས་གཉིས་བལྟ་ན། །ཨ་ནུ་ཡོ་གར་གོལ་བར་བཤད། །ཐེག་པ་དག་གི་གོལ་སྒྲིབ་བོ། །ཐེག་པ་གཅིག་གི་ལྟ་བ་ལ། །གོལ་ས་སྒྲིབ་པ་བཅུ་ཡོད་དེ། །ལྟ་བ་དག་གི་གོལ་སྒྲིབ་དང་། །དམ་ཚིག་དག་གི་གོལ་སྒྲིབ་དང་། །ཕྲིན་ལས་དག་གི་གོལ་སྒྲིབ་དང་། །ཡེ་ཤེས་དག་གི་གོལ་སྒྲིབ་དང་། །ས་དང་ཕ་རོལ་གོལ་སྒྲིབ་དང་། །ལམ་ལ་གནས་པའི་གོལ་སྒྲིབ་དང་། །ཕྲ་བ་དག་གི་གོལ་སྒྲིབ་དང་། །རྒྱུད་ཀྱི་གོལ་ས་སྒྲིབ་པ་དང་། །ལུང་གི་གོལ་ས་སྒྲིབ་པ་དང་། །མན་ངག་གོལ་ས་སྒྲིབ་པ་བཅུའོ། །དེ་ཡང་གང་དང་གང་ཞེ་ན། །བལྟ་བ་དག་གི་རང་བཞིན་ནི། །བསྒོམ་དུ་མེད་དེ་སངས་རྒྱས་བལྟ། །བསྒོམ་མེད་སངས་རྒྱས་་མ་རིག་ན། །ལྟ་བ་དག་གིས་སྒྲིབ་པར་བཤད། །ཡེ་ནས་སངས་རྒྱས་ཡིན་པ་ལ། །སངས་རྒྱས་ཡིན་པར་མི་བལྟ་སྟེ། །བསྒོམས་ནས་སངས་རྒྱས་ལྟ་བ་ནི། །ལྟ་བ་དག་གི་གོལ་ས་ཡིན། །དམ་ཚིག་དག་ནི་བསྲུང་དུ་མེད། །བསྲུང་དུ་མེད་པའི་དམ་ཚིག་ལ། །བསྲུང་དུ་མེད་པར་མ་རིག་ན། །དམ་ཚིག་སྒྲིབ་པ་ཡིན་པར་བཤད། །བསྲུང་དུ་མེད་པའི་དམ་ཚིག་ལ། །བསྲུང་དུ་མེད་པར་མ་ཤེས་ན། །ཕྱོགས་མཚམས་དམ་ཚིག་བསྲུང་བ་ནི། །དམ་ཚིག་གོལ་ས་ཡིན་པར་བཤད། །ཕྲིན་ལས་རང་བཞིན་བཙལ་དུ་མེད་པ་ལ། །རྩོལ་བསྒྲུབ་འདས་པའི་ཕྲིན་ལས་ལ། །བཙལ་དུ་མེད་པར་མ་རིག་ན། །ཕྲིན་ལས་སྒྲིབ་པ་ཡིན་པར་་བཤད། །བཙལ་དུ་མེད་པའི་རང་བཞིན་ལ། །བཙལ་དུ་མེད་པར་མ་རྟོགས་ཏེ། །ཕྲིན་ལས་རྩོལ་བར་བྱེད་པ་ནི། །ཕྲིན་ལས་གོལ་ས་ཡིན་པར་བཤད། །ཡེ་ཤེས་དག་གི་རང་བཞིན་ནི། །ཡེ་ནས་སྒྲིབ་པ་མེད་པར་གསལ། །ཡེ་ནས་སྒྲིབ་པ་མེད་པ་ལ། །སྒྲིབ་པ་མེད་པར་མ་རིག་ན། །ཡེ་ཤེས་དག་གི་སྒྲིབ་པར་བཤད། །སྒྲིབ་པ་མེད་པའི་ཡེ་ཤེས་ལ། །སྒྲིབ་པ་མེད་པར་མ་རྟོགས་ཏེ། །མི་བསྐྱོད་གསལ་བར་མ་ཤེས་ན། །ཡེ་ཤེས་ཆེན་པོ་གོལ་སར་བཤད། །ས་དང་ཕ་རོལ་རང་བཞིན་ནི། །སྦྱངས་ཤིང་བགྲོད་དུ་མེད་པ་ཡིན། །སྦྱང་བགྲོད་མེད་པར་མ་རིག་ན། །ས་དང་ཕ་རོལ་སྒྲིབ་པར་བཤད། །སྦྱང་བགྲོད་མི་དགོས་ས་ལམ་ལ། །སྦྱང་བགྲོད་མ་དགོས་མ་རྟོགས་ཏེ། །སྦྱངས་ཤིང་བགྲོད་པར་བྱེད་པ་ནི། །ས་དང་ཕ་རོལ་གོལ་སར་བཤད། །ཕྲ་བ་དག་གི་རང་བཞིན་ནི། །གཟུང་འཛིན་བྲལ་བའི་ཆོས་ཉིད་ཡིན། །གཟུང་འཛིན་བྲལ་བར་མ་རིག་ན། །ཕྲ་བ་དག་གི་སྒྲིབ་པར་བཤད། །གཟུང་འཛིན་བྲལ་བའི་ཕྲ་བ་ལ། །གཟུང་འཛིན་བྲལ་བར་མ་རིག་སྟེ། །ཕྲ་བ་རྡུལ་དུ་ཡོད་བལྟ་ན། །ཕྲ་བའི་གོལ་ས་ཡིན་པར་བཤད། །རྒྱུད་ཀྱི་རང་བཞིན་བསྟན་པ་ནི། །གཟུང་འཛིན་གཉིས་སུ་མེད་པར་འབྲེལ། །གཉིས་མེད་འབྲེལ་བར་མ་རིག་ན། ཁུད་ཀྱི་སྒྲིབ་པ་ཡིན་པར་བཤད། །གཉིས་སུ་མེད་པའི་འབྲེལ་པ་ལ། །གཉིས་མེད་འབྲེལ་པར་མ་རྟོགས་ཏེ། །སེམས་ཆོས་གཉིས་སུ་མཐོང་བ་ནི། །རྒྱུད་ཀྱི་གོལ་ས་ཡིན་པར་བཤད། །ལུང་གི་རང་བཞིན་བསྟན་པ་ནི། །གཏན་ལ་འབེབས་ཤིང་ངེས་པར་བསྟན། །གཏན་ལ་འབེབས་པར་མ་ཤེས་ན། །ལུང་གི་སྒྲིབ་པ་ཡིན་པར་བཤད། །གཏན་ལ་འབེབས་པའི་ལུང་དེ་ལ། །ཐོག་ཏུ་འབེབས་པར་མ་རྟོགས་ཏེ། །གཏན་ལ་མི་འབེབས་ཟེར་བ་ནི། །ལུང་གི་གོལ་ས་ཡིན་པར་བཤད། །མན་ངགརངབཞིནབསྟནཔནི། །སྤྲོས་པ་མེད་པར་ལ་བཟླའ་བའོ། །སྤྲོས་པ་མེད་པར་མ་རིག་ན། །མན་ངག་གི་ནི་སྒྲིབ་པར་བཤད། །སྒྲོ་སྐུར་བྲལ་བའི་མན་ངག་ལ། །སྤྲོས་པ་མེད་པར་མ་རྟོགས་ཏེ། །སྒྲོ་སྐུར་ཡོད་པར་འདོགས་པ་ནི། །མན་ངག་དག་གི་གོལ་སར་བཤད། །གོལ་ས་སྒྲིབ་པ་སུམ་ཅུ་ཡི། །ཡོ་ག་བཞི་ཡི་རང་བཞིན་ལ། །གོང་འོག་བལྟ་བའི་ཁྱད་པར་གྱིས། །གོལ་སྒྲིབ་སུམ་ཅུ་བྱུང་བ་ཡིན། །སྒྲིབ་པ་སྒྲིབ་པ་ཞེས་བྱ་བ། །རིག་ཤེས་བྱ་བའི་ཡུལ་དེ་ལ། །མ་རིག་མ་ཤེས་མ་རྟོགས་པས། །སྒྲིབ་པ་སྒྲིབ་པ་ཞེས་སུ་བཤད། །གོལ་ས་གོལ་ས་ཞེས་བྱ་བ། །དཔེར་ན་དོན་ཡོད་ལམ་ཞུགས་པས། །ཤར་གྱི་དོན་ཡོད་ནུབ་ལམ་ཕྱིན། །ནུབ་ཕྱིན་ཤར་གྱི་དོན་མི་འགྲུབ། །སྤྲོས་པ་མེད་པའི་དོན་བཤོར་བས། །མཚན་མ་དག་གི་ལམ་ལ་བགྲོད། །སྒྲོ་སྐུར་བྲལ་བའི་ཆོས་ཉིད་ལ། །ཚིག་དང་ཡི་གེ་བརྗོད་པས་གོལ། །བརྗོད་ཡོད་རྟོག་པ་སྒྲིབ་པ་ཡིན། །སྣང་བ་དང་ནི་སྲིད་པའི་ཆོས། །སྣང་སྲིད་རྒྱུད་དྲུག་དབང་པོ་ལ། །སེམས་འཐད་ཡུ་ན་རིམ་པ་དགུ། །མི་མཐུན་བལྟ་སྤྱོད་སོ་སོར་བཤད། །དེས་ན་གོལ་ས་སྒྲིབ་པ་བྱུང་། །ཆོས་ཉིད་ཇི་བཞིན་བྱང་ཆུབ་སེམས། །བྱང་ཆུབ་སེམས་ཀྱི་ཐེག་པ་ལ། །གཅིག་དང་གཉིས་སུ་བགྲང་དུ་མེད། །བགྲངས་ན་མཐའ་ཡས་བརྗོད་མི་ལངས། །ཐེག་གཅིག་བྱང་ཆུབ་སྙིང་པོ་ལ། །བཟང་ངན་བླང་དོར་མ་མཆིས་པས། །གོལ་ས་སྒྲིབ་པ་དབྱེར་མ་མཆིས། །བདེ་དང་སྡུག་བསྔལ་དབྱེར་མ་མཆིས། །སྒྲོ་སྐུར་བྲལ་བའི་སྙིང་པོ་སེམས། །གོལ་སྒྲིབ་ཉིད་ནི་བྱང་ཆུབ་ལུང་། །ཐམས་ཅད་ལུང་ནི་བྱང་ཆུབ་སེམས། །སེམས་ཀྱི་ལུང་ལ་ཐམས་ཅད་བསྟན། །སེམས་ཀྱི་རང་བཞིན་རྣམ་བཞི་པོ། །རྣལ་འབྱོར་རྣམ་པ་བཞིར་བསྟན་ཏེ། །སེམས་ཉིད་རྫོགས་པ་ཆེན་པོ་ནི། ཁེན་ཏུ་རྣལ་འབྱོར་དོན་དུ་བསྟན། །སེམས་ཉིད་རྫོགས་པའི་རང་བཞིན་ནི། །ཡོངས་སུ་རྣལ་འབྱོར་དོན་དུ་བསྟན། །སེམས་ཉིད་བསྐྱེད་པའི་རྣམ་པ་ནི། །རྣལ་འབྱོར་ཆེན་པོའི་དོན་དུ་བསྟན། །སེམས་ཉིད་ཕྱིནངརིམཔདེཕྱི་པའི་རྣམ་པ་དེ། །སེམས་པའི་རྣལ་འབྱོར་དོན་དུ་བསྟན། །རྣལ་འབྱོར་རྣམ་བཞིའི་དོན་དེ་ལ། །གཅིག་ལའང་གོལ་སྒྲིབ་བཅུ་ཡོད་དེ། །བལྟ་བ་དང་ནི་དམ་ཚིག་དང་། །ཕྲིན་ལས་དང་ནི་ཡེ་ཤེས་དང་། །ས་དང་ལམ་གྱི་རིམ་པ་དང་། །ཕྲ་བ་དང་ནི་རྒྱུད་དང་ནི། །ལུང་དང་མན་ངག་རྣམ་པ་བཅོ། །རེ་རེ་ལ་ཡང་བཅུ་བཅུ་སྟེ། །གོལ་ས་སྒྲིབ་པ་གཉིས་ཡོད་པས། །གོལ་ས་བཅུ་ཕྲག་བཞི་བསྟན་ལ། །སྒྲིབ་པ་བཅུ་ཚན་རྣམ་པ་གསུམ། །རྫོགས་ཆེན་ཤིན་ཏུ་རྣལ་འབྱོར་ལ། །སྒྲིབ་པ་ཡོད་པར་ངས་མ་གསུངས། །རྣལ་འབྱོར་རྣམ་པ་གསུམ་པོ་ལ། །གོལ་ས་སྒྲིབ་པ་གཉིས་གཉིས་ཡོད། །དེས་ན་བལྟ་བའི་གོལ་སྒྲིབ་ནི། །བདུན་ཅུ་ཐམ་པར་བགྲང་བར་བྱ། །རྫོགས་ཆེན་ཤིན་ཏུ་རྣལ་འབྱོར་ལ། །སྒྲིབ་པ་དག་གིས་ཡོངས་མ་གོས། །རྣལ་འབྱོར་རྣམ་པ་དྲུག་པོ་ཡིས། །སེམས་ཉིད་རྫོགས་ཆེན་སྒོར་བལྟས་པས། །སྒྲིབ་པ་དང་ནི་གོལ་ས་བྱུང་། །སྟོན་པའི་ལུང་ལ་གོལ་སྒྲིབ་མེད། །གང་ཟག་བློ་ལ་གོལ་སྒྲིབ་བྱུང་། །སེམས་ཀྱི་རང་བཞིན་འདི་ལྟ་སྟེ། །ལུང་ཆེན་རྣམ་པ་བཅུར་སྣང་སྟེ། །རྫོགས་ཆེན་ཤིན་ཏུ་རྣལ་འབྱོར་གྱི། །ལྟ་བ་བསྒོམ་དུ་མེད་པ་ཡིན། །དམ་ཚིག་བསྲུང་དུ་མེད་པ་ཡིན། །ཕྲིན་ལས་བཙལ་དུ་མེད་པ་ཡིན། །ཡེ་ཤེས་སྒྲིབ་པ་མེད་པ་ཡིན། །ས་ལ་སྦྱང་དུ་མེད་པ་ཡིན། །ལམ་ལ་བགྲོད་དུ་མེད་པ་ཡིན། །ཕྲ་བ་གཟུང་འཛིན་བྲལ་བ་ཡིན། །རྒྱུད་ཀྱི་རང་བཞིན་འབྲེལ་པ་ཡིན། །ལུང་གི་རང་བཞིན་ཐོག་ཏུ་འབེབས། །མན་ངག་དག་གིས་ལ་ཡང་བཟླའ། །རྫོགས་ཆེན་ཤིན་ཏུ་རྣལ་འབྱོར་གྱི། །རང་བཞིན་བཅུ་ནི་དེ་ལྟར་རོ། །རྫོགས་པ་ཡོངས་སུ་རྣལ་འབྱོར་གྱིས། །རང་བཞིན་བཅུ་བཅུ་འདི་ལྟ་སྟེ། །རྒྱུ་ནི་དག་པའི་དབྱིངས་ལ་བལྷ། །འབྲས་བུ་ཡེ་ཤེས་དཀྱིལ་འཁོར་བལྟ། །དམ་ཚིག་དག་གི་རང་བཞིན་ཏེ། །ཆོས་ཡུལ་སྙིང་རྗེ་སྐུ་གསུང་ཐུགས། །སྦྱོར་བ་རྣམ་པ་བཞི་རུ་བསྐྲུན། །ཕྲིན་ལས་དག་གི་རང་བཞིན་ནི། །ཞི་རྒྱས་དབང་དང་མངོན་སྦྱོད་བཞི། །ཡེ་ཤེས་དག་གི་རང་བཞིན་ནི། །གཉིས་སུ་མེད་པའི་རང་བཞིན་ཡིན། །ས་ཡི་རང་བཞིན་བསྟན་པ་ནི། །ཀུན་བཟང་དབྱེ་བ་མེད་པའི་ས། །ལམ་གྱི་རང་བཞིན་བསྟན་པ་ནི། །དབྱིངས་དང་ཡེ་ཤེས་གཉིས་མེད་ལམ། །ཕྲ་བ་དག་ཟབམོཡངགིརངབཞིནནི། །སྣངལརངབཞིནམེདཔཡིན། །འབྲེལ་པ་རྒྱུད་ཀྱིརངབཞིནདེ། ཁུདངའབྲས་བུ་གཉིས་མེད་འབྲེལ། །ལུང་གི་རང་བཞིན་བསྟན་པ་ནི། །དབྱིངས་ནི་རྒྱུ་ཡི་ལུང་ཡིན་པས། །ཡེ་ཤེས་འབྲས་བུའི་ལུང་དུ་བསྟན། །མན་ངག་དག་གི་རང་བཞིན་ནི། །རྒྱུ་ནི་དབྱིངས་སུ་དག་པར་བཟླས། །འབྲས་བུ་ཡེ་ཤེས་ལ་ཡང་བཟླས། །རྣལ་འབྱོར་ཆེན་པོ་བསྐྱེད་པ་ཡི། །རང་བཞིན་བཅུ་ནི་འདི་ལྟ་སྟེ། །ལྟ་བ་དག་གི་རང་བཞིན་ནི། །རང་རྒྱུད་དག་པའི་ངོ་བོ་དེ། །བདག་ཉིད་ཆེན་པོའི་དཀྱིལ་འཁོར་ལྷ། །དམ་ཚིག་དག་གི་རང་བཞིན་ནི། །རྩ་བ་གསུམ་དང་ཡན་ལག་ལྔ། །ཕྲིན་ལས་དག་གི་རང་བཞིན་ནི། །ཏ་ན་དང་ནི་བྷ་ན་དང་། །དམ་རྫས་ལྔ་ལ་སྤྱོད་པར་བྱེད། །ཡེ་ཤེས་དག་གི་རང་བཞིན་ནི། །དུག་ལྔ་གནས་དག་ཡེ་ཤེས་ལྔ། །ས་ཡི་རང་བཞིན་བསྟན་པ་ནི། །ལུས་དང་ངག་དང་ཡིད་དང་གསུམ། །སྐུ་གསུམ་རྡོ་རྗེ་འཆང་གི་ས། །ལམ་གྱི་རང་བཞིན་བསྟན་པ་ནི། །ཐབས་དང་ཤེས་རབ་ལམ་བསྒོམ་དང་། །ཏིང་འཛིན་རྣམ་གསུམ་སྐུ་གསུམ་ལམ། །ཕྲ་བ་ཆོས་ཀྱི་རང་བཞིན་ནི། །ཐབས་དང་ཤེས་རབ་མ་སྐྱེས་པས། །སྐྱེ་བ་མེད་པའི་ཕྲ་བར་བཤད། །འབྲེལ་པའི་རང་བཞིན་བསྟན་པ་ནི། །ཡབ་ཡུམ་ཐབས་དང་ཤེས་རབ་གཉིས། །བདག་ཉིད་ཆེན་པོའི་གཟུངས་ཀྱིས་འབྲེལ། །ལུང་ཆེན་ཐོག་ཏུ་འབེབས་པ་ནི། །ཕུང་པོ་ལྔ་དང་འབྱུང་བ་ལྔ། །ཁམས་དང་སྐྱེ་མཆེད་སེམས་ཆོས་རྣམས། །བདགཉིདཆེནཔོརཐོགཏུའབེབས། །ལ་ཟློ་བ་ཡི་མན་ངག་ནི། །སྣང་ཞིང་སྲིད་པའི་ཆོས་རྣམས་ནི། །བདག་ཡིན་གཞན་དུ་རག་མ་ལུས། །ལྟོས་པ་མ་མཆིས་ལ་བཟླའ་འོ། །ཡུ་ན་སེམས་དཔའི་རྣལ་འབྱོར་གྱིས། །རང་བཞིན་བཅུ་ནི་འདི་ལྟ་སྟེ། །ལྟ་བ་དག་གི་རང་བཞིན་ནི། །བྱིན་རླབས་དག་ལས་བྱུང་བ་ཡིན། །ཆོས་ལ་མཚན་མ་མེད་པར་བལྟ། །རང་དང་འདྲ་བའི་ལྷ་ཉིད་དོ། །དམ་ཚིག་དག་གི་རང་བཞིན་ནི། །རྩ་བ་བདུན་དང་དགེ་སྡིག་བཅུ། །སྤང་ཞིང་དང་དུ་བླང་བར་བྱེད། །ཕྲིན་ལས་དག་གི་རང་བཞིན་ནི། །སེམས་དང་ཏིང་འཛིན་ལས་ལ་སྤྱོད། །ཡེ་ཤེས་དག་གི་རང་བཞིན་ནི། །རིགས་ཆེན་དག་གི་ཡེ་ཤེས་བཞི། །ས་ཡི་རང་བཞིན་བསྟན་པ་ནི། །ཆོས་དབྱིངས་སྟུག་པོ་བཀོད་པ་ཡིན། །བགྲོད་པ་ལམ་གྱི་རང་བཞིན་ནི། །མཚན་མ་མེད་པའི་ལམ་དུ་འཇུག །ཕྲ་བ་ཆོས་ཀྱི་ཟབ་མོ་ནི། །མཚན་མ་མེད་པའི་ཆོས་ཀྱི་དབྱིངས། །འབྲེལ་པ་རྒྱུན་གྱི་རང་བཞིན་ནི། །ཡུལ་དང་དབང་པོ་གཉིས་སུ་འབྲེལ། །ལུང་ཆེན་ཐོག་ཏུ་འབེབས་པ་ནི། །ཆགས་པ་མེད་པར་ཐོག་ཏུ་འབེབས། །མན་ངག་དག་གི་ལ་ཟློ་བ། །ཆུ་ཟླ་ལྟ་བུའི་རང་བཞིན་དུ། །གཟུང་དུ་མེད་པར་ལ་བཟླའ་བའོ། །ཡང་ན་གཉིས་ཀ་རྒྱུད་འདི་ལ། །རང་བཞིན་བཅུ་ནི་འདི་ལྷ་སྟེ། །ལྟ་བ་དག་གི་རང་བཞིན་ནི། །དམིགས་པ་དག་གི་ཏིང་འཛིན་གྱིས། །རང་བཞིན་ཆོས་ལ་ལྷར་བྱས་ནས། །ལྷ་དཔོན་བདག་གཡོག་ལྟ་བར་བྱེད། །དམ་ཚིག་དག་གི་རང་བཞིན་ནི། །རྩ་བ་བདུན་ནི་ཡན་ལག་སྟེ། །ཉམས་པ་མེད་པར་སྲུང་བར་བྱེད། །ཕྲིན་ལས་དག་གི་རང་བཞིན་ནི། །ལས་སུ་ཁྲུས་དང་མཆོད་པ་བྱེད། །ཡེ་ཤེས་དག་གི་རང་བཞིན་ནི། །རིགས་བཞི་ཕྱག་རྒྱ་བཞི་རུ་གསལ། །ས་ཡི་རང་བཞིན་བསྟན་པ་ནི། །ལྟ་སྤྱོད་སོ་སོར་སྤྱོད་པ་ཡིས། །དེ་བགྲོད་ལམ་གྱི་རང་བཞིན་ནི། །དག་པ་གསུམ་གྱིས་ལམ་ལ་བགྲོད། །ཕྲ་བ་ཆོས་ཀྱི་རང་བཞིན་ནི། །རྣམ་པར་མི་རྟོག་སྟོང་བས་ཕྲ། །འབྲེལ་པ་རྒྱུད་ཀྱི་རང་བཞིན་ནི། །གཉིས་ཀ་སྤྱོད་ཀྱིས་འབྲེལ་པ་ལས། །གཉིས་སུ་མེད་པར་འབྲེལ་པ་མེད། །ཐོག་ཏུ་འབེབས་པའི་ལུང་ཆེན་ནི། །ངེས་པ་མེད་པར་བསྟན་པ་ཡིན། །ལ་བཟླའ་བ་ཡི་མན་ངག་ནི། །འདི་སྤྱོད་ངེས་པ་མ་མཆིས་པས། །སེམས་དཔའ་ང་ཡིས་ལུང་མ་བསྟན། །བྱ་བ་ཀྲི་ཡུའི་ཡུ་ན་ནི། །རང་བཞིན་བཅུ་ནི་འདི་ལྟ་སྟེ། །ལྟ་བ་དག་གི་རང་བཞིན་ནི། །རྣམ་པར་མི་རྟོག་ཏིང་འཛིན་གྱིས། །དམིགས་གསུམ་ཡན་ལག་བཞི་བལྟ་སྟེ། །རྗེ་དང་ཁོལ་དུ་ལྟ་བར་བྱེད། །དམ་ཚིག་དག་གི་རང་བཞིན་ནི། །རྩ་བ་ལྔ་དང་ཡན་ལག་དྲུག །མི་ཉམས་བསྲུང་བའི་དམ་ཚིག་གོ། །ཕྲིན་ལས་དག་གི་རངབཞིན་ནི། །དུས་སུ་ཁྲུས་དང་གཙང་སྦྲ་སྤྱོད། །ཡེ་ཤེས་རངབཞིན་བསྟན་པ་ནི། །སོ་སོར་རྟོག་པའིརངབཞིནནི། །རིགས་གསུམ་སོ་སོར་འབྱེད་པར་བྱེད། །ས་ཡི་རང་བཞིན་བསྟན་པ་ནི། །ཐུགས་ནི་ཡེ་ཤེས་ལ་ལ་གཞི་ལྡན་པའི། །ཏིང་འཛིན་རྡོ་རྗེ་འཛིན་པའི་ས། །ལམ་གྱིརངབཞིནབསྟནཔནི། །གཟའ་སྐར་དུས་ཚིགས་བཟང་སྒོ་ནས། །དག་པ་རྣམ་གསུམ་ལམ་དུ་བལྟ། །ཕྲ་བ་ཆོས་ཀྱི་རང་བཞིན་ནི། །ཆོས་ཉིད་རྣམ་པར་མི་རྟོག་པ། །གཟུང་འཛིན་ཤིན་ཏུ་ཕྲ་བར་བལྟ། །འབྲེལ་པ་རྒྱུད་ཀྱི་རང་བཞིན་ནི། །ཡན་ལག་བཅུ་གཅིག་རིམ་པར་འབྲེལ། །ལུང་ཆེན་ཐོག་ཏུ་འབེབས་པ་ནི། །ཏིང་འཛིན་གཟུང་འཛིན་བྱེད་པ་ཡིས། །ཐོག་ཏུ་འབེབས་པ་ངས་མ་བསྟན། །ལ་ཟློ་བ་ཡི་མན་ངག་ནི། །ཆོས་དང་གཟུང་འཛིན་ས་ཕྱེད་པས། །ཏིང་འཛིན་རྟོག་པས་ལ་ཡང་ཟློས། །མཚན་ཉིད་བྱང་ཆུབ་སེམས་དཔའ་ཡི། །རང་བཞིན་བཅུ་ནི་འདི་ལྟ་སྟེ། །ལྟ་བའི་རང་བཞིན་བསྟན་པ་ནི། །བདེན་པ་གཉིས་ཀྱི་རྟོག་དཔྱོད་ཀྱིས། །ཆོས་ཀྱི་རང་བཞིན་སྟོང་བར་བལྟ། །དམ་ཚིག་རང་བཞིན་སྡོམ་པ་སྟེ། །སྤྱོད་ལ་འཇུག་དང་སྡོམ་པ་ནི། །གྲངས་མཐའ་ཡས་ཏེ་རྒྱ་མཚོ་འདྲ། །སྤྱོད་པའི་ཕྲིན་ལས་བསྟན་པ་ནི། །ཕ་རོལ་ཕྱིན་པ་བཅུ་ལ་སྤྱོད། །ཡེ་ཤེས་རང་བཞིན་བསྟན་པ་ནི། །བརྒྱད་ཁྲི་བཞི་སྟོང་རྣམ་གྲངས་ཀྱང་། །ཐམས་ཅད་མཁྱེན་པའི་ཡེ་ཤེས་སོ། །ས་ཡི་རང་བཞིན་བསྟན་པ་ནི། །དང་པོ་ས་དང་རིམ་པ་བཅུ། །ཀུན་ཏུ་འོད་ཀྱི་ས་ལ་གནས། །ལམ་གྱི་རང་བཞིན་ངེས་འབྱུང་བ། །ཚོགས་དང་སྦྱོར་བ་མཐོང་བ་དང་། །ས་བཅུའི་བསྒོམ་པ་མཐར་ཕྱིན་ལྔའོ། །ཆོས་ཀྱིརངབཞིན ཕྲབནི། །ཆོས་སྐུ་གཟུང་འཛིན་བྲལ་བར་འཛིན། །འབྲེལ་པའིརངབཞིན བསྟན པནི། །ལས་དང་ཐུགས་རྗེ་བདེན་གཉིས་འབྲེལ། །ལུང་ཆེན་ཐོག་ཏུ་འབེབས་པ་ནི། །དོན་དམ་ཀུན་རྫོབ་བདེན་པས་འབེབས། །མན་ངག་དག་གིས་ལ་བཟླ་མྲ །འབྲས་བུ་ལམ་གྱི་སྒོར་མ་ཞུགས། །སྤང་གཞི་འགེག་པ་རྣམ་གཉིས་ལ། །རང་བཞིན་འདི་བ་་མིང་མ་བསྟན། །ངེས་ཐོབ་མིང་གྲགས་རྣམ་གསུམ་ནི། །རྣལ་འབྱོར་བཞི་ཡི་གོལ་སར་བསྟན། །རྣལ་འབྱོར་བཞི་ཡི་རིམ་པ་ལ། །ལ་ལ་གོལ་ས་གྲངས་མང་ལ། །ལ་ལ་སྒྲིབ་པ་གྲངས་མང་ལ། །ལ་ལ་གོལ་སྒྲིབ་གྲངས་སུ་མཉམ། །ཡོ་ག་བཞི་ཡི་རྣལ་འབྱོར་ལ། །གོལ་སྒྲིབ་གྲངས་སུ་བསྟན་པ་ཡིན། །གོལ་ས་བརྒྱ་དང་བརྒྱད་ཅུ་ལ། །སྒྲིབ་པ་བཅུ་པ་དྲུག་ཏུ་དབྱེ། །རང་བཞིན་བཅུ་ཡི་གོལ་སྒྲིབ་ནི། །རྣལ་འབྱོར་བཞི་ལས་ཕྱེ་བ་ནི། །ཉིས་བརྒྱ་བཞི་བཅུ་གྲངས་སུ་འབྱུང་། །ཡང་ན་བདུན་གྱིས་ཕྱེ་བའི་ཚེ། །རང་བཞིན་རྣམ་པ་བཅུ་པོ་ལ། །བཞི་བརྒྱ་དང་ནི་བཅུ་ཚན་གཉིས། །རང་བཞིན་བཅུ་པོའི་ངོ་བོ་ནི། །སྙིང་པོ་བྱང་ཆུབ་སེམས་ཡིན་ཏེ། །ཡང་ན་བདུན་གྱི་གོ་སྐབས་སུ། །རང་གི་རང་བཞིན་མ་ཤེས་ན། །སྒྲིབ་པ་སྒྲིབ་པ་ཞེས་སུ་བཤད། །རང་གི་རང་བཞིན་མ་ཤེས་ནས། །འོག་མ་འོག་མ་ཡིན་སྨྲ་ན། །གོལ་ས་གོལ་ས་ཞེས་སུ་བཤད། །རང་བཞིན་བཅུ་ཡི་རང་བཞིན་ནི། །སྙིང་པོ་བྱང་ཆུབ་སེམས་ཡིན་ཏེ། །སྙིང་པོ་བྱང་ཆུབ་རང་བཞིན་ལ། །གཞན་དུ་བལྟ་བའི་ཡུལ་མེད་པས། །ལྟ་བ་བསྒོམ་དུ་མེད་པ་ཡིན། །སྙིང་པོ་བྱང་ཆུབ་སེམས་དེ་ལ། །གཟུང་འཛིན་མེད་པའི་རང་བཞིན་གྱིས། །དམ་ཚིག་བསྲུང་དུ་མེད་པ་ཡིན། །སྙིང་པོ་བྱང་ཆུབ་སེམས་འདི་ནི། །ལྷུན་གྱིས་གྲུབ་པའི་རང་བཞིན་གྱིས། །ཕྲིན་ལས་བཙལ་དུ་མེད་པ་ཡིན། །སྙིང་པོ་བྱང་ཆུབ་སེམས་འདི་ལ། །སྒྲིབ་པ་མེད་པའི་རང་བཞིན་གྱིས། །ཡེ་ནས་རང་བྱུང་ཡེ་ཤེས་ཡིན། །སྙིང་པོ་བྱང་ཆུབ་སེམས་འདི་ལ། །ཐམས་ཅད་འདི་ལ་གནས་པའི་ཕྱིར །ས་ཞེས་བྱ་བ་སྤྱད་དུ་མེད། །སྙིང་པོ་བྱང་ཆུབ་སེམས་འདི་ལ། །གཞན་དུ་བགྲོད་དུ་མེད་པའི་ཕྱིར། །ལམ་ལ་བགྲོད་དུ་མེད་པ་ཡིན། །སྙིང་པོ་བྱང་ཆུབ་སེམས་འདི་ནི། །ཡེ་ནས་ཆོས་ཉིད་ཡིན་པའི་ཕྱིར། །ཕྲ་བ་དག་གི་རང་བཞིན་ཡིན། །སྙིང་པོ་བྱང་ཆུབ་སེམས་འདི་ལ། །སངས་རྒྱས་སེམས་ཅན་གཉིས་སྣང་བ། །འབྲེལ་པ་རྒྱུད་ཀྱི་རང་བཞིན་ཡིན། །རང་བྱུང་ཡེ་ཤེས་སྙིང་པོ་འདིས། །ཆོས་ཀུན་གཏན་ལ་འབེབས་པའི་ཕྱིར། །ལུང་གི་ཐོག་ཏུ་འབེབས་པ་ཡིན། །རང་བྱུང་ཡེ་ཤེས་སྙིང་པོ་འདི། །སྒྲོ་སྐུར་ཀུན་དང་བྲལ་བའི་ཕྱིར། །ལ་ཟློ་བ་ཡི་མན་ངག་ཡིན། །བྱང་ཆུབ་སེམས་ཀྱི་རང་བཞིན་འདི། །ཡེ་ནས་རང་བྱུང་ཡེ་ཤེས་སྐུ། །ཡེ་ནས་ཀུན་བཟང་ཡེ་ཤེས་སྐུ། །ཡེ་ནས་སྐྱེ་མེད་རྡོ་རྗེའི་སྐུ། །སྐུ་ཚད་འདས་པས་བྱང་ཆུབ་སེམས། །འདས་པ་ཀུན་གྱི་སྙིང་པོ་ལ། །རངབཞིནམབཅོསབཅུ་བགྲངས་པ། །བགྲངས་པ་མ་ཡིན་ངོ་བོར་གཅིག །ངོབོགཅིགལརངབཞིན་བཅུ། །བྱང་ཆུབ་སེམས་ཀྱི་ཆེ་བར་བགྲངས། །ཡོན་ཏན་བཅུ་རུ་སྣང་མོད་ཀྱི། །སྙིང་པོ་བྱང་ཆུབ་སེམས་འདི་ལ། །དུས་གསུམ་བཞུགས་པའི་སངས་རྒྱས་ཀྱིས། །སྔ་རབས་འདས་པས་སྔར་མ་བགྲངས། །ད་ལྟར་བཞུགས་པས་བགྲང་མི་བྱེད། །སླད་ཀྱིས་བྱོན་པའི་སངས་རྒྱས་རྣམས། །སེམས་ཉིད་འདི་ལ་བགྲང་མི་བྱེད། །བགྲང་མེད་སེམས་ཀྱི་རང་བཞིན་ལ། །གཅིག་སྟེ་རྣམ་པ་བགྲང་དུ་མེད། །བགྲང་དུ་མེད་པའི་སྙིང་པོ་ལ། །གོལ་ས་སྒྲིབ་པ་གཉིས་མེད་དེ། །སེམས་ལ་བགྲང་དུ་མེད་པའོ། །རང་བཞིན་བཅུ་རུ་བགྲངས་པ་ནི། །སེམས་ཀྱི་ཆ་ཡི་བྱེ་བྲག་སྟེ། །སེམས་ཅན་བློ་ལ་སྣང་བས་བགྲང་། །སེམས་ལ་བགྲངས་པས་གོལ་སྒྲིབ་འབྱུང་། །བགྲང་དུ་མེད་ལ་གོལ་སྒྲིབ་མེད། །བགྲངས་ཏེ་མ་ཤེས་གོལ་སྒྲིབ་ཡིན། །བགྲང་ཡོད་མཐོང་བའི་གོལ་སྒྲིབ་ཡིན། །སེམས་གཅིག་བྱང་ཆུབ་སྙིང་པོ་ལ། །ལྟ་བའི་ཁྱད་པར་དགུ་བགྲངས་ནོར། །དམ་ཚིག་ཕྱོགས་མཚམས་བསྲུངས་བས་ཉམས། །ཕྲིན་ལས་བཙལ་བས་གྲུབ་པ་མེད། །ཡེ་ཤེས་བལྟས་པས་ཡུལ་མ་མཐོང་། །ས་ཞེས་སྦྱངས་པས་གནས་མ་རྙེད། །བགྲོད་པའི་ལམ་ལ་ཕྱིན་པ་མེད། །ཕྲ་བ་གཟུང་འཛིན་ཆོས་ཉིད་བྲལ། །འབྲལ་བ་གཅིག་ལ་གཉིས་སུ་མཐོང་། །ལུང་ཆེན་རྒྱུད་ལས་འབྱུང་འདོད་པས། །དེ་ལུང་ངེས་པར་ཡོད་མ་ཡིན། །ལ་ཟློ་བ་ཡི་མན་ངག་འདིར། །ཚིག་དང་ཡི་གེ་སྒྲོ་སྐུར་བཏགས། །གདགས་སུ་མེད་ལ་མིང་བཏགས་པས། །མིང་བཏགས་ཡོད་པའི་སྒྲོས་བྱུང་ལ། །མེད་ཅེས་བརྗོད་པ་སྐུར་བ་བཏབ། །ཡོད་མེད་བརྗོད་པས་བསྒྲིབས་ཤིང་གོལ། །མེད་ཅེས་དོན་ལ་བསྒྲིབས་པ་ཡིན། །ཡོད་ཅེས་གང་དུ་བརྗོད་པ་དེས། །བརྗོད་ཡོད་ཚིག་དང་ཡི་གེར་གོལ། །དེས་ན་སྒྲོ་སྐུར་གོལ་སྒྲིབ་འདི། །ཡོད་རྟོག་གང་ཟག་བློ་ལ་སྣང་། །རྟོག་འདས་ཏིང་འཛིན་བསམ་བྲལ་ལ། །གོལ་སྒྲིབ་ཡོད་པར་ངས་མ་གསུང་། །ཞེས་གོལ་སྒྲིབ་བསྟན་པའི་མདོ་བསྟན་པའོ།། །།དེ་ནས་སེམས་དཔའ་རྡོ་རྗེ་དེས། འདུས་པའི་ཚོགས་ལ་གོལ་སྒྲིབ་བསྟན་པའི་དོན་གྱི་འགྲེལ་པ་འདི་གསུངས་སོ། །ཀྱེ་འདུས་པའི་ཚོགས་ཆེན་ད་ཉོན་ཅིག །རྫོགས་པ་ཆེན་པོའི་རྣལ་འབྱོར་ལམ་འདི་ལ། །སངས་རྒྱས་ལམ་ལ་གོང་འོག་རིམ་པ་མེད། །མ་རྟོགས་བགྲོད་པས་འཇིག་རྟེན་ཚངས་པའི་ལམ མ་བཙལ་ལྷུན་གྱིས་གྲུབ་དང་མཐུན་པ་མེད། །ཆོས་ཉིད་ལྷུན་གྱིས་གྲུབ་ལ་བགྲོད་འགྱུར་ན། །ནམ་མཁའི་མཐའ་ལ་ཐུག་པ་མེད་པ་བཞིན། །བགྲོད་མེད་ལམ་ལ་བགྲོད་པས་ཐུག་པ་མེད། །དེས་ན་ལམ་གྱི་གོལ་ས་ཞེས་སུ་བཤད། །རྫོགས་པ་ཆེན་པོ་རྩོལ་བསྒྲུབ་ལས་གྲོལ་བ། །སངས་རྒྱས་སྤྱོད་ཡུལ་སྐུ་དང་ཡེ་ཤེས་འདི། །བཙལ་བས་མི་རྙེད་རང་བྱུང་ཡེ་ཤེས་ཡིན། །དབང་པོ་དྲུག་ལ་ཡུལ་དྲུག་ཡོད་པ་བཞིན། །སྐུ་དང་ཡེ་ཤེས་རང་བྱུང་རྒྱུ་མེད་པས། །བཙལ་ན་ལོང་བས་ནམ་མཁར་བསྙེག་པ་འདྲ། །དེ་ཡང་ལམ་གྱི་གོལ་སར་བཤད། །རྫོགས་ཆེན་ཕྲིན་ལས་བཙལ་དུ་མེད་པ་ལ། །བླ་མ་གསུམ་མཆོད་འགྲོ་ལ་སྦྱིན་གཏོང་བ། །དེ་བཞིན་ཚོགས་གཉིས་འདོད་པའི་བསོད་ནམས་ཀྱང་། །ཏིང་འཛིན་མ་ཆགས་མི་གཡོའི་སྟོབས་མེད་ན། །ཡུལ་ལ་ཆགས་ཤིང་ཏིང་འཛིན་གཡོ་བ་ཡིས། །མཆོད་སྤྱིན་བྱས་ན་འཆིང་བ་ཆེན་པོར་འགྱུར། །དེ་ཡང་ལས་ཀྱི་གོལ་ས་རང་ཡིས་བཤད། །རྫོགས་ཆེན་ལྟ་སྤྱོད་རྒྱུ་འབྲས་འདས་པ་ལ། ཁུ་ལས་འབྲས་བུ་འབྱུང་བར་མིང་བཏགས་ན། །དགེ་བའི་རྒྱུ་ཡིས་འབྲས་བུ་མཐོ་རིས་ལ། །སྡིག་པའི་རྒྱུ་ཡིས་འབྲས་བུ་ངན་སོང་དུ། །འཇིག་རྟེན་འདི་ལས་སྤྱད་པས་འབྱུང་ངོ་ཞེས། །དགེ་བ་དང་ལེན་སྡིག་པ་ཕར་འདོར་བ། །འབྲས་བུ་འབྱུང་ཟེར་བྲོད་པ་མཆོག་ཏུ་བསྐྱེད། །དེ་ཡང་ལྟ་སྤྱོད་རྒྱུ་འབྲས་གོལ་སར་བཤད། །རྫོགས་ཆེན་གཟུང་འཛིན་བྲལ་བའི་ཕྲ་བ་ལ། །གཟུང་འཛིན་བྱེད་པའི་ཤེས་པ་དེ་དག་གིས། །བྱང་ཆུབ་སེམས་ནི་ཆོས་ཀྱི་སྒོ་མོ་ལ། །ཕྲརབརྡུལགྱིཡང་གཕྲ་རགས་སྡུག་བསྔལ་སྒོ་མོར་མིང་བཏགས་ཏེ། །སེམས་ཀྱི་དབེན་པས་ལམ་བཙལ་དགོན་པའི་གནས། །ཡུལ་དབེན་སེམས་དབེན་ཕྲ་མོ་བསྒོམ། །རིག་པ་མངོན་དུ་ར་པས་རབ་བ ས་ ཕྲ་མོ་ སུམ་བ་མ་ མ་པར་་ ་ ར་བ་མ ཕྲ་བ་ཆོས་ཀྱི་་ལ་སར་ང་ཡིས་ རྫོ ས་ ་་ ་ཡོན་བྲལ་བའི་བ་མ་པ་དེ། །གཟུང་འཛིན་རྣམ་རྟོག་བྲལ་བའི་ཆོས་ཉིད་ལ། །ཡོན་ཏན་བཅུ་ཡིས་བསམ་གཏན་བསྒོམ་པ་ནི། །བསམ་གཏན་བཅུ་ནི་སྒྲིབ་པ་བཅུ་ཡིན་པས། །ཡོན་ཏན་བཅུ་པོ་དག་ལ་བསམ་མེད་དོ། །སྤྲོས་པ་མེད་པའི་ཆོས་ཉིད་མ་བསམས་ཤིང་། །གཟུང་འཛིན་བྲལ་བའི་རིག་པ་མ་སྦྱངས་པས། །སྟོན་མིན་ཙེན་མིན་དག་གི་ཆོས་ཉིད་བཞིན། །རང་གི་རྣམ་རྟོག་དེ་ཉིད་ཡེ་ཤེས་འདོད། །བསམ་གཏན་བསྒོམ་པའི་གོལ་ས་རང་ཡིས་བཤད། །ཡོན་ཏན་བཅུ་ནི་སྒྲིབ་པ་བཅུ་ཡིན་ཏེ། །སྒྲིབ་པ་བཅུ་ནི་གང་དང་གང་ཞེ་ན། །མི་གཡོ་བ་དང་གསལ་བ་དང་། །ཐིམ་པ་དང་ནི་བདེ་བ་དང་། །ལྷན་ནེ་བ་དང་ལྷང་ངེ་བ། །སེམས་ལས་ཡེ་ཤེས་སྐྱེ་བ་དང་། །གཞན་གྱི་ལྟ་བ་ཁྱད་གསོད་དང་། །རང་གི་ལྟ་བ་ངོམ་སྐྱོན་དང་། །མངོན་པར་ཤེས་དང་ལྡན་དུ་རེ། །འདི་ནི་བླ་མེད་ཡིན་ཟེར་ནས། །ཆོག་ཤེས་འཛིན་པ་འདི་བཅུ་ནི། །གོལ་ས་སྒྲིབ་པ་ཡིན་པར་བཤད། །ཡོན་ཏན་བརྒྱད་ནི་གང་ཞེ་ན། །འགྲོ་དང་འདུག་དང་ལྡང་དང་ཉལ། །ལྟ་སྤྱོད་ལམ་བཞི་ཉམས་པ་མེད། །གནས་གཅིག་གཡོ་བ་མེད་པ་དང་། །སངས་རྒྱས་སྤྱོད་པ་མངོན་གྱུར་ཀྱང་། །དེ་ལ་རེ་བ་མི་འཇོག་དང་། །ཕྱོགས་བརྩི་ཞིང་ཁམས་ཐམས་ཅད་ཀུན། །སྒྱུ་རུ་རབཞིནམངོནགསལ་ཡང་། །དེ་ལ་གཟུང་འཛིན་མེད་པ་དང་། །བདུད་ཀྱི་རྒྱལ་པོས་མི་འཇིགས་དང་། །ལྷ་མོ་རྣམས་ལ་མ་ཆགས་དང་། །ཡང་དག་ཆོས་ལས་མ་ཉམས་དང་། །ཆོས་ཉིད་དབྱིངས་ནི་མངོན་རྟོགས་ཀྱང་། །འདུས་བྱས་དགེ་རྩ་རྒྱུན་མི་གཅོད། །ཡོན་ཏན་ཆེན་པོ་འདི་བརྒྱད་ནི། །བསམ་གཏན་གྱི་ནི་ཡོན་ཏན་ནོ། །ཞེས་གོལ་སྒྲིབ་བསྟན་པའི་མདོ་རྫོགས་སོ།། །།དེ་ནས་སེམས་དཔའ་རྡོ་རྗེའི་ཞལ་དུ་འདུས་