Klong chen rab byams gsung 'bum/volume 006 149

From Rangjung Yeshe Wiki Texts
Jump to navigationJump to search


༄༅། །བཏགས་གྲོལ་ཕྲན་དྲུག་གི་ཏི་ཀ་བཞུགས་པ་ལགས་སོ༔ « «རྩལ་དབང་གི་ཏི་ཀ་རིག་པའི་སྒྲོན་མེ་བཞུགས་སོ༔« » EMBED Photoshop.Image.7 \s «རང་རིག་ཡེ་ཤེས་ལྷ་ལ་ཕྱག་འཚལ་ལོ༔ དེ་ནས་ཀུན་བཟང་ཡབ་ཡུམ་གྱི༔ སྨིན་བྱེད་རིག་པའི་རྩལ་དབང་བསྐུར༔ ཅེས་པས་སངས་རྒྱས་དགོངས་པ་འདུས་པ་བཀའ་རབ་འབྱམས་རིག་པའི་རྩལ་དབང་བསྐུར་བའི་ཐབས་འདི་ལ་གསུམ་སྟེ༔ སྦྱོར་བ་དངོས་གཞི་རྗེས་སོ༔ དེ་ཡང་མཚན་ཉིད་ལྡན་པའི་བླ་མ་ཡིས༔ སྐལ་བར་ལྡན་པའི་སློབ་བུ་ལ༔ རབ་འབྱམས་དབང་བསྐུར་གསུམ་དུ་བསྟན༔ ཅེས་པས་སོ༔ བླ་མ་རྡོ་རྗེ་འཛིན་པ་ལ༔ མེ་ཏོག་ལན་དང་བཅས་ཏེ་ཞུ༔ ཞེས་པས༔ དང་པོ་བླ་མ་ལྟ་དགོངས་མན་ངག་དང་ལྡན་པ་ལ་སངས་རྒྱས་ཀྱི་འདུ་ཤེས་བསྐྱེད་ལ་མེ་ཏོག་ཕུལ་ཏེ༔ དབང་གི་ཞུ་བ་ཡང་ཡང་བྱའོ༔ གཏོར་ཚོགས་བཞི་སྟེ་གསུང་རབ་བཀླག༔ ཅེས་པས༔ བླ་མས་དབང་བསྐུར་བར་ཞལ་གྱིས་བཞེས་ནས༔ ཌཱཀྐི་ལ་མཆོད་པ་བཤམ༔ ཚོགས་གཏོར་ཆེན་པོ་ལན་བདུན་བཏང་༔ དེས་བར་ཆད་སེལ་ལོ༔ དེ་ནས་དགེ་སློང་བཞི་སྡེ་བྱ༔ སྔགས་དང་ཕ་རོལ་ཏུ་ཕྱིན་པ་ལ་ཐུན་བཟུང་༔ འབྱུང་པོ་ལ་གཏོར་མ་རྒྱ་ཆེན་པོ་བཏང་ངོ་༔ དེས་སྔོན་འགྲོའི་བར་ཆད་ཐམས་ཅད་སེལ་ལོ༔ རིན་ཆེན་སྨན་འབྲུའི་མཎྜལ་དབུལ༔ ཅེས་པས༔ དེ་ནས་བླ་མ་ལ་གསེར་གྱི་མཎྜལ་ལན་བདུན་འབུལ་«གཞི་སྙིང་པོའི་དོན་རྟོགས་པའི་དགོས་པ་ཡོད«་«༔ དེ་ནས«་«རིན་པོ་ཆེའི་མཎྜལ་ལན་བདུན་འབུལ་«སྐུ་ལྔ་ཡེ་ཤེས་ལྔ་རྟོགས་པའི་དགོས་པ་ཡོད«༔ «་«དེ་ནས་སྨན་གྱི་མཎྜལ་ལན་བདུན་འབུལ་«ཉོན་མོངས་པ་དུག་ལྔ་དང་བྲལ་བའི་དགོས་པ་ཡོད«༔ དེ་ནས་འབྲུའི་མཎྜལ«་«ལན་བདུན་འབུལ་«དབུལ་ཞིང་ཕོངས་པ་དང་བྲལ་བའི་དགོས་པ་ཡོད«༔ དེ་ནས་དབང་ཞུ་བའི་གསོལ་འདེབས་ལན་གསུམ་བྱའོ༔ སྨིན་གྲོལ་དོན་གྱི་ཞུ་བ་དབུལ༔ ཅེས་པས༔ ཀྱཻ་བླ་མ་རྗེ་བཙུན་པ་རྣམས་ཀྱིས་བདག་སྨིན་པར་མཛད་དུ་གསོལ༔ རིག་པ་རྩལ་གྱི་དབང་བཀའ་རབ་འབྱམས་བསྐུར་དུ་གསོལ༔ བདག་གྲོལ་བར་མཛད་དུ་གསོལ༔ མཆོག་ཐུན་མོང་གི་དངོས་གྲུབ་ཐམས་ཅད་སྩལ་དུ་གསོལ༔ ཅེས་པས་གསོལ་བ་དྲག་ཏུ་གདབ་བོ༔ དེ་ནས་རྩལ་དབང་སེམས་ལ་བསྐུར༔ ཅེས་པས༔ བླ་མས་སློབ་བུ་ལ་བོགས་འབྱིན་དབང་གི་ཡན་ལག་རིག་པའི་རྩལ་དབང་སེམས་ལ་བསྐུར་ཏེ༔ རིག་པའི་རྩལ་དབང་སློབ་དཔོན་གང་གིས་བསྐུར་ན༔ སློབ་དཔོན་སངས་རྒྱས་ཀྱི་ཆ་ལ་གཏོགས༔ སློབ་མ་སེམས་ཅན་གྱི་ཆ་ལ་གཏོགས་ཏེ༔ སེམས་རྟོགས་པས་ན་སངས་རྒྱས་ཏེ་ཞེས་པས༔ སངས་རྒྱས་ཐམས་ཅད་ཀྱང་རང་བྱུང་གི་རིག་པ་རང་ཤར་དུ་རྟོགས་པས་སངས་རྒྱས༔ སེམས་ཅན་ཡང་རང་བྱུང་གི་རིག་པ་རང་ཤར་རང་གྲོལ་དུ་རྟོགས་ན་སངས་རྒྱ༔ ཞེས་ཏེ༔ རང་གི་རིག་པ་ངོ་བོ་ཀ་ནས་དག་པ༔ རང་བཞིན་སྣ་ཚོགས་སུ་གསལ་བ༔ ཐུགས་རྗེ་མ་འགགས་ཕྱོགས་རིས་མེད་པ༔ རང་བྱུང་གི་ཡེ་ཤེས་རང་རིག་རང་གསལ་རང་ངོ་ཤེས་ཙ་ན༔ བདེ་སྡུག་གི་རྟོག་པ་མ་འགགས་པའི་སྣང་བ་སྣ་ཚོགས་སུ་སྣང་ཡང་རྩ་བ་ཁོ་ལས་བྱུང་༔ ཆུ་ནང་གི་འཁྱགས་པའམ༔ བར་སྣང་གི་ན་བུན་བཞིན་དུ་ཐམས་ཅད་ཁོ་རང་ལས་བྱུང་བས༔ གྲོལ་ཡང་ཁོ་རང་གི་ངང་དུ་རང་གྲོལ་བའོ༔ གང་ཤར་རིག་པའི་རྩལ་དུ་གྲོལ༔ ཅེས་པ་ནི༔ གོང་ལྟར་རྩ་བ་ཐག་ཆོད་པའི་དུས་སུ༔ སྣང་སྲིད་གཡོ་འགུལ་འཁོར་འདས་ཀྱི་ཆོས་ཐམས་ཅད་རང་གི་རིག་པའི་རྩལ་དུ་ངོ་ཤེས༔ རང་རིག་པས་རང་ལ་དབང་ཐོབ་ཙ་ན་ཐམས་ཅད་རང་གི་དབང་དུ་མ་གྱུར་བ་མེད་དེ༔ རང་རིག་རང་ཤར་རང་གྲོལ་དུ་སོང་བའི་དུས་སུ༔ སངས་རྒྱས་ལ་རེ་བ་མེད་དེ་རིག་པ་རང་སངས་རྒྱས༔ ཡེ་ནས་གནས་པའི་དོན་རང་གིས་ངོ་ཤེས་ཐག་ཆོད༔ མ་ཁྱབ་པ་མེད་དེ་མཐའ་རྒྱས༔ འཁོར་བ་ལ་དོགས་པ་མེད་དེ་རིག་པ་རང་དག༔ འཁོར་འདས་རིག་པའི་རྩལ་དུ་གྲོལ༔ བཟང་ངན་གྱི་རྟོག་ཚོགས་ཐམས་ཅད་རིག་པའི་རྩལ་དུ་དག་ཅིང་རང་གྲོལ་བ་དེ་ཉིད་ནང་རྟོགས་ན་ནང་སངས་རྒྱས༔ ནུབ་རྟོགས་ན་ནུབ་སངས་རྒྱས་ཏེ༔ གང་ཤར་ཐམས་ཅད་རྩ་བ་རིག་པའི་ཀློང་དུ་རང་གྲོལ་བའོ༔ རང་རིག་དབང་ཐོབ་རེ་དོགས་བྲལ༔ ཅེས་པ་ནི༔ གང་གིས་དེ་ལྟར་དུ་རྟོགས་ཤིང་ཁོང་དུ་ཆུད་ན་རིག་པ་རྩལ་གྱི་དབང་རང་གི་རིག་པ་ལ་རང་གིས་ཐོབ་པ་ཡིན་ཏེ༔ དེ་ཙ་ན་ཅི་སྣང་ཅི་སྲིད་ཅི་དྲན་ཐམས་ཅད་རང་གི་རིག་པའི་རྩལ་དུ་ཤར་བས༔ དགག་སྒྲུབ་རེ་དོགས་ཀྱི་མཐལ་ལས་གྲོལ་བའོ༔ སྣང་སྲིད་རང་གི་རྩལ་དུ་གྲོལ༔ ཅེས་པ་ནི་གོང་ལྟར་རེ་དོགས་བྲལ་བའི་ཚེ༔ སྣང་ཞིང་སྲིད་པའི་ཆོས་ཐམས་ཅད་རང་གི་རིག་པའི་རྩལ་དུ་མ་གྲོལ་པ་སྤུ་ཙམ་ཡང་མེད་པའོ༔ ཏི་ལ་མངོན་སུམ་རྩལ་དབང་ཐོབ༔ ཅེས་པ་ནི༔ དོན་ཐིག་ལེ་ཉག་གཅིག་རིག་པའི་ངོ་བོ་ཡེ་ཤེས་ཀྱི་རང་མདངས་ཞལ་ཕྱེ་ལ་བསྟན་ནོ༔ དེས་ནི་རྩལ་གྱི་ཡང་དག་རིག་པའི་དོན་ནོ༔ དབང་གི་དབང་མཆོག་ཐོབ་པ་ཡིན་ནོ༔ ངང་དྭངས་རང་བཞིན་བདག་ཉིད་ཆེ༔ ཞེས་པ་ནི༔ གང་གིས་དབང་དེ་ཐོབ་ཙ་ན༔ ངང་ནས་རང་རིག་པའི་ངང་དུ་ཆོས་ཀུན་འདུས་པ་ངོ་བོ་ཉིད་ལ་དབང་བསྒྱུར་བ་རང་བཞིན་རིག་པའི་རང་མདངས་ཐམས་ཅད་རང་རིག་ཡིན༔ བདག་ཉིད་ཆེན་པོ་ནི་རང་ལས་གཞན་པའམ་བདག་ཏུ་མ་འདུས་པ་སྤུ་ཙམ་ཡང་མི་འདུག་པས་རང་རིག་པའི་སངས་རྒྱས་ཀུན་ཏུ་བཟང་པོ་ཡིན་པས་ན༔ དབང་ཆེན་རབ་འབྱམས་རིག་པའི་རྩལ་དབང་ཐོབ་པའོ༔ རིག་པའི་རྩལ་དབང་མ་ཐོབ་ན༔ འདུས་བྱས་ཆོ་གས་གྲོལ་མི་སྲིད༔ ཅེས་པ་ནི༔ དེ་ལྟར་རིག་པའི་རྩལ་དབང་སེམས་ཀྱིས་མ་ཐོབ་ན་གང་ཟག་དེ་ལ་རྡུལ་ཚོན་རིན་པོ་ཆེ་སྣ་ལྔའི་དཀྱིལ་འཁོར་མང་པོ་བསྟན༔ བུམ་ཁྲུས་ཀྱིས་ཤ་ལ་བསྐུར༔ ཅོད་པན་གྱིས་འཐིབས་སུ་བཅུག༔ ཚོགས་འཁོར་གྱི་འདམ་དུ་བཅུག་ཀྱང་༔ རིག་པ་རྩལ་གྱི་དབང་མ་ཐོབ་ན་སངས་རྒྱས་པ་ལ་རྟ་རྔའི་འདྲེས་གང་གིས་ཀྱང་ཉེར་མ་སོང་སྟེ༔ ཀློང་གསལ་ལས༔ རབ་འབྱམས་རིག་པའི་དབང་མེད་ན༔ འདུས་བྱས་དབང་གིས་སྨིན་མི་སྲིད༔ ཅེས་སོ༔ རང་རྒྱུད་མ་སྨིན་གཞན་མི་གྲོལ༔ ཅེས་པ་ནི༔ རང་གི་རིག་པའི་རྩལ་དབང་མ་ཐོབ་པར་གཞན་ལ་དབང་བསྐུར་ཡང་གྲོལ་མི་ནུས་ཏེ༔ རྒྱུད་ལས༔ བདག་མ་སྨིན་པར་གཞན་མི་གྲོལ༔ ཅེས་སོ༔ བོགས་རྣམས་དབང་གིས་འབྱིན་པར་བྱེད༔ ཅེས་པ་ནི་དེ་ལྟར་རིག་པའི་རྩལ་དབང་ཐོབ་ན་མ་རིག་པའི་སྒྲིབ་པ་ཐམས་ཅད་དབང་གིས་དག་ཅིང་བོགས་འབྱིན་པར་བྱེད་དོ༔ རྗེས་ནི་དབང་རྫོགས་པ་དང་༔ བླ་མ་བཞེད་པ་མེད་ཀྱང་བདག་རྣམ་པར་དག་པར་བྱ་བའི་ཕྱིར་དབང་ཡོན་འབུལ་དགོས་ཏེ༔ རིན་ཆེན་བུ་ཆུང་ནོར་གྱི་དབྱིག༔ རབ་ཏུ་གཅེས་དང་ཡིད་འཐད་འབུལ༔ ཅེས་པས་རིན་པོ་ཆེ་གསེར་ལ་སོགས་པ་ཕྱག་ཏུ འབུལ་ལ»ོ«་«ལོངས་སྤྱོད་ཕུན་སུམ་ཚོགས་པ་འབྱུང་བའི་རྟེན་འབྲེལ་ཡོད«༔ གཅེས་འཛིན་བློས་བཏང་བའི་ཕྱིར༔ རང་གི་བུ་«འབུལ་«སངས་རྒྱས་ཀྱི་རིགས་འཛིན»༔««འགྲོ་བའི་དོན་ལྷུན་གྱིས་གྲུབ་པར་བྱ་བའི་ཕྱིར༔ གཞན་གྱི་«མི་མཆོག་འབུལ་ན་དོན་མཆོག་འགྲུབ་«བུ་ལྡན་དབུལ༔ ཆགས་སྲེད་འཛིན་པ་དག་པའི་ཕྱིར༔ རང་གི་ཆུང«་«མ་འབུལ་«ཆོས་ཉིད་བདེ་བ་ཆེན་པོའི་དངོས་གྲུབ་འབྱུང«༔ འགྲོ་བའི་ཚོགས་གཉིས་རྫོགས་པར་བྱ་བའི་ཕྱིར་གཞན་གྱི་ཆུང་མ་དང་༔ བུ་མོ་ཡིད་འཐད་གསེར«་«གཡུས་བརྒྱན་པ་«རིགས་གཙང་མ་དག་པས་ཏེ་ཆོས་ཉིད་བདེ་བ་ཆེན་པོ་འགྲུབ་པའི་དགོས་པ་ཡོད«༔ དར་ཟབ་ཀྱིས་སྤྲས་པ༔ བླ་མའི་ལས་རྒྱ་ལ་འབུལ༔ ནོར་གྱི་དབྱིག་ནི་གཞན་དོན་མཐའ་དག་བསྒྲུབ་པའི་ཕྱིར༔ ནོར་སྣ་བསམ་གྱིས་མི་ཁྱབ་པ་བརྒྱ་འབུལ༔ «བསྡུ་བ་བཞིའི་རྟེན་འབྲེལ་ལ་མཁས་པར་འགྱུར་རོ་«སྟོང་འབུལ་བྱའོ༔ རབ་ཏུ་གཅེས་དང་ཞེས་པ་ནི༔ དེ་མ་ཡིན་པའི་རང་གི་གྲོགས་འཁོར་ཡུལ་ནོར་ལ་སོགས་པ་ཡིད་ལ་འཐད་པ་ཐམས་ཅད་ནོར་གྱིས་བསླུས་ཏེ་བླ་མ་ལ་འབུལ་ལོ༔ དེ་ཡང་ལུང་ལས༔ དེ་ལྟར་དུས་ཚོད་མཉམ་པས་འགྲུབ༔ ཅེས་པས་དབང་ཚང་བ་དང་ཡོན་དབུལ་བ་དུས་མཉམ་བྱའོ༔ རང་རིག་རྩལ་གྱི་དབང་ཐོབ་ཚེ༔ ཆོས་རྣམས་སེམས་ལ་རྫོགས་ཕྱིར་གྲོལ༔ རབ་འབྱམས་བཀའ་ཡི་དབང་རྣམས་ཐོབ༔ ཅེས་པ་ནི༔ སྣོད་ལྡན་དེ་ཉིད་རིག་པའི་རྩལ་དབང་ཐོབ་པས་དབང་ཐམས་ཅད་ཐོབ་པ་ཡིན་པས་བསྔགས་པ་བརྗོད་པར་བྱའོ༔ སྨིན་གྲོལ་གྱི་རྩལ་དབང་དེ་ལྟར་བསྐུར་བར་བྱའོ༔ འབྲས་བུ་ཡོངས་རྫོགས་བཏགས་གྲོལ་ཐུགས་ཀྱི་སྙིང་པོ་འདི་ལ་དབང་ཐམས་ཅད་ཀྱི་རྩ་བ་རང་རིག་པའི་རྩལ་དབང་དུ་ངོ་སྤྲོད་པ་རིག་པའི་སྒྲོན་མེ་འདི༔ ཤེས་རབ་བློ་ལྡན་སྙིང་རྗེ་ཅན་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ཨྠིྀ༔ »༄༅། །བཏགས་གྲོལ་བཅངས་ཐབས་ཀྱི་ཏི་ཀ་བཞུགས་སོ༔ « » EMBED Photoshop.Image.7 \s « འབྲས་བུ་ཡོངས་རྫོགས་ཆེ་ལ་ཕྱག་འཚལ་ལོ༔ རང་བྱུང་གི་རྒྱུད་བཅངས་པས་ཆོག་པར་བསྟན་པ་འདིའི་ལག་ལེན་བསྟན་པ་ནི༔ ཡིད་བཞིན་ནོར་བུའི་རྒྱུད་དྲུག་རྣམས༔ བསྟན་པ་གང་ལ་བབས་པ་ཡི༔ རིན་ཆེན་བཞུ་བའི་ཁུ་བ་ཡིས༔ གླེགས་བམ་སོར་བརྒྱད་ལེགས་བྲིས་ལ༔ ཞེས་པ་ནི༔ ནོར་བུ་ལྟ་བུའི་རྒྱུད་དྲུག་པོ་འདི་སྟོན་པ་གང་གི་གཙོ་བོའི་མདོག་ལྟར་རིན་པོ་ཆེ་ལེགས་པར་བཞུ་བའི་ཁུ་བས་གླེགས་བམ་སོར་བརྒྱད་པ་དེ་ཉིད་ཀྱི་ཁ་ལེན་པའི་མདོག་ལ་ཡི་གེ་རྣམས་འབྲུ་དང་༔ གྲྭ་ཟུར་མ་ཉམས་པར་དག་པར་བྲིས་ཏེ་ཤིན་ཏུ་ལེགས་པར་བྱའོ༔ རབ་གནས་སྣ་ཚོགས་དར་གྱིས་གྲིལ༔ ཞེས་པ་ནི༔ གླེགས་བམ་རྣམས་ཞལ་ཕྱེ་ལ་མེ་ལོང་ལ་སྐུ་ཁྲུས་གསོལ༔ རབ་ཏུ་གནས་པ་གཞན་དང་མཐུན་པར་བྱའོ༔ སྤོས་ཀྱིས་བདུག་གོ༔ དེ་ནས་དར་ཟབ་སྣ་ཚོགས་པས་ལེགས་པར་གྲིལ་ལ་ལེགས་པར་བཅིངས་ཏེ་མཎྜལ་ཁར་བཞག་ཚོགས་གཏོར་བྱ༔ ཞེས་པ་ནི༔ གླེགས་བམ་གྲིལ་བ་དེ་རིན་པོ་ཆེའི་མཎྜལ་གྱི་ཁར་བཞག་ལ་ཚོགས་ཀྱི་འཁོར་ལོ་རྒྱ་ཆེན་པོ་བསྐོར༔ གཏོར་མ་རྒྱ་ཆེན་པོ་ཕུལ་ལ་གསོལ་བ་གདབ་བོ༔ རིན་ཆེན་འབྲུ་སྨན་མཎྜལ་དབུལ༔ ཅེས་པ་ནི་རིན་པོ་ཆེ་སྣ་ལྔའི་མཎྜལ་དང་༔ གསེར་གྱི་མཎྜལ་དང་༔ སྨན་དང་འབྲུའི་མཎྜལ་ཅི་འབྱོར་དུ་འབུལ་ལོ༔ དབང་བསྐུར་རྒྱུད་བཀླག་བུ་ལ་གདགས༔ ཞེས་པས༔ བླ་མས་ཀྱང་༔ གླེགས་བམ་དེ་ཉིད་ཐོགས་ཏེ༔ རྩལ་དབང་བསྐུར་ཞིང་རྒྱུད་ལན་གསུམ་བརྗོད་དོ༔ སློབ་བུ་དེའི་སྤྱི་བོའམ༔ སྙིང་ཁའམ༔ མཆན་ཁུང་དུ་གདགས་སོ༔ དེ་ཉིད་བཅངས་པས་སངས་རྒྱའོ༔ ཞེས་པ་ནི་དེ་བཅངས་པའི་ཡོན་ཏན་འོག་ཏུ་ཤེས་པར་བྱའོ༔ སྣོད་རྒྱས་གདབ་པ་ཡང་རྒྱུད་དུ་བསྟན་པའོ༔ རྒྱུད་བཅངས་པའི་ལག་ལེན་བསྟན་པ༔ ལས་ཅན་ཅིག་དང་འཕྲད་པར་ཤོག༔ ས་མ་ཡ༔» EMBED Photoshop.Image.7 \s «རྒྱ་རྒྱ་རྒྱ༔ ཨྠིྀ༔ »༄༅། །གཞན་དོན་ཏི་ཀ་བཞུགས་སོ༔« » EMBED Photoshop.Image.7 \s « ཀུན་ཁྱབ་ཐུགས་རྗེའི་ངང་ལ་ཕྱག་འཚལ་ལོ༔ འགྲོ་བ་སེམས་ཅན་གྱི་དོན་རྒྱ་ཆེན་པོ་བྱ་བར་འདོད་པས་ནི༔ གཞན་གྱི་དོན་ཆེན་བྱ་བའི་ཕྱིར༔ མཚན་མ་བྱུང་བའི་དུས་དག་ཏུ༔ ཞེས་པས༔ སེམས་ཅན་གྱི་དོན་བྱ་བ་ནི༔ ནམ་མཁའ་ལ་འཇའ་འམ༔ འོད་དམ༔ འབྲུག་གམ༔ ས་གཡོས་པའམ༔ སད་སེར་རམ༔ ཁྱད་པར་དུ་ཉི་ཟླ་གཟས་ཟིན་པའི་ཚེ་ནའོ༔ རང་ཉིད་ཀུན་བཟང་རིགས་ལྔར་བསྒོམ༔ ཕྱོགས་དང་བསྟུན་ནས་རང་གི་ལྕེ༔ རྡོ་རྗེ་དང་ནི་རིན་ཆེན་དང་༔ པད་མ་དང་ནི་རལ་གྲི་དང་༔ འཁོར་ལོ་བསྒོམ་སྟེ་རྒྱུད་འདི་བརྗོད༔ ཅེས་པས་གོང་གི་མཚན་མ་དེ་དག་དབུས་སུ་བྱུང་བའི་དུས་སུ་མཚན་མ་དེ་དང་རང་གཉིས་ཀུན་བཟང་ཡབ་ཡུམ་དུ་བསྒོམ་སྟེ༔ ཁ་སྟེང་དུ་བལྟས་ལ་རང་གི་ལྕེ་འཁོར་ལོ་རབ་ཏུ་འབར་བར་བསམ་སྟེ་རྒྱུད་ཚར་གཅིག་བསྒྲག་གོ༔ མཚན་མ་དེ་དག་འགྲོ་བ་གང་གིས་མཐོང་བ་དང་༔ ཐོས་པ་དང་༔ རེག་པ་ཐམས་ཅད་མྱུར་དུ་མངོན་པར་རྫོགས་པར་སྤྲུལ་པའི་སྐུ་ཐོབ་པར་འགྱུར་རོ༔ ཡང་གོང་གི་«འཇའ་འོད་ལ་སོགས་པའི་«མཚན་མ་དེ་དག་«ཤར་ལྷོ་ནུབ་བྱང་ལ་སོགས་«ཕྱོགས་གང་དུ་བྱུང་བའི་ཚེ༔ དེ་དག་གི་ལྷར«་རིགས་ལྔ་ཡབ་ཡུམ་«བསྒོམས་ལ་དེའི«་གང་བྱུང་བ་དེར་««ཕྱོགས་སུ་ཁ་བལྟས་ལ་རང་གི་ལྕེ་རྡོ་རྗེ་རིན་ཆེན་པདྨ་རལ་གྲིར་«གང་ཡིན་དུ་«བསྒོམས་ལ་རྒྱུད་ཚར་གཅིག་གསུང་བསྒྲག་གོ༔ ཡོན་ཏན་ནི་གོང་བཞིན་ནོ༔ ཡང་རྒྱུད་འདི་དག་རྫས་གང་རུང་ལ་བྲིས་ནས་འབབ་ཆུ་འམ༔ རླུང་ཆེན་པོ་རྒྱུ་བའི་རྩེ་ལ་བཙུག་ན་ཡང་གོང་བཞིན་འབྱུང་ངོ་༔ འདི་ཉིད་མ་གསང་འབྲས་མི་འབྱུང་༔ ཞེས་པ་ནི༔ རྒྱུད་འདི་གར་བྱུང་བྱུང་དུ་སྨྲས་ན་རང་གི་འབྲས་བུ་རྒྱབ་ཀྱིས་ཕྱོགས་པར་འགྱུར་རོ༔ རང་གི་གདུལ་བྱ་ནི་མ་གཏོགས་ཀྱིས་རྒྱུད་འདི་གསང་ནས་བཅངས་པ་ཙམ་གྱིས་འཆི་ཁའི་བར་དོའི་སྡུག་བསྔལ་ལས་གྲོལ་ནས་རང་བྱུང་གི་དོན་རྟོགས་པས༔ སངས་རྒྱས་སྤྲུལ་པའི་སྐུ་ཐོབ་པར་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ དགེའོ༔ »༄༅། །རྟགས་བསྟན་ཏི་ཀ་བཞུགས་སོ༔

EMBED Photoshop.Image.7 \s «རྒྱུད་འདི་བརྟགས་ཤིང་བཅངས་པས༔ གྲོལ་བའི་རྟགས་བསྟན་པ་ནི༔ ཨེ་མ་འདི་འཆང་བཏགས་གྲོལ་སྐྱེས་བུ་ནི༔ དུས་གསུམ་རྒྱལ་བའི་མཆོད་རྟེན་ཡིན༔ ཅེས་པས༔ རྒྱུད་འདི་རྟོགས་ཤིང་བཅངས་པའི་སྐྱེས་བུ་ནི༔ སངས་རྒྱས་ཐམས་ཅད་ཀྱི་གདུང་འཛིན་སྲས་གཅིག་ཡིན་ཏེ༔ དེ་ཉིད་འདས་ཚེ་གདུང་བཞུ་བས༔ ཞེས་པ་ནི༔ དེ་ལྟ་བུའི་རྒྱུད་འཛིན་དེ་གཤེགས་པའི་ཚེ་མཆོད་པ་རྒྱ་ཆེན་པོ་བཤམས་ལ་དབུལ༔ དབེན་པའི་གནས་སུ་པུར་ཁང་ལེགས་པའི་ནང་དུ༔ འོག་ཏུ་སླ་ང་བཤམས་དེའི་སྟེང་དུ་པུར་བཞུགས་ལ་ཙན་དན་དང་རྒྱ་ཤུགས་ལེགས་པར་གཅེར་ལ༔ འབྲུ་མར་གྱིས་བླུགས་ཤིང་བླ་མ་དང་མཆེད་གྲོགས་དམ་ཚིག་གི་སེལ་མེད་པས་གཞུང་དང་མཐུན་པར་པུར་བཞུ༔ དེ་ལ་རྟགས་ནི༔ འཇའ་འོད་ཟེར་དང་དུད་པའི་རྟགས༔ ཞེས་པས༔ པུར་ཁང་གི་དབུས་མཐོངས་སུ་འཇའ་འཁྱིལ་བ་དང་༔ དུད་པ་སྔོན་པོ་གྱེན་ལ་འགྲེང་བ་» «དང་༔ གཡས་སུ་འཁྱིལ་བ་དང་༔ མེ་འོད་དཀར་ལགས་གསལ་བ་དང་༔ གཡོ་འགུལ་མེད་ཅིང་མེ་ལྕེའི་རིགས་བུདྡྷའི་ཕྱག་འཚན་དུ་འབྱུང་བའོ༔ དུད་པ་ཡལ་བའི་དུས་སུ་བརྟག་པར་བྱ་སྟེ༔ གདུང་རིགས་ལྔ་འམ་གཅིག་འབྱུང་ངེས༔ ཞེས་པས༔ གང་ཟག་གི་རིགས་ཀྱིས་གདུང་རིགས་རྣམ་པ་ལྔ་འབྱུང་བའམ༔ གང་རུང་གཅིག་འབྱུང་ངེས་ཏེ༔ རྣལ་འབྱོར་ཕྱིར་མི་ལྡོག་པའི་རྟགས༔ རྡོ་རྗེ་རིན་ཆེན་པད་མའི་གདུང་༔ ལས་དང་དེ་བཞིན་གཤེགས་པའི་གདུང་༔ ཞེས་པས༔ བཏགས་གྲོལ་བཅངས་པའི་སྐྱེས་བུ་དེ༔ ཕྱིར་མི་ལྡོག་པའི་ས་ནོན་པའི་རྟགས་སུ་རྡོ་རྗེའི་གདུང་དང་༔ རིན་པོ་ཆེའི་གདུང་དང་༔ པད་མའི་གདུང་དང་༔ ལས་ཀྱི་གདུང་དང་༔ དེ་བཞིན་གཤེགས་པའི་གདུང་དང་ལྔའོ༔ ཤ་ཁྲག་ལུས་དང་ཡན་ལག་དང་༔ འབྱུང་འདུས་ལྔ་ལ་རྟེན་དུ་འབྱུང་༔ ཤ་རཱི་རམ་དང་ཆུ་རཱི་རམ༔ བ་རཱི་རམ་དང་ཉ་རཱི་རམ༔ པཉྩ་རམ་དང་ལྔ་ལྡན་གདུང་༔ རིགས་ལྔའི་གདུང་སྟེ་སྐུ་ཡང་འབྱུང་༔ དེ་རྣམས་སྐུ་ཐོབ་རྟགས་ཡིན་ནོ༔ ཞེས་པས༔ ཤའི་རྟེན་དུ་གདུང་ཤ་རཱི་རམ་འབྱོན་ཏེ༔ ཡང་དག་པའི་རྟེན་དུ་བཞག་པའོ༔ ཁྲག་གི་རྟེན་དུ་ཆུ་རཱི་རམ༔ འབྱོན་ཏེ་སྲ་ཞིང་མཁྲེགས་པ་རྡོ་རྗེའི་གདུང་དུ་བཞག་པའོ༔ རུས་པའི་རྟེན་དུ་བ་རཱི་རམ་འབྱོན་ཏེ་རྒྱལ་ཚབ་ཉིད་ཀྱི་རྟེན་དུ་བཞག་པའོ༔ ཡན་ལག་གི་རྟེན་དུ་ཉ་རཱི་རམ་འབྱོན་ཏེ་ཤིན་ཏུ་སྲ་ཞིང་མཁྲེགས་པ་ལས་ཀྱི་གདུང་དུ་བཞག་པའོ༔ འབྱུང་བ་ལྔའི་དངས་མ་ལས་པཉྩ་རམ་འབྱོན་ཏེ༔ ཁ་དོག་ལྔ་ལྡན་དེ་བཞིན་གཤེགས་པའི་གདུང་དུ་བཞག་པའོ༔ ཞི་བ་དང་ཁྲོ་བོའི་སྐུ་གང་བྱུང་ཡང་དེ་ཡན་ཆད་སྐུ་ཐོབ་པའི་རྟགས་བསྟན་པའོ༔ གསུང་ཐོབ་པའི་རྟགས་ནི༔ གསུང་ཐོབ་རྟགས་སུ་མེ་འོད་སྒྲ༔ ཞེས་པས་མེ་འོད་ནི༔ འོད་ཁྱིམ་དང་༔ གྱེན«་ཞག་ལྔ་ན་«བུདྡྷ་«ཐོབ་«འགྲེང་དུ་སྤྲས་པ་ལྟ་བུ་འབྱུང་ངོ་༔ སྒྲ་ཡང་«ཞག་བདུན་ན་བུདྡྷ་ཐོབ་«འུར་བ་དང་༔ ཐུག་པ་འབྱུང་ངོ་༔ དེ་ལྟར་བྱུང་ན་གསུང་ཐོབ་པའི་རྟགས་སོ༔ གསུང་ཐོབ་པའི་རྟགས་ནི༔ འཇའ་ཚོན་ནམ་མཁའ་དངས་གསལ་བ༔ ངེས་པར་ཐུགས་ཐོབ་རྟགས་ཡིན་ནོ༔ ཞེས་པ་ནི༔ སེམས་ཅན་ཀུན་གྱི་སྙིང་གི་ནང་ན༔ མཐིང་ཀ་དང་༔ དཀར་པོ༔ སེར་པོ༔ དམར་དང་ལྗང་བའི་མདངས་ཐུགས་ཀྱི་རྟགས་སུ་བཞག་པའོ༔ ནམ་མཁའ་དངས་ཤིང་གསལ་བ་དང་༔ འཇའ་ཚོན་སྣ་ལྔ་ཤར་བ་ནི་ཐུགས་ཐོབ་པའི་རྟགས་སོ༔ གདུང་འབྱུང་བའི་གནས་ནི༔ གདུང་རིགས་ལྔ་ནི་འདི་ལས་འབྱུང་༔ མགོ་དང་ཁྲག་དང་སྒལ་ཚིགས་དང་༔ རྐང་དང་སྙིང་ལས་འབྱུང་བ་ཡིན༔ ཅེས་པས༔ གདུང་ཤ་རཱི་རམ་མགོ་ལས་འབྱུང་༔ ཆུ་རཱི་རམ་ཁྲག་ལས་འབྱུང་༔ བ་རཱི་རམ་སྒལ་ཚིགས་ལས་འབྱུང་༔ ཉ་རཱི་རམ་ཡན་ལག་གི་རྐང་ལས་འབྱུང་ངོ་༔ པཉྩ་རམ་སྙིང་ལས་འབྱུང་༔ གདུང་དེ་རྣམས་ཀྱིས་འབྲས་བུ་གར་ཐོབ་ན༔ རྟགས་ལ་འབྲས་བུ་འདི་བཞིན་འབྱུང་༔ ཤ་རཱི་ཆུ་རཱི་བ་རཱི་ཡིས༔ སྐྱེ་མེད་ཡོན་ཏན་ལོངས་སྐུ་ཐོབ༔ ཉ་རཱི་པཉྩ་རམ་གྱིས་སུ༔ སྤྲུལ་སྐུ་སྐུ་ལྔ་ངེས་པར་ཐོབ༔ ཅེས་པས༔ གདུང་ཤ་རཱི་རམ་གྱིས་སྐྱེ་མེད་ཐོབ༔ ཆུ་རཱི་རམ་གྱིས་ཡོན་ཏན་འཕེལ༔ བ་རཱི་རམ་གྱིས་ལོངས་སྐུ་ཐོབ༔ ཉ་རཱི་རམ་གྱིས་སྤྲུལ་སྐུ་ཐོབ༔ པཉྩ་རམ་གྱིས་སྐུ་ལྔ་ཐོབ་པའོ༔ སངས་རྒྱས་སྐུ་ལྔ་ཡེ་ཤེས་ལྔ༔ རྒྱུད་འདི་བཏགས་གྲོལ་བཅངས་པས་འབྱུང་༔ གདུང་ཚད་ངེས་པ་མེད་པར་གསུངས༔ ཞེས་པས༔ ཡོན་ཏན་དེ་རྣམས་རྒྱུད་འདི་རྟོགས་པ་ལ་བཅངས་པས་འབྱུང་ངོ་༔ གདུང་རིགས་མང་ཡང་གཅིག་ལས་མ་བྱུང་ཡང་ཡོན་ཏན་གོང་ལྟར་ཐོབ་བོ༔ མང་ཉུང་ལ་ངེས་པ་མེད་དོ༔ འབྲས་བུ་ཡོངས་རྫོགས་བཏགས་གྲོལ་རྒྱུད་ཀྱི་སྙིང་པོའི་བཅངས་ཐབས་དང་༔ གཞན་དོན་དང་རྟགས་བསྟན་དང་༔ འབྲས་བུའི་ཐོབ་ཚུལ་བསྟན་པའོ༔ ལས་ཅན་ཅིག་དང་འཕྲད་པར་ཤོག༔ » EMBED Photoshop.Image.7 \s « རྒྱ་རྒྱ་རྒྱ༔ »ཡོན་ཏན་འབྱུང་ཚུལ་གྱི་ཏི་ཀའོ༔ « » EMBED Photoshop.Image.7 \s «འཕྲད་ཆོག་དོན་གྱི་རྒྱལ་པོ་ལ་ཕྱག་འཚལ་ལོ༔ རྒྱུད་འདི་གནས་ལུགས་མ་རྟོགས་ཀྱང་༔ འབྲས་བུའི་རྒྱུད་འདི་ཉིད་བཅངས་པ་ཙམ་གྱིས་ཀྱང་༔ སངས་རྒྱ་བས་ཁྱད་པར་འཕགས་ཏེ༔ རྒྱུད་ལས༔ ཨེ་མ་འདི་ནི་ཁྱད་པར་འཕགས༔ ཀུན་གྱི་སྤྱོད་ཡུལ་མ་ཡིན་ཏེ༔ དབང་པོ་རྣམ་ལྔ་འོན་གྱུར་ཅིང་༔ རྒན་གཞོན་ཕོ་མོ་དགེ་སྡིག་མེད༔ བག་ཆགས་བཟང་ངན་མེད་པ་རུ༔ འདི་ཉིད་བཅངས་པས་བུདྡྷ»་«འོ༔ ཐ་མ་དབུགས་ལ་སླེབ་ཀྱང་གྲོལ༔ སངས་རྒྱས་གདུང་འཛིན་སྲས་གཅིག་ཡིན༔ ཅེས་པས་ཆོས་འདི་ལྟ་བུ་ནི་ཁྱད་པར་ལྔས་འཕགས་ཏེ༔ གང་རུང་རུང་གི་སྤྱོད་ཡུལ་མ་ཡིན་ནོ༔ འཛམ་བུ་གླིང་ལས་གཞན་ན་མེད་པར་ཡིད་ཆེས་སོ༔ རྒྱུད་འདི་བཏགས་པས་ཆོག་སྟེ་ཡི་གེ་ལྟ་མི་དགོས་པའི་ཕྱིར་རོ༔ མིག་ལོང་ཡང་ཏོ་བ་མེད་དོ༔ བྱ་བ་ཚིག་རྒྱུད་གཞན་ཐམས་ཅད་དཔེ་ཆ་ལ་ལྟོས་པས་མིག་མེད་ན་ཚིག་དོན་མི་ཁྲོལ་བས་དོན་མེད་དེ༔ རྒྱུད་བཏགས་ཆོག་ཁྱད་པར་འཕགས་སོ༔ འདི་ལ་རྣ་བ་འོན་ཀྱང་ལྟོ་བ་མེད་དེ་ཐོས་པ་ལ་བརྟེན་མི་དགོས་པའི་ཕྱིར་རོ༔ རྒྱུད་གཞན་ཐོས་པ་ལ་མ་བརྟེན་པར་གྲོལ་བར་མི་ནུས་ཏེ་རྒྱུད་བཏགས་ཆོག་འདི་ཁྱད་པར་འཕགས་སོ༔ རྒྱུད་འདི་བྱ་ཆ་ལ་མི་ལྟོས་པའི་ཆོས་ཡིན་ཏེ༔ ལུས་ཞ་གྲུམ་མཛེས་ཁྱེར་ཡང་མི་ཏོ༔ རྒྱུད་གཞན་ལུས་ངག་གི་བྱ་བ་དང་བཟླས་བརྗོད་ལ་མ་བརྟེན་ན་དོན་མེད་དེ་རྒྱུད་བཏགས་ཆོག་ཁྱད་པར་དུ་འཕགས་སོ༔ རྒྱུད་འདི་བག་ཆགས་ལ་བཟང་ངན་མེད༔ སྲབ་འཐུག་མེད་པའི་ཆོས་ཡིན་ཏེ༔ རྒྱུད་གཞན་མ་བསྒོམས་ན་དོན་མེད་པ་མང་སྟེ་རྒྱུད་འདི་བསྒོམ་མི་དགོས་ཏེ༔ རྒྱུད་བཏགས་ཆོག་ཁྱད་པར་འཕགས་སོ༔ རྒྱུད་འདི་ལ་ན་སོ་ལ་རྒན་གཞོན་མེད་པའི་ཆོས་ཡིན་ཏེ༔ རྒྱུད་གཞན་ནི་གཞོན་དུས་སུ་རྩ་རླུང་སོ་མ་ལ་བྱེད་དགོས་པ་མིང་སྟེ་འདི་དབུགས་ལ་སླེབ་པས་ཆོག་པས་རྒྱུད་བཏགས་ཆོག་ཁྱད་པར་འཕགས་སོ༔ ལས་དགེ་སྡིག་རྣམ་སྨིན་གྱིས་མ་གོས་པའི་ཆོས་རྒྱུད་འདི་ཡིན་ཏེ༔ རྒྱུད་གཞན་དགེ་སྡིག་སྤང་བླང་མ་བྱས་ན་འབྲས་བུ་མི་ཐོབ་སྟེ༔ དེ་སྔར་མཚམས་མེད་ལྔ་སྤྱད་ཀྱང་༔ རྒྱུད་འདི་དང་འཕྲད་ནས་ངན་སོང་ལས་ཐར་བར་འགྱུར་ཏེ༔ རྒྱུད་བཏགས་གྲོལ་ཁྱད་པར་འཕགས་སོ༔ རྒྱུད་འདི་འགྲོ་བ་གང་གི་དབུགས་ལ་སླེབས་པ་ཙམ་གྱིས་ཆོག་གོ༔ རྒྱུད་འདི་འགྲོ་བ་གང་གི་ལུས་ལ་བཅངས་པ་དེ་ནི་སངས་རྒྱས་ཀྱི་གདུང་འཛིན་པས་སངས་རྒྱས་སྲས་གཅིག་ཅེས་བྱའོ༔ རྒྱུད་བཅངས་པ་ཙམ་གྱིས་ཡོན་ཏན་འབྱུང་ཚུལ་བསྟན་པའོ༔ ལས་ཅན་ཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔» «ཨྠིྀ༔ » EMBED Photoshop.Image.7 \s « » ༈ ཆེ་བ་བསྟན་པའི་ཏི་ཀའོ༔ EMBED Photoshop.Image.7 \s «ཇི་ལྟར་བརྒྱུད་པ་དང་ཆེ་བ་བསྟན་པ་ནི༔ སྟོན་པ་ཀུན་བཟང་ཡབ་ཡུམ་གྱིས༔ ཉིད་ལས་མི་གཞན་སེམས་དཔའི་སྣོད༔ ཅེས་པ་ནི༔ ཆོས་ཀྱི་སྐུ་ལས་ལོངས་སྐུའི་ཐུགས་སུ་རང་བྱུང་རང་ཤར་དུ་བརྒྱུད་པའོ༔ རྡོ་རྗེ་སེམས་དཔའི་བྱིན་རླབས་ཀྱིས༔ རང་བྱུང་དགའ་རབ་ཐུགས་ལ་ཤར༔ ཞེས་པ་ནི༔ ལོངས་སྐུའི་བྱིན་རླབས་ཀྱི་ཐུགས་བརྒྱུད་སྤྲུལ་སྐུ་དགའ་རབ་རྡོ་རྗེའི་ཐུགས་སུ་རང་བྱུང་རང་ཤར་དུ་བརྒྱུད༔ སྤྲུལ་སྐུས་རང་བྱུང་གི་རྒྱུད་འདི་ཆེ་བ་བདུན་དང་བཅས་ནས་ཤྲཱི་སིང་ཧ་ལ་གཏད་ཚུལ་ནི༔ སིང་ཧ་ལ་ནི་རྒྱུད་གཏད་པ༔ ཀྱེ་ཀྱེ་ཛོ་ཀི་ཤྲཱི་སིང་༔ སྣང་སྲིད་འཁོར་འདས་ཐམས་ཅད་ལ༔ ས་བོན་འདི་ཉིད་མ་རྟོགས་པར༔ ཞེས་པ་ནི༔ དོན་གྱི་རྒྱུད་ཀྱི་མན་ངག་ཆེན་པོ་འདི༔ མ་རྟོགས་པའི་ཆོས་ནི་གཅིག་ཀྱང་མེད་ཀྱིས་ཐམས་ཅད་ཀྱི་ས་བོན་རང་བྱུང་ཆེན་པོ་འདི་ཉིད་མ་རྟོགས་ན་དོན་མེད་དོ༔ བསྟན་པའི་གསུང་ནི་ཚིག་ཙམ་ཡང་༔ ལྕེ་ཡི་དབང་པོས་བརྗོད་མི་ནུས༔ ཞེས་པས༔ རང་རིག་ཡེ་ཤེས་མ་རྟོགས་པར༔ ཡང་དག་པའི་དོན་མི་འབྱུང་ངེས་སོ༔ བྱིན་གྱིས་བརླབས་པའི་རྒྱུད་ཚིག་འདི༔ གང་ལ་སྣང་བའི་མི་དེས་ཀྱང་༔ ཞེས་པས༔ སྐུ་གསུམ་རིམ་པར་བརྒྱུད་པའི་རང་བྱུང་གི་རྒྱུད་ཚིག་གཅིག་པོ་འདི༔ དོན་རང་བྱུང་གི་ཡེ་ཤེས་རང་གི་རྒྱུད་ལ་གནས་ཤིང་རིག་པ་འདིས༔ རྒྱུད་ཐམས་ཅད་ཀྱི་དོན་བརྗོད་པར་ནུས་ཏེ༔ མ་མཐོང་རྒྱུད་དང་བསྟན་བཅོས་རྣམས༔ ལྕེ་ཡི་དབང་པོས་བརྗོད་པར་ནུས༔ ཞེས་པས་རང་བྱུང་གི་རྒྱུད་ཚིག་གཅིག་པོ་འདི་རྟོགས་པའི་དུས་ན༔ སྔར་མ་མཐོང་བའི་ཆོས་ཐམས་ཅད་ཀྱི་དོན་ཁྲོལ་ནས་བརྗོད་པར་ནུས་པའོ༔ རྒྱུད་འདི་མ་རྟོགས་དགེ་བ་བཅུ༔ སྤྱད་ཀྱང་འཁོར་བ་ལས་མི་གྲོལ༔ ཅེས་པས༔ རྒྱུད་རང་བྱུང་གི་ཡེ་ཤེས་འདི་མ་རྟོགས་ན༔ རྒྱུ་འབྲས་ཀྱི་མཐོ་རིས་ལས་ཆོས་སྐུ་མི་ཐོབ་བོ༔ དེ་སྔར་མཚམས་མེད་ལྔ་སྤྱད་ཀྱང་༔ འདི་འཕྲད་ངན་སོང་ལྟུང་མི་སྲིད༔ ཅེས་པས་རིག་པ་རང་བྱུང་གི་ཡེ་ཤེས་འདི་རྟོགས་པའི་དུས་ན༔ ལས་དང་རྣམ་སྨིན་གྱིས་མི་གོས་ཏེ༔ དཔེ་ནམ་མཁའ་ལ་ཆུ་མི་ཆགས་པ་དང་འདྲ༔ འཁོར་འདས་ཆོས་སྐུར་གྲོལ་བ་ལ༔ ངན་སོང་དུ་འགྲོ་བའི་མཁན་པོ་མེད་པའོ༔ འདི་རིག་གཡོ་མེད་སྐྱེས་བུ་དེ༔ སྒོ་མ་མི་དགོས་ཏེ་མཐོང་གྲོལ་འགྱུར༔ ཅེས་པས༔ མཁན་པོ་དང་བྲལ་བའི་རིག་པ་རང་བྱུང་གི་ཡེ་ཤེས་རྟོགས་པའི་དུས་སུ༔ བསྒོམ་བྱ་དང་སྒོམ་བྱེད་གཉིས་སུ་མེད་དེ་དམིགས་གཏད་ཀྱི་འཛིན་པ་རང་གྲོལ་བའོ༔ ཕ་རོལ་ཕྱིན་བཅུ་སྙིང་པོའི་རྒྱུད༔ ཡང་དག་རྒྱུད་འདི་མ་རྟོགས་ན༔ བསྐལ་བར་ཉན་བསམས་བསྒོམས་བསྒྲུབས་ཀྱང་༔ དུས་གསུམ་ཀུན་ཏུ་སངས་མི་རྒྱ༔ ཞེས་པས༔ ཆོས་ཐམས་ཅད་ཀྱི་ཕ་རོལ་ཏུ་ཕྱིན་པ་ཡང་དག་པའི་ཡེ་ཤེས་བུདྡྷའི་ཐུགས་རྒྱུད༔ རང་བྱུང་པ་འདི་མ་རྟོགས་ན༔ བྱ་བའི་ཚིག་རྒྱུད་སྤྲོས་པའི་མཐའ་ལ་རྩོལ་སྒྲུབ་བྱས་ཀྱང་ནེ་ཚོ་དང་འདྲ་སྟེ༔ འདས་མ་འོངས་ད་ལྟར་དུས་གསུམ་དུ་ཡང་སངས་མི་རྒྱའོ༔ དུས་གསུམ་སངས་རྒྱས་ཐམས་ཅད་ཀྱང་༔ འདི་ལ་བཏགས་གྲོལ་སངས་རྒྱས་ཏེ༔ སྐུ་ལྔ་འགྲོ་དོན་ལྷུན་གྱིས་གྲུབ༔ ཅེས་པ་ནི་འདས་མ་འོངས་ད་ལྟར་དུས་གསུམ་གྱི་སངས་རྒྱས་ཐམས་ཅད་ཀྱང་༔ རང་རིག་སེམས་ཀྱི་རྒྱུད་ལ་ཐབས་ཀྱིས་བཏགས་ཤིང་ཤེས་རབ་ཏུ་གྲོལ་བས་མ་བསྒྲུབས་རྩོལ་མེད་དུ་གྲོལ་བས་སངས་རྒྱས་ཤིང་འབྲས་བུ་ཐོབ་པའོ༔ རང་རིག་རྣམ་དག་ས་གཅིག་ལ༔ ཐེག་པ་ཀུན་འདུས་ས་ལམ་རྫོགས༔ ཞེས་པ་དང་༔ བླ་མེད་དོན་རྟོགས་ཐེག་པ་འདི་ནང་དུ༔ རྣམ་པར་ཐར་པའི་ཐེག་པ་ཐམས་ཅད་འདུས༔ ཞེས་པ་དང་༔ དག་པའི་ས་ལམ་ས་ཀུན་བསྒྲོད༔ ཅེས་པའོ༔ སྤྲུལ་སྐུས་དེ་སྐད་བཀའ་སྩལ་པས༔ སིང་ཧ་རང་རིག་གཟུང་འཛིན་གྲོལ༔ རང་བྱུང་དོན་ལ་ཡི་རངས་ཏེ༔ ཨ་ཏི་འབྲས་བུའི་རྒྱུད་འདི་བཟུང་༔ ཨ་ཏི་རང་ཤུགས་ཚིག་ཏུ་བྱོན༔ འབྲས་བུ་ཡོངས་རྫོགས་བཏགས་གྲོལ་རྒྱུད༔ ཨོ་རྒྱན་པདྨ་ཉིད་ལ་གཏད༔ ལྔ་ལྡན་བུ་ལ་འདི་སྟོན་ཅིག༔» «ཅེས་པ་ནི་དགའ་རབ་ཀྱིས་སིང་ཧ་ལ་རྒྱུད་ཀྱི་ཆེ་བ་བདུན་བརྗོད་པས་རང་བྱུང་གི་དོན་ལ་ཡི་རངས་ཏེ༔ འབྲས་བུ་རང་བྱུང་གི་རྒྱུད་འདི༔ སིང་ཧས་ཨོ་རྒྱན་དང་»༔« ལས་འཕྲོ་ཅན་གྱི་ཐུགས་སུ་བརྒྱུད་དོ»༔« སྣོད་རྒྱས་གདབ་པ་ནི༔ རྒྱུད་ན་གསལ་ལོ»༔« བཏགས་གྲོལ་རྒྱུད་དྲུག་སྐོར་མ་ལུས་པའི་ཐེམ་བྱང་དང་བཅས་པ་ཤེས་རབ་བློ་ལྡན་སྙིང་རྗེ་ཅན་དང་འཕྲད་པར་ཤོག༔ ཕྲན་དྲུག་ཏི་ཀ་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ དགེའོ༔ བཀྲ་ཤིས་སོ༔ »༔«མེས་པོའི་ཤུལ་བཞག་ལས། ཀློང་ཆེན་རབ་འབྱམས་ཀྱི་གསུང་འབུམ། ༼༦༽བཏགས་གྲོལ་ཕྲན་དྲུག་གི་ཏི་ཀ

»- PAGE 82 -- PAGE 83 -

- PAGE 69 -