Klong chen rab byams gsung 'bum/volume 005 108

From Rangjung Yeshe Wiki Texts
Jump to navigationJump to search


༄༅། །ཌཱཀྐིའི་གཏོར་མའི་རིམ་པ་བཞུགས་སོ༔

« དེ་ནས་གཏོར་མ་བཏང་ཞིང་བཤམ་པ་ནི༔ ཐོད་པའམ་རཏྣའི་སྣོད་དུ་དབུས་སུ་ཆེ་བ་གཅིག་ལ་ཐ་མ་པད་མ་བརྒྱད་ཀྱིས་བསྐོར་བ་བྱའོ༔ ཤ་མར༔ ཁུར་བ༔ འབྲུ༔ སྒ»ོ«ག་ཙ»ོ«ང་༔ ཆང་དང་ཟས་ཀྱི་རྣམ་པ་ཅི་འབྱོར་པས་བརྒྱན་ཅིང་བཤམ་མོ༔ དེ་ནས་ཤ་ལྔ་བདུད་རྩི་ལྔར་བྱིན་གྱིས་བརླབ་པ་གཞན་དང་མཐུན༔ སྟོང་གསུམ་གང་བར་སྤྲུལ་ལ་དབུལ་བ་ནི༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཌཱཀྐི་ནི་སིདྡྷི་ཧཱུྃ༔ ཧྲཱི་མ་ཧ་རི་ནི་ས་ར་ཙ་ཧྲཱི་ཡ་ཁ་ཁ་ཁཱ་ཧི་ཁཱ་ཧི༔ བུདྡྷ་ཌཱཀྐི་ནི་ཁཱ་ཧི༔ བཛྲ་ཌཱཀྐི་ནི་ཁཱ་ཧི༔ རཏྣ་ཌཱཀྐི་ནི་ཁཱ་ཧི༔ པདྨ་ཌཱཀྐི་ནི་ཁཱ་ཧི༔ ཀརྨ་ཌཱཀྐི་ནི་ཁཱ་ཧི༔ ས་མ་ཡ་ཌཱཀྐི་ཁཱ་ཧི༔ བྷི་ཤ་ཌཱཀྐི་ནི་ཁཱ་ཧི༔ སརྦ་ལོ་ཀ་ཌཱཀྐི་ནི་ཁཱ་ཧི༔ ཨོཾ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཞེས་འབུལ་ལོ༔ དེ་ནས་གྱེར་སྒོམ་དུ་གསལ་གདབ་པའི་ཕྱིར༔ དབྱངས་དང་ལྡན་པས་ཐོད་རྔ་དཀྲོལ་ཞིང་འདི་སྐད་དོ༔ ཧཱུྃ་མ་སྐྱེས་རྣམ་དག་ཆོས་ཀྱི་དབྱིངས་ཉིད་ལས༔ སྐྱེ་བའི་རྫུ་འཕྲུལ་འབར་བའི་སྐུར་སྟོན་པ༔ འགྲོ་དོན་མཛད་པའི་ཡེ་ཤེས་མཁའ་འགྲོ་མ༔ ཆགས་ཚུལ་འགྲོ་དོན་སྐུ་མདོག་དམར་མོར་བསྟན༔ གཅེར་བུ་ལོངས་སྤྱོད་རྫོགས་པའི་སྐུ་མངའ་མ༔ དུག་གསུམ་འཇོམས་མཛད་ཕག་མོའི་སྐུར་བསྟན་མ༔ སྣ་ཚོགས་སྤྲུལ་པས་འགྲོ་བའི་དོན་མཛད་མ༔ ཕྱག་གཡས་གྲི་གུག་དུག་ལྔ་གཅོད་ཅིང་གཏུབ༔ ཕྱག་གཡོན་ཐོད་ཁྲག་སྐྱེ་མེད་དབྱིངས་སུ་རོལ༔ རྩེ་གསུམ་མཆན་ཁུངས་བཟུང་ནས་དུག་གསུམ་སྒྲོལ༔ དབུ་སྐྲ་གྱེན་མཐུར་འཕྱང་བས་སྤྲུལ་པ་སྣ་ཚོགས་འགྱེད༔ རུས་རྒྱན་མེ་ལོང་རྒྱན་ཆས་མཁའ་འགྲོ་དབང་དུ་སྡུད༔ ཡེ་ཤེས་མེ་ཡིས་མི་ཤེས་མུན་པ་འཇོམས༔ གཡས་བསྐུམ་གཡོན་བརྐྱང་ཐབས་དང་ཤེས་རབ་དང་༔ མ་རིག་མུན་སེལ་ཉི་ཟླའི་གདན་སྟེངས་སུ༔ རྣམ་རྟོག་འཇོམས་པས་མི་རོའི་གདན་ལ་བཞུགས༔ མཐོང་དང་དྲན་པ་ཙམ་གྱིས་ཡེ་ཤེས་སྐྱེ༔ ཡོན་ཏན་བྱེ་བས་བརྒྱན་པའི་སྐུ་མངའ་མ༔ ཡེ་ཤེས་ཌཱཀྐི་མ་ལ་ཕྱག་འཚལ་ལོ༔ བདེ་གཤེགས་རིགས་ཀྱི་ཌཱཀྐི་ནི༔ ནམ་མཁའ་ལྟ་བུར་འདུས་མ་བྱས༔ སྐྱེ་བ་མེད་པའི་སྐུ་ལ་བསྟོད༔ རྡོ་རྗེ་རིགས་ཀྱི་ཌཱཀྐི་ནི༔ སྐྱེ་ཤི་མེད་དེ་རྡོ་རྗེའི་སྐུ༔ འགྱུར་བ་མེད་པའི་སྐུ་ལ་བསྟོད༔ རིན་ཆེན་རིགས་ཀྱི་ཌཱཀྐི་ནི༔ མི་ཟད་པ་ཡི་གཏེར་དང་ལྡན༔ ཡིད་བཞིན་ནོར་འདྲའི་སྐུ་ལ་བསྟོད༔ པདྨ་རིགས་ཀྱི་ཌཱཀྐི་ནི༔ ཆགས་པ་ལ་སོགས་སྐྱོན་དང་བྲལ༔ དྲི་མེད་ཡེ་ཤེས་སྐུ་ལ་བསྟོད༔ ལས་ཀྱི་རིགས་ཀྱི་ཌཱཀྐི་ནི༔ ཕྲིན་ལས་རྣམ་བཞི་ལྷུན་གྱིས་གྲུབ༔ བདག་གཞན་དོན་རྫོགས་སྐུ་ལ་བསྟོད༔ དམ་ཚིག་རིགས་ཀྱི་ཌཱཀྐི་ནི༔ ཡེ་བསྲུངས་ཆེན་པོའི་ངོ་བོ་སྟེ༔ སྐྱོན་མེད་རྣམ་དག་སྐུ་ལ་བསྟོད༔ འཇིག་རྟེན་རིགས་ཀྱི་ཌཱཀྐི་ནི༔ ཆོས་མཛད་བསྟན་པ་སྲུང་མཛད་མ༔ ཐོགས་མེད་རྫུ་འཕྲུལ་སྐུ་ལ་བསྟོད༔ ཐམས་ཅད་མ་ལུས་ཌཱཀྐི་ནི༔ གང་འཚམས་ཕྲིན་ལས་སྒྲུབ་མཛད་མ༔ ཕྱོགས་མེད་ཡོན་ཏན་སྐུ་ལ་བསྟོད༔ ཤ་ཟ་རིགས་ཀྱི་ཌཱཀྐི་ནི༔ མི་བསྲུན་དྲག་མོའི་ཆ་བྱད་ཅན༔ དམ་ཉམས་སྲོག་གཅོད་སྐུ་ལ་བསྟོད༔ བདག་གི་ལུས་ངག་ཡིད་གསུམ་བྱིན་གྱིས་རློབས༔ མཆོག་དང་ཐུན་མོངས་དངོས་གྲུབ་ཞུ༔ རྐྱེན་ངན་བར་ཆོད་བཟློག་ཏུ་གསོལ༔ དགྲ་བགེགས་མ་ལུས་ཞི་བར་མཛོད༔ ཅེས་བསྐུལ་ཞིང་ཉམས་བསྐྱང་ངོ་༔ ཡི་གེ་བརྒྱ་པས་ལྷག་ཆད་ཁ་བསྐང་༔ དེ་ལྟར་བསྒྲུབ་ཅིང་མཆོད་ན༔ རབ་ཞགས་བདུན༔ འབྲིང་ཉེར་གཅིག༔ ཐ་མ་ཟླ་བ་གཅིག་ན་མཁའ་འགྲོའི་དངོས་གྲུབ་ཐོབ་ཅིང་ལུང་སྟོན་པར་འགྱུར་རོ༔ འདི་ལས་ཟབ་པའི་ཆོས་གཞན་ན་མེད༔ འདི་དང་སྙིང་ཐིག་གཉིས་སྦྲེལ་ན༔ གཡུ་ཡི་མཎྜལ་བཀོད་ལེགས་ལ༔ གསེར་གྱི་རྒྱན་གྱིས་སྤྲས་པ་འདྲ༔ བདག་གཞན་དོན་གཉིས་འགྲུབ་པ་སྟེ༔ འགྲོ་དོན་དཔག་མེད་འབྱུང་བའོ༔ ལན་ཅིག་དུས་ཀྱི་ཐ་མ་ལ༔ ཐུགས་ཀྱི་སྲས་དང་འཕྲད་པར་ཤོག༔ གཅིག་ལས་སྤེལ་ན་སྙིང་ཁྲག་དེ༔ ཐང་ལ་ཕོས་ཤིག་མཁའ་འགྲོའི་ཚོགས༔ ཌཱཀྐི་སྒྲུབ་སྐོར་གཏོར་མ་དང་བཅས་པ་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ » མེས་པོའི་ཤུལ་བཞག་ལས། ཀློང་ཆེན་རབ་འབྱམས་ཀྱི་གསུང་འབུམ། ༼༥༽ཌཱཀྐིའི་གཏོར་མའི་རིམ་པ།

- PAGE 194 -- PAGE 195 -- PAGE 193 -