Klong chen rab byams gsung 'bum/volume 006 159

From Rangjung Yeshe Wiki Texts
Jump to navigationJump to search


༄༅། །གཏེར་གྱི་ཁ་བྱང་བཞུགས་པའོ༔ མངྒ་ལཾ༔ ཿ

« བདག་འདྲ་པད་མ་འབྱུང་གནས་ཀྱིས༔ ཡང་ཅིག་གཏེར་གྱི་ཁ་བྱང་བསྟན༔ བྱར་ཞེས་བྱ་བའི་ལུང་ཕུ་ན༔ ལྷ་རི་བཟིས་པོ་ཞེས་བྱའི་རི༔ འབྲུ་ཕུང་སྤུངས་པ་ལྟ་བུའི་རྩེ༔ ཡིད་ཙམ་ལྷོ་རུ་ཉེ་བ་ན༔ མན་ཤེལ་དག་ལས་གྲུབ་པ་ཡི༔ རྡོར་སེམས་སྐུ་ནི་ཁྲུ་གང་ལ༔ དེ་ཡི་ནང་དུ་བལྟས་པ་ཡིས༔ ཞི་ཁྲོ་ལོངས་སྐུའི་ལྷ་ཚོགས་ནི༔ ཡུལ་ཁམས་ཙམ་དུ་འཆར་བ་ཡོད༔ དེ་ཡི་ཟླ་ལ་རྡོ་རྗེ་སེམས་དཔའ་ཡི༔ ངོ་སྤྲོད་གནད་ཀྱི་མན་ངག་བཅུ་དྲུག་ཡོད༔ གསེར་གཡུ་རིན་ཆེན་བྲེ་གང་ཡོད༔ ས་མ་ཡ༔ རྒྱ་རྒྱ་རྒྱ༔ ཙཱ་རི་དག་གི་ལ་སོ་ན༔ རྟ་གདོང་འདྲ་བའི་བྲག་ཅིག་ཡོད༔ དེ་ཡི་རྩེ་བས་དམའ་བ་ན༔ རྟ་མགྲིན་དབང་གི་སྒྲུབ་རྒྱུད་ནི༔ ཟངས་ཀྱི་རྟ་མགོ་གང་ཙམ་ཡོད༔ རྒྱ་རྒྱ་རྒྱ༔ བོས་ཀྱི་རྡོ་མཚན་འདྲ་བའི་འོག༔ ཌཱཀྐི་དག་གི་སྒྲུབ་སྐོར་ནི༔ རིགས་མི་འདྲ་བ་བརྒྱ་རྩ་ཡོད༔ དབང་སྡུད་མན་ངག་ཁྲི་དང་བདུན་གསུམ་ཡོད༔ རྩཱ་རིའི་ལམ་ཡིག་རྣམ་བདུན་དང་༔ རྔམ་པ་སྒྲ་སྒྲོགས་ལམ་ཡིག་དང་༔ བསིལ་བ་ཚལ་གྱི་ལམ་ཡིག་ཡོད༔ རྒྱ་རྒྱ་རྒྱ༔ བྱར་ཕུ་ཤམ་མདའ་ཞེས་བྱའི་ཡུལ༔ བྲག་ནི་སྟག་མོ་གནམ་དུ་མཆོངས་འདྲ་ལ༔ བཀའ་བརྒྱད་ཕུར་པ་གཤིན་རྗེའི་མན་ངག་སྐོར༔ གྲངས་ལས་འདས་ཏེ་ཤོག་སེར་ཁུར་ཅིག་ཡོད༔ རྒྱ་རྒྱ་རྒྱ༔ དྭགས་ཀྱི་སྒམ་པོ་ཟངས་ལུང་ན༔ བྲག་ནི་རལ་པ་གནམ་དུ་བརྫེས་འདྲ་ལ༔ བྲམ་ཟེ་སྐྱེ་བདུན་རྐང་རུས་ཤ་རྣམས་དང་༔ དེའི་དབུ་ལ་ཕག་མོ་ལྷ་ལྔ་བྱོན་པ་ཡོད༔ རྒྱ་རྒྱ་རྒྱ༔ དེའི་ཤར་གྱི་ཀོང་པོ་ད་ལ་ན༔ ཕ་བོང་དམར་པོ་སྙིང་གི་གཟུགས་འདྲ་ལ༔ དེའི་འོག་ན་དར་ཟབ་རིན་ཆེན་སྣ་ལྔའི་གཏེར་ཡོད༔ རྒྱ་རྒྱ་རྒྱ་༔ «ཀོང་པོའི་«བུ་ཆུ་ལྷ་ཁང་ཞེས་བྱའི་གཙུག་ལག་ན༔ མ་ཐེམ་དག་གི་གཡས་དག་ན༔ རེས་བཞི་དག་ལ་བྲུས་པ་ན༔ གསེར་གྱི་ཕྱེ་མ་ཕུལ་གང་ཡོད༔ རྒྱ་རྒྱ་རྒྱ༔ ༔ཀོང་པོ་བ་ཡོ་ཞེས་བྱའི་ལ་བརྒལ་བ་ན༔ མཚོ་དཀྱིལ་བོ་དོ་གཅིག་ལ་ནི༔ འཆི་མེད་ཚེ་ཆུའི་གཏེར་ཡོད་དོ༔ རྒྱ་རྒྱ་རྒྱ༔ གཞན་ཡང་༔ བྱར་སྨད་ཨ་ཤུའི་མདུན་ན་ནི༔ མཆོད་རྟེན་དག་གི་བུམ་པ་ན༔ ཚེ་སྒྲུབ་སྨན་གྱི་བཅོས་ཀ་མང་དུ་ཡོད༔ འདི་རྣམས་ཀྱི་ལྡེ་མིག་ཟང་ཡག་བྲག་ལ་ཡོད༔ ཀུན་ལ་མི་བསྟན་གསང་ཞིང་སྦ་བར་བྱའོ༔ ས་མ་ཡ༔ རྒྱ་རྒྱ་རྒྱ༔ ཁ་ཐམ༔ རྒྱ་རྒྱ་རྒྱ༔ »༄༅། །རྒྱལ་སྲས་ལེགས་པའི་ལུང་བསྟན་ནོ༔

« དྲི་མེད་ཤེལ་དཀར་མགོན་སྐྱིད་ཁྱོད༔ འཁྲུལ་ནས་བཟང་ངན་རྟོག་དཔྱོད་ཀྱང་༔ ཐེག་ཆེན་ལམ་ལ་གུས་པས་ཞུགས༔ འདི་ནས་སྐྱེ་བ་བཅུ་བདུན་ན༔ ཚེ་ལོ་ལྔ་བཅུ་ཁ་རལ་དུས༔ ཁ་བ་ཅན་གྱི་དབུས་ཀྱི་ཆ༔ དཀར་པོ་གླིང་ཕྲན་གཉལ་གྱི་ཡུལ༔ གསེར་གྱི་སྡིག་པ་གབ་འདྲ་ཡི༔ ལུང་པ་ཆུ་དཀར་ཤར་ལྷོར་བལྟ༔ གསད་གསོ་སྔགས་ཀྱི་རྒྱུད་འཛིན་བུ༔ རྡོ་རྗེའི་རིགས་ལྡན་ཡུམ་ལ་བལྟམས༔ པདྨའི་རིགས་ཡིན་དོན་བློ་ལྡན༔ འཁོར་བའི་ཆ་འཛིན་དེས་མ་གོས༔ ཨོ་རྒྱན་ཆོས་ཀྱིས་རང་རྒྱུད་གྲོལ༔ དེ་ཕྱིར་འཁོར་བ་ཅིག་»ཆོ«ད་སོགས༔ སེམས་ཅན་ཀུན་དོན་དེ་ལ་གཏོད༔ གསང་སྔགས་སྙིང་པོའི་མཐར་ཐུག་འདི༔ བཀྲག་ཆུང་རྡོ་རྗེ་བྲག་ལ་སྦེད༔ གཏེར་སྲུང་མཁའ་འགྲོ་ནག་མོ་གྱིས༔ གཏེར་འདི་ཀླུ་བཙན་ཁྱོད་ལ་གཏད༔ ལས་ལྡན་སྙིང་གི་བུ་ལ་གཏོད༔ ལས་མེད་བྱུང་ན་མ་སྦྱིན་ཅིག༔ ཅེས་པ་འདི་རྫོགས་ཆེན་འཁོར་བ་ཆིག་ཆོད་ཀྱི་གཤམ་ན་འདུག་གོ༔ » «༄༅»།« »།«ཡང་ཟབ་མཁའ་འགྲོ་སྙིང་ཐིག་འདི༔ ཀུན་ལ་མ་སྤེལ་ཉམས་སུ་ལོངས༔ སྤེལ་དྲགས་སྣོད་མིན་དམ་སེལ་བྱེད༔ དེ་ཡི་སྐུ་ཚེ་ཚད་མི་ཕྱིན༔ བརྒྱུད་འཛིན་ཉེར་ཅིག་ལྔ་བཤད་པ༔ གཅིག་གིས་ཚུལ་དང་ལྡན་པས་སྤེལ༔ ཤེལ་དཀར་སྐྱེ་བ་བཅུ་བདུན་ན༔ ཤམ་པོ་གངས་ཀྱི་ཤར་ལྷོ་ངོས༔ རིགས་ལྡན་ཆུ་ཁམས་སྟག་ལོ་པ༔ སྦས་ཚུལ་འཁོར་བའི་ཆ་འཛིན་ཅིང་༔ ཞེན་པ་ཆུང་ཞིང་ངང་རྒྱུད་རིང་༔ སྙིང་སྡར་ཚེ་རིང་ལོངས་སྤྱོད་ཆུང་༔ སྙིང་ཐིག་ཐབས་ཀྱི་ཆ་ཡིན་པས༔ བརླ་གཡས་པ་ཡི་ནང་ལོགས་ལ༔ ཤ་སྨེ་འཁའ་འགྲོའི་སྤྱན་འདྲ་ཡོད༔ སྐྱེས་བུ་དམ་ལྡན་ལེགས་པ་ཞེས༔ ཟབ་མོ་ཆོས་ཀྱི་བསྟན་པ་སྤེལ༔ སྐྱེས་མཐའི་བྱང་སེམས་མིན་རེ་ཀན༔ འདི་ཡིས་འགྲོ་དོན་སྤེལ་བ་ཡོད༔ ས་ལ་གནས་པའི་བྱང་སེམས་ཀྱིས༔ རྒྱ་གར་རྒྱ་ནག་སིང་ག་དང་༔ བོད་ཡུལ་ཀུན་ཏུ་འཕེལ་བ་འགྱུར༔ གཞན་ཡང་བཤེས་གཉེན་དམ་པ་དང་༔ ལམ་བསྒོམ་ཐེག་ཆེན་རིགས་རྣམས་མོས༔ ཕལ་བའི་འགྲོ་བ་མོས་འདུད་ཉུང་༔ འདི་དང་འཕྲད་ཚད་དོན་ཆེན་འགྱུར༔ ཅེས་པ་མཁའ་འགྲོ་སྙིང་ཐིག་གི་ནང་ན་འདུག་གོ༔ ཨྠིྀ༔«མེས་པོའི་ཤུལ་བཞག་ལས། ཀློང་ཆེན་རབ་འབྱམས་ཀྱི་གསུང་འབུམ། ༼༦༽གཏེར་གྱི་ཁ་བྱང༌།

»- PAGE 136 -- PAGE 137 -- PAGE 135 -