Ngb-pt-0072-vol-01-text
Front[edit]
Body[edit]
བདུན་པའོ། །རྫོགས་སོ།། །། རྒྱ་གར་སྐད་དུ། ཀྭ་ཡ་ཏནྟྲ་པདྨ་ཀུཎྜལ་ནཱ་མ། བོད་སྐད་དུ། སྐུའི་རྒྱུད་པདྨ་འཁྱིལ་པ་ཞེས་བྱ་བ། ཨཔྲབྷནམསྐྲུ་ཤི་པྲས་ར་དུ་ས་ནཱ་མ་མ་ཧྭ་ཏྲི། བརྒྱུད་པ་གསུམ་པའོ། །བཅོམ་ལྡན་འདས་གཉིས་མེད་ཀྱི་རྒྱལ་པོ་ལ་ཕྱག་འཚལ་ལོ། །འདི་སྐད་བསྟན་པའི་སྔོན་རོལ་ན། འདི་སྐད་བདག་གིས་བསྟན་པའི་དུས་གཅིག་ན། འཁོར་གྱི་ལྷ་དང་མི་དང་ལྷ་མ་ཡིན་ལ་སོགས་ཏེ།བྱང་ཆུབ་སེམས་དཔའ་རྣམས་ཕལ་ཆེར་རབ་ཏུ་ཉོན་ཅིག །ཅེས་བཀའ་སྩལ་ཏོ། །ང་མེད་པ་ཡི་སྔོན་རོལན། དེབཞིནགཤེགསཔརྣམས་ནི་མི་བཞུགས་སོ། །ང་མེད་པ་ཡི་སྔོན་རོལ་ན། །འབྱུངབཆེནཔོལྔནིཡེནས་མེད་དོ། །འབྱུང་བ་ཆེན་པོ་ལྔ་མེད་པའི་སྔོན་རོལ་ན། །སེམས་ཅན་བྱ་བ་གདོད་མ་ནས་མེད་དོ། །ང་མེད་པ་ཡི་སྔོན་རོལ་ན་སྟོན་པ་པོ་མེད་དོ། །དེ་བཞིན་གཤེགས་པ་རྣམས་ཀྱི་མེས་པོ་ང་ཉིད་ཡིན་གྱི། གཞན་མ་ཡིན་ནོ། །རྒྱུད་ཐམས་ཅད་ཀྱི་རྩ་བ་ནི་ངའི་རིག་པ་རང་བྱུང་གི་ཡེ་ཤེས་སོ། །ང་མ་གཡོས་པའི་ངང་དུ་ཀུན་ཏུ་བཟང་པོའི་ཀློང་ནས། རང་རིག་པའི་ཡེ་ཤེས་ཤར་བའི་ཕྱིར། ཀུན་ཏུ་བཟང་པོ་དོན་དམ་པའི་རྒྱུད་ཆེན་པོ་ཡི་གེ་མེད་པའི་རྒྱུད་ཅེས་བསྟན་ཏོ། །དེའི་དོན་མ་ནོར་བར་བསྟན་པ་ནི། ལུང་གི་རྒྱལ་པོ་མི་འགྱུར་སེམས་ཀྱི་ལུང་ཞེས་བྱའོ། །དེའི་ཕྱིར་དུས་གསུམ་གྱི་སངས་རྒྱས་དགོངས་པས་བརྒྱུད་པ་ནི། རྡོ་རྗེ་སེམས་དཔའོ། །མ་ཞབྲུགས་པའི་སངས་རྒྱས་ལ། མ་བྱས་པའི་ཆོས་བསྟན་པ་ནི། ང་རྡོ་རྗེ་སེམས་དཔས་བསྟན་ཏེ། མི་འགྱུར་བའི་བལྟ་བ་ལ་བཙལ་དུ་མེད་པར་བསྟན་པ་ནི། ཀ་དག་གི་ཡེ་ཤེས་རང་སྣང་བའོ། །དེའི་ཕྱིར་ན་ཆོས་ཐམས་ཅད་བསྟན་པ་ཞེས་བྱ་སྟེ། དུས་ནི་རྗེས་སུ་འཇུག་པའི་དུས་སུ་བསྟན་ཏོ། །དེ་ནས་འདི་སྐད་ཅེས་སྨྲས་སོ། །བྷ་རྙུ་བ་ཏྲི་ས་རྙོ་ནི། བརྡའ་གསུམ་མན་ངག་གིས་བསྟན་པ། །ཀྱེ་མ་ཀྱེ་མ་འཁོར་གྱི་རིག་པ་འཛིན་པ་རྣམས་ཉོན་ཅིག །ལེགས་པར་ཡིད་ལ་ཟུང་ཞིག །སྟོན་པས་བསྟན་པའི་ལུང་མ་ནོར་བ་རངས་རྣ་བའི་དབང་པོས་ཉན་ཏེ། ཇི་བཞིན་པ་རང་སྣང་བའི་དུས་ན། རིག་འཛིན་བརྡས་བརྒྱུད་པ་གསུམ་ཏེ། སྣང་བའི་བརྡས་དངོས་པོ་ཐམས་ཅད་མི་རྟག་པར་སྟོན། བྱས་པའི་བརྡས་འདུས་བྱས་ཐམས་ཅད་སྒྱུ་མར་སྟོན། སྒྲུབ་རྒྱུད་ཀྱི་བརྡས་ཐོག་མའི་རང་ས་དངོས་བསྟན་པའོ། །ཙཎྜཔ་རི་ཧ༷་ཀ་ར། ཏྲི་ཀ་ལི་ཀ་དུ་ར་ད་ར། ཏྲི་ཙནྟྲ་བྷ་བྷ་ཏི་ཧ་ཨ། བྷ་བྷ་ཏྲི་ས་ན་ཏྲི་ན་མ། རྡོ་རྗེ་སྤྱན་གཅིག་པ་སངས་རྒྱས་ཐམས་ཅད་ཀྱི་དགོངས་པ་འདུས་པ་ནི། གདོལ་པ་ལག་ན་ཀ་ཏིས་ནི། ཙཎྜ་ལོག་སྤྱོད་ཅན་ལ་བསྟན་ནོ། །སྣང་བའི་བརྡའ། མི་སྣང་བའི་བརྡའ། བྱས་པའི་བརྡའ། མ་བྱས་པའི་བརྡའ། ཉི་ཟླ་ཁང་པར་བཞུགས་པའི་བརྡའོ། །རྡོ་རྗེ་ལྟར་བསྒྲེང་བ། བུ་ཆུང་ལྟར་གནས་པ། རྡོ་རྗེ་གླུས་བསྐུལ་བ། ལག་གི་འདུ་བྱེད་པ་ལྐུགས་པ་ལྟར་གནས་པའོ། །མེ་བཞིན་འཇུག་པ། ཆུ་བཞིན་ཁྱབ་པ། ས་བཞིན་གནས་པའོ། །ཡུལ་རྒྱ་གར་ཕ་མཐའ། རྒྱ་ནག་པོའི་ཚུར་མཐའ་ན། བཤན་པའི་གྲོང་ཁྱེར་སྡིག་ཅན་ཞེས་བྱ་བ་ན། རིགས་ངན་གྱི་བུ་གདོལ་པ་ལག་ཀ་ཏི་ཞེས་བྱ་བས། སེམས་ཅན་ཐམས་ཅད་བསད་ཅིང་ཟོས་པས། མ་ཚིམས་ནས་རང་ཤ་རང་གིས་ཟོས་ཏེ། དེར་མི་རྣམས་འཕྱས་ནས་བྲག་ཕུག་ས་མན་ཀུ་ཏ་ལར་བྲོས་ནས། སྔར་ཁོའི་བཤན་པའི་གྲོགས་པོ་ཙཎྜལོག་སྤྱོད་ཅན་ལ། ཁྱོད་ནི་ངའི་ལས་ཀ་དང་མཐུན་ནོ་ཟེར་ནས། རིགས་ངན་གྱི་ལས་གྱིས་ཤིག་ཟེར་ནས། ཁོ་རང་གི་འོད་མ་དང་། ཀ་ཏི་དང་རྒྱ་ལ་སོགས་པ་བྱིན་ནས། གསོད་གཅོད་ཀྱི་ལས་བྱས་སོ། །དེ་ཡ་ཆ། ཡུལ་བ་ར་ཎ་སི་ན། བྲམ་ཟེའི་རིགས་ཀྱི་བཙུན་མོ་མཛེས་མ་མེ་ལོང་ཅན་ཞེས་པ་གཅིག་ལ། ཡུལ་དེའི་གྱད་པ་སྐྱེས་པ་མི་བརྒྱད་ཀྱི་ཆུང་མར་གཏད་པས་མ་འཆམས་ནས། རྒྱ་གར་གྱི་ཆོས་སྐྱོང་བའི་རྒྱལ་པོ་ལ་ཞུས་པས། རྒྱལ་པོ་ན་རེ་བཙུན་མོའི་མེ་ལོང་ལ་མདའ་རྒྱོབ་ལ། སུས་ཕོག་ཅིང་ཕིགས་པ་གཅིག་གིས་ཁྱེར་ཅིག་ཟེར་ནས་བརྒྱབ་པས་སུས་ཀྱང་མ་ཕོག་མ་ཕེད་དོ། །དེ་ཡ་ཆ། ཡུལ་དུར་ཁྲོད་ཕུག་ལུང་ནག་པོ་ཞེས་བྱ་བ་ན། མུ་སྟེགས་ཁ་ལ་མེ་འབར་གྱི་སྒོ་དྲུང་ན། འ་་མ་ནག་པོ་གཅིག་གི་ནང་ན། མེ་དམར་བྱ་ཕོ་ཙམ་པ་གཅིག་མ་ཤི་བར་འདུག་ཟེར་ཏེ། དེ་ཡ་ཆ། ཡུལ་དུར་ཁྲོད་བསིལ་བའི་ཚལ་ན། རྒྱལ་པོ་ཁང་བཟང་གི་བུ་མོ་འོད་ལྡན་མ་བྱ་བ་གཅིག་ལ། སྐྱེས་པ་བརྒྱ་ཡིས་ཆགས་པ་སྤྱད་པས། བུ་མོའི་འདོད་པ་མ་ཚིམས་ཟེར་ཏེ། དེ་ཡ་ཆ། ཡུལ་བྱ་རྒོད་ཕུང་པོའི་རིའི་ནམ་མཁའ་ལ་མེ་ལོང་གཅིག་གི་ནང་ནས་ཉི་མ་གཅིག་ཤར་ཟེར་ཏེ། དེ་ཡ་ཆ། དེ་ནས་གདོལ་པ་ལག་ན་ཀ་ཏིས་སེ་གོལ་གཏོགས་ཏེ། ནམ་མཁའ་ལ་གཟུགས་ཀྱི་སྐུ་བསྟན་ཏེ། པ་ར་སི་ཏི་ཀ༷་ཞེས་བྱ་བའི་སྒྲ་བྱུང་ནས་མི་སྣང་བའི་ངང་དུ་གཤེགས་སོ། །དེར་བྱང་ཆུབ་སེམས་དཔའ་བརྒྱལ་ཏེ་སྣང་བར་གྱུར་ནས་གཉིས་སུ་མེད་པར་ཐིམ་པའི་དུས་ན། རྟོག་པ་སྐད་ཅིག་མར་གྲུབ་བོ། །ནམ་གྲོ་གཅིག་ཏུ་བརྒྱལ་ཏེ། སངས་ཙ་ན་དེ་ཉིདདེབཞིནནོ། །རྡོརྗེསེམས་དཔའ་འགྱུར་བ་མེད་པ་མི་འགྱུར་ནམ་མཁའ་སྤུངས་ཞེས་བྱ་བ། རིག་འཛིན་བརྡའི་བརྒྱུད་པ། །སྒྲ་ཐད་ལོག་ཏུ་བསྟན་པ་རྡོ་རྗེ་སྤྱན་གཅིག་པའོ། །པདྨ་འཁྱིལ་པའི་རྒྱུད། བརྒྱུད་པ་གསུམ་པ་ཞེས་བྱ་བ་ལས། དུས་གསུམ་གྱི་སངས་རྒྱས་དགོངས་པས་བརྒྱུད་པ་དང་། རིག་འཛིན་རྣམས་རིག་པ་བརྡས་བརྒྱུད་པ་བསྟན་པའི་ལེའུ་སྟེ་དང་པོའོ།། །།ཨུརུ་པྲཙྭ་ཙཀྱུ་རཏྣ་པ་ཙ་ཏནྟྲ་ནཱ་མ། དེ་ནས་རིན་པོ་ཆེ་གསེར་མིག་ལ་སོགས་ཏེ། དོན་སྐོར་ལྔའི་མན་ངག་གསུངས་པ་ནི། །བཅོམ་ལྡན་འདས་མཉམ་པའི་ཆོས་ཉིད་ཞི་བ་ལས་མ་གཡོས་ཀྱང་། ཐུགས་རྗེ་ཆེན་པོའི་བྱིན་རླབས་ཀྱིས་གཟུགས་ཀྱི་སྐུ་དཔལ་རྡོ་རྗེ་སེམས་དཔའ་ལྟ་བུར་སྤྲུལ་པ་སྟེ། ཐམས་ཅད་མཁྱེན་པའི་ཡེ་ཤེས་རྟོགས་པ་མངོན་དུ་གྱུར་པ་ནི་གདམས་ངག་རྣམ་པ་གཉིས་སུ་འདུས་ཏེ། དེ་མཚོན་པར་བྱེད་པ་གདམས་ངག་རྣམ་པ་ལྔ་ཚིག་དང་ཡི་གེའི་སྒོ་ནས་བསྟན་ཏོ། །དབང་པོ་རབ་འབྲིང་ཐ་མའི་དབང་དུ་དགོངས་ནས་ནང་སྐོར་དང་གསང་སྐོར་རྣམས། ཁ་སྐོང་དང་བཅས་པ་ནི་བླ་མའི་ཞལ་དང་དཀྱུས་སུ་སྦྱར་ནས་བཤད་དོ། །སླད་ཀྱི་ཚིག་གཉིས་ཀྱིས་ཞུས་ལེན་གྱི་སྒོ་དབྱེ། གཞུང་གི་ཚིག་བཞིས་མན་ངག་གི་ཀློང་བརྟོལ། མཇུག་གི་ཚིག་གསུམ་གྱིས་རྟོག་པའི་རྒྱ་བཅད། ཆེ་བའི་ཡེ་ཤེས་ཐུན་མོང་མིན་པའི་ཕྱིར་བཀའ་རྟགས་ཀྱི་ཕྱག་རྒྱས་གདབ། ད་ནི་གསེར་མིག་དྲིལ་་ཏེ་བསྟན་པ་ནི། གསེར་མིག་རང་ལ་བཅར་ཏེ་བཤད། མཆོད་རྟེན་ལ་ཁྲི་འཕང་དགུར་བྱུང་བ་ནི། ཐེག་པ་དགུའི་རྟགས་སོ། །བུམ་པ་མན་ཆད་ནི་རྒྱུའི་ཆོས་ཏེ་ཉན་ཐོས་སོ། །བྲེ་ཕུལ་དང་སྲོག་ཤིང་ཡན་ཆད་ནི། འབྲས་བུའི་ཆོས་ཏེ་བྱང་ཆུབ་སེམས་དཔའོ། །འཁོར་ལོ་ཡོངས་སུ་རྫོགས་པ་ནི་བླ་ན་མེད་པ་སྟེ་ཨ་ཏི་ཡོ་གའོ། །བཀྲ་ཤིས་སྒོ་མངས་ནི་ཐེག་པའི་སྒོ་བསམ་གྱིས་མི་ཁྱབ་པའོ། །མེ་ལོང་ནི་ཡེ་ཤེས་བཞིའོ། །དྲིལ་བུ་ནི་གསུང་འགག་པ་མེད་པའོ། །རིན་པོ་ཆེ་ནི་ཡོན་ཏན་ནོ། །དར་དཔྱངས་ནི་མཉེན་འཁྲིལ་པ་སྟེ། སེམས་ཅན་གྱི་དོན་ལ་ཆགས་ཀྱང་སྐྱོན་མེད་པའོ། །བྱ་རུ་ནི་རྒྱལ་མཚན་གྱི་རྩེ་མོ་ལ་ནུབ་པ་མེད་པའོ། །ཏོག་ནི་མི་འགྱུར་བའོ། །ཐ་སྙད་ཀྱི་དབང་གིས་ཡང་དག་པར་གདགས་སུ་ཡོད་པ་དང་།གདགས་པ་ཙམ་དུ་ཡོད་པ་གཉིས་ལས། ཡང་དག་པར་གདགས་སུ་ཡོད་པ་ནི་ཆོས་ཀྱི་སྐུ་ཡིན་ལ། གདགས་པ་ཙམ་དུ་ཡོད་པ་ནི་དོན་སྤྱིའི་རྣམ་པའོ། །སྟོང་པ་ལ་རྣམ་པ་གཉིས་ཏེ། དངོས་པོ་ལ་སྟོང་པ་དང་། དངོས་པོ་མེད་པ་ལ་སྟོང་པ་གཉིས། དངོས་པོ་ལ་སྟོང་པོ་ནི་དོན་སྤྱིའི་རྣམ་པའོ། །དངོས་པོ་མེད་པ་ལ་སྟོང་པ་ནི་ཆོས་ཀྱི་དབྱིངས་སོ། །ཡོད་པ་ལ་རྣམ་པ་གཉིས་ཏེ། ཡང་དག་པར་ཡོད་པ་ནི་ཆོས་ཀྱི་སྐུའོ། །བདེན་པ་ལ་ཉིས ་རྫོབ་ཀྱི་བ ་པ་ ང་ ་ ་ མ་བ ་པའོ ་རྫོབ་ཀྱི་བ ་པ་ང་རྨི་ལམ་ ་བུའོ ་ ་ མ་པའི་བ ་པ་ནི་མི་ ར་བའོ ་ན་མ་ མ་པ་ལྔ་ནི་་་ལྔའི་རྣམ་པར་ཤེས་པས་གསལ་བའི་ངོ་བོ་སྟེ། སྟོང་པའི་ཚིག་དྲུག་ལ་རྒྱས་བཏབ་པས་ཆད་པའི་མཐའ་བསལ་ལོ། །སྟོང་པ་སྒྲོན་མ་ལྔ་ལ་རྒྱས་བཏབ་པས། རྟག་པའི་མཐའ་བསལ་བའོ། །རིག་པ་ཆོས་ཀྱི་སྐུ་ལ་རྣམ་པར་རྟོག་པའི་བག་ཆགས་ཀྱིས་བསླད་པའི་ཤེས་པ་ལ་སེམས་ཞེས་བྱའོ། །དེ་ལས་ཡིད་དྲན་བྱེད་ཀྱི་ཚོར་བ་ལ་སོགས་ཏེ། ཡིད་བཞི་གཅིག་ཏུ་འདུས་པ་ལ་ཀུན་གཞི་ཞེས་བྱ་སྟེ། དེ་ལ་སྒོ་ལྔའི་རྣམ་པར་ཤེས་པ་ལ་བརྟེན་ནས་བག་ཆགས་སྦྱོང་བའི་ཕྱིར། ཀུན་གཞིའི་རྣམ་པར་ཤེས་པ་ཞེས་བྱ་སྟེ་འཁོར་བའི་རྒྱུ་ཁོ་ནའོ། །ཀུན་གཞི་ཀུན་གྱི་གཞི་ཡིན་ཏེ། རྣམ་པར་བྱང་བའི་རྟེན་མ་ཡིན། བག་ཆགས་དང་བྲལ་བའི་ཤེས་པ་ནི། རང་སོ་ལ་འདུག་པའི་དུས་ན་ཆོས་ཀྱི་སྐུ་ཞེས་བྱ་བ་བག་ཆགས་དང་བྲལ་བའི་ཤེས་པ་ལ་ཡུལ་སྐྱེ་བའི་དབང་དུ་བྱས་པའི་ཚེ་ན། ཆོས་ཀྱི་སྐུའི་ཡེ་ཤེས་ཞེས་བྱའོ། །དེ་མ་ཡིན་པ་རྣམས་ལ་ནི། ལྟ་བའི་དངོས་པོ་གསུམ་ལ། མ་སྤངས་གནས་སུ་དག་པ་ཡེ་ཤེས་འོད་ཀྱིས་མ་བཙལ། རང་ལས་རྙེད་པ་ནོར་བུ་རིན་པོ་ཆེ། གཞན་གྱི་འོད་ལ་མ་བརྟེན་ཡེ་ཤེས་ཉི་མ་རང་ལ་ཤར། ཤར་བ་ཉིད་ན་ནུབ་པ་མེད། ལྟ་བའི་རྒྱབ་རྟེན་གསུམ་ལ། རྒྱུ་ལས་མ་བྱུང་བའི་འབྲས་བུ། ལུང་ལ་མ་བརྟེན་པའི་མན་ངག །སེམས་ལས་མ་བྱུང་བའི་སངས་རྒྱས་སོ། །བསྒོམ་པའི་དམིགས་དྲུག་ལ་སྣང་ལ་རང་བཞིན་མེད་པ་ནམམཁའཆེནཔོཡིན། ཅིར་ཡང་བསྒྱུར་དུ་བ་་པས་སྤྲུལ་པ་ཆེན་པོ་ཡིན། མཐོང་རྟོགས་སྒྱུ་མའི་རང་བཞིན་རྣམ་རྟོག་ཅིར་མི་བསམ། བསམ་པ་ཀུན་སྤངས་ཡེ་ཤེས་མཚོ་མི་གཡོ། དེའི་ངང་ལས་མ་བསྐྱོད་ལྷན་ནེ་ཞོག །ལྷན་ནེ་ལྷང་ངེར་བཞག་ན་མཉམ་པ་ཆེན་པོ་ཡིན། ལུས་ ་བསྐྱོད། ངག་ ་བརྗོད། སེམས་སྒོ་དྲུག་འཁྲུལ་པ་ཡུལ་ལས་འདས་ནས། ཡུལ་སྤྲོས་པ་དང་བྲལ་བ་ནི་བསྒོམ་པའི་དོན་ཏོ། །ལྟ་བ་ཀུན་ཏུ་བཟང་པོ་ཁམས་གསུམ་ཐིག་ལེར་བཏབ། །སྤྱོད་པ་ཀུན་ཏུ་བཟང་པོ་འཁོར་བ་བདེ་བར་སྤྱོད། །དམ་ཚིག་ཀུན་ཏུ་བཟང་པོ་ཡེ་སྲུངས་གདེངས་དང་ལྡན། །ཕྲིན་ལས་ཀུན་ཏུ་བཟང་པོ་མ་བཙལ་ལྷུན་གྱིས་གྲུབ། །མདོ་དྲུག་ལ། ངོ་བོ་ཉིད་ཆོས་ཀྱི་སྐུ་དང་། ཡེ་ཤེས་ཆོས་ཀྱི་སྐུ་དང་། གནས་ལུགས་དང་། སྣང་ལུགས་དང་། ཆོས་ཀྱི་མཐར་ག་ས་པ་དང་། མན་ངག་གི་ཀློང་རྡོལ་བའོ། །མན་ངག་ཀློང་རྡོལ་བ་ལ་གཉིས་ཏེ། ཡོན་ཏན་གྱི་སྐུའི་ཀློང་རྡོལ་བ་དང་། མན་ངག་གི་མདོ་དྲུག་གིས་ཡེ་ཤེས་ཀྱི་མ་བུ་སྤྲད་དོ། །དང་པོ་འཁོར་བ་ཐོག་མ་མེད་པའི་གནས་ལུགས་ནས། གསེར་མིག་དབུས་སུ་རྫོགས་པར་བསྟན་པ་ནི། གསེར་མིག་ཁོ་ན་སྨྲ་བའི་ཚིག་གོ །རིན་ཆེན་གསེར་དང་འདྲ་སྟེ་ཀུན་ལ་དཀོན། ཡེ་ཤེས་མིག་དང་རྟག་ཏུ་འགྲོགས་ཏེ། དེ་ཕྱིར་གསེར་མིག་ཞེས་ཀྱང་དེ་ལ་བྱ། པདྨ་འཁྱིལ་པའི་རྒྱུད་ལས། རིན་པོ་ཆེ་གསེར་མིག་གི་མན་ངག་བསྟན་པའི་ལེའུ་སྟེ་གཉིས་པའོ།། །།དེ་ནས་འཁོར་བའི་གྲུབ་ཚུལ་འདི་དག་བཀའ་སྩལ་ཏེ།དབྱིངས་ནི་འགྱུར་བ་མེད་པར་གནས། །གསུང་རྟོག་གང་གིས་བསྒྱུར་མིན་གནས། །འོད་གསལ་སྒྱུ་ལུས་སྣང་བ་དང་། །དེ་ནི་རང་བཞིན་རང་ཤར་གནས། །རྟོག་བཅས་ཡེ་ཤེས་རང་རིག་ནི། །མི་རྟོག་ཡེ་ཤེས་བདེ་ཆེན་གནས། །ཡིད་ཀྱི་རྣམ་རྟོག་དུ་མ་ལས། རྟེན་འབྲེལ་བཅུ་གཉིས་སྲིད་རྩ་བཏོན། །གླིང་བཞི་རི་རབ་སྲིད་གསུམ་བཅས། །ཡུལ་དུ་ཤར་བར་ཆགས་ནས་སྲིད། །བག་ཆགས་ལུས་ནི་སྣ་ཚོགས་པ། །འགྲོ་བ་དྲུག་ཏུ་སྣང་བའོ། །རྡོ་རྗེ་སེམས་དཔས་མཁྱེན་པ་ལྟར། །སེམས་ཀྱི་བཞག་ཐབས་དབུགས་དབྱུང་བ། །བློ་བརྟན་བསྒོམ་པ་བརྟན་མི་བརྟན། །བཅོ་བརྒྱད་བདུད་དང་སྐྱོན་ཤར་ཡང་། །བསྒོམ་པའི་ཕྱོགས་སྣང་སྐྱོན་ལས་གྲོལ། །འཁྲུལ་པར་ཤེས་ནས་རང་རིག་དང་། །བདེ་བ་མི་རྟོག་ཐམས་ཅད་མཁྱེན། །རྩལ་དུ་ཤེས་ཨོ་ཨུ༔ཧུ༷། །སྐུ་གསུམ་བཅོམ་ལྡན་རྡོ་རྗེ་འཆང་། །འཁོར་བ་གྲུབ་ཚུལ་ཤེས་པ་ནི། །འཁྲུལ་གཞི་དེ་ཉིད་བཟློག་པའོ། །དེ་ནས་འཆི་ཀ་མ་ལས་ཀྱི་རིན་པོ་ཆེས་འཁོར་བའི་མཐའ་བཅད་པ་སྐྱེ་བའི་སྒོ་དགག་པའི་ཐབས་མཆོག་ཏུ་གསུངས་པ། བདག་ནམ་འཆི་བའི་ཚེ་རླུད་རྣམ་པ་ལྔ་རིམ་གྱིས་ཞི་ནས། ཕྱིའི་འབྱུང་བ་ལྔ་ནང་གི་འབྱུང་བ་ལྔ་ལ་ཐིམ་ནས། ནང་གི་འབྱུང་བ་ལྔ་ཡུམ་གྱི་མཁའ་ཀློང་རྣམ་པ་ལྔ་ལ་ཐིམ། ཡུམ་ལྔ་རིགས་ཀྱི་ཡབ་རྣམ་པ་ལྔ་ལ་ཐིམ་སྟེ། ཡབ་ལྔ་སོ་སོའི་ཡིག་འབྲུ་ལྔ་ལ་ཐིམ་ནས། ཡིག་འབྲུ་ལྔ་ཡེ་ཤེས་ལྔ་ལ་ཐིམ།ཡེཤེས་ལྔ་འོད་ཀྱི་གོང་བུ་ཚོན་གྱི་གྲུ་གུ་བསྡོགས་པ་བཞིན་གནས་སོ། །དེའི་རླུད་གིས་བསྐྱོད་ནས། །གཡས་གཡོན་དུ་འབྱུང་སྟེ། འཆི་ཁ་མའི་གདམས་ངག་དྲན་པར་བྱས་ལ། མཛུབ་མོ་གཡོན་པའི་བྲེ་ག་ལ་ཡི་གེ་ཨ་གཅིག་བསམས་ནས་གཡོན་དགག་པར་བྱའོ། །དེའི་དུས་སུ་ཕྱིར་མི་ལྡོག་པའི་གདམས་ངག་དྲན་པར་བྱའོ། །བྱང་ཆུབ་སེམས་དཔའ་ཁྱོད་ལམ་དུ་འཇུག་པའི་ཚེ། གསང་བ་སྒོ་དགུའི་གནད་དགུ་ལ། །ཡི་གེ་མ་བུའི་སྦྱོར་བས་དགག །གསང་བའི་སྒོ་དགུའི་གནད་དགུ་ནི། །སྙིང་ག་ལྐོག་མའི་ཁ་ཕྱོགས་དང་། །མིག་གཉིས་དང་ནི་རྣ་བ་དང་། །ནོར་བུ་སྣ་ཡི་རྩེ་མོ་མྲ །སྔགས་བྲིས་པ་ནི་གདགས་པར་བྱ། །བསམ་པར་བྱ་བ་དོན་ལ་གསུངས། །ད་ནི་གསང་བའི་སྒོ་གསུམ་དབྱེ། །འཇུག་པ་དེ་ཡི་ཐོར་ཏོ་ནས། །ཚངས་པའི་སྐུད་པ་སུམ་བསྒྲིལ་ལ། །བདག་ཉིད་ལྷ་ཡི་སྲིན་ལག་ལ། །བཏགས་ཏེ་སྔགས་འདི་སྟོང་བཟླས་ན། །བཅུ་གཉིས་བཅུ་གཉིས་ཕྱི་སྒོ་ནས། །བདག་ཉིད་ཡེ་ཤེས་སེམས་དཔའ་ཉིད། །མེ་ལོང་ལྟ་བུའི་གཟུགས་བརྙན་ནི། །ཨོ་བཛྲ་སཏྭ་ཧུ༷། །གསུང་གི་སྒྲ་ཡིས་བོས་པའི་ཚེ། །བདག་དང་གཉིས་མེད་ཐུགས་ཀར་ཐིམ། །སྐྱེ་བ་མེད་པའི་ལམ་བསྟན་པའོ། །རིག་པ་ལུ་གུ་རྒྱུད་དུ་དྲང་བ་ནི། །གང་ཞིག་གནས་ནས་ཐོན་པའི་ཚེ། །སྒོ་གསུམ་སྒོ་གསུམ་སྒོ་སྤྲད་དེ། །དབུགས་རེ་ཧུ༷་རེས་རྔུབ་པར་བྱ། །མཇུག་གི་ཧུ༷་ནི་ཨ་རུ་ཐིམ། །ཨ་ནི་སྐྱེ་མེད་ཆོས་ཀྱི་སྐུ། །ཆོས་ཉིད་རྣམ་དག་ངང་དུ་བསྟིམ། །དེ་ལ་གཉེན་པོས་བཤིག་ཏུ་མེད། །དེ་ནི་ཡང་དག་རྫོགས་པའོ། །འཆི་ཀ་མ་ལས་ཀྱི་རིན་པོ་ཆེ་རིག་པ་ལུ་གུ་རྒྱུད་དུ་དྲངས་པའོ། །རིགས་ཀྱི་བུ་ནམ་འཆི་ཀ་མའི་དུས་ཀྱི་ཚེ།སངས་རྒྱས་ཉག་གཅིག་རྗེས་སུ་དྲན་པར་གྱིས་ཤིག །སྐྱེ་བའི་སྒོ་ཨས་ཁ་ཁོག་ཅིག །གཟུང་འཛིན་ཞིང་ཁམས་ལ་སྦྱོར་ཅིག །ཡི་གེ་གསུམ་གྱི་དོན་ཁོང་དུ་ཚུད་ཅིག །ལམ་ཆེན་འབྱུང་བའི་ཚེ་རི་དྭགས་ལྟ་བུར་ཤེས་པར་བྱའོ། །རིགས་ཀྱི་བུ་བར་མ་དོའི་ཤེས་པ་ལ་བདུད་ཀྱི་བསླུ་བ་བཅོ་བརྒྱད་འབྱུང་ངོ་། །སྒྱུ་ལུས་ཀྱི་ཕུང་པོ་ཨ་ལ་ཟློག་ཅིག །རྣམ་པར་རྟོག་པ་ཧུ༷་ལ་ཟློག་ཅིག །སྣང་བའི་སྤྱོད་ཡུལ་ཐམས་ཅད་རང་བྱུང་གི་ཡེ་ཤེས་ཆེན་པོ་ལ་ཟློག་ཅིག །རིག་པ་ཤེས་རབ་ཆེན་པོ་ལ་ཟློག་ཅིག ཁྲེས་རབ་ཀྱི་མདས་བག་ཆགས་ཀྱི་གཉིད་སད་པར་བྱའོ། །འོད་སྣང་བའི་དུས་སུ་ཕྱི་མི་ལྡོག་པའི་གདམས་ངག་སྨྲས་པ། རིགས་ཀྱི་བུ་ཡེ་ཤེས་ཀྱི་བདེན་པ་མཐོང་བའི་དུས་སུ། ཤེས་རབ་མཁའ་ལས་གསལ་བའི་དུས་ན། ལུབ་ཆུབ་ཏིང་ངེ་འཛིན་གྱི་རྒྱས་ཐོབ་ཅིག །ཡེ་ཤེས་ལྔའི་འོད་སྣང་བའི་དུས་སུ། རིན་པོ་ཆེ་ཨའི་རྒྱས་ཐོབ་ཅིག །སངས་རྒྱས་ཀྱི་ཞིང་ཁམས་སྣང་བའི་དུས་སུ། རྡོ་རྗེ་ལྟ་བུའི་ཏིང་ངེ་འཛིན་གྱི་རྒྱས་ཐོབ་ཅིག །ཅེས་གསུངས་སོ། །པདྨ་འཁྱིལ་པའི་རྒྱུད་ལས་འཁོར་བ་གྲུབ་ཚུལ་དང་། རྒྱ་མདུད་གསུམ་པའི་ལེའུ་སྟེ་གསུམ་པའོ།། །།དེ་ནས་ཟ་འོག་བེར་ཁྱིམ་དང་ཐེག་པའི་འཁྲུལའཁོར་གསུངས་པ། ཐོག་མར་མ་རྟོགས་འཁོར་བ་མ་བྱུང་། རྟོགས་པས་སངས་རྒྱས་མ་བྱུང་བའི་སྔོན་རོལ། སྒྲིབ་གཉིས་སྦྱངསཤིང་ཚོགས་གཉིསབསགས་ནས་སངས་རྒྱསཔའི། སངས་རྒྱས་ཁ་མིག་སྣང་བ་ཅན་དུབཏགས་པནི་ཅང་མི་བཞུགསསོ། །འོ་ན་གང་ཞེ་ན། རིག་པ་ཀུན་ཏུ་བཟང་པོར་སང་རྒྱས་ཏེ།ངོ་བོ་རང་བཞིན་ཐུགས་རྗེ་རྣམ་པ་གསུམ་དུ་གནས་ཏེ། ཕའི་རྒྱུ་དང་མའི་རྐྱེན་གྱིས་མ་བྱས་ཏེ། རང་བྱུངལྷུན་གྱིས་གྲུབ་པའོ། །སངས་རྒྱས་དང་སེམས་ཅན་དབྱིང་གཅིག་པ་ཞེསབྱ་སྟེ། དེ་ནི་འཁྲུལ་གཞིའོ། །འཁྲུལ་གཞི་ལ་འཁྲུལ་པ་དང་། མ་འཁྲུལ་པ་བྱུང་བ་ནི། སེམས་ཅན་འཁྲུལ་ནསལུ་ངག་ཡིད་གསུམ་དུ་གནས་པའི་དུས་ན་ཡང་། ངོ་བོ་རང་བཞིན་ཐུགས་རྗེ་གསུམ་གྱི་ཆོས་ཉིད་ལས་མ་འདས་པའོ། །རྟོགས་ཏེ་སངས་རྒྱས་སྐུ་གསུང་ཐུགས་མཐར་ཕྱིན་ཀྱང་། ངོ་བོ་རང་བཞིན་ཐུགས་རྗེ་གསུམ་གྱི་ཆོས་ཉིད་ལས་མའདས་སོ། །དེ་ལྟར་ཆོས་ཀྱི་སྐུའི་འཁོར་ནི་རང་བྱུང་ཡེ་ཤེས་ཏེ། སྒོ་ལྔ་ཡིད་དང་དྲུག་ནི་རང་བྱུང་ཡེ་ཤེས་ཀྱི་འཁོར་ཞེས་བྱ་སྟེ། ཡིད་ཀྱི་ཐོག་མར་རྟོག་བྱས་སུ་མ་བྱུང་། རྟོག་མེད་དུ་བྱུང་བའི་ཕྱིར། ཡིད་རང་བྱུང་གི་ཡེ་ཤེས་ཞེས་བྱའོ། །དོན་དེ་ལྟརསངས་རྒྱས་ཡིན་པ་ལས། འཁོར་བ་ཇི་ལྟར་བྱུང་ཞེ་ན། འཁྲུལ་གཞི་ཡོད་པ་ལས་འཁྲུལ་པ་བྱུང་སྟེ། ཆོས་སྐུ་དངོས་པོ་མེད་པ་ལས། ངོ་བོ་གཟུགས་བ ་དུ་ ང་བ་དང་བཅས་པར་ ང་སྟེ། །དེཡང་ཕྱོགས་གཅིག་ཏུ་རྒྱ་ཆད་པ་མེད་པས། སྣང་བ་བསམ་གྱིས་མི་ཁྱབ་པ་ཁྱབ་གདལ་དུ་གནས་པ་ལས། ཡིད་འགྲོགས་ཏེ་འདི་ལས་ང་བྱུང་ངམ། ང་ལས་འདི་བྱུང་སྙམ་པའི་བསམ་པ་དེ་ཙམ་བྱུང་བ་ལས། སེམས་ཅན་ཞེས་བྱའོ། །དེ་ཡང་འཁྲུལ་གཞི་ལ་ཡང་གཉིས་ཏེ། ནང་གི་འཁྲུལ་གཞི་ནི་ཆོས་ཀྱི་སྐུའོ། །ཕྱིའི་འཁྲུལ་གཞི་ནི་ཆོས་སྐུ་ལས་ཐ་མི་དད་པའི་ཆོས་ཀྱི་དབྱིངས་སོ། །ནང་དུ་ཆོས་ཀྱི་སྐུ་ངོ་མ་ཤེས་པས་འཁྲུལ་པ་མ་རིག་པའོ། །ཕྱིའི་འཁྲུལ་གཞི་ནི་ཆོས་ཀྱི་དབྱིངས་ལ། འཁྲུལ་པ་ནི་ཡུལ་ཐ་དད་པར་བལྟ་བའོ། །དེ་ལས་འཁྲུལ་པ་ཐ་དད་པར་བསྟན་ཏེ། ཆོས་སྐུ་ཡེ་ནས་སངས་རྒྱས་ཀྱང་། །མ་རིག་པ་ཡི་རྒྱུ་ཙམ་ཡིན། །དེ་ལ་ཡིད་དྲན་བྱེད་གཡོས་ནས། །ཀུན་ཏུ་ཚོལ་བའི་ཡིད་ཀྱིས་བཙལ། །གཏན་ལ་འབེབས་པས་ལེགས་པར་ཕབ ངེས་པར་འཇོག་པས་བཞག་ནས་བག་ཆགས་སྐྱེ། ལས་སྣ་ཚོགས་ཀྱིས་ཕུང་པོ་ཉིང་མཚམས་སྦྱར་ཏེ་རིགས་དྲུག་ཏུ་འཁོར་རོ། །དེ་ནི་ཉོན་མོངས་པའི་བདུད་ཡིན་ནོ། །ཉོན་མོངས་པའི་ཡིད་མ་དང་འདྲ། ཡིད་ཀྱི་རྣམ་པར་ཤེས་པ་ཕ་དང་འདྲའོ། །སྒོ་ལྔ་བུ་དང་འདྲ་སྟེ་ཕུང་པོའི་བདུད་ཡིན་ནོ། །དེ་ལས་འཁྲུལ་པ་ལྡོག་པར་བསྟན་ཏེ། ལྡོག་པའི་རྒྱུ་ནི་ཐིག་ལེ་དང་རྩལ་ཏེ། རྐྱེན་ནི་མེ་ལོང་ལ་བརྟེནནསབཞིནམཐོངབབཞིནདུ། རྡོརྗེསློབདཔོན་གྱིས་རྟག་པར་མཐོང་བའི་དོན་སློབ་མ་ལ་བསྟན་པས་དེའི་དོན་རྟོགས་མ་ཐག་ཏུ་ཡེ་ཤེས་སྐྱེའོ། །ལུང་བསྟན་རྐྱེན་གྱིས་འཁྲུལ་པ་བཟློག །འཁྲུལ་པ་ལོག་ན་ཡེ་ཤེས་སྐྱེ། ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའི་མདོ་སྡེ་དང་ཀྲི་ཡ་དང་ཨུ་པ་ཡ་དང་། ཡོ་གའ་དོན་དང་།མ་ཧྭ་དང་། ཨ་ནུའི་ཐེག་པ་བརྒྱད་ཀྱི་ལྟ་སྒོམ་ལས་ཁྱད་པར་དུ་གྱུར་པ། ཨ་ཏིས་གནས་ལུགས་ཆོས་སྐུ་སྟོན། ལྷའི་བུའི་བདུད་བཅོམ་མོ། །ཐིག་ལེ་རྟོགས་པའི་ལམ་ནི། ལམ་ལ་གནས་པ། ལམ་གྱི་སྟོབས། ལམ་གྱི་འབྲས་བུ་ནི། ཆོས་ཀྱི་སྐུ་ཡེ་ཤེས་རང་སྣང་དང་། ལོངས་སྐུ་རིགས་ལྔ། སྤྲུལ་སྐུ་ཐུབ་པ་དྲུག་གིས་ནི། འཆི་བདག་གི་བདུད་བཅོམ་མོ། །ནང་རིག་པ་ཆོས་ཀྱི་སྐུ་དཔེའི་སྒོ་ནས་དོན་མཚོན་པར་བྱ་སྟེ། དེ་ཡང་ཕྱོགས་ཀྱི་ཆོས་དྲུག་གཉིས་ཀྱིས་བསྟན་ཏེ། ནམ་མཁའ་རྡོ་རྗེ་ཨ་དང་གསུམ། །པདྨ་ཉི་མ་རྒྱ་མཚོའི་འཇིང་། །རི་བོ་སེང་གེ་གླང་པོ་ཆེ། །བྱ་རྒོད་ཐི་བ་འཕུར་སྐྱེན་གསུམ། ཡོན་ཏན་སོ་སོའི་དཔེ་རུ་བསྟན། །དེ་ལྟར་དཔེའི་སྒོ་ནས་རིག་པ་ཆོས་ཀྱི་སྐུ་རྟོགས་པས། ཉོན་མོངས་པའི་སྒྲིབ་པ་བསལ་ཏེ། ལྟ་བ་རྣམ་རྟོག་ཡེ་ཤེས་སུ་ལྡན་པ་ཞེས་བྱའོ། །དེ་ལྟར་ནང་རིག་པ་ཆོས་ཀྱི་སྐུ་ཡིན་ཕན་ཆད། ཡུལ་ཆོས་ཀྱི་སྐུའི་སྣང་བ་སྟེ། དཔེར་ན་ཉི་མ་ལས་འོད་དང་། ཡིད་བཞིན་ནོར་བུ་ལས་དགོས་འདོད་དང་། རྒྱ་མཚོ་ལས་རླབས་བཞིན་ཆོས་ཀྱི་སྐུ་དངོས་པོ་དང་ཁ་དོག་དང་། དབྱིབས་སུ་མ་གྲུབ་པའི་ཕྱིར་རོ། །རིག་པའི་རྒྱུད་ལས། ཡུལ་ནི་སྣང་ལ་རང་བཞིན་མེད་ཅེས་བྱ་སྟེ། དེ་ཡང་མིག་ལ་སོགས་པ་སྒོ་ལྔའི་དབང་དུ་བྱ་སྟེ། རྟོགས་རུང་མ་རྟོགས་རུང་། སངས་རྒྱས་རུང་མ་རྒྱས་རུང་སྣང་བའོ། །དེ་ཡང་སེམས་ནི་སྣང་ལ་དངོས་པོར་འཛིན་པའོ། ཁོརྐོས་པ་ནི་ཕྱིན་ཅི་མ་ལོག་པ་སྟེ། ཐིག་ལེའི་རྩལ་ཐིག་ལེར་གཅིག་པས། ཕྱི་ནང་དུ་བསྡུས་ཏེ་ཐིག་ལེ་ལ་བརྟག་པ་དེ་ལྟར་ཐིག་ལེ་ལ་བརྟགས་པས། དངོས་པོ་ཁ་དོག་ཇི་ལྟ་བུར་ཡང་མ་མཐོང་བའི་ཕྱིར་རོ། །ཆོས་ཐམས་ཅད་ནམ་མཁའི་དཀྱིལ་ལྟར་རྟོགས་ཏེ། རང་བཞིན་མེད་པ་ཞེས་བྱའོ། །དེ་ལྟར་ཐིག་ལེའི་རྩལ་ཐིག་ལེ་ལས་ཐ་མི་དད་པར་རྟོགས་པ་དེ་ཉིད་ལས། སྣང་བའི་ལས་བསམ་གྱིས་མི་ཁྱབ་པ་ཞེས་བྱ། ཆོས་ཀྱི་དབྱིངས་ཀྱི་ཡེ་ཤེས་ཞེས་བྱ། དོན་དེས་ཤེས་བྱའི་སྒྲིབ་པ་དག་ནས། མ་སྦྱངས་བཞིན་དུ་སྒྲིབ་གཉིས་བྱང་། མ་བསགས་བཞིན་དུ་ཚོགས་གཉིས་རྫོགས་ཞེས་བྱའོ། །དེ་ལྟར་ཆོས་ཉིད་ཡུལ་དུ་བྱེད་པ་ནི། ལོག་པར་བལྟ་བའི་རྒྱ་མདུད་བཅད་པ་ཞེས་བྱའོ། །སྙིང་པོ་བྱང་ཆུབ་ཉིད་དུ་སོང་བས་ལྟ་བ་གཟའ་གཏད་དང་བྲལ་བ་ཞེས་བྱ། ཐིག་ལེ་རྟོགས་པའི་ཡེ་ཤེས་ཐིག་ལེ་ཉིད་ཀྱི་ངང་དུ་ཐིམ་སྟེ། ཆོས་སྐུ་ཇི་བཞིན་དུ་གནས་པའི་ངང་ནས། ཡེ་ཤེས་མཉམ་པར་བཞག་པ་དང་མ་བཞག་པ་ལས་འདས་པའོ། །དེ་ཅིའི་ཕྱིར་ཞེ་ན། འབྲས་བུ་རང་ཡིན་པར་ཐག་ཆོད་པའི་ཡེ་ཤེས། ཐིག་ལེ་རྒྱ་མཚོ་དང་འདྲ་བའི་ནང་དུ་ཡེ་ཆུད་པའི་ཕྱིར་རོ། །ཡེ་ཤེས་ཐམས་ཅད་ཀྱི་སྔོན་དུ་འགྲོ་བའོ། །དེ་རྟོགས་པའི་ཡེ་ཤེས་དེ་ཉིད་མི་བསྒོམ་སྟེ། བསྒོམ་པའི་བློ་དང་བྲལ་ནས་ཆོས་སྐུ་རང་ལུགས་སུ་གནས་པའོ། །ཐིག་ལེ་ཆོས་ཀྱི་སྐུ་ལ་རྟོག་པ་མེད་པ་ནི། བསྒོམས་ནས་མེད་པ་མ་ཡིན་ཏེ། དེ་ཐོག་མ་ནས་ཀྱང་མེད་ལ། ད་ལྟ་ཡང་མི་སྐྱེ་ཕྱིས་ཀྱང་མི་འབྱུང་བའི་ཕྱིར་རོ། །ཏིང་ངེ་འཛིན་གྱི་གཞི་ནས་འཕགས་པ་ཞེས་བྱ། བྱས་ཟིན་པའི་ཆོས་ལ་བྱར་མེད་དེ་ཨ་ནུ་མན་ཆད། འབྲས་བུ་ལམ་དུ་གྱུར་པ་ཡིན་ནོ། །འདིར་ཨ་ཏི་འབྲས་བུ་ཉིད་ཀྱི་ངང་ལ་གནས་པའི་ཕྱིར། དེ་བཞིན་གཤེགས་པའི་བསམ་གཏན་ཞེས་བྱ་སྟེ། སངས་རྒྱས་ངང་ལ་གནས་པའོ། །ཐོག་མར་རྟོགས་པ་ཡང་ཆོས་ཀྱི་སྐུར་རྟོགས་ལ། བར་དུ་གནས་པ་ཡང་ཆོས་ཀྱི་སྐུའི་ནང་དུ་གསལ། ཐ་མ་འབྲས་བུ་ཡང་ཆོས་ཀྱི་སྐུ་ཉིད་ལས་གཞན་དུ་མ་གྱུར་པས། ཕྱིས་ཀྱང་དེ་ལས་མི་འགྱུར་བ། དུས་གསུམ་འཕོ་འགྱུར་མེད་པ་ནི། རྫོགས་པ་ཆེན་པོར་ལ་བཟླ་བའོ། །དོན་ཆོས་ཉིད་ལས་མ་གཡོས་ན། ལུས་ངག་ཡིད་གསུམ་གྱི་སྤྱོད་པ་ཅི་བྱས་ཀྱང་། འབྲས་བུ་ལ་མི་རེ་བའི་ཕྱིར་ཀུན་ཏུ་བཟང་པོའི་སྤྱོད་པ་ཞེས་བྱའོ། །འཁྲུལ་གཞིའི་དོན་ལྔ་པ་ཞེས་བྱ་བ། །ཟ་འོག་བེར་ཁྱིམ་གྱི་དགོངས་པ་གསུངས་པའོ། །དེ་ནས་ཐེག་པའི་འཁྲུལ་འཁོར་གསུངས། མུན་པའི་འཁོར་སྒོར་བྱུང་བ་ནི། རྟག་པའི་ལྟ་བ་དང་། ཆད་པའི་ལྟ་བ་མུ་སྟེགས་པའོ། །སྤྱོད་པའི་འདྲེན་སྒོར་བྱུང་བ་ནི། ཉན་ཐོས་ཀྱི་ལྟ་བ་དང་། བསྒོམ་པ་དང་། སྤྱོད་པ་དང་།༄༅ འབྲས་བུའོ། །རང་རྒྱལ་གྱི་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ། །སེམས་ཙམ་གྱི་ལྟ་བ་དང་། བསྒོམ་པ་དང་། འབྲས་བུའོ། །དབུ་མ་པའི་ལྟ་བ་དང་། བསྒོམ་པ་དང་། འབྲས་བུའོ། །ཐབས་སྦྱོར་སྒོར་བྱུང་བ་ནི། ཀྲི་ཡའི་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ། །ཡོ་གའི་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ། །ཐབས་ཀྱི་ངེས་པའི་གསང་སྒོ་ནི། མ་ཧོཛེ་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ། །ཨ་ནུའི་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ། །རྫོགས་པ་ཆེན་པོའི་ལྟ་བ་གཞིའི་དོན། །ཡེ་ནས་ལྷུན་རྫོགས་བདེ་བ་ཆེན་པོའི་ངང་། །སྤྲོས་མེད་མཁའ་ལ་ཉི་ཤར་བཞིན་དུ་གནས། །པདྨ་འཁྱིལ་པའི་རྒྱུད་ལས། ཐིག་ལེའི་འཁྲུལ་འཁོར་ཟ་འོག་བེར་ཁྱིམ་གྱི་ལེའུ་སྟེ་བཞི་པའོ།། །།དེ་ནས་མན་ངག་གི་ཚིག་གསུམ་གསུངས་སོ། །དང་པོ་འཁོར་འདས་ཆོས་རྣམས་ཀུན། །རང་བཞིན་ལྷུན་གྲུབ་བཅིང་གྲོལ་མེད། །ངོ་བོ་ཉིད་ནི་ཆོས་ཀྱི་སྐུ། །ཇི་བཞིན་པ་ཡི་རྡོ་རྗེ་འཆང་། །རང་དུ་རྩལ་ཤར་དེ་ལས་གྱེས། །མ་རྟོགས་ཡུལ་སེམས་ཡུལ་གསུམ་ཡང་། །འགྲོ་བ་དྲུག་ཏུ་སྣང་བ་ཀུན། །ཆོས་ཀྱི་སྐུ་ལས་གཡོས་པ་མེད། །རྣལ་འབྱོར་དབང་ཕྱུག་ཆེན་པོས་རྟོགས། །རྡོ་རྗེ་སེམས་དཔའ་ཐུགས་རིག་པ། །ཀུན་བཟང་ཡེ་ནས་རྫོགས་སངས་རྒྱས། །མ་བཅོས་ངང་དུ་རང་ས་ཟིན། །འབྱགས་རོམ་ཆུ་རུ་ཞུ་བ་འདྲ། །ཐ་མ་རང་སར་སླེབ་པ་ནི། །ལུས་ཉིད་ཡེ་ཤེས་སྤྱན་གྱུར་པས། །ཡེ་ཤེས་མིག་གཅིག་དྲི་མ་མེད། །ཡེ་ཤེས་ལུས་ཅན་སངས་རྒྱས་སྐུ། །ཡུལ་གྲོལ་ཆོས་ཀྱི་དབྱིངས་ན་གནས། །ལུས་གྲོལ་ཡེ་ཤེསཆེན་པོ་ལ། །སེམས་གྲོལ་རིག་པ་ཆོས་ཀྱི་སྐུ། །རྣམ་གྲོལ་གསུམ་ལ་མཁས་པ་ཡིན། །དང་པོ་བར་དང་ཐ་མ་གསུམ། །ཆོས་སྐུ་ཐིག་ལེ་ཉག་གཅིག་གནས། ཁེན་ཏུ་སད་པ་སད་པའི་བདག །རྡུལ་མེད་རྡུལ་བྲལ་དྲི་མ་མེད། །པདྨ་འཁྱིལ་པའི་རྒྱུད་ལས། མན་ངག་ཚིག་གསུམ་གྱིས་སྐུ་གསུམ་ཐིག་ལེ་ཉག་གཅིག་ཏུ་བསྟན་པའི་ལེའུ་སྟེ་ལྔ་པའོ།། །།དེ་ནས་དུས་མཉམ་པ་ཆེན་པོ་གསུངས་སོ། །འདས་པའི་དུས་མ་བྱོན་པའི་སྔོན་རོལ་ན། སངས་རྒྱས་ཉག་གཅིག་ཅེས་བྱ་བ། རྒྱུས་མ་བྱས་རྐྱེན་གྱིས་མི་འཇིག་པ། འོད་དང་འོད་ཀྱི་ཚུལ་དུ་གནས་པས་སོ། །ཁམས་གསུམ་འཁོར་བའི་སེམས་ཅན་རྣམས། དང་པོ་ག་ནས་འོང་། སངས་རྒྱས་ཉག་གཅིག་ནས་འོང་། ད་ལྟ་ག་ན་གནས། ཉོན་མོངས་པ་ལྔ་ལ་གནས། ཐ་མ་གང་དུ་འགྲོ། སངས་རྒྱས་ཉག་གཅིག་ཏུ་འགྲོ། ཡང་དག་པའི་ཞབྲུལ་གཞི་བཅད་པ་ཞེས་བྱའོ། །དུས་མཉམ་བདུན་པའི་མན་ངག་ལས།དང་པོ་ལུབྲུལ་གཞི་རྩད་ནས་ཆོད་པ་དང་། བར་དུ་འཁྲུལ་པ་གཞི་ལས་ལོག་པ་དང་། ཐ་མ་སངས་རྒྱས་པ་དང་གསུམ་དུ་མཉམ་མོ། །རྡོ་རྗེ་སེམས་དཔས་ཞུས་པ། བདག་སངས་རྒྱས་པས་ཆོག་གམ་ཞེ་ན། མི་ཆོག་སྟེ་ཐུགས་རྗེ་འབྱུང་དགོས་སོ། །ཐུགས་རྗེ་འབྱུང་བའི་དུས་ཅི་ལྟར་ལགས། བཀའ་སྩལ་པ། ཐུགས་རྗེ་དེ་ལ་གཉིས་ཏེ། ཐུན་མོང་དང་ཐུན་མོང་མ་ཡིན་པའོ། །ཐུན་མོང་ནི་འདུས་པའི་ངོ་གང་ངོ་། །ཐུན་མོང་མ་ཡིན་པ་ནི་བྱིན་གྱིས་རླབས་ལས་འབྱུང་བ་སྟེ། དེས་ནི་བདག་དབུགས་ཆད་པ་དང་། ཡེ་ཤེས་ཀྱི་སྣང་བ་དག་པ་དང་། གཟུགས་སྐུ་གཉིས་བྱོན་པ་དང་བཞི་དུས་མཉམ་མོ། །ལོངས་སྐུ་མི་འགྱུར་རོ། །སྤྲུལ་སྐུ་འགྲོ་དྲུག་ལ་རེ་རེ་འབྱུང་བ་ནི་ཉི་མའི་ཟེར་ལྟ་བུའོ། །དེ་ཡང་དཔེར་ན་ཉི་མ་དང་འོད་བཞིན་ནོ། །རྡོ་རྗེ་སེམས་དཔའི་སྤྱན་གྱི་རྣམ་དག་གསུངས་པའོ། །ཐུགས་རྗེ་ཆེན་པོ་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱི་ལམ་གང་ལགས། མན་ངག་ཐམས་ཅད་ཀྱི་དོན་གྱི་ཕུགས་གར་གཏུགས། །སངས་རྒྱས་ཐམས་ཅད་ཀྱི་དགོངས་པའི་མཐར་ཐུག་པའི་ཚད་ཅིས་བཟུང་། རྩོལ་བ་དང་བྲལ་བའི་སྐབས་ཇི་ཙམ་ན་ལགས། ཞེས་རྡོ་རྗེ་སེམས་དཔའ་ཉིད་ལ་ཉིད་ཞུས་སོ། །དེ་ནས་ཡང་རྡོ་རྗེ་སེམས་དཔས་ཆོས་ཉིད་ཀུན་ཏུ་བཟང་པོའི་ཀློང་ནས། ཉིད་ལ་ཉིད་ལན་བཏབ་པ། སངས་རྒྱས་ཐམས་ཅད་ཀྱི་ལམ་ནི་གཉིས་དངོས་གཞི་རྣམ་པ་ལྔའོ། །མན་ངག་ཐམས་ཅད་ཀྱི་དོན་གྱི་ཕུགས་ནི་སངས་རྒྱས་ཉག་གཅིག་ཏུ་འདུག་གོ །སངས་རྒྱས་ཀྱི་དགོངས་པ་མཐར་ཐུག་པའི་ཚད་ནི་སེམས་རིག་པའི་དབང་དུ་འདུས་པའོ། །རྩོལ་བ་དང་བྲལ་བའི་སྐབས་ནི་མི་མཉམ་པའི་སྤྱོད་པ་ཀློང་དུ་བརྡལ་བའོ། །རྡོ་རྗེ་སེམས་དཔའ་ཐུགས་རྣམ་པར་དག་པ་གསུང་ངོ་། །རྡོ་རྗེ་སེམས་དཔའི་མན་ངག་གི་ལུང་ངེས་པ་འདི་ལ་གསུམ་སྟེ། ང་པོ་ལ་ ང་པོ་ཤར་བས་ ང་པོ་ཁྱབ་གདལ། ་འགྱུར་བ་ཀློང་ཡངས་པས་མཐའ་དབུས་སུ་བསྡུའོ། །དབུས་རྒྱ་མ་ཆད་པས་འབྲས་བུ་དཀའ་ཐུབ་དག་པའི་ཡེ་ཤེས་རང་སྣང་ངོ་། །དེའི་ཕྱིར་ཕུགས་གཏིབ་བོ། །རྩེར་ཆིབ་ལྷུན་གྱས་གྲུབ། འཁོར་བ་ལོགས་ན་མེད། རྩ་བ་ཉག་གཅིག་ཏུ་ཐག་བཅད། རྡོ་རྗེ་སེམས་དཔའི་གསུང་གི་རྣམ་པར་དག་པའོ། །པདྨ་འཁྱིལ་པའི་རྒྱུད་ལས། དུས་མཉམ་བདུན་པའི་ལེའུ་སྟེ་དྲུག་པའོ།། །།དེ་ནས་ཡང་རྡོ་རྗེ་སེམས་དཔའི་སྐྱེ་རྒྱུད་གསུངས་པ། ཆོས་སྐུ་མཁའ་འགྲོ་གཟུགས་སྐུ་མཛེས་དགུར་ལྡན། །གཟུང་འཛིན་རྟོག་མེད་ཅིར་ཡང་ས་ལེ་མཁྱེན། །ཀུན་མཁྱེན་འགག་མེད་ཡེ་ཤེས་ནམ་མཁའ་འདྲ། །བྱ་བྲལ་ལྷུན་རྫོགས་མ་བཅོས་བདེ་བའི་ངང་། །ངོ་བོ་ཉིད་ལ་གནས་པ་ཡིན། །མཁྱེན་པའི་ཡེ་ཤེས་སྐུ་མངའ་བ མ་བཅོས་མཁའ་འདྲ་ལྷུན་རྫོགས་སྐུ། །མི་བསྐྱོད་དབྱིངས་ནས་རང་བྱུང་བས། །སངས་རྒྱས་རིན་ཆེན་ཟ་མ་ཏོག །ཚིག་གསུམ་འབྱུང་བ་བཞི་ཡི་གཏེར། །གཞན་གྱིས་མ་ཡིན་རང་བྱུང་སྐུ། །སྙིང་པོ་ཁྱབ་གདལ་མཉམ་པའི་དབྱིངས། །སྣང་བ་ཆོས་ཉིད་མ་བཅོས་བཞི། །འགགས་མེད་མེ་ལོང་ཡེ་ཤེས་གཞལ་ཡས་ཁང་། །སྣང་མེད་མཁའ་ལ་འཇའ་ཚོན་སྐུ། །ཚིག་གསུམ་སྣངབའི་ཆོས་ཉིད་ནི། །སངས་རྒྱས་རིན་ཆེན་ཟ་མ་ཏོག །ཐོག་མར་སངས་རྒྱསངོ་སྤྲད། བརདུ་ཚིག་དང་བཅད། ཐ་མར་ཡེ་ཤེས་ལ་བཟླ། ཐོགམར་རྒྱུས་མ་བྱས་པས། ད་ལྟ་འབྲས་བུ་གཞན་ལམིརེ། དང་པོ་རྐྱེན་གྱིསཞབྲུལཔས། ད་ལྟརྐྱེནལ་རགལུས། ཐ་མ་རྐྱེན་གྱིསགཞི་བསླངས་ནས་་བྲུལ་པ་གཞི་ལ་ལྡོག་གོ ཁུའི་རྐྱེན། བདག་པོའི་རྐྱེན། དམིགསཔའི་རྐྱེན། མཚུངས་པ་དེ་མ་ཐག་པའི་རྐྱེན། རྐྱེནགྱི་འབྲས་བུ་རྒྱུརཤར། ཡངརྐྱེནགྱིས་རྒྱུ་འབྲས་བུར་སློངས། རྐྱེན་གྱིས་ཆོས་སྐུ་མ་རིག་པར་ཞབྲུལ། རྐྱེན་གྱིས་མ་རིག་པ་རིག་པར་ཤར། སེམས་ཅན་དང་སངས་རྒྱས་དབྱེ་བའི་དུས་སུབྱིན་གྱིས་བརླབས། བཤདཔ་ཡང་རང་རིག་པའི་ཤེས་རབ་ཀྱིས་བཤད་པས། བྱིན་གྱིས་བརླབས་ཀྱིས་བཤད་པའོ། །ཀུན་ཏུ་བཟང་པོ་ནི་སེམས་ཅན་ཐམས་ཅད་སྤྱིར་ཐུན་མོང་དུ་ཁྱབ་ཅིང་གནས་པའིཡེ་ཤེས་སོ། །དེནི་ཆོས་ཀྱི་སྐུ་ཞེས་བྱའོ། །རྡོ་རྗེ་སེམས་དཔས་ཀུན་རིག་ཅིང་མཁྱེནཔས། ཀུན་རིག་རྣམ་པར་སྣང་མཛད་ཅེས་བྱ་སྟེ། ལོངས་སྤྱོད་རྫོགསཔའི་སྐུའོ། །རྡོ་རྗེ་སེམས་དཔའི་སྐུས་དངོས་སུ་ཆོས་བསྟན་པས། སྤྲུལཔའི་སྐུ་ཞེས་བྱའོ། །བྱིན་གྱིས་བརླབས་པའི་བཤད་དུས་ནི། རྡོརྗེ་སེམས་དཔའ་རངདབང་ཐོབ་པའི་དུས་སུ། ཆོས་ཉིད་མ་དངའཕྲད་པའི་དུས་ནི། ལེན་མ་མྱོང་བའི་ལུས་བླང་། མཐོང་མ་མྱོང་བའི་ཡུལ་མཐོང་། ཤེསམ་མྱོངབའི་གཏམ་ཤེས་པའོ། །དེ་ནས་འཁོར་བའི་རུ་བཟློག །སྡུག་བསྔལ་གྱི་བྱེ་བྲག་ནོར་བུ་རིན་པོ་ཆེར་བསྒྱུར། འཁོར་བའི་འདམ་རྫབ་རྡོ་རྗེའི་རྫོང་བཅས་པའོ། །རྡོ་རྗེ་སེམས་དཔའི་སྐྱེ་རྒྱུད་གསུངས་པའོ། །དེ་ནས་དཔལ་རྡོ་རྗེ་སེམས་དཔའི་ལུས་ཀྱི་ཀུན་གཞིའི་མན་ངག་འདི་སྟོན་པས་འགྲོ་བ་ལ་གསུངས་སོ། །དྲན་པ་ཐམས་ཅད་ཀྱི་གཞི་རིག་པའི་ཡེ་ཤེས་སྤྲོས་ལ་མེད་པའི་ཐིག་ལེའི་རྟེན་ནི་འོད་ཀྱི་ཚུལ་དུ་གནས་སོ། །དེ་ལ་ཚེའི་རྟེན་གནས་པ་ནི། ཙིསྟ་རིན་པོ་ཆེ་གུར་ཕུབ་པ་བཞིན་གནས་ཏེ། དེ་ཡང་དཔེར་ན་སྦྲ་དཀར་ནག་ཕུབ་པ་ལྟར་གནས་སོ། །རྩ་ཐམས་ཅད་ནི་ཐག་པ་བརྒྱངས་པ་ལྟར་གནས་སོ། །ལུས་ཀྱི་བག་ཆགས་ཀྱི་ཀུན་གཞི་ལ། ལས་ཀྱི་དབང་གཙོ་བས་ཚེའི་ཚད་ངེས་པ་མེད་དོ། །དེ་ལ་དབང་སེམས་དྲན་བྱེད་ཙིསྟའི་དཀྱིལ་འཁོར་རང་རེའི་ཚོན་གང་འོད་ཀྱི་ཐིག་ལེར་གནས་སོ། །དེ་ཇི་ལྟར་གནས་ན། གསེར་གྱི་སྦུ་གུར་རིན་པོ་ཆེའི་སེའུ་བཅུག་པ་ལྟར་གནས་སོ། །དེ་ནི་ཆོས་ཀྱི་སྐུའི་གནས་སམ་རྟེན་ཡིན་ཏེ། ཤེས་རབ་ཀྱི་གཏིང་ཟབ་ཅིང་ཕྲ་བ་ཡང་དེའི་ཆ་ལས་འབྱུང་། ཉོན་མོངས་པའི་ཡིད་རྒྱུན་འདབ་སྦྱར་དུ་འབྱུང་བ་ཡང་། སྒོ་ལྔ་ལ་བརྟེན་ནས་ང་བ་ནི ན་ ་ལ་་་ལྔ་བ ན་པའི་ཕྱིར་རོ འི་མཚ ་ཉི ་་ ས་པར་བྱ་བ་ང་ང ་ ་ ཅེས་སོ ཉིས་སུ་མེད་པའི་ཡེ་ ས་རང་ ང་ ་ ར་བ་ནི་མ་་གས། གློ་བུར་རྒྱུད་ལས་བྱུང་བའི་བློས་ལོག་པར་བརྟགས་པ་མ་རྟོགས་པས། སྲིད་པ་གསུམ་དུ་འཁོར་ཞིང་རྒྱུད་དྲུག་ཏུ་སྨིན་ནོ། །དེས་ཚེ་རབས་ཐོག་མ་མེད་པ་ནས་བསགས་པའི་བག་ཆགས་ཀྱིས་བསྒྲིབས། རྣམ་པར་སྨིན་པའི་རྒྱུ་མཐུན་པའི་འབྲས་བུ་གོས་དྲེག་གམ། ས་ལ་ཁ་བ་བབས་པ་བཞིན་བརྩེགས་པས། །གཞི་ཆོས་ཀྱི་སྐུ་ལ་ཀུན་གཞི་རྣམ་པར་རྟོག་པའི་བག་ཆགས་ཀྱིས་བསླད་དེ། ཤེས་རབ་ཀྱི་གཏིང་ཟབ་ཅིང་ཆ་ཕྲ་བ་ནི་བརྟག་དཀའ། ཉོན་མོངས་པ་རགས་ཤིང་ཡུལ་དུ་སྣང་བའི་དབང་གིས་ཁམས་གསུམ་དུ་འཁོར། རིག་པ་དྲན་བྱེད་ཀྱི་ཤེས་པ་ནི་འོད་ཀྱི་ཚུལ་དུ་གནས་སོ། །ཚད་ནི་ཉའི་མིག་ཙམ་མོ། །དེ་ལས་དྲོད་ཀྱི་དངས་མ་རྡུལ་ཙམ། དེ་ལས་ཁྲག་གི་དངས་མ་དེ་ལས་དབུགས་ཀྱི་དངས་མ་ཆགས་སོ། ཁྲག་གི་དངས་མའི་ཁ་དོག་ཀྱང་། མཚལ་ལྕོག་ལ་མ་བཅག་པ་འདྲ་བ། ཆེ་ཆུང་གི་ཚད་ནི་བྱེའུ་ལེན་པའི་མགོ་ཙམ་མོ། །དེ་ལ་ཉོན་མོངས་པ་འདོད་ཆགས་རྒྱུའོ། །དབུགས་ཀྱི་དངས་མ་དྲོད་ལ་གནས་པ་ནི། དྲོད་ནི་ཁ་དོག་དང་རྫས་སུ་སུ་མ་གྲུབ་བོ། །དྲོད་ཆེ་ཆུང་གི་ཚད་ནི་གསེར་ས་འོག་ཏུ་བཅུག་པའི་རླངས་པ་ཙམ་མོ། །དེ་ལ་ཉོན་མོངས་ཕྲག་དོག་རྒྱུའོ། །དང་པོ་ཤེས་པ་དྲན་བྱེད་ཀྱི་ཚོར་བ་ལས། རང་བྱུང་གི་ཡེ་ཤེས་ཤར་བ་ལ། ཆོས་ཉིད་རང་བྱུང་གི་རྩ་ཞེས་བྱ་སྟེ། དེ་ཡང་སྒོ་ལྔ་ལ་བརྟེན་པའོ། །དེ་ལ་འཛིན་པའི་ཉོན་མོངས་པ་གང་ཡང་མ་སྐྱེས་པ་ནི། གཉིས་སུ་མེད་པའི་ཡེ་ཤེས་ཀྱི་ས་ཞེས་བྱའོ། །ཉོན་མོངས་པའི་རྒྱུན་འདབ་སྦྱོར་དུ་སྐྱེ་བའི་དབང་གིས་ཤེས་པ་གློ་བུར་དུ་འཆར་བས། གློ་བུར་རྒྱུད་ལས་བྱུང་བའི་རྩ་ཞེས་བྱའོ། །གློ་བུར་དེས་སྐྱོན་དང་ཡོན་ཏན་དབྱེ་བས། སྐྱོན་ཡོན་དབང་པོ་དངས་བྱེད་ཀྱི་རྩ་ཞེས་བྱའོ། །རྩ་ཐམས་ཅད་ཀྱི་དངས་མ་བཏུས་པ་དེ་ཡང་། ཁ་དོག་ནི་དར་དཀར་གྱི་སྐུད་པ་དང་འདྲ་བ། སྦོམ་ཕྲའི་ཚད་ནི་རྟ་རྔའི་ཉག་མ་གཅིག་བཅུར་གཤགས་པ་ཙམ་མོ། །དེ་ལ་ཉོན་མོངས་ཞེ་སྡང་རྒྱུའོ། །སེམས་ཅན་ཐམས་ཅད་ལ་དེ་བཞིན་དུ་གནས་པ་ནི་རྡོ་རྗེ་སེམས་དཔའ་ངས་མེ་ལོང་གི་གཟུགས་བརྙན་སྣང་བ་བཞིན་སྣང་སྟེ། རྟོགས་པའི་དུས་ན་ཤེས་རབ་གཏིང་ཟབ་ཅིང་། ཆ་ཕྲ་བ་དེ་བཞིན་དུ་སྣང་ངོ་། །མ་རྟོགས་པའི་དུས་ན་སྙིང་རྫིང་བུ་ལྟར་གནས། བྲག་ཆུ་ལྟར་གནས། རྩ་ཕུར་པ་ལྟར་གནས། ནང་འདུ་བ་རྣམ་བཞིས་གཞི་བྱས་ནས། རྐྱེན་ཕྲ་མོ་བསམ་གྱིས་མི་ཁྱབ་པར་འབྱུང་བར་མཁྱེན་པས། སྨན་ལྔས་ནདལྔ་ཞིབ་དང་། གཏར་བ་དང་། བསྲེག་པ་དང་། བཀྲུ་བ་དང་བཞི་བསྟན་པ་ནི། རྡོ་རྗེ་སེམས་དཔས་བསྟན་ཏོ། །སེམས་ཅན་ན་བ་རྣམས་ལ་ནི་མི་རྟོག་པའི་ཏིང་ངེ་འཛིན་དང་། ཆོས་སྤྱོད་དགེ་བ་བཅུ་བསྟན་པའོ། །བལྷ་བའི་དངོས་པོ་དེ་བཞིན་ཉིད་གདོད་མ་ནས་སྒྲིབ་གཡོགས་དང་བྲལ་བ་ནི། སྔོན་བྱུང་གི་སངས་རྒྱས་རྟོགས་པའི་ཡེ་ཤེས་ཁོང་ནས་ཤར་བ་ནི་རྗེས་འཇུག་གི་སངས་རྒྱས་སོ། །ཞེས་སྨན་གྱི་བླ་བི་ཌརུའི་འོད་ཀྱི་རྒྱལ་པོ་ལ་ཕྱག་འཚལ་བ་ནི་མི་འཁྲུགས་པའི་སངས་རྒྱས་ལ་མ་བྱས་པའི་ཆོས་བསྟན་པའོ། །ཞེས་རྡོ་རྗེ་སེམས་དཔས་ལུས་ཀྱི་ཀུན་གཞི་གསུངས་སོ། །དེ་ནས་རྡོ་རྗེ་སེམས་དཔའི་མན་ངག་ཚིག་གསུམ་གྱིས་སྣོད་བཅུད་ཀྱི་ཆགས་ལུགས་བསྟན་ཏེ། རིག་པ་རང་བྱུང་གི་སྐད་ཅིག་མ། རྒྱུན་འདབ་སྦྱོར་སྐྱེ་བའི་དབང་གིས། ཤེས་པ་བརྒྱུད་མར་བྱུང་བ་ནི་གཞི་སྟེ། ཆོས་དང་བག་ཆགས་གཉིས་མེད་འབྲས་ཤིང་མཚུངས། རྒྱུ་གཅིག་པ་དང་འབྲས་བུའི་ཚུལ་བྱིན་གྱིས་བརླབས་པ་དང་། མངོན་སུམ་པའོ། །དེའི་དུས་ནི་འཇིག་རྟེན་སྐོས་ཀྱི་བདག་གིས་སྣོད་བ་་དུས་ཀྱི་ཆ་བཟུང་བ་དྲུག་སྟེ་ལོ་ཟླ་བ་གཉིས། ཞག་ཟ་མ་གཉིས།དུས་ཚོད་ཚེས་གྲངས་གཉིས་ཏེ་དྲུག་གོ །འཇིག་རྟེན་གྱི་མེས་པོ་རྣམས་ནི། ཁྱབ་འཇུག་དང་ཚོགས་བདག་གཉིས། འཇིག་རྟེན་གྱི་ཕྱི་མོ་གཉིས་ནི། གཞོན་ནུ་མ་དང་དབང་མོ་གཉིས། ཡོད་པར་བྱེད་པ་ནོར་གྱི་ལྷ་དང་།མེད་པར་བྱེད་པ་བིཁྱི་རྭ་ཛ་གཉིས་དྲུག་གོ །དེ་རྣམས་ཀྱི་པུ་ཎ་ཀ་སིརྙའི་ནགས་ཚལ་དུ། མཁྱེན་རབ་ཀྱི་བདག་པོ་འཕགས་པ་འཇམ་དཔལ་ལ་ཞུསཏེ། མཉུཤིལྷེཧུལིཀཧི། དྷ་རྭཛབརིམསྣྲུཤི བྷ༷༷། ཞེསཞུས་པས། དྷ་ཧུ་ལི་ཀང་ཀོ་ར་ལི་ས་དྷ་ན་ད་ར་ན་ཧི། ཞེས་ལུང་བསྟན་ཏོ། །མན་ངག་ཚིག་གསུམ་གསུངས་པའོ། །དེ་ནས་རྡོ་རྗེ་སེམས་དཔའ་སྐུ་གསུམ་བསྲེ་བའི་མན་ངག་གིས་ཆོས་ཐམས་ཅད་ཡེ་ཤེས་ཀྱི་སྙིང་པོ་ལ་ལ་བཟླ་བ་ན། རག་པ་རྩལ་གྱ་སྒོ་ནས་ཡེ་ཤེས་ཡོན་ཏན་དུ་བསྟན་པ་དང་། ཡེ་ཤེས་ཡོན་ཏན་གྱི་སྒོ་ནས་ཐུགས་རྗེའི་རྩལ་སྣང་བ་བསྟན་པའོ། །ཆོས་ཀྱི་སྐུ་རིག་པའི་རྩལ་མ་འགགས་པས་མེ་ལོང་ལྟ་བུའ་ཡེ་ཤེས་སོ། །དེ་ལ་འཕོ་འགྱུར་མེད་པས་མི་འགྱུར་བའི་ས། །ཆོས་ཀྱི་སྐུ་ཐམས་ཅད་མཁྱེན་པའི་སྤྱན་དང་ལྡན་པས་སངས་རྒྱས་སྤྱན་ཞེས་བྱའོ། །ཆོས་ཀྱི་སྐུ་ཤེས་རབ་མི་གཡོ་བས། མཉམ་པ་ཉིད་ཀྱི་ཡེ་ཤེས་དེ་ཐུགས་རྗེའི་རླན་དང་མ་བྲལ་བས་ཆུ་ཐམས་ཅད་ལ་ཐུནམོང་དུ་ཁྱབ་པས་མ་ཞེས་བྱ་སྟེ་མུ་མ་ཀིའོ། །ཆོས་ཀྱི་སྐུས་ཀུན་ལ་ཁྱབ་པས་སོར་སོར་རྟོགས་པའི་ཡེ་ཤེས། ཡེ་ཤེས་དེས་ཐམས་ཅད་ལ་སྐྱོབ་པར་བྱེད་ཅིང་ཐུགས་རྗེས་མ་སྨིན་པ་སྨིན་པར་བྱེད་པས་མེ། སེམས་ཅན་གྱི་ལུས་ལ་དྲོད་ཁྱད་པར་གནས་པས་གོས་དཀར་མོ་ཞེས་བྱའོ། །ཆོས་ཀྱི་སྐུ་ལ་ཐམས་ཅད་མཁྱེན་པའི་ཡེ་ཤེས་མ་བཙལ་བར་ལྷུན་གྱིས་གྲུབ་པས་བྱ་བ་གྲུབ་པའི་ཡེ་ཤེས།ཡེ་ཤེས་དེའི་ཐུགས་རྗེའི་དབང་གིས་ཐམས་ཅད་བསྒྲལ་བས་རླུད་། ཕྱིར་མི་ལྡོག་པས་དམ་ཚིག་སྒྲོལ་མ་ཞེས་བྱའོ། །ཆོས་ཀྱི་སྐུ་ལ་ཡེ་ཤེས་ཡོངས་སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས། ཡེ་ཤེས་དེས་ཀུནལ་ཁྱབ་པས་ཐམས་ཅད་ཀྱིགཞི་མ་ལྟ་བུ་དེ་ནམ་མཁའ། ཆོས་ཉིད་དེ་དུས་གསུམ་མི་འགྱུར་བས་ཀུན་ཏུ་བཟང་མོ་ཞེས་བྱའོ། །དེས་ཆོས་ཀྱི་སྐུ་ཟུང་ལྔ་ཡ་བཅུ་དང་ལྡན་པ་སྙེ། རྩལ་གྱི་སྒོ་ནས་ཡོན་ཏན་དུ་བསྟན་པའོ། །ཡོན་ཏནགྱི་སྒོ་ནས་རྩལབསྟནཔ་ནི། ལོངསསྤྱོད་རྫོགས་པའི་སྐུ་ལྔལས། རིགས་རེ་རེ་ལ་འདུལ་བའི་འཁོར། ངོ་གང་སོ་སོ་ཐ་དད་པརའབྱུང་བས་ན། དཔེར་ན་ཉིམའི་སྙིངཔོ་གཅིག་ལསཡུལགྱིདབངདུ་ཚིམས་པ་ལྟ་བུ་སྟེ། ཡུལ་རེརེ་ནཉི་མ་རེ་རེསྣང་བ་དང་འདྲ་སྟེ། དེ་བཞིན་དུ་ཆོས་ཀྱི་སྐུགཅིག་གིས་ཀུནལ་ཁྱབ་པརབསྟན་པ་ནི། ཡོནཏན་གྱི་སྒོ་ནས་རྩལ་བསྟན་པའོ། །རྡོརྗེ་སེམས་དཔའ་སྐུ་གསུམ་བསྲེ་བའི་མན་ངག་གསུངས་སོ། །སརྦ་ཏ་ཐུག་ཏ་ཀྲ་ཐི། དེནས་སངས་རྒྱས་ཐམསཅད་ཀྱི་ཐུགས་ཡེ་ཤེས་རྩེ་གཅིག་པའི་སྙིང་པོནི། སྐུ་གསུམ་ལྷུནགྲུབ་ཀྱི་མནངག་གི་བ་་ཕྱུང་བའོ། །ཡེ་ཤེས་ཀྱི་སྤྲན་ཡོངསསུརྫོགསཔའིམན་ངག་ཐམས་ཅད་མཁྱེན་པས་གསུངས་པ། གཟུངའཛིན་དང་བྲལ་བའི་རིག་པའི་ཡེཤེས། མཚན་མ་དང་བྲལབའི་ཆོས་ཉིད་ཀྱི་མཁའ་ལ་ཁྱབ་གདལ། ཆོས་ཉིད་ཀྱིསྙིང་པོར་རིག་པའི་་ཡེཤེསཤརབས། ཡེ་ཤེས་ཀྱི་སྙིང་པོ་རིགཔ་ཁྱབ་གདལ། རིག་པའིཡུལ་དུ་ཡེ་ཤེས་ཤརབས། ཡེ་ཤེསཁྱབ་གདལ་ལུབཆུབ། ཡེ་ཤེས་ཀྱི་འོད་ཆོས་ཉིདལསྣང་བས། ཆོས་ཉིད་ཡེ་ཤེས་སུལུབ་ཆུབ། རིགཔའིཡེཤེསརྡོ་རྗེ་སྙིང་པོའིསྐུ། ལྷུན་གྱིས་གྲུབ་པའི་ཡེ་ཤེས། མི་གཡོ་བའི་ཤེས་རབ་འབྱེད་པ་མེདཔའི་སྐུ། མའགགསཔའིཡོན་ཏན་དེ་ཉིད་རངབྱུངགི་ཡེ་ཤེསཐུགས་རྗེའི་རྩལ་སྣང་ངོ་། །ཆོས་ཉིདམཁའ་ལ་མི་སྣང་བའིཡེ་ཤེས་གདལ་ཁྱབ་པར་གནས། ཤེས་རབ་ཀྱི་སྟོབས་ཡེ་ཤེས་ལྔ་སྣང་བས། ཡེ་ཤེས་འོད་ཀྱི་ཚུལ་དུ་གནས་སོ། །བདེ་བའི་ཡེ་ཤེས་ལྷག་པའི་ཡེ་ཤེས་ལས་འཕགས། མཚན་མ་དང་བྲལ་བའི་རིག་པའི་སྙིང་པོའོ། །མེད་བཞིན་དུ་སྣང་བ་ཐམས་ཅད་མཁྱེན་ཏོ། །སྔོན་བྱུང་གི་གནས། མི་གཡོ་བའི་ཤེས་རབ་ཐམས་ཅད་ཀྱི་འབྱུང་གནས། འོད་མི་འགྱུར་བ། དུས་གསུམ་གྱི་ལམ་ཆེན་པོའོ། །སངས་རྒྱས་ཐམས་ཅད་ཀྱི་ཐུགས་གསང་བ་ནིསེམས་ཅན་གྱི་དོན་དུ་གསང་སྔགས་པས་གསང་སྔགས་བླ་ན་མེད་པའོ། །ནམ་མཁའ་གཞལ་མེད་ཁང་དུ་སྣོད་བཅུད་ཀྱི་རྟེན་བཅས་ཏེ། མི་ལེན་པའི་མཛད་སྦྱོད་ཀྱི་ཀློང་དུ་དྲིལ་ནས། ཐབས་ཀྱི་ཡེ་ཤེས་ཀྱི་ཤེས་རབ་ཀྱི་རྫོང་ལ་ཞེན་ནོ། །རྡོ་རྗེ་སེམས་དཔའི་བཅུད་ཀྱི་སྙིང་པོ་ཐིག་ལེ་ཉག་གཅིག་གསུངས་སོ། །པདྨ་འཁྱིལ་པའི་རྒྱུད་ལས། སྐྱེ་རྒྱུད་དང་། ལུས་ཀྱི་ཀུན་གཞི་དང་། མན་ངག་ཚིག་གསུམ་དང་། སྐུ་གསུམ་བསྲེ་བ་དང་། ཐིག་ལེ་ཉག་གཅིག་སྟེ། གཞིའི་ཆོས་ལྔའི་ལེའུ་སྟེ་བདུན་པའོ།། །།དེ་ནས་ཐུབ་པ་ཆེན་པོ་དྲུག་གིས་རྡོ་རྗེ་སེམས་དཔའི་ཞལ་མཐོང་བ་འདི་གསུངས་སོ། །བཅོམ་ལྡན་འདས་མ་བྱོན་པའི་སྔོན་རོལ་ན།ཉིད་ཀྱིརངབཞིནཇིལྟབུལགས་སྟོན་པ་ཇི་ལྟ་བུ་ལགས། བསྟན་པ་ཇི་ལྟ་བུ་ལགས། ཞིང་ཇི་ལྟ་བུ་ལགས་ཞེས་དྲིས་པ་དང་། ཉིད་ཀྱིས་སྨྲས་པ་ཉོན་ཅིག །ང་ནི་ཅིས་ཀྱང་མི་བསྐྱོད་དེ། །མི་ཞབྲུགས་རྡོ་རྗེ་སེམས་དཔའ་ཡིན། །སྙིང་རྗེ་གཡོས་ནས་བསྐྱོད་པའི་ཕྱིར། །སེམས་ཅན་ཀུན་གྱི་གཉེན་གཅིག་པོ། །སྟོང་པ་ཆེན་པོར་ང་ཡི་ཡུལ། །རྡོ་རྗེ་རིན་ཆེན་ང་ཡི་གདུང་། །ཕ་ནི་ཐབས་མཆོག་དཔག་ཏུ་མེད། །ང་ནི་ཤེས་རབ་བརྗོད་ལས་འདས། །ང་ནི་རང་བྱུང་ཡེ་ཤེས་ཡིན། །མུན་སྣང་གཉིས་ཀྱི་བར་ནས་འོང་། །ཞེས་སྨྲས་པ་དང་། ཨེ་མ་འོ་མཐོང་ཡུལ་ཀུན་ཏུ་བདེ། །དོན་སྲིད་ཆེན་པོ་འབྱུང་འགྱུར་ན། །ནོར་བུ་རིན་ཆེན་མ་བརླགས་སམ། །ཞེས་ཞུས་པ་དང་། སྨྲས་པ། ནོར་བུ་རིན་ཆེན་བདུད་རྩི་འདི། །བཙལ་བས་རྙེད་པའི་གནས་མེད་དེ། །དྲུག་གི་ཆོས་བཞིན་ཡུལ་མིན་ནོ། །ཞེས་སྨྲས་པ་དང་། དེ་ནས་དྲུག་པོས་མགྲིན་གཅིག་ཏུ་རྡོ་རྗེ་འཆང་ལ་བསྟོད་པ། ཐུགས་རྗེ་ཆེན་པོའི་འོད་ཟེར་སྟོང་དང་ལྡན། །རང་བྱུང་ཆེན་པོ་བདག་ཉིད་སྐུ། །ཡེ་ནས་དག་པ་ཆོས་ཀྱི་སྐུ། །ལྷུན་གྱིས་གྲུབ་པ་ལོངས་སྤྱོད་རྫོགས་པའི་སྐུ། །བྱ་བཙལ་བྲལ་བས་རྡོ་རྗེ་སྙིང་པོའི་སྐུ། །ཁྱོད་ནི་སེམས་ཅན་ཐམས་ཅད་ཀྱི་ཕའོ། ཁྱོད་ནི་སེམས་ཅན་ཐམས་ཅད་ཀྱི་མའོ། །བདག་ཅག་རྣམས་ལ་སྐྱབས་དམ་པ་མཛད་དུ་གསོལ། ཐབས་དམ་པ་མཛད་དུ་གསོལ། བཤེས་གཉེན་ཆེན་པོས་ལུང་བསྟན་དུ་གསོལ། །ཞེས་ཞུས་པས། ཡང་སྨྲས་པ། ཉིད་ཀྱི་རང་བཞིན་ནི་འགྱུར་བ་མེད་པའོ། །སྟོན་པ་ནི་ང་ཉིད་དོ། །བསྟན་པ་ནི་ང་ལས་བྱུང་བའི་ཆོས་སོ། །ཞིང་ཁམས་ནི་མཐུན་པའི་གྲོགས་སོ། །ཞེས་བཀའ་སྩལ་ཏོ། །རྡོ་རྗེ་སེམས་དཔའི་ཞལ་མཐོང་གསུངས་པའོ། །དེ་ནས་ཟ་མ་ཏོག་སྦ་བའི་མན་ངག་འདི་དག་ཡོངས་སུ་གསུངས་སོ། །ཐོག་མའི་སངས་རྒྱས་འོད་མི་འགྱུར་བ་དེ་ལས་བྱུང་བའི་ཆོས་གསུམ། དེ་འཁྲུལ་པའི་རྐྱེན་བཞི །དེ་གསལ་དུ་མི་སྟེར་བའི་སྒྲིབ་པ་གཅིག །དེ་ལ་མཐུན་པའི་གྲོགས་ལྔ། དེ་རྟོགས་པར་བྱེད་པའི་ཐབས་བཞི་ལ། འཁྲུལ་པ་འདས་སུ་བལྟ་བ་དང་། མ་རིག་པ་གདར་ཤ་བཅད་པ་དང་། འཁོར་བ་རུ་བཟློག་པ་དང་། རིག་པ་བཞི་འཛིན་པའོ། །དེ་རྟོགས་བྱེད་མན་ངག་ལྔ་སྟེ། ཟླ་བ་མཚོན་པའི་དཔེ་ཕར་ལ་ངོས་བཟུང་བ་དང་། དོན་གྱི་སྙིང་པོ་ཚུར་ལ་ངོ་སྤྲད་པ་དང་། བརྒྱུད་པའི་མན་ངག་གིས་ཐག་བཅད་པ་དང་། ཆོས་ཉིད་མ་དང་འཕྲད་པ་དང་། ཡེ་ཤེས་རང་ས་ཟིན་པ་དང་། རྡོ་རྗེ་ལྟ་བུའི་ཏིང་ངེ་འཛིན་ཐོབ་པ་དང་། ཐམས་ཅད་མཁྱེན་པའི་ཡེ་ཤེས་ཤར་བའོ། འགྱུར་བ་མེད་པའི་ལྟ་བར་ལ་བཟླ་བ་དང་། ཡིད་ཆེས་པའི་ལུང་གིས་རྒྱས་གདབ་པ་དང་ལྔའོ། །པདྨ་འཁྱིལ་བའི་རྒྱུད་ལས། རྡོ་རྗེ་སེམས་དཔའི་ཞལ་མཐོང་ནས། ཟ་མ་ཏོག་གི་ངོ་སྤྲད་པའི་ལེའུ་སྟེ་བརྒྱད་པའོ།། །།དེ་ནས་བཞག་ཐབས་བདུན་པ་འདི་གསུངས་སོ། །བསྒོམ་པའི་མདོ་ལ་བཞི་ ། བསམ་ ཏན་དོན་ལ་ ང་འཇུ ་ལ བ་མ་མོ་ མ་པའི་ནད་ཀྱིས་ཟིན་ཏ་རེ ་ན་པས་བ ན་པའི་ལུང་ལ་མཐའ་ ཅོད་པ མཚནམའི མ་གཅན་དུ་གྱུརཏརེ། །བདེགཤེགསཡུལནི་ཚིག་གིས་མཚོན་དུ་མེད། །སངས་རྒྱས་ཡུལ་དུ་བསྟན་པ་བདག་གིས་འཁྲུལ། །བསྒོམ་དུ་མེད་པའི་ལྟ་བ་ལ། །ཡེངས་པ་མེད་པའི་བློ་བཞག་སྟེ། །སྐྱེ་བ་མེད་པའི་དབྱིངས་ཉིད་དུ། །འཆི་བ་མེད་པའི་རིག་པ་བཞག །འདུ་འབྲལ་མེད་པའི་རང་བཞིན་ལ། །བཏང་སྙོམས་ཆེན་པོའི་དོན་གཅིག་བཞག །ཆགས་སྡང་མེད་པའི་བདེ་འཇམ་ལ། །སྤང་ལེན་མེད་པའི་དོན་གཅིག་བཞག །གཞི་རྩ་མེད་པའི་ཀློང་ཡངས་སུ། ཁྱབ་གདལ་ཆེན་པོའི་དོན་གཅིག་བཞག །ཡེ་ནས་རང་བྱུང་ཆེན་པོ་ལ། །བརྗོད་པ་མེད་པའི་ཏིང་འཛིན་བཞག །གདོད་ནས་རྣམ་དག་ཆོས་དབྱིངས་ལ། །དམིགས་པ་མེད་པའི་འཛིན་པ་བཞག །ཡུལ་དུ་སྣང་བ་ཡུམ་གྱི་ཀློང་། །རིག་པར་སྣང་བ་ཡབ་ཀྱི་མཁའ། །མཁའ་ཀློང་གཉིས་སུ་ཐམས་ཅད་འདུས། །དེ་ལ་དཔེ་ཡིས་མཚོན་དུ་མེད། །དེ་ཕྱིར་དུས་གསུམ་སངས་རྒྱས་ཀྱིས། །བཙལ་ཡང་རྒྱལ་བས་མི་རྙེད་དོ། །རང་བྱུང་བཙལ་མེད་བདེ་བ་རིག་པའི་ཀློང་། །འདུ་འབྲལ་མེད་པར་བྷ་གའི་རྒྱ་མཚོ་ལ། །ངང་གིས་མ་ཆགས་པདྨ་འདམ་སྐྱེས་འདྲ། །ཀུན་ཏུ་བཟང་པོ་དངོས་མེད་ཀློང་ཆེན་ན། །དུས་གསུམ་རྒྱལ་བའི་ཕོ་བྲང་འགྱུར་མེད་བཏབ། །ངེས་པའི་དོན་ལ་མ་ཡེངས་བློ་བཞག་ན། །མི་འགྱུར་བསམ་གཏན་ཞེས་བྱའོ། །སྒྱུ་མ་ལྟ་བུའི་ཡེ་ཤེས་ལ་བློ་མི་བཞག །སངས་རྒྱས་ཀྱི་དགོངས་པ་དམིགས་སུ་མེད་དོ། །མྱ་ངན་ལས་འདས་པའི་གྲོང་ཁྱེར་ལ་བགྲོད་དུ་མེད་དོ། །ཡེ་ཤེས་ཀྱི་ལམ་ལ་འཇུག་ཏུ་མེད་དོ། །བྱང་ཆུབ་སྙིང་པོ་ཡེ་ནས་གྲུབ་ཟིན་པས། ད་ལྟ་བསྒྲུབ་པའི་རྩོལ་བ་བྱར་མེད་དོ། །རང་བདག་ཏུ་ངོ་ཤེས་ནས་ཐ་མལ་པར་མཐོང་། ཕྱོགས་མེད་ཀྱི་ཡེ་ཤེས་འཔྱོ་བ་བདག་རྟོགས་ཀྱི་བློ་དང་བྲལ་བའོ། །ཞེས་བཞག་ཐབས་བདུན་པ་གསུངས་སོ། །པདྨ་འཁྱིལ་བའི་རྒྱུད་ལས། ཉམས་སུ་བླང་བ་བཞག་ཐབས་ཀྱི་ལེའུ་སྟེ་དགུ་པའོ།། །།དེ་ནས་མདོར་བསྡུ་བ་འདི་གསུངས་སོ། །སརྦ་ཏ་ཐུ་ག་ཏ་ཀྲི་ཐེ། ད་མ་ཀྲི་ཀུ་རུ་ཡེ། མ་ནུ་ཕ་ལ་ཨ་ས། མ་ལ་མ་ལ། ར་ཛ་ཀ་ར། ཨ་བ་ར་དྷ། འཁྲུལ་གཞི་ལ་ཐོག་མ་མེད་དོ། །ཐ་མ་ཡང་མེད་དོ། །ཞབྲུལ་པ་ལ་ཐོག་མ་ཡང་ཡོད་དོ། །ཐ་མ་ཡང་ཡོད་དོ། །ཁུག་པ་ལྔ་པ་ནི་ཡི་གེ་ལྔ་པ་མན་ངག་གི་རྩ་བ་ཡིན། ཡི་གེ་བཞི་པ་ནི་བརྡའི་མན་ངག་སྟེ་ཤེས་རབ་ཅན་ལ་བསྟན། ཡི་གེ་བཅུ་གཉིས་པ་ནི་མན་ངག་སྟེ་གཞི་གཏན་ལ་དབབ། བཤད་པ་གསུམ་པ་ནི་གཞིའི་གནས་ལུགས་ཏེ་ལས་ཀྱི་མཐར་ཐུག །དོན་མཚོན་པའི་ཡེ་ཤེས་ཁུག་པ་ཐ་མ་ཀླད་ལ་རྨོས། རང་རིག་གཏན་ལ་འབེབས་པའི་ཡེ་ཤེས་ཏེ། ལུང་མན་ངག་གིས་མི་ཕེབས། བརྡའ་དང་ངག་ལ་རག་མ་ལུས། རང་རིག་གཏན་ལ་འབེབས་པའི་གྲོགས། སྒལ་ཚིག་བཅུ་དྲུག་གིས་མཐའི་གེགས་བསལ། བལྟ་བ་གཅོད་དགུས་ཤེས་པའི་ཐག་བཅད། ལུང་རིགས་བློ་ཡིན་པའི་ཕྱིར་ལྟ་བ་ཁ་འབྱམས་ཀྱི་གཉའ་མནན། གནས་ལུགས་ལ་བསྒོམ་དུ་མེད་དོ། །བསྒོམས་པས་རྙེད་ན་གནས་ལུགས་མིན། ཁུག་པ་ལྔ་པས་སྤྱི་བཅིངས་པའོ། །རྡོ་རྗེ་འཆང་ཆེན་མན་ངག་ནི། གང་ཞབྲུལ་ཅིས་འཁྲུལ་ཅིར་ཞསྦུལ་དེ་གང་གིས་ཤེས། ཅིར་ཤེས།ཅིས་ཤེས། ཐོག་མར་རང་གི་རྩལ་སྣང་བ་ལ་ངེས་པའི་བག་ཆགས་པས་ཡུལ་དུ་མར་སྣང་ངོ་། །ཤེས་པ་ལ་འཛིན་པའི་རྟོག་པ་གློ་བུར་བར་བྱུང་བས་སེམས་དུ་མར་སྣང་ངོ་། །དུ་མ་སྲིད་པར་ཆགས་སོ། །དེ་ཡང་དཔེར་ན་ཤེས་པ་གློ་བུར་དུ་སྣང་བའི་དབང་གིས། མར་མེ་གཅིག་ལས་གཉིས་སུ་ཕྱེ་བའམ། ས་བོན་གཅིག་ལས་མྱུ་གུ་ཐ་དད་དུ་སྣང་བ་བཞིན། ཤེས་པ་སྔ་མ་ལས་རང་རིག་སྣང་བ་ལ་འཛིན་པའི་བློས་ཡུལ་བདག་ཏུ་བཟུང་། དེས་སེམས་དང་སེམས་ལས་བྱུང་བའི་ཆོས་དུ་མ་སྣ་ཚོགས་སུ་སྣང་ངོ་། ཁྲེས་པ་རྒྱུན་འདབ་འབྱོར་བས་ཕྱི་མ་ལས་ངོ་བོ་ཉིད་མ་བཅོས་པར་སྣང་བ་ལས། འགག་པ་མེད་པའི་ཡེ་ཤེས་རང་ངོ་། །རིག་པ་འགག་པ་མེད་པས་ཐོག་མར་ཡང་མ་འགགས། བར་དུ་ཡང་མི་འགག །ཐ་མར་ཡང་མི་འགོག་གོ །འབྲས་བུ་སངས་རྒྱས་ཀྱི་ས་ན་ཡང་ངོ་བོ་གཅིག་རང་བཞིན་ཐ་མི་དད་དོ། །རྒྱུ་སེམས་ཅན་གྱི་དུས་ན་ཡང་ངོ་བོ་གཅིག་རང་བཞིན་ཐ་མི་དད་དོ། །དེའི་དུས་སུ་གཉིས་སྣང་གི་རྟོག་པ་གཞི་མ་གྲུབ་པས། མེ་ལོང་དང་གཟུགས་བརྙན་གྱི་ཚུལ་དུ་སྣང་ངོ་། །རྟོགས་པའི་དུས་ན་ཡངདེབཞིནནོ། །གསངབསྤྱི་བཅིངས་རྒྱལ་པོའོ། །རང་བཞིན་ལྷུན་གྱིས་གྲུབ་པ་ནི་མེ་ལོང་ལྟ་བུའི་ཡེ་ཤེས་སུ་སྣང་ངོ་། །ཐུགས་རྗེ་ཆེན་པོའི་རྩལ་ནི། སྐུ་གསུམ་གྱི་ངོ་བོ་སྣང་བ་ནི་ཉི་མ་དང་། འོད་བཞིན་དུ་འཆར་རོ། །བཀའ་ལུང་གི་ཕྱི་མོ་ནི་ཉི་མའི་སྙིང་པོ་ལྟར་སྣང་བ། ཐབས་ཀྱི་ཡེ་ཤེས་བྲམ་ཟེ་སྒྱུ་མ་མཁན་ལྟར་སྣང་བ། ངག་གི་ཚིག་ནི་རིན་པོ་ཆེ་རྩར་ལ་བརྒྱུས་པ་ལྟར་གནས་པ། ལ་བཟླ་བའི་ཚིག་ནི་གསེར་མིག་གཡུས་སྤྲས་པ་ལྟར་གནས་པ། སྤྱོད་པའི་མཐའ་ནི་དར་གྱི་མདུད་པ་ལྟར་གནས་པའོ། །དམ་ཚིག་འདུས་པའི་རྒྱུད་གདམས་ངག་གི་ཚིག་གསུམ་གྱིས་བྱང་ཆུབ་སེམས་རིན་པོ་ཆེ་སྤྱི་བཅིངས་པའོ། །བྱང་ཆུབ་སེམས་དཔས་རང་གི་སེམས་ཀྱི་དམ་པ་མཐོང་བའི་ཚེ དེ་ཉིད་སྟོབས་སུ་གྱུར་ནས་ཕྱི་ནང་གསང་བའི་རྟགས་དང་ལྡན་ནས། ནམ་ཤི་བའི་དུས་སུ་ཡང་སྒྲ་དང་འོད་དང་གདུང་བྱུང་བར་གྱུར་ན། དེ་ཉིད་ཤར་ཕྱོགས་ཀྱི་ཁམས་སུ་དེ་བཞིན་གཤེགས་པའོ། །དེ་ཉིད་སྟོབས་སུ་མ་གྱུར་པར་སྣང་བ་འགགས་ན། རིང་པོ་མི་ཐོག་པར་བླ་མ་དམ་པ་དེའི་དྲུང་དུ་འཁོད་པར་གྱུར་ཏེ། ཕྱི་མའི་དུས་སུ་ཡང་ཚེ་རིང་བར་སྤྱོད་པར་གྱུར་ཏེ། དེའི་དུས་སུ་རྣམ་པར་གྲོལ་བའི་ཡེ་ཤེས་འཐོབ་པར་འགྱུར་རོ། །བདག་གི་སེམས་ཀྱི་དམ་པ་མཐོང་བའི་ཚེ། རིག་པའི་སྟོབས་སུ་གྱུར་ནས་ཕྱི་ནང་གསང་བའི་རྟགས་དང་མི་ལྡན་ན། བདག་ཉིད་ནུབ་ཕྱོགས་ཀྱི་ཞིང་ཁམས་སུ་སྐྱེ་སྟེ། དེའི་དུས་སུ་རྟོགས་པ་ཁྱད་པར་ཅན་ལ་སྤྱོད་དེ། མྱུར་བར་ འ་འདུ་བྱེད་བྱུང་ནས། དེའ་དུས་སུ་རྣམ་པར་གྲལ་བའ་ཡེ་ཤེས་ཐབ་པར་འགྱུར་ར། །བདག་ ་སེམས་ཀྱ་དམ་པ་མཐང་བའ་ཚེ། རག་པ་སྟོབས་སུ་གྱུར་ནས་ ་ནང་གསང་བའི་རྟགས་དང་མི་ལྡན་ན། བདག་ལམ་དུ་འཇུག་པའི་ཚེ། བཅོམ་ལྡན་འདས་འོད་དཔག་མེད་པ་དང་གཉིས་སུ་མེད་པའི་སྙོམས་པར་འཇུག་གོ །འོད་དཔག་མེད་པ་ནི་རང་གི་སེམས་ཀྱི་དམ་པ་སྣང་བ་འགག་པ་མེད་པར་སྣང་བ་སྟེ། ཕྱི་མའི་ཚེ་ཕྱི་མའི་དུས་ཀྱང་རང་གི་དེ་ཉིད་རྟོགས་པ་ཉམས་སུ་མྱོང་བའོ། །བདག་གི་སེམས་ཀྱི་དམ་པ་མཐོང་བའི་ཚེ། རིག་པ་སྟོབས་སུ་གྱུར་ནས། ཕྱི་ནང་གསང་བའི་རྟགས་དང་ལྡན་ན། བཅོམ་ལྡན་འདས་རྡོ་རྗེ་མི་བསྐྱོད་པ་དང་གཉིས་སུ་མེད་པར་སྙོམས་པར་འཇུག་གོ །མི་བསྐྱོད་པ་ནི་རང་གི་དེ་བཞིན་འགྱུར་བ་མེད་པར་གནས་སོ། །དོན་དེ་བཞིན་ཉིད་ལ་གནས་པའི་བྱང་ཆུབ་སེམས་དཔའ་ནི། སེམས་ཀྱི་དམ་པ་མངོན་པར་སྣང་བ་ཞེས་བྱ་སྟེ། དེ་བཞིན་གཤེགས་པའི་སྟོབས་དང་ལྡན་པའོ། །པདྨ་འཁྱིལ་པའི་རྒྱུད་ལས། རིན་པོ་ཆེ་སྤྱི་བཅིངས་ཀྱི་ལེའུ་སྟེ་བཅུ་པའོ།། །།དེ་ནས་འགལ་ཚིགས་བཅུ་དྲུག་གིས་མཐའི་གེགས་བསལ་ཏེ། །ཐོག་མར་ཆོས་སྐུ་བ་ཡེ་ཐོག་མ་ནས་འཁྲུལ། སེམས་ཅན་མ་འཁྲུལ་སངས་རྒྱས་འཁྲུལ། སངས་རྒྱས་ཀྱི་སློབ་དཔོན་དམྱལ་བ་ཡིན། སངས་མ་རྒྱས་པར་བསྒོམ་དུ་མེད། སྲོག་མ་བཅད་པར་སངས་མི་རྒྱ། ནམ་མཁའ་མ་བཀག་པར་འོད་མི་གསལ། །ཆོས་སྤྱོད་མ་བྱས་ན་འཁོར་བར་མི་ལྟུང་། མཚམས་མེད་པ་ལྔ་མ་བྱས་པར་འབྲས་བུ་མི་འཐོབ། །སེམས་ཅན་ལ་སངས་རྒྱས་སུ་འདོད་པ་འཁྲུལ་པ་ལ་འཁྲུལ་པ་བརྩེགས། ཀུན་གཞི་ཆོས་སྐུར་འདོད་པ་མཐའ་མེད་པའི་རྒྱ་མཚོ་ལ་འབོག །དཀར་ཁུང་མ་བཀག་པར་ནམ་མཁའ་མི་གསལ། མ་སོང་བར་ཕྱིན་པའི་ས་ལ་འདུག །མ་བྱས་པར་ཟིན་པའི་ལས་ཀྱིས། རྒྱལ་པོ་ཡུལའཁོར་རྩེ་ནས་ཆོམས། ལྷན་ཅིག་འགྲོགས་པའི་ཕ་མ་གཉིས་རྒྱ་མཚོའི་གཏིང་དུ་སོང་ལ། རི་རབ་ཀྱི་རྩེ་ནས་བྱ་ར་གྱིས་ཤིག །བཅོམ་ལྡན་འདས་རྡོ་རྗེ་འཆང་ཆེན་པོས་སྒྲ་ཐད་ཀློག་ཏུ་བསྟན་པའོ། །དེ་ནས་ལྟ་བའི་ལ་གཅོད་འདི་འགྲོ་བའི་ཆེད་དུ་གསུངས་སོ། །སངས་རྒྱས་དང་སེམས་ཅན་གཉིས་ལ་རྒྱུ་གཉིས་ལས་མེད་པར་ལ་རྦད་ཀྱིས་ཆོད། རྒྱུ་དེ་ཡང་སངས་རྒྱས་ཡིན་པར་ཐག་ཆོད། དེ་རང་གི་ངོ་བོ་མ་ཤེས་པས་འཁྲུལ་པ་མ་རིག་པར་ལ་རྦད་ཀྱིས་ཆོད། དེ་ཡང་མེ་ལོང་ལ་བརྟེན་ནས་སྐྱེས་བུ་རང་གི་བྱད་མཐོང་བར་ལ་རྦད་ཀྱིས་ཆོད། དེ་མཐོང་བའི་དོན་ལ་མ་ཡེངས་པར་ཐག་ཆོད། དངོས་པོའི་གནས་ལུགས་ལ་བསྒོམ་དུ་མེད་པར་ལ་རྦད་ཀྱིས་ཆོད། བསྒོམས་པས་རྙེད་ན་གནས་ལུགས་མིན་པར་ཐག་ཆོད། བསྒོམ་དུ་མེད་པའི་དོན་གཅིག་མ་ཤེས་པར་སངས་མི་རྒྱ་བར་ལ་རྦད་ཀྱིས་ཆོད། འཁོར་བ་ཐོག་མཐའ་མ་ཤེས་པར་མན་ངག་གི་ཐག་མི་ཆོད་པར་ཐག་ཆོད་དོ། །ཡི་གེ་མེད་པའི་རྒྱུད་བསྒོམ་དུ་མེད་པའི་ལུང་། རེ་བ་མེད་པའི་བལྟ་བ། མ་བཀག་པའི་སྤྱོད་པ། མ་བསགས་པའི་ཚོགས། མ་སྦྱངས་པའི་སྒྲིབ་པ། རྒན་མོ་མཛུབ་ཚུགས་ཀྱི་མན་ངག་ཤེས་རབ་སྒྲོན་མས་ལྟོས་ཤིག །དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་བལྟ་བའི་ལ་བཟླ་བ་འདི་གསུངས་སོ། །བྱང་ཆུབ་འདོད་ན་སྡིག་པའི་ལས་རྣམས་ཆེར་སྤྱོད་དེ། དོན་བློ་ལ་བཞག །གང་ཡང་སྙིང་རྗེས་མི་བཟུང་སུ་ཡང་སྙིང་རྗེ་བ་ནི་གང་ཡང་མེད། །ཅི་སྟེ་སྲོག་བཅད་སྡིག་ཏུ་འགྲོ་ན་ཡེ་ནས་ཆད་པ་སུ་ལ་སྡིགས། །སྙིང་རྗེས་བྱང་ཆུབ་རླན་དུ་མི་སྟེར་སྙིང་རྗེས་སུ་ལ་བཟུང་། །གང་ལ་འཛིན་པ་ཡོད་པ་དེ་ལ་ལྷག་པའི་བསམ་པ་ཡོད་ཀྱང་སྡིགས། །ཏིང་ངེ་འཛིན་རྟོག་ཁང་འགྲམ་གཏིང་ཚུགས་མེད་པ་བྱང་ཆུབ་བདེ་བའི་ཤག །རྒྱལ་བ་མི་མཆོད་སངས་རྒྱས་མི་བསྒྲུབ་ཐར་པའི་ལམ་མི་འདོད་པ་དེ། ཁབ་ལེན་རྡོ་ལ་ལྕགས་འདུའི་ཚུལ་དུ་ཚོགས་གཉིས་བསག་མི་དགོས་པར་འདུ། །མཆོད་རྟེན་ལྷ་ཁང་ལ་སོགས་འདུས་བྱས་དགེ་བ་མི་བྱ་བཏང་སྙོམས་བཞག །བྱས་ལ་སོགས་པའི་ལས་ནི་བྱས་པས་མི་ཟིན་བྱས་ཤིང་རྟོག་པའི་རྒྱུ། །ཡུལ་དང་དབང་པོ་ངག་སོགས་བསྡུ་མི་བྱ་སྟེ་དེ་བཞིན་གཞག་པར་བྱ། །བྱ་དང་བྲལ་བའི་སྤྱོད་པ་འདི་ཉིད་དང་དུ་ལེན་པ་ཡང་མེད་དོ། །རྡོ་རྗེ་མི་འཆང་སྔགས་མི་འཆང་ཞིང་དབེན་པར་འདུས་མི་བྱ། །མཆོད་གཏོར་སྦྱིན་པའི་ཕྱོགས་ནི་གང་ཡང་མི་བསྔོ་སུ་ལ་བསྔོ། །ཆོ་ག་ལ་སོགས་འཁྲུལ་པའི་ལས་རྣམས་སྤྱད་མི་བྱ། །རྫོགས་པ་ཆེན་པོའི་རང་བཞིན་ཀུན་གྱི་སྙིང་པོ་ཡིན་ཏེ་འདི་ལ་ཅི་ཡང་མེད། །ཕུག་ཏུ་འདུག་ལ་བསྒོམ་པར་མི་བྱ་རྡོ་རྗེ་ལྟ་བུའི་ཆོས་ཉིད་དེ་ལ་བསྒོམ་དུ་མེད། །དཔེར་ན་རི་རབ་རྩེ་ལ་ཉི་ཤར་བས། །ཡེ་ཤེས་ཐུགས་ལ་ཉི་མ་གཅིག་ཤར་སྤྲོད། །སྒོམ་ཆེན་རྒས་པའི་དུས་སུ་རྩོལ་བའི་ནད་དང་བྲལ། །སྟོང་གསུམ་ཉུང་འབྲུར་ཆུད་ན་འཁོར་བ་རྒྱ་ཡིས་ཐེབས། །ཆོས་ཀྱི་སྐུ་ཡེ་ཤེས་ལྷག་མ་མེད་པར་རྫོགས་པའི་དུས་ན། སྒྲིབ་པ་ཡང་ལྷག་མ་མེད་པར་འབྱང་ངོ་ཞེས་རྡོ་རྗེ་འཆང་ཉིད་ཀྱིས་གསུངས་སོ། །པདྨ་འཁྱིལ་པའི་རྒྱུད་ལས། གེགས་བསལ་ཅིང་ལ་བཅད་དེ་བལྟ་བ་ཁ་འབྱམས་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས། ཐུགས་ཀྱི་དཀྱིལ་འཁོར་གསང་བའི་སྒོ་ཕྱེ་ནས། གསང་སྐོར་མན་ངག་སྒྲོན་མ་འགྲོ་བའི་ཆེད་དུ་གསུངས་སོ། །ང་ཡི་གསང་བ་མན་ངག་འདི། །རིག་པ་འཛིན་པས་ནན་རྒྱས་ཐོབ། །ཕྱི་རབས་རྣམས་ལ་རྟོགས་བྱའི་ཕྱིར། ཁུད་རྒྱས་བཏབ་ལ་བསྟན་པར་བྱ། །དམ་མེད་ཀུན་ལ་གསང་དོན་དུ། །མནའ་རྒྱ་བྱས་ལ་གསང་བར་བྱ། །ལེགས་པར་བཀའ་དང་མཐུན་པས་ན། །ཐུགས་ཀྱི་གཏེར་དུ་སྦས་རྒྱ་བྱ། །བཀའ་བསྲུངས་བྱ་ར་བྱེད་པས་ན། །དེ་ལ་གཏད་རྒྱ་བྱས་ལ་གཏད། །རྒྱ་ལྔས་བཏབ་པའི་མན་ངག་འདི། ཁེན་ཏུ་ཟབ་པར་རབ་ཏུ་བསྟན། །དེ་ཕྱིར་སྟོན་པས་གསུངས་པ་འདི། །ཕྱི་རབས་སྦ་བར་བྱ་བ་དང་། །གཏེར་གྱི་བསྲུངས་མར་གཏད་པ་དང་། །གནས་ཀྱང་ལེགས་པར་སྦ་བ་དང་། །སྦས་པའི་རྟགས་ཀྱིས་ཟབ་མོར་གནས། །དེ་ཕྱིར་ང་ཡི་མན་ངག་འདི། །མུ་ཏིག་བསྟར་ལ་བརྒྱུས་པ་འམ། །སེང་གེའི་མཆོངས་པ་ལྟ་བུ་དང་། །རུས་སྦལ་འགྲོས་བཞིན་མཁས་པས་་།ད། །དང་པོར་མི་དམིགས་པའི་ཤེས་རབ་ཆེན་པོ་ལ་རྒྱབ་གཏད་པར་བྱའོ། །བླ་མ་རྡོ་རྗེ་སློབ་དཔོན་ལ་གདུང་བའི་དད་པ་བསྐྱེད་པ་དང་། ཁམས་གསུམ་གྱི་སེམས་ཅན་ལ་སྙིང་རྗེའི་རྒྱུན་ཐག་མི་གཅད་པ་དང་། དགེ་བཅུ་དང་དུ་བླང་བ་དང་། རང་སེམས་དཔང་དུ་བཙུག་ལ་སྒྱུ་སོགས་མེད་པར་བྱ་བ་དང་ལྔའོ། །དེ་ལྟར་བྱས་པས་ལམ་འགྱུར་བ་མེད་པ་དང་འཕྲོད། དེ་དང་འཕྲད་པས་ཞིང་ཁམས་རྣམ་པར་དག་པ་ཆོས་ཉིད་སྣང་བ་མཐོང་ངོ་། །དེ་མཐོང་བས་འཆར་ནུབ་མེད་པའི་ཉི་མ་འཆར་རོ། །དེ་ཤར་བས་བལྟ་རུ་མེད་པའི་སངས་རྒྱས་ཉག་གཅིག་གི་སྐུ་མཐོང་ངོ་། །དེ་མཐོང་བས་ཐམས་ཅད་མཁྱེན་པའི་ཡེ་ཤེས་ཐོབ་པ་དང་ལྔའོ། །དེ་ཐོབ་པས་ཤེས་བྱའི་སྒྲིབ་པ་འདག་གོ །དེ་དག་པས་སངས་རྒྱས་ཉག་གཅིག་ལྷུན་གྱིས་གྲུབ་བོ། །མི་ནུབ་པའི་རྒྱལ་མཚན་རྩེ་མོའི་དཔུང་རྒྱན་ཐིག་ལེ་ཉག་གཅིག་དྲི་མ་མེད་པ། རང་བྱུང་ཡེ་ཤེས་གདལཁྱབཆེནཔོ། །རིགཔ་ཡེ་ཤེས་དྲི་མ་མེད་པ་རང་སྣང་བ་དང་ལྔའོ། །ལྔ་གསུམ་བཅོ་ལྔའི་མན་ངག་རྡོ་རྗེའི་ཚིག་གསུམ་པ། ཀུན་ལ་བསྟན་པ་མ་ཡིན་ཐུགས་ཀྱི་གཏེར་དུ་སྦོས། །ཡེ་ཤེས་ཉི་མ་རང་ལ་ཤར་བ་འདི། །སྒྲ་དང་ཡི་གེ་ཐ་སྙད་ཀུན་ལས་འདས། །ནམ་མཁའ་ལྟ་བུའི་ཆོས་ཉིད་དག་པ་ལ། །ཉི་མ་ལྟ་བུའི་རྡོ་རྗེ་སེམས་དཔའ་གསལ། །མན་ཤེལ་ལྟ་བུའི་རིག་པ་འཛིན་པས་ཉན། །ཀུན་དང་མི་མཉམ་བྱ་རྒོད་ཕུང་པོ་ལ། །སྐད་ཅིག་ཙམ་ལ་བདག་ཉིད་དོན་དང་མཇལ། །ཡུལ་གྱི་སྒྲིབ་པ་མ་སྦྱངས་གནས་སུ་དག །འདི་ནི་མན་ངག་གི་དི་མ། གསང་བའི་གཏད་རྒྱ་དང་བཅས་པ་མན་ངག་གི་ཏི་ཀ་ཆེན་པོ། ཡང་གསང་ཡང་གབ་ཡང་སྦས། དུས་ལྔ་བརྒྱའི་སྙིགས་མ་ལ། གང་ཟག་ལུང་གི་ཡིད་ཆེས་བྱེད་པའི་དུས་བྱུང་བའི་དུས་སུ། དེ་བཞིན་གཤེགས་པ་ཐམས་ཅད་ཀྱི་ཐུགས་ཡང་དག་པའི་ཡེ་ཤེས་རྡོ་རྗེ་ཚིགས་གསུམ་འདི་གང་ཟག་ལས་མཐུན་པའི་དོན་བྱེད་པར་གྱུར་ཅིག །ཅེས་སྟོན་པ་རྡོ་རྗེ་འཆང་གིས་ལུང་བསྟན་ཏོ། །པདྨ་འཁྱིལ་བའི་རྒྱུད་ལས། མཁའ་འགྲོ་མ་ནས་བརྒྱུད་པའི་ལུང་བྱང་ཆུབ་སེམས་མུན་སེལ་བྱེད་པའི་སྒྲོན་མེའི་ལེའུ་སྟེ་བཅུ་གཉིས་པའོ།། །།དེ་ནས་སངས་རྒྱས་རྡོ་རྗེ་འཆང་ཆེན་པོས་ནོར་བུ་རིན་པོ་ཆེ་འདི་གསུངས་སོ། །ཨོ་རྒྱན་གྱི་ཡུལ་གའུ་བར་ཤ་ནའི་ནགས་ཚལ་དུ། ཙཎྜལོག་སྤྱོད་ཅན་གྱིས་བདག་གསོད་གཞན་སྒྲོལ་བའི་མན་ངག །རལ་གྲི་ཁ་མངསཀྱིཕརགཅོདཚུརགཅོད། བདག་བསད་གཞན་བསྒྲལ། བདག་མ་བསད་པར་གཞན་མིསྒྲོལལོ། །མསྐྲུཤིདྷནཀྲོཤཀ་ར་ཨ་པ་ན་མ། ཤེས་རབ་ཀྱི་མཚོན་ཆས་བདག་ཏུ་རྟོག་པའི་བག་ཆགས་གཅོད་པ། བཅོམ་ལྡན་འདས་མི་མཉམ་མགོན་པོ་ཁྲོ་གཉེར་ཅན་ལ་ཕྱག་འཚལ་ནས། དུག་པ྅་རང་སོར་བཞག་པས། ཡེ་ཤེས་རང་ས་ཟིན་པར་བྱེད་པའི་མན་ངག་ཞེ་སྡང་ཐམས་ཅད་ཀྱི་བཅུད་ཕྱུང་བས། རྡོ་རྗེ་སྒྱུ་མ་ལྟ་བུའི་ཐུགས་ཡེ་ཤེས་རྩེ་གཅིག་པས་ངན་སོང་དོང་སྤྲུགས། ན་མོ་་དྨ་ཡ། མཉུ་ཤི་དྷརྨ་ས༷་ཀེ་བྷ༷༷། ང་རྒྱལ་ཐམས་ཅད་ཀྱི་བཅ་ཕྱུང་བ། རིན་པོ་ཆེ་ལྟ་བུས་གཉིས་སུ་མེད་པས་ཁོདསྙོམས། མསྐྲུཤི། ཨལལྭ། དྷ་རུ་ཡེ། འདོད་ཆགས་ཐམས་ཅད་ཀྱི་བཅ་ཕྱུང་བ། པདྨ་ལྟ་བུས་སེམསི་ཅན་ཐམས་ཅད་ཀྱི་མོས་པ་སོ་སོའི་དོན་སྒྲུབས། སརྦ་ཏ་ཐུ་ག་ཏ། བ་ས་ར་དུ་པ་ཨུ། ཕྲག་དོག་ཐམས་ཅད་ཀྱི་བཅ་ཕྱུང་བ། རྡོ་རྗེ་རྒྱ་གྲམ་ལྟ་བུས་ཕྱིར་མི་བཟློག་པའི་རྒྱས་བཏབ། ཨ་ཨུ། ཨི་སྙི། ཨུ་སྐྲུ། རི་རྡི། ལི་ལྟོ། ཨེ་ཨེ། ཨོ་ཨོ། ཨ༷་ཨ༷༷ ཆོས་ཀྱི་སྐུ་ཞི་བའི་ཆ་ལུགས་སུ་གནས་པས། བདག་ཏུ་རྟོག་པའི་བློ་ཞི་ནས། འཛིན་བྱེད་ཀྱི་ཤེས་རབ་ཀྱི་སྤྲེའུ་སོ་མྱུལ་བྱེད་ཀྱི་རྟ་ལྔ་ལ་ཞོན་ནས། ཅི་བ་དཀའ་བྱེད་ཀྱི་ལམ་ལྔར་འབྲོས་པ།ཁྱེའུ་སྣང་བ་བསམ་གྱིས་མི་ཁྱབ་པས། མ་བལྟས་པར་མཐོང་སྟེ། ནམ་མཁའི་ཁམས་ཉི་ཟླ་གཉིས་ཀྱི་བར་དུ་བསྐུལ། དེ་ལྡང་བའི་དུས་མེད་པར་བཏང་ངོ་། །ལོངས་སྤྱོད་རྫོགས་པའི་སྐུ་ཁྲོ་བོའི་ཆ་བྱད་དུ་གནས་པ།ན་མ་ནན་ཏི། ཀ་ཏ་རི་ཙཀྲུ། སྟུ་ཧུ་སྲ ཞི་བས་མི་འདུལ་བ་རྣམས་གདུག་རྩུབ་ཀྱིས་བསྒྲལ་བ། ཁྱེའུ་སྣང་བ་གཤོན་ནུ་ཁྲོ་གཉེར་ཅན་གྱིས་མཐོང་སྟེ། རྒྱ་མཚོའི་གཏིང་དུ་ཆུ་སྲིན་པིར་གྱི་གྲེ་བར་བཅུག་སྟེ། དེ་ཕྱི་མི་ལྡོག་པར་བསྒྲལ་ཏེ་བཏང་ངོ་། །དུག་ལྔའི་མེས་སྦར་བར་འདོད་པའི་བྱང་ཆུབ་སེམས་དཔའ་ལ། བྱང་ཡང་མ་ཆུབ་པས། སེམས་དཔའ་ཡང་སེམས་ཀྱིས་བཅིངས་པས་རྡོ་རྗེ་སེམས་དཔའ་བྱང་ཡང་བྱང་ཆུབ་ཀྱང་ཆུབ།དོན་གཞན་ལ་སེམས་དཔས་སེམས་དཔའོ། །བྱང་ཆུབ་སེམས་དཔའ་སེམས་དཔའ་ཆེན་པོས་རི་རབ་ལྷུན་པོའི་རྩེར་ཡེ་ཤེས་ཀྱི་མེས་འཁོར་བའི་བག་ཆགས་བསྲེགས་ཏེ། གཏན་ཕུང་བར་བྱས་སོ། །བྱང་ཆུབ་སེམས་ནོར་བུ་རིན་པོ་ཆེ་ཙཎྜ་ལོག་སྤྱོད་ཀྱིས་ཨུ་རྒྱན་ཡུལ་ག་པུ་པར་ཤ་ན་ར། ཨོ་རྒྱན་གྱི་རྒྱལ་པོ་ལ་བསྟན་པའོ། །པདྨ་འཁྱིལ་པའི་རྒྱུད་ལས། ནོར་བུ་རིན་པོ་ཆེའི་ལེའུ་སྟེ་བཅུ་གསུམ་པའོ།། །།དེ་ནས་ཧྭ་ཤང་འབར་ན་ཧའི་ཡུལ་དུ་མཁའ་འགྲོ་མ་པུཎྜ་ཉེ་བར་ཞི་བས། རིན་པོ་ཆེ་སྒྲོམ་བུའི་མན་ངག་འདི་རབ་ཏུ་སྨྲས་སོ། །བྱང་ཆུབ་སེམས་དཔའ་ཁྱེའུ་གཤོན་ནུ་སྣང་བ་བསམ་གྱིས་མི་ཁྱབ་པ། འཁོར་གྱི་ལྷ་དག་གནོད་སྤྱིན་དང་། སྲིན་པོ་དང་མི་དང་མི་མ་ཡིན་པ་རྣམས། རབ་ཏུ་ཞི་བའི་སེམས་དང་ལྡན་ནས་ཐབས་ཅིག་ཏུ་འཁོད་དོ། །རབ་ཏུ་བཀའ་ཉན་ཏེ། ཀྱེ་གཞོན་ནུ་སྣང་བ་དམ་པ་ཁྱོད་ཉོན་ཅིག །སངས་རྒྱས་ཐམས་ཅད་ཀྱི་ཐུགས་མཁྱེན་པ་ནི། ང་ཉིད་བདག་ཏུ་རྟོག་པའི་བློ་དང་བྲལ་ནས། རང་རིག་པའི་ཡེ་ཤེས་མི་གཡོ་བའི་ཐེས་རབ་ཙམ་ལ་གནས་པ་ནི་མ་ཡིན་ནོ། །ང་ཉིད་རང་བྱུང་གི་ཡེ་ཤེས་རང་སྣང་བའི་དུས་ན། ཐམས་ཅད་ཡེ་ཤེས་ཀྱི་རོལ་པར་ཤར་རོ། །བྱ་བ་ཙམ་ལ་ཡང་གནས་པ་མ་ཡིན་ནོ། །ང་ཉིད་ཆོས་ཉིད་མཉམ་པའི་དབྱིངས་ལ་ཡང་གནས་པ་མེད་དེ། ཀྱེ་ང་ཉིད་རང་བྱུང་གི་ཡེ་ཤེས་རང་སྣང་བའི་དུས་ན། དག་པའི་ཞིང་ཁམས་མ་བསྒྲིབས་ཡོངས་སུ་གསལ་བ། མཐའ་དང་དབུས་མེད་པ། ཕྱོགས་དང་རིས་མེད་པ། དུ་མ་དང་བརྟེན་པ་མེད་པར་གསལ་བ། ཚིག་ཏུ་བརྗོད་པར་མི་ནུས་སོ། །རང་རིག་པའི་ཡེ་ཤེས་འགྱུར་བ་མེད་པ་ཉིད་འགག་པ་མེད་པ་ཡེ་ཤེས་ཀྱི་གཟུགས་བརྙན། བདག་ཏུ་རྟོག་པའི་མཐའ་དང་བྲལ་བ། མཐའ་མ་སྤངས་པར་ཡེ་ཤེས་རང་གསལ་བ། ཕྱོགས་དང་བླ་འོག་མེད་པར་རང་ཤར་བ། མཁྱེན་པ་ངོ་བོས་སྟོང་པ། གསལ་བ་རྟོག་འཛིན་མེད་པ། བདེ་བ་རེས་འཇོག་མེད་པ། ཐིམ་པ་མ་རྨུགས་པ། གདལ་ཁྱབ་པ། འུབྲ་ཆུབ་པའོ། །མ་བྱས་པའི་ཆོས་ཤེས་བྱ་བབས་ཀྱིས་གྲུབ་པར་རང་སྣང་བ་ནི། སངས་རྒྱས་ཐམས་ཅད་ཀྱི་ཐུགས་མཁྱེན་པ་ལགས་སོ། །ཞེས་བསྟན་ཏོ། །ཚིག་ཉུང་ལ་དོན་ཆེ་བ། བསླབ་སླ་ལ་གོ་དཀའ་བ། འདི་ནི་རྩོལ་བསྒྲུབ་ཀྱི་མཐའ་ལས་འདས་པའོ། །བསྒོམ་དུ་མེད་པའི་ཆོས་མ་ཤེས་པར། །རྣམ་པར་གྲོལ་བའི་ས་ནོན་རི་མཁའ་འགྲོ་མ་པུཁོ་ཉེ་བ་ཞི་བས་དཔལ་ཕྱག་ན་རྡོ་རྗེ་མགོ་ཁོས་ཞེས་བཀའ་སྩལ་ཏོ། །དེ་ནས་ཁྱེའུ་སྣང་བ་དམ་པ་བསམ་གྱིས་མི་ཁྱབ་པ་དགའ་མགུ་ཡི་རང་སྟེ། ཕྱག་སྤྱི་བོར་བཞག་ནས་རིགས་ཀྱི་བུ་དམ་པ་ཁྱོད་ཀྱིས་སྨྲས་པ་དེ་ལེགས་སོ། །ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་ཀྱང་། རང་རང་གི་མོས་པ་ཙམ་མཚོན་ནུས་ཀྱི། དོན་ཆེན་པོ་མཚོན་པར་མི་ནུས་སོ། །ངས་བསྟན་པར་ནི་དཀའོ། །མ་ནུ་པ་ལ། སརྦ་ཏ་ཐུ་ག་ཏ། པ྅་ཙྭ་ན། དྷ་ཐིམ་དྷ་ཐིམ་དྷ་ཐིམ་ཞེས་བཀའ་སྩལ་ནས། ལེགས་སོ་ལེགས་སོ། །སེམས་ཅན་ཐམས་ཅད་མ་རིག་པ་མེད་དོ། །མ་རིག་པ་ཟད་པ་ཡང་མེད་དོ། །ཞེས་དབང་བསྐུར་ནས། མཁའ་འགྲོ་མ་དང་གཉིས་སུ་མེད་པར་མི་སྣང་བའི་ཡེ་ཤེས་ཀྱི་ངང་ལ་གཤེགས་སོ། །སརྦ་ཏ་ཐུ་ག་ཏ། པ྅་མྱུ་དྲ་ཨ། དེ་ནས་བྱང་ཆུབ་སེམས་དཔའ་རིག་པ་འཛིན་པས། དེ་བཞིན་དུ་གདམས་སོ། །པདྨ་འཁྱིལ་པའི་རྒྱུད་ལས། རིན་པོ་ཆེའི་སྒྲོམ་བུའི་ལེའུ་སྟེ་བཅུ་བཞི་པའོ།། །།དེ་ནས་ཡང་བཅོམ་ལྡན་འདས་སྟོན་པ་རྡོ་རྗེ་འཆང་ཆེན་པོས། ལུང་གསེར་གྱི་ཕུར་པ་འདི་གསུངས་སོ། །མ་འཁྲུལ་པའི་སངས་རྒྱས། མ་བྱས་པའི་ཆོས། མི་འགྱུར་བའི་བལྟ་བ། དང་པོར་སངསརྒྱསཉགགཅིག་འཁྲུལ། དེ་སྣང་བ་ལས་འཁྲུལ། དང་པོར་ཡང་འཁྲུལ་མ་མྱོང་། བར་དུ་ཡང་མི་སྲིད་པ། ཐ་མར་ཡང་འཁྲུལ་པར་མི་འགྱུར་རོ། །དེ་ལ་བསྒོམ་དུ་ཡང་མེད། ཡེངས་སུ་ཡང་མེད། ཡེངས་ས་ཡང་མེད། འགག་པ་ཡང་མེད། འགོག་མ་མྱོང་། ཟང་ཐལ། ཞོག་ཐོང་། དྷ་ན་པ་རི་ནན། གཞི་དོན་གྱི་ཀུན་གཞི་ཟག་པ་མེད་པའི་ཡེ་ཤེས་མ་ཞབྲུལ་པའི་སངས་རྒྱས། །མ་བྱས་པའི་སྟོན་པ། ཨ་ར་ཛི་ཏི། ཨ་རྒྱ་ར། ན་མ་ནན་ཏི་བུད་དྷ་ཀ་ལྭ། དྷ་ཧི། སྟི་ཧ༷་སྒྱ་པ་ར་སི་ཏི་ཀ༷ བདག་ཏུ་སྟོན་པའི་དཔལ་འཇམ་དཔལ་གཞོན་ནུ་འོད་གྲུང་ཆེན་པོ་ཁྱོད་ལ་འདུད། ཀྟ་ཀུ་རུ་ནན་ཏི་ཀར། ལེགས་སོ་ལེགས་སོ། །དེ་བཞིན་དུ་བྱོས་ཤིག་ཅེས་ལུང་བསྟན་ཏོ། །ཀུན་ཏུ་བཟང་པོ་ལ་བདུད་ཞུགས་པ་སླར་ལྡོག་པའོ། །པདྨ་འཁྱིལ་པའི་རྒྱུད་ལས། ལུང་གསེར་གྱི་ཕུར་པའི་ལེའུ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་ཀྱིས་གསུངས་པ། ལོག་རྟོག་གཅོད་པའི་སྤུ་གྲིས་ལྗོན་ཤིང་གི་རྩ་བ་བཅད་དེ། བརྡའ་རྣམ་པ་གཉིས་བསྟན་པའི་དུས་སུ། གདལ་ཁྱབ་ཆེན་པོའི་བརྡས་ཉི་མ་ལས་འོད་སྣང་བར་བསྟན་ཏེ། ཐིག་ལེ་མ་སྐྱེས་པའི་ངང་དུ། ཡེ་ཤེས་ཀྱི་ཉི་མ་ཐིམ་པའི་ཚུལ་དུ་གནས་པ་ནི། དཔེར་ན་ཉི་མ་ནུབ་པའི་དུས་སུ། འོད་ཐམས་ཅད་ཉི་མའི་སྙིང་པོ་ལ་འདུས་པར་བསྟན་པའོ། །དེ་བཞིན་དུ་གདལ་ཁྱབ་ལུབ་ཆུབ་ཏུ་བསྟན་པས། སྐྱེ་འགག་མེད་པའི་ཡེ་ཤེས་ཟང་མ་ཞེས་བྱའོ། །བརྡའ་ངོ་བསྟན་པའི་དུས་སུ། ཐོག་མའི་གནས་ལུགས་རང་ས་དཔེར་བསྟན་ནས། འཁྲུལ་གཞི་ཁོ་ན་འདྲ་བ་དཔེ་མེད་པར་བསྟན་ཏེ། འཁྲུལ་པ་གནས་སུ་བདའ་བ་དང་གཅིག་པས་གཞིའི་གནས་ལུགས་དང་གཅིག་པས། དེ་བཞིན་དུ་ཤེས་པར་བྱའོ། །ད་ལྟའི་དུས་སུ་མ་རིག་པའི་གདར་ཤ་བཅད། དེ་རྟོགས་པའི་ཡེ་ཤེས་རང་ལ་སྣང་བར་ཤེས་པའི་དུས་སུ། མ་རིག་པ་གདར་ཤ་བཅད་པ་ཞེས་བྱའོ། །ཐུན་མོང་གི་སྣང་བ་རང་སྣང་བ་ནི། བློའི་ཡུལ་དུ་བྱེད་པའོ། །དོན་གྱི་ཡེ་ཤེས་ཤར་བའི་མན་ངག་ཚིག་གསུམ་དང་འདྲ་འབག་བསྟན་པས་ཤེས་པར་བྱ། པདྨ་འཁྱིལ་པའི་རྒྱུད་ལས། སྤུ་གྲིའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་ཀྱིས་སྭ་ལུ་ལྗང་པ་འདི་གསུངས་སོ། །བྷ་ས་ར་སྦྱི་ཞི། ཨ་ཀ་ར་སུ་ཀ །རཏྣ་པན་ཙན་ཨ་ཀ་ར། ཤི་ཨུ་ཡུ་ཙྭ་ན་ཨ་ད་པ་ཡ་སྟིསྒི སྣ་ཚོགས་སྣང་བ་དག་པའི་ཡེ་ཤེས་འདི། །འབྲས་སྭ་ལུ་ལྗང་པའི་མན་ངག་ཡིན། །དཔལ་ལྡན་རྡོ་རྗེ་སེམས་དཔའ་ཁྱོད་ཕྱག་འདུད། །རྡོ་རྗེ་སེམས་དཔའི་རང་བཞིན་གདོད་ནས་དག་པའི་ཆོས། །མན་ཤེལ་མེ་ལོང་ལྟ་བུ་དག་པ་ལ། །སྣང་བའི་གཟུགས་བརྙན་སྣ་ཚོགས་འཆར་བ་བཞིན། ཁྲར་བའི་དུས་ན་སྣ་ཚོགས་གསལ་སྣང་ཡང་། །རང་གི་ངོ་བོ་མི་འགྱུར་གདོད་ནས་དག །གཞི་མ་ཕྱི་ནང་དབྱེར་མེད་ཡེ་ཤེས་ཟང་མར་སྣང་། །སྣ་ཚོགས་སྣང་བའི་དུས་ན་ནང་གི་རང་བཞིན་མ་བཅོས་དེ་བཞིན་ཉིད། །ཅེས་གསུངས་སོ། །ཆོས་ཐམས་ཅད་ཀྱི་དེ་བཞིན་ཉིདདེ། དེབཞིནགཤེགསཔའིསྙིང་པོའི་རང་བཞིན་ཅན་ནོ། །མི་བསྐྱོད་པ་ལ་སོགས་པའིདེབཞིནགཤེགསཔརྣམས་ནི་ཡེ་༄༅། ཁོགོས་ཀྱི་ལུས་ཅན་ནོ། །མེ་ལོང་ལྟ་བུ་ལ་སོགས་པའི་ཡེ་ཤེས་ལྔ་ནི་ཐུགས་རྗེའི་རང་བཞིན་ཅན་ནོ། །རྡོ་རྗེ་སེམས་དཔའ་ལ་སོགས་པའི་དེ་བཞིན་གཤེགས་པ་རྣམས་ནི་ཆོས་ཀྱི་སྐུའི་འོད་ལ་བཞུགས་ཤིང་ཉིད་ལས་མི་གཞན་པའོ། །སྤྲུལ་པའི་སྐུ་ནི་ལོངས་སྤྱོད་རྫོགས་པའི་གསུང་གི་ཟེར་ལ་རོལ་པའོ། །འདྲ་བ་མངོན་དུ་བྱེད་པའི་ཕྱིར་དེ་དང་དེ་ལས་བྱུང་བའོ། །དཔེར་ན་ཉི་མའི་སྙིང་པོ་དང་འོད་དང་ཟེར་གསུམ་གྱིས་གོ་བར་བསྟན་པ་ནི་ཕྱོགས་གཅིག་མཚོན་པའི་དཔེའོ། །དོན་ཁྱད་པར་ཅན་མཚོན་པའི་དཔེ་ནི། །མན་ཤེལ་གྱི་སྐུ་ལ་རང་རང་གི་ངོ་བོ་གཞི་ནས་དག་པ་ནི་ཆོས་ཀྱི་སྐུ་ཡིན། སྣ་ཚོགས་འཆར་བ་ནི་སྤྲུལ་པའི་སྐུ་ཡིན། འཆར་བྱ་འཆར་བྱེད་མེད་པ་ནི་ལོངས་སྤྱོད་རྫོགས་པའི་སྐུ་ཡིན་ནོ། །རྟོགས་རུང་མ་རྟོགས་རུང་རང་གི་ངོ་བོ་སྒྲིབ་པ་མེད་པ་ནི། །མན་ཤེལ་དང་སྣང་བའི་ཚུལ་ལོ། །སྣ་ཚོགས་སྣང་བ་དག་པའི་ཡེ་ཤེས། སྟོན་པ་རྡོ་རྗེ་སེམས་དཔས་གསུངས་ནས། སྡུད་པ་པོས་བསྡུས་ཏེ། །མུ་སྟེགས་ཨ་ར་པ་ཙས་བསྟན་པ་འཇིག་པའི་ཚེ། ཤིང་ཙསྡོན་སྦྲུལ་གྱི་སྙིང་པོ་ལྟ་བུ་འདིས། བྷ་ས་ཏྲ་དི་པ་རི་ན་ཎ། སྟི་ཏྲ་པ་ཡ་སྲ་ས་ར་དུ་ས་ཡང་དུ་སྤྱོད་པའི་དུས་སུ། ཨ་རུ་ར་རྣམ་པར་རྒྱལ་བ་འདི། དུག་པརྩི་ཞི་བར་བྱེད་པ། དུག་པ྅་ཙྭ་ན་སྔ་ཕྱི་ཧྭ་ཤང་འབར་ནེ་ཧ་མ་ར་ན་སྤྱོད་པའི་དུས་སུ། མཁའ་འགྲོ་མ་པུཎྜ་ཉེ་བར་ཞི་བས། སོ་སོའི་ལུང་མངོན་དུ་བསྟན་ཏེ།པྲཎྜའི་ནགས་ཚལ་དུ་ཡེ་ཤེས་ཉི་མ་རང་སྣང་བར་བྱས་ཏེ། བདུད་སྡེ་བཞི་ལ་ཡེ་ཤེས་བཞིའི་རྒྱས་བཏབ་པོ། །གསང་གབ་སྦས་པའི་མན་ངག་དམ་པའོ། །པདྨ་འཁྱིལ་པའི་རྒྱུད་ལས། སྭ་ལུ་ལྗང་པའི་ལེའུ་སྟེ་བཅུ་བདུན་པའོ།། །།དེ་ནས་རྡོ་རྗེ་འཆང་གིས་རྟག་པའི་མཐའ་སེལ་འདི་གསུངས་སོ། །རིག་པའི་ཡེ་ཤེས་ལས་ཀྱིས་དབང་དུ་གྱུར་ན། རང་བྱུང་གི་ཡེ་ཤེས་མེད་པར་བསྟན་པ་རིག་པའི་རྡོ་རྗེ་ཡང་འཇིག་བྲལ་མེད་པ་རྒྱུ་རྐྱེན་མེད་དེ། མ་བྱས་མི་བྱེད་བྱར་མེད། རིན་པོ་ཆེ་ལ་འཕེལ་འགྲིབ་མེད་པས་འབྱུང་སྣང་ཟག་པ་མེད་ཤེས་པ་རྒྱུན་འགག་མེད་པས་བདག་ཏུ་རྟོག་པའི་བློ་བྱུང་། ཐིམ་དེ་ཉིད་རང་དང་ནམ་མཁའ་ཆེ་ལུང་ངེས་པའི་དེའི་ངེས་པ། །ཅི་སྟེ་ལས་ཀྱི་དབང་གྱུར་ན། །རང་བྱུང་ཡེ་ཤེས་ཡོད་མ་ཡིན། །ཀུན་ཏུ་བཟང་པོ་ཁྱོད་ཕྱག་འཚལ། །རྩོལ་བ་དང་བྲལ་བའི་ཆོས་ཀྱི་སྐུ་ལ། །ལས་རྒྱ་མཚོ་མཉམ་བཞག་ཏུ་མེད་དེ། ཉི་མའི་སྙིང་པོ་ལ་མུན་པ་གཞི་ནས་མེད་པས། ད་ལྟ་ཡང་མི་སྣང་ཕྱིས་ཀྱང་མི་འབྱུང་ངོ་། །ཉི་མ་རང་དག་པར་ཟེར་ལ་ཟད་པ་མེད། ཟེར་མ་ཟད་པས་འོད་ལ་འགག་པ་མེད་དོ། །མན་ཤེལ་ལ་དྲི་མའི་སྐྱོན་མེད་པས། སྣོད་ཀྱི་རྐྱེན་གང་དང་གང་གི་ངོ་བོ་དེ་ལྟར་སྣང་། སྣང་བའི་དུས་དེ་ཉིད་ན་རང་གི་ངོ་བོ་ལ་སྐྱོན་ཞེན་མེད་པས། སྣང་བའི་དུས་ན་སྐུ་དང་ཡེ་ཤེས་སྣང་བར་ཟད་དོ། །རང་དག་གསལ་སྣང་སྣང་བ་དུ་མ་མ་འགགས་པས་དུ་མ་རང་འདྲེར་མི་བཏུབ་བོ། ཁྲེས་བྱ་རང་གི་ངོ་བོ་དེ་ཀ་དག་གི་ཡེ་ཤེས་རང་སྣང་བ་ཞེས་བྱ་སྟེ། བདེ་གསལ་མི་འགག །མ་འགགས་ཉིད་ཡེ་ཤེས་རང་སྣང་བས་ཐུགས་རྗེ་ལ་འགག་པ་མེད་དེ། རང་བྱུང་རང་ཤར་རང་གསལ་དེ་ལ་རྩོལ་བ་དང་བྲལ་བའི་སྐབས་ཞེས་བྱ། །ཀུན་རིག་རྣམ་པར་སྣང་མཛད་ཁྱོད་ཕྱག་འཚལ། །བསྒྲུབ་མེད་རྩལ་སྤྲུགས་སྨོན་པ་མེད། །བྱར་མེད་ལྷུན་རྫོགས་དེ་ཉིད་དོ། །རིག་པ་རང་བྱུང་ཡེ་ཤེས་རང་སྣང་བས། །ཆུ་བོའི་གཞུང་དང་འདྲ་སྟེ་ཟད་ཅིང་བྲི་བ་མེད། །མུ་སྟེགས་ཨ་པ་ར་ཡི་སྤྱོད་པ་ཅན། །ས་པའི་བྱང་ཆུབ་སེམས་དཔའི་སྤྱོད་པ་ཡན་ཆད། །ཡེ་ཤེས་རང་སྣང་བས་ཁྱད་པར་མེད་པས་རང་བྱུང་ངོ་། །རང་སྣང་ངོ་། །རང་གིས་ཤེས་སོ། །ཡང་དག་པའི་དགོངས་པ་ནི། སངས་རྒྱས་འོད་སྲུངས་ཀྱིས་ཀྱང་དང་པོ་བསྒྲུབ་པ་མེད། །ད་ལྟར་མི་བསྒྲུབ་ཐ་མ་གཞན་དུ་མི་འགྱུར་རོ། །རྒྱུ་རྟོག་གེ་བ་རྣམས་ནི་རྒྱུ་ལ་རྩོལ་བ་བྱས་པསལམ་ལ་མཐར་ཐུག་པ་མེད་དོ། །འབྲས་བུའི་ལམ་པ་ནི། རེ་བ་ལ་མི་འཇོག །སྨོན་པ་ལ་མི་སྡོད་དོ། །བསྒྲུབ་མེད་རྩལ་སྤྲུགས་སྨོན་པ་མེད། དཔལ་རྡོ་རྗེ་སེམས་དཔར་འདུད་ཕྱག་འཚལ། །སྐུ་གསུམ་རྒྱལ་བའི་དགོངས་པ་མཐར་ཕྱིན་པས། །མ་རིག་སྒོ་ལྔའི་སྦུབས་འབྱེད་གསལ་བར་བསྟན། །ཞེས་བཅོམ་ལྡན་འདས་དཔལ་རྡོ་རྗེའཆངཆེནཔོས། སྐུགསུམ་གྱི་བཤད་ལུགས་ལུང་སྦགས་བསམ་གཏན་ལ་ཕབ་སྟེ་ཡིད་ཆེས་པར་ངོ་སྤྲད་ནས་བསྟན་པ་ཞེས་བྱའོ། །པདྨ་འཁྱིལ་པའི་རྒྱུད་ལས། རྟོག་པའི་མཐའ་སེལ་གྱི་ལེའུ་སྟེ་བཅོ་བརྒྱད་པའོ།། །།དེ་ནས་དཔའ་བོ་ཆེན་པོས་བཅོམ་ལྡན་འདས་ལ་སེང་གེ་འགྱིངས་པའི་མདོ་འདི་གསོལ་བ་བཏབ་བོ། །ཐམས་ཅད་མཁྱེན་པ་ཁྱོད་ལ་ཕྱག་འཚལ་ལོ། །ཐུགས་རྗེ་ཆེན་པོ་བདག་གི་བསྟན་པ་ལ། མུ་སྟེགས་ལོག་ལྟ་ཅན་རྩོད་པར་གྱུར་ན། ཐབས་དམ་པ་སྩལ་དུ་གསོལ། ཞེས་རིག་པ་འཛིན་པའི་རྡོ་རྗེ་ཉིད་ཀྱིས་ཞུས་པ་ལས། བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་པ། བདག་གི་བསྟན་པའི་འོག་ཏུ་མུ་སྟེགས་ལོག་ལྟ་སོགས་ཏེ། སྒྲ་ཚིག་དམན་པ་རྣམས་རྩོད་པར་གྱུར་ན། ཡང་དག་པའི་ཆོས་ཉིད་ལ་རྩོད་གཞི་མེད་པས། ལྡེམ་དགོངས་གཉིས་ཤན་དབྱེ། ལྡེམ་པོ་ལ་རྩོད་ན་རྩོད་གཞི་མེད་དེ། དཔེར་ན་ནགས་ཀྱི་ཝ་དང་གངས་ཀྱི་སེང་གེ་ལྟ་བུའོ། །དགོངས་པ་ལ་རྩོད་ན་ཇི་སྲིད་རྩོད་དུ་ཡོད་པ་དེ་སྲིད་དུ་རྩོད་པ་མེད་པར་ཐག་མ་ཆོད་པས་ལན་མི་རིགས་ཏེ། ཕ་རོལ་གྱིས་དགོངས་གཞི་ལ་ མ་་རྟགས་པའི་ཕྱིར་མ་ལྟོས་པའི་ཕྱིར། དཔེར་ན་རྒྱལ་བུ་དང་སྤྲེའུ་ལྟ་བུའོ། །སྤོང་ཞིག་མུ་སྟེགས་ཁ་ཡན་ན། རྡོ་རྗེ་སེམས་དཔའ་མཉམ་པའི་སྐྱིལ་མོ་ཀྲུང་དུ་གནས་པའི་ཚིག་འདིས། སུན་དབྱུང་བ་ནི་འདི་ལྟར་ཤེས་པར་བྱའོ། །ཡང་དག་པར་རྫོགས་པའི་སངས་རྒྱས་ལ། །རྣམ་པར་ཐར་པའི་ལམ་དུ་མངའ། མན་ངག་ཐམས་ཅད་ཀྱི་དོན་གྱི་ཕུགས་གར་ག་ས།སངས་རྒྱས་ཀྱི་དགོངས་པ་ལ་དཔག་ཏུ་ཡོད་དམ་མེད། མེད་ན་དྲི་བ་ཅིའི་ཕྱིར། ཡོད་ན་ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ལ་མཐར་ཐུག་པའི་ཚད་ཅིས་གཟུང་། གཟུངདུ་མེད་ན་དྲེས་པ་ལ་དགོས་པ་ཅི་ཡོད། ཡོད་ན་དཔག་ཏུ་མེད་པའི་དོན་དང་མི་འགལ་ལམ། རྣལ་འབྱོར་པ་རྩོལ་བདང་བྲལ་བའི་སྐབས་དུས་ཅི་ཙམ་ནལགས། ཡང་དག་པར་རྫོགས་པའིསངས་རྒྱས་ལ་ཐམས་ཅད་མཁྱེན་པའིཡེ་ཤེས་ཤར་བའི་དུས་ཅི་ཙམ་ན་ལགས། སངས་རྒྱས་ལ་ཐུགས་རྗེ་འབྱུང་དུས་ཅི་ཙམ་ན་ལགས། འཁོར་བ་དང་མྱ་ངན་ལས་འདས་པ་རྣམ་པ་གཉིས་ལ་རྒྱུ་གཅིག་ལས་མེད་པ་ལ། འབྲས་བུ་ཐ་དད་པ་འདི་དུས་ཅི་ཙམ་ནས་རྐྱེནགང་གིས་བྱས་ནས་འཁྲུལ། རྐྱེན་མེད་པར་ནི་འཁྲུལ་མི་སྲིད་ན་རྐྱེན་དུ་དང་ལྡན། རྒྱུ་ངོ་བོ་གཅིག་ལས་མེད་པར་སེམས་ཅན་བསམ་གྱིས་མི་ཁྱབ་པ་ནི་ལས་ཅི་ལྟ་བུ་ལགས། ཕྱི་སྣོད་ནང་བཅུད་དུ་སྲིད་པཆགས་པ་འདི་དུས་ཅི་ཙམ་ན་རྒྱུ་གང་གིས་བྱས། ཕྱི་སྣོད་ཀྱི་འཇིག་རྟེན་འདི་ཆོསཉིད་ལས་ཐ་དད་དམ་མི་དད། ཐདད་ན་གཞི་ལས་མ་གྲུབཔར་འོང་བར་མི་རིགས་ན་གཏནཚིགས་ཅིའི་ཕྱིར། ཐ་མི་དད་ན་ཇི་ལྟར་ལགས། འཇིག་པའི་དུས་སངས་རྒྱས་འབྱུང་བ་གང་སྔ། སངས་རྒྱས་སེམསཅན་རྒྱབ་གྱེས་པའི་དུས་ཅི་ཙམ་ན་ལགས། སྐྱེ་བ་རྣམ་པ་བཞི་ལ་སེམས་ཅནམིར་སྐྱེ་བའི་རྒྱུ་ཅིས་བྱས། སངས་རྒྱསའབྱུང་བའི་རྒྱུཅིས་བྱས། ཤེས་པས་མ་བཟུང་བའི་ནང་བཅུད་སྣ་ཚོགས་པ་འདི་སྐྱེ་བའི་རྒྱུ་ཅིས་བྱས། དུས་གསུམ་གྱི་སངས་རྒྱས་ཀྱི་དགོངས་པས་བརྒྱུད་པ་ཇི་ལྷར་ལགས། དུས་གསུམ་ཡོད་ནས་བརྒྱུད་དམ་མེད་ནས་ཀྱང་བརྒྱུད།དུས་གསུམ་གྱི་གོ་བ་ཇི་ཙམ་ལ་བྱ། དུས་གསུམ་མེད་ན་མིང་དུ་བརྗོད་ནས་ཅི་བྱེད། བྱིན་གྱིས་བརླབས་ཀྱིས་བཤད་པའི་དུས་ཅི་ཙམ་ལགས། རྡོ་རྗེ་སེམས་དཔའ་རང་དབང་ཐོབ་པའི་དུས་ཅི་ཙམ་ལགས། ཆོས་ཉིད་མ་དང་འཕྲད་པའི་དུས་ཅི་ཙམ་ལགས། ཡེ་ཤེས་རང་ས་ཟིན་པའི་དུས་ཅི་ཙམ་ལགས། རྡོ་རྗེ་ལྟ་བུའི་ཏིང་ངེ་འཛིན་ཐོབ་པའི་དུས་སུ་རྟགས་དུ་དང་ལྡན། རྡོ་རྗེ་སེམས་དཔའི་གཞིའི་གནས་ལུགས་ལ་མན་ངག་གི་སྐབས་དུས་གཏན་ལ་དབབ། མན་ངག་དོན་གྱི་མདོ་དུར་བསྡུ། རྣལ་འབྱོར་པས་ལམ་ཁྱེར་བའི་དུས་སུ་མན་ངག་གི་ཕུགས་གར་གཏིབས། འཁོར་འདས་ཀྱི་ཆོས་ཐམས་ཅད་ཀྱི་ལ་གར་བཟླ། ཞེས་སྟོན་པ་ཉིད་ཀྱིས་གསུངས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རིག་འཛིན་དགའ་རབ་རྡོ་རྗེ་ཡིས། མུ་སྟེགས་ལ་སོགས་ལོག་ལྟ་ཅན་ཚར་བཅད་པའི་ཕྱིར། མན་ངག་གི་མདོ་སུམ་ཅུ་པ་འདི། རྡོ་རྗེ་སེམས་དཔས་སེང་གེ་རྣམ་པར་འགྱིངས་པའི་མདོ་འདི་བཀའ་སྩལ་ཏོ། །དེ་ནས་དགའ་རབ་རྡོ་རྗེས་ཚིགས་སུ་བཅད་དེ་བསྟོད་པ། རྒྱལ་བའི་རྒྱལ་བ་ཡེ་ཤེས་བདག་མེད་སྐུ། །སེང་གེ་རྣམ་པར་འགྱིངས་པས་འགྲོ་དྲུག་དབྱིངས་སུ་བཅད། །བརྗིད་པའི་ཁྲོ་གཉེར་བཟློག་པས་བདུད་དཔུང་ཟིལ་གྱི་མནན། ཁྱུང་ཆེན་མཁའ་ལ་ལྡིང་བས་སྤྱི་རྒྱ་རླབས་ཀྱིས་གཅོད། །མཁའ་གསལ་ཉི་མ་ཤར་བས་མུན་ལས་སྣང་བར་འགྱུར། །ཆོས་ཉིད་རྒྱ་མ་ཆད་པས་ཟད་ཅིང་སྟོངས་པ་མེད། །རིག་པ་དབྱིངས་ན་གསལ་བས་ཐུགས་རྗེ་དབྲི་བཀོལ་མེད། །ཡེ་ཤེས་སྤྱན་དང་ལྡན་པས་ཅིར་ཡང་ས་ལེ་མཁྱེན། །ལུས་ངག་ཡིད་གསུམ་དང་བས་དད་པའི་མཆོག །སྐུ་གསུམ་ཐུགས་ཀྱི་ངང་དུ་མཆོད་པར་བཞེས། །ཞེས་བསྟོད་པའོ། །དུར་ཁྲོད་ཀྱི་བདག་པོ་ཁྲོ་བོ་རྣམ་པར་མི་འཁྲུགས་པ་ཞེས་བྱ་བས། སེང་གེ་རྣམ་པར་འགྱིངས་པའི་མདོ་གསུངས་པའོ། །པདྨ་འཁྱིལ་པའི་རྒྱུད་ལས།སེང་གེ་རྣམ་པར་འགྱིངས་པའི་མདོའི་ལེའུ་སྟེ་བཅུ་དགུ་པའོ།། །།དེ་ནས་རྡོ་རྗེ་སེམས་དཔའི་མཚན་ཡང་དག་པར་རྫོགས་པའི་མདོ་འདི་གསུངས་སོ། །འཇམ་དཔལ་གཞོན་ནུར་གྱུར་པ་ཁྱོད་ཕྱག་འཚལ། །འདས་པའི་དུས་ན་སྔོན་བྱུང་བ། །སངས་རྒྱས་རིན་ཆེན་ཟ་མ་ཏོག །ཆོས་དབྱིངས་རྣམ་དག་སྤྲོས་མེད་ངང་། །མི་གནས་ཡེ་ཤེས་རང་བྱུང་བ། །ཐིག་ལེ་ཉག་གཅིག་ཆོས་ཀྱི་སྐུ། །བསམ་འདས་བརྗོད་མེད་ཁྱབ་པའི་དབྱིངས། །ཡེ་ཤེས་དོན་གྱི་གཞི་མ་ཡིན། །ཚིག་གསུམ་འབྱུང་བའི་བྱང་ཆུབ་སེམས། །ཡེ་ཤེས་རྡོ་རྗེ་མཐའ་ཡས་པས། །ཆོས་ལ་དབང་བསྒྱུར་རྫུ་འཕྲུལ་ཆེ། །སྐྱེ་མེད་གདོད་ནས་དག་པའི་ཕྱིར། །མི་འགྱུར་རྡོ་རྗེ་གསང་བའི་བདག །ཡེ་ཤེས་ཡོངས་སུ་དག་པའི་ཕྱིར། ཁྲེས་རབ་སྤྱན་གསུམ་རྣམ་པར་དག །ཐམས་ཅད་མཁྱེན་པའི་སྐུ་མངའ་བས། བརྡལ་བ་ཆོས་ཉིད་ཡོངས་སུ་གསལ། །ཡོན་ཏན་ཉི་མ་རྫོགས་པའི་ཕྱིར། །ཡིད་བཞིན་ནོར་བུ་རིན་ཆེན་འབར། །ཉོན་མོངས་སྐྱོན་གྱིས་མ་གོས་ཕྱིར། །རང་བྱུང་པདྨའི་དབྱིངས་ནས་རྫོགས། །ཐབས་ཀྱི་ཡེ་ཤེས་མི་འགག་ཕྱིར། །ཐུགས་རྗེ་ཉི་མའི་སྙིང་པོ་འདྲ། །རྫུ་འཕྲུལ་སྟོབས་དང་ལྡན་པའི་ཕྱིར། །གྲོལ་ནས་གྲོལ་བའི་ལམ་ཡང་སྟོན། །བདག་མེད་ཕྱོགས་བྲལ་གདོད་ནས་དག །རྡོ་རྗེ་ལྟ་བུར་རིག་པ་ནི། །འགྲོ་འོང་མེད་ཅིང་འཕེལ་འགྲིབ་མེད། །ཐམས་ཅད་ལུབ་ཆུབ་དབྱིངས་སུ་ཐིམ། །འཇའ་ཚོན་ལྟ་བུའི་སྐུ་མངའ་བས། །ལོངས་སྤྱོད་རྫོགས་པའི་སྐུ་ཡི་མཆོག །མི་བསྐྱོད་དབྱིངས་ནས་རང་བྱུང་བས། །བཅོམ་ལྡན་རྡོ་རྗེ་དབྱིངས་མི་བསྐྱོད། །ཞི་བའི་ཚུལ་གྱིས་འགྲོ་འདུལ་བ། །རྣམ་པར་སྣང་མཛད་ཀུན་ཏུ་བཟང་། །ཇི་བཞིན་མ་བཅོས་རང་བྱུང་བ། །བཅོམ་ལྡན་རྡོ་རྗེ་འཆང་ཆེན་པོ། །ཐོག་མ་མེད་ནས་ད་ལྟའི་བར། །ཉིད་ཀྱི་རང་བཞིན་འགྱུར་མེད་པས། །དཔེར་ན་རིན་ཆེན་གསེར་དང་མཚུངས། །བཅོམ་ལྡན་རྡོ་རྗེ་སེམས་དཔའ་ནི། །རྡོ་རྗེ་ལྟ་བུའི་སྐུ་མངའ་བས། །མི་འགྱུར་རྡོ་རྗེ་སེམས་དཔའ་ཆེ། །སྣང་སྲིད་ཐམས་ཅད་ཉིད་མཁྱེན་པས། །མཁའ་གསལ་ཉི་མའི་སྙིང་པོ་ཆེ། །མ་རིག་མུན་པའི་སྡུག་བསྔལ་སེལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས། རྡོ་རྗེ་ལྟ་བུའི་ཏིང་ངེ་འཛིན་ལས་བཞེངས་ནས། རིགས་ཀྱི་བུ་བསྐལ་པ་ཐོག་མ་མེད་པའི་སྔོན་རོལ་ནས། ངས་མ་བྱས་པ་ནི་འབྱུང་མི་སྲིད་དེ། རིག་པ་ལ་ཕ་མཐའ་མེད་དོ། །ང་ལས་མ་བྱུང་བའི་ཆོས་ནི་འབྱུང་བ་མི་སྲིད་དེ། ཡུལ་ཆོས་ཉིད་ལ་ཕ་མཐའ་མེད་དོ། །ཕྱི་ནང་སྣོད་བཅུད་ཀྱིས་བསྡུས་པའི་ཆོས་ཐམས་ཅད་ནི་ང་ལས་བྱུང་བའི་ཕྱིར། དཔེར་ན་འོད་དང་འོད་འཁྱིལ་བའི་ཚུལ་ལོ། །སྣང་སྲིད་ཐམས་ཅད་ཡེ་ཤེས་སྙིང་པོར་ལ་བཟླ་བ་ནི། རིག་པ་རང་བྱུང་ཡེ་ཤེས་རང་སྣང་བའོ། །རིགས་ཀྱི་བུ་མཚན་མ་མེད་པའི་ཆོས་ཉིད་ལ་བདག་ཏུ་བལྟ་བའི་བློས་མི་དཔྱོད། བརྗོད་པ་ལས་འདས་པའི་ཆོས་ཉིད་ལ་ཚིག་དང་ཡི་གེར་འདོགས་པ་ནི་མ་ཡིན་ནོ། ཁམས་གསུམ་གྱི་སེམས་ཅན་གང་ཡང་རུང་སྟེ། བཅོམ་ལྡན་འདས་རྡོ་རྗེ་སེམས་དཔའི་དེ་བཞིན་ཉིད་དང་གོ་མི་མཉམ་པར། ཡང་དག་པའི་མཐའ་ལ་མི་གནས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དག་པའི་མཐའ་ལ་གནས་པར་འདོད་ན། ཆོས་ཐམས་ཅད་ཀྱི་དེ་བཞིན་ཉིད་རབ་ཏུ་ཤེས་པར་བྱའོ། །ཆོས་ཐམས་ཅད་ཀྱི་དེ་བཞིན་ཉིད་ནི་རང་གི་དེ་བཞིན་ཉིད་དང་གོ་མ་བཅོས་པའོ། །བྱང་ཆུབ་སེམས་དཔའ་སེམས་དཔའ་ཆེན་པོའི་ལུང་གི་ཆེ་བ་ལ་བརྟེན་ནས། ང་ཆེ་བ་འབྱིན་པ་ནི། ནོར་བུ་རྒྱལ་ས་འཛིན་པ་ལྟ་བུའོ། །རིགས་ཀྱི་བུ་ཡང་དག་པའི་ཆོས་ཉིད་ལ་རྩོད་དུ་མེད་དོ། །ལོག་ལྟ་ཅན་ངའི་དེ་བཞིན་ཉིད་ལ་རྩོད་པ་ནི། སེང་གེ་དང་ཝའི་ཚུལ་ཏེ་དེ་ནི་མ་ཡིན་ནོ། །རིགས་ཀྱི་བུ་གང་ཞིག་ང་ལ་རྩོད་དུ་ཡོད་པ་ནི་ཚིག་ཏུ་སྨྲ་བ་མ་ཡིན་ཏེ། ཚུལ་ལ་བརྟག་པ་རབ་ཏུ་གསུངས་པའོ། །དོན་དེ་བཞིན་ཉིད་ལ་གནས་པའི་བྱང་ཆུབ་སེམས་དཔའ་ནི་རབ་ཏུ་དཀའོ། །ཞེས་ཆོས་ཉིད་ཞི་བ་ལས་བཀའ་སྩལ་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས། ཐུགས་ཆོས་ཉིད་མཉམ་པ་ལས་མ་གཡོས་ཀྱང་། སྐུ་འབར་བའི་ཆ་ལུགས་སུ་བསྟན་ནས། མུ་སྟེགས་ལོག་ལྟ་ཅན་ཚར་གཅོད་པའི་ཕྱིར། ང་རྒྱལ་གྱི་གདངས་ཀྱིས་བདུད་དཔུང་ཟིལ་གྱིས་གནན་ཕྱིར། །འདི་སྐད་ཅེས་སྨྲས་སོ། །དུར་ཁྲོད་ཆེན་པོ་རོ་ཡི་གླིང་། །ཀེང་རུས་ཆེན་པོ་གསར་རྙིང་དབུས། །ཅེ་སྤྱང་དང་ནི་གང་ཀ་དང་། །ལིང་དུའི་ཚོགས་ཀྱིས་བསྐོར་བའི་གནས། །གཉེན་པོས་མི་ཤིགས་གཞལ་ཡས་ནས། །བཅོམ་ལྡན་ཟ་བྱེད་ཧེ་རུ་ཀ །ཞལ་གསུམ་ཕྱག་དྲུག་སྐུ་མདོག་མཐིང་། །ཞབས་བཞི་བགྲད་པས་བདུད་བཞི་འཇོམས། །རྟག་པར་གཞོན་ནུའི་ཚུལ་དུ་བཞུགས། །བརྗིད་པའི་ཁྲོ་གཉེར་གྱེན་དུ་བཟློག །འགྱུར་མེད་སྤྱན་དགུ་རབ་ཏུ་བགྲད། །ཟ་བྱེད་མཆེ་བ་གཙིགས་པ་ཡིས། །འཁོར་བའི་སྐྱེ་ཤི་རྩད་ནས་གཅོད། །དབུ་སྐྲ་ཐོར་ཚུགས་གཅིག་ཏུ་འཁྱིལ། །ཧ་ཧ་རུ་ལུའི་སྒྲ་བསྒྲགས་པས། ཁམས་གསུམ་མ་ལུས་དབང་དུ་སྡུད། །ཕྱག་དྲུག་མཚོན་ཆ་ཅིར་ཡང་སྟོན། །མི་འགྱུར་རྡོ་རྗེ་ཐུགས་ཀར་འཛིན། །ལོག་པར་ལྟ་བ་ཤུགས་ཀྱིས་སྒྲོལ། །རྡོ་རྗེ་འཆང་ལ་ཕྱག་འཚལ་བསྟོད། །དེ་ནས་བཅོམ་ལྡན་རྡོ་རྗེ་འཆང་། །མཁྱེན་པའི་མཁྱེན་པ་ཁྱེད་བདག་འདུད། །རྡོ་རྗེ་འཆང་ཆེན་སྟོབས་ཀྱི་བདག །གླང་ཆེན་ཁྱུ་མཆོག་ཁྱོད་བདག་འདུད། །མི་འགྱུར་རྡོ་རྗེར་བརྟན་པའི་སྐུ། །ངེས་པའི་ཡེ་ཤེས་ལ་སྒྲོལ་བ། །ཐུགས་རྗེ་ཅན་ལ་བདག་འདུད་དོ། །ཕ་རོལ་དམག་ཚོགས་ཟློག་བྱེད་པ། །དྲེགས་པ་ཅན་རྣམས་ཚར་གཅོད་པ། ཁྲོ་བོའི་རྒྱལ་པོ་འཇིགས་པའི་གཟུགས། །རྩེ་གཅིག་ཡིད་ཀྱིས་བདག་ཁྱོད་འདུད། །རྫུ་འཕྲུལ་ཆེན་པོ་ཁྱོད་ལ་འདུད། །སྟོབས་ཀྱི་བདག་པོ་སྟོབས་ཀྱི་བདག །བསྟན་པ་གཞན་རྣམས་ཕམ་བྱེད་པ། །སྟོབས་ཀྱི་བདག་པོ་རྡོ་རྗེ་འཆང་། །བཅོམ་ལྡན་རྡོ་རྗེ་སེམས་དཔའ་ལ། །གུས་པའི་ཚུལ་གྱིས་བདག་འདུད་དོ། །ཞེས་ས་བཆི་མགོན་པོ་དགའ་རབ་རྡོ་རྗེས་བསྟོད་པའོ། །པདྨ་འཁྱིལ་པའི་རྒྱུད་ལས། རྡོ་རྗེ་སེམས་དཔའི་ཚུལ་ཡོངས་སུ་རྫོགས་པའི་ལེའུ་སྟེ་ཉི་ཤུ་པའོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་དགོངས་པའི་ངང་ནས། ཆོས་ཀྱི་མ་གཞི་གང་ཟག་གི་ཆ་རྐྱེན་དུ་གསུངས་པ། ཡང་དག་དོན་གྱི་གནས་ལུགས་དང་། སྣང་ལུགས་རྣམ་པར་གཞག་པའོ། །ཆོས་སྐུ་དྲི་མ་མེད་པ་ནི། །དབྱིངས་དང་ཡེ་ཤེས་གཉིས་མེད་ཅིང་། །འཁོར་འདས་གཉིས་སུ་མེད་པར་གནས། །བརྗོད་པས་ཐོག་ཏུ་མི་ཕེབས་སོ། །རང་བྱུང་ཡེ་ཤེས་ཆེན་པོ་ནི། །རྒྱུ་རྐྱེན་ལས་ཀྱིས་མ་བྱས་པས། །རང་བྱུང་ཡིན་ལ་ཆེན་པོ་ཡིན། །གསལ་ལ་མི་རྟོག་ཡེ་ཤེས་ནི། །ལས་ཀྱི་དབང་དུ་གྱུར་པས་ན། །རང་བྱུང་ཡེ་ཤེས་ཆེན་པོར་གནས། །སྐུ་ཡི་གནས་ལུགས་འོད་ཀྱི་སྐུ། །ཞལ་གཅིག་ཕྱག་གཉིས་ཁ་སྦྱར་ཏེ། །དབྱིངས་དང་ཡེ་ཤེས་ཁ་སྦྱོར་གནས། །ཕོ་མོ་མ་ནིང་མཚན་མ་འདོད། །མ་ནིང་མ་ཡིན་པར་གནས་པས། །ཐུགས་རྗེ་འབྱུང་བའི་རྒྱུན་ཅན་ཡིན། །གསུང་གི་གནས་ལུགས་དོན་གྱི་གསུངས། །མ་བརྗོད་བརྗོད་འདྲར་གོ་བ་ནི། །རིག་པའི་གསུང་ཆེན་བརྡའ་སྤྲད་པས། །དེ་ལས་སྒྲ་གཅིག་འབྱུང་དུས་གསུངས། །ཐུགས་ནི་རིག་པ་འགག་མེད་དེ། །དེས་ནི་ཐམས་ཅད་གསལ་བར་མཁྱེན། །དབུགས་མེད་མི་རྟོག་མཁྱེན་པའི་ཐུགས། །དེ་ནི་རིག་པ་མི་འགྱུར་བའོ། །དབྱིངས་ནི་སྟོང་ཞིང་བདག་མེད་པས། །རིག་པའི་ཡུལ་དུ་བརྗོད་མི་ཤེས། །དག་ཅིང་སྟོང་ལ་ཡངས་ཤིང་ཁྱབ། །དེ་ནི་ཡུལ་ལྟར་སྣང་བ་ནི། །སྐུ་དང་ཡེ་ཤེས་ཀུན་གནས་པས། །དབྱིངས་ཀྱི་གནས་ལུགས་ཞེས་བྱ་སྟེ། །གནས་ལུགས་དྲུག་པ་ཞེས་བྱ་བ། །ཆོས་ཉིད་ངང་ན་ཆོས་སྐུ་བཞུགས། །ཆོས་སྐུའི་སྐུ་གསུང་ཐུགས་ཡིན་ཏེ། །དུས་གསུམ་འདུ་འབྲལ་མ་མྱོང་བས། །སྐུ་གསུམ་ཆོས་ཀྱི་སྐུ་ལས་བྱུང་། །ཆོས་སྐུ་རིག་པ་སྟོང་གསལ་ངང་། །ཆོས་ཀྱི་ཡུལ་དུ་སྣང་བ་གཉིས། །སྟོང་པ་ཟང་ཐལ་དབྱེར་མེད་པས། །སྐུ་དང་ཡེ་ཤེས་གནས་ལུགས་ཡིན། །དེ་ལས་ཤེས་པ་བྲེང་ཙམ་བྱུང་། །དེ་ནི་རིག་པ་ཙམ་ཡིན་ཡང་། །དགེ་དང་མི་དགེ་མི་གནས་ཕྱར། །དེ་གཉིས་གང་ལྟར་མ་རིག་པས། །མ་རིག་པ་ཞེས་སྟོན་པས་བཏགས། །དོན་ལ་གདགས་པར་བྱ་བ་མེད། །དེ་ལས་རགས་པར་བྱུང་བ་ཡང་། །ཕ་གི་ཅི་ཡིན་བྱ་བ་ཙམ། །དབྱིངས་ཉིད་སྟོང་པ་ཕྲ་བ་ཙམ། །དེ་ལ་ལོག་པར་བལྟ་བར་བྱུང་། །དེ་བས་རིག་པ་སྣང་བ་ཡང་། །སྣང་ལ་ལུས་སེམས་ང་ཡིར་འཛིན། །སྐད་ཅིག་ཙམ་ལས་ལོག་པར་རྟོག །ཕྱི་ལ་ང་ཡི་ཡུལ་ཙམ་དུ། །སྣང་བའི་ཞེན་པ་བྱུང་བ་ནི། །དབྱིངས་ལས་ཡུལ་དུ་གཟུང་བ་ཡིས། །ཡུལ་ཙམ་སྣང་བ་དག་ལ་རྟོགས། །གཟུང་དང་འཛིན་པ་སྣང་ཞེས་བྱ། །དེ་བས་རགས་པ་ལོག་པར་ཞེན། །དེ་ནི་ནང་གི་ང་ཡིན་ཏེ། །ཉེར་ལེན་ཕུང་པོ་ལྔ་པོ་ལ། །ཞེན་པར་སྣང་བ་ང་ཡིན་ཏེ། །ཆོས་ཀྱི་ཕུང་པོ་སྐྱེ་མཆེད་ཁམས། །གཟུགས་ལ་སོགས་པ་ཐམས་ཅད་ལ། །ལོག་པར་ཞེན་པར་བྱེད་པའོ། །དེ་ནས་ལོག་པར་ཆགས་པའོ། །དེ་ལས་ལོག་པར་ཞེ་སྡང་སྟེ། །དེ་ནས་དམྱལ་བར་སོང་བའོ། །སེར་སྣ་ཡི་དྭགས་ལུས་ལེན་ཅིང་། །གཏི་མུག་བྱོལ་སོང་གནས་སུ་སྐྱེ། །འདོད་ཆགས་མི་ལ་ང་རྒྱལ་ལྷ། །ཕྲག་དོག་ལྷ་མ་ཡིན་དུ་འཁྲུལ། །འཁོར་བ་ལུགས་སུ་འཇུག་པའོ། །འཁོར་བ་ལྡོག་ན་རྒྱུ་ནས་ལྡོག །མ་རིག་པ་ཉིད་རྩད་ནས་བཅད། །རང་རིག་དང་པོའི་སོ་ལ་བཞག །འཁྲུལ་པ་ལོག་པར་ཐེ་ཚོམ་མེད། །ཆོས་ཀྱི་མཐའ་ཡང་གང་ཡིན་ན། །ཆོས་སྐུ་གཉིས་མེད་ཆེན་པོ་ནི། །གཞི་རྩ་མེད་པའི་སེམས་ཉིད་འདི། །ཆོས་རྣམས་ཀུན་གྱི་རྩ་བ་ཡིན། །བརྗོད་པས་ཐོག་ཏུ་མི་ཕེབས་པས། །ཆོས་ཀྱི་དེ་ལས་བྱུང་བའི་འབྲེལ། །སྐུ་གསུམ་དབྱིངས་ནས་ཡེ་ཤེས་དང་། །མཚན་དང་དཔེ་བྱད་ལྟར་སྣང་བ། །དེ་ལས་ལོག་སྟེ་མ་རིག་པས། །བསྡུས་པ་ཐམས་ཅད་ཆོས་ཅན་ནོ། །དེ་རྣམས་ཀུན་གྱི་མཐས་ག་ས་པ། །ཆོས་ཀྱི་མཐར་ཐུག་ཅེས་བྱ་སྟེ། །འཁོར་བ་ལུགས་ལས་ལྡོག་པའོ། །སྐུ་ཡི་ངོ་བོར་གལས་པ་ནི། ཁུ་དང་རྐྱེན་གྱིས་མ་བསྐྱེད་དེ། །འོད་གསལ་སྒྱུ་མའི་སྐུ་ཡིན་པས། །གཉིས་མེད་བརྗོད་པར་མི་ནུས་སོ། །ཆོས་ཀྱི་དབྱིངས་ཀྱི་མདོར་གཏུགས་ན། །རིག་པའི་ཡུལ་ལྟར་སྣང་བ་ཡང་། ཁེན་ཏུ་ཕྲ་བའི་སྟོང་ཉིད་འདི། །རིག་པ་སྟོང་པ་དབྱེར་མི་པྱེད། །བརྗོད་པར་རབ་ཏུ་དཀའ་བའོ། །དབྱིངས་ནི་མུ་མཐའ་བྲལ་བར་ཐུག ཁུ་ཡི་ངོ་བོར་གཏུགས་པ་ན། །ཀུན་རྫོབ་སྣང་བ་འཁོར་བའི་རྒྱུ། །འདས་པར་སྣང་བ་དོན་དམ་རྒྱུ། །འཁོར་འདས་གཉིས་སུ་སྣང་བའོ། །རྒྱུ་ཡི་ངོ་བོ་ཆོས་ཉིད་ཡིན། །ཆོས་ཉིད་སྐྱེ་བ་མེད་པར་ཐུག །ལམ་གྱི་སྟོབས་སུ་གཏུགས་པར་བྱ། །ཐེག་པ་རིམ་པའི་ལམ་རྣམས་ཀྱི། །ནང་ནས་ལམ་སྟོབས་གང་ཆེ་ན། །སྐུ་ལས་ལམ་དུ་བྱེད་པས་ན། །འབྲས་བུ་ཉིད་ལས་ལམ་ཤེས་པས། །ལམ་ཉིད་སྐུ་ལ་ཐུག་པས་ན། །ལམ་ལ་བགྲོད་དུ་མེད་པའོ། །བགྲོད་མེད་ལམ་ལ་གནས་པར་བྱ། །སྤང་བར་བྱ་བའི་རྒྱུ་གང་ཡིན། །མ་རིག་པ་དང་ལོག་ལྟ་དང་། །ལོག་རྟོག་གཉིས་འཛིན་ཐེ་ཚོམ་རྣམས། །རྩད་ཆོད་ནས་ནི་རང་དེངས་འགྲོ། །འབྲས་བུའི་གདེང་དུ་ག་ས་བྱས་ནས། །མ་རིག་ཁ་ནི་ནང་དུ་བལྟས། །རིག་པས་འཁོར་འདས་ཆོས་རྣམས་ཀུན། །ཆོས་ཀྱི་སྐུ་ལས་བྱུང་བར་ཤེས། །ཀུན་རྫོབ་རྣམ་གྲངས་བརྗོད་འདས་ཀྱང་། །འཁོར་བའི་ཆོས་ལ་འདུས་པ་ཡིན། །མྱ་ངན་འདས་པ་དོན་དམ་ཉིད། །དོན་དམ་གྲངས་མེད་འདི་རུ་འདུས། །དེ་དག་ཐམས་ཅད་སྣང་བ་ཡང་། །ཆོས་ཀྱི་སྐུ་ལས་ཐ་མི་དད། །ཡུལ་གྱིས་ཡེ་ཤེས་ཀློང་བརྡོལ་བ། །བག་ཆགས་སྦུབས་ཀྱི་སྣང་བ་ལ། །ཡེ་ཤེས་བཞི་དང་ལྡན་པས་ན། །བྱ་བ་གྲུབ་པའི་ཆ་ལ་གནས། །སྒྱུ་མའི་ལུས་ལ་ཡེ་ཤེས་ལྔ། །ཡེ་ཤེས་ལུས་ཅན་དེ་བཞིན་གཤེགས། །ཡོན་ཏན་སྐུ་ཡི་ཀློང་བརྡོལ་བ། །ཐུན་མོང་ཡོན་ཏན་སྣང་བ་ཡང་། །འགྲོ་འོང་མེད་དང་འདུ་འབྲལ་མེད། །སྐྱེ་འགག་མེད་དང་འཕེལ་འགྲིབ་མེད། །གཅིག་པ་ཐ་དད་མེད་པའོ། །ཐུན་མོང་མ་ཡིན་ཡོན་ཏན་ནི། །ལོག་པའི་ཡོན་ཏན་སྣང་བ་ཡང་། །ལུས་དང་ངག་དང་ཡིད་གསུམ་མོ། །ཡང་དག་པ་ཡི་ཡོན་ཏན་ནི། །སྐུ་དང་གསུང་དང་ཐུགས་སུ་སྣང་། །འཁོར་འདས་གཉིས་སུ་སྣང་བ་ཡང་། །ཀུན་ལ་ཁྱབ་པར་གནས་པ་དང་། །གཟུགས་ཅན་མ་ཡིན་འགྲོ་འོང་མེད། །དུས་ནི་ཐམས་ཅད་པ་ཡིན་ནོ། །སེམས་ཀྱི་གདར་ཤ་གཅད་པར་བྱ། །ལྷག་མཐོང་རིག་པའི་ཡེ་ཤེས་ཀྱིས། །མ་རིག་པ་ཡི་གདར་ཤ་བཅད། །ཆོས་སྤྱི་རང་གི་མཚན་ཉིད་ཀྱིས། །ཐེ་ཚོམ་གདར་ཤ་གཅད་པར་བྱ། །ལམ་དང་བྱ་བའི་ཡེ་ཤེས་ཀྱིས། །ལམ་དང་ཡེ་ཤེས་གདར་ཤ་བཅད། །བསྒོམ་པའི་དམིགས་ནི་བསྟན་པར་བྱ། །འཁོར་འདས་གཅིག་པར་གྱུར་པ་ཡི། །རིག་པ་ཆོས་སྐུ་སྟོང་གསལ་བསྒོམ། །ཡེ་ཤེས་ཆེན་པོའི་ངང་ལ་བཞག །སྒྲིབ་པའི་སྐྱོན་ཡང་བསལ་བར་བྱ། །སྐྱོན་ཡང་རང་བཞིན་བསལ་མི་དགོས། །མི་དགོས་པ་ཡི་དཔེ་གསུམ་བསྟན། །མར་མེ་དང་ནི་ཉི་མ་དང་། །ནོར་བུ་ཆུ་འདངས་ལྟ་བུའོ། །དེས་ན་སྒྲིབ་པ་རང་དེངས་འགྲོ། །འབྲས་བུའི་རང་བཞིན་རྒྱུ་གཅིག་པ། །བཙལ་མི་དགོས་པའི་རང་བཞིན་གནས། །ད་ལྟར་བག་ཆགས་ལུས་གནས་པས། །འོད་བཟང་འབར་བའི་དཔལ་བེལྭ །དེ་ཉིད་སྦུབས་འཕོ་མཁའ་ལ་འཆར། །ཡེ་ཤེས་སྣང་བ་ལམ་མེ་བ། །དེ་དང་མི་འབྲལ་འགྲོགས་པ་ནི། །ལག་ན་འོད་འབར་སྣང་བའོ། །རང་གི་རང་ངོ་ཤེས་པ་ནི། །འགྲོ་བའི་མར་མེ་ཡེ་ཤེས་སྒྲོན། །རིན་ཆེན་སྦུབས་སུ་གནས་པ་ནི། །གཟི་བརྗིད་ཆེན་པོ་བལྟ་ན་སྡུག །དེ་ཀུན་ཐིག་ལེ་གཅིག་ཏུ་གནས། །རང་བཞིན་ལྡན་པའི་འབྲས་བུའོ། །མན་ངག་རྫོང་ཆེན་རྣམ་པ་གསུམ། །འབྲས་བུའི་གཏེར་གསུམ་སྦ་པའོ། །བྱང་ཆུབ་སེམས་ཀྱི་རྫོང་ལ་ནི། །ཐིག་ལེ་ཉག་གཅིག་གཏེར་སྦའོ། །ཐིག་ལེ་ཕྱི་ནང་རྩལ་རྫོང་ལ། །ཀུན་བཟང་རོལ་པའི་གཏེར་སྦའོ། །ཡིད་ཀྱི་རྣམ་ཤེས་རྫོང་ཆེན་ལ། །རང་བྱུང་ཡེ་ཤེས་གཏེར་སྦའོ། །མཉམ་པ་ཆེན་པོ་མི་གཡོ་བས། །རྫོང་ལ་གཏེར་སྦས་རྒྱས་གདབ་བོ། །སྟོང་ཐུན་མ་གཞིའི་མན་ངག་འདི། །སྟོན་པ་རྡོ་རྗེ་འཆང་ཆེན་གྱིས། །དགའ་རབ་རྡོ་རྗེ་ཉིད་ལ་བཤད། །ཆོས་ཀྱི་མ་གཞི་ཞེས་བྱའོ། །དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་གང་ཟག་ལམ་གྱི་ཆ་རྐྱེན་ཡང་གསུངས་པ། དང་པོ་ཐུག་སར་གཏུགས་པ་དང་། །བར་དུ་འགྲོ་སར་བཏང་བ་དང་། །ཐ་མ་འདུག་སར་བཞག་པའོ། །འཁྲུལ་གཞི་རྩད་ནས་བཅད་པ་དང་། །འཁྲུལ་པ་གཞི་ལ་ལྡོག་པ་དང་སངས་རྒྱས་པ་དུས་མཉམ་མོ། །ཆོས་ཉིད་མ་དང་འཕྲད་པའི་དུས་དང་། །རྡོ་རྗེ་སེམས་དཔའ་རང་དབང་ཐོབ་པའི་དུས་དང་། །ཡེ་ཤེས་རང་ས་ཟིན་པའི་དུས་སོ། །ཞེས་རིན་པོ་ཆེ་དྲ་བའི་དགོངས་པ་མིག་མང་རིས་ཞེས་བྱ་བར་གསུངས་སོ། །དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་རིན་པོ་ཆེ་གཏེར་གྱི་འབྱུང་གནས་ཞེས་བྱ་བ་གང་ཟག་ལམ་གྱི་ཆ་རྐྱེན་འདི་གསུངས་སོ། །རྫོགས་པ་ཆེན་པོ་ཕྱིན་ཅི་མ་ལོག་པའི་མན་ངག་མངོན་དུ་ཕྱུང་བ་འདི་ལ་ལྔ་སྟེ། ཆོས་ཉིད་བྱང་ཆུབ་སེམས་ལས་འཁྲུལ་པ་བྱུང་བའི་ཚུལ་བསྟན་པ་དང་། དེ་གང་ལ་བརྟགས་ཏེ་བྱུང་བར་བསྟན་པ་དང་། བརྟགས་ནས་ངེས་པའི་དོན་ལ་བསྒོམ་པ་བསྟན་པ་དང་། རང་བྱུང་ཡེ་ཤེས་མངོན་དུ་ཤར་བའི་དུས་བསྟན་པ་དང་། དབུ་མ་སེམས་ཙམ་གྱི་གོལ་ས་བཅད་ཅིང་རྒོལ་བ་ཕྱིར་རྒོལ་གྱི་ཐེ་ཚོམ་བཅད་པར་བསྟན་པའོ། །དེ་ལ་ཡང་གསུམ་སྟེ། དང་པོ་དངོས་པོའི་གནས་ལུགས་བསྟན་ཏོ། །བར་དུ་གཟུང་འཛིན་གྱི་འཁྲུལ་པ་བསྟན་ཏོ། །ཐ་མར་འབྲས་བུ་ཐོབ་པའི་དུས་བསྟན་ཏོ། །མན་ངག་གསུམ་སྟེ། རྒྱལ་པོའི་གདུང་མི་འགྱུར་བའི་ལྟ་བས་ཡིད་ཆེས་བསྐྱེད། འཁོར་བ་ཐོག་མཐའ་གཅོད་པའི་མན་ངག་གི་གཟེར་གདབ། ཕྱིར་མི་ལྡོག་པའི་སྙིང་པོ་སེམས་ཀྱི་འབྲས་བུར་གནས་སོ། །འདི་ལ་གོལ་ས་གསུམ་སྟེ། བལྟ་བའི་གོལ་ས་དང་། མན་ངག་གི་གོལ་ས་དང་། འབྲས་བུའི་གོལ་སའོ། །འདི་ལ་བསྒོམ་པའི་ཐབས་ཀྱིས་བསྒོམ་པ་ནི་གསུམ་སྟེ། ཀུན་བཟང་ངང་ལ་གནས་པས་ངང་ཀུན་ཏུ་བཟང་པོ། །མཁའ་དབྱིངས་ཀློང་ཀུན་ཏུ་བཟང་མོ། །རྟོགས་པ་ཀུན་ཏུ་བཟང་པོའོ། །རང་བཞིན་གསུམ་ནི། རང་བཞིན་སྙིང་པོ་མེད་པ། རང་བཞིན་བདེ་བ་ཆེན་པོ། །རང་བཞིན་སྙིང་པོ་ཅན་ནོ། །ལ་བཟླ་བ་གསུམ་ལ་རྒྱུའི་ཆོས་སུ་ལ་བཟླ་བ་དང་། འབྲས་བུའི་ཆོས་སུ་ལ་བཟླ་བ་དང་། རྒྱུ་འབྲས་གཉིས་མེད་དུ་ལ་བཟླ་བའོ། །ཞེས་རིན་པོ་ཆེ་གཏེར་གྱི་འབྱུང་གནས་སུ་གསུངས་སོ། །པདྨ་འཁྱིལ་བའི་རྒྱུད་ཆེན་པོ་འདི། །རྡོ་རྗེའཆངཆེནརྒྱལ་བ་ཡིས། །མཁའ་འགྲོ་མ་ལ་སོགས་པ་ལ། །དགོངས་པ་བརྒྱུད་ནས་བཤད་པ་ཡིན། །འཁོར་རྣམས་དགྱེས་ནས་རབ་ཏུ་བསྟོད། །རྒྱལ་བ་དགོངས་པས་བརྒྱུད་པ་ཡིས། །ཕྱི་རབས་རྣལ་འབྱར་དབང་ཕྱུག་རྣམས། །སངས་རྒྱས་ཞལ་ནས་གསུངས་པ་ན། །ཡད་ཆེས་འགྱུར་བས་རབ་ཏུ་དད། །རག་འ ན་ ག་པའ་བརྡས་བརྒྱུད་པས། །ཟབ་མོའི་མན་ངག་རྒྱ་ཆེར་འགྱུར། །གང་ཟག་སྙན་